رواية أه يا عذابي الفصل الثامن والثلاثون 38 - بقلم Misoo

رهف
ياربي وش هالحظ ضروري اطلع واقابل خشته
شفت تركي ناظرني
تركي وهوو ياشررر لهاا تدخلل
رهف ع طول دخلت عند بيت الدرج وقفت
حسيت بخوف لا تصيرر مشكله اللحين
لماا هالزفت يحذف كلمه على تركي
بس دقيقة كذا رجع تركي
تركي بحده: امشي قلعته من طريقكككك
رهف بخوف منه ماابي اروح عاد مكان
شفت تركي يركب السيارة وقفل الباب بقوه
رهف ركبت بهدوء ناظرت وجهههه كان ملامحمه جمود مدري وش مخبي بس مدام كذ كلمني والله انه معصب يارب لماا
متى بس اصبرر يعني كل ماا طلع فيصل في وجيهناا
تحصل مشكله بعدهاا لا لا وش فيني ان شاءالله مافي
ولا مشكله واتفال خيرر بس والله خايفه منه
وكمان لحالي معه حسيت ألم بطني يرجع
ولما شفته سحب بكت الدخان وسحب وحدة ولعهاا بعصبيه عرفت انه مولع هلا والله اللحين تحملي يارهف قعدت استغفررر
حسيت بكتمه : تركي والله انكتمت من هاللي جالس تشفطه ضروري اللحين
تركي وهوو يسحب نفس من الدخان وقال بغموض: خليني
اللحين في حالي شوي وراح اهدى
رهف
تأكدت انه رمى عليه كلمه كذا ولا كذا وهذا اللحين ماسك نفسه غصب يارب مايعصب علي ايه لو عصب والله ماسكت واقوله انا مالي ذنب ومشكلتك مع ولد اخوك التبن ذا بس رهف تذكري انك معه وحدك مافي احد معك تتقدري تاخذي شوي شجاعه وتتطولي لسانك عليه صرخت
بخوف : تركي بشويش لا تسرع ترى والله من جد بطني يوجعني وانت كمان كذا تخوفني
تركي بجمود وهوو يخفف االسرعه: اوف من هذا االغثا
غثني بشوفته
رهف بصدق: لما متى ي تركي كذا
تركي : وش قصدك
رهف واناا امسح دموعي من تحت النقاب: شوف بس
شوفته وش سوت فيك قلبت مزاجك صح
اناا وش ذنبي في ذا كله متى ارتاح
تركي بقهرر: اناا وش سويت اللحين
رهف وهي لافه وجهااا وتناظر الشارع: سلامتك
ماسويت شيء
تركي بشوي عصبيه: رهف تكفين ماابي اعصب
رهف بسخريه: مو عصبت وخلصت خلاص
تركي وهو يحاول مايعصب: خلاص رهوفه خليناا
ننزل نصلي في المسجد اللحين وهوو يدور موقف
رهف : اوك وكاد شياطينك تهجد
تركي : ايششششش
رهف
طنشته احس اني مقهورة بس شوفة فيصل
وكذا كدرت عليناا جوننننا ياربي كل ماجيت افرح
نط في وجهي أعوذ بالله
نزلناا صلينااا

شفته ينتظرني مشيت ناحيته بهدوء وركبناا السياره
ولا أحد فينا فتح فمه يعني اشلون ياليتني ماجيت معه
وجلست على زعلي بس تعبت من النكد والزعل
اوف وش ذا طفش ع اني انغث من الجلسة مع جوري
بس الللحين تمنيت اني جالسه واهذرر معاهاا ......
اوف طفشنااا وحناا نحاوط بدون صوت طيب سولف
نفسي اعرف في وش يفكرر جالسسس

