رواية أه يا عذابي الفصل السادس والثلاثون 36 - بقلم Misoo

رهف
تقلبت وتقلبت احس اني مافيني نوم
ناظرته كان نايم تسحبت بشويش قمت صليت لما سمعت
اذان الظهرررر وبعدهاا حسيت بطفش
شفت جوالي ينورر ناظرت الا رقم عنود
مارديت خفت يصحى ناظرته حرام الصلاة تفوته

قلت بصوت واطي : تركي قوم صلاة
طنشني كيفك عاد انا اللي علي سويته رجعت
رفعت جوالي شفت في رسايل عنود مرسلتها
تقول الغداء جاهززز نفسي مسدوده ومالي نفس
بس طفشت من هالغرفه لي حول ساعتين اكلم نفسي
وعييااا مايجيني نوم وش اسوي يعني
قمت تسحبت بهدوء وبدلت قميصي اللي علي
وفتحت الباب بخفيف اوف تذكرت كلامه
ياويلي لو طلعت بس قويت نفسي وطلعت وش بيسوي يعني

في الصاله العصرر
الجده وهي تناظر رهف: يمه وش فيتس لك اسبوع وانتي ساكته
تعبانه حاسه بوجع قولي
رهف واناااطمنهاا: لا يمه ما في شيء
ام فيصل بهدوء وقلق: جد رهف فيك شي لايكون تحسي بعوارر وانتي ساكته
جوري : وع دلع
رهف بقهرر واناااظر جوري: لا خالتي مافيني شيء وانتي خليك في حالك لاني مالي مزاج ارد عليك
الجدة : ماعليتس منهاا يمه مقهورتن منك
جوري وهي فاتحهااعيونهاا: وش اللي فيهاا هالقزمه انقهر هااا
الجدة وهي تضحك: اكيد مقهورتن منهاا وهي معاها عريس وانتي تبي ومحد دق بابتس اجلسي مكانك محدن يبلي نفسه
عنود بضحكه عاليه: يميمه على الجرح والله هههههههه
جوري بقهررمنهم: لا لا من اصله اناا هونت على العرس
الجدة بسخريه: ايه وبدليل المرة جارت امتس اللي غثيتيهاا
وانتي ملزقه فيهااا بس ياحيليك طلع الولد يبي بنت عمه وسحب عليتس
رهف : ههههههه جد طلع يبي بنت عمه ياقلبي عليك ياجوري
عنود وهي تحط يدهااا على كتفهااا: خلاص حبيبتي جارتنا الثانيه معاهاا ولد توه دخل الجيش
ام فيصل بضحكه: ايه هذا يصلح لهاا يعرف يسنعهااا
الجوري بقهرر: يمه حرام عليك وش يعرف يسنعهااا اللي يسمعكم يقول.....
الجدة وهي تقاطعهاا: من غيرر ماتكملي مخبوله والللي يبي ياخذتس امه داعيتن عليه وماتبي مصلحته وانقلعي لا اشوفتس في مجلسن انا جالسه فيه لانك ترفعي لي ضغطي بدلعس
جوري وهي تحط يدهاا على خصرهاا: ياسلام نفسي اعرف هالبيت بيتك ولا بيتتنا هااا عشان تقلعيني
الجدة بقهر وهي تبي تقوم تضربهاا: نعن بوذاالوجهههه ياقليلة الحيا اللي مافي في وجهتس ذا حيا لو انك بنت ابوتس صدق اوقفي هاناا عشان امردغك بذي العصااا يازينهاا على جسمتس
اام فيصل بحده: جوري انقلعي من هناا قبل ماقوم لك اناا
رهف وهي مسويه انهاا حزينهه على جوري: مسكينه يمه خليهاا تجلس ماعندهاا شيء في الغرفه تتسلى فيه
جوري بقهر : محدن طلب منك تتوسطي لي واناااجلس في المكان الللي احبه غصب عن اللكل
الجدة بعصبيه: قصدتس مني صدز وحده تسلبه لكن خلي اخوتس يصحى بس اذا مااخذ حقي منك والله مااجلس في هالبيت ارجع بيتي احسن من مقابلة وجهتس ذا
ام فيصل بعصبيه وهي تقف وتمسك كتف الجوري بقوه: انقلعي قلت لك وهي تدفهااا براا الصاله والله لا اخلي تركي يعيد فيك كفوف المره إلا فاتت
وترجع لاامهاا يمه تحطي عقلك مع هالبزرر ماعليك منهاا واللحين بس تركي يصحى والله بنفسي اخليه يربيهاا لك هااو شتبي اكثرر
رهف وهي تتقرب منهاا وتضمها: يمه من جدك زعلتي من هالخبله وبعدين ترى والله ازعل منك عاد اسمعك تهددي ترجعي بيتك لان خلاص تعودنا تعيشي عندناا وقلت بضعف عشاني يمه تجلسي بس
الجدة بهدوء: وش اعيشه معكم ذا بس بنتي تتتطلع من الحكم اللي باقي لهاا شهرر حول وارجع بيتي وبعدين انامازعلت منهاا بس ودي تخلي شغل الهبل ذا فيهاا وتتسنع مثل عنود شوفيهاااا الله
يحرصهاا ويرزقهاا الرجال الصالح
عنود بهدوء: تسلمي يمه بس رجال ماابي
الجده بفجعة : هووو ليه يمه البنت مالهاا إلا بيتهاا وشوفي عندتس رهف كيف باقي لهاا حول الشهروشوي وتجيب ضناهاا
ومبسوطتن عند رجلهااا
رهف
ايه مره مبسوطه الله ي جدة كنك ماتدري اخخخخ خليني ساكته بس شوفي وش مسوي فيني اليوم تقولي قتلت له احد مدري ليه كذا قالب علي ومدري وش يبي عشان يرضى وانااارضى اااه يا عذابي بس ااه حسيت بنغزه قويه وتحرك بقوه مسكت علي بطني ناظرته اهجد انت ولا يكون انت كمان ماترضى في ابوك اذبحك والله
غريبه حتى هالوقت ماصحي وهوو نايم من الصبح واللحين العصرر كنت مسرحه واناظر الارض بس انتبهت ....
على عنود وهي تصرخ : انتببببههه ارجع هناك مرة عمك موجوده

رهف ناظرت وين تناظر كان فيصل واقف قدام باب الصاله هذا كيف دخل من غيرر مايدق ولا شيء
فيصل وهو يرجع : معليش احسب جدتي بس اللي موجودة وجيت اسلم عليهااا وشفت الباب مفتوح دخلت ع طول
تركي من وراه وبصرخه : لا من جدك بس تحسب امي هناا وهو يمسكه من عند رقبته بعنف
رهف
لا لا لا تركي وش صحاه اللحين يمه شوفي كيف صوته معصب
ام فيصل بسرعه راحت تجري توقف بينهم وعنود معاها
وبعدهاا شفت الجدة كمان
الجدة وهي تقوم غصب لمااشافت كيف ماسك فيصل : يمه تركي فكه مافيهاا شي دخل ورجع
تركي بعصبيه وبصرخه وهوو ماسك فيصل من ياقة ثوبه: اقسم بالله اليوم ادفنك مكانك كيف يدخل هنا ويدري ان مرتي في هالبيت مفروض ي الكلب تحترم نفسك وعلى الاقل تتدق الباب مو تجي مدرعم كذااا ليه حنا وين عشان هالحركات
وهو يعطيه بكس بقوه
رهف
واناامغمضه عيوني وماسمعت إلا صوت الطق والمضاربه
حسيت بجسمي كله يرجف
عنود وهي تصرخ وتفك فيصل من تركي: تركي خلاص ذبحته والله حرام عليك
ام فيصل بصرخه: تركي ذبحته خلاص يمه تكفى بدون مشاكل هو صح غلط انه دخل كذا بس هايعتذر منك انت بس فكه
الجدة وهي تضرب تركي بالعصا عشان يفك فيصل من يده بس بدون فايده تركي هايج لاابعد حد: يمه عنود بسرعه دقي على اخوتس يجي يفك ولده من اخوه قبل مايذبح ولده
فيصل بصرخه وهوو يحاول يفك نفسه منه: قلت ماادري افهم عاد وهو يرجع بوكس على كتف تركي مكان العمليه
ام فيصل بصرخه: فيصل لا تضرب عمك استحى
فيصل بعصبيه: هوو مفروض يستحي الللي هب فيني كذاا
تركي وهو مغمض عيونه بألم ويرجع يبي يخنقه: هبيت فيك كذا والله يالحقيرر مخطط لهاا قسم بالله اليوم محد يفكككك مني
رهف
يارب يارب وش اسوي تذابحوو جلست متخبه بجنب الكنبه وهم
عند باب الصاله اسمع كل شيء
واشوفهمم واناا خايفه سحبت جلال الجدة اللي على الكنبه وغطيت فيه جسمي ووجهي خايفه من تركي لو يدخل ويشوف شكلي بدون شيء يذبحني وكمان خايفه هذا الزفت يشوفني واناا مقدرر اصل للباب واصكه خايفه ينتبههه لي تركي ويكمل الطق فيني
يارب احمني منه يارب
شفت التلفون بجنبي سحبته وكلمت تهاني
وقلت واناا غصب اتكلم من الخوف: تهاني بسرعه خلي احمد يجي فيصل وتركي تذابحوو
تهاني بصرخه: ايش وليه طيب
رهف بسرعه: تهاني مو وقت اقولك خلي بس احمد يجي
تهاني بصرخه: لا هذا تركي زودهاا وهي تقفل السماعه
رهف بقهر: والله ولدك احقر منه مافي يدري اني اناموجوده كيف يدخل كذا وبدون صوت ...... .... ................

