ر
عائشه مامت سليمان…
بعد ما أم أخلاص واخلاص خرجوا من عندى اتصلت ع حوريه بنتي وقولتلها اللي حصل وأن اخلاص جت تتبلي ع عبدالرحمن وتقول إن هو اللي سلط، محمود يكسرr حوض السمك لكن ربنا أظهر الحق وسمعوا كلام عبدالرحمن وهو بيحكي اللي حصل.
لأول مرة اصدق كلامك يا حوريه عليهم… فعلاً اخلاص بتغيير من سعاد وأولادها…
أنا عوزاكي تأكدي ع سعاد متجبش عيالها عندى وأنا كل اسبوع اجي لها البيت اشوفهم.. ومتقوليش ل سليمان حاجه.
واضح من طريقة كلام إخلاص أنها كانت متعشمه في اخوكي أوى.. اظاهر كدا في حاجه كانت بينهم زمان ومتنسيش أن جوزها دلوقتي مسافر يعني هى واحدة فاضية وممكن لو عرف حاجه واتصل عليه. تفضل تشاغله صبح وليل لحد ما تخربr بيته. وتفرق بينه وبين سعاد… واوعى تقعي بلسانك قدام سعاد.
حوريه….
أثناء كلام أمي معايا مش عارفه ليه افتكرت شيخ الأزهر.. الشيخ عمار وقررت أروح أسأل عنه يمكن يديني حاجه تحصن ولاد أخويا بس من غير ما يجي البيت معايا…
المرة اللي فاتت قال كلام غريب عن سعاد وعن ولادها من قبل ما يتولدوا… لأنه قدر من نظرة واحدة يكشف وجود السحرr اللي كان معمول ل سعاد وواحد زى ده اكيد يعرف ازاى يحمي، ولاد أخويا من عين اخلاص…
الشيخ عمار…
أثناء كلامي مع رشا عرفت أن في أطفال من محافظات مختلفة.. كلهم من نسل إبليسe طب وبعدين.. كدا محتاجين نتحد ونتواصل مع بعض علشان في اللحظه المناسبه نقدر نتخلص من الجميع..
وتاني يوم اتفاجئت ب وجود حوريه وبتطلب مني حاجه تحصن ولاد أخوها من الحسد،e
قولت لها أنا جاي معاكي وهحصن، البيت كله بالمرة وصممت ع كلامي وأول ما وصلت البيت لقيت…
الجن.الاحمر…
كنت مركز مع اولادي ومبهور بهم لحد ما لقيت الأمير سلسال جالي وقالي أن حوريه جايه ومعاها رجل يقدر يكشف حقيقه اولادى قدام الإنس ولازم نواجهه وإلا فى ضرر. ع ولادى وممكن يقضي عليهم… وبلغني الأمير سلسال أنه هيكون معايا وهيساعدني لأن لازم كل اللي هيحصل يبان طبيعي…
الشيخ عمار….
ما صدقت أن حوريه وافقت إني أروح معاها واستئذنتها خمس دقائق واكون جاهز وخرجت من المكتب واتصلت ع رشا وقولتلها إني هروح وأقرأ عليهم آيات السحرr وأخرج الجنn من البيت ولكنها حذ'رتني. وقالتلي مينفعش تكون لوحدك.. هما أقوي منك.
بس أنا صممت ع كلامي وروحت مع حوريه والطريق كان زحمة جدااا وبطئ وفجأة سائق التاكسي قال إنه هيغير الاتجاه لتفادي الزحمة.
لكن اللي حصل أنه مشي بينا في طريق كله مطبات وفجأة دخل بينا في سيارة جاية عكس الإتجاه ورأسي اتخبطت في كرسي السائق وحورية فضلت تصر'خ. وفجأة شوفت راجل شكله غريب وبيبتسم وبيمد أيده وبدل ما يخرجني من السيارة لقيته مسكe رقبتي وبيضغط. عليها..
