رواية احفاد عمران الفصل الاول 1 - بقلم ضحى اليوسف

﴿ بــســمِ اللهِ الرَّحْمٰنِ الرَّحِيــمِ ﴾

𓆩📖𓆪 
✦ الــكــاتــبــة ضــحــى الــيــوســف ✦ 
 
♛ #أحـفـاد_عـمـران ♛ 
 
🕊️ 𝐏𝐚𝐫𝐭 𝟐 🕊️  
 
{ لا تـنـسـون الـتـصـويـت + تـعـلـيـق بـيـن الـفـقـرات } 
━━━━━━━━❖━━━━━━━
‏احبَك لچن ماگدر احاچيك
وُاگضِي العَمر كِله شلون بـ شلون
وُبس اصَرف نضَر لمَن الاگِيك
وُعَلى دَربك تِصد وتَرف العيِون
━━━━━━━━❖━━━━━━━

    ""أمل""

كمل جدو كلامه إلي مثل السهم صار علينه
باوعت على ليان فاتحه عيونها وتباوع
ل الياس ووريم إلي مو أقل من صدمتها
كمت حتى أخذ ليان قبل مينتبه عليها أحد
رحت عليها ونزلت نفسي لمستواها وإني
احجي بصوت ناصي حتى محد ينتبه عليها

أمل: ليان كومي ارتاحي بغرفتي

جريت ايدها وحاولت اكومها بس دفعت
أيدي بخفه وحجت بصوت ناصي كوه
انسمع

ليان: ع..و..عوفوني

كامت من يمي بسرعه وصعدت فوك
وخلت الكل ينتبه عليها باوع عمو
يوسف عليه وحجه بستغراب

عمو يوسف:: عمو شبيها ليان

ماعرفت شنو احجي وشلون ابرر
موقفها وكومتها من الكعده كبل كتله

أمل:: ها عمو شويه تعبت وصعدت ترتاح
واني وريم هم صاعدين يمها ..... مو ريم

باوعت على ريم إلي الدمعه واكفه بطرف
عينها بس هزت راسها سحبتها من أيدها
وعفناهم صعدنه فوك رحت على غرفتي
فتحت الباب مقفول صحت عليها بصوت
ناصي حتى محد يسمع

أمل: ليان حبيبتي افتحي الباب

ماكو أي رد منها ولا اكو حركه بالغرفه
باوعت على ريم إلي مخليه ايده على
حلكها وتشهك بصوت ناصي

أمل:: ريم ليش متفتح الباب

ريم ببجي:: أخ... أخاف لا تسوي بنفسها شي

أمل:: انجبي ريم شنو هل كلام

رجعت خليت راسي على الباب وأحجي وياها

امل:: ليونه حبيبتي يلا فتحي الباب
تره عمو يوسف انتبه عليج وعباله
بيج شي

رجعت داااريد احجي ووستوقفني صوت
ميامين

ميامين:: ماتدخلن شكو واكفات بلباب

انداريت لكيته تباوع على ريم بستغراب
إلي تبجي

ميامين:: ولج ريم شبيج ليش تبجين

امل:: ها.. مو تعاركن هي ووليان

صفنت بلاول بس بعدين حسيتها
اقتنعت وكبل كالت وهيه تضحك

ميامين:: شبيهن ذني جهال ويتعاركن

امل:: هههه.. مخابيل ذني

ميامين:: يلا على كلن تعالن انزلن
جوه يمهم لأن جاي يسئلون عليجن

امل:: يي نازلين وراج

راحت نزلت واني ضليت حايره ياربي
هسه شلون اخليها تفتح الباب

امل:: ليان إذا مافتحتي الباب اصيح
واحد من الولد

هم ماكو لا حجت ولا طلعت كلمه وحده
رجعت التفتت على ريم وكلت الها
واني خايفه على ليان خاف بيها
شي نوب

امل:: ريم روحي صيحي واحد من الولد

هزت راسها بمعنى أي خطيه وكبل
راحت نزلت الهم واني رجعت ادك
بالباب واحجي عسه ولعل تفتح الباب

━━━━━━━━❖━━━━━━━━

          "ريم"

من بعد ماكال جدي عمران كلامه حسيت
جن شخص ديخنكني بايده متحملت
وردت مكان أفرغ صرختي بي

ضليت اباوع على ليان إلي صافنه لالياس
ووساكته مانطقت بحرف راحت امل
تريد تسحبها بس هي دفعت ايدها
وركضت فوك الكل استغرب من
تصرف ليان بس امل طلعت عذر

