رواية احفاد ال رحيم الفصل الثلاثون 30 - بقلم سـيـريـوس | Sirius ✨

التهدم ساف منه يفيده ترميم:
مو مثل التهدم كله وانهار!
تسولف ع المواقف وانت خواف!
شنو بصفحة حياتك شلك تذكار؟
حديد انتَ ورجفت بساعة الضيج"
وانه خشبه وكفت بوجه منشار!

رحيم المالكي

،،،،،،،،،،،،،،،

انت متخاف ع صحتك مو كلنه ميصيرلك هيج شي كعد ع الكاع لازم صدرة

ام مومل. عزا العزاني ابني شبيه

مقتدى. غسلتله فتحت قميصة مومل تسمعني تنفس تنفس اكثر

مومل. صعوبة حيل بالتنفس وتشنج نص جسمي

مهند. مقتدى شبيه

مقتدى. بعدين بعدين مو وكت حجي هسة

مهند. قسما بالله يا هيام اذا صار شي ع واحد من اخواني راح تشوفين شي ممتوقعته مني

مقتدى. مومل مومل. مهيمن بسرعة السيارة شاله مهند اباوع مكان نور طايحة

مقتدى. رحتلها كاضة كلبها وتفتح بعينها وتسدهم. اضرب ع خدها نور نور نور باوعيلي
شلتها اركض. تعال سامر بسرعة اخذ السويج افتح السيارة

ام مقتدى. ولك يمة اختك شبيها.

مقتدى. مادري مادرييي

سقت واخذتها للمستشفى نزلنه سوه اخذتهم النفس الغرفة اجه موتمن طلعو كلهم

موتمن. مقتدى شبيهم

مقتدى. صارت مشكلة بالبيت ومومل عصب وضل يصيح وراها لزم صدره. وضل يعرق وطاح ونور نصدمت من شي واختنكت واغما عليها

موتمن. احنه شنو كلنه وخر خلي اشوف الوضع ساعة كاملة

مقتدى. استغفر الله

موتمن. روح اطلع برا

مقتدى. شعليك

موتمن. لا تنسا انته مو وقت دوامك اطلع منا

مقتدى. تمام. طلعت امشي سريع واهلي يصيحون وراي مارديت عليهم دخلت الغرفتي وسديتها اجه وراي مهند

مهند. شبيك مو نصيح عليك بيهم شي

مقتدى. لاااا ما بيهم حاولت اهدي نفسي فركت وجهي. بس المدير يريدني وانا عصبت لان كتله عندي حالة كلي تعوفها وتجي

مهند. مقتدى. مو علي حجيك هذا بعدين كلبنها عزا هناك

مقتدى. روح كللهم المدير اتصل عليه بشغلة شي ميخصهم وتعال

مهند. تمام رحت

ام مقتدى. ها يمة احجي بيهم شي ولك يمة كلبي كام يوجعني

مهند. لا والله شي ما يخصهم بس المدير متصل عليه يريده وصاير حجي بينهم

ام مومل. بجي. اي تكول هيج حتى تسكتنه لا تجذبون علينه

موتمن. طلعت وشفتهم. لا خالة حجيك صحيح اتصله المدير وطلع مستعجل

الجد. بشرنه دكتور شنو وضعهم

موتمن. الحمدلله استقر وضعهم حاليا وكدرنا نصيطر ع حالتهم

ابو مقتدى. ليش شبيهم همة

موتمن. يعني عمو صارلهم اسبوع من طلعو من عملية وكلبهم تعبان وكنالكم بعدوهم عن قلق توتر عصبيه اجهاد فاكيد هيج حالتهم والصراحة حالتهم كلش خطرة جانت كوة سيطرنه عليهم

ابو مومل. الحمدلله ان شاءالله متنعاد

مهند.  انا اعرف شاصرف منا ورايح خليت خاطر هواي وسكتت هواي

ابو مومل. التسويه سويه احنة وياك

الجد. لا مو هيج بابا

ام مومل. لا خليه احسن شوف نهاية دلالنه شسوة عمي جان خسرت ابني من ورا عناد بنتي

مهند. شفت ام مقتدى تبجي وعمي يهدي بيها رحت يمها وداعت كل دمعة نزلت منج ومن عمتي ونور وداعت كل وجع صار بكلبهم لاندمها ع فعلتها

