الفصل الخامس عشر

رواية ادمنتك عشقا الجزء الخامس عشر 15 بقلم إيناس آدم ادمنتك عشقارواية ادمنتك عشقا الحلقة الخامسة عشر ﺍﻷﻣﺮ ﻟﻴﺲ ﺑﻜﺜﺮﺓ ﺍﻟﻤﻮﺟﻮﺩﻳﻦ ﺣﻮﻟﻚ ﺇﻧﻤﺎ ﺑﻤﻦ ﻳﺄﺗﻴﻚ ﺩﻭﻥ ﺃﻥ ﺗﻨﺎﺩﻳﻪ، ﻭﻣﻦ ﻳُﺮﺑﺖ ﻋﻠﻰ ﻛﺘﻔﻚ ﺩﻭﻥ ﺃﻥ ﺗﺨﺒﺮﻩ ﺃﻧﻚ ﻣُﺜﻘﻞ ……🥀💔….. …….

ﺟﺎﺭﻳﻪ ﻭﺍﻧﺎ ﺷﺎﻳﻠﻪ ﻃﻔﻞ ﻓﻲ ﻳﺪﻱ …. ﺟﺮﻱ ﺧﻮﻑ ﻭﻛﻞ ﻣﺮﺓ ﺑﺘﻠﻔﺖ ﻭﺭﺍﻱ .. ﺍﻟﻤﻤﺮ ﻛﺎﻥ ﻣﻀﻠﻢ ﻣﺎ ﺷﺎﻳﻔﻪ ﺷﻲ ﻏﻴﺮ ﻧﻘﻄﻪ ﻧﻮﻭﺭ ﺑﻌﻴﻴﺪ ﻛﻞ ﺍﻟﺒﻊ ﻣﻦ ﻣﻜﺎﻧﻲ …. ﻋﻨﺪﻱ ﺍﻣﻞ ﺍﻧﻮ ﺍﺣﺼﻞ ﺍﻟﻨﻮﺭ ﺩﺓ … ﻭﻛﻞ ﻣﺮﺓ ﺑﻘﺮﺏ ﻣﻦ ﺍﻟﻨﻮﺭ ﺩﺓ ﺑﻴﺒﻌﺪ ﻣﻨﻲ … ﻟﻐﺎﻳﺔ ﻣﺎ ﺳﻤﻌﺖ ﺻﻮﺕ ﻧﺎﺱ ﻭﺭﺍﻱ … ﺻﺮﺍﺍﺥ ﻛﻮﺍﺭﻳﻴﻴﻚ ﻭﺍﺻﻮﺍﺍﺕ ﻣﺎﻗﺎﺩﺭﺓ ﺍﻓﺮﺯﻫﺎ ﻫﻲ ﺷﻨﻮ …. ﻗﺮﺑﺖ ﻟﻠﻨﻮﺭ .. ﻭﻛﻠﻤﺎ ﻣﺮﺓ ﺍﻟﻀﻮ ﺑﻴﻜﺒﺮ ﻟﻐﺎﻳﺔ ﻣﺎ ﻟﻘﻴﺖ ﺯﻭﻝ ﻭﺍﻗﻒ ﺟﻤﺐ ﻓﻲ ﻣﻜﺎﻥ ﺍﻟﻨﻮﺭ … ﺟﺮﻳﻴﻴﺖ ﻋﻠﻴﻪ ﺷﺪﻳﻴﻴﺪ …. ﻭﻗﺒﻞ ﻣﺎﺍﺻﻠﻮ ﻭﻗﻌﺖ ﻣﺴﻚ ﺍﻟﻄﻔﻞ ﺍﻟﻔﻲ ﻳﺪﻱ ﻭﺍﻧﺎ ﻭﻗﻌﺖ ….

ﺻﺤﻴﻴﻴﻴﺖ ﻣﺨﻠﻮﻋﻪ … ﺩﻩ ﻧﻔﺲ ﺍﻟﺤﻠﻢ … ﺍﻟﺤﻠﻢ ﺩﻩ ﺣﻠﻤﺘﻮ ﻗﺒﻞ ﻛﻢ ﺍﺳﺒﻮﻉ …. ﺑﺲ ﺍﻟﻤﺮﺓ ﺩﻱ ﺍﻟﻤﻼﻣﺢ ﻭﺍﺿﺤﻪ … ﺑﻌﺪ ﻣﺮﻭﺭ ﺳﻨﻪ ﻣﻦ ﻋﻼﺝ ﻗﺼﻲ ❤ ﺍﻟﻴﻮﻡ ﻛﺎﻥ ﺍﻟﺠﻤﻌﻪ … ﻣﻊ ﺍﻟﺼﺒﺤﻴﻪ .. .. ﻗﺎﻋﺪﻩ ﻓﻲ ﺍﻟﺘﺴﺮﻳﺤﻪ ﺑﻜﻮﻱ ﻓﻲ ﺷﻌﺮﻱ …. ﺟﺎﺕ ﻣﺮﺍﻡ ﻭﺭﻫﻒ ﻣﻦ ﻭﺭﺍﻱ ﺟﺎﺑﻮ ﻟﻲ ﻓﺴﺘﺎﻥ ﺍﻟﺰﻓﺎﻑ ….

