تحميل رواية «أحببتك رغم اختلافك» PDF

مروان فاجاه اتنفض وبص باشمئزاز: ايه القرف دا

هدوء بدموع: في ايه

مروان بعصبيه : في ياهانم انك ماقلتليش ان جسمك محروق لدرجه دي

هدوء بكسره خاطر : انا وبدأت تعيط

وبعدين اتكلمت وسط دموعها مش انا قلتلك اني جسمي محروق

مروان : ماقلتيش انه مبوز شكلك بالطريقه دي

وبعدين بصلها بغضب : من هنا ورايح تلبسي بكم انتي فاهمه ماعنتيش عايزه اشوف القرف دا تاني

هدوء قامت وهي حاسه ان قلبها اتكسر مليون حته

ولبست بجامه بكم

ولسه هاتقرب علي السرير

مروان بفزع : ايه دا انتي رايحه فين هدوء بدموع: هانام

مروان باشمئزاز: تنامي فين روحي شوفي اوضه تانيه ماشوفشي خلقتك دي تاني فاهمه ( قالها بصوت عالي )

هدوء اتنفضت ومشيت وهي ساكته

راحت نامت علي الكنبه وفضلت تعيط

هدوء: انا زنبي ايه دة ابتلاء من ربنا وانا مفكره اني خدت اللي بحبه وهاعيش معاه احلى ايام حياتي ونامت

مروان صحي من النوم وافتكر اللي حصل امبارح

نفخ بضيق : ابقا انا مروان صاحب اكبر شركات في مصر اخد واحده مشوهه اما اقوم اكل اي حاجه

اول ماطلع من الاوضه لقاها نايمه كانت شبه الملاك

وبعدين افتكر انها مشوهه بص بحسره ودخل المطبخ

هدوء سمعت حركه في المطبخ قامت بسرعه

هدوء بصتله : تحب اعملك حاجه

مروان : مش قلتلك ماشوفشي خلقتك يعني مشوهه وكمان مابتفهميش

هدوء دموعها نزلت : انا اسفه عن اذنك

مروان خد قهوته وقعد ادامها وفتح التليفون

مروان : الو ياعم محمد قول للشغالين يجو تاني

وقفل معاه

هدوء فضلت ساكته

مروان خلص القهوه وقام لبس بدله كاجول وصفق شعره ولبس نضاره ولسه هايمشي

هدوء قامت بفزع وحيره : انت انت رايح فين

مروان شال النضاره: سمعيني السؤال كدا تاني

هدوء : ب بقولك رايح فين مش امبارح كان فرحنا هاتنزل ازاى

مروان بغضب وعصبيه : بتقولى فرحنا اه طاب ماتفكرنيش علشان انتي الي هاتزعلى وخلى بالك كلها شهرين وهاطلقك مش هاستحمل اشوفك كل يوم فاهمه والشغالين هايجو مش عايز المحك غوري

هدوء مشيت وهي بتعيط ودخلت اوضه وفضلت تعيط

فاجاه سمعت حد في الفيلا

نزلت جري

ام احمد (الشغاله ) وهي اللي مربيه مروان : لولولولولوولولى ايه القمر دا اللهم بارك ربنا يحرسك من العين ياحبيبتي

هدوء بصوت حزين : الله يخليكي

ام احمد : انا احمد وانا اللي مربيه مروان لو عايزه اي حاجه ناديلي ماشي يابنتي.

هدوء : حاضر

ام احمد بتعجب: امال فين مروان

هدوء بوجع: هو نزل الشغل

ام احمد بصدمه : شغل ايه دة واخد اجازه شهر

هدوء بدموع: ممكن يكون عنده شغل ضروري استأذنك انا

وطلعت بسرعه قبل ماتعيط ادامها

مروان دخل الشركه بهيبته المعهوده

لقي موظفه قاعده تتكلم في التليفون

مروان بغضب : مخصوم منك يومين

رنين بعياط: ل ليه والله كنت بكام والدتي

مروان بزعيق : قلت مخصوم يومين ولو اتكلمتي اعتبري نفسك مرفوده ودخل مكتبه

كريم جري وراه

كريم باستغراب : مالك يامروان وايه مضايقك كدا وايه جابك اصلا مش امبارح كان فرحك

مروان بعصبيه : كريم احنا في شغل لو سمحت ياريت تجبلى كل الشغل اللي متاجل حالا

كريم استغرب أمره بس سمع كلامه علشان عارفه انه وقت غضبه مش بيشوف ادامه

كريم طلع يجيب الملفات لقي رنين بتعيط جامد

كريم: ممكن تهدي

رنين بين دموعها: انا والله كنت بكلم امي علشان تعبانه ولو خصملى مشكله علشان انا بجيب علاج امي وفضلت تعيط

كريم بوجع: شششش مافيش خصم

رنين مسحت دموعها بكف ايدها واتكلمت بصوت طفوله: بجد يعني هاخد مرتبي

كريم ضحك عليها : بكلم طفله والله اجري انا بقا علشان لو شافني مش هايرحمني ونترفد سوا

وفعلا اداله كل الشغل

هدوء فضلت في اوضتها وبعدين قررت تنزل تطبخله يمكن تلطف الجو بينهم

هدوء كانت لابسه بجامه فيروزي وكانت رابطه شعرها علي هيئه كحكه ونزلت

هدوء بابتسامه : ممكن تعرفيني مروان بيحب ايه عايزه اطبخله

ام احمد بهدوء : لا ياحبيبتي روحي ارتاحي انتي امال احنا موجودين ليه

هدوء: معلشي انا حابه اعمل

وفعلا ام احمد بدأت تساعدها لحد ماخلصت

مروان داخل البيت شم ريحه اكل حلوة اوي

مروان بسعاده : ياروايحك ياحجه

وبعدين سمع اصوات ضحك

دخل لقي هدوء بتضحك مع الخدم

وبتقلب الاكل

مروان بغضب : انتي بتعملى ايه هنا

ام احمد: مش تقول سلام عليكم دا مراتك عملالك حبه اكل طلعت طباخه شاطره اوي يابختك بيها

مروان مسك ايدها بغضب وجرها برا المطبخ وطلع لاوضته

مروان بصوت عالي : مش قلتلك مش عايز اشوف خلقتك بتطبخي ليه ها مفكره اني هاكل من ايدك دا انتي مشوهه اتقرف اكل اصلا.

هدوء بصتله بصدمه وبدموع

يتبع....

