رواية أحبها فياليتني احصل على حبها الفصل الحادي والعشرون 21 - بقلم نور الشمس

ليش حلا شلون تسوين هيچ مگلتي ابوي ومكانته مگلتي الخاطر اخوي الوحيد الي يشوفچ غير عن خواتچ كلهن ليش تكسريهم هالكسره
لچ شهم والله متلگين مثله شگد ردناه يعوفچ وبقه متمسك بيچ ليش هيچ تعرفين شصار بيه تدرين محاچي حمزه ويريد اول ميجي يحضر الزواجه
شگله اني وشلون تصفه مافكرتي بس بنفسج

حلا ..بقيت صافنه وخايفه بنفس الوقت
شنو شبيچ ريحانه شمسويه اني
فتحي الكنتور وجيبي العلاگه مخليتها اول شي وشوفي وخل اشوف وياچ
..علاگتيش تره خوفتيني والله
..ولچ انتي تخافين. بسرعه جيبيها قبل لاتجي عمتي منو هذا رامي وليش هيچ ذابه نفسچ عليه
..ريحانه منو گلچ
..لچ ياغبيه امه واخته جايات الأمي وشاكيتلها منچ تگلها اخذوها وخلصوني رجعت تحاچي ابني ويريد يفسخ من وراها
..ضربت وجهي اني راجعتله والله مو هيچ ريحانه عمتي تدري
..اي من زمان تدري ومن وراج متحاچي شهم متريده يتزوجج وهوه مصر عليچ وتكول مااگدر اگله السبب تصير مشكله ومااگدر اشوفها بأسمه وتخون
..ريحانه والنبي محمد مو هيچ هاي قبل لاانخطب الشهم چان الولد يوصل اخته للمدرسه وبالبدايه هوه معجب بيه دزلي رسائل بيد اخته وشويه شويه تعلقت بي وگمنه نتواصل نفس الطريقه والله والله حته تليفون ماكو بينه شلون رجعت وهوه امه داريه بيه گايلتله الساده مينطون ومقنعته يخطب وخطب قبلي وره فتره صارت خطوبة شهم وبعد من عقدت حته اخته گطعت علاقتي بيها
..يعني شلون يجذبون لچ حالفه الأمي وگايلتلها اذا اجذب بختكم يعثرنه
..بديت ابچي والله والله اصلا نسيته ولامفكره بي والله احب شهم واموت علي هسه فدوه ريحانه لتفضحيني والله مو خايفه من اهلي خوفي على شهم واخاف اوگع من عينه
ريحانه انطيني مجال اني احاچي اخته وافتهم منها
..لج تبقين غبيه حته تلزمها دليل عليچ وتگول اتصلت علي شيطلعنه من هالمشكله بس گليلي اني عقلي وگف وممتوقعه منچ كل هذا
..مااعرف چنت بدون تفكير اتصرف فدوه ريحانه تساعديني زين خليني اني احچي وي عمتي واذا ماقتنعت اني اسحب نفسي ومااصير الشهم ابد بس خلوني بعينه مثل مااني لحد يكسرني والله هسه احبه والله احبه
شويه ودخلت امي مسحت دموعي وغمزتلي ريحانه نزلت وبقن هيه وامي
لگيت رسائل من شهم
ومكالمات بچيت بحرگه شسويت بروحي اني
الله ليوفقك الله لاينطيك ليش هيچ تدمرني
لك انت مو رجال ومگدرت تاخذني ليش تحطم مستقبلي ليش ضليت اضرب على وجهي وابچي بحرگه وصوتي خانگته
فتحت الرسائل
..حبيبتي حلاوة عمري شلونچ وين اشو مختفيه خو مو بيج شي
گلت شگله بلله شراح اجاوبه شلون لو دره بعمايلي يارب اريد الستر منك اني غلطت ومعترفه بأغلاطي اريد منك ترحمني ومتشمت و بيه
بقيت افتح باقي الرسائل