ناظرته وقلت بهدوء: طفشت رجعني البيت
تركي بطفش : ليه
رهف بقهرر منه: من غيرر ليه واسمع
صوتك كيف طفشان اول وبعدين أسأل
ليه اناا قلت ابي البيت تركي لا نكذب ع بعض
احسك مو طايق حتى نفسك ونفسي اعرف ليه
تركي بسخريه: متأكدة ماتدري ليه
رهف بعصبيه : شفت انت اللي تسوي شكوك في عقلك
وتسوي منها مشكله بس شوف تركي اناا ماعندي استعداد
اللحين لااي مشكله وااه وكمان احس بوجع كل ماله يزيد
حتى صلاة المغرب غصب صليت ف عشان كذا
تكفى رجعني البيت
تركي : كذابه مافيك شيء بس
تقولي كذا عشان ارجعك بعدين وش فيك خليناا نتمشى شوي
رهف بحدة شوي: وش نتمشى فيه كل واحد ساكت من جههه
قلت لك خلني اجيب البنات معي قلت لا
تركي : وش تبيني اسولف فيه يالله افتحي سالفه
انتي واناا اشارك معك
رهف بقهرر: لا والله من جدك بالله جالس تمشي لي
وبعدين من زينك افتح معك سالفه
تركي بسخريه: ايه صح تبي اللي مثلك خبلان ومايحسن
رهف : اي والله وناستي معهم مو معك إلا كل مره يثبتت
لي بس مره انك مو قد كلمتك من توو وش زينك
تركي بسخريه : وش هي كلمتي اللي خالفت فيهاا اللحين ست رهف اتحفينااااااا
يالله نسمع وش عندنااا اليوم لك كله
رهف بقهرر: شفت انك تقهرر و حاله مستعصيه كمان
وتجيب الهم والكدررر
تركي : ايوه بعد وش فيني زود يالله هي من اولهاا
ترى طلعه رومانسيه واللحين ماشاءالله جالسه
انتي تصلحي الطلعه زيادة برومانسيتك
رهف بصدق: تصدق تركي كذا صعبه العيشه معك
وانا عارفه وش اللي قلبك كذا ليه شفت ولد اخوك بس براا
وحنا طالعين ولا تعصبب شوف ماذكرت اسمه
قلت ولد اخوك
وعشان كذا اقولك كذا صعب اناا نعيش في بيت واحد
حناااا وهوو ي انك تستاجرر لي شقه ونطلع فيهاا
او انك تخليني في حالي وعايشه بين خواتك بس مو زوجه لك
لاني ماعندي طاقه اتحمل انك كل ماشفته جيت وسويت جنونك
علي ولا مثل اللحين مكتم وزعلان لاني اناا بشرررر
ولي طاقه واناا ابي اقولها لك بكل صراحه
انااا طاقتي نفذت منك ومنه
تركي بقهرر من كلامهاا وبعصبيه ضرب الدركسون بقوه :انا اللحين وش سويت حق هالكلام كله وكمان بالله صادقه اطلع استاجرر
وبيتي فوق جاهزز يبي له بس اشياء بسيطه
وثانياً تبيني اخلي اهلي عشان حضرتك
رهف تقاطعه : مو عشاني عشان ولد اخوك مايصلح في بيت واحد اقولك
تركي بعصبيه: اقتله لو اطريت ولااا انقل من بيت اهلي
رهف : تركي خليناا واقعيين وش ذي تقتله
وانت صادق اقتل الشك اللي في قلبك اللي ضيعني
وضيعك وبيضيع الللي جاي اللي مدري وش مصيره
في هالدنيااا وحناا كذا ياربي من ساعه ونص بس
وش زينك والللحين شوف النكد ع اصوله
تركي بطفش: انتي وش فيك كذا ماتسكتي
ولازم تنكدي طلعتنااااا
رهف وهي مقهورة وبقوه: اناا اللي نكدت طلعتناا
تركي : ايه انتي ولا فيه
سواليف مثل ذي تنقال مثل هالوقت
وضحك بسخريه قال ايش استاجرر ولا اخليك
عايشه مع خواتي بس ماتكوني زوجه لي
وكمل بوقاحه: لا يكون مسويه نفسك اللحين مو طايقة فيصل
رهف وهي تصرخ بقوه: الله ينتقم منك نفسي اعرف وش قلك عشان هذا كله
اناا استاهل طلعت معك وقلت يمكن تعدل في هالشهرر
وهي ماسكه على بطنهاااا بقوه ااااااه احس سكين ذبحني
والله كله منك
تركي بخوف من صرختها اللي جت فجأه: وش سكينه ذا
رهف وهي تصرخ بقوه لمااا حست بألم فضيع قسم بطنهاا مع ظهرهاا كذا فجااة وبقوه : ااااااااااا اا مو قادره تركي
احس شي يذبح بطني وهي تنزل نفسهاا شوي وتنحني
اااااااا تركي كله منك ذبحتني حرام عليك كلامك يوجع حيل وشوف وش صارر اللحين
تركي بخوف وقلق: والله مو قصدي بس كذا مقهوررو يالله ع المستشفى
ونشوف وش فيه لا يكون تبي تولدي وانتي مو داريه
رهف بخوف وهي تبكي وموو قادره تتكلم من ألم بطنهاا
: لا لا لا تروح المستشفى روح فيني البيت ابي عنود معي
تركي وهوو يلف بسرعه يبي يرجع البيت: ايه وامي لازم
تروح معك كمان هي تعرف احسن من عنود في هالامورر
رهف بخوف وتبكي: يالله بسرعه تركي ابي اموت والله وهي تصرخ بصوت عالي

وهي تصرخ بقوه خلت تركي يرتبك زياده
تركي وهوو يصرخ عليهااا: لا تصرخي كذا
ترى والله مو عارف حتى اسوق
خلاص شوي بس اصبري وهوو يدق على رقم امه يمه
خليك جاهزة طيب ايه ايه يمه تعبانه والله اوك يالله اللحين
رهف حسيت شوي انه هدى بطني سكرت عيوني
واناا احس قلبي يدق بسرعه من الخوف ياربي
معقوله ابي اولد طيب ايذا هذا الم البدايه
معقول كيف لماا وقت الولادة
تركي بقلق: كيف اللحين اشوفك سكتي

رهف واناا اشرر بيدي اني اشوى من قبل بس مافيني اتكلم عليه
هزيت راسي له وهوو فهم ع طول نزلت سحبت الشنطه واخذت جوالي دقيت ع عنود واناا ابكي
عنودبخوف: هلا حبيبتي امي قالت انك تعبانه
رهف وهي تبكي: ايه عنود خايفه تعالي معي
عنود: امي جايه معك واناا صعبه اخلي ميمه مع الخبله جوري
وكمان خايفه اكثررر منك ماعليك امي معك لاتخافي واستغفري ربي يهون عليك ان شاءالله
بعدهاا وصلناا البيت
تركي : يالله ثواني وامي تنزللل
رهف بخوف: لا لا اللحين مافيني شيء
ماابي اروح لاني معاد احس بشي
تركي : لا لا مو مجنون انا اخليك تنزلي البيت
شفت خالتي وهي جايه
بسرعه وركبت السياره
وهي تقفل الباب : كيفك يمه
وش تحسي فيه
رهف بتعب وخوف: مدري حسيت مثل السكين ذبحني
واللحين هدي معاد احس بشي
ام فيصل بهدوء: اقول تركي خليناا ننزل البيت
هذا الطلق بس لسى ماحمي عليهاا
واللحين لوو رحناا وهوو في البدايه كذاا ماينفع
خليناا اناا اعرف لوو حمي ع طول توديناا
تركي :لا يمه والله خايف عليهاا خليناا نوديهاا ع طول اللحين احسن بعدين الدكتوره اخررر مره قالت
انهاا مطوفه حول اسبوع ولوو ماولدت تراجع