هدوء بصتله واتكلمت بعياط: انا اسفه اني ضايقتك عن اذنك وسابته ودخلت الاوضه تعيط

وبعدين قامت اتوضت واول ما سجدت فضلت تعيط

أنهيت صلاتها و حسيت براحه وبعدين نامت مكانها

بليل

مروان كان قاعد يكمل شغله وبعدين لاحظ انه ماشفهاش من ساعه مازعقلها

مروان لنفسه : يووووه بقا انت مالك بيها احسن اني ماشوفتهاش وفضل يكمل شغله

هدوء صحيت لاقيت نفسها نايمه في الارض قامت خدت شاور يمكن ينسيها وجعها شويه ولبست بجامه مريحه عليها ميكي ماوس ورفعت شعرها علي هيئه كحكه وكان شكلها طفله اوي

هدوء لنفسها : انا جعانه اوي اما انزل اشوف حاجه أكلها اكيد هو نام

نزلت بهدوء بدأت تدور علي حاجه تأكلها في المطبخ ولسه بتلف اصطدمت بمروان

مروان بصلها وهي جسمها اترعش جامد

مروان بحده : بتعملى ايه

هدوء بدأت تفرك في ايدها : اصل اصل كنت عطشانه اوي فنزلت اشرب

مروان حط ايده في جيبه: ماعنتيش تنزلى تحت قلت كدا مليون مره وبعدين لابسه برضو بنص كم لييييه انتي مش بتفهمي الخدم صحيوا علي صوته

هدوء عيطت : انا انا كنت وماقدرتشي تكمل كلامها

مروان مسكها من ايدها مكان الحرق وهي اتالمت : هو ايه اللي كنت ها انا مش قلت تلبسي بكم من هنا ورايح والا كلامي مش بيتسمع

وبعدين بص لام احمد

مروان : داده لو سمحت دي تنضف معاكم من بكرا ولو عرفت ان كلامي حد كسره هارفضكم كلكم وكمان قبل ميعاد شغلي تكوني في اوضتك انتي فاهمه وانتي يا داده ماتخليهاش تطبخلى اصلي بتقرف منها وطلع وسابهم

هدوء حسيت انها هايغمي عليها من كم الصدمات وكلامه اللي كسر قلبها مليون حته طلعت بهدوء الاوضه بتاعتها

وضمت نفسها وفضلت تعيط لحد مانامت

تاني يوم

مروان قام جهز ولبس بدله كلاسيكي وصفق شعره ونزل يفطر فضل يدور عليها بعينه مالاقهاش

خلص فطار ومشي وعقله مشغول بيها

وصل الشركه كان غضبان جدا

كريم شايف ان طريقه صاحبه اتغيرت

كريم دخل وراه المكتب

مروان : مش في باب تخبط عليه

كريم بهدوء : شايفك مش علي بعضك اليومين دول

مروان : مافيش حاجه وحاول يغير مجري الكلام

الا قولى عملت ايه في صفقه مرتضي عبدالحميد

كريم بعمليه : المفروض نمضي العقد النهارده ان شاء الله

مروان براحه : الحمدلله

كريم : وفي حفله النهارده بالمناسبه دي

اكيد هاتجيب المدام

مروان اول ماسمع سيرتها اتقلب وشه

مروان : مش بجيب حد وياريت ماتجبشي سيرتها تاني

كريم عرف ان في حاجه بينهم ماحبيش يدخل بينهم وفضلوا يتكلموا علي الشغل

هدوء صحيت اتوضيت وصليت وبعدين نزلت تعمل اللي مروان امر بيه

اتنين كانوا واقفين من الخدم بيبصلولها باستهزاء

وبعدين واحده قربت منها : ايه القرف دا مش مروان بيه قالك تغطي ايدك

هدوء وحسيت باهانه وبعدين اتكلمت بشجاعه: والله اللي فيا دا مش قرف دا اولا وثانيا بقا انا نازله اخلص اللي ورايا واطلع وثالثا الجمال مش بالشكل بالجوهر

وسابتها ومشيت

هدوء فضلت تروق الفيلا كامله

ام احمد بحزن عليها: كفايه عليكي يابنتي كدا انتي تعبتي

هدوء بابتسامه: لا ماتعبتيش ماتقلقيش وكملت

مروان حس بملل جامد انا عمال افكر فيها ليه وقام نازل راكب عربيته ومتجه للفيلا

هدوء حسيت بتعب جامد وهي اصلا ما كلتشي بقالها تلت ايام

خلصت ترويق ولسه جايه تطلع لاقيت مروان في وشها

هدوء بصدمه ورعب

مروان حط ايده في جيبه : اممممم تاني انتي مش بتسمعي الكلام

هدوء برعشه: و والله بص اصل

مروان مقاطعا كلامها بحده : انتي تخرصي خالص تمام اتفضلي علي اوضتك

هدوء طلعت اوضتها دخلت خدت شاور

ولفيت نفسها بفوطه وطلعت في الوقت دا مروان دخل الاوضه

هدوء مسكت الفوطه جامد

مروان حس انه اتخدر مكانه وفضل يقربلها وهي تبعد لحد ماخبطت في الحيطه

مروان شال شعرها ورا ودنها وسرح في عينها

هدوء دموعها نزلت ومروان فاق

مروان لعن نفسه وكلمها باستهزاء : اللي يشوف جمال وشك مايشوفشي تشوهك

هدوء غمضت عينها بقوه : والله ربنا ابتلاني وكاتبلى كدا مش بمزاجي احرق نفسي وكدا كدا كلها شهرين زي ماحضرتك قلت فا ياريت ما تقليش مني تاني

مروان سقفلها: القطه طلعلها لسان اهو طاب يالا ياختي اجهزي علشان عندي حفله ولازم للاسف اخدك

هدوء بحده: مابجيش

مروان شدها من شعرها: اللي اقوله يتنفذ من غير كلام كتير وزقها ومشي

هدوء فضلت تعيط: طاب انا ذنبي ايه

ولبست دريس منفوش من الوسط لونه كشمير وعليه خمار اوف وايت ولبست شوز لونه اوف وايت

وماحطتشي اي مساحيق

ونزلت

مروان لبس بدله لونها اسود أبرز معالم جسمه الرياضي

ونزل وقف مستني هدوء

فاجاه سمع صوت مشيتها بص عليها اتسحر من جمالها

مروان فاق اول ماهي وقفت ادامه

مروان بحده: انتي لابسه خمار وبقولك حفله

هدوء : والله انا مش بمشي استعرض جسمي وانت متجوزني وانا لبسي كدا شايفني هاقلل منك اطلع اوضتي غير كدا انا مش قالعه الخمار وبعدين عيب تتريق علي الخمار المفروض اني مراتك تخبيني من عيون الناس مش تخليني فرجه لكله

مروان حس بغضب من نفسه : اتفضلي انتي لسه هاتسمعيني محاضرتك

هدوء مشيت معاه وركبوا العربيه والصمت ساد بينهم

وصلوا للحفله

ودخلوا وكل الانظار كانت عليهم وكله بص علي هدوء وعلي جمالها واحترامها

مروان كان مضايق جدا

فاجاه شخص وقف ادامهم

مروان عروقه بانت من الغضب

محمود: ازيك يامروان بيه فرصه سعيده

وسلم عليه

مروان بصله بقرف

محمود بص علي هدوء باعجاب شديد ومد ايده يسلم عليها

هدوء وهي باصه في الارض : اسفه مش بسلم

مروان كان فرحان جدا

وبعدين دخلوا الحفله

مروان بصلها واتكلم بحده : زيك زي الكرسي دة تقعدي ماتتحركيش فاهمه

هدوء بتعب واضح : حاضر

مروان حس انها مش كويسه وبعدين طنش

روبي : اوووووه مروان بيه وحضنته

هدوء بصيت بصدمه

مروان: اهلا روبي مش قلتلك مش بحب الحركات دي (قالها بصوت منخفض )

