رواية احببت نديم الفصل العاشر 10 - بقلم اية موسي

- اخيرا .. حد حيصدقني

شهقت بخوف وانا بلف.. وبشوف حد مش متوقعة اني اشوفه

كان .. نبيل !!

قلتله بصدمة وانا بحاول ابرر

- انا .. انا كنت بدور على مذكرات عمو

- مش مهم كنتي بتدوري على ايه .. المهم حتصدقيني ؟

- اصدقك !.. اصدق ايه يا نبيل

- تصدقي ان امي بعلاقة مع الزفت شهاب

- ايوه .. انا مصدقاك .. كله واضح ..ليه هو انت قلت لحد وما صدقش

- اه نديم

- نديم .. ازاي .. ده يصدق أي حاجة

- لا يا الين .. نديم النهاردة غير تاع امبارح .. كمان دي امه .. ازاي حيصدق حاجة كدا

- وانت ازاي صدقت حاجة كدا

- شفتهم .. شفت مقابلتهم .. ذهاب امي الكبير للمكتبه .. اخر حاجة سمعتها وهي بتكلمه على التلفون .. يومها اتخنقت معها جامد .. ومشيت .... ما كنتش اعرف انه في رسائل حب وغرام

سكتت شوية وانا بقوم من مكاني ومعايا الورق

- عارف مكان مذكرات ابوك

- اه .. بدرج ده

فتحت ولقيت 5 دفاتر .. اخدتهم

- تعال نطلع من هنا

خرجنا وكنا رايحين للمكتب

- الا صحيح ؟.. ازاي عرفت اني بالغرفة .. ده قلبي كان حيوقف من الخوف

- صدفة .. كنت جاي اقعد معاكي .. علشان عارف ان مدام هنا مش موجودة .. كنت طالع اناديكي وسمعت صوت من غرفتها .. فكرت واحدة من الخدم بتسرق .. دخلت وانتي ولا هنا .. شفت العناوين وفهمت .. بس

ابتسمت وانا بفتح باب المكتب على صوت شهقة نبيل

- ايه ده !!.. بقا ده الي بس حتاخدي كتاب باباكي

ضحكت وقلت

- على سيرة الكتاب ... علشان ما ابقاش كدابة حاخده دلوقتي

- لا بس بجد .. ليه تعملي كدا

قررت استفزه شوية

- لا بس بجد .. ليه قافل الباب

- سمعتها يومها وهي بتقول انها عاوزة ورق مهم من المكتب .. فقفلته

- سبحان الله يا اخي .. نفس الشيء

- الين بلاش استعباط

- صدقني مش استعباط ..دي الحقيقة .. فكنت عاوزة اعرف ايه الشيء المهم

- ولقيتي ؟

- لا

- طب خدي الكتاب ويلا برا

ابتسمت ورحت ادور عليه .. لقيته .. اخدت الكتاب .. وقع ورقة مطوية منه و انا بفتح صفحاته بسرعة

نزلت .. اخدتها .. فتحتها

ما كانش مكتوب فيها غير

" السر مع ليلى "

عقدت حواجبي وانا ببص للورقة

بصيت للمكان الي مبارح كنت برمي فيه الورق و قربت منه

بدات ادور

- بتعملي ايه .. قولت اطلعي برا

رميت الورقة لنبيل

قراها وقال

- بتدوري على ايه انتي ؟؟!

