تحميل رواية احببت طالبتي المجنونة بقلم شهد احمد pdf

داخله الكليه متعصبه ومش طايقه نفسي وفجاه يجي بني ادم غبي يخبطني :

انا : اي مش تفتح ي اعمي .

هو : انا اللي اعمي بردو ولا انتي !

انا : اللهم اني صايمه ومش هينفع ارد عشان الصيام ميروحش عليا .

هو : لا محسساني ان اليوم هيتقبل روحي ي شيخه ربنا يهديكي .

انا : مش هرد عليك وامشي من هنا يلا .

هو : اي امشي دي اقسم بالله لو عرفتي انا مين هتزعلي .

انا : اي اي هتكون مين يعني .

هو : انا ابقي .

ملك : باااس ي جماعه حصل خير وانا اسفه جدا لحضرتك ومعلش هي مدايقه .

انا : بتعتذري لي هو اللي غلطان مش انا خليه يعتذر .

هو : بت بقولك اي انا ساكتلك من الصبح اقسم بالله كلمه كمان وهزعلك .

ملك : معلش انا اسفة والله خلاص بقا رمضان كريم معلش هي اكيد مدايقه من الصيام .

انا : يلا يستي انتي هتحكيله قصه حياتنا يلا عشان نلحق المحاضره ونشوف الدكتور الزفت الجديد ده .

هو : يلا ف داهيه .

انا : داهيه تاخدك .

يلا ي ملك عشان مش ناقصه قرف ع الصبح وخدت ملك ومشينا ودخلنا المحاضره وانا مش طايقه نفسي بسبب الزفت اللي اتخانقت معاه ده وفجاه دخل الدكتور لقيته هو نفسه اللي اتخانقت معاه .

انا : يلهوي ي ملك ده هو الدكتور يلهوي كده هنسقط .

ملك : وانا مالي انتي اللي هتسقطي مش انا نيهاهاهاها .

انا : ده وقت ضحك ي ملك .

الدكتور : انتي اطلعي براا .

انا : نعم ده لي .

الدكتور : بعد المحاضره هتعرفي .

انا : روحت خدت حاجتي وطلعت بهدوء عشان عارفه اني غلطانه اصلا .

( اه صح نسيت اقولكم انا مين

انا رهف تالته كليه هندسه محجبه بيضه عنيا عسلي وقصيره واحلي حاجه اني فرفوشه

بحب دراستي جدا وبحب ملك بيستي اووي ، ملك محجبه بردو وبيضه وعنيها بني واطول مني سيكا بس هي قمر وبحبها جداا

، و ده زين الدكتور بتاعي وهنتجوز بعدين هتعرفوا قريب المهم هو جسمه رياضي وقمر وابيض وعنيه زرقه وطويل وشعرت بني وتحفه حاجه كده اموااه سكره

)

انا : روحت خدت حاجتي وطلعت بهدوء عشان عارفه اني غلطانه اصلا.

الدكتور : بعد م خلص المحاضر لقيته طلع تعالي ورايا.

انا : ي دكتور بعد اذنك ممكن اتكلم معاك وافهمك سوء التفاهم اللي حصل واعتذرلك .

الدكتور او نقول زين بقا .

زين : اتفضلي ادخلي المكتب عشان اعرف ف اي .

انا : والله ي دكتور انا اسفه بس والله كنت متخانقه مع ماما واخواتي قبل م اجي والدنيا صيام بقاا وكنت تعبانه ومدايقه والله وانت اللي خبط فيا كنت فكره انك بتتلزق بس والله انا اسفه والله ده انا غلبانه ومش عايزه اسقط السنادي والنبي والنبي .

زين : اي اي اي انتي هتحكيلي قصه حياتي اي ي شيخه اللهم اني صايم اي كل ده انتي م صدقتي .

انا : عشان خاطري ي دكتور طب ف دكتور قمر وعسل كده زيك يسقط وحده نسوان زيي يرضيك .

زين :

اه يرضيني .

