رواية احببت عنادك... بقلمي/هاجر هشام الفصل السابع وستون 67 - بقلم Hagar Hešhàm

دخل جاسر الشركه بهيبه وكبرياء والكل وقف باحترام ليه وجميله كانت ماشيه جنبوا وشايفه نظرات الاحترام ليه والموظفين كانوا بيبصوا ل جميله باستغراب واعجاب وعايزين يسالوا هي مين دي
الموظفين سلموا ع جاسر ورحبوا بيه وسلموا ع جميله وهما فاكرين انها خطيبته
طلع جاسر. وجميله المكتب ودخلوا
جاسر بجديه: مش عايز حد يعرف انك الحارس الشخصي بتاعي
جميله باستغراب: ليه ان شاء الله
جاسر بحده: كدا انا هنا جاسر الحديدي الي الكل بيعملي الف حساب عايزاني اقولهم دي الحارس الشخصي بتاعي
جميله بغضب واستهزاء: انت مالك منفوخ ع اي كل شويه انا جاسر الحديدي محسسني انك ابراهيم الابيض ولا ڤاندام وبعدين اصلا انت تطول اني انا اكون الحارس الشخصي بتاعك

في اللحظه دي دخل صديق جاسر ( اسموا حمزه)
حمزه بابتسامه لهفه: اي ي بني الغيبه دي كلها دا انا مصدقتش لما قالوا انك جيت
سلموا ع بعض وبعد كدا حمزه خد بالوا من جميله الي كانت قاعده
حمزه وهو ينظر ل جميله باعجاب: امال مين الانسه
جاسر بجديه: الانسه هتشتغل هنا
جميله بصتلوا باستغراب
حمزه باستغراب: هتشتغل اي
جاسر بجديه: سكرتيره خاصه
حمزه: وسهيله
جاسر بجديه: سهيله سكرتيره عادي لكن دي هتبقي خاصه يعني معايا في كل مكان
جميله بصتلوا بغضب وسكتت
حمزه بابتسامه ل جميله : متعرفناش بالاسم
جميله بابتسامه: جميله
حمزه باعجاب : انا عارف انك جميله انا قصدي اسمك
جميله بابتسامه: ههههههههههه اسمي جميله

جاسر بسخريه: لا والله ما اطلبلكوا اتنين لمون احسن
جميله ببرود: ممكن برتقال مش بحب لمون
جاسر بصلها بغضب وهو يتوعد لها
حمزه بابتسامه: اتشرفت بمعرفتك ي انسه جميله مش انسه بردوا
جميله بابتسامه: اه انسه
جاسر بجديه : حمزه عايزك تبعتلي سهيله بكل الملفات والصفقات الي تمت اثناء فتره غيابي والي لسه متمتش
حمزه : ماشي طب وانسه جميله ملهاش مكتب عشان تشتغل معاك
جاسر بجديه: لا جميله قصدي انسه جميله هتشتغل هنا في المكتب
حمزه : تمام انا هروح مكتبي وهبعتلك سهيله بالملفات وصح اعمل حسابك فيه اجتماع بعد ساعتين
جاسر : اجتماع مع مين
حمزه: مع شركه H&Y
جميله : دي الي مديرها استاذ حازم وابنوا يوسف
حمزه وجاسر بصولها باستغراب
جاسر باستغراب: انتي اشعرفك
جميله : استاذ حازم يبقي خالي ويوسف ابن خالي بس هو ازاي فيه اجتماع معاكوا هنا والشركه بتاعتوا في اسكندريه
حمزه: عادي احنا بنشتغل مع اكتر من شركه من جميع المحافظات وبره مصر كمان وهو قال هيبعت ابنوا ومديره الحسابات بتاعته

