رواية احببت عنادك... بقلمي/هاجر هشام الفصل السابع وثلاثون 37 - بقلم Hagar Hešhàm

عند هاجر
وصلوا الفرح واشتغلت الزفه ودخلوا كانوا البنات حواليهم والشباب والاهل كلهم
دخلوا واشتغلت رقصه السلو واسر كان حاضنها وهما بيرقصوا وهي كانت مكسوفه جدا
هاجر بخجل: اسر ابعد شويه عيب كدا الكل بيبص علينا
اسر : طب ما يبصوا فيها انتي مراتي يا هبله تفضل اقولها كتير انتي مراتي والله اكتبهالك ع البدله طب
هاجر :ههههههههههه خلاص يخربيتك عرفت اني مراتك
اسر: اصل كل شويه تقوليلي عيب
هاجر: ههههههههههه انا اسفه خلاص
اسر : ماشي يا جوجو سماح المرادي

عند لؤي
لؤي لمنار : ما تيجي نرقص
منار: لا مينفعش طبعا
لؤي : ليه دا احنا مخطوبين حتي
منار: اديك قولت مخطوبين مش متجوزين يعني مينفعش
لؤي: انا زهقت والله طب وناويه امتي توافقي بقاا نكتب الكتاب عشان ينفع واوعي تقولي لما تعرفيني عشان انا حفظتك والله مش عرفتك بس
منار : ههههههههههه خلاص بعد ما يرجع اسر وهاجر من شهر العسل
لؤي بفرحه: اخيراا حنيتي دا انا كنت فقدت الامل خلاص
منار: ههههههههههه اي خدمه
لؤي بغمزه: طب ما تعملي خدمه تاني ونرقص
منار : لا
لؤي بمكر : ماشي يا رورو
راح لؤي لعمر واستئذن منو ووافق رجع بعدها ع طول لمنار وشدها للرقص وهي حاولت تكون طبيعيه عشان محدش ياخد بالو ورقصت معاه
منار بغضب : اي الي انت عملتوا دا
لؤي ببرائه: عملت اي انا استاذنت عمر وهو وافق
منار : عمر وافق عادي
لؤي : اه عادي يابنتي هو انا شاقطك دا انتي خطيبتي
منار : اي شاقطك دي لم نفسك
لؤي: حاضر
كملوا رقص
تروح بقاا لمؤمن
مؤمن لروفيدا : تسمحيلي بالرقصه دي
في اللحظه دي الاغنيه خلصت
روفيدا بضحك:ههههههههههه الرقصه خلصت
مؤمن سرح في ضحكتها وجمالها وهي استغربت سكوته بصتلوا لقتوا باصصلها اتكسفت وبصت في الارض
مؤمن: لا ارفعي وشك خلي القمر يطلع
روفيدا بخجل : عن اذنك
مؤمن : استني بس رايحه فين
روفيدا بخجل: هروح اقعد
مؤمن: ليه كدا 
روفيدا : هو اي الي ليه كدا
مؤمن : انا قصدي يعني هتقعدي ليه هو انتي مش صاحبه العروسه واخت العريس يعني المفروض تكون جنبها
روفيدا : مانا هروح اقعد جنبها
مؤمن بضحك: طب وهترمي اسر ولا اي
روفيدا بضحك: ايوا يروح يشوف مكان تاني يقعد فيه
مؤمن: عشان خاطرك ممكن اخدوا عاادي
روفيدا : لا شكرا عن اذنك
راحت روفيدا عند هاجر ومنار
عند حازم
حازم: هو انتي ليه كدا
مي باستغراب : كدا ازاي مش فاهمه
حازم: يعني هاديه ورقيقه ومش بتكلمي كتير
مي : ودي حاجه وحشه ولا حاجه حلوه
حازم : لا طبعا حاجه جميله انا بحب البنات الهاديه جدا
مي : طب ربنا يرزقك بواحده هاديه عن اذنك
حازم: استني بس انتي اضايقتي ولا اي
مي : لا طبعا وهدايق ليه مش فاهمه
حازم : اصل افتكرتك اضايقتي / المهم احنا متعرفناش انا حازم ابن عم هاجر
