رواية احببت عنادك... بقلمي/هاجر هشام الفصل الثامن عشر 18 - بقلم Hagar Hešhàm

عند هاجر فجاه سمعت ضرب نار بره وحد بيفتح الباب. اسر بدهشه لما شاف زياد ع الارض مغم عليه: هو مين الي خاطف مين
هاجر : انت هتفضل متنح كدا خدوه قبل مايفوق
اسر بعصبيه جواه: صبرني يارب والله هقتلها في مره
اسر : حتي وانتي مخطوفه لسانك طويل
هاجر من كتر التعب اغم عليها
اسر جري عليها قبل ماتقع
اسر بخوف ولهفه : لؤي اطلب الاسعاف بسرعه
عدي دقايق ع ما وصلت الاسعاف ونقلوا هاجر للمستشفي وزياد فاق وقبضوا عليه واسر مع هاجر في الاسعاف اسر كان بيدقق في ملامحها ووشها الي مليان كدمات وايديها وهدومها الي مقطعه وشعرها المتبهدل فا قلع الجاكيت بتاعوا ولبسهولها وصلوا المستشفي
اسر : الطوارئ فين بسرعه
الموظف : اخر الطرقه يافندم
وخدوها الطوارئ
الدكتور : للاسف حالتها صعبه عندها كدمات كتير جدا وجروح وفيه اثار تعذيب وضرب وغير انها مكنتش بتاكل كويس احنا عملنا الي علينا بس احنا بنديها مهدئات لحد ما الجروح تخف شويه وجسمها يقدر يتحمل الجروح دي
اسر بلهفه: طب انا اقدر اشوفها يادكتور
لؤي بخوف : ايوا يادكتور احنا نقدر نشوفها
الدكتور: للاسف مش هينفع ممكن بكره تشوفوها عن اذنكوا
مشي الدكتور ولقوا خالد وسلوي جايين بسرعه عليهم
سلوي بعياط : بنتي فين اي الي حصلها
لؤي: اهدي ياامي هي عندها شويه جروح وكدمات وهما بيدوها مهدئات لحد ما جسمها يتحمل الوجع
خالد: ليه يابني كل دا هو اي الي حصل
لؤي: دا خطف يابابا واكيد كانو بيعذبوها
سلوي بخوف : بيعذبوها انت بتقول اي انا عايزه اشوفها هي فين
لؤي: للاسف الدكتور قال ممنوع الزياره دلوقتي ممكن بكره
سلوي : لا مش هقدر استني لبكره انا عايزه اشوفها حالا
خالد: اهدي ياسلوي
سلوي بانهيار: اهدي اي انت السبب انت الي ساعدتها تدخل الشرطه وانا حذرتك كتير دا خطر وان دي بنت لكن انت مسمعتش
خالد: دا حلمها ومقدرتش احرمها منو
سلوي : لكن اتحرم انا منها عادي
خالد: بعد الشر ما بيقولك كويسه اهي
سلوي قعدت تعيط وخالد فضل جنبها يهديها ولؤي واسر واقفين مع بعض وكلهم مستنين بكره عشان يقدروا يدخلولها محدش رضي يمشي خالص وبعد ساعه جيه مؤمن
مؤمن : سلام عليكم ورحمه الله وبركاته
الكل: عليكم السلام ورحمه الله وبركاته
مؤمن: هاجر اخبارها اي دلوقتي
لؤي: لسه مفاقتش والدكتور قال يومين كدا وهيبطل يديها مهدئات تاني
مؤمن: ان شاء الله خير وتقوم بالسلامه
لؤي برجاء : يارب
اسر بقاا مكنش معاهم خالص كان قاعد جنب الاوضه وعمال يفتكر كل المواقف بينهم واستغرب الحزن والخوف دا اووي عليها بس برر دا پانها اخت صحبوا وكمان زميلتوا في الشغل مش اكتر فاق اسر ع صوت مؤمن
مؤمن : اسر...... اسر
اسر: بتنادي يامؤمن
مؤمن: اه عمال بكلمك من بدري وانت سرحان
اسر : معلش مخدتش بالي في اي
مؤمن: بقولك روح انت انت شكلك تعبان اووي وابقي تعالي بكره
اسر: لا انا كويس مش هروح المهم انت قولت حاجه لروفيدا