جتي امل سحبتني من أيدي وصعدنه
فوك نشوف ليان الباب مقفول امل تحاجيها
ماكو صوت خفت عليها هواي ماكدرت اتحمل
وضليت اعض بيدي واشهك وابجي بصوت
مكتوم

جتي ميامين وكالت نزلن وأمل كالتلها
لاحكيج راحت واني وأمل وحده صافنه
بوجه الثانيه مانعرف شنسوي ضلت امل
تحجي وياها من وره الباب ماكو ايي
حس إلها خفنه عليها وامل كالتلي
اروح اصيح واحد من الولد

صرت اركض بسرعه ودموعي على خدي
نزلت لصاله ماكو بس النسوان واني اريد
واحد من الولد مشيت بتجاه المطبخ
وصاحت امي

سناء:: ولج ريمهههه شبيججج

ماجاوبته وورحت اركض البرا شفت اسمر
شفته لو استهترت صرت ابجي بصوت
انتبه عليه ابجي واجه بسرعه لزم وجهي
بين اديه وهو يحجي بصوت خايف
وحنون

اسمر:: حبيبتي ليش هاي الدموع شبيج
يروحه الاخوج انتِ

ريم ببجي:: أ... س.... اسمر ل... يان

اسمر:: حبيبتي على كيفج احجي وفهميني

صرت ابجي أزيد ووصحت بصوت

ريم: اسمررر ليان قافلههه الغرفهه على
نفسها وماجاي تجاوب على أحد

على صوتي كمز عمر واجه بتجاهي
لزمني من اكتافي وهوه بعمره ممخلي
ايده يم أيدي وصار يهز بيها حيل
ويحجي

عمر:: ريممم احجيييي شبيهاااا ليان

لزم أيده أسمر مبعده عليه وهو
يحجي بعصبيه وكان يريد يخنكه
بايده لأن هيج لازمني

أسمر:: عمرر عوف ايدها

ماهتم اله ورجع سئلني على ليان
واني كبل بجيت وكتله

ريم بخوف:: ما.. ماعرف قافله الغرفه

━━━━━━━━❖━━━━━━━━

       ""أمل""

راحت ريم وإني ضليت احجي وياها
اريدها ترد ماكو حس ولا نفس الها
شويه وصعد عمر يركض اجه يمي
وكال عالي

عمر:: وينهههاااا ليانننن وينننننننن

أمل:: جوه متفتح الباب

راح يم الباب وصار يحاجيها ويحاول
يطمنها أن هو موجود وعلمود تفتح
الباب

عمر:: ليون عمري وينج اطلعي

وعلى عمر هم ماردت رجع عمر ندار
عليه وإني خفت من نضراته اتجاهي
اتقدم نحوي واردف بخوف وقلق

عمر:: ليش أنتن مو يمها

أمل بارتباك:: ووالله هي صعدت قبلنه
ومن صعدنه جانت قافله الباب

راد يحجي بس سكت لمن شاف
الشباب وريم جوي يمنه يباوعون
علينه مستغربين رجع أسمر كال

أسمر:: هاا وينها

عمر :: ماكو مجاي ترد أبد

إلياس::  شتانون اكسرو الباب بسرعه

باوعت عليه وصغرت عيوني وكلت
بيني وبين نفسي "هوه من ورا منو"
تقدمو أسمر واليأس ودفعو الباب
باكتافهم حيل مره_مرتين_تلاثه_
وجان ينفتح الباب ووهمه ثنينهم
واحد وكع فوك الخ إلياس وكع فوك
أسمر وهاذا أسمر كبل صاح متالم

أسمر:: أيا جلب ولك كووم تكسرت

كام إلياس وهو يضحك على أسمر
وإني اباوع على ليان إلي واكفه
مثل الصنم وتباوع عليهم راح عمر
كبل دخل عليها وحضنها حيل
وهوه يحجي

عمر:: خوفتيني عبالي بيج شي
ليش قافله الغرفه عليج وماتردين
علينه بيج شي

وخرت من حضنه وباسته بخده
ابتسمت ابتسامه عاديه وهي تكله

ليان: حبيبي لتخاف مابيه شي
بس ردت انام وقفلت الباب وما
سمعتكم من محاجيني

إلياس:: يمعوده صار ساعه يدكون بالباب
وانتِ ماكو

باوعت ليان على إلياس بس تجاهلته
وماردت على كلامه واليأس من شافها
باوعتله وماعلقت عليه طبك حواجبه
يباوع عليها مستغرب رجعت اني حجيت
وردت اغير حديثهم