مي : انا مي صاحبه هاجر
حازم: اسمك حلو يا مي
مي : ميرسي عن اذنك بقاا عشان مينفعش الواقفه دي
حازم : اه طبعاا اتفضلي
راحت مي عند هاجر
في اللحظه دي اشتغلت الاغاني وكلوا كان عمال يرقص
هاجر كانت ماشيه اسر مسكها
اسر : انتي رايحه فين
هاجر : رايحه الحمام
اسر باستغراب: اي دا ليه
هاجر بسخريه: هي الناس بتدخل الحمام ليه
اسر باحراج: اسف انا بس استغربت
هاجر : طب عن اذنك
راحت هاجر الحمام و اول ما دخلت
هاجر بابتسامه: جاهزه
هدير بحماس : جاهزه
هاجر بضحك: واضح اننا نفس الجنان يااوختشي
هدير بضحك:اه والله /يلا بقاا بسرعه البسي انتي كمان
هاجر : حالا
غيرت هاجر الفستان ولبست
وهدير بردوا ليست زيها وخرجوا هما الاتنين بره والكل اتصدم لما شافهم واسر اتصدم من هاجر واتعصب جدا

خرجوا الاتنين وهاجر وهدير راحوا ناحيه الاستيدج ومسكت الميك
هاجر : عارفه انكوا كلكوا مصدومين من هدير احب اقدملكوا هدير اختي وتؤامي / طبعا كلكوا عايزين تعرفوا هي كانت فين الفتره الي فاتت هي كانت مسافره بره بسبب ظروف حصلت ودا الي خلانا نتفرق بس اتجمعنا تاني ثم اكملت وهي تنظر لهدير وان شاء الله مش هنتفرق تاني ابدا حضنوا بعض جامد حضن اخوات حقيقي والكل صقف وعنيهم دمعت من الفرحه ع الحب دا
بعدها اشتغلت الاغاني والكل بيرقص واتلهي في الفرح لكن فيه عيون كلها شوق ولهفه العيون دي كانت سلوي وخالد عايزين يجروا عليها يحضنوها لكن خايفين من رد فعلها مش عارفين هي فاهمه اي لحد دلوقتي وهي بردوا كانت منتظره انهم يجوا يحضنوها لكن معملوش كدا وزعلت افتكرت انهم رموها فعلا ومش عايزينها
عند هاجر واسر
راحت هاجر ترقص لكن اسر شدها وقعدوا فئ الكوشه
اسر بغضب وهمس في اذنها: ممكن اعرف اي الزفت الي لبساه دا احنا مش اتفقنا الفساتين دي متتلبسش تاني
هاجر بتلقائيه: معلش يا حبيبي دي اخر مره هو بس عشان الفستان كان تقيل ومكنتش عارفه اتحرك بيه
اسر اتصدم هي قالت حبيبي بجد
اسر بصدمه: انتي قولتي اي
هاجر باستغراب: بقول الفستان تقيل ومكنتش عارفه اتحرك بيه
اسر : لا مش دا الي قابليه
هاجر : اخر مره
اسر : يا بنتي الي قبليه
هاجر بخبث: قصدك حبيبي
اسر : ايوا هي دي قوليها تاني كدا
هاجر بدلع: حبيبي
اسر بلهفه: بقولك اي انا زهقت ماتيجي نهرب احنا ونسيبهم هما يكملوا الفرح
هاجر : ههههههههههه لا طبعا انت بتقول اي مينفعش
اسر : ماهو بالضحكه دي والله هخطفك
هاجر : خلاص خلاص مش هضحك
اسر : ايوا كدا خلي الليله تعدي ع خير

عند هدير راحتلهم كانت مخنوقه
هدير بخنقه: انا هسال سؤال واحد بس لو انتوا مش عايزني ورمتوني زمان انا همشي ومش هتشوف وشي تاني
سلوي بدموع : لا احنا عمرنا ما رمناكي ابدا ولا دلوقتي ولا زمان والله
هدير : امال ليه لما شوفتوني ولا حضنتوني ولا كأن كان ليكو بنت اصلا
