رواية أه يا عذابي الفصل الثامن والأربعون 48 - بقلم Misoo

:
بيت ام فيصل
عنود وهي ترفع جوالها وشافت الساعه صارت 12 في الليل وماشافت اي مكالمة له
مالت والله مسوي فيها ثقيل احسن شيء..عندي ي الغبي. .
معقول ماراح.. يتصل يجي يأخذها.. يعني وش هو.. تنام بيت اهلها الله .. ياليت كذا والله هذا إلا تتمنى
ناظرت رهف : اقول رهوفه علامك من وقت مااجيت وانتي
ششكلك زعلانه وحالتك حاله
رهف بهدوء: لا مافي شيء بس احس بتعب شوي مدري وش فيني
عنود بشك: حاسه بينكم شيء
رهف بسخريه: اقول عنود خليك في حالك ترى كلنا نفس بعض وبعدين صرت اكره هالجملة من كثر ماسمعها
عنود ضحكت:هههههه والله انك صادقه وسكتت وناظرتها وهي ترفع جوالها
غريبه هوو لسى مقد دق حتى اللحين وقال يالله وهي تقلد صوته
رهف بهدوء: انتي دقي عليه واسألي عن حال اخوه
عنود بستنكار: ايشش معاد إلا هي ادق عليه انا خليه مدام مادق شكلي اليوم نايمه هناا الله ي أن بيتنا وحشني حيل
رهف : عنود حبيبتي حاولي تكسبي زوجك وخلي العناد تبعك لانه ماراح يفيد شوفي أنا كيف حياتي ومهما كان انتي شايله على غسان وكبر فعلته بس مو مثل فعلت اخوك يكفي الكذبه اللي دمرتني ولكن اليوم شوفي جالسه ادور رضاه
بس شكلي هالمرة طار من يدي بسبب كذبه ماتعادل كذبته بس وش اقول وهزت رأسها بحسرة وعجزز
عنود تسمع لها بهدوء: ايه يعني بينكم شيء صح
رهف وهي تهز راسها:لا بس اقولك يعني كان بينا بس الحمدلله اللحين تمام انا وهوو واللحين أقول لك عشان خايفه عليك
ماابي تصيرر حياتك مثل حياتي بس هذا اللي ودي أوصله لك
قطعت حديثهم جوري وهي معاها شبس وكولا في يدها
: اوف مغثه ماصدقت وهي تنام عشان اجي اسهر معاكم
ي حلوين وهي ترمي حالها على الكنب
رهف بحزن على عبير: وش فيك عليها حرام والله اللي تسويها
فيها البنت شكت علي تقول قلتي لها سارقه ومدري ايش

عنود بصدمه: ايشششش سارقه
جوري وهي تفتح كيس الشبس وبدون مبالاه: ايه وانا صادقه .
بس مابي افضحها عند امها وانتم كمان لاتقولون لسوسن
رهف بقهر منها: يالكذوب تقول قدام امها قلتي بس امها ماصدقت فيها وميمه هاوشتك
جوري بكذب: متى هالكلام صار ماعليكم منها بس وهي تناظر عنود المهم انتي معاك أشياء ثمينه لا تخلينها قريبه منها طيب اماا انتي ي رهف حافيه منتفه ماعندك شيء انتي نتفه بحالك هههههههه مالت بس يقال تحرش علي عند عنود
وناظرت عنود وبصرخه: وانتي وش مجلسك حتى اللحين يقال عروس انقلعي بيتك
صدق عرايس هاليومين مافيهن خيررر ايه انا قلت من اول زواجك انتقام والولد قال حرام اضيع عمري مع ذي واجلس افكر في انتقام
قاطعتها رهف: صادقه قال انسى انتقامي وادلعها واعيشها في أحسن عيشه موتي حره
جوري وهي تهزز راسها: لا قال اقطها بيت ابوبها واريح نفسي
عنود بقهرر من اول تسمع لها بس تبي تشوف نهاية حكيهاا: انتي ليه كذا وبعدين حرام تقولي عن عبيرر كذا فاهمه ولا قسم بالله كلمه لتركي يحوسك قال ايش سارقه صدق بدون أخلاق وجع ان شاءالله كرهتي البنت ماتجلس معنا
رهف بشك: تصدقي شكلها هددتها ماتتطلع تجلس معنا
والله نفسي اعرف كيف سوسن ساكته لها
عنود بقهر: مالت على سوسن نفس الطينه حياتي كلهن مثل
بعض
جوري تناظرهم بقهرر وهمم جالسين يتكلمن عليها:معقول الزواج يخلي الواحد كذا غثيث أجل الحمدلله وانا مو متزوجه وع وع اروح اقابل هذيك السارقه احسن على الأقل أفرض شخصيتي عليها مو مثلكم محدن يقدر عليكن يالمعقدات وقامت وهي معصبه
عنود وهي فاتحه عيونها : من جدها ذي حنا معقدات
رهف بطفش من هالجوري : خليك منها انارايحه انام وانتي دقي على زوجك وشوفي جاي ولا لا وكمان لا اوصيك اسألي عن اخوه عشان يعرف انك مهتمه فيهن
عنود بسخريه: اخسس ي رهوفه صرنا ننصح من متى هالعقل
رهف جت ترد عليها سمعت صياح ولدها وشافت جوري تركض مرت من عندهم قالت بصدمه:جوري راحت له صح
وراحت بسرعه لغرفتها شافته يبكي على طول سحبت يده وقالت بقهر عضته الزفته
اخذته في يدها
ودخلت الصاله وهي تناول عنود إلا ماتحركت متعوده على هالحركات منهن: خذي رايحه اشوف شغلي معاها الزفته تحط حرتها في هالضعيف
عنود حملته وهي تضحك: وش يعني بتسوي راح تتطقيها عادي عندها ماتحس خلاص احسن شيء اختصري على عمرك وقولي لتركي والله معاد راح تقرب منه ترى هي تموت من تركي
رهف بعجز وقهر لأنها سمعت صوت الباب انقفل بالمفتاح جلست بقهر على الكنب: الزفته تدري اني رايحه لها
عنود: مثل ماقلت لك قولي لتركي
رهف بقهر منها: بالله ذي تخاف من حد انتي ماسمعتي امس وش
قالت له ي الظالم ههههه كل مااذكر اموت ضحك على وجهه تركي وهوو مصدوم
عنود وهي تضحك:هههههه اي والله انصدم بس شفتيها معاد طلعت
رهف اخذت ولدها اللي توه سكت :يالله ي روح ماما نرجع ننام
يالله عنودي مثل ماقلت لك اوك وأنارايحه انام تصبحي على خيرر ي عروس النحس نحستي اخوه
عنود فتحت عيونها بصدمه من كلامها: قدها وقفي وكملت بقهرر
وجع ان شاءالله امس من امه واللحين من رهف
رهف شردت بسرعه وهي تضحك
قفلت الباب وخلت ولدها على السريرر وهي تناظر مكان تركي

اليوم نبي ننام بدون بابا ي شعول
اممما الغرفه مو حلوة صح فديتك تتتبسم ماتدري وش اقول
سحبت بجامه ..ودخلت اخذت شورر.. وفرشت سجادتي ....وجلست اصلي الوترر.. وادعي ربي يفرج ..علي ضيقي ..ويسعدني في حيايي مع زوجي ..ولدي سحبت ..القرآن قريت وردي
حسيت براحه فعلاً أ..لا بذكرالله تطمئن القلوب
قمت تمددت ...بجنب شعول وانا اسحبه لحضني ....ناظرت ملامحه سبحان الله تركي مصغرر بس شعول ابيض عن تركي اخذ لون بشرتي مااخذ لون بشرة ابوه القمحي
سحبت جوالي شفت الساعه باقي دقايق وتصل ثلاثه
ي ترى وش يسوي.. اللحين جالس .. فتحت الواتس وشفت أخر ظهور له من تووو.. يعني صاحي تذكرت امس كيف عاملني وزعلي منه ..وكلامه اللي ..جرحني بس .. حسيت اني لوو
ارسلت له يمكن ..يطخ اللي في راسه ..سميت بالله ..وارسلت له ...وانا ارجف ..ي ترى وش بيرد علي .. (حبيبي متى جاي )
حسيت بمغص... بعد ماارسلت له ..احس اني ....استعجلت بس احس انها بتغيرر ..حياتي هالكلمه.. وكمان يعرف اني افكر فيه واهتم ... رفعت اشوف فتحها.. ولا لا شفته فتحها ومتصل...