.. وأثنينه نشيب سوه
   ساعتها هم اكتب غزل
اجمل عجوزه زغيره
لعبت بگلب الشايب
هوه انتي لو حبچ ذنب
يگولون بعدچ تايب

حبيبتي الأخر يوم بعمري تبقين انتي حبيبتي الماكو بغلاها

من يصيرلج مجال ذكريني حته انام براحه
احبچ

بچيت الحد ماحسيت عيوني صفن شراح اسوي شنو عذري منه اكيد راح يصدگ كلشي .دائما يگلي احس اكو بينه حاجز اكيد هسه يفهم هالشي هوه الحاجز بينه والله ميوصل الأضفر منك الله ليوفقه ان شاءالله
بقيت بيومها للصبح مانمت
صار الصبح.
وصعدت الريحانه
لگيت امي نازله وهيه ترضع بالطفل
..هاي شصاير بيچ ولچ مبينه خايفه
..والله مانمت للصبح مو خايفه من شي اكثر خوفي على شهم مااريد اخسره فدوه ريحانه دبريني
..مااعرف شلون تصفه هوه محد يدري بس زهراء وأمي زهراء مينخاف منها طبعها متدخل بشي وانتي تحبچ وتحب شهم اذا حاجيتيها تقتنع
بس المشكله امي تعرفين شهم شنوو بالنسبه الها
وماخذه منج موقف من العقد المشكله تگول حچيها الي بالعقد اكدلي حچي المريه صحيح
..والله مثل ماگتلچ قبل ويشهد الله حته اتصال ماكو ابينه مجرد رسائل ومن خطب نسيته وطلعته من راسي واصلا اني متوهمه والله طلعت مااحبه چنت فرحانه بأهتمامه ولأن غريب ردت اجرب چنت رافضه اتزوج اقارب بس هسه كلشي اختلف
..حلا تگدرين تحاچين امي
..اي ولو صعب بس افهمها واذا بقت مقتنعه مااتزوج شهم اني اسحب نفسي والله واتحمل كلشي
بس والله حبيته ريحانه ساعديني ونقنع عمتي فدوه
واذا مقتنعت اني على وعدي
بس اريد اخلص الليل كله يتصل ويراسلني واني ماارد مااعرف شگله
..لتحسسي بشي هسه ابقي تواصلي وياه
..مااگدر ريحانه احسه يكشفني من اول حرف شهم يعرف كلشي حته بدون مااحچي
..يارب متخسرينه يموت عليج والله ومتلگين مثله شخص هيچ يقدرچ انتي غلطتي وحاولي تصلحين غلطچ واني وياچ اساعدچ مو الخاطرچ بس لا الخاطر شهم ادري بي ميگدر بدونچ وحرام ينكسر گلبه
تشكرت من ريحانه وطلعت اتفقت تخابر عمتي العصر تجي عليها ونحچي من امي تكون ممجوده
اجت عمتي تشوفها وصاحتني ريحانه امي چانت طالعه تجيب شغلات الأبن حمزه من الصيدليه
دخلت مكسوره ومااگدر اخلي عيني بعين عمتي
والكلام الي محضرته كله تبخر الساني انربط
ريحانه گالت العمتي يمه حاچيت حلا
والحچي مو مثل ماهوه
..ريحانه شلچ بهالسالفه وليش صحتيها
..يمه اسمعي منها
..مااسمع شي اني اصلا مابيدي شي اخوچ رايدها وهيه طارده نعمتها بيدها اني شسويلها
گوه حاچيتها واني ابچي
..عمه والله الموضوع مو هيچ الولد يجي وي اخته وصار سنتين اكثر مابينه حته اتصال يدزلي رسائل واتواصل وياه بنفس الطريقه
وقبل لاشهم يخطبني وتصير الخطوبه رسميه انتها كلشي هوه خطب وره فتره صارت الخطوبه ووافقت
وبعد حته اخته گطعت علاقتي وياها والله الله يشهد عليه وشهم هسه اموت عليه وماعندي غيره واذا ممقتنعه بكلامي وممصدگتني اني اگل الشهم يتركني بس لتگليله الهذا السبب فدوه اروحلچ عمه مااريد اوگع من عينه بعد مااتعلقت بي وحبيته لو يدري قبل لااحبه عادي عندي بس هسه صعبه
..كافي بچي وفهميني ..مااعرف ليش كسرت خاطري وردت افتهم منها واني قلل لااشوفها كارها حته اسمها
..حچيت الموضوع العمتي من البدايه الحد ماكل واحد منه شاف طريقه
وبعدين حچيتلها گتلها والله شهم هسه كلشي بالنسبه الي والمريه وبتها جيتهن مو صحيحه يردن يخربن شي ليش يجن الكم ليش مااجن الأمي
..گالت اني هم سألتها وگالت ماتعرف امچ
..عمه العندي گلته واني مستعده احلفلچ بحضرة العباس عليه السلام وبقت بكيفچ
..هذا هوو صدگتج اني اروحلها المريه وافتهم منها واحاچيها بطريقتي اذا تندلين بيتها دليني
وشهم مااريد يعرف بكلشي وانتي اذا تردين ترضيني ارضي شهم وخلي يعيش براحه شبع ضيم وقهر واناي مو حاسه بي
..بعيوني اخلي والله
..تعرفين شكد جنت احبج انتي وخواتچ عمري ماحاسبتجن بنات حمه بس مااخفي عليچ من دريت بسالفتچ كرهتچ واثرت حته على اختچ من اشوفهااذكرچ مااذيتها بس ماحبيتها مثل گبل اريدچ انتي ترجعين مكانتچ بعيني واني هم اتأكد من الموضوع
بعد ماطلعت عمتي ارتاحيت بوست ريحانه وهي هم باستني وگلالي تواصلي وي شهم خطيه

