رواية أه يا عذابي الفصل التاسع والعشرون 29 - بقلم Misoo

ماتمنيت البكاء يوماً ولكن هم الزمان
ابكاني تمنيت ان اعيش كم تريد
نفسي لكن عاشت نفسي كم يريد زماني

***************************

رهف وانا خايفه من شرطه : وش هو الشرط
تركي وهو يناظرهااا: وتنفذيه
رهف بقهررر: اقول اول وراح اقولك اهم شيء انفك منك
تركي ببرود: ايوه اهم شيء اذا وافقتي راح تنفكي
رهف بخوف وعارفه ان وراه شيء : قول طيب
تركي وهو يرفع واحد من حواجبه :امممما راح اقولك بس ياليت تفكري زين قبل ماااقولك ولا تتتسرعي في ردك فكري على راحتك
رهف بطفش :اوف بتقول ولا شلون
تركي بهدوء : ياليت لما ابوي يجي
تقولي له ابي ارجع لتركي
رهف وانا ابعد عنه ومقهوره : ايششششش من جد غبي اللحين وش فرقت اقولك ابي انفك
منك تقول قولي لاااابوي يرجعني لك
لا والله هذي ماتصيرر لو على موتي
تركي وهو يرجع يثبتها ويقربها منه زياده وبخبث : اجل تحمليني طول عمرك لانك مااارح تطولي إلا في باللك
بس لو تسمعي الحكي وافتحي هذا المقفل شوي وهو ياشر على راسها راح تعيشي باقي حياتك وانتي حره وتنفكي على قولك مني
رهف ناظرت عيونه ابي ادور الصدق في كلامه
ياربي وش يقصد من هذا كله خليني اشوف معه لللاخر
وقلت بهدووء: طيب وش راح يصيرر ذا
سمعت كلامك وقلت لعمي كذا
تركي وهو يسوي نفسه يفكرر ::: امممما يكون
اني اطلقك انا بكيفي ومايكون منظري قدام اهلي
انه غصب عني مهما كان كبريائي مايسمح انك انتي
تطلبي الطلاق وانتي مافرقت معك في كل الحالتين لو انا
طلقتك بكيفي او ابوي غصبني اهم شي تنفكي على قولك
وهااا احذرك ولا تفكري كمان طلاق ماارح اطلق
حتى لو ابوي غصبني فاهممه بس اذا رجعتي
هذا الوقت الكلام كله يتغيررر لان انا ودي
يقولوون هو خلهاااا ولا يقولون هي رفضته وعافت العيشه معه تدري فيني مااااحب ان احد ينتصررر علي بتقولي عقله صغيرر بتقولي حقيرر على راحتك وهو يرفع كتوفه هذا انا وش اسوي مقدر اتغيررر وضحك بحقاره
رهف من جد حقيررر وبقهرر:وقح من يومك وهذا انت فعلاً مستحيل تتتغيررر

تركي وهو يضغط على فمهااابقوه:هااااا انتبهي لا تغلطي علي
وكلامك لايصيررر فيه وقاحه معي
رهف وانا امسك يده ابي ابعدهاعن فمي : ابعد يدك
تركي وهو يفكها:: اوك وابي اعتبرر نفسي اني
ماسمعت منك رد واللحين ابي اسالك ثاني
هاااا وش قلتي موافقه اولا وهو يرجع على وراء
وينسدح على السريررر ويمسك يدها مايبها تقوم وهو يغمزز شفتي كيف انا طيب
الله سريرك مريح لنوم
رهف وانا اناظره ودي اقتله من قهري
وش هالشرط الغريب ياربي مايقوله عاقل
واللي قهرني نومته على سريري سحبت يدي من يده بقوه
وقلت بقهررر: مو فاهمه وش تستفيد من هذا
تركي وهو يرجع يمسك يدها بقوه ويسحبها على صدره وجههه قريب من وجههها ويقول بصوت هادي: يكون انا بكيفي
مافي احد ضغط علي هذا الللي ابي استفيده نفسي اعرف ليه ماتفهمي بسرعه يعني لازم اعيد الكلام الف مره ويالله يدخل في هالراس المقفلل
رهف وانا متفاجاة من سحبته لي عصبت من جد
هذا وش ناوي عليه حاولت اعدل نفسي بس هذا مثبتني بقوه
قلت وانا متضايقه: طيب فكني
تركي برواق : اقولك الللحين اتركينا من شرطي
وسالفة طلاقك خلينا نعيش جوووو شوي
رهف
جلست ابكي مو عارفه وش اسوي يعني شلون مافي احد يقدر يبعده عني واللي يبيه ياخذه غصب وكمان اذا وافقت على شرطه اروح فيها
يارب خايفه ذا سمعت كلامه ويكون يكذب علي
وبعدها عمي اخاف يسحب نفسه ومايرجع يساعدني
اذا كذب معي وماطلقني على قوله لاني ماااثق في كلامه
ياربي محتاره ناظرت فيه هذا من جده نام جيت اقوم بس مسكني

اوف ياربي كاره اني اكون كذا قريبه منه
بس غصببب عني والله انه صدق في كلمته
يوم قالل لو ابي اوصلك لو تحت الأرض تكوني بين يدي
تركي وهو يناظرها: ااهجدي شوي
رهف وانا احاول افك نفسي منه بقوه : ابعد خالص وش تبي عاد
تركي وهو يفكها : مااابي شيء خلاص
وهو يناظرها شفتي يارهف مافي شيء يمنعني عنك وهووو
ويبوسها على خدها حطي هالكلمه في راسك
انتي ملكي اناااااااااا
رهف وانا ابكي بضعف : ربي على الظالم
تركي وهو يقوم : المهم انا رايح اخذ شور وبعدها اجيب اهلي وانتي لوفيك
خيررر روحي غرفتي ونظفيها اذا كانت وسخه

واجلسي مثل الحريم السنعات فيها انتظريني
ولا اقولك تعالي معي انا اخليك تدخليها
لانك مستحيل انك راح تروحي من حالك وهو يناظر سريرها
ترى هناك اريح وهو يغمز لها ولو ياعمري تبيني اغيررر لك الغرفه كلها غيرتها فديتك انا وهو يرجع يبوسها وقال بخبث راح توحشيني ياحبيبة تركي
رهف صرخت بقوه خلاص مافيني اتحمل : انقلعععع
عن وجههههي مااابي اشوفك خلاص
تركي : اوك راح ارحمك واطلع بس قد قلت لك ماارح تنفكي مني إلا اذا وفقتي على شرطي
رهف وهي ترفع يدها : يارب تروح ماترجع
واكون انفكيت منك لللابد واكون ارتحت من هالشرط اللي مثل وجهك
تركي بقهرر: هذا الللي فالحه فيه
بس جالسه تدعي على زوجك بالله فيه مره تدعي على زوجههها
رهف وانا منهاره احس اني متحطمه منه ومن كل شيء وقلت مثل المجنونه : انا فاهم وانا اضرب على وجهههي من كثرر القهر
تركي لما شاف حالتها كذا تقرب منها وحاول يمسكها
: بس خلاص شوفي وجهك كيف صارر ولاتسوي كذا
عشان حالتك راح ترجع الللحين وتدوخي مره ثانيه
رهف وهي تضرب في صدره بقوه: ابعد عني ابعد
تركي وهو يفكها : خلاص شوفيني رايح وطلع وقفل الباب
رهف
جلست ابكي وابكي واصرخ ياربي وش اعمل
خلاص احس اني انهديت مافيني اتحمل
والله لو تموت ياتركي ماقلت لعمي رجعني لك
بس على كذا مارااح يطلقني انا عارفه
احسن بس اهم شيء ماااكون قريبه منه حتى لو ما طلقني
اهم شيء مااروواح عند عمي وبس
حسيت بتعب وجسمي كله مكسررر تكسيررر
سمعت صوت اذان الظهرر قمت اخذت شورر بارد يمكن يهدي على شوي ويهدي من حرقة قلبي