ام مقتدى. ببجي. لا يمة عوفها مانريد مشاكل بس بس اريد صحتكم وتمشون كدامي بخير

مهند. وداعت محنتج ما اسكت
رحت المقتدى وكعدت يمه حطيت ايدي ع ظهره اي احجي

مقتدى. شاحجي

مهند. شبيك

مقتدى. مابيه شي

مهند. بداعت نور وعزيزتك

مقتدى. استغفرالله لا تحلفني ياخي لا تحلف

مهند. احجي وانا اخوك واسمعلك ادري تعبان وادري محتاج تحجي فريحني وريح نفسك

مقتدى. فركت وجهي استغفرالله يا ربي صبرك. احم علي ضغط بالشغل وحالت نور جانت شاغلتني واحداث اخر فترة صارت وسهر وبحوث ووو

مهند. وشنو احجي كلشي ضامه

مقتدى. مهند وطاحت دمعه من عيني مسحتها احم نور

مهند. قلصت عيوني شبيهااا ولك احجي

مقتدى. نور قبل شهرين من سوينه فحوصات من تمرضت لكينه كلبها تعبان ويتعب لادنى سبب وورا ما صار الحادث وياها لاحظنا قلبها ما يشتغل بصورة صحيحة وشكينه بشي انطيناها علاج  وورا شهر الهو قبل اسبوعين عدنا الفحوصات ولاحظنا انو عدها عضلة من عضلات القلب تعبانه وحجمها مو الحجم الطبيعي وصاير عدها انسداد بالشرايين وهيئنا الكلب من خلال علاج حتى نسوي الانسداد ونشوف حجم القلب يرجع طبيعي لو لا ووصارت سالفتها ما قبلت ومن سوينه عملية وخلصنه جان لازم ورا يوم نسوي الفحص وسويناه طلع عدها تضخم بالقلب وحالتها يرادلها تشخيص اكثر بعد وحياتها يرادلها راحة واكل صحي وتبتعد عن كلشي يوتر ويعصب نور

مهند. انت شنو جاي تحجي ليش ماحجيت

مقتدى. هذا الصار وماحجيت ردنا نتاكد يلا ومن تاكدنا حجيتلكم ع موضوع العملية بس سالفة التضخم محد يدري بيها بس نور وانت

مهند. استغفرالله هاي حالة ما يصير ما تبلغنة

مقتدى. انت ليييش ماجاي تفتهمني محلف انا وبعدين نور ماتريد احد يقلق عليها وانت تدري اذا تشوف نظرة قلق عليها ماتبقة هنا وهم ماشاءالله انتم العائلة كلمن مرض شكل

مهند. وحالتها من البداية هم محد يدري

مقتدى. لا جان مومل يدري بس مال التضخم مايدري ماقبلت نور ماتريده يقلق بسبب وضعه

مهند. يعني وضع مومل الفترة الراحت بسبب حالة نور

مقتدى. هيج ومو هيج

مهند. شلون

مقتدى. مومل صار اكثر من شهرين متغير وعنده بعض الاعراض مثل صداع دوخة فقدان شهية رجفه بالايد تشنج بس ماجان يكول ويحجي جان مفكر من توتر التدريب ومن عرف بحالة نور زادت عنده بسبب القلق وعدم الراحة بس طبعا كل هذا محد يدري بيه حتى انا ورا العملية يلا عرفت وهو بسببه حالته هسة لو حاجي جان سيطرنا ع الوضع

مهند. احم ليش شبيها حالته شنوطلع بيه

مقتدى. اخذت نفس عميق. عنده ذبحة صدرية

مهند. شنوووو انت تحجي صدك لو تشاقة

مقتدى.  مهند هاذ وضع سوالف تعبانه

مهند. وليش ماتكول

مقتدى. حتى احافظ عليه لان التفكير راح ياكله اكل هو دكتور من شخص عادي ونجذب عليه تعرف شنو يحتاجله راحة لو ماتعرف ولك مومل اذا عاش براحة ممكن يطيب نهائيا وي الادوية والعملية

مهند. مصدوم باوعت ع مقتدى. دموعه اطيح
مقتدى تبجي

مقتدى. اي لان تعبان محتاج واحد يشاركني همي تعبت كلش تعبت مهند تعرف شنو يعني اخوانك اثنينهم تحت رحمتك ورحمت ربك تعرف شنو يعني اخوانك حياتهم خطرة تعرف شنو ع ساعة بسبب شي تافه تخسررر واحد منهم تدري كلما يطيحون لو يصير بواحد منهم شي تنسحب روحي وياه تدري بيه ما مستعد اخسر اخت ثانية لو اخ ماكدر وشبكته وبجيت

