رواية أجهضتني ألما الفصل السابع 7 - بقلم الحساب مغلق

متحملت لازم ارجع لعبودي مدااكدر اعيش دونه رجعت وامي شجعتني عالرجعه
سليم- ضليت حاير بعبودي وبروحي هدوم عاديداغسلهن بسدالاكل دمرني كله من بره ومبي طعم كمل اسبوع الصبح ب10اندكت  الباب رحت فتحتها شفت فاطمه
فاطمه- من طلعلي نصيت راسي ندمت عاللي سويته بس حاله عصبيه محجيت شي ضل يباوعني
سليم- شتريدين جايه
فاطمه- اريد ابني
سليم- تنهدت فوتي كلتها ببرود
كعدت بالهول منصيه حالتها تقهر بس بعدني شايل بكلبي عليها باعي اني مااامن لج بعد عبودي الصبح اخذه ويايه ومن ارجع بليل ارجعه بشرط اقفل الباب مال بيت عليج شنو اليضمن انج متاخذي وتنهزمين
فاطمه- ماشي اللي تريده سوي بس خليني يم ابني ماباوع بوجهه من احجي وهو يحجي بتهديد
سليم- المسواك يوصلج للباب كل يومين تنهدت ومن اجيب المسواك اخذ عبودي واطلع للشغل افتح الباب
فاطمه- وانت وين تروح رفعت عيني باوعتله بحزن وندم
سليم- خزرتها مالج دخل بيه ماكو خط رجعه النا بعد انتهى البيناتنا شمدريني انتي وين رحتي بذاك الاسبوع اذكرج جبتج من مركز شرطه
طبعا اني اعرف انه جانت تشتغل بالامام بالتفتيش واعرف كل اخبارها بس احب ااذيها مثل مااذتني
فاطمه- اي ماشي كلتها بكبرياء
سليم- يله بابا عبودي امشي جان حاضن امه ويباوع بعينها من دنطلع كلها ماما لتروحين وتعوفيني
فاطمه- لا ماما ماعوفك والله
سليم- باوعتها بعتب دمرت نفسيته للولد
فاطمه من طلعو كمت عالبيت انضف وابجي خسرته وهسه اكيد حيرجع لسوالفه ولهاي اللي تحارشت بي اذا مرايحلها من قبل سبوعين قررت اشيله من بالي التهي بشغلي وبعبودي عمتي
تماضر لزم السيد المحل الجوه شقتها
تماضر- رجعت من الدوام شفت المحل مفتح مسوي يخبل حتى مكينه شاميه وفلافل مخلي وماكو مثل قبل شباب واكفين بالباب صعدت وبدلت بالشقه وره شوي اندكت الباب
منوو
اني ابو المحل
اي جيت فتحت الباب شفته رجال اربعيني مرتب كلش وممبين عليه الكبر اهلا تفضل
العفو زاد فضلج انتي ست تماضر
ااي
هذا الاجار وانشاء الله كل بدايه شهر انطيج الراتب
انشاء الله تشوف الخير عالمحل
السيد- كلش حلوه ونزاكه ومن تحجي توصوص جنها كتكوت ابتسمت لا اراديا
تسلمين
تماضر- يعني هسه انت فتحت اكدر انزل اتسوك منك
السيد- اي تفضلي يمعوده هله بيج
تماضر- مشكور هسه شوي وانزل نزلت تسوكت وجانت عيونه تراقبني ويدير وجهه اخذت مسواك اسبوعي بيض اجبان كلشي احتاج
السيد- جتي تحاسبني وسالتها
انتي وحدج بالشقه اخوج وين
تماضر- متزوج كاعد بعد شارعين عننا تريد شي
السيد- لا بس ردت اتعرف عليه باوعتها ونصيت مبتسم معلمه مال ياماده
تماضر- ابتسمت اسلاميه
السيد- الله يعلي مراتبج اهلا بيج دفعت الحساب وطلعت تنهدت البنيه خوش بنيه الله يستر عليها