... حرق دمي.. ابيه يرد مارد.. طنش
جلست فاتحه.. اشوف وهوو متصلل.. فتحت عيوني بصدمه من رده
عند تركي
كان جالس وهو كاره عمره فيه النوم
وجالس يتطمن على ..اخوو غسان ويتوصل.. معه لما ركب الطيارة
بس شاف رقم رهف.. ارسلت فتحة بسرعه.. وش ارسلت فتح عيونه بصدمه من كلمتها.. حس قلبه يدق... ابتسم إلا شعوريا حبيبي
يارهف رفعت نظري... شفت زملي مشغول.. في جواله حسيت اني ودي اطير من الفرحه ..بس تذكرت.. وش كذبت علي فيه
وكمان راح ..اعرفها اني مو لعبه ..عندها وتقدرر ..تضحك علي
ايه لازم تعرف اني ثقيل .. عارفة الزفته اني ميت ..على هالكلمه بس .. لا لا راح اخليك تندمي ي رهف .. على حبي لك وانتي شفتي حالك على هالحب .. بسرعه كتب (قلت لك مابي حبك )
وارسل مره ثانيه( ولا تحاولي تجربي معي هالطرق اوك )
وارسل ثالثه ( وياليت ماترسلي ثاني لاني مشغول ومالك شغل متى أجي مانتظر منك اذن اوك )
سكرت الجوال وخليته على مكتبي بقهر احس قلبي يتقطع عليها
..بس لازم كذا ...عشان ثاني مره .. تعرف كيف تتوب ..ماتكذب علي بسبب صعلوق حاب يدخل ويخرب...عارف انها اللحين تبكي جالسه خلاص تركي يكفي قسى.. قلبك شوي عليها"""""""""""مالت اكثرر من كذا قساوه صدق عقل متخلف معليش حزب تركي هههههه

عند رهف
حست دموعها نزلت من الللي ارسل لها
اما الأخيرة وجعتها حيلل.. يعني اشلون لعاد ترسلي
مسوي فيها ينتقم جالس.. طيب تركي انت الخسارن.. رمت الجوال بقهر على السريرر.. اي خسارة وهو بايعيك رمت راسها على المخده وهي ..تبكي قهر ...ووجع.. وظلم ..وكل شيء.. ياربي انا ايش سويت .. حتى كذا ..يكرهني ..والله ظلم اللي معيشني فيه
تذكرت موضوع شقتي .... مسكين تركي تفتكرني راح ..انسى
لا بعدين انت قلت لي خليك جاهزة ...أجل تحمل والله لااخسرك
واخذ اغلى.. الديكورات ..على الأقل ادلع نفسي ..في شقتي ..
رجعت بكيت بقوه... على انتقامي السخيف ..طيب خسرته ..يعني بيرد كرامتي .. ااااه احس اني مجروحه... حيل منه ... تذكرت يوم انا اصده بس ... هو كان غلطان ... علي بقوه وحتى اللحين غلطان .. علي ويبي يكسرني مدري... وش هوو مستفيد .. اي حب اللي يقول... عنه بالله بالمنطق ذا حب ... بس اهنيك تركي ...عرفت كيف تنتقم مني .. خليتني احبك على شين أفعالك ..اااه
ياليتني ..ماارسلت احس.. بندم .. وقهرر
بعدها سمعت صوت.. أذان الفجرر ياربي.. لي حول ساعتين
ابكي ..قمت اتوضى واصلي الفجرر وبعدها نمت ..وانا احس ..راسي يبي ينفك من كثر الصداع ... الله يسامحك ي تركي .. قلبي مايطاوعني.... أدعي عليك مثل قبل @@@@@@@@@@@@@@@@@
@@@@@@@@@@@
"
"
عند عنود
تمدتت على ..السريرر وهي مستغربه لسى ومو مصدقه ... غريبه ماغثها
شافت جوري سحبت ..المفرش عليها ونامت فكه.. نوم الظالم عباد ه.. رفعت جوالها وخلته صامت .. وهي تضحك بسخريه على كلام رهف .. يوم تقول لها تتصل عليه
قفلت عيوني براحه .. ي زين النومه ..في سريري..

عند غسان وهوو توه ركب الطيارة
وهو يناظر اخوه وفرحان يحس انه احسن من أمس بكثيرر
وبعد ماتطمن عليه وهوو يشوف كيف حالته
رفع جواله هز راسه بحسره وقهرر.. حتى اتصال ..مااتصلت ..تسأل بيجي ... او لا عرف انه ماله ..مكان في قلبها حتى ..لو ذره بس هوو طبعه صبور حيلل ... بس حس نفسه مجروح منها..وماراح يدق عليها ... ويقول لها خلاص .. سافرر ولا حب..يعطيها خبرر .. تركي عنده خبرر.. يقول لها ضحك بسخريه على حاله .. غسان انت مصدق.. حالك انها بتسأل.. عنك قفل جواله وناظرر اخوه طلال وابوه اللي شكله تعبان ..وفيه النوم قال بتعب: طلال والله تصدق حتى الحين ولسى مو
مقتنع بسفريتك معنا
طلال بزعل: خلاص غسان ترى طفشتني ياخي مستحيل اخليه وبعدين عيال عمتي مايقصرون لوو يحتاجووا شيء
غسان: بس انت عارف امي وزوجته واختك لحالهم بدون رجال وابوي كمان رفض كان انا اكفي وعيال عمتي مافيهم قصور بس احس البيت بدون رجال مدري كيف
طلال بقهر منه: ي خي بلى حنه ترى مصدع لي يومين مانمت خلني انام المسافه طويله عشان مااحس بطفش
غسان: ااافااا تحس بطفش وانا معك
طلال ناظره :نفسي اعرف كيف عمود متحملتك
غسان ابتسم : من كثرر اللي جلسته معاها كلها يوم
طلال تذكرر حكي امه عنهاا ضحك غصب عنه
غسان ناظره: ممكن اعرف وش تضحك عليه
لاني اشوف مافي شيء يضحك
طلال وهوو يهز راسه : لا بس كل ماتذكرر امي وهي تهزئ في عمود اموت ضحك وانت ساكت ودك تتكلم بس ماسك نفسك ي خي العشق تعب صح
غسان بقهر ضربه بقوه على كتفه:نام نام ذا وقت حكيك اللحين وزفر بضيق
وقفل عيونه وهوو يتذكرر كيف ماقدرر يدافع عن محاربة امه لزوجته نفسه يعرف ليه تكرهها كذا
@@@@@@@@@@@@@@@@
@@@@@@@@@@@@@@
اليوم الثاني
في بيت ام فيصل
تركي دخل البيت شافه هادي غريبه دايم امه وجدته معسكرين
قدامه في الصاله حس بقلق اتجههه لغرفة امه دق خفيف وفتح الباب لما ماشاف رد شافهم نايمين تقرب من امه شافها نايمه بهدوء وكمان جدته ابتسم وطلع وهوو متجهه لغرفته فتح الباب بخفيف .. وشافهم نايمين تقرب منهم ... ي حبي لكم والله ..
شاف رهف كيف نايمه بهدوء... عض على ...شفايفه بقهرر.. ايه هي نايمه ومرتاحه .. وانا زعلان ... ومتضايق عشانها ...
فسخ بلوزة البدله ورماها واتجههه لحمام اخذذ شورر بارد يطفي شوي من قهره ... طلع وهو يجفف جسمه واخذ ملابسه ولبس وتمدد بجنبهم.. تقرب من ولده وباسه .. وهو يبتسم شاف وجهاا ..قريب منه .. كان وده يتقرب منها ... بس خاف تصحى.. سحب مشعل وضمه لصدرة بحنان تحرك مشعل خاف لايصحى لانه ..مستحيل عاد ..ينام قال بصوت واطي ..ضروري اسحبك ي النتفه انت .. بس تنهد برتياح لما مشعل رجع نام .. حس براحه ولده نايم ..بجنبه
قفل عيونه ونام بهدوء
رهف