سلوي بعياط: كنا خايفين لمتصدقيناش
هدير : مصدقكوش في اي
سلوي بعياط: هحكيلك ع كل حاجه بس لما نرجع البيت وهقولك بس ممكن اخدك في حضني انتي وحشتيني اوووي
هدير : ماشي
جريت سلوي حضنت هدير جامد حضن ام محرومه من بنتها بقالها سنين وهدير بردوا كان نفسها في الحضن دا من زمان حضنوا بعض وقعدوا يعيطو
خرجت هدير من حضنها وجريت حضنت باباها
خالد بشوق : وحشتيني اوووي يا بنتي وحشتيني اووي
حضنتوا هدير جامد وفضلت تعيط
💖💖💖💖💖💖💖💖💖💖💖
عند سيف
كان قاعد في البيت عند نورهان هو وباسم وسياده اللواء  في الصالون
محمد : ها يا سيف قولتلي انك عايزني في موضوع مهم خير
سيف : خير ان شاء الله الحقيقه انا كنت جاي اطلب ايد الانسه نورهان
محمد:كدا ع طول يابني دا انت لسه خارج من حادثه
سيف : ماهو الحادثه دي بذات هي الي خلتني استعجل
محمد باستغراب: ازاي مش فاهم
سيف : لاني بصراحه الحادثه عرفتني ان الانسان ممكن يموت في اي لحظه ف ليه ميستمتعش بالدنيا ويعمل الي بيحبو بدل ما يضيع عمرو في خصام وفراق
محمد بتفهم: تمام خلاص يابني اديني وقت بس اشوف رائ نورهان ووالدتها وارد عليك
باسم : وانا بردوا يا سياده اللواء
محمد باستغراب: وانت بردوا اي عايز تجوز نورهان انت كمان
باسم بضحك: هههههه لا مش لدرجادي انا عايز اتجوز ساره
محمد باستغراب: ساره مين
باسم : ساره الي معانا في الفريق انا بصراحه بحبها وهي بتعتبر حضرتك زي والدها
محمد: اه ماشي يابني خلاص هقولها واشوف رائيها واقولك
سيف : طب نستاذن احنا بقاا عن اذن حضرتك
محمد: خليك يابني اتعشي معانا
سيف :لا معلش خليها وقت تاني مع السلامه
محمد: مع السلامه
خرج سيف وباسم مسند سيف نزلوا وركبوا العربيه
سيف : يعني انا جايبك معايا عشان تسندني تقوم تخطب
باسم : هههههه مانا قولت فرصه بالمره بقاا
سيف : ماشي يااخويا
باسم: هتروح البيت
سيف : اه عايز ارتاح تعبان اووي
باسم بقلق: مالك حاسس بحاجه تروح المستشفي
سيف : لا مفيش حاجه انا قصدي مرهق شويه
💖💖💖💖💖💖💖💖💖💖

عند هاجر خلص الفرح وودعوا العروسين اهلهم وركبوا العربيه وبعد نص ساعه وصلوا البيت طلعوا وعند باب الشقه اسر شال هاجر وهي اتفاجات وهو ضحك وشالها ودخل
هاجر بجديه: نزلني
اسر باستغراب من جديتها: طيب اهو نزلتك في اي
هاجر : في ان خلاص المسرحيه خلصت لحد هنا
اسر باستغراب: مسرحيه اي انا مش فاهم حاجه
هاجر : مسرحيه الحب والغرام والرومانسيه دي خلاص مبقتش قادره اكمل فيها
اسر : انتي بتقولي اي انا مش فاهم حاجه
هاجر : انا هفهمك كل دا كان تمثيل انا محبتكش ولا سامحتك ع الي عملتوا فياا اصلا فاكرني عبيطه عشان اسامحك بالسهوله دي لا طبعا انا عملت كل دا عشان اكسرك زي ما كسرتني فاكر يومها قولتلك اي قولتلك اني هكسرك وهجرحك زي ما عملت فيا وكسرتني
