احببت عنادك... بقلمي/هاجر هشام الفصل المئة 122 - بقلم Hagar Hešhàm

عند ناديه وحمزه
ناديه وهي تحضن باباها بقوه ودموعها نازله ع خدها. دموع فرحه لما شافتهم : وحشتني اوووي ي بابا
الاب بحنان وحب: وانتي كمان وحشتيني ي روح بابا ،عامله اي ي حبيبتي
ناديه بعدت عن حضنه ومسحت ودموعها :بخير ي حبيبي طول ما انت بخير
الام بابتسامه: طب وانا مليش من الحب جانب ولا اي
ناديه ابتسمت وحضنتها : دا انتي ست الكل ي حبيبتي
الام بحب: تسلميلي ي حبيبتي ،عامله اي والبيبي عامل اي اهم حاجه بتتغذي كويس
ناديه ابتسمت وبصت ل حمزه ورجعت بصت لمامتها : اه ي ماما بصراحه حمزه مش بيسبني ابدا هو الي بيهتم بأكلي وب علاجي ،حتي متابعه الدكتوره هو الي بيفتكرها ،

حمزه بحب : حبيبتي انتي تستاهلي كل حاجه حلوه ،
الام والاب بصوا لبعض وابتسموا وهما فرحانين لبنتهم ان ربنا رزقها ب واحد بيحبها وبيخاف عليها زي حمزه وراجل فعلا يقدر يحميها ويحافظ عليها
والام فرحت ان بنتها قدرت تنسي حبها ل جاسر وحبت حمزه

اصر حمزه انهم يقعدوا معاه في الشاليه بتاعه ووافق الاب

💖💖💖💖💖💖💖💖
في شاليه يزن و چوري
خد يزن شاور ولبس بنطلون ترنج اسود.و تيشيرت رمادي ،وراح ناحيه السرير ونام وهو مديها ضهره وكانت جوري خدت شاور بردوا ولبست قميص نوم فيروزي فوق الركبه بدون كمام ،وراحت ناحيه السرير ونامت جنب يزن

جوري بحزن وحطت ايديها ع كتفه: مش ناوي تسامحني بقاا ،والله ندمت واسفه

يزن كان موجوع من نبره صوتها الي كانت مليانه حزن لكن موجوع اكتر من ظلمها ليه وتحدث بجديه: نامي. ي چوري انا تعبان وعايز انام

چوري :قادر تنام واحنا زعلانين من بعض

يزن كان عايز يقولها لا مش قادر ،وهو فعلا مش قادر ينام ،عايز يضمها لحضنه وينام وهي في حضنه ويستمتع بقربها لكن بردوا لازم يخليها تثق فيه ومتصدقش اي حاجه : اه قادر زي ماانتي قدرتي وشكيتي فياا

چوري بحزن : ي يزن والله غصب عني حط نفسك مكاني ،لو حد بعتلك رساله وبيقولك اني بخونك هتعمل اي

يزن قام ولفلها وبصلها بغضب: مكنتش هصدق لاني واثق فيكي وبعدين مين قالك انو محصلش ،، لما كنا في النادي و دخلت وشوفت مهدي قريب منك ولما سالت قال انك انتي الي بعتالوا ،مش كدبتوا وصدقتك انتي لاني واثق فيكي ،وانتي رغم انك ظابط و عارفه العيب كل واحد وكمان عارفه ان يمني حاولت توقع بينا كتير ومع ذلك صدقتيها وكدبتيني انا

چوري دمعت وهي بتأنب نفسها هو عندو حق في كل كلمه قالها هي فعلا ظابط والمفروض تاخد بالها من الي بيكدب والي بيقول الحقيقة وكمان عارفه يمني و عارفه انها حاولت توقع بينهم كتير ورغم كل دا صدقتها وكدبته هو الي كان بيدافع عنها كل مره ولاخر لحظه كان بيدافع عنها وكان رايح ياخد حقها لكن هي اتهمته بالخيانه

يزن اتنهد بتعب وهو مش قادر يشوف دموعها ،كانت كل دمعه بتنزل كانت بتحرقه هو ،كان موجوع عليها ومنها ،قرب منها ومسح دموعها

يزن : مش قادر اسامحك ي چوري حقيقي انتي وجعتيني ،لما افضل واثق فيكي وانتي في اول مشكله تتهميني بالخيانه وتطلعيني زباله سيبتك في شهر العسل وروحت ليها ،ووجعتيني اكتر وانتي بتطلبي الطلاق وكأنها كلمه عاديه بالنسبالك ،عشان تقوليها كدا بسهوله

چوري بوجع : انت فاكر انها كلمه عاديه بالنسبالي اني اقولها لا والله انا اتوجعت يمكن اضعااف وجعك وانا بقولها كأن فيه سكينه بتغرز في قلبي وانا شيفاك قريب منها بالشكل دا

يزن اتنهد: الكلام مش هيفيد ب حاجه الي حصل حصل خلاص ،يلا نامي

جوري بحزن:ماشي

في صباح يوم جديد
سافر اللواء اسر وهاجر بعد ما سلموا ع جميله وودعوها واتطمنوا عليها وهكذا حازم ومي ومؤمن وروفيدا وكريم وهدير وسيف ونورهان ،اما الشباب فقرروا يستغلوا الفرصه ويقضوا ايام في شرم كل واحد مع حبيبته
💖💖💖💖💖💖💖💖💖💖
في جناح صلاح ورنا
صحي صلاح ع صوت خبط ع باب الجناح ،بص ع رنا وهي نايمه ،كانت زي الملاك ،ابتسم بحب وهو مركز في ملامحها ،وسرح في جمالها ونسي صوت الخبط ومش مركز غير فيها هي الي اخيراا بقت مراته شرعاااا وبقت ملكه هو وبس الي حبها وعشقها بجنون ، مرر ايده ع خدها وملامحها بهدوء
وقرب منها وباسها ع خدها برقه ،ولقا خدودها بقت حمرا من الخجل وعرف انها صاحيه ،ابتسم بخبث وقرب من شفايفها وباسها بهدوء ورقه وبعد ورجع باسها تاني وهو بينزل ع رقبتها وبيبوسها ،وضمها لحضنه اكتر

رنا كانت خلاص مش قادره تتحمل اكتر وفتحت عينيها وبصلها صلاح وابتسم
صلاح بحب: صباحيه مباركه ي روحي
رنا بخجل : الله يبارك فيك

رجع صوت الخبط تاني ،اتنهد صلاح وبعد عن رنا وقام لبس هدومه ورنا كانت ضامه الغطاا وهي بتداري نفسها بخجل
صلاح بصلها بعتاب : معقوله بتداري نفسك مني ،حبيبتي انتي المفروض تستخبي في حضني وتداري من اي حد لكن انا لا ،

رنا بخجل : انا اسفه مقصدش

صلاح قرب منها وباسها ع جبينها : متتأسفيش ي حبيبتي انا عارف انك مكسوفه ،بس خلاص انا دلوقتي جوزك وحبيبك وانتي مراتي ، وبعدين عايزه دليل اكتر من كدا اي

