رواية احضني بقوه اخاف منك أضيع الفصل الثاني 2 - بقلم غير معروف

اسفه على التأخير .....

بس حبيت اشوف ردودكم ....

وهذا البارت الجديد ....

البارت الرابع
ملاك:سلامتك ماتشوف شر
طلال بدون نفس:الله يسلمك
ملاك:عسى ماتعورت؟
طلال:زي ماانتي شايفه
ملاك:اقدر اشوف الجرح؟
طلال:كأنك زهقتيني مسويه نفسك خايفه علي
ملاك:طلال
طلال:لايكثر اقول وابعدي عن وجهي
ومشى وخلاها
ملاك في نفسها :الشرهه مو عليك على اللي يسأل عنك
ريما:ملاااااااك
ملاك:ها نعم وجع وش تبين؟
ريما:يوجعك وش سرحانه فيه انتي ووجهك؟
ملاك:سرحانه فيك
ريما:لا والله ؟وشاللي موقفك لحالك هنا؟
ملاك اللي ماتخبي شي عن توام روحها ريما:مولحالي
ريما:بس انا مااشوف احد هنا
ملاك:رااح
ريما:مييين؟
ملاك:طلال
ريما:نعم نعم نعم؟ وش يبي بعداللي سواه جد مايستحي
ملاك:حيلك حيلك مايبي شي انا كنت اساله عن جرحه
ريما بعصبيه:انتي هبله؟
ملاك بغباء:ليييه؟
ريما بنفس العصبيه:ملاك نسيتي شسوا نسيتي؟
ملاك:كل قلب يحب ينسى
ريما:مدري شاخرتها معكم
فجر اليوم الثاني طبعا" البنات والعيال مواصلين
البنات يتمشون والعيال يلعبون بالدبابات
شوق:ملاك
ملاك:هلا؟
شوق: انتي جد تعرفين للخيول؟
ملاك:يقولون عني
رغد:ايه صح انا مره شفتها راكبه خيل
لينا تغمز لملاك:حركااااات بنت خالوا
ملاك:أعجبكم انا
لمى:اجل ورينا مواهبك
ريما:اييه تكفييين ملوكه خلينا نستانس
ملاك:اووووكي ماطلبتوا
شوق:اركبي خيل هشام ولا فواز
رغد: لا لا تركبين خيل هشام
ملاك:اعنبوك تغارين حتى على خيله
رغد مستحيه وتهز راسها بأيه
لينا:اركبي خيل طلال عشان تطيحين
ملاك: ماشاالله بزياده حبك لي
البنات يضحكون
وصولوا عند الخيل
لمى: ها ملووكه اي خيل بتركبين؟
ملاك: خيل حبيبي زياااد فديته من سافر محد ركب خيله
شوق اللي تحب زياد ولد خالها:الله يرجعه بالسلامه
ركبت ملاك الخيل وكانت عن جد خياااله
فتحت شعرها البني الناعم وقامت تسرع وشعرها يتطاير وشكلها يقطع القلب
طلال كان يكلم خويه ويمشي بعيد عن الدبابات وازعاج العيال وولما سكر وجا يرجع للعيال شاف ملاك
طلال في نفسه:ماشالله من هالمزيونه اللي راكبه خيل زياد ماتبين ملامحها من بعيد
معقول ملاك ملاك بهالحلا كله هذي تقطع القلب معقول هي جد ملاك
البنات ماانتبهوا لطلال وطايحين تصفيق وتصفير وتشجيع للأخر
وملاك تضحك على حمااسهم
طلال في نفسه:انا لازم اتأكد من هاللي راكبه خيل زياد؟
بعد ساعتين الكل قام والعيال والبنات ناموا وقاموا ع المغرب
طلال يكلم رغد:انتوا رحتوا عند الخيل الفجر؟
رغد واللي خايفه اخوها شاف ملاك لانه عيب يشوفها من دون حجاب وبهاللبس لانها كانت لابسه شورت جينز وبدي اسود
رغد:اييه بس انت شدراك؟
طلال: لا بس يوم قمت من النوم رحت اشوف الخيل وشفت خيل زياد كأنه متغير من مكانه
رغد ارتاحت يوم تذكرت ان ملاك قالت بتحطه بمكان ثاني تغير له جو على قولها
رغد: اهااا
طلال: طيب انتوا ليه مطلعين خيل زياد من مكانه؟
رغد:ابد بس ملاك كانت تلعب فيه ويوم خلصت غسلته وقالت بتغير مكانه
طلال سكر من رغد وكان افكاره الشريره رجعت له
طلال في نفسه:معقول الحجاب يغطي كل هالجمال بس جمالك مايشفع لك عندي يا ملاك
تركي واقف جمب طلال وهو سرحان:طلال
طلال:...........
تركي:طلااااااال
طلال:نععععم
تركي:انا قررت قرار وماني بمتراجع عنه
طلال:عساه خير
تركي:انا لازم اقول لريما اني احبها ياخي خلاص انا اتعذب وهي مو حاسه
طلال:الله يساعدك
الفجروطبعا" البنات والعيال لسى ماناموا مثل العاده بس هالمره العيال بالمسبح والبنات عند الدبابات
هشام:طلال جيب الكوره خلنا نلعب فيها واحنا بالمسبح
طلال:طيب وينها؟
هشام:اتوقع عند الدبابات من امس
طلال وهو الوحيد اللي يدري ان البنات عند الدبابات:لا ماني برايح خل تركي يجيبها
تركي:طلال وش ذا النذاله روح انت جيبها
طلال:تراها فرصة العمر دامك لسه كاشخ ومالبست الشورت
تركي بشك:وش تقصد؟
طلال:روح وتعرف
راح تركي وهو تقريبا" فاهم بس يبي يتأكد
هشام:وش فرصته ذي؟
طلال:لاتستعجل الحين يجي تركي ويقولنا عن الاخبار
عند البنات
كانوا يلعبون بالدبابات الا ريما >>من حظ تركي
ريما وهي تصارخ عشان يسمعونها البنات:بنات بروح اجيبلي عصير من يبي
ملاك:كلنا بعد حماس الدبابات محتاجين شي بارد نشربه
ريما:من عيوووني
راحت ريما وهي ماشيه صقعت بتركي
ريما وهي منحرجه:اسفه ماانتبهت
تركي:عااادي ماصار شي
ريما:عن اذنك
تركي:ريما ممكن شوي بس
ريما:تفضل
تركي:بصراحه مو عارف شقول ماينفع نجلس
ريما:لحالنا؟
تركي:لا مع الجيران
ريما:تركي شفيك
تركي:انتي بصراحه ماتساعدين الواحد يتكلم اقولك ممكن نجلس تقولين لحالنا
ريما:طيب ليه معصب اجلس
تركي:وين تحبين نجلس؟
ريما:هنا
تركي: ع الارض؟
ريما:لا بالسما
تركي:شفيك؟
ريما:يعني اذا مو ع الارض وين بنجلس؟
تركي:بالكراسي اللي ورا
ريما:لا اسفه هنا احسن ع الاقل مو كأن احنا متخبين
تركي وهو يجلس ويجلس ريما:احترم رايك
ريما:خير تركي فيك شي
تركي:بصراحه ياريما وبدون مقدمات انا احبك
ريما مصدومه عمرها ماحست مجرد احساس بأن تركي يبادلها احساسها
تركي:ليييه ساكته؟
ريما ووجهها احمر:يعني ماادري انت فاجئتني
تركي:والله ياريما انتي شاغله تفكيري وكياني ومحركه مشاعري وربي ان القلب مادق لغيرك
ريما في قمة الاحراج
تركي يكمل:والله اني ماانام الا وخيالك يزورني اشوفك بكل مكان حتى بالشركه تكفين ريما ريحيني
ريما:........
تركي:ماابي منك غير كلمه تريحني او تقضي علي ولاتترددين مهما كانت مشاعرك تجاهي
ريما:...........
تركي:ريما انا مااعترفت لك بمشاعري الا عشان اعرف شعورك تجاهي قولي
ريما:..........
تركي بأسى:خلاص ريما عرفت أشكرك انسي اللي سمعتيه دامه ضايقك والله يوفقك مع شاغل افكارك
وقف تركي بيمشي ووقفت معه ريما
تركي:وعد مني ياريما مااخذ غيرك حليله لي حتى لو تزوجتي غيري
لف تركي عطاها وراه وجا بيمشي بس وقفه يد ريما على يده
لف تركي عليها
تركي:اسف اذا جرائتي زادت
ريما:تركي ابي اقولك شي واحد قبل تروح
تركي والحزن بعيونه:تفضلي
ريما:عمر القلب ماعشق غيرك
تركي:ريما افهم من كلامك انك تبادليني نفس المشاعر؟
ريما:أسعدني بوحك بمشاعرك
تركي:واسعدتني عيونك اللي اعترفت بحبك قبل ينطق لسانك
ريما:عن اذنك
تركي:تفضلي
راحت ريما للبنات ونست العصير
ورجع تركي للعيال ونط بالمسبح بملابسه من الوناسه
طلال:خيييير يابوالشباب ناط بملابسك
هشام:من اول وانا قايل لكم انه اهبل بس محد صدقني
تركي:ماعلي فيكم انا مستانس قولوا اللي تقولونه
طلال:افهم من كلامك انك قلتلها؟
تركي وهو ينطط داخل الموي ومسوي زحمه:قالت احبك ياتركي قلت من قدي
طلال:ههههههه والله انها خذت عقلك مو بس قلبك
تركي:يحق لها تاخذني كلي
هشام وهو لسى مو فاهم شي:الحين انتوا وش سالفتكم وبعدين انت لايكون قلت لريما انك تحبها؟
طلال:يااخي استيعابك بطيئ ماتشوفه من اول ينطط وفرحان ويقولك قالت احبك ياتركي
هشام:اوعدنا يارب
عند البنات لاهين بالدبابات محد نزل منها غيرملاك اللي حست بتغيير ريما من جات
ملاك:ريوم شفيك؟
ريما:قال احبك ياريما واشغلتي تفكيري قلت القلب مايعشق سواك
ملاك:ريووووم وش السالفه تركي قالك انه يحبك؟
ريما:اييييه ياملاك اعترف لي واعترفت له
ملاك وهي حاضنه ريما:وأخيييييرا" اوعدنا يارب

