رواية احببت عنادك... بقلمي/هاجر هشام الفصل الثامن وثمانون 88 - بقلم Hagar Hešhàm

وصلوا بااريس وكانت عربيتين مستنياهم ركبوا
جاسر وجميله في عربيه وادهم وعبدالرحمن وسلمي واسيل في عربيه  والبنات مستمتعين ب شوارع باريس وجمالها و اول ما شافوا برج ايفيل صرخوا بسعاده  والشباب ضحكوا عليهم

عند جميله
جاسر باستغراب : هو انا ليه حاسك انك جيتي هنا قبل كدا
جميله باستغراب : اشمعنا
جاسر : اصل بتشوفيها وانتي كانك متعوده وشوفتيها قبل كدا كتير
جميله : ايوا فعلا ،انا جيت هنا مرتين كان عندي مهمه
جاسر : ع كدا بقاا عارفه الاماكن
جميله : لا مش اووي انا كنت باجي عشان المهمه واول ما بخلصها بسافر
جاسر بغيره: انتي جيتي هنا لوحدك
جميله : لا كان معاياا جوري واسر
جاسر : وكنتوا بتقعدوا فين
جميله : هو نفس الفندق الي احنا رايحينلوا دا
جاسر : اممممممممم
وصلوا الفندق وطلعوا كل واحد السويت بتاعوا والفندق طلع الشنط
عند جميله فتحت الشنطه عشان تطلع هدوم تغير لكن لقت كل الهدوم قمصان نوم بس واستغربت وبصت ل جاسر
جميله بغيظ: انت الي عملت كدا
جاسر ببرائه: عملت اي
جميله بغضب : انت الي بدلت هدومي وحطيت دول
جاسر ببرائه: وانا هعمل كدا ازاي وانا كنت معاكي
جميله بغضب :  يعني هي الهدوم هتتبدل لوحدها
جاسر بخبث: ممكن فعلا وبعدين انتي مضايقه ليه هي الهدوم معجبتكيش
جميله بغضب : يعني انت الي عملت كدا
جاسر بخبث : ايوا انا
جميله بغضب وتحدي : ماشي ي جاسر
حاولت تخرج جميله بره الغرفه لكن جاسر مسكها
جاسر باستغراب : انتي رايحه فين
جميله بغضب : هشتري هدوم اكيد مش هخرج بقمصان النوم ولا انت عايزني اخرج بيهم ع فكره عادي انا ممكن اخرج
جاسر بغيره وغضب : دا انا اقتلك
جميله بتحدي : اتكلم ع قدك وبعدين دي غلطتك مش غلطتي
جاسر :انتي هتجيبي لبس منين دا هنا اللبس كلوا عريان
جميله بتحدي : وفيها اي
جاسر بغيره: جميله متعصبنيش
جميله : هو مش انت الي شيلت هدومي
جاسر : ايوا شيلت هدومك بس جبتلك هدوم معايا جديده كنت جيبهملك وحبيت اعملهملك مفاجاه
جميله باستغراب : وليه جبت مانا معايا هدوم
جاسر : عارف انك معاكي هدوم بس مفيش مشكله لما اجبلك
جميله : بس انت كدا كانك بتحطني قدام الامر الواقع والمفروض ابقي مجبوره اني البس  الهدوم الي انت جبتها
جاسر باستغراب : وليه تبقي مجبوره
جميله: لان انا عارفه انك عملت الحركه دي عشان البس الهدوم الي انت جبتها وكمان متاكده ان الهدوم الي جبتها طويله وواسعه مش كدا
جاسر : وفيها اي لما تلبسي هدوم واسعه ومحترمه
جميله بغضب: فيها اني قولتلك عمري ما هغير طريقه لبسي وانت وعدتني مش هتتحكم في لبسي ،ليه جاي دلوقتي وعايزني اخضع واقبل البس الي انت جبتوا ،انت ليه بتحسسني كأني رخيصه حابه اني اوري جسمي لناس

جاسر بصلها باستغراب ودهشه مكنش متوقع كل دا يحصل كان فاكر انها هتفرح لما تلاقيه جيبلها لبس

جاسر : انا عمري ما شوفتك رخيصه ي جميله ولا عايزك تخضعي لياا كل الحكايه اني جبتلك لبس كنت فاكر انك هتفرحي مكنتش متوقع انك تتعصبي كدا ع العموم ي ستي براحتك لو عايزه تنزلي تشتري لبس من هنا انا مش همنعك