رهف قطعت كلامه بصرخه منهااا
تركي بخوف : هااا شوفي يمه والله انهاا تعبانه
ام فيصل : يالله اجل حرك
ونشوف
رهف خلا ص مو قادرة
رجع لي ألم اقوى من اولللل
اااااااااااه يمه
ام فيصل وهي تتقدم شوي وتمسك كتفهاا
وتهدي عليهاا : يمه حبيبتي حاولي تصبري وجع ويروح بس
ماتبي تخوفهااا
رهف وهي تمسك ع ظهرهاا وتقدم زود: لا لا والله مافيني صبرر
تركي بخوف وهوو يسوق: رهف لاتخوفييي والله مافيني
حتى أسوق
ام فيصل بحده:ولد استطلب عادي مافيهااا شيء
هذي اعراض الولادة واللحين بس شوي وبعدهااا
ان شاءالله تفرح بااحسن مولود على وجههه الارض
وانتبههه للطريق وبشويش سق عشان مرتك
رهف
كنت اصرخ واصرخ مدري وش يقووولون
ماحسيت إلا لماا تركي وقف عند المستشفى
وبعدهاا نزلناا واناا خلاص مافيني امشي حتى
من قوة الم بطني وظهري شفت تركي يمشي بسرعه وطلب من
الممرضه كرسي
واناا خلاص احس اني مافيني صبرر
ع طول دخلت غرفة الولادة
كنت كنت اصرخ واصرخ الم فوق بعض
وبعد يمكن ساعتين شفت فيهاااا الموت
كل مره اقول الللحين اكيد اسمع صوت ولدي بس
مافي الطلق يبرد بس بعدهااا خلاص مافيني
عاد الللم طلع عيوني كنت من قوة صراخي
مااسمع وش الدكتورة تقول سوي
وبعدهااا سمعت احسن صوت في هالدنياا سمعته
وسكرت عيوني بتعب خلاص جسمي كله خمل علي
حاولت ارفع راسي شوي اشوف
ولدي الللي صراخه معبي الغرفه
رفغت يدي اشرر ابيهم يجيبونه لي مافيني حيل اصبررر حتى
ينظفنه ابي اشوفه
شفت الستتر تجري فيه بسرعه تنظفه
رهف بتعب وصوت ثقيل وبح من الصراخ: هاتي اشوفه
الممرضة: ثواني بس نننظفه زين
بعدهااا حسيت فيه وهي تعطيني هووو
وخلته ع صدري ضميته بحنان وجلست
ابكي يمه هذا ولدي هذا حبيبي
ااااااه يمه ي ليتك معي ناظرت وجهههه لما رفعته شوي
وهوو يبكي ويفتح فمه بطريقه تجنننن
ياناس ودي اكله بسم الله عليه
وبعدهاا حسيت بتعب فضيع والم في بطني ذبحني
اخذته مني وطلعت
وبعدهاا بساعه
طلعت غرفة التنويم
شفت خالتي فرحانه
تعدلت ع السريرر
ناظرررت تركي وينه ماشفته
ام فيصل بفرحه : يمه مبروك ماجاكم
والحمدلله ع السلامه
وهي تضمهاا ربي يفرحك يمه
مثل مافرحتيني
وهي تعطيهااا البيبي
عشان ترضعه
كان ودي أسأل عن تركي ابي اشوف
كيف فرحته بس قهرني ليه مو موجود
حسيت مافيني اتكلم
وخالتي كانهااا عرفت وش الللي افكرر فيه ناظرتني
وقالتت
ام فيصل وهي تجلس ع الكرسي: يمه تركي
راح ياخذ اغراض لللبيبي انا قلت له وكملت وهي تبكي
بفرحه :والله لو تشوفينه ي رهف
كيف يبي يتجننننن فرحان الله يفرحك يمه
مثل مافرحتناا ورجعت تبكي ياليت ابو فيصل
عايش يشوف ولد تركي الله يرحمه
كان امنيته يشوف ولدك ولده
رهف واناا ابكي يمه تذكرت عمي
: الله يرحمه وهوو ع اسمه ترى مشعل
ام فيصل بفرحه: جد يمه ع اسم عمك
رهف بتصميم: ايه يمه ومافي غيرر اسم مشعلل
ام فيصل : اكيد يمه محد بيعارض وتركي اكيد
انه بيسمي ع ابوه وراح يفرح يمه
وانتي اللي قلتي والله انا ودي من اول بس
ماحبيت اقول لك لاني حلفت معاد اتدخل في شيء
يخصك وبكتتتت بقوه
رهف بتعب : خلاص ي خاله الله يسامحك
واناا ودي افتح صفحه جديده في حياتي معك مع

قدوم مشعل يارب يكون عليناا خيرر
ام فيصل وهي ترجع تضمهاا: يمه غلبتيني بطيبك
صدق انك مثل امكككك
وهي تاخذ عليهاا مشعل وتقول لهاا يمه ارتاحي
يمه
رهف سكرت عيوني
واناا احس بالم فضيع في بطني
مو قادره حتى اتحرك

بعدهاا سمعت صوت تركي يرد السلام
فتحت عيوني وناظرته
شفته جاي ناحيتي
ام فيصل وهي تترك ولدهم في سريره وتتطلع شوي عنهم
تركي وهوو ينزل ويبوسهاا ع راسهاا وقال ببحه: مبروك
ياقلبي
رهف بتعب : الله يبارك فيك
تركي وهوو يرجع يسلم فوق راسهاا: الله يسعدك
مثل مااسعدتيني اليوم الله رهوفه لوو تعرفي
قد ايش فرحان
رهف بتعببب واناا اناظره وهوو قريب مني
: ي ليت والله اعيش في سعاده بقدومه
تركي فهم عليهاا: اللحين نامي شوي وبكره الصبح اجي
اخذك ونروح البيت وبعدهاا
نزل راسه لهاا وباسهاا وقال بصوت واطي
ان شاءالله تشوفي السعادة اللي تحلمي فيهاا
ورفع نفسه وقال: تبي شيء قبل مااروح
رهف بتعب : لا لا بس شوف خالتي
يمكن ناقص شيء البيبي واناا مااعرف مثلهاا
تركي وهوو يناظره: قالت لي واخذت له كل اللي قالته لي
وهوو ينزل يسلم عليه وناظرهاا نفسي احمله بس خايف
يصيرر فيه شيء
رهف بسخريه: بالله خله مو مضحيه بولدي اناا
تركي بتريقه: ههييي من زينه شوفيه كيف
يالله ربي يحفظكم دقي علي لو تبي شيء
وهوو يناظرر وراه إلا وين امي
رهف بتعب : مدري
وشفته طلع وبعده خالتي دخلت وقالت انه راح
سمعت ولد ي يبكي نفسي احمله بس
مافيني شفت خالتي مسكينه نايمه بتعب ونومتههاا مو مريحه مره ناظرتهاا وتكلمت بتعب: خاله هاتيه
وانتي نامي
ام فيصل وهي تحمله: لا يمه نامي انتي
شوفي شكلك تعبانه وخليني مع هالنتفه
وقالت وهي تضحك شكله مثل ابوه سبحان الله
رهف
هزيت راسي بهدوء وبعدهاا فعلن نمت بتعبببب
بعدهاا يمكن ع صوت اذان الفجرر صحيت
ااااه جيت اقوم لللحمام الله يكرمكم مافيني احس بسيكاكين
تكلمت بصوت واطي عشان خالتي تصحى تمسك معي
لاني كل ماقمت حسيت الدنياا تدورر فيني
اتعبتهاا مسكينه معي والله ماانسى لهاا هالمعروف
والله طول الليل مانامت كان مره ع الجوال البنات
ساعه وحدة دقت ومره تركي وهذا ولد ابوه مزعجناا بصراخه مدري وش فيه
ياربي احس نفسي لسى في حلم يعني
اناا اللحين ام
بعدهاا رجعت نمت شوي بعد ماخالتي غصبتني
ع كوب حليب يمه بغيت استفرغ بعده الله يكرم النعمه
بعدهاا نمت ماحسيت إلا ع صوت خالتي
وهي تقولي قومي يمه تجهززي تركي جااي
والدكتورره جايه تكشف عليك عشان تتكتب لك خروج
بعد فعلنا كتبت لي خروج