فتحت عيونها على صوت مشعل وهوو يبكي
شافته في حضن تركي ..وشكل تركي نايم ..وموو حاس فيه
مدت يدها خفيف ...وسحبت ولدها.. ورضعته
سحبت جوالها شافت باقي شوي ويأذن الظهر قامت غسلت وتوضت وصلت وقالت بصوت واطي: تركي صلاه
تركي ماقدر يفتح عيونه : اوك
استغفروقام توضى ولبس بدون مايوجهه لها اي كلمه وطلع للمسجد صل ورجع
غرفته على طول فتح الباب ودخل شافها قدامه
جالسه على التلفاز قال بهدوء: خليك جاهزة العصرر وجلس على السريررر
رهف رفعت نظرها له: اوك
تركي : مشعل خليه عند امي عشان تاخذي راحتك وانتي تختاري
رهف حبت وهوو كذا يسولف معاها بهدوو:اوك
تركي بقهرر: خيرر ماسكه معك هالكلمه
رهف هزت راسها:لا بس اخاف اقول شي تزعل
تركي رفع حاجبه: : لا ازعل ويهمك هووو
رهف : ايه يهمني ليه مايهمني وهي تتقرب منه وتحط يدها على كتفه وبهمس تركي
تركي حس نفسه وده يضمها بس مسك نفسه مد يده وابعدها قال وهوو يغطي على مشاعره: كم مره قلت لك لا تقربي مني كاره قربك
رهف حست خلاص راح تبكي ناظرت عيونه تتدور حب ورحمه بس لا شافت شيء غيرر قالت بنكسار: طيب وش تبي وترضى
تركي قال بحقد: تذكري كيف كان تصديني
وكيف كان تفشليني حتى قدام ابوي الله يرحمه
وكم مره اخذت كف عشانك وكمل بحقد وهوو ينزل خشمه من خشمها: حسي مثل ماكنت احس
رهف بهمس: بس انا غيرر كان سبببي
وكان قوي لوو تذكرر
تركي وهو رافع حاجبه الأيسر: اوك حتى انا لي سبببي واشوفه قوي حيل
وقف يالله قومي نطلع الصاله لان لوو طلعت بدونك ميمه راح تسندر راسي فيك وانحنى حمل ولده واعطاها ظهرة وهو مطنشها وهوو يلعب مشعل
ناظرته بقهرر.. ودها تفجرر.. فيه وش هالعناد..ركب راسه فجأة
مالت عليك يالحقود
طلعت.. وراه بطفش
وهي ماودها بس عارفه انه جدتها ماراح تخليها.. ترسل كل ...اللي في الصاله لها

تركي
: السلام عليكم ورحمة الله
الجدة: هلا والله وعليكم السلام
تركي فتح عيونه بصدمه: معقول العسل رضت علي
ورجعت ترحب فيني اناا قلت عذول دخلوو بيناا
ي الغالية
الجدة : هوو انا متى زعلت منك
جوري : زهايمرر ههههه
الجدة ناظرتها بنص عين:وش هووذا
سوسن : يعني عقلك طار
الحدة بعصبيه: طيروو عقلتس انتي وهي وانا صادزه متى زعلت منه تعال بس يمه قريب مني إلا وين مرتس
تركي بهمس: ياربي توني اجلس تسأل ع طول
الجدة شافت رهف: هلا هلا يمه تعالي كويس وانتي جيتي
خالتك مسويه مرقوقه يحبها قلبتس
تركي : سوته لي مو لها ليه تعزميها وماتعزميني
الجدة :مو تقول لتس أجل وش هوو له اعزمتس
انت اللي مفروض تعزم ي البخيللل مدام بإسمتس ....

رهف ضحكت على ميمه :هههه فديتك
تركي :مبسوطه رهوفه
رهف ناظرته بصدمه من تو سمعها كلام مثل السم
والحين ي دلعها. . لا موطبيعي .. ذاا
تركي ضحك بسخريه
على تعابير ..وجهاا وناظرها ..مثل مايقول لها ..لا تفرحي بس قدام ... ميمه ..
ابعد نظره عنها لما شاف اخته عنود دخلت: هلا والله بالعروس
عنود بهدوء: هلا فيك
تركي :غسان باقي ماقد وصل شكله لاني ادق عليه لسى جواله مقفل الله يهديه وانا قلت له طمني وقت ماتنزل من مطار لمطار
عنود ناظرته بصدمه سافر وماقال لهااقالت بهدوء:انت عارف ان المسافة بعيدة يبي لهم اكثر من نص يوم

رهف تقربت منها وهمست:ماعندك خبرر صح
عنود تخفي صدمتها :ومايهمني
رهف بقهر منها: يعني مادقيتي عليه وش هالعناد اللي فيك
عنود بطفش وقهر من غسان كمان فشلها: رهف مو وقتك
رهف : اوك كيفك
جوري: تركي تكفى مشنا اليوم حتى لو تودينا المزرعه ترى فيني طقه
تركي ناظر رهف هوو وعدها اليوم يروح معاها يشوف كم محل عشان شقته وكمان يبي ينفك هزراسه بأسف: معليش حبيبتي خليها بكره
لاني وعدت رهوفه نبي نروح كم محل نشوف ديكورات ودهانات
لللبيت
الجدة:هوووو يمه ودك تبعد عن امك واخواتك ليه يمه