جميله : هاجر
حمزه بدهشه: فعلا اسمها هاجر
جاسر بجديه: تمام لما يجي بلغني
حمزه وهو ينهض من ع الكرسي : اوك
خرج حمزه
جاسر باستغراب: هي مش مامتك بتشتغل ظابط ازاي بقت مديره حسابات
جميله : هههههههه هاجر مش ماما بص هي قصه طويله
جاسر : طب احكيها
جميله : فاضي تسمع
جاسر : اه
جميله : اوك بص ي سيدي ، ماما بتشتغل ظابط عادي وراحت مهمه في روسيا كانت حامل فياا ساعتها بس هي عشان تطلع المهمه دي كان لازم تبين للكل انها ماتت عشان محدش يشك وفعلا زورت موتها وعدي خمس سنين خالي لؤي ومراتو جابو تؤام سموا هاجر واياد عشان ع اسم ماما يعني بس فا هاجر دي هي نفسها مديره الحسابات واياد الي من ضمن الفريق

جاسر بذهول : مامتك زورت موتها خمس سنين بحالهم
جميله: اه
جاسر : يعني انتي كنتي عايشه خمس سنين بعيد عن باباكي
جميله: اه انا ساعتها مكنتش اعرف حاجه ماما كانت مفهماني ان بابا مسافر بس لما كبرت فهمت
جاسر : لا بس مامتك قويه ماشاء الله
جميله خدت بالها انها قاعده بتحكي معاه عادي في امور شخصيه : هو انا اي الي مقعدني اتكلم معاك صح وبعدين انا هشتغل ازاي سكرتيره انا مفهمش حاجه في شغلكوا دا
جاسر : انتي بتتحولي بسرعه كدا ازاي وبعدين انتي مش هتشتغلي بمعني تشتغلي انتي هتبقي سكرتيره خاصه دا تبرير لو حد شافك ع طول معاياا لكن انتي يدوب هتحضري معايا الاجتماعات سواء بره او جوه الشركه وتكتبي المواعيد بس وطبعا باقي اليوم معايا في الشركه

جميله : امممممممم ماشي انا هروح اجيب نسكافيه اجبلك معايا
جاسر : لا خليكي انا هطلب
ضغط جاسر ع زرار وطلب اتنين نسكافيه
💖💖💖💖💖💖💖
عند هاجر ويوسف في العربيه
يوسف بجديه: جهزتي الملفات كلها تبع الصفقه
هاجر : اه
يوسف : تمام والحسابات
هاجر بجديه: الحسابات كلها جاهزه وفي فايل لوحدوا
يوسف : كويس
وقف يوسف العربيه
هاجر باستغراب: انت وقفت ليه
يوسف: استراحه خلينا ننزل ناكل وبعد كدا نكمل لسه فيه وقت
هاجر : اوك
دخلوا الاستراحه وطلبوا اكل وراحت هاجر عشان تدفع الحساب لكن وقفها يوسف
يوسف بحده: انتي بتعملي اي
هاجر باستغراب: هدفع
يوسف بغضب: ليه ماشيه مع سوسن اتفضلي روحي العربيه وانا هحاسب واجي
هاجر بغضب: انت بتزعقلي كدا ليه وبعدين انا مبحبش حد يجبي علياا

يوسف بغضب: روحي ي هاجر اقعدي في العربيه

هاجر : لما احاسب الاول
يوسف وهو يحاول التحكم في اعصابه: روحي ي هاجر عشان متعصبش عليكي انا لحد دلوقتي ماسك نفسي بالعافيه

هاجر بغضب : وانت تتعصب ليه انا كلت وبدفع الحساب عادي انت مالك

يوسف وهو ياخد منها الكريديت : تمام هاتي الكريديت وانا هدفع واجي
هاجر : ماشي
راحت هاجر قعدت في العربيه وهو دفع بالكريديت بتاعته ورجع اداها بتاعتها
يوسف بحده: بعد كدا لما اكون معاكي متطلعيش الكريديت تاني ماشي

هاجر بحده: انت مدفعتش بيها ليه
يوسف بحده: قولتلك انتي مش ماشيه مع سوسن انا راجل ومحبش امشي مع واحده وهي الي تدفع او تطلع الكريديت حتي
💖💖💖💖💖💖💖💖💖💖
في المستشفي عند اسيل وعدي
دخلت الممرضه ل مكتب اسيل
الممرضه بسرعه: دكتوره اسيل عندنا حاله ولاده مستعجله
اسيل بسرعه: طيب انا جايه وراكي اهو
خرجت اسيل بسرعه ودخلت غرفه العمليات
وبعد ساعتين خرجت وجري عليه جوز المدام رفعت اسيل عنيها واتصدمت
اسيل بصدمه: انت جوزها
عدي بسرعه ولهفه: ايوا جوزها طمنيني عليها ونبي