جميله حست انها زودتها اووي هو مكنش قصدوا حاجه هو بيحبها وبيغير عليها

جميله بابتسامه: هو فين اللبس الي انت جبتهولي
جاسر : وانتي عايزاه ليه خلاص انا هديه ل رنا
جميله : بس انت جيبهولي انا
جاسر : وانتي رفضتي تاخديه
جميله بابتسامه: وانا دلوقتي موافقه البسه
جاسر : لا خلاص انتي مش مجبره انك تلبسي حاجه مش حباها
جميله بابتسامه: مين قالك اني مجبره انا محدش بيجبرني ع حاجه انا عايزه البسهم بكامل ارادتي
جاسر : بلاش عشان متحسيش انك رخيصه واني بجبرك ع حاجه
جميله قربت منو برقه : انت مش بتجبرني ع حاجه انا الي عايزه البسهم وبعدين مكنتش كلمه قولتها في وقت عصبيه ،خلي قلبك ابيض بقاا

جاسر ابتسم بحنان ولف ايدو حوالين خصرها وقربها ليه : هو حد موديني في داهيه غير قلبي الابيض دا

جميله ابتسمت: طب مش هتوريني الهدوم ولا اي

جاسر بخبث : لا احنا مش محتاجين هدوم خالص دلوقتي ،انا لسه مخدتش حقي ،وعايز اعيد كلاكيت تاني مره

جميله بضحكه عاليه : هههههههههههههه ومين قالك اني هعيد

جاسر بخبث : انا الي بقول ي حبيبتي

جميله وهي بتطلع لسانها بتغيظه:وانا مش هعيد 
جريت جميله ع الحمام وهو جري وراها
💖💖💖💖💖💖💖
تاني يوم
جميله صحيت من النوم ولقت جاسر ضممها بتملك ابتسمت وشالت  ايده براحه وبعدتها عنها ورفعت عينيها وبصتله بحب .وهي بتتامل تفاصيل ملامحه اد اي هي خليط ومزيج من الرجوله والوسامه والجاذبيه ..وفي نفس الوقت القوه والحنان ،مزيج ميلقش غير بيه هو وبس
جاسر اللي ملك قلبها وخلاها تحبه وتعشقه للدرجه دي ،حتي خصلات شعره السوداء اللي تعتبر انعم حاجه في ملامحه .جميله وزايداه وسامه .اتنهدت بحب وايديها غصب عنها راحت لشعره وبدات تلعب بخصلاته بحنان ونعومه  وهو صحي ع لمساتها الناعمه وهي قامت عشان  تدخل الحمام بسرعه لكن لحقها جاسر وهو مكتفها
جاسر بابتسامه: كنتي بتعملي اي
جميله :مش بعمل حاجه انا صحيت لقيتك حاضني فا كنت ببعد ايدك عشان اقوم
جاسر بابتسامه: وانتي عايزه تقومي ليه( اكمل بغمزه ) انا لسه مخدتش حقي امبارح انتي هربتي مني
جميله وهي بتغيظه: انا قولتلك اني هاخد حقي بطريقتي

جاسر بابتسامه وهو بيكتفها اقوي من الاول : وانا بردوا ي حبيبتي هاخد حقي

💖💖💖💖💖💖💖💖
عند ادهم واسيل
اسيل بابتسامه وهي في حضنه: مش هننزل بقاا
ادهم بابتسامه: هننزل طبعا ي حبيبتي
اسيل بابتسامه: طب ما تكلم عبدالرحمن وجاسر شوف هينزلوا ولا لا
ادهم بابتسامه: حاضر ادخلي خدي شاور والبسي ع مااشوفهم
اسيل بابتسامه: ماشي
قامت اسيل دخلت الحمام خدت شاور
وادهم كلم عبدالرحمن وقالوا هيجهز وينزل وكلم جاسر

عند جاسر كان نايم وجميله جنبوا  كان بيلعب في خصلات شعرها  ومبتسم ساعتها جاله تليفون من ادهم مسك الفون ورد
جاسر : ايوا ي ادهم
ادهم : اي ي بني انتوا مش نازلين ولا اي
جاسر : لا نازلين
ادهم : طيب احنا هنستناك تحت
جاسر : ماشي
قفل جاسر مع ادهم وبص ل جميله الي نايمه جنبه ،قامت جميله دخلت الحمام خدت شاور وخرجت وهي لابسه البرنس
جميله : فين الهدوم بقاا
جاسر بابتسامه: في الشنطه بتاعتي
راحت جميله ناحيه شنطه جاسر وفتحتها وطلعت هدوم ودخلت الحمام لبست وخرجت وجاسر شافها وابتسم ودخل هو كمان خد شاور ولبس
ونزلوا كان ادهم واسيل وعبدالرحمن وسلمي مستنينهم في المطعم راحوا وقعدوا فطروا
وبعد وقت خلصوا وقاموا كل واحد معاه حبيبته وهما بيلفوا شوارع باريس وراحوا برج ايفيل وخدوا صور كتير هناك وهما فرحانين ومستمتعين بالوقت واجمل اللحظات الي عايشينها
والبنات طلعوا انهم عايزين يروحوا البحر
جاسر : بس اقرب بحر هنا عايز ساعتين عشان توصلي
جميله : طيب خلينا نروح
جاسر : ماشي
رجعوا الفندق وطلبوا ثلاث عربيات ادهم واسيل في عربيه وعبدالرحمن وسلمي في عربيه وجاسر وجميله في عربيه واتحركوا االثلاثه
وقف جاسر قدام مول دخل اشتري حاجه وخرج ركب العربيه واتحرك وجميله استغربت
جميله باستغراب: انت جبت اي
جاسر : لما نوصل هقولك
جميله : ماشي
بعد ساعتين وصلوا وكل واحد خد يخت  وطلع هو وحبيبته وجاسر اتحرك باليخت  جوه خالص في مكان بعيد عن اي مركب ومعزول عن وجود اي حد ووقف اليخت
جميله باستغراب : انا مش فهماك بجد انت جبت اي وليه جاي هنا المكان مفيش حد خالص
جاسر بابتسامه: عارف ان مفيش حد ودا الي انا عايزو عشان نبقي ع راحتنا والي انا جبتوا دا مايوه عشان ننزل المايه زي ماوعدتك
جميله بابتسامه: مش هخلص من غيرتك دي
جاسر بابتسامه وغمزه: هو فيه احلي من الغيره

ابتسمت جميله وخدت منو المايوه ونزلت الاوضه الي في اليخت ولبست المايوه بكيني واستغربت ان جاسر هو الي جايبوا بنفسوا وطلعت وهو شافها واتجنن من حلاوتها
جميله باستغراب : هو انت الي جايبوا
جاسر بابتسامه وهو ينظر لها : ايوا انا ،عارف انك مستغربه عشان جايبوا بكيني بس دا محدش هيشوفك بيه غيري وبس عشان كدا جبتك هنا مكان مفيش حد خالص

جميله بابتسامه: انت غريب والله انا لحد دلوقتي مش عارفه افهم تفكيرك رغم اني ظابط وبعرف من نظره واحده الواحد بيفكر ازاي لكن انت مش عارفه احدد مره تقولي البسي طويل عشان بتغير ومره القيك جايبلي بكيني وتقولي محدش هيشوفك غيري

جاسر وهو يقترب منها ويضمها لحضنه: انتي فعلا ظابط بس معاياا انا بتبقي جميله البنت الرقيقه ،الناعمه ،المشاكسه ،انتي بتقدري ببراعه تفصلي بين حياتك الشخصيه والشغل بتبقي معايا بنت فعلا وفي الشغل جميله الظابط القويه الي محدش يقدر عليها عشان كدا مش بتقدري تستخدمي خبرتك فياا

جميله بصتلوا بابتسامه واستغراب : انت ازاي فاهمني كدا

جاسر بابتسامه: لانك واضحه وصريحه وتلقائيه في كل حاجه معندكيش حاجه تخبيها ،مش بتعملي حاجه غلط عشان تخبيها

جميله جواها : بالعكس انا خبيت عنك موضوع مامتك بس غصب عني مش عايزه اكسر فرحتك عايزه دايما اشوف الابتسامه دي منوره وشك  بس انت كدا كدا هتعرف فا تعرف لما نرجع من شهر العسل احسن

جميله بابتسامه: طب مش هننزل المايه ولا اي

جاسر بابتسامه: اه طبعا هننزل ،،،،،هنزل بس اغير انا كمان

جميله بابتسامه: ماشي
نزل جاسر الاوضه غير ولبس شورت وطلع وكان وسيم لدرجه الجنون بعضلاتو ورجولته الي باينه في ملامحوا وعنيه الخضراء الي زيدااه وسامه وجاذبيه
شافتوا جميله وابتسمت بحب
راح جاسر ناحيتها وهو مبتسم : يلا
جميله بابتسامه: يلا
راحت جميله ناحيه سور اليخت ونطت في المايه وجاسر نط وراها وكانت المايه صافيه وجميله ،،
قضوا وقت كبير ممتع وجاسر كان بيشيلها ويرفعها لفوق وهي بتضحك وهو مبسوط انها فرحانه وشايف ابتسامتها الي منوره وشها ،وهي قربت منو وزقتوا تحت المايه لكن مقدرتش بسبب قوته وضخامته وهو ضحك عليها
جاسر بخبث : احنا فينا من الحركات دي
جميله ببرائه: هو انا عملت حاجه
جاسر بخبث : يعني انتي شايفه انك معملتيش حاجه
جميله ببرائه: تؤ تؤ
قرب منها جاسر وباسها بوسه طويله وهي حاولت تبعد لكن هو كان ماسكها
بعد وقت بعد عنها لما حس باحتياجها للهواء وهي اول ما بعدت رشت عليه مايه بغيظ وهو ضحك ورش عليها مايه
💖💖💖💖💖💖💖💖
عند ادهم واسيل في اليخت
كانت اسيل لسه هتتكلم قاطعها
ادهم : عارف عايزه تنزلي المايه
اسيل بابتسامه: ايوا
ادهم بابتسامه: حاضر  روحي غيري عشان ننزل
اسيل بابتسامه: ماشي
نزلت اسيل غيرت ولبست مايوه وطلعت اول ما شافها ادهم حس بالغيره
ادهم بغيره: لا انا غيرت راي خلاص بلاش ننزل هنا خلينا لما نروح فيه بسين في الفيلا ننزل فيه براحتنا
اسيل بغيظ وهي تددبدب ع الارض : لا انا عايزه انزل هنا وبعدين مفيش حد هيشوفني البحر فاضي