جوري وهي تصفق يدي بيد: زهايمررر
تركي بحدة ناظرها: انكتمي اليوم ماعندك إلا هالكلمه وناظر جدته لا ميمه اقصد شقتي
اللي فوق
الجدة :هاا يمه ربي يسعدتس ي رهوفة ي حبيبة قلبي
تركي بزعل: طيب انا مالي دعوة وهذا وانا رايح اجهز لها شقتها
الجدة :هذا واجب عليك تسويه ومايحتاج حد يشكرتس عليه
تركي زفر بقهرر:اااه بس احبك
الجدة وهي تتبسم:واحبتس اكثررر بس
تركي قاطعها: بس اذا ريحت رهف معروف يمه كلامك
الجدة بنص عين تناظره: لا يكون مو بعاجبتس حكي هاا قول
جوري بقهر منهم: اوف ضروري اليوم الست رهف تروح
تأجلها طيب يعني خلاص تموت ولا ساكنه في الشارع وحنا ماندري
ام فصيل بحدة: جوري
سوسسن: يمه بنتك ذي ماشفت في قلة أدبها
جوري: عشتووو اسمعووا مين يحكي
سوسن بقهر منها: قسم بالله شوي واقوم احوسك هنا
رهف بسرعه لما شافت السالفة تبي تنقلب جد وكمان نظرات تركي ماريحتها شكله يتحلف فيهن وشوي ويقوم يكفخهن: عادي انا بكره اروح وناظرت تركي خلاص خلها بكره
تركي ببرود: لا اليوم وناظر جوري انتي وش دخلك كنت ابي امشيك بكره بس اللحين انقلعي ماراح اركبك حتى سيارتي وسوسن مفروض تقومي تربيها من غيرر ماتشاوري وتعطيها
حتى خبررر لان ماينفع إلا كذا معاها
جوري بقهرر:ايه خلاص غيرتك النتفه ذي ااخ وين هيبتك ي خوي اللي تهد رجال في المجالس وهي اللي مثل طول صبعي الصغيرضيعة علومك
تركي ناظر امه بقهرر:يمه تبي بنتك
رهف ناظرت جوري بقهرر وهي تتحلف فيها
ام فيصل :قوم شوف شغلك ربي يقويك
تركي وقف وهو يرفع يده :هذي امي واعطتني الضوء الاخضررر
جوري بسرعه وقفت: انت مايبي لك ضوء اخضررر ع طول مافي وقت
وشردت بس وين تركي لحق عليها
تركي وهو مسكهاا بشعرها على خفيف: يالله اعتذري من عمتك رهوفه بسرعه
جوري بقهرر وهي فاتحه عيوينها:لا لا اضربني بس اعتذرر لا ومن رهف كمان ياويل حالي مابقي إلا هي
رهف ناظرتها بقهرر:خلها تركي ماتهمني
تركي وهوو يهزز راسها ويشد شعرها على خفيف: بسرعه اعتذري
جوري ناظرته بقهر: من متى هالحب
ولا على حسابي بس
تركي بقهر منها ومن لسانها:مالك شغل كذا اللحين حبيتها
رهف
كنت اناظره
معقول ذا تركي وجالس.. يدافع عني مدري.. ليه مو ....مرتاحة حاسه انه يتظاهررر بس... ايه عارفته.. دايم مايسوي.. شئ الا له
غرض
ام فيصل بطفش: شوف ي تمردغها ي تفكهاا صدعتووا راسي
جوري وهي تناظر امها بصدمه:يمه حرام وين حنان الام وش ذي تمردغها وقولي فكها ي التيسسسس
تركي ماسك ضحكته غصب عنه هالبنت ماتتوب حتى لو انضربت مافي فايدة دفها بقوه على الكنب وناظر رهف
: قومي تجهزي باقي شوي ويأذن وبعدها نروح
واعطاهم ظهرة وراح لغرفته
جوري وهي ترتب شعرها الللي حاسه بقهر: اوف ماصدقت المه جاا وحاسه كذا لي
وناظرت رهف الله ياخذك كله منك قال ايششش يدافع عنك وهو اربعه وعشرين ساعه طايح فيك ي الغبيه

رهف طنشتها واتجهتت لغرفتها
فتحت الباب ودخلت وقالت بهدوء:خلي مشعل معنا
تركي ببرود : لا
خليه عند امي
رهف : طيب قول لها انت انا اخجل اقول لها وعنود احسها مو تمام هي دايم ماخجل منها واحطه عندها اما جوري مستحيل
تركي بشكك :ليه عنودموتمام وش فيها
رهف اوف صدق غبيه دايم مااعرف اتكلم اللحين وش يفكنا من مشاكله مع عنودقلت بتوترر: لا اقصد شكلها تعبان وبعدين لاتنسى زوجها مسافرر وشكلها مالها مزاج
تركي : ياليت اصدقك بس لاني عارف عنود وعنادها
وعارف غسان لو ايش مايقول شيء ودوم يتحمل ويكتم
رهف ناظرته وبنغزه له: حلوو اللي كذا حتى تعرف تتفاهم معه
تركي فهم قصدها قال ببرود:ايه حلوو اذا تاريخها ابيض
رهف ناظرته بصدمه: وش قصدك حرام لاتشيل في ذمتك اكثرر ي تركي ترى إلا الشرف
تركي : ماتكلمت عن الشررف ولوو بس شاك في شي بيسط من هالناحيه ماتجلسي دقيقه عندي بس اللي اقصده الكذب
رهف بصرخة قهرر: ي شيخ طفشتني كذب وكذب قولي وش تساوي كذبتك هاا قول ي الشريف
تركي وقف لما سمع آذان العصرر :ياليت اشوفك جاهزة اوك لما اجي
رهف بقهر منه ليه مايرد عليها ليه كذا يرمي عليها كلام مثل الرصاص ويطنشها ويروح لا كذا ماينفع حرام وظلم اللي يصيرر فيها ... خلاص رهف قومي تجهزي افضل عشان .. مو كل مره ..راح تحصلي على .. هالعرض اااه تنهدت بقهرر..مو قلت لكم .. تمثيلل اللي من تووو ... قمت توضيت وصليت ولبست العبايه واخذت ولدي
وطلعت الصاله تقربت من عنود اللي جالسه .. وهي مسرحه ..مدري في وش هوو ..تفكرر ؟
رهف : عنود وش فيك ؟
عنود هزت راسها وهي تاخذ منها شعول: فديته العسل ذا يبي يجلس عندي
رهف بفكره: عنود وش ررايك تروحي معي كمان انتي ذوقك حلوو وتساعديني
عنود :معليش رهوفه والله مالي نفس
رهف هزت راسها: اوك على راحتك
سوسن جت تقربت منهم: انا اروح معك يالله
رهف ضحكت : فديتك والله حياك كويس نفلها
سوسن ببتسامه: لا حياتي وروحي انتي مع زوجك امزح معك انا
وبكره كلنا رايحين المزرعه مع بعض ونفلها :
على انا طيارتي في اللليل وسفرر وراي بس ودي اروح المزرعه
شفت جوالي يدق وقفت :يالله حبايبي باي تركي يدق
رديت بهدوء: الو
تركي وهو جالس ينتظرها في السيارة : اطلعي
رهف