تماضر- شون اخلاق وشخصيه عليه الله يوفقه
فاطمه- من كملت شغلي كعدت بالصالون اجتني كم وحده حفيفه كملت وسويت العشا شوي وطب عبودي
هلو ماما
هلو حبيبي
جوعان سويلي لفه
وين بابا لعد
راح يم عمو السيد
ضليت صافنه خابرت عمتي كتلها نزلي شوفي يمه صدك
تماضر- اي ولج هاي سيارته
فاطمه- معناها ممتزوج هسه اني ويا شنو اني شبيه ليش هيج اشتاقيتله ادري حب بس مو دمار وذله دتشوفي طلكج وقبل غير وحده تتحرش بي نطه مجال ومعتذر منج لا بالعكس ضربج وانتي عفتي وطلعتي من البيت اسبوع وكلج ماكو خط رجعه بيننا ليش شاغل تفكيرج فاطمه كلشي انتهى انسي انسي شغلي بالج ببعبودي وشغلج بس تعشه عبودي ونام والصبح اندكت الباب جنت لابسه تراكسود احمر ومحضره الريوك
منوو
اني ابو عبد الله
جيت فتحت الباب راسن
سليم- شفتها بهاللبس ارتبكت نصيت وكع جيس التفاح مني ركضت لمته باوعتلها
تره انتي تحرمتي عليه
كلتها بوكت غضب مااعتبر مطلكه وشي ثاني مبايت يمي ليش هيج تحجي باوعته بغرور
سليم- ممم صح باوعت على جسمها من دارت ضهرها وراحت مشتاقلها بس ماانزل راس متستاهل متنطي عين دخلت وراها
عبودي بابا تريكت
لا بابا بعدني
ياه تعال
فاطمه- جنت محضره الغده بسفر طاس حتى يتغدون بي خليت الريوك وكعدت عبودي يمي هو واكف يباوع علينا
عبودي- بابا انت هم اكل
سليم- مااشتهي بابا يله كمل دنروح
عبودي- ماما سوي لفه بابا تاخر
فاطمه اي سويتله لفتين حته ثنيناتهم ياكلون

سليم- وصلنا للمحل عبودي كعد ياكل واني كعدت اباوع عليه مبتسم
عبودي- بابا تره ماما سوت هاي اللفه الك
سليم- منو كلك وشنو هاي السفر طاس
عبودي- هاي بي الغده مالتنه
سليم- مشتاق لاكلها مشتاق لريحتها لكلشي بيها لدلعها توني بديت اعيش صح طلعتلي هاي العكربه وصدك طبت بت حرام بذكرها
نعم تفضلي
اريد اتسوك شبيك اوي
تعال عثمان تعال بابا شوف عاي المره شتريد تتسوك
تخلي البنغلادش يساعدني والله وكت
ليش يابه من شوكت جان عدنا وكتنا روحي بابا الله يستر عليج
عفتها وكعدت اكمل اكل عبودي كدامي يكمز ويرتب الغراض فدوه لكلبه تعلم يرتب البضايع
ضلينا بالشغل للضهر عبودي تعب لازم ارجعه للبيت نام بحضني بقيت المحل بي العامل واخذته ورحت للبيت
دكيت الباب
فاطمه- فتحت الباب جان عبودي بيده نايم
ها نام باوعتله بحنان
سليم- اي خطيه تعب كعد يرتب الغراض
فاطمه- فدوه لكلبه جبت الغطا غطيته
سليم- تنهدت باوعتلها لا بسه دشداشه جوه الركبه تخبل عليها درت وجهي
طلعت دااقفل الباب
فاطمه- هاي شنو اوكف اوكف عدي شغل
سليم- لزمت اليده وهي مجلبه بالباب هاي شبيج وخري متفقين احنا
فاطمه- لتقفلها همست الله يخليك مو عدي شغل بعد ساعه باوعت بعينه بحنان جنت قريبه منه حسيته هدا وسكنت اعصابه
