رواية أجــرام الـ عسبار الفصل التاسع 9 - بقلم ملاك الـ خفاجي

لا تنسون الـ تصويت و متابعة للحساب

#اجرام الـ عسبار

_-_-_-_-_-_-_-_-

زينب : لحمداله مصار شي عليج بروشش

براء:اي لحمدالله

علي بخوف :-متأكدة

براء برود:-اييي كتلك ما بية شي

التفتت لمكان السيارة الي مشت منة  شفت نفس الشخص براس الشارع هوا و ثنين شباب  جان بس نص وجهة مبين

غزل:-يلا براء راح تضلين واكفة

براء:  هٰهٰا اءءء لا يلا امشي  

مشيت بدوخة من الموقف الي صار لو مدعومة جان هسة اني يم منكر و نكير احس نفسي اريد اتقيئ محمد لزمني و يمشي بية

براء:-محمد احس راح اتقيئ

موقف مرعب بنسبة الي  ضليت دايخة  كعدني ع رصيف 

علي:-محمد راح اجيب الهة مي حتى تغسل ابقة اهنا

محمد:-خوش ستعجل

الدنيا تفتر بيهة و نفسي لعبانة كمت اغمض و افتح بعيوني  زينب لازمة ايدي و غزل الخوف مبين ع عيونهة شفت علي يركض و الخوف مبين ع عيونة 

غزل غسلتلي وجهي و محمد يرفع بشعري

علي:- انتي زينة

هزيت راسي احس نفسي مصدومة ماكدر احجي مجرد اتخيل انو لو ما علي جان هسة اني ميتة فكرة الموت بحد ذاتهة تسبب الي عقدة نفسية   اشوية حسيت نفسي احسن 

محمد:-ها  براء بابا شون صرتي

براء:-احسن

محمد:-يعني نروح

هزيت راسي و غزل كومتني الهبطة بعدهة بداخلي امشي بطيء تذكرت من اجانة خبر وفات بابا بسبب ناس تمشي بتهور خسرت سندي شمعة بيتنة الهسة منضرة بالي اكره كل شخص يمشي بتهور  ضليت افكر فكرة جيبني

فكرة توديني ماحسيت الة محمد يفتح باب  الـ شقة  رفعت راسي الدوخ رجعت الي

ختل توازني ماحس الة علي لازمني من خصري  اعيوني صارن ثكال ماحست الة ضلام دامس غلب ع عيوني

فزيت ع سدة الباب فتحت عيوني بثكل
شفت غزل  وبيدها عصير ليمون

غزل:-همزين كعدتي شون صرتي

براء:-دوخة خفيفة شصار 

غزل:-ختل توازنج و علي نقذج للمرة الثانية
وو محمد جاب دكتور و طلع عندج هبوط بضغاط بسبب الهبطة

براء:-بيش ساعة

غزل:-ساعة 7 و يلاا  كومي اشربي هل عصير الـ يمون من اديناتي

- كمت شربت لعصير وحطيته ع ميز وهيه  طلعت من الغرفة  غمضت عيوني الـ ثواني  رداوني شكل  لي راد دعمني بسرعة فتحت عيوني واني مرعوبة 

:-استغفرالله اني عوزي بس هل ضيم

كمت غسلت وجهي و طلعت للصالة جانت مامة كاعدة و الصوبة  كدامهة

رحت نمت بحضنهة ضلت تلعب بشعري القصير و كالت

الام:-شون صرتي امي خوفتيني عليج

براء:-حبيبتي انتي لا تخافين صل صل ما يصيبني شي

الام:-هههههههه حتئ وانتي تعبانه ما تبطلين سخافة

براء:-عيني السخافة بدمي شسوي شمسوين عشية

محمد طلع من غرفتة و كال

محمد:-ياهلا وكول البيت ليش منور اثاري بربر كاعة بـ الصالة

براء  برود:-ماكو ربط

محمد:-ثول مو مال واحد يتغزل بيج

براء:-ليش هذا  غزل

محمد:-لعد شني

براء:-اذا هذا غزلك و تتغزل بزينب تشمرك من اخر طابق بلبناية

باوع الة صفح و انطاني الاذن الطرشة التفتت الـ ماما

براء:-ما كلتي شنو العشة

الام:-ولله مادري غزل جاي تسوي 

براء:-اكوم اساعدهة

الام:-ابقي كاعدة لا يهبط ضغطج و توكعين كلبي مرة ثانية

بتسمت الهة و بستهة من خدهة حضنتهة دقايق واني اشم ريحهتة  نومتني ع رجلهة و ضلت تقرة عليهة ايات و تلعب بشعري