روبي حاولت تغير الكلام : مش تعرفنا

هدوء اتكلمت بغيره واضحه : انا مراته ياختي

روبي بصدمه : انت اتجوزت

مروان لسه هايتكلم

هدوء: شوفتي بقة ياريت تهوينا علشان عايزه اقعد مع حبيبي

مروان فرح لما سمع انها بتقول عليه حبيبي

روبي مشيت بغيظ : نتقابل في الشركه بقة ومشيت

مروان بغضب عكس اللي جواه: ايه اللي هببتيه دا

هدوء: اتفضل امشي مش كفايه عمال تحضن ادامي طاب خاف من ربنا

مروان : مش هاعكر مزاجي معاكي وسابها وراح وقف مع مديري الشركات وفضلوا يتكلموا علي الشغل

هدوء حسيت بالتعب عمال يزيد عليها والصوره بدأت مش تتلاشى من ادامها قامت بسرعه ناحيه مروان بس كان مشيتها مهزوزه

وصلت لمروان ومسكت في ايده جامد

مروان بص ليها بحده

وبعد عن التجمع

مروان : انتي هبله ايه الي عملتيه دا انتي عايزه الرجاله تشوفك يعني

هدوء بتعب : انا انا تعبانه ار ارجوك روحني

مروان لسه هايتكلم وقعت في حضنه

رايكم

يتبع....

مروان بصلها بصدمه وخوف: هدوء هدوء فوقي وبعدين شالها وجري بيها

تحت انظار الجميع

روبي بصتلهم بغيظ

مروان دخل هدوء العربيه وبعدين ساق بسرعه

مروان بغضب : الو يا داده اتصلي علي الدكتور بسرعه خليها تيجي البيت وقفل معاها

مروان وصل الفيلا شال هدوء ونزل يجري بيها

وصل لغرفته حطها على السرير براحه وقلعها الخمار سرح وطلع نده للدكتوره

الدكتوره دخلت وكشفت بعمليه ومروان واقف مخضوض عليها وماسك ايدها

الدكتوره انهت الكشف

مروان بقلق : طمنيني يادكتورة فيها ايه

الدكتوره: للاسف هي ضعيفه جدا وشكلها ماكلتشي بقالها فتره كبيره ياريت حضرتك تهتم باكلها وانا هاعلقلها محلول ولازم تاخده لمده اسبوع وراحه تامه علشان هي مرهقه عن اذنك

مروان قعد جنبها سرح فيها وبعدين قرب منها وبدون وعي طبع قبله

استدرك اللي عمله قام بسرعه راح اوضتها خد بجامه وراح عندها مسكها باحكام وغيرلها وكانها طفله بين يديه وبعدين طبع قبله علي دماغها وخدها في حضنه ويكانها هاتهرب منه ونام

في صباح يوم جديد

هدوء بدأت تفتح عينها لاقيت نفسها بين احضان مروان بدون وعي حطيت ايدها علي وشه وفضلت بصاله اوي

مروان صحي شافها سرحانه فيه : ماكنتيش اعرف اني حلو اوي كدا

هدوء باحراج: احم انا انا لسه بص انا لسه صاحيه

مروان ضحك علي ربكتها في الكلام : خلاص ياستي اهدي مافيش حاجه

المهم انتي بخير دلوقتي

هدوء: ايوا وبعدين سألت بحيره انا ايه جابني هنا

مروان بهدوء: اغمي عليكي جبتك هنا

هدوء بكسوف : انا اسفه اني بوظت حفلتك

مروان مقاطعا كلامها :ششششش ومسك سماعه التليفون داده لو سمحت عايز الفطار في اوضتي وقفل معاها

هدوء جات تقوم علشان تدخل المرحاض

لاقيت دراعها مكان الحرق باين وظهر ادام مروان غطيت دراعها بسرعه

هدوء برعشه وخوف : انا انا اسفه ماكنتيس اعرف ان دراعي ظاهر والله

مروان زعل من نفسه وبصلها بحزن

هدوء قامت تجري علي اوضتها

مروان لنفسه: اووووف بقة هي كدا كدا كلها شهرين واطلقها وقام ياخد شاور وفضلوسرحان فيها

مروان بزهق : يوووووووه انا بفكر فيها ليه

.............

كريم كان داخل مكتبه لمح رنين بتعيط رجع تاني

كريم بقلق : مالك يا رنين

رنين مسحت دموعها بسرعه: ها لا مافيش حاجه اصل حاجه دخلت عيني

كريم : لا انتي بتعيطي

رنين بزعيق: والله نسيب الشغل ونفضل نشوف مشاكلنا

كريم اتصدم من رد فعلها : انتي ازاى تكلميني كدا

رنين : بعد اذنك اطلع من مكتبي

كريم بعصبيه: لا انتي نسيتي نفسك بقا انتي مخصوملك نص المرتب

رنين حسيت بنغزه في قلبها وسكتت

كريم دخل اوضته ورزع الباب

رنين حطيت ايدها علي وشها وفضلت تعيط : انا انا لازم امشي دلوقتي

دخلت لكريم وهي خايفه : انا لازم امشي دلوقتي

كريم بصلها بقرف ورد بحده: مافيش مشي الا لما تخلصي شغلك هي شركه ابوكي تيجي وقت ماتحبي وتمشي وقت ماتحبي اتفضلي علي مكتبك واه تخلصيلي كل الملفات انهارده بتاعت الشهر اللي فات

رنين اتصدمت وبعدين دموعها نزلت منها : ارجوك خليني اروح ضروري ارجوك

كريم رد بعكس اللي جواه: اتفضلي علي مكتبك يالا

رنين قعدت تخلص شغلها بسرعه

...........

ام احمد خبطت علي مروان ملاقتشي حد في الاوضه حطيت الاكل ومشيت

مروان طلع لقي الاكل : يووووه ودي اروح اقولها ايه

وبعدين راح لاوضه هدوء

دخل ولسه هايتكلم

لقاها سجده وعماله تعيط خلصت صلاتها وشالت المصليه لاقيت مروان في وشها

هدوء اتخضيت : ايه دا انت موجود

مروان بهدوء: تعالي كلى علشان نعلقلك المحلول

هدوء بحزن: لا شكرا مش عايزه

مروان بغضب : ايه اللي مش عايزه قلتلك اتفضلي تعالي كلى مش هاغصب واتحايل انا

هدوء بدموع: قلتلك مش عايزه انا حره هو ايه دا

مروان مسكها من دراعها بقوه : صوتك دا مايعلاش فاهمه

هدوء بعصبيه : لا مش فاهمه وماتمسكنيش كدا وانت الزم حدودك معايا هي كلها شهرين ونطلق يبقا تكلمني باحترام انا مش خدامه عندك مش علشان بسمع كلامك وساكته يبقا تفضل تزعق وتشتم مش اسمحلك بكدا فاهم

مروان بدون وعي ضربها بالقلم

.....