رنا بخجل : طب روح افتح الباب عمال بيخبط

صلاح: ماشي
راح صلاح يفتح الباب ورنا دخلت الحمام تاخد شاور
صلاح فتح الباب وكان الروم سيرفس ،بعتنلهم الفطار ،شكره صلاح وخد الفطار
💖💖💖💖💖💖💖💖
في شاليه جاسر وجميله
كانت جميله بتحضر الفطار ونزلت صبره
جميله بغمزه:اي الاخبار
صبره بخجل:ي بت لمي نفسك عيب
جميله ضحكت:ههههههههههه يبقي حصل اخيرا
صبره وهي تخرج برا المطبخ:انا مش هرد عليكي
خرجت صبره وضحكت جميله وخلصت الفطار وحطتوا ع السفره ونزل جاسر والعمده وقعدوا ع السفره وصبره قعدت جنب العمده طبعا بعد ما شاورلها تقعد جنبه
العمده : جميله تعالي عايز اقولك ع حاجه
جميله وهي كاتمه ضحكتها وقربت منه : نعم ي حضره العمده
العمده مسكها من ودنها وهو يقرصها : بقاا انتي ي سوسه الي عملتي فيها كدا امبارح
جميله :اي اي ههههه بريئه والله ي بيه
جاسر وصبره كانوا بيضحكوا ع شكلها
العمده : بريئه ي سوسه
جميله ضحكت وبعدت عنه وغمزته:ههههههههههه بس اي رايك
العمده ابتسم وبص ل صبره باعجاب :بصراحه مش محتاج رائ هي قمر في كل حالاتها
جميله كانت فرحانه انهم رجعوا لبعض والدنيا اتحسنت :هههههه ايوا بقاا ي عمده ي جاااامد
العمده بص ل جاسر : جاسر لم مراتك وابعدها عن مراتي انا امبارح كنت هرتكب جريمه بسببها
جاسر ضحك وشاور ل جميله تقعد جنبه:ههههههههههه بصراحه انا قولتلها كدا بردوا بعد ما عرفت
العمده : وناديه بردوا حسابها معايا
جميله قعدت جنب جاسر وهما كلهم بيضحكوا ويهزروا
💖💖💖💖💖💖💖
ع البحر كانت واقفه سيلين وسليم وهما باصين للبحر وسرحانين ،كل واحد بيفكر في حاجه مختلفه
سليم بيفكر في جميله وهو مش قادر يبعدها عن تفكيره ،هو رقص امبارح مع سيلين عشان يوريها انو يقدر ينساها لكن هو مش قادر ،لكن قرر يقرب من سيلين ويحاول ينسي جميله بيها

سيلين بتفكر في سليم وهي شايفه انو شخص كويس وغني زي ما هي كانت عايزه ووسيم ،لكن عيبه الوحيد انو لسه بيحب جميله وبيفكر فيها ،
سيلين بينها وبين نفسها: يعني يوم ماالاقي الشخص الي بدور عليه يطلع بيحب واحده تاني لا وكمان متجوزه دا اي الحظ دا يا ربي
سيلين :لسه بتحب جميله
فاق سليم من سرحانه و اتكلم وهو بااصص للبحر: مش هكدب عليكي واقولك لا او اقولك اني نسيتها بالسرعه دي لا انا لسه بحبها ،بس خلاص هنساها ،هو فعلا مينفعش احبها حتي لو فضلت احبها ،هي مش هتكون من نصيبي لانها خلاص بقت من نصيب واحد تاني

سيلين حست بأمل انو ممكن ينساها : ودا فعلا اللي المفروض يحصل وكمان متنساش هي متجوزه مين

سليم بغضب : انا مبخافش من حد ،ولولا اني عارف ان جميله بتحبه وهو بيحبها كنت خليتوا يطلقها واتجوزتها انا

سيلين : انا اسفه مقصدش انا قصدي ان جاسر الحديدي معروف عنه ان الي بيفكر يلمس حاجه ملكه بيمحيه من ع وش الارض ،وانت بتحبها كل نظراتك بتقول انك بتعشقها بجنون

سليم: انا ميهمنيش كل دا ،بس خلاص انا هنساها ،لازم انساها واعيش حياتي

سيلين : هو انت امتي حبتها كدا

سليم سرح في جميله وابتسم وهو بيتكلم: من اول يوم شوفتها خطفت قلبي ،حتي وهي زعلانه ع صحبتها بردوا كانت قمر ،شوفت جدعنتها وقوتها ،كانت ب ١٠٠ راجل فعلا ،كنت بتابع تحركاتها وشوفت كل حاجه عملتها وكانت مستعده تضحي بحياتها عشان زمايلها ،،تعرفي انا اتوجعت اد اي لما عرفت باللي حصلها في ايطاليا

سيلين باستغراب: وهو اي الي حصلها في ايطاليا

سليم كانت بيتالم وهو بيفتكر شكلها والي حصلها : كانت متعذبه ،عذبوها جامد ، بس فرحت لما عرفت انها هي وجاسر كان بينهم مشاكل وكانوا خلاص هينفصلوا ،لكن هو قدر يرجعها تاني ،كنت بغلي من الغيره وانا شايف غيري بيلمسها وليه حق عليها وانا لا وكل مااتخيل انو ممكن يكون دلوقتي معاها وهي في حضنه ببقي عايز اروحلها واشدها منو لكن بقول اني مليش حق في كدا

سيلين كانت مذهوله وهي بتسمعوا مكنتش متخيله انو ممكن يكون بيحب بجنون كدا لدرجه انو مش عايز جوزها يلمسها :انت غريب بجد ،معقوله تكون بتعشق بجنون كدا

سليم غمض عينيه بوجع: هي اول حب في حياتي ،الوحيده الي خطفت قلبي وعشقتها ،حتي لمسه ايديها وانا بسلم عليها مشوفتش ارق ولا اجمل منها رغم انها ظابط لكن رقيقه اووي مش قادر اصدق ان واحده بالرقه دي وبتقبض ع مجرمين وبتمسك سلاح

💖💖💖💖💖💖💖
في شاليه حمزه وناديه
خرجت ناديه من الحمام بعد ما خدت شاور وراحت ناحيه الدولاب خدت فستان ،كل دا وحمزه بيراقبها وهو قاعد ع السرير وهيتجن من حلاوتها واغرائها ليه حتي وهي مش واخده بالها ،ولفت ناديه وهي بتوريه الفستان
ناديه :اي رايك في الفستان دا ي حبيبي البسوا
حمزه بحب قام وقف وقربها : انتي كل حاجه حلوه فيكي ي روحي اكمل بغمزه ،وهو يقربها لحضنه وبعدين مش مهم الفستان المهم صاحبه الفستان الي مجنناني وهي واقفه قصادي كدا وبتغريني

ناديه ابتسمت وبعدت عنه : طب اوعي بقاا عشان البس عشان نخرج ،راحت قعدت ع التسريحه وهي بتسرح شعرها. وبعدين متنساش بابا وماما هنا يعني عيب

حمزه ضحك بقوه وقرب منها وخد منها الفرشااه وهو بيسرح شعرها وبيشم ريحته الي تجنن وطوله الي بقاا بيعشقه ومستمتع وهو بيسرحه وبصلها في المرايه :ههههههههههه هو اي الي عيب ي حبيبتي انتي مراتي ،

ناديه كانت مستمتعه بقربه وحنانه وهو بيسرح شعرها وبصتلوا في المرايه وبرقه: عارفه اني مراتك وحبيبتك بس بردوا ميصحش