غزل طلعت  من المطبخ 

غزل:-اييييي الدلال ولـ حنان كلة الـ ست براء واني طايح حضي بعشاكم

محمد:-انجبي ودخلي كملي الاكل

مدت السانهة تعيب عليهة و باوعت الـ ماما

غزل:-مــــــــــــاما ترا اني بزر الكعدة مو هية

هزيت حواجبي االهة و حضنت ماما 

براء:-عيني لا بزر كعدة ولا بطيخ يخلي ماما تحبكم اكثر مني

الام:-معليج بحجي هل خبلة كلكم نفس المعزة و كلكم احبكم

ماما ضلت تحجي وي غزل و تكلهة كلكم احبكم و كلكم  غالين صبغتهة و دخلت للمطبخ كمل  شوية و جابت صينية الاكل
جانت مسوية جلفراي (دجاج و بتيتة )

كعدنة ناكل بهدوء و صوت المطر ول رعيد جانت اجواء تخبل خلصنة العشة و غزل غسلتهم ما قبلت اساعدهة

دخلت للغرفة جنت ميتة نعاس بس خليت راسي ع مخدة بعد ما حسيت بشي

ما كعدت الة ثاني يوم

______________صباحاً____________

فتحت فوني لكيت رسايل6  من علي

علي_  السلاام عليكم🛼💭

_شلون صرتي براء 💭

_بعدج دايخه💭

_ زينب تسائل عليج💭

_شنو نايمه💭

_وينج💭

براء:- اي جنت  نايمة وصرت احسن من لبارحه 💭

اول ما دزيت الرسالة شافهة حجيت بداخلي  :-شنو نايمة بـ محادثة

علي:-هٰهٰا اي زين  خوفتيني عليج

- شفته وطلعت من لمحادثه كمت غسلت وجهي لكيت مسوين ريوك غزل مسويه  تريكنه وكمت غسلت مواعين شفت ساعه ب 11
ضليت كاعدة مالة ماكو شي التهي بي تذكرت خالة كواغد طكيتهة ركضة لبست نعالي و نزلت ع سريع

براء: هلووووو خالة

كواغد: هلا يمه شلونج سمعت متخربطه لبارحه

براء: اي والله شوي هسه تحسنت

كواغد: مابيج غير لعافيه بنيتي

براء: تسلمين حبيبتي

كواغد: ۉݪج يمة شنو هل عطر شك خشمي شك ليكول رجالي

براء: ههه اي خالة من عطور محمد اخلي

كواغد : يا يمه ليش ونسائي يخبل

براء : لا خالة مو حلو فاهي ونازك ﭑنيٰيہ أريده يفوح فوح حت من امشي لي يمي يفوح وراي

كواغد: والله يا يمه مادري انتِ شلونج

براء: شنو خالة وذا

شفت مصيكع وأخو  لازمين طوبه  و يدكون باب ابو حسن

يلا خالو ﭑنيٰي راح اروح   العب ويا مصيكع طوبه

كواغد:-روحي يمة روحي

ركضت الهم صرت وراهم ما يشوفني صحت بصوت

براء:-ولكم ليش مصيحولي العب وياكم  هٰهٰا يلا تعالو نسوي فريق ونلعب

مصيكع: والله مشفناج هسه انتبهنه عليج يلا تعاي انتِ. اخوي واني و اني و عباس

_ سوينه فريق جان وكلساع اضرب هدف وانتبهت عل علي كاعد عل درج مال لعماره ويباوع شفته ابتسم ﭑنيٰيہ هم بتسمت لا اردي  ماحس له طوبه براسي

درت  وجهي اشوف هاذ  جويسم يباوع علية  و يضحك

_اخخخخ أبنن للل ﭑنيٰي  علمك اذا ما اموتكك يا ابن ز***  رحت  اركض ورا لزمتة  دفرتة   ضربتة راجدي راد يكوم مديت رجلي جان يطيح ع وجهة

_ اهخخخ والله ما أعيده والله عوفيني

نتبهت عل علي مركز فرد نوب ولبتسامه مرسومه عل وجهة عفته و جويسم شرد

وصلت للعمارة جاي ادخل  

علي:-اهخخ اجت بل كصة بَس شلون كتلتي متخافين من أهله

براء: ههه وليش  اخاف اذا كل سوالفهم جايفه يمي

علي : اهخ مينكدر الج

براء : طبعا اذا ﭑنيٰي بت عدنـان

راد يحجي عفتة و مشيت ديكت الباب غزل فتحت الباب   دخلت للبيت و غزل طلعت لكيت ماما كاعد بصاله صحت

براء:-هلوووو ماما

_هلا بيج يمه

براء:- لعد وين محمد شو ماكو

_ والله يمه طلعة وي اصدقاء

براء:-لعد غزل وين ولت

_راحت يم زينب

براء:-صدك الحقيرة ما خذتني  تمام ماما اني اروح  يم غزل وزينب

_ ࢪۉحٰي٘ي٘ يمه

طلعت سديت الباب و صعدت لشقتهم

دكيت الباب:-يهل الــــــــــــدار اني جيت فتحو الباب

جنت اصيح و ادك بالباب ما نطيت مجال

براء:-لــــــــــــــــج غزيلة زينبببببة فتحن الباب تلتقن من وراي جلبات

ضليت انتضر شويه وفتح لباب طلع علي

علي: شنو  هٰهٰل صوتت متكليلي حتى دلالات مو هٰي٘ج

براء: شو وخر من طريقي اريد اروح عل غزل وزينب وخر

علي : اول شي اطلبي بأدب

براء بصياح:- دورخ مني اريد ادخلللل 

علي:- طبي طبي شوف صوتها

:-ضحكت بصوت ناصي طبيت ولكيتهم يحجن

خواناتتت متكلولي ادبسزيات

زينب : كولي لغزل هيه الجت مو ﭑنيٰي كلتله زينب : كولي لغزل هيه الجت مو ﭑنيٰي كلتله تعاي