رنين كانت قاعده وفاجاه تليفونها رن

رنين راديت وبعدين برقت وقفلت ونزلت تجري بسرعه

يتبع....

كريم كان قاعد مراقبها قام جري وراها

رنين وقفت تاكسي وركبت بسرعه

كريم كان ركب العربيه وفضل ماشي وراها

رنين وقفت عند بيت ونزلت تجري وكانت منهاره

كريم طلع وراها

رنين دخلت لاقيت احمد حاطط رجل علي رجل وباصصلها بانتصار

قام وقف وكلمها باستهزاء: كنت عارف انك هاتيجي

رنين بانهيار : انت عايز مني ايه فهمني ابعد عني بقا انا مش عايزاك

احمد حط ايده في جيبه وبصلها بشماته : بس انتي اللى عايزاني دلوقتي والا مش بتحبي امك في الوقت دا الباب خبط

احمد راح فتح الباب لقي كريم واقف ادامه

كريم اتصدم : انت مين

احمد بحده: المفروض انا اللي اسالك انت مين

رنين سمعت صوت كريم جات من ورا ضهر احمد

رنين بصدمه: كريم

كريم بعصبيه: مين دا

احمد ببرود: جوزها انت اللي مين

كريم بصلها بتساؤل: انتي متجوزه

احمد بصلها بحده

رنين بتوتر ودموع: اي ايوا

كريم حس بكسره ونزل من غير مايرد

احمد باستهزاء: هو دا حبيبك بقا

رنين مسحت دموعها وكلمته بعصبيه: مالكشي تدخل في حياتي

احمد ببرود: يبقا تقولى علي امك يارحمن يارحيم

رنين بعياط وانهيار : ارجوك لا امي لا هاعمل اللي انت عايزه بس امي لا

احمد بيمثل الزعل : معلشي بقا انتي اللي اضطرتيني اعمل كدا

صحيح فرحنا الخميس الجاي باي باي ياقطه ورزع الباب وراه

امها كانت قاعده بتعيط علي حال بنتها ومش عارفه تعملها حاجه وماكنتشي قادره تتكلم ولا قادره تتحرك

رنين قعدت في الارض تعيط ومسكت قلبها جامد وبعدين لاقيت امها في حاله مزريه جريت عليها حضنتها : ماتقلقيش عليا ياحبيبتي ربنا هايقف معانا وجريت تديها العلاج

.................

هدوء بصتله بدموع وصدمه : انت انت بتضربني

مروان بغضب: واكسر دماغك كمان انتي فاهمه اياكي المحك برة الاوضه انتي فاهمه من هنا لحد ما الشهرين يخلصوا زيك زي الكلبه مش عايز اشوف خلقتك

هدوء بعياط: انا عايزه اروح لماما علشان وحشتني

مروان : مافيش مرواح وزيك زي الكنبه دي فاهمه

فاجاه سمعت صوت امها

هدوء اتفاجات ونزلت تجري لأمها

هدوء حضنت امها جامد

وبعدين كلمتها بعياط ولوم: كدا ماتساليش عليا

هند بحنان: مين قالك كدا انا كنت كل يوم برن علي مروان اطمن عليكي انتي اللي مش بتسالي علية الجواز خدك مني

هدوء مسحت دموعها : لا طبعا انا لسه كنت بقول لمروان اجيلك

هند بابتسامه: واديني انا اللي جتلك ياستي

وقعدوا يتكلموا

وهدوء كانت بتحاول تبين انها كويسه

مروان نزل وسلم عليها وقعد جنب هدوء

هند: اوعي تكون بتزعل بنتي ها

مروان بيحاول يبين ان الامور مستقره بينهم: دا في عيني

هدوء بصتله بتهكم وسكتت

بعد مرور الوقت

هند: طاب استأذن انا بقا

هدوء مسكت في ايدها بقوه : خليكي شويه

هند : لا ياحبيبتي انتو لسه عرسان جداد

وبعدين بصيت لمروان : خلى بالك منها ومشيت

هدوء بصتله بدموع وطلعت الاوضه فضلت تعيط لحد.مانامت مكانها

مروان فضل رايح جاي في الاوضه وكان مخنوق

مروان لنفسه : اوووووف بقة

راح اوضه هدوء

لقاها قاعده في الارض ونايمه زي وضع الجنين وضامه رجليها ونايمه واثار الدموع علي وشها

مروان قلبه وجعه وشالها ونيمها في السرير وحضنها ونام

تاني يوم

رنين راحت الشركه وفضلت تتلهي في الشغل علشان تتوقف عن التفكير في مستقبلها

كريم دخل ماكلمهاش وقرر ينتقم منها

كريم : عايز انهارده تخلصيلي ورق الصفقات وتراجعي كل الملفات اللي متبقيه وتشوفيلي الحسابات فاهمه

لو في اي غلطه هاتترفدي

رنين وقفت بدموع: بس بس دا كتير مش الحق اخلص

كريم ببرود وحده : عادي افضلي هنا لحد ماتخلصي حتي لو ماروحتيش انهارده دا لو محتاجه الشغل فعلا احنا مش جايين نلعب هنا

رنين مسحت دموعها: حاضر وقعدت تشتغل بسرعه وفضلت تعيط

خبطة علي الباب وكريم سمح بالدخول

رنين بخوف : انا خلصت الصفقات تقدر تراجع عليهم

كريم فضل يراجعهم لحد مالقي غلطه

كريم بعصبيه : انتي غبيه ازاى تغلطي غلطه زي دي افرضي مراجعتيش وراكي انتي كدا مش اد الشغل ولا الثقه

رنين كانت واقفه تضغط علي ايدها ودموعها نازله

كريم بصلها لقي حالتها مش كويسه وباين عليها الإرهاق

رنين خدت الورق : انا انا اسفه هاصلح الغلطه واجي انا اسفه مش هاتتكرر ولسه هاتكمل كلامها حسيت ان هايغمي عليها وحسيت بنغزه جامده

كريم ماهتميش وكلمها باستهزاء : بطلى تمثيل بقا ادامك عشر دقايق الاقي الغلطه متصلحه فاهمه

رنين خدت الورق وطلعت تجري بس حسيت بالوجع بيزيد فضلت تدور علي العلاج مش لقياه

رنين بخوف ووجع: انا نسيته معقول اكيد لا وفضلت تدور

دخلت علي كريم من غير استائذان

رنين بتوتر والتعب ظاهر علي وشها : حضرتك ماشوفتيش شريط حبوب هنا

كريم باستهزاء : اه ابتدينا بقا حبوب وعلاج صح علشان الورق مايخلصشي بطلى تمثيل وخداع بقا اخفي برا الورق دا يخلص حالا

رنين طلعت بدموع وفضلت تعيط وهي بتقرا الورق وبالفعل صلحت الغلطه ودخلت لكريم وهي دايخه

وفاجاه الورق وقع منها

كريم جري عليها وقعت بين ايديه وبصتله بعياط ومسكت فيه بقوه وبعدين اغمي عليها

يتبع....

