الفصل الثامن

رواية ادمنتك عشقا الجزء الثامن 8 بقلم إيناس آدم ادمنتك عشقارواية ادمنتك عشقا الحلقة الثامنة ﺟﻤﻴﻠﺔٌ ﺃﻧﺖِ ! ﻛَﻤﺌﺬﻧﺔٍ ﻓﻲ ﺣﻲٍّ ﻗﺪ ﻳﻢٍ ﺗُﻮﻗﻆُ ﻓﻲ ﺍﻟﺮﻭﺡِ ﺍﻟﺴَّﻜﻴﻨﺔَ ﻭﺍﻟﺨﺸﻮﻉْ …….. ﻫﻤﺲ … ﺣﺼﻞ ﺣﺴﻴﺘﻲ ﺑﻲ ﺷﻌﻮﺭ ﺍﻧﻮ ﺭﻭﻭﺣﻚ ﺩﻱ ﻣﺎ ﻣﻠﻜﻚ ﺑﺮﺍﻙ ﺍﺣﺴﺎﺱ ﺍﻧﻮ ﺍﻧﺖ ﻋﺎﻳﺶ ﻓﻲ ﺍﻟﺪﻧﻴﺎ ﺩﻱ ﻋﺸﺎﻥ ﺷﺨﺺ … ﺑﺘﺤﺲ ﺍﻧﻮ ﺍﻧﺖ ﺑﺘﺘﻨﻔﺲ ﻛﻞ ﺛﺎﻧﻴﺔ …. ﺍﻟﺸﺨﺺ ﺍﻟﻤﻼ ﻋﻠﻲ ﺣﻴﺎﺗﻲ …. ﻓﺮﺡ … ﺣﺐ … ﺍﻟﺒﻴﻄﻠﻌﻨﻲ ﻣﻦ ﺟﻮ ﺍﻟﻨﻜﺪ …. ﺑﺴﻤﻊ ﻛﻞ ﻛﻠﻤﺔ ﻣﻨﻮ ﻭﺑﺤﻔﻈﻬﺎ ﻓﻲ ﺫﺍﻛﺮﺗﻲ ….

ﺍﻧﺘﺒﺎﻫﻲ ﺑﺲ ﻋﻠﻴﻬﻮ ﻣﻬﻤﺎ ﺍﺗﺠﺎﻭﺯﺗﻨﻲ ﻟﻔﺘﺎﺕ … ﺑﺲ ﻛﻞ ﺍﻧﺘﺒﺎﻫﻲ ﻟﻴﻬﻮ … ﻣﺸﺎﻋﺮﻱ ﻛﻠﻬﺎ ﻟﻴﻬﻮ …

ﺍﻟﺰﻭﻝ ﺍﻟﺒﺤﺒﻮ ﺑﺎﻟﺠﺪ …. ﺑﻲ ﻣﻌﻨﻰ ﺍﻟﺤﺐ …. ﺍﻭ ﺍﻗﻮﻟﻴﻴﻚ ﻟﻮ ﻓﻲ ﺷﻲ ﺍﻛﺒﺮ ﻣﻦ ﺍﻟﺤﺐ ﻣﺎ ﻇﻨﻴﺖ ﻳﻜﻮﻥ ﻧﻔﺲ ﺍﺣﺴﺎﺳﻲ ﺍﻟﺤﺴﻴﺘﻮ ﺍﺗﺠﺎﻫﺎﺍﺍ … ﻣﻬﻤﺎ ﺣﺼﻞ …. ﻳﻮﻡ ﺳﺒﺖ ﺍﻟﺴﺎﻋﻪ 2:46 … ﺿﻬﺮ … ﻛﺎﻥ ﻣﻌﺎﻱ ﺻﺎﺣﺒﻲ ﻣﺎﺷﻴﻦ ﻓﻲ ﺍﻟﺴﻮﻕ ….. ﻛﺎﻥ ﻋﺮﺱ ﺍﺧﺘﻲ ﻭﻣﺮﺳﻠﻨﻨﺎ ﻟﻲ ﺣﺎﺟﺎﺕ ﻧﺎﻗﺼﻪ ﺍﻟﺒﻴﺖ … ﺍﻟﻤﻬﻢ ﺗﺨﺶ ﺩﻛﺎﻥ ﻭﻧﻄﻠﻊ ﺑﻌﺪ ﻣﺎﺧﻠﺼﻨﺎ ﺍﻟﺴﺎﻋﻪ ﻛﺎﻧﺖ ﺫﻱ 2 ﻛﺪﻩ … ﺍﺭﺗﺤﻨﺎ ﺷﻮﻳﻪ ﻭﺑﻌﺪﻫﺎ ﺣﺎﻳﻴﻦ ﻧﻄﻠﻊ … ﻧﺴﻤﻊ ﺻﻮﺕ ﺑﺖ ﻫﺎﺍﻳﺠﻪ ﺻﻮﺗﻬﺎ ﻃﺎﻟﻊ ﺑﺮﺓ ﺍﻟﻤﺤﻞ .. ﺑﻌﺪ ﺷﻮﻳﻪ ﻧﺴﻤﻊ ﺻﻮﺕ ﺣﺎﺟﻪ ﻭﻗﻌﺖ ﻃﺒﻌﺎ ﻗﻠﻨﺎ ﻣﻌﻨﺎﻫﺎ ﺍﻟﺒﺖ ﺩﻱ ﺳﻴﺪ