وجى تركي
وشفت تركي مره فرحانه كان
وصلناا البيت بعدهااا
وشفت البنات في استقبالي
جوري وهي تجري بسرعه ناحيتهم: هاتي هاتي
انتي يع ماابي اسلم عليك
رهف ضحكت بتعب واناا ماسكه في تركي
تركي وهوو ماسكهاا من عند كتوفهاا : اقول ابعدي
خذي هاالنتفهه اللي اتعب رهوفتي
رهف بسرخه وبصوت واطي: اتعبتني انت قبله تجي عليه
تركي : ماعليه تحملي وضحك
عنود وهي تضمها وتبكي بفرحه: والله بغيت اموت امس
يوم قال تركي لنا انك ولدتي وكان ودي انا اجلس معك بعد الولادة بس امي عيت علي مااجي
عشان ميمه
وهي ماسكه فيهاا وتمشي فيهاا
ودخلتهاا غرفتة تركي
الجدة وهي تتدخل وعصاتها في يدهاا تقربت من رهف
: يمه مبروك وهي تسلم عليهاا الحمدلله على سلامتك يمه
فدتيس خلعتي قلبي امس مصدقت وهالخبل وهي ترفع عصاتهاا
تبي تضربه يعطيني بشاره
تركي وهوو يمسك العصاا : اقول يمه لو سمحتي
لا اسمع انك تغلطي ع اناا صرت اب اللحين
جوري وهي تحببب في البيبي: وع مو لايق عليك
اقول شوفووا من اللحين ابي اقول لكم شيء
ترى البيبي لي وانتم اكيد مو فاضين ولا تسالووا
احسن عشان امااحرجكم واقول
تركي بقهرر: لا بالله قولي حلفت
جوري : بدون زعل سيد تركي
ومدام رهف لانكم اكيد مو فاضين له
طول اليوم هواش ومناقرر وهي ترفع حواجبهاا بطريقه
تستفززز وكمات تصلل لللطررد واناا مو مستعده
اشوف ولد اخوي يتبهذل يكفي عفش امه مسكينه
كل يوم في مكان
عنود وهي تاخذه منهاا : هاتي هاتي بس اشوفه زين
الجدة بقهررر سكتتتهااا بضربه قويه ع راسهاا : تسلبه صدق
ومافيك حيااا وحدتن طالعه من نفاس كذا مباركتس لهاا
تذكريهاا باللي يكدرهاا صدز علومس خايسه
جوري وهي تصرخ بقوه وبالم : ليه يمه كذا اكره في
حياتي الغفله كان قلتي جوري تعالي هنيه وهي تقلد جدتها
وانطاس بهاا العصى والله كان جيت بدون هالتغفلل
اوف ناس متخلفه ي حبهم للمكرر عوذه منهن
تركي وهو يضحك بصوت عالي: ياحبهن للمكرر
والله رهيبه ي جوري هالكلمه
جوري بقهرر: لو سمحت لا تضحك علي وانت شايف
نفسك من تووو قال ايش اب
اقول ناظرر ولدك زين تقول ضب
رهف بقهرر:ضب في عينك ي الخايسه
تركي وهوو يناظرر رهف: حبيبتي لا تعصبي اللحين
اناا اربيهاا شوفي ثاني مره
لاا سمعك تتريقي في ولدي فاهمه
ولا تقولي عنه ضب حتى لو يشبهه الضب
فاهمه خلاص بدون تجريح
رهف بقهرر : يقال تتدافع انت اللحين
والله ي ليت فيني حيل بس
لكان عرفت كيف ارد عليكم
جوري : الحمدلله ومافيك حيل وكمان صراحه اكيد تفشلت ي خوي في المطعم اللحين بالله كيف شكلك صارر
تركي: اوف ي هي فشله من قلب بس ربي سترر
وماولدت في المطعم بس ترى حرمت عليهاا اي مطعم عاد
جوري : صراحه من حقلك إلا وحدة معنده ماتولد لهاا اسبوع مطوفه ويوم جت تتطلع ي خوي وتبي تسوي جووو رومانسي
وتعزم يقال اللحين تقوم تفشلك كذاا

