رواية أحبها فياليتني احصل على حبها الفصل الرابع 4 - بقلم نور الشمس

ألغفه بفي النخل
يترجه تمره اطيح
مو مثل التشلبه
وجاب بذراعه
واذا صار العشگ للبيع
لاتعتب على الشراي
ذب اللوم ع الباعه

حلا..
بقه حچي ايات ابالي انتضرت ريام تجي
ومتلهفه احچيلها كلشي
شويه وأجت ريام
..هلا حلا
..هلا بيج حبيبتي وينچ منتضرتچ
..خير شعندچ اكو عندج شي موو
..اي شخبار رامي
..الحمدلله رامي زين ليش تسألين
..شنو ليش اسأل مدازلي بيدچ خبر مو گتله على سالفة شهم انو يريدني ولازم هوه يعجل بالخطوبه
..حلا لا مداز شي عوفي الرامي الله عليج امي تريد تموت تگول مالنه حمل زعل الساده وكلشي ولا يفكر بيچ
..شنوو شبيچ ريام اشو هذا الحچي جديد
..أي حلا جديد رامي راح خطب والأسبوع الجاي عقده
..مااعرف اوصل احساسي بساعتها شصار بيه
ريام شنوو يخطب ووحچيه والوعود وكلامه وانتي الي وين كل هذا
..لا وعود ولاشي لاطالع وياج هوه ولا محاچيج اذا قصدج ع الرسائل كلهن حرگتهن هوه طلب مني وانتي هم انسي
..ريام صدگ تحچين لوو ناصبه عليه
..حلا شبيچ جلبتي طبعا صدگ احچي وامي تگول اذا مكفت هيه منه هالمره اروح الأهلها
..گعدت ع الرحله واحس الدنيا تفتر بيه
شصار بيه اني وشنو هالحچي
اتذكر رسائله
..حبيبتي حلا انتضر اليوم الي يجمعنه اني وانتي ونكون اسعد اثنين
مستحيل انساج بيوم ومستحيل اقبل بغيرج تكون زوجه الي
گلت وين المستحيل
الله ينتقم منك ليش هيج اذا تعرف انت مو گدها ليش تعلقني بيك
خلص الدوام واني كلشي ممنتبها ومااعرف شوكت خلص هالوكت
أيات عرفت من ريام كلشي
محجت شي وياي بس نضراتها كافيه
كل نضره منها تگلي شگلت شحچيت صوجج مسمعتي الكلام
رجعت للبيت واني مااعرف شسوي
بيه حسره شكبرها بس شحچي وشگول
كله من أيدي
رحت گبل الغرفتي لفيت راسي ونمت
اجتني انسام
..حلا شبيج گومي ليش هيج حته ملابسج ممغيرتهم
..مريضه انسام عوفيني مستبرده
وصدگ گمت احس جسمي يرجف
اجتني امي بس شفتها گمت ابچي
..يمه حلا شبيج
..مابيه يمه متكسره اريد ارتاح
..اخذج للطبيب
..لا مااريد بس اريد ارتاح
حاولت انام مگدرت اريد اشيل هالأفكار من بالي مگدرت فشلت بكلشي باختياري وبتصرفاتي شنو موقفي هسه هذا الچنت اتصوره يتصده للناس كلها بحبي يستاهل هالشخص وقتي الي راح وتفكيري الوجع الي احسه هسه
شنوو فكر من سوه بيه هيج
مااعرف شلون نمت وشوكت
شهم ..
من طلعت الصبح وشفت طولها عبالك الدنيا ضحكتلي كلشي مااريد بس اريدها گبالي تصير الي محد يشاركني بيها ولااخاف عليها تروح الغيري اريد ارتاح وبس هذا الأريده
كملت يومي بنشاط
اجه الليل تمددت اول مااجت هيه على بالي
اخ ياگلبي شبيك متگلي ليش احس جنك داخل سباق من افكر بيها ضرباته تقوه وتسرع
شوكت ترتاح
اووف يابنت عمي وحبي الچبير
حلا واسمها عليها
چنت اتذكر طفولتها اني اكبر منها بثمن سنين
اتذكرها من چانت اول ابتدائي
بوقتها اني متوسطه
چنت اخاف عليها من كلشي وشحده الي يمر صوبها من الولد وحته البنات
بس چنت احب اداهرها احب اشوفها من تعصب
اجه ابالي موقف
چانت هيه رايحه تشتري من محل ابو عمار
ابو عمار يصير ورانه بشارع يعني مسافه
شفتها رايحه لحگتها اركض
..حلا حلا
..ها
..وين رايحه وحدچ
..رايحه اروح اشتري من ابو عمار
..اني اشتريلج شنو تردين
..معليك انت اني اروح اشتري
..گتلج مترحين وحدچ لو اني اشتريلج لو رجلي على رجلج
..اووو انت گادر عليه شعليك بيه
..ألسانچ لچ بگدج اني وتعلين صوتچ تعالي امشي بدون كلام
مشت وياي بس احس عيونها تريد تطلع
اني بوقتها خايف عليها بس هيه مشافت خوفي شافت هذا تدخل مني
لو تفهم چان عرفت من ذاك الوقت هيه ابالي واني حابها حته لو مجانت تعرف الحب شنوو ولا اني بوقتها اميز شنوو مشاعر وشنوو حب والهسه اخاف عليها وروحي معلگه بيها
أه يروحي انتي تهوين العذاب عفتي البنات كلها تعلگتي بأم خشم اليابس حلا
فدوه الخشمها بس لو يلين شويه وينزل حته تحس بيه