{[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 15
قديم(ـة) 15-03-2009, 09:22 PM
صورة أسـيـر النـايـف الرمزية
أسـيـر النـايـف

بعد اسبوع
ملاك تكلم زياد ع الماسنجر وتشوفه من الكام
طعـــ السيف ــــن ولا طعـــ الكلام ـــــن
زيووووود حبيبي حدي مشتاقتلك تدري انا نايمه بيت خوالي من اول مارجعنا من المزرعه ذاك اليوم
اشتــــ لترابكـ يالوطن ــــقت
وانا اكثر يابعدهم والله بس غريبه مو بالعاده تطولين عندهم انتي ماتستغنين عن بنات عماني وعماتي
طعـــ السيف ــــن ولا طعـــ الكلام ـــــن
بكرا برجع لهم بس متى بترجع؟ مو حلوا من دونك
اشتــــ لترابكـ يالوطن ــــقت
ان شالله قريب
طعـــ السيف ــــن ولا طعـــ الكلام ـــــن
صار لك سنه وكل يوم تقول ان شالله قريب
اشتــــ لترابكـ يالوطن ــــقت
شسوي الشغل على راسي
طعـــ السيف ــــن ولا طعـــ الكلام ـــــن
اووووووف صرت اغار من شغلك
اشتــــ لترابكـ يالوطن ــــقت
هههه الله يقطع شرك تغارين من شغلي؟
طعـــ السيف ــــن ولا طعـــ الكلام ـــــن
حيييييييييييل
اشتــــ لترابكـ يالوطن ــــقت
ياااااحبي لك والله تدرين محضر لك مفاجئه بس بكرا ادخلي هالوقت المسن واقولك اياها
طعـــ السيف ــــن ولا طعـــ الكلام ـــــن
يووووه تحمست لبكرا ماينفع تقول الحين
اشتــــ لترابكـ يالوطن ــــقت
لا ماينفع وياقرب اليوم لبكرا اصبري
طعـــ السيف ــــن ولا طعـــ الكلام ـــــن
طيييييب امري لله
اشتــــ لترابكـ يالوطن ــــقت
اوووكي ياقلبي وسلمي لي على امي وابوي وكل اللي يسأل عني وشوق
طعـــ السيف ــــن ولا طعـــ الكلام ـــــن
ياعيني ع السلام الخاص بس يبلغ ان شالله
.................................................. .......
عند البنات
ريما:اوووووووف حده طفش بدون ملاك
لمى:ياااااحبي لها عن جد لها وحشه
الا شوق داخله
شوق:ملاك مادقت؟
ريما:لأ
شوق :ماقالت متى بترجع؟
لمى:لأ
الا يرن جوال ريما
ريما:الوووو
ملاك:أحلى الو
ريما:كيفك حبيبتي وحشتيني
ملاك:يالعياره كلها اسبوع
ريما:لو تغيبين عني ساعه اشتاقلك
ملاك:يااااابعد عمري والله
ريما:ها متى بترجعين؟
ملاك:امممم خليها مفاجئه احسن
ريما:يوووه ياشينك بس يالله انا احب المفاجئات بس عساك ماتقعدين هناك اسبوع ثاني
ملاك:هههه لامولدرجة اسبوع ثاني يالله حبيبتي سلمي لي ع البنات كلهم برووح بيذبحوني بنات خوالي
ريما:ليييه يذبحونك المكالمه ماخذت ولا دقيقتين
ملاك:لا بس كنت اكلم زياد ع المسن ويسلم عليكم صح قولي لشوق يوصل لها سلام خاااص
ريما:ههههه ياعيني ياعيني يوصل حبيبتي وانتبهي ع نفسك
ملاك:وانتي بعد مع السلامه
ريما:مع السلامه
شوق:ها متى بترجع؟
ريما:تقول مفاجئه وتسلم عليكم هي وزياد ويوصلك سلام خاص بعد
البنات عدا شوق:الله يسلمهم
اما شوق دخلت عااالم ثاااني
.................................................. ..
صباح اليوم الثاني ملاك رجعت من فجر الله البنات ع سفرة الفطور ومعهم العيال وجدتهم هم متعودين كل فطور يفطرونه عندها كلهم
الجده:ويييين تريك صار له كم يوم ماجا يفطر؟
هشام:وهو من رجعنا من المزرعه ينام زي الناس عشان يقوم للفطور؟
طلال:والله يمه ان موال براس تركي لاجل كذا ماينام الليل يفكر في مواله
ريما شرقت وهي تشرب العصير
ملاك وهي تضحك على ريما:ههههه بسم الله عليك شدعوه خذي اشربي ماي
طلال وهشام:ههههههههه
ريما ودها تبكي من الاحراج اللي سوولها طلال وهشام وملاك
الجده :ضحكتوا بلا ضروس انت وياه وياها وش اللي يضحك بنت وشرقت بدل ماتسمون عليها
طلال وهو ماسك بطنه من الضحك:لا يمه احنا نضحك على شي ثاني
الجده تضربه بالعصى حقتها على فخذه:كذااااااب
طلال شرق من الضحك
هشام خلاااااص ميييت ضحك بس هالمره ملاك ماضحكت معه ريما هيي اللي ضحكت
لمى وهي تعطي طلال الماي:بسم الله عليك خذ اشرب وش جاكم
طبعا" الكل مايدري شالسالفه غير طلال وملاك وهشام
طلال وهو لسه يضحك:سلامتك بس ااااه يابطني
هشام:بس طلال حلوه الضربه اللي جاتك؟
طلال:اييه بحق يايمه وربي انها تعور وش معنى انا؟
ريما:تستاهل
طلال:حااااااقده شفتي يمه هي اللي تتسبب
الجده:تستاهل انت اللي ضحكت عليها بالاول
طلال:لااااا ظلم حتى هي ضحكت علي يوم شرقت لييه ترجع تقول تستاهل اضربيها
الجده تضرب طلال مره ثاني وبنفس المكان:انت اللي تستاهل الضرب قوووم روح شغلك
طلال:ليييه يايمه تشمتين فيني الاعداء؟
الجده وهي ترفع العصى:الحين بتقوم ولاشلون؟
الكل مييييييت ضحك على شكل طلال بس هو قام قبل تجيه ضربه ثالثه
قام طلال وباس راس جدته وقامت وراه بشوي ملاك
طلال وهو رافع راسه للمرايا اللي عند المغسله
وشاف ملاك واقفه
طلال:ترا فييه مغسله ثانيه مافي داعي تناظريني لين اخلص
ملاك:طلااال انت شفيك؟
طلال:ادفع نص عمري واعرف قصتك بالله ملاك احد مسلطك علي؟
ملاك:اييه
لف طلال عليها باستغراب:نعم ؟
ملاك:اييه قــ
كانت تبي تقول قلبي بس حست لنفسها وسكتت
طلال:كملي مين؟
ملاك:طلال ممكن نتفاهم شوي؟
طلال:هوفي شي بينا يخلينا نتفاهم
ملاك وهي تدوس على كرامتها لاجل قلبها:اييه ممكن
طلال:انا ارجع الساعه 11 وقت البريك واقعد لين وحده وارجع شركتي وبعدين ماارجع الا المغرب وانا حدي تعبان
ملاك:طيييب
طلال:يعني اذا رجعت الظهر نتفاهم بس وين تحبين؟
ملاك:بالحديقه اللي هنا حديقة جدتي بهالوقت مايكون احد فيها
طلال:طيب راح انتظرك اول ماارجع
مشى طلال وهو في باله ياربي ليه فالدقيقه احس بأكثر من احساس تجاه هالبنت هي شمسويتلي
اكرها اعطف عليها احن لها احبها
كله بوقت واحد لااااااا شنو احبها هذي ماتستاهل قلبي هي طاحت من عيني
يوم خلت وحده تختبرني بس الله كشفها طيب هي شتبي فيني بعد كل اللي سويته فيها
اممممم لييه اشغل نفسي بالتفكير كلها كم ساعه واعرف كل شي
ريما:انتي شبتقولي له؟
ملاك:ماادري
ريما:اجل لييه تقولين له؟
ملاك:ماااادري ياريما ماادري بطلي تساليني
ريما:بكيفك انا برجع عند جدتي البنات كلهم هناك تجين؟
ملاك:لا
راحت ريما وملاك قعدت لحالها الى ماجات الساعه 11
راحت ملاك للحديقه وشافت طلال واقف عند قفص العصافير اللي معلق بجدار الحديقه ومعطيها وراه والظاهر ماانتبه لوجودها
ملاك:تحب العصافير؟
طلال:كثييير أحس حياتهم صافيه شوفي كيف يحبوا بعض
ملاك تتنهد:ياحظهم
طلال:تعالي نجلس
جلسوا ع الكراسي اللي بالحديقه
ملاك:ماشاالله جاي ع الوقت تمام
