رواية آهات الانين~للكاتبة نونو الشمري الفصل العاشر 10 - بقلم BlackButterfly002

الجزء العاشر
لفينا بنطلع كنت احس بذل ليش سوا فيه ابوي كذا انا وش سويت طول عمري كنت بعيده عنه واول ما لقيته هذا استقباله لي
لفيت على صوت طارق
طارق بحده:لحظه ممكن افكر اغير رايي بس بشروط
جدي بسرعه:وش شروطك حنا موافقين
طارق بسخريه:كل هذا عشان ما تنفضحون طيب كان من اول فكرتوا قبل تسوو الحركه التافهه هذي
احمد بهدؤ وما كانا في مصيبه:وش شروطك
كان جدي بيجلس
قال طارق بحده؛خلك واقف محد قالكم تجلسون
حس جدي وابوي بذل واهانه
ما توقعت باجي في واحد زي هذا انسان بدون ضمير وما فيه احترام
حط طارق رجل على رجل وبغرور:اذا وافقتوا على شرطي بخلي هذي على ذمتي لفتره
وهو ياشر على باستصغار
حسيت نفسي مخنوقه لمتى هذا الاهانات لمتى بتحمل
جدي:خلاص وش شروطك وان شاء الله موافقين
طارق بستهزاء :اسمع اول يمكن ما يعجبكم
سكت جدي وطالع ابوي
طارق:هو هذا الشي متوقف على ابو وليد اذا يبي بنته تنستر يوافق
احمد:قول الي عندك
طارق براحه وكانه منبسط وهو يشوفنا مذلولين له
طارق:ابي ربع اسهمك في الشركه
الجد بسرعه:مستحيل انت عندك ربع اسهمنا اخذتها علينا بالحيله ولا يمكن نسلمك الحين اسهم برضانا
طارق:الكلام وراي لابو وليد
الجد بغضب؛مافيه كلام في هذا الموضوع اذا عندك شي ثاني ولا بنتوكل وسو الي بتسويه
كنت بنهبل من كلام جدي وما كنهم هم الي ورطوني والحين عشان اسهم وخرابيط بينسحبون وانا اجلس في وجه المدفع وحدي
طالعت ابوي انتظره يتكلم يقول شي ينقذني من المصيبه الي هو حطني فيها
بس كان ساكت ويطالع طارق
طارق؛هاه يا ابو وليد تبي تكون عمي لفتره غير محدوده ولا تكون ابو وليد وتقش بنتك معك
جدي لف على ابوي:لا تقول انك تفكر في كلامه مستحيل توافق له هذا نصاب يبي ياخذ حلالنا كله بكره يقول ما اطلقها الين اخذ النص ولا الاسهم كلها هذا محد بامن له
طارق بحده:احترم نفسه اذا انا ما يتأمن لي ليه رميتوا بنتكم علي
كنت اطالع لابوي وجدي كنت مقهوره مره من جدي الي يحاول يقنع ابوي ما يوافق وانا الي بنفضح
قربت من ابوي وانا اصيح
لين بدموع:تعرف ان مالي اي ذنب عشان انا اتعاقب وحدي
جدي بحده:انتي اسكتي
لين بحده ولاول مره ترفع صوتها على احد بس مضطره هذا حياتها
لين:انت اسكت اكيد لو فضحني هذا بترموني رميه اخس من هذي عشان تفتكون مني والله واعلم وش بتسوون انا ما كنت اعرف ولا كان لي اي ذنب انتوا السبب تحملوا
قربت من ابوي:لا ترميني كذا لا تفضحني جدتي والله بتموت بحسرتها اذا مو عشاني عشان امي
جلست بتعب احس مو قادره اوقف على رجولي
لين:الله يخليك يبه انا عمري ما سويت شي غلط في حياتي لا تخلي اناس تنهش عرضي الحين
ابوي جلسه عندي واخذني في حضنه وطالع لطارق
احمد:طيب يا طارق لك الي تبي بس عندي شرط انا كمان
استند طارق براحه وهو يبتسم بخبث
طارق:خير وش شرطك
ابوي وهو يضمني له كثر:بتنازل لك الحين بالاسهم خطي بس يعني على ورق وبعد سنه اذا طلقت بنتي وضمنت انك ما تقدر تضر سمعتها اتنازل لك رسمي
طارق بهدؤ:وش يضمن لي ما يتغير رايك
