رواية احببت عنادك... بقلمي/هاجر هشام الفصل السابع والعشرون 27 - بقلم Hagar Hešhàm

عند هاجر اول مادخلت البيت اتفاجات بأسر
هاجر بدهشه وغضب: انت اي الي جابك هنا
خالد بغضب:اي قله الادب دي / احنا بقابل ضيوفنا بالشكل دا
هاجر بأسف: اسفه يا بااباا
خالد: خلاص خشي اوضتك يلا
هاجر: حاضر عن اذنك
بصت بغضب لاسر ودخلت اوضتها وكانت خايفه لاسر يقول حاجه لباباها بعد وقت باباها ناده عليها
خرجت راحت لباباها
هاجر: نعم يا بابا
خالد : هاجر اسر طالب ايديكي وانا بصراحه مردتش ارد غير لما اعرف رايك انتي الاول
اسر: معلش يا عمي تسمحلي اقعد معاها بس خمس دقايق
خالد: ماشي يابني انا هسيبكوا اروح اعمل مكالمه
اسر: اتفضل ياعمي
خرج خالد
هاجر بغضب: عمه الدبب
اسر: احترمي نفسك ولمي لسانك كدا واقعدي
هاجر بغضب: انت ليك عين اصلا تيجي هنا بعد الي عملتوا غور اطلع بره وطلبك مرفوض
اسر : اهدي كدا عشان محدش ياخد بالو واقعدي عايز اقولك ع حاجه
هاجر بغضب: انا مستحيل اقعد في مكان يجمعني بواحد قذر زيك
اسر بغضب: لسانك لو طول تاني هقطعهولك واضح ان الي حصل مربكيش خالص بس متقلقيش هعرف اربيكي كويس
هاجر بسخريه : روح ربي نفسك بس الاول وبعد كدا ابقي اكلم
اسر بغضب : تمام لما نشوف مين الي هيربي التاني ثم اكمل بقسوه واوعي تفتكري اني جاي اجوزك عشان استر عليكي ولا حاجه لا طبعا انا هتجوزك عشان اربيكي لاني اكتشفت باللي حصل ولا غير فيكي حاجه فا ياحلوه كدا بالذوق اول ما عمي يجي توافقي بدل الصور توصل للكل وساعتها فضيحتك هتبقي ع كل لسان وياعيني باباكي هتبقي راسو في الارض بسببك
هاجر بغضب وصدمه: انت صورتني كمان / لا عاش ولا كان الي يخلي ابوياا راسو في الارض ابدا واوعي تفتكر انك كدا بتلوي دراعي لا طبعا انت اتفهه من انك تعمل كدا
اسر بعصبيه: لا اقدر اعمل كدا بدليل اني عملت اكتر من كدا
قطع كلامهم دخول خالد
خالد: ها قولتي اي يا هاجر
هاجر بوعيد جواها: والله لخليك تندم انك جيت وطلبت الطلب دا
هاجر تمثيل الكسوف : الي حضرتك تشوفوا يابابا
اسر بهمس ليها: لا بتكسفي اوووي انتي
هاجر بصتلو بغضب وسكتت
خالد: يبقي ع خيره الله / بس احنا مش هنقرا فاتحه ولا اي حاجه غير لما تجيب عيلتك وتيجي يااسر دي الاصول بردوا
اسر: ايوا طبعا ياعمي انا بس كنت عايز اعرف رايها قبل مااجيب اهلي / ودلوقتي استاذن انا بقاا
خالد: خليك يابني اتعشي معانا
اسر: لا معلش وقت تاني
خالد: ماشي يابني الي يريحك
اسر: مع السلامه يا عمي
خالد: مع السلامه يابني
خرج اسر من الشقه وهاجر رجعت اوضتها وهي تتوعد له
💝💝💝💝💝💝💝💝💝💝
عند نورهان
خلص اليوم وروحت وهي مخنوقه جدا
مامتها : مالك يانورهان هو انتي امبارح ترجعي مبسوطه وطايره من الفرحه وانهارده راجعه مش طايقه قدامك فيه اي
نور بخنقه: مفيش انا داخله انام
