رواية أه يا عذابي الفصل الثاني عشر 12 - بقلم Misoo

يابوي ليتك حي وتشوف حالي تشوف وش هو صار من بعد فرقاك
صار الوطن بعدك سهير الليالي صار الوطن غربه بعد مافقدناك
حدتني الدنيا وانا راس مالي اني عزيز النفس مثلك وشرواك
مافي شي في حياتي صفالي حتى الورد ان جيتها صارت اشواك
اطيح واحمولي عليه اثقالي وانخيتك مديت لي كف يمناك
بعدك ولامره ارتاح بالي اصفق على كفي ندم واتحراك
من ضيعتي ياكم اصدق خيالي واقوم وادور عنك واقول بالقاك
اضيع بالعالم وهي سؤالي هو انت وينك ليه معاد شفناك
ادري لو انك حي ياعزيز غالي يمديك تفزع قبل ماجيك وانخاك
ويلاه ياحالي وماهو جرالي ويلا ه ياقلب تعذب في طرياك
واليوم من عقبك وش اللي بقالي غير اني ادعي ربي يغفر خطاياك

ابو فيصل // ايش حامل ومن مين ياكلبه
كلنا انفجعنا من الصوت بس عمي مااعطاني فرصه على طول تهجم علي بالضرب
يالله مو بهذي الطريقه مفروض يدري اخخ احس اني راح اموت في يده حرام عليك
ياعمي حتى انت كذا تسوي فيني من غير ماتعرف ايش اللي صار
عنود وهي تحاول تسحب رهف من يد ابوها // خلاص يبه راح تموت في يدك
ابوفيصل وهو معصب // خليها تموت احسن
عنود / / خلاص يبه خلني افهمك
ابو فيصل بصوت عالي // ايش تفهميني هذي لابد تموت
عنود وهي خايفه على رهف شكلها اليوم راح تموت في يد ابوها // يبه تكفى
ابو فيصل وهو يدف عنود // انقلعي عن وجهي خليني اربيها هالكلبه نجست شرفي
عنود وهي تخاول مره ثانيه تسحب ابوها // يبه والله هو السبب هي مالها ذنب
ابو فيصل بعصبيه // قولي مين السبب ومن مين حامل هالزفت
عنود وهي خايفه تنطق // يبه اهدى طيب عشان اقدر اقولك
ابو فيصل وهو ثاير // انطقي قبل ماخلص عليك انتي الثانيه
عنود وهي تترتجف // تررركي
ابو فيصل وهو مصدوم // اييييشش
رجع سحب رهف تركي يارهف مع تركي مع ولدي تخونيني وتخوني التربيه
اللي ربيتك هيه ماعمري قصرت معك في شيء خليتك احسن من بناتي
قولي انطقي كيف صار كذا وهو يدفها على الجدار
عنودوهي تبكي // يبه حرام عليك مستحيل رهف تخون تربيتك بس والله
يبه كله من تركي دايم يتعرض لها
ابوفيصل بصرخه // انتي انطمي خليها هي تتكلم
لا تسالوووا عن حالي خلاص هذي الساعه اللي كنت خايفه منها اجت بس
ماتوقعت عمي بهذي القساوه يالله ايش يبي اقول انا مو قادره حتى اتحرك
جسمي كله تكسر تحت يده اه يبه وينك وويلاه حالي من بعدك
ابوفيصل بصرخه// انطقي قولي كيف صار وكيف من تركي
رهف وانا ارتجف وابكي // والله ياعمي هو اغتصبني انا مالي ذنب
عنود وهي تتدخل // ايه يبه والله هو اغتصبها هي مالها ذنب
ابو فيصل // عنود انطمي احسن لك وانتي كمان قولي الصدق
قبل مااجيب المسدس واغسل عاري منك وارتاح
رهف // والله هو هو السبب
ابو فيصل وهو يعطيها كف // قولي كيف السببب قبل مااخلص عليك
رهف وهي تبكي وتحس خدها نار // هو اغتصبني
ابوفيصل // طيب ابي اعرف كيف اغتصبك
عنود وهي قلبها يتقطع على حال رهف // يبه انا اقولك تقول امي قالت لها تودي
ملابسه الغرفه وهو اجى من السفر فجأه اخر مره ودخل الغرفه وكانت مو جوده
وصار اللي صار يبه والله دايم يرمي عليها حكي ويتعرض لها
ابو فيصل // ليه ليه ياتركي تكسر ظهري كذا وفي مين في بنت عمك
عنود وهي خايفه على ابوها // يبه الله يخليك اهدى وكل شي راح ينحل
ابوفيصل // كيف ينحل هذا شرف فاهمه يعني ايش شرف
عنود وهي تمسك يد ابوها // يبه تكفى لا تظلم رهف