اسيل كانت مصدومه مش عارفه تقول اي
اسيل بخنقه: للاسف الطفل مات
عدي بحزن ونزلت منه دمعه: مات
اسيل : اه
عدي بلهفه: طب وهي اهم حاجه عامله اي

اسيل اتوجعت اوووي لما شافت لهفتوا وخوفوا عليها وكانت عايزه تنفجر من العياط لكن مسكت نفسها

اسيل بثبات: هي كويسه وهتتنقل غرفه عاديه ، بس انت اتجوزت امتي ي عدي وليه مقولتش و اي الي خلاك تخبي حاجه زي كدا

عدي بحزن: لو كنت قولت محدش كان هيوافق وكمان انا متجوز من سنه ودا اول طفل لياا كنت مستنيه يتولد وكنت هاخدوا وهعرفهم كلهم واقولهم دا ابني عارف انهم هيزعلوا في الاول بس هيفرحوا بأول حفيد ليهم بس خلاص مات ثم اكمل برجاء : ياريت ي اسيل متقوليش لحد ع الي عرفتيه دا

اسيل كانت موجوعه اكتر منو موجوعه عليه وموجوعه منو بس هو ملهوش ذنب هي الي حبتوا هو محبهاش ولا عمروا قالها ولا وعدها بحاجه

اسيل بوجع: متقلقش مش هقول لحد عن اذنك
مشيت اسيل واول مادخلت المكتب انفجرت من العياط

عند عدي اتنقلت مراته غرفه عادي وهو دخلها
عدي بحزن: حمدلله ع سلامتك ي حبيبتي
سمر بتعب ودموع : الله يسلمك
عدي بحنان: خلاص اهدي دي حكمه ربنا وانا راضي بيها اهم حاجه انك معايا
سمر بدموع: كان نفسي اجبلك الواد الي نفسك فيه كأن نقسي احققلك امنيتك انك تشوفوا وتوريه لاهلك وتعلن جوازنا
عدي : عمر اعلان جوازنا ما كان متوقف ع الطفل انا كنت محتاج وقت مش اكتر مكنش ينفع ادخلهم فجاه واقولهم انا متجوز
سمر بدموع: طب و دلوقتي هتعلن جوازنا ولا لا
عدي بحزن: محتاج وقت بس ارتب افكاري واعرف اقولهم ازاي
سمر بحنان: خد الوقت الي انت عايزو انا اهم حاجه عندي انك معايا
عدي بحب : ربنا يخليكي لياا ي حبيبتي
سمر بحب: ويخليك لياا ي حبيبي
💖💖💖💖💖💖💖
عند سلمي كانت بتكلم باباها ومامتها
سلمي بحب : وحشتني اوووي ي بابا
سيف بحب : وانتي كمان وحشتيني اوووي ي روح بابا
نور بمزاح: لا ع فكره انا كدا هغير
سلمي بحب : ههههههههههه وانتي كمان وحشاني ي ماما
نور بحب : وانتي كمان ي حبيبتي وحشتيني اوووي
سيف بابتسامه: طمنيني ي حبيبتي اخبارك اي واخبار المهمه اي
سلمي : كلوا تمام ي حبيبي
في اللحظه دي دخل عبدالرحمن واول ما سمع كلمه حبيبي اتعصب
عبدالرحمن بعصبيه: بتكلمي مين
سلمي بغضب: وانت مالك
سيف باستغراب : مين دا ي سلمي الي بيزعق
سلمي : مفيش ي بابا دا عبدالرحمن ابن العمده
سيف : اه وبيزعق ليه كدا
سلمي بكدب: مش بيزعق دا بيسالني عادي فاكرني يعني بكلم جميله فا كان عايز يسلم عليها
سيف باستغراب: وهي جميله مش معاكوا
سلمي : لا ي بابا جميله اتولت حمايه جاسر واحنا هنا ماسكين قضيه الجرايم الي بتحصل في البلد
سيف : جاسر دا ابن العمده بردوا الي جميله قبضت عليه قبل كدا
سلمي : ايوا هو
سيف : طيب ي حبيبتي انا هسيبك بقاا عشان تنامي عايزه حاجه
سلمي : لا ي حبيبي عايزه سلامتك تصبح ع خير وسلم ع ماما
سيف : وانتي من اهله ي حبيبتي حاضر
قفلت سلمي مع باباها وبصت ل عبدالرحمن بغضب
عبدالرحمن: انا اسف مكنتش اعرف انو باباكي
سلمي بغضب : وانت بتدخل ليه اصلا حتي لو مكنش بابا
عبدالرحمن بسرحان: انا بحبك