ﺍﻟﻤﺤﻞ ﺩﻗﺎﻫﺎ ﺍﻭ ﻋﻤﻞ ﻟﻴﻬﺎ ﺷﻲ . ﻻﻧﻮ ﻛﺎﻧﺖ ﺑﺘﺘﻜﻠﻢ ﻣﻌﺎﻩ ﺑﻲ ﻃﺮﻳﻘﻪ ﺭﻑ ﺷﺪﻳﻴﺪ … ﺍﻧﺎ ﻭﺻﺤﺒﻲ ﺩﺧﻠﻨﺎ ﺍﻟﻤﺤﻞ … ﻟﻘﻴﻨﺎ ﺣﺎﻟﺔ ﺍﻟﺒﺎﻳﻊ ﺍﺍﺳﻔﻪ 😂😂😂 ﺍﻟﺰﻭﻝ ﻣﻀﺎﺭﻱ ﻭﺷﻮ ﺑﻲ ﻳﺪﻳﻨﻮ ﻭﺧﺎﻳﻒ ﻋﺪﻳﻞ … ﻗﻠﺖ ﻟﻴﻬﻢ ﻳﺎ ﺟﻤﺎﻋﻪ ﺍﻟﺤﺎﺻﻞ ﺷﻨﻮ …. ﺍﻟﺒﻴﺎﻉ ﻣﺎﺻﺪﻕ ﻟﻘﺎ ﺯﻭﻝ ﻳﺘﺤﺎﻣﻰ ﻓﻴﻬﻮ ﻃﻮﺍﺍﻟﻲ ﺍﺗﺤﺎﻣﻰ ﻭﺭﺍﻱ … ﻭﺑﻘﻴﺖ ﺍﻧﺎ ﻗﺼﺎﺩ ﺍﻟﺒﺖ …. ﻫﻲ ﻳﺎﺍﻫﻤﺲ ﺟﻤﻴﻴﻠﺔ ﺟﻤﺎﺍﻝ ﻣﺎﺷﺎﺀﻟﻠﻪ … ﺗﻠﻘﺎﺋﻴﺎ ﻗﻠﺘﻬﺎ …