سمعت صرخة خالتي
يمه والله لايذبحه مدام كذا شفت جوري تترجع تتدخل عندي الصاله وهي ترجف
جوري بقهر وخوف: حرام والله اللي يسويه تركي
مافيهاا شيء دخل كان مايدري وش هوله هالحرب كله ذبحه بالطق
رهف بخوف و بغموض: اه مدري عن اخوك وكملت بصوت واطي بلاك ماتدري وش اللي بينهم
جوري وهي تصرخ : يمه اسمعي احمد جاااا والله لا تولع اللحين زياده
رهف واناارجف: لالا اكيد انه بييفك بينهم
جوري مستغربه: كيف عرف احمد مين دق عليه
رهف بخوف : اناا لماسمعت ميمتي تقول لعنود دقي بسرعه سحبت االسماعه ودقيت على تهاني
سكتنا كلنا لمااسمعناا تهاني معصبه على تركي
تهاني بصرخه: خير بس جالس تتطق فيه وش صار منه حق ذا كله
أحمد بصرخه: تهاني خذي ولدك وارجعي بيتك
تركي بصرخه: ايه الجبان روح مع امك

فيصل بصرخه: يمه فكيني والله هذا مايستاهل حد يحترمه
تركي بقهرر وبعصبيه: متى انت احترمتني متى إلا جالس وسكت مقدر يكمل
تهاني بصرخه: والله ي تركي لوو عاد تتعرض لولدي شوف كيف ذبحته بالطق قسم بالله لو اخوك ماياخذلي حقي منك بنفسي
اروح اشتكي عليك
ام فيصل بصرخه عليهاا: لو سمحتي لاتتدخلي بينهم ي تهاني
وخلاص روحي بيتك
تركي بسخريه: لا يمه مدام زوجهاا ساكت وهي تلعلع ماكنهاا حرمه تسحتي على وجهاااا تضارب مع الرجال وين حنااا
احمد بصرخه: تركي اسكت احسن لك قسم بالله اللحين بتعلق بيني وبينك
الجدة بعصبيه: الله لايبارك فيكم اخذتوني من بيتي عشان تتتعبوني ودخلت عند رهف وجوري الصاله
تهاني بصرخه: شوف كيف سويت فيه الله ينتقم منك
احمد بصرخه: خلاص انتي انقلعي بيتك ومالك كلام مع الرجال
تهاني بقهرر: ايه منقلعه اللحين
تركي بقهرر: تعالي تعالي انتي مين خبرك هااا
تهاني : زوحتك اللي خبرتني وكويس وهي قالت لي كان ولدي راح تحت يدك بسب تافههه مثل وجهك
تركي وهو منزل راسه : احمد خل زوجتك تفارق قبل مااقل ادبي عليهاا
احمد وهوو يجرر زوجته ووفيصل ومعصب عليهم
تركي بسرعه دخل الصاله معصب وجاي لرهف مايشوف قدامه
رهف بخوف تمسك في الجدة: يمه
تركي بصرخه : يالزفته داقه على تهاني ليه هااااا
الجدة بقهر وعصبيه: اناا قلت لهاا
تركي بعصبيه: لا ماقلتي لها قلتي لعنود ترى سمعتك
وهو يناظر رهف ولا خايفه عليه هااا قولي وبصرخه اقسم بالله اخذ عمرك اليوم بدله
الجده بصرخه: عنود اطلبي الشرطه هذا شيطان محد يوقفه اول
الولد يبي يروح من يده واللحين هايج على مرته
ام فيصل وهي واقفه في وجههه وتتدف صدره عشان يبعد عن رهف وبعصبييه: تركي خلاص فكنااا الولد دخل بالغلط
تركي بقهرر وهوو ياخذ التحفه اللي على الطاوله على جنب
ويكسررههاا في الارض وبصرخه: اي غلط قولي والله انهم متفقين يشوفوون بعض
ام فيصل بقهرر من كلامه اعطته كف عشان يصحى
ويحس على نفسههه شوي
تركي وهوو مصدوم من امه كيف تضربه كذا وقال بقهر
وهوو يناظر رهف : اقسم بالله لا اخذ ثمن هالكف اضعاف منك يارهف هذا ثاني كف اخذه والسببب انتي مره ابوي واللحين امي
طيب اذا ماخليتك تندمي اكثرر من كذاا وطلع من البيت
عنود تقربت من رهف لمااشافتهاا ترجف وضمتهاا
خلاص حبيبتي مو زين لك
وماعليك في تركي هوو كذا يعصب مايشوف حد
عاد والللحين يرجع من براا وش زينه
رهف بخوف وهي تبكي: طيب اناوش ذنبي هااا قولي لي
يعني انااللي خليت فيصل يدخل هناا
ام فيصل بهدوء: استغفر الله بس قهرني هالولد مايعرف يتصرف
الجدة بعصبيه: والله هذ بلى دلعس له
اللحين شوفي كيف راح يحرق بيتس واناا امس
قد قلت لتس من زمان بس انتي مسويه صمخه
الللحين اجني حصادس
ام فيصل وهي تتقرب من امهاا: خلاص يمه تعالي معي الغرفه ارتاحي واوعودك مثل هالمشاكل ماتنعاد وتركي يجي لي كلام
ثاني معه بس انتي امشي ارتاحي اللحين
الجدة وهي معصبه: لا مالي جلستن في بيتك وش زيني جالسه في بيتي هدوء وعند اخوانس كل هالمشاكل مافي والحين
قومي ياعنود دقي على اخوتس احمد وخليه يجي يوديني بيتي

رهف وهي تبكي: لا يمه تكفين اجلسي عشاني والله
مايقدرر يسوي فيني شيء وانتي هناا بس لو رحتي
مافي احد يقدر يوقفه

الجده بقهرر: هذا يمه شيطان محد يقدرر عليه
ولا وش فيهاا دخل الولد يبي يسلم وبالغلط انتي كان
موجوده وش هوله هالمشكله كلهاا
رهف وهي تمسك يدهاا: تكفين يمه لا تروحي
والله احس بالأمان وانتي هنااا
الجدة بهدوء: الامان من عند الله يمه مقدر
اجلس هناا اذا كان كذا بيتكم
ام فيصل: خلاص يمه عشان رهف شوفي كيف تبكي
وهي تناظر رهف خلاص يا رهف تركي
ذاا اناااللي ابي اتفاهم معه وان شاء الله اني اقدر عليه
الجدة بسخريه: ايه هذا بلى بوك ياعقاب حتى مو واثقه من هرجتس تدري في ولدس انتي
عنود : تكفين يميمه شوفي كيف رهف ترجف وخايفه
وهو مو زين عليهاا طمنيهاا انك بتجلسي عشانهاا
الجدة وهي تضم رهف لصدرهاا وبحنان: خلاص يمه
مدام هذي سواته فيك ولد امه انااللي ابي اوقف في وجههه لو صار منه شيء خلاص يمه تتطمني ماراح اروح
وهذي جالستن له في الصاله حتى يجي وابي اعطيه بهذي
عشان يعرف هذاك الوقت انك معك حدن يقف في وجههه الشين
جوري وهي تبكي: ليه حنا كذا مشاكل نفسي اعرف
ام فيصل بعصبيه: خلاص انتي لا تفتحي اللحين السالفه مرتن ثانيه والحمدلله مافي مشاكل
عنود بقهرر: والله مدام تركي في هالبيت ان المشاكل ماتخلا
ام فيصل بصرخه: اجل تبيني اطرده ست عنود
ولا وش قصدك من كلامك ذا
الجدة بقهر وهي ترفع العصاافي وجههه بنتهاا: والله انتي يبي
لك بهذي قبل ولدك هذا فرعون معك وبهرجتس ذي يتفرعن زياده
مفروض ماتقويه اعطيه على وجهههه التسلب
ام فيصل بقهرر: يمه مو ضربته قدامكم وش يعني اسوي اكثرر
وبعدين مفروض خواته يحترمنه هذا كبيرر البيت بعد ابوه
الجدة بقهرر: خلاص اسكتي لا تقهريني زود بحكيك
ام فيصل جلست على الكنب بعصبيه
رهف
ياربي تعبت من المشاكل واللحين والله مايخليهاا لي
ويفتكرر انه مخططه مع الزفت فيصل وشوفووا كيف
الصدف ذا يصحى ويطلع من غرفته وهذا نفس الحظه
يدخل ويسوي نفسه غلطان ياربي اناا تعبت لما متى اتحمل اللي
يسووونه تركي ولد اخوه

بس الحمدلله ان امه وقفت معي واعطته على وجههه
يارب بعدهاا يعقل شوي من هالجنون الللي فيه
ناظرت بطني وانااخايفه من الفجعه اللي حسيت فيهاا
لا يصيرر فيه شيء الله يتمم لي هالحمل مع انه واضح
مع تركي شكلي بطرحه كل يوم مسوي لي مشاكل
حتى لو مافي مشكله يطلع من تحت الارض الله يعدي علي هالشهرين بخيرر ..........

احس دايم يفشلني كذا اللحين تهاني حتى مسوي معاهاا مشكله
الجدة وهي تضمهاا بحنان: خلاص يمه وش هوله هالبكي اللحين
خليه ولد امه مصيره يتحسف على
اللي يسويه
رهف وهي منهاره تبكي: تعبت يمه تعبت
كل يوم مشكله ومافهمته مره مدري وش يبي
ام فيصل وهي تتقرب منهاا وتسحبهاا من الجدة وتضمهاا
لصدرهاا: خلاص حبيبتي ولدي ذا انااللي ابي اربيهه
من اول وجديد وقالت بضحكه وهي تبعدهاا
عن حضنهاا شفتي انه يموت فيك ومن غيرته
مسوي هالمشكله كلهااا بس ليه دخل عليك فيصل
الجدة بقهرر: خلاص يعني يموت اللحين
لو دخل بالغلط الولد مسكين نشب فيه واخذ طراقات مالهاا داعي
والله لو انه على قولتس غيره لاجابهاا أعوذ بالله من ولدس شري
لكن طيب انااابي يجي يوديني بيتي واخذ مرته معي تسكن معي واللحين مالكم عذر اني وحدي مدام رهف مخاويتني
عنود بحزن على رهف : يمه مستحيل تركي يوافق

