رواية احببت عنادك... بقلمي/هاجر هشام الفصل الثامن وأربعون 48 - بقلم Hagar Hešhàm

في المستشفي
سلوي بصرااخ: بنتااااااي
اسر بعصبيه وهو يمسك الدكتور من لياقه قميصه : انت بتقول اي ازاي ماتت انت كداب ،ثم اكمل بزعيق : هاااجر عاايشه
الدكتور بخوف : انا مش قصدي ع المدام انا قصدي الجنين الي في بطنها هو الي مات
اسر باستغراب: جنين اي
الدكتور : المدام كانت حامل بس بسبب الحادثه الجنين مات
اسر بغضب: المهم هي عامله اي
الدكتور : الحمدلله هي بقت كويسه بس عندها كسر في الايد واحنا نقلناها اوضه عااديه بس هي حالتها النفسيه وحشه جدا ف ياريت تبعدوا عنها اي حاجه تضايقها  عن اذنكوا
هرب الدكتور من امام اسر الغاضب
خالد بحزم: انا عايز اعرف اي الي حصل ازاي حصلت الحادثه دي وليه بنتي نفسيتها وحشه في اي يااسر
اسر بضعف : بعد اذنك ي عمي انا مش قادر اتكلم خالص دلوقتي
لؤي : خلاص ي بابا نطمن ع هاجر الاول
خالد بجديه : ماشي نطمن ع اختك بس لو عرفت انك السبب في الي حصلها دا يااسر مش هرحمك
راحوا اوضه هاجر دخلوا كلهم واسر كان بيقدم رجل ويأخر التانيه لكن في الاخر دخل كان متوقع هاجر تثور فيه لكن كانت هاديه وساكته
سلوي بدموع: قلقتيني عليكي ي حبيبتي
هاجر بهدوء : انا كويسه ي ماما
خالد : عامله اي ي حبيبتي دلوقتي
هاجر : الحمدلله ، ثم اكملت بخنقه : انا عايزه اروح مش طايقه ااقعد هنا
اسر بقلق: مينفعش تخرجي انتي لسه تعبانه
هاجر تجاهلتوا :انا عايزه اروح هتروحوني ولا امشي لوحدي
لؤي بسرعه: لا هنروحك ي حبيبتي خلاص هخلي الدكتور يكتبلك خروج
خالد : حضر يااسر العربيه ع ما تجهز وننزل
هاجر : لا ي بابا انا هروح ع بيتنا
خالد : ليه ي حبيبتي في حاجه
هاجر : هو لازم يكون فيه حاجه عشان اروح بيتنا لو مش عايز هقعد ف اوتيل
خالد بسرعه : لا طبعا ي حبيبتي دا انا اشيلك في عنياا خلاص زي ما تحبي
الدكتور كتبلها ع خروج وهي اتسندت ع لؤي و ركبت العربيه و ركبت سلوي جنبها وخالد ولؤي قدام واسر وراهم بالعربيه
وصلت البيت وطلعت دخلت اوضتها ورفضت اي حد يدخل
خالد لاسر : انا عايز اعرف في اي بقاا
اسر : مفيش حاجه ي عمي
خالد : لا انا متاكد ان فيه حاجه و حاجه كبيره كمان معني انها تتجاهلك ومتردش عليك ومترضااش تروح بيتها كدا يبقي في حاجه
هاجر خرجت: لا ي بابا مفيش حاجه احنا كويسين انا بس مضايقه عشان ابني الي مات وكنت حابه اقعد هنا يومين اريح اعصابي
خالد بعدم صدق : ماشي ي حبيبتي
دخلت هاجر الاوضه
اسر : انا هدخلها ي عمي
خالد : ادخل ي ابني
دخل اسر الاوضه
هاجر بغضب: انت ليك عين تدخل لحد هنا كمان
اسر : هاجر اسمعيني الاول
هاجر بغضب: مش عايزه اسمع حاجه انا شوفت بعيني يااستاذ محدش قالي ولا هكدب عيني كمان ، وياريت تطلقني من غير شوشره انا مردتش اقول الي حصل دا عشان صورتك متتهزش قدامهم وورقتي توصلي ولو عليهم هقولهم اننا متفقناش او اي حاجه
اسر : ع فكره انتي كدا بتظلميني انا معملتش حاجه والله انا صحيت واتفاجئت والله زيك
هاجر بغضب: تفتكر هصدق الفيلم الهندي بتاعك دا ، انا قراري نهائي يااسر واتفضل اطلع بره انا بقيت بكرهك