حمزه بيعض ع شفايفه وبصلها وغمزها وهو مكمل : ميصحش اي بعد الرقه دي ،دا انا كدا هنهار انتي كل يوم عماله بتحلوي اكتر وانا بنهار اكتر و اكتر وكدا فعلا ميصحش خالص ،لا تبطلي تحلوي لا مش هتقدري تسدي عليا مش هخرجك من حضني ابدا والله

ناديه مقدرتش تمسك ضحكتها وضحكت بصوت عالي

حمزه ضحك:ههههههههههه وبتقوليلي انا باباكي ومامتك هنا وانتي بتضحكي كدا،دا احنا اتفضحنا خلاص ال. عيب ال ،قومي ي مصيبه حياتي

ناديه كتمت ضحكتها :هههههه خلاص اهو سكت بس فعلا انت كلامك يجنن مش قادره اتحمله ،

حمزه بثقه غمزها : كلامي بس

ناديه قامت وقفت ولفت ايديها حوالين رقبته : كل حاجه فيك تجنن ي حبيبي

حمزه كلامها جننوا خصوصا انها مخدتش بالها ان الفوطه وقعت

حمزه بغمزه: مش حاسه ببرد ولا حاجه ي روحي ،اصل الفوطه وقعت

ناديه شهقت وحاولت تبعد عنه بسرعه لكن حمزه كان محكم مسكها

حمزه بخبث وهو بيبوسها من رقبتها بشغف : والله ابدا انتي عماله تغريني من الصبح وتدلعي وجايه دلوقتي تبعدي لا طبعا مستحيل اسيبك غير لما انتقم منك ع دلعك واغرائك ليا بالشكل دا ،اتحملي بقاا ي حبيبتي

ناديه بصوت ضعيف وتوهان من قربه وكلامه الي بتعشقه: حمزه

حمزه وهو بيبوسها برقه ع مكان قلبها الي كان بيدق بسرعه من قربه وبيدل ع شوقها وحبها ليه في كل لحظاتهم : نعم ي قلب حمزه

ناديه بضعف :ابعد مينفعش بابا

قاطعها حمزه بعد عنها وراح ناحيه اللاب وشغل اغنيه وراح ناحيه الباب وقفله بالمفتاح ورجعلها
حمزه : كدا محدش هيسمع غير صوت اغاني وبس ،وكمان قفلت الباب

قدام مرايتها عادي بتدلع براحتها
بستناها وبستعجلها تضحكلي وااابصلها

تختار ألوانها تسأل عن رأيي في فستاها

طب هختار ازاي وجمالها بيحلي الدنيا بحالها

حمزه شالها وهو رايح ناحيه السرير غمزها : هههههه تقولي الاغنيه بتتكلم عننا

قدام مرايتها عادي بتدلع براحتها

ناديه برقه واتعلقت في رقبته :هههههه ايوا فعلا بس انت ليك سيناريو تاني خالص ،سيناريو خاص بيك انت وبس
بستناها وبستعجلها تضحكلي وابصلها

تختار ألوانها تسأل عن رأيي في فستانها

حمزه مددها ع السرير وهي داخل احضانه وبثقه غمزها وهو بيقرب منها بعشق ودوب فيها : دا احلي حاجه الخاص ي روحي ،،كاريزما خاصه بينا احنا وبس
طب هختار ازاي وجمالها بيحلي الدنيا بحالها

دي عيوني شااايفها احلى الحلوييييينن

ناديه بعشق وحب ليه هو وبس ،عشق مستحيل يكون لحد غيره هو الوحيد الي ملك كل حاجه فيها ،: يعني انت شايفني فعلا حلوه

حمزه بحب وهو بيقرب اكتر واكتر وانفاسه عليت ورغبته فيها زااادت :ع رأي الاغنيه انا شايفك احلي الحلوين ،انا واخدك وانتي حوريه وكل يوم بتزيدي جمال تفتكري هتبقي وحشه مثلا بالعكس انتي احلي من الحلوين
تتقل على كيفها مين زيها ميييييين

مش عايز غيرها ولا شاايف غيرها

دي في نن العييييين

قدام مرايتها عادي بتدلع براحتها

بستناها وبستعجلها تضحكلي وابصلهااا

تختار ألوانها تسأل عن رأيي في فستانها

كلمات الاغنيه كانت في محلها بالظبط كان حمزه بيتجنن من حلاوتها وجمالها الي بتتفنن في اظهارهم واغرائها ليه وهي كل يوم بتبقي احلي واحلي ،وطبعا لازم تكون احلي وهو كل يوم مبيبغلش عليها ابدا بكلام مفيش احلي منه ،لازم تتحدي الكون عشان تفضل في عينه الاحلي والاجمل ،الراجل هو الي بيقدر يخلي مراته تعمل المستحيل عشان تفضل في عينيه ملكه جمال ،وهو بردوا الي بيقدر يخليها تعيسه وكئيبه ب احباطه ليها والي حتي مهما عملت بردوا بيقولها وحشه هو الي بيقدر يطلع الحلو الي جواها وتظهر اجمل ما عندها عشان تفضل في عينه اجمل واجمل فعلا ،والست بردوا بيبقي معاها مفتاح قلب جوزها وبتقدر تخليه يطلع اجمل الكلام وبتقدر تغريه وتجننه وتشوقه ليها وتفضل مجنناه بقربها وتخليه ميبعدش عنها ابدا ،الخلاصه الراجل والست يقدروا يخلوا حياتهم تستمر ومتبقاش كئيبه ولا ممله مفيش حاجه اسمها قسمه ونصيب ،الكلمه دي احنا الي اخترعناها وحرفناها ع مزاجنا ،لكن لا انت لو عايزها هتتحدي العالم كلوا عشانها و عشان توصلها

طب هختار ازاي وجمالها بيحلي الدنيا بحااالها

بضعف قدااامها طب هعمل ايييييه

ناديه برغم حملها وتعبها لكن بكلامه وحبه ليها واهتمامه بيها وخوفه عليها الي باين في عيونه دا بيخليها تنسي التعب او تتنساه عشانه ،عشان تعيش معاه اجمل اللحظات وهي في حضنه ومع كل لمسه حنان منه بتظهر وباين لهفته وشوقه الي مش قادر يكتمه ولسه بيحس بيه وعمر حبه ليها قل ولا اختفي بالعكس دا بيزيد ويكبر كل يوم وزاد ترابطهم اكتر بال
ده كفاية كلامها مقدرش علييييه

مش عايز غيرها ولا شايف غيرها

قمر انما ايييييه

قدام مرايتها عادي بتدلع براحتها

بستناها وبستعجلها تضحكلي وابصلها

تختار ألوانها تسأل عن رأيي في فستانها

طب هختار ازاي وجمالها بيحلي الدنيا بحالها

💖💖💖💖💖💖💖💖
في شاليه ادهم واسيل
اسيل كانت في المطبخ ومشغله اغنيه (حبه جنه ل شيرين عبدالوهاب ) وهي بتتمايل بخصرها وهي بتحضر الفطار وكانت في قمه الاغراء والانوثه وهي لابسه هوت شورت ابيض وتيشيرت بحملات خفيفه احمر وكان شكلها يجنن بنعومتها وجمالها حتي بطنها الي كبرت مخليه ليها شكل خاص واحلي ،
اسيل كانت بتردد الاغنيه وهي بتتمايل بخصرها وبحركات دلع ورقه وهي مش واخده بالها من ادهم الي كان واقف وهو مربع ايده و كاتم ضحكته وباصصلها بحب وهو هيتجنن من حركاتها ودلعها ودلالها ،
وقرب من غير ما تاخد بالها وغير الاغنيه وشغل اغنيه (ضحكتها مابتهزرش ل تامر حسني )

