رواية احببت قاسي الفصل الحادي والستون 61 - بقلم Mona Salem

🍁   الحلقة    ٦١  قبل الاخيرة   🍁

.
🍁🍁🍁🍁🍁🍁🍁🍁🍁🍁🍁🍁🍁🍁🍁🍁

.
سراج / مش لما نشوف راى البنات الاول

اسامة / هم موفقين خلينا نحدد الفرح بسرعة

سراج / الى انا اعرفو ان البنات ليهم راى تانى

سراج بيشاور لديمة و بسمة  يدخلو وفهد واسامة بيبصو لبعض

سراج / قوللهم على رايكو يلا الى اتفقنا علية

ديمة وبسمة بيروحو يقفو جمب فهد 

سراج / انتو بتعملو اية

ديمة و بسمة / موفقيين طبعا

سراج بيتعصب عليهم علشان كان متفق معاهم انهم يرفضو فى الاول

احمد / خلاص بقي بطلو لعب

سراج / يلا انت وهى على جوة

وديمة و بسمة بيدخلو

فهد / بخصوص الفرح اية رايك يا عمى

احمد / لا طبعا معنديش مانع المهم ان الولاد يكونو مبسوطيين

سراج / بما اننا اتفقنا على كل حاجة هاخد الشباب والبنات هعزمهم على العشاء وكمان على حسابى

جودى / بلاش انا حاسة انى تعبانة شوية

سراج / ممنوع اى حد يعتزر

سراج / ريم ديمة بسمة جهزو نفسكو يلا هنخرج

و بيفرحو وبيجرو على برة وديمة بتروح لفهد ومبسوطة اوى

فهد / اية مبسوطة اوى من الى انتى عملة فيا دة صح

وديمة  بتعدلو البدلة ومبسوطة اوى

ديمة / فيها اية لما تتعب شوية علشانى بس انت النهاردة طالع وسيم اوى

فهد  / وانتى كمان طلعة حلوة اوى بس الفستان مش قصير شوية

ديمة / لا خالص بليييز مش عوزة اى اعتراض على اى حاجة

وفهد بيمسك اديها وبيبسها

ديمة  / احنا مستنين اية مش يلا بينا

ريم بتخرج ومعاها النونو وديمة بتخدها منها وبتديها لفهد
و مبيرضاش يشلها

ديمة  / دى ديمة  الصغيرة

سراج / ان شاء الله تطلع زى ديمة الكبيرة

ريم / ماما ديمة معاكى بقي وانا مجهزة كل حاجة فى الشنطة دى

وفايزة بتاخد ديمة الصغيرة وبتشلها وبتلاعبها

ريم / يلا بينا بقي

سراج بيبص فى الساعة

سراج / مش عارف اتاخر لية

ديمة/ انت مستنى حد

والجرز بيرن وبسمة بتروح تفتح وبيكون تامر

سراج / اة اتفضل مستنينك من بدرى

تامر / سلام عليكو اسف على التاخير

وجودى مش مصدقة عنيها وفهد والكل بيسلمو علية
واسامة بيبصلو اوى

سراج / يلا كدة احنا جهزيين

وبيخرجو كلهم مع بعض وبيروحو فى مكان على النيل
وديمة قاعدة جمب فهد  ومسكة فى دراعو وبسمة قاعدة جمب اسامة وريم وسراج وتامر قدم  جودى ومش قادر يتكلم معاها بس عيونو عليها وجودى مبسوطة اوى انو موجوود معاها

سراج / يعنى احنا كلنا هنسافر بكرة

ديمة / هنسافر بكرة فيين

سراج / هنعمل فرحكو عند والد فهد فى الفيوم مش هيقدر يجى هنا

ديمة / وانت مقلتليش لية

فهد  / مش انتى بس الى مجنونة

وديمة بتضربو فى كتفو

بسمة / انا مش مصدقة فكرة حلوة اوى

اسامة / مش دة كان حلمك انك تتجوزى انتى وديمة فى يوم واحد  وفى مكان كلو اخضر

فهد  بيبص لاسامة

فهد / يعنى انت الى

ديمة / وعجبتنى الفكرة وانا كمان كان حلمى انى انا وبسمة نتجوز فى يوم واحد وكان حلمنا اننا نتجوز شخص واحد علشان نفضل مع بعض