طلال:لا والله من الساعه 10 ونص وانا هنا
ملاك متفاجئه:والشركه؟
طلال:عادي فيها مدير عام
ملاك:تصدق ودي اشوف شركتك
طلال:طيب تعالي زوريني وشوفيها
ملاك:جد؟
طلال:اذا تبين اخذك لها اليوم وانا رايح بعد الغدا
ملاك:بس مو عيب ادخل لحالي انا بنت والموظفين كلهم رجال؟
طلال:ههههههه لاعاادي بعدين اي رجال انا نص موظفيني بنات كبرك واكبر منك
ملاك وهي تغلي من داخل:يعني تعاملك مع البنات اكثر
طلال:طبعا" اصلا" انا حاطلي سكرتيره موسكرتير
ملاك:اهااا
طلال:طيب ماقلتي لي وش تبين نتفاهم عليه؟
ملاك:بصراحه ياطلال انا ماودي منك غير شي واحد
طلال:تفضلي
ملاك:انا اعرف ان المشاكل بينا كبيره وان انت ماتطيق تشوف وجهي بس صدقني ياطلال انا ماللي ذنب باللي صار وياك
طلال:قصدك على ساره؟
ملاك:ايييه
طلال:صعب اصدقك والعقل يقول ان انتي اللي معطتها رقمي ولا من وين لها اياه معقول يعني صدفه
ملاك:لا موصدفه بس
طلال:بس شنو؟
ملاك:طلال انا اللي ابيه انك ترجع زي اول يعني شوف هشام وتركي كيف وشوف انت كني عدوتك
طلال:وانتي فعلا" عدوتي مو معناته اني قبلت اتكلم معك ونتفاهم وقلت لك كم كلمه يعني خلاص صرت عادي وياك
ملاك:شقصدك؟
طلال:اقصد انك ماتعنيلي شي وانتي مجرد صفر اعتبره لا ومو اي صفر على الشمال بعد يعني مالك قيمه عندي
ملاك وهي واقفه وتقاطعه:انت جد ماتستحي وانا الغلطانه على بالي اتكلم ويا واحد عاقل ورجال
طلال وقف:رجال غصب عنك
ملاك:ايييييه واضحه الرجوله تنقط منك
طلال مسك يدها وشد عليها ويتكلم من بين اسنانه:احترمي حالك قبل اكفخك هنا
ملاك:اترك يدي انت لو انك رجال صدق ماتمد يدك على بنت
طلال يترك يدها وهو يجلسها عالكرسي:قلت لك رجال ولو عدتي هالكلمه ابذبحك
ملاك ودموعها بدت تنزل:حرااااااام عليك ياطلال وربي حرام
طلال باستهزائ:هئ وش اللي حرام انتي شعلى بالك على فكره انتي لايكون مصدقه احب ساره تراها عااادي ماهمتني عندي الف وحده بدالها
ملاك:مااااتستحي وتعترف بعد
طلال:ولللييييه مااعترف لايكون انتي زوجتي؟
ملاك:زوجتك؟
طلال:هي انتي لاتصدقين حالك انتي اخر وحده افكر اتزوجها دام ساره صديقتك اكيييد انتي زيها
ملاك بعصبيه وقهر واضح:انا مو صديقتها صديقة اختها وبعدين وش قصدك انا زيها
طلال ببرود :ابببد ماتفرق بالنسبه لي إذا كانت هي صديقتك ولا اختها وبعدين اكيد اختها زيها وانتي طبعا" زي صديقتك
ملاك بنفس العصبيه والقهر:انت وش تقصد كل شوي والثاني قلتلي زيها وزيها
طلال وهو يأشر بأصبعه لها:انتي تتغيبين علي ولا خلقه غبيه انا اقصد اخلاقك قولي يابنت العم كم واحد كلمتي؟
ملاك ماقدرت تمسك نفسها واعطته كف يصحيه من اللي هو فيه
ملاك وهي تتكلم من بين اسنانها:انت جد ماتستحي
ورفعت اصبعها بوجه طلال وحطته بين عيونه:انا اشرف منك يالصايع وكلا"يرى الناس بعين طبعه يا...ياابن العم
وراحت فلتهم ودخلت غرفتها وسكرت الباب وقامت تبكي من قلب
وطلال واقف مكانه وحاط يده مكان الكف وهو مصدوم من كلام ملاك
طلال:يخرررب بيتها كنها حاطه قوتها كلها بهالكف
طلع طلال للحديقه الرئيسيه للسور علشان يدخل فلتهم بس صادف هشام وتركي داخلين وهو لسه مانزل يده من على وجهه
تركي:اووووو وش ذا التطور طلال واصل قبلنا
طلال وهو لسه حاط يده على خده:من 10 ونص
هشام:لااااا مااصدق بعدين شفيك اسنانك تعورك شيل يدك من على خدك
شال طلال يده وطالع فيها
تركي يشهق:ههئئئئئئ وش ذا الدم اللي بوجهك ووراه ضارب اللوان خدك
طلال يطالع الدم اللي بيده:الله ياخذها علمت بوجهي عسى يدها الكسر تقولون حاطه قوتها كلها بهالكف
هشام:مييييين هذي؟
تركي:انا من قلتلي جاي 10 ونص وانا قايل اكيييد مسوي مصيبه
طلال:مافي مصيبه اكثر من مقابل وجهك
هشام:انت للحين ماقلتلي ميييين اللي عطتك هالذكرا مدى العمر؟
طلال:ملاك
تركي يشهق مره ثانيه:ههئئئئئئ ملاك بنت خالي؟
طلال:بيوقف قلبك علينا من كثر ماتشاهق
هشام:يبيلها جلسه بس اصبر اجيب لك ثلج تحطه على وجهك واجي
جاب هشام الثلج لطلال وقعدوا بالحديقه وقالهم كل السالفه
تركي:حراااااام عليك من وين تجيب كل هالقسوه ياشيخ
هشام:والله ان السالفه تفك الراس
طلال:ماكون طلال لو مارديت حق هالكف منها
تركي:اكثر من كذا
طلال:وهي لسه شافت شي
قاموا العيال وكل واحد راح فلته
ام رائد:طلال يمه جيت يلا غسل وتعال تغدا
طلال:يمه شبعان بروح انام وقعديني 12ونص اخذ دوش وارد الشركه
ام رائد:لييه يمه تعاال اكلك لقمتين
طلال:لا والله ماابي اصلا"من سده نفسي
ام رائد وهي تحط الصحن على طاولة الطعام:طلال وتوها بتتكلم الا شافت وجهه
ام رائد:يمه وليدي وش اللي مسوي بوجهك كذا؟
طلال:يمه هذي وحده حماره تهاوشت معها وعطتني كف والظاهر اظافرها طويله علمت بوجهي
ام رائد:ليييه يمه شمسوي لها؟
طلال متوهق:يمه ماسويت شي
ام رائد:بتفهمني مرت من جبك وعطتك كف وراحت وبعدين متى وانت طول وقتك بالشركه؟
طلال في نفسه:شقولها الحين حسبي الله عليك ياملاكوو
طلال:يمه هي موظفه عندي عطيتها رقمي وعصبت وعطتني كف وطردتها من الشركه
ام رائد:عسا يدها الكسر بس احسن انت بعد تستاهل يعني مدير ولك هيبتك حتى موظفاتك ماسلموا منك مدري متى بتكبر وتبطل خرابيطك
طلال:خلاص يمه تعبان وبروح انام ماابي اسمع محاظره
ام رائد:الله يهديك
طلال:امييين يمه ادعيلي
ام رائد: والله داعية لك ياوليدي
طلال وهو يبوس على راس امه:الله لايحرمني اياك
وراح طلال ينام بدون مايتغدا
فالليل
ملاك:يووووه المفروض اني فاتحه المسن من نص ساعه بيذبحني زياد كلا من العله طليييل الله لايرده
فتحت ملاك المسن بس اتفاجئة بعدم وجود زياد
ملاك في نفسها:غريبه بس يمكن عنده شغل وبيدخل بعد شوي شوراي انتظر
الا يطق باب غرفتها
ملاك:اكيييد ريوم
ملاك:ريوووم ادخلي من متى الادب
دخل زياد وملاك واقفه ومعطته ظهرها على بالها ريما
رفع زياد ملاك وحظنها
ملاك:زيووووووووووود أحلى مفاجئه بحياتي
زياد ينزلها:يااابعد عمري وحشتيني يادلوعه
ملاك:وانت اكثر,ماما وبابا شافوك؟
زياد:هم يدرون اني جاي يعني المفاجئه خاصه فيك
ملاك:أهااا طيب توك جاي ؟
زياد:لا صار لي ساعه تحت ورحت سلمت على ابوي عبدالرحمن وامي منى وريما وامي وابوي قالوا انك ماتغديتي اليوم ولاتعشيتي ولا شافوا رقعة وجهك
ملاك وهي تتذكر اللي صار الظهر:ايييه ماكان لي نفس بس الحين رجعة نفسي وبروح اتعشى معك
نزلوا ملاك وزياد وتعشوا
وكان استقبال ريما لمعتز مايقل عن ملاك وزياد