ضحكتها مابتهزرش وجمالها مايتقدرش
وياقلبى ماتستهترش بوحده فى رقتها

لفت اسيل عشان تشوف مين الي غير الاغنيه وهي بتلف اتفاجئت بادهم باسها وهو بيضمها لحضنه

ضحكتها مابتهزرش وجمالها مايتقدرش
وياقلبى ماتستهترش بوحده فى رقتها

بعدت اسيل عنه بخجل : كدا خضتني ،حرام عليك
ادهم بحب وهو بيبوسها برقه ع عنقها : سلامتك من الخضه ي روحي
بعد عنها ادهم.وبصلها وغمزها : وبعدين انتي المسئوله انتي الي بتغريني
اسيل بنظره برائه بيعشقها وبتجننه : انا معملتش حاجه
وحده زيك فى جمالك فى دلالك فى شقوتك
فى حلاوتك لو وقعت فى ايدى هخلي نهارها مش فايت

ادهم رفع ايده بانتصار : جبتش حاجه من عندي اهو الاغنيه بنفسها بترد عليكي ،انتي شقاوتك وجمالك وحلاوتك هيجننوني ،ضمها لحضنه اكتر وغمزها وكمان انتي دلوقتي تحت ايدي يعني .......

اسيل حطت صباعها ع شفايفه تمنعه من الكلام : بس خلاص انت سافل متكملش
وبقولها وانا اهو صاحى وفايق وياريت اليوم ده يجى

ادهم ضحك و شالها بخفه :ههههههههههه اليوم جيه خلاص وانهارده هنسترجعه من الاول

واهو جه اليوم اللى بتمناه واللى بستناه واللى بحلم بيه
اااااااااااااااه اهو جه اليوم اليوم اللى هبقى معاه واللى هعيش وياه
فى حضن عنيه

بصت اسيل في عينيه وهي مش مصدقه جنانه ورومانسيته وكانت بصالوا بحب ومختلطه بنظره البرائه الي بيحبها

عنيكى بتندهلى من نظره جابتنى جابت اهلى وعلى بيتك جيت مش على مهلى ياحبيبت الروح

ادهم بعشق وهو يميل براسه ويبوسها : بصراحه تامر مكدبش انتي نظره عينيكي جننتني ودوبتني فيكي نظره البرائه الي بعشقها ولا شفايفك الي زي الكريز و عايزه تتاكل اكل ي روحي

طول عمرى انا مستنى لحظه ماتعيشى وتتهنى فى حضنى وفى عيونى وفى الننى ده انا دايب دوب
اهو جه اليوم اللى بتمناه واللى بستنااااااااااه واللى بحلم بيه
ااااااااااااااه واهو جه اليوم اللى هبقى معاه واللى هعيش وياه
فى حضن عنيه

💖💖💖💖💖💖💖💖
ع البحر كان بيتمشي عبدالرحمن وهو حاضن سلمي من الجنب وحاطط ايدو ع كتفها وهما مستمتعين ب جمال البحر
سلمي بحماس : البحر حلو اوي ي عبدالرحمن ،عايزه انزلوا
عبدالرحمن كان مبسوط وهو شايف حماسها وابتسامتها الي بقت كل حياته : انتي احلي ي روحي ،بس مينفعش تنزلي انتي حامل ودا خطر

سلمي مركزتش في باقي الكلام بعد ما سمعت اول كلمه : بجد ي عبدالرحمن يعني انا حلوه حتي ببطني دي

عبدالرحمن بحب وهو يضم خديها بين يديه: بجد ي روح عبدالرحمن

سلمي : طب اي هي احلي حاجه فياا

حضن خديها بين يديه وهو بيغني

عارفه احلى حاجه فيكي ايه
بتحلي اي شي عنيكي تيجي فيه
قمر ده ايه الي تنساه ومين تعالى اقولك
احلى حاجه فيكي ايه
ولا انتي فاهمه قصدي والي بالي فيه
فيكي ياما انا حلمت بيه ليالي
يلا ان شاء الله اموت في هواك ان شاء الله
ده كثيير عليا الحب ده والله
حتمنى اكثر من كده ايه

شاور عليها وع قلبه وشاف ضحكتها الي عليا وهي مستمتعه وهي بتسمع صوته الي بقت بتعشقه وبتكون عايزه تسمعوا دايما والي قدر يعبرلها عن حبه ويجاوب ع سؤالها بأجمل اغنيه

حد في البراءه دي مفيش
ولا في الغلاوه دي انا معنديش
انا كل ليكي متكدبيش عينيكي
قلبي عقلي روحي عمري كلي ليكي
مش حرده من عمري
ولحد اخر يوم في عمري شاريكي
يلا يلا ان شاء الله اموت في هواك ان شاء الله
ده كثييرعليا الحب ده والله
حتمنى اكثر من كده ايه
💖💖💖💖💖💖💖💖💖

في شاليه يزن و چوري
كان يزن واقف ع البحر كان حاطط ايده في جيب الشورت الچينز الي لابسو وكان من غير هدوم من فوق ،فاق يزن من سرحانه ع صوت جميل ورقيق ،كانت چوري وهي بتغني ،لف ليها وشافها وهي بتقرب منه وبتغني

حقك عليا .. حقك عليا
حقك علياااا سامحني
قربت منه ووقفت قصاده وبصت في عينيه وهي بتطلب منه يسامحها ،كانت عينيها بتطلبها قبل شفايفها ،كانت مجروحه اضعاف جرحه كانت موجوعه عليه ومش قادره ع بعده ،نفسها يكلمها ويطمنها بقربه وحضنه الي وحشها رغم انها كانت ليله واحده بس عدت عليها كأنها سنين

حقك عليا سامحني انا جرحي ليك اللي جارحني ما كفاية قضيت ليالي. يا حبيبي فوق احتمالي

حقك عليا سامحني انا جرحي ليك اللي جارحني ما كفاية قضيت ليالي يا حبيبي فوق احتمالي

يزن كان جواه مبسوط وهو بيسمع صوتها وهي بتغني ليه بأجمل الكلمات رغم انها بسيطه لكن خلت قلبه بدا يلين وهو اصلا مش قادر بردوا ع بعدها لكن كان لازم يخليها تثق فيه

حقك عليا. . حقك عليا
حقك عليااااا سااامحني

چوري مسكت ايده وهي بتطمن بوجوده ،وسندت ع صدره وهي بتغني وبتطلب من قلبه يسمعها ويسامحها

وتعالي نكمل احلامنا بالحب هنغلب اياامنا
ونعيش ...ونعيش
بعدها يزن عنه وهو بيمشي خطوات ناحيه الشاليه ،لكن چوري مسكت ايده ووقفته ووقفت قصاده وهي بتقوله بينها وبين نفسها لكن بكلامات الاغنيه والله هثق فيك وعمر ما حد هيقدر يبعدنا ابدا