رهف بقهر وبتعب : اقول انتي وهوو لا تالفن قصصص
من عندكن وبعدين اي مطعم رحناا حنااا ي تركي
جوري : هههههههههه يعني مارحتي الله كذا اناا انبسط
رهف طنشتهاا مافيهاا تجادلهاا ......
الجدة بعصبيه: نفسي ياربي اعرف ليه انتي كذا
دايم البنت نفاس مقدرت تتكلم عليك وانت الثاني مثل الخبل جالس تعايرر مع وجهكك انها فشلتك
جوري بطفش: تكفين ميمه لا تبدي اللحين يكفي قهري من امس
الحدة بعصبييه: وش اللي قاهرتس يجعل العدوء ينقهرر
جوري: ليه رهف تروح مطعم وانا لا خيانه صح
الجدة بعصبيه: استغفر الله بس رجال مع مرته وش لك انتي
تركي : يمه خليك منها ولا تسمعي لهاا انا مجنون عشان اطلعهاا
من ثاني
عنود وهي تناول رهف مشعل: وتبي تغيرر الموضوع: خلاص صدق سامجه انتي ولا وش سميتي هالقمرر بسم الله عليه
تركي عياا يقول يقول مفاجأة هي تقول لكم
رهف اخذته منهاا وواناا ابوسه وحسيت واناا اقول اسمه
عيوني دمعت قلت بحزن: مشعل
عنود وهي تبكي وتضمهاا: فديتك رهوفه وانتي سميتي ع ابوي
جوري وهي تجي كمان تضمهاا: تصدقي توقعت تسمي ع ابوك

والله احبك رهفف
تركي وهوو يوقف:
مممكن برااا
شاف جدته تناظره بقهرر : خيرر ياالعجيزز
ابي زوحتي تترتاح وابي انام شوي
الجدة وهي معصبه: روح نام في غرفة امك
ولا المجلس حنا اليوم مستحيل نخلي رهف
النفاس يبي لهاا مداره وانت فارق
والطردة لك مو بلناا ويالله من غيرر مطرود
جوري بصوت علي تضحك: ههههههههههه
ايه يمه اعطيه يقال يطردناا انطرد هوووو

رهف
بعدهاا الكلل راح وطلع من لغرفه
مافي إلا عنودد وخالتي جلسووا عندي في الغرفه شفتهم
وهم يبيون يغسلوو شعول بس اناا حسيت بنوم
وبذات الما حسيت بالم بطني خف لماا اعطتني
عنود حبوب مسكن بعد الغدااء
بعد صلاة العشاء
ام فيصل : قومي يمه كلي لك شيء نايمه من العصرر
رهف بتعب: والله مافيني ي خاله والله مو هذا ك النوم
ام فيصل : لازم تاكلي عشان ترضعي ولدك وتتقوي شوي

قمت اكلت غصب
وقلت بهدوء: وينه تركي لسى نايم
ام فيصل: ايه يمه لسى نايم
قام صلى ورجع نام
رهف هزيت راسي بهدوء
واناا اناظرهاا حسيتهاا استانست لما سالت عن تروك
رحت للحمام واناا ماسكه في يد خالتي
وبعدهاا رجعت ع السريرر وقلت وانااا اناظرر
الغرفه: ليه البنات كلهم نايمين
ام فيصل: ايه صاحين من امس مواصلين لماا اللحين راحوو نامووا وانا طردت عنود كان نايمه عندك بس قلت لهاا
اخاف ماتعرفي لمشعل لو جلس يبكي او شيء
واناا ابي انام عند بنتي وهااالاسبوع كله نايمه عندهاا ونطرد تركي هههههههه
رهف ببتسامه: ماتقصري ي خاله الله يعافيك
وقفتك ذي ماانساهاا معي
ام فيصل بزعل: افااا انتي عارفه وش مكانتك
انتي قبل ماتكوني مرة الغالي انتي بنتي وهي ترفع
شعول يكفي ربي فرح قلوبنا بهالقمر بسم الله عليه وهي تسلم عليه
رهف : تسلمي والله
وسكتتت احس اني اخجل منهاا كثيرر عكس جلستي
مع البنات تمنيت كمان عنود نايمه معي عشان اقدرر
اقولهاا واطلب منهاا اي شيء لاني استحي اثقل ع خالتي
بس والله ماراح انسى وقفتهاا معي صارت لي مثل امي اللي تمنيتهااا في هالموقف شفت خالتي ترضع مشعل وتمددت
بجنبي ع السريرر ونيمت مشعل في حضنها
شكلهاا بتحبه اكثرر من تركي ههههه راحت عليك تروك
ناظرته ولدي فديته ياليت اقدر اشيله وأحببب فيه
بس مافيني رجعت سكرت عيوني ابي انام بس
بعدهاا سمعت همس قريب مني فتحت عيوني وشفت تركي قريب مني جالس

تركي وهوو ينزل يسلم عليهاا وبصوت واطي : اخبارك اللحين
ان شاءالله احسن العصرر لما صحيت اتغدى سالت عنك عنود قالت اخذتي مسكن ونمتي
رهف وهي غصب تفتح عيونهاا: الحمدلله تمام
انت وش مصحيك اللحين
تركي وهوو يناظرر امه ولده: ابد بس شبعت نوم
وشوفي كيف امي فرحانه في مشعل
رهف هزيت راسي: ايه مره الله يخليه لنا يارب
فرحنا كلنا بقدومه موو والله عندك حكي ثاني
تركي هوو يغمز لهاا: افاا ماعندي كلام بعد كلام ام مشعل
رهف ضحكت بتعب: ام مشعل
تركي : ايه صرتي ام خلاص
وياليت تعقلي بس
رهف وانا اعض شفتي بقهرر مافيني ارد عليه: تركي ارجع نام
احسن
تركي : لا ماراح انام جاي اللحين لي غسان ورايح الاستراحه
مسوين عشاء لي
هوو اللي مزعجني وصحاني
وكمان بكره الصبح رايح اخذ سريرر لمشعل
وكمل بقهرر: لو انك بس كبرتي عقلك شوي قبل ماتولدي
كان رحناا اخذنا وش الللي ناقصه
بس وش نقول سويتي لك زعل لمدة شهرر ومااخذناا له شيء
رهف بقهر وهي تدفه عنها: تركي براا اكيد غسان اللحين
جاااا
وكمان راح تصحي امك وهي والله مسكينه ي دوب نامت مع ولدك
تركي وهوو يناظرر امه برحمه: فديتهاا مافي مثلهاا في كبر قلبهاا وياليت بس تقدر ي هذا الشي ي رهف
رهف فهت عليه وش يقصد:والله اني مقدرة ومسامحتهاا من كل قلبي ولا تنغزز بالحكي اوك ولاتتفتكر نسيت وش قلت قبل ماولد
تركي بقهرر وتهرب من الموضوع وهو يوقف : ايه تسامحي اللكل بس اناا لا وماقلت شيء لا تجيبي من عندك
رهف سكرت عيوني وطنشته وهوو طلع من حاله
اوف بالله اللحين وقت كلامه هذا دايم يخرب كل
للحظه حلوه الله يهديه بس .........................
بعدهاا باسبوع
كلنا جالسين في غرفة الاستقبال
دخلت جوري بسرعه عليناا وحناا كان نسولف
ماشاءالله الغرفه توهاا فضيت من الجيران
مابقي الا تهاني وخالتيوعنود وميمه يتقهون
: بربكه: تصدقووا تركي اللحين اتصل علي ويقول
اهل غصن جايييبن يبووون يسلمووا ع رهف
تهاني : مين غصن ذا
ام فيصل بهدوء:حياهم الله اعطيني الجوال اتصل ع تركي
تهاني : قولووا اول مين غصن ذا
رهف
ناظرت كيف عنود مبلمه وشكلهاا مصدومه
واسمعوواا وش تقول الخبله جوري
جوري : معليش تهاني مافي وقت اقولك مين
لاني رايحه اعدل نفسي
يمكن هالمره الغصن يطلع منه فرع وياخذني
ام فيصل : قصدهاا ي تهاني غسان
تهاني وهي تناظرر عنود وتقول لها بصوت شوي واطي :قومي