اسر : ماشي يا هاجر انا مقدر انك لسه تعبانه وهخرج بس هتندمي ع كلمه قولتيها
هاجر بغضب: انا اكتر حاجه ندمت عليها اني اتجوزت واحد زيك ، برااا
اسر بغضب: ماشي
خرج اسر بره الاوضه وبره الشقه كلها
سلوي : والله انا متاكده ان فيه حاجه و حاجه كبيره كمان
خالد : وانا والله بس انتي عارفه بنتك عمرها ما هتقول حاجه
سلوي : ربنا يهدي سرهم يارب
💖💖💖💖💖💖💖💖💖
عدي يومين وهاجر حابسه نفسها ف الاوضه مش بتخرج ورافضه الاكل والشرب واي حد يدخلها  واسر بردوا
عند هاجر سمعت خبط ع الباب
هاجر بدموع : قولت مش عايزه حد
خالد وهو يفتح الباب: حتي انا
هاجر وهي تمسح دموعها : اتفضل ي بابا
خالد بحنان : ممكن اعرف الجميل زعلان ليه
هاجر بكذب : اكيد زعلانه عشان ابني
خالد : لا مش عشان ابنك انا متاكد ان فيه حاجه اكبر
هاجر : لا ي بابا مفيش حاجه فعلا وبعدين ي حبيبي انا لو فيه حاجه انت واحد هتعرف
في اللحظه دي دخل لؤي وهو ينهج
لؤي بسرعه: هاجر الحقي اسر اتقبض عليه
هاجر بخضه : انت بتقول اي اتقبض عليه ازاي وبتهمه اي
لؤي : تهمه قتل باسم 
هاجر بخضه: هو باسم مات
لؤي : اه ومتهمين اسر فيه لان هو الوحيد الي هدد بقتلوا
هاجر كانت هتروح بسرعه لكن اترددت
خالد : روحي ي هاجر لازم تكوني جنب جوزك اوعي تسيبيه ابدا مش مهم اعرف الي حصل بينكوا بس انا عارف انك مستحيل تسيبي حد محتاجك
هاجر : عندك حق ي بابا انا لازم اكون معاه
دخلت هاجر لبست وخرجت هي ولؤي وراحت الاداره
لؤي باستغراب : انتي مش هتروحي تشوفيه
هاجر : لا مش هشوفوا غير وانا معايا برائته
لؤي : طيب هتبداي منين وانا معاكي
هاجر : لا انا الي هجيب براءه اسر لوحدي ، انا بس هحتاج منك حاجه بسيطه
لؤي : حاجه اي
هاجر : تطمني عليه يعني تروح وتسال عليه وتشوف لو محتاج حاجه
لؤي : انتي مش محتاجه تقولي كدا اسر صاحبي قبل ما يكون جوزك
هاجر : طيب انا همشي دلوقتي
لؤي : رايحه فين
هاجر : هبدا من اول الحكايه
مشيت هاجر ومدتش فرصه للؤي يفهم
راحت بيتها وطلعت لقت كل حاجه زي ما كانت و طلبت فريق كامل يرفعوا البصمات وفعلا خلال نص ساعه الشقه كانت مليانه ناس بيرفعوا البصمات وكل حاجه وبعد ساعه
الظابط : للاسف ي هاجر مفيش بصمات موجوده غير انتي واسر
هاجر : دور كويس ي محمد بالله عليك
محمد : حاضر
بعد وقت رجع محمد وهو ماسك خصلات شعر
محمد : لقيت خصلات شعر وواضح انها بتاعتها لان لون الشعر مختلف عن بتاعك
هاجر : طيب كويس هات بقاا الخصلات دي
خدت هاجر خصلات الشعر ومشي الفريق وهي راجعت كاميرات العماره ولقت فعلا البنت وهي بتطلع لكن لاحظت ان فيه جزء ممسوح من الكاميرات
هاجر بتفكير : كدا يبقي فعلا فيه حاجه غلط  خدت هاجر صوره للبنت وعرفت معلومات عنها وعرفت بيتها وراحت هناك خبطت جامد و اول ما البنت فتحت زقتها هاجر وقفلت الباب
البنت بخوف : انتي عايزه اي
هاجر بغضب: عايزه اعرف كل حاجه وحالا
البنت بخوف : حاجه اي انا مش فاهمه حاجه
هاجر وهي تصوب المسدس ناحيتها : انا بقاا هفهمك
البنت برعب : لا خلاص هقول والله