انا : يعم بقا انا صايمه انجز بقا انا قولت اسفه مش اكتر .

زين : والله طب اتفضلي ي انسه فصل اسبوع .

انا : اسبوع اسبوع ع الاقل الواحد يريح ف بيته وميجيش ف الجو ده ولا يتعب عادشي .

زين : ماشي يا انتي اسمك اي .

انا : لي هتخطبني .

زين : نعم يعني افضل سنجل كل ده وف الاخر البس ف وحده مجنونه زيك .

انا : يعم هو انت تطول .

زين : نعم قولي اسمك اي واخلصي واسمك ثلاثي ياريت .

انا : اسمي رهف احمد محمد علي .

زين : يلا اتفضلي منغير مطرود .

انا : يعم انت بتطردني من الجنه .

زين : كلمه كمان واقسم بالله هخليكي تشيلي السنه ي قطه .

انا : بجد طب انا اسفه مره كمان سامحني ي دكتور والنبي انا طيبه والله بس انتو اللي بتعصبوني .

زين : تصدقي بالله صعبتي عليا .

انا : يعني خلاص مش هترفدني اسبوع .

زين : لا طبعا هتترفدي اسبوع بس .

انا : ماشي تمم واسفه مره كمان ع اللي عملته وسبته ومشيت .

زين : مجنونه بس قمر .

في البيت :

ماما : اي رجعتي بدري لي .

انا : عادي ي ماما تعبت شويه .

ماما : ماشي ادخلي ريحي وهصحيكي قبل المغرب عشان تعملي السلطه والعصير .

انا : حااضر ي ماما .

ماما : يلا روحي نامي عشان تلحقي تصحي .

انا : اه صح ي مانا انتي عامله فطار اي انهارده ؟

ماما : عامله محشي وملوخيه ولحمه وسلطه .

انا : الله ي احلي ام ف الدنيا بعشقك وبي .

ماما : طيب كفايه رغي بقا وروحي نامي .

انا : حاضر ي حب .

دخلت اوضتي صليت الضهر ومسكت الفون شويه لقيت ملك بترن عليا

انا : عايزه اي ي اخره صبري .

ملك : مش تشكريني احسن .

انا : ع اي ي موكوسه .

ملك : عشان بتطمن عليكي وبشوف عملتي اي مع دكتور زين .

انا : ايتا ايتا هو القمر اسمه زين .

ملك : بتقولي اي .

انا : لا ولا حاجه المهم اترفدت اسبوع .

ملك : لي كده .

انا : عشات لساني الطويل اللي عاوز قطعه ده .

ملك : تستاهلي هو الراجل عرف انه غلط انتي اللي كبرتي الموضوع .

انا : ي شيخه تبا لكي .

ملك : تصدقي بالله ان انا غلطانه اني كلمتك غوري ابت من هنا .

انا : يلا ف داهيه هروح انام انا بقي سلام يقطه

ملك : انتي بتغيظيني ماشي ي رهف سلام .

انا : سلام ي قطه .

قفلت مع ملك وفضلت افكر ف زين وانه ازاي قمر كده وازاي حسه اني اعرفه من زمان بس مش مهم المهم اني هرتاح اسبوع وانام براحتي الاسبوع عدا بسرعه اووي وروحت الجامعه ودخلت المحاضره لقيته داخل ورايا :

زين : انسه رهف ممكن بعد المحاضر تجيلي ع مكتبي .

انا : لي عملت اي تاني .

زين : هتعرفي لما تيجي .

انا : حاضر ي دكتور .

زين : اتفضلي اقعدي .

انا قعدت وفضلت افكر فيه وافكر انه عايزينه ف اي وافكر ان اتبسطت اول ما نده ع اسمي وقلبي كان هيطلع من مكانه لما شوفته مش معقول اكون حبيته لا عقلي انتي بتقولي اي ده اكيد عايزك عشان يقولك انتي خلاص سقطي السنادي ، قلبي لا ده اكيد عايزها عشان يقولها انه بيحبها ، انا اي اسكته انتو الاتنين بقا تعبت منكم هنشوف لما المحاضره تخلص عايز اي وهترتاحوا ، المحاضره خلصت وطلعت روحت ع مكتبه .

