نرجس : (قررت اكمل دوامي واعيش حياتي ومااوكف بنقطه وحده وابقه ابجي لان هذا مو حل، رتبت ملابسي بالجنط وودعت امي وابويه واخواني وودعت عمتي ام ياد وعمي ابو ياد وخواته واكيد مجبوره ارجع ويه ياد بسيارته لان هو هم يرجع لدوام 😐
ياد : (حضرت جنطه صغيره بيهه مسلتزماتي لان اغلب ملابسي بكركوك ابيت خوالي وانتظرت نرجس تكمل وصعدنه بسيارتي اني اسوق وهي بصفي بس ساكته متحجي شي شغلت اغنية حتى الطف الجو .. وشوية وانداريت عليهه لكيتهه نايمه ! هاي شنو اعوفج تنامين واني وحدي اسوق لا هيج متفيدني دست عالبريك قوي وهي نصدمت ..
_نرجس (بفزه) : شكو شصار ؟
_ياد : ماصار بس لان انتي نمتي واني مااكدر وحدي بالطريق الا احد يحجي ويايه ف غفيت وردنه نندعم 😌
_نرجس : وااي ياد تعرف بنفسك هيج ليش مصّر تسوق خو جنه نجي بتكسي 😣
_ياد : اي هسه مصار شي احجي وياي حتى اسوق زين😊
_نرجس : اووف شحجي هو اني متعوده انام بالطريق 😴
_ياد : مثلا احجيلي ليش ماتقبلين تجين لبيت خالتي مو احسن الج من القسم
_نرجس : (سلام القول من رب الرحيم ، هذا من شوكت صاير يحجي بلطف 🤨) لان بالقسم ويه صديقاتي وشوكت مااريد انام وشوكت مااريد اكعد ومااستحي من احد
_ياد : انتي شنو مشكلتج ويه النوم شو بس تنامين😅
_نرجس : اكو ناس عدهم نقص عاطفي واكو عدهم نقص حنان واني عندي نقص نوم وهسه حباب عوفني انام وانت ركز ع طريق
_ياد : هههه ماشي نامي
_نرجس : ( وصلنه لكركوك وكملنه تسجيل مال القسم الداخلي وياد خلاني بالقسم وهو راح ، شفت القسم وتذكرت العام بهيجي وكت اجيت للقسم واني بنيه وحره وجانت الابتسامه ع وجهي وجنت متحمسه للدوام اما هسه عكس العام تماماً رحت للمشرفة كلت الهه اريد اكعد بغرفة آيات ورؤى والمشرفة كالت شقه 2 همه صعدت اغراضي للشقه ..
_ايات : ها بذاته هم زين شفناج
_رؤى : اي خو متسألين انتي متكولين باقيين ميتين
_نرجس : بنات فدوه لاتعاتبوني مو وكت العتاب 😥
_ايات : تعاي كعدي واحجيلنه شبيج
_نرجس : (كعدت وحجيت الهم كلشي وادمعت عيونهم واجو حضنوني )
_نرجس : كافي عدنه فاتحة لاسامح الله شبيجن تبجن😅
_ايات : خبله واموت ع خبالج اني 😄
_نرجس : ايات تعرفين اخبار احمد ؟
_ايات : اي جم مره حجه ويايه بالعطله ويسأل عليج دايماً واني كلت اله انتي اتزوجتي كلت حتى يبطل يفكر بيج
_نرجس : اي زين سويتي يلا خل نسوي غده جوعانه اني
*___كمنه وسوينه غده وتغدينه وكضيناه ضحك وسوالف وتعشينه ونمنه ،كعدنه الصبح للدوام .
_ايات : لج رؤى يلا كملي هسه يعوفنه الباص
_نرجس: اوهوو هم بده الدوام وبدت تأخيرات رؤى وصياح ع رؤى ،امشي ايات احنه نروح للباص
_رؤى :هياتني والله كملت يلا ننزل
_ايات:يلا امشن ...
*___وصلنه للجامعه ورؤى راحت لقسمهه واني وايات رحنه ع قسمنه ونمشي سريع لان متأخرين..