الام: استني مفيش ازاي انتي واضح انك معيطه فيه اي
نور: سيف سابني يا ماما
الام : سابك ازاي هو انتوا لحقتوا ترتبطوا عشان يسيبك اي الي حصل
نور: حصل............. حكتلها ع الي حصل انهارده
الام: انتي غلطانه يانور وهو بردوا غلطان
نور: غلطانه في اي غلطانه اني حابه شغلي
الام: لا تحبي شغلك عادي بس انتي مفهمتيش وجه نظروا اي
نور: افهم اي دا قعد يزعق وكل الي عليه لا مش هتروحي
الام: مفهمتيش انو اتعصب عشان خايف عليكي مش عايزك تروحي عشان دا خطر وع حسب ما حكتيلي لما كنتوا مخطوفين كان خايف عليكي ازاي ولما محسن دا يضربك او كدا كان بيتعصب وغير انو لما خرجوا عشان يجيب الراجل بتاعوا كان ممكن يهرب ويسيبك انتي عادي لكن لا دا رجع عشان ينقذك وغير دا كلوا ضرب محسن عشان ضربك كل دا ميبينش انو بيحبك ويخاف عليكي
نور: مقولتش انو ميخافش علياا بس ميمشيش كلاموا علياا انا مش بحب كدا يغير ماشي يخاف ماشي لكن يفهمني براحه مش يقعد يزعق فياا وفاكرني امينه الي هتنفذ كلاموا لا انا مش باجي بالعند
الام: ماهو دا الي غلط فيه انو مفهمكيش براحه بس بردوا انتي نرفزتيه لما وافقتي من غير ما تاخدي رائيوا
نور: اخد رائيوا في اي هو انا رايحه اشتري فستان دا شغل
الام: شغل بس هتباتي بره هتقعدي مع عصابه وانتي بنت فاهمه قصدي
نور: فاهمه يا ماما بس انا اقدر احافظ ع نفسي كويس اوووي
الام: بس مفيش راجل هيقبل ع نفسوا كدا
نور: ماما انا في الشغل بردوا بتعامل مع رجاله وقاعده معاهم فين المشكله ما هي هي
الام: لا مش هي هي لان في الشغل انتي قصاد عينو لكن هناك انتي بعيده عنو وهو خايف عليكي لحد يأذيكي
نور: لا سواء بعيد او قريب لازم يكون واثق فياا
الام: بصي انتي تعبتيني بجد مش راضيه تقتنعي ان تفكيرك غلط مهما كانت الثقه دي غيره وخوف مش قله ثقه
نور: خلاص يا ماما كفايه كلام في الموضوع دا هو خلاص انتهي من قبل مايبتدي انا هدخل انام لاني تعبانه اووي
الام: براحتك خلاص خشي نامي تصبحي ع خير
نور: وانتي من اهله امال فين بابا صحيح
الام: باباكي دخل نام اول ماجيه
نور: اوك
دخلت نور غيرت ونامت
💝💝💝💝💝💝💝💝
صباح يوم جديد
عند هاجر عملت روتينها اليومي وخرجت
هاجر : صباح الخير
لؤي: صباح النور ياجوجو ايوا يا عم مين قدك هتتخطب بقاا وانا لسه
هاجر: مش ذنبي انك عانس بصراحه 😂
لؤي: اه يا كلبه انا عانس طب والله ما هسيبك
لؤي فضل يجري وراها وهي بتجري
خالد: خيلتوني ياولاد الكلب اترزعوا بقاا
هاجر: هو الي بدا
لؤي: هي الي بتقول علياا عانس
خالد: والله اطفال
هاجر: يلا زفت اتاخرنا
لؤي: زفت / والله الله يكون في عون اسر هيجوز دكر متنكر 😂
هاجر اول ما سمعت اسموا اضايقت
هاجر : والله مش ذنبي هو الي اختار