ياربي مافيني على قربه اكرهه اكرهههه
توضيت وصليت ورميت حالي على السرير
ابي انام قبل مايجيون البنات لان الللحين اكيد راح يجيووون
ااااه تذكرت كيف خالتي راح تقابلني وكيف انا اقدر.
اقابلها واعيش معاها بعدالللي حصل
سكرت عيوني مااابي افكر في شيء يكفي ريحته ماسكه في مخدتي اوف اكره حتى ريحة عطره قمت وقلبت المخده على الجههه الثانيه وكاد الريحه تروح
جسمي كله مكسرر وراسي يبي ينفلق من كثرر الصداع
وكمان وجهييي احس بالم فيه من كثرر مااعطاني كفوف
الله يكسررر يدك
بعدها نمت
ماحسيت إلا بعنود وهي تهز كتفي
فتحت عيوني فيها
عنود : وش هالنوم يارهف
رهف فتحت عيوني وشفتها قريبه مني حيللل وبصوت ثقيل
: ليه الساعه كم اللحين
عنود وهي تجلس قريب منها: باقي شوي وياذن العشاء
حنا جينا وانتي نايمه ونمنا معك وصحينا وانتي باقي
قلقلت عليك والله خفت لو انك تعبانه
رهف
كان ودي اقولها ايوه تعبانه كثيرررر بس من اخوك مو من شيء ثاني بس انا وعدت نفسي ماااشكي لاااحد خلاص مااابي احول هالبيت لكدررر وعلى قولهم اشتتت شملهم
هزيت راسي لها : لا مافيني شيء
ويالله الللحين بااقوم
عنود :اوك وانا احضرر لك اكلل
رهف :لا مالي نفس
عنود : وش مالك نفس اقول قومي غسلي وصلي وبعدها تاكلي غصب ولا ودك ترجعي تتتعبي من قلة الاكل
رهف
كان ودي اسالها عشان خالتي رجعت معاهم اولا
بس شكلها رجعت لاني ماااشوف احد غيررر عنود في الغرفه
وشكلهم جالسين عندها رحت غسلت وتوضيت وصليت
وجلست افكرررر ياربي وش هالعيدد اللي مر علي حتى فرحه فيه ماحسيت لازم يكدر علي الله يكدر عليه
قمت رفعت السجاده بعد ماجلست استغفررر
تذكرت حبيبة قلبي اميرررره اكيد اللحين دقت وانا مقفله جوالي
رحت فتحته وشفت رسايل واتس كثيررر ه منها حياتي ياااميره والله اني مقصره فيك ارسلت لها هاي حبيبتي
وكل عام وانتي بخيررر وعساكم من عواده
جلست انتظررر رد لها ماردت ولها من آخر ظهوور ساعه
رميت الجوال انتظررر متى ترد عليه وارجع اقفله
جلست افكررر كيف اسوي شيء واتطلق بسرعه لاني
عجزت وانا اكلم عمي وصعبه هالفتره اكلمه وهوو توه مرجع خالتي يعني وش اسوي يارب ساعدني بس قطع عليه صوت
الجوال فرحت قلت اكيد اميرره بس كان .... .. .. . .........