سليم- تاثرت بيها من نصت صوتها وباوعت بعيني تنهدت لا همست لازم اقفلها درت وجهي الله يخليج لتصعبيها عليه
فاطمه- مااطلع ماعدي غيرك ندمت لان سويت هيج
سليم- باوعتها اتامل ملامحها عيونها الصفر المدمعه ووجهه الابيض الناعم مديت ايدي على وجهه اتلمسه نصت
فاطمه الله يخليج كنسلي الشغل لباجر بعدني ممامن بيج طيني مجال
فاطمه- رفعت راسي همست بعدها ذيج تجيك للمحل
سليم- اللهم طولج ياروح لاااا طردتها دفعت فاطمه وسديت الباب بقت تباوع بعيني من الجامه مال باب واني اقفلها واباوع بعينها
فاطمه- بقيت صافنه وره شوي سويت العشا ورحت نمت ماعدي شي وكنسلت الشغل لثاني يوم بليل اجه فتح الباب وفات
سليم- عبودي وينك بابا
فاطمه- الله يساعدك ديلعب بلي
سليم- ها نزعت حذائي وفتت باوعتها ونصيت رحت لابني ها بابا شونك
عبودي- بابا بعد سبوع اداوم مدرسه
سليم- اي حبيبي اشتريلك كتب وجنطه واقلام
عبودي- اي بابا اني كلش فرحان
فاطمه- تتعشى ابو عبودي
سليم- والله كيفج ماباوع عليها باوعت لعبودي
فاطمه- يله تعالو للمطبخ نتعشى
صبيت العشه جان كباب وكبه وزلاطات تعشى سليم وعبودي واني اتفرج تلفزيون مكعدت وياهم كمل اكل وطلع
عبودي- بابا حتروح على عمو
سليم- اي بابا محتاجه شي للبيت
فاطمه- التفتت عليه هزيت راسي لا اباوعلها بحنان ومااكدر انزل نفسي اكثر لان ضربني واستجاب لرغبات غيري ومدفعها بس نفس الوكت ندمانه لان طلعت من البيت تنهدت صراع بين كبريائي وحبي اله
سليم- عيونها دمرتني تحجي بيها قفلت الباب وطلعت ورحت للسيد ابات يمه لان وحده بشقه والده الله يرحمه
بقيت يوميه الصبح اروح اخذ عبودي وارجعه بليل
واتسوك وجانت كل يوم تنطي سفر طاس غده ونتغده بي اني وعبودي  واتعشى يمهم اني بعنفواني وكبريائي وهي بعنادها وحنانه وكرامتها بقينا بعاد عن بعض بس نضراتنا تحجي
تماضر- رجعت من الدوام ضهريه من الضهريات الشارع فارغ وصلت قريب المحل اجه شاب بالماطور حاول يجر جنطتي وجنت توني مستلمه الراتب تقاويت وياها اجر بيها جرحني بسجينه وانهزم صيحت طلع السيد من المحل ركض وراه
وره نص ساعه جاب الجنطه واجه جنت كاعده بمحل الدم يجري من ايدي والجيران ضمدو الي
السيد- دخلت للمحل شفتها كاعده وواحد من المضمدين يداوي جرحها
تفضلي هاي جنطتج تنهدت بتعب
تماضر- شكرا شون لزمته
السيد -لحكته بتكسي ولكفته شبعته كتل وهسه دزيته للمركزشون صرتي اباوعها بقلق
تماضر- الحمد لله احسن طبعا لو ماانت الراتب يروح والجواز
السيد- مسويت شي هذا واجبي ضليت اباوع بعينها
تماضر- نصيت واخذت الجنطه وصعدت لشقتي
وره ساعه نزلت تسوكت منه يبتسم ويحاجيني
واني كلبي ديتاثر بي كلش شوي ودخل سليم ها عمه شونج
هلو سليم انت شونك عبودي وفاطمه