كريم اتفزع وشالها حطها علي الكنبه برفق وفضل يخبط علي وجنتها براحه ولكن بدون فائده

مسك التليفون واتكلم بخوف وعصبيه : انا عايز دكتور حالا وقفل التليفون وفضل يرش ميه علي وش رنين

بعد مده وصل الدكتور وبدأ يكشف علي رنين

كريم انا واقف قلقان عليها وقلبه واجعه

الدكتور بحزن واسف : للاسف هي ماخدتشي العلاج في الوقت المحدد ودا اثر عليها وغير ان شكلها مرهق ونفسيتها تعبانه

كريم : مش فاهم علاج ايه اللي هي بتاخده

الدكتور باسف : علاج ال ولسه هايكمل

رنين كانت فاقت

كريم مسك ايدها بقلق: انتي كويسه

رنين بتعب : ايوة مافيش حاجه

كريم بص للدكتور باهتمام : علاج ايه اللي هي بتاخده وبعدين بص لرنين انتي بتعاني من حاجه

رنين بتوتر: ايوا عندي انيميا فا تعبت شويه

كريم: بس الانيميا ماتعملشي دا كله

الدكتور حس انها بتحاول تخبي عليه قرر مايقولشي الحقيقه

كريم بص للدكتور : هي تعبانه فعلا من كدا

الدكتور بحرج :ايوا هي علشان ضعيفه وماكلتشي اغمي عليها ياريت تهتم باكلها عن اذنكم

كريم بصلها بحزن وبعدين افتكر اللي هي عملته رجع لجموده : تقدري تقومي تاكلى وكملى شغل انا عارف بتعملى كدا علشان تهربي من الشغل فا مش هاسيبلك فرصه اتفضلي علي مكتبك الاكل هايكون عندك خلال دقايق

رنين قامت بتعب ودموعها نزلت قعدت علي المكتب بحزن وبدأت تشتغل تاني لاقيت الاكل وصل بدأت تاكل حاجات بسيطه والتعب برضو بيزيد عليها فضلت تشتغل

جات الساعه تسعه بليل

رنين بتعب : انا لازم اروح دلوقتي الوقت اتأخر اوي

كريم كلمها وهو حاطط رجل علي رجل : خلصتي الشغل

رنين بخوف : لا بس ولسه هاتكمل

كريم قاطعها بحده : انا مش قلت مافيش مرواح غير لما تخلصي الشغل

رنين : ما ما هو الشغل بص

كريم : اما تعرفي تتكلمي تعالي اتفضلي

رنين بتعب : انا ضروري اروح دلوقتي مش اقدر اكمل

كريم بزعيق وغضب : لو اتحركتي من الشركه قبل ماتخلصي الورق انتي عارفه مصيرك

رنين عيطت وانهارت : انا لازم اروح صدقني والله هاجي بكرا اخلص كل الشغل بالله روحني وقعدت في الارض تعيط

كريم بعصبيه : مافيش زفت مرواح والا حبيب القلب وحشك

رنين قامت علي المكتب وكلمت مامتها

رنين بتعب : اي ياحبيبتي عامله ايه

مني : الحمدلله ياحبيبتي اتاخرت كدا ليه

رنين: اصل صاحبتي تعبت ولازم ابات معاها خدي بالك من نفسك ياحبيبتي

مني : خدي بالك من نفسك ومن صاحبتك

رنين : ماشي ياحبيبتي كلى وخدي العلاج انا مجهزه الاكل وقفلت معاها

فضلت تشتغل لحد الفجر لاقيت نفسها مش قادره تستحمل اكتر من كدا

دخلت لكريم كان قاعد مراقبها

.............

هدوء صحيت لاقيت مروان حاضنها

هدوء فكيت ايده وقامت قعدت وفضلت تعيط

مروان صحي استغرب من عياطها

مروان بزهق : بتعيطي ليه حد بيعيط علي الصبح كدا

هدوء مسحت دموعها : لا مافيش حاجه

وقامت تاخد شاور

مروان مسك التليفون لقي ١٠٠ مكالمه فايته اتخض وقام بسرعه

مروان رن علي الرقم

مروان بحنيه : ايه يا زينب انتي فين

كانت هدوء طالعه في الوقت دا

مروان : ماشي ياحبيبتي هاجي اخدك وقام مشي

دخل اوضته لبس كاجول ونزل علشان يلحق ياخد زينب من المطار

هدوء فضلت باصه لاثره وفضلت تعيط : معقول بيخوني او بيحب حد

مروان وصل المطار لاقي زينب و مي

حضن زينب وسلم علي مي

ركبوا العربيه

زينب بتمثل الحزن: تبقا تتجوز من غير ماجي ماشي ماااااشي

مروان : بس يابكاشه انتي عارفه اني ماكنتيش عايز اتجوز اصلا بس ظروف حصلت

مي كانت قاعده بغيظ : اممممم وهي حلوة بقا

مروان ضيق عينيه: هو انا بختار حاجه وحشه

هدوء لبست بجامه بحمالات ونزلت تساعد ام احمد قبل ما مروان يجي

ام احمد بصتلها بحب : تحبي اعملك حاجه ياحبيبتي

هدوء بابتسامه: هاساعدك

ام احمد لسه هاتكمل كلامها لاقيت أصوات كتير برا

زينب : يا داااااده انا جيييييت انتي فييييين

ام احمد طلعت بسرعه حضنت زينب

هدوء طلعت علي الأصوات

مي بتكبر : مين دي

ام احمد: دي مرات مروان

مي بصدمه : ايه وهي دي اللي جميله دي مشوهه ايه القرف دا

هدوء عيطت وطلعت تجري

.........

رنين فاجاه شفايفها ازرقت ووشها بقا اصفر

بصيت لكريم بتعب : انا انا عايزه اطلب منك طلب

كريم استغرب لشكلها ولاحظ انها مش قادره تقف

قام وقف جنبها: في اي ومال وشك كدة

رنين بتعب ووجع: مافيش ممكن تجبلى العلاج دا ض ضروري انا بم بموت وفاجاه وقعت بين احضانه

يتبع....

