الفصل الخامس

(الحلقه الخامسه) امام شاطئ البحر تجلس روز وتنظر للامواج حيث تأتي وتداعب قدميها وتسرح في احلامها المستقبليه ويقطع شرودها زياد زياد /ايييييييه ساعه بنده عليكي روحتي فين روز بابتسامه تحمل مغزي /لا ابدا زياد /طب مش يلا طيب ونهض زياد ومد يديه كي يسند روز وانصرفوا وظل الجميع يرتب للرجوع وفي الصباح انطلقوا للعوده (منزل روز ) روز /جدو جدووووو انت فين ياجدو انا جيييييييت مصطفي /حبيبة قلب جدووو

تعالي ف حضني وحشتيني ياعفريته البيت وحش من غيرك يازوزتي روز بدهشه /جيبت الاسم ده منين ياجدو مصطفي /هو الاسم ده لزياد بس ولا ايه ههههههههههه روز /هههععهه لا ابدا تعالي بقي احكيلك احسن الرحله دي مليانه مفاجااااااات مصطفي غامزا /ايوة ايوة تعالي قوليلي وقصت روز كل ما حدث لجدها فهي حفيدته الوحيده ومتقدرش تخبي عليه اي حاجه وبعد انتهائها من الكلام سالت الجد عن رايه مصطفي /طب ماانا عارف من زمان روز بصدمه /هه

عارف ..عارف ايه ياجدو مصطفي /عارف ان اكيد هاييجي يوم وتعترفوا ان كل ده مش اخوه ولا شغل جيران ابدا روز/يعني انا اخر من يعلم بقي ولا ايه مصطفي /ههههههه بس البت سارة دي ذكيه قوووووووي معقوله لاحظت في مرتين مقابله بس روز /ممم طب انا هاقوم اغير هدومي واستريح شويه (منزل زياد ) سلوي /حبيبي البيت كان وحش من غيرك زياد مقبلا لراس امه /واللهي انتي كمان وحشاني موووووت ياسوسو سلوي /وانت كمان ياروح سوسو رفعت /اهلا اهلا بالبطل

عا الله تكون انبسط زياد /اوبااااااا بطل مرة واحده كده بابا عايز حاجه رفعت /لم نفسك ياولد انا ابوك مش واحد صاحبك زياد / ولد .... طيب انا هاطلع اغير هدومي واستريح احسن اموووووت وانام رفعت /طب استريح عشان عايزك زياد /حاضر .... شكلها باينه من اولها رفعت /بتقول حاجه يازياد زياد /حبيبي يابابا انا طالع بقي

اما روز طلعت ورمت نفسها ع سريها وفضلت سرحانه وتفتكر مواقف مع زياد وتضحك حتي قطع شرودها صوت زياد من الخرج فقامت مسرعه ودخلت البلكونه زياد /ايه يازوزه ساعه بنده انتي طرشتي ولا ايه روز /هههههههه يابني احترمني مرة قبل ما اموت زياد /هههههههه ياستي بعد الشر روز /عايز ايه بقي زياد /مش عايز حاجه بس اتخنقت منهم قولت اطلع ارغي معاكي روز /هههههههههه يخرب عقلك احنا لسه طالعين وجايين من رحله لحقت تزهق

زياد /اصلي حاسس بحاجه مش طبيعيه تحت وفي اجتماع مجلس اداره برئاسه دكتور رفعت قصدي برئاسه بابا هههههه روز /ليه حصل حاجه زياد /مش عارف بس قالي يابطل يبقي اكيد عايز مني حاجه روز /ههههههههههه عمو ده عسل وتقطع حديثهم هدي اخت زياد هدي /ازيك يازوزو وحشاني موت روز /انتي اكتر ياهدهد اخبار المذاكرة ايه يادكتورة زياد /دي فاشله ومش نافعه ف حاجه هدي /شايفه ياروز ع طول قافلني وحابطني روز /سيبك منه ياهدهد اكيد متغاظ منك هههه

