رواية احببت عنادك... بقلمي/هاجر هشام الفصل الثالث وأربعون 43 - بقلم Hagar Hešhàm

عند نورهان في البيت كانت هي  وساره في الاوضه لبسوا وحطوا ميك اب وبره كان سيف وباسم واللواء محمد والمأذون
نورهان كانت لابسه

لبس ساره

دخلت مامت نورهان عشان كتب الكتاب
خرجوا وهما مكسوفين وباصين في الارض
اللواء وهو يشاور ع الدفتر : يلا يا نورهان امضي هنا
مضت نورهان وتعالت الزغاريط
ثم كتب كتاب ساره ومضت ومامت نورهان زغرطت
الام : يلا كل واحد ياخد عروسته اقعدوا في الجنينه بره
باسم بمزاح: والله حضرتك عسل
اللواء بجديه: انت بتعاكس مراتي وانا واقف يا زفت /طب مفيش خروج بقاا وساره هتفضل هناا
سيف وساره ونورهان ضحكوا عليه
باسم بسرعه: لا لا خلاص انا اسف سماح المرادي
الام بضحك: خلاص ي محمد هو مكنش يقصد
اللواء: ماشي خلاص روحوا يلا
باسم بمزاح: الهي تنستر يارب
انفجروا من الضحك كلهم ع كلمه باسم
الام يضحك: طب الحق خدها بدل ما يقتلك
باسم وهو يمسك ساره بسرعه : انا اصلا مشيت من بدري
سيف بضحك: ههههههههههه مش قادر بجد
نور بضحك: ولا انا والله حقيقي باسم دا مسخره
سيف: لا والله
نور بتلقائيه: اه والله دموا خفيف كدا وعسل
سيف بضيق: طب يلا عشان مقتلكيش انا
نور باستغراب: في اي
سيف : مفيش يلا
نور : ماشي
كل واحد خد خطيبته وخرج
عند سيف ونور راحوا قعدوا في الجنينه
وسيف كان ساكت ونور بتحاول تكلموا
نور : طب انت مضايق من اي انا مش فاهمه حاجه
سيف بغضب خفيف: يعني تعاكسي واحد قصادي ومش عايزاني اضايق
نور : انت قصدك ع باسم
سيف بغضب: اه يااختي
نور بضحك: هههههه يابني باسم دا زي اخوياا ولو كنت قصدك اني قولت انو عسل ودمو خفيف ف دا مدح فيه مش معاكسه
سيف: بردوا بتكرريها قدامي
نور : هههههه خلاص انا اسفه بس فك بقاا
سيف : ماشي يااختي
نور : طب اضحك بقاا
سيف بابتسامه صفرا: ضحكت اهو
نور : لا مش من قلبك دي
سيف بضحك: ههههههههههه
نور : ايوا كدا من قلبك
سيف: انتي مصيبه والله
نور بمزاح: عارفه عارفه
سيف : طيب كويس انك عارفه
سكتوا الاتنين مره واحده قطع الصمت دا سيف
سيف : نور
نور : نعم
سيف بحب: بحبك
نور بفرح: وانا كمان بحبك جدا ثم اكملت بحماس ممكن تحكيلي عن نفسك شويه
سيف : بصي ي ستي انا بابا وماما متوفيين بابا كان لواء في الداخليه بس عمل حادثه هو وماما وانا كنت في الكليه ومن ساعتها حياتي بقت شغل وبس
نور : الله يرحمهم انا اسفه اني فكرتك
سيف:انا منسيتش اصلا عشان تفكريني ثم اكمل وانتي احكيلي عن نفسك بقاا
نور : انا بقاا بحب شغلي جداا اه مرحه وبهزر لكن في الشغل جاده
سيف : محبتيش قبل كدا
نور بتوتر: لا /اه
سيف باستغراب: افهم اي انا من لا و اه دي
نور : لا محبتش
سيف : وانا مصدقك
قطع كلامهم باسم وساره