كريم اتخض من شكلها وشالها ونزل يجري يجيب العلاج حطها في بؤها وحاول يخليها توصل لداخل بؤها

وبالفعل نجح وجري جاب الميه وحاول يشربها

رنين كحت وفاقت اتعدلت في قاعدتها وبصتله بدموع ووشها كان باهت اوي وباين عليها الإرهاق: م ممكن تجبلى العلاج

كريم مد ايده بالعلاج وادهولها

رنين خدت حبايه علشان عارفه انها محتاجه من العلاج جرعه تانيه

خدتها وبدأت تاخد نفسها بالراحه وفضلت ماسكه قلبها

كريم بقلق: اجيب الدكتور

رنين بتعب : ل لا انا بقيت احسن الشغل فاضل ملف بالله روحني النهارده وبكره هاجي من بدري اخلصه

كريم كان خايف عليها جامد : تمام قومي وانا هاوصلك

رنين : ل لا انا هامشي

كريم بحده: قلت هاوصلك والا اقولك رني علي جوزك يجي ياخدك

رنين بخوف : لا انا هاروح

كريم : قلت ترني يالا علي جوزك يجي ياخدك

رنين بصدمه: لا لا اقولك وصلني انت

كريم استغرب من رد فعلها : تمام اتفضلي

نزلت ركبت معاه وفضلت باصه من الشباك وعماله تفكر في اللي مستنيها بعد كدا

كريم مقاطعا تفكيرها: اتفضلي وصلنا

رنين نزلت من العربيه

كريم مشي ورنين فضلت واقفه باصه لاثره لسه هاتطلع لاقيت احمد في وشها حاطط ايده في جيبه

احمد ببرود : ايه وحشك لدرجه دي

رنين اتخضيت : انت هنا

احمد قرب منها : امال هناك وضحك

وبعدين مسك وشها جامد بايده : هاصبر عليكي يومين بعد كدا هاوريكي في عز النجوم وقام ضاربها بالقلم ودا بقا تصبيره للهايحصل فيكي بعد كدا وعلي دخولك البيت متأخر وجايه مع راجل حسابك معايا كمان يومين وبعدين زقها علي السلم ومشي

رنين قعدت علي السلم فضلت تعيط وبعدين قامت دخلت بيتها

اطمنت علي امها

وبعدين دخلت تصلي وفضلت تعيط لحد ما ميعاد الشغل جيه

رنين اتصدمت لما لاقيت وقت الشغل جيه وهي مالحقتشي تنام

رنين لنفسها : ياتري هاقدر اشتغل ربنا يستر ومايحصليش حاجه

دخلت عملت الفطار وصحيت امها

مني صحيت وبصيت لبنتها بابتسامه : ايه دا ياحبيبتي انتي جيتي

رنين بابتسامه : ايوا ياست الكل ماقدرتيش اغيب عنك اكتر من كدا انتي وحشتيني اوي وحضنت امها

مني مسكت وشها بين ايديها:ربنا يخليكي ليا ياحبيبتي ويبعد عنك الاذي (تقصد احمد)

رنين حاولت تغير مجري الحديث : طاب يالا ياست الكل عملتلك الفطار ا بتحبيه علشان تاخدي علاجك وامشي انا

مني بزعل : تعبتي نفسك ليه بس ياحبيبتي

رنين باست ايدها بحب : تعبتيني اي بس لو علية اجبلك الدنيا كلها يالا ياحبيبتي

وقعدوا يفطروا

رنين بابتسامه : امشي انا بقة الا المدير يعلقني

وودعت والدتها ومشيت

.....................

مروان بزعيق : انتي ازاى تقولى كدا مراتي خط أحمر انتي فاهمه علشان ماتشوفيش مني رد مايعجبكيش

مي بصدمه : انت بتزعقلى انا علشان دي

زينب محاوله إنهاء الخلاف قبل مايزيد اكتر هي عارفه مدي كره مروان ل مي : خلاص بقة انتو دايما قط وفار كدا

اطلع يامروان شوف مراتك وانتي يا مي يالا نغير علشان ننزل نتغدا

مروان طلع لهدوء : لقاها نايمه علي السرير بتعيط

مروان باسف : اتمني ماتزعليش من الكلام

هدوء وكان فاض بيها وفجأه اتكلمت بعصبيه وانهيار وصوت عالي: مازعلشي هي جات عليها انت دايما بتعايرني علي حاجه مش بايدي ها دا ابتلاء من ربنا اعترض واقول ليه يارب والا اقول الحمدلله انت اللي أعجبت بشكلى وبس لاقيت حتت سكرتيره اكيد عمرها ماترفض مديرها مثلت عليا انك بتحبني بالرغم اني قلتلك اني اتعرضت لحادث انت ايه يا اخي ارحمني بقا انت ماعندكش دم كل يوم بتقل مني خلتني كرهت نفسي ماعنتيش ببص لنفسي في المرايه حتي بسبب كلامك انت حتي بتتقرف انام جنبك

قعدت في الارض وضمت رجليها وفضلت تعيط بهستيريا

مروان حزن عليها وقرب منها وخدها في حضنه فضلت تعيط وبعدين حس بانتظام نفسها

شالها ونيمها علي السرير وشال شعرها من علي وشها وفضل يتاملها بحزن

فضل علي الحال دا نص ساعه كانت هدوء بدأت تصحي

هدوء فتحت عينها وبصتله بحزن وبعدين غطيت جسمها لما لاقيته باين

مروان بهدوء : اتفضلي انزلى علشان نتغدا

هدوء : تمام اتفضل وانا هاجهز وانزل

مروان نزل وهدوء كانت جهزت وكلهم قعدوا علي السفره هدوء لسه هاتقعد جنب مروان

مي باشمئزاز : دا مكاني

هدوء قعدت في الكرسي اللي جنبها

مي بقرف : ايه دة انتي هاتقعدي جنبي انا مقروفه وكدا مش هاعرف اكل ياريت تبعدي عني

وبعدين مش مكسوفه تاكلى معانا مش المفروض تراعي اننا مقروفين ومش هانعرف ناكل كدا

هدوء بحزن : اللي زيك تفكيره راجعي كدا انا مش هارد عليكي علشان انتي مش من مستوايا ولو راديت كدا هاقل مني بس حابه اقولك الحرق اللي فية احسن ميت مره من اني اكون زي واحده زيك كفايه قلبك الأسود

مي قامت بعصبيه ضربتها بالقلم

يتبع....

هدوء حطيت ايدها علي خدها ودمعه نزلت منها

مروان اتعصب جدا وقام وقف مسك مي من ايدها بقوه : ايه اللي عملتيه دا ازاى تعملى كدا اصلا انتي ناسيه دي مين عارفه لو مش بنت كنت راديتلك بدال القلم دا الف وقام زقها وقعت علي الارض

مي قامت من علي الارض بغل : انت بتضربني انا علشان المشوهه دي انت اتجننت انت ناسي المفروض كنت تتجوزني انا وهي اللي خدت مكاني وقربت من هدوء اللي باصه في الارض وشاورت عليها: دي فيها ايه احسن مني اصلا ها فيها ايييييييه فهمني

كان كل الخدم طلع برا علي اثر الصوت

مروان حط ايده في جيبه : اقل حاجه طيبه قلبها واحترامها ليا يكفي انها مارادتشي عليكي وانا واقف بالرغم انك ضربتيها كان ممكن تردهولك يكفي انها مش حقوده ولا بقلب اسود زيك كدا عمرك ماحبيتي الخير لحد عارفه انتي عايزاني ليه علشان املاكي يعني طماعه وانانيه عمرك ماحبتيني وبقولهالك اهو مراتي خط أحمر اياكي الاقيكي ترفعي عينك حتي عليها صدقيني هاتشوفي مني رد مش يعجبك ومسك ايد هدوء براحه وبص للداده : بعد اذنك ياداده عايز الفطار فوق علشان افطر انا ومراتي في جو هادي وخد هدوء وطلع

...........................