انا : حضرتك كنت عايزني في اي .

زين : انا اسف .

انا : ع اي !!

زين : عشان خليتك اترفدتي اسبوع انا بجد اسف .

انا : انا اللي اسفه والله حقك عليا .

زين : لا ي رهف متتاسفيش .

انا : خلاص ي دكتور حصل خير .

زين : طب انا عايز اقولك حاجه .

انا : اي .

زين : رهف انا .

انا : اي ي دكتور انت اي .

زين : م بلاش دكتور دي وقوليلي زين بس .

انا : لا مينفعش ي دكتور .

زين : بت انتي اسمعي الكلام .

انا : طب م انت حلو اهو وبتبقي ققمر وانت متعصب .

زين : ايتا ايتا انتي بتعاكسيني .

انا : لاااااء طبعا .

زين : خلينا ف المهم طيب .

انا : هاا .

زين : انا .

زين : انا .

انا : هاا يعم م تقول وتخلص انت اي .

زين : اي عم دي يبت ده انا الدكتور بتاعك .

انا : اقولك ي دكتور مش نافع اقولك يعم مش نافع اقولك اي طيب .

زين : قوليلي زين .

انا : امممم ماشي .

زين : عايز اقولك حاجه بقا .

انا : اي !

زين : انا ب .

مالك دخل ي زين دكتور محمد عايزك تعالي بسرعه ، زين ف نفسه منك لله ي مالك بوظت كل حاجه منك لله .

زين : ماشي روح انت ي مالك وانا جاي وراك .

مالك : طيب بس متاخرش ي دوك .

زين : خلاص يعم غور بقا .

مالك : ماشي يعم انجز بس .

زين : حاااااضر جااي اهوو غور وانا جاي .

مالك : بقا انا تقولي غور انا همشي بمزاجي عشان اتهنت كتير قدام القمر اللي قاعده معاك

دي

زين اتعصب جامد والغيره بدات تبان ع وشه مالك لو سمحت اطلع بره وثانيا دي رهف طالبه عندي تمام ومينفعش تتكلم معاها كده .

مالك : خلاص يعم انا اسف انا همشي وهستناك عند دكتور محمد.

زين : ماشي وانا جاي

مالك خرج وهو مدايق ان زين اتعصب عليه عشان زين ده صاحبه من زمان وعمره م اتعصب عليه كده ، مالك لنفسه انا لازم اعرف هو مالك .

اكيد انتو عايزين تعرفه مين مالك هعرفكم عليه هالحين

( مالك ده يبقي صاحب زين الانتيم ومتربين مع بعض وكانوا مع بعض ف نف المدرسه ف ابتدائي واعدادي وثانوي ودخلوا نفس الكليه كليه هندسه واجتهدو لحد م بقوا معيدين ف الكليه ، مالك بقا عنيه خضرا وابيض وشعره اسود وجسمه رياضي وقمر كده وعنده 25 سنه نفس عمر زين ، وكمان هو بيحب زين جدا وعمره م فكر يزعله ابدا عشان علاقتهم ببعض مبقتش علاقه اتنين صحاب دي بقت علاقه اتنين اخوات وعشره عمر )

رهف : في اي ي زين مالك ادايقت لي ع دكتور مالك .

زين : ملكيش دعوه انتي .

رهف : ماشي تمام المهم كنت عايز تقولي اي .

زين : مش عايزك اقولك حاجه واتفضلي امشي ونبقي نتكلم وقت تاني .

انا : ماشي take care ي بيبي .

زين : خدي هنا انتي قولتي اي .

انا : وحيات ربنا كنت بهزر وضحكت .

زين : ضحكت يبقي قلبها مال .

انا : بتقول حاجه ي زين .

زين : لا لا ولا حاجه .

انا : ماشي انا هروح اخلص محضراتي واروح سلام .

زين : خلي بالك من نفسك سلام.