ﻛﺎﻧﺖ ﺍﻛﻤﺎﻣﻮ ﻛﺎﻣﻠﻪ … ﻣﺸﺒﻮﻛﻪ ﻛﻠﻬﺎ ﺑﺎﻟﺪﺍﻧﺘﻴﻞ ﺍﻟﺮﻗﻴﻖ … ﻓﻴﻬﻮ ﺷﻮﻳﻪ ﻟﻤﻌﻪ …. ﻛﺎﻥ ﺍﺳﺘﺮﻳﺪ ﻣﻦ ﻓﻮﻕ ﻭﻣﻦ ﺗﺤﺖ ﻣﻨﻔﻮﺵ ﻧﻔﺸﻪ ﺳﺎﻧﺪﺭﻳﻼ …. ﻳﻌﻨﻲ ﺑﻴﻜﻮﻥ ﺍﻟﻮﺭﺍ ﺍﻃﻮﻝ ﻣﻦ ﺍﻟﻘﺪﺍﻡ …. ﺷﻔﻖ ﺟﺎﺕ ﺟﺎﺭﻳﺔ ﺷﺎﻳﻠﻪ ﺍﻟﺠﺰﻣﻪ ﺣﻘﺖ ﺍﻟﻔﺴﺘﺎﻥ …. ﻛﺎﻧﺖ ﻋﺎﻟﻴﻪ ﻭﺩﻗﺘﻬﺎ ﺍﻗﺮﺏ ﻟﻠﺸﺒﻂ … ﻛﺮﻳﺴﺘﺎﻟﻴﻪ ﺷﻔﺎﻓﻪ ﻉ ﺍﺑﻴﺾ …. ﺍﻣﻲ ﺟﺎﺕ ﻭﺍﺑﻮﻱ … ﺣﺒﻮﺑﻪ ❤😍

ﺍﺑﻮﻱ ﻗﺎﻟﻲ … ﺟﺎﻫﺰﺓ ﻳﺎﻋﺮﻭﺳﺘﻨﺎ … ﻗﻠﺖ ﻟﻴﻬﻮ ﻟﺴﻪ ﻳﺎﺣﺎﺝ ﻣﺎﺷﺮﺑﺖ ﺷﺎﻱ ﺍﻟﺼﺒﺎﺡ …😂 ﺍﻣﻲ ﻃﺒﻴﻌﻲ ﻣﻦ ﻗﺒﻞ ﺍﺳﺒﻮﻉ ﻣﻦ ﺗﺠﻬﻴﺰﺍﺕ ﺍﻟﻌﺮﺱ ﻫﻲ ﻓﻲ ﺣﺎﻟﻪ ﺑﻜﻰ ﻣﺴﺘﻤﺮ …. ﻭﺣﺒﻮﺑﻪ ﺗﻮﺻﻲ ﻓﻴﻨﻲ ❤ ……. ﺍﻟﻠﻴﻠﻪ ﻳﻮﻡ ﻋﺮﺳﻲ …. ﻋﺮﺳﻲ ﻣﻦ ❤ ﺩﻗﻴﻘﻪ ﺍﻓﻬﻤﻜﻢ 👌😂 flash back : ﺑﻌﺪ ﺟﻠﺴﺎﺕ ﺍﻟﻌﻼﺝ ﻓﻲ ﻣﺼﺮ …. ﻗﺼﻲ ﻟﻘﻰ ﺗﻤﺎﻡ ﺍﻟﻌﺎﻓﻴﻪ …. ﻭﺭﺟﻊ ﻟﻲ ﻛﺎﻣﻞ ﻭﻋﻴﻮ ….. ﺭﺟﻌﻨﺎ ﺍﻟﺴﻮﺩﺍﻥ …. ﻭﺍﻧﺎ ﺭﺟﻌﺖ ﻟﻲ ﺧﺪﻣﺘﻲ … ﻓﻲ ﺫﺍﺕ ﺍﻟﻤﺴﺘﺸﻔﻰ …. ﺍﻣﺎ ﻗﺼﻲ ﻛﺎﻥ ﺩﺍﻳﻤﺎ ﻣﺘﻮﺍﺻﻞ ﻣﻌﺎﻱ …. ﻟﺤﺪ ﻣﺎ ﻓﻴﻴﻮﻡ ﺍﺗﻘﺪﻡ ﻟﻲ … ﻭﻳﻦ؟