ادهم وهو يحاول كتم غيرته : ماشي خلاص هننزل
ابتسمت اسيل بحب وهو بادلها الابتسامه ونزل لبس هو كمان شورت وطلع
ادهم بمزاح : بتعرفي تعومي بقاا ولا هتغرقي
اسيل بابتسامه: حتي لو مش بعرف اعوم تفتكر هغرق وانت معاياا
ادهم بابتسامه: انتي ع طول كدا بتثبتيني بكلامك مش بعرف اخد منك حق ولا باطل
اسيل بابتسامه وهمس : انا مش بقول غير الي حساه وانت جنبي
ادهم بابتسامه ورقه : انا بقول بعد الكلام الحلو دا بلاها ننزل المايه
اسيل بابتسامه : لا انا عايزه انزل البحر
ادهم بابتسامه:ماشي عشان خاطرك
ابتسمت اسيل بحب وهو شالها وحاضنها ونط في البحر
💙💙💙💙💙💙💙💙💙
عند عبدالرحمن وسلمي كانوا عايشين احلي اوقات حياتهم وهما في البحر بيضحكوا ويلعبوا ويعوموا
لحد ما تعبت سلمي من العوم وطلعوا دخلت الاوضه خدت شاور وخرجت وعبدالرحمن بردوا خد شاور وخرج وقرب من سلمي
عبدالرحمن بابتسامه حب : انا دلوقتي نفذت وعدي معاكي زي ماوعدتك اننا ننزل المايه جيه وقت بقاا تنفذي وعدك

سلمي باستغراب : وعد اي

عبدالرحمن بخبث : وعدي ي حبيبتي

فهمت سلمي قصدوا واتكسفت وهو ابتسم بخبث وهو يحملها بلهفه وحنين وشوق
بعد وقت كبيييييير
سلمي بخجل وهي تدفن راسها في صدره :مش هنقوم بقاا احنا اتاخرنا اووي جاسر وادهم هيقلقوا

عبدالرحمن بابتسامه وهو يلعب بخصلات شعرها: اتاخرنا ع اي احنا في شهر عسل يعني براحتنا وبعدين جاسر وادهم مش فاضيين عشان ياخدوا بالهم من عدم وجودنا اصلا

سلمي بخجل : طب احنا هنفضل هنا

عبدالرحمن ابتسم ع خجلها : انا عايز افضل العمر كلوا هنا جنبك وانتي في حضني

سلمي بخجل وابتسامه حب : وانا بردوا نفسي افضل العمر كلوا جنبك وماابعدش عنك ابدا

عبدالرحمن بخبث : طب مانا جنبك اهو ما تستغلي دا وخلينا نعيد الليله من اول وجديد

اتكسفت سلمي وهو ضمها لحضنه بتملك
💖💖💖💖💖💖💖💖💖
عند حازم ويوسف في الشركه
حازم : هتفضل كدا ي يوسف
يوسف باستغراب : كدا ازاي ي بابا
حازم : كاره فكره الجواز ومش قابل اي بنت وبتعاملهم بقسوه وكأنك بتعاقبهم ع ذنب عملتوا واحده زباله
يوسف بحده: بعد اذنك ي بابا انا مش عايز اتكلم في الموضوع دا انا مرتاح كدا ومش عايز اتجوز

حازم : بس انا مش مرتاح كدا وانا شايفك بتعاقب نفسك بالشغل ويومك كلوا في الشغل وبس ،انت لسه شاب ي بني عيش حياتك وحب تاني ،الحياه مش بتقف ع حد مش عشان واحده طلعت وحشه يبقي كل البنات وحشين بالعكس فيه بنات كويسه كتير بس انت افتح قلبك

يوسف بغضب: مانا فتحت قلبي لواحده خدت اي غير الوجع والجرح ،انت مش عارف انا حاسس بأيه ي بابا كل ماافتكر الصور وشكلها مش قادر اتخيل اني اتخدعت لدرجه دي وغير انها تهمتني اني حاولت اغتصبها