الحمد لله هاي شنو شبيها ايدج
الله ستر خلي السيد يحجيلك يله اني حصعد للشقه سلم على فطومه وبوس عبودي
فاطمه- مشت الايام ومر شهر وهو بعده يقفل الباب عليه من يطلع بده دوام عبودي
اول يوم
عبودي- ماما اجه بابا
فاطمه- الله يساعدك
سليم- هلو ياب حبيبي عبودي صرت بالمدرسه شلته وفريته يوم الاشوفك بي دكتور
فاطمه- اني اريد مهندس
سليم- باوعتلها ابتسم عمي خل يطلع من المتوسطه والله كريم
ههههه يلله بابا امشي
فاطمه- عادي اني هم اجي
سليم- ليش باوعتلها مستغرب
فاطمه- تنهدت دمعت عيني اويد اشوفه من يفوت للمدرسه
سليم- يله بدلي ابتسمت
طلعنا بالسياره وصلنا ونزل عبودي طاير من شاف هواي طلاب استغرب ضل يتصفن
عبودي- بابا الست تكتلني
سليم- لا حبيبي متكتل العقال
فاطمه- عبودي ماما لتسوي وكاحه حضنته وبابا يجيك ب12من تطلع تلكاه بالباب باوعت لسليم
سليم- اي حبيبي لتخاف يله تفوت
عبودي- اي روحو قابل اني صغيروني اني صوت رجال
سليم- اي حبيبي فات للمدرسه ضلينا صافنين اني وامه عالباب مال مدرسه شوي وانتبهنا على روحنا تنهدت يله امشي
فاطمه- اني لو باقيه بدونك منو يرافقنا بهيج يوم
سليم- تنهدت مولي لروحج اخذتي الولد وانهزمتي
فاطمه- نصيت انت هم اذيتني
سليم- باوعت بعينها مدمعه غيرتج قاتله
فاطمه- اخيل روحك بمكاني ولو انت متحبني بس تخيل واخد تحرش بيه واني بقيت واكفه متحركت مستقبله
سليم- جريت ايدها عصرتها حسيت روحي احتركت من يجي هاليوم ادفنج انتي وحيه
فاطمه- لعد شون تريدني ماغار عليك وانت فوك كل هذا ضربتني
سليم- نزلي وصلنا
فاطمه- نزلت من السياره منصيه احس روحي مكسوره
سليم- نزلت بكسران خاطر قهرتني ومردتني مشتاقلها وادري حقها بس اني هم حقي ليش مااعترف بغلطي مثل معترفت افتريت بالسياره رديت رجعت للبيت جانت ساعه 8ونص بعد وكت مو هسه افتح جمله فتحت الباب وفتت دورت عليها ماكو بقيت ادور لكيتها وره البيت تبجي ومخليه راسها بين رجليها
فاطمه همست
وفعت راسي متعجبه شجابه هذا
مسحت دموعي ماريد يشوفني مكسوره اكثر من هالشي
تقربت منها كعدت كدامها باوعت بعينها تحسرت اسف لان مديت ايدي عليج ومقدرت غيرتج بستها من راسها غمضت عينها اخذت راسها وحضنتها قوي
والله احبج بس اذيتيني من عفتيني واخذتي عبودي
فاطمه- اعتذر بجيت والله بعد ماسويها
سليم- لتبجين تعاي حضنتها قوي شاورتها مشتاقلج تنهدت مشتاق انام هنا اشرت على جوه ركبتها وبدايه صدرها رفعت عينها باوعتني ونصت مبتسمه
تعاي باوعتها بتوسل
فاطمه- نصيت مبتسمه وخجلانه
سليم- متريدين بكيفج
فاطمه- لالا تعال همست مشتاقتلك
سليم- تقربت منها شلتها واخذتها ورحت للغرفه حسيتها مستغربه وخجلانه مسويت شي خليتها عالجربايه تقربت منها عيني بعينها غمرت راسي بحضنها ونمت واباوع بعينها مبتسم بحنان وهي مدمعه عينها ومغمضه
