رواية احببت عنادك... بقلمي/هاجر هشام الفصل السابع 7 - بقلم Hagar Hešhàm

وقفنا عند هاجر وهي كانت مشغوله بملف القضيه وحلها ووضع خطه
واثناء ذلك دخل اسر وهو متعصب كانت عايزه تسالوا مالوا بس مرديتش بس في الاخر حسمت قرارها وقررت تسالوا
هاجر بهدوء: مالك متعصب ليه
اسر باستغراب انها بتكلم عادي من غير عصبيه : مفيش موضوع وخلصتوا
هاجر : تمام انا عرفت معاد العمليه الجديده بتاعت صلاح ايوب
اسر باهتمام : بجد امتي المعاد
هاجر : لما نتجمع كلنا هقوله عشان نعرف نحط خطه كلنا مع بعض
اسر : ماشي اتصلي بيهم خليهم ييجو
هاجر : اوك انا هكلم لؤي وانت كلم مؤمن لان مش معايا رقموا او ممكن تجييوا وارن انا
اسر: لا انا هكلم مؤمن ملكيش دعوه انتي
هاجر: ع فكره انت الي قولت ان انا الي اكلمهم وجاي دلوقتي تقول مليش دعوه هو انت عندك انفصام في الشخصيه ولا حاجه انت مش طبيعي
اسر بعصبيه: شيفاني مجنون ولا عمال اشد في شعري مثلا
هاجر : ايوا فعلا شيفاك مجنون ومتخلف كمان
اسر: بت انتي لمي نفسك بدل ماالمك انا عفاريت الدنياا بتطنطت قدام وشي دلوقتي
هاجر: بت اما تبتك وبعدين انا مالي يكش تولع حتي
اي القرف دا وذهبت هاجر لتحدث اخوها ع الهاتف وتركت اسر يغلي من الغضب
وهو كمان كلم مؤمن
اسر : في ثانيه القيك قدامي متتاخرش وقفل ع طول دون ان يسمع رد من الطرف الاخر
وهاجر رجعت المكتب وكانت ماشيه ناحيه المكتب بتاعها دون ان تعيره اي انتباه
وهو كان متعصب جدا
________________________
شخص1: تمام ياباشاا انا قدام القسم اهو اول ماتخرج هنفذ
شخص2: اوعي تخليها تشوفك او تحس باي حاجه
شخص1: متقلقش ياباشاا
شخص2: مش عايز اي غلط
شخص1: حاضر ياباشاا
_______________________
عند روفيدا كلمت مي حكتلها الي حصل وانها روحت لان مي كانت مستنياها قدام المدرج
مي: معقوله كل دا يحصل وانا معرفش ياروفيدا كنتي كلمتيني ياحبيبتي كنت جيتلك بدل ماتبقي لوحدك
روفيدا: معلش ياحبيبتي انا كنت منهاره بسبب الكلام الي قالوا الزباله دا وكنت مخنوقه ملقتش قدامي غير اسر اخويا كلمته خليتوا يجيلي
مي: ماشي ياحبيبتي سماح المرادي المهم انك بخير
روفيدا : اه الحمدلله
مي: الحمدلله طب اسيبك بقاا تاخدي شاور كدا وترتاحي ومتفكريش في الحصل نهائي
روفيدا : ماشي ياقلبي يلا سلام
مي : سلام
______________________
في القسم وصل لؤي ومؤمن
واجتمعوا الاربعه في المكتب
هاجر : دلوقتي انا عرفت معاد العمليه امتي بس هو مش اكيد لانهم شاكين ان فيه خاين فا هياكدوا ع المعاد قبل العمليه بيوم ولازم نكون مستعدين لاي حاجه
اسر : طب ياريت تقولي معاد العمليه بسرعه وبلاش رغي
هاجر بصتلوا من فوق لتحت
وهو اتعصب من الحركه جدا
اسر : بصي عدل عشان ماعدلكيش
هاجر : ع فكره متقدرش تعمل حاجه
اسر كان لسه هيكلم بس قطع خناقهم مؤمن
مؤمن : خلاص ياجماعه صلوا ع النبي كدا احنا لازم نتعاون مع بعض مش نتخانق
هاجر واسر ولؤي: عليه افضل الصلاه والسلام
هاجر : تمام معاد العمليه هيبقي يوم الخميس الي جاي بليل بس لسه المكان هيحددوا قبل العمليه بساعتين لانهم حارصين جدا ع كل حاجه فا احنا هنستعد من اول اليوم عشان نكون مستعدين في اسرع وقت
اسر : انهارده الاحد يعني بعد 5 ايام تمام يدوب نحضر نفسنا ونستعد لكل حاجه ودلوقتي مش هنعرف نحط الخطه مدام مش عارفين المكان بس طالما قبل العمليه بساعتين يبقي هنقول الخطه واحنا في المكان هناك اول مانعرف المكان وهنروح ع طول ع المكان وساعتها نتوزع كلنا في اماكن خفيه
لؤي ومؤمن وهاجر : تمام كدا
اسر : تمام يلا كل واحد يروح ونكمل الصبح لاننا بردوا لسه محتاجين معلومات اكتر عن صلاح ايوب عايزين كل صفقه يعملها نمسكها ولما نمسك كل رجالته كل ما الدايره هتقفل عليه اكتر لاننا هنخسروا رجالتوا لحد مايضطر يمسك الصفقه بنفسوا بس دا مش هيحصل الا لو كانت الصفقه كبيره فا لازم نكون مفتاحين عنينا عليه اكتر
هاجر ولؤي ومؤمن : تمام يافندم
_______________________ اسر ومؤمن كانوا نازلين ووراهم هاجر ولؤي
عند القسم الناحيه التانيه كان في موتسيكل وعليه اتنين ملثمين
خد بالوا هو اسر وخد بالوا كمان هو هيصوب ع مين
اسر لهاجر : حاااااااااااااااااسبي
هاجر كانت متفاجئه
كان كلوا واقف مصدوم
لان الرصاصه جت في ...........
يتبع