رواية احببت عنادك... بقلمي/هاجر هشام الفصل الستون 60 - بقلم Hagar Hešhàm

في الليل عند كريم وهدير في الاوضه
هدير بتسرح شعرها وكريم قرب منها وحضنها

كريم : هو انا مش بصعب عليكي خالص كده

هدير لفتله بقلق : ليه ي حبيبي ،انا عملت اي

كريم بيحقق في ملامحها وجمالها : مش عارفه! عماله تحلوي وانا عمال اتجنن ينفع كدا يعني !؟

هدير ابتسمت بحب ولفت ايديها حوالين رقبته بدلع : ااه ينفع عشان تفضل مشغول بياا وماتشوفش غيري ابدا

كريم اتنهد بتعب : اوففف .حرام عليكي تشوف غيرك اي بس ، دا انا ميت فيكي ،عارفه

هدير بحنان : عارفه اي

كريم : طول مانا في الشغل مش بكون مركز عمال بفكر فيكي ، تعرفي رغم انك شبه هاجر بس انتي مختلفه فيكي كدا كاريزما غريبه بتشدني ليكي

هدير بحب : معقوله جواك الحب دا كلوا لياا

كريم بحب: انا جوايا اكتر من كدا ،عارف اني عمري ما صرحتلك بحبي كتير قبل كدا ولا قولتلك كلام حلو بس اتشغلت بسبب الشغل وكمان انتي انشغلتي مع ابننا بس جت اهي الفرصه المناسبه واوعدك ان حياتنا بعد كدا هتبقي كلها حب ،حياتي انا سعيد ان كل واحد فينا همه الاكبر ان هو يسعد التاني انتي رغم زعلك ع هاجر بس كنتي بتحاولي تتداري دا وبتحاولي تبسطيني ومتحسسنيش انك زعلانه بس انا كنت حاسس بيكي ، هدير الملل والاهمال كافلين انهم يقتلوا اقوي حب لكن انتي بتقاومي زعلك وحزنك عشان تبسطيني

هدير بحنان: حبيبي عندك حق لو اي زوجين مهما حبوا بعض ..كل واحد عايش في وادي بعيد عن التاني يبقي هيفضلوا يبعدوا ويبعدوا لحد ما يبقي بينهم طريق طويل هيتعبوا اوووي عشان يرجعوا من تاني . الحب حياه واهتمام وامان الحب انك تلاقي نفسك في عيون حبيبك ،لما تشوفه ولما تسمع صوته قلبك يدق يدق بكل الحب الي جواك ،الحب انك تلاقي نفسك مع حبيبك مش مع حد تاني ، عارفه انك استحملتني كتير ،انا اسفه اني زعلتك في يوم

كريم وهو يضع صباعه ع بوقها : اوعي تقولي كدا ي حبيبتي انا استحملك العمر كلوا ومزعلش منك ولا ازهق ابدا انتي الوحيده الي خطفتي قلبي من اول نظره ،حبيتك من اول ما شوفتك ،كل يوم كنت بتعلق بيكي زي العيل الصغير وعلقتيني بيكي اكتر لما ربنا رزقنا بابننا وانا فرحان وهو بيكبر كل يوم جواكي اوعي تفتكري اني كنت زعلان ومضايق وانتي حامل او وانتي مشغوله مع ابننا بالعكس انا كنت مبسوط وانا شايف حته مني بتكبر جواكي وشايف فرحتك بيه وتعلقك بيه واهتمامك كنتي بتعامليه كانك خلفتي قبل كدا مش دا اول مره تخلفي

هدير بحنان وحب : دا عشان انت جنبي كنت بتساعدني انا كنت الاول مهزوزه ومتلغبطه لكن في وجودك بطمن ودا خلاني مش خايفه ولا متوتره وانا بتعامل معاه ابدا

كريم بغمزه ومكر: طب احنا هنقضيها كلام ولا اي انا عايز اعوض كل السنين الي فاتت انا واحد غلبان واتحرمت من الحنيه والحب دا

هدير بحب وهي تلف يدها حوالين رقبته بدلع : حبيبي انا كلي ملكك انت

💖💖💖💖💖💖💖💖💖
عند اسر و هاجر كانوا بيتمشوا ع البحر واسر كان لابس شورت كاچول وقميص ابيض مفتوح وهي هتتجن من الغيره بسبب البنات الي عمالين يبوصولوا
اسر : ههههههههههه ي حبيبتي اهدي شويه انتي كدا هتفرقعي من الغيره
هاجر بعصبيه : ماانتش شايف بيبصولك ازاي مش مكفيهم رجاله بلدهم بيدوروا ع الدم جديد .ستات بجحه