الجدة بقهرر وعصبييه: ليه مايوافق واناا ماحد عندي في بيتي
واخوالتس كلن في بيته
رهف وانااابعد عن حضن ام فيصلل بس ام فيصل قالت بصوت واطي : سامحيني يمه اناابليتك فيه
رهف بضعف : الله يسامحك وهذا نصيبي
ومسكت في يدين جدتي تكفين خذيتي معك بالله
مابي اقعد عنده لاني مافهمته مره وكمان اخاف من حيلل
وانهارت تبكي
عنود ببكي معاهاا: خلاص رهوفه تعالي ارتاحي
في الغرفه ومايصيرر إلا كل شيء خيررر
جوري وهي تقوم معاهممم: يالله صادقه عنود تعالي معناا
رهف
مشيت معاهم وانااسمع صراخ جدتي وهي معصبه
وجالسه تسب في تركي وبنتهاااا
حبيبتي يميمه واقفه معي وحاسه فيني
تمددت على السريرر ومسحت دموعي سمعت صوت آذان المغربب قمناا كلناا نصلي وبعدهااا عنود جابت قهوة وحلى
وحسيت البنات يبيون يغيرون جوي لضحك
بس اناا مافيني اول مره احس في هالضعف دايم
على اني مقهورة منه ولا عمري شفت منه شيء زين
بس دايم احاول اغطي على حزني بضحكي وسواليفي مع البنات
بس هالمره مافيني والله
عنود وهي تمسك يدهااا: رهوفه حبيبتي من اول نحكي معك
وانتي مو معنااا وفنجان القهوة برد وصحن الحلا ما ذقتيه حتى
رهف بحزن: مين يجيه نفس يتقهوى ويحلي وانا خايفه من الللي بيصيرر لي لماا يرجع اخوك
وكملت بضعف تصدقي خايفه منه والله وش تتوقعي
يسوي فيني
جوري بقهرر: بنت بلاا غباء وش بيسوي فيك
يعني انتي وهالبطن مستحيل يمد يده او يتسبب في اذيتك
واذية ولده هو صح عقله مطنوخ بس مو لهااادرجه
وماعليك خليه بس يجي ويتعرض لك اناالللي ابي اوقف في وجههههه
رهف بسخريه: ايه والدليل التكفخ اللي تحصليه دوم منه
جوري بقهرر وهي تبي ترمي عليهاا فنجان القهوه: والله بهذا
لو ماتسكتي صدق مافيك خيرر قايمتن معك
وهذا ردك علي اجل يجعله يتوطى في بطنك يالخايسه
رهف ضحكت بدون نفس: بيتوطى حبيبتي من غيرر دعاويك ذي
عنود بهدوء: رهف من جد تبي تروحي مع ميمتي بيتهااا
رهف: ياليت والله وارتاح من اخوك بس عارفه انه مستحيل
تركي ماراح يرضى وفي نفس الوقت صعبه
لاتنسي هي عايشة في نفس السورر قريب من ولدهااا
وعياله يعني صعبه
جوري : وهماك قلتي عندهاا ي ليت
هياللحين تلقي صدق المشاكل لما يجي تركي وتقوله
رهف بسخريه: هي جايتن من غيرر من اخوك
الله يكفيناا شره
عنود : الله يهديه لك ي رهف ويسخره يارب
رهف بحزن: ويحننن قلبه قولي امين
والله ي بنات احس بخوف وضياع مدري لمتي واناا كذاا
جوري بقهر منهاا: تصدقي لانك غبيه
ماعرفتي تكسبي تركي تدري انه اي رجل يحب الدلع والكلام الحلووو ولازم من خبث النساء عشان تقدري تمشي حياتك معه
بس لا معنده وخبله ماتعرفيي تتصرفي والاحظ عليك بس مسويه فيهاا استهبال بذات وهوو رايق ليه ماتتستغلي الوقت
عنود وهي تقاطعهاا: رهف مصدقه ذي جوري
وش هالعقل ي بنت والله تعطي نصائح كمان
رهف وهي مستغربه: لا مااصدق ان ذي جوري
وبعدين وش هوو الخبث اللي تتكلمي عنه
جوري بقهرر: ايه شوفي بس جالسه تتريقي فيني انتي وهذي الللي بجنبك والخبث اللي اقصده ي المفهيه كيد النساء
ماقد سمعتي فيه
رهف بغباء: إلا مسلسل
جوري بعصبيه: سل ان شاءالله
عنود : هههههههه ياحبي لك ي رهف
جوري بعصبيه: الا قولي وش هالغباء ي رهف
عنود بتريقه:لا لا حبيبتي هالكلمه لك والحقوق محفوظه
رهف وهي تفكرر: من جد والله مسلسل كيد النساء
وكمان البطله فيه فيفي عبدوه وش ذيك اسمهاا كمان ايه
سميه الخشاب
جوري تقربت منهاا ومسكت رقبتهاا:اناالللي ابي اذبحك
بدل تركي اللحين جالسه كمان تفكري مين ابطال
المسلسل هذا موضوعنااا بالله والله اللي يسويه فيك تركي حلال
رهف وهي تفك يدهاا:ابعدي عني ولوو اموت ماسمعت منك نصيحه ليه خبله شايفتي عشان اصدقكك اكيد تبي تورطيني اكثررر
عنود بهدوء:رهف حبيبتي صح ان جوري دوم خبله
وكلامهاا مو في محله بس اليوم والله هي صادقه يوم نصحتك
ونفس الكلام اللي ابيه اقوله لك فكي كيدك عليه شوي وهوو هايطخ والله اي رجلللل يحب هالشي
جوري بغباء: متى تزوحتي عشان داريه بهاا الشي
وليه انااا مدري ولا حضرت زفتك لايكون متزوجه في السر
عنود بقهرر: ياربي وش قلبك توك وش زينك
وموو هذا كلامك قبل شوي
جوري : لا كذابه ماقلت اي رجل يحب هالشي
وانتي قلتيه وانتي متأكده كنك مجربه
عنود : الله ياخذك اناا قلت مايطلع منك شيء زين
وقالت بقهررر ياربي والله توك قلتي نفس حكيييي
جوري : كذابه مو نفس حكيكككك
رهف بقهررر من الثنتين:اللحين مين اصدق فيكم ولا
اسمع كلام مين فيكم
عنود بقهرر وبصرخه: وانتي الثانيه بلى غباء حكيناا نفسه
بس ذي شكلهاا ناويه تنتقم منك لانك تتتريقتي فيهاااا
وحابه تلعب في عقلك شوي
رهف بزعللل : انقلعوووا كلكم اناا اروح غرفتي احسن
جوري وهي تضخك: انصحك نامي هنا اليوم
رهف : مالك شغل وانااا قد اخوك وكملت بدلع
الللحين اسبل له بعيوني وهوو يروح فيهااا
جوري بتريقه: الله يسترر لا يفقعهاا لك
وهذاك الوقت وش يفيد التسبيل