احمد :بيكون تنازل قانوني ورسمي بس ما تستلمه الا بعد سنه اذا تنفذ الشرط وكذا كل ياخذ حقه ويحفظه
جدي بحده:احمد انت
قاطعه ابوي ووقف؛يبه هذي بنتي وشعره من وجهي والي بيمسها بيمسني انا بعد واذا هذا الشي بيحفظ سمعت بنتي بسويه والفلوس ما تهمني
حسيت براحه بسيطه اهم شي ما ينفذ هذا القاسي كلامه
شفته يقوم ويبتسم بنصر:اتفقنا اجل بنتك بتعيش هنا معززه مكرمه لمدت سنه لا اشوفكم تطلبون زيارتها او هي تجيكم حتى لو يموت لكم احد ما انتوا شايفينها وبعد سنه خذوها
كنت اطالعه احس مره محتقرني مره منزل من قدري ليش مفروض ما يحملني ذنب انا مالي فيه
وكمان بيحرمني من كل اهلي
احمد جاء بيعترض بس قاطعه طارق
طارق:لا تعترضو وتسوي انك ابو حنون علي انت لو تبيها ما رميتها علي ها الرميه فاحسن خلها هنا لين تكمل المده وبعدها خذها ما تلزمني اصلا
بس زي ما قلت ما ابي اشوف وجه احد هنا عندي لنهاية المده والحين ضفو وجيهكم يالله ما ابي اشوفكم والحين يالله انتهت المساله ما ابي اشوفكم
وهو ياشر على الباب
حسيت قلبي زي النار فيه يعني بقعد وحدي معه لمدت سنه لا اهل ولا سند والله يستر وش بيسوي بي
شفت ابوي يطلع وجدي يطلع معصب
طالعت طارق واحس نفسي مره خايفه منه
اليوم هذا الانسان علمني ان مافي قلبه رحمه
الي يفضح وحده مستوره ومحافظه على نفسها بدون ضمير عادي اتوقع منه اي شي
شفته يقرب مني كنت ارجف من الخوف غمضت عيوني بتوتر
سمعته يقول لي
طارق:اشفق عليك الصراحه واهلك رامينك ها الرميه وحتى لما قلت يخلونك وما يزورونك كنهم ما صدقوا لدرجه هذي انتي انسانه ما احد يتحملك الله يعيني بس اذا اهلك ما تحملوك كيف انا بس بقولك من الحين اي تصرف ولا كلمه ما تعجبني بعرف اتصرف معك انا مو ابوك ولا اخوانك وحطي هذا شي في بالك
وحط اصبعه على راسي ورجعه لورى
كنت مغمضه عيوني وانا احس بكلامه سهام في قلبي وبس دموعي تنزل
طارق:وفري هذي الدموع للايام الجايه لانك محتاجه كثير
ويالله قدامي اوريك مكانك الي تجلسي فيه
مشيت وراه شفته وانا اجر رجولي جر
شفته يدخلني مكان زي المستودع شفت جنبه غرفة الخدم انتي بتنامي هنا كنت بحطك مع الخدم بس حرام اظلمهم واقعد مهم وحده زيك مو من مستواهم
والحين ابي كل شي انتي تسوينه في البيت كله انتي تنظفينه وحدك الخدم بس يطبخون لان ما اتوقع وحده بمستواك اضمن اكل من تحت يدها اكيد وسخ زيها
كان يطالعني بحتقار كنت لافه وجهي وساكته ما الومه انا الوم اهلي هم رموني كذا ورخصوني
قبل يطلع قال
طارق:اليوم اعتبريه اجازه ومن بكره تبدين وهلي جايين الاسبوع الجاي ما ابي اي احد يشكي منك ولا من شغلك واذا سمعت حسك طالع قطعت لسانك
ولف علي بحده تري لسه ما عرفتي طارق صح ابوك وجدك كانوا عارفين ومع هذا تجرؤ وسوو حركتهم هذي وما بياكلها في الاخير الا انتي وحدك
قلت بصوت مبحوح:بس انا مالي ذنب والله ما كنت ادري
طارق بغرور:ما يهمني تدري او لا ذنبك انك بنتهم وانهم هم حاولوا يستغفلون طارق العزام الي ما يحب احد يفكر يخدعه كيف لو تجرء وسوها صدق
المهم اغراضك بتوصلك نظفي المستودع ودوري لك مكان تقعدي فيه لمدة سنه وبعدين بالي ما يحفظك