لؤي: انتي ليه محسساني انك داخله حرب ثم وجهه كلاموا لباباها تعرف يا بابا هاجر واسر دول كانو زي توم وجيري سبحان الله محدش كان متوقع انهم يحبوا بعض
خالد: ما محبه الا بعد عداوه
هاجر : مين قالك اننا بنحب بعض
لؤي باستغراب : امال وافقتي ليه طالما مبتحبهوش
هاجر بتوتر: مش لازم اكون بحبوا اوووي يعني عاادي
لؤي: بس انا متاكد انو بيحبك
هاجر: واي الي خلاك متاكد كدا
لؤي: هو الي قالي انو عمروا ما هيجوز غير الي بيحبها
هاجر بسخريه جواها: اه فعلا بيحبني بأماره انو عايز يجوزني انتقام
هاجر: طب يلا عشان اتاخرنا جدا
خرجت هاجر ولؤي وخدوا منار معاهم بعد نص ساعه وصلوا القسم ودخلوا المكتب
اسر بسخريه: ما لسه بدري يااساتذه
هاجر اتجاهلتوا ودخلت وهو اتغاظ جدا
لؤي: والله يابني احنا جاهزين من بدري بس هاجر هي الي اخرتنا قعدت ترغي
هاجر: لا والله انا بردوا الي رغايه
اسر: انت هتقولي انا عارف
هاجر: طب طالما انا رغايه يبقي بلاها خالص
اسر: لا انا بحب الرغي
هاجر بصتلوا من فوق لتحت ومشيت وهو اتعصب جدا منها
منار: انا عملت فايل بالمعلومات الي حضرتك عايزها اهي اتفضل
اسر : تمام دلوقتي هنبدا كل واحد هيروح مهمه مطلوبه منو / مؤمن انت ولؤي هتروحوا العنوان دا......... دا مصنع عايزك تعرفلي كل المداخل والمخارج واماكن الحراسه بص عايز رسم مفصل وشامل للمصنع دا بس خلي بالك فيه حراسه كتير اووي تمام
مؤمن ولؤي : تمام
اسر: وانتي يا منار هتقعدي هنا تتابعي الحساب دا لو فيه اي فاكسات اتبعتت او اي حاجه بس خلي بالك محدش يعرف انك بتراقبي تمام
منار : تمام
خرج كل واحد المهمه بتاعتوا ومنار راحت تجيب نسكافيه
هاجر : طب ازاي فيه حراسه في المصنع ولسه فاضل شويه ع الصفقه
اسر : دا تمويه لينا عاملينوا فاكرين ان احنا لما نعرف كدا نهجم ع المصنع وهما عاملين مكان تاني لتسليم الصفقه
هاجر: وانت عرفت ازاي
اسر: ببساطه لان هما حطوا حراسه جامده في المصنع عشان عايزينا نراقب المصنع كتامويه لينا لان الحراسه الكتير هتجذب الانتباه فا هما حطوا في المصنع دا كتير لكن مكان تاني فيه حراسه قليله هو دا هيبقي فيه تسليم الصفقه
هاجر: طب طالما انت عارف كل دا خليت مؤمن ولؤي يروحوا ليه يراقبوا المصنع ويعرفوا معلومات عنو
اسر: عشان ابينلهم ان خططتهم ماشيه صح يعرفوا ان احنا كلنا الطعم بتاعهم لكن احنا هنسبقهم بخطوه واحده وهي اننا نعمل الي هما عايزين نعملوا وفي نفس الوقت نكون شغالين ع الناحيه التانيه وهي اننا نعرف المكان
هاجر: طيب انا دوري اي دلوقتي
اسر: انتي هتيجي معاياا هنراقب شخص
هاجر : طب ماتروح انت دا شخص واحد مش هجوم
اسر : انا اقدر دلوقتي اقولك تنفذي الكلام من غير اسئله لكن عشان عارف انك ذنانه فا هقولك ببساطه انتي لازم تيجي معاياا لان هنظهر اننا مخطوبين وخارجين مع بعض لكن لما اظهر انا لوحدي هيشكوا طبعاا اتمني تكوني فهمتي