باسم بمزاح: اي الحب الاخوي دا
سيف: اخوي ازاي مش فاهم
باسم : قاعدين جنب بعض كدا مفيش حضن ،بوسه كدا يعني دا انت جوزها
نور اتحرجت جدا وطلعت جري
سيف بغضب: انت ي زفت مش تاخد بالك من كلامك اي الي انت بتقوله دا
باسم باحراج: انا اسف انا كنت بهزر مكنتش اعرف انها هتعمل كدا
سيف بغضب: لا والله مكنتش عارف انها هتعمل كدا والمفروض تعمل اي لما تقول كدا
باسم: انا اسف ي سيف
تجاهلوا سيف وطلع ورا نورهان
ساره : مش تاخد بالك من كلامك انت احرجتها اوووي
باسم : والله ما كنت اقصد
ساره : طب اعتذرلها عشان مينفعش كدا
باسم : حاضر
طلع سيف لنورهان وكانت محرجه جدا
سيف : انا اسف ي نورهان هو باسم كدا بيقول الكلمه ع طول مش بيحسبها
نور بحرج: لا مفيش حاجه خلاص
سيف بحب وهو يقترب منها : طب عيني في عينك كدا
بصت نور في عينو ويقرب منها سيف اكتر واكتر وهي تغمض عنيها وتستسلم لمشاعرها واحساسها ويلمس شفايفها ويبوسها بوسه طويله وتتجاوب نور معاه لكن يقطع عليهم اللحظه باسم
باسم باحراج: شكلي جيت في وقت غير مناسب انا اسف
نور بعدت بسرعه عنو و اتكسفت جدا وبصت في الارض وسيف بص لباسم بغيظ وخرج باسم بسرعه خايف من سيف
سيف بهدوء : نور
مفيش رد
سيف قرب منها بهدوء وهي رجعت لورا لكن هو مسكها من ايديها
سيف : ع فكره انتي مراتي يعني مش حرام اني بوستك
نور وشها احمر اكتر ومقدرتش تكلم
سيف : هههههههه تصدقي شكلك قمر وانتي شبه الطماطم كدا
نور بخجل : بس بقاا ي سيف
سيف بحنان: حاضر ي روح سيف / انا همشي بقاا
نور : خليك قاعد شويه
سيف بحنان: مش هينفع الوقت اتاخر بس ان شاء الله هنخرج تاني كتير الجايات كتير
نور : ماشي ان شاء الله
سيف بمشاكسه: طب ممكن بوسه بقاا ع السريع كدا
نور بخجل وهي تضربه ع كتفه: امشي يا سيف بطل قله ادب
سيف بضحك: ههههههههههه خلاص خلاص همشي اهو
مشي سيف وكان باسم وساره مشيوا
💖💖💖💖💖💖💖💖💖💖💖
تسريع الاحداث
عدي يومين من غير اي جديد عند هاجر خرجت من المستشفي وسافرت الاسكندريه تاني يوم صحي اسر خد شاور ولبس وهاجر صحيت بردوا خدت شاور ولبست

ااسر : انتي لابسه ورايحه فين
هاجر باستغراب: هكون رايحه فين يعني رايحه الشغل
اسر : لا انتي مش هتروحي الشغل لانك لسه خارجه من المستشفي امبارح احمدي ربنا اني رضيت اننا نرجع اسكنديه وانتي لسه خارجه
هاجر : بس انا كويسه
اسر : مش هتروحي ي هاجر الشغل ودا اخر كلام عندي
هاجر : كدا هيشكوا اني مروحتش
اسر: لا عادي محدش هيشك هقولهم خدت النهارده اجازه وهتنزل من بكره
هاجر بقله حيله: ماشي
اسر : ومتنزليش خالص
هاجر : حاضر
خرج اسر راح الشغل وهي قعدت ع اللاب
💖💖💖💖💖💖💖💖💖💖💖
عند اسر في الشغل راح وكلوا سلم عليه وباركوله
لؤي :امال فين هاجر يااسر مجتش معاك ليه
اسر: هاجر قالت هتاخد اجازه النهارده وهتنزل من بكره