- على رقمها

لقيته .. نفس الورقة الصغيرة الي رميتها من 4ايام

- عندكم تليفون ارضي

- اه .. موجود بالصالة

رحت للصالة وكتبت الرقم

ردت بعد شوية

- الو

سمعت صوتها وابتسمت ... قريب من صوت تيتا الناعم الي بحبه

- مدام ليلى ؟

- اه .. مين معايا .. رحمة ؟؟

اتصدمت لما عرفت انها عارفة الرقم .. بس طبيعي .. اكيد عمي كلمها منه

- لا .. معاكي ألين

- الين.. بنت رشيد

- ايوه .. هو حضرتك عارفني

لقيتها بتعيط

- اهدي بس .. ليه كل ده

- مش مصدقة اني بسمع صوتك

- طب ايه رايك كمان تشوفيني

- طبعا

- هو حضرتك فين

- في اسكندريه

- طب اجي لحضرتك ولا انتي تيجي

- لا تعالي انتي .. واعملي حسابك تنامي

بصيت لنبيل الي مش فاهم

- طب ممكن اجيب معايا ضيف غلس شوية

- مين .. ابنك ؟

- لا ابني مين حضرتك .. ده شحط .. نبيل ابن اخوكي

- طبعا .. ياريت كمان لو يجي نديم ورحمة .. واخوكي

- لا .. اسفة .. الموضوع ضروري ومهم .. اوعدك حنجي مرة تانية كلنا

اعطتنا العنوان وقررنا نروح بكرا

جاء نديم وقررنا نكدب .. لحد ما نعرف السر

- نديم .. انا تعبت بعد الي حصل ..فعاوزة اروح اغير جو .. حرجع لشقة الي جمب نبيل ..اهو على الاقل نزور ام محمد .. اخد كم درس بالسيطرة .. اصلها ممشية جوزها بطريقة

ضحك نديم وقال

- لا على كدا ما تروحيش

رد نبيل بسرعة

- انسي يا معلم .. حتيجي يعني حتيجي .. وحتاخد دروس من عند ام محمد حتاخد

ضحك نديم ووافق

وفعلا جهزنا شنطنا وعلامات النصر على وجوهنا.. والاحلى لما عرفنا ان نديم مشغول جدا اليومين دول بالعمليات

وصلنا .. فتحت الباب ست .. جميلة جدا .. نفس الي بالفيديو .. بس علامات الكبر مبينة عليها

اول ما شافتيني حضنتيني من غير و لا كلمة ..وبعدها نبيل .. وكانت بتعيط

قعدنا جوا واصرت اننا نتغدى قبل ما نتكلم

بعد الاكل كنت قاعدة بضحك وانا بشوف نبيل بيقول

- لا بقا .. انا عاوز انتخ .. بقا يا عمتي يا ظالمة عاوزة تعمليلي تلبك معوي

- انت الي طفس يا حبيب عمتك

ضحكت جامد وانا بشوف المشاكسة الكبيرة الي بين نبيل وعمتو

- الا فين جوزك وولادك يا عمتو

- احمد ( جوزها ) لما عرف انكم جايين قال انه عنده شغل متراكم وحينام بالشركة علشان تاخدو راحتكم .. وحيجي بكرا يسلم عليكم .. انا عندي ولد وبنت .. ابني مسافر برا .. و ثريا ( بنتها ) خارجة مع صحابها وحترجع كمان شوية

- ثُريا يا ظالمة .. بقا مسميا بنتك ثُريا !

- انا بحبه جدا .. اسم امي .. وهي ما عندهاش مشكلة .. وبتحبه من حبي ليه

- امم .. عمتو .. لو قلتلك ترجعي معايا للدوار .. توافقي ؟

لقيتها قعدت جمبي بالهفة

- طبعا

- جدي مشتاق ليكي جدا ومسمحاك وعاوزك ترجعي .. بس قبل ده كله .. احنا عاوزين نعرف حاجة صغيرة

- ايه؟؟

- السر بتاع عمي

بصتلنا و اتنهدت و قالت

- انا كنت عاوزة اقول .. بس كنت مهددة بقتل اولادي

- من مين ؟؟

- هنا وشهاب

- نعممممم!!!

قلناها بصدمة انا ونبيل

هزت راسها وكملت

- ايوه .. هنا وشهاب .. راشد عرف سر خطير .. وجه قالوا ليا .. وبعدها ب4 ساعات مات

- ممكن تحكي الموضوع بالتفصيل الممل

- قبل ما اتجوز .. كنت اروح كتيير للقاهرة .. عند راشد .. شفت هنا اكتر من مرة .. وكانت لطيفة .. بس كنت حاسة في لغز عيون بين شهاب وهنا

- لغز حب ؟

- لا .. اكمل بس .. اتجوزوا وخلفوا نديم ... وبعدها ب 3 سنين هربت مع احمد .. كنت مستغربة من هنا الي جات مرة او مرتين لبيت العيلة ..كانها مش عاوزة تعرفنا .. وكنت شايفة تاثيرها الكبير على راشد .. لانه بيحبها .. وهي بتبعده يوم عن يوم .. لما هربت .. رحت زيارة انا واحمد لراشد .. كنت عاوزة اعرف اذا هو زعلان او لا .. رحت وهو كان زعلان على زعل بابا .. بس سامحنيني علشان انا اخته .. يومها هنا اخدتني على جمب و قالتيلي ان وجودي غير مرغوب فيه .. بعد الي عملته .. خايفة اثر على عيالها