ﻣﺘﺰﻛﺮﻳﻦ ﻣﺮﺓ ﻛﺎﻥ ﻭﺩﺍﻧﻲ ﻣﻜﺎﻥ ﻓﻴﻬﻮ ﺳﺒﻮﺭﺓ ﻣﻜﺴﺮﺓ .. ﺍﻟﻤﺒﻨﻰ ﺑﺘﺎﻉ ﺍﻟﻌﺎﻣﻠﻴﻦ ﺍﻟﻘﺪﻳﻢ … ﺑﺲ ﻫﻨﺎﻙ 😍…❤ ﻭﻓﻲ ﺍﻟﻠﺤﻈﻪ ﺩﻱ ﺣﺴﻴﺖ ﺍﻧﻮ ﺍﺣﻼﻣﻲ ﻣﺎﺷﻪ ﺗﺘﺤﻘﻖ ﻭﺣﺪﺓ ﻭﺭﺍ ﺍﻟﺘﺎﻧﻴﻪ …. ﺍﺗﻘﺪﻡ ﻟﻲ ﺍﺑﻮﻱ ﻓﻲ ﻧﻔﺲ ﺍﻟﻴﻮﻡ …. ﻭﺍﻟﺤﺎﺝ ﻭﺍﻓﻖ …☺… ﺣﺒﻮﺑﻪ ﺑﺲ ﺩﻗﺖ ﺣﺮﺱ ﻗﺎﻟﺖ ﻛﻴﻒ ﺗﻌﺮﺳﻮﻫﺎ ﻟﻲ ﻣﺠﻨﻮﻥ … ﻣﻌﻠﻴﺶ ﺣﺒﻮﺑﺘﻲ ﺧﺮﻓﻨﺖ ﺷﻮﻳﻪ 😂😳 ﻣﺠﻨﻮﻧﻪ ﺍﻧﺎ ﻫﻲ ﻣﺎﺷﺎﻓﺘﻮ ﺑﻘﻰ ﻛﻴﻒ ﺑﻌﺪ ﻣﺎﻟﻘﺎ ﺍﻟﻌﺎﻓﻴﻪ … ﻟﻤﻦ ﺟﺎ ﻭﺷﺎﻓﺘﻮ ﻗﻄﻌﺖ ﻧﻮﺭ ﻭﻛﻬﺮﺑﺎ 😂😂…😂 ﺣﺒﻮﺑﻪ ﻭﺑﻌﺮﻓﻬﺎ .. ﺍﺳﺘﻠﻤﺖ ﺍﻟﻮﻧﺴﻪ ﻣﻊ ﺧﺎﻟﺘﻮ ﺣﻴﺎﺓ ﻭﻗﺼﻲ ﻟﻐﺎﻳﺔ ﻣﺎ ﺭﺟﻌﻮ ..

ﺧﻠﺼﺖ ﺍﻟﺸﻬﺮ ﻭﻧﺺ ﺣﻖ ﺍﻟﺘﺮﻳﻨﻴﺞ …. ﺑﻌﺪﻫﺎ ﻗﻌﺪﻧﺎ ﻋﺪﻳﻴﻴﻞ ﻭﺍﺳﺘﻌﺪﻟﻨﺎ ﻟﻲ ﻫﺪﻳﻴﻞ ﻭﺍﻳﻬﻢ … ﻓﻲ ﺍﻟﻔﺘﺮﺓ ﺩﻱ ﻋﺒﺪﻟﻠﻪ ﻭﻣﻬﺎ ﺭﺟﻌﻮ ﺍﻟﺴﻮﺩﺍﻥ … ﻣﻬﺎ ﺭﺟﻌﺖ ﺑﻲ ﻣﺤﻤﺪ …❤😍 ﺍﻟﻠﻪ ﻋﻮﺿﻬﺎ ﺑﻲ ﻣﺤﻤﺪ ﻧﺴﺎﻫﺎ ﻭﺟﻊ ﺣﻤﺪ … ﻭﺍﻟﺤﻤﺪﻟﻠﻪ ﻛﺎﻥ ﺳﻠﻴﻴﻴﻢ ﻭﻃﺒﻴﻌﻲ …. ﻣﻬﺎ ﻣﺤﺎﻣﻴﻪ ﺷﺎﻃﺮﺓ …. ﻭﻓﻲ ﺍﻟﻔﺘﺮﺓ ﺩﻱ ﺗﻜﺘﻜﻨﺎ ﻣﻌﺎﻫﺎ ﻟﻲ ﻫﺪﻳﻞ ﻭﺍﻳﻬﻢ .. ﻭﻛﻴﻒ ﻧﺮﺟﻊ ﺍﻣﻼﻙ ﻗﺼﻲ ﻭﺧﺎﻟﺘﻮ ﺣﻴﺎﺓ ﺍﻟﻨﻬﺒﻮﻫﺎ ….. ﻋﺒﺪﻟﻠﻪ ﻛﺎﻥ ﻃﺎﺍﻳﺮ ﻣﻦ ﺍﻟﻐﺮﺡ ﺑﻲ ﺭﺟﻌﺔ ﺻﺪﻳﻘﻮ ﻗﺼﻲ …. ﻛﻞ ﻣﺮﺓ ﻃﺎﻟﻌﻴﻦ ﻭﻧﺎﺯﻟﻴﻦ ﺳﻮﺍ ❤