هاجر بعصبيه: ع فكره انا بفهم كويس اوووي مش غبيه يعني
اسر: لا سمح الله حد قال كدا
هاجر بغضب: اكلم عدل وبطل الاسلوب المستفز دا
اسر: انا اكلم زي مانا عايز مش انتي هتعلميني
هاجر : خلاص يبقي روح بقاا لوحدك شوف مين بقاا الي هيروح معاك
اسر بمكر: عاادي انا اقدر اشيلك زي المرتين الي فاتوا
هاجر بعصبيه: انت استحليتها ولا اي
اسر بمكر: بصراحه اه / ها هتيجي ولا اشيلك قصاد القسم كلوا
هاجر بغيظ: هاجي بس مش كل مره هتقعد تهددني ماشي عشان انا مش بتهدد
اسر: شكلي هشيلك فعلا يلا استعني ع الشقاا بالله
هاجر في لحظه اختفت من قدامو وهو قعد يضحك عليها وبعديها نزل كانت ركبت عربيتها ومستنياه
اسر: انزلي
هاجر باستغراب: انزل ليه
اسر: هنروح بعربيتي
هاجر : لا هتروح انت مش انا / انا هروح بعربيتي لوحدي
اسر: وافردي توهتي مني لا طبعا هنروح مع بعض لازم عشان ننزل مع بعض قصاد الكل عشان محدش يشك
هاجر: لا وانا مستحيل اركب معاك العربيه ياتركب لوحدك وانا وراك بالعربيه يا تروح لوحدك بقاا
اسر بغضب :هاجر متنرفزنيش اخلصي وانزلي بدل ماانزلك انا
هاجر: انا قولت الي عندي
اسر بتحدي : تمام وانا هعمل الي عندي
راح اسر فتح باب العربيه وشالها وسط صراخها وضربها فيه ودخلها عربيتوا
هاجر بزعيق : انت مجنون هو كل حاجه تشيلني هو شوال بطاطس ماشي بيه
اسر بعصبيه: صوتك ميعلاش انتي فاهمه
هاجر بزعيق: لا مش فاهمه وبراحتي اعلي صوتي بمزاجي
اسر قرب منها وفجاه
(تقريبا باسها 😂😂عيب يا جماعه الله / انا سنجل بردوا) 😂😂
هاجر بصدمه : انت اي الي علمتوا دا
اسر بمكر: كل مره هتعلي صوتك او هتقلي ادبك دا عقابك وبعدين انا عملت اكتر من كدا يعني عادي
هاجر كانت هتعيط بس لحقت نفسها
هاجر : انت سافل وقليل الادب وقذر ومش محترم
اسر: كلهم معني واحد انتي جددتي في اي مش فاهم
هاجر: صحيح ماانت مش محترم يعني عادي بالنسبالك
اسر: اغلطي تاني عادي كل دا هنتحاسب عليه بس لما تبقي مراتي حلالي
هاجر : لا ياشيخ تصدق ضحكتني وهو انت تعرف الحلال ولا تعرف ربنا اصلا
اسر: ملكيش دعوه ويلا عشان وصلنا وافردي وشك دا عشان محدش يشك
وصلوا المكان قعدوا ع كافيه
هاجر: وهو فين الزفت الي هنراقبوا
اسر: يخربيتك هتفضحينا اخرسي
هاجر : صبرني يارب
بعد شويه
اسر: اهو نزل
هاجر: هو صاحب الكافيه
اسر: لا اخو صاحب الكافيه لكن هو عندو شركه استيراد وتصدير وطبعا دا كستاره لتجاره السلاح
هاجر: هو اي الي بيكسب اكتر السلاح ولا المخدرات
اسر بسخريه: ليه ناويه تشتغلي فيهم
هاجر : وانت مالك
اسر ببرود: انا كويس الحمدلله
هاجر : يا سم 😒
بعد وقت من المراقبه مشيوا بعد ماا الشخص دا كمان مشي
وهما في العربيه
هاجر: احنا ممكن نكلف حد بمهمه المراقبه دي
اسر : ليه تعبتي حضرتك من المراقبه
هاجر: لا متعبتش بس مش مستاهله ممكن اي حد يعمل الحوار دا
