الفصل العاشر

رواية ادمنتك عشقا الجزء العاشر 10 بقلم إيناس آدم ادمنتك عشقارواية ادمنتك عشقا الحلقة العاشرة ﻟﺸﺮﻗﻴﺘﻲ ﺍﻟﻤﺘﻤﺮﺩﺓ : … ﺭﻏﻢ ﺍﻟﺒﻌﺪ ﻭﻟﻮ ﻛﺎﻥ ﻣﺆﻟﻤﺎ … ﺳﺎﻣﻌﻚ ﺍﻧﺎ ﺑﺎﻟﻤﻨﺎﺳﺒﻪ …. ﻭﻝﻱ ﻛﻢ ﻳﻮﻡ ﺷﺎﻳﻒ ﺗﺼﺮﻓﺎﺗﻚ ﺩﻱ … ﺍﻓﻬﻢ ﺷﻨﻮ ﺣﺎﻟﻴﺎ … ﻗﺎﻟﺖ ﻟﻴﻬﻮ ﺑﻲ ﻣﻴﺎﻋﻪ … ﺍﻳﻬﻢ ﺍﻧﺖ ﻟﻲ ﺩﺍﻳﻤﺎ ﺫﺍﻟﻤﻨﻲ … ﻭﺩﺍﻳﻤﺎ ﺑﺘﺸﻚ ﻓﻴﻨﻲ ﻳﻌﻨﻲ ﺍﻧﺎ ﻋﻨﺪﻱ ﻓﺮﻧﺪﺯ ﻛﺘﻴﻴﻴﺮ ﻭﻫﻢ ﺑﻴﺤﺒﻮ ﻳﺘﺼﻠﻮ ﻳﻄﻤﻨﻮ ﻋﻠﻲ … ﺩﻱ ﻓﻴﻬﺎ ﺣﺎﺟﻪ 😔 ؟

ﺍﻳﻬﻢ ﺍﻧﻜﺴﺮ ﺗﺤﺖ ﻣﻴﺎﻋﻪ ﺯﻭﺟﺘﻮ … ﻛﺎﻟﻌﺎﺩﺓ … ﻗﺎﻟﻴﻬﺎ .. ﻳﺎﻫﺪﻳﻴﻞ ﻳﺎﻗﻠﺒﻲ ﻣﺎﺍﻧﺎ ﺑﻐﻴﺮ ﻋﻠﻴﻚ … ﻳﻌﻨﻲ ﻣﺎ ﺑﻘﺪﺭ ﺍﺷﻮﻓﻚ ﺑﺘﺘﻜﻠﻤﻲ ﻣﻊ ﺯﻭﻝ ﻏﻴﺮﻱ … ﻣﺶ ﻣﻦ ﺣﻘﻲ؟ ﻗﺎﻟﺖ ﻟﻴﻬﻮ ﺑﺲ ﻣﺎ ﺑﻘﺪﺭ ﺍﺗﺨﻼ ﻋﻨﻬﻢ ﻫﻢ ﻛﺎﻧﻮ ﻗﺒﻠﻚ ﺍﻧﺖ …. ﺑﻌﺪﻳﻦ ﺍﻧﺖ ﻣﺎ ﺗﻜﻮﻥ ﺷﻜﺎﺍﻙ ﻟﻠﺪﺭﺟﻪ ﺩﻱ … ﻣﺎﻣﻌﻘﻮﻝ ﻣﻌﺎﻙ … ﻳﻮﻡ ﺡ ﺗﻠﻘﺎﻧﻲ ﻣﺎﻓﻲ ﺑﺎﻻﺳﻠﻮﺏ ﺩﻩ …

ﻓﻲ ﺍﻟﻤﺴﺘﺸﻰ ﻛﻨﺎ ﻗﺎﻋﺪﻳﻦ ﻓﻲ ﺍﻟﻨﺠﻴﻠﻪ ﺍﻧﺎ ﻭﻣﺮﺍﻡ ﻭﺧﺎﻟﺪﻳﻦ …. ﺑﻨﺘﻦﺍﻗﺶ ﻓﻲ ﻣﻮﺿﻮﻋﻨﺎ ﺍﻟﻘﺒﻴﻞ …. ﻻﺣﻈﺖ ﻟﻠﺒﻮﺍﺏ ﺑﻴﻔﺘﺢ ﺍﻟﺒﻮﺍﺑﻪ ﻭﺟﺎ ﺑﺺ ﻛﺒﻴﺮ ﺩﺍﺧﻞ … ﻧﺰﻟﻮ ﻣﻨﻮ ﺍﻟﻤﺮﺿﻰ … ﻛﻠﻬﻢ ﺣﺎﻟﺘﻬﻢ ﻛﺎﻧﺖ ﺁﺳﻔﻪ …. ﻣﻤﺸﻨﻬﻢ ﻓﻲ ﺻﻒ … ﻗﺒﻞ ﺍﻻﺧﻴﺮ ﻛﺎﻥ ﻗﺼﻲ ﺑﻴﻌﺎﻳﻦ ﻟﻲ ﺍﻟﺼﻒ ﺍﻟﻘﺪﺍﻣﻮ ﻛﺎﻥ ﻓﻲ ﺣﺎﻟﺔ ﺻﻤﺖ …. ﺍﺗﺄﺛﺮﺕ ﺷﺪﻳﻴﻴﻴﺪ …. ﻣﺎ ﺷﺒﻬﻬﻢ ﺍﻟﺰﻭﻝ ﺩﻩ ﻃﺒﻴﻴﻌﻲ ﻭﺩﻱ ﺣﺎﻻﺕ ﻣﻔﺘﺮﺽ ﻳﺘﻌﺎﻟﺞ ﻣﻨﻬﺎ ﻭﻳﺮﺟﻊ ﻟﻲ ﺍﻫﻠﻮ …. ﺩﻳﻞ ﻛﻠﻬﻢ ﻓﻘﺪﻭ ﺍﻻﻫﻠﻴﻪ ﻟﻜﻦ … ﻟﻔﺘﺖ ﺧﺎﻟﺪﻳﻦ ﻭﻣﺮﺍﻡ ﻗﻠﺖ ﻟﻴﻬﻢ ﻫﺴﺎ ﻳﺎﺟﻤﺎﻋﻪ ﺍﻟﺰﻭﻝ ﺩﻩ ﺑﻴﺸﺒﻪ ﺍﻟﺒﺎﻗﻴﻴﻦ … ﺍﺻﻼ ﻣﺎ ﻣﺠﻨﻮﻥ … ﺧﺎﻟﺪﻳﻦ ﻗﺎﻟﻲ ﻇﺎﻫﺮ ﻭﻭﺍﺿﺢ ﺍﻧﻮ ﺍﻟﺰﻭﻝ ﺩﻩ ﻋﻨﺪﻭ ﺣﺎﻻﺕ ﺑﺲ ﺑﺘﻘﻮﻡ ﻟﻴﻬﻮ ﻭﻣﻔﺘﺮﺽ ﻳﺘﻌﺎﻟﺞ …. ﺑﺲ ﻳﺘﺮﻣﻲ ﺍﻟﺮﻣﻴﻪ ﺩﻱ ﻏﻠﻂ ﻭﺍﻟﻠﻪ …

ﻗﻤﺘﻪ ﻭﺑﻘﻴﺖ ﺍﻧﻔﺾ ﻓﻲ ﻣﻼﺑﺴﻲ … ﻗﺎﻟﻮ ﻟﻲ ﻭﻳﻦ … ﻗﻠﺖ ﻟﻴﻬﻢ ﻗﺮﻳﺐ ﻭﻃﻠﻌﺖ ﻟﻲ ﻏﺮﻓﻪ ﻗﺼﻲ …. ﻟﻘﻴﺘﻮ ﺭﺍﻗﺪ ﻓﻲ ﺳﺮﻳﺮﻭ ﻭﻧﺎﻳﻢ …. ﺷﻜﻠﻮ ﻣﺮﻫﻖ ﻣﻦ ﻣﺸﻮﺍﺭ ﺍﻟﻴﻮﻡ …. ﺧﺘﻴﺖ ﻟﻴﻬﻮ ﺷﻜﻮﻛﻼﺗﻪ ﺟﻤﺒﻮ ﻓﻲ ﺍﻟﻄﺮﺑﻴﺰﺓ ﻭﻃﻠﻌﺖ … ﻣﺸﻴﺖ ﻟﻲ ﺩﻛﺘﻮﺭ ﻋﺒﺪ ﻟﻠﻪ ﻓﻲ ﻣﻜﺘﺒﻮ .. ﺩﻗﻴﺖ ﺍﻟﺒﺎﺏ ﻗﺎﻟﻲ ﺍﺗﻔﻀﻞ .. ﺩﺧﻠﺖ … ﻗﻠﺖ ﻟﻴﻬﻮ ﺩﻛﺘﻮﺭ ﻋﺒﺪﻟﻠﻪ ﻣﻌﻠﻴﺶ ﻭﺟﻊ ﻭﺵ 😅… ﻗﺎﻟﻲ ﻭﻻ ﻳﻬﻤﻚ ﻳﺎﻫﻤﺲ ﺍﺗﻔﻀﻠﻲ … ﻗﻌﺪﺗﻪ … ﻗﺎﻟﻲ ﺗﺸﺮﺑﻲ ﺷﻨﻮ … ﻗﻠﺖ ﻟﻴﻬﻮ ﻭﻻ ﺷﻲ ﻗﺎﻟﻲ ﻃﻴﺐ ﺍﺣﻜﻲ ﻟﻴﻚ ﻋﻦ … ﻻﻧﻮ ﺣﺎﺳﻲ … ﻗﻠﺖ ﻟﻴﻬﻮ ﺷﻨﻮ .. ﺣﺎﺳﻲ ﺑﻲ ﺷﻨﻮ !