والكل سهران ومبسوط اوى

سراج / تامر انت مش محتاج عزومة لازم تكون موجوود

تامر / اكيد مقدرش مكنش موجووود

وجودى بتبتسم اوى وتامر بيطلع موبيلو وبيبعت رسالة لجودى

تامر / طلعة حلوة اوى النهاردة

وجودى مكسوفة واسامة بياخد بالو ان فى حاجة بنهم بجد

بسمة  / اسامة فى اية مالك وملهم

اسامة / انتى شايفة بيبصلها ازاى

بسمة / اة شايفة زى ما انت بتبصلى بالظبط اسامة جودى
تعبت كتيير فى حياتها خليها ولو مرة تختار لوحدها

اسامة / بس دة رقاص عوزة اختى ترتبط برقاص

بسمة  / تقصد فنان راقص شعبى وبيرقص جمييل جدة انا حضرتلو اكتر من استعراض يجننن وشاطر جدا فى شغلو وناجح جدا

اسامة / تحبى اطلبلك ايدو يعنى

بسمة / انت حبيبى انا مقدرش احب حد غيرك

ديمة  /فهد  شايف جودى مبسوطة ازاى

فهد / فعلا كانت فكرتك حلوة اوى اننا نعزمو معانا
الفرحة ملية عنيها وهو شاب كويس هو طايش شوية بس كويس

وديمة بتمسك ايد  فهد اوى وبتنام على كتفو وبيبصو على النيل والمنظر الخلاب وفهد بيضمها وبيبسها من جبنها

.
       ************************************

.

فى الصباح

ديمة مع بسمة  فى الاوضة بيحضرو الشنط

ريم / اية دة انتو لسة مخلصتوش فهد واسامة تحت

سراج / لو مش جهزيين لسة ناجل كمان سنة

ديمة / لااا احنا جهزيين

وسراج بياخد الشنط بتاعتهم وبينزلو كلهم

فهد / فيين عمى احمد

ديمة/ بابا عنده قضية مهمة لازم يخلصها هيجى بكرة هو وماما

وفهد  بيقرب على ديمة

فهد  / وحشتينى

ديمة / لايا شيخ

بسمة بتبص لجودى بتكون سرحانة ووقفة لوحدها

بسمة / اسامة جودى ملها شكلها حزينة

واسامة بيبص عليها وبيروح لجودى وبيضمها علية وجودى بتبتسم اوى وبيركبو العربيات كلهم وبيتحركو

جودى ورودى ركبيين مع اسامة وسراج وريم مع فهد
  بيلف المرايا علشان يشوف ديمة وديمة بتبصلو وبتضحكلو

ريم / شايف الحب شايف

سراج / انتى هتفضلى كدة طول عمرك مبتحمديش ربنا ابدا على النعمة الى فى ايدك انتى مش عارفة قيمتى

ريم / لا يا نونو انت زعلت انت حبيبى

وديمة وفهد  بيضحكو عليهم

سراج / بص انت وهى قدمكو

.
       ************************************

.
بعد ساعات بيوصلو كلهم على الفيووم على فيلا جميلة اوى
والكل فى انتظارهم عبد العزيز وسعاد والاقارب والكل بيسلم عليهم

فهد / بابا عامل اية بتاخد الادوية فى ميعادها

سعاد / متخفش يا حبيبى ابوك بيتحسن اوى

عبد العزيز بيبص لديمة و بتقرب علية وبيبسها من جبنها

عبد العزيز / اهلا يا بنتى وبيسلم على بسمة وبيباركلها

سعاد / اخيرا هنفرح بيك يا اسامة

اسامة / خلاص يا ست الحبايب هدخل القفص برجلى

  وبيدخلو الفيلا  و فهد بيمسك ايد ديمة وبيقفو برة شوي بيتفرجو على الورد واللون الاخضر الى فى كل مكان حوليهم

ديمة / حاسة انى فى الجنة

وفهد  بيبصلها اوى ومبسوط علشان هى مبسوطة
وبتروح عليهم زينب بنت عم  فهد

فهد  / زينب عاملة اية

زينب / انا مقدرتش اباركلكو لما اتجوزتو بس الف مبرووك فكرة حلوة  انكو تجددو فرحكو من تانى

ديمة / شكرا يا زينب

زينب / دة كتلوج فى تصميمات للافراح لو حاجة عجبتكو منو

وديمة بتاخد منها الكتلوج وزينب بترتبك وبتسبهم وبتمشى

ديمة / مش هى دى الى

فهد  / زينب اتغيرت كتيير عن الاول شكلى هغير رايى كمان

وديمة بتضربو فى بطنو

ديمة / لايا شيخ عاوز تغير رايك ماشى انا هوريك تغير ايك ازاى

و بتجرى وره  وفهد بيضحك

فهد / طب اعمل اية هى الى احلوت اكتر دة مش زمبى

ديمة / عااااا انا بكرهك عوزة ارجع تانى يا ماماااا

سعاد / اية دة فى اية ملكو انتو لحقتو

فهد / لا دة انا كنت بهزر معاها شوية

ديمة / لا مكنتش بتهزر انا كمان هغير قرارى مش عوزة اتجوزك وانا بكرهك كمان وطلقنى يابتاع البنات

