🍁 الحلقة ٥٦ 🍁
.
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
.
سعاد بتطلع موبيل فهد من شنطها ومحفظتو ومفتايح العربية بتعتو
سعاد / هتحتاج دول
وفهد بيبوس اديها وبيروح على عربيتو وبيقف بيبصلها
واسامة بيقف وره
اسامة / كانت مستنيك
وفهد بيبص لاسامة وبيشوف دراعو مربووط
فهد / اصابة تانية
اسامة / وحشتنى
و بيحضنو بعض وسعاد وديمة وقفين بيبصلهم
فهد / لازم نروح ندور على بابا
و بيركبو العربية بسرعة وبيمشو
.
************************************
.
بسمة بتتصل باسامة علشان تتطمن على اى اخبار جديدة
و بيقولها ان فهد وديمة رجعو وبسمة فرحانة اوى وبتجرى على فايزة وبتقولها
فايزة / انا لازم اروح لديمة حالا
واحمد بيسمعهم وبيبص لفايزة
فايزة / انا هروح اشوف بنتى
احمد / انا عارف ان مشاعر الام قوية وانا مقدرش امنعك روحى
فايزة بتروح على احمد
فايزة / انا عارفة انك انت كمان عاوز تروح وتشفها وتتطمن عليها تعالة يا احمد
احمد بيسلها وبيدخل المكتب بتعتو و فايزة بتزعل اوى
فايزة/ بسمة انا هروح اغير هدومى ونروح بسرعة
وجرز الباب بيرن وبسمة بتروح تفتح وبتكون ديمة
بسمة / ديمة
وبسمة بتحضنها اوى واحمد بيسمع بسمة بتقول ديمة وبيقف بسرعة ولسة هيتحرك وبيرجع مكانو وفايزة بتعيط وبتجرى على ديمة
ديمة / ماما وحشتينى اوى
فايزة / حبيبت ماما يا قلب امك انتى
وفايزة بتعيط هى وديمة واحمد مش قادر يستحمل انو ميشفش ديمة وعيونو على باب الاوضة وبعد ثوانى الباب يتفتح وبتقف ديمة قدمه واحمد بيعمل نفسه مش مهتم
ديمة / انا هنا مش بصفتى بنتك انا هنا بصفتى مواطنة عاديه عوزة حضرتك ترفعلها قضية
و احمد بيبص لديمة اوى
ديمة / اة انا عندى اب حنون اوى وانا بحبو لدرجة انى ممكن احط روحى تحت رجلو بس هو يكون مبسوط بس
و بتعيط
احمد / روحى من هنا
وفايزة وقفة وره و بتعيط هى و بسمة
ديمة / والاب دة رافض حتى انو يبص فى عيون بنته ولو مرة وحدة
و بتقرب على احمد واحمد بيبعد عنها وبيديها ضهرو
احمد / فايزة خديها بعييد
ديمة / حاضر انا هبعد بس ممكن احضنك بس مجرد حضن حضن واحد ولو مش عاوز تشفنى مش هخليك تشفنى تانى
و بتروح علية
ديمة / ارجوك مجرد حضن ارجووك انا تعبت تعبت اوى
و بتنزل على رجل ابوها وبتبسها واحمد وبيستحملش وبيمسكها بقوة وبيبصلها وبيحضنها اوى وبينهار من العياط
ديمة / وحشتنى اوى
واحمد بيبوس فيها وبيعيط وفايزة بتسبهم هى وبسمة لوحدهم
.
************************************
.
فهد بيدور فى المستشفيات واقسام البوليس وفى الشوارع
و بيلف هو واسامة و بيشوف واحد قاعد على الرصيف بعيد وبيبصلو اوى وبيقرب علية وبيكون ابوة
فهد / بابا
وعبد العزيز بيسمع صوتو وبيجرى علية وفهد واقف مكانو
ومصدوم من شكل ابوة وبيبص على رجلو وبيشوفو بيعرج بيها وعبد العزيز بيقف قدم فهد
عبد العزيز / ابنى انا كنت بدور عليك سامحنى يا ابنى سامحنى
واسامة بيعيط على منظر ابوة وفهد بيقرب علية وبيحضنو وبيعيط
فهد / انت الى سامحنى يابابا انا اسف انا
اسامة / فهد خلينا نروح من هنا الاول
وعبد العزيز بيبص لاسامة اوى وبيروح علية وبيحضنو
عبد العزيز / كنت عارف انك هترجع اخوك
واسامة بيحضن ابوة اوى
فهد / بابا خلينا نرجع يلا الكل مستنيك
وعبد العزيز مش قادر يمشى رجلو مجروحة والجرح ملوث
و فهد بيمسك ايد اسامة وبيشيلو عبد العزيز هم الاتنين وعبد العزيز دموعو بتنزل لما بيشوف اولادو شيلينوو فهد و اسامة وعبد العزيز فى العربية
اسامة / خلينا نروح على المستشفى
عبد العزيز / لا خدونى على البيت مش عاوز اروح المستشفى
فهد / اسامة اتصل بالدكتور وقولو يروح على القصر حالا
.