مدري ليه حسيت بخوف لما قال اطلعي انا في السياره. .
خايفه ...لا اشوف السيد فصيل ..على قول تركي ..وذا بعدها ..يسوي لي ..سالفه وانا ...مو ناقصه حكي وكلام يقهرر..
ومشاكل على راسي ..نفسي ارفع جوالي ..واقول له انزل ..وقابلني في الحوش ... ايه لازم اتصل عليه قبل ماطلع ..دقيت جاني الرد: نعم
رهف بخوف:تركي تعال خجلانه اطلع
تركي:تعالي بس
رهف بسرعه : يمكن اشوف حد في الحوش مثل زوج س...
تركي بسخريه قاطعهاا:لا لا ماعليك تعالي واللي في بالي بالك
سيارته موو هنا يعني حضرته منقلع
وقفل في وجهااا وحط جواله بقهرر مسويه فيها وتبي تظهر قدامي انهاا مافي مثلها هز راسه ماينفع ي رهف
رهف
بقهر ناظرت جوالها ..وسوت حجابها زين.. وعدلت العبايه على راسها وسمت بالله.. وفتحت باب المدخل.. وهي تسب ..في تركي ..مالت ..متكبرر ..طيب والله اردها لك ...هالقفله
وطلعت شافته قدامها مسنترر في السيارة وجالس يدخن
دخلت وقفلت الباب بقوه كذا عناد فيه وقهر من ريحة هالدخان
تركي قفل عيونه من قوة ضربة الباب: الحمدلله على السلامه للي خايفه تتطلع لحالها وضحك بسخريه وهوو ينفث دخانه
رهف ناظرته بقهر جالس يستظرف حضرته:الله لايسلمك
تركي بصدمه وين الخوف إلا له ثلاث ايام يشوفه : نعم
رهف طنشته وقالت بقهرر: هييي من اللحين اقولك موتأخذ لي شيء والسلام لا ابي شقتي تشع فخامه ايه موكذا اصبرر واتعب وفي النهايه شيء ماله قيمه
تركي وهوو يسمع لهاا حرك السيارة وبسخريه: ي حرام في الشارع وانا مدري قال ايش صابرة اقول انثبري على قدي اخذلك
رهف بدلع:مالي شغل انا استاهل ترى وبعدين مو زوجتك مفروض تأخذلي كل شيء نفسي فيه
وانت تدري قد ايش صبرت عليك وتحمليت غرفتك اللي سدت نفسي عن الحياة كلها
تركي بقهرر منها نرفزته هي ودلعها ذا: رهوفه تبي ترجعي شكلك
رهف بسرعه :لا لا راح انكتم وهي تحط يدها على فمها
تركي كان وده يضحك بس مسك نفسه """
رهف
كنت اتابع الطريق بطفش اوف مااحب اجلس ساكته
ياليت اخذت حتى جوري معي احسن من طلعتي لوحدي
ناظرته وهو يسوق بهدوء بس شكله باين عليه الجمود .. اوف يكرهي ..له وهو كذا ...قالت افتح سالفه :ااممما تركي وش اختار لون دهان لغرفة النوم
تركي بجمود:أسود مثل عيشتي معك
رهف بقهرر ...اخخخ ياربي افجرر.. فيه وربي . .يستاهل
ليه كذا نحس ..اوف منك.. ومن لسانك ...ذي اللي تقطرر سم
بقهرر: لا مايصلح أسود في أسود يكفي حياتك تبيني اكمل عليك لا أنا في قلبي رحمه وابيه لوون كذا فاتح وكاد تتعدل انت وتزين نفسيتك ذي
تركي بقهرر من ردها: أجل لاتتشاوري اوك مدام مختارة الون
رهف :لا بس حبيت اخذ رايك بس انت نحس
وبعدين بالله ماطفشت من الوون الغامق يكفي غرفتك كلها أسود وفضي وكملت بدلع ياربي نكد نكد اوف
تركي بصرخه:هييي انتي وش فيك مصدقه حالك ترى ذاا وراه شيء موو حب في وجهكك
رهف احس اني.. ولعت وش قصده ..ايه اناعارفه ..من اول ان وراه شيء قلت
وانا احس روح الحماس اللي فيني والفرح اني رايحه اختار لبيتي كله تبخررر قلت بحزن:ايش وراه
تركي وهوو يبتسم بحقارة: في وقته ي حلوو
وقف عند الإشارة وشافها ساكته البربره اللي فيها من توو
وين راحت ههه سكتها.. حب يسمع ..تخطيطيها وش تبي ..
ما حب سكوتها .. كذا مايدرى ..وش يبي مو عاجبه ..شيء
امممما اللحين اخليها... تصرخ مو ..بس تتكلم فتحت الإشارة
وداس على البنزين بقوه وصل السرعه حول 180 وهوو يضحك ..عارف انها راح تصرخ .. بس مرت خمس دقايق ..والبنت مافتحت فمها .. هديت شوي السرعه لما شفت زحمة الطريق اوف شوارع الرياض .. تتطفشك بزحمتها .. بس غريبه وش اللي تغيرر معقلول.. صارت شجاعه .. وانا مدري ..
رهف
من وقت مازود السرعه وانا احس ..خلاص بطني يوجعني وقلبي ..يرجف اكيد ...الحين لوو فتحت ..فمي يزيد ويعاند ..مع جوههه ذا ...ونكده اللي معشينا هوو .. طنشي رهف واستودعي نفسك
اللهم إني استودعتك نفسي وناظرت تركي وغصب عني قلت وحبيبي يارب وكشرت غثيث .. مايستاهل بس هذا طبعي اذا حبيت احد مقدر احقد عليه ........ وشكلي راح اندم على حبي له تتوقعووا إني راح اندم؟

 
جوري وهي في المطبخ
ناظرت عبيرر : خيرر لاحقتني هم في الصاله ترى
عبيرر تبي منها مصلحه تسويها لها في الجوال
ومافي حد يعرف لها غيرها ماشاءالله عليها شاطره في تتد خيل البرامج مثل خالي تركي بس خالي اخجل منه واخاف منه كمان
سميت بالله : لا بس ابيك تسوي لي جوالي
جوري بشوفة نفس: وش تبي اسوي
عبيرر : ابيك تسوي لي حساب عشان اقدرر ادخل اي شيء
جوري :اممم وش المقابل
عبيرر عرفت قصدها لانها دايم تأخذ مني فلوس: كم تبي
جوري: شحن جوالي بقيمة مية ريال تمام وكمان جلست تفكرر بخبث .....ايه لقيتها نبي نسوي مقلب في البنات
عبيرر بخوف : ايششش
جوري: اول انتي موافقة على الميه
عبيرر :ايه موافقة دحين اروح اسحب من محفظة ماما
جوري :وين محفظة امك ذي
عبيرر بغباء: في شنطتها ودايم اخذ منها
جوري بقهرر: شفتي مو قلت لك انك سارقه ي السروق
عبيرر بخوف لما رفعت صوتها:لا لا وش سارقه ماما قالت لي خذي وقت ماتحبي
جوري بقهرر منها ليه امها كذا مدلعتها وهي امها تصفقها اربعه وعشرين ساعة بقهر :نفسي اعرف وش فيك زايد عشان تتدلعك امك تجيبي الهم ي الدلخه قسم بالله مافيك شيء ينبلع وبذات شعرك ذا وهي ترفع طرف غرتها بيدها ذا شعر بالله وهي تفك يدها شوفي كيف يطيح بسرعه وع مو مثل شعري سميك تمسكي خصله واذا فكيتيها تجلس ساعة واقفه قوي ماشاءالله مو مثل
شعرك ذااا
عبيرر فيها ضحكه على شعرها بس خايفه تعصب عليها وهي عارفه انها مقهورة من شعرها الحرير : وش اسوي هذا حظي
جوري بقهر : شوفي حل له ترى مرة مووحلوو لو تبيني اعطيك خلطه او شيء انا موافقه وترى مفعولها تمام وتنفع لشعرك الخايس ذا ورجعت تمسك خصله منه وع وع شوفي حل بسرعه طيب
عبيررر بقهر منها بس لازم تصبرر: تسلمي خالتوو وماتقصري ادري فيك
جوري خبطتها على راسها بقوه: تخلخلت عظامك بلى كم مره قلت مابيك تقولي خالتووو
عبيرر:طيب ايش اقول
جوري وهي ترفع نفسها وترفع راسها بشموخ: سيدتي
عبيرر بصدمه:ايششششش لا حياتي وش هالمذله خلاص ارجع جدة بكره وصديقتي تسويه لي
جوري بقهرر: وانتي ليه خبله ماتعرفي
عبيرر : خلاص مابي منك شي
جوري مسكتها بسرعه غبيه تبي تخرب ع نفسها كان :لا خلاص ابي اسويلك بس بشرط الميه وكمان المقلب وبعدين قبل كل شيء روحي بسرعه هاتي الفلوس
وبعدين نسوي المقلب وبعدها اسوي لك وادخل لك البرامج اللي تحبي وبعدها لااعرفك ولا تعرفني اوك
عبير بفرحه: جدددد الله قد ايش احبكك
جوري: روحي هناك مابي حبك بسرعه يالله مافي وقت
عبيرر راحت تركض للغرفة اللي موجودة فيها شنطة امها
جوري
والله حلو لما تعيشي كذا وتحسي ناس عبيطه مثل عبيرر
تقدري تتحكمي فيهن شافتها جت سكتت عشان ماتخرب على حالها