لؤي: اي دا ازاي دي هاجر بتكره قعده البيت ثم اكمل بخوف هو في حاجه انت مخبيها
اسر: لا مش مخبي حاجه دا فعلا الي هاجر قالتو
قطع كلامهم دخول العسكري
العسكري: اسر باشا اللواء عايز حضرتك وباقي الفريق
اسر: طيب روح انت
خرج العسكري
اسر: هو في حاجه
لؤي : علمي علمك معرفش
مؤمن: يمكن في جديد في القضيه
اسر:طب تعالو نشوف
راحوا الثلاثه مكتب اللواء ودخلوا
الكل: تمام ي فندم
اللواء: اقعدوا ي شباب
قعدوا الثلاثه
اللواء: امال فين هاجر يااسر
اسر : هتاخد اجازه النهارده ي فندم وهتنزل بكره
اللواء: ياريت عشان المفروض من بكره هتكونوا في الاداره الجديده
اسر باستغراب: اداره اي ي فندم
اللواء: انتوا اتنقلتوا اداره مكافحه المخدرات لان القضيه الي معاكو مش سلاح بس لا دي مخدرات ودعاره
اسر بدهشه : كل دا
اللواء : للاسف اه كل دا ف عشان كدا حضروا نفسكوا وبكره تكونوا هناك مينفعش تاخير ولا اجازات تاني لان القضيه دي مهمه جدا
اسر بجديه : ان شاء الله ي فندم
اللواء: تمام تقدروا تتفضلوا دلوقتي
الكل: تمام ي فندم
خرجوا الثلاثه وراحوا مكاتبهم
اسر : هي منار لسه هناك مش كدا
لؤي: اه لسه
اسر : تمام خليها تيجي بكره بقاا عشان نروح الاداره لان احنا كدا هنغير الطريق الي ماشين فيه كدا فيه اطراف تانيه ف دا هنعرفوا بكره
لؤي: بس مش خطر عليها لان هما اكيد مراقبينها
اسر : ما انت تقولها تخليها تحاول تهرب من المراقبه دي او متروحش بكره خالص
لؤي: تمام
اسر : متقلقش ي لؤي منار اختي وانا عمري ما هتمنالها الاذي
لؤي: انا عارف دا بس فعلا قلقان عليها وهي هناك وبحاول معاها كذا مره وهي بتعند وتقولي دا شغلي فكراني مش عايزها تشتغل او بتحكم فيها
اسر : ههههههههههه هو شكلوا طبع في البنات كلها حوار التحكم دا
لؤي: يبقي انت حاولت تتحكم في هاجر صح
اسر : هو انا لحقت انا لسه هتكلم  / تقولي لا انت متتحكمش فياا انا مش بحب حد يتحكم فياا
لؤي: ههههههههههه دي هاجر فعلا بتكره التحكم جدا
اسر : بس دا مش تحكم احنا خايفين عليهم لكن هما مستبيعين الدنيا خالص
مؤمن: يا عيني تصدقوا صعبتوا علياا ههههههههههه
لؤي بغيظ: بكره تقع يااخوياا وساعتها هنشمت فيك
اسر : ههههههههههه هو لسه هيقع هو وقع اصلا بس شكلي كدا هخليه ميطولهاش
مؤمن بلهفه: لا وحيات ابوك انا بهزر ي رمضان اي مبتهزرش
اسر : لا يااخوياا بهزر بس بردوا مش هطولها
مؤمن بسرعه: خلاص ي كبير خلي قلبك طيب
لؤي: انا مش فاهم حاجه هو بيحب حد
اسر :ههههههههههه بيحب يااخوياا
لؤي: مين يااسر ها مين مين
اسر : بس يا زفت بطل رغي صدعتني روح شوف شغلك يلا انت وهو
لؤي: فينك ي هاجر هي الي بتقدر عليك
اسر بنظره مرعبه: نعم يااخوياا
مؤمن: ههه البس
لؤي: انا مقولتش حاجه
