رواية أه يا عذابي الفصل التاسع 9 - بقلم Misoo

عنود // ههههههههه بالله ايش رايكم في الحركه حلوه مو
بس شوفي الخبلات ولا هم يمنا جالسين يتضاربون مع بعض صدق ان فيهم غباء
الحمدلله على نعمة العقل
سماح // انقلعي من زينك عاد اقلدك روحي بس زين
جوري // والله تقلدني دايم وانتم وهي تناظر فينا
مدام بتسوون منذله تكفون خذووووا هذي البارده معاكم المره الثانيه وانا اسامحكم
وهي تلتفت لللجماعه ماشاءالله انتم دايم كذا قبل اللكل
ام علي بحده// ترى عادي لو موعاجبك ندق اللحين ع علي تراه بجنبنا
عنود وهي متفشله من جوري // لا وش وخاله تدقي وماعليك منها تراها خبله
والله تعجبني جوري دايم تفشلهم والله ودي اقوم ابوسها احسن شوفي كيف وجيههم قلبت
بالطاقق والله وكمان نفسي عاد تعطيهم بس هذي عنود بعض مرات تقهرني لما
تطلع عليها اخلاق فجأه اوف كان نفسي انبسط زود والله

  ،، وش تدقي عليه
ماعليك فيها وبعدين كنك ماتعرفين جوجو هي دايم خبله كذا
جوري// وش خبله انتي كمان
عنود بحده //جوررري انطمي
دلال وهي معصبه // خلاص عنود وانتي ي جوري وش فيك علينا
جوري وهي خايفه من امها ردت بسرعه قبل ماتدخل // امزح معاكم
وش فيكم كذا وبعدين انتم في عيوني الحلوه هذي بسم الله عليه
تف تف خمسه وخميسه في عين العدوو
مقدرت امسك نفسي وضحكت بصوت عالي انا وسماح الغبيه اللحين هي
ينقال انها تصلح الموقف طينت الدنيا مره ثانيه بس والله ودي
اقوم ابوسها
عنود وهي مستغربه//بنات ليه مادخلت ليه تأخرت
سماح //جالسه تنزل جدتي تركي عيا يجي بدونها
ام علي وهي تنط // امي اجت فديتها
وقامت تمشي طالعه لها برا
عنود // ومن اول ليه مانطقتن انتي وهي
امل //والله لانهم مخفه
جوري // ماشاءالله انتي كمان هنا
امل وهي مقهوره منها // لايكون بس دوبك تنتبهي
دلال بدلع // خلاص امل مانبي مشاكل
جوري وهي تقلد دلال //خلاص وان شاء الله مافي مشاكل
شفت دلال تناظر فيني خيررر وش عندك ست دلال شكلها ودها تموتني يالله نظراتها تخوف
دلال // رهف انتي اي تخصص بتقدمي
رهف مو قلت عندها شي كان نفسي اقولها وش دخل اهلك بس احترمت شوي نفسي
ورديت // والله ابي اقدم في رياضيات اعشق هذي المادة
جوري بلقافه // وع
امل // انتي ايش دخلك فيها وهيا كيفها صح رهوفه وشكلي انا كمان مثلك رياضيات
جوري // مالت عليكم انا مابي ادرس هذي السنه ابي ارتاح سنه
سماح // ايوه ماشاءالله ابوي راح يوافق اقول كثري منها
وقطعنا سوالفنا لما شفنا خالتي وعنود ماسكين جدتي
فديتها ياناس أحبها حنونة بشكل وهي مافي قرابه بينا اللهم انها ام خالتي ام فيصل
ودايم تقول لا تقهرو و رهف غلاها من غلى ابوها تحب ابوي
لانه كان زوج بنتها
بس بنتها ماتت وهي تولد الولد طلع ميت وهي بعدها جلست تنزف وماتت
وبعدها ابوي جلس سنوات وبعدين تجوز امي وهي اللي خطبت لبابا
وقالت والله ماتجلس كذا ولو الحزن يرجع احد كان انا جلست حتى ع قبرها
قمت اسلم عليها // كيفك جده
الجده // فديتس يمه اخبارتس وعلومتس
رهف واضمها // الحمدلله طيبه اخبارك انتي والله وحشتني
الجده // الله يسلمتس ي قلبي اجلسي جاري هنا
سماح //اوف بدا اللحين المسلسل
جوري // والله انك صادقه
ام فيصل / قوموو بس يالله نجهز كل شي عشان شوي ويصل الغداء
ابوك يقول عامل المزرعه راح يجيبه
عنود // يمه كل شيء جاهز انا ورهف جهزناه من قبل ماتجوو
ام فيصل // اوك اجل قربي القهوه احس معي صداع
ام علي // تغدي وبعدين تقهوي
الجده // عادي كنا زمان نتقهوى وبعدها نتغدى