تركي اوف ياربي انا وش اللي سويته في حالي يعني لازم انتظرر اميرره وبعدين وش يبي هذا طنشته يرن خليه ينحرق مااراح ارد عليه شوي وسمعت صوت مسج مرسل فيه
( رهف ردي ضروري ابيك (شفت المسج وش يعني يبي اكيد كلامه اللي مثل وجهههه اللي دايم يسمعني فيه اوك خليك كذا
ترسل وتدق وماارد وكمان جوالي مااراح اقفله من اليوم ورايح واشوف وش بستوي بالله
بعدها سمعت صوت مسج ثاني اوف يعني والنهايه معه يعني كذا اقضي اليوم اقرأ في مسجاته صدق غثااااا فتحته وكان ) بنت ابي اقولك روحي اللحين قولي لااابوي لان ابوي طردني قالي ماتنام في البيت مدام راهف زعلانه وطالبه الطلاق
واللحين جااا دورك انك تروحي وتقولي له ابي ارجع لتركي ومثل مافهمتك ولك مني كلمة رجاااااال راح اطلقك اذا سويتي كذا ( ههههههههه عمي طرده فديت خشمك ياعم ايوه اطرده يستاهلللل والله هالطرده وهه يبيني اروح اقول لعمي اقول روح احلم بعيد عني قال ايش اقوله الحمدلله لسى فيني عقللل
فكرت ارسل له خليني احرق دمه مثل ماحرق دمي الصبح
دخلت الواتس وارسلت له (شوف روحه عند عمي ماااراح اروح
وكمان قليل اللي عمي سواه فيك تستاهل هالطرده والله ومفروض من زمان هالطرده بس الحمدلله مهما تأخرت حصلت ههههههه تعيش وتاكل غيرهااااا )
تركي ارسل ( ردي على الجوال لو فيك خيررر (
ارسلت له (اجل دق (
ههههههه غبي ومتخلف والله مفروض عمي بدل مايطرده يوديه شهار وكاد يرجع عاقللل هههههه نقزت في مكاني من صوت رنة الجوال وجع ان شاءالله على طول دق ماصدق خبرررديت
بوقاحه كذا عناد فيه: خيرر وش تبي يالمطرود ومن الللحين مااراح اتوسط لك اجلس مكانك
تركي بهدووء: رهف خلي شغل الللعناد تبعك وفكري في مصلحتك لو شوي انا الللحين دقيت عليك ومااابي اتهاوش معك بس ابي اقولك انتي اللي راح تستفيدي من ذا كله
رهف : اقول روح نام احسن لك صوتك مرهق وشكلك مانمت
تركي بهدوء وبصوت تعبان : والله مانمت من امس ومافيني انام وانا مو في البيتتت احس اني وحيد في هالشقه بعد ماااامي رجعت عندكم إلا أخبارها فديتها ولا اقولك وش رايك اجي لك وتجي تابتي عندي اليوم بس هااااه رهوفتي وش رايك
رهف يعني امه رجعت وخيررر جالس يشكي لي ياليت تنقلع من هالدنيا كلها مو بس من البيت قلت بطفش ودي اقفلل: وليه تشكي علي انا وكملت بسخريه: صراحه شفقت عليك انك جالس وحدك اجلللل الللحين راح اكلم عمي
تركي وهو يقاطعها وبفرحه: صدق يارهف فديتك والله اجل الللحين راح اجي
رهف وبسخريه اكبررر: ايوه اكيدد راح اقوله يروح يحجز لك كرسي في مستشفى شهارر يصلح اللي مثل حالتك يالمريض النفسي وكمان ماتجلس لوحدك يكون في احد يسليك هاااا وش رايك شفت اني عسل وطيبههه واحب لك الخيررر
تركي بوقاحه: لا خليه يحجز لي كرسي عندك في غرفتك ويالله لاتزودي حكي وكلمي ابوي ياشطوره لاني لماالللحين ماسك نفسي عليك
رهف : اقول انت فاضي وكمان مطرود وماعندك شيء انا توني صاحيه من النوم حتى اكل مااااكلت
وانت شكلك مطول
تركي : طيب مدام ماااكلتي اجيلك ونروح مطعم ونرجع ايام ابهااا وش رايك تصدقي والله كان هناك احسن ياليت ماانتهت دورتي
رهف بقهرر: ايوه قصدك عشان كان مستفرد فيني اقول انقلع وبعدين من زين أيام ابهااا عشان اتذكرها وقفلت في وجهههه
مايحس ماعنده دم اقوله ابي الفكه منك يقولي نروح مطعم ونرجع ايام ابها الله لا يعيدها من ايام مثل وجهههه الكريهه
شفت عنود وهي في يدها صينه فيها اكلل
رهف : من جد شكل ابي ادلع هالفتره وبعدين وش فيك طولتي
عنود : تستاهلي الدلع حبيبتي بس سمعتك تكلمي في الجوال
عرفت انك مع تركي فقلت اخليك على راحتك يمكن تحصلي حل غيرر الطلاق
رهف بهدووء: لا مستحيل اغيرر فكرت الطلاق وبعدين هوو اتصل يقولي ان عمي طرده ودخوله هالبيت موقف علي
يعني اتصاله مصلحه لاغيررر خليه ينثبرر والله يموت ماقلت لعمي شيء
عنود بشفقه على اخوها :حرام عليك رهف والله لو شفتي كيف ابوي اليوم كسحه اقسم بالله بكيت عليه صح انا دايم ضده واكره تصرفاته بس والله اليوم كان مره مكسورر ويحزن كثيررر
تخيلي كان فرحان وطايرر كمان ان امي رجعت لللبيت
وبعدها وقف وقال انارايح اجيب اغراضنا من الشقه واسلمها
وابوي على طول عصب عليه وقاله بيتي يتعذرك مدام ان رهف طالبه الطلاق رد على ابوي وقاله يعني شلون ابو ي بكل برود ييعني انقلع مدام بيحصل طلاق وخلك في الشقه وتبي تجي تعال زياره بس عشان تسلم على امك واخواتك رد على ابوي قاله طيب خلاص يعني ماعاد اعيش هنا طيب كيف اول كنت عايش
هنا ورهف عايشه ومعنا وعادي مافيها شيء رد عليه ابوي كان بنت عمك بس الللحين طليقتك وصعبه تعيشون في بيت واحد فاهم علي يعني الناس ماراح ترحمنا
ويالله انقلع عن وجههههي لا تجلس تجادل لانك انت السببب في اللي فيه ويالله عجل في موضوع الطلاق قال ابشر يبه بس لاتزعل علي وسلم فوق راسه
وطلع وهي تمسك يد رهف تكفين رهف فكري شوي والله انه يحبك والله بس مدري وش اللي فيه ويخليه يعاملك كذا في شيء قاهره بس مدري ايش
رهف وانا اشوفها وهي تحكي تصدقون احسن مافي تركي انه بار في امه وابوه ماعمره رفع صوته في عمي حتى لو ضربه دايم اكثررر من مره شفت عمي يعطيه كفوف اذا سوى مشاكل مع احد من يوم هوو صغيرر دايم يقوله خلك راضي علي يبه وامااا امه فهووو مايشوف احد مثلها دايم يحب يرضيهااا احب فيه هالصفه انه بار في وامه وابوه بس قهرتني كلمة يحزن وانا افك يدي منها يحزن طيب وانا ماااحزن على اللي سواه فيني وهو وش حصل له قولي بس لان عمي طرده من البيت قلت بقهر : يستاهل وكمان سالفة انه يحزن اقول روحي زين والله اقل شيء يصيررر فيه
عنود وهي تناظرها : معقول انتي يارهف كذا قاسيه
رهف ونا فاتحه عيوني مصدومه من كلمتها: انا قاسيه
انا ياعنود واللي سواه اخوك فيني ياشيخه تعبت وانا ازيد واعيد وش سوى فيني خلاص عنود بالله تبي تجلسي معي لا تفتحي سيرة تركي عندي مرههه اكرهههه وأكره سيرته
عنود وهي تهز راسها ومو راضيه على حكيها: اوك كيفك بس انا حبيت اقولك اللي صار قلت يمكن اغيرر شيء
رهف : خلاص قلت مستحيل يتغيررر لو ايش يحصلل بعدين تعالي اي حبب تتتكلمي عنه والله اقولها لك اخوك مايحبني اخوك يحب نفسه ويبي كل شيء على مزاجه ولا في احد يحب احد يعذبه كذا وكمان اخوك وهووو لسى ماتزوجته وهوو بدا بخططه اللي مايسويها رجال عاقل كيف تبيني أمن عيشتي معه
عنود وهي تحاول تلقى لاااخوها عذرر: رهف حبيبتي والله مو قادره اقول شيء وانتي صادقه في كل كلمه بس حبيت
رهف وهي تقاطعهااا : تكفين عنود خليني أكل شوي ومااابي هالسيررره تنفتح مدام تحبيني وتخافي على مصلحتي على قولك اوقفي معي اوكلمي عمي عن موضوع طلاقي لاني انا تعبت
عنود بربكه : رهف حبيبتي اسمعيني ماينفع اللحين والله
رهف بقهر: وليه ماينفع اقولكم ابي اطلق تقولين ينفع وماينفع قولي انك ماتبي تساعديني وبس
عنود وهي تحط يدها على كتفها وبهدوء: رهف صعب تتتطلقي هالفتره صعب وكمان حرام هو وش ذنبه
رهف بقهر : ذنبه ظلمني وعذبني وذلني عارفه ايش ذلني وجايه اللحين ياعنود تقولي وش ذنبه
عنود تقاطعها : رهف افهمي علي انا مااقصد تركي انا اقصدد وبترددد خايفه تقولها
رهف : قولي وش فيه
عنود وهي عارفه انا رهف راح تجننن من هالخبرر وقالت بسرعه ومتوقعه اي ردت فعل من رهف: اقصد انك حاملل
رهف وانا افاتحه عيوني على الاخرر: ايش حامل لا لا مستحيل هي اصلا مو منتظيمه عندي بعد ماامك اعطني اللي منعها شهرين لا لا قولي غيرها عنود وهي منهاره وماتدري وش تقول وهي تمسك من عند كتوفها عنود تكفين قولي انك تكذبي عشان
ارجع لااااخوك تكفين وهي تطيح على رجولها في الارض
عنود وهي تجلس معاها في الارض ومقابلتها : رهف والله مااكذب عليك تذكري يوم دختي علينا قبل ثلاثه ايام
الدكتوره سالتني انك متزوجه وقلت لها ايه وبعدها سالتني قالت متى اخرر دوره قلت لها ماااعرف فااطرت تاخذ منك تحليل دم وبعدها رجعت وقالت انك حامل بس لسى في البدايه