مؤمن : لا مقولتلهاش ع حاجه
اسر: طب كويس عشان متزعلش
_______________________
في مكان بعيد
صلاح بغضب : انت بتقول اي ازاي حصل الكلام دا
علي: والله يا بااشاا مااعرف انا لسه عارف من ساعه وجيت ابلغك
صلاح بغضب: بنت ال**** حسابها تقل اوووي والله ماهرحمها ثم اكمل هي في انهي مستشفي
علي: مستشفي***** بس عيلتها وزمايلها واقفين قدام الاوضه
صلاح: لا انا مش هعمل فيها حاجه في المستشفي بس مش هسيبها اخلص بس الصفقه دي وهفضلها
علي: تمام يا بااشاا
صلاح : خلاص غور انت
____________________
عند نورهان كانت في البيت نايمه رن فونها
نورهان بنعاس : الو مين
شخص: كل دا نوم يلا اصحي
نورهان بدهشه: سيف
سيف: اه سيف
نورهان: اصحي اي دلوقتي انت عارف الساعه كام
سيف: الساعه5ونص / 6 القيكي قدامي يلا بدون نقاش وقفل السكه
نورهان بدهشه: مجنون 6 اي دا
وفعلا قامت خدت شاور ولبست ونزلت بسرعه كان والدتها ووالدهاا نايمين ركبت العربيه وراحت المبني اول ماوصلت فونها رن وكان سيف
سيف: تعالي اوضه التدريب وقفل قبل مايسمع ردها
راحت اوضه التدريب لاقت باقي الفريق وباين عليهم النعاس ضحكت ع شكلهم
نورهان: انا مش فاهمه حاجه احنا اي الي جايبنا هنا وليه بدري اوي كدا
قطع كلامها دخول شخص
كلهم:انتي مين
سيف: احب اعرفكوا النقيب مريم انضمت جديد للفريق
سيف بجديه : دلوقتي انا جمعتكوا لان للزم نكون جاهزين للعمليه دي الخطه هي هي بس المعاد اتغير ومش مهم تعرفوا المعاد دلوقتي بس فيه تدريبات هتحصل ودا مش انهارده بس يعني من انهارده لحد معاد العمليه هتيجوا كل يوم نفس الوقت دا
كلهم بصولوا بصدمه
ثم اكمل ودلوقتي يلا البسوا لبس رياضي عشان نبدا
ساره وباسم :بس احنا مش معانا لبس رياضي
بصوا لبعض وضحكوا
سيف : ادخلوا الحمام كل واحد هيلاقي باب مكتوب عليه اسمو ادخل هتلاقي اللبس ودلوقتط قدامكوا خمس دقايق وتكون لابسين
نورهان: اي دا مش هنلحق
سيف : عدي دقيقه
نورهان بصتلوا بغيظ وراحت غيرت بس للاسف اتاخرت 4 دقايق بعد ماخرجت كلهم بصولها بخوف
باسم بهمس : مكنش يومك والله يااختي
ساره بهمس: كنتي طيبه والله 😂😂
باسم بهمس: يعيني عليكي وع شبابك 😂
سيف بصرامه : اتاخرتي 4 دقايق كاملين وعقابا ليكي هتعملي نفس التمارين الي هما هيعملوها بس زياده عنهم ب14 مره عشان بعد كدا تتعلمي الانضباط في الوقت
نورهان: وانا قولت لحضرتك ان الوقت قليل اني البس فيه
سيف : هيزيدوا 14 كمان / كانت لسه هتكلم
هو قال ولو اعترضتي تاني هخليهم 40
نورهان بصتلوا بغيظ وسكتت
سيف : يلا دلوقتي كل اتنين قصاد بعض انا هقسمكوا
باسم قصاد ساره / مروان قصاد مريم /واخيرا نورهان قصاد سيف نورهان اعترضت لانها مش طايقه انها تبقي معاه
نورهان : انا عايزه ابقي قصاد مروان
سيف بغيره وغضب: احنا مش في ملاهي هنا يااحضره الظابط دي اوامر ولازم تنفذيها
نورهان بغيظ: ماشي