{[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 16
قديم(ـة) 15-03-2009, 09:30 PM
صورة أسـيـر النـايـف الرمزية
أسـيـر النـايـف

فلة بو رائد
أم رائد:بو رائد
بورائد:هلا
أم رائد:أنا ودي أخطب لطلال
بو رائد:شمعنا طلال ورائد أكبر منه ليه ماتخطبيله أول؟
أم رائد:لأن رائد ماطلب مني أخطب له
بو رائد:أفهم من كلامك ان طلال هو اللي طلب يتزوج؟
أم رائد:لأ
بو رائد:والله أني معد افهمك أجل وشو؟
ام رائد:بصراحه أنا براسي موال واخاف البنت تطير من طلال وحرام تروح لغيره
بو رائد:وليه ماتخطبي هالبنت لرائد؟
أم رائد:رائد كبير عليها وانا أشوف ان طلال أنسب لها
بو رائد:ومن البنت؟
أم رائد:ملاكـ
بو رائد:بنت أخوي؟
أم رائد:ايييه وهو في ملاك غيرها
بو رائد:وطلال وش رايه بالموضوع؟
أم رائد:بصراحه انا مافاتحته بس أكييييد انه موافق
بو رائد:و وش دراك يمكن مايبي يتزوج قبل اخوه
أم رائد:لا مايتزوجها قبل رائد بس نخطبها
بو رائد:لييهه العجله لين يتزوج رائد نخطبها لطلال
أم رائد:لا والله البنت انا ابيها وداخله مزاجي ولايمكن افوتها على ولدي هي حلوه واخلاق وماعليها قاصر ماشالله
بو رائد:الله يقدم اللي فيه الخير
.................................................. .....
تركي:والله تنفقد هالملاك
هشام:ايه وانت الصادق لها مكان بطلعاتنا والفطور
تركي:حتى البنات كانوا بيموتون طفش بدونها
هشام:بس حلوه جيتها من فجر الله تقول ماصدقت يطلع النور الا جات
تركي:أأيه خالي كلمني أمس الصباح بالشركه وقالي بكرا روح جيبها مايبيها تطلع مع السواق بالفجر جبتها ورحت انام نص ساعه قبل الدوام
هشام:غريبه هو اللي عادتا" يروح يجيبها لا قررت ترجع الفجر؟
تركي:لا اليوم عندنا وفد من شركه فرنسيا ولازم يروحون من فجر الله هو وخوالي
طلال:ماكانكم زهقتوني ولوعتو كبدي من سيرتها
هشام:ياخي انك بعير حقووووود
تركي:انا اشهد
طلال:كلوا تبن
تركي وهشام:شبعااااانييييييين كله انت
طلال:يادمكم انت وياه
.................................................. ..........
رغد تكلم ريما:اييه وأخيرا"الشباب جاوا اليوم و العشا عند جدتي
ريما:أأأيييه أجل خلني اقوم اشوف شبلبس
رغد:يلا أجل ولا تتأخرين
ريما:اللي يسمعك يقول ساكنه بحي ثاني ماكننا بسور واحد
رغد:هههه طيب يلا مع السلامه
ريما: مع السلامه
وفالليل البنات قاعدات ع الجلسه اللي بالمسبح والرجال بالمجلس والحريم يشرفون ع العشا
بو معتز:أقول طلال ورا ماتسوي مشروع بين شركتنا وشركتك؟
طلال:والله ماعندي مانع اذا انتوا متفقين
بو رائد:أجل خلنا ندرس طبيعة العمل عندك وانت بعد ادرس طبيعة العمل عندنا
هشام:وانا ماتبون تسوون معي مشروع
بو زياد:أي مشروع واحنا شغلنا بوادي وانت شغلك بوادي
هشام:أيه عادي انتوا وردوا لي سيارات وانا ابيعها بالمعرض حقي
تركي:لا ياشيخ
طلال:والله انك منت بصاحي
تركي:انا اشهد
هشام ببرائه:وانا شقلت؟
الكل:هههههههههههههههههه
بو معتز وتوه ينتبه للجرح اللي بوجه طلال:طلووول وش ذا اللي بوجهك؟
طلال متوهق:سلامتك عمي بس هذا تريك الرجه تهاوشنا وعلم بوجهي
هشام وهو يضحك:هههه حطها براس تركي الا سواد وجهك اللي سوا فيك كذا
تركي:تستاهل لقيت من يفضحك ولا انا شدخلني
طلال:الله يقطع شركم كلكم علي؟
بو رائد:دامه سواد وجه ياولدي اسكت لاتفضحنا
الكل قام يضحك على وجه طلال وهو متوهق ويتوعد لهالثنين
عند البنات:
ملاك:ها يابنات كيف المكان بدوني؟
ريما:ماااااله طعم
لمى:انا اشهد
ملاك:فدييييييتكم وربي والباقي ماجاوبوا
رغد:كفوا ووفوا هالثنتين
شوق بتردد:اممم ملاك زياد كيفه؟
ملاك تغمز لها:مرتااااااح ويسلم عليك
لينا داخله:هيييييي قوموا نتعشى
قاموا البنات وتعشوا وبعد العشا الكل تجمع بالصاله الرئيسيه للفله ويشربون شاهي
وسوالف وضحك وجمب الصاله الرئيسيه على طول في غرفه مأثثه بس مو لاحد مخلينهاللضيوف
واللي يكون بالصاله ممكن يسمع اللي بالغرفه هذي لو صوته عالي أو الباب مفتوح
أم رائد وهي تأشر لطلال يلحقها لذيك الغرفه:عن أذنكم
طلال لحق امه ودخل الغرفه وأشرت له يسكر الباب
طلال:خير يمه صاير شي
أم رائد:لا يمه وش فيك متخرع
طلال:لا بس اول مره تقوميني والكل موجود
أم رائد:بصراحه ياطلال أنا ابي استغل جمعة عمانك عشان أخطب لك بوجودهم
طلال وهو مو فاهم:ومن سعيدة الحظ ووش دخل وجود عماني؟
أم رائد:اولا" عمانك لازم يكونو معنا بكل شي حنا كذا متعودين وسعيدة الحظ ملاك
طلال ومستنكر الموضوع:من ملاك؟
ام رائد:شفيك كم ملاك تعرف؟
طلال:ان شالله قصدك ذي اللي قاعده برا؟
أم رائد وهي مستغربه ردة فعل ولدها:أيييه ووش فيها بنت عمك
طلال:بس انا ماابيها
ام رائد:انت رافض فكرة الزواج ولا ملاك؟
طلال:انا مو رافض الزواج بس انا مابي ملاك
أم رائد بطولة بال:لييه ماتبي ملاك؟
طلال بنفاذ صبر:يمه مااحبها
أم رائد:مو لازم الحب يجي بعد الزواج
طلال:أي وحده ألا ملاك
أم رائد:وليه ان شالله بنت عمك شناقصها؟أدب وجمال واخلاق وماتنعاب
طلال:اجل أخطبيها لرائد
أم رائد:بس رائد أكبر منها بكثير
طلال:المو ضوع منتهي ومافيه نقاش يمه لاتتعبين نفسك
أم رائد بعصبيه:والله أن ملاك الف واحد يتمنها وانت المحظوظ لو خذتها
طلال:يمه انا اكرها زي مااكره اليهود ماادري لييه تحبونها ووش الحسنه اللي فيها كلكم مخدعوين فيها هي مافي اخلاق شكل عمي ماعرف يربيها
أم رائد وهي في قمة عصبيتها من كلام ولدها
أم رائد:مااااالت عليك من ولد شلون تتكلم عن بنت عمك كذا انت ماتستحي على وجهك وانا الظاهر اللي ماعرفت اربيك وشلون تقول هالكلام ها؟ انت جد قليل الادب وماتستاهلها
طلال وصوته بدا يعلى ويسمعه اللي بالصاله:يمه هي اللي ماتستاهلني
أم رائد وصوتها على على صوت ولدها:اصلا" انت خساره فيها روح لخايساتك اللي تكلمهم ولا وحده فيهم تسوا ظفرملاك
طلال وبنفس عصبيته وصراخه:بعد ملاك ماراح أخذها لوهي اخر بنت لو اخذ وحده من الخدم ولا أخذها
أم رائد:أصلا" هي حاصلتلك مالت عليك ماتعرف في شي هي احسن منك وتستاهل أمير مو انت ركضت وراك كمن بنت وصدقت حالك
قلنا وسيم وجذاب ومركزك عاالي والف بنت تتمناك بس هي أحسن منك بمليون مرررره ومليون واحد يتمناها
طلال:طيب يمه طيب انا قلت كلمتي ملاك مااخذها يعني مااخذا ماابيها المتخلفه
أم رائد:والله لو ماتزوجتها ماتتزوج غيرها
طلال:لا بتزوج ومو ملاك عرفتي يمه بتزوج غير ملاك غيييررررررها
أم رائد وهي مو قادره تمسك أعصابها أعطت طلال كف على وجهه لانه بدا يقل أدبه وهي ساكتتله بس زودها
طلال وبدا يفوووور ويغليي:يممممممه تضربيني عشان وحده ماتستاهل
أم رائد:واكسر راسك بعد والله ياطليييل لو تزوجت غير ملاك لاني امك ولا أعرفك تفهم والله لاأغضب عليك ليوم الدين وحتى لو ملاك تزوجت غيرك تضل عزوبي