مهند. مسحت ع راسه الله يساعدك ياخوية ان شاءالله تعدي قوي نفسك وانا وياك ماعوفك للموت وهسة شنو تسوي

مقتدى. كمت مسحت ادموعي اسافر انا ونور وانت ادير بالك ع مومل وموتمن يمك

مهند. ليش تسافرون اذا من ورا هيام فدواها عندي

مقتدى. لا اريد اهناك اكو بروفسور بامراض القلب اعرضها عليه وهم عدنا تجديد اقامة

مهند. ان شاءالله خير يلا كوم غسل ورتب نفسك واشرب ماي خلي نروح نشوفهم كعدو لو لا

مقتدى. كمت غسلت وشربت ماي شوي وطلعت رحت الهم

ام مقتدى. اجت شبكتني وتبجي يمه اختك

رفعت راسي ليفوك. احم يمة مابيها شي ان شاء الله هسة داخل اشوفها بستها براسها ودخلت للغرفة رحت يم مومل بست راسه ورحت يم نور بست راسها وطاحت دمعة مني مسحتها بسرعة دخل وراي موتمن.

موتمن. ها خوية شبيك

مقتدى. مابيه شي شوية تعبان اي شوكت يكعدون

موتمن. هو جاي اكعدهم

رحنه كعدنا مومل. مومل مومل حرك راسه

موتمن. الحمدلله ع سلامة شلونك

مومل. الحمدلله بس وجع بصدري وخدر بايدي

موتمن. لان طايح عليهن هسة يروح

مومل. نور. شبيها ليش هنا

مقتدى. اهدا خافت عليك وتعبت جبناها وياك

مومل. مقتدى نور بيها شي

مقتدى. لا بس تعبت وانتم لا تنسون صار اسبوع طلعتو منا

موتمن. مقتدى كعدها

رحت كعدتها نور نوارة نوري حركت راسها

مقتدى. نور شتحسين

نور. وجع بكلبي قليل

مقتدى. عادي من العملية وغمزتلها

نور. مومل كعد وينه شلونه

مقتدى. اششش هذا كاعد زين

مومل. حبيبتي لا تخافين مابيه شي

موتمن. الحمدلله لازم تنتبهون ع صحتكم وتبتعدون عن الاعصاب يابة بعدكم هلكدكم واعصابكم ما تكدرولها

مومل ونور. ان شاءالله

مومل. اهل برا مو وكلبنها ملاطم هاا

موتمن.كلش امك بدعت دخلتكم للمكبرة وطلعتنه جذابين

مومل. فدوة اروحلها عادي يدخلن

موتمن. اكيد غير اذا طلعت هسة وكتلهن ما ادخلن اتوقعو باجر تتغدون بالباجة مالتي

مقتدى. تطلع ادخلهن لو شلون

موتمن. لا يابه طالع طالع

الجد. ها بابا شلونهم.

موتمن بخير وعادي تكدرون ادخلون تشوفوهم

ام مومل يمه سودة عليه امددين هاي النومة مو الكم يمة وراحت المومل تشبكة وتبوسه يمة كليبي وليدي من ورا عصبيتك جان رحت مني

مومل. هدي يمة مابيه شي ها عمة شو واكفة من بعيد لا كلمة لا حضنه لا بوسه لابده بحضن عمي

ابو مقتدى. وولك اسكت غير لازمها كوه هية محتارة المن تروح كلبتها مناحة ولدي راحو ولدي راحو

مومل. تعاي يمة تعاي الي

ام مقتدى. ياروح امك بوسته شلونك شتحس

مهند. الحمدلله يمة ع عناد نويرة امهاتي اثنينهن يمي وانتي محد

الجد. وابو مقتدى وابو مومل. احنه يمها هاي نور حياتنا

نور. تسلمون مقتدى شوكت نرجع

مقتدى. ليش

نور. يعني انا كاعدة هنا اكثر من غرفتي مليت

مقتدى. هسة كومو نطلع

كامت عدلو روحهم وطلعنه وصلنه للبيت اجه الكل يستقبلهم ويسلم عليهم

هيام. الحمدلله ع سلامتك خوية
رادت اتشبكة عافها ومشة

سيلين. الحمدلله ع سلامتكم ومبرطمة

مومل. يروحي لا تبجين هاي مابينه شي

نور. يعمري لتخافين هاي احنن كدامج

وسلمو الباقين ردنا نكعدهم بس، ،،،،

،،،،،،،،،،

انتظرونا