رواية آهات الانين~للكاتبة نونو الشمري الفصل الرابع 4 - بقلم BlackButterfly002

الجزء الرابع
ابو فارس:ووينهم الحين
احمد :ماجر لهم شقه
ابو فارس طالع في ولده بغموض :وش بتسوي مع الي تقول انها بنتك
احمد :ما ادري والله بس جدتها شكلها جايبتها راميتها علي
سكت ابوي جلست اطالعه شكله يفكر في شي اعرف ابوي ما يتكلم بهدؤ كذا الا ووراه مصيبه
ابو فارس :مها لساتها رافضه طارق ولد العزام
احمد بتنهيده :ايه وتقول لعاد نفتح لها سيرته مو مستعده تضحي بنفسها وترمي روحها على واحد مثله
ابو فارس :بس كذا مصالحنا بتنضر
احمد:وش اسوي اخر مره عصبت عليها تعبت علينا ما ابي اضغط عليهااخاف يصير لها شي ما عندي بنت غيرها
ابو فارس بسخريه :الا عندك نسيت بنت الفقر الي جايبها
سكت احمد ونزل راسه
ابو فارس :ووش قررت
احمد:ما عندي الا اكلم طارق اقوله برفض مها
وقف ابو فارس بعصبيه :شكلك انجنيت ليه ما تعرف من طارق تبي تسفطنا على الخديده على اخر عمري هذا ممكن يخلينا مفلسين بلمحت بصر نسيت وش سوا بمرته واهلها
ونسيت كيف سحب علينا ربع اسهم الشركه وحنا نطالع هذا ما يتامن له وكنا بنضمنه بزواجه من بنتنا
احمد :وش اسوي والله حاولت فيها بس مو راضيه ابد
ابو فارس:هذي نتايج دلعك لها ولو مفروض تجرها من شعرها وتزوجها له غصب
بعدين هو اختارها يعني لو ما حدد احد كنا زوجناه بنت فارس اسماء بس هو حدد بنتك خص نص
احمد بهم :ما ادري يبه انا اعرف لو زوجتها له يمكن يعذبها ويردها لي مطلقه
ابو فارس ؛ما عندك الا احل واحد تكمل الخطبه من مها
احمد:بس هي رافضه وحالفه ما تزوجه
ابو فارس:خلاص كمل الخطبه وهي مارح تاخذه
احمد بستغراب :كيف نكملها ومت تزوجه
ابو فارس بخبث:كمل الخطبه على انها مها وزوجه بنت الفقر بنتك الثانيه
هذي
جلست الطالع المدينه وانا فاتحه عيوني يا الله وش هذا وش ها المبادي الضخمه كل شي كان عالم ثاني كان عالم كبير غير العالم الي عشته
كانها دنيا ثانيه مو نفس الدنيا الي كنا فيها
عبدلله :هاه يا جده تروحون لهم الحين ولا استاجر لكم بيت وبكره تروحون لهم
الجده:لا يا ولدي ما نبي نتعبك اكثر ودينا الحين احسن
عبدلله:لا تعب ولا شي مثل ما تبي
جلست الطالع من حولي كاني خبله وش هذا ما شاء الله عن تطيح العمايره ما فينا بعد هههههههه
والحين بنروح بيت ابوي يترى كيف بيكون بعد ما شفت المدينه ماني قادره اتخيل شكل بيت ابوي
جلست مبحلقه من شباك السياره ولا ابي شي يفوتني لين دخلنا عبدلله في مكان كذا كنه جنه
كله مدري وش هي بيوت هذيك او قصور تذكرت بيت جدتي يا حرام ما يجي جنب هذي شي
احس اني كنت في عالم ثاني وجيت عالم جديد معقوله بقدر اتاقلم معهم
وقفنا جنب بيت كبير كبير لو اوصف كبره ما اقدر
ما شاء الله وزرع واشجار شفت واحد اسمر جاء لعبدلله يساله اش يبي بس كلامه مكان عربي تمام