ام فيصل // احس راسي مصدع لاني اليوم ماتقهويت والغداء بتغدى ي ام علي
أم علي // بالعافيه
قامت عنود تقرب ترامس القهوه والفناجيل // سمي يمه
ام فيصل // تسلمي وقهوي كمان جدتك وخالتك
شوي إلا تركي ينادي من عند الباب // يمه تعالووو اخذوا الاكل
االجده // فديتك هذا الصوت يمه قومن يالله اخذن غداكم من اخوكم
لا لا جده كذا شكلي بقلب عليك وش فديته ومافديته وبعدين من زين صوته
هذا المغرور ملك زمانه والله زمن ناس بطنها تقلب عليها وناس تتفدى لصوته الكريه
شفت البنات وهم ياخذون منه لكن شوفوو ا ذي كيف تتحكرص في مكانها من وقت ماسمعت
صوت العندليب مالت عليك وعليه لا بالله قومي احسن أستغفرك يالله بس
جوري بصوت عالي // رهف يا زفته في ايش مسرحه
رهف // خير وش عندك
عنود // ماعليك فيها يالله نقوم نفرش السفره
ام فيصل // لا لا اصبروو احمد وتهاني مقد اجووو
عنود // لا يمه تركي يقول عند لفة المزرعه
شوي ودخلت علينا تهاني وسمر
تهاني وهي تفتح الغطا // السلام عليكم
الكل // عليكم السلام
ام فيصل // هلا هلا والله
جوري // خلاص بعدين السلام والترحيب بعد الغدى ميته جوع
تهاني وهي تضرب راس جوري بشنطتها ع خفيف // طيب يامشفوحه اسلم ع ميمتي
وهي تسلم على الجده // كيفك ميمتي
الجده // هلا فيتس والله علومتس وعلوم ورعانتس
جوري // فديتس يمه كلهم بخيررر
جلسنا كلنا نضحك ع جوري لان مافي امل انها تعقل بعد السلام
والترحيب لتهاني
فرشنا السفره وتغدينا وبعدها جلسنا نشرب شاي وبعدها صلينا العصر شوي إلا فيه
صوت من مجلسنا تهاني وهي تفز // هذا فيصل اكيد يبي يسلم ع الجده
وطلعت تشوفه وانا خلاص حسيت نفسي مرتبكه لانهم كلهم يناظرون فيني
لما قالت فيصل كان نفسي اقولهم هيي ترى هو من طريق وانا من طريق والبركه في هذا
اللي اسمه تركي
تهاني وهي تدخل // تقول بنات فيصل يقول تغطن لانه بيدخل يسلم ع ميمتي وخالتي ام علي
لا لا وش يدخل ذا انا سمعت بس صوته بغيت اموت وكمان يدخل مستحيل يدخل وانا هنا
وانا اقرب من عنود // عنود تكفين يالله نطلع وهو يدخل
عنودبصوت واطي // وش فيك عادي تغطي هوو يدخل يسلم ويطلع بسرعه ماراح يطول
رهف وهي تمسك يدها // لا عنود تكفين ابي اطلع اخاف البنات يجلسون يقطون كلام
عنود بحنان // خلاص حبيبتي اللحين نطلع
بصوت عالي بنات مين بيطلع معنا بنتمشى شوي ونرجع شفتهم كلهم قاموو
وانا امر من عند تهاني قالت لي بصوت وطي مره // حرام عليك محروم حتى شوفتك بالعبايه
سكت مارديت عليها سحبت عنود وطلعنا إلا هوو واقف قريب من الباب ع طول وخر ع وراء
اخخخخ ي قهري شوفووا كيف محترم الله يقهرك ي تركي زي ماحرمتنا من بعض
لا لا لا حسيت الارض بتقلب علي لما شفت تركي واقف بعيد شوي وعينه علينا وكان يدخن
وشكله معصب ويفكر جالس مدري في ايش اوف منه وجع وش تناظر ياخي استحى ولد
اخوك صغر منك وهو مشى من عندنا وعينه في الارض انا وش جالسه اقول هذا من متى
يستحي هوو بس لو عنده ذرة رجوله ولا نخوه كان فكر في شرف عمه
جوري بصوت عالي // تروك والله انك عذاب وانت كذا
تركي // هههههههه من يومي عذاب ومشى يقرب منهم
وش عندكم طالعين كذا
عنود //ولا شيء بس فيصل دخل يسلم ع جدتي واحنا طلعنا عشان يأخذ راحته
شوفوووا الكلب جالس يناظر فيني وش تناظر مع وجهك ذا مسكت يد عنود وهي ضغطت
ع يدي تطمني والله خلاص نفسي ارجع مجلسنا والله فيصل يدخل ولا هذا الزفت
نتقابل معه يارب خايفه لا يحذف كلمه كذا ولا كذا