سلمي اتفاجات بكلمته : انت قولت اي
فاق عبدالرحمن من سرحانه وقالها تاني بس المرادي بوعي : بحبك
اتكسفت سلمي وطلعت بسرعه الاوضه وهو ابتسم ع كسوفها ودخل اياد في اللحظه دي
اياد بمزاح: اي ي عم الحبيب
عبدالرحمن بابتسامه: حبيب اي بقاا ما سابتني وطلعت
اياد بضحك: ههههههههههه ما هي مكسوفه ي ابني عايزها تعمل اي يعني وبعدين فيه حد بيقول كدا خبط لزق
عبدالرحمن : مانا مش بعرف اذوق الكلام ولا بعرف اقول كلام حلو وخايف هي تحس اني مش بحبها

اياد: ومين قالك ان سلمي بتحب الكلام الحلو ولا المتذوق بالعكس سلمي بتحب الكلام الي بجد الي طالع من القلب مش بيقولك الكلام الي طالع من القلب بيوصل القلب ع طول

عبدالرحمن: طب اعمل اي دلوقتي

اياد: شوف هي بتحب اي واعملهولها خليك ضهر وسند ليها وثانياا بقاا استعد عشان انت داخل ع معركه

عبدالرحمن :ههههههههههه معركه اي دا ليه

اياد: اصل سيف بااشاا مش هيوافق بسهوله لان سلمي وسيف مش علاقه اب ببنته عادي لا دا بيعشقها بجنون وبيخاف عليها وميقدرش يستغني عنها تعرف ان سلمي اتقدملها كذا عريس لحد دلوقتي وهو كان يرفض ع اي سبب

عبدالرحمن بثقه: بس مش هيقدر يرفضني لاني معنديش اي سبب اترفض عشانوا

اياد بضحك:ههههههههههه انت ممكن يقولك انت مدخلتش شرطه ليه

عبدالرحمن:ههههههههههه لا مش معقول

اياد : اه والله
💖💖💖💖💖💖💖💖💖💖
عند جاسر
دخلت سهيله وهي تمشي بدلع ناحيه جاسر وتحمل الملفات وتنظر ل جميله بغيظ وجميله تنظر لها بقرف ع فستانها الضيق والقصير جدا والميك اب الاوفر

سهيله بدلع: الملفات اهي ي جاسر بيه

جاسر : تمام شكرا ي سهيله

سهيله بدلع : استاذ حمزه بيقول لحضرتك استاذ يوسف ومديره الحسابات وصلوا وهما مستنين حضرتك في اوضه الاجتماعات

جاسر : ماشي روحي انتي وانا جاي

سهيله بدلع: انا ممكن استني حضرتك وندخل سوا

جميله : هو انتوا مخطوبين ولا حاجه

سهيله بغيظ: لا

جميله : امال هتدخلوا سوا ليه انتوا داخلين تتعشوا دا اجتماع

جاسر بجديه ل سهيله : روحي ي سهيله مكتبك مش انتي الي هتحضري الاجتماع اصلا من هنا ورايح جميله هي الي هتحضر الاجتماعات وهتبقي السكرتيره الخاصه انتي هتستلمي شغل المكتب الملفات والصفقات

سهيله بغيظ: حاضر ي فندم عن اذنك
خرجت سهيله
جاسر بحده: بعد كدا تتكلمي باحترام مع الموظفين بتوعي

جميله : انت شوفتني كلمتك باحترام قبل كدا

جاسر بغيظ: لا

جميله باستهزاء: يعني مكلمتش مدير الشركه بنفسوا الي هو انت باحترام هكلم الموظفين باحترام وبعدين انت مستحملها ازاي اصلا بالقرف دا