راح وخلاني ابكي على نفسي ابكي على ابوي الي ما كفاه رمى امي قبل رماني بعدها ومن اول ما شافني يعني اش فرق بيني وبين مها عشان يضحي فيه ليه مها بنته وانا لا وشالي انا سويته
مها طول عمرها معه ما يرضى عليها بس هي البنت الي جت في اخر شي هي عادي يرميها اصلا ما عمره حس فيني عشان الحين يحس او يشفق علي
طيب جدتي كيف اشوفها وجدتي متامله بس اتزوج ازورها هذا اذا ما حرمني منها كمان هي
لما تخيلت جدتي بكيت بقوه الا جدتي مقدر اعيش بدونها
قعد ابكي وانديها
لين:جدتي تعالي تعالي شوفي بنتك جدتي شوفي ابوي كيف رماني جدتي لا تخليني خذيني معك الديره بعديني عن هنا انا اسفه والله معاد اذكر اهلي وابوي بس تعاليني ابي ارجع لديره ما ابي هنا
كنت خايفه من الجاي شفت وحده من الخدم دخلت علي جلست تطالع وجهي الي كله دموع
نزلت لي مفرش و دخلت شنطتي الي خذتها من بيت ابوي
رحت فكيت المفرش وانسدحت وكملت نوبة البكاء
مر علي الوقت وانا في الغرفه
وقت المغرب لما بدت الدنيا تظلم كان مره ظلام في غرفتي خلاص هذي صارت غرفتي لمدت سنه
قمت لما مليت من البكي
رحت للخدم اشوف كيف يشغلون النور
لقيت وحده من الخدم قدامي
لين برتباك :تعرفي كيف تشغلي الكهربه هنا
مرت من جنبي :اوك تعال انا وريك كيف
كانت الغرفه ظلام عشان كذا ما شفت مكان الكهربه
كانت الافياش قريب من الباب بس ما انتبهت عليها كان الاناره ضعيفه بس يالله احسن من الظلام
جلس اطالع الغرفه كانت كبيره وفيها كذا غرض مركون على جنب باين انها حقت اغراض الي ما يبغونها
جلست على مفرشي ورجعت عيوني تدمع احس قلبي محروق احس بضيقه
جلست استغفر وقمت صليت واخذت القران اقرء فيه لين حسيت نفسي مرتاحه
شوي ودخلت عندي الخدامه الي قبل شوي ومعها اكل نزلته لي في الارض وراحت
كنت منحرجه منها اكيد انهم سمعوا كلامه لي
مدري يعرفون من انا او لا
طالعت المكان حولي مغبر لازم انظفه عشان هذا مكاني الي بعيش فيه خلاص
طلعت سمعت سوالف في الغرفه الي جنبي
دقيت عليهم الباب كان مفتوح طالعوني كانوا ثلاث من شرق اسيا
لين بخجل:ممكن ابي ادوات تنظيف بنظف الغرفه واشرت على غرفتي
قامت وحده طويل :تيب الحين يجيب انا
جابت لي ونظفتها رتبت الاغراض المركونه وجمعتها في زاويه وخليت لي مساحه واسعه
اخذت لي ملابس ابي اتحمم احس ملابسي كلها غبار وابي اصلي العشاء وملابسي متساعد
متوسخه مره
طلعت كنت بدق على باب الخدم كان مقفل ابي اسالهم بس استحيت مرره منهم قلت يا لله بدور له وحدي
طلعت امشي في سيب طويل شفت بابين مقابلني
فتحت الي قدامي على طول
لقيته المطبخ
كان روعه مرره جميل وكبير وفخم انبهرت منه دخلت اشوفه
ما حسيت بنفسي وانا اطالع مصدومه
الين حسيت بصوت وراي
طارق:صح عمرك ما شفتي شي كذا
لفيت بسرعه اطالعه وانا خايفه
شفته يطالعني ويطالع ملابسي بقرف
ولف طلع وهو يقول
طارق :من وين حذفوا علي ها الزباله
انقهرت منه مره مالت ما زباله غيرك
طلعت من الباب الي جيت منه وفتحت الباب الي قريب منه كان الحمام دخلت كان حمام كبير ما تقولي حمام
دخلت تحممت ولبست وطلعت والفوطه لافتها على شعري