رنين وصلت الشركه علي ميعادها بس كان باين عليها الإرهاق

قعدت علي المكتب تخلص الملفات الباقيه

كريم دخل وكان متأكد انه مش هايلاقيها اتصدم لما شافها قاعده

كريم بزهول : انتي لحقتي تيجي

رنين بتعب : ايوة علشان اخلص الملفات هي فاضل ورقه واسلمها لحضرتك

كريم بهدوء : تمام منتظرك ودخل الاوضه بتاعته

رنين فضلت تبذل مجهودها علشان تخلص الشغل في الوقت المحدد

انهت عملها بالفعل ودخلت لكريم

كريم خد الورق بص عليه مالاقاش ولا غلطه

رنين كانت واقفه بتفرك ايدها من الخوف

كريم بصلها بابتسامه : تمام اوي كدا الورق كله مظبوط

رنين اتنفست بارتياح

كريم : يالا اجهزي علشان الاجتماع

رنين بهدوء: حاضر

كريم بصرامه: الصفقه دي مهمه وانتى عارفه مش عايز اي غلطه

رنين بتعب: اكيد ان شاء الله

كريم : تمام جيبي الورق وتعالي

رنين بهدوء: تمام

كريم طلع ورنين راحت تدور علي علاجها الاول علشان مايحصلشي فيها زي امبارح خدته ودخلت الحمام غسلت وشها ودخلت خدت الورق وطلعت

كريم بدا يشرح التفاصيل وكله كان منبهر بيه

كريم: اتفضلي يا استاذه رنين اديهم الورق

شخص من الشركه الاخري بانزعاج: بس دا مش نفس اللي انت بتتكلم فيه دلوقتي عايزنا نمضي ازاى دا اسمه غش

كريم كان واقف مش مستوعب الكلام : ازاى حضرتك هو نفس العقد

الشخص : اتفضل شوف

كريم اتصدم وبص لرنين بغضب : لاحظه يافندم في سوء تفاهم

الشخص : سوء تفاهم ايه بقا افرضي انا مضيت كنت ادفع الشرط الجزائي وقام ساب الاجتماع وكله قام

كريم بص بغضب لرنين وعينه كانت بتطلع شرار فاجاه وبدون سابق إنذار ضربها بالقلم بقوه

يتبع....

البارت الثامن من روايه

بقلمي

رنين حطيت ايدها علي وشها بصدمه والدموع نزلت لمجراها

كريم بزعيق : انتي عارفه انتي عملتي ايه خسرتينا اهم صفقه عندنا بسبب غباءك واستهتارك انتي من النهارده مرفوده فاهمه اطلعي برا .

رنين بانهيار وعياط: انت بتقول ايه انا مدياك الورق مظبوط وانت مراجعه ذنبي ايه ها ذنبي ايييييه انطق انا ماعرفشي الورق اتلغبط ازاى

كريم باستهزاء: علشان حضرتك عايزه تنتقمي مني فا تعملى ايه تخليني اطلع وتلغبطي الورق

رنين بدموع: انت مجنون والله انا هامشي ومش هاجي تاني بس ياريت ماترجعشي ندمان

كريم بضحك : اندم اطلعي برا

رنين طلعت من الشركه وراحت قعدت علي البحر وفضلت تعيط

................

مروان خد هدوء من ايدها ودخلوا اوضه مروان

هدوء بصتله بدموع

مروان باسف ومسك وشها بين ايديه : انا اسف علي كل الكلام اللي حصل تحت

هدوء باستهزاء : ماتقلقشي انا اتعودت علي الكلام دا

مروان حس بنغزه في قلبه من كلامها

هدوء: انا هاروح اوضتي عن اذنك

وسابته ودخلت اوضتها قعدت علي الارض فضلت تعيط وانهارت ومسكت قلبها : يارب انا راضيه باللي فيا والله راضيه بس كلامهم بيوجعني اوي

وقامت اتوضيت وصليت وفضلت ساجده تعيط

مروان اتخنق : اوووووف بقا انا لازم اصالحها

ودخل ليها الاوضه لقاها ساجده قعد علي السرير مستنيها تخلص صلاه لقاها طولت اوي

فضل ينادي عليها مالاقاش استجابه : لا بقا دي غريبه

قام قعد علي الارض جنبها بيخبط علي ضهرها براحه لقاها وقعت علي رجله

مروان اتصدم

مروان بدموع وخوف : هدوء اصحي هدوء وشالها وفضل يحط علي وشها ميه مالاقاش استجابه

نزل جري

مروان بزعيق : يا داده بسرعه هاتي الدكتوره بسرعه

................

كريم قعد يرمي في الورق وبعدين قعد علي الكرسي ومسك دماغه وفضل يقنع نفسه : هي اللي غلطانه مش انا ايوا

رنين بعد ماهديت شويه مسحت دموعها وركبت راحت البيت لاقيت ناس متجمعه حوالين بيتها

رنين باستغراب : ايه دا في اي

دخلت تجري علي امها لاقيت جارتهم مقابلاها

رنين حسيت وكان دلو بارد نزل عليها وماحستشي برجليها

جارتها ربطت علي ضهرها: البقاء لله يابنتي

يتبع....

رنين بانهيار : نعم بتقولى ايه لا لا مستحيل ودخلت جري علي امها

لاقيت الستات متجمعه حواليها دخلت وهي لسه مش مستوعبه اللي حصل وبعدين خدت في حضنها وفضلت تصوت

رنين بانهيار : انتي وعدتيني مش هاتمشي انتي وعدتيني سبتيني لوحدي اعمل ايييييه مش هاقدر اعيش من غيرك اصحي ابوس ايدك وفضلت تبوس في ايدها وتحضنها

لا يا أمي ضهري انكسر من بعدك ليه مشيتي وسبتيني اااااه

صوتها هز أركان الغرفه وكل الستات واقفه تعيط علي حالتها

شخص : بس يابنتي وحضنتها وفضلوا يهدوها

............

الدكتوره كانت وصلت

ومروان واقف جنب هدوء وماسك ايدها بقلق : طمنيني يادكتورة هي عامله ايه

الدكتورة: للاسف انا قلت لحضرتك تهتم باكلها بس الظاهر انها ماهتمشي باكلها فا دا عملها مضاعفات وهي عندها حاله انهيار عصبي وانا اديتها حقنه وان شاء الله تصحي كويسه اهم حاجه تبعد عن اي زعل وياريت نهتم باكلها

مروان بخوف: تمام

الدكتوره: انا كتبتلها فيتامينات ومقويات وياريت المحاليل دي تاخدها كل ١٢ ساعه لمده يومين بس علشان الضعف اللي عندها دا

مروان : تمم

الدكتوره استأذنت وهو فضل جنبها

هدوء صحيت لاقيته جنبها

قامت قعدت وبصتله بدموع : ايه اللي حصل

مروان مسح دموعها : مش عايز اشوف دموعك تاني وبعدين انتي تعبتي شويه جبتك هنا

هدوء بحزن: شكرا.