رهف
مشيت وطنشتهم ودخلت غرفتي صادقه
جوري مفروض مااااغامرر واجي هناا بس اناا لو طنشته
ونمت عند البنات بيسوي فيهاا سالفه واكيد بتكبرر
واناا مو ناقصه والله يارب يجي يكون هادي عشان
اعرف اتافهم معه الله يفكني من شرك يافيصل والله عارفه
حركته انه يدخل كذا بدون أستاذن اودق باب والله يسامح خالتي
دايم مخليه باب المدخل مفتوح
سحبت جوالي إلا ماادري فيه من الظهررر ناظرت الساعه
كان تسعه قمت توضيت وصليت العشاااء
كملت صلاه إلا اسمع صوت الباب ينفتح جلست مسكره عيوني خوف مااابي اقوم من السجاده واشوفه ياربي والله خايفه
ياليتني سمعت نصيحتك يا جوري وجلستتت عندكم
مسويه فيهااا بطله وجيت يالله أجل اتحمل اللي بيسويه فيني اللحين
قمت سحبت السجاده وفكيت الجلال وخليتتها مكانهاا
ناظرته كان متمددد بثوبه حتى ماغيررلبسه وريحة الدخان واصله عندي يعني متنرفز حده مدام كرف دخان بكثرة شكله وماسك جواله
تركي ناظرهاا رمى جواله بجنبه وبقهرر: نفسي اعرف
ليه طلعتي من اصله من الغرفه وانا محذرك ماتتطلعي
رهف بخوف: والله هوو دخل علي اناا مدري فيه
تركي بصرخه: جاوبي على قد سؤالي اللحين ليه طلعتي بس هذاا اللي ابي افهمه
رهف بخوف ودموعهاا تنزل: والله طفشت هناا وقلت اطلع اتغدى
معاهم لماا عنود ارسلت لي واجلس مع ميمه شوي لانهااا هي اللي قالت لعنود ترسل لي وخفت اطنشهاا تزعل مني
تركي بصرخه افزعتهااا: وتتطنشيني اناااا هااااا
يعني اللكل تخافي تتنطشيه بس انا في ستين دهايه صح
وهو يتقرب منهااااا
رهف على طول لما شافته يتقرب منهاا خافت لايضربهاا
ع طول رجعت على نهاية الغرفه وقفت ملزقه في الحائط وقالت بخوف: تكفى تركي لا تتتهور شوف بطني كيف قدامي
والله راح اموت لو سويت فيني جنونك
تركي وهوو يكتم فمهاا بيده ويتقرب منهااا ويضغط على فكهااا بقوه: عحبك اللحين انه شافك شفتي كيف انه حقيرر وانتي احقرر منه وياخوفي انتي الللي متصله عليه وقايله تعال شوفني
ترى انا جالسه عند الجده الللي خايفه ماتتطنشيهاا وتزعل منك وبصرخه متوقعه اللحين انتي اني مصدقككك انك طالعه عشانهاا
رهف وهي تهزززراسسهااا بخوف وهي مو قادره تتكلم مقفل على فمهااا بقوووه
تركي: ارسلتي له صح قولي
رهف واناااا افك يده من على فمي واناا ابكي : والله ماارسلت خذ جوالي وشوفه
تركي يضحك بقهرر: ايش اخذ جوالك ليه الللحين شايفتني غبي عشان اصدقككك واروح اخذ جوالك وافتش واذا ماحصلته اقولك معليش سوري ظلمتك غبيه من جد والله ي رهف لو اني مو خايف على اللي في بطنك كنتي اللحين معتبرة نفسك من عدد الاموات ياالحقيررره حرام والله انتي مرتي
رهف وهي تحلف بصدق: اقسم بالله اني ماارسلت له
وهو دخل مدرعم كذاا
انااا مالي دخل فيه واسال البنات حتى ماشفته وقت مادخل
ماسمعت إلا صرخت عنود وانت من بعدهااا والله
العظيم اني صادقه ياتركي وبعدين حرام عليك
لا تناظرني كذاااا كاني وحده وسخه
تركي بوقاحه: وسخه قليله في حقكككك
رهف بضعف: انت ليه كذا تكرهني
تركي بصرخه: من فعايلك الللي تسود الوجههه
الا فيه مرة عاقله تسوي سواتك
رهف بقهرر: وش سويت اناا
تركي: اوك ي رهف اولدي بس ولي كلام ثاني
اذا ماقهرتك مثل ماتقهريني طيب
رهف بخوف: اناا متى قهرتك انت الللي دوم مقهورر مني
مدري ليه ودايم تحب تسوي معي مشاكل
على انك وش زينك الفتره الاخيره كان بس اللحين قلبت
تركي وهو يرجع مكانه يتمدد: اوك اوك اولدي انتي بس واناااعرف كيف
اتفاهم معك اذا مااحرقت قلبك على الللي في بطنك
واخذه واتزوج اللي تصوني وتحبني
وانتي والله لااارميك
رهف وهي منهارة تبكي: تحرمني من ولدي
ليه وين حنا عايشين ومافي احد يقدر ياخذه مني ي تركي
تركي وهو صاك على سنونه: نفسي اعرف بس وش طلعك
وانا محذرك وبصرخة حذرتك ولا لا بس هذا الللي ابي افهمه
رهف بصرخه طفش وهي تفهمه : ليه انت ماتفهم اقولك عنود دقت علي وبعدين وش فيهاا لو طلعت عندهم مو كل مرة اجلس معاهم وش صار اليوم يعني
تركي بعصبيه: انتي ماتفهمي اقولك حذرتك افهمي عاد
رهف بعصبيه وهي ترفع صوتهاا من قهرهاا: انت انسان مسوس واناا ماعندي استعداد اعيش مع واحد مثلك
تركي بعصبيه: انقلعي وطي صوتك لااااقوم لك اللحين وانا كمان ماعندي استعداد اعيش مع وحدة حثالة مثلك
ويالله انقلعي وحده واطيه مثلك مااابيهاا تدخل غرفتي وتنام معي
يالله فارقي ارجعي مكان ماكنتي تنامي
رهف وانا مصدومه :تتطردني من غرفتك وانا حثالة ي تركي
تركي بصرخه: ايوه وش عندك
رهف : ماعندي شيء بس تذكر انك انت الللي طردتني منهاا
واناا مستحيل ارجع مكان مطروده منه وكلمة حثالة ذي بتدفع ثمنهاااا
تركي بعصبيه وهو يمسكهاا من عند كتفهاا ويفتح الباب
ودفهاا على خفيف وقال بصرخه: شوفووا كيف ترادد اقول فارقي ماابي اشوف وجهكك والله كارهك من قلب
رهف ناظرته كيف معصب وماحسيت إلا بتسكيرت الباب بقوه
اترعبت مكاني منهااا
سحبت رجولي لغرفة البنات
دخلت بهدوء شفتهم لسى جالسين
جلست على السريرر وهم يناظرون فيني بصمت
عنود قامت وجلست قريب منهاا: رهف وش فيك
وايش مسوي فيك تركي لاني سمعته وقت مااجاااا
رهف وانااارمي حالي في صدر عنود واضمهاا بقوه
واناا ابكي منهاااره: اخوك طردني من غرفته
انذليت ي عنود بقوه وياليت اني سويت شيء كبيررر
عليهاا
عنود بصدمه: ايش طردك صدق انه مجنون
رهف وهي تبكي: ايه وكمان يهددد انه ياخذ ولدي مني
جوري وهي تتقرب منهاا وتحط يدهاا على كتفهاا وهي في حضن عنود وتقول بحزن: لا تفكري في كلامه
انه يبي ياخذ ولدك حبيبتي هوو اللحين معصب
ويقول كلام موو في محله وبعدين مافي قوه
تحرمك من ظناك فاهم علي وقومي غسلي وجهههك
وصلي ركعتين عشان هالضيق والحزن يبعد عنككك وبعدهاا
ابي اسوي لكم من يدي احسن صنية مكرونه ونتعشى ونسمرر على التي في وش رايكم
رهف بعدت عن حضن عنود مسحت دموعي
وقمت توضيت وصليت ركعتين حسيت بعدهاا براحه
جوري : عنود قومي يالله ساعديني
رهف : بنات اناااابي انام احس اني تعبانه
ومالي نفس أكل شيء
عنود : خلاص كلنا أجل ننام
جوري بقهر منهن: ي سلام وصنية البشاميل اللي ابي اسويهاا
عنود : خليهاا بكره احسن يكون كمان رهوفه مروقه شو ي
جوري : اوف طيب نفسي فيهاا
رهف وهي تضحك بحزن : يعني انتي ودك فيهاا
مو عشاني تبي تسويهااا
جوري : ايه والله عشان نفسي
وكملت بقهرر بنات بلى منذله لا تناموووا
وخلوناا نفلهاا سهرر وكمان نسهرر في الصاله ونرفع
اصواتناا عشان نقهرر تروك
وكملت وهي تضحك وكمان نكلم سوسن ونخليهاا
على السبيكررر وانتوووا عاد تعرفوو صوتها
كيف راح يلعلع في الصاله ويكون كذا نغسنااا عليه
وش رايكم في فكرتي
عنود : والله مو بس تركي الللي بنزعجه إلا كمان ميمه وامي
بينزعجن من صوتهااا
رهف بقهرر: ست جوري انتي بتغلسي على اخوك ولا تقهريني
عشان تكلمي سوسن اللحين تجلس تحققق معي ليه جالستن معهم
وزوجك من حاله في غرفته ومدري ايش وتعرفي
انتي هذرتهاا اللي ماتخلص
جوري : عادي وش فيهاا لو قالت لك كذا قولي لهاا اخوك
طردني شفتي كيف لقيت لك حل بسم الله عليه صدق اني خطيرره ياليت تتعلمن مني شيء
وتنفك التناحه ذي في عقولكم الله لا يبلاناا

رهف
طنشنهاا هي والعقل اللي عندهاا وسحبت المفرش وغطيت راسي
وجلست ابكي بدون صوت
كل مااتذكر طردته لي انقهرر واحس اني فعلاً
مالي كرامه عنده او تقديرر
ياليتي مارحت غرفته وطنشته اناا
كان على الاقل مااحس بهاالذل اللي حاستن فيه ..........
اليوم الثاني في الصاله
جلست بجنب الجدة بعدماسلمت عليهاا: هلا يمه
عنود تقول تبيني
الجدة وهي تناظرها بحنان: ايه يمه فدتس ابي اتطمن
عليتس واشوف ليه نايمه عند البنات
وش هوو مسوي فيتس بالله قولي
رهف بهدوء: لا مافي شيء بس انا حبيت انام عند البنات
ام فيصل وهي تناظر امهااا: شفتي يمه
انه ماسوى فيهاا شيء وقلت لك من تووو انهاا هي دايم
تفضل تنام عند البنات
الجدة بزعل: ليه يمه تفضلي تنامي عند البنات
مفروض حتى لو زوجك زعلان منك وانتي زعلانه منه
تنامي معه واناا كنت اللحين ابي اكلمه ياخذدناا بيتي لما شفتك
نايمه عند البنات قلت شكله حاسك ولد امه
رهف بقهرر من ام فيصل وهي تتكلم كذا واثقه من
ولدهااا اااه بس خليني ساكته احسن واسمعوو الجدة وش تقول
صدق اللي يدري يدري وإلا مايدري مايدري قلت بهدوء: صعبه ي جدة لا تكلميه ولا شيء اكيد بيعصب عليك
ويزعل وكمان انااشوفهاا صعبه اني اسكن عندك وعيالك حولك من كل صوب
وعمي كمان لو انه عايش ماراح يرضى حتى
الجدة بقهرر: وش هوو صعبته واناااامتس وعيالي في بيوتهم
وانتي تدري ان بيتي لحاله في طرف السوررر يعني مالناا دخل فيهن
ام فيصل وهي تناظر رهف: والله صادقه يمه صعبه تعيش عندك
وتخلي بيتهاا وبيت زوجهاا وشوفيني يارهف قلت بيتك قبل مااقول بيت زوجك يعني لك في هالبيت فاهمه وتركي راح يجي يتعذر منك بنفسه بس خلييه يطلع من غرفته لانه مقفل ع نفسه ومايررد عليه
الجدة وهي تضرب بعصاتها الارض بقهرر: وع عليه ولد امه الدلوع يقال اللحين زعلان منتس ليه ضربتيه على وجههه هذاك الخايس
ام فيصل بزعلل: اي والله زعلان مني وبعدين يمه الله يهديك
وش هالكلام اللي تقوليه عنه والله تركي موبدلوع والله
إلا رجال

الجدة: ايه رجال على هالضعيفه بس وهي تاشرر على رهف
ام فيصل : يمه الله يهديك لاتتتكبري السالفه هم كذا
دوم يتهاوشن ويرجعن لبعض
لا تركي يقدرر يستغني عنهاا ولا هي كمان مو صح ي رهف
وهي تغمز لهاا عشان ماتفشلهاا قدام الجدة
رهف بهدوء : ايوه
الجدة بقهرر: يعني وش هوو اناا الللي ابي اكبرروالسالفه
ام فيصل : يمه حبيبتي ماقلنا كذا حناا
الجدة بعصبيه: هماك قلتي من تووو
اني اناا اكبرر السالفه وهالخايسه معتس تقول ايوه
يالله انقلعي روحي صحي ولدس وخليه يرجعني بيتي
ي زينه لا هواش ولا صوتن عالي اللي ولدك دوم يطربناا فيه
ام فيصل وهي تبي تتقرب منهاا وخايفه من عصاتهاا: يمه حبيبتي
طلعه من هالبيت مالك انتي ماتشوفي قد ايش اناا فرحانه فيك
وانتي عندي وبعدين شوي غيرتي من نفسيتي
الجدة بقهرر: اقول ابعدي عني وانتي كملي عدتس اللي باقي منهاا بس شهرر وياطوله علي وانقلعي دوري لك زوج يسليك ويسترر عليتس
ام فيصل بقهرر وصرخه: ايش يمه
الجدة : هذا اللي عندي ولا ليه تحبسوني عندكم
وانتم اخلاقكم سيئة معي
ام فيصل طلعت من الصاله بسكات
رهف
ناظرت الجدة من جدهااا تبي تزوج ام فيصل هههههه
والله انهاا مسخره وشوفووا الدراماا اللي مسويتهااا اللحين بس
والله مافي احد يتكلم عليهاا بششين غيرر جوري لما تناقرهاا بس
خلتناا كلناا اخلاقناا سيئة والله انهاا الحاجه الوحيده اللي صارت تونسني في هالبيت وشوفووا كيف تقلب بسرعه قبل دقايق وهي معصبه ليه مانمت عنده واللحين قالبه عليه وإلا تاخذني معاهاا ياحبي لهاا ......... يمه شووفووا كيف تناظرني شكلهاا معصبه من جد