انا : ماشي يسطا سلام .

زين : غوري ابت من هنا كتك نيله ف حلاوتك .

انا : برفعه حاجه كده ايتا انت بتعاكسني ولا اي .

زين : هو انا اقدر اعاكس القمر بردو .

انا : ضحكت وروحت مشيت .

زين راح لدكتور محمد :

زين : في اي ي دكتور حضرتك كنت عاوزني .

دكتور محمد : كنت عايز اعرف لي رهف اترفدت اسبوع .

زين : معلش ي دكتور ده كان سوء تفاهم والموضوع رجع طبيعي تاني انا اسف ي دكتور .

دكتور محمد : ماشي تمام بس بعد كده ترجعلي ف اي قرار تاخده.

زين : حاضر ي دكتور بعد اذنك .

دكتور محمد : اتفضل ي زين .

رهف ف البيت :

انا : ماما مااااامااااا جعاااااااانه .

انا : عااااايزه اكل فيييييين الاكل انتو فيييييين ي اهل البيييييت .

ماما : اي اي ف اي بتزعقي كده لي عندنا ضيوف منك لله ..

انا : ضيوف يكسوفك ي رهف .

ماما : ادخلي جوه بقا

انا : حاضر بس مقولتيش مين الضيوف اللي جوه .

ماما : جايلك عريس يمكن توافقي وتخلصينا منك بقا .

انا : مش موافقه اادخلي قولي ل عريس الغفله اني مش موافقه .

ماما : باااس وطي صوتك ادخلي ولما اناديلك تيجي فاهمه .

انا : حااضر بس هطفشه بردو .

ماما : متقدريش ده واد قمر والله .

انا : والله لو القمر نفسه مش هحب غيره .

ماما : هو مين ده بقا .

انا : هااا لا ولا حاجه انا هروح ادخل اوضتي .

ماما : ماشي ياختي غوري بقا .

انا : هو اي حكايه غوري دي انهارده .

ماما سابتني ودخلت عند بابا لعريس الغفله وانا دخلت اوضتي ولسه هعيط لقيت ماما بتنادي عليا عشان ادخل دخلت وانا باصه ف الارض ومش طايقه الزفت اللي اسمه العريس ده قعدت ووشي ف الارض وفجاه سمعت صوت بيقول مش كنتي عايزه تعرفي انا عايزه اقولك اي :

انا : بصيت واتفاجئت وقولت انت .

؟؟ : اه اناا مبسوطه .

تتخيلوا مين هو العريس !!

انا : انت بتهزر صح قولي ان انت بتهزر .

؟؟ : لا والله مش بهزر انا كنت عايز اقولك اني حبيتك امتي وفين وازاي مش عارف ممكن اكون حبيتك عشان لسانك الطويل ده .

انا : زين متهزرش حبتني ازاي ده انا اول مره شوفتك فيها هزقتك وبعدها طردتني .

زين : اني اسف بس انا بجد بحبك ومش هخليكي تضيعي من ايدي وعشان كده جيت اتقدمتلك .

انا : بجد اقسم بالله جمر يسطا معرفش حبتني ع اي بس كل الدعم عشان هتستحمل تعيش مع مجنونه زيي .

زين : والله لو هتجوزك يعني هتجوز وع فكره كتب الكتاب كمان اسبوع .

انا : متهزرش ي زين خليها خطوبه وبعدها ب اسبوع او اتنين كتب الكتاب .

زين : لي يعني .

انا : عشان اكون جهزت نفسي وعزمت اصحابي كلهم واكون جهزت حاجات كتير والكوافير وكده .

زين : يعني موافقه .

انا : اووووماااال نادي بابا وقولوا ان رهف بنتك موافقه .

زين : حمايا بنتك وافقت خلي حماتشي تزغرط بقا .

انا : يلا ي ماما زغرطي وفرحينا .

ماما : مش كنتي هتطفشيه .

انا : خلاص بقا يسمع .