عبدلله:ابي بابا احمد موجود
الهندي :ايه موجود ادخل داخل هنا وانا اقول لبابا احمد بس مين اقوله انت
عبدلله :قله صاحب الامانه
شفت الهندي دخل غرفه صغيره مدري اش يسوي بعدين فتحه الباب الكبير ودخل احمد السياره
الله يا البيت من داخل كيف سبحان الله جنه جنه
معقوله ابوي عايش هنا وانا مفكره فقير عشان كذا كذب بسالفة موته عشان ما يقدر يصرف علينا
نزل عبدلله وراح مدري وين راح
لفيت لجدتي
لين: جده تشوفيه الجنه هذي
جدتي تطالع زيي بس بهدؤ:ايه يمه اشوف
سكتت شوي وقالت الحين فهمت ليه تركها
كانت جدتي كنها تتكلم مع نفسها
لين بستغراب :اش تقولين يمه
جدتي :اها ابد ما شي بس كن عبدلله طول
وانا اطالع من حوالي ولا حاسه باي ملل
لين :ايه شوي طول
انتظرنا شوي عبدلله طلع لنا وقال يالله تعالوا
نزلنا ولحقناه
دخلنا مكان كبير وفيه جلسات مدري نا اقدر اوصف مرره كبير وفيه رجال جالس قعد اطالعه معقول هذا ابوي
وقف الرجال مصدوم من الحرمتين الي دخلوا
متغطيات ومستغرب
احمد:وش السالفه يا اخوي وش الامان هذي وبعدين من ذولي
كان يطالع مدري كيف نظراته
شفت جدتي فتحت غطوتها
جدتي تطالع الرجال بقوه :وشفيك تطالعني كذا يا حمد شكلك نسيتني
احمد عاقد حواجبه ويركز في العجوز : انتي ام امنه
جدتي :وصلت خير
طالعني الرجال الي شكله ابوي صعبه علي ها الكلمه مدري كيف اتعود عليها بعدين
جدتي:هذي بنتك لين
شفته كيف تفاجا وطالع جدتي
احمد :كيف انا تركت بنتك وما كانت حامل وش ها الكلام ولا ودكم تبلوني
شفت جدتي عصبت بقوه :وش نبلاك فيه انتي يوم جاء اخوك يقولنا عن موتك ما بعد درت امنه انها حامل ما عرفنا الا بعدها بسبوعين وانت رحت ولا عاد سالت وبنتك عادها في 18سنه بعمر روحتك من عندنا من القريه
حسيت جدتي ترجف من العصبيه مسكتها اهديها
عبدلله قرب من جدتي:هدي يا جده هدي
احمد وبعده متفاجا :وش الي يضمن لي انها بنتي
طلع عبدلله اوراق شكل جدتي معطيته ايها
اخذها احمد وطالع شفته يمسح على شعره ولحيته برتباك
الصراحه الستغربت ليه كل هذا عشان وش خايف
جلس شوي وهو حاط يده على راسها بعدين قال
احمد:طيب انا ماني مستوعب شي تقدروا تروحوا الحين وبعدين انا بجيكم وتفاهم على السالفه
لان ما اخد في البيت يعرف شي وابي ارتب وضعي
طالعت الرجال هذا الي ما التفت علي التفاته بسيطه من دخلت معقوله ما يبغى يشوف بنته
حزت في خاطري حركته
جدتي :احنا ما نعرف شي هنا وما نبي نتعب ولدي عبدلله اكثر
عبدلله بسرعه :تعبك راح يا جده وش ها الكلام
احمد :خلاص انا باخذكم لشقه واجلسوا فيها لين احل اموري
رح عبدلله وحنا جلسنا في المجلس وختفى ابوي داخل البيت فتره
شفت جدتي جالسه تطالع حولها وانا بعد قعد اطالع احس المنظر الي قدامي مو مخليني اقدر اتكلم
رجع احمد:يالله تعالوا معي انا بوصلكم