و بتبعد بعيد وبتقاعد تحت شجرة

سعاد / اتصرف بقي يا استاذ مليش دخل انا

وسعاد بتمشى وبتسبهم وفهد بيروح على ديمة وبيخبط على كتفها وديمة بتضرب ايدو وبيروح يخبط على الكتف التانى وديمة بتضرب ايدو تانى

فهد  / اسف

وديمة مبتردش علية

فهد  / بحبك يا مجنونة ازاى تفكرى انى ممكن ابص لوحدة غيرك انتى علشانك انا مستعد اعمل اى حاجة واشوفك مبسوطة

وديمة بتبصلو اوى وبتشوف نظرة حزن فى عيونو وبتحط اديها على خدو بحنية وفهد  بيمسك اديها وبيبسها وبيضمها على صدرو اوى وديمة بتحط دمغها على صدو و فهد ضممها اوى

ديمة / انت عارف انا كان نفسى فى اية

فهد  / نفسك فى اية يا روحى

ديمة / كان نفسى اتجوز حد ياخد منى كل احزانى ويحولها لفرح زى السحر وانت الشخص الى حولت كل احزانى لفرح .

.
      ************************************

.
الكل بيزين الجنينة بستاير بيضة وازرق وديمة و بسمة ورودى وجودى  وبنات من قريب فهد وقفيين بيتفرجو على الشباب وهم بيشتغلو

واسامة عيونو على بسمة وكان هيقع من على السلم
و بيضحكو علية

بسمة / بس انتى وهى فى اية

سراج / انتو كدة بتعطلونا تعالو ساعدونا احسن بدل ما انتو وقفيين

زينب / ممكن نعمل معاكو اية

سراج / ممكن تنقلو الكراسى دى الاتجاة التانى

وديمة بتدور بعيونها على فهد

سراج /ديمة    ديمة  اية عقلك راح فيين

ديمة  / انا مش شايفة فهد

وزينب بتبص لديمة اوى

سراج / راح يختار ديكور للجنينة 

زينب / ديمة انتى وبسمة روحو اختارو الورد الى هيتحط على التربيظات مشتل الورد هناك

وديمة وبسمة بيروحو مع بعض وباقى البنات بتروح تساعد الشباب وزينب بتبص لديمة  وهى ماشية بعيد وبتروح هى على الجنينة الخلفية و بتشوف فهد  واقف مع عمال الجنينة وبيتكلم معاهم

فهد  / عاوز المكان كلو يكون بالون الابيض

زينب / هيكون جميل اوى

وفهد  بيبتسم لزينب والعمال بيسبوهم وبيروحو ينفذو الى
فهد  بيقولو

زينب / انت كويس باين عليك تعبان

فهد / انا كويس بس تعب من ترتيب الفرح

زينب / انت مبسوط

فهد / مبسوط دى كلمة بسيطة اوى على الى انا حسو

زينب / انت اتغيرت اوى

وفهد بيبتسم اوى لزينب

.
       ************************************

.
ديمة بتختار الورد هى و بسمة ومبسوطيين

بسمة  / الله الورد دة حلو اوى شوفى الوردة دى قد اية جميل

وديمة سرحانة

بسمة / مالك بتفكرى فى اية

ديمة/ مش عارفة حاسة ان زينب لسة بتحب فهد

بسمة /  متخليش اوهام فى دماغك تضيع فرحتك

ديمة / بحس بنظرتها بحاجة غريبة بتهزنى

و لسة هتمسك وردة فى شوك بيجى فى اديها وبتصرخ
وفى نفس الوقت فهد  ماشى فى الجنينة بيتكلم مع زينب وبيحط  ايدو على جزع شجرة وايدو بتتجرح

زينب / ايدك انت اتجرحت ازاى

فهد ساكت

فهد / مش عارف محستش بية هى ديمة فيين خلينا نروح نشوفهم يلا

زينب / لا تعالة اربطلك الجرح دة علشان اكيد اتلوث

وزينب بتاخد فهد على الفيلا بسرعة وبتجيب علبة الاسعافات  وبتنضفلو الجرح

فهد / دة جرح بسيط مش مهم

زينب / مفيش جرح بسيط وجرح كبير اى جرح لازم ينزف

وديمة بتدخل ومعاها بسمة  وبسمة  ماسكة ايد ديمة و بتتالم و بتشوف زينب مسكة ايد فهد بحنية وبتلف ايدو بالشاش وعيونها علية و بتقف على الباب وعنيها عليهم هم الاتنين