جري لؤي قعد ع المكتب ومؤمن بردوا وكل واحد شاف شغلوا
خلص اليوم ورجع اسر البيت دخل لقا الدنيا ضلمه
اترعب
اسر بخوف : هاجر
مفيش رد
جري اسر ع الاوضه واتصدم من الي شافوا
كانت الاوضه متوضبه بشكل رومانسي وشموع وموسيقي كلاسيك وعشاء رومانسي ولقاا حد حط ايدو ع كتفو وراه لف كانت هاجر لابسه قميص نوم فوق الركبه شفاف
اسر كان مذهول مش عارف ينطق
هاجر : اسر انت كويس
اسر : هو دا حقيقي كدا
هاجر :ههههههههههه اه حقيقي
اقتربت منو وهمست في اذنه
هاجر بخفوت: بحبك
اسر قلبه كان بيدق جامد اوي وشالها وحضنها جامد
بعد شويه هدي ونزلها وهو لسه مش مصدق
اسر بفرحه : انا حقيقي مش مصدق يعني انتي خلاص سامحتيني وحبيتيني كمان
هاجر بهدوء: انا عمري ما كرهتك اه كنت موجوعه منك لكن مكرهتكش
اسر بفرحه: انا يعشقك بجد بس اي الي غيرك كدا مره واحده
هاجر : مش فرحان من التغير ولا اي
اسر : بالعكس انا فرحان جدا بس مستغرب التغير المفاجئ
هاجر وهي تضع يدها حوالين رقبته : انا سمعتك وانت بتكلمني وانا كنت نايمه سمعت كل حاجه وعرفت انك ملمستنيش اصلا اه فرحت انك بتحبني وملمستنيش بس زعلت انك فضلت طول الفتره دي مفهمني انك لمستني عشان كدا كنت بتعامل ببرود معاك اول ما فوقت لكن لما شوفت خوفك ولهفتك علياا دا خلاني اسامحك
اسر مردش اكتفي ببوسه طويله خرجت كل شوق ولهفه وحب جوااه وهي اتجاوبت معاه وبادلته نفس الشعور بس المرادي بصدق وحب حقيقي شالها اسر
هاجر : مش هتاكل الاول
اسر بحب: اكل اي دلوقتي دا انا مصدقت 
هاجر : هههههه انا كنت معذباك ولا اي
اسر : دا انتي طلعتي عيني ي شيخه
هاجر : احسن
اسر وهو يرفع حاجبه : بقاا كدا طيب
(سكتت شهرزاد عن الكلام غير المباح 😂😂😂😂😂😂 )
💖💖💖💖💖💖💖💖💖💖💖
تاني يوم الصبح صحيت هاجر وبصت جنبها كان اسر لسه نايم فضلت تلعب في شعروا لحد ما صحي
اسر بابتسامه: صباح الخير
هاجر بخجل : صباح النور
اسر : صباحيه مباركه ي عروسه رغم انها كانت المفروض من زمان
هاجر : ههههههههههه والله دي غلطتك مش غلطتي انا
اسر بغمزه: طب اي
هاجر : اي
اسر : مفيش حاجه كدا ع السريع قبل ما نروح الشغل
هاجر : لا مفيش يلا قوم عشان منتاخرش
اسر: بوسه طب
هاجر وهي تضربه بالمخده: قوم يااسر
اسر : ههههههههههه حاضر قومت
هاجر : عاااااا لا استني متقومش
اسر باستغراب: في اي ي مجنونه مش لسه قايله قوم
هاجر بخجل: لا استني البس حاجه قبل ما تقوم
اسر بمشاكسه: ليه ي قلبي ما عادي انتي مراتي
هاجر بخجل: اسر
اسر وهو يرتدي ملابسه :ههههههههه خلاص اهو  لبست
دخل اسر خد شاور وهي قامت لبست بعد وقت خرج هو وهي دخلت خدت شاور ولبست

ااسر: يلا
هاجر : استني مش هتفطر
اسر : لا تعالي نفطر في اي مطعم
هاجر : طيب اوك يلا
خرجوا وراحوا فطروا وساق اسر ناحيه الاداره الجديده