… ﻗﺎﻟﻲ … ﺍﻧﺎ ﻭﻗﺼﻲ ﺍﺻﺤﺎﺏ ﺍﺳﺎﺱ … ﻭﻫﻮ ﻭﺩﻋﻤﻲ ﻗﺮﻳﺐ ﻟﻲ ﺷﺪﻳﻴﺪ ﻭﻣﺎ ﺑﻨﻔﺘﺮﻕ ﻣﻦ ﻗﻤﻨﺎ ﺳﻮﺍ … ﺩﺧﻠﻨﺎ ﺍﻟﺜﺎﻧﻮﻱ … ﻭﻗﺮﻳﻨﺎ ﺍﻟﺠﺎﻣﻌﻪ ﺳﻮﺍ … ﺍﻧﺎ ﻗﺮﻳﺖ ﻋﻠﻢ ﻧﻔﺲ ﻭﻫﻮ ﻗﺮﺍ ﺍﺩﺍﺭﺓ … ﺑﺲ ﻓﻲ ﻧﻔﺲ ﺍﻟﺤﻮﺵ …. ﺍﺑﻮﻩ ﻭﺍﻣﻮ ﻧﺎﺱ ﻋﻮﺩ ﻓﻲ ﺍﻟﺤﻜﻮﻣﻪ ﻭﺍﺧﻮﻩ ﺍﻟﻜﺒﻴﺮ ﺩﻛﺘﻮﺭ ﻧﻔﺴﻲ … ﻋﻨﺪﻭ ﺍﺧﺖ ﺍﻛﺒﺮ ﻣﻨﻮ … ﻫﻮ ﺍﺻﻐﺮ ﺯﻭﻝ ﻓﻲ ﺍﻟﺒﻴﺖ .. ﺍﺑﻮﻩ ﺍﻟﻠﻲ ﻫﻮ ﻋﻤﻲ ﻣﺎ ﻛﺎﻥ ﻓﺎﺿﻲ ﻟﻲ ﺗﺮﺑﻴﺔ ﻋﻴﺎﻟﻮ ﻣﻦ ﺳﻔﺮ ﻟﻲ ﺷﻐﻞ ﻟﻲ ﻣﻨﺎﺳﺒﺎﺕ ﺭﺳﻤﻴﻪ ﻭﻛﺪﻩ … ﺍﻣﺎ ﺍﻣﻮ ﻛﺎﻧﺖ ﻫﻲ ﺍﻟﻤﻬﺘﻤﻪ ﺑﻴﻬﻢ ﻭﺩﺍﻳﺮﺓ ﺑﺎﻟﻬﺎ ﻋﻠﻴﻬﻢ … ﻣﺎﺍﺷﺪﻳﺪ ﻻﻧﻮ ﺑﺮﺿﻮ ﻋﻨﺪﻫﺎ ﺳﻔﺮﻳﺎﺕ ﺑﺮﺓ ﺍﻟﺒﻠﺪ ﻭﻣﺆﺗﻤﺮﺍﺕ ﻭﻛﺪﻩ … ﻋﺸﺎﻥ ﻛﺪﺓ ﺍﻟﻮﻗﺖ ﺍﻏﻠﺒﻮ ﺑﻴﻜﻮﻧﻮ ﻣﻌﺎﻧﺎ ….