ﻭﺧﺎﻟﺪﻳﻦ ﻛﻠﻤﻨﻲ ﺍﻧﻮ ﺩﺍﻳﺮ ﻣﺮﺍﻡ ﺭﺳﺴﻤﻲ …. ﺷﺠﻌﺘﻮ 😂 ﻗﻠﺖ ﻟﻴﻪ ﺍﻣﺶ ﺍﻫﺮﺷﻬﺎ ﺩﺍﻳﻤﺎ ﻓﻲ ﺣﺎﻟﺔ ﺧﻮﻑ ﻣﻨﻬﺎ ﻫﺴﺎ ﻣﺮﺍﻡ ﺩﻱ ﻟﻮ ﻗﻠﺖ ﻫﻮﻭﻑ ﺑﺘﻄﻴﺮ … ﻭﺑﻌﺪﻳﻦ ﺍﻟﺒﺖ ﺍ ﺑﺘﺤﺐ ﺍﻟﺮﺍﺟﻞ ﻳﻄﺎﻭﻋﻬﺎ ﺍﻫﺮﺷﻬﺎ ﺑﺲ …👊 ﻗﺎﻟﻲ ﺩﻩ ﻗﻮﻟﻚ … ﻗﻠﺖ ﻟﻴﻴﻪ ﺍﻳﻲ …😂 ﺍﻟﻤﻬﻢ ﻇﺒﻄﻪ ﻟﻴﻬﻢ ﺍﻣﻮﺭﻫﻢ ﻭﻣﺮﺍﻡ ﺑﻌﺪ ﻫﺮﺷﻮﻫﺎ ﻋﺰﺯﺯﺕ ﻭﻭﺍﻓﻘﺖ ﺑﻲ ﺧﺎﻟﺪﻳﻴﻴﻦ …. ﻣﺘﺮﻳﻦ ﻭﺷﺒﺮﻳﻦ #.. ﺧﺎﻟﺪ _ﻣﺮﺍﻡ ﺣﺎﻟﻴﺎ ﻣﺘﺰﻭﺟﻴﻴﻦ ﻟﻴﻬﻢ ﺷﻬﺮ ❤😍 ﺭﻫﻒ ﺑﺎﻳﺮﺓ ﺫﻱ ﻣﺎﻫﻲ ﺍﺻﻼ ﻟﻮ ﺑﻘﺖ ﻓﻲ ﺣﺎﻟﺘﻬﺎ ﺩﻱ ﻣﺎﻓﻲ ﺯﻭﻝ ﺑﻴﺘﻘﺪﻡ ﻟﻴﻬﺎ 😂

ﺷﻔﻖ ﺍﻟﻐﻤﻮﺽ … ﻟﺴﻪ ﻣﺎﻋﺎﺭﻓﻴﻦ ﻟﻴﻬﺎ ﺟﺪﻳﺪ ﻟﻜﻦ ﻗﺎﺩﺭﺓ ﻫﻲ ﻣﻤﻜﻦ ﻧﺘﻔﺎﺟﺄ ﺑﻲ ﻋﺮﺳﻬﺎ ﻗﺒﻠﻲ ….😂 ﻭﻗﺖ ﺍﻟﺘﻨﻔﻴﻴﺬ : ﻣﻬﺎ ﻧﻈﻤﺖ ﺍﻻﻭﺭﺍﻕ ﺍﻟﻘﺎﻧﻮﻧﻴﻪ ﺍﻟﺒﺘﺜﺒﺖ ﺍﻧﻮ ﺍﻻﻭﺭﺍﻕ ﻭﺍﻟﻤﻠﻜﻴﺎﺕ ﺣﻘﺎﺕ ﺛﻨﺎﺋﻲ ﻟﻈﻰ 😂 ﻛﻴﻔﻨﻲ ﺍﻻﺳﻢ … ﻣﺰﻭﺭﺓ ﻭﺍﻻﺟﺮﺍﺀﺍﺕ ﺩﻱ ﻛﻠﻬﺎ ﻫﻢ ﻣﺎﻛﻨﻮ ﻋﺎﺭﻓﻴﻦ ﺑﻴﻬﺎ ﻟﻐﺎﻳﻪ ﻣﺎﻓﻲ ﻳﻮﻡ ﺍﺳﺘﺪﻋﻮﻫﻢ ﻓﻲ ﺍﻟﻤﺤﻜﻤﻪ ﻭﻫﻢ ﻣﺎ ﻣﺠﻬﺰﻳﻦ ﺩﻓﺎﻋﻬﻢ ﻭﻻ ﺍﻱ ﺷﻲ ….