حازم : بس انت خرجت منها ومحصلش حاجه وبعدين انت معقوله لحقت تحبها بالشكل دا

يوسف بغضب : انا مش عايز افتكر حاجه ي بابا مش عايز افتكر اني حبيت واحده زي دي

حازم : وانا مش عايزك تفتكر بالعكس عايزك تنسي وتعيش حياتك وتحب تاني

يوسف : انا مش هحب ولا تاني ولا تالت انا حابب نفسي كدا ومرتاح كدا

حازم بقله حيله : انا تعبت من الكلام معاك ،انت واختك نفس الدماغ النشفه

يوسف باستغراب : مالها جوري

حازم : هي بردوا كل حياتها شغلها وبس مش مديه نفسها فرصه انها تخرج وتعيش حياتها

يوسف : ما انت عارف ي بابا جوري ظابط ومعندهاش وقت انها تخرج وبعدين هو لو هتحب ،هتحب لما تعيش حياتها ما جميله وسلمي حبوا واتجوزوا وهما في شغلهم ومخرجوش ولا اي حاجه

حازم : قصدك ان ممكن جوري تحب يزن

يوسف باستغراب : انا مقولتش كدا ،انا معرفش تحبه ولا لا

حازم : طب ما تحاول تتكلم معاها

يوسف : بلاش انا في الموضوع دا ي بابا لاني عمري ما هنصحها انها تحب وتفتح قلبها وانا نفسي مش عايز دا

حازم : خلاص انا هتكلم معاها اشوف بتفكر في اي

يوسف : ماشي انا هروح مكتبي

حازم : ماشي
💖💖💖💖💖💖💖💖💖
عند جاسر وجميله الليل جيه عليهم وهما لسه  ع اليخت
جاسر بابتسامه ورقه : حابب اسمع صوتك و احنا مع بعض
جميله بابتسامه: عايزني اغني

جاسر بابتسامه: اه

جميله بابتسامه: ماشي

بدات جميله تغني وهي تنظر ل جاسر بحب

اغنيه هو حبيبي

إحساس غريب بحسه دايما بين ايديه والوقت ليه بيجري معاه ويخلص اوام

اول ما اشوفه قصادي باجري اوام عليه اصل اللي بينا حب غالي مش كلااااام

ضمها جاسر لحضنه وهما بيرقصوا وهي كملت غناء

إحساس غريب بحسه دايما بين ايديه والوقت ليه بيجري معاه ويخلص اوام

اول ما اشوفه قصادي باجري اوام عليه اصل اللي بينا حب غالي مش كلام

هو حبيبي وكل حاجة بجد ليا وجوده جنبي بحس ايه معنى الامان

انت اللي طلعت بجد بيه من الدنيا ديا ياحلم عمري حلمت بيه انا من زمان

هو حبيبي وكل حاجة بجد ليا وجوده جنبي بحس ايه معنى الامان

انت اللي طلعت بجد بيه من الدنيا ديا ياحلم عمري حلمت بيه انا من زمان

هو حبيبي وكل حاجة بجد ليا وجوده جنبي بحس ايه معنى الامان

من غيره هو اسند عليه واتحامى فيه ووقت ما احتاج احكي بيسمع بالساعات

هو اللي لو يحتاج عمري  ده ميغلاش عليه بحبه وقت كلامه حتى وفي السكات

هو حبيبي وكل حاجة بجد ليا وجوده جنبي بحس ايه معنى الامان

انت اللي طلعت بجد بيه من الدنيا ديا ياحلم عمري حلمت بيه انا من زمان

خلصت جميله غناء وشالها جاسر وهو مبتسم بحب
جاسر بحب وهو يغمز لها : دلوقتي بقاا  نكمل سهرتنا تحت
جميله ضحكت:ي بني انت مبتزهقش
جاسر بحب: عمري ماازهق منك ي حبيبتي ثم اكمل بضحك وبعدين انتي هتحسديني ولا اي.
جميله بضحك: وانا هحسدك ليه انت الي جباار
جاسر بخبث وهو يغمز : هتشوفي الجبااار دا هيعمل اي ي حبيبتي
جميله ابتسمت : هو انت جبت السفاله دي منين ،انت مكنتش كدا قبل الجواز
جاسر بغمزه: خلينا ننزل وهقولك جبت السفاله دي منين
نزل جاسر الاوضه وهو يحملها وهي متعلقه في رقبته برقه ونعومه
💖💖💖💖💖💖💖💖💖
عدي خمس ايام ع  الاحباب قضوا فيه اجمل ايام حياتهم وجميله كانت بتحاول تبعد جاسر عشان ميتصلش بأي حد من عيلته عشان ميعرفش موضوع مامتوا بعد ما عرفت انو باباها قبض عليها وناديه كانت بتحاول توصل ل جاسر وتعرفوا لكن جميله كانت بتمسح المكالمات والرسايل الي بتبعتها وقالت ل سلمي تعمل نفس الموضوع مع عبدالرحمن بعد مافهمتها كل حاجه  والمفروض انهارده اخر يوم وهيرجع كل واحد لحياته وشغله وهيودعوا باريس بلد الرومانسيه والجمال نزلوا الشباب والبنات لفوا باريس كلها واشتروا هدايا كتير لعيلتهم ورجعوا الفندق بليل ودخلت جميله الحمام تاخد شاور وجاسر كان بره جالوا مكالمه من ناديه اتعصب ومرداش يرد لكن مع الحاحها رد جاسر عليها
جاسر بغضب: في اي ي ناديه عماله ترني ليه
ناديه :انا اسفه ي جاسر انا حاولت اكلمك كتير طول الايام الي فاتت لكن انتي مكنتش بترد وبعتلك رسايل كنت بتشوفها وبردوا مش بترد

جاسر استغرب انو مشافش رسايل ولا مكالمات منها خالص طول المده

جاسر : وليه كل دا

ناديه : كنت عايزه اقولك ان حماك سياده اللواء قبض ع مامتك وهي محبوسه من ساعه ما انت سافرت وانا كنت بحاول اوصلك عشان اقولك

جاسر بدهشه: وليه قبض ع ماما

ناديه : بيقول ان هي الي حاولت تقتلك في الفرح

جاسر بغضب: ازاي هي الي حاولت تقتلني دي امي

ناديه : انا قولت كدا فعلا لكن الي مقدمه البلاغ جميله وهي الي قالت كدا

جاسر بغضب: ازاي جميله وهي مسافره معايا ،انتي اكيد بتكدبي ،اكيد دي لعبه منك زي الي قبل كدا

ناديه : لا ي جاسر انا مش بكدب ولو مش مصدق واجه جميله وشوف هتقولك اي ،وجميله بلغت قبل ما تسافر معاك

جاسر بغضب جامح : طب اقفلي دلوقتي ي ناديه وانا هتصرف

قفل جاسر المكالمه وهو متعصب جدا ومستني جميله تخرج من الحمام
ساعتها خرجت جميله وقعدت قدام التسريحه وهي بتسرح شعرها راح جاسر ناحيتها بغضب
جاسر بغضب : انتي عارفه ان باباكي قبض ع امي

جميله لفتلوا  باستغراب : انت عرفت ازاي

جاسر بغضب: يعني عارفه

جميله : ايوا عارفه

جاسر بغضب: ومقولتليش ليه كل الفتره دي امي مقبوض عليها وانا معرفش وبقضي شهر العسل عادي وانتي عارفه ومخبيه عني

جميله : انا خبيت عنك عشان مش عايزه اكسر فرحتك مكنتش عايزه اشوف نظره حزن في عينيك

جاسر بغضب: ليه امي اتقبض عليها

جميله : هو الي بلغك مقالكش السبب

جاسر قرب منها بغضب ومسكها من ايديها بعنف : جميله متعصبنيش عشان انا ع اخري ،بقولك امي اتقبض عليها ليه

جميله: مامتك هي الي حاولت تقتلك يوم الفرح وهي الي هددتني يوم الفرح اني اطلع قدام الكل واقول اني مش بحبك كانت عايزاني ابعد عنك عشان تخليك تتجوز ناديه عشان تبقي تحت ايديها

جاسر بغضب: انتي كدابه امي مستحيل تعمل كدا

جميله : كنت عارفه انك مش هتصدقني عشان كدا  اول ما نرجع القاهره هوريك الفيديو بنفسك لانو مش معايا دلوقتي

جاسر بغضب: ولا مليون فيديو هيخلوني اصدق الي انتي بتقوليه دا ،دي امي ومستحيل تفكر تأذيني

جميله : بس هي مش مامتك دي تبقي مرات ابوك

جاسر بغضب: عارف لكن معاملتها معايا وحبها لياا يخليني اقول ان هي الي فعلا ،هي الي اهتمت بياا ووقفت جنبي كتير وهي الي ربتني لحد ما كبرت ازاي عايزاني اصدق فيديو تافهه

جميله : بس هي دي الحقيقه ي جاسر والي لازم تتقبلها

جاسر بغضب: الحقيقه دي بالنسبالك انتي لكن انا مستحيل اصدق فيديو واكدب واحده ربتني ،ودلوقتي حالا ي جميله تكلمي باباكي يخرجها

جميله : انت فاكر انو سجن ابويا اخرج منه الي يعجبني وادخل الي ميعجبنيش

جاسر بغضب: لا بس زي ما دخلتيها هتخرجيها وانا متاكد انك هتقدري

جميله :لا مش هقدر ي جاسر انا مستحيل اخرج مجرم ،انا مخرجتكش انت لما كان مجرد تمثيل ،تفتكر هخرج دي وهي فعلا حاولت تقتل

جاسر بغضب: يعني دا اخر كلام عندك

جميله : ايوا اخر كلام عندي

جاسر بغضب: ماشي ي جميله انا هنزل اطلب عربيه واحجز تذاكر السفر  تكوني جهزتي عشان هنرجع القاهره