ﻗﻠﺖ ﻟﻴﻬﻮ ﺍﺑﻮﻫﻢ ﻛﺎﻥ ﺑﻴﻌﺎﻣﻠﻬﻢ ﻛﻴﻒ؟ ﻗﺎﻟﻲ ﻣﺎﻋﻨﺪﻭ ﻟﻴﻬﻢ ﺷﻲ … ﻏﻴﺮ ﺍﻟﻘﺮﻭﺵ … ﻟﻜﻦ ﻣﺎﺣﺼﻞ ﻣﺮﺓ ﺷﻔﺘﻮ ﻗﺎﻋﺪ ﺑﻴﺘﻮﻧﺲ ﻣﻊ ﺍﻭﻻﺩﻭ ﺍﻭ ﺑﻴﻨﺼﺤﻬﻢ … ﻻﻻ ﺑﺲ ﺍﻱ ﺯﻭﻝ ﻋﺎﺯﻳﻬﻮ ﺑﻲ ﻋﺮﺑﻴﻪ ﻭﺣﺴﺎﺏ ﻓﻲ ﺍﻟﺒﻨﻚ … ﺩﻩ ﻛﻞ ﺍﻫﺘﻤﺎﻣﻮ ﺗﺠﺎﻩ ﺍﻭﻻﺩﻭ …. ﻭﻟﺪﻭ ﺍﻟﻜﺒﻴﺮ ﺍﻳﻬﻢ … ﻭﺍﻟﻠﻪ ﻣﺎ ﺑﻴﺘﺒﻠﻊ ﻧﻴﻬﺎﺋﻲ …. ﺯﻭﻝ ﻣﻔﺘﺮﻱ ﻭﻗﻠﻴﻞ ﺍﺩﺏ … ﻭﻳﺎﻫﺎﻣﺎﻥ ﺍﻧﺎ ﻓﺮﻋﻮﻥ … ﺷﺎﻳﻒ ﻧﻔﺴﻮ ﻉ ﺳﻤﺎﺣﺘﻮ ﻭﻗﺮﻭﺵ ﺍﺑﻮﻩ … ﻟﻜﻦ ﻣﺎﻋﻨﺪﻭ ﺣﺎﺟﻪ ﻧﺎﻓﻌﻪ .. ﻗﻠﺖ ﻟﻴﻬﻮ ﻭﻛﻴﻒ ﻫﻮ ﻃﺒﻴﺐ ﻧﻔﺴﻲ؟

😳.. ﻗﺎﻟﻲ ﺍﺷﺘﺮﻯ ﺍﻟﺸﻬﺎﺩﺓ ﺑﻲ ﻛﻞ ﺑﺴﺎﻃﻪ 😊… ﻭﺍﻳﻬﻢ ﻛﺎﻥ ﻣﺸﺎﺭﻙ ﻓﻲ ﺍﻟﺤﺎﻟﺔ ﺍﻟﻮﺻﻞ ﻟﻴﻬﺎ ﻗﺼﻲ … ﻗﻠﺖ ﻟﻴﻬﻮ ﻣﻌﻘﻮﻭﻝ 😳 ؟ ﻗﺎﻟﻲ ﺟﺎﻳﻴﻚ ﻓﻲ ﺍﻟﻜﻼﻡ …. ﺍﺧﺘﻮ ﻓﺮﺡ ﺑﺮﺿﻮ ﻉ ﻧﻔﺴﻬﺎ ﻋﻼﻗﺘﻬﺎ ﺑﻲ ﻋﻤﺎﺗﻬﺎ ﺍﻛﺘﺮ … ﺩﺧﻠﻮﻫﺎ ﻓﻲ ﻛﺎﺭﻳﺰﻣﺎ ﻣﺎﺣﻘﺘﻬﺎ …. ﺍﺗﺰﻭﺟﺖ ﻗﺒﻞ ﻓﺘﺮﺓ ﻭﺍﺗﻄﻠﻘﺖ ﺑﻌﺪ ﺳﻨﻪ ﻣﻦ ﺍﻟﻌﺮﺱ … …. ﻗﺼﻲ … ﻫﻮ ﺍﻟﻜﺎﻥ ﺑﻴﻜﺴﺮ ﺭﻭﺗﻴﻦ ﺍﻟﺒﻴﺖ ﺍﻟﻤﻤﻞ … ﺑﻴﺨﺎﻑ ﻉ ﺍﺧﻮﺍﻧﻮ ﻣﻊ ﺍﻧﻮ ﺍﻟﺼﻐﻴﺮ ﺑﻴﺴﺎﻝ ﺩﺍﻳﻤﺎ ﻋﻦ ﺍﺑﻮﻩ … ﻭﻫﻮ ﺍﻟﻘﺮﻳﺐ ﻟﻲ ﺍﻣﻮ … ﻳﻌﻨﻲ ﻓﻲ ﺍﻟﻌﻴﻠﺔ ﺩﻱ … ﺗﻄﻠﻌﻲ ﻗﺼﻲ ﻣﻨﻬﻢ ﺑﺲ