اسر ابتسم وقربها لحضنه وضم وشها بتملك وعنيه في عنيها :سيبك من كل دول وخاليكي معايا مش مهم هما عنيهم فين .المهم انا عنيا فين وع مين .مين الي قدرت علي اللي مفيش جيش ستات تقدر عليه ،لو عايزين يبقوا زيك وفي مكانك يتعلموا منك ي روحي

هاجر السعاده كانت بترقص في عيونها وتفاصيلها

هاجر بثقه : حتي لو اتعلموا مني محدش هيقدر يهز شعره منك غيري

اسر وهو يعقد حاجبيه: اي الغرور دا
هاجر بدلع: دا مش غرور ي حبيبي دي ثقه انا واثقه في حبيبي ان مفيش واحده تقدر تهز شعره منك

اسر وهو يحضنها بتملك : فعلا ي روحي محدش يقدر يهز شعره مني ولا يغريني غيرك انتي ،انتي الوحيده الي بتقدري تحركي مشاعري وترفعيني لسابع سما

شدها اسر قصاد الناس والبحر وحضنها جامد وابتسامه ع ضحكتها وعيونها الي فيها خليط سحرها وخطفه من اول نظره ،شالها ولف بيها وبعلو صوته
: بحباااااااااااااااااااك
هي كانت طايره من الفرحه والخجل بردوا من نظرات الناس الي بيبصولهم باعجاب وفرحه وبعد ما نزلها سمعوا تصقيف من حواليهم وتصفيير ع احلي قصه حب
وهي اتكسفت وهو قرب منها وهمس في اذنها
اسر : بحبك وحبيت عنادك وقوتك حبيت طيبتك وجدعنتك حبيت كل حاجه فيكي حبيت عيوبك قبل مميزاتك
هاجر مسكت ايده بحنان : بحبك
اسر ابتسم اكتر : الحب خلاص مش بيوصف احساسي بيكي عديته بمراحل .انا متيم بيكي ،هيمان فيكي .مجنون عليكي .

هاجر ابتسمت وفردت دراعه ونامت في حضنه وهو يحضنها بحنيه : حبيبي موهوب
اسر بمكر: انا بقول نكمل كلام في الاوضه احسن واوريكي مواهبي كلها
هاجر بمكر : مستعجل اوووي
اسر اتنهد وضمها اكتر : مستعجل اوووي اوووي .عايز اقولك كلام كتيير اووي عمري ما هقدر اخلصه ..
💖💖💖💖💖💖💖💖💖
مرت ايام اكتر ولحظات اكتر واجمل ع كل الاحباب
ومحمود وساره كل يوم بيقربوا لبعض اكتر وساره بتتعلق بيه اكتر ومحمود كان جنبها دايما لحد خلاص ما بقت علاقتهم اقوي واجمل واوضح كل واحد فيهم فهم التاني ومبقاش بيقدر يبعد عنه ولا يتحمل ساعات من غير وجوده او صوته معاه