عبيرر وهي تاخذ نفس :خذي
جوري اخذتها ومسويه انها مو عاجبها جالسه تقلبها في يدها : تمشي الحال يالله المره الثانيه مارح اخصم لك راح اخذذ اكثرر
عبيرربقهر:يعني انتي دحين مسويه انك خصمتي
جوري تقلد صوتها:ايوه دحين انا خصمت عندك شيء ست عبيرر
عبيرر :لا ماعندي شيء بس يالله خدي وصلحي لي
جوري :لا لا وش قلت انا اول المقلب
عبيرر :طيب وش هوو
جوري خلت الفلوس في جيب بلوزة بجامتها اللي من قدام : شوفي ابي اسوي نفسي مغمى عليه
وانتي اصرخي قولي مدري وش فيها خاله جوري كذا طاحت من طولها طيب
عبيرر موعاجبها الفكره تحسها من زمن جدها: وع مو حلوة احسها قديمه فكري غيرها
جوري بقهرر:انقلعي جالسه اعصر مخي لي ساعه وتقولي مو حلووة روحي زين زفته
بسرعه سوي للي ابيه منك
عبيرر: طيب وش تستفيدي
جوري: ي غبيه عشان اشوف قد ايش هم يحبوني بسسسس
عبيرر بصوت واطي : مسكينه مو واثقه في حبهم
جوري :وش تقولي ارخي صوتك شوي عشان اعرف احوس
هالكشه عليك
عبيرر: لا خلاص مافي شيء يالله دحين طيحي عشان اروح اقولهم طيب
جوري اوك ورمت حالها بقوه وهي فيها الضحكه
كذا تبي تشوف خوفهم عليهااااا اااخ حست عظام ظهرها تكسرت غبيه رمت حالها بقوه على الارض سمعت صياح عبيرر فتحت عيونها بصدمه
عبيررر وهي تركض لصاله وبصوتها كله: يمه خاله عنود الحقووووو خاله جوري ماتتتت
البنات بصرخه وحده كلهم: ايششششششششششش
اللكل انفزع وقام يركض يدخل مكان ماقالت لهم عبيرر
سوسن بفجعه : يمه
عنود بسرعه جلست في الارض
وخلت راسها على فخوذها وهي خايفه وتضرب في وجهااا :جوري حبيبتي اصحي
جوري مقهورة من عبيرر مره وحدة ماتتت الله ياخذك
بس يالله خليني اعيش الدوررر
رهف بسرعه راحت تركض لغرفتها عشان تنادي تركي
بفزعه وخوف:تركي اللحق بسرعه جوري مدري وش فيها كذا طاحت من طولها
تركي بسرعه دف جهازه وطلع يركض قبلها حتى من خوفه ودخل شافهم كلهم متجمعين عليهة قال بصرخه:ابعددووو عنها خولها تنفسسسس
جوري في نفسهااا
اااه تركي جااا لا لا لا بس تبي البنات كان
هذا وش جابه بس كله من عبيرر غبيه قالت ماتتتت الله ياخذك ي
الزفته يالغبيه اخخخخ على الكفوف الللي اخذتها من عنود بس الحمدلله لسى متحمله ومسويه الدوررر
تركي بعد عنود وسحبها منها وهوو رافع راسها بيده وبخوف: جوري
اصحي حبيبتي وصرخ جيبي مويه
سوسن وهي مرتبكه :اللحين اجيب مويه
عبيرر خايفه لاينكشفن ويروحون فيها وتعرف تركي مايرحم
رهف وهي تبكي :خذها المستشفى بسرعه تركي
عنود بكت من خوفها: يمه خليني اروح اقولها
تركي بصرخه:انثبري هنا لا تفزعيها
ونزل راسه لها وضربها على خدهاا جوري تسمعيني شيء
جوري ااخخخخ كف قوي الله ياخذك شكلي ابي اموت من كفوفه
لا لا كذ مقدرر اتحمل
تركي وهوو يصحي فيهاا: صادقه رهف بسرعه جيبي عبايتها ابي اوديها المستشفى
سوسن :ي ربي وش فيها وش صار
تركي حس فيها شاده على عيونها بقوه شك اعطاها كف قوي
جوري صرخت بقوه : اااه عمى ان شاءالله قالت لك ماتتت وش هوله تضرب يعني الواحد ميت ليه تضربه
تركي بقهر وبعصبيه رجع اعطاهااا كف اللكل صرخ من قوته
وقف وهوو معصبب : اقسم بالله ي جوري لوو تعيدي هالحركات اذبحك
جوري بكت بصوت عالي وطاحت في حضن سوسن الللي كان قريبه منهااا
رهف وقفت بجنب تركي وهي تحط يدها على صدرة : ابعد عنها خلاص
تركي دف يدها واتجهههه لغرفته قهرته من مقلبها البايخ
مثل وجهااا زفرر بضيق ورجع فتح الاب
في المطبخ
عنود بقهر منها: تستاهلي والله مفروض يعطيك اكثرر
جوري وهي تبكي:انقلعي محدن يمزح معكم ع طول مد يد
وانتي ي الزفته كله منك قلت لك قولي اغمى عليها موو جوري ماتتت ان شاءالله انتي تموتي وابوك
سوسن بقهر لما دعت على بنتها وزوجها دفتها على الدولاب وهي جالسه في الأرض وبصرخه: ان شاءالله انتي
جوري وهي تحس ظهرها اتكسررر: الله لايبارك فيكم
شكلكم بتموتني صدق وناظرت رهف وعنود يالله باقي انتووا مدوو يدكم
رهف
حزنت عليها ... وانا اشوف خدها احمرر.. وجع ان شاءالله ..ضربها كف ...قهرني والله ..اكره لما يمد ..يده على احد..
اسلوب همجي .. صح جوري تنرفز بس ..ماله داعي يعطيها ..هالكف انا ادخل غرفتي احسن عشان... اكيد اللحين ..بتهب فيني ...اعرفها تركي يسوي ..شي تحط ألوم. . كله علي ...
: يالله حبايبي تصبحووا ع خيرر
سوسن: وانتي من اهله
عنود : يالله نوم كلنا عشان روحة المزرعه ذي
وهي تمد يدها لجوري اللي جالسه تبكي بصوت عالي تقول حد مات عليها وتحسها جالسه تفتعل البكي اللحين ياصبرر الأرض عليك ي جوري : يالله حياتي عشان تنامي
جوري وهي تبكي: مابي انام وبعدين عندكم اللي يموتوو كذا تضربوه حتى لو فيه روح كف من كفوف البلطجي يموت الله
ياخذكم واحد واحد يهمج ي مدلعين مقهورة حتى في مقلبي ماارتحت ليه كذا ماتضبط شيء معي
عنود: مطوله الأخت تصبحي ع خيرر
جوري رجعت تبكي بصوت عالي فيها قهرر من تركي
ومن عبيرررر.. تركي صعب ..تنتقم منه.. بس عبيرر مقدور عليها
رهف
دخلت شفته ..لسى يناظرر ..في هاالجهازز معه والصوت..كله
جالس ..يتفرج ...شكله لفلم ...اتجهت لمكاني ساكته ..مو ناقصه يرجع يسأل ...
حسيت ..فيه لما قفل جهازه وطفى النورر
وتمدد..جنبي .. واعطاني ظهرة .... ياربي وش ذي الحياة. .
قفلت عيوني وانا اردد أذكارالنوم ..........
@@@@@@@@@@@@@@@@@@
@@@@@@@@@@@@@@
عند عنود
طنشت جوري ودخلت الغرفه وسحبت جوالها بتشوف اتصل او لا بس انقهرت لما... ماشافت اتصال خير خير عنود .. وش تبي فيه ..مع نفسه ..ماتدري ليه مو حابه انه ..كذا يطنشها ..هي تتطنشه صح ..بس هوو لا تحسها ثقيله عليها ..
فتحت جوالها ودخلت الأستوديو وشافت صوره وهو عريس ..
ارسلها لها قبل.. مايروحووا المطار
تذكرت يوم ارسلها
عنود بسخريه يوم فتحتها: مصدق حالك انت
غسان وهو يضحك: ايه مصدق حالي عريس ومن حقلي
عنود:خف علينا ي العريس
غسان بهدوء: خلاص مدام ماعجبتك امسحيها
عنود قفلت جوالها وخلته: وش بيفيد اذا مسحتها مدام عندي النسخه الاصلي
غسان بقهر :وهذا اللي ودك تمسحيه من حياتك صح
عنود بببرود:اذا قلت صح بتفيد شي ولا بتسوي شيء
غسان بعصبيه: هاتي جوالك وانا امسحها آسفين ثاني مره مراح ارسلك
عنود مبسوطه وهي عصببته:هههههههه لا لا خلاص انا امسحها
غسان بقهرر:ايه لاني ماتشرف بصوري في جوالك هذا المنتهي
عنود:ي شين الغرورر بس والجوال ي الله على يدك جيب وحنا مانرفض ي البخيل
غسان بقهرر: عنود كم لك معي
عنود:هههههه خلاص انتبهه بس للطريق لا تروحنا
باقي واري سفره وشوفة دنيا ثانيه
غسان:من توو ماكنتي راضيه
عنود طنشته وجلست تناظر الطريق
ناظرت في الصورة..ابتسمت مع ابتسامته اللي راسمه على وجههه .. ... ...
وبهمس وش تسوي اللحين .... قفلت الجوال بقهرر من حالها..وش دخلني وش يسوي... وقفلت عيونها ونامت
اليوم الثاني
في أمريكا