ﺍﻭﻝ ﻣﺎ ﺩﺧﻠﻨﺎ ﺍﻟﺠﺎﻣﻌﻪ … ﻗﺼﻲ ﺩﻩ ﺍﺗﺸﻬﺮ ﻋﺪﻳﻞ 😂 ﺍﻟﻮﻟﺪ ﺍﻟﻘﺮﺽ ﺍﻟﺸﺎﻃﺮ ﺍﻟﺴﺎﻳﻖ ﻋﺮﺑﻴﻪ .. ﻃﺒﻌﺎ ﺍﻟﺒﺮﺍﻟﻤﻪ ﻣﺎﻛﻠﻬﻢ ﺑﻴﻜﻮﻥ ﻋﻨﺪﻫﻢ ﺩﺍﺑﻪ ﻭﻛﺪﻩ 😂.. ﻗﻠﺖ ﻟﻴﻬﻮ ﻓﻌﻠﻼ ﺍﻧﺎ ﻟﻲ ﻫﺴﺎ ﺏ ﻟﻤﻮﺍﺻﻼﺍ 😂… ﻗﺎﻝﻱ ﺑﺎﻟﻈﺎﺍﺍﺑﻂ ﻛﺪﻩ …. ﻫﻮ ﻛﺎﻥ ﺯﻭﻝ ﺣﺒﻮﻭﺏ ﺷﺪﻳﻴﺪ ﻭﺍﺣﻼ ﻣﻦ ﻛﺪﺓ ﻛﺎﻥ ﺑﻴﻐﻨﻲ ﻋﻨﺪﻭ ﺻﻮﺕ ﻣﺎﺷﺎﺀﻟﻠﻪ ❤.. ﻛﻢ ﻣﺮﺓ ﻛﻠﻤﻨﺎﻫﻮ ﻳﺸﺎﺭﻙ ﻓﻲ ﺩﻭﺭﺓ ﺍﻭ ﻣﺴﺎﺑﻘﻪ ﺑﺲ ﺭﻓﺾ … ﻗﺎﻝ ﺍﻧﻮ ﺍﻟﻐﻨﺎ ﺩﺍ ﻫﻮﺍﻳﻪ ﺑﺲ ﻣﺎﻋﺎﻳﺰ ﻳﻨﺸﻬﺮ ﺑﻴﻬﻮ … ﻫﻮ ﻣﻦ ﻧﻮﻉ ﺍﻟﻨﺎﺱ ﺍﻟﺒﻴﺨﻠﻠﺺ ﻓﻲ ﺍﻟﻌﻼﻗﺎﺕ ﻟﻲ ﺍﺑﺒﻌﺪ ﺣﺪ .. ﻭﺩﻩ ﺍﻟﺴﺒﺐ ﺍﻟﺒﻴﺨﻠﻴﻪ ﻳﻨﺼﺪﻡ ﻓﻲ ﺍﻟﻨﺎﺱ …. ﻳﻌﻨﻲ ﻛﺎﻥ ﻣﺮﺓ ﺣﺐ ﻭﺣﺪﻩ ﻓﻲ ﺍﻟﺠﺎﻣﻌﻪ … ﺣﺒﺘﻮ ﻋﺸﺎﻥ ﻗﺮﻭﺷﻮ ﻭﻛﺪﻩ … ﻭﻧﺤﻦ ﻛﻠﻨﺎ ﻗﻠﻨﺎ ﻟﻴﻬﻮ ﺍﻟﺒﺖ ﺩﻱ ﻣﺎﺩﻳﻪ ﻳﺎﻣﺎﻥ ﺍﺧﻄﺎﻫﺎ … ﺭﻓﺾ ﻟﻐﺎﻳﻪ ﻣﺎ ﺯﻫﺠﺖ ﻣﻨﻮ ﻭﺧﻠﺘﻮ 💔… ﻗﻠﺖ ﻟﻴﻬﻮ ﻭﻛﺮﺍﻣﺘﻮ ﻭﻳﻦ؟