سماح // ابي اجيب جوالي من داخل واصورك
جوري // كلي تبن انا اللي مدحته قبللك يالله صورة من فضلك
تركي وهو مبسوط من جوري وهي تمدح فيه // شكراً ياقلبي
اللحين شكلي مبهذل خليها لما اضبط نفسي
مالت عليك انت وهذي الابتسامه ع وجهك هيه لا تأخذ في نفسك مقلب ترى بس جمالك
من برى بس من دخل واحد وسخ وقذر فالا تعطي نفسك قدر اخخخ انا عارفه حركات جوجو
عشان تقهر دلال وهوو الغبي صدق يحسب الينات من جد ميتين عليه
تركي وهو يبتسم // بنات ايش رايكم مدام انكم مطرودين
نروح نطعس شوي ونرجع
جوري وسماح بصوت واحد // الله وناسه
دلال بخجل // موافقه بس اشوف ماما
وع على هذا الدلع قال ايش اشوف ماما مالت عليك انتي وامك اللحين
اللي يسمعك امك يمكن ترفض إلا بتقولك الحمدلله وانتي ماتخرتي روحي
لان ماشاءالله عليكم دايم اول الناس
امل // خلاص انا ابي اروح اقولها وراحت
تركي // طيب انا راح اقول لااابوي
مسكت يد عنود عشان تحس فيني وتقول رهف مارح تروح وهي ع طول فهمت علي
عنود // لا تركي انا ورهف مو رايحين قول لآ ابوي بس عشان البنات
تركي برفعة حاجب// وليه ان شاءالله مو رايحين
والله عاجبتكن كذا الجلسه برى قدام العمال والرجال كلهم في الخيمه
عنود // لا اللحين فيصل راح يطلع ونرجع ندخل وبعدين
مانبي نروح مو غصب السالفه هي
تركي بمسخره // ومين قالك اللحين غصب ياشخه في ستين داهيه
فيك وفي رهف حقتك ذي المعقده ههههههههه
عنود // تركي وش دخل اللحين رهف
تركي // بالله لا تقنعيني اللحين انه انتي إلا رافضه
عنود // موشغلك انا او هي كلنا واحد
تركي // الله يعينك واكيد راح تحصلين اجر فيها
لانك جالسه تراعين وحده مريضه نفسيه بس انصحك
تريحي نفسك وتعرضيها ع اخصاي
دلال // ههههههه الله
جوري // ليه تضحكي
وانت سيد تركي حدك اللين رهوفه ترى مانرضى عليها
تركي وهي يضحك // اوك جوري هانم وراح يضحك
ي بنات لا تسالون انا كيف حالتي كان فيني قهر وراح ابكي مو قادره امسك نفسي أحس
راح انهار والله كلامه يوحع حيل ويقهر والزفته هذي تضحك وعاجبها كلامه
لكن ابي اقولك تركي فاام اليتم فلا تقهر وانت قهرتني وعذبتني واجد
شفته وهو قريب بالسياره حقته طلعووو البنات كلهم مافي الا انا
وعنود
مسكتني عنود وضمتني وعلى طول بكيت
عنود بحنان // ماعليك منه والله هووو المريض
والزفته دلال شغلها عندي ان شاءالله اخليها
تدفع ثمن ضحكتها والله اقولك اللحين جوجو تبرد خاطرك فيها
حسيت من نظرتها لدلال انها ناويه عليه
رهف وهي تبكي // انا ايش سويت فيه نفسي اعرف عشان يسوي فيني كذا
عنود وهي تسحبها للجهه الثانية تخاف فيصل يطلع ويشوفهم // تعالي هنا
نجلس وراء مجلسنا محد يشوفنا وخلاص لعاد تبكين
مشيت معاها شفت فيصل وهو يطلع كلم عنود فيصل// ليه مارحتوو مع البنات
عنود // لا بس رهف ماتبي تروح تعبانه شوي
فيصل بخوف عليها // سلامتها وش فيها
عنود وهي تضحك // اقول ياالرمنس انتا مافيها شي بس هي تخاف من التطعيس
ضروري يعني نفضحها عندك ههههههههههه
فيصل // هههههههههه اجل كذا قولي لها وفيصل يموت في التطعيس
عنود // وفيها كمان صح ههههههه
فيصل // فديتها انا وراح
وجع ان شاءالله يا عنود ي زفته تحسب هي اللحين تخفف عني ماتدري انها زودت وجعي
اخخخخ ي فيصل توني امدح فيك اقول خجول وش صار فيك اللحين
ضربت عنود بقوه على كتفها وانا زعلانه منه
عنود // هههههه
رهف // انقلعي ي زفته
عنود //وش فيك كنت امزح معه عشان تضحكين وتخلين البكي هذا يا ام دمعه