ﺧﺴﺮﻭ ﺍﻟﻘﻀﻴﻪ ﻭﻓﻲ ﻧﻔﺲ ﺍﻟﻮﻗﺖ ﺍﻻﻣﻼﻙ .. ﻭﺑﻘﻮ ﻉ ﺍﻟﺤﺪﻳﺪ ﺓﺍﻱ ﺷﻲ ﺭﺟﻊ ﻟﻲ ﺍﺳﻴﺎﺩﻭ …… ﺍﻳﻬﻢ ﻭﻫﺪﻳﻞ ﺍﺗﺴﺠﻨﻮ ﻭﻓﺘﺮﺓ ﻫﺪﻳﻞ ﻛﺎﻧﺖ ﺍﻃﻮﻝ ﻣﻦ ﺍﻳﻬﻢ … ﻣﺎﻋﺎﺭﻓﻪ ﺍﻟﺴﺠﻦ ﺣﺎﻳﻜﻮﻥ ﻣﻌﺎﻫﺎ ﻛﻴﻒ ﺍﻟﻮﻳﻔﺮ ﺩﻱ 😂😂 ﻟﻜﻦ ﻋﺠﺒﻨﻲ ﻟﻴﻬﺎ ﻭﺍﻟﻠﻬﻢ ﺷﻤﻤﺎﺍﺍﺍﺍﺍﺗﻪ 👏😂 ﻓﺮﺡ … ﻗﺼﻲ ﺍﻛﺘﺸﻒ ﺍﻧﻮ ﺭﺍﺟﻠﻬﺎ ﺍﺗﺰﻭﺟﻬﺎ ﻋﺸﺎﻥ ﺍﻟﻘﺮﻭﺵ … ﻫﻮ ﻧﻔﺲ ﻃﻴﻨﻪ ﻫﺪﻳﻞ … ﻭﺍﻛﺘﺸﻒ ﺍﻧﻮ ﺍﺷﺮﻑ ﻛﺎﻥ ﻧﺎﻭﻱ ﻳﻌﻠﻘﻬﺎ ﻭﻳﻌﺮﺳﻬﺎ … ﺑﺲ ﻫﻲ ﻛﺎﻧﺖ ﻣﺼﺪﻭﻣﻪ ﻣﻦ ﺯﻭﺍﺟﻬﺎ ﺍﻻﻭﻝ … ﻭﺭﻓﻀﺖ ﻭﻛﺎﻥ ﻓﻲ ﺻﺎﻟﺤﻬﺎ

… ﺍﺷﺮﻑ ﺍﻟﻮﺣﻴﺪ ﺍﻟﻼﻥ ﺣﺎﻳﻢ ﻭﺍﻟﻘﺎﻧﻮﻥ ﻣﺎﺍﺗﻨﻔﺬ ﻓﻴﻪ ﻻﻧﻮ ﻣﺎﻓﻲ ﻋﻠﻴﻪ ﺩﻟﻴﻴﻞ ﻳﺜﺒﺖ ﺍﻧﻮ ﻣﺘﺂﻣﺮ ﻣﻌﺎ ﺛﻨﺎﺋﻲ ﻟﻈﻰ …. ﻭﻣﺎﻋﺎﺭﻓﻴﻦ ﻃﻔﺶ ﻭﻳﻦ … ﺣﺎﺍﺳﻪ ﺍﻧﻮ ﻫﺪﻳﻞ ﻭﺍﻳﻬﻢ ﻣﺎ ﻭﺭﻃﻮ ﺍﺷﺮﻑ ﻣﻌﺎﻫﻢ ﻟﻲ ﻫﺪﻑ … ﻣﺎﻋﺎﺭﻓﻪ ﺑﺲ ﺍﺣﺴﺎﺳﻲ ﺩﻩ ﻗﺮﻳﺐ ﺍﻧﻮ ﻳﻜﻮﻥ ﻓﻲ ﻣﺤﻠﻮ …. ﻋﻤﺘﻲ ﺍﺑﺘﺴﺎﻡ ﺍﻟﺼﻐﻴﺮﺓ … ﺍﺗﺬﻛﺮﺗﻮﻫﺎ !! ﻳﻼ ﺩﻱ ﺍﻟﻜﺸﻪ ﺟﺎﺑﺘﻬﺎ…😂😂😂 ﻭﻗﺎﻋﺪﻩ ﻣﻊ ﻋﻤﺎﺗﻲ ﺍﻻﺗﻨﻴﻦ ﺩﻳﻠﻚ … ﻭﺭﺍﺟﻠﻬﺎ ﺭﺟﻊ ﺍﻟﺒﻠﺪ ﻳﺸﺘﻐﻞ .. ﻳﻼ ﺷﺮﺍ ﺗﻠﻘﺎ ﺍﻟﻌﻤﻠﻮ ﻣﺎ ﻫﻴﻦ … ﺑﺲ ﻋﺰﻣﺘﻬﻢ ﻋﺮﺳﻲ … ﻋﺎﺩ ﺍﻧﺎ ﺑﺖ ﺍﺻﻮﻝ ..✌😌😂