بسمة / ديمة تعالى يلا وقفتى لية

وفهد  بيبص وره وبيشوف ديمة وقفة هى وبسمة  و ماسكة ايد ديمة وبيشيل ايدو من زينب وبيجرى على ديمة بسرعة

فهد  / ديمة فى اية مالك ايدك فيها حاجة

بسمة  / كنا بنقطف الورد والشوك جرح ايد ديمة

وفهد  بيمسك ايد ديمة وبيفتح اديها وبيشفها وديمة مش حاسة بحاجة  وعيونها فى عيون زينب الى وقفة قدم ديمة بكل ثقة وتكبر

فهد / انتى مجنونة مش تخلى بالك ازاى تجرحى ايدك كدة

و بيخدها من اديها بسرعة وبياخد علبة الاسعافات من ايد زينب بسرعة وبيخلى ديمة تقاعد وبيبدا يطهر الجرح

فهد  / بتوجعك

وديمة عنيها على زينب

ديمة  / اوى

وفهد بينفخ فى الجرح الى فى ايد ديمة وديمة بتبص لفهد

ديمة / انا كويسة دة جرح بسيط

و لسة هتشيل اديها فهد بيمسك اديها تانى

فهد  / ممكن تريحى نفسك وتخلينى اشوفو كويس

و بيطهر الجرح وديمة بتتالم

دينة / اااة فى حاجة بتشكنى ااة

وفهد بيقرب اوى وبيشوف شوكة فى ايدها  وبيقرب بشفيفو
على اديها وبيشيل الشوكة بسنانه وديمة بتبتسم اوى ودموعها بتنزل وبيبوس اديها وزينب بتشفهم وبتبعد بسرعة ومديقة اوى

ديمة/ انت كمان ايدك متعورة

فهد  / لسة بتوجعك

ديمة / تق تق

واسامة بيدخل

اسامة / اااة انا خلاص تعبت فى اية ملها ايدك يا ديمة

ديمة /  مفيش بس فى شوكة كانت فى ايدى وخلاص فهد طلعها

اسامة/ خلى بالك من نفسك

و بيقرب لبسمة

اسامة  / انتى كويسة

بسمة / اة متقلقش يا حبيبى

فهد  / بسمة  خدى ديمة واطلعو ارتاحو شوية

اسامة / اة علشان بالليل فى حفلة شوى فى الجنينة وهنسهر كلنا

وبسمة وديمة بيطلعو على فوق و فهد  بيبص على ديمة وهى طلعة

اسامة  / اية مالك ميبقاش قلبك خفيف اوى كدة

فهد  / فى نظرة حزن فى عيون ديمة

اسامة / اية الى هيخليها حزينة

سعاد بتخرج من الجنينة هى وفاطمة

سعاد / فهد  فيين ديمة و بسمة

فهد  /طلعو يرتاحو شوية تعبو طول النهار وقفيين

سعاد / فاطمة خدى اللبن دة وطلعيه لديمة  وبسمة يلا

وفاطمة بتطلع و فهد و اسامة  بيخرجو برة الجنينة مع الشباب

سراج / اية رايكو فى المنظر دة

فهد  / يسلم ايدك حلو اوى

ريم / سراج هروح اكل ديمة  الصغيرة زمنها صحيت

.
       ************************************

.
وفاطمة طلعة بالبن لديمة  وبسمة وزينب بتقابلها

زينب/ لميين اللبن دة

فاطمة / للست ديمة  والست بسمة

زينب / هتيهم وانا هطلعهم معايا روحى انتى

وزينب بتاخد اللبن و بسمة  بتاخد دوش وديمة قاعدة سرحانة على السرير وزينب بتخبط وبتدخل