طلال وهو حاط يده على خده مكان الكف:يمه بس هذا ظلم انتي تظلميني
أم رائد:لا مو ظلم والكلام اللي قلته عنها مو ظلم ها تكلم تشك في اخلاق البنت وتتكلم عن الظلم بعد هوانت لك عين تتكلم
طلال:والله يمه مالي قعده عندك اليوم وسوي اللي تسويه ملاااااااااك مابتزوجها
أم رائد:انقلع يامحترم ولا توريني وجهك الله لايردك
طلع طلال والكل بوجهه علامات التعجب من اللي سمعوه وقفه ابوه واعطاه كف ثاني على الكلام اللي قاله>>مسكين 3 كفوف بيوم واحد
بورائد:والله اني ماعرفت اربيك ياطليييل على هالكلام
طلال طالع ملاك اللي متصنمه مكانها من الكلام اللي سمعته بحقد وكره عمره ماحس فيه وسييييده على سيارته
هشام وتركي كانوا بيلحقونه بس خلوه لحاله عشان يتأدب
زياد اللي وقف طلال قبل يركب السياره وماسكه من ثوبه من عند رقبته من قدام وواصل حده من العصبيه
زياد:انت قد الكلام اللي قلته عن ملاك هي احسن منك ومن وجهك يالصايع والله لو ماخليتك تندم ع اللي سويته مااكون زياد فااااهم
ودفه داخل السياره وسكر الباب ورفس السياره بكل ماعطاه ربي من قوه
ملاك طلعت بعد طلال على طووول وراحت فلتهم ودخلت غرفتها وقفلت الباب على نفسها وانهارت بكي وصارت تكسر أي شي قدامها
في فلة الجده:أعذرني ياخوي طليييل الله لايوفقه سود وجهي من كلامه تكفى ياخوي لاتزعل مني والله لأوريك فيه
بو زياد وهو ضايقه فيه الدنيا:لااا ياخوي لاتشيل هم مو انا اللي أخسر أخوي على واحد بزر مايثمن كلامه
بو معتز:والله ماتوقعتها من طلال
بو زياد:الله يهديه ان شالله الله يهديه
بو رائد قام وباس راس اخوه بو زياد
عند ملاك
ريما:ملاااك كافي بس تكفين افتحي لي الباب
ملاك:روووووووووحوا كلكم مابي احد مابي احد
رغد ودموعها على خدها:الله ياخذك ياطلال
شوق:أستغفري ربك لاتدعين عليه
رغد:شوفي ملاك كيف حالتها من كلامه اللي زي السم
لينا:الله يهديه ويعين ملاك
لمى:ملوكه حبيبتي افتحي لي انا لمى
ملاك:قلت مابي اشوف احد
أم زياد:ياربي شصار ببنتي مو راضيه تفتح لي ولا لأحد
أم رائد:كله من العله طليل الله لايرده
ام زياد:انت ام ودعوة الام مستجابه لاتدعين عليه
أم رائد:وشلون ماادعي عليه وهو اللي مسوي كذا بملاك
أم زياد:ان شالله ماعليها شر وكلها يومين ويرجع كل شي مثل ماكان
أم رائد:والله أنك أصيله ياام زياد
زياد وهو طالع الدرج بفلتهم:ياعيال
ام زياد:لحظه يمه خل البنات يتحجبون
أم رائد:تفضل ياوليدي
زياد وهو يصرخ ووجهه احمر من العصبيه:ويين ملاك؟
الكل ساكت
زياد وزادت عصبيته:اعتقد اني قاعد اتكلم وييين ملاك؟
لارد
زياد وتفجر منه براكين:وربي لوخليتوني اسأل مره ثانيه لااقلب البيت فوق روسكم كلكم
شوق بخوف:زياد
زياد وهو رافع حاجبه من العصبيه:تكلمي ياشوق
شوق:ملاك بغرفتها و..و..و
زياد:ووشو انطقي مسألة كيميا هي
شوق:موراضيه تفتح لأحد وقاعده تكسر أي شي يطيح بيدها
زياد:ابعدوا عن الطريق بمر
بعدوا البنات وراح زياد للقسم الثاني من الدور والكل وراه
زياد يسمع بكى ملاك وتكسر الأشياء
زياد:ملاك أفتحي انا زياد
ملاك أول ماسمعت صوت زياد فتحت الباب ودخلت زياد وردت قفلته
زياد بهدوء:ملاك لفي علي وارفعي راسك وطالعيني
ملاك ماقدرت تستحمل اكثر وارتمت بحظن اخوها وقامت تبكي
زياد وهو يمسح على شعر ملاك:خلاص حبيبتي أهدي طلييل مايستاهل دمعه من عيونك
ملاك زادت بكى من كلام أخوها
زياد :صدقيني ياملاك ماأخلييه يتهنى إذا مارديتلك حقك منه ماأكون زياد
ملاك:أكرهه يازياد أكرهه
زياد:وانا من اليوم كرهته
ملاك:زيااد ماأبي أشوف وجهه مره ثانيه خذني معك بريطانيا خذني
زياد:انا عندي أجازه شهرين بس ولا يهمك أبسفرك إيطاليا ونقعد ليين تملين
ملاك وهي تتذكر كلامها لريما
ريما:والله انتي غريبه ياملاك تعشقين إيطاليا وعمرك مارحتيلها ولاتبين تروحين لها
ملاك:من كثر ماأحبها ماابغى أروح لها الا مع طلال
ريما:ياعيني ياعيني والله انك منتي بسهله
زياد:ملوكتي وين وصلتي ماقلتي وش رايك بإيطاليا انتي تحبينها
ملاك وهي ترجع للواقع:لا ابي اروح فرنسا
زياد:بس انتي رحتي لها انتوا والبنات الصيف اللي فات
ملاك:أجل خذني الصين
زياد:هههه الله يقطع شرك وش نسوي بالصين
ملاك وهي لسه بحظن اخوها وحاطه راسها على صدره:ماقد رحت لها ونفسي اشوفها
زياد:ولا يهمك الصين الصين بس بعد مااخذ حقك من النذل طليل
ملاك وهي ترفع راسها وتطالع اخوها:زياد اوعدني ماتأذي طلال
زياد بأستغراب:انتي اللي تقولين هالكلام؟
ملاك:مو لاجله لاجل عمي المسكين ومرته هم شذمبهم ؟
زياد:بس ياملاك
ملاك تقاطعه :حبيبي زياد لاجل خاطري انا ماابي عمي وابوي تصير بينهم مشكله بسببي ولا ابي عمي يشك بتربيته لولده كافي انه ضربه قدام الكل
زياد:ياحنية قلبك ياملاك
ملاك:طالعتلك
زياد:عيااااره
ملاك:زيود حبيبي ممكن اطلب منك طلب؟
زياد:انتي تامرين
ملاك:تسلم بس انا ماودي اطلع من غرفتي الا لين يجي موعد سفرنا
زياد:بس
ملاك تقاطعه :ولا ابي اشوف احد لي يوم السفر يهون عليك تردني؟
زياد :براحتك بس انا كل شوي بنط لعندك
ملاك:امممم امري لله والله يعيني عليك ويصبرني
زياد يرمي عليها المخده:انا من اول قايل انك قليلة خاتمه
ملاك تحظن اخوها:عااااد امزح على طول زعل
زياد وهو طالع:لامازعلت
طلع زياد وسكرت ملاك الباب وقفلته
أم زياد:هايمه شلونها الحين ؟
زياد:لونها من لون الصينين؟
أم زياد وموفاهمه شي:شتخربط يازيود تكلم زي الناس
زياد وهو يضحك:ههههه يمه بنتك دلوعه حبتين ومالقت تدلل الا علي
أم رائد منزله راسها بلارض وماقالت ولاكلمه من طلع زياد من عند ملاك
زياد وهو منتبه لها:خالتي علامك منزله راسك؟
أم رائد وهي لسه منزله راسها:واللي عنده ولد مثل طلال يقدر يرفع راسه؟
زياد:افاا عاد انتوا الاغصب بتكبرون السالفه الولد غلط وخذ جزاه منك ومن عمي والبنت زعلت والحين رضت والموضوع كله انتهى وبعدين انتي لازم دوووم رافعه راسك
أم رائد ترفع راسها بفرح من كلام زياد:أفهم من كلامك ان ملاك رضت؟
زياد:للأسف وانا الضحيه
ريما:الحين انت شسالفتك مره تقول الصين ومره الضحيه ولا احنا فاهمين شي
زياد:ياستي ملاك عشان ترضى قالت لازم اسفرها الصين وانا شسوي بحكم طيبتي وضعفي قدام الدموع وافقت
ريما:واااااو يعني بنروح الصين؟
زياد وريما عاااادي مع بعض لانهم اخوان ام زياد وام معتز مرضعين عيال بعض يعني الاربعه اخوان
زياد:خييييييير ان شالله انا وملاك ومعتز بس
ريما:لا زيود تكفى خذني معكم لاجل خاطري نفسي اشوف الصين
زياد وهو يسوي نفسه يفكر:امممممم طيب ترجيني
ريما:الله يخليك
الكل ميت ضحك على شكل ريما وزياد
زياد:لا لا ماتكفي هذي ابي اكثر
ريما:الله يخليك ويوفقك وتتزوج اللي ببالك ومن برا العيله>>قالتها وهي تناظر لشوق وتغمز لها