بدا التدريب باسم وساره اول مره كسبت ساره تاني مره باسم هو الي كسب / مروان ومريم المرتين مريم الي كسبت ومروان كان متغاظ منها جدا لان اول مره يتهزم وكمان قصاد بنت / بالنسبه بقاا لنورهان وسيف فا دا تقريبا كان معركه مكنش تدريب 😂نورهان كانت بتضرب بغيظ مكنتش طايقاه وسيف كان غيران جدا انها اختارت مروان وكان بيضرب بغيظ وكلهم خلصوا ووقفوا يتفرجوا عليهم وهما مصدومين الي يشوفهم يقول اعداء فعلا كانت معركه بين وحوش لان نورهان قويه جدا ومش خصم سهل ابدا وسيف بردوا قوي جدا بس اكيد سيف اقوي واخيرا انتهت الحرب بفوز سيف في المرتين / نورهان من الغيظ جت تضربوا بوكس هو مسك ايديها بسرعه ولواها ورا ضهرها كانت قريبه جدا منو

نورهان بغضب والم : اه سيب ايدي يامتخلف
شد ع ايديها جامد سيف بغضب: لمي لسانك دا احسنلك
نورهان بتحدي وهي تحاول اخفاء االالم: ولو مالمتهوش هتعمل اي يعني
سيف بتحدي مماثل: هقطعهولك
نورهان: ياما تصدق خوفت
سيف: لازم تخافي طبعا
نورهان باستغراب: اخاف من اي والاصح اخاف من مين
سيف بغضب : تخافي مني طبعاا
نورهان : اخاف منك انت ع اي هو عشان كسبت في التمرين خلاص يبقاا اقوي لا ع فكره انا اقدر اكسبك بس انت الي فجأتنا واحنا مكناش مستعدين
سيف : دا مش عذر الظابط بيبقي مستعد دايما
نورهان استغلت انشغالوا في الكلام وراحت ضربتوا ع رجله وقع ع الارض وهي وقعت فوقيه لانو كان ماسك ايديها
سيف : من حفر حفره لاخيه وقع فيها ياحضره الظابط
نورهان بتوتر: سيب ايدي يخربيتك عمالين يتفرجوا علينا
سيف ببرود: مايتفرجوا عادي
نورهان بغضب وصوت عالي: عادي اي انت عبيط
كلهم اتصدموا من الكلمه وكلهم في سرهم قروا الفاتحه ع نورهان لانه اكيد مش هيسيبها 😱
سيف بغضب : صوتك علي واظاهر انك نسيتي انا مين لا وكمان بتشتمي وعقابا ليكي هتفضلي هنا اليوم كلوا تدريبات وتنضفي الالات كلها وصاله التدريب كمان
نورهان خافت من شكلوا بس اخفت دا : لا طبعا مستحيل اعمل دا
سيف بغضب : ولو متعملش كل الي طلبتوا اعتبري نفسك بره المهمه من دلوقتي مفهوم
نورهان بصتلوا بغضب وسكتت
سيف بحده : قولت مفهوم
نورهان بغيظ: مفهوم
وكملوا تدريب/ تاني تدريب كان ضغط كلهم عملوا 50 ونورهان عملت 80 والتدريب التالت جري ع الترالك لمده ساعتين ونورهان لمده  3 ساعات هما خدوا بريك الساعه الي نورهان بتجري بيها ع التراك
والتدريب الرابع تمرين البطن كلهم 30 عده ونورهان60 عده خلصوا التمرين واجتمعوا كلهم جنب بعض
سيف بجديه : دلوقتي كل واحد يدخل الحمام ياخد شاور ويلبس في عشر دقايق
كلهم راحوا الحمام ونورهان معاهم
سيف بحده: انتي رايحه فين
نورهان : هاخد شاور والبس
سيف : شكلك نسيتي الي انا قولتوا
نورهان: لا منستش بس هاخد شاور لاني تعبت
سيف : لا مفيش شاور انتي هتقعدي كدا وتنفذي الي انا قولتوا بالحرف وحذاري لو جيت في اي وقت ولقيتك نايمه او قاعده مفهوم
نورهان كانت تعبانه بس مش عايزه تبين عشان ميشمتش فيها : مفهوم