************************************
.
سعاد بتحاول تتصل بجودى بس مبتردش خالص وقلقانة اوى عليها و فهد و اسامة وعبد العزيز بيوصلو القصر وسعاد بتجرى عليهم وبتتفاجا من منظر عبد العزيز و بيخدوه على الاوضة بتعتو وبيوصل الدكتور وبيطمنهم علية انو كويس بس محتاج راحة كام يوم وميمشيش على رجلو كتيير
فهد قاعد حمبو وعبد العزيز من تعبو نام وسعاد بتغطية
سعاد /ابوك هيكون بخيير
فهد / فيين جودى انا مش شيفها
سعاد / انا بكلمها من يوميين ومبتردش عليا
اسامة / انا مش عارف ازاى بعد الى جوزها عملو دة ولسة عندو انا هروح اجبها
وفهد بيقلق اوى
فهد / استنى انا جاى معاك بس اغير هدومى الاول
و بيروح على اوضته وديمة مش موجودة و بيغير هدومه وبيخرج
فاطمة / حمدالله على سلمتك يا بش مهندس
فهد / الله يسلمك يا فاطمة فيين ديمة
فاطمة / انا مشفتش الست ديمة هى مش فى اوضتها
سعاد / راحت تتطمن على اهلها
وفهد بيدايق اوى
فهد / ومقلتليش قبل ما تروح لية
اسامة / هى غايبة بقلها فترة عن اهلها اكيد وحشوها فيها اية
فهد / بس احسن حد يدايقها انتو شفتو اخر مرة سراج كان بيعاملها ازاى
اسامة / انت قلقان على الفاضى
وفهد قلقان على ديمة
فهد / اسامة خلينا نروح نجيب جودى على البيت
و بيمشو
.
************************************
.
جودى فى العناية المركزة وفى دكتور واقف جمبها وبيدخل شخص تانى
الشخص / ها يا مجدى حالتها عملة اية دلوقتى
مجدى / هى حالتها استقرت بس لازم تفضل تحت العناية يوم كمان انت لسة معرفتش هى ميين او اى حاجة عنها
الشخص / خلينا نخرج نتكلم برة
وبيخرجو هم الاتنين برة الاوضة
مجدى / تامر انا خايف احسن تدخل فى مشكلة خلينا نبلغ احسن
تامر / مش قبل ما تتحسن واعرف منها اية حكايتها وميين الى عمل فيها كدة
مجدى / انت فاكر نفسك اية انت كل شوية بتدخل فى مشاكل بسبب عنادك دة دة انا حاسس انك الى بتدور على المشاكل بنفسك
تامر / متخفش بس حاسس انها ليها قصة كبيرة
مجدى / يمكن الى رموها فى الطريق دوول حرمية
تامر / مستحيل يكونو حرمية علشان هى لبسة خاتم يفتح مستشفى زى دى
مجدى / انا عندى شغل اشوفك بعديين اة وبلاش تتاخر بالليل علشان كنزى عملة حفلة بسيطة بمناسبة عيد ميلادك
تامر / عيد ميلادى برضو انا مش عارف كنزى مراتك دى عوزة منى اية
مجدى / يعنى مش عارف عوزة تخلص منك بقي وتجوزك انا مش فاهم انت بتكره الجواز لية ما انا اهو اخوك الكبير ومتجوز ومبسوط
تامر / مبسوط برضو ولا عامل نفسك مبسوط
مجدى / انا مش هخلص منك انا عارف
تامر / انا همشى عندى بروفات دلوقتى سلام
و بيمشى ومجدى بيقف يبص على اخوة وهم ماشى بكل حب
.
************************************
.