أمل:: شنو إنتو متستحون واكفين
بغرفتي يلا انزلووو

عمر::  ديلا علساس هيه شلون غرفه

أسمر:: ماعجبتني

إلياس:: اشو صغيره الغرفه عبالك
مال جهال

أمل بصياح::ياااااا اطلعوووووو

من صحت بيهم يله طلع إلياس وهو
يباوع على ريم وعيون ليان عليهم
حيل وجعني كلبي عليها واني اعرف
هيه شنو وشنو حبها اله من طفولته
وهيه تحبه ومن تلتقي بي بمكان
لو يضحك بوجهه تحس يصير
عيد عدها مو لقاء وهسه بهل سهوله
لازم تنسه هااذ الشي صعبه حيل..
رجع اسمر هم طلع ورا إلياس وبس
عمر بقه باوع على ليان وكال

عمر:: إذا تعبانه وتردين نرجع كاليلي
أنا راح أنزل جوه

هزت راسها بمعنى اي وهوه هم باسها
بكصتها وطلع عافنه بس احنه التلاثه
اني وليان داخل الغرفه بس ريم واكفه
بالباب وتباوع على ليان ودموعها بخدها
رحت اني على ريم وسحبتها من ايدها
دخلته الغرفه وقفلت الباب رجعت وكفت
كبال ليان وإني اصيح بوجهه

أمل: أنتِ مخبلههه ليش هيج سويتي

اتجاهلتني وتجاهلت كلامي ومشت راحت
وكفت كبال ريم ودموعهه تنزل على خدها
ميلت راسها على كتفها وحجت بقهر

ليان:: تحبي موو تحبي

اتقدمت ريم على ليان وهيه تحاول
تلزمها وتحجي بسرعه

ريم:: أبد أبد والله ماريده ماريده

لزمت ريم اكتاف ليان بس سرعان ماليان
رفعت اديها وصارت تبجي بصوت عالي
مسموع وتصرخ

ليان:: ولج اخذتيييي منييييي ولججججج
اننيييي احبههههه وانتِ اخذتيييييي

كعدت بلكاع وصارت تصرخ وتبجي
بصوت عالي وحتى مالحكنه احنه
نحاجيها وعلى صوتها اندك الباب
واني من الخوف صارت رجل اطك برجل
ماعرف شنو اسوي إذا واحد شاف ليان
بهاي الحاله شنو راح يكولون شويه وجان
يصيح علينه عمر

عمر:: افتحن الباب

مشيت بسرعه فتحت الباب وصار
عمر بوجهي وورا عمو يوسف والكل
تقدم عمر من يم الباب واني ابتعدت
ووهو كبل دخل على ليان إلي جانت
تبجي وتصرخ ومحد يعرف شبيها
وليش بهاي الحاله تقدم عمو يوسف
وراح حضنها حيل ويحجي وياها

يوسف:: ولج بويه شبيججج

ليان ببجي:: اخذته اخذته مني

عمر:: شنو هوه الاخذته ومني

اجتي عمه صابرين وراحت يمها
جرتها من ايدها وحضنتها وتمسح
على شعرها

صابرين:: يمهه شبيج ليش هيج تبجين
شصاير يمه احجيلي

ليان:: اخذ.....ته اخذت إلي

بس قبل متكمل حجيها اغمى عليها
ماعرف شصار بذيج الحضه كلها
صارت تصيح_جيبو مي_ وعمه
صابرين ادك على صدرها وتصيح

صابرين:: راحت بنيتي راحتت

عمر بصياح:: يمهههه وكت هذا الحجيييي

كلنا تقدمنه وردنه نعرف شبيها وليش
اغمى عليها كلها تصيح وناس تضرب
على خدها وهيه ماكو ولا صحت أبدا
جتي ميامين وهي جايبه مي اخذه
منها عمر بسرعه وصار يرش على وجه
ليان وهي صارت تحرك  برأسها
وتضغط على عيونها وشوي
وصارت تفتح عيونها بطئ

يوسف:: شبيج بابا ليش هيج

سناء:: هسه هيه شبيها عياره

التفتنه كلنا الها وهيه ماهامها اطك
بعلجها وكدام الكل أسمر من شاف
امه صارت عيونه بكصته من العصبيه
وكبل صاح بوجهه كدامنه

اسمر:::: يمهههههههه

سناء:: ديلا هسه شكلنا

ماهتمينه الها ولا أحد اهتم الحجيها
التفتنه على ليان إلي صار كوه أجر
بنفسها وجنها روحه جاي تطلع من
جسدها وهيه كوه باوعت على
عمو يوسف وتكول