وانا خفت اقول لااااي احد إلا لما انتي تدري فقلت ابيك تخفي شوي واقولك وهذا قلت لك وابي اقولك قبل كل شيء هووو وش ذنبه يعيش مع اب وام منفصلين
رهف وانا اضرب في بطني بقوه : ذنبه ان ابوه تركي
عنود وهي تمسك يدها وبعصبيه : رهف خلاص وش هالحركات
حرام عليك والله اللي تسوينه
رهف وهي منهاره وتبكي : عنود ماابي هالحمل اكيد اللحين تركي ماراح يطلقني والله انا عارفه يبي حجه تكفين عنود ماتتكلمي ولا تقولي لاااي مخلوق بس خليني انفك من اخوك
عنود وهي فاتحه فمها: كيف يارهف يطلقك وانتي حامل فكري تكفين الله يخليك اللحين مفروض تتنازلي شوي مووعشانك عشان اللي في بطنك
رهف وانا ضم عنود بقوه وابكي : عنود مااابي هالحمل ماابيه وش اسوي قولي
عنود معصبه منها: رهف حبيبتي خليك عاقله والله ماكنتي كذا وش صار فيك
رهف وانا ابعد عنها: بركات اخوك وكملت بسخريه انا قلت اني مااراح انفك منه واللحين لزق فيني هالعله وهي تناظر بطنها
عنود مو مطمنه لها : رهف اقسم بالله لو تسوي في نفسك شيء
عشان ينزل انا اللي ابي اقول لتركي وهذاك الوقت تعرفي تركي اقسم بالله مايرحمك تعرفيه مجنون ولو عصب حتى ابوي مايقدر عليه
رهف وانا ادفها واقوم : طيب ممكن تفارقي وتخليني لوحدي

عنود وهي تقوم :انا حذرتك رهف وايوه تذكرت امي تبي تجي تسلم عليك
رهف بعصبيه : مواللحين وتكفين لاتضغطي علي وبذات اللحين ماابي اشوفها عشان راح اتذكررر انها هي إلا بلتني بولدها
عنود بزعل : اوك على راحتك
رهف وهي تقاطعهاا وبطفش : خلاص عنود
عنود وهي ترفع يدها :ايوه نسيت اذا حابه تفكي عن نفسك شوي قومي تجهزي جاين عندنا تهاني وسمررر وبنات خالتي
رهف: ماابي اطلع لاااي احد قولي لهم نايمه او تعبانه او اي شيء
عنود : طيب وش تستفيدي من حبستك في هالغرفه
رهف : كذا ارتاح اكثررر وجلست تبكي بس خليني لوحدي
عنود وهي تهز راسها وطلعت من عندهاااااا وهي مو عارفه وش تعمل لها