زين : سمعت ي رهف كلها كام اسبوع وتبقي ف بيتي واعلمك الادب �

انا : والله متقدرتعملي حاجه .

زين : بس ابت .

انا : اي بت دي �

زين : انتي مش بت انتي ست البنات وست قلباااي �

انا : بس بقا قلبي الصغير لا يحتمل ��

زين : ماشي يختي المهم ي عمي هننزل نجيب الشبكه انهارده والخطوبه كمان يومين .

بابا : موافق يبنيربنا يتمملكم ع خير يارب .

مانا : لولولولولولولولولولولولولي �

انا : قلبي كان بيزغرط من الفرحه .

زين سابنا ومشي وانا دخلت كلمت ملك وقولتلها وكانت مبسوطه زيي واتفقنا انا وهي اننا ننزل نشتري فساتين للخطوبه بكره واليوم عدي ونمت وصحيت كلمت زين وقولتله اني نازله انا وملك نشتري الفساتين قالي ماشي ولما تخلصي كلميني هاجي اخدكم انا ومالك عشان انا ومالك بردو نازلين نشتري لبس قولتله اشطا وقفلت معاه وكلمت ملك قالتلي انها تحت البيت خليتها تطلع وانا لبست ونزلنا ودخلنا مول ونقينا الفساتين كانت قمر بجد وكنا مبسوطين جدا جدا انا فستاني كان لونه سيلفر وملك فستانها كان اوف وايت وكنا قمرااات فعلا جبنا الفستانين وشوز لكل فستان وتحسوا ان ملك هي اللي كانت عروسه مش انا خالص كانت قمر بجد المهم خلصنا وكلمت زين وففعلا متاخرش علينا وجه وكان مالك معاه مالك وزين نزلوا سلموا علينا :

مالك : مبروك ي رهف بجد انتي تستاهلي كل خير وزين طيب جدا وهيحافظ عليكي ربنا يخليكم لبعض ويسعدكم يارب والف مبروك .

انا وزين : يارب والله + الله بارك فيك .

مالك : مش تعرفوني مين دي .

زين ضحك : دي ملك بيست رهف وهي اللي كانت بتهدينا يوم الخناقه .

رهف : اهدي ي شبح مش كده لي الفضايح طب .

زين : يلهوووي بحب سواق توكتوك يناس اي يبنتي ده المفروض تبقي رقيقه .

انا : حاضر ي قلبي .

مالك : خلاص اجدعان كفايه محن الله يخليكم احنا سناجل يعني �

مالك : مش سنجل بردو ي ملك �

ملك بكسوف : اه .

مالك : الله اكبر شكلك هحصلك ي زين .

زين : يلا ونخلي الخطوبه خطوبتين ونخلي الفرح فرحين .

رهف : هااا .

مالك و زين : بيضحكو ع رهف اي احنا بنهزر .

رهف : اممم ماشي يلا وصلونا بقا عشان نلحق نجهز ولسه هنروح للكوافير .

ملك : اه صح احنا نسينا يلا بسرعه عشان منتاخرش .

زين : يلا طيب هنوصلكم ونرجع ناخدكم لما تخلصوا ماشي .

رهف وملك : ماشي .

رهف ركبت جمب زين عشان تخلي مالك يركب جمب ملك � عارفين انتو شغل المحن ده �

المهم وصلوا الكوافير ونزلوا رهف وملك ومالك قال ل زين انه عايز يخطب ملك ويعملو الخطوبه ف نفس اليوم ويفاجئوا ملك ورهف يعني وزين وافق جدا ومالك راح كلم بابا ملك ووافق وقالوا كل حاجه هتبقي من غير متعرف عشان نفاجئها يوم الخطوبه وبالفعل اتفقوا وبابا ملك رحب جدا بالفكره وكان مبسوط اووي عشان مالك طيب جدا ومحترم وفعلا كل حاجه بقت ف هدوء واتقاجئوا يوم الخطوبه .