_ﺍﻟﺨﺎﻟﻖ 😍…❤ ﻗﻠﺖ ﻟﻴﻬﻮ ﺍﺣﻼ ﻣﻨﻲ؟ 👏😌! ﻗﺎﻟﻲ ﺑﻲ ﻣﺮﺍﺣﻞ …😂😂😂 ﻳﻼ ﺣﺎﻟﻴﺎ ﺍﻧﺎ ﺍﻟﺼﺪﻣﺔ ﺷﺒﻪ ﺧﻔﺖ ﻻﻧﻮ ﺍﻛﺘﺸﻔﺖ ﺍﻧﻮ ﺍﻟﺤﺎﻻﺕ ﺩﻱ ﺑﺘﺠﻴﻬﻮ ﻭﺑﺘﻤﺸﻲ ﻣﺎﺩﺍﻳﻤﺎ ﺛﺎﺑﺘﻪ ﻛﺪﻩ … ﻭﺣﺎﻟﻴﺎ ﻗﺼﻲ ﻃﺒﻴﻌﻲ ﺟﺪﺍﺍﺍ ..❤ ﻧﺮﺟﻊ … … ﺍﻟﺒﺖ ﺑﻘﺖ ﺗﻘﻮﻟﻲ ﺫﺡ .. ﺫﺡ ﻟﻲ ﻣﻨﻮ ﻭﺍﻟﻠﻪ ﺍﻟﻠﻴﻠﻪ ﻣﺎﺍﺧﻠﻴﻬﻮ … ﻭﺍﻧﺎ ﺷﻐﺎﻝ ﻟﻴﻬﺎ ﺩﻗﻴﻘﻘﻪ ﺩﻗﻴﻴﻘﻪ ﺭﻭﻗﻲ ﻣﺎ ﻛﺪﺓ … ﻗﺎﻟﺖ ﻟﻲ ﻻ ﻛﺪﺓ … ﻭﻭﺍﻟﻠﻪ ﻟﻮ ﻣﺎﺧﺪﺗﻪ ﺣﻘﻲ ﻣﻨﻮ ﻣﺎ ﺑﺨﻠﻴﻪ …. ﻭﺷﻐﺎﻟﻪ ﺗﻘﺎﺑﺾ … ﻃﺒﻌﺎ ﺻﺤﺒﻲ

…. ﻭﺍﻧﺎ ﻱ ﺭﺑﻲ ﺍﻟﺪﺧﻠﻨﻲ ﺷﻨﻮ ﻫﺴﺎ …. ﻃﺒﻌﺎ ﺍﺑﺖ ﻧﻴﻬﺎﺋﻲ ﺍﻻ ﺗﺎﺧﺪ ﺣﻘﻬﺎ … ﻗﻠﺖ ﻟﻴﻬﺎ ﻃﻴﺐ ﻓﻬﻤﻴﻨﻲ ﻫﻮ ﺍﻟﺰﻭﻝ ﺩﻩ ﻏﻠﻂ ﻋﻠﻴﻚ … ﻗﺎﻟﺖ ﻟﻲ ﺍﺍﺍﺍﻱ . ﻗﺒﻠﺖ ﻃﻮﺍﻟﻲ ﻟﻲ ﻋﻤﻚ … ﻗﻠﺖ ﻟﻴﻬﻮ ﻏﻠﻄﺘﻪ ﻋﻠﻴﻬﺎ ﺍﻟﺰﻭﻟﺔ ﺩﻱ؟

ﻗﺎﻟﻲ ﻭﺍﻟﻠﻪ ﻣﺎﻏﻠﻄﻪ ﻋﻠﻴﻬﺎ ﻓﻲ ﺷﻲ … ﻫﻲ ﻗﺎﻟﺖ ﻛﺪﺓ … ﻭﺍﻧﺎ ﻋﻤﻠﺖ ﺍﻟﻠﻬﻲ ﻗﺎﻟﺘﻮ . ﻃﺒﻌﺎ ﻓﻲ ﺍﻟﻠﺤﻈﺔ ﺩﻱ ﻣﺨﻲ ﺩﻭﺭ ﺷﻤﺎﻝ ..😂 ﻟﻜﻦ ﻗﻠﺖ ﻳﺎﻗﺼﻲ ﺍﺑﺮﺩ ﻭﺍﻓﻬﻢ ﺍﻟﻤﻮﺿﻮﻉ …. ﻗﻠﺖ ﻟﻴﻬﺎ ﻳﺎ ﺑﺖ ﺍﻟﻨﺎﻳﺪﺱ ﻓﻬﻤﻴﻴﻨﺎ ﺍﻟﺤﺎﺻﻞ ﻃﻴﺐ ﻋﺸﺎﻥ ﻧﺤﻠﻬﺎ … ﻗﺎﻟﺖ ﻟﻲ ﻗﺒﻞ ﺍﺳﺒﻮﻋﻴﻴﻦ ﺍﻧﺎ ﺟﻴﺖ ﺍﻟﺴﻮﻕ ﻫﻨﺎ ﻋﺸﺎﻥ ﺍﻓﺼﻞ ﻟﻲ ﻓﺴﺘﺎﻥ . ﺗﻤﺎﻡ . ﻗﻠﺖ ﻟﻴﻬﺎ ﺗﻤﺎﻡ ﺍﻫﺎ … ﻗﺎﻟﺖ ﻟﻲ ﺟﻴﺖ ﻣﺎﺭﺓ ﺑﻲ ﺍﻟﺪﻛﺎﻥ ﺩﻩ … ﺳﺎﻟﺘﻮ ﺑﺘﻔﺼﻞ .. ﻗﺎﻟﻲ ﺍﻱ ﻭﺍﻟﺴﻮﻭﻕ ﻛﻠﻮ ﺑﻴﻌﺮﻓﻨﻲ ﻭﺍﻧﺎ ﻭﺍﻧﺎ ﻭﺑﺘﺎﻉ … ﻗﻌﺪ ﻳﺸﻜﺮ ﻓﻲ ﻧﻔﺴﻮ … ﻗﻠﺖ ﻟﻴﻬﺎ ﺍﻫﺎ … ﻗﺎﻟﺖ ﻟﻲ