زينب / طنط سعاد بعتلكو اللبن دة وبتقول لازم تشربوة كلو

ديمة / شكرا يا زينب

زينب بتبص لديمة  اوى

زينب / هسيبك ترتاحى شوية

ديمة  / يعنى انتى جيتى هنا علشان اللبن وبس

وزينب بتقف وبتبص لديمة

زينب / بتقصدى اية

ديمة / اقصد اكيد فى حاجة تانية هى الى جابتك هنا

زينب / اة افتكرت انى نسيت اقولك الف مبرووك

وزينب بتخرج وديمة عنيها على الباب الى خرجت منه زينب

بسمة  بتخرج من الحمام

بسمة / اااة يا ديمة ارتحت لما اخد الدوش

وديمة مبتردش عليها

بسمة / مالك انتى كويسة

ديمة / مفيش بس عوزة انام شوية حاسة انى تعبانة

و بتنام  و بسمة بتبص لديمة اوى وبتطفى النور وبتخرج
وبتنزل تحت فهد بيوقفها

فهد  / فيين ديمة

بسمة / ديمة  نامت شوية متقلقش هى كويسة

و بتروح على اسامة وبيهزرو مع بعض

.
       ************************************

.
فهد  بيطلع لديمة الاوضة وبيشفها انها نايمة وبيروح عليها
وبينام جمبها وبيبعد شعرها عن عيونها وديمة  بتحس بية بتفتح عيونها وبتبتسم

ديمة / فهد 

وفهد بيخدها فى حضنو وديمة بتنام على صدرو وفهد بيضمها اوى وبتغمض عنيها وبتحس بالراحة

.
       ************************************

.
فى الليل

ديمة  نايمة وبسمة بتصحيها و بتفتح عنيها وبتبص حوليها ومبتشفش فهد جمبها

بسمة / دة كلو نوم يلا غيرى هدومك  فهد مستنى تحت
كلنا هنتجمع وهيبداو شوى ومستنين يلا كفاية كسل

و بتحدف ديمة بالمخدة وديمة بتحدفها تانى بالمخدة وبسمة بتضحك وديمة  بتروح تغير هدومها وبتلبس فستان ابيض قصير وبتفرد شعرها زى ما فهد  بيحب وبتحط وردة بيضة فى جمب شعرها وبتلبس جزمة كعب  وبتحط ميكاب خفيف وطلعة ملاك وبتنزل وسعاد بتشفها

سعاد / الله اكبر عليكى يا بنتى يلا روحى جوزك عمال يلف
من هنا لهنا بيدور عليكى يلا روحى

وديمة بتبتسم وبتخرج الجنينة وبتشفهم بعيد مولعيين نار كبيرة وقاعدين  حوليها كلهم وبيضحكو وفهد واقف بيشوى وطبعا زينب وقفة جمبو وديمة بتبص عليهم من بعيد وفهد  بيحس بديمة وهى جاية وبيبص عليها وبيبتسم اوى وبيسيب الى فى ايدو وبيروح عليها بسرعة وبيمسك اديها وبيبسها

فهد. / طلعة حلوة اوى

ديمة  / بجد

وفهد بيقرب عليها وبيبسها من خدها  وديمة بتضمو
وزينب بتشفهم وبترمى اللحمة فى النار ومديقة اوى

وفهد بياخد ديمة من اديها وبيروحو يقاعدو جمب الناس مع الباقى وبسمة بتهزر هى واسامة والكل بيضحك عليهم ومبسوطيين

سراج / اسامة انت مدخلتش القفص لسة انفد بريشك واهرب

وبسمة بتمسك هدوم اسامة من كتفو

بسمة  /  لية هو يقدر دة انا كنت قطعتو

اسامة  بحنية

اسامة   / بس قطعينى براحة وبشويش

وبسمة بتبصلو اوى ومبتسمة والكل بيضحك و ديمة مسكة ايد فهد اوى ومبسوطة

ديمة / مستعد تتجوزنى تانى

وفهد بيلف دراعو حوليها

فهد    / اتجوزك تانى وتالت ورابع انتى قدرى

ديمة / يعنى مش هتندم

فهد  /هندم لو مكملتش ايامى معاكى حتى لو اخر يوم فى عمرى  عاوز يكون معاكى وتكون ايدى فى ايدك

وديمة  مبسوطة اوى

وبيشغلو موسيقى وريم وسراج وديمة و فهد واسامة  وبسمة
بيرقصو مع بعض والكل مبسوط اوى وديمة بتبص لزينب وبتشوف ان زينب عنيها على فهد

ديمة  / فهد عوزة اسالك سؤال

فهد  / اسالى يا روحى عوزة تعرفى اية

ديمة / انت وزينب كان فى حاجة بيكو قبل ما تعرفنى

فهد  / ديمة اية الى انتى بتقولية دة

ديمة / لا مقصدش يعنى كان فى اى وعوود بنكو

وفهد بيدايق وبيسبها وبيبعد وبيروح يقاعد مع الشباب وديمة بتدايقة اوى علشان فهد زعل وطبعا زينب وخدة بلها ان فى خلاف حصل بنهم وبتروح تجيب طبق لفهد

زينب /فهد  انت ماكلتش حاجة

وبسمة بتشوف زينب وبتاخد بلها هى كمان منها

فهد / لا مليش نفس شكرا زينب

وردة ✍️