هاجر بعصبيه : انطقي  ثم اكملت وهي تمسك الموبايل وتصور فيديو : قولي كل حاجه
البنت بخوف : بس انا لو قولت هيموتوني
هاجر بغضب: ولو مقولتيش انا الي هموتك لكن لو قولتي ساعتها اتاكدي اني هحميكي
البنت بخوف : حاضر هقول ، انا كنت بشتغل ف كباريه صاحبته اسمها سوزي هي الي اتفقت معاياا اديتني العنوان وطلبت مني اعمل كدا هي كانت مرافقه واحد اسمو هيثم هو الي طلب منها وهي قالتلي
هاجر بغضب: انتي كدابه هيثم محبوس بقالوا كتير قالها امتي وانتي عرفتي ازاي ان هو
البنت بخوف : هو فعلا محبوس لكن هي كانت بتزوره ف السجن وانا كنت بروح معاها وهو طلب مني هناك كدا وهو كمان الي خلي واحد يخبطك بالعربيه وانتي نازله وهو خلي واحد يقتل باسم لانو عرف انو كان بيستغلوا وهو السبب في حبسوا وهو الي حاول قتلك في شرم بس بعت بوكيه الورد ع ان تهديد من العصابه عشان محدش يشك فيه
هاجر بصدمه: يعني هو الي قتل باسم والسبب ف موت ابني وهو السبب في اني شكيت ف جوزي  ثم اكملت بوعيد اقسم بالله ما هرحموا
هاجر بغضب: بس بردوا عرفتي كل المعلومات دي ازاي
البنت بخوف : سمعتوا وهو بيقول كل دا لان هو مكنش يقدر يعمل حاجه وهو محبوس ف سوزي هي الي كانت بتعملوا كل دا
هاجر بغضب : فين زفته دي
البنت : في كباريه ..........
هاجر بغضب : قومي البسي عشان هتيجي معايا
البنت بخوف : انا قولت ع كل حاجه ابوس ايديك متأذنيش
هاجر بغضب : وانا ع وعدي مش هأذيكي دي حمايه ليكي لان مجرد ماانزل هما هيقتلوكي
البنت بخوف : حاضر هقوم
قامت البنت لبست بسرعه وخرجت مع هاجر وراحت هاجر مكان مهجور نسبياا
البنت بخوف : انتي جايباني هنا ليه
هاجر : قولتلك متخافيش انا مش هأذيكي بس هنا امان ليكي عشان تكوني بعيده
دخلت هاجر المكان وربطت البنت وكتفتها
البنت : طب بتكتفيني ليه انا مش ههرب
هاجر : عارفه بس دا زياده امان
سابت هاجر البنت وراحت الكباريه بس بعد ما لبست. فستان فوق الركبه وبدون اكمام
هاجر في سرها : اسفه يااسر اني خليت بوعدي ولبست عريان بس لازم عشان اقدر اثبت برائتك   دخلت سالت ع سوزي  وراح البودي جارد لسوزي وقالها وطلعتلها
سوزي بعجرفه : قالولي انك بتسالي علياا خير
هاجر : طب ممكن نتكلم لوحدنا مينفعش نتكلم هنا
سوزي بمياعه: ليه ي حبيبتي مش بتعرفي تتكلمي في الدوشه ولا اي
هاجر بخبث وهي تهمس ف اذنها: انا جايه من طرف هيثم هاا تحبي اتكلم في الدوشه ولااا
سوزي بتوتر : لا خلاص تعالي وراياا
راحت سوزي لغرفتها وهاجر وراها
سوزي : اهو بقينا لوحدناا كلام اي بقاا
هاجر وهي تخرج مسدسها : اقعدي كدا وخلينا نتكلم بهداوه عشان اي حركه كدا ممكن تعورك ي حلوه
سوزي بخوف : انتي مين
هاجر : انا الي زقيتوا ع جوزها البنت وانا الي قتلتوا ابني وانا الي حاولتوا تقتلوني وانا الي حبستوا جوزي بتهمه زور  ،، هاا عرفتي انا مين بقاا
سوزي بتوتر : انا مش فاهمه انتي بتكلمي عن اي وجوزك مين الي انا حبستو
هاجر بغضب : اقسم بالله لو مااقولتي كل حاجه  حالا لخليكي تحصلي بااسم الي وزاتي ع قتلوا انتي والزفت بتاعك  عارفاه ولا