ﺍﺩﻳﺘﻮ ﺍﻟﻘﻤﺎﺵ ﺣﻘﻲ ﺍﻟﺠﺎﻱ ﻣﻦ ﺍﻳﻄﺎﻟﻴﺎ ﻋﺸﺎﻥ ﻳﻘﺼﻮ ﻟﻲ …. ﻭﺍﺩﻳﺘﻮ ﺻﻮﺭﺓ ﻟﻠﻔﺴﺘﺎﻥ ﺍﻻﻧﺎ ﺩﺍﻳﺮﺍﻫﻮ … ﻛﺪﻩ ﺗﻤﺎﻡ … ﻗﻠﺖ ﻟﻴﻬﺎ ﺍﻱ ﻭﺍﺻﻠﻲ … ﻗﺎﻟﺖ ﻟﻲ ﺟﻴﺖ ﻗﺒﻞ ﺍﺳﺒﻮﻉ ﻋﺸﺎﻥ ﺍﺳﺘﻠﻨﻮ ﻟﻘﻴﺖ ﺍﻟﻤﺤﻞ ﻣﻘﻔﻮﻝ …. ﻭﻳﺎﻫﻮ ﺟﻴﺖ ﺍﻟﻠﻴﻠﻪ ﻋﺸﺎﻥ ﺍﺳﺘﻠﻤﻮ … ﻟﻘﻴﺖ ﺣﺎﺟﻪ ﻛﺪﻩ ﺍﻟﺤﻤﺪﻟﻠﻪ ﺑﺲ … ﻗﺎﻝ ﺷﻨﻮ ﻗﺎﻝ ﺩﻩ ﻓﺴﺘﺎﻧﻚ …. ﻋﻠﻴﻚ ﺍﻟﻠﻪ ﺷﻮﻓﻮ ﻛﻴﻒ … ﻃﻠﻌﺖ ﻟﻲ ﻣﻦ ﺗﺤﺖ ﺍﻟﻜﺮﺳﻲ ﻓﺴﺘﺎﻥ ﻛﺎﻥ ﻭﺍﻗﻊ ﻓﻲ ﺍﻻﺭﺽ ….😂 ﻟﻤﻦ ﻭﺭﺗﻨﻲ ﻟﻴﻬﻮ ﺍﻧﺎ ﻣﺎ ﻗﺪﺭﺕ ﺍﻛﺘﻢ ﺍﻟﻀﺤﻜﻪ … ﺣﺘﻰ ﺳﻴﺪ ﺍﻟﻤﺤﻞ ﺿﺤﻚ 😂😂😂 ﻗﺎﻟﺖ ﻟﻲ ﺷﻔﺘﻮﻭﻭ ﻋﺎﻣﻞ ﻛﻴﻒ ﻋﻠﻴﻚ ﺍﻟﻠﻪ

😂😂 ﻃﺒﻌﺎ ﺑﻘﺖ ﺗﻀﺤﻚ ﻻﻧﻮ ﺍﻟﻔﺴﺘﺎﻥ ﺑﻴﻀﺤﻚ ﺟﺪ …. ﺣﺎﺟﻪ ﻛﺪﻩ ﻣﺎ ﻣﻌﺮﻭﻓﻪ ﻧﻤﻠﻲ …. ﻧﺎﻣﻮﺳﻴﻪ ..😂 ﻭﻭﺭﺍﻧﻲ ﺻﻮﺭﺓ ﺍﻟﺘﺼﻤﻴﻢ ﺣﻘﻬﺎ ﻓﻲ ﺗﻠﻔﻮﻧﻬﺎ …. ﺍﺩﻳﺘﻬﺎ ﻧﻈﺮﺓ ﻛﺪﻩ … ﻗﻠﺖ ﻟﻴﻬﺎ ﻟﻜﻦ ﺍﻧﺘﻲ ﺑﺘﺒﺎﻟﻐﻲ ﻳﻌﻨﻲ ﺗﺼﻤﻴﻢ ﺩﻗﻴﻖ ﺫﻱ ﺩﻩ ﺩﺍﻳﺮﺓ ﻭﺍﺣﺪ ﺑﺘﺎﻉ ﻣﻜﻨﻪ ﻓﻲ ﻗﺸﺮﺓ ﻳﻔﺼﻠﻮ ﻟﻴﻚ 😂… ؟