ﺧﻼﻝ ﺍﻟﺴﻨﻪ .. ﻗﺼﻲ ﺳﺎﻓﺮ ﻗﻄﺮ ﺛﺒﺖ ﺭﺟﻠﻮ ﻫﻨﺎﻙ ﻭﻛﻮﻥ ﻟﻴﻬﻮ ﺷﺮﻛﻪ … ﻭﻋﻤﻞ ﻣﻨﻈﻤﻪ ﻟﺮﻋﺎﻳﻪ ﺍﻟﻤﻌﺎﻗﻴﻦ ﻭﺍﻟﻤﻜﻔﻮﻓﻴﻦ …. ﻭﺍﻟﺨﻄﻪ ﺍﻟﺜﺎﻧﻴﻪ ﺍﻧﻮ ﻳﻌﻤﻞ ﻣﺴﺘﺸﻔﻰ ﻧﻔﺴﻲ … ﻗﺎﻟﻲ ﺍﻧﺘﻲ ﻭﺑﺎﻗﻲ ﻣﺠﺎﻧﻴﻨﻚ ﺗﺸﺘﻐﻠﻮ ﻓﻴﻬﺎ …😂 ﻟﺴﻪ ﻫﻲ ﻗﻴﺪ ﺍﻻﻧﺸﺎﺀ … ﺧﺎﻟﺘﻮ ﺣﻴﺎﺓ ﻧﺰﻟﺖ ﻣﻌﺎﺵ ﺑﻌﺪ ﺩﻩ …. ﺑﻲ ﺍﺭﺍﺩﺗﻬﺎ ﻭﺳﺎﻓﺮﺕ ﺍﻟﺴﻌﻮﺩﻳﻪ ﻟﻠﺤﺞ …. ﻭﻗﻌﺪﺕ ﻣﻊ ﺍﺧﺘﻬﺎ ﻫﻨﺎﻙ …. ﺑﺲ ﻭﻋﺪﺗﻨﻲ ﺍﻧﻬﺎ ﺗﺤﻀﺮ ﻋﺮﺳﻲ …. ﺍﻟﻌﺮﻳﺲ ﺍﺻﺤﺎﺑﻮ ﻋﻤﻠﻮ ﻟﻴﻬﻮ ﺣﻨﻪ ﻇﺎﺍﺑﻄﻪ … ﻣﺎﺣﻀﺮﺕﻫﺎ ﺑﺲ ﺣﺒﻮﺑﻪ ﻣﺸﺖ ﻛﺸﻔﺖ 😂

ﻭﺍﻧﺎ ﻣﺎ ﺣﺒﻴﺖ ﺍﻋﻤﻞ ﺣﻨﻪ ﺑﺲ ﺻﺤﺒﺎﺗﻲ ﻋﻤﻠﻮ ﻟﻲ ﻗﻌﺪﻩ ﻓﻲ ﺳﻄﻮﺣﻨﺎ …. ﻭﻣﺮﺍﻡ ﺍﻟﻜﻠﺒﻪ 😊❤ ﻛﺎﻧﺖ ﻣﺼﻮﺭﻩ ﻓﻴﺪﻳﻮ ﻟﻲ ﺍﻟﻘﻌﺪﺓ ﻭﻧﺤﻦ ﻣﺎﻋﺎﺭﻓﻴﻦ … ﺣﻀﺮﻭ ﻗﺼﻲ ❤ ﻟﻜﻦ ﺍﺗﻔﻀﺤﺘﻪ ﻓﻴﻬﻮ 😂 ﻋﺮﻑ ﺍﻟﺤﺎﻧﺐ ﺍﻟﺘﺎﻧﻲ ﻣﻦ ﺷﺨﺼﻴﺘﻲ … ﻫﻮ ﻛﺎﻥ ﺷﺎﻳﻔﻨﻲ ﺍﻧﻮ ﺯﻭﻟﻪ ﻫﺎﺩﺋﻪ ﻭﻋﺎﻗﻠﻪ ﻭﻛﺪﻩ 🌚 ﺑﺲ ﺗﺄﺗﻲ ﺍﻟﺮﻳﺎﺡ ﺑﻤﺎ ﻻ ﺗﺸﺘﻬﻲ ﺍﻟﺴﻔﻦ 😌✌…. ﻭﺍﻟﻠﻴﻠﻪ ﻣﻦ ﺍﻟﺼﺒﺎﺡ ﺑﺪﻳﺖ ﺍﺟﻬﺰ ﻻﻧﻮ ﺍﻟﻌﺮﺱ ﻧﻬﺎﺭﻱ 😕❌… ﻭﺣﺎﻧﺲﺍﻓﺮ ﺏ ﻟﻠﻴﻞ ﻭﻳﻴﻴﻦ؟

