رواية احببته وكرهني💔 الفصل التاسع والعشرون 29 - بقلم عہٰ۪۫ہٰ۪۫صہٰ۪۫فہٰ۪۫ہٰ۪۫ورة

بارت 29

يـ آول شيبه من عندچ
ويـ آول ضحكه من عندچ 😻
يـ مستحيه ..
شحلآت آلمغرب بـ خدچ !♥️
____________

رؤيا. رحت غيرت ملابسي بسرعه لان مضل وكت خففت حمرتي واندك الباب عدلت شالي ونزلت بسرعه
سلمت عليهم جانو حبابين صح اول مره اشوفهم بس ينحبون وعدهم طفل صغير كعد يلعب ويه البزونه واني اضحك ع تصرفاته فدوة يجنن كعدنه شويه حجينه شفت حمزة خزرني واشر ع المطبخ
اني رحت بسرعه وهوه اجه وراي عصبي كلش
حمزة. مو كتلج مسحي حمرتج

رؤيا. بس خففتهه

حمزة. اني مو كلت مسحيهه مو تخففيهه

رؤيا. بس والله ممبين حيل وشوف مرته خاله كومه مكياج

حمزة. اني شعليه بيهه تحركي مسحي لا والله اموتج هسه خليني هادي لنص ساعه لو مترتاحين من تشوفيني ساكت

رؤيا. خلص اسفه راح امسحهه 😔

حمزة. يله كدامي

رؤيا. حاضر

رؤيا. مسحتهه للحمرة ورجعنه كعدنه يمهم وره شويه كمت صبيت الاكل
وخليته ع الميز ورتبته وصحتهم
رؤيا. يله الاكل جاهز

الكل. جايين

رؤيا. اجوي كعدو وبدو ياكلون اباوع ع حمزة و(رائد) صديقه شلون يشاقون ويضحكون ياريت ينطيني محبه ولو واحد بالميه
هاي اول مره نكعد سوه ناكل
مرت رائد. عاشت ايدج الاكل كلش طيب

رؤيا. الف عافيه

رائد. اي والله الاكل فدشي 😉

مرت رائد. ههههه

رؤيا. ههههه شكرا

رؤيا. حسيت حمزة ضاج وكلب وجهه اني نزلت راسي وكملت اكل😶

حمزة. شفت حمرتهه مبينه وفوكاها حمرة وعاندتني وممسحتهه
من دا ناكل و رائد يمدح اكلهه وغمزلهه وفوكاها مرته الفطيره تضحك ماعرف ليش ضجت حسيت ع شويه اكوم ارتكب جريمه
مرت رائد. صدوك رؤيا بيا شهر انتي

رؤيا. شهر الخامس

مرت رائد. ماشالله ... الي ببطنج ولد لو بنيه

رؤيا. والله ماعرف باجر اروح اشوف شنو

مرت رائد. حلووو الله يكومج بالسلامه حبيبتي

رؤيا. تسلمين كلبي 😶

رؤيا. خلصو اكل شلت المواعين وغسلتهم وكعدت وياهم ضحكنه وتشاقينه ورائد يشاقه هواي و ه اي ينكت ويصنف
تونست وياهم شويه غيرت جو طلعو من يمنه ساعه ب١١.٣٠ جنت هلكانه
نزعت الشال وشويه رتبت البيت وصعدت جان حمزة بالغرفه متمدد وجان مبين عصبي اوووف كلشي ميرضي شسويله بعد
خذت ملابسي ورحت للحمام سبجت بسرعه وطلعت وهوه جان ع وضعيته

رؤيا. بيك شي

حمزة. 😒😒☹

رؤيا. ليش هيج تباوع

حمزة. لج باعي تره منسيت البارحه الي صار
واليوم شكو داكه ميانه ويه رائد يعرفج تعرفي
رؤيا. حمزة لا داكه ميانه ولا شي الولد يحجي وينكت يعني حرام اضحك😢 وبعدين مو اني الي عزمتهم ومرته ويا مرته ليش مضاجت لان الوضع عادي وطبيعي بس انته تريد فرصه وتأذيني بحجيك 😭😭