اسر كان بيسمع كل دا وكأن جردل مايه ثلج وقع عليه كان مصدوم مش مصدق يعني كل دا كان تمثيل يعني هي مكنتش بتحبني اصلا
اسر بغضب : انتي ازاي طلعتي بالحقاره والقسوه دي
هاجر بقسوه : انت الي طلعت القسوه دي لكل فعل رد فعل انت الي بدات وقولتلك هندمك ع الي عملتوا وانت استهترت بكلامي اشرب بقاا/ مش دي كلمتك بردوا الي قولتهالي ساعتها (اشربي بقاا ) فاكر
اسر بغضب: انا جيتلك واعتذرت وانتي قبلتي ليه تعملي كدا كان ممكن ترفضي
هاجر بقسوه : اديك قولت كان ممكن ارفض بس انا قبلت عشان اخليك تحبني زي ماانت ما عملت بالظبط لما بدات احبك جرحتني / انت فاكر لما جيت اتقدمتلي كنت فاكرني وافقت عشان تهديدك الاهبل بالصور دا تبقي عبيط انا وافقت عشان انتقم
اسر ضربها بالقلم وشدها من شعرها بغضب: بقاا انا عيله زيك تعمل معاياا كدا اوعي تفكري يا حلوه انك كدا كسرتيني تبقي عبيطه انا ممكن ادوس ع قلبي بالجزمه ولا ان واحده زيك تفكر انها انتصرت علياا و كويس اووي انك كشفتي ورقك و احنا متجوزين و دلوقتي كمان لان انتقامي انا الي هيبدا ثم اكمل وهو يجرها للاوضه وسط صراخها و دلوقتي بقاا هتفضلي محبوسه في الاوضه دي مش هتخرجي
حبسها اسر في الاوضه وسط صراخها وخبطها ع الباب
هاجر بصراخ : هتفضل طول عمرك جبان حبستني عشان خايف خايف تظهر مشاعرك مش عايز تبين اني كسبت
اسر بغضب وهو براا: مهما قولتي بردوا مش هفتح

عند هاجر جوا سكتت عن الخبط والصراخ دخلت بصت في المرايه وبتكلم نفسها في المرايه وكأنها بارد عليها كانت بتعيط
هاجر في المرايه: مبسوطه دلوقتي انك جرحتيه
هاجر بدموع: مش عارفه كنت فاكره اني تبقي مبسوطه لما اجرحوا زي ما جرحني لكن حاسه بوجع اكتر
هاجر في المرايه: عشان حبتيه بس بسبب الانتقام عماكي وخلاكي مشوفتيش دا وفضلتي تكابري لحد ما وصلتي لكدا
هاجر بنفي: لا محبتوش ومينفعش احبوا دا جرحني وكسرني
هاجر في المرايه: لا حبتيه بس بتكابري بردوا لحد دلوقتي /عايزه اعرف استفدتي اي دلوقتي 
هاجر : حسستوا بالي انا حاسيته خليتوا يحس هو عمل اي هو فاكر زي اكنو داس ع رجلي بالغلط وجاي يعتذر كان بيتعامل ولا كأنو عمل حاجه كان لازم يحس هو وجعني قد اي
هاجر في المرايه : واديكي حسستيه اتبسطي بقاا اه و هينتقم وهتفضلوا في دايره الانتقام دي لحد ما تخلص ع حد فيكوا
هاجر : ملكيش دعوه
هاجر في المرايه: انتي جرحتيه في كرامتوا دا راجل ومش هيقبل ان حد يمس كرامتوا
هاجر بغضب: وكرامتي انا عادي يجرحها ولا هو كرامتوا ازاز وانا كرامتي حجر عادي
هاجر في المرايه: براحتك وعملي الي تعمليه طالما مش معترفه انك غلطانه يبقي خلاص
هاجر : ايوا بالظبط براحتي
( تقريبا البت اتجننت بتكلم نفسها في المرايه 😂😂😂😂)
عند اسر براا كان متعصب جدا وفيه حوار داير بين قلبه وعقله
العقل: هي دي الي قولت حبتك وسامحتك خلاص اني طلعت بتمثل عليك