ديمة قاعدة مع فايزة واحمد و بيتكلمو وديمة سرحانة
احمد / مالك يا حببتى بتفكرى فى اية
ديمة / سراج يا بابا
احمد / سراج واخد الموضوع على كرمتو اوى بس متقلقيش انا هتكلم معاة
بسمة بتشاور لديمة علشان يروحو اوضتها وفعلا بيروحو
ديمة / عاملة اية طمنينى عليكى
بسمة / انا تمام انتى الى عملة اية انتى وفهد
ديمة / مفيش احن منو فى الدنيا دى انتى عارفة اول ما قال كلمة بحبك كان قلبى هيقف من الفرحة يابسمة
بسمة / باين الحب فى عيونك وخصوصا لما بتسمعى اسمه
وديمة مكسوفة ووشها بيحمر اوى و بتبص لبسمة
ديمة / وانتى كمان عيونك فضحاكى اوى
بسمة / بجد
وديمة بتغمز لبسمة بثقة وبيضحكو
بسمة / انا و اسامة يعنى اتكلمنا مع بعض وقررنا ان الحب الى بينا لازم يكبر بينا
ديمة / والله اسامة بيحبك اوى وعرفت كدة من عيونو الى بتشبة عيونك دلوقتى كدة
وديمة وبسمة بيحضنو بعض اوى
.
************************************
.
فهد بيروح الفيلا عند عمر وبيرنو الجرز والشغالة بتفتح شكلها اجنبية و بيستغربو منها لان جودى طول عمرها مبتحبش الشغلات و فهد بيدخل هو و اسامة من غير مايستازنه
فهد / جوودى جوووووودى
وبينزل عمر وبيقف على السلم بتاع الفيلا بكل غروور
عمر / حمد الله على سلامتك
وفهد بيبصلو اوى بغضب
عمر / لو جاى علشان ارجعلك الى انا اختو منك انت بتحلم كل حاجة ملكى دلوقتى وبالقانوون
اسامة / انا هقتلك ومش هسيبك يا حيوان انت
فهد / اسامة
واسامة بيقف مكانو لما فهد اتكلم
فهد بكل هدوء
فهد / فيين جودى
عمر / جودى روح شوف اختك راحت فيين دور عليها فى حضن الى هربت معاة
فهد و اسامة بيهجمو علية ولسة اسامة هيضربو وبتدخل الشرطة
عمر / اتفضل يا حضرة الظابط شوف بيتهجمو عليا فى بيتى وعوزيبن يقتلونى بلاش يقتلونى نخليها يضربونى مهما كانو احنا نسايب
فهد / فيين جودى يا عمر
ومحامى عمر بيدخل
المحامى / السيدة جودى هربت من بيت جوزها مع عاشقها
والاستاذ عمر رفع عليها قضية والمحضر اهو
والظابط بيقرا المحضر
عمر / انا مراتى خانتنى ولما واجهتها هربت مع عاشقها
واسامة بيهجم على عمر وبيضرب فية
اسامة / كدااب كدااب جودى مستحييل تعمل كدة
والشرطة بتبعدهم عن بعض
فهد / لو اختى حصلها حاجة انا هقتلك يا عمر
عمر / شايف يا حضرة الظابط بيهددنى بالقتل قدمك
الظابط خدهم على البكس يا عسكرى يلا
عمر / استنى يا حضرة الظابط انا متنازل عن حقى انا عارف انهم مش مصدقيين الى اختهم عملتو وعازرهم هى صدمة بالنسبة ليهم زى ما كانت صدمة كبيرة بالنسبالى كمان
والظابط بيسبهم
الظابط / متاكد انك مش عاوز تقاضيهم
عمر / اة متاكد بس لازم يتعهدو بعدم التعرض
وفهد بيبص لعمر اوى واسامة متعصب بس فهد بيحاول يفكر اكتر ما يتعصب بس الصدمة مخلياة مش قادر يفكر كويس
.
************************************
.