الجدة وهي معصبه: الله يصبرتس يمه على هالعيله إلا مافيهم واحد صاحي أعوذ بالله منهن
رهف هزيت براسي بهدوء بس قطع عليناا دخلت عنود
وهي خايفه جايه من المطبخ
عنود بخوف: تكفين ي جدة ورهف اسكتوووا
لا تتكلمن عن تركي ترى توه طلع من غرفته وجاي هناا
الجدة بقهرر: اقول اقطعي واخس هالوجههه معاد
إلا اضربن حاسب لاولد امه فارقي حبستس معك علمن ثاني
رهف
حسيت بخوف وكمان في نفس الوقت قهر
وزعل ماابي اشوف وجههه من بعد ماطردني ..........
سكرت على اذوني وجدتي عصبت زود
لما سمعناا صوت الباب ينقفل بقوه هزز البيت كله
يمه طلع والله شكله معصب موت يارب صبرني بس
الجدة بصرخه: عمى ان شاءالله وش هوله كذا يسكرر الباب
ام فيصل وهي تدخل وتجلس وبزعل : شكل تركي لسى زعلان مني يمه شوفي حتى مادخل عندناا الصاله طلع ع طول
الجدة: زعلت جدي ان شاءالله وش قلة الحيا ذي
مايحترم حد مايقول امي اسلم عليهاا وميمتي هنا امرر
كذا لا سلام ولا شيء معاد اقول إلا الله يصبرتس يمه يارهف
رهف
ياربي كل مااحد قالي كذا الله يصبرني احس بخوف
زياده احسهم يحسسسوني انه يمكن ماينعدل يجلس كذا ع طول
اااه ياويل حالك يارهف
عنود وهي لسى واقفه عند الباب
الجدة بعصبيه وهي تناظرها: وانتي الثانيه وش هوله واقفتن كذا
روحي جيبي غداناااا ياربي في هالبيت حتى لقمه مانحصلهاا
رهف
قمت اساعد عنود في تجهيز الغداء
ناظرتهاا وقلت بخوف: شفتي كيف معصب ي عنود
عنود بهدوء: ماعليك منه
بس الله يعين على ميمه احسهاا معصبه من تركي
لدرجه امي حذرت جوري ماتتطلع من غرفتهاا
قالت جدتك معصبه انثبري مكانك
رهف بهدوء: الله يعين بس
بعد الغداء
الجدة وهي تتناول الفنجان من عنود: دقي ع تهاني يمه
خليهاا تجي تتونس معناا
عنود وهي ترجع تجلس: يمه اكيد ماراح تجي
بعد المشاكل اللي صارت امس
وشايفه كيف تركي عصب عليهاا
ام فيصل بحدة: وهوو صادق هي وش هوله تتدخل بين الرجال
كان هوو واخوة ولد اخوه يسطفلن مع بعض
الجدة بقهرر : شوفووا هالمره وش تقول تشوف
ولدهاا قدامهاا ينطق وتبيهاا تسكت
ام فيصل بقهرر: ماقلنا تسكت بس تخلي الكلام لزوجهااا
واناا ماارضى فيهاا بس امس ماحبيت مرادتتهاا لتركي
الجدة : اقول ودوني غرفتي قبل مااقوم امردغ ذي بهااالعصا
لاني والله عجزت فيهاا وفي ولدهاا
ام فيصل وهي تقوم تمسك يدهاا: يالله يمه انا اوديك عشان ترتاحي مره وحدة
الجدة بعصبيه وهي تسحب يدهاا: ابعدي جاي
ماابيك توديني قومي انتي ي عنود ...............

رهف
ناظرت ميميه وهي رايحه وشفت ام فيصل معصبه
ومدري وش تقول طلعت من الصاله كلهاا
جلست اناا من حالي فيهااا
تذكرت اني ابي ملابس وبعض اغراضي من الغرفه ياربي وش هالحاله كل يوم انقل اغراضي مكان تعبت والله
قمت مشيت بهدوء واناا احس بثقللل وطفش من حالي
وفتحت باب الغرفه فتحت عيوني على الاخرر من الصدمه كل شي قدامي حوسه كل شيء مكسرر
ياربي وش قلب هالغرفه كذا معقول هوو مسوي كذا
طيب ليه ناظرت زجاج في الأرض من العطورر اللي تكسرت
نزلت للارض ارفع علبة عطري كانت مكسورة
ليه كذا وش صارر حق هالتكسيررر والتدميرر ذا
التفتت حولي شفت مكياجي في كل مكان
سحبت الشنطه حق المكياج ورتبت فيهاا اللي كان مرمى
على الارض والللي تكسرر خليته مكانه الله يعينه
يجي يلم هالاغراض كلهااا والله ماانظف في هالغرفه شيء
صراحه بلطجي ذا وهمجي ....................

وقفت غصب بس صرخت ااااااااه ......
ناظرت حولي شفت زجاجه كبيرة دخلت في رجلي
يمه ابي اموت من الألم صرخت بكل صوتي ابي
عنود تسمعني عنوووووووود
بس ماسمعتني رميت ثقلي كله على التسريحه
ورفعت رجلي وكنت احس اني مو قادر على ثقل بطني وكبره
اوقف على رجل وحدة مشيت بشويش
على جهة السريرر وجلست على الطرف
وصرخت لماا شفت الزحاج كيف عالق فيهاااا يمه
دمي كله راح صرخت من ثاني على عنوددد
ويالله سمعتني شفتهاا جايه
عنود متسغربه: وش هالصراخ كله ترى اسمعك اناا مو طرشه
رهف واناااارفع راسي لهاا : عنود شوفي رجلي ومقدرت اكمل
صرختتت ااااااااه
عنود وهي تناظر الارض وتشوف رجلهاا : يمه انجرحتي
رهف وهي تبكي: ايه تعالي بسرعه اسحبي ذي من رجلي عالقة
ااااا ه ذبحتني ي عنود
عنود تقربت وجلست ع الارض بسرعه وهي تحاول تسحبهاا
بس ماقدرت عالقة بزيادة: رفضت تتطلع دقيقة خليني
اقول لاامي يمكن تغرف احسن مني
وجرت بسرعة تنادي امهاااااا
رهف وهي مسكرة عيونهاا بالم هزيت راسهاا لهاا
ام فيصل وجوري وعنود كلهننن جاين بسرع
جوري تقربت من رهف وسحبت رجلهاا تشوف
بس ام فيصل بعدتهاا عنهاا وهي تجلس قريب من رجلهاا وتناظر الجرح وتدف جوري ابعدي كذا

جوري وهي توهاا تنتبه للغرفه وهي فاتحة فمهاا وقالت بصرخه: يمه غرفة اخوي دخل فيهاا حرامي
عنود وهي تدفهاا: ابعدي الله ياخذك شوفي البنت دمهاا كله
على الارض وانتي لاااحساااس ولا شيء
ام فيصل بخوف : اصبري يمه ماعليك ان شاءالله إلا العافيه لاتخافي اسحبهاا الللحين لك
عنود بخوف: يمه انااشوف انك لا تسحبيهاا انتي خليني ادق على تركي يجي ويوديهاا المستشفى
وهي تسحب جوالهاا من مخبى بلوزة البجامة ورمت الجوال بقهرر
: مايرددد ولدك ذا صدق عديم الفايدة

جوري وهي تنزل تشوف رجل رهف: ليه ماقلتي لي انه
فيه حرامي وجلستن واقفة في وجهههه كان علمتيني
كان مااسوى فيك كذاااااا كان هالزجاج دخلته في رقبته
التسلب كيف يدخل غرفة اخوي
رهف وهي تصرخ : ااااااااااه تعورر لا تسحبي كذا بقوة
والله مو قادرة خلاص
ام فيصل بخوف وهي تشوف دمهاا: يمه بشويش لا تتحركي
كذا وانتي بطنك قدامك عنود تعالي امسكيهاا خليني اقدر اطلعهاا
جوري لماا شافت كمية الدم يالله حست على دمهاا
وحست بخوف رجعت سحبت جوال عنود ودقت على تركي بدون فايده مايرد حضرته
رهف بصرخه : اااااااه
ام فيصل وهي تناظر الزجاجة وهي في يدهاا: الحمدلله يمه طلعت شوفي بس والله دمك كله راح الجرح كبيرر بسرعه دقي على اخوكك من ثاني
جوري بسرعه: يمه ادق مايرددد ذا
ام فيصل : دقي على احمد بسرعه
رهف وهي تبكي:لا لا لا تتدقي على احد اللحين يخف الدم

ام فيصل بصرخه:وش يخف جرحك يبي خياطه
جوري : خذي يمه كلمي انتي اناا خلوني اروح
البس العبايه عشان اروح معاهااا
لان عنود طبعاً ماتفهم
ام فيصل : :هلا يمه اي تعال
مرة اخوك انجرحت جرح كبيرر ولازم دكتورر
يشوفه ايه يمه الله يرضى عليك اللحين
يالله الللحين تتطلع لك هي وعنود الله يعطيك العافية يمه
وهي تسكر وترمي الجوال
وناظرتهم قومي البس عباتك ي عنود وهاتي عباية
رهف عشان تلبسهااا واحمد ينتظركن برااا
رهف بخوف :يمه والله خايفة من تركي
لا يسوي سالفة لماا يجي
ام فيصل بعصبيه: يفتح فمه بس
شوفي كيف دمك كله راح مايصلح تتنظري لماا يجي
حضرته الهايت
رهف
عنود اعطتني العبايه وخالتي
ساعدتني اني البسهااا واناا احس بدوخه
والدنياا تدور علي
بس حاولت امسك نفسي وفعلاً لو جلست انتظرر
تركي يمكن دمي كله يروح
مسكت فيني عنود ومشتني معاهاا
جوري وهي مدرعمة قبلهم: والله اني معكم
ام فيصل بصرخه: اقول ارجعي اجلسي معي ومع جدتك
وعنود تكفي انتي ماله داعي روحتك
جوري: يمه حبيبتي :رايحه رايحه الله لايعوقني بشررر
وطلعووووا كلهم وهم ماسكين مع رهف اللي تمشي على رجل
وحدة وهي مو قادرة مع كبرر بطنهااا
ركبن السيارة واحمد راح فيهن المستشفى
وبعدهاا وصلوووو ودخلوا
عند الدكتورة
رهف بصرخه لما دخلت االابرة تخيط لهاا: ااااه حرام عليك بشويش
جوري وهي تضحك وتناظر الدكتورة: مافي اعرض من هالابرة
الدكتورة مستغربة: عوزاهاا في ايه
جوري وهي تهز راسهاا:لا بس عشان ماتعورهاا
رهف بصرخه وهي تبكي : اااه ي النذله
اطلعي برة وانتي بشويش كمان
عنودوهي ماسكه في يد رهف وتبكي معاهاا: خلاص حبيبتي اخر غرزة خلاص هاا شوفي كملت
جوري وهي تناظر الجرح وبعدها ناظرتالدكتورة لا لا احس
ان الخياطة غلط صح اناا اشوف انك تفكيهااا وتعيدي مرة
ثانيه حبيبتي هذي ادمية قدامك مفروض تحسي
على دمك وتخيطي مضبوط
بس يالله حنا مسامحينك اذا كان تبي تعيدي وع حسابك كمان