ﻗﺎﻟﺖ ﻟﻲ ﻣﺎﺍﻧﺎ ﺳﺎﻟﺘﻮ ﻭﻫﻮ ﺍﻛﺪ ﻟﻲ ﺍﻧﻮ ﺑﻴﻌﺮﻑ ﻳﻌﻤﻠﻮ … ﻗﻠﺖ ﻟﻴﻬﺎ ﻫﺴﺎ ﺧﺎﻟﻴﺎ ﺍﻟﻠﻪ ﻳﻌﻮﻭﺿﻚ ﺑﺎﻟﺠﺪ ﻻﻧﻮ ﺍﻟﺤﺎﺟﻪ ﺩﻱ ﻣﺎ ﺑﺘﺘﻠﺒﺲ 😂 … ﻗﺎﻟﺖ ﻟﻲ ﺍﻱ ﻭﺍﻟﻠﻪ…😂😂😂 ﻋﺒﺪﺍﻟﻠﻪ ﻗﺎﻟﻲ ﻳﻼ ﻗﺼﻲ ﺍﺭﺡ ﺍﻟﻨﺎﺱ ﺩﻱ ﺩﻗﺖ ﺟﺮﺱ … ﻗﻠﺖ ﻟﻴﻬﻮ ﻳﻼ … ﻃﺒﻌﺎ ﻣﺎﺳﻠﻤﺖ ﻋﻠﻴﻬﺎ ﻭﻻ ﺷﻲ ﺧﻠﻴﺘﻬﺎ ﺑﺘﻌﺎﻳﻦ ﻟﻲ ﻟﻤﻦ ﻣﺮﻗﺖ .. ﻭﺳﻤﻌﺖ ﺻﻮﺕ ﺑﺎﻗﻲ ﺍﻟﺸﻜﻠﻪ ﻋﺒﺪﻟﻠﻪ ﻗﺎﻟﻲ ﻛﺄﻧﻚ ﻣﺎﻋﻤﻠﺖ ﺷﻲ 😂 ﻗﻠﺖ ﻟﻴﻬﻮ ﺑﺲ ﻛﺎﻥ ﺍﻟﺸﻤﺎﺭ ﺣﺎﺭﻗﻨﻲ ﻭﻛﺪﻩ ….😂

ﺭﺟﻌﻨﺎ ﺍﻟﺒﻴﺖ ﻟﻘﻴﻨﺎ ﺍﻟﻀﻴﻮﻑ ﺟﻮ ﻭﺍﻟﺒﻴﺖ ﺍﺗﻤﻠﻰ ﻭﻧﺤﻦ ﻋﺎﻳﺰﻳﻦ ﻧﺸﻴﻞ ﻣﻼﺑﺴﻨﺎ ﻭﻧﻄﻠﻊ ﻉ ﺑﻴﺖ ﻋﺒﺪﻟﻠﻪ … ﻃﺒﻌﺎ ﻋﺒﺪ ﻟﻠﻪ ﺻﺤﺒﻲ ﺩﻩ ﻣﺘﺰﻭﺝ ﻭﻋﻨﺪﻭ ﻭﻟﺪ … ﻗﻠﺖ ﻟﻴﻬﻮ ﺍﻫﺎ …. ﻗﺎﻟﻲ ﺷﻠﻨﺎ ﻫﺪﻭﻣﻨﺎ ﻭﻣﺸﻴﻨﺎ ﺑﻴﺖ ﻋﺒﺪﻟﻠﻪ ..