عدلي نفسك زياده
عنود بصرخه عصبيه: اعدل نفسي ليه مين قال اني بااجلس

ومن زينهم عاد عشان اتعدللل مالت عليهم ناس غثى
أعوذ بالله هذا مايفهم هوو واهله انااا مانبيهم
الجدة بعصبيه:والله اناا اقول هالعصاا دايم
للخبله جوري اترايك انتي تبيهاا كمان
تسخلخ جلدك ذا فيه حد كذا يقول عن ضيوفه ياقليلة الحيا
عنود وهي توقف تبي تتطلع من الغرفه
ام فيصل بصرخه:عنود قسم بالله لو ماتروحي
المطبخ وتسوي قهوة زياده هااه كمان هاتي ضيافه زياده
ورتبيهاا هنااا وترجعي تنثبري مكانك وانتي الللي تضيفي
ولا والله كلمه لتركي اللحين ويجي ويعطيك المقسوم
اللي يحبه قلبك
عنود بقهرر ودموعهاا في عيونها: ليه يمه كذا
ماابي اشوفهم اوف غصب يعني حرام والله
وبعدين ليه مايفهمن هذولاا يجيون كذا خبط لزق
نعرفهم وحناا ماتدري
ام فيصل بحده : بنت اقصري الشرر وسوي اللي قلت لك عليه بسكات
الجدة بحدة : اي يمه روحي احسن لك
رهف
ناظرت عنود بحزن حبيبتي ي عنود
والله حاسه فيك اصعب شيء الغصب
وبذات ع الزواج شوفووا حالتي اناا مدري وش اللي راح
يصيرر مع قدوم حبيب قلبي فديته ناظرته في سابع نومه
بس ولد ابوه الليل مايخليني انام والحين محد قده مسوي
فيهاا مؤدب ونايم
تهاني وهي تقوم ترتب شوي الغرفه زين
: اقول والله من جدهاا عنود غريبه هالزيارة
ام فيصل بغموض: اكيد عشان ان تركي خوي
ولدهم وجايين يباركن له
تهاني : غريبه توقعت لو فيه جيه يمكن يجن بكره لسابع
وللعشاء اللي مسويه تركي
كمان بعزيمه ان تركي يعزمهم
الجدة بطفش:لا بالله وش فيكم اليوم من تووو عنود
وانتي بدالهاا الحين ي ام السنع
تهاني وهي تضخك: هههههههههه حياهم يمه لا تعصبي
ومالك الا ابيض وجهكك كمان منهن
الجدة بهدوء:ايه هذي تهاني اللي اعرفهاا
ام فيصل وهي تتطلع ع مشعل : نايم غريبه مافتح فمه
رهف بقهرر منه: والله يتجهزز لليل صايرر عسه بسم الله عليه
الناس نيام وهوو حارس عليهن
تهاني :ههههههه بسم الله عليه اجل لو جربتي التوأم وش يصيرر فيك طلعوواا لي قرون اناا الله يخليهن ويصلحهنن
الجدة: ان شاءالله المره الثانيه تجربهن
رهف بتعب وخوف: لا لا توبه ماابي عاد
وبعدهاا سكتت وجلست افكرر في تركي
هل ي ترى بيجلس ع طول كذا حبيب ومايعصب
وفرحان طول الوقت يعني اقول انتهت معاناتي معه
ولا ترجع انتوو وش تقولوووا
قطع ع سرحاني دخول الخبله جوري فتحت عيوني
ع وسعهن :وش مسويه بعمرك انتي
جوري بقهرر وهي تحاول تهجد شعرهاا: اسكتي احسن لك
ترى حدي معصبه مدري وش في شعري اليوم
وهي تناظر جدتها شكلهاا عينك ميمه
ادري فيك من زمان تتتمني شعري صح
الجدة بسخريه: ايه يمه مره اتمنى الله لا يبلاناا بس
تهاني : هههههههههه جوري حبيبتي شعرك مره يجنن
واناا عشان خايفه عليه ودي ترفعيه عشان يختي الناس
مايخافن الله في هالزمن والعين حق ي قلبي
جوري بقهرر وهي معصبه: اقول مالك دخل خاليك في حالك
وبعدين من زين شعرك ي ام سنون انتي ومن زين شعرر بنتك سمورر اللي مافيهاا خيرر لا تجي تساعد ولا شيء
قومي دقي عليهاا خليهاا تجي عشان اناا مو فاضيه اقوم اساعد عنود
الجدة بسخريه: وش عندتس بس وش هالشغل اللي ققطعس
وخلاك مو فاضيه
جوري وهي تجلس ع الكنبه بدلع وتميل شفتهاا : عاتي يمه
ماعندي شيء بس عارفه اللحين لما راح يجوووا راح يلزقووا فيني ومايخلوني اقوم من عندهن
رهف وهي تقاطعهاا: والله مدري مين يلزق فيهن
جوري وهي لسى تتكلم بدلع: اسكتي انتي مالك دخل
اوف ناس تبيني اعصب غصبب وهي ترمش بعيونهاا
تهاني بقهرر : لا بالله ماتجلسي بهالكشه قومي سرحي شعرك زين
جوري بعصبيه: وش دخلك انتي ماعليك فيني يمه تعالي شوفي مرت ولدك اوف الواحد مايقدر يتدلع عندكم كل ماجيت اضبط الدور اني دلوعه خربتووا علي
تهاني بقهرر: طفله انتي عشان تصارخي ع امك
احسن طنشتك وماجت قومي غيري كمان لبسك مره مو لايق كان اول احسن وبعدهاا تتدلعي ع كيفك محد مفتكرر فيك
رهف كنت اناظرهاا وش عامله هذي في حالهاا
يقال حاطه مكياج الغبيه ماتعرف ودايم اناا احط لهاا ولا عنود
شوفووا لابسه اخضرر فاتح لونه حلوو يعني موشين
وحلو طلع عليهاا بس كان ضروري هالظل اللخضرر وياليته
نفس لو الفستان لا افتحح بكثير والبنت ملامحهاا بيبي
فطلع عليهاا مو شيء ولا كشتهاا يقال ايش هي مجعدته غبيه من جد واضح انه شعرهاا جعد والله ان اول شكلها كان احسن
الله ي جوري يعطيك عقل قلت بتريقه: جوري تعالي هنا
جوري بسرعه وهي ترفع يدهاا: لا حول ليه كل مااجيت ابي اتقمص دور الدلوعه تخربن عليه وبعددين من اللحين والله مااخدمك في شيء
خلا ص بلى دلع يقال مافي إلا انتي ولدتي ترى مليناا والله
رهف بقهرر: شوفوو كيف اكلتني بقشوري تعالي ي خبله
ماابيك تخدميني ابي اتأكد من مكياجك
جوري بثقه: كيف بالله اعجبك صح تصدقي
والله اني ندمت يوم ناظرت نفسي اللحين في المرايااا
اثرني اعرف وكنت مسلمه لكم وجهي انتي وعنود تلعبن فيه
تهاني : هههههههههه ابوك ي الثقه
رهف بقهرر: الله ياخذك روحي تاكدي وراح تعرفي مين اللي لعب
جوري وهي تغني بدلع: حسادي كثارر لاني حلوه
اموووواه ع شكلي فديتني
الجدة وهي تناظرهاا بسخريه: طيب بس خلي امتس
تجي من المطبخ : والله اخليهاا تتطردك من اول وانا ساكته عن دلعس ذا
جوري بسرعه قفزت عند جدتهاا :تكفين يميمه لا
والله ودي اشوفهن بس واطلع اناا
الجدة بقهر:وتقابليهن بهاا الشكلل وهي تتاكد من وجهااوعيونتس وش فيهاا كذا
جوري بقهرر : هذا ظل يمه اوف انتي وش يعرفك اللحين
تهاني بقهرر منهاا وفشله كمان: والله ي جوري راح يضحكن عليك احسن شي غيري هالللون بذات ظلك ماله داعي
شوفي فستانك حلوو ورايق ولونه يالله نحاول نبلعه
بس الظللل ذا ماله داعي لو حابه يقال تتطقمي كان حطيتي كحل اخضرر بيطلع يجنننن عليك احسن من ذا ماساكه الجفن كله ظل ولونه فاقع مره والله باقي شوي وحواجبك تتغطى كمان يالله الله يهديك امسحي مكياجك وارفعي شعرك اناا حاسه فيك ودك تفلي شعرك بس لاتزعلي شعرك
جوري بقهرر: اسكتي لا تكملي وبعدين انتي وش يعرفك في الموضه
رهف بطفش: تكفي لا تكلمي مريام فارس ومدري ايش وانها ومدري مين يقلدك
تهاني : مريام فارس لايكون مششسبهه نفسهاا فيهاا ابي انتحرر
جوري بقهررمنهن: ايه واحسن منها كمان عندك مانع ست تهاني