ليان:: با.. با اخذني ماريد أضل اهنا

يوسف:: أي أي يلا انا اخذج بس
اخذي نفس حبيبتي يله

الكل ضل حاير بيها ومايعرف شنو
بيها وليش هيج بجت وصرخت ضلو
يحاجونها كلهم وحتى تقرب أبوي
وهو يسئلها

أبوي:: عمو انتِ زينه

ماتحجي وبس اكتفت بالسكوت كلها
حاجتها حتى عمو جاسم وامها تحاجيها
ماكو ولا جاوبت وبس من واحد يكول
الها انتِ زينه بس تهز براسها ماتحجي
شي أبدا وضلو حايرين بيها باوعت لاليأس
يباوع على ريم ردت بهاي الحظه اروحله
وافكس عيونه إلي تباوع عليها وكدام
الكل بس استوقفني صوت عمر وهو
يحاجيني

عمر:: بنات اليوم شبيجن ساعه هيه
قافله الباب ساعه بالغرفه وتصرخ
وتبجي شكو اليومم

صارت كلها تباوع عليه وتريد جواب مني
وإني أصلا ماعرفت شنو ارد عليه لو
شلون ابرر هاذا الشي خوما اكله والله
اختك تحب ابن عمتك ولأن رايد
بنت عمها ومارايدها هيج سوت كبل
كتله

امل:: هاا تعاركن هي وريم

عمر بستغراب:: تعاركن من شوكت يتعاركن

أسمر:: على شنو تعاركن

إلياس:: بنات ويتعاركن تصير عادي

سكتت وماحجيت شي لأن أصلا ماعرفت
شنو جفصت بحجيي لأن كلها تعرف
علاقها ليان بريم علاقتهم قويه طلعات
وطبات نهار كله سوه بالك خوات مو
بنات عم وهسه يتعاركن ومحد يعرف
على شنو العركه

كوم ليان عمو يوسف وحضنها
لصدره اجوي باتجاه الباب وهيه
عيونها الخضر حمره بسبب البجي
انتبهت إلي وهزت راسها بيئس
وطلعو من الغرفه طلعت عمه
صابرين وراهم وعمر وللكل طلع
وراهم وبقينه بس اني وريم بالغرفه
وماطلعنه وراهم وهيه أول مافرغت
الغرفه صارت تبجي رحت عليها
وحضنتها

امل:: شبيج يروحي

ريم: شنو المابيه ماشفتيها شلون
تحجي وياي عبالك اني فعلا اخذته

امل:: ريم اتحمليها كلبها يوجعها
خلي نفسج بدالها وشوفي احساسج
بوكتها هم راح تفكرين مثلها

ريم:: اني والله ماحبه ماحبه ليش
هي عبالها احبه واخذته منها

امل:: هاي هيه تعرف انتِ ماعليج بس
كلبها مكسور اتحمليها بس لمه ترجع
وراح ترجع مثل قبل انطيها وقت...
يله خلي ننزل احسن

هزت راسها وراحت للحمام تغسل وجها
ونزلنا ثنينه بيت عمو يوسف ماكو رايحين
وبس عمه سناء دتلبس عبايتها انتبهت
علينه نزلنه وكالت

سناء:: يلا يمه البسي راح نروح

امل:: عمه بقيها يمي اليوم

سناء: لا يمه ماكدر

امل:: هاي هيه براحتج عمتووو

راحت ريم بدون كلمه لبست حجابها
ولبست صايتها  ووطلعن ردت اصعد
وستوقفني صوت أمي

أمي: تعالييي امللل

باوعت عليها تباوع مستغربه

امل بخوف:: ها شنو

أمي:: شنو هاي إلي صار

حجيت وإني اصعد بايه بايه حته اطفر

امل:: يايمه هسه مو كلنا تعاركن

كبل صعدت وعفتها لأن لو باقيه
وضاله يمها وهيه تسئلني راح اكعد
واحجي كل شي وماضم يمها شي

━━━━━━━━❖━━━━━━━━

      ""ليان""

من بعد ما نطق جدو حجيه إلي مثل
السجينه دخلت كلبي ماعرف شصار
ردت اصرخخ بعلو صوتي واكول

   _إلياس إلي اني

ماكدرت كل شيء اسوي أحس لساني
نربط جتي امل رادت مني ابتعد على
الموجودين بس عفتها وصعدت للغرفه
وقفلت الباب وكعدت بلكاع ابجي
باوعت على المرايه لكيت شفره عليها
ردت اخذها واخلص نفسي من وجع
كلبي بس اتذكرت" أهلي"