عند محمود وساره كانوا واقفين ع البحر ومحمود شاف ساره سرحانه قرب منها ومسك ايديها وساره بصتله بخجل وابتسمت
محمود بهمس: تتجوزيني
ساره كانت متوقعه وبتتمني بس سماع الكلمه ليه سحر مختلف .قلبها دق فرحت وبكسوف
ساره : قولت ايه!
محمود ابتسم هو عارف انها سمعت .بس بتتاكد همس تاني بتاكيد ع كل حرف : تتجوزيني !
ساره بسعاده هزت راسها بقوه
محمود ابتسم بفرحه وباس ايديها وبحب ظاهر في عيونه :بحبك
ساره بخجل يقتل : بحبك
محمود بفرحه : انا مش مصدق نفسي اخيراا قولتيها اخيراا سمعتها منك قبل مااموت
ساره بسرعه وخوف : بعد الشر متقولش كدا
محمود بسعاده : حاضر مش هقول كدا
💖💖💖💖💖💖💖💖💖
عدي شهور ككل واحد رجع لحياته وشغله وحبيبه
لؤي ومنار ومؤمن وروفيدا وحازم ومي وسيف ونورهان عاشوا اجمل لحظات واوقات حب ورومانسيه كانوا المفروض يعيشوها من بدايه جوازهم لكن بسبب موت هاجر الي اثر في الكل خلاهم معاشوش الحب دا لكن خلاص رجعت هاجر ورجع الحب ، ومحمود وساره اتجوزوا وعاشوا اجمل ايام حياتهم وكل يوم حبهم بيزيد وتعلقهم ببعض وقدر محمود فعلا ينسيها باسم وهي اكتشفت انها مكنتش بتحب باسم اصلا كان مجرد اعجاب او تعود والحمدلله ربنا رزقهم ب ملك ويوسف
💖💖💖💖💖💖💖💖💖💖💖💖
عند سيف ونورهان
كانت نورهان في المطبخ بتحضر الفطار وجيه سيف من وراها حضنها وهي اتخضت
نور بخضه: اخس عليك ي سيف خضتني
سيف بحب : سلامتك ي روح سيف من الخضه
لفتله نور واتعلقت في رقبته : صباح الخير ي حبيبي
سيف بحب : صباح الفل ي حبيبتي
قاطعهم صوت بنتهم سلمي اللي كانت بتنادي بصوت غاضب حاولت تخليه عادي : بابا
بعد سيف عن نور شويه وبص لبنتوا : اي ي روحي
سلمي ببرائه: الحمام فضي يلا روح خد شاور
سيف عرف انها غيرانه من مامتها
سيف بخبث : بس انا مش عايز اخد شاور دلوقتي
سلمي ببرائه: لا انت بتاخد شاور كل يوم مينفعش تخلف في يوم
سيف بخبث : عادي ي حبيبتي مش مشكله يوم
سلمي بغيره: طب ابعد عن ماما
نور انفجرت من الضحك الي كانت كتماه من اول النقاش
راح سيف لبنتوا وشالها وباسها من خدها
سيف بحب : حبيبه بابا بتغير
سلمي ببرائه : ايوا انت حبيبي انا بس
نورهان وسيف ضحكوا ع برائتها وكلامها التلقائي
نورهان بخبث وهي تقترب من سيف وتحضنوا : لا دا حبيبي انا بس
سلمي بغضب : لا حبيبي انا ثم اكملت وهي تنظر ل سيف مش انت حبيبي انا بس ي بابي
سيف بحب : انتوا الاتنين حبايبي ي روحي
💖💖💖💖💖💖💖💖💖💖
عند هاجر واسر صحيت جميله ع تلك الاصوات التي اعتادت عليها كل يوم
هاجر بصوت عالي : انت السبب في اللي انا فيه وحالا جاي تزعق ،انا بقيت مبعرفش اتمرن ولا اجري ولا بعرف اعمل اي حاجه بسببك وبسبب ابنك الي مش عاوز يتولد عشان اخلص
اسر بسخريه : اللهم طولك ي روح هو انا كنت ضربتك ع ايدك مثلا ما كله بموافقتك وبعدين حد بيولد في السادس
هاجر بصراااخ: انت كل يوم تقولي الكلمتين دول مش كفايه انك قعدتني من الشغل لحد مااولد انا زهقت من قعده البيت
جميله بزهق: خناقه كل يوم والله تعبت
اسر : عندك حق والله ي حبيبتي ماما اتجننت
هاجر بغضب: انا مجنونه ي اسر
اسر ل جميله : جوجو انا هروح انام ومش عايز وجع دماغ
هاجر بعصبيه: انت بني ادم مستفز وبارد ،طلقني
اسر :يلا ي بت من قدامي بدل ماانتي عامله زي الكوره كدا لا وكمان بترمي بلاكي ع ابني الغلبان مش كفايه انك هتبقي امه
هاجر بصرااخ: عااااااااا طلقني ي بارد
جميله : صبرني يارب انا رايحه انام
خرجت جميله
اسر : اه والله ي حبيبتي ويصبرني انا كمان ع امك الي شكلها اتجننت خالص دي
هاجر بغضب: بقاا انا اتجننت ماشي ي اسر انا بقاا هنزل الشغل
اسر بسخريه : وبالنسبه لابنك
هاجر بسخريه: اولده انت بقاا
اسر وهو يقترب منها : شكلي هولدك انا ي حبيبتي
💖💖💖💖💖💖💖💖💖💖
تمت بنجاح الحمدلله اتمني تكون الروايه عجبتكوا
هو البارت صغير بس هي دي النهايه ،هتوحشوني جدا