رهف
شفتها وهي تطلع بعدت الصينيه عني ورميت حالي على سريررر وجلست ابكي ومنهاره من هالخبرر قالت لي هو عنود ياربي وش اسوي ماابي احمل منه ولا ابي اجيب ولد ويربطني فيه طول عمري مقهوره كان ودي اخذ الجوال واعطيه كلمتين وابرد شوي على قلبي مثل مادبسني في هالحمل وهذي كما ن كذا بكل برود جايه تقول جايه تبي امهااا تجي تسلم عليه وانا مطلوب مني لازم اوافق
عشان مقدرر اقول لا لاني جالسه طبعاً في بيتهم وكل شيء بيدهم بس لا والف لا من اليوم ورايح انا الللي ابي اوقف في وجيههم كلهم حتى لو عمي حاول اني ارجع لولده راح اعلن تمردي عليهم كلهم جلست شوي سمعت صوت البنات كان عالي شكل جووو ضيوفهم ياليت عندي غرفه لحالي عشان اسكرر على نفسي واخذ راحتي فيهااااااا نفسي اكلم عمي يعطيني وحده من الغرف اللي في البيت شفت جوري فتحت الباب
جوري وهي متكيه على الباب : رهف ادري فيك صاحيه تعالي تونسي شوي وخلينا نغلس على دلال شوي ترى اليوم لابسه احمرر والبنت شافت حالها أكثر يقال عنها خقه وهي ماتدري انها فجعتني
رهف وانا مالي مزاج لمزح جوري: جوري اطلعي وقفلي الباب معك وانحرقي انتي على دلال
جوري : مالت عليك يازفته وقفلت الباب وطلعت
رهف
صدق فاضيه هالجوري انا مو طايقه نفسي اقوم اروح اغلس على خلق ربي وبعدين دلال هذي اشوفها اتنرفز من غيرررر
هه هذي خطيبة تركي مدري وش فيه معاد جاب سيرتها واول
كان راجنا فيهاا دلال ودلال ياليت اخذها كان يمكن يضبطوووا مع بعض سحبت جوالي اشوف الساعه كم غريبه مارجع دق او ارسل احسن ان شاءالله فهم اني مااابيييه يارب
بعد اسبوع
تصدقون مرتاحه منه لاارسل ولا اتصل لايكون مسوي نفسه الغبي زعلانه احسن زعلة جدي ياليت عمي طرده من زمان مدام انه كذا ريحناااااا بس انا مو طايقه نفسي من هالحمل وسوس لي الشيطان جلست افكرر كيف اتخلص منه قبل مايعرف تركي وانا اعرف ان عنود مستحيل تعلم احد بس تذكرت عذاب ربي وبعدين هو وش ذنبه يالله ساعدني مدري وش اسوي تعبت والله ليه دايم كل مره حظي يلزقني في تركي يعني شكله مكتوب علي طول العمرر يارب ماابي شيء من هالدنيا إلا اني انفك من هالزواجه اللي ماشفت منها اي خيرررر إلا ذل وعذاب وقهرر
جوري وهي تجلس بجنب رهف بقوه على السريرر: هاي
رهف وانا مو طايقه نفسي : وجع ان شاءالله وش هالطفاقه اللي انتي فيها
كسرتيني
سماح :لا تشرهي عليها خبله
جوري وهي تناظر رهف وطنشت سماح: اقول وش هالحبسه اللي انتي حابسه عمرك فيهاااااا حتى ابوي يسأل عنك
سماح : والله انك كذابه ابوي وده كلنا نختفي من البيت
ويجلس مع امي لحالهم
جوري: هههههههه اي والله شفتي كيف كنهم عرسان
رهف
يعني شلون عمي سامح خالتي كذا بسرعه وانا طيب
اوف حسيت بحقد عليهم كلهم وهم جالسين يحكوننن كذا قدامي
مالت عليكم وعلى امكم
جوري : رهف وش فيك احسك مو عاجبك رجعت امي
وحتى من وقتها ماطلعتي من الغرفه
رهف بدون نفس :مافي شي وبعدين عادي وش فيها يعني لو جلست لوحدي شوي
جوري : لا مافيها شيء بس عيب عليك امي تقول تبي تسلم عليك وانتي مطنشه ولو دخلت تبي عندك الغرفه تسوي نفسك نايمه وهي مو حابه تضايقك وقالت خلوها على راحتها
رهف بعصبيه وقهررر وخلاص مافيها حيل تمسك نفسهاااا وبصرخه : الللحين انا اللي اسويه عيب وبعدين خذيها على بلاطه مااابي اسلم عليها وقد قلت لكم من قبل زعلي منها احتفظ فيه لنفسي وانتي كمان مالك شغل فيني لاتفتكري اول سكت عنك وقلتي خلاص راح كل مره اجي واعطيها كلامتين لا حياتي سكت اول عشان بس قلت حرام انا تسببت في خروج امهااا وكان تستاهل هالشي بس قلت اسوي باااصليي يوم شاورني عمي وقلت عادي ترجع واللحين انتم مالكم شغل فيني كلكم ولاااحد يجي يقولي عيب وماعيب فاهمين
جوري وهي مصدومه من رهف : بسم الله وش فيك كذا اكلتيني وبزعل تغيرتي يارهف كثيرررر
رهف بصرخه: مالك شغل اتغيرت اولا فاهمه واطلعي ماابي اشوفك
جوري بقهرر: ههيي وش اطلعي هذي هااا ترى لاتنسي الغرفه كمان غرفتي وكمان البيت كله بيتي فاهمه
سماح : خلاص جوري انطمي
رهف : لا لا خليها تكمل ايوه البيت بيتكم عارفه وعارفه كمان
انكم متفضلين علي فيه ومجلسيني فيه
جوري بسخريه: عادي انتي افهمي واحترمي حالك اجل
رهف وانا قايمه ابي اقطع شعرها اليوم
وناويه الشررر وبعصبيه وانا امسك شعرها: والله اليوم مافي احد يفكككك من يدي ياحقيررره وانا محترمه حالي احسن منك
جوري وهي تمسك شعرها كمان : كلي تبن
وسماح تصرخ عليهم وماقدرت تفك بينهم وصرخت على عنود تجي
عنود وهي مفجوعه وهي تشوفهم كيف ماسكين في بعض ولا وحده راضيه تفك الثانيه وبصرخه: والنهايه يعني
فكوووا بعض الله ياخذكم تقول بزارين
عنود وهي تمسك رهف بقوه لانها تشوفها بزياده تتتطق في جوري وبصرخه: رهف وبعدين يعني وانتي مفروض ماتتعبي نفسك خلاص جوري ابعدي عنها
جوري وهي شوي وتبكي : خليها هي تبعد اول
وسمعووو صوت من وراهم كلهم التفتووا عليه : وش هالحركات
ماشاءالله قالبين البيت معركه
عنود :تركي
تركي وهو واقف عند الباب
: ايوه تركي وش هالمهزله بالله
جوري وهي تبكي تحس شعرها تقطع :والله هي ضربتني قطعت شعري شوف كيف صار
عنود بقهر من جوري : انكتمي كلكم ضربتوووا بعض
وخلاص انتهي كل شيء
رهف
انا لما شفت تركي دخل وسمعت صوته بغى يغمى علي ياربي ماابي اشوفه بس مو خايفه منه البنات كلهم موجودين وعمي
كمان في غرفته يعني مع نفسه مايقدر يسوي حاجه
بس شوفووو الكلبه هذي جالسه تشكي عند اخوهااا
قلت بقهرر: انقلعي انتي اللي بديتي وتستاهلي هالضرب
تركي بصرخه: والله مافي غيرك هنا يستاهل الضرب شوفي كيف شعرها خليتيه
عنود وهي تهدي في تركي : خلاص تركي اهدى وهم دايم كذا
يضاربون وبعدين والله جوري دايم تغلط في رهف
تركي وهو ياشرر على رهف : والله هذي مافي احد يغلط فيها هي دايم تحب المشاكل
رهف بسخريه : انا اللي احب المشاكل اقول استريح
والله ماغيرررك يدورها دواره
تركي وهو يناظر البنات: شفتوووا اللي اسويه فيها حلال
سماح بخوف :لا تركي تكفى لاتسوي مشاكل
وابوي مو هنا
عنود : تكفى تركي خلاص اطلع الصاله اللحين ابوي يمكن يجي
تركي وهو يجلس على السريرر: ابوي مع امي طلعووا وشكلهم مطولين وانا لما شفت سيارة ابوي مو موجود ه دخلت وهو يناظر رهف بقهر شفتي ياست رهف صرنا ندخل مثل الحراميه هالبيت زمن غريب والله اهل البيت ينطردووا والغريبه فيه تجلس وتعسكرر كمان وتعطي أوامر. ..........
رهف
خفت يعني عمي مو موجود هنا ياويلي اجللل خليني انكتم احسن وجوري زفته شغلي معاها بعدين شفته وهو يناظر فيني الله يستررر ماارتحت له
عنود : يالله تركي نطلع الصاله ونخلي رهف ترتاح شوي لانه تعبانه لها اسبوع
تركي : وش فيها تعبانه إلا قولي فيها شطانه
عنود :يالله بس نطلع
تركي بهدوء: اطلعوو ا نتووا وخلوني معاها شوي
عنود بخوف: لا ابوي اللحين يجي ولو يدري انك هنا ياويلك
تركي :يعني شلون مااادخل هالبيت .
عنود وهي تهز رسها : لا لا قصدي انه قال لو تبي تجي يكون هووو موجود
تركي بحده: عنود فارقي وخليني مع زوجتي شوي
رهف بصرخه وانا امسك في عنود : والله ماااجلس معك
وبعدين وش تبي قلت ماابيك خلاص افهم
تركي وهو يسحبها من وراء عنود بقوه ويمسك عنود ويدفها برا الغرفه ويقفل الباب
وبصرخه اقسم بالله ياعنود لو تدقي الباب لااااخذ عمرك فاهمه
رهف
خلاص انا مصدومه كيف يعني معاه ولحالي ياربي
دايم ماعمري احتجت عمي وحصلته شفته وهو يصرخ على عنود قفل الباب بعدت عنه لما اجااا يمشي ناحيتي
تركي وهو يمسك يدها ويجلسها على السريررر
ويقولها بصوت واطي : تصدقي سريرك وحشني ويغمز لها بس مو كثرررك
رهف ياربي هذا وش ناوي عليه يعني مااارتاح منه حتى لو غاب عني مصيرريي اشوفه بعدت يده عني وبهدوء:خلاص تركي اطلع وشكلنا غلط قدام البنات انت معي في غرفتهم
تركي وهو يناظرها : طيب مدام انك عارفه انا شكلنا غلط ليه ماتريحيني وتمشي معي الشقه وتقولي لاابوي خلاص ياعم ابي ارجع لزوحي وبلااا هالعناد كله
رهف بعجز: ياربي تعبت وانا افهم فيك قلت لك من قبل عيشتن معك ماابيها
تركي وهو يمسك يدها ويبوسها : تكفين رهوفه عشاني بس
رهف وانا اسحب يدي منه: وش هو اللي عشانك وانت من متى عندك قدر عندي عشان ارحع عشانك
تركي وهو يضمها لصدره: رهوفه حبيبتي انا تعبت والله حاولي تسعديني برجعتك تكفين واوعدك يدي مااامدها عليك وهو يرجع يمسكها من عند كتوفها ويناظر عيونها
رهف وانا ابكي ومقهوره من ضعفي قدامه مقدر اسوي شيء تركي متحكم فيني بشكل فظيع قلت بخدعه يارب تمشي عليه بس : خلاص روح انت اللحين وخلني افكررر يمكن ارجع لك
وانتظرر اتصالي اقوللك تعال انا رضيت بس الللحين لا تضغط علي
تركي وهو يدور الصدق في كلامه: رهف ترى هالمره لو لعبتي علي نهايتك على يدي والله يكفي الاولى سامحتك عليها وشوفني رجعت وقلت لك عادي وابيك وخلينا نننسى اللي صارر
وكمان معي لك حل يرضيني ويرضيك مو لازم اخذك
معي الشقه اجيب انا اغراضي ونسكن هند عند اهلي وفي غرفتي حتى اكمل تشطيب الدور اللي فوق ويكون قريبه منهم لو انك مو واثقه فيني عشان نسكن لحالنا هاااا وش رايك
رهف
وانا ودي يطلع بسرعه ماابي عمي يجي ويشوفه عندي وهذاك الوقت فعلا راح يفكرر انه راح يقدر ولده يقتعني اغيررراي وارجع معه لان عارفه عمي هذا اللي وده فيه
ياربي كل ماتذكر اني حامل منه ودي اقوم اخنقه بيدي بس فكره ويارب تنفع وهذاك الوقت لو صارت والله مافي شيء يرجعني له
قلت ببرود :هذا اللي عندي وثقت ولا في ستين داهيه اللي تاخذك
تصدقون كان ودي يقوم يضربي ودي استفزه زياده عشان يمكن ضربه تجي على بطني ويكون تخلصنا وعلى يده وياسلام هذاك الوقت اكون ضربت عصفورين بحجررر واحد تخلصنا من الولد وابوه يارب تضبط هالفكره