هاجر باستغراب: دا مش طريق القسم
اسر : عارف انا من المفاجاه امبارح نسيت اقولك اننا اتنقلنا اداره مكافحه المخدرات
هاجر بفرحه : بجد
اسر باستغراب: انتي فرحتي كدا ليه
هاجر : ومفرحش ليه دا كان حلمي اني ابقي في الاداره دي
اسر: اشمعنا
هاجر : بحس هي دي الي فيها شغل اكتر
اسر: وخطر اكتر انتي ناسيه ان هما الي ضربوكي بالنار
هاجر : كل حاجه فيها خطر مش دول بس مانا اتخطفت مرتين مره من تاجر سلاح ومره من تاجر مخدرات دا مش خطر بردوا
اسر: ي هاجر انتي ليه مش عايزه تفهمي القضيه دي خطر عليكي وانا خايف عليكي
هاجر : محدش بيموت ناقص عمر يااسر انا ممكن تتنازل عن القضيه دي وانزل اعمل حادثه واموت يعني م
قطعها اسر
اسر بخوف: بعد الشر متقلقنيش بقاا عليكي
هاجر بابتسامه: حاضر بس بردوا بلاش كلمه خطر دي (قل لن يصيبنا الا ما كتب الله لنا )
اسر : حاضر
بعد وقت وصلوا الاداره وكان لؤي ومنار نازلين من العربيه بردوا ومنار جريت سلمت ع هاجر وهاجر تأوهت بصوت واطي لان ضهرها وجعها مكان الرصاصه واسر خد بالو
منار بقلق: انتي كويسه
هاجر بابتسامه: اه كويسه في اي
منار : اصل لؤي قالي انك مروحتيش القسم امبارح وانتي مش عوايدك انك تاخدي اجازه
هاجر : اه فعلا بس امبارح كنت بوضب الشقه يعني عشان كنا لسه راجعين واتبهدلت
منار : ماشي ي قلبي
حضنها لؤي
لؤي: وحشتيني ي جوجو
هاجر بابتسامه: وانت وحشتني جداا
اسر بغيره: طب مش كفايه سلامات بقاا ونطلع
لؤي وهو يضع ايده ع كتف هاجر : طب وانت زعلان ليه اختي وبحضنها
اسر شال ايد لؤي بغضب خفيف ولواها
لؤي بالم: ههههههههههه خلاص سيب ايدي
هاجر : خلاص يااسر في اي دا بيسلم علياا
ساب اسر ايدو وحط هو ايدو ع كتفها
اسر : منار لمي خطيبك وخليه ملهوش دعوه بمراتي
منار كانت بتضحك عليهم
لؤي: والله اختي ي بني في اي
اسر : خلاص مش سلمت يلا اطلع
جيه مؤمن في الوقت دا
مؤمن باستغراب : انتوا واقفين كدا ليه / اي دا هاجر عامله اي
هاجر : الحمدلله يا مؤمن اخبارك اي
مؤمن: الحمدلله اي ي بنتي الغيبه دي وحشتينا والله
لؤي بمزاح: الله يرحمك والله كنت طيب
هاجر بضحك ع شكل اسر : شهر عسل بقاا ي مؤمن
منار : ههههههههههه لا بجد مش قادره
مؤمن باستغراب: في اي
اسر كور قبضه ايدو وكان خلاص هيضرب مؤمن لكن هاجر مسكت ايدو ووقفت قصادو
هاجر بخوف من شكلوا : خلاص هو كان بيهزر ميقصدش عشان خاطري احنا قدام المبني و كدا مينفعش
اسر : ماشي ثم اكمل بغضب يلا اتفضلوا اطلعوا
طلعوا كلهم وكانوا كاتمين ضحكهم بالعافيه ع شكل اسر ومؤمن مش فاهم حاجه
طلعوا وسالوا ع مكتب اللواء والعسكري وصلهم خبطوا ودخلوا وهم يأدون التحيه العسكريه
الكل : تمام ي فندم
اللواء:ازيكوا ي شباب حقيقي انا فخور بيكو انتوا الي قدرتوا تقبضوا ع اخطر شخص بيتاجر مخدرات ودعاره