ملك وهف كانوا قمرات جدا جدا ومالك وزين كانو قمرات قمرات يعني اللهم اني صايمه � ، ودخل زين ورهف القاعه وكل الناس كانو بيبصولهم عشان كانوا زي الاميرات بجد كنوا كابلز بمر وفجاه النور قطع وشافوا نور من بعيد ولقوا مالك هو اللي موجود واتكلم وقال قدام الناس كلها اهو بقول تقبلي تتجوزيني ي ملك ، الكل تنح وانا وملك فتحنا بوقنا وقولتلها وافقي وافقت ولقت مامتها وباباها موجودين وكان يوم حلو جدا واتفاجئنا مفاجاه قمر تاني ، بعد ما دخلنا عند الكوشه كده لقينا الماذون ولقيت بابا قاعد مع بابا زين وزين معاهم والماذون بيقولي توافقي تبقي مرات زين قولتله اه وكتبوا كتابنا وكنت مبسوطه جدا ، وبعدها لقينا بابا مالك وبابا ملك ومالك قاعدين وكتبوا كتاب ملك ومالك بردو واتبسطنا جدا وزين فضل حاضني ومكنش عايز يطلعني من حضنه ولقيته بيعيط بقوله بتعيط لي منا خلاص بقيت مراتك اتو قالي مش مصدق ان حبيبتي خلاص بقت مراتي اتبسطت جدا من كلاموا وعيطت ، عند مالك وملك فضل حاضنها السافل اللي اسمو مالك ده ويقولها انا ملحقتشاعرفك بس حقيقي مبسوط اننا هنكمل حياتنا سوا .

والخطوبه خلصت وحددنا معاد الفرح وكنا اميرات فعلا روحنا عملنا السيشن وكنا احلي كابلز ف الدنيا واحلي حاجه ان بيستي بقت مرات صاحب جوزي حبيبي .

انا : زين عايزه اقولك حاجه .

زين : قولي ي قلب زين من جوا .

انا : انا بحبك اووووي ي زين بعشقك وكنت بتمني تكون معايا لاخر يوم ف حياتي وربنا حققلي اللي كنت بتمناه بجد انا بحبك .

زين : وانا بعشقك ي بنت قلبي وعمري مهزعلك ابدا وهتبقي بالنسبالي بنتي قبل متكوني حبيبتي يروح قلبي .

انا : ربنا يخليك ليا وميحرمنيش منك ابدا يقلب قلبي من جوا .

زين : ويخليكي ليا ينن عيني من جوا .

عند مالك وملك :

ملك : مالك انا بحبك معرفش ازاي بس بقيت بعشقك بجد .

مالك : وانا يقلب مالك بعشقك وبعشق اليوم اللي عرفتك فيه بجد انتي هديه من ربنا ليا .

ملك : ربنا يخليك ليا يقلبي .

مالك : ويخليكي ليا يارب .

الفرح خلص وكل واحد روح بيته وبجد كان يوم قمر ، بعد 6 سنين انا وزين خلفنا مالك ،ومالك وملك خلفوا رهف ع اسمي طبعا ده انا كنت خنقت امها �،

وكنا قاعدين مع زين زعق ل رهف اي اللي انتي لبساه ده .

رهف : والله ي زين ماما اللي لبستني كده .

زين : ماشي ي رهف .

زين الكبير : بيقوله متزعقش ل رهف واحنا قاعدين كده عيب ي حبيبي .

زين النونو : لا ي بابي انا بحبها وازعقلها براحتي عشان هتجوزها ف الاخر .

مالك : لا ي حبيبي مش هتتجوز رهف دي بنتي حبيبتي .

زين : هتجوزها بردو .

ملك : لا مش هتتجوزها ي زين �

رهف مامت زين : هجوزهالك ي حبيبي بس انت متزعلش .

زين : مامي حبيبتي والله بعشقك .

كلهم ضحكوا وقعدوا يهزروا مع بعض وبجد كانو عيله قمر جدا وانا حبيتهم جدا .

حبوا بعض ، حبوا الخير لبعض ، خليكم سند لبعض ، اللهم سند كسند الرسول لعائشه