بدات تعيط وكملت

- انا اتصدمت منها وهي بتقولي بكل برود " مش عاوزة اشوف وشك ب يبتي .. واكيد مش عاوزة اولادي يتعرفوا عليكي ".. وفعلا يومها استذنت فجاء ومشيت انا واحمد .. اكتشفت انها مش سهلة خالص

- طب عمو عرف ؟

- لا ... كان هو يجي عليا كتير .. وكان مستغرب مني .. عزمني كتير .. بس كل مرة اطلع اعتذار جديد .. كان هو بيجي .. حتى كانت منعاه ياخد الاولاد يشوفوني ..في يوم وفاته جه ليا .. كان مهموم بشكل .. قالي جملة واحدة وبعدها انهار بالبكى

- قالك ايه

- انا اكتشفت اني موهوم .. كل الي حواليا كدبة .. وبعدها بدا يعيط ويتكلم

- قال ايه ؟؟

- اكتشف ان هنا وشهاب كانوا مع بعض من قبل ما يعرف هنا وشهاب .. كانت نصبة كبيرة .. تخيلي واحدة تتخلى عن مستقبلها و تتجوز وتخلف علشان تاخد فلوس .. واخويا كان مصدق وبيحبها .. ومعتبر شهاب صاحبه .. هو الي خلاه دكتور قدير .. وبصي عمل ايه

نبيل : طب هما لدلوقتي ما اخدوش حاجة

قلت وانا بنهي الحديث ده

- احنا ننام دلوقتي وبعدين نكمل كلام

وفعلا راحوا يناموا .. بس هل انا نمت؟؟

لا طبعا .. طول الليل قعدت اقراء مذكرات عمي وافتكر كلام نديم

" امي كانت رافضة تساعدني بموضوع الزفت شهاب .. وكانت رافضة اجي ليكم علشان تساعدوني "

افتكرت لما اتضربت وهي كانت زي الصنم

كنت متوقعة انهم على علاقة.. بس مش من 34 سنة !!

خلصت3 دفاتر .. كنت الساعة 11 .. على صوت فتحة باب

بصيت لقيتها بنت .. جميلة .. بس واضح انها جريئة

بصيت لساعتي باستغراب وقلت

- في بنت محترمة تروح الساعة 11

انا قولت الكلمة وندمت .. هو يخصني ؟

بصيتيلي من فوق لتحت وقالت

- افندم ؟!.. والله انا مش بالبلد علشان اروح قبل الساعة 5 .. وانا بابايا ومامتي واثقين فيا

سكتت وانا ببص ليها .. لقيتها ابتسمت بسخرية ومدت ايدها

- ألين ؟.. تشبهي مامي جدا

- امم .. وانتي تشبهي تيتا جدا

اتنهدت وقلت

- ادخلي نامي ..واضح عليكي التعب

- لا .. انتي نامي باوضتي وانا حنام عند مامي

- انا مش حنام .. فادخلي نامي انتي على سريرك

هزت راسها ودخلت وانا كملت اقرأ

خلص كل الدفاتر .. كان اخر اوراق من اخر دفتر ممزوعة .. الي هي اوراق قبل وفاة عمي باسبوع

بس انا ما قراتهاش الا علشان استنتج استنتاج واحد .. ان شهاب ملوش حاجة من المستشفى !!

مسكت موبيلي وفردت نفسي على الكنبة وانا بحضر تسجيلات الفيديو الاخيرة لمكتب شهاب .. مفيش حاجة غير مكالمة حصلت قبل يومين من شهاب لهنا واكتشفت انها عاوزة تمضي نديم على ورق تنازل عن باقي المستشفى ؟!