ليش مدمعه حبيبي
ضايجه من نفسي همست
احبج
اني هم
فاطمه مراح اسوي شي بس ردت احضنج قوي صار شهر بعاد
ماشي
عصرتها بين ضلوعي وغفيت لل11يله حسيت
كومي فاطمه ب11
اي كمت ركض سويت الريوك تريك وبس عيوننا تتحاجه كلشي محجينا كمل ريوك وطلع  اجه ب12ونص وي عبودي تغده ورجع طلع هالمره مقفل الباب عليه باوع بعيني مبتسم وطلع
سليم- مقفلت الباب ردت تحسسها اني مامن بيها بس من طلعت لاكيت اخويه كتله عينك عالبيت اذا طلعت الحكها
رحت للشغل وبليل رجعت جبت المسواك ودخلت جنت مقرر ما ابات الا اذا هي طلبت مني بس من شفت لبسها تاكدت انه تريدني جانت لابسه فستان قصير  ومبينه كل جماليه جسمها رجليهازالثلجً المبرومه الناعمه وزنودها بدايه صدرها كلها تخبل من شافتني ابتسمت
واني هم ابتسمت وجريتها للغرفه بستها راسن متحملت بعد كمري انت وشمسي  جميله بمعنى الكلمه اريدج واذا مترديني كولي الله يخلييييج
فاطمه- شاورته اريدك
سليم- خرب تعااااي قفلت الباب ونسيت الدنيا وياها معاتب وغزل وحب وجموح ومتفاعله ويايه بكل جوارحها الصبح كعدنا فايت وكت
فاطمه عبودي ماكو كومي شوفي
اجهضتني الما تكمله ال7
كعدت من النوم فازه سليم وين عبودي
سليم-شوفي خاف بره يم علي
فاطمه- كمزت طلعت ملكيته بالشارع ولا بيت عمه طبيت اركض سليم ماكو عبودي
سليم- وين يروح يعني كلبي لزمني اخذت السويج وركضت وفاطمه لبست عباتها وكمنا نسال ماجده كالت طب علي وحده مو ويا عبودي رحيم يدور من صفحه واحنا من صفحه تالي لكيناه يم صديقه وره 4فروع من بيتنا
عبودييي وينك يابابا ليش طالع ومكلت مو متنا
عليك صار ساعه ندور دمشي وياي
بابا داالعب وي عمر بالبايسكل
امشي باجر اجيبلك واحد خرب صفحتك همين وصلت للبيت فاطمهرحالتها حاله بس تبجي
فاطمه- ليش هيج ياامي حضنته وابجي والله متت خوف عليك ليش عيج تسوي بيه
عبودي- اشترولي بايسكل ماما فد حلو مال عمر
سليم- باجر اجيبلك واحد
فاطمه- لالا ماكو مو هسه خاف يندعم عفيه بعد فد سنتين
سليم- باوعتها ليش
فاطمه- سليم بعده صغير اخاففف
سليم- اطلعي منها انتي واني اعلمه معليج انتي
فاطمه/ لا مااقبل اخاااف
سليم- ليش دتصيحين امشي احاجيج جوه
فاطمه- ماريد احجي واذا جبته افلشه
سليم- كيفج هو مو كيفج خاف عبالج بس ابنج
فاطمه- سليم فدوه اخاف من البايسةل والله
سليم - تنهدت ماريد احرمه  من شي يله بابا خل نروح للشغل
فاطمه-عفيه دير بالك عليه
سليم- هاي شبيج يله مع السلامه
فاطمه- الله وياك رجعت ايامي ويا دلعته وشبعته دلال
سليم- حبيبتي تدرين مااشبع منج عوضتيني الايام الفاتت فطومه لتاذيني بعد
فاطمه- بس لتخون
ماخون اشش لتكملين ماريد غيرج يلزمني ويذوبني احس روحي وياج كامل