عند غسان اللي توه دخل الشقه ..اللي جالسين فيها...
رمى حاله ..على الكنبب وناظر طلال اللي ...مقفل عيونه بتعب..: روح نام داخل
طلال وهوو يحس بصداع : اااه تعبان
غسان :على تعبي بس كلام الدكتورر طمني على حالته
احس بفرح
طلال وهوو يحس بقلق: اااه لوو يسوون له العمليه وتنجح
نحس براحه اكثرر
غسان: ان شاءالله بكره يقرر متى تكون اليوم توه وصل
عشان كذا مااعطانا خبررر عن موعدها
طلال :الله يهدي ابوي مااجا يرتاح على الاقل ساعه وانا اجلس بداله
غسان : رفض يقول مافي حد يجلس معه غيري

طلال ضحك : الله ي ليت امي معناا كان قالت غريبه
طلعت مهتم وتحوس كذا بوزها شوي وهوو يقلدها
غسان ضحك على تقليده: هههههه فديتها والله لوو الجواز تبعها مو منتهى كان اول وحدة طلعت الطيارة هي
طلال: ههههه وحشتني والله مدري كيف مانتبهت انه انتهى
والله انها عصبت بس وعدتها اروح ع طول اجدده لها
غسان : روح نام خلاص
طلال :اقول غسان قول انقلع احسن
غسان بصدمه:ليه كذا
طلال:ياخي من اول واناحاس انك ودك تتطردني
عشان تكلم الحب بذات بعد مادخلت خطك اللي توك اخذته
غسان:هههههه طيب مدام انك كذا فاهم اجل انقلع
ماينفع معك الذوق انتت
طلال : تصدق اكرهك لما تسوي فيها ذوق ومحترم ومدري ايه وش اللي غيرك كذاا اذكرك كنت اكبرر صايع فيك يالرياض
غسان بهدوء: خلاص كبرنا ع ذا كلهه وكمان ربك الهادى
طلال: ياخي حاس ان فيه وحدة اعطتك كف او دخلتك شرطه
يوم تعرصت لها وانفضحت في عملك او صار معك موقف وغيرك صح
غسان تذكرر عنود هزرر راسها بلااا وقال بطفش من حكيه : تبي تنقلع من وجهي ولا اشلون ي حبك لتأليف

طلال وهوو يووقف: لا لا منقلع ولا تتطول مع عمود عشان تنام لاتنسى بكره معنا قومه من الصبح عشان نروح المستشفى ذاا اللي ماعرف احكي معاهم فيه وناظر غسان اللي يناظره بطفس تصدق مفروض مانخلي ابوك يرافق مع اخوك
غسان ببرود: ليه
طلال : اخاف يشبك وحدة من الممرضات ويملك عليها وتكون المليون في رقم زوجاته
غسان سحب الخداديه ورماهاا عليه بقهرر: متخلف حنا وين وانت وتفكيرك ذا وين صدق فاضي
طلال ركض لللغرفه بسرعه وهو يضحك يتخيل ابوه
لو يسمعه
غسان تنهد بتعب
سحب جواله اخذه اكيد اللحين عندهم الصبح
وشكلها نايمه خليها ..ورمى جواله بقهرر من ..نفسه ليه ..يتصل عليها وهي حتى ماتعبت حالها.. واتصلت ..عليه وهوو في المطارر ...لانه بعدها قفل جواله وهو في الطيارة...وعارف انهاا ماتصلت ولا فكرت ...بس غصب عنه دق رقمهاا ..وهوو مقفل
عيونه بتعببب...جاه صوتها بعد رابع رنه حس بقلبه يدق وهو يسمعهاا: الوووو
عند عنود
اللي نايمه ونست ماتحط جوالها صامت
سمعت الرنه فتحت عيونها بقوه وسحبته بسرعه عشان ماتزعج جوري شافت الرقم دولي دقت الأخضر وبصوت فيه النوم:الوو
غسان بهدوء :نايمه
عنود وهي ترجع ترمي راسها على المخدة بصوت واطي: ايوه
غسان : معليش ازعجتك .
عنود ضحكت بسخريه: مافي جديد على طول كذا
غسان رمى راسه بتعب على ظهرر الكنب:جدد مسببب لك ازعاج في حياتك ي عنود
عنود وفيها النوم: غسان ليه ماتأجل اتصالك لبعد مااقوم
غسان هز راسه بقهرر: ليه انتي كذا ماتحسي
عنود بقهر وبصوت واطي عشان ماتبي جوري تصحي: مين اللي مايحس اللحين
غسان بصرخه قهرر: انتي
عنود : غسان متصل علي وتقول ي شرر اشترر من صباح ربي خيرر ولا وش قصتك انتت
غسان : لا متصل توقعت اشوف ترحيب غيرر انتي
ليه كذا طبعك ي شيخه حتى مادقيتي علي تقولي ايش صار معاكم وايش صار ع اخوك
انتي عارفه انا وين انا في أمريكا شوفي كيف بعد المسافه اللي بيني وبينك وانتي لسى قليلة حياا ولسانك طويل
عنود قفلت عوينها بقهررر: شوف انت اللي غلطان ليه ماقلت لي عن مو عد سفرك وبعدين مدام اني قليلة حياا على قولك
خلاص ي خي لاتتصل اوف حشرتنا بهالاتصال
غسان: طيب انتي ليه ماتصلتي
او حتى ارسلتي عن طريق الواتس بس كذا سؤال عشان احسس بس
عنود قاطعته بطفش : ي خي ماابي اتصلل غصبب هوو
واخوك ربي يشفيه ويرجعه لزوجته ولكم بالسلامة
غسان بقهر منهاا :اوك عنودد انا استاهل
دقيت عليك انتي مفروض حقك الحقران
عنود بعصبيه : غسان قفل قبل مااقفل في وجهكككك
غسان بعصبيه : يالله اشوف لوو انتي بنت ابوك قفلي
عنود بقهرر:غسان خلاص مابي اتمشكل معك
غسان بصرخه: اوك اقلبي وجههههك أجل وقفل في وجهاا
ورمى جواله ..على الطاوله وهو يزفرر.. بعصبيه قهرته طلعته من طورة غبيه ....من جدد ماتعرف.... تتكلم مع زوجها
وش تبي.. توصل له نفسي.. اعرف حق.. عنادها ذا.. وطولة لسانها

انا استاهل احكي... معاهاا مفروض.. حقي احقرها
بس غصب عني... قلت يمكن زعلانه لاني ماخبرتهاا ..وكمان انا زودتها شوي اوف غسان لا تتدور..لها عذرر رمى ..حاله على الكنب ..وقفل عيونه بتعب .....