سوزي بخوف : عارفاه عارفااه خلاص هقول والله
هاجر وهي تخرج موبيلها لتسجيل فيديو : اخلصي
سوزي بخوف : انا والله مليش دعوه هو هيثم الي طلب مني اعمل كدا هو الي طلب مني ابعت البنت عشان تشكي في جوزك وتبعدي عنو وهو الي خلاني ااجر واحد عشان يقتلك كانها حادثه عااديه وهو الي خلاني ااجر واحد يقتلك وانتوا ف شرم وقالي ابعت بوكيه ورد واكتب فيه الكلام ال كان مكتوب عشان محدش يشك فيه
هاجر بغضب : ومين الي قتل باسم
سوزي بخوف : هو الي قالي وخلاني ابعت حد يقتلوا وهو في السجن بعد ما عرف ان هو السبب في حبستوا
هاجر سجلت الفيديو وحطت الفون في جيبها
هاجر وهي تصوب المسدس ناحيتها : دلوقتي بقاا تخرجي معاياا بالذوق ومن غير ما حد يااخد بالو لان لو حصل اي حاجه مضمنش انك تكوني عايشه بصراحة
سوزي بخوف : حاضر
هاجر : في باب خلفي من هنا
سوزي : اه فيه
هاجر : تمام يلا
خرجت سوزي  وهاجر وراها من الباب الخلفي
لكن فجاه جيه حد خبط هاجر في ايديها رمي المسدس وحصل اشتباك بينهم لكن هاجر ضربتوا جنب رقبته اغمي عليه فوراا وخدت المسدس لقت سوزي بتجري جريت هاجر وراها
هاجر بزعيق : اقفي مكانك
فضلت تجري راحت ضربتها هاجر رصاصه في رجليها وقعت وهي تصرخ
وراحت هاجر ناحيتها
هاجر : قولتلك لو فكرتي بس تهربي  هتتعوري واديكي اتعورتي
سوزي بصراخ : انا اسفه بس ونبي خرجيها رجلي وجعااتي اووي
هاجر : هخرجها بس في القسم
سوزي بخوف : لا قسم اي انا قولت ع كل حاجه انا مليش ذنب انا عبد المأمور
هاجر : مانا عارفه عشان كدا هيبقي الحكم مخفف وغير انك اعترفتي ف متقلقيش اعداام ان شاء الله
خدتها هاجر وركبوا العربيه وراحوا للبنت وهي في السكه طلبت هاجر لؤي
هاجر : لؤي هات قوه وتعالي المكان دا.......
قفلت هاجر السكه قبل ما تعرف رده
بعد نص ساعه وصلت هاجر ووصل لؤي في نفس اللحظه
لؤي : كنتي فين ي هاجر كل دا قلقتيني عليكي
هاجر : مش وقتوا دلوقتي ي لؤي خد الاتنين دول يلا
لؤي باستغراب : مين دول
هاجر : خدهم الاول وهتعرف كل حاجه بعدين
خدهم لؤي ع البوكس
لؤي : انا هاجي معااكي انتي شكلك تعبان
هاجر : لا انا كويسه خد بس الموبيل دا فيه اعترافهم وبرائه اسر
لؤي : لا دا توديه بنفسك ، مش قولتي عايزه تظهري برائته بنفسك يبقي كملي للاخر
هاجر بابتسامه: حاضر
مشي لؤي مع القوه وهاجر ركبت عربيتها وراحت القسم قدمت الفيديوهات وتم الافراج عن اسر
راحت هاجر لاسر  ودخلت الزنزانه
هاجر بابتسامه: وحشتني
اسر : يااااه مش متاخره شويه بردوا ، انتي جايه ليه ي هاجر ، جايه تشمتي فياا
هاجر : انا عمري ما شمت فيك يااسر عشان اشمت فيك دلوقتي ودا مش طبعي الشماته ، انا جايه اقولك الف مبروك البرائه
اسر : شكرا
هاجر : مش شيفاك فرحان يعني
اسر : لا بالعكس فرحان جدا ، بس بردوا اي الي جايبك ومتقوليش جايه عشان تباركيلي ع البرائه ، انتي من يومين مكنتيش طايقه تشوفيني وبتكرهيني اي الي غيرك كدا
هاجر : انا عرفت كل حاجه ، ثم اكملت بأسف : انا اسفه اني شكيت فيك
اسر : دلوقتي اسفه وانتي من يومين كنتي ندمانه انك اتجوزتي واحد زي.