بصيت لساعة .. كانت 1 .. قررت ارن على نديم

- الو

- نايم

- اه .. ازاي ام محمد ؟

سكت شوية وانا بستدرك وبعدين ضحكت

- كويسة .. قالت جوزك غلبان يا بنتي .. مش محتاجة دروس علشان تسيطري عليه

ضجك وسكت شوية وانا بقول

- نديم

- نعم

- المكتب مقفول

- اه

قلت السؤال كمان مرة بصوت اعلى

- المكتب مقفول ؟

-مش انتي قفلتيه ؟.. يبقا خلاص .. بعدين اكيد امي مشحتاخدوانا موجود

- نديم .. انزل

- انزل فين يا مجنونة

- انزل يا نديم

- طب .. استني

وفعلا نزل

- اهو مفيش...

- نديم ..رحت فين

- ثواني كدا

سكتت وانا بسمع صوت نفسه

فتح الباب وقال

- امييي .. بتعملي ايه هنا ؟؟؟.. مش نبيل قال ممنوع ندخل هنا

- انا .. انت صاحي ليه

- يعني ايه صاحي ليه .. انتي تعملي هنا !

كان صوته عالي ومعصب

- في ايه يا نديم .. كنت بشوف ذكريات باباك

- ايه ده ؟!

اخد الاوراق منها

- دي اوراق بتثبت ان المستشفى كله لابويا !!!!!!! .. وشهاب ملوش أي حاجة

- اسمعيني بس يانديم

- اطلعي برا

- ايه !!

- اطلعي برا

- انت بطردني

- اطلعي برا من هنا .. مش عاوز تتطلعي من اوضتك لحد ما اشوف الموضوع ده

فعلا طلعت وانا سامعة وساكتة .. هو ده نديم ؟!

ده شخص تاني

- انتي مش قلتي قفلتي الاوضة !

-اه والله .. بس ثواني

رحت لشنطي ودورت

- نديم انا ناسية المفتاح .. وغالبا بالباب

سكت نديم واعتقد انه مستنكر من غبائي

- اه اهو .. طب سلام يا الين

- استنى .. نديم باباك فعلا ليه كل المستشفى .. انا تاكدت من شوية ..وكنت حقولك

-سلام يا الين

فصل الخط وانا بفكر بالغباء الي عملته

- مش عارفة تنامي زيي

- اه

- طب تعالي ندردش

بصيت ليها باستغراب .. انا اتكلمت معاها بوقاحة قبل شوية .. وهي دلوقتي عاوزة تدردش

قعدت جمبي

- شكلك متضايقة

-اووي

- تفضفضي ؟

- ملوش داعي

- صدقيني مش حقول لحد

- انا فضفضت قبل كدا .. ومحصلش حاجة ..ومش لاقية حل لمشكلتي

- خلاص انتي حرا .. نتكلم موضوع تاني

- زي ايه ؟؟

- العيلة .. تيتا .. جدو .. خوالي ؟؟؟

- صدقيني مش انا احسن حد تسمعي منه

- طب اتكلم انا

- اتفضلي

اتكلمت كتير .. حياتها ..جامعتها .. صحابها

- تعرفي .. انا كان نفس يكون ليا اهل اب او ام

- تعرفي ..انا كان نفسي ما يكونش ليا عيلة اب .. ويكون ليا بابا وماما

لقيتها اتعاطفت معايا وعدت تواسيني وانا بفكر بنديم

فضلنا نحكي لفجر .. صحي نبيل الفجر وقعدنا كلنا نشرب شاي وقلتله على الي حصل وقال بكل برود

- عادي.. الي عملت كل ده تعمل اكتر من ده

- بس انا عندي كم نقطة مش فاهمها

ليلى : ايه هي ؟؟

- 1- ازاي شهاب اثبت انه ليه نص المستشفى والقصر

2- عمي مات بعد ما قال السر لعمتو .. وازاي عرفوا انه مدي سرك ليه

- قتلوه

بصينا كلنا باستغراب لثُريا الي قالت الجواب ده

- مستحيل .. انا امي مش كدا

- طب بالعقل يا فندم .. وحدة ضحت بشابها وعمرها واتجوزت ابوك .. عادي تقتله ؟

- طيب .. فرضا قتلوه .. ازاي خلوه يوقع ؟

سكتنا كلنا بس قلت انا

- هو مفيش توقيع .. فيه بصمة

- مبصمينه !!!