رحت غرفتي جلست طفشانه ما عندي شي اسويه ما ابي اذكر حالتي الي انا فيها وارجع ابكي
لما طرت جدتي في بالي دمعت عيوني رفعت راسي فوق ما ابي دموعي تنزل ما ابي ابكي خلاص والله مليت
وين ما ابكي شكل خلاص الدموع ملاحقتني من يوم تركت الديره
تذكرت الديره وحسيت بغصه انسدحت ودموعي تنزل ابي ارجع ابي ارجع لبيتنا
صح صغير بس سعادتي كانت فيه
ما حسيت بنفسي الا وانا نايمه
كنت نايمه ومو حاسه بنفسي من التعب كان لي يومين مو نايمه يوم الزواج وامس
ما حسيت الا احد يهزني طالعت الي قدامي ما عرفتها قمت بسرعه اطالع
الخدامه:يالله بسرعه بابا يقول نظف غرفه فوق
قامت بتمشي بس وقفت لما قلت لها
لين:كم الساعه
الخدامه:الحين سبعه
اوف سبعه مقد صليت قمت بسرعه توضيت وصليت
رحت لبست لي جلبيه من جلبياتي المريحه الي حطيتها وطالعت الثياب الي مها شرتها لي على اساس البسها ابتسمت بسخريه
معقوله مها ما كانت تدري بس يقول طارق كان خاطبها وزوجوني له يعني هي كانت خطيبته
معقوله الكل يدري بس انا الكل كان يضحك علي حتى رنا
الكل كان يبين لي اني انا العروس وعارفين انها لعبه وش القلوب الي عليهم هذي
رحت صليت ودخلت من باب المطبخ الي امس دخلت منه لاني ما لقيت الخدم في الغرفه حقتهم
لقيتهم في المطبخ
سالتهم وين الاقي ادوات التنظيف
تقدمت مني وحده وقالت لي :انا روز
واشارت اللي جنبها
هذي :امنه
وهذي :مارتا
ابتسمت لهم وهم بادلوني الابتسامه
روز:تعالي معي انا علمك اش نظف انتي اليوم
(سوري ما اعرف اكتب مكسر كثير زي كلام الشغالات بس مشوها لي)
اخذت الادوات من مكانها المخصص
ومشيت ورها ورتني جناح
روز:انتي نظف هذا جناح كله بابا يقول فيه ضيوف
هزيت راسي ودخلت انظف على باله بيقهرني اذا قال انظف انا متعوده على الشغل وبالعكس اتسلى
كنت انظف مندمجه ما حسيت بنفسي
يعني نظفت الكنب الارضيه الحمام
الغرفتين الي موجوده والمطبخ غسلته
نقزت بخوف لما سمعت صوت جنبي
طارق:انتي لا تنسي ابيك تنظفي الجدران والكهرب وكل شي واذا عشان السلم بيجبونه لك الخدم الحين
لف عني وطلع من الجناح
مالت عليك شايف نفسه بقوه يطالع بحتقار
رجعت انظف جتني روز معها سلم
اخذته وجلست انظف الكهرب اصلا كل شي نظيف بس حقاره يالله لازم اصبر السنه هذي لين ربي يفرجها
بس والله سنه كثير مو قليل الله يصبرني بس
خلصت كل شي
وشليت اغراض التنظيف ونزلت
طالعت كانت الساعه 4العصر اف من الصباح وانا في الجناح انظف حتى الي نظيف نظفته ما ابي يرجع يتكلم علي ولا يقولي شي اصلا ما ابي بيني وبينه اي احتكاك
رحت رجعت الاغراض وصليت العصر كنت بنسدح لي شوي احس ظهري بينكسر من الوقفه
دخلت علي الي اسمها امنه
امنه:تعالي يالله نظف الحديقه وتسقي الزرع
اوف بعدين الزرع ينسقي الصباح مو المغرب
ومشيت ورها وجت توريني اش الي لازم اسويه
امنه:هذا ورق يابسه مشكله لازم شيل كله
بعدين يسقي زرع كله
الحين هذا شغل عمال شكله بيسفر العمال وبيخلي البيت كله فوق راسي
على بالي الشغله سهله اني بس بلم الاوراق اليابسه بس طلع مره تعب تخيلوا الحديقه مره كبيره وكلها اوراق جلست اجمعه والمه وامنه علمتني وين احطه جلست اشتغل واوقف شوي