رهف بصرخه قهرر : اااه ي ...... شايفتني فستان عندك عنود طلعيهاااا براااا تكفين
وناظر ت الدكتورة وهي تسحبب قطن معقم
وقالت بصرخه وانتي وش بتسوي ان شاءالله بتسمعي
كلامهااا وتفكي وتعيدي والله اذبحك
الدكتور ناظرتها وقالت بهدوء: لا لا ايه ابفك وأعيد
دني ابي اقفل عليهاا بس ومتخافيش مش هاعورك
والبنت المهبوله دي ياليت ماتجيبوهاش تاني
جوري وهي فاتحه عيونهاا وبقهر : ايه لاني كشفت شغلك
وخياطتك كلهاا غلط والله الخياط اللي في
حارتناااا الله ياخذة صح انه دايم يخرب فساتيني بس يخيط احسن منك
عنود بعصبيه: صدق قليلة ادب وماعندك احساس
بالله اللحين وقت مسخرتك ذي
رهف وهي تبكي:اشوف فيك يوم ست جوري
الدكتورة وهي تناظر جوري بحتقارر : ايه الهبل ده
جوري وهي ترفع يدهاا: والله لا تفكيني ي عنود
قدي انتي
عنود بقهر وفشله: الله ياخذك يقال اللحين ماسكتن فيك
جوري ناظرت ان الدكتورة معصبه منهاا وماشاءالله جسم
يعني كف منهاا يوديهاا المريخ : لا بس حسبت انك
تبي تمسكي فيني مثل دايم لماا اكوفن العالم
عنود وهي تمسك يد رهف وتساعدهاا تقوم: اية والدليل
انك كل يوم تنامي متكفخههههه
امشي بس لي كلام مع احمد
جوري بسخريه: قصدك الرجل المتجمد ذاااا
يالله هذا وصلنا هناا يختي غثيث
على ان تروك مشكلجي بس احبه اكثرر من هالصنم
رهف
حسيت بالم واناامشي بس
حاولت اضغط على نفسي ومتفشله قدام احمد
كذا امشي الله يقلعك ي تركي وقت الجد
مانحصلك بس وقت المشاكل اول واحد حاضر انتتتتت

وحناا راجعين البيت في السيارة
طبعاً جوري ذي اللحين تتأكد ت انهاا انسانه
ثقيلة دم بشكل وغثيثه والله طول الطريق وهي مفشلتني
نفسي اعرف مين طلب منهاتجي معنا شوفوو الخايسه وش تقول قدام
اخوهااا
جوري : ياربي اللحين متى يمدي اذاكرر
عنود بقهرر: محدن طلب منك تجي
انتي عرضتي خدماتك
جوري: ادري فيكم خبلات ماتفهمن الثنتين
بدل ماتخيط رجلهاا تخيط الظاهررر فمهاا هععع هع هع هع
وناظرت احمد وضربته بقوة على كتفه
احمد بببرود:خيرر وش فيك
جوري بقهرر: ليه ماتضحك انت من وقت ماركبناا هالسيارة
مافتحت فمك
أحمد وهوو يناظر الطريق: اولا ليه اضحك من زين السماجه اللي تقوليهاا هذي محدن يضحك عليهاا
وثانياً انتي فاضيه والحجه موفيك في عنود تتطلع وحدة مثلك
ونفسي اعرف ليه رايحه لان بكل صراحة روحتك مالهاا داعي وعليهااا مدري وش تحسي فيه وياليت انهاا سواليف سنعه الواحد ياخذ ويعطي معك ويستفيد
جوري بقهر: اقول يالصامت ياليتك ماتكلمت
احمد وهي يضحك: تستاهلي محدن قالك تتكلمي معي
جوري بقهرر: ايه يحصلك انت اني اتكلم معك
ولا انت متعودد ع ام سنون هذيك بس تهذر معك
أحمد وهي يناظرهاا: من ام سنون
جوري : زوجتك ولا اللحين تنكرت فيهاا
أحمد : هههههههههه رهيبه يا جوري
اجل اليوم اقولهاا كذا
جوري : وع يالصامت اسكت ولا تضحك
وتكفى لا تقول لتهاني شيء يكفي اخوي امس
مطين الدنياا معاهاا ياحبي له الحمش هذاك
إلا ابس أسألك انت اكبرر ولا هووو
أحمد ببرود: اناا وليه تسألي
جوري يسخريه: تصدق مو باين احسك تخاف منه
احمد بقهرر منهاا: اقول انطمي ولا اليوم الواحد
لماا يكون عاقل ومايبي يسوي مشاكل يقال عنه جبان
شكل شجاعتي ابي اطلعهاا عليك اللحين عشان ثاني
مره تعرف تحكي
عنود بطفش منهاا: شفتي اناا قلت لازم تنضربي
ويالله بعدهاا تعقلي بس ياليت يجيب فايدة التكفخ الللي تاخذيه
جوري مسويه مطنشه وهي تناظر الشارع: لو سمحت أحمد
اناا مقاطعتك لا تكلمني ولووو شفتني
في البيت حتى رجاا لا ترمي علي حتى السلام
اقول ابعد يدك لا تحاول تلمسني وتراضيني
وهي ترفع راسهاا بشموخ ترى زعلي شين وأسأل
هذولا الخمه ورااااا
أحمد: الحمد لله والشكرر بس
متى لمستك ولا رضيتك اللحين
جوري : بس عشان ماتفكرر قلت لك
رهف الله ياخذك ي جوري
نفسي اعرف حاجه وحدة هالبنت ماتتووب
كذا حتى فشلت اخوهاا ولا تحترم احد وعساك دوم مقاطعه العالم
وصلنا البيت
ودخلنا الصاله وشفناا تركي قدامناا ي سلام سلم
وجالس وفي يدة دخانه غريبه يدخن في الصاله
وقدام امه
دخلناا شفته يناظرني بحتقارر
الجدة بعصببه وهي تناظره: قوم تتحمد لزوحتك بالسلامه
تركي طف الدخان على الطاوله بكل وقاحه
وقام مطنشهم ومشى مر من عندهااا وقال بحده: يجعلهاا نحرتك
ام فيصل بقهرر: خلاص يمه تعالي اجلسي ارتاحي
وهذا من جد مجنون
الجدة بسخريه: كويس وانتي حكمتي بنفستس
وتعالي يمه رهف جاي
رهف وهي تمسك في عنود عشان تقدر تمشي:
الجدة: كيفتس يمه اللحين وان شاء خطاك السووء
وماعليتس خلاف
رهف بتعب: الحمدلله يمه بسيطه كلهاا اربع غرز
جوري : يميمه ترى مافيهاا شيء دلع بس
الله ياخذهن عطلوني ع المذاكرة إلا ياخذوني معاهم
ايه ادري فيهن غيرانين مني وحدة عاطلة في البيت
عشان عرفت نفسهاا ان مخهاا ع قدهاا بس
والثانيه اللهم لا شماته زوجهاا تمردغ في بطنهاا
وجلسهاا وهي تافله العافيه
الجدة بعصبيه وهي ترمي الفنحان عليهاا: قسم لو ماتقلبي
وجهتس عني والله لا اقوم لتس اللحين
ي كرهتس ي شيخه محدن يبيتس انقلعي غرفتس يالله
جوري وهي تاخذ الفنحان من ع الكنب زين وجاا في المخدة
مااجاا في وجهاااا : اقول ي جدة هذي كلهاا غيرة من وجهي
لاني أحلى وحدة فيكن كلكن وهي ترجع الفنحان مكانه في الصحن وتقربت بشويش من الجدة وسحبت عصاهاا
بصرخه : حلفت ماتاخذيهاا اليوم
الجدة بقهرر وشوي وتبكي: اقول رجعي عصاتي قبل ماادعي عليتس اللحين
ام فيصل بعصبيه وهي تقوم تبي تمسك جوري
جوري لما شافت امهااا رمت العصايه
وشردت بسرعه قفلت الغرفه
ام فيصل وهي تاخذ العصااا من الارض وترجعهاا لااامهاا
وقالت بعصبيه: طيب ي جوري اخوك
يجي لاا اخليها يربيك من جديد لان شكل الأولى مانفعت
الجدة بهدوء: خلاص يمه هذي جاهل
وماتفهم ومستحيل شكلهاا بتعقل
عنود بقهرر: يمه اي جاهل باقي شوي وتتدخل عشرين
وهي دلوعه كذا وماتثمن تصرفاتهاا العوبه ذي
ام فيصل : تبشر والله ان شاءالله تركي بس يجي
واخليه بكف منه يكبرهاا عن عمرهاا عشرر سنيننن
الجدة بحدة: قسم بالله لو تقولي له شيء
والله لا ازعل منك انتي مخبوله
تقولي له وهوو كذا معصب قسم لا تروح فيهاا
لا يذبحهاا ولدك شري لو عصبب عوذه منه
ام فيصل وهي تستغفرر: استغفر الله العظيم بس
وش اسوي فيهاا ياربي تركي وقلنا له عنود ودايم تكفخ فيهاا
واناا دايم مااقصر فيهاا والله من جد تعبت

رهف: عنود تعالي ساعديني ابي اروح ارتاح شوي
عنود : اوك الحين وهي تساعدهاا توقف وتمشي معاهاا
رهف
دخلنا الغرفة فكيت عنود وجلست بهدوء
على السريرر تمدتت وجلست
اتذكرر كلمتة ياربي وش هالقساوه في قلبه
كنت انتظرر على الاقل كلمة سلامتككك
ولا ياليته مر ساكت ولا قال هالدعوة
احس كلمته هي اللي نحرتني نحرررر
سمعت صوت اذان العشاء
قمت غصب توضيت وصليت وطنشت البنات
وغطيت راسي بالمفرش ونمت واناا دموعي ع خدي....... ...... .
بعداسبوعين
كنت مدري وش اسوي عندي مراجعة عشان الحمل
وهذا لا سأل عني ولا شيء
وطول هالاسبوعين ماشفته يجي يدخل غرفته
وعنود قالت لي انه اعتذر منه امه ومن جدته
طيب اناا ياربي وش سويت فيه عشان هالزعل كله
يكفي تفشلت يوم جت تهاني وهي تتحمد لي بالسلامه
واعتذرت مني تقول انهااا غلطتت على تركي
وماتبيني ازعل منهاا لانه زوجي واكيد اني ماارضى فيه
كان ابي اقولهاا بالله اسكتي زوجي كان يتمنى هالزجاج في رقبتي يعني اموت اه ياحسرة قلبي على حالي
وعلى ولدي اللي في بطني إلا مسكين مدري كيف بيقدرر
يعيش مع اب كذا ..........................