ﻣﺎﺷﻴﻦ ﺗﺎﻳﻠﻨﺪ 😍❤ ﻗﺎﻟﻮ ﻓﻴﻬﺎ ﺟﺰﺭ ﻭﺑﺤﺮ ﻭﻃﺒﻴﻌﻪ ﻛﺪﻩ ﻣﻦ ﺍﻟﻤﻮﻭﺕ ❤… ﺟﻬﺰﻭﻥﻱ ﺻﺤﺒﺎﺗﻲ …. ﻣﺮﺍﻡ ﻣﻴﻜﺎﺍﺏ ﺍﺭﺗﺴﺖ … ﻭﺍﻟﻠﻪ ﺍﺗﻮﻗﻌﺖ ﺍﻧﻮ ﺍﻃﻠﻊ ﻣﺒﺸﺘﻨﺎ ﻭﺫﻱ ﻣﻜﻴﺎﺟﺎﺕ ﺍﻟﺨﻼﻳﻖ ﺧﻼﻳﻖ ﺩﻳﻞ 😂 ﻟﻜﻦ ﻋﺰﻭﻭﻧﻲ ﻭﺍﻟﻠﻪ ﺍﻧﺎ ﺫﺍﺍﺗﻲ ﻣﺎﻋﺮﻓﺖ ﻧﻔﺴﻲ … … ﺍﻭﻋﻰ ﺗﺘﻜﺴﺮ ﻓﻲ ﺍﻟﺒﺖ ﺍﻟﻤﻤﻜﻴﺠﻪ … ﺍﻟﺒﺖ ﺍﻟﻤﻤﻜﻴﺠﻪ ﺍﻭﻋﻚ ﺗﺘﻜﺴﺮ ﻓﻴﻬﺎ … ﺍﻋﺮﻑ ﺣﻘﻚ ﻗﻮﻟﻴﻬﺎ ﻏﺴﻠﻲ ﻭﺷﻚ ﻭﺑﻌﺪﺍﻙ ﻧﺘﻔﺎﻫﻢ .. _😂😂❤ ﻣﺎﻋﻤﻠﺖ ﺍﻻ ﺍﻟﻮﺍﺟﺐ ﻭﺍﻟﻠﻪ 😊🙈 …..

ﺑﻌﺪ ﻣﺎ ﺟﻬﺰﺕ ﻭﺷﻔﺖ ﻧﻔﺴﻲ ﻓﻲ ﺍﻟﻤﺮﺍﻳﻪ … ﻭﺟﺎﺕ ﺣﺒﻮﺑﻪ ﺑﻜﻴﻴﻴﺖ ﻓﻴﻬﺎ ﻗﺪﺭﺗﻲ ﻟﻤﻦ ﺧﺮﺑﺖ ﺍﺍﻟﻤﻴﻜﺎﺝ ﻭﺍﻟﻠﻪ ﺑﻜﻴﺖ ﻓﻴﻬﺎ ﺍﻛﺘﺮ ﻣﻦ ﺍﻣﻲ … ﻳﺎﺥ ﺣﺒﻮﺑﻪ ﺩﻱ ﻓﺮﺩﺗﻲ ﻭﻭﻧﻴﺴﺘﻲ … ﺍﻣﻲ ﺑﺘﻜﻮﻥ ﻓﻲ ﺍﻟﺸﻐﻞ ﻭﺍﺑﻮﻱ ﻧﻔﺲ ﺍﻟﺸﻲ ﻫﻲ ﺍﻟﺒﻜﻮﻥ ﻣﻌﺎﻫﺎ … ﺗﻮﺻﻴﺎﺗﻬﺎ ﻭﺍﻣﺜﺎﻟﻬﺎ ﻭﺗﻌﻠﻴﻘﺎﺗﻬﺎ ﻋﻠﻰ ﺑﻨﺎﺗﻬﺎ ❤