.. ﻗﺎﻟﻲ ﻳﻼ ﻓﻲ ﺍﻟﻜﺮﺍﻣﻪ ﻣﺎﻓﻲ ﺯﻭﻝ ﺑﻴﻔﻮﺗﻮ … ﻣﺎ ﺑﻴﻐﺼﺐ ﺯﻭﻝ ﻉ ﺣﺎﺟﻪ ﻣﺎﺩﺍﻳﺮﺓ ﻣﺎﺣﺼﻞ ﻣﺮﺓ ﻃﻠﺐ ﻣﻦ ﺯﻭﻝ ﻃﻠﺐ … ﻭﺷﺨﺼﻴﺘﻮ ﻗﻮﻳﻴﺔ ﻣﺎ ﺑﻴﻐﺮﻭﻩ ﺍﻟﺒﻨﺎﺕ ﻭﻻ ﺑﻴﻠﻔﺘﻮ ﻧﻈﺮﻭ ﻣﻊ ﺍﻧﻮ ﺍﻟﻤﺪﺭﺩﻗﻴﻴﻦ ﻛﺘﺎﺍﺭ 😂😂 ﻗﻠﺖ ﻟﻴﻬﻮ ﻭﺍﻧﺖ ﻣﻮﻗﻌﻚ ﻣﻦ ﺍﻻﻋﺮﺍﺏ ﺷﻨﻮ … ﻗﺎﻟﻲ ﺍﻧﺎ ﺍﺣﺴﺎﺱ ﺍﻟﻮﻟﺪ ﺍﺏ ﻧﻈﺎﺭﺍﺕ .. ﺯﻭﻝ ﺍﻟﻌﻠﻢ ﺍﻟﻤﺎﻋﻨﺪﻭ ﺷﻲ ﻟﻲ ﺯﻭﻝ ﺍﻟﻨﺎﺱ ﻛﺎﻧﺖ ﺑﺘﻌﺮﻓﻨﻲ ﻋﺸﺎﻥ ﻳﺼﻠﻮ ﻟﻲ ﻗﺼﻲ ﺑﺲ

ﻗﻠﺖ ﻟﻴﻬﻮ ﺷﻴﺦ ﺍﻟﻄﻠﺲ 😂😂👌… ﻗﺎﻟﻲ ﺑﺴﺴﺲ ﺷﻴﺦ ﺍﻟﻄﻠﺲ … ﻳﻼ ﻗﺼﻲ ﻛﺎﻥ ﺯﻱ ﻣﺎﻗﻠﺖ ﻟﻴﻴﻚ ﻓﺮﺩﺗﻲ ﺍﻟﺮﻭﻭﻭﺡ ﻳﻌﻨﻲ ﺍﻧﺎ ﻭﻫﻮ ﻟﻠﻤﻮﺕ … ﻋﺎﺭﻑ ﻛﻞ ﺍﺳﺮﺍﺭﻭ ﻭﺑﻴﺤﻜﻲ ﻟﻲ ﻋﻦ ﻛﻞ ﺷﻲ …. ﻭﺍﺟﻴﻚ ﺑﺎﻻﺧﺘﺼﺎﺭ ﻳﺎﻫﻤﺲ … ﺳﺒﺐ ﺣﺎﻟﺔ ﺻﺤﺒﻲ ﺩﻩ .. . ﻭﺣﺪﺓ ﺍﺳﻤﻬﺎ .. ﻣﺎﻋﺎﺭﻑ ﺩﻱ ﻃﻠﻌﺖ ﻟﻴﻨﺎ ﻣﻦ ﻳﺎﺗﻮ ﺟﻬﻨﻢ ﻟﻜﻦ ﺍﻟﺒﺖ ﺩﻱ ﻭﺯﻋﺖ ﺍﻟﻌﻴﻠﻪ ﻛﻠﻬﺎ … ﻟﻲ ﻋﻤﻲ ﻣﺎﺳﻠﻢ ﻣﻨﻬﺎ … ﻗﻠﺖ ﻟﻴﻬﻮ ﺍﻫﺎ 😳 ﻋﻤﻠﺖ ﺷﻨﻮ؟