حمزة. بكيفي هذا تفكيري وبعد كلمتي متصير ثنين

رؤيا. ليش يمته صايره كلمتك ثنين

حمزة. اي هيج يله ولي نامي ممتحملج

رؤيا. رحت ع الجهه الثانيه سحبت الغطه عليه وضليت ابجي ونمت وهوه بعده يكلب بالتلفون
كعدت الصبح لكيته ليهسه نايم شكد مااحاول اكرهه الكي نفسي احبه اكثر قبلت جبينه وكمت
سويت اكل واكلت شويه ونضفت البيت
هوه كعد تقرب عليه قبلني من شفتي وابتعد كعد ع الميز
اني ضليت صافنه والله اشك بي انفصام بالشخصيه
حطيت اكل ع الميز كدامه وبده ياكل ومحجه اي شي
رؤيا. حمزة شمس يمته ترجع

حمزة. مترجع

رؤيا. ليش غير بيت رجلهه بعتبار بيتهه

حمزة. هيه اخت صديقي وجان مسافر واهلهه ميتين وكرايبهه مو خوش فعافهه امانه عدي
وخفت ابقيهه وحدهه بالييت جبتهه لهنا وهسه رجع اخوهه وراحت يمه شعدهه باقيه
رؤيا. ي يعني ممتزوجهه

حمزة. لا اني اتزوج طفل لو متزوج اصغير من هيج عمر جان بنتي اكبر منهه

رؤيا. لعد ليش كتلي تزوجتهه وليش جانت تصيحلك حبيبي وشلون جنت تنام يمهه

حمزة. اولا كتلج تزوجتهه لان بكيفي وثانيا تصيحلي حبيبي لان هيج متفقين وثالثا شلون انام يمهه جنت اطلع من البيت وارجع الصبح
وياريت لا تضلين تسألين مالي خلك
رؤيا. ماشي😶

رؤيا. والله ع شويه اكوم احضنه رحت كملت تنضيف وهوه طلع واكيد مكلي وين طالع 😪

رحت شويت غده واجه ب١.٣٠ اكل وراح للغرفه
رجت اكلت بسرعه ولملمت المطبخ صارت ساعه ٢
صعدت تمددت شويه لان ضهري موتني
ونمت محسيت ع روحي كعدت ع صوته

حمزة. كومي سمر خابرتج بعد شويه تجي

رؤيا. امممم😴😴😴

حمزة. كومي عاد

رؤيا. حباب بس شويه ضهري موتني

حمزة. خابرت سمر كالت ع موعد الدكتوره وهيه جانت نايمه حاولت اكعدهه بس جانت تتوجع
سحبت ايدي وخلتهه ع بطني
وتحجي وهيه بنومهه
تستمر القصة أدناه

رؤيا. اي ابنك مدا يخليني انام😴😴😴

حمزة. ليش

رؤيا. مم صله ساعه يدفر

حمزة. ابتسمت لا اراديا ويدي ع بطنهه حسيت دفر بطنهه وهيه بين ع وجهه اتأذت ضغطت ع ايدي مكان الي دفر بي
جان شعور كلش حلو تمنيت هذي الحضه متخلص
بعدين ستوعبت اني شدا احجي سحبت ايدي
حمزة. كومي عاد ساعه اكعد بيج طبج نرض لا تكومين شعليه اني

رؤيا. خلص كمت 😪

رؤيا. جنت كلش تعبانع وضهري يوجعني كلش وهذا يدفر ببطني موتني فدوة حبيبي يدفر بماما ❤

جنت احس ايد ع بطني بس جنت حيل تعبانه ونايمه مدري بروحي اخر شي صاؤ عصبي وكام يحجي بعصبيه

كمت دخلت للحمام غسلت وبدلت وطلعت لفيت الشال وخليت مكياج خفيف ومخلين حمرة😢

وره ربع ساعه اجتي سمر هيه وفرات

سمر. هلوو

حمزة ، رؤيا. هلااا

سمر. ها خلصتي

رؤيا. اي بس اجيب الجنطه

سمر. يله تحرك

حمزة. واني شكو

سمر. هاي شبيك البنيه محتاجتك هسه فرحهه مره وروح وياها

حمزة. مالي علاقه

سمر. شنو مالك علاقه مو ابنك

حمزة. اي واني مرايده وممعترف بي

سمر. وين تريد توصل

حمزة. مدري

سمر. هسه امشي ويانه هسه فرات مو راح يجي وياي

حمزة. كتلج مااروح

سمر. ولك تدري من نوصل للعياده تضل تباوع ع كل وحده ويه رجلهه وتبتسم وتنزل راسهه
تتمناك وياها ولو مره وحده البنيه تعبانه
حمزة. اي طبهه مرض محد كلهه خلي