هاجر باستغراب: مين دا ي فندم
اللواء : هيثم
هاجر باستغراب : هيثم مين
اسر : هيثم دا هو نفسوا حسين ي هاجر
في اللحظه دي دخل سيف وباقي الفريق
هاجر بفرحه : نور
نور بفرحه: هاجر
الفريقين سلموا ع بعض ك تعريف ونور وهاجر حضنوا بعض  وسيف واسر سلموا ع بعض لانهم كانو اصحاب بردوا
اللواء: طب كويس انكوا طلعتوا تعرفوا بعض دا هيوفر علينا وقت
الكل: تمام ي فندم
اللواء : تمام دلوقتي هتروحوا مع  سيف هيقولكم ع مكاتبكم ويعرفكم تفاصيل القضيه
اسر وسيف : تمام ي فندم
خرجوا الفريقين راحوا مكتب سيف وفريقه
اسر : وحشتني والله يا سيف
سيف : وانت وحشتني اوووي
هاجر ونور: انتوا تعرفوا بعض
منار : ثانيه بس عشان انا اتلغبط مين يعرف مين
اسر : انا اعرف سيف
هاجر : وانا اعرف نورهان
سيف: ونور تبقي مراتي
هاجر بفرحه؛ بجد اتجوزتي يا نونو
نور : اه ي قلبي
اسر : وهاجر بردوا مراتي
باسم : وساره مراتي
منار :ههههههههههه حلو جو التعارف دا
لؤي بمزاح : ومنار مراتي بردوا
منار : نعم 
لؤي بمزاح: سوري اندمجت شويه قصدي خطيبتي
الكل ضحك ع لؤي
سيف: طيب نركز في الشغل بقاا
اسر: اكيد
سيف شرحلهم تفاصيل القضيه والاطراف والمعلومات الي عرفوها والمراقبه
سيف: دا كل حاجه عن القضيه
هاجر بصدمه:اي دا كلوا معقوله في حد بيشتغل في كل دا كدا
سيف: للاسف في
اسر: طيب دلوقتي منار هتفضل زي ما هي
سيف: بس منار كدا هتكشف مش هينفع
اسر: لا هي هتبقي لفتره مؤقته لحد ما تقدر تحط كاميرات في بيت عمار
سيف: تمام واحنا عندنا مريم بردوا هناك عندهم ونورهان خلاص قدرت تتصاحب ع مرات ياسين وكلمتها وهي هتتعاون معانا وباسم بيراقب ياسين ومروان بيراقب طوني
هاجر : طب ماانتوا مخلصين كل حاجه محتاجينا احنا في اي
سيف: لان الخطه الي حطيناها هنحتاجكوا فيها غير ان منار تقدر تدخل وتخرج من مكتب عمار عادي وفي اي وقت
اسر : واي هي الخطه دي
سيف شرحلهم الخطه
هاجر : بس الخطه دي مش مضمونه اوووي لان لو صفقه طوني اتمسكت هو اي الي هيخليه يشك في الرئيس بتاعه وهو عامل الصفقه من وراه
اسر : ايوا فعلا
سيف: دا فعلا فكرت فيه بس لحد دلوقتي مش قادرين نوصل لخطه غير دي
هاجر : احنا قبل ما نعرف اي حاجه لازم نعرف مين الرئيس بتاعهم
سيف: ودا هنعرفوا ازاي
هاجر:حد يكون مع طوني ال٢٤ساعه
اسر: مش هينفع هما عارفين كل واحد فينا ويعرفوا كل حاجه
سيف: انت عرفت ازاي انهم عارفين
اسر :لان منار وهي بتخترق الحساب بتاعهم هما حاطين معلومات وهميه لينا احنا دا معناه ان هما عارفين
باسم: عندي فكره ممكن انت يااسر انت وهاجر تسافروا لروسيا ع اساس شهر عسل وكدا وانا من خلال مراقبتي لطوني عرفت انو لما بيكون في روسيا بيقابل الرئيس في العنوان  دا ...........