القلب: بس انا حاسس انها بتحبني لسه هي ممكن عملت كدا عشان لسه مجروحه
العقل: لسه بردوا بتدافع لسه بطلع اعذار بعد الي قالتوا دا هي الي قالته بنفسها انت مستني اي تاني
القلب: ايوا بدافع لاني متاكد انها بتحبني زي مانا بحبها
العقل: لا مش بتحب دي عمرها ما حبتك
اسر بصراخ: بس بقاا ثم اكمل بوعيد: ماشي يا هاجر انا هوريكي الانتقام ع حق عشان مش عيله زيك تلعب بياا انا
قعد ع الكنبه بيفكر ومش قادر ينام من كتر التفكير كان مجروح وهي بردوا كانت ع السرير وبتعيط مش قادره تبطل عياط هي حاسه بوجع حاسه انها قسيت اوووي لكن بتعند وتقول لا زي ما عمل فيا يتعمل فيه
💖💖💖💖💖💖💖💖💖💖
في بيت هاجر
رجع خالد وسلوي وهدير ولؤي
هدير : انا دلوقتي عايزه اعرف كل حاجه ليه رمتوني زمان ولو مرمتونيش ليه مدورتوش علياا
سلوي بعياط : انا هحكيلك يا بنتي
لؤي: تحكي اي يا ماما انا مش فاهم حاجه
سلوي بدموع: الحكايه يا بنتي انا كان لياا صاحبه عمري كنا مع بعض في كل حاجه كنا ع الحلوه والمره مع بعض وفي اليوم الي انا كنت حامل فيكي انتي وهاجر كانت هي بردوا حامل وفي يوم الولاده بردوا انا ولدتك انتي وهاجر لكن هي للاسف ابنها نزل ميت ساعتها وغير كل دا حصلها نزيف جامد واضطروا يشيلوا الرحم فا هي زعلت جدا وفضلت منهاره هي كانت عايشه في الشقه الي فوقينا دي فا انا زعلت عليها جدا فانا قولتلها اعتبري هدير وهاجر عيالك هي فرحت وطلبت مني في يوم ان انتي تباتي في حضنها فا انا وافقت بحسن نيه بس هي في اليوم دا خدتك وهربت هي وجوزها وفضلنا ندور ونسال في كل حته معرفناش نوصلك خالص يابنتي
هدير : وهو اي حد يقولك هاتي بنتك تبات معايا تقوليلها اتفضل اهي عادي كدا
سلوي بعياط: لا والله ابدا انا مكنتش مدياا خوانه لانها عايشه فوقينا وكانت صحبتي جدا
هدير : واهي صاحبتك خانتك وخطفت بنتك وحرمتك منها ٢٤ سنه
سلوي بدموع: ربنا يسامحها بقاا لو كانت عايشه او ميته
هدير : لا هي ماتت بس مقالتليش ع اي حاجه
سلوي : ربنا يسامحها وتسامحيني يابنتي لو غلطت في حقك
هدير بحنان: لا انتي مغلطيش في حقي انتي عملتي دا بحسن نيه وقلب طيب ثم اكملت وهي تحضنها وحشتيني اوووووي ياامي
سلوي بحنان: وانتي وحشتيني اوووي يا بنتي
لؤي بمرح: اي دا يعني انا اخلص من هاجر تطلعلي شبيهتها لا كدا كتير
هدير بضحك: حظك بقاا مش هتخلص مننا
لؤي: ههههههههههه مش عايز اخلص دا كويس انا كنت زعلان اني مش هناقر في هاجر زي كل يوم بس اديكي جيتي مكانها
هدير بضحك : لا انا بقول اروح احسن
لؤي: خلاص يا ماما هو دخول الحمام زي خروجوا
هدير : اي جو ريا وسكينة دا
لؤي وهو يقلد ريا وسكينة: دا احنا هنروقووكي
هدير بتمثيل الخوف: يا ماما لا انا الحق اروح
سلوي وخالد فرحوا انهم خدوا ع بعض بسرعه وهدير خدت ع البيت
💖💖💖💖💖💖💖💖💖