ابو فيصل بصرخه// كيف ماظلمها وهي الله اعلم شكلها معه
رهف بصرخة مظلوم // حرام عليك والله انا مالي ذنب والله مظلومه
ومو انا اللي اخون تربيتك بس ولدك ظالم لكن ربي راح ياخذ حقي منه
ابو فيصل وهو يرجع يتهجم عليها // انطمي لا اسمع لك حس عاد في هذا البيت
والكلب الثاني يجي يملك عليك وياخذك وانقلعي انتي وهو ولعاد اشوفكم في هذا لبيت
عنود وهي تفك رهف من يده // يبه حرام عليك مفروض هو يتحمل العقاب مو رهف
ابو فيصل // كلهم كلاب مستحيل تركي يقدم على هذا الشي الكبيرر إلا شاف منها قبول
لا لا عمي كفايه ظلم انا بنت ابوي والله حرام اللي يصير فيني الله ينتقم منك ياتركي
حاولت اقوم من على الارض ابي انسحب من الصاله خلاص تعبت من الضري ومن الظلم اللي تعرضت له
لا لا اسمع صوت خالتي والبنات لا ماااابيهم يجيون ويشوفون حالتي كذا
ام فيصل وهي خايفه// ايش فيه عنود ارسلت رساله تقول تعالووا بسرعه
جوري وهي تجري ناحية رهف // ايش فيه من سوى فيك كذا
ام فيصل بخوف من حال رهف وعنود // قولووا ايش فيه ومن ضرب كذا رهف
ابو فيصل بصوت عالي // كل منك انتي السبب
ام فيصل وهي مو فاهمه السالفه // ليه تقول كذا
ايش فيه ترى احس قلبي راح يوقف
ابو فيصل // يجعلك تموتي مو بس يوقف عشان هذا كله من دلعك
تبي تعرفي ايش فيه ابي اقولك ان ولدك لعب في شرف عمه
واغتصب بنته فاهمه ايش اغتصبها
ام فيصل بصدمه // ايش اغتصبها لا مستحيل تركي يسوي كذا
اكيد السالفه كذب ولدي يخاف ربه
ابو فيصل وهو يتمسخر // ايه مره يخاف ربه والدليل البنت حامل
ام فيصل بصرخه// ايش حامل حرام عليكم مستحيل تركي يسوي كذا
عنود // يمه والله حرام على ولدك
ام فيصل بعصبيه // انتي انكتمي لا تفتحي فمك دايم ضده
عنود // لا والله يمه مو ضده بس هذي الحقيقه
ام فيصل وهي تتقرب من رهف وتمسك يدها بقسوه// رهف اقولي الحقيقه
قولي ان تركي مظلوم ومستحيل يسوي كذا صح رهف تكفين قولي انه مظلوم
وبصوت عالي قولي انه كذب وتركي ماتعرض لك واغتصبك
جوري وهي تسحب يد رهف من امها وتضمها // يمه خلاص كافي البنت راح تروح فيها
منكم شوفي كيف حالها من ابوي وانتي تبي تكملي عليها
سماح وهي تبكي // عنود اخذي رهف الغرفه البنت جالسه ترجف
ام فيصل بعصبيه // احسن تموت ولا تظلم ولدي
ابو فيصل بصرخه// خلاص اللحين تتصلي في ولدك ويجي يملك عليها اللحين بسرعه
ام فيصل // كيف اتصل عليه اقوله تعال وهو مظلوم
سماح // يمه والله رهف اللي مظلومه وانا دايم اشوف تركي يتعرض لرهف
ام فيصل // كلكم مافيكم خير ضد اخوكم
ابو فيصل // اقول بلى كثرة حكي خذي جوالك ودقي على تركي
وقولي له اقسم بالله لو بكره مايكون موجود اني لا افرغ المسدس في راسه وراسها
عنود / يبه خلاص اهدى انتبه على صحتك ونا اللحين ادق عليه ولا يهمك
ابو فيصل // لا امك تدق وتقوله وعشان تعرف هي مين تركي اللي دايم حنا
غلطانين وضده الله لا يبارك فيه من ولد ياليته هو اللي مات مو فيصل
ام فيصل وهي منهاره// حرام عليك تدعي كذا عليه
ابو فيصل بتعب // والله الحرام اللي سواه ولدك فينا
عنود سرعه دقي عليه واعطي امك تكلمه
عنود وهي تسحب الجوال // اوك اللحين ادق عليه
وهي تعطي امها الجوال خذي يمه
ام فيصل وهي تسمعه يرن //هلا يمه
ابو فيصل افتحي سبيكر خليني اسمع ايش يقول
ام فيصل وهي تفتح السبيكر // الوو يمه تسمعني تعالي وابيك ضروري تنزل الرياض
تركي // ايش يمه