اذن المغرب وانا لسه رحت صليت ورجعت
كملت شغلي واذن العشاء وانا لسه صليت ورجعت
خلصت على حدود الساعه 8ونص الحمدلله
واخيرا برتاح
ما صدقت بدخل الا وجتني الخدامه الثالثه
اش فيهم هذولي يراقبوني يعني كل ما خلصت نطت لي وحده بوجهي
قالت لي:بابا يقول غسلي ملابس
نفخت بطفش ايه قلت احب الشغل بس مو كذا
رحت ورها مالي الا اسكت الله يعين
ودتني غرفت الملابس شفت ملابس مكومه
هذا كله غسل وبعدين يخلص غسيل تجي هنا تكوي
لقيت ملابس كثير مو مكويه شكل ها الثلاث كانوا متساهلين في شغلهم لان اصحاب البيت مو موجودين
رحت حطيت ملابس في الغساله وتوجهت للكوي
اكوي و اغسل واكوي واغسل
لان مارتا فرزت كل ملابس وحدها ما اغسها سوا
وقالت ان السيد يقول ما اطلع من غرفت الغسيل الا وانا مخلصه كل شي الغرفه كانت مكتومه من حرارة الكوي وما فيه تكييف ويمكن فيه ومطفينه اتوقع كل شي منهم
ما صدقت خلصت خرجت كنت احس ملابسي كلها معرقه
رحت المطبخ بسالهم باقي شي ما ابي اروح الغرفه وتنط وحده بوجهي طالعت الساعه الي في الممر على طريق اوف الساعه 11وربع الليل
وانا من الساعه سبعه الصباح اشتغل والله حرام
حتى الخدم الي هنا ما اظن ساعات عملهم كذا
دخلت المطبخ شفتهم يضحكون
ايه وش عليهم خففت عليهم الحمل صار كله علي
لين:لسه فيه شي
روز؛لا خلاص بس بابا يبي انتي في الصاله
وش يبي هذا كمان رحت الغرفه اخذت لي روب عشان اتحمم بعدين اروح اشوف اش يبي ما ابي اشوف نظرات الاحتقار الي شفتها امس وصباح في عيونه مهم كان بس تجرح ان واحد ما يشوفك شي
لما خلصت رحت لروز عشان توصلني للمكان الي هو فيه لان القصر هذا كبير ولسه اضيع فيه
من كبره ماشاء الله
مشيت ورى روز لين دخلنا صاله فخمه مررره
سمعت ضحك طارق ووحده معه
طالع روز بعدين طالعني
انا طالعت بستغراب من الي معه كانت مره قريبه منه شوي وبتكون في حضنه استغفرلله من هذي
وش ها الانسان الي ابوي زوجني له
كان يطالعني بحتقار يعني ما تغيرت النظره
وشفته يهمس في اذن الي معه كلام وضحكت حسيت يتكلمون عني لانهم طالعوا فيني
حسيت بغصه في حلقي
روز راحت وتركتني جلست وقفه فتره وانا اشوفه يتقرب من هذي ويسوي حركات استغفرلله نزلت عيوني ما ابي اشوف شي ما ابي
سمعته يقول بصوت عالي عشان اسمع
طارق: حياتي هذي خدامتنا الجديده بس انا مخليها تمسك كل البيت من تنظيف اذا انتي محتاجه شي على طول خليها تسويه لك
كنت احس زي النار شابه في صدري بس كنت ساكته وطالع تحت
الي معه:ليه هي الي ماسكه البيت والخدم الثانين ولا هذي له ميزه خاصه
رفعت عيوني لهم كنت ماسكه دموعي بقوه
طارق بسخريه:يعني تقدري تقولي عندها ميزه خفيفه خلتها بهذا المكان
لين بمكابره وما تبي دموعها تصيح وبصوت مبحوح:فيه شي اقدر اسويه
طارق:ايه شفتي نظام الشغل الي اليوم ابيه كل يوم تسويه
هزيت راسي ما عندي شي اقوله
شفته لف للي معه بجنبه ورجع يضحك معها
واشر بيده :خلاص ضفي وجهك
مشيت من عندهم بسرعه رحت غرفتي
رفعت راسي لفوق وانا اهوي على وجهي ما ابي ابكي ما ابي ابكي ما ابي ابكي بس دموعي كانت تنزل من دون احس