زياد:برا العيله ها؟ضفي وجهك مافي سفر
ريما:لا لا لا قصدي من داخل العيله
زياد:ايوووه خلك كذا ياشاطره
أم زياد:حرااااام عليك يمه
ريما:شفتي يمه شفتي ولدك
زياد:خلاص كسرتي خاطري بنروح انا وانتي وملاك ومعتز
ريما وهي تنطط:ييييس والله وزعلك ياملاك يجيب فايده
شوق:عن اذنكم بروح عند جدتي من طلع طلال وهي تبكي
نزلت شوق الدرج
زياد:وانا استأذن بس ترا ملاك ماتبي تشوف احد الا وقت السفر يعني لاتزعجونها
وصلت شوق الحديقه بس زياد كان اسرع منها وقف قدامها
زياد:انا اسف
شوق:زييين حسيت انا شذمبي تصارخ علي وقدامهم بعد؟
زياد يتأمل وجهها وهو مبتسم وساكت
شوق:الحين كم مره قلت لك لاتطالعني كذا ولا تدور عذر
زياد:ذمبك اني احبك وعذري انك تحبيني
شوق استحت من كلامه ومشت
شوق في نفسها:هذا شفيه من رجع من بريطانيا اليوم وهو زايده جرائته
زياد من بعيد:شوووق احبببببك
شوق لفت عليه وابتسمت وكملت مشي
.................................................. .....................................
بعد يومين طلال للحين مارجع وملاك على حالها وبعد يومين ثانين ويسافرون
غيدا:ملاك حبيبتي افتحيلي انا غيدا
ملاك:....
غيدا:شوفي انا من اول ماجيتك وتركتك يومين على راحتك بس الحين ماراح اتحرك لين تفتحين
فتحت ملاك الباب وارتمت بحظن غيدا
ملاك:شفتي ياعمتي وش سوا
غيدا:مااالت عليه من واحد من زينه عااد
ملاك:راااح حبي ياغيدا راح
غيدا متفاجئه:تحبينه
ملاك حركت راسها بأيه
غيدا :وهو يدري؟
ملاك:لا أبد ولا حتى شاك
غيدا:زين انه مايدري ولا كان ذبحه على يدي
ملاك:رجع؟
غيدا:للحين تحبينه؟
ملاك:أكرهه بعد اللي سواه ماللي قلب يحبه ابد سامحته على اشياء كثير
بس انه يشكك بأخلاقي لااااا الا هذي
غيدا:طيب مابتنزلين؟
ملاك:لا
غيدا:حرام عليك كلهم ينتظرونك ويرابطون بالفله لليل مع نهار عل وعسى تطلعين من المعتقل
ملاك ابتسمت رغم الألم على تعليق عمتها
غيدا:يلا عااد اطلعي لااخلي ريما تطلع لك الحين توريك شغلك هي اصلا" ببتتهاوش معك لو عرفت انك فتحتيلي وما فتحتيلها
ملاك:بس مالي عين اشوفهم بعد الكلام اللي قاله هذا
غيدا:بالعكس لازم تبينين انك مو مهتمه وانك واثقه من نفسك
ملاك:تهقيييين؟
غيدا:أكيييييد
الا دخلوا البنات
ريما ترفع أكمامها:انا قايله اني ذابحتها فاتحه لغيدا وانا اترجاها كل دقيقه تفتح وماتفتح وغيود من اول دقه افتحتلها
غيدا:لا والله من ثاني دقه
ريما:انا اوريك
سحبت ملاك من السرير وودخلتها الحمام وحطت راسها بالمغسله وفتحة الماي البارد
ملاك تصرخ والبنات ميتات ضحك
ملاك:خلاص خلاص وربي مااعيدها
ريما:وانتي ناويه تحبسين عمرك مره ثانيه عشان تعيدينها؟
ملاك:يمكن
ريما:لااا انتي مافيك فايده يمكن ها؟ شكلي بدخلك البانيو هالمره
ملاك:لااااا خلاص مااعيدها
طلعت ملاك من الحمام وريما معها طبعا" بعد مااخذت دوش محترم
ملاك:استانستوا اشوف بعد اللي شفتوه
لينا وهي ماسكه بطنها من الضحك:ههههههه والله ان شكلك تحفه
شوق:هههههههه كان يبيلك صوره بصراحه
لمى:ريما عيديها خلينا نسويلها مقطع فيديوا للذكرى
ملاك وعينها على رغد اللي ماضحكت ولا تكلمت من دخلت مو زي البنات ماخلوا تعليق ماقالوه
ملاك:رغد وراك ساكته حتى ابتسامه مافي
رغد وهي منزله راسها:.........
ملاك:شدعوا عاد ارفعي راسك ع الاقل
رفعت رغد راسها ووجهها مليان دموع
ملاك مصدومه:افاا من مزعل رغوده حبيبتي؟
ريما:والله من بعد اللي صار وهذي حالتها
ملاك:لييه يارغد؟
رغد:ادري انك ماتبين تناظرين بوجهي بعد اللي صار بس انا طلعت هنا عشان اتطمن عليك
ملاك:والحين تطمنتي؟
رغد:اييه وكنت عارفه انك ماتبين تكلميني فاانا بريحك وبروح من نفسي
ولفت بتطلع
ملاك:رغد
رغد بدون ماتلف:امري
ملاك:اليوم بس عرفت شي واااحد
رغد وعلى بالها ملاك بتبرد حرت اخوها فيها:وشو
ملاك:لما يقولوا علي هبله معناته طالعه عليك
رغد لفت وتناظر بملاك
ملاك:تعالي ياهبله وحشتيني
راحت رغد لملاك وحظنتها
رغد:انا اسفه على كلام طلال
ملاك:انا نسيت لاتذكريني وانتي مالك ذنب تعتذرين عنه
رغد:مو زعلانه مني؟
ملاك:لاحبيبتي مو زعلانه وانا خلاص الموضوع أثر فيني بالبدايه بس الحين عااادي
.................................................. .............
طلال صار له أسبوع ومارجع البيت وزياد ومعتز وملاك وريما راحوا الصين
طلال عنده شقه صغيره يتجمعون فيها هو تركي وهشام وربعهم لما يكونو زهقانين
وهو جالس فيها من بعد اللي صار بس مقرر انه يرجع الفله اليوم عشان يعتذر من امه وابوه وعمه بس ماغير نظرته في ملاك
طلال وهو جالس على كنب الصاله بالشقه
طلال:الحين انا سألت سؤال وابي عليه اجابه
ساره:طلال زهقتني انت تسأل عن كل شي
طلال: ليه مايحق لي؟
ساره: لا طبعا
طلال بعصبيه:نعم؟
ساره: انت لايكون مصدق حبيتك؟
طلال مصدوم:......
ساره: ترا انا اتسلى واكلم الف واحد غيرك
طلال مايحب ساره لانه زيها يكلم الف غيرها ومايؤمن بهالعلاقات بس يتسلى لاكن ماهانت عليه كرامته
مايهون عليه بنت تسوي فيه زي كذا وهو اللي البنات ميتين عليه وينتظرون اشاره منه
ساره تكمل:انا بس يوم عرفت ان ملاك تحبك قلت بشوف ان كنت تستاهل ولا لأ
طلال مصدوم:تحبني؟
ساره:اييه يالغبي تحبك وانت ماتستاهل حبها
طلال: احترمي نفسك واعرفي مع مين تتكلمين
ساره: انا ماقلت غير الحق انت لوانك مو غبي ماكان صدقت كلامي عنها وانا ماعندي دليل ضدها
طلال:اجل من وين جبتي رقمي؟
ساره: من جوال ملاك وهي ماتدري كانت تتمشى ويا اختي بالحديقه ومخليه جوالها بالشنطه فالمجلس
طلال: وليه كذبتي علي وقلتي هالكلام عنها؟
ساره: بصراحه انا لما شفت صورتك في جوالها
طلال يقاطعها وهو مو مستوعب شي: صورتي بجوال ملاك؟
ساره: ايه. وبصراحه عجبتني وقلت لازم اتعرف عليك وقلت هالكلام لاني توقعت اني بحبك
فقلت ابعد ملاك من البدايه عنك احسن لي وبصراحه ماحبيتك انت مغرور وتحب تتحكم بالناس
طلال: صحيح انك نذله وماتربيتي لايكون على بالك حبيتك تراك وحده من اللي ماتربوا وكثير غيرك اكلمهم
ساره: الزم حدودك
طلال:ولايكون على بالك بنتحر يوم تتركيني تراك ماهميتيني انتي لعبه وخلصت منها وانا الربحان
وسكر بوجهها
.................................................. ......
تركي: اقول هشام طلييل مابين من بعد اللي صار
هشام: وهو له وجه كلمه شوف شعنده
تركي:الحين اكلمه
تركي: آآآلووو مساااااء الورد
طلال بدون نفس من الكلام اللي سمعه من ساره:مساء الزفت
تركي: افاا لا طلول مو اللي اعرفه
طلال: اآآه ياتركي
تركي: سلامتك من الاه يالغالي عسى ماشر
طلال: هم بقلبي ياتركي هم قد الجبال
تركي: لا ياطلال وش ذا الكلام اقول ماينفع تعال عندنا انا وهشام بالقهوى وقول شفيك