براء: غزيله ليش هٰي٘ج صايره جلبة

غزل:كلت توهة دايحة شكوواكول الهة 

براء: خوش خوش كعدنه وشوي كمنه  كلت لـ زينب

براء:-زنيبهه تعاي بليل علينه نسوي سهره  عائليه خوش

زينب : خوش اكول لعلي ولامي نجي

براء: يلا بَاي٘ي٘ يلااا غزيله

طلعنه ﭑنيٰيہ وغزل شفت ساعه 4 عصر

رجعنة للشقة كلت الماما راح اروحح لـ ابو رعودي  شتريت حلويات كومه  و اكيد انطيتة نص الفلوس

رجعت اهخخخ متت تعب يالله

مساء8:17

سوينه عشه وتعشينه

صحت ماما حنسوي سهره عائليه وحيجون بيت خاله ام علياء

_  خوش يمه.

صارت بـ9  وواجو

فتحت لباب صحت هلاوو

سلمت عل خالتي وع زينب و دخلن شفت علية ما سلمت عليهة ردت ادخل صاح

علي : شنو ما راحو تسلمين علية

براء : - ههلاو

عفته وطبيت كعدنه كلنه ورحت سويت جاي وكعدنه نسولف ونشرب صارت ب 10:44

ام براء: يلا كومي ام زينب خل نام خل يأخذون راحتهم مسوين ليوم سهره ههه

كأمو امي وخالتي

براء: شنو نلعب

محمد : نلعب اسئله وجوبه

براء زينب غزل : اي اي حلوو

براء: خل اجيب حلويات واجي لحضه

رحت جبت وطشرتهن و جبت بطل مي و بدينة نلعب  صار لبطل عل محمد و زينب

محمد: اييي يلا صراحه لو جرائه

زينب : صراحه

محمد: اممم هم شخص بالج

زينب : اءءءء لا للا

محمد : خوش

فرينه لبطل وصار غزل وعلي

غزل: اييي صراحه لو جرئه

علي: صراحه

غزل: هم حبيت وحده او معجب بيها گـ إعجاب

علي: حاليا لو قبل

غزل:-حاليا و قبل

علي:-قبل لا بس حاليا كـ اعجاب اي

باوع الي باوعت الة صفح و درت وجهي فريت البطل

صار لبطل علية و ع زينب

زينب : صراحه لو جرئه

براء : صراحه

زينب : هم كتلتي بنيه بيام لمدرسه

براء: اي والله كتلته لن تتنمر عليه لان شايفتني البس ملابسي ولد فـ  كتلته وحصلت فصل 3 أيام

زينب : احا

علي:

فر البطل صار عليهة و عليهة

علي:-جرئة لو صراحة

براء:-اصلا بطلت 

علي:-لا ولله بكيفج

براء  برود اي بـ كيفي  عندك مانع

محمد:-لج شسوين بـ المانع

براء:-الك حتئ بعد تمنع حشر خشمك بنص

شمرت البطل عليهة و كلت انت العب

باوعت الـ علي صفح و ترن كلمتة بالي

- حاليا كـ اعجاب اي

حجيت بداخلي:- بــــــــــــراء صحي لا تخلي نضراتة تأثر بيج اصلا هوا ولا شي بنسبة الي اييي اني ما اعرف احب اني مو مثل البنات خوووش

:-حاولت اشغل تفكير بلعب  ضلينه نلعب لحد 3 بليل وياكلون و يشمرون بكاع محمد و علي كامو للغرفة

كمت ﭑنيٰي وزينب وغزل عزلنه لستقبال  ورحنه نريد نام 

يتبع----------------

هلاو كيكاتي شونكم طبعا جاي اقرة التعاليق و يردون معلومات عن القصة و البطل منو

هذا شي ما راح انزل عليهة وي الاحداث انتو راح تعرفون الابطال منو و اعمارهم مال انزل بارت تعريفي ما اكدر + هواي يكولن البارت قصير  و جاي اتاخر بنشر

اني ما جاي اتاخر بنشر كلت بين يوم و يوم راح انشر بارت و ماكو ساعة محددة لان من اخلص البارت و ع وكت فراغي انشر

+جاي اتاخر بنشر حتى اكتب كم بارت مسودة و اعوضكم اذا شفت التفاعل حلو و بس

ااحبڪـم المؤنسات