عنود وهي تحط يدهاا على كتفهاا وتهزهاا ع خفيف: وش اللي تفكري فيه
رهف :لا بس افكر في موعدي كان قبل يومين
ومارحت اخوك مسوي زعلان
جوري بلقافه: خلي الرجل الصامت يوديك
رهف بسخريه: لا بالله من جدك انتي
مين مفروض يروح فيني زوجي ولا اخوه
جوري بكل غباء: اخوة
عنود وهي تناظرها بكل احتقار: تصدقي ي جوري
صرت اكره مكان تجلسي فيه من استهبالك ودلاختك
جوري : والله مااصدق اكيد تمزحي
عنود بقهرر: لا بالله امزح لا والله صدق حبيبتي
جوري وهي تحط يدهاا ع راسهاا: بكيفي انتي شاورتيني
وقلتي تصدقي واناا رديت عليك اقولك ماابي اصدق
انااا حررره
رهف بقهرر اخذت الخداديه ورمتهاا بقوه: الله ياخذك
تقهررر من جد عنود تكفين لا تاخذي وتعطي معاهاا
والله يكفي القهرر اللي في قلبي وهذي زادت عليه
بمساختهااا
جوري وهي ترجع المخده مكانهاا: غيره أعوذ بالله
اروح اقابل العجيزز اسهرهاا شوي احسن
عنود بصرخه: ياويلك امي ماصدقت وهي ترضى عليناا
انثبري مكانك وتبي تنام اكيد الللحين هي وامي
جوري : مالك شغل غصب اجلس معكم ي شيخه ماابي اجلس اوف ناس لزقه بشكل وطلعت وهي تمشي مشية جديد ة
متعلمتهاا اليوم
رهف وهي تناظرهاا: وش هالمشية بالله
عنود بعحزز منهاا: مدري من اليوم وهي تمشي كذا
رهف بضحكه: يقال اللحين تمشي وتتطق خصرر
عنود بهدوء: يقال المهم ماعليناا فيهاا تمشي مثل ماتحب كيف جرحك اليوم
رهف : عادي ماتعورني كثيرر وشوفي واحد من الخيوط اتفك
عنود : هاتي اسحبهاا لك كلهاا
رهف بخوف: لا اخاف توجعني
عنود : خلاص اناااكلم تركي اليوم يوديك
رهف بعناد: لا ماابي اروح ولا تكلميه وماراح يصيرر فيني شيء
ربي يسترر علي وعلى اللي في بطني
عنود : لا مايصلح كذا
رهف بطفش: عنود تكفين خلاص ترى مافيني
وبعدين راح اموت لو مارحت ي شيخه ربي هوو يحفظ كل شيء
ويلطف فيني من عنده
عنود بهدوء: والنعم بالله
رهف
حسيت فيني نوم
طردت عنود من الغرفه لانهاا ازعجتني تبي
تسولف واناا مدري وش فيني احس راسي ثقيل ومافيني اسهرر
وعليهاا تعبانه اليوم وبطني يوجعني من وقت ماادخلت في
الثامن واناا احس بمغص يجي ويروح بس ساكته ماابي اتكلم
واحس حالتي النفسيه تعبانه وعليهاا
مقهورة من تركي كذا مطنشني اول مره يحصل معي كذا
دايم انبسط لو بعد عني بس هالمرة احس بقهرر
سحبت جوالي ابي أشوف اخرر ظهور له متي
كذا فضول دخلت الواتس فتحت رقمه
ناظرت صورة العرض حقه حاط صوره له جديده
اول مره اشوفهاا غيرر الللي كان قبل
ناظرت الصورة زين كان فيهااا كشخه بذات مع النظارة
الشمسيه الللي لابسهااا وهو ملحق ومضبط نفسه
ماشاءالله عليه جميل صادقه جوري يوم تقول ياخذ المرتبه
الاولى في الجمال وش فيني جالسه اناظر صورته كذا
كني مااعرفه جلست ادقق في الصورة ليه انت قاسي
ي تركي وليه هالكره كله لي من وقت مادخلت هالبيت
وانت مو طايقني نفسي اعرف وش سويت فيك
ياربي حتى وانا طفله ماسلمت منك ومن اذاك
اذكرر يماا اخذت كفوف منه قبل مااتغطى عنه
وكان صح يضرب اخته جوري معي بس مو مثلي
يضربني اقوى منهااا وبذات بعد ماعمي اعطاه كف
بعدهاا جلس لي كان منكد علي عيشتي هه وايش اليوم
مو كمان منكد علي عيشتي وحياتي كلهاا
وياربي متصل مع مين يسولف نفسي اعرف
لا يكون اللي دقت عليه بالغلط ع قوله والله اموتهاا واموته كمان
رهف وش فيك اليوم في ستين داهيه ولا نسيتي
مين يكون تركي ذا خليه يكلم ويرسل على كيفه مصيرره يندم
لا لا لا تفهمن انهاا ذي غيرة بس مفروض يحترمني بس
ومايدق ولا يرسل لاااحد واناا ع ذمته
وكمان حرام شيء مايرضى عليه ربي
ناظرت عنود شكلهاا نامت ذي مو ماعندهاا نوم من جد قهر
اناا الللي عندي نوم مانمت وهي نامت
وصلتني رسالة منه يمه حسيت قلبي يدق بسرعه بس ارسل رهف
سكرت الجوال ورميته حسيت بخوف مدري ليه
جاني فضول وش ارسل بعد
فتحت وشفت مرسل (رهف تعالي ابيك في غرفتي )
والثانيه:( تعالي ابيك بسرعه )
الثالثه ( مطنشه وادري فيك لانك من توو متصله )
الرابعه : ( رهف تعالي لااعصب عليك من جد والله )
رهف
رميت الجوال بقهرر
حتى وهوو يرسل مايعرف يقول كلمه زينه
ولا يبيني اروح كذا هااا عشم ابليس في الجنه
روح ي شيخ بعد ماطردتني اجي لك برجولي
غطيت راسي بالمفرش وجلست ابكي بهدوء
ليه كذا يعاملني نفسي اعرف حتى كلمة اعتذار مسترخصهاا فيني
وع طول يهدد وبخوفني من عصبيته
سمعت صوت الباب ينفتح يمه لا يكون هووو
سحبت المفرش ع خفيف من فوق راسي وناظرت كان جوري
وشفتهاا تتمددد بهدوء ..... ....... .......
بعدههااا حسيت بكتمه ابعدت المفرش وشفتهاا لسى مو نايمه
قلت بهدوء: ليه ماتقومي تتطفي النورر وتنامي
جوري بقهرر: اقول قومي انتي ومافيني حيل اقووم
والله
رهف طنشتهاا وسحبت جوالي كذا فضول
اشوف ارسل شيء او لا فتحته شفت سبع
مكالمات وش ذا الحمدلله وهو صامت كان يفتكرر اني راح ارد عليه مع نفسك حبيبي
رجعت الجوال وقلبتهه عشان الملقوفه ذي تشوف نوره
وترد بعدت المفرش عني و
قمت غصب
تقربت من النورر وسكرته
لاني لوو اموت والله ماقامت سكرته
ورجعت شفت نور في جوالي
سمعت صوت الخبله ذي
جوري وهي تاشرر في الظلام بيدهاا ع الجوال
ارحميه وردي وارحميناا معه والله مدام انك في راسه
اليوم انصحك تنقلعي من اللحين لأن مااحب احد يزعجني في نومي
رهف بقهرر الدنياا كله منهاا ومن اخوهاا ذا اللي معلق ع الجوال

: وش يبي ذا مدام انك ماتبي تنزعجي ع قولك انقلعي
روحي قولي له رهف مو جايه وش عندك
جوري : ياسلام واجلس اليوم كله روحي وتعالي
لا والله مارحت معك كلام روحي انتي وترى ابشرك
رايق حدة شفته من توووو طلع من غرفة امي
رهف بدون مبالاه: مايهمني رايق معصب ينطق مكانه
ويخليني في حالي
جوري وهي تسحب المخدة من تحت راسها وتعدلهاابقوة وبقهر
: شوفي ي غبيه مدام اللحين هوو يبك وجالس يتصل عليك
روحي تتدلعي عليه وطلعي الحق كله لك
واستغلي الفرصه
رهف وهي تغطي راسهاا بالمفرش: نامي بس
معاد إلا هي اسمع كلام وحدة هبله مثلك
وقطع كلامهاا دق الباب بشويش
جوري وهي تاشر ع الباب: هااا شوفي جااااا
قلت لك من اول اطلعي عيتي ...................... ..............