ام فيصل // اللي سمعته انزل ضروري
تركي //عسى ماشر ايش فيه
ابو فيصل بعصبيه // إلا الشر بعينه ياكلب اقسم بالله لو ماتنزل
لا تشوف شي عمرك ماشفته يانجس
تركي // خير يبه ايش فيه
ابوفيصل // اقول بلا استغباء انت عارف ايش المصيبه اللي صارت وانت السبب فيها
تركي // طيب يبه ابي افهم انت داق عليه ومعصب مدري علي ايش
ابو فيصل / اقسم بالله ان موتك مايكفيني على اللي سويته
تركي // ماذكر اني سويت شيء
ابو فيصل بقهر// مره ماتذكر ايش سويت اوك انزل وانا اذكرك ايش سويت
تركي // مو نازل حتى اعرف
ابو فيصل // لا بتنزل ياكلب وغصب عنك فاهم وبعدين مالقيت إلا شرف عمك تلعب فيه
تركي // اي شرف تتكلم عنه وانا مالعبت في شرف احد وبنت اخوك لا ترمي بلاها علي
ابو فيصل بصرخه// خليني بكره اقوم وانت مو هنا وقفل الجوال في وجهه
بنات أخذوا الكلبه هذي من وجهي قبل مااقوم اخص عليها
عنود وهي تمسك مع جوري عشان يوقفون رهف// ان شاءالله يبه
يالله رهف حبيبتي قومي
مسكت في يد عنود وانا احس جسمي كله مخدر من الضرب والإهانة اللي تعرضت لها
من عمي وخالتي سحبت رجولي سحب يارب كون معي يارب انا مظلومه
انسدحت على السرير وانا خلاص ابي اموت وبس ماابي شيء من هذي الدنيا
ابي اللحق على امي وابوي لاني اتعذب من بعدهم من التعب ماحسيت في نفسي
فتحت عيوني على صوت عنود // رهف حياتي انتي بخير
رهف وهي مو قادره تتكلم // لا مو بخير مدام اخوك موجود في هذي الدنيا
عنود وهي حزينه عليها// خلاص حبيبتي اللحين ابوي كلمه ويقول ان شاءالله في الليل يكون هنا
رهف وهي تبكي // ايش راح يسوي يعني اذا اجى مو كل شي انفضح
عنود وهي تضمها // على الأقل يصلح غلطته
رهف // الله لا يسامحه عذبني في حياتي
نفسي اعرف ايش استفاد اللحين بس فضحني
وخلى عمي يزعل مني ويبي يطردني من بيته
عنود وهي تهدي فيها // خلاص حياتي وابوي مستحيل يطردك ابس قال كذا لانه معصب
بس يهدا وهو بنفسه يجي ويعتذر منك انا اعرفه ابوي مستحيل يقسى عليك
يحبك اكثر منا وراح يوقف معك ضد تركي امااا امي فااقولك معليش توقعي
منها اي شيء عشان تركي
رهف // خلاص كل شي انكشف اللحين وماراح اتوقع شيء
بس كان ودي عمي مايظلمني ويفهم مني وش ابي اقول
عنود وهي تقاطعها // ابوي كان مصدوم ومعصب مايدري وش يقول
اللحين نبي نعرف بس انتي حامل ولا لا
رهف // مدري بس انا خايفه لاني متاكده اني حامل ويارب يطلع كلامي غلط
عنود // يارب يطلع مافي حمل عشان تكون المصيبه اخف
رهف بمسخره // اخف يكفي اني مو بنت
عنود // ماعليك اللحين قومي اخذي شور وهو الزفت يجي اليوم ونشوف حل
مسكت في عنود عشان اقوم يالله جسمي كله يعورني قمت اسحب رجولي غصب للكبت
اخذت بجامه مريحه ودخلت اخذ شور وبعدها توضيت وطلعت اصلي الفجر والظهر
شفت جوري وهي ماخذه صحن في غداء // كيف اللحين ان شاءالله احسن
رهف وهي تهز راسها// ايوه
جوري /يالله حبيبتي قومي كلي لك لقمه
رهف // لا مالي نفس ولا في شيء
عنود وهي داخله // لا بتاكلي غصب عنك قومي يالله
رهف // والله احس بطني تقلب علي
جوري وهي حزينه على حالها// عشان خاطري بس شوي شوفي شكلك كيفك
وجهك مصفر وحالتك حاله
رهف // والله مو قادره
عنود وهي تميك الملعقة وتحط فيها رز // بس هذي الله يخليك
اخذت اللملعقه منها واكلت شوي ورجعت ابي انام مو قادره حتى اقعد
شفت البنات وهم طالعين من عندي وجلست افكر كيف كنت وكيف صرت اللحين
انتهى البارت