هندور على اللي بيسعدنا مفيش ولا قوة هتبعدنا. ده مفيش ...ده مفيش

يزن كان باصصلها وكأنه بيقولها طب ليه موثقتيش فيا من الاول مكنش حصل كل دا

چوري فهمت من نظرات عينيه انو بيعاتبها ومكنتش قادره تتحمل نظرات العتاب دي ، زي ما هو بردوا مقدرش يتحمل نظرات الاتهام ليه منها

طب مستني ايه ..قوم صالحني خد من عيوني وريحني دنا بعدي عنك دوبني والقرب بس يفرحني
حقك عليااااا

يزن بصلها وكان كاتم ابتسامته وشوقه ليها وقدر يخفي دا فعلا وساب ايديها ودخل الشاليه

حقك عليا ... حقك عليا
حقك علياااا سااامحنيي

چوري دبدبت ع الرمل بغيظ وهي خلاص هتطق منه ،ودخلت الشاليه

چوري بغضب : انا زهقت بجد من كتر ما عماله اصالحك وانت بترفض وتبعد ،اعتذرت بدل المره الف واتوجعت قدك عشر مرات ،تعبت من بعدك وقولتلك وانت عمال تبعد اكتر ،مكنتش اتخيل اني اهون عليك اووي كدا ،اكملت بحزن والم. هونت عليك تبعد عني

يزن كان عايز يقولها لا مهونتيش ولا هتهوني ابدا لكن رفض يقول : مانا هونت عليكي ،انتي لو جميله مكنتش قالتلك كنتي هتبعدي عادي وانتي فاكره ان انتي الي مظلومه

چوري مردتش ،مكنتش عارفه تقول اي ،هو فعلا عندو حق لو مكنتش عرفت الحقيقه كانت هتبعد وتطلب الطلاق ،لكن بردوا هتكون موجوعه ،لكن دلوقتي هي وجعها اكبر وهي حاسه بالذنب

يزن ملقاش منها رد وعرف ان كلاموا صح وتحدث بجديه: البسي عشان نروح نتغداء

چوري : مليش نفس روح انت

يزن بحزم : انا مش بعزم عليكي يلا البسي

چوري بغضب:وانا قولت مليش نفس

يزن ببرود:خلاص انتي حره خليكي وانا هروح اشوف اي بنت اتغداء معاها ،

جوري كانت بتولع من الغيره وبصتلوا بغضب :خمس دقايق وهكون جاهزه

يزن ببرود:مش كنتي ملكيش نفس

جوري:ملكش دعوه جوعت دلوقتي

يزن :طب يلا البسي

جوري بغيظ : ماشي
دخل يزن الحمام ولبس بنطلون چينز اسود وقميص ابيض،وخرج واتصدم لما شاف چوري كانت جميله جدا ،هي دايما جميله لكن المرادي يختلف كانت لابسه

يزن وهو يكتم غيرته : مش ملاحظه ان الفستان قصير شويه

جوري بخبث جواها وهي عارفه انو هيغير وقاصده تثير غيرته وحابه تجننه : لا مش قصير ،ويلا عشان انا جعانه

يزن كور قبضه ايديه بغيظ وغضب منها وكان بيحاول يكتم غضبه:ماشي يلا

خرج يزن وچوري وراحوا المطعم وقعدوا وطلبوا اكل ،وكان يزن بيغلي من الغيره وهو شايف نظرات الاعجاب ليها من الناس الي في المطعم ،وجوري واخده بالها منه ومبتسمه بشر وهي مستمتعه بغيرته عليها
بعد وقت وصل الاكل والجرسون حط ورقه صغيره جنب چوري من غير ما حد ياخد بالو ومشي ،لكن يزن شافها وسحب الورقه وقام وقف ،چوري استغربت ووقفت : انت رايح فين
يزن بقوه : اقعدي مكانك متتحركيش
دخل يزن المطبخ بتاع المطعم وشاف الجرسون و اول ما وصلوا ضربه بالبوكس ووقع الجرسون ع الارض من قوه الضربه وشده يزن ووقفوا وضربه تاني ،دخلت چوري وشافت يزن وهو بيضرب الجرسون وزمايل الجرسون بيحاولوا يبعدوا يزن راحت سوري ناحيه يزن وهي بتبعده عن الجرسون ،وهو ضربه بالبوكس ورماه ع الارض ومسك سوري من ايديها وسحبها وراه وهو ماشي بخطوات سريعه برا المطبخ وبرا المطعم خالص وهو ساحبها وراه
💖💖💖💖💖💖💖💖
في شاليه يزن و چوري ،دخل يزن وزقها ع السرير
يزن بغضب : الزفت دا ميتلبسش تاني
چوري بغضب وقامت وقفت :ليه بقا ان شاء الله انا براحتي البس الي انا عايزاه انت ملكش حكم عليا ،مش انت مش عايز تكلمني خلاص يبقي انا حره
يزن وهو يقترب منها وبصلها بغضب : مليش اي ي اختي سمعيني كدا تاني
چوري رجعت ورا بتوتر وبتحاول تستجمع شجاعتها : ايوا ملكش حكم عليا انت مش موافق تكلمني خلاص براحتك وانا بردوا براحتي
يزن وهو يرفع حاجبه: يعني انتي قاصده تلبسي كدا عشان تغيظيني مش كدا
چوري بتحدي: ايوا
يزن رفع حاجبه باعجاب من تحديها الي رجع تاني والي عشقه وقرب وهو يفك ازرار قميصه ويرميه باهمال : ماشي ي چوري وانا هخليكي تتحديني كويس
چوري حاولت تجري منه وهي كاتمه ضحكتها ،كانت مبسوطه بغيرته ورجعت ايام شقاوتهم وجنانهم وهما بيتحدوا بعض
يزن لحقها وشالها بخفه ونيمها ع السرير وهو يفك حزام بنطاله : انتي الي صحيتي الوحش الي جوايا و لازم تتحملي النتيجه بقاا
قرب منها يزن بشراسه وقوه وهو كان بيغلي من الغيره وقطع الفستان الي جننوا وثار غيرته وجنونه ،لكن كان مبسوط بقربها ،كان مشتاق ليها ولتحديهم سواء ،وتمردها والي قدرت بتمردها ترجعوا ليها تاني ،
چوري بدلال واغراء وهي مستمتعه بقربه ومبسوطه انو رجعلها وهي في حضنه دلوقتي وشايفه غيرته الي بتصرخ في عينيه وكمان باينه في قربه ليها بشراسه :وانا بحب الوحش دا ،بحب جنونك وغيرتك

يزن انفاسه عليت ورغبته زاادت اضعااف وكأنو بقالوا سنين ملمسهاش كانت وحشااه بجنون ،خصوصا انهم لسه في شهر العسل وملحقوش يستمتعوا بوقتهم ولحظاتهم مع بعض ،قرب منها اكتر وباسها بقوه وعنف وهو بيعاقبها ع كل حاجه عملتها وزي ما كان قربه شرس لكن كان مشتاق ليها وملهوف عليها بجنون

يزن بثقه وهو يضمها لحضنه بتملك و غمزها : والوحش دا هيفترسك بجنون واشتياق لكل تفصيله فيكي ،مش هسيبك غير وانا واخد حقي من كل حاجه عملتيها ولسه بتعمليها

چوري بعشق للمسته واشتياقه الي باين في نبره صوته وكل تفاصيله حتي كلامه :وانا موافقه ،طالما هتفضل معايا وفي حضني موافقه ع كل حاجه