رهف
بسرعه تكلمت لهاا بصوت واطي
ياويلك تفتحي فمك
هو هايروح من حاله لو مارديناا يفتكرناا نايمين
تكفين جوري
الحمدلله بعدهاا بدقايق راح
جوري بحزن عليه: حرام عليك والله
احس اني حزينه واناا اتفقت معك على اخوي
رهف بتعب : جوري ارحميني تكفين اكيد جاي يغثني
بكلامه واناا عارفة انه في راسه حرش اللحين
جوري : والله عاد كيفك انتي وهوو استطفلوو
بس والله فديت اخوي المؤدب شوفي حتى مافتح الباب
عشان مايدخل عليناا وحنا نايمين
رهف بسخريه: ايه ماشاءالله عليه
الأدب دايم ينقط منه اقول نامي بس

جوري بقهرر منها: طيب ست رهف
اذا مازوجته وحدة تموت في التراب الللي يمشي عليه
والله وقفته عند الباب وتطنيشك له ان قلبي يتقطع عليه
رهف بببرود: زوجيه حبيبتي وبعدين
لا تنسي انتي كمان طنشتيه معي
جوري بقهرر وهي تبعد المفرش: طنشته عشانك
خفت تصيرمشاكل لما تعاندي
بس اللحين انا رايحة له بنفسي والله واقول
له تعال اسحبهاا بكشتهاا
رهف على طول قامت وبتمثيل عشان تهجد ع اللي في راسهاا
وهي تمسك على بطنها: اااااااه بطني
وترجع تجلس يقال انهاا تتألم اللحين عشان بس يمكن يطخ اللي في راس هالمخبوله
جوري بخوف وهي بسرعه تفتح النورروتتقرب منها: وش فيك
يمه والله مالي دخللل
رهف وهي مسكرة عيونهاا بتمثيل ومسويه نفسهاا مو قادرة تتكلم
: ااااه
جوري وهي تبي تروح لتركي بسرعه : اللحين اخلي تركي يوديك المستشفى ذحين اروح له اصبري بس
رهف على طول مسكت يدهاا هذي خبله صدق
اناا اسوي ذا كله عشان ماتروح تقوم تناديه بنفسهاا قلت بسرعه: لالا مافيني شيء وتكفين اللحين لاتشغلي اخوك ونطلع في هاليل واناا شوفيني بخيرر بس لاني قمت بسرعه عشان كذا بس
جوري بخوف: لا لا لازم اقوله يمكن تتعبي زيادة
رهف بطفش اوف هذي كيف تفهم حطيت يدي على كتفهاا : تكفين جوري لو صدق ماتبيني اتعب طفي النور وخليناا ننام واناا ارجع امسك على بطني لما شفت ان من نظرتها لي احسهاا شاكه فيني اني اكذب وناظرت بطني : اوف انت كمان لا تعورني أعوذ بالله شكله ييطلع مثلك ولا مثل ابوه دايم تقهروني
جوري وهي ترجع مكانهاا وتمدددد: وهوو يحصلك لو يطلع مثلناا اناا وتروك فدية قلبه احس بنتيب ضميرر والله
رهف بقهر: ي هالضميرر اليوم
عنود بصرخه انفزعن منهاا الثنتين: والنهايه يعني
مافي احد ينام معكن هذاك حضرته يدق جلس ساعه
وانتي وهي استلمتن بعده قرقرة ع راسي الله ياخذكن
اوف صدق مافي راحه في هالبيت

جوري : تزوحي حبيبتي وراح ترتاحي
يقال معصبه علينا
عنود وهي تسحب ريموت التكيف وترميه عليهاا عشان تسكت
جوري بصرخه: وجع ان شاءالله شوفي كيف لو جااا في راسي اللحين
رهف
ماابي اضحك عليهاا وترجع تسوي المنذله تبعهاا
ويشتغل من ثاني ضميرهاا اللي معذبهاا عشان اخوهاا
بالله انتووصدقتوو ان ذي عندهاا ضميرر من اصله
بس قصدهاا تقهرني عارفتهاا اناااااا
بعدهاا اللكل هجد واناا ادعي يارب تبعد شر تركي عني هالليله جلست افكرر وش في راسه ذا من الخوف والله مانمت إلا لماا اذن الفجر قمت صليت وصحيت البنات وبعدهااماحسيت في نفسي ......................................
حسيت على صوت عنود
وهي تصحي فيني فتحت عيوني غصب فيني نوم
قلت بصوت ثقيل من النوم: وش فيه
عنود بصوت واطي: تقولك ميمه تعالي افطري معاهاا
رهف ودهاا تبكي : حرام عليك والله فيني نوم
قولي لهاا عيت ماتصحى
عنود : والله ماراح ترضى انتي تتدري فيهاا
رهف بطفش وهي فيهاا النوم: وش تبي فيني من هالصباح
عنود :تبيك تفطري معاها كبدة تقول مفيدة لك
لان اخوي احمد جاب الذبيحه وامي مسوية كبدة طازجه يحبهاا
قلبك وميمه اشتهتك معاهاا قومي بالله عشان خاطرهاا
رهف بقهر: ميمه اللي تبيني اقوم ولا انتي
هااا قولي اشوفك مصره اني اقوم
عنود وهي تقوم: اجل كيفك حبيبتي بس خليهاا
تجي تصحيك بعاصتهاا ذي
جوري وهي تصحى ع اصواتهم :وش فيه
عنود بقهرر:لا لا لا انتي ارجعي نامي
جوري : مدام قلتي كذا هذي قومه ع ان في راسي نوم لسى
رهف لما شافت جوري تقوم: خلاص قولي لهااا جوري بدالي
جوري : في ايش بدالك
رهف :تفطري
جوري : الللحين هالازعاج كله عشان فطورر
مو دايم ميمه تفطرر لحالها وش اليوم تغيررر
عنود بقهر: انتي محد عزمك ارجعي نامي بس الزفته ذي هي اللي مصممه عليهااا تتتطلع تفطر معاهااا
وعاد كيفك ست رهف تبي تقومي او تنامي
رهف تقلبت ع السرير بقهرر:
اوف ماجاني نوم اكيد راح تزعل مني
خليني اقوم اطيب خاطرهاااا شوي وارجع انام وش وري
سحبت جوالي شفت الساعه لسى تسعه ياربي
بدري مره واناا نايمه بعد الفجرر يعني كلهاا اربع ساعات
قمت فرشت سنوني وغسلت وجهي وتوضيت
وصليت الضحى وطلعت
رديت السلام شفتهم كلهم متجمعين يفطرن
الجدة : تعالي يمه اقربي
رهف جلست أكل بهدوء
جوري بقهرر : ايه تصحوو رهف بس
واناا أنطق صدق مافيكم خيرر اشك صراحه اني بنتكم
الجدة بقهرر : يمه سكتي بنتس ذي
لاني والله ماابي اسمع هذرتهاا من هالصبح
وراسي يوجعني
ام فيصل بحدة: جوري قسم بالله تفتحي فمك
بكلمه اخوك ترى توه دخل غرفته قريب
الجدة بحزن عليه: وش فيه مافطرر معناا
ام فيصل : يقول ماله نفسسس
الجوري قامت بهدوء
استغربناا كلنا معقولة زعلت كويس وهي تحس صارت

يعني فيه تتطورر اللهم لك الحمد
الجدة وهي تاشرر عليهاا لما طلعت: وهذي عالمهاا
لا يكون بس زعلت
ام فيصل بهدوء وهي تأكل: ماعليك يمه كلي بس
عنود وهي تكلم رهف: وش رايك بالله مو فطورر
يستاهل انك تصحي عشانه
رهف
طنشتهاااااا وجلست اكمل اكلي انتبهت علي صوته
بس لا لا لا لا اناا قلت البنت ذي وراهاا مصيبه
صدق انهااا مافيهاا خيرر شووفووا كيف الزفته
ساحبتن اخوهااااا وهوو فاك الخشه
تركي وهوو يضحك ع جوري: خلاص حبيتبي
ابي افطرر
جوري : لو سمحتوو ياليت تقومووا خلاص يكفي اللي اكلتوه
عشان حبيبي تروك يأكل وانتم ناس مفاجيع راح
تاكلونه عليه
الجدة بقهر: نعن بوو ذا الوجههه الودرر
وهي تناظر تركي تعال يمه كل
تركي وهوو يجلس على الكنب :والله ماابي مالي نفس
الجوري وهي تجلس بدلع قريب منه: حبيبي مسدوده نفسك
والله من حقلك ياخي فيه ناس ماتفهم
وياليت ينقلعن من الصاله
تركي يخطبهاا ع راسهاا: بنت اهجدي
الجدة بعصبيه: هذا الللي ربي قدرك عليه
وبعدين لا يكون قصدتس مني انا الللي انقلع
جوري بسرعه: لا والله محشومه قصدي رهف
تركي يرجع يخبطهااا ع راسهاا: هييه حدك إلا رهوفتي

رهف بقهر
اه الله ياخذهاا ياربي وش فيهاا هالبنت ماتفهم
حطيت الللقمة بهدوء مافيني عاد أكل والله
ياربي دايم كذا تسوي فيني وهذا وش عنده كمان مسويي
يدافع عني هوو الللحين لا لا لا اسمعو وش تقول
جوري بقهرر : تتدافع عنهاا انت وهي امس طنشتك على الباب
وعيت علي ماااافتح لك والله
تركي بزعل : يعني كنتووا صاحين
جوري وهي تهز راسهااا بقوه: ايه وعيت علي والله
تركي وهوو يناظرر رهف بزعل
ورجع ناظر جوري وخبطهاا من ثاني ع راسهاا: مفروض تقومي انتي يمكن رهوفه كان تعبانه
جوري بقهرر الدنياا كله: ايششششششش
الله يخلف عليك ي خوي وش فيك اقولك
عيت عليه
تركي : مهما كان مفروض ماتسمعي كلامهاا وتقومي تفتحي
جوري بقهرر اكثرر: والله تستاهل الطرد كمان مو بس التطنيش
تركي يضحك بصوت عالي هههههههههههههههههه
الجدة بسخريه: الحمد لله والشكرر بس
نفسي اعرف هالضحك كله ليه عشان هالمخبوله ذي تضحك كذا
جوري وهي تاشرر على امهاا وهي تقلد جدتهاا: يمه تكفين سكتي امتس ذي ترى راسي مقفل لااقوم امردغهاا بعصاتي ذي
تركي بعصبيه: تمردغي مين ي زفته
جوري بسرعه قامت من عندة وشردت وقالت بصوت عالي
: قلت لكم ليه تصحوني ع الفطورر اوف ناس غثااا
لازم يعني اقابل خشتكم
تركي بقهرر: استغفر الله بس ليه صحيتوهاا
عنود بقهرر:والله مافي حد يبيهاا عشان نروح نصحيهااا
الجدة: خلهااا عقلهاا طايررر واناا امس
ام فيصل بحدة: ان بنفسي ان شاءالله ارجعه لهاااا

رهف
قمت بهدوء ابي اغسلل يدي وكمان احس اني
مخنوقة من نظراته لي اوف
طلعت من الصاله شفته جاااا وراي
ومسكني من عند كتفي
تركي وهووو يناظرر عيونهاا : افااا رهوفه مطنشتني كذاا
رهف رفعت راسي وناظرت عيونه اللي كان من شكله مقد نام لانهاا نعسانه وحاولت افك يده مني وصديت بوجهي عنه بس هوو رافض
وهو يرجع يمسك وجهاااا عشان تقابله وقال بصوت واطي حيل : تعالي غرفتناا نتفاهم ولك الللي يرضيك ................

انتهى البارت