حمزه ..
اني ضابط دوامي بالنخيب منطقه حدوديه
أجي الأهلي اسبوع والتحق ١٤يوم
كل مااجي لهلي ابوي يسألني شوكت ازوجك
جوابي چان اله يابه مو هسه الأوضاع موشي
ودوامي هم بي نوع من الخطوره
واصلا هوه اسبوع شنو اشوف من العروسه بهالأسبوع خلوني هيج اگضيها فره وي الولد احسن
اليوم رحت البيت عمي وشفت ريحانه
ماشاءالله عليها شفت جمالها وعيونها وحدهن يخلني اروح بغير عالم
ضليت افكر باچر افتح الموضوع وي ابوي حته نعقد بهذي الأجازه اذا هيه موافقه
اوو اخلي امي تفتهم منها يلله ابلغ ابوي
ثاني يوم الصبح گعدت من وكت
..صباح الخير يوجه الخير شلونج يمه
..صباح الخيرات بعد امك وگلبها هلا شعجب اليوم من وكت
..غمزتلها ابوي وين
..ابوك توه طلع ماخذينه جاها عمك كلفه
..الله يحفظه .يمه عندي وياج موضوع
..گول يبعد امك انت شعندك
..أريد اخطب
..ياا هاي الساعه المباركه حابلك وحده ولك
..لا مو حب بس اكيد راح احبها اني رايد ريحانه بت عمي كريم انتي شتگولين
..والله يايمه هذي فرحتي ريحانه ورده تستاهلك وتستاهلها اني ماكو غيرها ابالي الك
..ياالله خوش يعني اجتج ع المرام
..أي والله ع المرام اشوي احاچي ابوك واخلي يخطبلك
..لايمه قابل ابوي مااعرف اني احاچي بس اريدچ انتي تتأكدين من البنيه وموافقتها يلله عود اخطبها
..وليش متوافق عليك شناقصك
..ماناقصني يمه بس هوه الزواج اهم شرط بي القبول اني رايد قبولها مو قبول عمي وعمتي فهمتيني يمه
..أي يمه فهمت شويه واروح واني افتهم منها
..ألله كريم يمه