يزن كلامها زود شوقه اكتر وهو بيقرب اكتر و اكتر بيقرب بكل ذره حب جواه واشتياق ورغبه كان مشتاق لكل تفاصيلها ،

الاتنين كانوا مشتاقين لبعض ودايبين في حضن بعض ،يزن كان بيعاقبها ع اثارتها لغيرته وجنونه ،وهي مستمتعه بي غيرته وجنونه وشراسته ،وهي بتعشق كل تفصيله فيه ،وندمت الف مره انها شكت فيه ووعدت نفسها انها هتثق فيه زي ما هو بيثق فيها ومش هتخلي قوه ع الارض تبعدهم عن بعض ابدا ،

جوري برقه ودلع : بس تعرف انا مبسوطه بالي عملوا الجرسون دا عشان هو الي ليه الفضل في اني في حضنك دلوقتي

يزن بغيره قرب منها بقوه وعينيه بتطق شرار وهو بيضمها لحضنه بقوه اكبر وتملك: متجبيش سيرته عشان انا كان نفسي اقتلوا في ايدي ومرحمهوش ابدا وهقتلك انتي كمان عشان خلتيني بغلي من الغيره وانا كان نفسي اخذق عين كل واحد بيبصلك

چوري كانت بتتالم من ضمته المتملكه لكن عشقاها ودايبه فيها : ما هي طريقتي دي هي الي خلتني في حضنك دلوقتي ،بس مش غريبه لما غنيتلك دا محركش فيك حاجه ولا رضيت تسامحني ومجرد ان حسيت بالغيره سامحتني

يزن قرب منها وبهمس وهو يقبلها بجانب اذنها وعنقها : لاني عشقت تمردك وجنانك ،مكنتش حابب اشوفك ضعيفه ،كنتي بتضايقيني وانتي بتعيطي ،كنت عايز اشوفك في عز قوتك ونبقي مع بعض عايز لما اسامحك يبقي وانتي قويه مش اسامحك عشان مش قادر اشوف دموعك ،لكن رغم كدا بردوا عشقت ضعفك وانتي بين ايديا وفي حضني ،ضعف مينفعش يكون غير معايا وبس
💖💖💖💖💖💖💖💖
في يخت ع البحر كان يوسف و هاجر الصغيره بيرقصوا ع اجمل اغنيه واروع كلمات
(حاله حب اليسا )
عايشه حالة حب معاك واخداني وصعب انها تتكرر تاني وبعيشها لو انت بعيد او قدامي

هاجر كانت عايشه اجمل قصه حب ،حب من الطفوله واستمر لحد الشباب وهيستمر للابد ،رغم ان قصه حبهم كان فيها عذاب وسوء تفاهم بين الطرفين وكل واحد كان بعيد وهو فاكر ان التاني الي باعوا لكن لما رجعوا شوقهم وحبهم لبعض زاد وبقا عشق ،وهما الاتنين كانوا عايشين ايام قاسيه وهما بعاد عن بعض لكن خلاص ارتاحوا واتحلت المشاكل واتصافوا

واخيرا الايام رضيو عليا
اخيرا جه يا حبيبي يوم ليا
ارتاح من قسوة ايامي

الاغنيه كانت بتعبر عن مشاعر هاجر ناحيه يوسف وهي فعلا كانت عايشه اسوء ايام لما كانت بعيده عنه وكانت مسافره عشان تدرس ،كانت باصه في عينيه وحاسه بدفئ وامان كأنو حاضنها بعينيه ،وهي شايفه حبه وحنيته وشوقه ليها ،رغم انهم متجوزين مبقالهمش شهر لكن هو وعدها انو هيستغل اي فرصه عشان يسعدها ويشوف ابتسامتها وضحكتها الي بتنور حياته ،وبيشوف سعادته في عينيها

سيبني اسرح فيك شويه .. وانسي ايام ضاعو مني
نفسي عمري يعدي بيا وانت بعينيك دول حاضني
وانا جنبك شايفه منك حاجه من ريحة ابويا
حب الدنيا دي جواك ومعاك .. شايفه حنية أخويا
وانت هنا معايا .. بدعي من جوايا
تجمعني الايام بيك .. ربنا يقبل دعايا

هاجر سندت ع صدره برقه وحب : تعرف ربنا قبل دعايا فعلا وانا جنبك دلوقتي كنت في امريكا بدعي انك تكون بتحبني زي ما بحبك وميكونش الحب دا راح بمجرد ما كبرنا وتنساني

عايشه حالة حب معاك واخداني وصعب انها تتكرر تاني. وبعيشها لو انت بعيد او قدامي
واخيرا الايام رضيو عليا اخيرا جه يا حبيبي يوم ليا ارتاح من قسوة ايامي

يوسف بحب : عمري مااقدر انساكي ولا حبك يروح من قلبي لان حبك في قلبي وروحي ودمي حبك جوا قلبي وفي روحي وبيجري في دمي ازاي يقل بالعكس حبك كان بيزيد جوايا اضعاف وشوقك بيزيد اكتر

هاجر كانت مبسوطه بكلامه والرومانسيه الي عيشاها دلوقتي وهي في حضنه وبترقص ع اروع الكلمات واجمل اللمساات الي بينهم : وانا بحبك اووي ،وعمر حبي ليك ما قل ابدا حب هيستمر وهيفضل العمر كلوا ،اوعدك ان شوقي ولهفتي للمستك وحضنك وحبك لياا هيفضلوا مهما عدت الايام

كل يوم بينك وبيني .. مش هيبقي يوم وعدى
بكره يجي وتلاقيني .. نفس احساس النهارده
من هنا ورايح سنيني .. ناويه اعيشهالك بحالها
وانا صعب سنيني فى يوم تتعاش ..
غير لإنسان يستاهلها
وانت هنا معايا .. بدعي من جوايا
تجمعني الايام بيك .. ربنا يقبل دعايا

يوسف بانهيار من انوثتها ورقتها خصوصا كلامها واعترافها بحبها ليه :ااااه بتجننيني بكلامك دا ازاي حبك هيقل عندي وانتي كل يوم بتجننيني برقتك وانوثتك ،خصوصا جمالك الي زي الاجانب دا ،اجانب اي دا انتي غلبتي الاجانب ب جمالك دا ،انتي مزيج وخليط بالاجنبي والمصري والروسي ،كوكتيل كدا يعني بصراحه الواحد عمروا ما يزهق وهو معاه الجنسيات دي كلها

عايشه حالة حب معاك واخداني
وصعب انها تتكرر تاني
وبعيشها لو انت بعيد او قدامي

هاجر ضحكت بصوت انوثي عالي :هههههههههههه ،طب و دلوقتي معاك انهي جنسيه

واخيرا الايام رضيو عليا اخيرا جه يا حبيبي يوم ليا. ارتاح من قسوة ايامي

يوسف بغمزه وهو يحملها : المصري طبعا ي روحي البلدي يكسب
💖💖💖💖💖💖💖💖💖💖
في الليل ،جمعت جميله الكل ماعدا صلاح ورنا ويزن وجوري واياد وكارما سابوهم يستمتعوا بشهر عسلهم وقعدوا ع الرمال ع البحر ،كانوا بيلعبوا سؤال وطلب وبيلفوا الزجاجه وجاسر كان مضايق من وجود سليم لكن مقدرش يتكلم لان سيلين هي الي عزمته يقعد معاهم