خرجوا كلهم وطلعوا وفضلت نورهان في صاله التدريب بتعمل الي سيف قالوا وكانت مرهقه جدا وتعبانه غير انها مكلتش حاجه لحد دلوقتي و بعد ساعتين خلصت التنظيف قالت تاخد شاور وبعديها تبدا تدريب وكان لحسن الحظ فيه لبس رياضي زياده خدت شاور ولبست وطلعت وفكرت في فكره
وخرجت بره صاله التدريب وراحت مطعم طلبت تكل ورجعت بسرعه قبل ما سيف ياخد بالوا ورجعت وهي داخله لقيتوا قاعد ع كرسي في وشها ع طول
سيف بحده: كنتي فين
نورهان بخوف: كنت... كنت
سيف: في اي انتي اتخرستي
نورهان : كنت بجيب اكل
سيف بغضب: وانا قولت اي هو كلامي مش بيتسمع نهائي قولت متخرجيش بره صاله التدريب نهائي
نورهان بزعيق : وانا جعانه مكلتش من الصبح لان حضرتك مكلمني الساعه5 ونص الصبح ولحد دلوقتي لان حضرتك معاقبني
سيف : قولت صوتك ميعلاش وهاتي الاكل دا
خد منها الاكل ثم اكمل/ ودلوقتي الي قولتوا يتنفذ ومفيش اكل
نورهان : دا ظلم انت معندكش دم انا عملت كل حاجه قولت عليها وادربت اكتر منهم هما خدو بريك وانا مخدتش ولا ثانيه ولمجرد اني خرجت اجيب اكل اتعاقب تاني
سيف بحده وهو يمسك ايديها جامد : قولتلك لمي لسانك الي خلاكي تتعاقبي هو قله ادبك والي حلاكي تاخدي تدريب اكتر منهم بسبب تاخيرك يعني انا مش بتبل عليكي كل دا انتي الي بتعمليه وتاني مره لو قليتي ادبك هتتعاقبي ودلوقتي روحي كملي ومفيش اكل
نورهان بمهس : بارد
سيف : بتقولي حاجه
نورهان بغيظ : مبقولش
سيف : بحسب
راحت نورهان قعدت تدرب وهو كان بيراقبها عن طريق كاميرا مراقبه
سيف : احسن كان لازم اعمل كدا عشان لسانك الي عايز قطعوا دا
في اخر اليوم سيف عدي ع نورهان
كانت قاعده ع الارض من التعب والارهاق وكتر التدريب وفجاه سيف دخل قامت وقفت بسرعه
سيف: شاطره استمري بقاا انا ماشي دلوقتي وهاجي 5 ونص بكره اجي القيكي بردوا بتتمرني لو جيت لقيتك نايمه هحميكي
نورهان : حاضر
خرج سيف ونورهان قعدت تدعي عليه 😂😂😂
( بصراحه نورهان صعبت علياا جدا بس هي الي لسانها طويل انا اعمل اي 😂😂😂)
سيف بعد ماخرج حب يعمل يخوفها راح شد سكينه الكهرباء والنور قطع خالص
نورهان من جواه: عاااااااااا يا ماما النور قطع  فين التليفون
فضلت تدور ع الفون وهو بيراقبها لقت فونها فتحت الفلاش لقتوا قدامها مره واحده صوتت والفون وقع من ايدها وهي اغم عليها
سيف جري رفع سكينه الكهرباء ورجعلها شالها وقعدها ع كرسي
سيف بخوف : يخربيتك انا كنت بهزر مكنتش اعرف انك جبانه اوووي كدا / نورهان
فضل يضرب ع خدها براحه وجاب مايه ورش عليها
ووبعد وقت فاقت
نورهان : اه
سيف براحه : الحمدلله
نورهان : انت بتعمل اي هنا
سيف : انتي مش فاكره حاجه
نورهان : انا فاكره ان النور قطع وانا طلعت الفون وشغلت الكشاف وفجاه اكملت بخوف لقيت عفريت قدامي
سيف بغيظ : عفريت
نورهان: اه كان شكلوا يرعب اوووي وبعديها محستش بحاجه بس انت جيت ازاي انت كنت مشيت لما النور قطع
سيف بغيظ : اصل انا العفريت
نورهان بحرج: سوري انت الي ظهرت فجاه فا طبيعي خوفت وافتكرتك عفريت
سيف : بس مش عيب ظابط زيك وتخاف من الضلمه