هاجر بحزن: كانت ساعه شيطان ،حط نفسك مكاني انا دخلت وشيفاك جنبها وهي عريانه كنت عايزني اعمل اي
اسر : كنتي تساليني ،تتاكدي مني لكن انتي اختارتي اسهل حل هو الهروب وعملتي دور الضحيه الي جوزها خانها وجايه بعد ما عرفتي الحقيقه تقوليلي انا اسفه ، لا ي هاجر انا الي اسف ، اسف اني خليتك تتجوزي واحد زي ، انتي كانك مصدقتي دا حصل عشان تهربي وتبعدي انتي مستنتيش تسمعيني كدبتي كل حاجه وصدقتي نفسك وبس 
هاجر : ع فكره انت كدا بتظلمني 
اسر : انا الي بظلمك ، انتي الي ظلمتيني لما صدقتي الي حصل ، انتي موثقتيش فياا زي مانا بثق فيكي قعدتي تقوليلي بحبك وانت اماني واول مشكله سبتي الجمل بما حمل ومشيتي انتي جبانه ي هاجر وضعيفه
هاجر بوجع: انت قدرت غضبي وكلامي وانا بردوا هقدر انك لسه زعلان من كلامي ومش هحاسبك ع كل الي قولتوا ممكن يكون عندك حق ف كل كلمه قولتها بس انا عمري ما كنت جبانه ولا ضعيفه انا لو مش بحبك مكنتش اضايقت لما شوفتها جنبك مكنتش اتجرحت بالشكل دا
اسر : الحب لوحدوا مش كفايه انتي موثقتيش فياا ي هاجر حب من غير ثقه ملهوش لازمه
هاجر : بالعكس انا بثق فيك جدا بس دي مش قله ثقه دي غيره
اسر : لا مش غيره في فرق بين الثقه والغيره
انتي كدبتيني ومصدقتيش اني مليش ذنب
هاجر : طب ممكن نخرج الاول من هنا ونبقي نتفاهم ف البيت
اسر : لا انا مش هروح البيت محتاجه اشم شويه هواء
هاجر : وانا بردوا خلاص هنتمشي سواء
اسر : ماشي
خرج اسر وهاجر وراحوا قعدوا ع البحر
اسر وهو ينظر للبحر : انتي عرفتي ازاي وعرفتي اي
هاجر حكتله كل حاجه
اسر : معقوله كل دا هيثم هو الي وراها
هاجر : ايوا هو وانا جبت الادله كلها صوت وصوره  وبكره هتبقي الجلسه الي هيتحاكم فيها ع باقي الجرايم الي عملها
اسر : انتي ازاي صح تعملي كل دا لوحدك لؤي مساعدكيش ليه
هاجر : انا الي طلبت منو ميعملش حاجه
اسر : وخالفتي كلامي ولبستي عريان
هاجر : اسفه بس كان لازم عشان اقدر اثبت برائتك
اسر : وانتي هتثبتي برائتي وانتي بفستان عريان
هاجر : ايوا كان لازم ادخل الكباريه بلبس زيهم عشان محدش يشك
اسر : بعد كدا متلبسيش عريان تاني حتي لو فيها موتي
هاجر بخوف : بعد الشر عنك
اسر بغمزه: طب اي
هاجر بغباء : اي
اسر : لا هو مش ناقصه غباء والله ارجع السجن تاني
هاجر بضحك : لا خلاص
اسر : طب مش يلا بينا نروح بيتنا
هاجر : يلا
ركبوا العربيه وروحوا البيت ودخل اسر خد شاور وخرج ودخلت هاجر خدت شاور ولبست قميص نوم شفاف تحت الركبه بشويه
اسر بحب : وحشتينيي اوووي
هاجر وهي تضع يدها حوالين رقبته: وانت وحشتني اووووي ، بس انت لازم ترتاح اكيد تعبان
اسر بحب وهو يقترب من شفايفها : انتي رااحتي
( وسكتت شهرزاد عن الكلام غير المباح )
💖💖💖💖💖💖💖💖
نزلت البارت عشان خاطركوا لاني عارفه ان فيه ناس مش هتنام غير لما تعرف اي الي حصل زي انا بردوا معرفتش انام غير لما اكتبوا لان لو كنت نمت كنت هفضل افكر فيها
( اتمني البارت يعجبكوا ) 😍😘😘😘