لفت جميله الزجاجه
جت ع ناديه وجميله هي الي هتسالها
جميله : امممممم اي اللون المفضل ل حمزه
ناديه ابتسمت وبصت ل حمزه بحب ورجعت بصت ل جميله وجاوبت: الاسود والغوامق عامه
جميله بصت ل جاسر : انت حمزه صاحبك و اكيد عارف اللون المفضل ،اجابتها صح بقاا
جاسر ابتسم: اه صح
الكل صقف وحمزه حضن ايديها بين ايديه وبصلها بحب
لفت الزجاجه تاني وكانت جميله و سيلين هي الي هتسالها
سيلين بصت ل سليم ورجعت بصت ل جميله :بتحبي جاسر
الكل استغرب السؤال وناديه زغدت سيلين لكن اتجاهلتها وهي عايزه تعرف اجابه جميله ،وسليم كان موجوع وغمض عينيه بوجع وهو عارف الاجابه وحاول يقوم لكن منعته سيلين

جميله كانت فاهمه قصدها : اكيد بحب جاسر مش عشان هو جوزي ولازم احبوا لا عشان هو حبيبي ،حبيتوا قبل ما نتجوز اصلا وعشقتوا بعد الجواز هو جوزي و حبيبي وابو ولادي

جميله كلامها ضايق سليم وفرح سيلين وجاسر ،وضمها لحضنه من الجنب وهما قاعدين والكل صقف بقوه ع اجابه جميله

حمزه لف الزجاجه وهو عايز يغير الموضوع لان جاسر رغم انو مبسوط باجابه جميله لكن كان بيغلي من الغيره وهو شايف نظره سليم ل جميله ،نظره عمروا ما هيقبلها ابدا وهو شايف نظره حب ل مراته من شخص تاني غيره
الزجاجه جت ع سيلين وسليم وطلبت منه يغني بعد ما عرفت ان صوته حلو
سليم غني وهو باصص ل جميله ومكنش مركز مع اي حد كانت الكلمات بتخرج من قلبه قبل شفايفه كلمات كلها وجع والم ع حبه ليها وهو كان راضي بوجودها حتي ولو كانوا اصدقاء وكان بيجي ع نفسه عشانها وهو بيساعدها تتعالج عشان خاطر حبيبها

عشت كتير بحاول اوصلك علشان تحس اللى انا حسه انا واحد كان عذابه كبير وكان بيدوس على نفسه

وشوفت معاك ايام كتير وانا بردوا بس اللى بحبك عملت معاك المستحيل وبردوا مدخلتش قلبااااااك

الكل كان موجوع من نبره صوته الي كانت مليانه حزن والم ،لكن جاسر كان عايز يقوم يقتله ،وحمزه جنبوا بيهديه

جميله كانت زعلانه وهي شايفه حزنه واد اي موجوع ومجروح ،لكن غصب عنها مش قادره تحبو ومينفعش تحبوا ،هي بتحب جوزها وحبيبها وبس

حب من طرف واحد اصعب احساس على الواحد لا والاصعب اصعب يكون اللى بتحبه عارف كدا
ويشوف عذابك بعينه وانا قلبى الله يعينه طب كان يسيبك ليه تحبه كل الحب دا

سليم كان بيقولها انا وقفت جنبك وساعدتك تتعالجي عشانوا ،ورضيت اني اكون جنبك حتي لو علاقه صداقه ،وبص ل جاسر ورجع بص ل جميله

وفى الاخر كدا تسبنى وتكسر قلبى اللى حبك مع انى كنت بخاف عليك واكتر حد وقف جنبك فهمت خلاص بقيت كدا ليه تقسى وتظلم كدا فيا اكيد عايش فى حب جديد وكنت بتخبى عليا

جاسر مقدرش يتحمل اكتر من كدا وقام ومسكه من لياقه قميصه وضربه بالبوكس وهو مش قادر يتحمل يشوف حد تاني بيحب مراته ،الكل كان بيحاول يبعد جاسر عنو وقدر حمزه و يوسف انهم يبعدوه

جريت جميله ع سليم وهي بتطمن عليه
جميله : انت كويس
ابتسم سليم حتي في عز المه ،اتبسط انو شاف قلقها عليه : اه كويس
جاسر راح ناحيه جميله وشدها من ايديها وهو بيجرها
جميله وهي بتحاول تفلت من ايده: سيبني ي جاسر
جاسر كان متجاهلها ومكمل مشي و جميله وقفت ورفضت تمشي لكن كانوا بعدوا شويه عنهم
جميلة: مش همشي انا لازم اطمن عليه حرام عليك ليه ضربتوا
جاسر بعصبيه: خايفه عليه اووي ي اختي
جميله بغضب : اكيد لازم اخاف عليه دا
قاطعها جاسر بتحذير: اوعي تنطقيها لاني قولتلك ملكيش دعوه بيه يعني هو ولا زميلك ولا زفت ولا حتي الدكتور الزفت بتاعك ،انا مش عايزك تتعالجي انا بحبك كدا وعايزك كدا
جميله :انا مقولتش الدكتور بتاعي ،هو زميلي وصديق لياا وانت ضربتوا بغباء ،وهو معملش حاجه هو كان بيغني
جاسر بعصبيه شديده: كان بيغني ليكي ،ونظراتو كلها حب ليكي
جميله بغضب : وانا مش بحبو وقولتلك ،افهم بقاا انا مش بحب غيرك وتعبت من كتر ما عماله بقولها ،عبرتلك عن حبي بكذا طريقه والف مره والله بحبك انت وبس ليه مش عايز تفهمني ليه ضربتوا بالشكل دا وهو غصب عنه حب ،ايوا مينفعش يحبني لكن دي حاجه مش بايديه زي مااحنا بردوا حبينا بعض ومكنش بايدينا نتحكم في قلبنا ،ازاي عايزوا هو يتحكم في قلبه ،

جاسر بعصبيه: يعني انتي عاجبك حبه ليكي ،انا عارف انو مش بايدو يحبك وانا بردوا مش بايدي ابطل غيره ،افهمي بقااا

جميله : انا فاهمه بس ياريت تفهم انت وتعرف اني والله العظيم بحبك انت ،وبغير عليك وحاسه بوجعك وغيرتك بس انا معملتش حاجه وشوفت بنفسك مش انا الي طلبت يجي وسيلين هي الي عزمتوا يقعد معانا ومكنش ينفع نتكلم ،وسمعت كلامك وحاولت ع قد مااقدر ابعد بس انت ضربتوا اووي ي جاسر بجد حرام عليك

سابتوا جميله وهي راجعه ل سليم لكن جاسر مسكها
جاسر : انتي رايحه فين
جميله : هروحله اطمن عليه وياريت متعترضش
جاسر اتنهد هو غصب عنه بيغير عليها بجنون ومش قادر يشوف نظره حب من حد ليها لكن برر لنفسه انها هتطمن عليه كا صديق :براحتك ي جميله