ديمة / بابا انا لازم امشى احسن مقولتش لفهد وخايفة يقلق عليا
وبيدخل سراج من الباب هو وريم وسراج بيشوف ديمة وريم بتروح عليها وبتحضنها
ريم / ديمة وحشتينى اوى اية مش عوزة تشوفى ابن اخوكى عامل فيا اية
وديمة بتبص على بطن ريم
ديمة / وحشتينى اوى والله معلش انى مش بسال عليكى بس انا
و بتبص لسراج
سراج / انتو عندكو ضيووف
والكل بيبص لسراج اوى
احمد / سراج
سراج / انا جوة لحد ما الضيووف يمشو من هنا
وديمة بتزعل اوى وسراج بيدخل على الاوضة ومتعصب اوى
ريم / ديمة انا اسفة متزعليش منه بس انتى عارفة سراج قلبه طيب بس هو زعلان منك شوية
ديمة / بس مش لدرجة انو يموتنى وانا عايشة مش لدرجة انو يعتبرنى وحدة غريبة عنو مش لدجة انو يتجاهل وجودى
و بتعيط وبتخرج من البيت و احمد وفايزة بينادو عليها وديمة بتجرى على برة وبتعيط وسراج واقف فى البلكونة ومدايق اوى ومتعصب وبيشوف ديمة وهى خرجة من البيت وبتعيط وبيبص عليها وقلبه بيتقطع عليها اوى
وديمة بتعدى الطريق وفى عربية بتخبطها و بتقع على الارض وسراج بيصرخ
سراج / ديمةةةةةةة حسبى
وسراج بينزلها بسرعة والكل بيتخض لما بيسمعو سراج بينادى على اسم ديمة وبيجرى على تحت بسرعة
وفى ناس حوليين ديمة وسراج بيبعدهم بسرعة عنها وبيجرى عليها
سراج / ديمة ديمة فيكى اية
وسراج بيبص للسواق وبيهجم علية بالضرب فجاة
سراج / انت عارف لو حصلها حاجة هقتلك هقتلك
ديمة / سراج سراج انا كويسة
وسراج بيضرب فى الراجل واحمد وفايزة وبسمة وريم بيجرو على ديمة وبيتطمنو عليها
ديمة / بابا انا كويسة مجرد ختش بسيط
و بتجرى على سراج وبتقف بينو وبين الراجل وسراج بيبصلها اوى وبيسيب الراجل
ديمة / اهدى انا كويسة
وسراج بيبصلها من فووق لتحت وبيشوف فى ختش فى رسها من الوقعة
ديمة /مجرد ختش بسيط
وسراج بيبصلها وبيبص لاهلو وكلهم مبتسميين اوى وبيبصولو وسراج بيعدل هدومه ولسة هيمشى وديمة بتمسك ايدو
ديمة / انت فاكر اول يوم ليا فى المدرسة وفى ولد ضربنى واخد منى الاكل بتاعى كلو وانا كنت زعلانة وقولتلك وتانى يوم لقيت الولد دة جيبلى كيس بنبونى من الى انا بحبو وكان وشو متخرشم كنت عارفة انك الى عملت كدة
وسراج جاى يمشى وديمة بتمسكو تانى
ديمة / فاكر لما كنت فى الثانوى وكان فى حفرة جمب المدرسة وقعت فيها واتجرحت ايدى تانى يوم لقناها مردوومة بحجارة كتيير ومكنش فى حد يعرف ميين الى عمل كدة انا كنت عارفة انك انت الى عملت كدة
ولسة سراج هيمشى وديمة بتمسك ايدو تانى
ديمة / طب فاكر يوم عيد ميلادى ال١٨لما اتصلت بيا علشان تقولى كل سنة وانتى طيبة وعرفت انى زعلانة علشان مش موجوود معايا وانت هربت من الكلية علشان تكون معايا فى اليوم دة واتعاقبت بتلات شهور حبس فى الكلية بسسبى
سراج / لا مش بسببك حبسونى لما شفونى بعاكس ريم
وديمة بتبصلو اوى وسراج بيبصلها اوى وبيروح عليها وبيحضنها وديمة بتحضنو و بتعيط
سراج / اسف
ديمة / انا كل السنين دى كلها ضميرى مانبنى علشان اتحبست فى الكلية وفكرة انو بسببى انا
والكل بيضحك وبيروحو عليهم ومبسوطيين اوى
.
************************************
.