حسيت نفسي شريره والله بس والله غصب عني
ناظرت تركي واحسه ماسك نفسه غصب وده يقوم يدوس في بطني عارفه نظرته ذي
تركي بحده : طيب وش تبي وترضي يالله اقنعيني
يمكن اقتنع
رهف ببرود: قلتها من قبل الف مره ماابيك
تركي بقهرر : طيب لو طلقتك راح تاخذي فيصلل
رهف ناظرته بقهرر: صدق عقلك صغيررر ومفروض لو انك رجال وفاهم ماتفكررر في هالطريقه لكن وش نقول
تركي ببرود:اجل بتجلسي كذا بدون زواج
اكيد راح تتزوجي
رهف وانا خاطري اقهرره : اكيد بتزوج بس خلى في بالكك غيرر فيصل وغيرك كمان ابي رجال فاهم وش معني رجالللل
تركي بعصبيه: تعالي انتي من اول وانتي رجال ورجال
ليه وش شايفتني بالله اقولك احترمي حالك ترى بديت اعصب واذا عصبت اقسم بالله تعرفيني انتي فاااحسن لك اقظبي ارضك
رهف ايوه هذا إلا ابيه عصب تكفى عصب زياده الله يعيني اتحمل الطق بس بعدها ارتاح طول عمري : والله انا ماقلت شيء قلت الحقيقه بس هوو دوم كذا يزعل الصدق
وصراحه انا مااشوفك فيك مواصفات الرجوله اللي في بالي
تركي وهو يقاطعها بكف قوي خلها تلف منه: شفتي انتي دايم تجني على حالك
رهف وانا حاطه يدي على خدي واحسه شب نارر بس قلت ببرود وانا مو لعه : شفت قلت لك مافيك مواصفات رجوله
يعني ماافتريت عليك
تركي وهو يمسكها بقوه بشعرها ويهزها : ليه حابه تنرفزيني ليه
انتي كذا نفسي اعرف ليه ماتحبي السلام
خلاص قلنا لك غلطنا وطلبنا السماح وش تبي اكثرررر
رهف وانا أتألم من مسكته لشعري وانا افك يده : خلاص فك شعري قطعته الله ياخذك
تركي وهو يدفها على السريرر : تستاهلي دايم اقولك خليك من طولة هالسان
رهف بقهر وبصرخه: ياليت ينفع هالسان وكذا يوم يطلعك عن طورك وتطلقني بسبته وارتاح من وجهك
تركي وهو يقوم ومعصب: انا اطلع احسن لاني لو جلست راح اخليك في المستشفى شهر تنامي
ومافيني على حنت ابوي
رهف لا لا لا مو كذا مفروض اعصبه اكثررر لا مايطلع ومانفذ اللي ابيه واسعى له قلت بصرخه :ماتقدرر تسوي شيء

مدام عمي قريب مني والله يأكللك التراب ولا تقدر تفتح فمك عاد مثل ماطردك اللحين وخلاك مثل الكلب برا
تركي وهو معصب وفاتح عيونه :انا كلب يارهف وهو يمسكها وده يخنقها على هالكلمه بس قطع عليهم رنة الجوال وبحده قال شوفي مين يدق عليك وهو يدفها
رهف : مالك شغل وفارق عني وخلى الجوال ماابي ارد عليه
تركي بشك : ليه ماتبي تردي اقولك شوفي مين
رهف وانا اسحب الجوال ابي انفك من حنته ناظرت رقم غريب طنشته ورجعت رميته على الكرسي
تركي بببرود : مين وليه مارديتي
رهف ببرود اكثرر:رقم غريب مابي اردوعليه
تركي : رقم غريب هو كذا انتي دايم تجيك ارقام غريبه
رهف ببراءة :لا مو كثيرر
تركي : طيب هاتي اشوف
رهف : خلاص فكنا واطلع من عندي
تركي وهو يقوم ويسحب الجوال ويشوف الرقم
فتح عيونه على الاخرر رقم فيصل يارهف
رهف وانا مصدومه : ايش
تركي وهو يناظرها بقهر الدنيا كله: رقم فيصل يارهف
يدق عليك وتكلميه وانتي متزوجه
رهف بخوف اكيد راح انذبح اليوم لما صار فعلاً معصب خفت : والله ماادري انه رقمه وبعدين اقسم بالله اول مره يدق تكفى تركي افهم شكله شافك هنا وحب يسوي حركه من حركاته اللي انت تعرفها
تركي وهو يرمي الجوال على السريرر ببرود وناظرها شوي
وطلع وقفل الباب بقوه
رهف
وانا مسكره على اذوني من قوة قفلة الباب معقوله لسى حيه معقوله مو مصدقه والله لا لا لا اكيد احلم قلت راح يذبحني اكيد اليوم وماراح اسلم بس يطلع كذا بكل ببررود ولا يسوي شيء
اكيد ناوي على فيصل ان شاءالله كل واحد يذبح الثاني وارتاح
والله عرفت شيء اللحين على كثرر تركي ومشاكله بس مو مثل خبث فيصل والله انه حقيررر قليله عليه اكيد شاف سيارته عمه وقال اسوي حركه وسخه مثل عاداتي
تصدقون مو مصدقه ان تركي طلع كذا بكل هدوء وماسوى الكشن حقه اللي دايم اكيد اليوم فيه شيء
شفت عنود دخلت علي
عنود وهي تجلس عندها :وش فيه تركي طلع حتى ماكلمنا
وحتى لما نادت عليه جوري طنشهااا وش سويتي بخوي هاااا
اعترفي
رهف ناظرتها بسخريه: مالت عليك انتي واخوك بالله بالعقل هذا احد يقدر عليه هذا يأخذ حقه وزياده
عنود : لا يكون قلتي له انك حامل وهوو انصدم من كثررر الفرحه ماقدر يتكلم وطلع على وجههههه
رهف : لا ماقلت له وانتي كمان لو تقولي له والله العظيم ازعل منك
عنود : طيب ودي اطلب منك طلب اللحين لما امي تجي من المزرعه تطلعي تسلمي عليها والله يارهف هي زعلانه كثيرر
رهف بسخريه: ماشاءالله عمي وداها المزرعه غريبه دايم تروحوووا معاهم ولا الللحين عايشين جوهم
عنود : رهف عارفه وش قصدك بس ابي اطمنك ابوي مهما حبك اكيد انه يحب امي كمان وبعدين اليوم ميمتي الكبيره طلبت ان ابوي يوديها المزرعه من العصرررر واكيد اللحين راح يجيون
رهف : ماشاءالله من العصرر هناك غريبه ماجوواا باقي شوي وتجي تسعه
عنود : جاين في الطريق وبعدها سمعنا صرخه جوري
عنود وهي توقف وش فيها الخبله ذي وناظرت رهف تبي تقنعهاا ترضى على امهااا