تهاني بقهرر: ؛ والله ماعندي مانع بس لو ضحكوا عليك
مشكلتك بعدين انتي ليه ماتعرفي تكشخي هاا
جوري وهي ترمش بدلع: اعرف بس انتي وش يفهمك في الكشخه المجنونه
رهف : اول مره اسمع عنهاا هالكشخه
جوري: كذابه انتي علمتيني بهااا
تهاني: رهف طنشيهاا احسن بس ابي اقولك والله مع هالشكلل ماراح يمتد ولا غصن ع قولك ولا فرع حتى
جوري: اعوذ بالله منك ليه كذا وش هالتحطيم
ام فيصل تدخل عليهم قطعت عليهم
عنود وهي داخله وفي ديدهاا ترمس القهوةوحطته بعصبيه
واضحه للجميع وبحدة: ياليت يمه وجدة تخلوني اروح
والله ماابي اشوفهم
تهاني بهدوء وهي تناظرها: عنود حبيبتي ليه كذا معصبه
انتي رافضه ولدهم وماعليك فيهن يجين يسلمن هم ويروحن بس
وش هوله هالتعصيب كله
عنود بقهرر: معصبه لان الزفت خطب مره ثانيه
جوري وهي فاتحه عيونه وبصرخه: ايششششششش
ي سلام واناا ماعندي خبرر اااه ي كشختي
رهف واناا اقهرهاا: اجل اللحين عندك خبرررصح ياليت تروحي
تبعدي مكياجك وياليت كمان ماتتدخلي يكون احسن
جوري بقهرر: قسم بالله لو ماتسكتي قمت فغست ذا معك
واخليك تحرمي بعدهاا تحكي معي
وهي تناظرر عنود بعصبيه: يالزفته متى رجع خطبك هاااا
ام فيصل بقهر وعصبيه : وش عندك انتي خطبهاا ولا لا
وقطع عليهاا صوت الجوال : هلا يمه تركي
حياهم يمه اللحين نستقبلهم
وقفت قووموو ا ي بنات عشان نستقبلهم
جوري اول وحدة قامت امهاا رجعت جلستهاا بقوه
وبحدة : اجلسي انثبري مكانك ولا اقولك قدامي بس ع غرفتك
جوري تشرد ع طول وتتخبى وراء رهف
رهف : ههههههه خبله ابعدي وجع
شفتهم كلهم راحووو يستقبلوووا اهل غسان
حبيبتي ي عنود مغصوبه انهاا تستتقبلهن
وخلاص ومفروض تكبرر عقلهاا شوي وش ذنبهن اهله
ام فيصل وهي ترحب فيهن وتتدخلهن مجلس الحريم
: تفضلووو حياكم الله توو مانوور المكان بوجودكم
الجدة وهي ترحب فيهن: هلا فديتكم تفضلن
بعد ماسلمت عليهن كلهن جلست ام غسان ع اقرب كنبه
ام غسان بكبرر شوي: هلا فيكم
وهي تناظرر بنتهاا سارة تعالي هناا ماماا اجلسي بجنبي