ثُريا : غالبا اه

- طب ازاي .. الدكتور قال انه علي عليه الضغط ومات .. اكيد يعني ما زودوش ملح بالاكل

- وايه الي خلاك متاكد انه مش كداب

بصيت لنبيل

- عارف الدكتور

- اه

- حنروح الصبح ليه

- تمام .. قومي جهزي الاغراض

- ما قعدتوش عندي .. ده انا ما شفتكمش

- بس نخلص من الموضوع ده .. اوعدك حنروح كلنا للبلد

- ياريت يا حبيبتي

فعلا قمت جهزت الشنط وسفرنا الصبح

- طب حنروح نقوله ايه : بليز يا دكتور قول الحقيقة .. ده طبعا لو كان صحيح الي قلته بنت عمتك

- حنروح ونهدده

فعلا وصلنا على مستشفى نديم

دخلنا وكان الكل مصدوم من الدكتورة الحرامية الي داخلة ولا كانها عملت حاجة

دخلنا غرفة الدكتور اسامة

- الدكتور موجود ؟

- اه .. بس حضرتك تدخل .. دكتورة الين ممنوعة من الدخول

- دكتورة الين صاحبة المستشفى .. ولا انتي ولا عشرة زيك يقدروا ما يدخلناش

دخلنا وفعلا كان قاعد الدكتور واتصدم لما شافنا .. ولما شاف نبيل بيقوله

- شوف يا دكتور .. بالهدواة كدا تقول كل حاجة

- كل حاجة ايه ؟

- ابويا مات ازاي

- ابوك مات بسبب ارتفاع الضغط

شفته بيمسح على انفه اكتر من مرة .. وده يدل انه كداب

- كداب

اول ما سمع نبيل مني الكلمة دي كانه اتجنن .. مسك الدكتور ولزقه بالحيطة وطلع الموس

- بص بقا .. بما ان الادب مش جايب سكة .. فندخل بقلة الادب ..حتعترف ولا اتسبب فيك بجريمة

الدكتور شاف ان نبيل مجنون ويعملها فقال بخوف

- لا حقولك

- قول يا باشا

- ابوك مات .. بسبب سم

اتصدمنا

- طب ليه ما كتبتش بتقرير كدا

-شهاب ...شهاب اقنعني فلوس وانا وافقت

- اه يا ولاد الكلب

نبيل مسك الدكتورمن قفاه وطلع ورقةوقلم

- اكتب

- اكتب ايه ؟؟

- اكتب الي قولته

فعلا كتب بسرعةواعطاني الورقة

سبناه ومشينا على البيت .. لازم نديم يعرف

نبيل : امك فين

- فوق

قعدنا وقلنا كل حاجة وهومصدوم

- انا بس عاوزة طلب

- ايه ؟

- في دفتر بخزنة شهاب ..عاوزة اشوفه ضروري

- طب يلا

- يلا ايه ..مفيش تخطيط وتنفيذ والكلام ده ؟

- لا .. حروح اعمل معاه زي دكتور اسامة

فعلا ركبنا وانا مش عارفة اضحك ولا اعيط

وصلنا وكانت غادة

- ممنوع تدخلوا .. دكتور شهاب مش موجود ..بعدين مش كفاية الي حصل المرة الي فاتت

-غادة حبيبتي .. الموضوع حياة اوموت .. ادخلي معنا لو عايزة

- حترفد يا الين

- لا اوعدك لا

- انتي قاعدة بتعملي ايه !!.. حندخل غصب عنها وعن شهاب

وفعلا دخل ومستننش

- حطلب الامن يا الين

ما اهتمتش ودخلت وراه

كان فاتح الخزنة ومطلع الدفتر .. اخدته منه ورحت اجري على مكتب نديم

دخلت المكتب وقفلته كويس .. وسبت نبيل يتصرف برا

( عارفة اني نذالة بس ما كانش فيه خيار )

فتحت وقعدت اقراء رغم دق الباب القوي وتهديدهم بكسره

بس ما يقدروش

كنت بقرأ وانا مصدومة .. كل شيء صحيح

كاتب من اول يوم

من اتفاقه مع هنا على النصبة .. وحبه ليها .. وجوازها .. والفلوس الي كان بياخدها من وراه .. لحد ما كاشفهم .. فقرروا قتله .. و تبصيمه على القصر ونص المستشفى لشهاب علشان نديم ما يشككش لانه ما كانش يعرف بالتفاصيل دي .. وهنا الي ماخدة فليتين وارض .. وبعد اولادها عن ليلى والعيلة علشان ما يعرفوش حاجة