جاسر باستغراب: قرف اي

جميله بقرف: بلبسها المحزق دا وكمان الاتنين كيلو البودره الي ع وشها دا

جاسر بسخريه: بلاش تتكلمي انتي بالذات ع اللبس شوفي نفسك الاول

جميله بحده: انا شايفه نفسي كويس اوووي ومش بلبس القرف دا انا بلبس بناطيل مش قميص نوم ولا بحط الميك اب الاوفر دا انا مش بحط ميك اب اصلا

جاسر باستهزاء: عشان كدا عامله زي عم عبده البواب دا يمكن هو احلي منك

جميله بحده واستحقار : شكلك عاجبك لبسها والمياعه بتاعتها

جاسر : يعني انتي عاجبك رجولتك

جميله : اه عاجبني ع الاقل مش بتمايع ولا اتمايص ع حد عشان الفت نظروا ثم اكملت بثقه انا ملفته لوحدي من غير ما اعمل الهبل بتاعها دا

جاسر باستهزاء: انتي واخده مقلب في نفسك اوووي ماانتي قدامي من اول ما عرفتك وملفتيش نظري اصلا

جميله باستهزاء: مش لما يكون عندك نظر اصلا

جاسر بغضب: احترمي نفسك ي بت انتي

جميله بغضب : بت اما تبتك

قامت جميله وقفت
جميله بحده: فين غرفه الاجتماعات
جاسر ببرود: استني لما اخلص وهنروح
جميله بغضب : وهتخلص امتي ان شاء الله هو انت ما بتسمعش بتقولك انهم وصلوا
جاسر ببرود: اه سمعت وعادي يستنوا
جميله بحده: دي اسمها قله ذوق ي استاذ وعدم تقدير المواعيد ابدا يعني هما جايين في معادهم وانت تتاخر
جاسر بحده: احترمي نفسك ولمي لسانك دا واه فيها اي لما يستنوا
جميله بحده: انا محترمه غصب عن اي حد وفيها كتير لما متقدرش انت المواعيد هي عشان شركتك تتحكم في اي حد وتوصل متاخر

جاسر ببرود: انتي في الوقت الي قعدتي ترغي فيه انا خلصت الي ورايا اصلا يلا

جميله سابتوا وخرجت سالت ع غرفه الاجتماعات وكانت جنب مكتب جاسر دخلت ويوسف وهاجر اتفاجئوا بيها
يوسف بدهشه: جميله انتي بتعملي اي هنا
جميله : انا بشتغل هنا
هاجر بدهشه: بتشتغلي هنا ازاي
جميله : هحكلكوا بعدين المهم عاملين اي وحشتوني اووي
يوسف بابتسامه: الحمدلله وانتي اخبارك اي وحشتيني جداا
هاجر : الحمدلله ي جوجو وانتي وحشاني اكتر
حمزه : اقعدي ي انسه جميله والله ليه ،امال فين جاسر صح
جميله بلامبالاه: هو قالي روحي وانا هاجي وراكي
جاسر من وراها : لا والله
جميله : مش انت قولت كدا
جاسر اتجاهلها وسلم ع يوسف وهاجر وقعدوا كلهم وكان جاسر بيبصلها بغضب
خلص الاجتماع وخرج يوسف وهاجر وجمليه خرجت وراهم وجاسر كان متابعها
جميله : خلينا ننزل الكافيتريا وهشرحلكوا كل حاجه
يوسف : اوك
جميله : يلا بينا
نزلت جميله ويوسف وهاجر الكافيتريا

عند جاسر خرج من غرفه الاجتماعات ملقاش جميله راح ل سهيله
جاسر بغضب: امال جميله راحت فين
سهيله بخبث : نزلت هي واستاذ يوسف معرفش راحوا فين ممكن يكونوا خرجوا
جاسر بغضب : اول ما تيجي تقوليلي ومتدخليهاش ع طول خليها واقفه بره عشان بعد كدا تبقي تستاذن
سهيله بتشفي : حاضر ي فندم
دخل جاسر المكتب وقفل الباب وراه جامد والكل اتفزع
سهيله بتشفي : احسن يارب يرفدك عشان اخلص