عنود : تكفين رهف وقطعت كلامها لما جوري دخلت علينا وهي تصرخ تركي ذبح فيصل طق الحقي ياعنود
وطلعوو ا الثنتين يجروون وانا جلست مكاني انتفض الله يسترر لاتروح سمعتي اليوم بين العم ولد اخوه ياربي لما متى اتحمل
تعبت والله جلست انتظرر عنود تجي تقولي وش صار بعدها عنود دخلت عندي وهي معصبه منهم عنود:ودي اعرف وش بين فيصل وتركي والله ان تركي ذبح فيصل بالطق
رهف قلت بخوف: وش صار
عنود بقهررمنهم : طبعاً تتدخل احمد وتهاني طلعت تصرخ في الحوش وعصبت على تركي وزعلانه منه تقول دايم يسوي مشاكل مع فيصل وتبي تقول لااابوي لمااايجي بس احمد عصب عليها وخلها تاخذ فيصل تدخله معاها وهوو جلس يتافهم مع تركي بس تركي جلس يهددد انه بيذبح فيصل وطنش احمد وطلع الله يسترر شكل تركي حاقد على فيصل بقوه والله مافكه إلا لما تهاني صرخت وجوري وسمر جلسووا يبكون احسه عشان البنات ولا كان اليوم واحد في القبر واحد في السجن
رهف : ياليت والله
عنود وهي فاتحه عيونها:ايش قلتي
رهف : ولا شيء
طنشتها وغطيت راسي بالمفرش وانا ودي احرق هالبيت كله احس فيني شررر الدنيا كلها معقوله من الحمل
تصدقون بتقولون اكيد مجنونه بس والله فرحانه بتصال فيصل صح انها حركه حقيررره مثل وجهههه بس والله انه صدم تركي وقهرره واكيد اللحين وده يحرق نفسه واكيد مستحيل قلبه يبرد حتى لو طقه وتهاني كمان عقلها صغيرر وش تجي تقول لعمي مفكره ولدها مظلوم والله اكبرر حقيرر على وجههه الدنيا قمت تعوذت من الشيطان وتوضيت وصليت العشاء وبعدها نومه
بعد شهرر
رهف
جالسه في الصاله طبعاً في هالشهرر كله تركي ماشفته
ولا سال عني ولا اتصل ولا شيء والله احسن شهر مر علي
بعد الزواج
وكمان عمي طلب مني اسلم على خالتي وطبعاً انا صعبه ارد عمي طلعت سلمت عليها بكل برود وهي جلست تبكي وتقول انه كان ودها من زمان اكون لتركي بس مو عارفه تسوي شيء عشان كمان فيصل ولد ولدها وصعبه تتكلم بس لما تركي طلب منها وهي واثقه ان ولدها يحبني اكثرر من فيصل كان ودي اضحك بس احترمت عمي وانكتمت قلت لها ببرود مثل مادبستيني في ولدك فكيني منه وانا ارجع معك احسن من اول لو تبي شفت وجههها تغيرر وضرب سبعين لون
على طول تدخل عمي انا وش قلت لك يارهف راح افكك منه
وشوفووا ولا صار شيء تيتي تيتي نفس الشيء
طبعاً انا وجوري كل يوم مضاربه بس بعض مرات نتفق وطبعاً تركي يجي يقولون لي البنات انه جااا يسلم على امه
كنا جالسين في الصاله وفجأة دخل عمي
ابو فيصل : السلام عليكم
اللكل رد السلام
ام فيصل : غريبه اليوم جاي بدري
ابو فيصل : افااا ماودك اجي
ام فيصل : لا بس استغربت دايم تجي بعد العشاء
ابو فيصل : مافي شي إلا تركي وينه
ام فيصل : مدري قبل شوي دقيت عليه ومايرد
اليوم كله مادق عليه بالمره وش تبي فيه
ابو فيصل وهو يناظر رهف: ابيه يفك رهف منه او يجي يتفاهم مثل الرجال لان هالحال مايعجبني .
رهف : عم وش يجي مثل الرجال ماابيه يجي اللي ابيه قلت لك
عنه وبس
ابو فيصل : يصيرر خير
رهف بطفش وبقهر:عم لا تزعل مني بس انت كل مره تقولي كذا واشوفك ماتسوي شيء
جوري بقهر: لهاااالدرجه كاره اخوي
رهف : انتي مالك شغل اكره أحبه اخررر وحده تتكلم معي انتي .ابوفيصل : لا احسن قوموووا تضاربووا قدامي
رهف وهي معصبه : والله هي دايم تحشررر نفسها في كل شيء
ام فيصل بهدووء: خلاص يارهف بنتي وعارفتها قليلة حيا ومن يومها ملقوفه وكمان موضوعك انتي وتركي اعتبريه منتهي انا بنفسي ابي اكلمه وهاااه شوفني قدامك بس انتي لا تزعلي وانا عذرتك في كل شيء
رهف :بسخريه : والله تسوي خيررر ويالله على يدك ان شاءالله
الفرج
عنود وهي تكلم رهف بصوت واطي : انتي وش فيك كذا
وهي تغمز لها بس انا عذرتك هذا ولد اخوي مسوي فيك كذا شكله يبي يطلع مثل ابوه اكبر مشكلجي في لدنيا
رهف بقهر: انقلعي انتي وهووو
عنود بستعباط : مين هووووو
جوري بلقافتها؛: وش تقولون اكيد تحشووووا فيني صح

