رواية احببت عنادك... بقلمي/هاجر هشام الفصل التاسع والعشرون 29 - بقلم Hagar Hešhàm

عند نورهان عدي ساعه ونص ونزلت من البيت بس قبل ماتنزل جالها تليفون من اللواء
نور: ايوا يافندم انا لسه رايحه اهو دلوقتي
اللواء: لا استني متروحيش ارجعي ع الاداره دلوقتي
نور: ليه يافندم
اللواء: ارجعي الاول ولما تيجي هتفهمي
نور: حاضر يافندم
💝💝💝💝💝💝💝💝💝💝💝
صباح يوم جديد
صحيت هاجر وخدت شاور ولبست وخرجت بره الاوضه
سلوي : انتي رايحه فين كدا
هاجر باستغراب : هگون رايحه فين يعني رايحه الشغل
سلوي : شغل اي الي رايحه حضرتك وانتي خطوبتك انهارده
هاجر : حالا خلتوها خطوبتي دا حياله قرايه فاتحه
سلوي : بردوا مش هتروحي في حته / انتي بارده كدا ليه  دا البنات كلها في اليوم دا الفرحه بتبقي مش سايعاها
هاجر : خلاص يا ماما مش هروح الشغل وهترزع جوه
سلوي : اتكلمي عدل يابت
هاجر : حاضر بس انا هفضل قاعده لحد ماهما يجوا  انا زهقانه بصي انا هروح وهرجع بدري البس واعمل كل الي انتي عايزاه ماشي
سلوي : هقول اي لله الامر من قبل ومن بعد روحي بس ترجعي بدري انتي فاهمه
هاجر : حاضر يا سوسو يلا باااي
خرجت هاجر راحت الشغل  الكل استغرب انها جت بس اسر كان متوقع دا
منار بدهشه : انتي اي الي جابك
هاجر : انتي هبله يابت انا جايه اشتغل
منار: بس انهارده خطوبتك ياغبيه يعني المفروض متجيش
هاجر : افضل محبوسه يعني طول النهار لا طبعا قولت لماما هرجع بدري
لؤي: هههههههههههه حقيقي انتي مسخره يا هاجر
مؤمن: كل مره بتصدمينا بحاجه شكل
اسر : دا الي انا متوقعوا والله
هاجر : في اي يا جماعه ما عادي دي قرايه فاتحه مش حوار يعني
منار : صبرني يارب ع الغبيه دي
هاجر : بس خلاص بطلوا رغي خلينا نشوف شغلنا / مفيش اي اخبار جديده او اي ادله نمشي وراها
اسر: عرفنا ان عمار ( دا الراجل الي هما كانو بيراقبوا ) بيدور ع سكرتيره خاصه
هاجر : يعني كدا احنا عايزين حد من عندنا يروح ع الاساس انها سكرتيره صح
اسر : بالظبط كدا
هاجر : تمام انا هروح
اسر بعصبيه : تروحي فين هي رحله
هاجر : لا مش رحله  دا شغل ولازم حد يروح ويكون موثوق فيه مش دا كلامك بردوا
اسر : اه كلامي بس مش انتي
هاجر : ليه هو انا مش موثوق فياا
اسر : مش حكايه كدا المؤهلات الي عايزنها مش عندك فا مينفعش انتي
هاجر : مؤهلات اي
اسر : عايزين حد معاه كورس كمبيوتر ومايكروسوفت وكورس انجليزي والماني  عندك انتي بقااا دا
هاجر : لا مش عندي خلاص منار تروح هي عندها كل المؤهلات دي غير انها تقدر تخترق اي جهاز ودا هيكون اسهل لما تكون وسطهم وكمان سكرتيره خاصه يعني تبقي معاه في كل مكان يروحوا
اسر : ايوا بالظبط ودا راي بردوا فهمتي بقاا ليه رفضتك انتي
هاجر : اه فهمت وع فكره كنت تقدر تقول دا براحه لكن ازاي تقعد يوم من غير ما تزعق