سارة بدلع: تيب ماماا وهي ترفع شعرهاا الللي قاصته
كاري
جوري بصوت واطي : وع وش ذي الملاغه
دلع تيب ماما
رهف بقهرر منها لا يسمعن : انكتمي عمى يمكن يسمعووا
اللحين والله خالتي راح تعصب عليك
جوري بصوت واطي : وين تسمع وهي جالسه

ع الكنبه الللي بجنب الباب تقول حارس هههههه
رهف دفيتهاا تبعد عني : جوري قومي خليني في حالي
لا تفشليني وبعدين مزحمتني ع السريرر ذاا
جوري : شوفي شوفي عنود وجهااا احمررر اخخخ
مسكينه وش فيهاا احس هالخبله مصدقه نفسهاا بزياده
يقال جاين الللحين يخطبن غبيه من جد هالبنت تفشل
ياليتهاا مو اخوتي
رهف بقهرر ومتفشله يناظرن فيناا وهذي تساسرني
واحس خالتي مقهور كمان منا: وانتي ياليتني مااعرفك مره
الله يقلعك أعوذ بالله منك ماتعرفي تفكري ان فيه ضيوف وتجلسي عاقله
جوري وهي فاتحه فمهاا وبصدمه : رهف شوفي والله
انهاا نافخة شفتهاا شوفي شوفي
رهف بفضول ناظرتهاا زين: حرام عليك هي كذا
شفايفهاا كبيره لا نفخ ولا شيء
جوري بققهرر: غبيه ناظري زين
الجدة: والله انا فرحانين بجيتكم وبكرة كمان لازم تجووو
عشان السابع
ام غسان وهي تحط رجل ع رجل: ان شاءالله اذا كنا فاضين
ابشرووا
ام فيصل: لا ان شاءالله تجوووا
الجدة: انتم خلاص هناا معاد تروحوو جدة
ام غسان: لا بعد مااخذ هنا ابو غسان فله معاد راح نسكن في جدة بس اروح زيارة عند اهلي
الجدة: ايه يمه ماعمري شفتك عند ام رجلك هنا في حرتنا
وعشان كذا سالتك
ام غسان: ايه من زمان في جدة مافي إلا ولدي غسان جاا درس
عند جدته المتوسط و الثنوي وجلس عندهاا رفض يرجع جدة
وهي تناظرر في البنات : ماعرفتيناا في بناتك وهي تناظر ام فيصل
ام فيصل وهي تاشرر: هذي تهاني زوجة ولدي الكبيرر
وهذي رهف زوجة تركي خوي ولدك
وهذي عنود بنتي وهذي قطعت عليهاا
جوري بلقافه: وانااا جوري الاولى ع دفعتي في الجامعه
وشغل البيت كله ع راسي وهذولا كلهن مايعرفن يتحركن بدوني
وكملت بدلع بس اناا عندي عاتي عاتي حلااا ع قلبي وانتي ماعرفتيناا ع الحلوه اللي معك
ام غسان: هذي سارة بنتي
جوري : ماشاءالله ماتشبهك انتي احلاااا واللي يشوفكم تقول اختهاا مو امهااا ماشاءالله عليك

رهف
حسينا بفشله لا لا جوري تكفين اسكتي
شوفووا الغبيه يقال تمدح فيهاا عشان تكسبهاا يقال اللحين

بس الغبيه ولعت في البنت في وجهااا كذا تقول انتي أحلى
ياربي نفسي اعرف متى تعقل لا لا شوفووا
نظرة خالتي لهااا كيف والله راحت فيهاا أجل
ام فيصل وهي متفشله وقفت :جوريي تعالي ابيك
جوري وهي تمشي بدلع يقال عشان تلفت نظرهم
وقالت مثل بنتهاا: تيب ماما شفتوووا انهاا ماتقدرر تستغنى
عني وهي تمشي بدلع وتهزز خصرهاا بحركة تضحك بس هي فاهمه غلط
رهف
مسكت نفسي غصب ودي اضحك كان
لا لا لا جوري تكفين إلا هالمشيه مو وقتهاا
مدري من لاعب بعقلهاا وقال لهاا مشيتك ذي تجنننن
اااه ياربي شوفي كيف تقول بشعرهاا لا لا يمين شمال كمان
خبله احس البنت وامهاا يناظرن فيهاا ودهم يضحكن والله
ناظرت تهاني احسهااا هي كمان ماسكه نفسهاا غصب
بس الجدة معصبه حيللل والله
فشلتناا اااه لو يدري تركي كان ذبحهااا هي وهالكشه
ولا عنود تقول في عزاا وهم كمان متكبرين شكلهم حيل
يارب تهدي تركي ومايغصب عنود والله ولما خالتي قالت عنود
احس انهااا ناظرتها بحقد وقهرر أعوذ بالله منهم
لان شكلهم مايتعاشرن شايفين حالهم بزياده
بس امه ماشاءالله عليهاا تقول اصغرر من بنتهاا
الشعرر اشقرر ومكياج كامل معقوله طيب مقهورين من عنود ليه رفضت ولدهم غريبه دايم يجي يخطب لحاله وكمان يقول لتركي يعني مافي خطبه رسمي ولا حد يدري إلا اهل البيت بس اكيد قال لااهله انهاا رفضت ......................
انتهى البارت