رهف //بس والله من جد احرجتوني انتي وهو
بعدين وش ذي فديتها مايستحي يقول عني كذا وانا لسى حتى خطبة رسمي مافي
حتى دبله مقد لبستها
عنود // بس والله فيصل يحبك من جد ودي تاخذينه اليو قبل بكره
وكمان عشان هذاك الوقت يعرف يربي تركي معاد يتعرض لك
رهف // ليه تركي كذا يكرهني معقوله عشان موضوع تافه يسوي فيني كذا
وانهارت تبكي والله حرام ادفع ثمن شي مالي ذنب فيه إلا كان بس ابي حق رجعت بذاكرتي
شوي وراء اذكر مره انا وجوري كنا نلعب في الصاله وهو طلع ع اصواتنا من غرفته
وكان معصب يقول ازعجناه وهو توه توظف يومها وكان صح تعبان من شكله بس نسينا
انا وجوري وجلسنا نصارخ واجاااا ع طول والله جهتي واعطاني كف طحت منه ع الارض
ومسك جوري من شعرها وجلس يصارخ بصوت عالي وطلع عمي على صوته
ابو فيصل // يا زفت فك اختك
تركي بعصبيه // بالله يبه مافي مكان غير هنا يلعبون وانا تعبان
وماخلوني انام
والزفته الثانيه هذي بصوتها كله تصارخ مسويه البيت بيتها
ابو فيصل // وغصب عنك بيتها وهي الداخله وانت الخارج
تركي وهو معصب مسك رهق // تاكل تبن معاد الا هي هذي اللي بطلعني
ودفها وضرب راسها في المكتبه حق التلفزيون
ابو فيصل معاد شاف شيء من عصبيته // ياكلب واعطه كف وقاله
برا برا من بيتي ولعاد اشوف وجهك يالعاق
ام فيصل وهي تبكي // تكفى ابو فيصل ماتطرده حرام عليك وين يروح
وهو توه طالع من الدوره حقه وش فيك استهدى بالله
تركي بعصبيه // حتى انا ماابي اجلس في بيتك
ومر من عندي ورمى كلمه عليه لكن اللحين فعلن صدقتها يوم قال بتدفعي الثمن غالي
وابشرك ي تركي دفعته غالي وغالي حيل وبعدها اجااا عمي واخذني من الارض والبنات كلهم
تجمعووو حولي ودخلنا غرفتنا وخالتي راحت وراء تركي غرفته تحاول فيه انه مايطلع
وبعدها جلسنا أسبوع ورجع البيت لان خالتي مرضت علينا وعمي خاف عليها لا ترجع
لها الحاله اللي يوم مات فيصل واتصل عليه ورجعه البيت وبعدها صار حاقد علي
من يوم مارجع البيت وهو مره يرمي كلام مره يسوي حركات مالها داعي واخر
شي يوم خطبني بعد فيصل وانارفضته وهو زاد حقد اللين صار
اللي صار
عنود //وين وصلتي
رهف بحزن // لا بس جالسه اتذكر السالفه اللي زمان صارت واللحين دفعت الثمن
عنود بشك // اي ثمن تتكلمي عنه جالسه
رهف // لا لا ماعليك في كلامي اوف نفسي اروح البيت صراحه تنكد مزاجي
عنود وهي تشوف الساعه في يدها // باقي ساعه ع صلاة المغري وواكيد راح نمشي
جلسنا شوي ورجعنا عند الحريم وجلسنا نسولف مع تهاني شوي ودخلوو البنات
علينا وهم يقولون يالله يقولون نصلي ونمشي ع طول
جوري وهي فرحانه // والله ي بنات فاتكم
اوف ي جلس تركي يطعس فينا والله ناسه
عنود وهي مو رايقه // اقول بالله اسكتي وخلينا نصلي ونتسهل نروح
رهف // اوف ورانا مشوار
صلينا وبعدها كل واحد مسك سيارته بقي حنا بس شفت تركي ينتظر في السياره حقته
شكله يبي البنات ولا خالتي تروح معه يارب عمي مايحرجني ويقول روحي معه
والله مزاجي مو رايق لغلاسته الحمدلله شفت خالتي وجوري راحووووو معه
وحنا جلسنا ناخذ مع عمي باقي الاغراض وقال يالله قدام سرينا
اوف مصدقت وانا انزل من السياره مابي غير شور وانام صراحه مالي خلق احد
اخذت ع طول بجامة ودخلت اخذت شور وطلعت ع طول ع السرير ونمت
ماحسيت إلا بشمس في وجهي شكل الحماره جوري مارجعت الستاره من يومها تحب الظلام
سحبت الجوال وشفت الساعه وكان 8 ونص قمت دخلت الحمام الله يكرمكم وغسلت وطلعت
وفرشت السجاده وجلست اصلي ....