اسر : صبرني يااارب انا اسف لسيادتك خلاص ارتاحتي
كلهم اتصدموا حتي هاجر
هاجر بصدمه : اي دا انت بتتاسف زينا كدا عااادي
اسر : ههههههههههه اه عادي فيها اي
هاجر بصدمه ثانيه: دا كمان بيضحك لا انت اكيد سخن انهارده صح
اسر: لا مش سخن بس فيها اي ان الواحد يعتذر طالما غلط
هاجر بسخريه : لا بجد وهو دا بس الي غلط فيه
لؤي: خلاص بقاا نفسي تعدوا يوم من غير خناق ابوس ايديكوا تعبت
هاجر بضحك: ههههههههه خلاص يا حبيبي عشان خاطرك بس مش هكلم بس هو بردوا مش يكلم
اسر : انا عن نفسي مش هكلم هاخد راحه انهارده من الخناق هسيبوا لبليل
هاجر باستغراب: اشمعنا بليل
اسر : متاخديش في بالك
💝💝💝💝💝💝💝💝💝💝
بعد وقت رجعت هاجر البيت بدري واسر كمان رجع
اول ما دخلت كانت موجوده روفيدا ومنار رجعت معاها
روفيدا : يلا خشي خدي شاور بسرعه عشان اسر فاضل ساعه ويجي
هاجر : حاضر
دخلت خدت شاور ولبست الفستان ومنار طلعت شقتها خدت شاور ولبست فستانها ونزلت لهاجر وروفيدا بردوا لبست الفستان عند هاجر
روفيدا : دلوقتي مين الي هيحط ميك اب
هاجر : انا عن نفسي هحط بسيط جدا
كلهم حطوا ميك اب خفيف وكانوا اميرات

دا فستان هاجر البينك

دا فستان روفيدا

واخيرا فستان منار
خلصوا كان وصل اسر
اتفقوا ع كل حاجه  وفي اللحظه دي دخلت هاجر وهي تحمل صينيه العصير  ولمحت شخص غريب معاهم 
اسر بصدمه وغضب: اي الي انتي لبساه دا
هاجر ببرائه: حلو مش كدا قولت اعملهولك مفاجاه
اسر بخبث : بصراحه مفاجاه حلوه وانا بردوا عملتلك مفاجاه
هاجر باستغراب: مفاجاه اي
اسر بمكر : انهارده هتبقي خطوبه وكتب كتاب اي رايك
هاجر بصدمه : انت بتقول اي
اسر بمكر: كنت متاكد انها هتعجبك يا حببتي
هاجر بغيظ: لا والله
خالد: هي معجبتكيش يا هاجر
هاجر بغيظ مكتوم : لا يا بابا عجبتني دي تحفه بصراحه
خالد: يبقي توكلنا ع الله ابدا يا شيخنا
انتهي كتب الكتاب وتم اطلاق الزغاريط
فريده : طب مش نسيب العرايس يقعدوا مع بعض شويه
اسر : يعني لو ممكن ياعمي اخدها ونخرج نتمشي شويه ع البحر
خالد: ماشي يابني بس متتاخروش
اسر بهمس ليها : خشي غيري لاني مش هنزل بيكي بالمنظر دا
هاجر بعند: لا مش هغير عاجبني الفستان وهنزل كدا
اسر بنظره مرعبه ليها : انا نازل خمس دقايق والقيكي مغيره الفستان دا ونازله
هاجر خافت من نظرتوا: حاضر
بعد خمس دقايق هاجر غيرت ونزلت كانت لابسه فستان طويل ومحتشم
اسر باعجاب: ايوا كدا احلي بكتير
هاجر : انا لبستو بس عشان محدش ياخد بالو من حاجه  مش خوف منك يعني
اسر : مش مهم المهم انك غيرتي الفستان  ثم اكمل ها عايزه تروحي فين
هاجر : مش قولت هنتمشي ع البحر
اسر : يعني انتي موافقه
هاجر : اه موافقه انا بحب البحر جدا
اسر : خلاص يلا بينا
راحوا البحر وقعدوا ع الشاطئ