ﻗﺼﻲ ﺟﺎ … ﻭﺷﺘﻐﻠﺖ ﺍﻟﻌﺮﺑﺎﺕ ﻓﻲ ﺷﺎﺭﻋﻨﺎ ﺑﻮﺭﻱ ﺳﺎﺍﺍﻱ … ﻭﺗﻴﻴﻴﻴﻴﺖ ﺗﻴﻴﻴﻴﺖ 😍😍❤ ﺧﺎﻟﺪﻳﻦ ﻭﺑﺎﻗﻲ ﺍﺻﺤﺎﺑﻮ ﻋﺎﻣﻠﻴﻦ ﺣﻔﻠﻪ ﻣﻮﺳﻴﻘﻴﻪ ﺑﻲ ﺍﻟﺒﻮﺭﻱ 😂…. ﻭﺍﻧﺎ ﻭﻃﺎﻟﻌﻪ ﻻﻗﺎﻧﻲ ﻋﻤﻮ ﺳﻌﻴﺪ ﻭﺣﻤﻮﻭﺩﻱ … ﻻﺑﺲ ﺣﻼﺑﻴﻪ ﻗﺮﺭﺽ ﺑﺲ ﻣﺎﺷﺎﺀﻟﻠﻪ .. ﺷﺎﻏﻠﺘﻮ ﻛﻌﺎﺩﺗﻲ … ﻗﺎﻟﻲ ﻳﺎﺍﺑﺖ ﺍﻧﺖ ﻋﺮﻭﺱ ﺍﺧﺠﻠﻲ ﺷﻮﻳﻪ 😂😂😂 ﻗﺼﻲ ﻗﺎﻟﻴﻬﻮ ﻭﺭﻳﻬﺎ ﻳﺎﺣﻤﻮﺩﻱ ﻣﺎﺑﺎﻗﻲ ﻟﻴﻬﺎ ﺍﻻ ﺗﻤﺴﻜﻨﻲ ﻭﺗﺴﻮﻕ ﺍﻟﻌﺮﺑﻴﻪ 😂😂… ﻭﺍﻝﻣﻔﺎﺟﺄﻩ ﺍﻧﻮ ﺳﻘﺖ ﺍﻟﻌﺮﺑﻴﻪ 😊😂😂😂 ﻭﺍﻟﻞﻩ ﺣﻠﻔﺖ ﻗﺴﻢ ﺍﻻ ﺍﺳﻮﻗﻬﺎ …. ﻭﺍﻟﻨﺎﺱ ﺩﻱ ﻓﻘﻌﺖ ﺿﺤﻚ … ﺍﺑﻮﻱ ﻗﺎﻟﻲ ﺳﻮﻗﻴﻬﺎ ﻳﺎﺑﺘﻲ …. ﺍﻣﺎ ﻗﺼﻲ ﻗﺎﻟﻲ ﻭﺍﻧﺎ ﺍﻟﻌﺮﻳﺲ ﺍﻧﺎ ﺍﻟﻤﻔﺘﺮﺽ ﺍﺳﻮﻕ 😳 ﻫﻤﺲ ﺍﻟﻠﻪ ﻳﺮﺿﻰ ﻋﻠﻴﻚ ﺍﻋﻘﻠﻲ … ﺍﺑﻴﻴﻴﺖ ﺍﺑﻴﻴﺖ ﺍﻻ ﺍﺳﻮﻗﻬﺎ … ﺳﻘﺘﻬﺎ ﻭﻫﻮ ﺭﻛﺐ ﺟﻤﺒﻲ ﻭﺍﻟﻠﻪ ﺑﻀﺤﻚ ﺿﺤﻚ …😂

ﻭﻓﻲ ﺍﻟﻄﺮﻳﻖ ﻗﺎﻟﻲ ﺍﻧﻮ ﺍﻧﺎ ﺍﻟﻠﻴﻠﻪ ﻃﺎﻟﻌﻪ ﻗﻤﺮ ﻭﺣﺎﺟﺎﺕ ﻛﺪﻩ 😁❤… ﻳﻼ ﺍﻭﺭﻳﻜﻢ ﻋﺎﺩﺓ ﻓﻲ ﻗﺼﻲ … ﻣﺎ ﺑﻴﺤﺐ ﻳﻌﺒﺮ ﻛﺘﻴﻴﺮ ﺫﻱ ﺍﻟﺸﺒﺎﺏ 1 2الصفحة التالية مدونة كامومنذ 12 ساعة 0 5 دقائق