اسر : لا بس انا مش بثق في اي حد بحب اعرف كل حاجه بنفسي
هاجر : براحتك
وصلوا القسم وطلعوا المكتب
اسر: دا لسه محدش جيه
هاجر: اكيد مراقبه مصنع كبير مع وجود حراسه كتير لازم ياخد وقت
اسر: عملتي اي يامنار في اي فاكسات وصلت
منار : لا لحد دلوقتي مفيش شكلهم اكتشفوا ان الحساب اخترق فعملوا حسابهم
اسر: ودا الي انا عايزو
منار: مش فاهمه
اسر : مش مهم دلوقتي
قطع كلامهم دخول
العسكري: هاجر باشا فيه واحد بره عايز حضرتك
هاجر باستغراب : مين دا / طب مقالكش اسموا اي
العسكري : لا يافندم
هاجر : طب دخلوا
العسكري: حاضر يافندم
اسر كان منتبه جدا للي هيدخل
وكانت المفاجاه
💝💝💝💝💝💝💝💝💝💝💝
عند نورهان
دخلت المكتب واتجاهلت سيف خالص الا في بعض الاوقات في حدود الشغل وهو بردوا نفس الكلام
ساره بهمس ل مريم وباسم ومروان: بيعندوا هما الاتنين وهما بيحبوا بعض دا واضح عليهم
مريم: طب احنا عايزين خطه عشان نرجعهم لبعض
ساره : عندي خطه جامده بس بعد ما نورهان تروح المهمه بتاعتها
باسم: بس لو راحت سيف هيعند اكتر يعني مهما كانت الخطه هتفشل لان دا السبب الرئيسي للخناقه
ساره: ايوا بس مش هيقدر يسيطر ع نفسوا خصوصا لو بيحبها الغيره بتعمل المعجزات
مروان: كدا انا فهمت الخطه بتاعتك
مريم: وانا بردوا فهمتها
باسم : طالما قولتي غيره يبقي فيه هتدخلي حد بينهم
ساره: مش حد واحد دول اتنين
مريم: مين دول
ساره،: انتي ومروان
مريم باستغراب: انا ومروان ازاي مش فاهمه
ساره: هفهمك بصي ياستي.................
مروان بخوف: دا انتي ناويه ع موتي يا ساره حرام عليكي انا لسه مدخلتش دنيا عشان اخرج منها
ساره بضحك: لا متقلقش هو بس كام بوكس كدا بس
مروان بتريقه وخوف: بس طب طمنتيني
كلهم ضحكوا عليه
مريم بخوف : طب مانا بردوا نور هتاكلني / لا لا ونبي خرجوني انا اعملي انتي الحوار دا يا ساره
باسم باعتراض: لا ساره لا
مريم: ليه بقاا ساره لا
باسم : عشان سيف بيعتبر ساره زي اختوا ونور عارفه كدا لكن انتي لسه جديده فا مش هتشك
ساره: ايوا باسم عندو حق انا مينفعش
نور: انتوا بهمسوا في اي من الصبح
ساره بخضه: حرام عليكي خضتيني يازفته
نور: اعترفوا بتكلموا في اي
ساره بتوتر: ولا حاجه كنا بنستشير بعض في القضيه عادي
نور : اممممممم القضيه هصدق رغم اني شاكه بس ماشي
ساره: لا يااختي متشكيش هو مفيش غير الشغل الي بنكلم فيه ماانتي عارفه
ساره قصدها لما سيف زعق فيهم عشان بيكلموا
نور: اه يااختي عارفه طب خلاص انا هروح للواء دلوقتي عشان عايزني
ساره باستغراب: اي دا عايزك ليه
نور: مش عارفه اديني هروح واشوف يلا بااي
ساره: باااي
راحت نور للواء
نور: تمام يافندم
اللواء: اقعدي يانور
نور: ايوا يافندم خير
اللواء: خير ان شاء الله هو بس.............. .
💝💝💝💝💝💝💝💝💝
نكمل بكره يلا باااي