سمر. انته مو جنت تعشق الاطفال ليش ويه ابنك هيج ممعترف بي

حمزة. هذا الموجود

سمر. 😒😒😒

رؤيا. يله خلصت

سمر. سنه خما سنه

رؤيا. اي يله هسه مو اجيت

سمر. يله

رؤيا. مثل كل مره مكلف روحه يجي وياي مره وحده
وصلنه للعيادة وجام فرات لازم ايد سمر
اني جنت كلش خايفه مااعرف ليش اتمنه تجيني بنيه
اوووف ولد بنيه اهم شي مابي شي ضلينه ننتضر سرانه
جنت خاله ايدي ع بطني ورجلي ترجف خايفه كلش
وصل السره السمر واني وراها دخلت هيه وفرات
جنت متأمله يجي هاي احله لحضه بحياتي هذا اول طفل الي جنت خايفه وفرحانه ومتلبكه وارجف مااعرف شبيه
تمنيته يمي ويلزم ايدي ويهديني بس كل هذا مصار طلعت سمر وجانت كلش فرحانه
رؤيا. ها؟؟

سمر. ولد😍😍

رؤيا. اوووي فدوه حيااتي ربي يخلي الج والف مبروك

سمر. امين ويخليلج النونو البطنج هم لج يله دخلي

رؤيا. خايفه

سمر. ادخل وياج

رؤيا. اااوووو لا ماكو داعي راح ادخل

رؤيا. دخلت للدكتوره واني افرك بأيدي مز الارتباك كالتلي انام ع السرير
نمت وخلت سائل ع بطني وضلت تباوع ع التلفزيون مالتهه واني كلشي ممفتهمه بس الدموع واكفه بطاؤف عيني
رؤيا(بخوف). ه ها دكتورة

الدكتورة. هههه ليش خايفه

رؤيا. معرف دكتوره كولي شبي ابني😢

الدكتوره. مابيهم شي

رؤيا. شنو مابيهم شي

الدكتورة. صحتهم تمام التمام

رؤيا. توم 😭😭

الدكتورة. هههه اي ولد وبنيه واكيد حلوين مثل امهم الله يخليهم الج

رؤيا. شكرا😭

الدكتورة. تردين تسمعين نبضهم

رؤيا. يصير

الدكتورة. اي

رؤيا. كمت اسمع صوت نبضاتهم مكدرت اسيطر ع روحي وضلت دموعي تنزل فرحانه كلش تمنيته هوه يمي ويسمع مبضهم شكد حلوو

مسحت دموعي وكمت سلمت ع الدكتورة وطلعت
اول مشفت سمر حضنتهه وبدت دموعي تنزل من جديد
سمر. حبيبي شبيج ليش تبجين

رؤيا. سمر 😭😭😭😭

سمر. حبيبي احجي شكالتلج الدكتوره

رؤيا. توم

سمر. عااااا راح اصير عمه لثنين بنفس الوكت

رؤيا. ههههه اي 😢😢

سمر. بنات لو ولد

رؤيا. ولد وبنيه

سمر. فدوة حبيبي الله يحفضهم

فرات. الففف مبروك

رؤيا. ههه شكرا ومبروك الك هم

سمر ، فرات. ههههه شكرا

رؤيا. رجعنه للبيت واني طايره من الفرح سمر وفرات مطبو بس سلمو ع حمزة و

سمر. ديربالك ع جهالك

حمزة. شنو جهالي

سمر. ههههه رؤيا تكلك

رؤيا😶😶

حمزة. شنو جهاالي

رؤيا. اني حامل بتوم

حمزة. شنوووووووةةةة😳😳😳

_____________

يـ آول شيبه من عندچ
ويـ آول ضحكه من عندچ 😻
يـ مستحيه ..
شحلآت آلمغرب بـ خدچ !♥️
__________