مروان بصلها بحزن : ايه رايك نبقا صحاب

هدوء بصتله بابتسامه : يعني ينفع تصاحب واحده مشوهه

مروان زعل من نفسه : شششش موافقه والا لا

هدوء مسحت دموعها بكفوف ايدها زي الأطفال: موافقه

مروان بفرحه : خلاص ماشي ناكل بقا سوا علشان يبقا كلنا عيش وملح مع بعض

هدوء بابتسامه : ماشي

مروان مسك التليفون ورن علي الداده

مروان : بعد اذنك ياداده خلى حد يطلع الاكل فوق في اوضه هدوء

الداده بابتسامه: حاضر ياحبيبي وقفلت معاه

وقالت بداخلها ربنا يهدي سركم ويفرحكم يارب

مروان لسه هايتكلم لقا الباب بيخبط الشغاله اديته الاكل ونزلت

مروان خد الاكل وقفل الباب حط الاكل علي السرير وقعد جنبها ومسك المعلقه ولسه هايكلها

هدوء اتحرجت ووشها احمر واتكلمت بتوتر : ل لا انا انا هاكل

مروان بهدوء : لا علشان انتي في ايدك محلول مش هاتقدري تاكلى لوحدك وبعدين انا قلت اننا صحاب

هدوء بكسوف : م ماهو

مروان كان حط المعلقه في بؤها : شششش كلى وانتي ساكته وبدأ ياكلها

هدوء: طاب انت مش بتاكل انت كدا غشتني بدا هو كمان ياكل وكان فرحان اوي

............

رنين بعد دفن والدتها قعدت علي سريرها وفضلت ماسكه صورتها وخدت هدومها نامت عليها وفضلت تعيط

رنين : هاعيش من بعدك ازاى سبتيني ليه لحد مانامت

بعد شويه دق الباب قامت تجري

وبعدين فتحت لاقيت احمد في وشها

احمد بخبث : مراتي بقا يالا اجيب الماذون

رنين بانهيار وزعيق: اطلع براااا انت ماعندكش دم ولا احساس خلاص اللي هددتني بيها ماتت عايز اي تاني مني عايز تقتلني اقتلني علي الاقل هارتاح وزقته وقفلت الباب في وشه

عدا اليوم وكان علاقه مروان بهدوء بدأت تتحسن

في اليوم التاني

رنين قامت علي امل انها تلاقي مامتها وللأسف

رنين فضلت تعيط لحد ما الباب دق

قامت تفتح علي اساس انه احمد

لاقيت ...

رنين بصت بعصبيه

ياتري لاقيت مين 💁🏼‍♀️

يتبع...

رنين : انتو ايه اللي جابكم افتكرتم ان ليكم اخت تسألوا عليها

خالها محمود: انتي يابت هاتيلنا نصيبنا

رنين اتغير ملامح وشها تماما: انتو بتقولوا ايه

خالها التاني (ربيع) : بنقول عايزين ورثنا

رنين بدموع : مالكوش حاجه هنا

لاقيت مرتات خلانها دخلوا الاوضه جمعوا هدومها في شنطه

رنين: انتو بتعملوا ايه انتو هاتطلعوني من بيتي انتو اتجننتو

ربيع ضربها بالقلم : اخرصي يابت دا ورثنا وملكنا يالا برا

رنين بغضب: انا بنتها الوحيده انتو مالكوش حاجه

محمود باستهزاء : امك مضيالنا علي البيت وناقله ملكيته

رنين بزهول : كدابين امي عمرها ماتعمل كدا

محمود ببرود طلعلها الورق

رنين وقفت دموعها نازله منها

جات مرات خالها رميت في وشها شنطتها وزقوها برا البيت وقفلوا الباب في وشها

رنين مش مستوعبه اللي حصل مسكت هدومها ونزلت في الشارع مش عارفه تروح فين وكان عقلها متغيب تماما فضلت ماشيه في الشارع حتي مابصتشي للعربيات وهي ماشيه لحد ماعربيه فرملت ادامها بسرعه

كريم نزل ولسه هايشتم لقي رنين

كريم بزهول من حالتها : انتي رايحه فين ومش باصه ادامك ليه

رنين بصتله بجمود وفضلت تضغط علي ايدها علشان تتحكم في نفسها

كريم : ردي انتي رايحه فين واي الشنطه دي

رنين بدموع : ممكن تاخدني معاك تركبني ونزلني في اي حته بعيده عن هنا

كريم حزن علي حالتها لانه اول مره يشوفها كدا

كريم: تعالي اركبي

رنين كانت ماشيه وراه وهي مش حاسه بنفسها

قعدت جنبه وفضلت باصه للطريق

كريم نزل علي البحر ولقي ان دا انسب مكان يعرف اي اللي حصلها

كريم بهدوء: انزلى

رنين سمعت كلامه ونزلت

كريم قعد جنبها: ممكن تحكيلي حصل اي

رنين فضلت باصه بجمود

كريم : ردي

رنين فاجاه كل الحصون اتهدمت وانهارت من البكا

كريم ماقدرشي يعملها حاجه غير انه عيونه دمعت علي حالتها

كريم : ممكن تهدي

رنين حسيت ويكان العالم كله بيخنقها ماكنتشي عارفه تتنفس فاجاه مسكت قلبها وفضلت تتنفس بطريقه مش طبيعيه

كريم بصلها بخوف : مالك فيكي ايه

رنين : م مافيش يالا نمشي

كريم بحزن : طاب اروحك بيتك

رنين عينها دمعت اما افتكرت انها ماعدشي ليها بيت

.............

هدوء كانت بدأت تنام بسبب العلاج

مروان لاحظ انها بتنام قرب منها

هدوء بصتله بحب وعتاب وكانت بدأت تدوخ وهي بتنام : ليه ليه عملت فيا كدا ونامت علي كتفه

مروان فضل باصصلها بدموع وفضل حاضنها ويكانها هاتهرب منه

مروان باصصلها بحب : اوعدك هاعوضك عن كل اللي عملته فيكي

ونام وهي في حضنه

.......

رنين: يالا انا عايزه امشي شكرا انك رضيت تركبني معاك

فاجاه لاقيت احمد في وشها

احمد بغضب جحيم : انتي مع دا

رنين وقف بغضب : وانت مالك قلتلك ابعد عني بقا

كريم كان واقف مش فاهم حاجه

كريم لما افتكر انها مراته اتعصب منها وجاي يمشي

رنين بعياط هستيري: استني انت رايح فين

كريم وقفلها بصدمه

احمد : اتفضل يا اخ واحد ومراته زعلانه مته هاراضيها بطريقتي

كريم زعل علشان مفكر انها خدعته

رنين لسه هاتتكلم شالها ودخلها العربيه ومشي

رنين فضلت تخبط علي باب العربيه

كريم لسه هايروحلها كانت العربيه طلعت بسرعه

احمد بغضب : مفكراني هاسيبك

رنين بانهيار : ابعد عني بقووووولك حرام عليك

احمد طلع حقنه اديهالها

فاجاه جسمها اترخي ونامت

يتبع...