ﻗﻠﺖ ﻟﻴﻬﻮ ﻋﺒﺪﻟﻠﻪ ﺩﻩ ﺻﺪﻳﻘﻚ … ﻗﺎﻟﻲ ﻫﻮ ﺻﺪﻳﻘﻲ ﻭﻭﺩ ﻋﻤﺘﻲ ﻗﻠﺖ ﻟﻴﻬﻮ ﺍﻫﺎﺍﺍ … ﻗﺎﻟﻲ ﺑﻜﺮﺓ ﻛﺎﻥ ﻋﺮﺱ ﺍﺧﺘﻲ …. ﻫﻲ ﺍﺧﺘﻲ ﺍﻟﻮﺣﻴﻴﺪﺓ … ﺍﻟﻠﻪ ﻳﻤﺴﻴﻬﺎ ﺏ ﻟﺨﻴﺮ ﻣﻦ ﺟﻴﺖ ﻫﻨﺎ ﻭﻫﻲ ﻣﺎﺣﺼﻞ ﻣﺮﺓ ﺟﺎﺗﻨﻲ ﻭﻻ ﺍﻃﻤﻨﺖ ﻋﻠﻲ … ﻃﺒﻌﺎ ﺍﻧﺎ ﺳﻜﺘﻪ ﺳﺎﺍﻱ 😔💔.. ﻗﺎﻟﻲ ﻳﺎﺯﻭﻭﻝ ﺑﻜﺮﺭﺓ ﺍﻟﻌﺮﺱ ﻃﻠﻌﻨﺎ ﺍﻟﺼﺒﺎﺍﺡ ﺳﺎﻋﺪﻧﺎ ﺍﻟﻨﺎﺱ ﻭﻛﺪﺓ ﻟﻐﺎﻳﺔ ﻣﺎﺟﺎ ﻭﻗﺖ ﺍﻟﻌﺮﺱ ﺏ ﻟﻴﻴﻞ ….. ﺍﻓﺘﺮﻗﺖ ﻣﻦ ﻋﺒﺪﻟﻠﻪ ﻣﺸﻴﺖ ﺑﻴﺘﻨﺎ ﻟﻘﻴﺘﻮ ﻓﺎﺿﻲ ﻟﺒﺴﺖ ﻭﺟﻴﺖ ﻧﺎﺯﻝ ﻣﺎ ﻟﻘﻴﺖ ﺯﻭﻝ ﻃﻮﺍﻟﻲ ﺩﻭﺭﺕ ﻋﺮﺑﻴﺘﻲ ﻭﻣﺸﻴﺖ ﺍﻟﺼﺎﻟﻪ …. ﻗﻠﺖ ﻟﻴﻬﻮ ﺍﻫﺎ …

ﻗﺎﻟﻲ ﺩﺧﻠﻨﺎ ﻭﻋﻴﻨﻲ ﻣﺎﺗﻠﻤﺢ ﺍﻻ ﺍﻟﺒﺖ ﺍﻟﻼﺗﺸﺎﻛﻠﺖ ﻣﻊ ﺍﻟﺒﻴﺎﻉ … ﻫﻲ ﺷﺎﻓﺘﻨﻲ ﻭﺟﺎﺕ ﺗﺴﻠﻢ ﻋﻠﻲ …. ﻗﺎﻟﺖ ﺍﻧﺖ ﻣﻦ ﺍﻫﻞ ﻣﻨﻮ ﺑﺎﻟﻀﺒﻂ؟ 😂… ﻗﻠﺖ ﻟﻴﻬﺎ ﻻ ﺍﻧﺎ ﻣﻌﺰﻭﻡ 😌👌… ﻗﺎﻟﺖ ﻟﻲ ﺍﻫﺎ . ﻃﻴﺐ ﺍﻧﺎ ﻫﺪﻳﻞ ﺑﺖ ﺧﺎﻝ ﺍﻟﻌﺮﻳﺲ 😊… ﻗﻠﺖ ﻟﻴﻬﺎ ﻗﺼﻲ ﺍﺧﻮ ﺍﻟﻌﺮﻭﺱ … ﻭﺍﺗﺸﺮﻓﻨﺎ … ﻕ ﺍﻟﺖ ﻟﻲ ﻭﺍﻟﻌﺰﻣﻚ ﻣﻨﻮ؟