ريحانه گعدتنه الوالده مثل كل يوم الفجر ع الصلاه واني وهشام الوحيدين الي منرجع انام وشهم اصلا هوه نومه مااعرف شلونه وشوكت ينام وشوكت يگعد ساعات نومه قليله كلش
كملت شغلي وبقه بس الطبخ واجت عمتي ام حمزه
..صباح الخير ريحانه
..صباح الخيرات عمه
..تعالي يمه ريحانه اريدج يم العلويه
..صار عمره انصي جدري واجي
ام حمزه ..صباح العافيه علويه
..هلا بهالصباح تعالي فوتي
..اليوم اجيتكم خطابه
..ياا ولج خطبتيش من الصبح هههه
..خيه حمزه يريد يخطب اعرف ليل نهار انه مو زين هسه اجيتكم گوه اخرت نفسي ساعه
..هلا بيج بكل وكت صدگ تحجين لو هاي سوالفچ حمزه رايدمن
..والله يا ام هشام صدگ احچي حمزه رايد ريحانه وگلي سأليها هيه وعمتي بالأول حته اشوفها توافق لا گبل مااوصلها الأبوي والعمامي
..ام هشام ..حمزاوي زينة الشباب وليش متوافق صحت وينچ ريحانه ريحانه
..أجيت يمه
..تعالي يمه گعدي عمتچ جايه تخطبج الحمزه انتي شتگولين
..نصيت راسي شگول يمه بكيفج انتي وابوي
..تعرفين لاانه ولاابوج نجبرجن بس حمزه زينة الشباب ابن عمج ومابي قصور اني عندي حاله حال ولدي الله يشهد
ام حمزه..فدوه الگلبج علويه يوم الي تفرحين بيهم كلهم درت وجهي على ريحانه ها يمه شگلتي
..عمه بكيف ابوي اذا يوافق اني موافقه
..يعني نجي نخطب صلاوات عمه والله انتي مناوتي الحمزه بس هوه تره الي اختارج مو انه الخطبتج جان يرفض اليوم وحده گلي اريد اخطب
سلمت عليهن وطلعت للبيت يمكن ودي اطير حمزه وحيدي وهوه عيوني ونضرها
رجعت لگيته گاعد يدخن
..ها يمه بشري
..يمه لو ماالعيب من الصبح چا هلهلت
..يعني موافقه
..أي موافقه
..گمت الأمي بستها براسها الحمدلله اشوف الفرحه بعيون امي مشايفها هيج فرحانه من زمان
رحت صعدت الغرفتي
وابالي اتذكر عيونها وقرص وجها الطالع بس ياقرص يسوه الگمر والشمس
طبعا هيه ابالي من زمان واعرف احنه نتزوج من بنات عمومتنه وجانت ريحانه هيه الي من الزغر بس مشايفها من زمان ولااعرف شي عنها لذلك چان كلشي عندي عادي ومااريد استعجل بالزواج
البارحه من شفتها كلشي اختلف
حسيتها شي الي وحلالي بس اني هاملها
ليش مااتزوج واعييش حالي حال هالشباب
بس دوامي شلون ابقه اجي اسبوع وهنا اسبوعين
يلله اسبوع بي مرتاح احسن من الماكوو
تمددت بفراشي بيومها مارجعت نمت
وره ساعتين سمعت صوت الوالد يصيح
..حمزه حمزه
..جاي يابه نزلت واني البس تيشيرتي ع الدرج
..هلا حمزه تعال يابه
..شلونك يابه
..الحمدلله اني هسه تمام متأكد رايد بت عمك اروح العمك اطلبها
..أكيد متأكد يابه قابل جاهل اني يوم اريد يوم لا
..لا حشاك بس حته اتأكد تعرف علاقتي وي اخوي ابو هشام مااريدها تخرب بأي شكل من هسه بت عمك تاخذها تصونها أني ابوك صح بس تلگاني ضدك لو فكرت يوم تأذيها
..ضحكت تدلل يابه شالقصه گلبت عليه بعدك اشفت منها
..يوميه اشوفها ريحانه ومن دون بنات اخوي احبها اكثر وحده بيهن وفرحان لأن انت اختاريتها
ع العموم حضر نفسك وره الغده نروح العمك واخوانها نطلبهم منها
..ان شاءالله رحت الغرفتي واجه ابالي شهم هذا اخوي الي ماولدته امي اروح اخطب بدون ماهوه يدري شلون گلت اخابره احسن
..الوو
..هلا والله شلونك ابن العم
..بخير الحمدلله شهم وين انت بالدوام بالبيت
..لا والله بالدوام اكمل شغلي وارجع رايد شي حمزه
..اي والله رايد باوع اني مااعرف شلون اگلك بس هم مااگدر اغلس ومااگلك يعني مااريدك تعرف من غيري
..شكو ولك حزوره هيه
..شهم اليوم نجيكم نخطب
..هاا الك
..چا لبوي شبيك ولك راح تخليني اندم جي گتلك
..ههههه عمي اعصابك تخطب منوو
..اخطب رياحانه بس بربك لاتطگني بنهوه بداعة الخوه خليني متونس على طاري الخطوبه ههههه
..هههههه ولك راح نصير نسابه حمزاوي ماالگه احسن منك الها بكل وكت كل الهلا بيك اني اطلع من وكت للدوام وهناك اشوفك
..يلله مع السلامه
..الله وياك بالسلامه
شهم ..
احلى خبر سمعته ريحانه بنضري محد يستاهلها غير حمزه اجت ابالي فكره اني هم اخطب ونخطب سوه بس بعدين فكرت كلت ليش اخرب عليهم اوو راح يفتهموها ماننطيكم لمن تنطونه خلي تمر فتره يلله

حلا..
يومين اني مااگدر اتحرك من فراشي
وتعبت حيل مااعرف شبيه رجليه متعيني وخفت لايصير بيه شي
اليوم اهلي فرحانين وعرفت راحو يخطبون ريحانه الحمزه فرحتلهم ولو ماكو مكان للفرحه بگلبي تكأبت
شويه واجت امي گالت اذا ماصرتي اليوم زينه ناخذج طبيب شنو سالفتج يمه نشلتيش هاي الي هيج تغيرج لا علاج يفيد وياج ولا شي
..گومي اتحركي شوفي خواتج اليوم خطبة اخوج مافرحانه
..يمه والله فرحانه بس مو بيدي مااگدر اگوم
شويه واصير احسن ليضل بالج
راحت امي ورجعت الأفكاري
اني ليش گتله شهم رايدني لو مگايله احسن
يوو يعني لو باقي يجذب عليه احسن شگد غبيه اني
ياربي طلعه من گلبي
اريد ارتاح
اجت ابالي شغله بس لامينطون ريحانه الا اني اوافق على شهم يلله
بس لايسووها كل الصار بيه بسببه لو مرايدني ولاح وياي چان استمرينه اني ورامي
بس رامي طلع جبان مو شخص يعتمد عليه شهم شعليه
لا هوه اساس المشكله شهم
اوووف تعبت انتبهت النفسي اريد أگوم مااگدر
رجليه عبالك حديد ركبتي متنثني ولااگدر اتحرك حاولت حاولت ماگدرت احركهن
انهاريت بچي ومردت اخرب فرحتهم خل يخطبون ويرجعون يلله يشوفون مصيبتي
يتبع ...