قمت انا وجدتي طلعنا معه احس اني امشي ولا ادري وين رايحين ولا اش مصيرنا بس بنشوف اخرت هذي السالفه
نزلنا ابوي عند عماره كبيره وطويله حيل
جلس يتكلم مع رجال عند المكتب قربت من جدتي اسالها
لين:جدتي وين حنا
جدتي :الله واعلم ابوك وين ماخذنا
شفته اشر لنا نلحقه مشينا وراه دخلنا مكان غريب وهتز فينا استغربت وش ذا خفت مره
شفت ابوي يطالعنا بغرابه
وطلع من ها المكان ولحقناه طالعت مستغربه كيف وصلنا هنا وين الرجال الي كان على المكتب
شفت ابوي يفتح باب ويدخل شنطتنا
احمد يكلم جدتي:اجلسوا في هذي الشقه الين احل الامور وانا بمركم كل فتره
جدتي :حل امورك بسرعه ولا تبطي علينا
احمد :ان شاء الله بشوف حل
وراح طالعت جدتي وجلسنا نطالع حولنا احس انا في عالم ثاني احنا شكلنا كنا مقطوعين عن العلم في القريه القريه
لا تستغربون اني ما عرف شي جد كنا في القريه ما قد وصلها اي شي من التطور حتى الكهربه عند بس ناس مخددين في القريه الي يقدروا يدفعوا تكليفها والباقي عايشين على الفانوس عشان كذا حسيت بصعوبت الحاجه الي مقبله عليها
في مكان ثاني
احمد كنت احس نفسي في دوامه مو قادر اخرج منها اش اسوي والله لو زوجتي دريت تقلب الكون علي وابوي مدري كيف اواجهه كل شي ضدي
اوه يا ربي انا وين كان عقلي لما خطيت الخطوه هذي قلت ان خلاص انفكت اموري بطلاقي لامنه وكذبي عليهم لكن شكل غلطتي هذي لحقتني لحقتني
تذكرت ان اخوي سعيد يعرف بالموضوع وهو الي خبرهم بالكذبه زمان
بسرعه اخذت جوالي اكلمه
احمد :الو سعيد ....هلابك وينك........طيب مرني في البيت ابيك ضروري........لا الحين ضروري والله ......طيب لا تتاخر انتظرك ......مع السلامه
جلست انتظر سعيد وانا افكر بحل
حتى ما فكرت اشوف البنت او اسال عنها
واسمها اظن لين لاني قريته في الورق اوف اش ها اورطه
دخل علي سعيد :علا احمد اش فيك
احمد :اجلس وقولك
جلسنا وطالع سعيد عيونه مليانه توتر
احمد:سعيد تطكر الناس الي ارسلتك لهم زمان عشان تقولهم اني توفيت
سعيد :ايه الي تزوجت بنتهم
احمد :ايه اليوم جتني العجوز ومعها بنت تقول انها بنتي
سعيد متفاجا :وش وش تقول انت يمكن يكذبون
احمد :معهم اوراق المستشفى ومطلعين لها شهادت ميلاد موريني كل شي
سعيد :وش بتسوي ابوي ما تضمن رده لو عرف
وام وليد كمان وناسي اهلها واصلين يمكن يسوون لك مشكله
احمد وهو يسند راسه بحيره :مدري والله اش اسوي ومدري من وين ابدا من اخبر اول
سعيد:الحين من وين جتنا المشكله هذي مو كافي مشكلت بنتك مها مع ولد العزام
تذكرت سالفة مها بنتي الي كانت شاغله بالي ها الاسبوع وجتني هذي كمان تزيد علي اففف
من وين القيها من هنا ولا هنا
و طارق لو يدري ان مها بعد فترة الخطوبه هذي كلها معاد تبيه بيقلب الدنيا علي لانه رجال واصل بقوه وله اسهم معنى في شركتنا ومن غير انه انسان ما يرحم طول فترة الخطوبه سنه وانا اقنع مها فيه وخي مره توافق ومره ترفض انا السبب ضانا دلعتها مرره