جميله : انت هتعمل اي

جاسر بغضب: ملكيش دعوه مش انتي مش هتخرجيها يبقي ملكيش دعوه

جميله بغضب: انت ليه مش عايز تفهم ان مينفعش اخرجها دا شروع في قتل ي جاسر

جاسر بغضب: وانا مش عايزك تخرجيها بس متدخليش

جميله: ماشي مش هدخل براحتك
خرج جاسر بره السويت بغضب ورزع الباب وراه وراح سويت عبدالرحمن وخبط فتح عبدالرحمن وهو مستغرب وجود جاسر
جاسر بحده: قدامك ساعه تجهز عشان راجعين القاهره
عبدالرحمن باستغراب :ليه في اي
جاسر بحده: مامتك اتقبض عليها ولازم نرجع القاهره
عبدالرحمن بصدمه: اي امي اتقبض عليها ليه
جاسر بغضب: مش وقتوا اخلص واجهز وانا هنزل احجز التذاكر وادفع الحساب وبالمره اشوف عربيتين تنقلنا للمطار
عبدالرحمن بسرعه: طيب ماشي
مشي جاسر وعبدالرحمن قفل الباب ودخل خلي سلمي تحضر الشنط بسرعه وهو لبس بسرعه وهي كمان لبست

،عند جاسر راح لادهم وقالوا نفس الكلام ودخل ادهم خلي اسيل تحضر الشنط وهو لبس بسرعه واسيل بردوا لبست وهما مش فاهمين حاجه ونزلوا تحت كلهم كان جاسر طلب العربيتين ودفع حساب الفندق وحجز تذاكر السفر وكان بعد ساعه
جاسر بغضب: جميله منزلتش ليه
ادهم باستغراب : احنا افتكرنا انها معاك
جت جميله في اللحظه دي
جميله : انا جاهزه
مردش جاسر عليها بصلها بغضب وراح ركب العربيه  وادهم واسيل وعبدالرحمن وسلمي ركبوا العربيه التانيه وجميله اتعصبت انو اتجاهلها وراحت ركبت جنبوا وهو اتحرك من غير ما يتكلم معاها وهي بردوا سكتت بعد وقت وصلوا المطار وركبوا الطياره وبعد وقت اقلعت الطائره كل دا وهما ساكتين كلهم وجميله كانت متعصبه
جميله بغضب:طب انت يتعاملني ليه كدا انا مالي هو انا الي قولتلها تحاول تقتلك
جاسر بغضب: لا بس انتي خبيتي عني لتاني مره بتخبي عني وغير اني مش مصدق اصلا
جميله بغضب : براحتك انت مش عايز تصدق انت حر وبعدين انت عايزني اقولك ازاي وانت بعد ما عرفت اصلا مش مصدق كنت هتصدقني ازاي لو كنت قولتلك ،انا قولتلك لو شكيت في حد مش هقولك هكشفهولك قدامك وانا بعيد ودا الي انا عملتوا كشفتها وقبضت عليها عشان احميك

جاسر بغضب : انا مش عيل صغير تحميه وبعدين الموضوع الي بتقوليه دا كان قبل مااعرفك او اثق فيكي

جميله بغضب: طيب وانت دلوقتي مصدق ولا حتي واثق فياا، انت لو كنت واثق فياا كنت صدقت لكن انت مكدبني

جاسر بغضب: لان دي امي مش حد غريب ،انتي لو قولتيلي حمزه صاحبي هو الي حاول يقتلني ممكن اصدقك لكن دي امي ازاي عايزاني اصدق حاجه زي كدا

جميله بغضب: لان هي دي الحقيقه

ادهم من وراهم : ي جماعه اهدوا صوتكوا عالي اووي واحنا في الطياره

بصلها جاسر بغضب وهي بصتلوا بردوا بغضب وسكتوا هما الاتنين
💖💖💖💖💖💖💖💖💖💖
في الاداره عند سيف وصل جاسر وجميله وادهم وعبدالرحمن وسلمي واسيل ودخلوا كلهم مكتب سيف واللواء اسر كان موجود
اسر : كنت عارف انك هتيجي ع هنا
جاسر بغضب: امي فين
اسر: في السجن وهتترحل ع النيابه بكره
جاسر بحده: عايز اشوفها
جميله ل اسر : بعد اذنك ي بابا فين الفيديو عشان استاذ جاسر مش مصدقني
جاسر بغضب: ولا هصدق الفيديو
جميله بغضب: انت اي لدرجه دي غبي مش عايز تصدق انها حاولت تقتلك
جاسر اتعصب جامد جدا ورفع ايدو وهو ينوي ضربها بالقلم لكن لحقوا اسر ومسك ايدو بقوه وغضب
اسر بغضب: اوعي تفكر انك تمد ايديك عليها ولولا اني مقدر انك مضايق انا كان ليا تصرف تاني
جميله بغضب : انت مش مصدقني ومش عايز تصدق الفيديو مش كدا ،انا بقاا هخليك تسمع بنفسك منها هي

جميله وهي تحدث اسر : بابا هي في قسم اي
اسر : قسم............
جميله ل جاسر وعبدالرحمن: تعالوا معاياا بس هتستنوا برا وهخليكوا تسمعوا بنفسكوا