ﻗﺎﻟﻲ ﻳﺎ ﺳﺘﻲ ﻫﺪﻳﻞ ﺩﻱ ﺍﻧﺎ ﻭﻗﺼﻲ ﺍﻳﺎﻡ ﻋﺮﺱ ﺍﺧﺘﻮ ﻓﺮﺡ ﻃﺒﻌﺎ ﺩﻋﻜﻮﻧﺎ ﺑﺎﻟﻤﺸﺎﻭﻳﺮ ﻭﻣﺸﻲ ﺍﻻﺳﻮﺍﻕ .. ﻻﻗﻴﻨﺎﻫﺎ ﻫﻨﺎﻙ … ﻭﺍﺗﻌﺮﻑ ﻋﻠﻴﻬﺎ ﻗﺼﻲ … ﻭﺍﻟﻐﺮﻳﺒﻪ ﻳﺎﻫﻤﺲ ﺩﻱ ﻛﺎﻧﺖ ﺍﻗﺼﺮ ﻋﻼﻗﻪ ﻳﺪﺧﻞ ﻓﻴﻬﺎ ﻗﺼﻲ … ﻗﻠﺖ ﻟﻴﻬﻮ ﻛﻴﻒ ﻳﻌﻨﻲ … ﻗﺎﻟﻲ ﻳﻌﻨﻲ ﻗﺼﻲ ﺑﻴﺪﺭﺱ ﺍﻟﺸﺨﺼﻴﻪ ﺑﺎﻻﻭﻝ …. ﻣﺎ ﺑﻴﺮﻃﺒﺖ ﺑﻲ ﺯﻭﻝ ﻣﺎ ﺑﻴﻌﺮﻓﻮ … ﻗﻠﺖ ﻟﻴﻬﻮ ﺍﻫﺎ ﻳﻌﻨﻲ ﺑﻴﺪﻱ ﺍﻟﺰﻭﻝ ﻓﺘﺮﺓ ﻳﺘﻌﺮﻑ ﻋﻠﻴﻪ ﻭﻛﺪﺓ … ﻗﺎﻟﻲ ﺑﺎﻟﻈﺒﻂ …. ﻳﻼ ﻓﻲ ﺍﻟﻔﺘﺮﺓ ﺩﻱ ﻗﺼﻲ ﺍﺗﻐﻴﻴﻴﺮ 360 ﺩﺭﺟﻪ …. ﺑﻘﻰ ﻫﻤﻮ ﻓﻲ ﺣﻴﺎﺗﻮ ﻳﺴﻌﺪ ﺍﻟﺒﺖ ﺩﻱ …. ﻭﺍﻟﻠﻪ ﻭﺍﻟﻠﻪ ﻣﺮﻩ ﻛﻨﺎ ﻏﻲ ﺷﺮﻕ

ﺍﻟﻨﻴﻞ … ﻭﻫﻲ ﻛﺎﻧﺖ ﻓﻲ ﺍﻟﻜﻼﻛﻠﻪ … ﺿﺮﺑﺖ ﻟﻴﻪ ﻗﺎﻟﺖ ﻟﻴﻬﻮ ﺗﺠﻴﻨﻲ ﻫﺴﺎ …. ﺩﻭﺭ ﻋﺮﺑﻴﺘﻮ ﻭﻓﺎﺕ … ﺯﻋﻠﻨﻲ ﻛﻴﻒ … ﻭﻣﺮﺓ ﻣﺼﺤﻴﺎﻫﻮ ﻣﻦ ﺍﻟﻨﻮﻡ ﺍﻟﺴﺎﻋﻪ 3 ﺻﺒﺎﺣﺎ …. ﺑﺘﺒﻜﻲ … ﺍﻟﺰﻭﻝ ﺍﺗﻬﻮﺭ ﻭﻣﺸﻰ ﻟﻴﻬﺎ …. ﻳﻌﻨﻲ ﺑﻴﺤﺒﻬﺎ ﻟﻲ ﺩﺭﺟﻪ ﻣﺎ ﻋﻨﺪﻫﺎ ﺣﺪ 👌..🌚 ﻗﻠﺖ ﻟﻴﻬﻮ ﻣﺒﺎﺍﻟﻐﻪ ﺑﺎﻟﺠﺪ 😢… ﻗﺎﻟﻲ ﻳﻼ ﻗﺼﻲ ﻋﺮﺽ ﻓﻜﺮﺓ ﺍﻧﻮ ﻳﺨﻄﺐ ﻋﻠﻰ ﺍﺑﻮﻩ …. ﻭﻭﺍﻓﻖ ﻭﺍﻱ ﺷﻲ … ﺑﺲ ﻗﺼﻲ ﻛﺎﻥ ﻋﻨﺪﻭ ﺷﺮﻁ … ﺍﻧﻮ ﺗﻜﺎﻟﻴﻒ ﻋﺮﺳﻮ ﻳﻘﻮﻡ ﺑﻴﻬﺎ ﻫﻮ ﺑﻲ ﻗﺮﻭﺷﻮ ﺍﻟﺠﺎﻳﺒﻬﺎ ﻣﻦ ﺗﻌﺒﻮﻭ .. ﺍﺑﻮﻩ ﺩﻗﺎ ﺟﺮﺱ … ﻉ ﺍﺳﺎﺱ ﺍﻧﻮ ﺗﻌﺒﻮ ﻭﺷﻘﺎﻩ ﻓﻲ ﺍﻟﺪﻧﻴﺎ ﻋﺸﺎﻧﻬﻢ

ﻭﺍﻧﻮ ﺍﻟﻔﺮﻭﺵ ﺩﻱ ﺣﻘﺘﻬﻢ …. ﺑﺮﺿﻮ ﺍﺑﺎ ﻗﺎﻟﻴﻬﻮ ﺍﻧﺎ ﺑﺸﺘﻐﻞ ﺑﺮﺍﻱ … ﻭﺑﺠﻴﺐ ﻗﺮﻭﺷﻲ ﺑﺮﺍﻱ … ﻓﻲ ﺍﻟﻔﺘﺮﺓ ﺩﻱ ﺳﺎﻓﺮ ﻗﻄﺮ … ﻭﺍﺷﺘﻐﻞ ﻓﻲ ﺷﺮﻛﻪ ﻭﺭﺍﺗﺒﻮ ﻛﺎﻥ ﻇﺮﻳﻒ …. ﺑﻴﺘﻮﺍﺻﻞ ﻣﻌﺎﻱ ﺩﺍﺍﻳﻤﺎ … ﻭﺑﺒﻴﺤﻚﻱ ﻟﻲ ﺑﻲ ﺍﻟﺘﻔﺎﺻﻴﻞ …. ﺗﺘﺦﻳﻠﻲ ﺍﻧﻮ ﻟﻤﻦ ﺟﺎ ﻋﻴﺪ ﻣﻴﻼﺩ ﻫﺪﻳﻞ ﻭﻫﻮ ﻧﺎﻓﻲ ﻛﻠﻔﻨﺎ ﺍﻧﺎ ﻭﻣﻬﺎ ﻧﻌﻤﻞ ﻟﻴﻬﺎ ﺣﻔﻠﻪ ﻟﻴﻬﺎ … ﻭﺭﺳﻞ ﻟﻴﻬﺎ ﻫﺪﺍﻳﺎ …. ﺷﻔﺘﻲ ﻟﻲ ﺍﻱ ﺩﺭﺟﻪ ﺑﻴﻌﺰﻫﺎ ﻭﺑﻴﺤﺘﺮﻣﻬﺎ؟

ﻗﻠﺖ ﻟﻴﻬﻮ ﻣﺎﺷﺎﺀﻟﻠﻪ ﻋﻠﻴﻪ ﺭﺍﺍﺟﻞ ﻭﺍﻟﻠﻪ 😍❤ ﻗﺎﻟﻲ ﻭﻓﻲ ﻳﻮﻭﻭﻣﻮ ﺍﻟﺠﺎ …. ﻣﺎﺍﺩﺗﻮ ﻓﺮﺻﻪ … ﻃﻮﺍﻟﻲ ﻗﺎﻟﺖ ﻟﻴﻬﻮ ﺗﺠﻴﻨﻲ … ﻋﻤﻞ ﻣﻄﻨﺶ ﻉ ﺍﺳﺎﺱ ﻳﻔﺎﺟﺌﻬﺎ ﺑﺎﻟﺨﻄﻮﺑﻪ … ﻭﻫﻲ ﻓﺎﺟﺄﺗﻮ ﺍﻧﻮ ﻫﻲ ﻣﺎﺩﺍﻳﺮﺍﻫﻮ …. ﻳﺎﺍﺥ ﻗﺼﻲ ﺍﺗﺼﺪﺩﺩﻡ ﺻﺪﺩﻣﻪ ﺑﺎﻟﺠﺪ ﻣﺎﻛﺎﻧﺖ ﻫﻴﻨﻪ 1 2الصفحة التالية مدونة كامومنذ 4 ساعات 0 7 دقائق