بس المره هذي مدري اش فيها مصره الا ما تبيه وانها خايفه منه يسوي فيها الا سواه في زوجته قبل الله يعين من وين القيها
مرت يومين علي زي سنتين وانا احاول وافكر اصارح ام وليد بسالفه بس ما قدرت هي صح طيبه بس حساسه مره وخايفه ما تفهمني انها نزوه ومرت وندمت عليها
دق علي سعيد امس وقالي انه مهد لابوي السالفه واني لازم اروح اليوم واقول لابوي وهو بيكون معي والله يستر بس
في مجلس ابوي كنت انا وسعيد جالسين ومرتبكين وابوي يطالع لنا ساكت ينتظر احد يتكلم
ابو فارس:مطولين تطالعون ببعض يالله واحد يتكلم سعيد من امس صاجني انك تبيني بموضوع قول وفكنا
احمد طالعت بسعيد وشفت بعيونه انه يشجعني اتكلم
احمد:هذي يا ابوي سالفه قديمه بس انفتحت من جديد وانا ادري اني غلطتن وندمان قد شعر راسي
طالعت في ابوي وانه ينتظرني اتكلم
قلت السالفه كلها له وطالعته انتظر يعصب ولا يقول شي
ابو فارس:........
لين لنا في الشقه الي مستاجرها لنا ابوي يومين وما فيه شي جديد مليت مره صح كبيره وحلوه مره بس احس فيها بملل وكتمه مو زي بيتنا اذا طفشت اطلع الحوش واسلي نفسي
طالعت جدتي حسيتها خلاص ملت مرره الله يعينها كمان هي حرمه كبيره مو متعوده على الحكره
ما في شي جديد الا كل وجبه يدق علينا الهندي ويحط لنا اكل عند الباب ومويه ويروح
ابوي من يوم جابنا ما شفناه
وفي شي ثاني من دخلنا ها البيت فيه شي كبير في الجدر يطلع ناس يتكلمون انا الصراحه مقدرت اجلس قدامه يمكن يشوفونا وجدتي حتى هي تقول ليش الرجال معنى في البيت ومره طالعت
تذكرت كلام سميره تذكرونها الي اقولكم بيتها اكبر بيت في قريتنا هم عندهم كهربه وكانت تكلمنا عن شي تقوله تلفزن او شي زي كذا انها تشوف فيه مسلسلات وناس شكله نفس هذا
تشجعت وطالعت فيه وطالع حريم مع رجال اعوذ بالله ويسولفون عادي طيب هذولي الحريم الحين كل الناس يشوفونهم زيي استغفرلله وش ذا ما يستحون ولا قدام رجال يمكن اخوانهم الله واعلم
سمعت جدتي تناديني من الغرفه:لين وينك
لين ركضت عندها بسرعه:هنا جدتي
كانت واقفه عند الباب الغرفه ومتغطيه
جدتي :اش تسوين عندك ما تشوفي رجال وطالعينهم ولا حتى شيله على راسك ما تستحي انتي
لين:جدتي ما يشوفونا
جدتي :كيف ما يشوفونك وحنا نشوفهم
لين:جدتي خبرتني عنهم سميره تقول عندهم زيه بس انتي تشوفي هم لا
جدتي:الله بستر بس ما خربكم الا سميره هذي تعالي ادخلي هنا لين يروحون مدري متى يروحون لهم يومين معنى
وابوك هذا مدري وين ذلف مخلينا بروحنا مع الرجال ما يستحي والله
سكت عن جدتي لاني شفتها مره معصبه على ابوي ومعها حق من جابنا هنا معاد سئل فينا
معقوله ناوي يخلينا هنا على طول وحنا ما نعرف شي في ها المدينه