وفضلت أحاول أشاور ل حوريه تساعدني بس كأنها ولا سمعاني ولا حتى شيفاني وفجأة لقيت رشا واقفه ومسكت الراجل ودفعته، بعيد عني وقالتلي يلا بسرعه وفجأة لقيت نفسي في البيت وبعدها قالتلي هروح أتأكد أن البنت بخير…
رشامنصور….
بعد مكالمة الشيخ عمار قررت استعين ب آدم الجن.المسلم.. وقولت له راقب من بعيد ولو حسيت أن في أى ضررr ع الشيخ عمار بلغني..
وبعد شويه لقيت آدم ظهر وقالي أن الجن ظهر ل الشيخ عمار وعاوز يعجزه، علشان ميقدرش يوصل ل أولاد سليمان..
قولت له وديني هناك بسرعة وطبعاً وصلني بعيد عن الشيخ عمار وأنا أول ما وصلت مسكت أيد الجنe اللى اتفزع، أول ما شافني
وقولت بسم الله الواحد الاحد استقوي، بك ودفعته بعيد واخدت الشيخ عمار ووصلته بيته وكان مصاب في رأسه من انصدام، السيارة..
وروحت بعدها عند البنت ووقفت بين الناس ولم أجد أثر للجن،. والبنت كانت بخير هى والسائق ورجعت عند الشيخ عمار وقولت له أنا نبهتك هما مش هيسبوك تأذي ولادهم. وقولت له هبعتلك اللي يساعدك في الشفاء ومشيت…
حوريه…
بعد ما فوقت من الصدام. ملقتش الشيخ عمار والناس خرجوني من السيارة قولت لهم كان في شيخ معايا واتفاجئت أن السائق بيقولي..
أنتي ركبتي معايا لوحدك وفضلت ادور ع الشيخ لكن مافيش أى أثر له غير نقط دمm موجودة خلف كرسي السائق.. واضح أنه اتصاب واكيد حد خده المستشفى…
وروحت البيت وأنا مش عارفه اقولهم إيه واكتفيت إني قولتلهم إني اتخبطت وأنا بعدي الطريق…
محمد…
أول ما وصلت البيت عند جيهان لقيتها بتقولي كل ده مع سوزان دلعك لها ده مش كويس.. مدام كانت مع منال كنت سيبتها ده هى بتحبها أكتر مني…
قولت لها فعلاً لأن منال هى اللى ربتها من وهى فى اللفه لكن انتي كل دورك أنك حملتي فيها وبس وعلشان كدا أنا اتجوزت منال من حوالي أربع سنين علشان اخلي بالي من بنتي وعلشان أقدر أعيش أنتي واحدة عايشه علشان نفسك وشغلك وبس وأنا وبنتك مش في دماغك..
وبقولك أهو علشان تعرفي أبن منال يبقي أبني أنا يعني اخوه سوزان ولو عاوزة تنفصلي معنديش مانع ولو عاوزة تكملي حياتنا زى ما هى تمام بس من اللحظه دى أنا هقسم الأيام بينكم.. أنا ولا مرة بيت عندها علشان خاطرك وده علشان متزعليش لكن دلوقتي براحتك…
وسيبتها ودخلت غرفتي.. ما أنا معظم الوقت كنت بنام في غرفة سوزان علشان جيهان طول الليل قاعدة ع النت بتشتغل..
جيهان…
انصدمتe من كلام محمد معقوله اتجوز منال صديقه عمري… ودلوقتي بقي عاوز يطلقني، ويعيش معاها براحته.. لأ
أنا هفضل ع ذمته ويصرف عليا وع البيت ولو عاوز بنته ياخدها تقعد ع قلبهم.. أما أنتي يا منال والله ما هسيبك تتهني معاه…
شيماء…
عدت الأيام وجه وقت اختبار ومها وعرفه وأنا روحنا مع شريف المدرسة ودخل مكتب المديرة مع المدرسين وأحنا انتظرنا بره …
شريف…
دخلت الاختبار وسمعت الاتنين المدرسين بيقولوا أن في زحمة واحتمال كبير متقبلش بس المديرة هتقول إني غير لائق بسبب أهلي
وبعد ما جاوبت ع الأسئلة قولت للمديرة أنتي حلوة أوى هما ليه بيقولوا عليكي أنك وحشه ومش بتحبي الأطفال وبتضربيهم….