😂… ﺍﻟﻤﻬﻢ ﺍﺗﻮﻧﺴﻨﺎ ﻭ ﺣﻜﺖ ﻟﻲ ﻣﻮﺍﻗﻒ ﻛﺘﻴﺮﺓ ﻣﻀﺤﻜﻪ …. ﺍﺗﻜﻴﻔﺖ ﻟﻴﻬﺎ ﺷﺪﻳﻴﻴﻴﺪ …. ﻋﺒﺪﻟﻠﻪ ﺟﺎ ﻭﺟﺎﺕ ﻣﻌﺎﻫﻮ ﺯﻭﺟﺘﻮ ﻭﻭﻟﺪﻭ ﺧﻠﻮﻩ ﻓﻲ ﺍﻟﺒﻴﺖ ﻋﺸﺎﻥ ﻛﺎﻥ ﻋﻴﺎﻥ …. ﺧﻠﺺ ﺍﻟﻌﺮﺱ ﻉ ﺧﻴﺮ ﺷﻠﺖ ﺭﻗﻢ … ﻭﻋﻼﻗﺘﻨﺎ ﺍﺗﻄﻮﺭﺕ .. ﺑﻘﻴﺖ ﺍﻫﺘﻢ ﺑﻴﻬﺎ ﻭﺍﺳﺎﻝ ﻋﻨﻬﺎ ﺩﺍﻳﻤﺎ … ﻟﻐﺎﻳﺔ ﻣﺎ ﻳﻮﻡ ﺻﺎﺭﺣﺘﻬﺎ ﺑﻲ ﺣﺒﻲ … ﻗﻠﺖ ﻟﻴﻬﻮ ﻭﺑﻌﺪﻳﻦ؟

ﻗﺎﻟﻲ ﻭﺍﻓﻘﺖ … ﻭﻋﻼﻗﺘﻨﺎ ﺍﺳﺘﻤﺮﺕ ﺳﻨﻪ ﻛﺎﻣﻠﺔ 😊…. ﻓﻲ ﺍﻟﺴﻨﻪ ﺩﻱ ﺳﺎﻓﺮﺕ ﻭﺍﺷﺘﻐﻠﺖ ﻭﺟﻴﺖ ﺭﺍﺟﻊ ﺍﻟﺴﻮﺩﺍﻥ ﻋﺸﺎﻥ ﺍﻛﻠﻢ ﺍﻫﻠﻲ ﺍﻧﻮ ﺍﻧﺎ ﺩﺍﻳﺮﻫﺎ ﻭﻋﺸﺎﻥ ﺍﺗﻘﺪﻡ ﻟﻴﻬﺎ ﺫﻱ ﻣﺎﺍﻫﻲ ﻃﺎﻟﺒﻪ 😊…. ﺍﺗﺼﻠﺖ ﻋﻠﻲ … ﻭﻗﺎﻟﺖ ﻟﻲ ﺿﺮﻭﺭﻱ ﺗﺠﻲ ﺗﻼﻗﻴﻨﻲ … ﻃﺒﻌﺎ ﻣﺎﺣﺼﻞ ﻣﺮﺭﺓ ﺭﻓﻀﺘﻪ ﻟﻴﻬﺎ ﻃﻠﺐ …. ﻟﻮ ﻓﻲ ﺍﺧﺮ ﻣﻜﺎﻥ ﺑﺠﻴﻬﺎ … ﻭﻟﻮ ﻣﺎﺷﻔﺘﻬﺎ ﻓﻲ ﺍﻟﻴﻮﻡ ﺑﺤﺲ ﻳﻮﻣﻲ ﻧﺎﻗﺺ … ﺣﺘﻰ ﻓﻲ ﺳﻔﺮﻱ ﺑﺎﻛﻠﻢ ﻣﻌﺎﻫﺎ ﺑﺎﻟﺴﻜﺎﻱ …. ﺍﻟﻤﻪﻡ ﻣﺸﻴﻴﺖ ﻻﻗﻴﺘﻬﺎ ﻭﺷﻬﺎ ﻣﺎﻥ ﺗﻌﺒﺎﻥ ﻛﺄﻧﻬﺎ ﻋﻴﺎﻧﻪ …. ﺳﺎﻟﺘﻬﺎ ﺍﻧﺘﻲ ﻛﻮﻳﺴﻪ ﻓﻴﻚ ﺷﻲ … ﻗﺎﻟﺖ ﻟﻲ ﺗﻤﺎﻡ … ﻛﻮﻳﺴﻪ