ماشي
فات شهر على علاقتنه الحلوه طبات وطلعات وونسه صار روحي من الدنيا هو وابني
سليم- كمت مااكدر انام الا بحضنها واغمر راسي بصدرها وعطرها وتجي ايام ماعدي شي اعوف المحل عالصانع ارجع انام يمها متيم بيها وره شهر عبودي طلع يلعب بالباب بالبايسكل وي صديقه بالباب جانت صبحيه ب11 ويوم جمعه كاعد اني وفطومه اتغزل واغني الها سمعنه دكت باب وصياح بالباب ركضت عالباب منووو سكو هاي ياللله عبودي عبودي بي شي
فاطمه بلحضه حسيت كلبي وكف وكمت مااكدر اتنفس ابني اكيد بي شي
سليم- من فتحت الباب وشفت واحد من الرياجيل الملتمين بالباب  شايل عبودي بيده وممبين شكله من الدم اللي بوجهه وراسه تخبلت مكدرت اوكف بعد
عمي هذا اندهم وابو السياره انهزم الجك عليه ودي مستشفى لان انشمر بعيد لحكككك لتصفن
سليم- اجه رحيم واخذ عبودي من الرجال وصعد بسيارتي وجرني اني مثل الميت كانما حلم بالنسبه الي وطلع ركض للمستشفى ودخلوه للطواريء بسع اني صافن
فاطمه- من شفت رحيم ركض وجتني ماجده تكولي كولي يترب كولي يارب مبي شي بعد محسيت الا الدنيا تفتر وكعت اغمه عليه
سليم- رحيم عبودي حيموت مو
رحيم- لالا لتكول هيج اكعد ارتاح كلشي مبي انشاء الله يطلع بسلامه
طلع الدكتور البقاء لله جزء كبير من مخه متضرر ملحكنا عليه التفتت على سليم خرب ماحمل ركضت باخويه ونطيناه مسكن جانت لحضات منتهى الصعوبه
فاطمه- من حسيت وماجده يمي تبجي تخبلت كمت اصبح ابنييييي جيبولي ابني الطم فاقده واملخ بروحي طلعت للشارع مثل المخبله شفت بايسكله كله دم كمت اصيح كله من وراه كتله اخاف من البايسكل ضل مجلب يربي اخذني بمكانههه اصيح وماارتاح
سليم- بقيت مصدوم السيد اخذني لكربلا اسبوع يوميه يم الشباك ابجي ساعات عفت الدنيا كلها وصورته ببالي
فاطمه- جوي اهلي اخذوني للنجف كابلت الامير وكعدت بلكت تبرد ناري كارهه سليم وحاقده عليه ومحملته ذنب عبد الله
سليم- وره اسبوعين على وفاة عبودي حبيبي طير الجنه اشتاقيت لفاطمه ردت اشوفها اتصلت باخويه كلي مو بالبيت انصلت بعماها كالت بالنجف
واني جنت ماوي اروح ازور عبودي بس اصدك وفاته ورحت للمقبره لكيتها مخليه راسه على قبره وتبجي وامها يمها ووحده من بنات اخوها
فاطمه- شفته من بعيد توجه لعبودي مبيه حيل احاجي درت وجهي عنه سمعته يون ويبجي يحاجي عبودي فسر كلبي
سليم- عبودي بابا منو يساعدني بالشغل بعد كوم ويايه المحل مااكدر افوته من يوم رحت كوم مشتاقلك راح اموت وراك بجيت بحركه باوعتها جانت ساكته ودمعتها بعينها وجهه تعبان حيل كانما جسد بلا روح
همست فاطمه حبيبتي مشتاقلج
كله من وراك انت السبب
اني ااااني السبب