بعد وقت طلعت جميله المكتب لكن وقفتها سهيله
سهيله بجديه وتشفي : جاسر بيه طلب مني لما تيجي اقوله ومتدخليش ع طول

جميله بحده: لا الاوامر دي عليكي انتي مش علياا انا يعني ابعدي كدا بدل ما تلاقي ايدك هي الي بعدت عن مكانها

سهيله ببرود: مش هبعد دي اوامر جاسر بيه

جميله بحده: بقولك اوعي بدل ما ادخلك جثه ليه

سهيله بغضب وبعض التوتر : اي امور البلطجه دي انتي هنا في شركه محترمه

جميله باستهزاء: طب اوعي ي ست المحترمه 

سهيله : مش هوعي

زقتها جميله ودخلت المكتب من غير ماتخبط وسهيله حاولت تمنعها
جاسر بحده: انتي ازاي تدخلي من غير ما تخبطي
جميله ببرود: عادي دخلت من الباب ومن غير مااخبط سهله تحب تتعملها
سهيله: والله ي فندم حاولت امنعها لكن هي قعدت تقولي اوعي من قدامي لدخلك جثه وكلام بلطجي كدا وبقولها دي شركه محترمه راحت بتقولي طب اوعي ي ست المحترمه

جميله ببرود: لا ونسيتي ان الاوامر مش بتمشي علياا انا
جاسر بجديه: اطلعي ي سهيله واقفلي الباب وراكي

سهيله بغيظ: حاضر ي فندم
خرجت سهيله وقفلت الباب وراها
راحت جميله ناحيه الباب وفتحتوا مره واحده ولقت سهيله واقفه بتتصنت
جميله باستهزاء: لو عايزه تدخلي تسمعي انا معنديش مانع
سهيله بتوتر : اسمع اي انا الحلق بتاعي وقع فا بجيبوا
جميله جابت الحلق من ع الارض : وهو الحلق ابقي البسي نظاره عشان بعد كدا تلاقيه كويس

سهيله بتوتر : ان شاء الله
قفلت جميله الباب
جاسر بحده: كنتي فين
جميله بحده: وانت مالك
جاسر بحده: يعني اي وانا مالي هو انتي مش المفروض الحارس الشخصي بتاعي والمفروض تكوني موجوده في اي مكان اروحوا مش اخرج من الاجتماع القيكي مشيتي انتي والزفت الي كان هنا

جميله بحده: احترم نفسك و اتكلم عن ابن خالي عدل وبعدين انا مروحتش بعيد انا كنت في الكافيتريا

جاسر بحده: انا اتكلم زي مانا عايز مش انتي الي هتعلميني وبعدين اي اسلوب البلطجيه بتاعك دا انا الي اديت اوامر لسهيله مدخلكيش عشان بعد كدا تقولي قبل ماتروحي في مكان

جميله بحده: والله هو دا اسلوبي ودي طريقتي وانت مش هتعرفني اتعامل ازاي ومتعاملش ازاي انت زي ماقولت انا الحارس الشخصي مش مراتك عشان اقولك رايحه فين وجايه منين

جاسر بحده وتحذير : لاخر مره بحذرك ي جميله اتكلمي عدل معايا ومع الموظفين بتوعي ويلا عشان ورايا مشوار

جميله : مشوار اي
جاسر بجديه: ملكيش دعوه
جميله بحده: يعني اي مليش دعوه انا لازم اعرف رايح فين

جاسر ببرود: والله انتي مش مراتي عشان اقولك رايح فين وجاي منين

جميله بحده: مش مراتك بس المفروض اعرف لان انا الي رايحه معاك انا الي بحرسك

جاسر بغضب : خلاص بطلي رغي انا عندي عشاء عمل مع عملاء في مطعم..........

جميله بغضب : طب ما كان من الاول
جاسر بغضب : ملكيش دعوه
اتجاهلتوا جميله وخرجت بره المكتب ونزلت وهو خرج وراها وهو متعصب
كل دا وسهيله كانت بتسمعهم من ورا الباب و اول ما جميله خرجت رجعت مكانها بسرعه