بصتلي المديرة وقالتلي مين اللي قالك كدا…
بصيت اتجاة اتنين المدرسين وقولت لها بابا قالي الفتنه حرام. ربنا هيزعل مني. أنا بس شوفتك طيبه مش زى ما بيقولوا أنا حبيتك اوي وبوستها…
ولقيتها بتقولي وأنا كمان بحبك وبابا عرف يربيك وقالت للمدرسين دخلوا ولي أمره ودخلت مها..
والمديرة قالت لها ع الرغم اننا اكتفينا بأعداد الطلاب إلا إني حبيت شريف جدااا وعلشان كدا هو بقي معانا ودى ورقة بطلبات المدرسة والمصاريف ويلا يا شريف اشوفك بعد شهر…
وبكدا ضمنت وجودى في المدرسة دى بالذات…
مس أميرة…
أنا أميرة بعشق كتب السحرr وفي يوم جربت التحضيرr وكنت هتأذي.. وكانت الشقه هتو'لع بيا…
بس بعدها ظهر ليا كائن واخد شكل انسان وقالي أنا ممكن اساعدك نظير مساعدتك لنا…
وطلب مني إني أهتم ب أطفال معينه وفي اليوم ده ظهر ليا وقالي في طفل إسمه شريف.. من اللحظه دى لازم يكون أول اهتماماتك وتساعديه في أى حاجة عاوزها منك…
وأول ما خرج شريف واهله من مكتب المديرة ابتسمت له وقولتله مبروك.. أنا مس أميرة.. المس اللي هتدريسلك في كي.جي. يا حبيبي… ومنتظراك..
عزيزة…
بعد ما حماتي اخدت وليد ومشيت.. قولت ل سحر عمل إيه اللي عوزاني اعمله ل عادل.. ده أنا مش طايقه وجوده بدل ما تقوليلي أشوف محامي يخلعني منه.. لقيت سحر بتقولي..
سحر…
قولت ل عزيزة ولما تطلقي، هتعيشي ازاى أنتي وابنك.. مفكرتيش أن عادل ممكن يطلقك شفهي، ويسيبك كدا متعلقه ولا منك متجوزة ولا منك مطلقه، وساعتها ملكيش أى حقوق عنده.. اخرك ساعتها ترفعي عليه نفقه… فكري بعقلك مش وقت عواطف..
إحنا نروح نعمل له سحرr محبه خليه يدوب فيكي وتجبيلك طفل تاني منه وبعدها نقنع حماتك تكتبلك نص الشقه بأسمك هديه المولود الجديد وساعتها بقي لو جوزك عاوز يتجوز عليكي يبقي يشوف حته تانيه يعيش فيها لأن نص الشقه بأسمك والنص التاني بتاعك لأنك حاضنه ل طفلين…
عزيزة…
عجباني دماغك يا سحر بس هنروح فين… اكيد عند الشيخ موسى
بصراحه سره باتع.. ده العمل اللي رشيته خلي حماتي لحد دلوقتي بتعاملني كويس واحسن من ابنها كمان….
شيحال….
كنت عاوز عادل يرجع يحب عزيزة وتوافق ترجع له وبمزاجها لأن الأمير سلسال قال إن الأمير المخلد.إبليسlo عاوز أكبر عدد من الأطفال الهجين ع الأرض وطبعاً في وجود طفل تاني.. ده هيكبر مكانتي عند الأمير المخلدe…