مشيت جميله   وجاسر وعبدالرحمن وادهم واسيل وسلمي وراها ركبوا العربيه وراحوا القسم طلعت جميله البطاقه وسمحولها بالزياره ونزلتلها الزنزانه وكانت انفرادي دخلت جميله الزنزانه وجاسر والباقي واقف بره بيسمعوا
الام بسخريه: اهلا ،انتي وصلتي من شهر العسل
جميله ببرود: اه وصلت وعايزه اقولك استمتعت جداا وانا وجاسر كنا مبسوطين اووي
الام بغضب وغل : اتبسطوا براحتكوا عشان بعد كدا مش هتلحقي تتبسطي
جميله ببرود: بالعكس هلحق اتبسط وع طول كمان اما انتي بقاا فاا هتتحبسي وهتفضلي طول عمرك في السجن
الام بغضب: انا هخرج وصدقيني هندمك اشد ندم عشان فكرتي تقفي قصادي ،انتي السبب في كل دا بسببك حاولت اقتل جاسر
جميله ببرود: وليه بسببي انا ،انا معملتش حاجه
الام بغضب : لا عملتي ،خليتي جاسر يحبك ويتعلق بيكي بسببك جاسر بعد عني بعد ما كان تحت ايدي الاول كنت بطلب منو الحاجه بينفذها لكن لما طلبت منو يبعد عنك انتي رفض حاولت كتير اقول عنك كلام وحش قصادوا عشان يبعد لكن كل مره كان بيتمسك بيكي اكتر فا كان لازم اعمل العكس من عندك انتي واخليكي تروحي تقوليلوا انك مش بتحبيه عشان يكرهك ويرجع لياا تاني لكن انتي رفضتي وفكراني بهدد وخلاص عشان كدا نفذت فعلا لكن قدرتي تنقذيه وكمان تنقذي نفسك

جميله ببرود:عشان كدا قولتي تعملي حركه تاني وهي انك تحطي حبوب منع الحمل في العصير بتاعي مش كدا

كلهم اتصدموا بره وجاسر مكنش قادر يصدق الي بيسمعوا

الام بدهشه: انتي عرفتي ازاي

ابتسمت جميله بخبث انها قدرت توقعها بالكلام وخلتها اعترفت انها حطت برشام منع الحمل في العصير

جميله ببرود: كنتي باينه اووي اصل اي الي هيخليكي تعملي عصير الا لو كنت هتحطي حاجه ولما لقيتك الحيتي علياا اني اشربوا ساعتها شكيت

الام بخبث : بس انتي شربتيه

ضحكت جميله بقوه والام استغربت وكلهم بره بردوا استغربوا

الام باستغراب : انتي بتضحكي ع اي

جميله : بضحك ع غبائك ،تفتكري هشك فيكي وهشرب العصير عادي ،انا بدلت الكوبايه ،انتي شربتي العصير الي فيه حبوب منع الحمل ،انا غمزت لماما وهي قعدت تتكلم معاكي وخليت بابا يتكلم مع جاسر عشان كان بيبصلي وهو متعصب واستغليت انشغالك مع ماما ورنا وانشغال جاسر مع بابا وحضره العمده وبدلت الكوبيات يعني انتي الي شربتي العصير الي فيه الحبوب مش انا

الام راحت ناحيه جميله بغضب وهي بتحاول تخنقها بغضب وغل وجميله بتبعدها عنها ساعتها دخل جاسر والباقي وراح جاسر ناحيه جميله وبعدها عن مامتوا بغضب وضيق والام اتصدمت ان جاسر سمعها وسمع اعترافها
جاسر بغضب : انا عايز اعرف انا عملت اي ليكي عشان تعملي كدا وتكرهيني كدا انا لحد اخر لحظه مكنتش مصدق وكدبت اكتر انسانه صادقه معاياا ومكدبتش في اي حاجه

الام بتوتر : جاسر متصدقهاش دي عايزه توقع بينا عشان تكسبك وتبقي هي الوحيده الي في حياتك

جاسر بغضب : انا فعلا مكنتش مصدقها لكن انا سمعت بنفسي ،سمعت اعترافك كلوا ،للاسف مش قادر اكرهك لانك في يوم من الايام كنت بناديلك امي وانا كنت بعتبرك امي فعلا لكن انتي نهيتي كل دا

مسك جاسر جميله وخارج وكلهم معاه ماعدا عبدالرحمن الي واقف مصدوم ،مامتوا اتعصبت جدا وجريت ناحيه جميله وشدت المسدس منها وضربتها بالنار لكن جميله متأذتش والام استغربت وكلهم بردوا استغربوا خدت جميله منها السلاح بغضب
الام بدهشه: انتي ازاي مموتيش
جميله ببرود: لاني لابسه واقي من الرصاص  من ساعه ما جاسر مصدقنيش واحنا في باريس كنت عارفه انو مش هيصدق غير لما يسمع بنفسوا والواقي احنا بنلبسوا احتياطي في الاوقات الي زي كدا