اسر : انا اسف
هاجر : اسف ع اي
اسر : اسف ع كل الي حصل
هاجر باستهزاء : لا بجد بس كدا اسف وخلاص ليه هو انت دوست ع رجلي وانا مش واخده بالي انت عارف انت عملت اي
اسر : عارف عملت اي بس عرفت غلطي وبعتذر وندمان باللي عملتوا
هاجر : وهيفرق في اي ندمك دلوقتي تعرف ان اول مره في حياتي اكره حد لدرجه دي انت خلتني اكرهك بجد
اسر : يعني مفيش امل تسامحيني
هاجر : مظنش ان هيكون فيه
اسر : بس انا مش هيأس ابدا ومتاكد ان هيجي يوم وتسامحيني فيه
هاجر : براحتك
هاجر حست بخنقه
هاجر بخنقه : انا عايزه اروح
اسر بخوف: مالك فيكي اي
هاجر : مفيش بس عايزه اروح تعبت
اسر : خلاص ماشي هنروح يلا
ركبوا العربيه وروحوا اسر وصلها لحد البيت ومامتوا وروفيدا نزلوا عشان يروحوا
روفيدا : باي باي يا جوجو
هاجر : باي ياقلبي تليفونات بقاا بطي نداله بقاا ورني مره
روفيدا :هههههههه حاضر هرن انا مره
فريده: سلام يا حببتي
هاجر وهي تحضنها : سلام ياطنط
مشيوا وهاجر دخلت اوضتها اول ما دخلت انهارت من العياط
هاجر بوجع: مش قادره اكرهك بجد مش قادره بس بردوا مش قادره اسامحك انت وجعتني ودا مش سهل ابدا مش سهل يااارب انت الي عالم بحالي يارب هونها عليااا يارب
قطع كلامها دخول باباها
خالد: ممكن ادخل
هاجر مسحت دموعها بسرعه: اه طبعا يا بابا اتفضل
خالد بحنان : مالك يا حببتي حساس انك مش مبسوطه وحاسس بحزن جواكي فيكي اي فضفضي
هاجر : مفيش حاجه يا بابا انا كويسه انا بس اتخانقت انا واسر بسبب الفستان فا زعلانه مش اكتر
خالد : هعمل نفسي مصدقك واقولك هو عندو حق لازم يضايق بيغير عليكي يا هاجر ومش عايزك تلبسي كدا انا نفسي استغربت انك جبتي الفستان عريان كدا وانتي اصلا بتكسفي
هاجر : عارفه يا بابا بس الفستان عجبني جدا وكمان قولت انا في البيت عادي  محدش غريب
خالد: لا كان فيه غريب زي عمر دا ميجوزلكيش يعني غريب ومؤمن كمان يعني مينفعش
هاجر : انا اسفه يا بابا انت عندك حق
خالد: مش مهم انا عندي حق المهم كلمي اسر واعتذريلوا
هاجر بكذب : حاضر يا بابا
خالد: ماشي ياحببتي اسيبك انا بقاا عشان تغيري وترتاحي يلا تصبحي ع خير
هاجر : وانت من اهله يا حبيبي
خرج خالد وهاجر غيرت وغسلت وشها ونامت
💝💝💝💝💝💝💝💝💝💝
عند اسر روح البيت ودخل اوضته
اسر بوجع: اه يا هاجر لو تعرفي انا بحبك قد اي عارف اني غلط بالي عملتوا بس للاسف الانتقام عماني حقيقي حبيتك بجد ونفسي تسامحيني
ياارب انا غلط وندمان والله ندمان يارب سامحني
قام اسر خد شاور وغير ونام
💝💝💝💝💝💝💝💝💝💝💝
تاني يوم الصبح
صحيت هاجر خدت شاور ولبست كان لؤي ومنار راحوا الشغل نزلت هي لقت اسر مستنيها تحت
اسر : صباح الخير
هاجر : صباح النور انت واقف ليه
اسر : مستنيكي
هاجر : مستنيني انا ليه
اسر : هوصلك معايا