اي انت كتلك اتخبل من البايسكل تالي جبتله واحد وراح من وررررااك صيحت جرتني امي واخذتني وراحت للبيت نمت كمت اكضي الوكت نايمه طلعت اربعين عبودي واني بعدني ممستعيده نشاطي بديت اتعب الفلوس خلصت واهلي ماعدهم  اجتي عمتي لبيت ابويه تشوفني  واقترحت عليه اروح يمها وافتح صالون بواحد من المحلات وافقت لان ماكو غير حل اخلي حالتهم ابد مزينه لازم ارجع اساعدهم رجعت لبغداد وره الاربعين بالبدايه اشتغلت صانعه بمركز تجميل بالصالحيع فتره سبوعين وراها فتحت صالون طلعت حامل شهرين مردت ارجع لسليم ابد مكتله
سليم- السيد ابدا متركني ويايه ويايه عايف بيته وجاي يمي بالبيت من بعد ماعافتني فاطمه ومدتقبل ترد لبغداد
السيد- رجعت فتحت من بعد سبوعين معزل مكدرت اعوف سليم تفاجات من شفت مرته دتنزل من الدرج مال عماره تروح للمركز مال تجميل اتصلت بي وكتله
سليم- هاي لعد يم عمتها بقت تنهدت عوفها براحتها شسوي اذا هي محملتني ذنب موت ابني زين شنو لابسه متمكيجه شون طالعه يعني
السيد- صايره موهي صايره وحده ثانيه باقيه بس عضم الله يساعدك ويساعدها

سليم- اووف الحمد لله حبيبي سيدنا اليوم فتحت والحمد لله سمعت نصيحتك
السيد- احسن شي اسوي اا يله روح بليل اجيك
اهلا ست تماضر تفضلي
تماضر- شونك سيد ردت اتسوك
السيد- اي المحل كدامج
تماضر- باوعت بعينه وعيونه منزلها عن عيني اني كمت اتحجج بالمسواك ومااعرف ششتري بس اريد اشوفه
السيد- محتاجه شي شفتها صافنه سالتها
تماضر- اا اي هسه شمسه اريد دجاج
السيد- باوعتها مبتسم البارحه جتي اخذت دجاجه ومسحب ابتسمت
بس دجاج همست
- اي ووصابون
- تقربت منها فتحت عينها شبيج الصابون وراج
- ها اي ابتعدت نصيت فضحت روحي عفت المحل وطلعت ضجت من روحي معجبه بي صار فتره وهو متدين ويخاف الله واصلا اني معاجبته تالي وكتي اذب روحي على رجال  صعدت للشقه لكيت فاطمه دتسوي كبه
- ها عمه وين رحتي
- رحت تنهدت اكولج فاطمه علميني شون اطلع واحد معجبه بي من كلبي ضجت من روحي
- بيمن معجبه😳 لتكوليلي بالسيد
- عزززه هيج مبين عليه
- اي عمه تخربين ضحك بس تردين تنزلين تتسوكين يعني مثلا البارحه نزلتي 5مرات حتى تجيبين كل مره غرض والثلاجه متروسه غراض وجايه وتكومين مو حته الراتب طار
- عززه خرب ببليسي بعد مافوت للمحل ومن اريد افوت كتليني بالسجينه
- صار عمه ههه هاي الكبه كملت المشكله ماالها مكان بالمجمده
- اي دكافي عاد كرهت روحي اندكت الباب منوو
- السيد - اني اني عبد الحسين
- تماضر- باوعت لفاطمه كامت تضحك وفاتت جوه لبست حجابي وفتحت الباب اهلا سيد تفضل ماباوع بعينه واحاجي بنتره
- السيد- ال هذا المسواك عفتي
- تماضر- نترت بيه وعليت صوتي ماريده غيرت رايي
- وليش تصيحين ملازم همست عفتها داانزل 
- العفو والله مو قصدي بس شسمه تنهدت دمعت عيني من تصرفاتي مااعرف شكولج طيني المسواك شكد حسابه