طلال: والله اني مالي خلق الشارع ولا القهوه ولا حتى نفسي
تركي: لهدرجه؟ انت وينك؟
طلال:فالشقه
تركي :اجل خلاص الحين نجيك انا وهشام
سكر تركي وقال لهشام وراحوا لطلال الشقه
طلال قالهم كل اللي صار وهم مو مستغربين لانهم عارفين ملاك مظلومه من البدايه
هشام: وش ناوي تسوي الحين؟
طلال:بعتذر لها
تركي: لا مااصدق طلال يعتذر لأحد
طلال: تركي هشام اللي ماتدرون عنه ملاك تحبني
تركي وهشام طالعوا ببعض بعدين بطلال وقالوا بصوت واحد من الصدمه: تحبببببك؟
طلال: ايييه تحبني تحب طلال
هشام :اجل جرحها كبير
تركي يفكر:اهااا فهمت الحين
طلال: وش اللي فهمته؟
تركي: فهمت ليه ملاك ذاك اليوم حاطه التوبك كذا
طلال مايدري لييه عصب:نععععم؟ التوبك؟ لايكون انت تكلمها ماسنجر
تركي ومستانس: وانت شعليييك؟
طلال: تريييييييكـ وربي لو انك تكلمها
هشام يقاطعه وهو يضحك:خيييييير يابو الشباب وليييه معصب وانت شعليك كلمها ولا لأ
تركي: اييييه جد شعليك
طلال:اقوووووووول
تركي: امزح امزح بس انا مره دخلت غرفة لينا وهي تكلم ملاك ونطيت اقرا وشفت التوبك
طلال: طيب شكان التوبك؟
تركي: طعن السيف ولا طعن الكلام
طلال:انا لازم اليوم ارجع واعتذر من الكل واصلح اللي سويته
هشام: والله يعينك تنتظر ملاك ليين ترجع
طلال:ترجع؟ ليييه هي وين رايحه؟
هشام:الصين
طلال:بلا هبالك مو وقته
هشام:انت الأهبل وربي انها فالصين صار لها كم يوم ومابترجع ليين تكمل شهر هناك
طلال:وعمي انا لازم اعتذر له شيصبرني حتى زياد انا جرحت كرامته من كلامي على اخته
تركي:اذا على خالي فالموضوع سهل لانه ماسافر بس زياد الله يعينك تنتظره
طلال:ملاك مسافره ويا زياد؟
تركي يتنهد:ااااه وخذوا قلبي معهم
هشام:ومعتز بعد
طلال:الله يردهم بالسلامه
.................................................. ........
البارت الخامس
طلال وهو يبوس على راس عمه ويده:انا اسف ياعمي ويحق لك تطقني وتهزئني وتسوي اللي تبي
بو زياد:انت غلطت ياطلال غلط كبير
طلال:وابي منك السماح يالغالي
بوزياد:الله يسامحك
طلال وصوته يترجى:تكفى ياعمي لاتشيل بخاطرك علي واسمحلي اعتذر لملاك لارجعت
بو زياد:هي اصلا" نست ومو مهتمه بالسالفه كلها لانها واثقه من اخلاقها وماهمها كلامك
طلال:والنعم فيها بنت عمي اخت رجال بس بعد لازم اعتذر لها وقدام الكل لاجل ترد لها كرامتها
بو زياد: سو اللي تبي.رحت لابوك؟
طلال:لا الحين بروح له هو وامي واعتذر لهم بس قلت اجيك اول
بو زياد:روح اللي يرضى عليك ومر جدتك بفلتها ترا من طلعت وهي قافله على نفسها وتبكي
طلال:أبشر يالغالي عساني فداها جدتي اكيييد بروح لها
.................................................. ..................................
بعد شهر من اللي صار رجعوا العيال والبنات من الصين وراح طلال يستقبلهم
زياد وهو يطالع طلال من فوق لتحت:ولك عين يالمحترم تجي لي هنا؟
معتز:الظاهر يبيلك احد يعقلك
طلال:زياد معتز ممكن نتفاهم؟
معتز:انا مالي وياك تفاهم الا اذا زياد يبي يسمعك هذا شي راجعله
معتز:يلا ريما انا سيارتي موقفه برا
زياد:وانا وملاك معكم بعد
طلال ماسك يد زياد:تكفى زياد اسمعني انت وملاك شوي
زياد:ابعد لاتخليني اكفخك قدام الناس هنا أحفظ كرامتك وروح عن وجهي
طلال وهو يترجى زياد:تكفى زياد تكفى طلبتك هالمره بس لاتردني
ملاك:زياد انا رايحه مع معتز وريما ومشوا وبقى زياد مع طلال
طلال:زياد انا اترجاك ياخوي
زياد:لاتقول ياخوي مايشرفني اخو مثلك ولو عشانك ماهميتني بس لاجل عمي زي ماقالت ملاك
طلال:طيب تفضل
ركب زياد بسيارة طلال
نزلوا ع البحر
زياد:احلف شتبي جايبني هنا؟
طلال:زياد ممكن تهدا من هالعصبيه شوي وتسمع شبقول؟
زياد:مااعتقد في شي يشفعلك اللي سويته
طلال:زياد لاتحكم لييين تسمعني
زياد:يلا قول هذاني اسمع
طلال:زياد اولا" انا اعتذر لك ومن كل قلبي صدقني انا غلطت واستاهل اللي يجيني منك
زياد:عارف انك تستاهل قول شي ثاني
طلال يكمل وهو يتجاهل كلام زياد:زياد انا بقلبي كلام كثيييير وودي اقوله لك ودي افتح لك قلبي
طلال يكمل:زياد انا طول عمري اعتبرك اخوي الكبير وعمر صورتك مااهتزت قدامي كل يوم عن يوم تكبر بعيني
زياد:للأسف انا كنت مثلك بس الحين صورتك مو بس مهتزه بعيني الا متشوهه
طلال:زياد انا ولد عمك لييه تعاملني كذا
زياد:انت لك عين تتكلم؟
طلال نزل راسه:لا مالي عين انا اسف خلاص بمشي وانسى اني كنت بفتح لك قلبي بس على الاقل لاتنسى اني ولد عمك
وقف طلال وزياد وقف وراه
زياد:ارفع راسك ياطلال
طلال:ماعدت اقدر احط عيني بعينك
زياد رفع راس طلال وضمه
زياد:والله ياطلال مكانك بقلبي كبير بس مايهون علي اسمع هالكلام منك عن اختي
طلال:زياد اسمعني والله ابي افهمك السالفه من اولها وليه انا قلت هالكلام صحيح ماراح تعذرني بس يمكن يهون عقابك علي شوي
زياد:قوول وانا اسمع
.................................................. ....
ملاك:ماما وحشتييييني
ام زياد:يلا روحي تبيني اصدقك بديت اشك ان زياد هو امك
ملاك تضحك:ههههه ماما تغارين من زياد زياد عزوتي يالغاليه
ام ملاك وهي تحضن بنتها:لا والله مااغار الله يخليكم لبعض أنتوا واخوانكم
ملاك:امييييين الا بابا وييينه؟
ام زياد:بالمكتب روحي له
..........................................
تركي:هشام شتتوقع صار بين زياد وطلال؟
هشام:زياد يحب ملاك كثير ومايرضى عليها وانا اتوقع بماانهم طولوا يعني زياد ذبح طلال للأبد
تركي يضربه بمضرب التنس:انت غبي؟
هشام:ياخي وش دراني عنك تسأل أسأله انا معك مو معهم
.................................................. ..........
عند زياد وطلال طلال قال لزياد عن كل شي من يوم العيد يوم يدري عن مرض ملاك الى سالفة ساره الا ماصار اللي صار يعني ماخلا شي بقلبه
زياد:كل هذا صار معكم انت وملاك؟
طلال وهو يتنهد:اااااه يازياد والله هم بقلبي ولا اقدر اشيله
زياد وهو يطالع بوجه طلال:بس والله كف اختي زادك وسامه
طلال وهو حاط يده على الجرح:هههههه تصدق هذي احلى ذكرا احملها
زياد:طلال
طلال:سم
زياد:تحبها؟
طلال:تسمح لي اجاوب بصراحه؟
زياد:لاسألتك عشان تكذب علي
طلال:بس اخاف تكفخني
زياد:لاعلييك الامان
طلال:صرت اعشقها من قلبي
زياد:وانا حاس انها لسه تحبك
طلال:شدراك؟
زياد:والله ياطليييل اني كنت ناوي عليك نيه تنومك بالمستشفى شهر كامل
طلال:ووووولللل
زياد:بس ملاك حلفتني ماالمسك ابد
طلال:اااااه مو ذابحني غير طيبها مع كل اللي اسويه ليتها تسامحني
زياد:جرحها كبير ومو حاس فيه غيري بتتعب معها بس لاتيأس
طلال:مستحيييييل ملاك لي
زياد:الله يعينك عليها
طلال:امييييين
زياد:يلا عااد ابي اروح اشوف اهلي اشغلتني
طلال:يلا
..................................................