ليش انا ليش
كنت متخيله حياه ثانيه كنت متخيله زواجي بيكون ثاني كنت احلام احلام ورديه احس كل يوم تنكسر صورة من صور احلامي الي كنت احلمها
من هذي وليه هي في مكان الي المفروض انا فيه ليش يا ابوي ليش سويت فيه كذا انسدحت على مفرشي وانا دموعي تنزل بسرعه حسيت نفسي مخنوقه يا ربي صبرني يا ربي مالي اعتراض على قضائك
هذا قسمتي الي وربي كتبها لي
نمت ودموعي تنزل والله ويعلم كم من يوم بنام
ودموعي على خدي

اليوم الثاني
قمت اليوم من صلاة الفجر مع اني تعبانه بس ما ابي الصلاه تفوتني زي امس
خلصت وقريت قران ورحت المطبخ اسوي لي فطور لان ورايه شغل شاق ينتظرني
كنت ادور للاغراض ابي اسوي لي فطور ما لقيتها مدري وين حاطينها جلست على الطاوله بنتظر لين يصحون ويسون فطور طالعت الساعه في يدي
الساعه سته
قعد اطالع في الساعه هذي هديه من مها لزواجي وكانت غاليه مره حتى زعلت منها قلت حرام تحطي كل ها القيمه في ساعه
مها:ما تغلا عليك بعدين لا تنسي انتي اختي الوحيده
لما تذكرت كلامها حسيت دموعي بتنزل قمت بسرعه وفتحت باب في المطبخ يطلع على الحديقه
خلاص ما ابي ابكي
وتقول اختها الوحيده لو صدق كانت تحس اني اختها ما دخلتني بدلها بهذي العبه الحقيره عشان بس هي تخلص نفسها مفروض ما سمحت لهم ولا على الاقل خبرتني لو في قلبها شويه حب لي ما خلتني زي الهبله وهي تشوف فرحتي ايام ما كنت اتجهز لزواجي
اكيد الكل كان يضحك علي وعلى غبائي
سمعت صوت وراي قطع افكاري
لفيت شفت امنه و روز في المطبخ
سالتهم:تجهزون الفطور
امنه:ايه الحين يسوي فطور
رحت جلست وما فكرت اساعدهم يكفي الكرف الي بكرفه كله وهم جالسين بس سوالف وضحك
الطبخ والمطبخ ما باجي جنبها خليه عليهم
لما خلصوا افطرت معهم مدري حسيت مهم متقبليني ورافعين خشومهم علي
ما الومهم بعد الكلام الي سمعوه من السيد طارق
قمت غسلة وجيت عند روز
لين:وش المكان الي بنظفه اليوم
روز؛روح انت جيب ادوات تنظيف انا يجي وريك جناح
رحت اخذتها وشفتها جايه لحقتها دخلتني جناح جديد
ما شاء الله بيتهم هذا قصر كبير مدري كم جناح فيه غير الغرف
جلست انظف كل شي زي امس
سمعت اذان الظهر وكان باقي علي شوي بس
رحت صليت وتغديت ورجعت اكمل لما خلصت
كنت طالعه من الجناح شفت
طارق خارج هو والي معه امس مدري مين اوه لتكون زوجته معقول يكون كمان متزوج وانا يغافلين لم الله
كانت لابسه عبايه وتكلمه وهي واقفه قدامه
هي:حبيبي متى بشوفك مره ثانيه
طارق وهو ماسك خصره:قريب بس الحين اهلي جايين يمكن بعد يومين وبجهز كم غرض وانتي تعرفي ما ابي يجون ويشوفونك هنا
هي بزعل:وليش تخجل مني قدام اهلك ليه ما تخليني اتعرف عليهم
طارق بجديه شوي ؛تعرفي اني متزوجك مسيار وامي ما تجوز لها ها السوالف بعدين انتي عارفه وش يعني زواج مسيار لا تبدي على راسي الحين
قالت ببتسامه سريعه:عارفه عارفه بس لا تزعل
وباسته على خده
قال ببتسامه بسيطه:طيب خلاص ما زعلت والحين يالله انزلي التكسي برى ينتظرك
شفتها راحت انا كنت اطالع لهم من الممر الصغير جيت برجع بس هو لف علي ولمحني
حسيت برجولي ترجف من نظراته
تقرب مني بسرعه
طارق......