هاجر : فكره حلوه جدا
اسر : وانت عرفت ازاي انه بيقابلوا في المكان دا وهو في مصر اصلا
باسم: احنا مراقبين التليفونات وسمعت وهو بيقولوا ع العنوان
اسر: انت بتعرف تتكلم روسي
باسم: لا
اسر: امال فهمت كلامو ازاي
باسم: لان كلامهم كان عربي مكنش روسي طوني اه عميل روسي بس مصري هو واخد الجنسيه الروسيه لكن هو مصري
اسر : اه فهمت
هاجر : تمام احنا نقدر نسافر
اسر: هو انتي فكراها سهله اوووي كدا لا طبعا هيشكوا فينا جدا خصوصا انهم عارفين شكلك وعارفين انك مراتي
سيف : وهما يعرفوا شكلها هي بالذات ليه
هاجر : عادي مانا ظابط و اكيد عارفين شكل كل واحد فينا
سيف: لا متقلقوش من دا ممكن نعملكوا باسبور باسم مختلف
هاجر : ها يا اسر 
اسر : ماشي
سيف: تمام من بكره الباسبور هيكون جاهز وتقدروا تسافروا بعد يومين
اسر: طب احنا هنعرف الرئيس منين
باسم: بص هو مشهور بالبوص وكمان شكلوا عربي مش روسي وهتلاقي بنات كتير حواليه
اسر : هما دول بردوا سمعتهم من مكالمات التليفون
باسم: اه طوني كان بيكلموا دايما ويقولوا يا بوص  وهو معروف عنو بزير نساء 
سيف: كدا كل حاجه واضحه واحنا هنتابع معاك دايما ولو حصل اي حاجه هنتدخل فوراا هنكون معاك في كل حته
اسر : انت هتسافر بردوا
سيف: لا انا المفروض اكون هنا عشان صفقه طوني والقبض ع ياسين بس هيكون موجود باسم وساره حواليك لو حصل اي حاجه يتدخلوا ويبلغوني
اسر : تمام
خلص اليوم ورجع اسر وهاجر البيت
دخلت هاجر خدت شاور ولبست ولبست الاسدال عليه وصلت

واسر دخل خد شاور ولبس وخرج
كانت هاجر حضرت العشاء وقعدوا ياكلوا
هاجر : انت مقولتليش ليه ان هيثم هو حسين
اسر: حسيتوا معلومه مش مهمه وبعدين انتي تعرفي  هيثم اصلا
هاجر : لا معرفوش
اسر: امال هتعرفي ازاي ان حسين هو هيثم
هاجر : بس ع الاقل هعرف انو بيشتغل في كل دا
اسر: مش هيفرق
هاجر : لا هيفرق
اسر : هيفرق في اي
هاجر : مش عارفه بس ع الاقل اكون عارفه
اسر: واديكي ي ستي عرفتي
هاجر : ماشي
خلصوا اكل ولما الاطباق وهو دخل الاوضه وهي غسلت الاطباق ودخلت نامت جنبوا
اسر وهو ياخذها في حضنوا : وحشتيني
هاجر : وحشتك اي دا احنا مع بعض طول اليوم
اسر: انتي بتوحشيني حتي وانتي معايا
هاجر بحب: وانت كمان وحشتني جدا
اسر بغمزه: طب اي
هاجر بغباء: اي
اسر : بقولك وحشتيني هيبقي اي
هاجر : ههههههههههه لا مش هينفع
اسر : ليه مش هينفع
هاجر : يالهوي ع الغباء
اسر: خلاص فهمت / طيب هي الاستاذه دي ناويه تمشي امتي
هاجر بخجل : ٤
اسر : يعني يوم ما تحني دي تيجي
هاجر : هههههه انت الي فقري اعملك اي
اسر: فقري ماشي يااختي نامي بقاا
هاجر : ههههههههههه حاضر
نامت هاجر وهي كاتمه ضحكتها ع اسر
اسر بتذكر: اي دا هي اي ازاي عندك وصليتي
هاجر :هااا
اسر : بتضحكي علياا
هاجر كانت رايحه تقوم من ع السرير لكن اسر شدها
اسر : بقاا بتقولي عندك ظروف ماشي يا هاجر انا هوريكي
هاجر : استني بس انا هفهمك
اسر بمكر: انا الي هفهمك
(وسكتت شهرزاد عن الكلام غير المباح )
💖💖💖💖💖💖💖💖💖💖💖
اولا اسفه جداا ع التاخير بس والله التلفون بايظ من امبارح وكنت بصلحوا
وان شاء الله هحاول اكتب واحد تاني بس لو منزلتش يبقي ان شاء الله بكره