سابها جاسر وهي راحت ل سليم تطمن عليه والي كان حمزه ويوسف بيسندوه وسيلين جنبه وهي زعلانه عليه
جميله قربت منه ولسه هتتكلم قاطعتها سيلين بغضب : انتي اي الي جابك مش كفايه الي حصل بسببك فرحانه انتي كدا اتمني تكوني اتبسطتي وانتي شايفه الكل بيتخانق عشانك ،
الكل كان مستغرب غضب سيلين لكن جميله فاهمه
جميله بهدوء وهي تفحص سليم :انا جايه اطمن عليه
سليم بالم : شكرا ي جميله كفايه الي حصل انا مرضاش ليكي الاذي ،اتفضلي انتي وانا كويس

سليم كان المه نفسي قبل ما يكون جسدي ويمكن النفسي كان مغطي ع الوجع الجسدي وقام وقف لكن جميله منعته
جميله: تعالي نروح المستشفي انت عندك جروح في وشك خلينا نطمن عليك
سليم بالم وهو يتحمل ع نفسه وقام وقف : لا شكرا كفايه الي حصل ،عن اذنك
،
جميله كانت موجوعه عليه وهي مش قادره تعملوا حاجه ،هي الي دايما بتساعد الكل مش قادره تساعده زي ما هو ساعدها

مشي سليم وسيلين بصت بغضب وكره ل جميله لكن جميله اتجاهلت نظراتها ومشيت
وكل واحد خد حبيبته ومشي وناديه راحت ناحيه سيلين عشان يمشوا لكن سيلين رفضت
سيلين بغضب: لا انا مش رايحه معاكوا انا رايحه ل سليم
ناديه بغضب: يعني اي رايحه ل سليم لا طبعا مينفعش انتي متجوزلهوش عشان تقعدي معاه
سيلين بغضب: دي حاجه متخصكيش ،مش كفايه الي عملتوا صاحبتك
ناديه بغضب: وانتي مالك ليه بتدخلي
سيلين : لان.
سكتت سيلين وهي مش عارفه تقول اي
حمزه فهم انها معجبه بيه لكن بردوا ميصحش هي دلوقتي ضيفه عندو وامانه عندو : سيلين احنا مينفعش نسيبك انتي جيتي معانا هنا وهتفضلي معانا لحد ما نرجع القاهره وساعتها انتي حره لكن طول ماانتي ضيفه عندي يبقي انتي في حمايتي ومسئوله مني وانا لا يمكن اسمح بالوضع دا سليم راجل وميجوزلكيش عشان تقعدي معاه

سيلين :وانا مش عشان ضيفه هتتحكم فياا ،وبعدين خلاص انا هقعد في اوتيل ،وشكرا ع كل الي عملتوه معايا وكفايه اوي لحد كدا انا مش بحب التحكمات ،انا حره

حمزه حط ايديه في جيبه وبقوه رد: انتي فعلا حره لكن انتي جايه معانا هنا وهترجعي معانا بردوا ولحد ما ترجعي معانا ومتبقيش ضيفه تصرفاتك دي متنفعش

سيلين وافقت ع مضض: ماشي.
💖💖💖💖💖💖💖💖💖💖💖
في شاليه جاسر وجميله ،كانوا نايمين ع السرير وهما باصين لسقف وبعيد عن بعض
جميله اتنهدت: ممكن اعرف ساكت ليه
جاسر : عايزاني اقول اي وانتي مقدرتنيش وروحتي تطمني عليه ،قعدتي تقوليلي بحبك وانتي خوفتي عليه لما ضربتوا
جميله : اديك قولت ضربتوا تفتكر مش هخاف عليه او بمعني اصح مش هطمن عليه ،انت ليه كدا ي جاسر انت مكنتش كدا ،عمرك ما كنت قاسي كدا وبقا الضرب بالنسبالك حاجه سهله وخفيفه

جاسر قام وبصلها : قاسي ،وانا شايف واحد بيغنيلك ،عايزاني اعمل اي لما اشوف نظره حب في عينيه ليكي وكمان اعتراف صريح منه انو بيحبك الاول كانت نظرات لكن دلوقتي اعترف وغنالك

جميله : بس انا قولتلك انو هيحب سيلين ،لكن لسه محتاج وقت ينسي ويداوي جرحه ،لكن انت النهارده زودت جرحه ووجعه اكتر

جاسر اتنهد وقام من ع السرير : خايفه ع جرحه ووجعه وانا عادي اتجرح واتوجع ،عادي اكون بغلي من الغيره

جميله اتنهدت بتعب ،تعبت ومش عارفه تقول اي ،كانت بتأنب نفسها وهي السبب في جرح قلبين ،قلبين بيتخانقوا عليها وبيحبوها ،وقلبين بيتجرحوا ويتوجعوا بسببها لكن اافرق انها بتحب قلب واحد وهو جاسر ومع ذلك بيتوجع بردوا رغم انها عرفته بحبها ليه لكن بردوا غصب عنه بيغير عليها ،خصوصا بعد اعتراف سليم الصريح وهو بيغني وبيعترف بحبه ليها ،مش عارفه مين الغلطان ،جاسر عشان بيحبها وبيغير عليها ودا شئ طبيعي لما يشوف واحد تاني بيحب مراته وحبيبته ،ولا سليم الي غصب عنه حب ومش بارادته يتحكم في قلبه، ولا هي الي مش عارفه اي غلطها ،هي مطلبتش من سليم يحبها

جاسر بصلها لقاها ساكته وسرحانه ،قرب منها بهدوء وقعد جنبها ع السرير ومسك ايديها : عارف انك تعبتي من غيرتي بس اعمل اي انتي مش حاسه بالنار الي جواياا ،حقيقي بحبك وبغير عليكي

جميله بهدوء لكن جواها مخنوقه : وانا بردوا بحبك ي جاسر بس بجد تعبت ،تعبت من كتر ما عماله اعبرلك عن حبي ليك وانت مش مصدقني ،انت وجعته اووي ،انا عمري ما كنت كدا عمري ما اوجع او اجرح حد

جاسر كان جواه مخنوق وهو شايفها زعلانه ع سليم وموجوعه عليه : تعبتي عشان بتعبريلي عن حبك ،طب انا ليه مش بتعب لما بعبرلك عن حبي

جميله : جاسر انت اتوجعت عشان شوفت نظره حب في عين سليم لياا ،طب تقدر تقولي انا حسيت بايه وانت نمت مع مياده

جاسر اتنهد بزهق: هنجيب بردوا نفس السيره ،انا قولتلك مكنتش في وعي ،يعني غصب عني

جميله : وهو دا الي انا قصدي عليه هو بردوا غصب عنه ،حبني غصب عنه ومش بارادته ،زي ما ناديه كانت بتحبك ،بس بردوا قدرت تحب حمزه ،يعني سليم ممكن يحب سيلين

جاسر : وممكن ميحبهاش

جميله : فا هيبقي مش بارادتي ولا بارادتك انك تغير حاجه وكفايه بقاا عشان تعبت من الموضوع دا ،انا كنت بغير عليك واتوجعت اضعاف وجعك لما عرفت انك لمست مياده وكمان بوست ناديه ،حاسب نفسك قبل ما تحاسبني ي جاسر ،ع الاقل سليم كان مجرد نظرات لكن انت لمستها

سابتوا جميله وخرجت برا الاوضه وخرجت برا الشاليه ووقفت ع البحر واتنفست بقوه وهي نفسها يخرج الزفير ويخرج معاه خنقتها وضيقها

💖💖💖💖💖💖💖💖💖