عند عنود
ناظرت جوالها بصدمه وقهر ... طيب سيد غسان ..راح تثمن ..هالحركه ..وشوف مين يرد عليك .. من ثاني ..والله اطلعها ..من عيونك رجعت تحاول تنام.... لان باقي شوي وامها راح
تصحيها عشان ..روحة المزرعه ذي اللي ..ماودها تروح...
تكرها صارت بعد
..موت ابوهاا..

@@@@@@@@@@@@@@@@@@@
@@@@@@@@@@@@
عند تركي صحي
وطلع يبي يفطرر مع جدته وامه من زمان
من القعدة معاهم ع الفطورررر
شاف أمه في المطبخ : صباح الخير ي وجهه الخيرر
وهو ينحني ويسلم ع راسهاا
ام فيصل وهي تصب الدله في ترمس القهوة: هلا صبحك الله بالخير
تركي وهوو يجلس على الطاوله: الله وش ريحة القهوة الزينه ذي
ام فيصل وهي تضحك: ههههه اسمع اللحين جدتك بس وشوف العيوب اللي تتطلعها في القهوة والمدح لنفسها محدن يسوي مثلها
تركي :هههههههههه يمه احس جوري نسخه منهاا
ام فيصل: اي بالله نسخه اسكت لاتسمعنا تتطلع من البيت كله
تركي: ااافاا لهدرجه عقدتها جوري
ام فيصل :اي والله وهي تصب له فنجان قهوة: خذ يمه
وش تبي فطور اسويلك هوو
تركي تناول الفنجان : لا يمه مابي لما جدتي تصحى مره وحدة افطر معاكم
اجلسي ابيك في موضوع خاص شوي
ام فيصل وهي مستغربه : وش فيه
تركي بتوترر: يمه ابي اخطب
ام فيصل بصدمه وقفت بعصبيه: ايشششششش
تركي رفع نظرة لها وهوو يشوفها كيف عصبت فجأة: يمه الله يهديك افهمي علي وبعدين صارخي مثل ماتحبي
ام فيصل بقهرر: تركي تعوذ من إبليس
تركي وهوو يحاول يهدي فيها: يمه تكفين اجلسي
وبعدين انا ماابي من بيعد ابي اخت غسان
ام فيصل بقهرر: تركي وش في عقلك انت صاحي
تركي : ايه يمه صاحي وبعدين مافي أحسن من اهل غسان والحق معي مو مرتاح افهمي علي وإذا مو حابه اخت غسان عادي شوفي لي بنت ثانيه اهم شيء اتزوج وبس وبقهرر يمه لا تناظريني كذا هذا الصدق ابي ارتاح يمه مابي مره تحبني عشان خايفة على حالها لاابي مره تحبني انا لذاتي فاهمه علي يمه ابيها ماتشوف وتسمع إلا انا بس موو آخر همهاا وهذاا عذرر كافي على مااظن

في غرفة رهف
صحت على صوت ولدهاااا فتحت عيونهاا
غصب عنها ياربي ي دوب نايمه ....قامت سحبت ترمس المويا الحارة ...شافته بارد مره ..اوف لازم اقوم اجيب شوي حار
مشت بطفش وهي تكلم مشعل ..: خلاص ثواني بس
...يالطيف لوو فتح فمه ... بس وش نقول مين الأبو
وطلعت واتجهتتت للمطبخ بس ..وقفهاا حديثهم ..
وقفت مصدومه من ..كلامه ...ايششششش يبي يتزوج من جد..
ذا.. لا لا افتكرت ..تهديد ومافكرت انه حقيقه..ليه ليه طيب ..

ام فيصل بحدة: تركي وش هالكلام يمه انا مو معترضه على بنت
مين معترضه على فكرة الزواج كله وبعدين وش هالكلام اكيد رهف تحبك وماتشوف غيرك
تركي بقهرر:ليه يمه وش فيها معترضه وبعدين انتي ماتدري وش بيناااا
ام فيصل : تركي لا تعصبني قلت لك زواج ماراح ارضى عليك لوو سويتهاا
تركي بصبرر: يمه تكفين اسمعي مني انتي عارفه إني مو مرتاح في حياتي .وبس مشاكل وانا طفشت خلاص
ام فيصل: لا مرتاح بس انت متبطر على النعمه والمشاكل انت تجيبها لنا ولعمررك
وقوم بس احضرر لك فطوركك واقلب وجهكك عني
تركي بقهر: يمه
ام فيصل قاطعته: اعوذ بالله منك والله ي تركي خطبه مااخطب لك
على بنت عمك تبي تتزوج وانت سويت اللي مايتسوى وكنت تبي تعرض البنت ونفسك لللذبح تذكرر يوم ابوك خلى المسدس على راسك والحين جاي تقول تبي غيرهاا
تركي وهوويحاول فيها: يمه تكفين اسمعي مني انا رهف مراح اتركها وشوفيني جالس اجهزز شقتها عشان يكون لها بيت لحالها
ومايكون شي ناقصها ولا راح اظلمهاا وبعدين لا تنسي انك قد خطبتي لي قبل دلال تذكري يمه وهي على ذمتي رهف
ام فيصل بعصبيه: ايه كان بينكم مشاكل وابوك قالي
روحي اخطبي له عشان يطلق تذكر ولا حاب اذكرك كمان
وقلت لك خطبه ماراح اخطب لك
وبعدين قولي رهف وش فيها ناقص والله انها أدب واحترام وجمال وكل شيء ف أحمد ربك وانكتم عليها
تركي جاا يعترض على كلام امه : يمه حرام عليك افهمي علي وقلت لك ظلم ماراح اظلمها والله
رهف دخلت وقاطعته وقفت بشموخ : اكثرر من كذا ظلم مافي صح
تركي ناظرها بصدمه بس كابرررونزل راسه ........
وناظرت خالتها اللي تناظرها بحزن : خاله حبيبتي اسمعي كلامه وروحي اخطبي معه
محل مايبي

تركي ناظرها بقهر ليه ماصارخت ولا قالت والله مااااارضى حد يشاركني فيك ليه ع طول قالت يالله روحي اخطبي له ناظر امه وبقهر: شوفي يمه حتى هي موافقة
اجل مالك عذرر
ام فيصل بقهرر من ولدها ذا الللي مايحس:قلت لك خطبه ماراح اروح
تركي بقهرروعصبيه :طيب هي تقولك موافقة وش تبي عادد تكفين يمه
رهف بنكسارر وقهرروهي تشوفه كيف يترجى امه: تكفين ي خاله تروحي تخطبي له راح تسوي فيني معروف
وهي تناظره بتكبرر
تركي انقهرر من اخرر كلمه قالتهاووقف بعصبيه:سمعتي بنفسك لا تحرميها من ها المعروف أجل وهزز راسه بقهرر ويقولون ليه تتتزوج
وطلع من المطبخ
ام فيصل تقربت من رهف وسحبت ترمس الموي وخلتها على الدولاب ولفت لها وضمتها بقوه وبهمس: ماراح اسامح نفسي
باللي سويته فيك ودبسدتك بولدي ولاراح اسامح نفسي بالمرة لوو مشيت معه في خطبه وبعدتها شوي عنها وهي تناظرها حبيبتي روحي سوي لولدك رضعته وتجهزي لان شوي ورايحين المزرعه وماعليك فيه وانا معك ي قلبي ودموعك ذي لا تنزل عشانه ومثل ماقلت لك انا معك يبي يتزوج يروح وحدة انا مالي شغل فيه ويالله حبيبتي انا رايحه اصحي البنات .واعطتها ظهرها وهي... تمسح دموعها اللي نزلت عليها وعلى حالها مع ....ولدها حرام تركي جالس يكسرر فيها ...بدون مايحس ....وقالت بقهرر انا لك ي تركي ............. ^
"
"
"
"
كتتتتتتت