كنت بقراء بسرعة وانا مصدومة

قررت اني اطلب البوليس .. دلوقتي

ورنيت على محامي

- جهز ورق بيع وشراء بفلتين واحد بالمعادي .. والتانية بجاردن سيتي .. وارض في المنصورة .. اكيد عارفهم ؟

- ايوه ..دول بتوع مدام هنا .. حتبيعهم لمين

- ل ألين الهمام .. الورق يصل للفيلا ..وجهز تنازل عن حق شهاب احمد بالمستشفى لنديم الهمام

- ازاي

-من غير ازاي.. قول حاضر وخلاص .. يصل المستشفى

قفلت الخط وخرجت برا ولقيت نبيل والسكيروتي

- ابعدوا عني.. اعتقد انكم عارفين كويس اني صاحبة المستشفى

- ايوه يا هانم ..بس انتي اخدتي الدفتر ده من خزنة دكتور شهاب

- شهاب اشتكالك .. بعدين ده مالكوش دعوة بيه

- يلا كل واحد على شغله والا حيتطرد.. وانتو عارفين ان كلامي حيحصل

فعلا مشوا وكل واحد خايف على وظيفته

- الدفتر ده في كل الي قلناه .. بخط شهاب .. تسلمه للبوليس الي جاي كمان شوية .. وفي ورقة تنازل حتصل .. تمضي شهاب يا نبيل بالعافية .. ان شاء الله لو تقطعه ..وتسلم الشرطة الدفتر ده وورقة دكتور اسامة وفهمهم الموضوع .. انا رايحة على البيت .. لما تخلص كلمني

ركبت عربية نبيل و مشيت

انا شايفة انه حقي ..بعد تعب عشر سنين ده اقل هدية يقدموها ليا .. مش كفاية كشفت حجات عمرهم ما كانوا تخيلوها

وصلت البيت على جيه مساعد المحامي

اخدت الورق ودخلت جوا

شفت نديم .. مشيت ولا كاني شايفاه

مش فاضية ابرر له

طلعت اوضة هنا

فتحت الباب بقوة وهياتفزعت

قربت منها والشرار طالع منعيوني

حطيت الورق بقوة على المكتب

-وقعي يا حلوة

قرات ورفعت راسها بغضب

- انتي مجنونة !!.. عاوزاني ابيع ممتلكاتي ليكي !

- لا ..عاوزاكي ترجعي الي اخدته يا حرامية

اتعصبت وجت تضربني .. مسكت ايدها ولوتها لدرجة قعدت تصرخ

جه نديم ورحمة

-انتي تعملي ايه ؟

- ابعدي علشان مش فاهمة حاجة

فعلا نديم مسكها علشان ما تقربش

- حتمضي ولا ابصمك زي ما بصمتي عمي بعد ما قتلتيه !

- ايهههه

بصيت لنديم وهو فهم وطلعها برا لرحمة وهي بتصرخ

- انتي عرفتي ازاي

- مش بس انا عرفت ..ونبيل ونديم والكل عرف .. تخيلي ان شهاب محبوس .. وانتي حتنسجني زيه لو ما وقعتيش

- يعني .. يعني انا لو وقعت مش حتسجن

- لا ..شفتي بسيطة ازاي

- ماشي .. حوقع

فعلا وقعت وانا علامات الشر باينة على وشي

طبعا كدبت .. ومش ندمانة

وقعت واخدت الورق و انا بكلم نبيل و وبص ليها .. خايفة من أي حركة غدر

- ايوه ..وصلتوا ..طب تمام

- هما مين ؟

بصيت ليها وانا ماسكة ضحكتي

- خليها مفاجاء .. تعالي ننزل

- لا

مسكتها من ايدها وجريتها بقوة على صوت الشرطة

هي بدات تصرخ

دخل نبيل واخدها ولا كانه ابنها

طلعت وبصيت لرحمة ونديم

رحمة كانت حرفيا منهارة بايد نديم مش قادرة تقف .. ونديم بيدمع

اما نبيل فعنده لا مبالاه

- انتي كدابة يا ألين .. حقتلك زي ما قتلته .. حقتلك

بدات تقول كلام مش واعي ... كانها بتهلوس

كان نبيل ساكت .. هو متاثر بس مش زي نديم ورحمة

بصيت لهنا وواضح انها اتجننت

تم القبض على شهاب وهنا

وتم اصابة هنا بالجنون

علشان كدا تم وضعها بمستشفى المجانين لحد ما تعقل ( لو رجع عقلها )