ام هشام
بعد ماطلعت من بيت ابو حمزه وعرفت مكان اهل رامي راحتلهم
واخذت وياها راية الأمام العباس عدهم اذا رادو يحلفون احد يحلفونه بهالرايه ومستحيل واحد يخاطر ويحلف جذب بيها
دگت الباب وطلعلها ولد شاب سألته امك موجوده انتو بيت ابو راكي گلها تفضلي حجيه واني رامي
گالتله اني العلويه ام هشام
صاح انه ودخلت وطلبت من امه تشوف رامي هم وطلعت الرايه گدامهم گالتلهم
اجيتكم بهاي راية العباس اعگدها على كلامكم واحلفكم بيها وبراعيها
الحچي الگلتوو صحيح كله لو بي اختلاف
البنيه تگول قبل لايخطب صح ومن انخطبت جني مااعرفه
الولد صفن ضل يباوع بالوجوه والأم ارتبكت
..يمه شنو السالفه يابنيه ياولد ياخطوبه
ام هشام..يمه اني عمة حلا وام رجلها البنيه عقدت وبأسم ابني هسه ادري گبل رايدها وهيه رايدتك بالحلال وماصار انت تركتها وگلنه شي وراح زلمنه ماترضه بهالحجي وتوصل للذبح امك اجتني وطلبت اخلصكم منها لأن راجعتلك وره عقدها واني ردت انهي خطوبتها وي ابني بس البنيه نكرت
..علويه مااعرف شنو الصاير الله يشهد عليه ردتها حلال لاضحكت عليها ولانيتي مو زينه بس اني صح مو كفؤ اوگف بوجه اهلعا واخذها وادري هالشي عدكم مستحيل ويرادله حرب اني مو گدها ملبينه شي حته اتصال ماكو بينه ومن خطبت بعد كلشي انتها
..يعني مامخابرتك وره الخطوبه
..أبد والله والرايه العگدتيها الله يسترها ويسعدها ماعندي شي وياها منو الوصل الموضوع الكم
..امك اجت وشكتلي وجابت رسائل وهدايه من گتله هيج الولد صارن عيونه نار وخزر امه وهيع بقت على سكتتها
..يمه ليش وحدچ تصرفين حلا شجابها بالموضوع ليش ترحين الهم وتحچين شتستفادين يعني لو ما العلويه عاقله وماوصلتها الولدهم تتوقعين بس هيه تخلصين منها ماخفتي عليه مافكرتي
..يمه اني علمودك انت مو طبيعي گلت اكيد رجعتله
..ام هشام ..ام رامي اجيتي ودخلتي بيتي ووجبتج وقدرتچ وحلفتيلي ابختنه كل حچايه صحيحه تعرفين شنهي الصار بجيتچ ابني لليوم مااگدر احاجي وهوه بغربه لو گايلتله الله يعلم شصار
والبنيه هم تعذبت ليش هيچ واحد مايخاف الله يعني انتي ماشايفتها مخابرته محاجيته
رامي..علويه جيتج على راسي واني الي اعتذر منكم خطيت خطوه اني مو گدها الله يعلم ردتها صدگ بس من عرفتها عقدت بعد ماوصلت حته مدرستها ولامىيت بطريقهم وشهم اني اعرفه والنعم منه راسكم مرفوع ابتكم ورايتكم ورايتها بيضه
الخلل بيه امي خطبتلي بت خالي واني ماردتها وره الخطوبه ماانسجمت وياها وهيه ابالها رجعت علاقتنه بس مو صحيح وهاي راية العباس اني اعگدها عليه وعلى عمري اذا كلامي بي غلط
..الله يوفقك وليدي ريحت گلبي وانتي ام رامي عندج ابنيه وولد احچي الحگ والي تشوفه عينچ ومو التتخيلينه ويجي ابالچ
طلعت منهم واني جبل هم انزاج من ضهري
فصلتلي رايه بيضه واخذت چگليت وحنه حنيتها ورجعت البيت ابو حمزه انطيتهن الحلا وريحانه
گتلهن هاي الحلا
واليسألجن عنها گولن للولد