- 7500صافن عليه وحاس بمشاعرها واني هم دااحس نفس الاحساس بس ممبينها منتضر الفرصه المناسبه واتقدم الها
- تفضل هاي الفلوس شكرا تعبتك طبيت للبيت وسديت الباب بقيت اتصفن كمت كمت من اداوم ماافوت للمحل افوت للمحل البعيد ومااتسوك منه ابد مراسبوع واني مشايفته
- سليم- العصر رحت يم السيد اشتاقيت اشوف فاطمه كلش احس روحي تلوب عليها ادري بيها كارهتني بس ردت اشوفها وهاهي شهرين مشايفها مدااتحمل بعد النوبه كلي السيد تعبانه تخبلت ضليت كا عد يمه بالساعات لليل ماكو سيد شو مطلعت
- السيد- هي قبل ساعه رجعت من صالونها
- سليم- يعني ماشوفها اليوم
- السيد- تره بعدها مرتك تكدر تروح وتدك الباب وتكعد تحاجيها
-اخاف من رفضها تنهدت شون ارجعها
-بابا روح اخذها واجع لبيتك راح ترفض بالبدايه بعدين تتقبل وتسكت المره مالها غير بيت رجلها
سليم- حصعد احاجيها واشوف شتكول
السيد- الله يوفقك ويهديعا ترجع
سليم- تنهدت الله كريم بداخلي مشكلتي ماييد فكره انه من ورايه واخاف تعيدها وتتحملني الذنب والله اموت صعدت دكيت الباب
منوو
اني عمه
هلو سليم شونك شون صرت
الحمد لله الحمد لله
تفضل
السلام عليكم شونج فاطمه
من شفته جسمي ضل يرجف هله شعدك جاي
اريدج ترجعين
ماارجع
عمه- باعي فاطمه تدرين بيه شكد مكيفه بيج هنا بس لخاطر ابنج لازم ترجعين
سليم- ابنج تنهدت الله يرحمه
فاطمه- خزرت عمتي ماريد تحجي ومتدري بي ميدري
تماضر- انصدمت من عرفت انه ميدري
سليم- انتبهت عليه تخزر عمتها هاي شبيها هسه شون متجين
فاطمه- لا
اجيبج بطلب من المحكمه على انج ناشز
مارررريد ارجع افهم يرجال ماريدك بجيت من وراك ابني راح ميت مره كتلك البايسكل اخاف منه عاندت هسه ارتاحيت من راح
سليم- بجيت اني مردت اقصر عليه بشي دتحمليني ذنب اكبر مني امشي يله رجعي ويايه
فاطمه- كونت  حياتي هنا مستحيل ارجع وياك اني كارهتك
سليم- اني رجلللج صيحت
فاطمه- بروح عبودي روح همست ابجي عوفني
سليم- كيفج لتبجين لزمت وجهه مسحت دموعها حبقى انتضرج قربت وجهي منها وكلتها بصوت ناصي جانت مغمضه عينها رجعت للبيت وي السيد شبه محطم كل ركن بالبيت يذكرني بابني اني كمت انضف وماحده تطبخ واني والسيد نغسل الملابس اشتاقلها باللحضه الف مره
ومبقت عدي غيرها من ريحه عبودي تعبان بغيابها ومشتاق لعبودي والها
فاطمه- عمه دير بالج تحجين اكلبلج الدنيا
تماضر- بس هيج حرام تره
فاطمه-معليج مني حرام عليه مو عليج
السيد- سليم اريد اخذ رايك بموضوع
سليم- كول سيد
اريد اخطب عمه فاطمه شنو رايك
والله زين متختار ذهب مصفى تماضر
بس خاف ترفضني
دتقدم مخسران خساره
خل اشوف وضعيتي اكمل تجهيز البيت والله كريم
فاطمه- ردت انام تلفوني دك
الو
هلو فاطمه