وتم شنق شهاب

لو تشوفوا ابتسامتي وقت شنق شهاب كنت طايرة من الفرح .. وجمبي ميادة بتعيط

قررت بعدها اننا لازم كلنا نرجع للبلد

وفعلا رحنا كلنا نديم ونبيل ورحمة .. وبيت عمتو ليلى

كان استقبال جدو لعمتو يجنن .. مليان حنية وحب .. ودموع

ورحمة الي بدات تروح لدكتور نفسي

ونديم عمل فرح كبير ليا بالبلد

كنا كلنا متجمعين ونضحك

ليلى :لا بجد عملتوا كدا ..هو انتو عيال صغيرة ؟!

نبيل : لاوالله يا عمتو .. بس بنت اخوكي اقنعتني

ثُريا :هو انت عيل صغير تقتنع انك ترمي على الناس اكياس ميه بالشارع !!

ثُريا الجدة : انا قلت حتتجوز حتعقل .. اتجننت اكتر

عزام :وحصل ايه يا جدو

عبد الهادي : جوه الناس يشتكوا من جوز العيال دول .. قالوا بالحرف الدكتورة الين ومهندس نبيل بيرموا ميه علينا بالشارع

ضحكنا كلنا

نديم بعصبية : بتضحك على ايه انت وهي !!.. على خبيتكم

نبيل : لا على هبلنا

نديم : انا بشوف يا جدي انهم يتعاقبوا

نبيل : ايه يتعاقبوا دي .. ده حتى انا اخوك وهي مراتك

ليلى : معلش تستاهلوا .. قول العقاب يا بابا

عبد الهادي : التلفون بتاعكم يتجاب دلوقت .. ومش حتستلموا غير اخر الاسبوع

نبيل والين : ايه!!

الين : ما تشوفي يا تيتا

ثُريا : خلاص يا حج .. بعدين الدنيا حر وهما عملوا خير

عبد الهادي : خلاص سمحتكم

عزام : بالسهولة دي ! .. لا انت مستحيل تكون جدي

عبد الهادي : لا انا ستك !!

ضحكنا كلنا وكملنا مزح وتغليس

بعد 5 سنين

قاعدة في البيت الي اتاجرتوا جمب نبيل من 6 سنين ( افتكرتوه؟) و حواليا عيالي راشد و رشيد ( توام ) وبنتي ياسمين ( على اسم ماما ) وجمبي بيت عزام الي اتجوز رحمة وعاش بالبيت الي كان فيه نبيل .. رحمة تقبلت الوضع بس ما بقتش رحمة بتاعت زمان .. بقت احلى مهندسة .. نفسي ترجع زي زمان .. بحماس زمان .. وجنان زمان

ونبيل اتجوز ثُريا بنت عمتو ليلى وعاش بالبلد ببيت جدي

القصر بقا فاضي لان كل واحد فينا مش قادر يعيش فيه .. بس بنبات فيه كل ويكند لما نبيل بيجي هو وعياله

انا رفضت اقعد بالبلد.. بكراها لا ارادي

وعزام رفض برضو

نديم وثُريا كانوا عاوزين يفضلوا واحترموا راينا

بنروح كل سنة نقعد 2 شهرين كاملين .. ده غير الزيارات

هنا لسا مجنونة

انا شايفة ان دي افضل نهاية للي عملوه

حبيت نديم حب مش طبيعي .. تخطيت العشق بمراحل .. وصلت للهُيام .. وهو كمان

انا الين .. البنت الي مات ابوها على 5 سنين

وامها على 7

واتجوزت على 16 سنة

وسمعت كلام جارح وموجع وصبرت ودرست واجتهدت وبقيت دكتورة

صبرت 10 سنين بعدين دخلت بداومة صعبة جدا .. بس طلعت منتصرة

لذلك عزيزتي

" اصبري .. ان عوض الله جميل 💗"

تمت