 
رهف بطفش: بالله لا تحشري نفسك اوف انتي ماتفهمي
جوري بقهر: والله صراحه الوضع ماينسكت عليه حبيبتي وش فيك قالبه علي انقلعي مقهوره من تركي روحي فكي حرتك عليه
عنود : اللحين انتي وش فيك
جوري بقهررر: ايوه ماتشوفيها هي بس انا كل شي جوري جوري اوف وهي تقوم حلفت ماتمسكيني ابي اروح
عنود وهي فاتحه عيونها : انا متى مسكتك
جوري : بس قلت يمكن تمسكيني مااروح
عنود وهي تدفها عنها : انقلعي تجننننني الواحد
رهف بسخريه: لا حياتي هالعاده شكلها في البيت كله
باقي انتي ياعنود الله يسترررر
عنود : لا الله لايقولها اصيرر مثل جوري وتركي
جوري وهي تخصرر: ليه حياتي وش فينا ياحليلنا نهبل
سماح ببرود : نفسي اعرف كيف تتحملووا هذي وهي تاشرر على جوري
جوري بصرخه : والله وش شايفتني قالب ثلج مثلك ومثلل عريس الغفله
سماح : والله ماقهرك إلا عريس الغفله
جوري : وليه انقهررر بسم الله عليه واذا ابي انقهر انقهر من شيء يستاهل
سماح : انطمي بس شوفي ابوي يناظر فينا
ام فيصل : بنات ارسلوووا على جوال تركي وقولوا له امي تبيك
رد عليها ضروري لانه مايرد من الظهررر
ابو فيصل : غريبه حتى انا مايرد عليه وكمان رحت قبل المغرب
الشقه ودقيت ومافتح وقت ماالواحد يبيه مايحصله الله يهديه بس
ام فيصل بقلق: بسم الله على ولدي
سرعه ارسلي ياجوري
عنود : يمه بسم الله عليك وش فيه يعني
اكيد في دوامه دايم كذا يتاخررر
ام فيصل بخوف : مدري احس قلبي مو مطمن
جوري وهي تناظر اخر ظهورررله: يمه اخر ظهور له الصبح الساعه تسعه
ام فيصل : بخوف : يمه ولدي
ابو فيصل : بس يامره لاتتتفاولي عليه بشي
عنود وهي تقوم وتمسك في يد امهااا: يمه حبيبتي يعني وش فيهه اكيد انه بخيرر
رهف
كنت اناظرهم كيف خايفين لا يكون فيه شيء كان ودي اقولهم هذا ابو سبع ارواح مايصيررر فيه شيء تصدقون احس قلقهم ماله داعي يعني مارد على الجوال واخر ظهور له الصباح يعني خلاص مات ياليته يموت ونننفك يالله ماعلينا يصيرر اللي يصيرر سحبت الريموت من عند سماح وحطيت رجل على رجل وغيرت القناه بكل برود شفت البنات كلهم جالسين قريب من امهم
وعمي احسه انه بارد ومن فتره لفتره يعصب على خالتي اذا قلقت زياده شوي إلا عمي يدق على أحمد
ابو فيصل بقلق: هلا احمد
لا بس حبيت أسألك عن اخوك ايوه امك تبيه ومسويه مناحه
تعرفها ولدهاا المدلل ههههههه خلاص خلاص
وهو يقفل الجوال
ام فيصل بقهررر: يابرودك ولدك ماندري وش اخباره وانت تضحك
ابو فيصل :وليه مااضحك وانا عارف انه بخيرر وبعدين ليه كذا
تسبقي الاحداث
يقولك الصبح وهو يكلمه وغلس عليه وقفل في وجهههه يعني ولدك ابو أخلاق خايسه مافي شيء وقال له طالع في مهمه
ام فيصل بصرخه:اشلون مهمه
ابو فيصل:ايه وش فيها وبعدين مو اول مره يطلع فيها ولدك
وياما مسك مجرمين وعصابات يعني جت اللحين وتخافي
واكيد انه الجوال مو معه او راميه في مكان مثل ماقال احمد
ام فيصل وهي تبكي: والله مو مرتاحه حاسه انه في شيء
عنود وهي تضمها : يمه بسم الله على تركي لا تخافي اخوي بطل
رهف ببرود : ايه بطل مره وبذات على الحريم
جوري بقهرر: رهف لو سمحتي مو وقتك اللحين
ابو فيصل بصرخه اللكل خاف منها:وبعدين انتي وهي شكلكم ماراح تتتعدلوووا إلا لما اشوف شغلي معكم الثنتين
رهف

ليه اللحين يعصب علي مفروض يعصب على بنته اوف
يالله ماعلينا خلينا نشوف المسرحيه اللي مسويتها ام فيصل ولدي ولدي يجعل مابوه ولد يارب
اوف كان ودي اصرخ في وجههها رجت راس امنا والله اوف يعني اشلون الواحد مايعرف يتابع شيء في هالتي في
لا لا شكلي ابي اعصب اهدي اهدي رهف وخليها تبكي على راحتها على دلوع الماما قال مهمه وقال انه دايم بطل ويمسك المجرمين والعصابات اقول استريحوووا والله ولدكم حستتتوني انه البطل المغواررر وع صراحه عمي قهرني وهوو يتكلم عنه بفخرر كان ودي اقوله يعني مسك كم مجرم مسكين سرق جوال او سوى شي بسيط خلاص خليتوه مسوي فيها حامي الدوله
قطع علي تفكيررري صوت جوال عمي
ابو فيصل بخوف لما شاف المتصل : هلا غسان عليكم السلام
ام فيصل بقلق وخوف اكثرر: أسأله وين تركي
ابو فيصل وهو ياشر عليها تسكت: ايوه يبه معك
اااايش وهو يقوم يبي يطلع
ام فيصل وهي تقوم بسرعه وتمسك فيه : والله ماتطلع لما اعرف
ابو فيصل وهو يفك يدها :وبخوف : ابعدي خليني افهم وش فيه
خلاص خلاص انا جاي
ام فيصل وبصرخه :قولي وش فيه قولي وهي تجري لباب عشان مايطلع قولي تكفى يااابو فيصل مافيني عاد
البنات كلهم مفجوعين وساكتين وينتظرن ابوهم وش يقول ويصدمهم
عنود وهي تبكي وتمسك في ابوها: تكفى يبه وش فيه
شوف امي كيف حالتها
ابو فيصل وهو خايف يفجعهم بس غصب عنه لان ام فيصل مثل المجنونه مقفله عليه الطريق وبقلق: لا بس تركي في المداهمه طلقوووا عليه نارر وانصاب وهو في المستشفى
ام فيصل بصرخه: ايشششششش
ابو فيصل : ابعدي يامره خليني اروح اشوف وش فيه وهو يطمنها وترى قلي غسان انه بخيررر
ام فيصل بصرخه : يمههههه ولدي حبيبي والله انك تكذب من شكل وجههك انه مو بخيررر وبصرخه لا يكون ولدي ماتت قولي وهي تضرب في صدر ابو فيصل

ابو فيصل وهو طالع : وهو يبعدها عنه ادعي له بدل هالصياح
ام فيصل وهي تصرخ بصوتها كله : والله راح اموت لو
يصيررله شي و تصرخ عنود جيبي عباتي ابي اروح اشوفه
ابو فيصل : اقول اجلسي وبعدها عنه وطلع
ام فيصل وهي منهاره في الارض : يارب يمه يارب مايصيررر فيك شيء ياقلب امك ....................
جوري وهي تبكي : والله لو يصير فيه شيء اموت بعده
سماح وهي معصبه عليها :انطمي شوفي حالة امي كيف
عنود وهي تحاول تهدي في امها وهي تبي من يهدي فيها
وجالسين كلهم يبكووون وخايفن وينتظرن ابوهم يطمنهم
ام فيصل وهي تبكي : عنود يمه بسرعه دقي على اخوك احمد يوديني عنده ابوك مافي قلبه رحمه رفض يوديني
عنود : يمه الله يهداك احمد آكيد انه هناك الللحين ماشفتي ابوي وهو طالع دق عليه
رهف
مصدومه مدري خايفه بس قبل شوي كنت ادعي عليه بس اللحين حسيت بخوف بس مو عليه من الموقف كله ناظرت ام فيصل تصرخ تقول مجنونه حسيت فيها تبي تموت لو صار فيه شيء غريب حبها لولدها ماعمري شفت مثله تركي تصاوب ياترى راح يعيش ولا يموت حسيت قلبي يدق بقوه من احساس انه يموت
يعني شلون مافي تركي عاد .......... ناظرت البنات كلهم متجمعين قريب من امهم وضامين بعض وانااااا مفروض ابكي اصرخ او افرح بس احسس كل شيء فيني متبلد بس فيني خوف مدري عليه مدري خوف على ولدي لما يطلع على هالدنيا يتيم حطيت يدي على بطني وقلت شكل يمه بتطلع على هالدنيا يتيم مثل امك تذكرت آخر موقف بينا .............. وطلع بعدها ومعاد شفته
اودق عليه تصدقون حالة ام فيصل خلت قلبي يتقطع عليها
والله احسها بينها وبين الجنون شعررره حسيت ودي اتقرب منهم
حسيت نفسي وحيده واحس بس بدموعي تنزل بدون صوت ................. 

انتهي البارت