مجدى عند جودى بيشوف حالتها وجودى بتتحسن وبتدخل الممرضة
الممرضة / دكتور موبيل حضرتك بيرن من بدرى
ومجدى بيخدو وبيخرج وبيكون تامر
مجدى / الو اوعة تقولى انك مش هتحضر الحفلة
تامر / مجدى احنا فى قسم الشرطة ومحتاج حد يضمنا
مجدى / اية قسم الشرطة قسم اية انت كويس تامر اتكلم
تامر / تب ادينى فرصة اتكلم الاول انا كويس انا فى قسم الهرم تعالة بسرعة
ومجدى بيقفل التلفون وبيروح على مكتبه وبياخد الجاكيد بتاعو وبيروح لتامر القسم وبيشوف فى ايدو الكلبشات هو وزميلو وقفيين و بيجرى علية
مجدى / تامر فى اية اية الى حصل
تامر / احنا كنا انا وزميلى سهرنيين مع بعض وفجاة جت الشرطة اخدونا
مجدى / عملت اية يا تامر
وتامر بيبص فى الارض ومبيتكلمش خالص
العسكرى / انت بتعمل اية هنا ممنوع تتكلم معاهم
مجدى / دة اخويا ممكن اعرف اية التهمة
العسكرى / البهوات لقناهم عمليين خيمة عند الهرم وعمليبن سهرة وبيرقصو ومعاهم بنات كمان فكريبن نفسكو فيين
تامر / احنا مكناش بنعمل حاجة غلط احنا فرقة شعبية وكنا بنتمرن
العسكرى / عند الاهرمات ياخويا انت هو بس لما يجى الظابط
مجدى / دوول شوية شباب طيشيين ومش هيعملو كدة تانى
العسكرى/ اهو جة حضرة الظابط
والظابط بيدخل وبيروح على مكتبو والعسكرى بيروح وره
ومجدى بيزعق لتامر اوى على الى عملوة
مجدى / ملقتش غير عند الاهرمات
تامر / حبينا نغير وفيها اية احنا كمان من حقنا نروح والا المصرى ملوش حق فى الاثار بتعتو
مجدى / اخرص خالص والاه لو سمعت صوتك تانى لهتشوف وش تانى منى بس اصبر لما نخرج من هنا
ومجدى بيسيبو وبيروح على مكتب الظابط وبيدخل والعسكرى مع الظابط جوة
العسكرى / دة اخو شاب من الشباب الى مسكناهم عدو الحاجز الامنى ودخلو الهرم
سراج / اتفضل
مجدى بيدخل وبيتكلم مع سراج
.
************************************
.
فهد و اسامة بيرجعو البيت والياس باين عليهم
سعاد / فيين جودى
فهد بيبصلها ومش عارف يتكلم يقول اية
فهد / جودى اة رحنا علشان نجبها على البيت لقناها مسافرة برة مصر وهترجع كمان اسبووع
سعاد / مسافرة ازاى يعنى تسبنا فى وقت زى دة والى جوزها عملو فينا وتسافر كمان معاة
اسانة / اهدى يا ماما هى اصلا متعرفش اى حاجة من الى عملو عمر بس متقلقيش يوميين وترجع
وديمة بتدخل وباين عليها مبسوطة اوى وفهد بيبصلها
ديمة / اية وقفيين لية كدة عمى فى حاجة
فهد / لية هو فى حد بيهمك فى البيت دة علشان تسالى علية المهم عندك اهلك وبس اى حد غير كدة مش مهم
ديمة /فهد انا
سعاد / اهدى يا ابنى مش كدة اتكلمو براحة
اسامة / انا طالع على اوضتى
سعاد / اسامة مالو شكلو مش مريحنى
فهد / مفيش حاجة انا هطلع ارتاح شوية
و بيطلع وديمة وقفة ومديقة اوى
ديمة / ماما سعاد انا اسفة فهد عندو حق بس انا بسبب مشكلتى مع عيلتى نسيت انكم كمان ليكو حق عليا
سعاد / لا يابنتى متعتزريش انتى لسة صغيرة وانتو مش بقلكو كتيير متجوزيين ولازم تحولو تسمعو بعض اكتر ما تتكلمو روحى يلا لجوزك متخلهوش ينام وهو زعلان يلا روحى
وبتطلع على الاوضة وفهد قاعد على الكرسى وسرحان
وديمة بتدخل ومش عارفة تكلمو ازاى ولا تبدا منيين وبتروح تغير هدومها وبتروح علية وبتحط اديها على كتفو وفهد بيشيل اديها
ديمة / اسفة
وفهد مبيردش عليها
ديمة / فهد بلييز متعملنيش كدة
فهد / انتى عوزانى اعملك ازاى يعنى لما كنت فى امث الحاجة ليكى حضرتك مكنتيش هنا مفكرتيش قد اية انا كانت اعصابى مدمرة على ابويا وكمان جودى وانتى مش حطانى فى دماغك اصلا ولا معتبرانى جوزك انك حتى تقوليلو انتى ريحة فيين حتى
وديمة بتبصلو اوى وبتشوف فى عيونو دمووع و دموعها بتنزل
ديمة / اسفة
وردة ✍️
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!