_نرجس : استاذ اسفين ع التأخير ممكن ندخل ؟
_الاستاذ: يلا دخلوا لان هاي اول يوم ،من باجر ممنوع واحد يدخل ورايه
_نرجس : حاضر استاذ
دخلنه والاستاذ يشرح وره ساعه ونص كمل
_نرجس :ايات عصافير بطني يغنون موال مو بس يغردن جوعانه خل ننزل للكافتريا
_ايات : ههههه جوعيه،،غير نسلم ع صديقاتنه وبقية الطلاب
_نرجس :امشي نتريك ومن نرجع نسلم عود نكول الهم جان عدنه شغله مهمة😄
_ايات : امشي يلا 😅
...دخلنه للكافتريا ...
_ايات :يلا شتاكلين ؟
_نرجس : اريد صاج🤤
_ايات :صاج ع الريوك لعد شبقيتي للغده؟
_نرجس :جوعانه والله😫
_ايات : نرجس شوفي منو اجه
_نرجس : (انداريت شفت احمد يجي بأتجاهنه ) 😥
_ايات : سوي نفسج طبيعيه وبلكي هو ميفتح موظوع زواجج
_احمد : هلو ايات شلونج 🙂
_ايات : هله احمد زينه وانت ؟
_احمد (انداريت ع نرجس ) زين كلش زين
_نرجس : (نزلت راسي )
_احمد : نرجس ليش هيج سويتي بيه !
_نرجس : احمد شغلة وصارت ممكن متفتح الموظوع
_ احمد : هاي بالنسبة الج سهله وتكولين شغلة وصارت بس بالنسبة الي ابد مو سهله نرجس انتي خدعتيني انتي خليتيني انتظرج بقيتيني ع أمل وتاليهه تروحين تتزوجين! ليش شنو الماعجبج بيه ؟ لو انتي هيج طبعج اذا واحد يعاملج بأحترام متحبينه وتتكبرين عليه!
_نرجس : (مااعرف شجاوبه وعيوني دمعت ،،يحجي ويتقرب مني واني ارجع ليوره لحد مادعمت بشي انداريت و...)
_ياد : (كاعد بالكافتريا ويه اصدقائي شفت نرجس وصديقتهه دخلو ويردون يطلبون اكل وشفت اجه واحد يمهم من شكله مبين معصب ع نرجس ونرجس خايفه وترجع ليوره كمت ع حيلي بسرعه واصدقائي كامو ورايه رحت وكفت بصفهه وهي دعمت بيه وندارت شفتهه مدمعه عيونهه باوعت عالولد وكلت بعصبيه : شديصير هنا 🤨
_ احمد : وانت شعليك عيني اطلع من السالفة
_ياد : (لزمت جتفه وكلت : اني زوجهه 😠
_نرجس : ياد عوفه الله عليك لتسويلنه مشاكل هنا😭
_احمد : نرجس طلعي بره انتي ، راح تصير عركه وموحلو انتي بنصنه
_ياد : (لزمته بأيديني اثنيناتهه ودرته عليه وكلت : احجي ويايه اني واكف كدامك ولتندار ع مرتي لا اكسر راسك هنا
_احمد : الضاهر انت مو مال احترام (وضربته بوكس👊 )
_ياد : (تعصبت حييل ورجعت ضربته بوكس 👊)
_نرجس : (اصيحهم حتى يتركون بعض وماكو فايده اثنيناتهم يضربون بعض ومن الخوف اغمى عليه ولزمتني ايات )
_ايات : ياااد الحك نرجس ....
_ياد : (سمعت صوت تكول الحك نرجس نداريت شفتهه بحضن صديقتهه ومغمضه شلتهه بسرعه للسياره وصديقتهه جتي ويانه صعدنه بالسياره واخذتهه للمستشفى )
*___وره نص ساعه كمل الفحوصات واجت الدكتوره
_الدكتوره :انت زوج المريضه ؟
_ياد :اي اني
_الدكتوره :الحمد لله ع سلامتهه هي زينه بس الحمل مأثر عليهه ومو لازم تتعصب او تضغط ع نفسهه وعدهه ضعف خلي تاكل زين علمود صحة البيبي
_ياد (بصدمة) : شنوو مرتي حامل😯
_الدكتوره : اي، ليش ماعدكم خبر؟ تقريباً بشهر الثاني هي
_ياد :شكرا دكتوره نكدر ندخل يمهه؟
_الدكتوره :اي عادي تكدرون
_ياد : (دخلت واني فرحان كلش ولزمت ايدهه وكلت : حبيبي انتي حامل 😍
_نرجس :😐😯😯😯
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!