نورهان : لا مش عيب كل واحد فينا عندو حاجه بيخاف منها
سيف : طيب خدي الاكل بتاعك اهو عشان متقوليش اني خدتوا لياا كلي ثم اكمل بجديه تاكلي وبردوا تنفذي الي قولتوا
نورهان بغيظ وضربتوا وهي بتزقوا : طب اتفضل اطلع بره بقاا بني ادم بارد كل حاجه ( وهي بتقلده)  نفذي الي انا قولتوا
سيف : ماشي انا ساكت بس ومقدر انك لسه خايفه يلا انا ماشي سلام
نورهان : اوووف واحد غتت وبارد وغلس وتنح

_______________________
صباح يوم جديد
في المبني عند نورهان
الساعه5ونص دخل سيف صاله التدريب بيور ع نورهان سيف باستغراب: معقوله تكون روحت / لا طبعاا هي متقدرش تعملها
وقع نظروا عليها نايمه عند حلبه الملاكمه 
سيف جواه: يااه ملاك نايم
فاق سيف من تفكيروا بسرعه وراح ناحيه الحمام جاب جردل مايه وهوب دلقوا عليها شهقت نورهان
فاقت وبصت حواليها لقتوا واقف بكل برود
نورهان بغضب: في حد بيصحي حد كدا
سيف ببرود : اه انا  وبعدين انا قولتلك وحذرتك لو نمتي هحميكي وانتي خدتي كلامي بصفه هزار واستهترتي بيه استحملي بقاا
نورهان بغيظ: يارب امتي اخلص منك ومن ام المهمه دي
سيف ببرود : من ناحيه هتخلصي من المهمه فا دي هنحلص منها لكن تخلصي مني مظنش بصراحه لان قرار نقلك مش لمجرد مهمه لا دا ثابت
نورهان بصدمه: يعني انا هفضل اصطبح بوشك كل يوم
سيف بغضب: لمي نفسك يابت انتي دا ع اساس اني بعشقك مثلا وهموت واشوفك بس للاسف القرار جاي من فوق يعني اوامر
نورهان : بت لما تبتك واوعي كدا اروح اغير بدل الهدوم الي غرقتها دي
راحت نورهان تغير وسيف بردوا راح غير وخرجوا كان باقي الفريق وصل وسلموا ع نورهان
ساره بهمس : معلش ياروحي بس انتي بردوا غلطتي لما شتمتيه قصاد الكل كدا
نورهان بغيظ وهمس: دانا لو طولت اقتلوا كنت عملت
ساره : هههههههههههه لا بصي هدي نفسك كدا انهارده بدل ما تتعاقبي تاني وانتي اصلا شكلك مرهق جدا
نورهان : اه والله تعبانه اوووي وهموت وانام
ساره : خلاص يبقي خدي اللعب شويه
نورهان : يابنتي هو انا كلمتوا اصلا هو الي بارد ومستفز وشبه العفريت كدا
ساره: عفريت اي دا قمر
نورهان بسخريه: قمر بالستر يااختي قال قمر قال
دا قمر / ابقي فكريني اروح اكشف ع عنيكي شكلك مش بتشوفي كويس
ساره : ماشي يااختي انا هروح البس قبل مااتعاقب انا كمان
نورهان : روحي
فضلوا هما الاتنين واقفين قصاد بعض ومش طايقين بعض وبعد خمس دقايق خرجوا باقي الفريق وبدا التمارين
_______________________
عدي يومين بدون احداث مهمه
عند هاجر كانت بتحلم كانت في مكان ضلمه خالص ومش شايفه حاجه فجاه لقت نور بعيد فضلت تجري ناحيه النور دا تجري وتجري وتجري لكن هي حاسه ان كل ماتجري النور بيبعد وفجاه..............
يتبع________
دلوقتي اسفه جدا ع التاخير. بس انا كان المفروض نزلت الروايه من بدري بس وانا بكتب الروايه وكنت خلاص رايحه انشرها الفون فصل فجاه ولما فتحتوا كل حاجه مكنتش متسجله فا اضطريت اكتب من اول وجديد / ويارب تكون الروايه طويله وتعجبكوا جدا