شيصير لو كتلت نفسي واني شيصير
بيه تعوذت الشيطان ودرت عيوني منها
ضليت صافنه ليش هيج صار مو اني
أحبه من جنه صغار مو جان ايكول إلي

_من نكبر اخليج تصيرين عروستي

سمعت البنات يدكون الباب ويحجون
بس ماجاوبت ورا شويه عمر حاجاني
كمت دااريد افتح الباب اشو اني فتحت
الباب واسمر والياس نامو بكاع ضليت
صافنه عليهم

اجه عمر عليه وحضني حيل وسئلني
ليش ماتفتحين الباب وكلت نايمه
بس من إلياس حاجاني طنشته
وخليته هو ولماكو سوه

رحت على ريم وصرت اصرخ بوجها
وبصوت عالي وكان هيه ماخذته
منه وعمده وجان يدخلون كلهم للغرفه
واجه بابا حضني ويحجي وياي
يحاول يفتهم ليش اني هيج
شوي وماحسيت على شي

كعدت على مي ينذب بوجهي
وضل كلدقيقه واحد سائلني شبيه
واني ماحجيت كتفيت بسكوت
وأمل حجت وكالت اني وريم
متعاركين ولهاذا السبب

وكمنه اني وبابا متحاضنين وطلعنا
اجت امي ورانه لابسه عبايتها
واني حاضنه ابوي بقوه ماريده
يعوفني صعدني وصعد بسياره
وعمر ساق وعلى كيفه يمشي
ووصلنا للبيت نزلنا ودخلنا
بعدنه بالصاله باوعت امي
عليه وكالت

امي:: يماا روحي سبحي ورتاحي

حجيت واني صوتي كوه يطلع

ليان:: أي

صعدت الغرفه طلعت ملابس وسبحت
وطلعت باوعت على عيوني صايرات
حمر دم ضحكت وكلت النفسي

_ عليمن تبجين على واحد رايد بنت
عمج مو رايدج ولا معبرج

نزلت دمعتي ورحت الجربايه تمددت
عليها وضليت اسب بنفسي وعلى
حبي اله ومادري بنفسي شون نمت

━━━━━━━━❖━━━━━━━━

        "ريم"

من بعد كل إلي صار احنه رجعنه للبيت
واهلي جان شي عادي عليهم ولا مهتمين
الشي إلي صار أبدا رحت اني كبل الغرفتي
سبحت ووكعدت اباوع على الغرفه واحجي
بيني وبين نفسي

_الياس ليش رادني ليش ماختار ليان
وليشش أصلاً اني بالذاتت

_ليان هسه شنو شعورها

_اخخخ ياوجع كلبي

غفيت والصبح كعدتني امي
نفس الروتين ماتغير شي للعصر
واجه علينه جدو عمران سلمنه عليه
وراحو كعدو بالستقبال هو وابوي
اسمر بلعياده وبس همه كاعدين

ودينه ضيافه وكعدنه شوي بس حسينه
جدو عنده حجي طلعنه اني وأمي ووهمه
ضلو بالاستقبال كتلني الفضول وأريد
اعرف شكو ويحجون بوحدهم

_بس لا عليه

رحت يم الباب وخليت اذاني وصرت
اتسمع عليهم وامي بالمطبخ

عمران:: بويه عندي حجي وياك

أبوي:: تفضل يابويه احجي

عمران::: بويه اني من زمان كايل
منريد غريبه تدخل بيناتنا

أبوي:: أي يبوي وكلها تدري بهل شي
بس ليش هسه حجيته

عمران:: اريدك تأخذ ليان لاسمر
ماريد ابنيتي ليان تروح لغير شخص

انصدمت من حجي جدوو بس ليشش
اسمر يحب وحده شلونن وليان تحب
الياس ياربي شجاي يصير ليش
جدو هيج جاي يقرر وهو ديربط
كل ثنين مو البعض

أبوي:: حاضر يبوي ليان لاسمر...

يتبععععع...

━━━━━━━━❖━━━━━━━━

اعرف البارت قصير ولاكن اني اختصرته 
هم الكم
لانو الاحدث من بعد هذا البارت 🔥🔥🔥

#احفاد عمران

الكاتبه ضحى اليوسف

قناة التلي إلي مايطلع عدهم اكتبو

اكتبو هاي الكتابه بالحافظه تبع التلي
ورسلوها وكبل ادخلو عليه افضل

ضيفوو حساب الانستا
وانضمو للقناة

✨🤎