حلا..
من اجت عمتي وانطتني الرايه شبعت بچي
من گد فرحتي فدوه اروحلك ربي
وريحانه هم بجت وياي
بعدها بفرحتي خابرت شهم
..الوو
..هلا حبيبتي شلونچ
..الحمدلله بخير مشتاقتلك
..اني اكثر شبي صوتچ
..منشوله وصوتي رايح
..عرفتج مو طبيعيه بالي يمچ تأخرتي عليه
..شهم احبك احبك احبك
..ضحكت بصوت عالي هاا شكوو اليوم خاف اطلعين مصخنه
..احبك واني بكامل قواي العقليه هههه
..ياروحي انتي اني اعشق حلا واعشق روحچ من تكونين فرحانه مبينه عليچ الفرحه شكوو
..ماكو شي بس صح فرحانه شوكت تجيون مشتاقه الكم
..ان شاءالله هذا الأسبوع .حلا ريحانه شلونها البترحه بچت من حاجتني مريضه تعبانه شو حمزه يگلي زينه واني من حاجتني ماارتاحيت
..لا الحمدلله كلش زينه وتسلم عليك
..الله يسلمچ ويسلمها صدك الحلوو شسميتوو حمزه راد امه تسمي شختارت اسمه
..بعد مختاره كم اسم بس قبل ساعه استقرت على عبدالله
..عبدالله حلوو  وخلي تسمي لتخلي المفروض محضرين اسمه قبل ليصير
..اي صح
..أن شاءالله جهالنه نحضر اساميهم قبل هههه
..ان شاءالله
..يلله ياروحي موعد تمرين حمزه هسه لازم اكون يمه بوسيلي ريحانه وابنها وبوسيلي خدج الحلوو
..هاي شلون ادبرها
..مااعرف دبريها بمعرفتچ
..تدلل
اووف خلص الأتصال ارتاحيت
ورحت الريحانه بلغتها وصارت صديقتي كلشي احچيلها

مرت الأيام واليوم موعد رجوعهم
الليل كله منايمين ونحضر ومنتضرين جيتهم
ابوي بلغنه وصلو المطار
وره ساعه وصلولنه
كلنه طلعنه للباب نشوفهم
شفنه حمزه يمشي على عكاز بجينه من الفرح
ممتوقعين يمشي على طوله