{[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 17
قديم(ـة) 15-03-2009, 09:33 PM
صورة أسـيـر النـايـف الرمزية
أسـيـر النـايـف

طلال تعرف على ضي صديقة ملاك الروح بالروح ومايخبون عن بعض شي والحين هو يكلمها مسن
ضي طيبه وتحب ملاك وتدور مصلحتها مو زي سوييره

ويـــــنكـ عنــــي
والله ياطلال ان ملاك تحبك
الخطـــ مني كبير والعفو بالمقدرهـ ــــــى
طيب انا عارف من شهر بس ابي تعطيني فرصه

ويـــــنكـ عنــــي
طيب انت وش شعورك تجاها؟
الخطـــ مني كبير والعفو بالمقدرهـ ــــــى
وربي ان الشهر اللي فات كان كفيل يعلمني حبها
ويـــــنكـ عنــــي
مو يمكن انت ماتحبها بس حاس بالذنب؟
الخطـــ مني كبير والعفو بالمقدرهـ ــــــى
كنت بالبدايه اقول كذا بس الحين اللي بقلبي لملاك كل حب وحب بجنون بعد
ويـــــنكـ عنــــي
ماأمداك من شهر صرت تحبها بجنون
الخطـــ مني كبير والعفو بالمقدرهـ ــــــى
والله لو تدخلين قلبي تعرفين.. اسمها صار يأثر علي لاانقال شلون هي
ويـــــنكـ عنــــي
أتمنى
طلال وكان تذكر شي
الخطـــ مني كبير والعفو بالمقدرهـ ــــــى
اقول ضي ملاك هي اللي اعطتك ايميلي وقالت لك كلميني مسن؟
ويـــــنكـ عنــــي
والله ان سالفة ساره مأثره عليك
الخطـــ مني كبير والعفو بالمقدرهـ ــــــى
اجل من وين جبتيه اذا انتي تقولي انو مو من ملاك؟ لايكون على بالك صدقت انها صدفه
ويـــــنكـ عنــــي
تبي الحقيقه؟
الخطـــ مني كبير والعفو بالمقدرهـ ــــــى
شرايكـ؟
ويـــــنكـ عنــــي
لا مو صدفه انا مره شفته مكتوب بدفتر مذكرات ملاك
الخطـــ مني كبير والعفو بالمقدرهـ ــــــى
احلفي طيب عشان اصدق
ويـــــنكـ عنــــي
وربي اللي خلقني اني صادقه
الخطـــ مني كبير والعفو بالمقدرهـ ــــــى
طيب وملاك؟
ويـــــنكـ عنــــي
طبعا" ماتدري ولو درت بتقلب الدنيا فوق راسي وبتزعل
الخطـــ مني كبير والعفو بالمقدرهـ ــــــى
ملاك زيك كذا؟
ويـــــنكـ عنــــي
شلون زيي؟
الخطـــ مني كبير والعفو بالمقدرهـ ــــــى
يعني تكلم؟
ويـــــنكـ عنــــي
ولو انك غلطت علي بس لااااا ملاك ابد مو من هالنوع
الخطـــ مني كبير والعفو بالمقدرهـ ــــــى
كنت عاارف بس حبيت اتأكد

ويـــــنكـ عنــــي
طيب ليه ماتقولها عن حبك بدال منت معذب نفسك

الخطـــ مني كبير والعفو بالمقدرهـ ــــــى
من بعد ذيك السالفه وهي ان شافتني بمكان طلعت منه
ويـــــنكـ عنــــي
تستاهل
الخطـــ مني كبير والعفو بالمقدرهـ ــــــى
والله مدري شلون ظلمتها وصدقت سويره
ويـــــنكـ عنــــي
كل شي يتصلح بما انكم تحبون بعض
الخطـــ مني كبير والعفو بالمقدرهـ ــــــى
الا ضي ليه انتي ماتقولين لها اني احبها
ويـــــنكـ عنــــي
انت غبي؟
الخطـــ مني كبير والعفو بالمقدرهـ ــــــى
لييييييييه؟؟
ويـــــنكـ عنــــي
كذا بتعرف اني اكلمك وبتفهم غلط
الخطـــ مني كبير والعفو بالمقدرهـ ــــــى
ايييه صح والحل؟
ويـــــنكـ عنــــي
الحل عندك حاول بكل ماتقدر تغير نظرتها لك وتصلح اللي انكسر بينكم
الخطـــ مني كبير والعفو بالمقدرهـ ــــــى
الله كريم
ويـــــنكـ عنــــي
يلا انا استاذن بروح انام
الخطـــ مني كبير والعفو بالمقدرهـ ــــــى
وانا بعد
طلال مايكلم ضي ع التلفون ضي مو من النوع اللي تكلم شباب بس عشان ملاك تسوي اي شي وعشان كذا اكتفت بمسن
.................................................. ......
شوق: اقول ملاك مادريتي؟
ملاك :لاوالله وشو؟
شوق:خطبت لينا لفواز اخوي
ملاك: لاعاااد من جد
شوق: ايه والله لا وازيدك بعد
ملاك: ها اطربيني
شوق:وخطبنا رغد لهشام
ملاك:لاعاد أخيرا" بتاخذين حبيب القلب يارغييييده
رغد: يلا عاااد ترا وربي استحي
ملاك: الف الف مبرووووك انتي وياها
شوق : بس ترا كل هذا بينا يعني مابعد يصير شي رسمي
ملاك: اهاا
لينا:اقول شوق ورا ماتقولين لملاك عن ذيك السالفه
شوق:لا مو لازم
ملاك :اي سالفه؟
شوق: عاادي مافي شي
ليناا: الا فيه
شوق: لا مافيه
ملاك: اقول انتي معها اخلصوا في سالفه ولا مافي؟
ليناا: الا فيه وشوق بتقول
ملاك: هاياست شوق قولي
شوق: ابد بس من كمن يوم صار لي مو قف مع لمى وضاق صدري شوي بس الحين عادي
ملاك: وش صار؟
شوق:كنا قاعدين نسولف عااادي وقلت للمى لازم تنتبهين ترا انتي وسعود ممكن ماتضبط تحاليلكم
وقالت لي بعصبيه:وانتي وش دخلك
رديت عليها
شوق:لا انا بس اقولك يعني
لمى: انا مااحب احد يتكلم بهالموضوع وثاني مره لاتتكلمين بهالطريقه وتتدخلين بخصوصياتي
شوق : وبس وراحت وتركتني
ملاك مصدومه :لمى تقول هالحكي؟
لينا: شفتي شلون
ملاك:والله مدري وش لاقيه بهالسعود
رغد: غير لمى علينا
شوق: الله يهديها
ملاك: انا لازم اشوف حل لها السالفه
لينا: مافي مجال خلاص هو خطبها
ملاك مصدومه: نعم؟
رغد: انعم الله عليك..هو خطبها رسمي من يومين
ملاك: الله يستر من الجاي

والباقي بعد ردودكم وتفاعلاتكم للقصة .......

اشوفكم على خييييييييييييييير ...