ﺍﻧﺎ … ﺑﺪﻭﻥ ﺍﻱ ﻣﻘﺪﻣﺎﺕ ﻗﺎﻟﺖ ﻟﻲ ﻗﺼﻲ ﺍﻧﺎ ﻣﺎ ﺑﺤﺒﻚ ﻭﻣﺎﻇﺎﻳﺮﺓ ﻋﻼﻗﺘﻨﺎ ﺩﻱ ﺗﻤﺸﻲ ﻟﻲ ﻗﺪﺍﻡ .. ﻭﺍﻧﻮ ﺍﻧﺖ ﻓﻲ ﻃﺮﻳﻖ ﻭﺍﻧﺎ ﻓﻲ ﻃﺮﻳﻖ … ﻣﺎﺭﻛﺰﺕ ﻓﻲ ﻛﻼﻣﻬﺎ ﻛﺘﻴﺮ … ﻗﻠﺖ ﻟﻴﻬﺎ ﺗﺸﺮﺑﻲ ﺷﻨﻮ … ﻗﺎﻟﺖ ﻟﻲ ﻗﺼﺼﻲ ﺧﻠﻴﻚ ﺟﺎﺩﻱ ﻭﺣﺎﻭﻝ ﺗﻔﻬﻤﻨﻲ ﺍﻧﺎ ﻣﺎ ﺩﺍﻳﺮﺍﺍﺍﺍﺍﺍﻙ …. ﺍﻧﺎ ﻧﺎ ﺑﺤﺒﻚ … ﺍﻓﻬﻢ .. ﻗﻞﺕ ﻟﻴﻬﺎ ﻓﺠﺄﺓ ﺩﺍﻳﺮﺓ ﺗﻜﺎﻭﻳﻨﻲ ﻳﺎﻫﺪﻳﻞ ﻋﺸﺎﻥ ﻣﺎﺍﺗﻜﻠﻤﺖ ﻣﻌﺎﻙ ﺍﻣﺲ؟

ﺍﻧﺎ ﻛﻨﺖ ﺟﺎﻱ ﺍﻟﻠﻴﻠﻪ ﻋﺸﺎﻥ ﺍﺧﻄﺒﻚ … ﺗﻘﻮﻣﻲ ﺗﺰﻋﻠﻲ … ﻗﺎﻟﺖ ﻟﻲ ﻗﺼﺼﻲ ﻣﻦ ﺍﻻﺧﺮ ﻳﺎﺥ ﻣﺎﺩﺍﻳﺮﺍﻙ ﺍﻧﺎ … ﺍﻧﺎ ﻓﻲ ﺍﻟﻠﺤﻈﺔ ﺍﺩﻳﺘﻬﺎ ﻛﻒ … ﻭﺍﻟﻨﺎﺱ ﺍﻟﻔﻲ ﺍﻟﻜﺎﻓﻴﻪ ﻛﻠﻬﺎ ﺻﻨﺖ … ﻗﻠﺖ ﻟﻴﻬﺎ ﺩﻩ ﻣﺎ ﻛﻼﻡ ﺑﻴﻬﻈﺮﻭ ﺑﻴﻬﻮ ﻓﺎﻫﻤﻬﻪ … ﻟﻮ ﺩﺓ ﻫﻈﺎﺭ ﻓﺎﺍﺍﻫﻈﺎﺭﻙ ﺑﺎﺍﻳﺦ ﻭﻣﺎ ﺗﻘﻮﻟﻲ ﻛﻼﻡ ﺫﻱ ﺩﻩ ﻓﺎﻫﻤﻪ …. ﺑﻜﺖ ﺷﺪﻳﻴﻴﺪ … ﺳﻘﺘﻬﺎ ﻣﻦ ﻳﺪﻫﺎ ﻭﺭﻛﺒﺘﻬﺎ ﺍﻟﻌﺮﺑﻴﻪ …. ﻗﻠﺖ ﻟﻴﻬﺎ ﺍﻟﻤﺰﻋﻠﻚ ﺷﻨﻮ ﺍﻧﺘﻲ ﻓﻲ ﺷﻨﻮ ﻟﻲ ﺑﺘﺘﻜﻠﻤﻲ ﺑﻲ ﺍﻟﻄﺮﻳﻘﻪ ﺩﻱ؟؟ ﻗﺎﻟﺖ ﻟﻲ 1 2الصفحة التالية مدونة كامومنذ 4 ساعات 0 5 دقائق