دخلت وصلت البابنه عبالك صار سنين مشايفهم
شفت ابوي وامي عيوني دمعن بست راس ابوي وايده
واجت امي بست راسها وحضنتها وزاد بچيها مسحت عيونها ورجعت بستها
..يمه كافي الحمدلله زين اني
اباوع بالوجوه شفت ريحانه وبيدها عبدالله
هالمره اني دمعت عيوني بستها وشميتها منتبهت الأحد ولاهمني احد
بقت عيني ع الطفل رفعته الي بسته مكدرت اخذه لأن مستند ع العكاز
دخلت جوه گعدت وجابته بحضني احساس مينوصف وفرحتي متنوصف
شويه وسألت على شهم گال ابوي تركه على راحته
اني طلبت منه يروح للديوانيه خلي يشوف مرته تسلم علي
گتله على راحته

شهم ..
ضليت ادور بالوجوه بعد ماالتهو عمي وعمتي وي حمزه بست ريحانه وباركتلها وبست الطفل وضليت ادور بالوجوه اريد اشوف حلا
عمي گلي ادخل للخطار خلي مرتك تسلم عليك
فرحت اني مشتاق اشوفها
اجتني حضنتني بكل قوتها بالبدايه انصدمت بس شوگي الها تغلب على الصدمه وبادلتها الحضنه
بستها
حبيبتي شلونچ مشتاقلچ
..اني اكثر ياعكري هاي ليش هيچ متغير وضعفان
..اكلهم مو مثل اكلنه ماتحملته ومااكلت براحتي غمزتلها بس انتي محلوه
..دنگت اشكرك
..تعالي گعدي شلونچ صحتچ
..الحمدلله هسه كلش زينه
..فديت الوجه الحلوو لچ فاجأتيني شنو هالأستقبال ممتوقع منچ كل هذا
..ابتسمت ليش
..مااعرف اجه ابالي توگفين على جها تسلمي وارد السلام وتبقين مستحيه  وابقه اني بقهري
..محضر كل هذا ابالك
..اي توقعت اسوء الأكور حته ماانصدم بس هم انصدمت مو بيدي هيه الصدمات تتقصدني هههه
..ههههه صوچي بعد مااصدمك
..احلى صدمه واحلى استقبال لو تحنين عليه بشغله وحده وتكمل صدمتي ع الأخر
..شنوو
..تعالي يمي واني اگلچ شنوو جريتها عليها وقبلتها فتره طويله احساسي بوقتها ماله مثيل شويه وتركتها
هسه روحي گومي عني
..گمت عنه گلي
..اوگفي وين وجهچ احمر تفضحيني تردين
روحي گعدي هناك وغسلي وروحي من اطلعين راح يجون يمي
..خجلت اكثر وغسلت وجهي نشفته وطلعت
صارت بوجهي ريحانه ابتسمتلي وصارت عيني بعين حمزه
..تعالي لچ تعالي ابوسچ مشتاقلچ
..حيل خجلت منه گلي
..حلا مااوصيچ على شهم تره متلگين مثله
..بعيني گلتها ورحت الغرفتي
..ريحانه اخوچ مسوي شي بأختي طلعت مو طبيعيه
..ليش مركز وياهم انت خليهم يمعود هوه اكو واحد صبر مثل شهم لتضربه عين
..هههههه والله اذا اخته ماعوضتني العين ضاربته ضاربته
..ياستار يمعود خليهم وانت تدلل

بهذا اليوم احبابنه كلها اجتمعت
وامي اجتنه اول مسمعت بوصولهم
جابت جگليت وذبت على حمزه
من شافها شهم گام ودنك
اجت باسته وتحاضنوو فتره طويله ماحچه شي ولاعاتبها بس عيونه چانت تحچي كلشي

ارتاحوو واتفقوو يبدون بتجهيزات العرس

يتبع..

البارت بدون مراجعه 🌹