هاجر : مانا معايا عربيتي
اسر : لا ما لؤي خدها
هاجر : اي دا ليه ماهو معاه عربيتوا
اسر : لا عربيتوا وداها الصيانه فا خد عربيتك وقالي اوصلك معايا
هاجر : لا والله انتوا متفقين بقاا
اسر: لا خالص دي صدفه بس بصراحه صدفه حلوه اوووي
هاجر : طب يلا عشان منتاخرش
اسر : ع فكره انتي معاكي قائد الفريق نفسوا يعني مسموح ليكي بالتاخير عادي
هاجر : لا المفروض يا قائد الفريق انك تروح بدري عنهم المفروض انت قدوتهم
اسر : احرجتيني بكلامك عندك حق فعلا طب يلا
ركبوا العربيه واتحركوا
اسر : تحبي تسمعي اي
هاجر : اممممممممممم شغل حمو بيكا
اسر بدهشه : مين
هاجر: حمو بيكا فيها اي
اسر : 😂😂😂😂😂اصل اول مره اشوف بنت بتسمع حمو بيكا كل البنات بتقول شغل اغاني رومانسي
هاجر : وانت اشعرفك ان كل البنات بتسمع رومانسي 😏
اسر : عادي يعني من خلال خبرتي
هاجر : خبرتك هو انت عرفت بنات قبل كدا
اسر : لا طبعا انا قصدي ابسط مثال روفيدا اختي كانت بتحكيلي
هاجر : امممممم قولتلي ماشي
اسر : هو انا ممكن اسالك سؤال
هاجر : طبعا اسال
اسر : انتي حبيتي قبل كدا
هاجر بوجع: اه حبيت قبل كدا
اسر اتعصب : ناااعم
هاجر باستغراب: في اي
اسر : لا مفيش بس مقولتليش انك حبيتي قبل كدا
هاجر : انت الي مسالتنيش
اسر : وهو فين دلوقتي
هاجر بوجع: طلع كداب وخاين
اسر : ازاي
هاجر : احنا وصلنا يلا
اسر : ماشي بس لينا قاعده تاني عايز اعرف الموضوع
هاجر : ان شاء الله
خرجوا من العربيه وطلعوا القسم ودخلوا المكتب
هاجر : انت يازفت مين الي قالك تاخد عربيتي
لؤي: معلش يا جوجو بقاا عربيتي في الصيانه وانتي كنتي لسه نايمه فا قولت اخدها واتصلت بااسر يوصلك
هاجر : ماشي بس متتعودش ع كدا
لؤي: لا معلش هتعود بس لحد مااصلح العربيه
هاجر : لا مليش دعوه اتصرف
لؤي: اتصرف ازاي طب انتي عندك الي يوصلك لكن انا معنديش خليكي جدعه بقاا
هاجر : هههههههه ماشي يااخوياا هخليني جدعه وهي عربيتك هتاخد قد اي تصليح
لؤي: اسبوعين
هاجر : نااااعم لا كتير جدا
لؤي: ياروحي انتي حببتي وعارف اني مش ههون عليكي
هاجر: بتثبتني مثلا يعني
لؤي: انا اقدر بردوا
هاجر : مااشي يااخوياا اسبوعين بس
لؤي: اشطاا
هاجر : امال منار فين
اسر : منار راحت انهارده عشان تقدم في الوظيفه
هاجر : طب كويس واحنا بقاا هنعمل اي
اسر: احنا هنتابع معاها كل حاجه خطوه بخطوه وهنبقا جاهزين لاي حاجه تحصل
هاجر : بس كدا
اسر: فيه حاجه تاني ولا حاجه
هاجر : وانا اشعرفني بس دا مش شغلنا يعني هي عماله تروح وتيجي وتشتغل وتجبلنا المعلومات واحنا قاعدين هنا حاطين السماعات نسمع بس
اسر : مااحنا بعد مانجيب المعلومات هنشتغل
قطع كلامهم رنين هاتف هاجر
هاجر : الو
روفيدا : هاجر لو انتي في الشغل ماتقوليش ان انا الي بكلمك
هاجر : ماشي اي الاخبار