زياد /هههههه اتغاظ من دي دي اوزعه هدي 😛😛/عجباني خلص عشان بابي عايزك زياد /اهو شايفه بتستفزني ازاي قال بابي قال ... الله يرحم هدي /انا نازله يازوزتي زياد /ملكيش دعوة بالاسم ده يابت روز /ههههههه سلام ياقلبي زياد /شوفتي مش قولتلك انا نازل بقي روز /انزل يازوز اشرف /ازيك يازياد واحشني زياد /اهلا ياحبيبي انت اكتر مراتك عامله ايه اشرف /الحمد لله تعالي عايزينك رفعت /اقعد يازياد جلس زياد وقد بدأ القلق يسكن قلبه

زياد/ايه ياجماعه قلقتوني رفعت /الموضوع ميستدعيش القلق ده احنا هنكلمك ف مصلحتك زياد /اوبا يبقي اكيد الكلام مش هايعجبني اشرف /ليه بس بالعكس ده الموضوع فيه موزه قصدي فيه بنت رفعت بحده /اشرررررررف اشرف/حاضر يابابا زياد /انا مش فاهم حاجه رفعت /انا جيبتلك عروسه ماانت لازم تتجوز وتستقر بقي ونفرح بيك زي اخوك ولا ايه زياد /جيبتلي عروسه !! انت محسسني انك جايبلي لعبه وانا عيل صغير

رفعت /انت فعلا صغير ومش عارف مصلحتك انت اصلا عارف انا اخترتلك مين زياد /اللهم طولك ياروح.. هايكون مين يعني اشرف/يارا بنت دكتور شوكت فاكرها يازياد زياد /لا مش فاكرها انا اخر مرة شوفتها من سنين مش دي اللي كانت بتتخانق مع روز ع طول وطالعه فيها كده رفعت /لااااااا الكلام ده كان زمان دلوقتي يارا عروسه وزي القمررررررر هاتشوفها وتغير رايك زياد /انا مش بفكر في الجواز وخصوصا بالطريقه القديمه طحن دي رفعت /فكر ع مهلك

وياريت مترفضش عشان مزعلش وانا زعلي وحش قوي قوي يازياد انا لحد دلوقتي بدلع فيك صعد رفعت غرفته والغضب يملأ ملامحه وتحدث الاخان بموده وهدوء اشرف /زياد اسمع كلام بابا هو اكيد .... زياد مقاطعا له /اسمع يااشرف انا مش صغير ومش هاتجوز بالاسلوب ده وبعدين انا مش فاكر يارا دي خالص اصلا كل اللي فاكره عنها لما كانت بتتخانق مع روز وبتكرها اشرف /سيبنا من روز دلوقتي

البنت حاجه تانيه دلوقتي وف كليه طب وبابا بيقول عليها بقت قمر وبنت ناس ومتربيه زياد /ايوة بس انا اشرف مقاطعه/اسمعني كويس مينفعش ترفض كده ع طول عشان بابا ميحطكش ف دماغه وافق وخلينا نروح ونشوفها ولو معجبتكش ساعتها هنطلع فيها القطط الفطسانه وانا هاقف معاك انما ترفض كده ع طول لا زياد بتفكير /طيب يااشرف بس واللهي لو معجبتنيش ما هاتجوزها واللي عندكوا اعملوا اشرف /قشطه يامان تعالي بقي نقول لبابا

وبعد ابلاغهم لرفعت بالموافقه ع زيار تهم ابتسم الاب واحتضن ابنه قائلا /انت كده ابني حبيبي وصدقني هتغير رايك زياد /انا طالع اوضتي فضل زياد قاعد سرحان ومش عارف هو ليه زعلان وقلبه مقبوض وفجأة افتكر روز وراح عشان يحكيلها روز /مالك يازياد شكلك مش مضبوط زياد /....... روز وقد بدا عليها القلق/في ايه بس قاقتني زياد /انتي ع طول فقساني روز /ههه طبعا يازوز اعترف بسرعه يلا زياد /بابا جيبلي عروسه وعايزني اتجوز

روز وقد انتفض قلبها وكأنه قد تحرك من مكانه وشعرت ان الدموع تقف ع ابواب عيونها ا اا ..ااا .اا زياد /مالك ياروز روز /كح كح كح لا مفيش بس اتفاجت وانت ايه رايك زياد /مفيش وافقت اروح اشوفها وربنا يستر روز /م م ..مب .. مبروك زياد وقد شعر بانقباض ف قلبه عند سماعه لهذه الكلمه ومن روز بالتحديد روز /انا داخله اشوف جدو