انسدحت افكر الصراحه حز في خاطري تصرفه يوم رحنا له ما حتى لف علي طالعني ولا سالني كيف اخباري او فكر يشوف وجهي كنت متخيله بيفرح بجيتنا ومو يحس انه في مصيبه ما اخبي عليكم والله حسيته انه حاس نفسه في مصيبه
مر اليوم بملل نفس اليومين الي فاتوا
اليوم الثاني سمعت جدتي وانا منسدحه توي اصحى من النوم تناديني
جدتي :لين تعالي بسرعه يمه
قمت غسلت ورتبت نفسي وطلعت
شفت ابوي مع جدتي من الربكه ما عرفت اتصرف كنت برجع الغرفه مو متعوده على رجال في حياتي ابد جدي مات وانا بعمر سنتين ما كنت اذكره ومن بعدها معاد شفت اي رجال الا عبدلله من بعيد وجدتي هي الي كان تتصرف معه
سمعت جدتي :اشفيك يمه سلمي على ابوك
انا احس جسمي جامد وريقي ناشف مدري كيف اتصرف
قربت بشويش ومديت يدي
ابوي قرب مني وحضني وباس راسي
ارتبكت مره مع انه هذا ابوي بس ما اعرفه تو اعرفه ما اقدر اصدق اصلا ان هذا ابوي
ابوي:كيفك لين
لين بصوت يالله ينسمع:بخير
لف ابوي على جدتي ط
احمد:وش قلتي يا ام امنه
جدتي : والله انا ماعرف احد هنا الا انت واكيد بيجي اليوم الي بتعرف لين على اهلها فاحسن ما نتاخر
وبعدين بنتي ودها تقدم على الجامعه اذا طلعت نتيجتها
احمد ؛اكيد هذي ما فيها كلام خلاص جهزوا اغراضكم ويالله معي
جدتي:انتي مخبر اهلك عن لين
احمد :ايه كلهم عندهم خبر يالله اخلونا نوصل
لاني مسوي عزيمه عشان تتعرف لين على اهلها
جدتي :قومي يا لين رتبي الاغراض
قمت ولما دخلت سمعت جدتي تتكلم مع ابوي بصوت واطي مدري شو يقولون
رتبت الاغراض وانا افكر يعني خلاص اليوم بروح اشوف اهلي
طالعت لنفسي في المرايه
كنت لابسه جلبيه ملونه ومظفره شعري
غيرت الجلبيه حسيتها مو مناسبه اخذت وحده سودا ولبستها حسيت نفسي الحين تمام لبست عبايتي واخذت لجدتي عبايتها
طلعت على طول شفتهم سكتوا مدري اش فيه اعطيت جدتي عبايتها وابوي اخذ مني شنطة ثيابنا مشينا وراه

وصلنا البيت كنت خايفه انزل كنت طول الطريق ساكته حتى ابوي وجدتي ما تكلمو طالعت ابوي احسه في وادي ثاني
المهم نزلنا
مشانا ابوي للمدخل ونادا احد باسم ميري
جت ميري :باين انها تشتغل هنا وعطها الشنطه وقال لهاتحطها في قسم الضيوف الي برى
اخذتها ميري وراحت
سمعت صوت وحده جاي وحذيانها تطقطق قبلها
جتنا وحده ما شاء الله عليها توقعتها اختي اش جمال ما شاء الله ولبس حسيت نفسي مبهذله قدامها
احمد:هذي ام وليد
قربت جدتي تسلم وانا كمان سلمت كانت تبتسم لنا وانا مفتحه عيوني فيها مو قادره ارمش هذي مرة ابوي اجل كيف اختي
ام وليد :حياكم اليوف ينتظرونكم بس هاتي عبايتكم
جدتي رفضت تفكها بس انا فكيتها وعطيتها
شفتها تطالع ابوي بنظره وطالعني وابوي نفس الشي مدري اش فيهم حسسوني اني غلط بس مشيت ورا جدتي يوم دخلت المكان الي اشرت عليه ام وليد
جدتي:السلام عليكم
كل الموجودين :وعليكم السلام