روفيدا : انا عايزاكي ضروري
هاجر : خلاص هجبلك الي انتي عايزاه
روفيدا : في النادي هستناكي
هاجر : اوك
اسر : مين دي
هاجر : دي ماما نسيت حاجه معايا هروح اوديهالها واجي بسرعه / لؤي هات مفاتيح العربيه
لؤي: خدي اهو
خرجت هاجر بسرعه وركبت عربيتها واتحركت لناادي وبعد وقت وصلت عند الكافيترياا بتدور ع روفيدا لحد ما لمحتها
هاجر : اي يابنتي في اي رعبتيني
روفيدا : انا في مصيبه ومحدش هيعرف يحلهالي غيرك
هاجر : طب اهدي في اي
روفيدا  بتوتر : بصي بصراحه انا من فتره كدا اتعرفت ع شاب من ع النت انا عمري ما كلمت شباب ابدا بس هو قالي انو بيحبني ونفسوا يتعرفوا علياا المهم وافقت  وقعدنا نتكلم وطلب مني ابعتلوا صورتي بس انا رفضت في الاول بس هو الح علياا جدا فا بعتهالوا وقعدنا نكلم عادي لكن فجاه لقيتوا بعتلي صور مركب وشي ع جسم عريان و.....  قعدت تعيط مقدرتش تكمل
هاجر : خلاص اهدي انا كدا فهمت الحوار متقلقيش هخلصهولك بسرعه
روفيدا: بس ونبي متقولي لاسر ع حاجه
هاجر : لا طبعا مش هقولوا ع حاجه وبعدين الموضوع بسيط جدا متقلقيش
روفيدا: ازاي
هاجر : ثانيه بس هجيب اللاب بتاعي من العربيه واجيلك
راحت هاجر جابت اللاب ورجعت
هاجر : دلوقتي هاتي موبيلك
روفيدا: اهو
هاجر : هاتيلي البروفايل بتاعوا
روفيدا: اهو
هاجر : تمام
روفيدا: انتي هتعملي اي
هاجر : فيه برنامج بيهكر الجهاز خالص وبيمسح كل حاجه ع الجهاز  انا هبعتلوا رساله من عندك وهو اول مايفتح بس الشات الجهاز بتاعوا هيعمل مسح لكل حاجه فا الصور هتتمسح وكل حاجه فاتح عليها الفيس
روفيدا: يعني اي
هاجر: يعني لو فاتح ع اللاب والفون الاتنين هيتمسحوا فا كدا الصور هتتمسح  وبعد مااضمن ان الصور اتمسحت ساعتها هعلقهولك
روفيدا : بجد انا متشكره اوووي يا هاجر مش عارفه من غيرك كنت عملت اي
هاجر : متقوليش كدا يا هبله انتي اختي 
بعد وقت صغير
هاجر : كدا تمام هو فتح الشات وكدا كل حاجه هتخلص هو اسموا اي صح
روفيدا : حسين
💝💝💝💝💝💝💝💝💝
عند حسين
فتح الشات كان فاكر انها بعتتلوا انها موافقه لكن اول ماافتح الشات الفون جاب شاشه سوده
حسين : وهو دا وقتوا يفصل يعني/ اشوفوا ع اللاب
فتح اللاب بردوا جاب شاشه سوده
حسين بغضب: اه يابنت ال**** والله لربيكي
اتصل عليها
💝💝💝💝💝💝💝💝
عند هاجر
روفيدا: الحقي دا بيتصل
هاجر : كويس كدا يبقي اكتشف
روفيدا : طب اقولوا اي
هاجر : افتحي الاسبيكر عايزه اسمع هيقولك اي الاول
ردت روفيدا وفتحت الاسبيكر
حسين بغضب: بقاا انا تعملي معايا كدا والله لوريكي  وع فكره انا معايا صور تاني غير الي ع الفون واللاب
هاجر بهمس ليها: خليه يبعتلك واحده منهم ولو بعت يبقي عندو نسخه تانيه لكن لو اتحجج يبقي معندوش
روفيدا : طب ابعتلي صوره
حسين بتردد : ابعتلك ليه مانا بعتلك قبل كدا هي حكايه
هاجر بهمس : كدا يبقي معندوش بس قوليلوا انك موافقه واعرفي فين العنوان
روفيدا : خلاص انا موافقه اجيلك فين
حسين بمكر : كدا تعجبيني العنوان هبعتلك اللوكيشن ع الواتس
روفيدا بخوف : ماشي
قفل معاها
روفيدا بخوف : كدا انا اطمنت انو معهوش صور تاني بس انتي عايزه ليه العنوان
هاجر : انتي فاكره اني هسيبه اصلا لا طبعا مينفعش دا لازم يتربي لانو كدا ممكن يعملها مع اي بنت تانيه مينفعش نخرج من المشكله ونقول ملناش دعوه لازم ننهيها للاخر
روفيدا : هتعملي اي
هاجر : هعمل كل خير متقلقيش انتي كدا بره الموضوع وموضوعك خلص خلاص
روفيدا : بس انا قلقانه عليكي
هاجر : لا متقلقيش انا عارفه الاشكال دي كويس المهم روحي انتي وانا الحق اروح القسم لاني اتاخرت جدا وانا قيلالهم اني رايحه البيت
💝💝💝💝💝💝💝💝💝💝💝
عند اسر
دخلت منار المكتب
اسر : ها عملتي اي قبلوكي ولا لسه
منار : قالوا هيردوا علياا بكره
اسر : تمام / هي هاجر اتاخرت كدا ليه كل دا بتودي حاجه البيت
منار : هاجر انا لسه شايفاها في النادي
اسر باستغراب: نادي اي لا هي قالت رايحه البيت
منار : معرفش ممكن تكون بتجيب حاجه من النادي وراحت البيت
لؤي: ممكن فعلا
اسر : لؤي كلملي كدا مامتك عايز اسالها ع حاجه
لؤي : هتسالها ع هاجر
اسر : اه هشوف اتاخرت ليه يمكن بتجبلها حاجه ولا حصل حاجه في البيت عشان كدا اتاخرت
لؤي: ماشي
لؤي كلم مامتوا
سلوي : ايوا ياحبيبي عامل اي
لؤي: ايوا ي ماما الحمدلله / المهم دلوقتي يا ماما هي هاجر عندك
سلوي باستغراب : عندي فين يابني لا هاجر مشيت من الصبح
لؤي : طب مجتش عندك وبعد كدا نزلت او انتي متصلتيش بيها وكنتي ناسيه حاجه معاها وخلتيها تجبهالك
سلوي : لا ياحبيبي انا مكلمتهاش اصلا من ساعه ما مشيت الصبح
لؤي : طيب يا ماما خلاص سلام
سلوي : طب هو في اي يا لؤي هاجر مالها
لؤي : مفيش يا ماما هي بس اتاخرت شويه فقولنا اكيد روحت البيت
سلوي : طب يا حبيبي لما توصل طمني
لؤي : حاضر يا ماما سلام
اسر با ستغراب: حتي طنط مكلمتهاش اصلا تبقي راحت فين
لؤي : مش عارف لما تيجي نبقي نسالها
بعد نص ساعه وصلت هاجر
اسر : كنتي فين
هاجر : هكون فين يعني مانا قولتلك اني رايحه البيت
اسر : انهي بيت
هاجر باستغراب: بيتنا يااسر في اي
لؤي : ازاي وانا
قطع كلامه
اسر: طيب يا حببتي انا كنت بطمن عليكي بس
هاجر : ماشي هروح اجيب نسكافيه واجي
اسر : ماشي يا حببتي
خرجت هاجر
لؤي : انت مقولتش ليه اننا عرفنا انها مكنتش في البيت
اسر : عشان حتي لو واجهتها مكنتش هتقول الحقيقه فا انا عايز اعرف الحقيقه بنفسي
لؤي : ازاي بقاا
اسر : بعدين هقولك
💝💝💝💝💝💝💝💝💝💝💝💝
اي خدمه نزلتلكوا اهو بارتين في اليوم والاتنين طوال ( اتمني ان البارت يعجبكوا )😘😘
وقولولي رايكوا في البارت