رواية احفاد ال رحيم الفصل الرابع وثلاثون 34 - بقلم سـيـريـوس | Sirius ✨

‏⠀
كون مو گد الهوى شجابك عليه
چفوف مو يمك شكو تلاويها
لا تبرر ذبلت الوردة بيديك
انت مو گدها الشمس شعليها
وردة ماتت المن ترشلها ماي
وهذا ياهو الـ گالك تحييها
صرت كتالي برگبتك دمي صار
وذيج روحي بذمتك خليها

| ميثاق الهلالي

,,,,,,,,,,,,

مقتدى. مو احنه عدنا سفرة يوم الجمعة

الجد. منو انتم وليش هسة يلا تحجون

مقتدى. العفو جدو اليوم الصبح بلغوني طالبيني بلندن بالمستشفى بخصوص حالة لازم اروح وهم عندي تجديد اقامة لان اقامتي انا ونور راح تخلص بعد،شهر فلازم نروح نجدد والا يجمدون كل املاكنه واحتمال سجن

مومل. وانا ليش مادري بالسفر

ابو مقتدى. الله وياكم بس اختك ووضعها

نور. لا بابا وضعي زين اطمان واستشارو طبيبي وكال عادي

الجد. وشكدداطولون

مقتدى. من اسبوعين الى 4 او 4 ونص ع مانكمل كلشي ونرجع

ابو مقتدى. جا بدربك انت عندك وكالة ع كلشي اكو كم امر متفق عليه وي خالك كملوه انت ونور

مقتدى. من عيوني

الجد. روحو بابا ارتاحو

رحنه كلمن الغرفتهخشليت الاغراض الاريدهم بجنطة صار العصرر نزلنه شفت خالة ام مومل.

نور. العفو خالة ممكن تجين شوي للغرفة

ام مومل. تدللين بنيتي
صعدنة للغرفة

نور. تفضلي خالة كعدي
عمة انا لا انانية ولا خبيثة ولا احب التفرقة وهاي السوالف

ام مومل. اعرفج بنيتي بس شنو مناسبة هلحجي

نور. كمت جبت العلاكة. عمة هاي غراض الهيام منه ما نسيناها بس مومل زعلان عليها وكلي انطيها انتي وانا ماكدر انطيها بسبب اخر مشكلة ما اريد مشكلة ثانية

ام مومل. بارك الله بيج حتى وانتو زعلانين تذكروها الله يطيح حظها ويفشلها ماتفتهم العده هيج اخوان بحياته المفروض يحمدالله ويشكره

نور. لا عمة عوفيها هية تفتهم غلطها

ثاني يوم الصبح مجتمعين انا وسيلين لبسنا بناطير وقميص وبشت

الجد شلون نروح

مقتدى. نور ترحين بسيارتج

نور. اكيد

مقتدى. مهند وياك عمتي وعمو واختك
مومل وياك عمو وعمة واختك

مهيمن تجي وياي انت وامي وابوي ونور وياج جدو

الكل صعد مكانه

بسيارة نور

نور. جدو محتاج شي اجيبلك

الجد. لا بابا ماريد بس اريد اسالج سوال وبداعتي اتجاوبين الصح

نور. تفضل جدو

الجد. الاعرفة المزرعة ماكاملة بشكل كامل وانتي كلتي ماندخللها الا مكمله كلشي

نور. الصراحة جدو ردتها الروحة حتى نغير جو شوية

الجد. نور اكو شي ضامينه علي

نور. لا جدو

الجد. نور مو اعرفج كلش زين لا تجذبين وانتي حلفتي

نور. احم مو جدو بسبب الوضع الصحي مالنه نحتاج راحة وابتعاد عن المشاكل

الجد. وشبيه وضعكم احجو

نور. جدو انا طلع عندي تضخم بالقلب ومومل ذبحة صدرية

الجد. هاي شنو تحجين من شوكت
نور.  حجيتله كلشي

الجد. وطيحتكم امس بسببها

نور. اي

الجد وليش ماتكولين

نور. جدو. نخاف ع وضع مومل الصحي يدهور لان راح يقلق ويتوتر وهو الراحة ممكن تعالجة نهائيا

الجد. اخ يا اعزاز كلبي هيج يصير وياكم

نور. الحمدلله ع كل حال الكاتبة الله نقبل بيه

الجد والنعم بالله والسفرة

نور. الصراحة بسبب وضعي اكو بروفسور بامراض القلب كال المقتدى جيبها ونشوف وهم الاقامة بعد شهر تخلص

الجد. الله كريم ان شاءالله خير

نور. جدو لا تضوج وتزعل

الجد. شلون بابا وانا قطعتين مني حالتهم الله يعلم بيها

نور. وداعتك كلشي تمام

وصلنه للمزرعة الكل تعجب بيها

نور. مومل السيارات كلها تبقة كدام بيت ابو علي واحنه رايحين للبيت الجبير

مومل. ان شاءالله
اخذت السيارات صفيتهم

نور. دخلو وكلمن اختار غرفة يكعد بيها بس انا ومومل ومقتدى. اصلا جنه ماثثة غرفنه بس البقية هم اختارو

نور. خالة ام علي الاكل جاهز

ام علي. اي خالة وخليته ع السفرة تفضلو

رحنه للاكل مبدعة خالة كلشي مسوية كعدنه ناكل

مهيمن. اكول اكو بيت ثاني اصغر من هذا المن

مومل. ميخصك ليش تسال

مهيمن. وانت شدخلك

مومل. مزرعة اختي ودخلني

مقتدى. كافي اسكتو بالنسبة للبيت بعدين تعرفون اكلو هسة وارتاحو

الجد. مقتدى خلص اكل والحكني الغرفتي وكام جدو بعد ما اكل قليل

الكل بدا يحلل من يمه

نور. مقتدى ضل متعجبومصفن بالوجوه باوع علي هزيتله راسي واشرتله بعيوني افتهم وكمل اكله

مومل. مقتدى جدو شبيه ضايج وليش يريدك

مقتدى. مادري علمي علمك اخلص واروح. كملت ورحت دك دك دك

الجد. تفضل

دخلت

الجد. سد وراك الباب

دخلت كعدت يمة

الجد. اي شوكت جنت ناوي تكلي

مقتدى. بخصوص شنو جدو

الجد. بخصوص شنو هسة ماعرفت انا اكلك شنو بخصوص اخوانك شوكت جنت ناوي تحجي من يموت واحد بيهم يلا

مقتدى. جدو انا اعتذر بس محلفيني

الجد. محلفينك بس نسيت القسمك الي نسيت واجبك كدكتور قبل لاتكون قريب المريض

مقتدى. جدو والله قبل لانسوي فحوصات نور خلتنه نحلف يلا تسوي فحوصات وحلفتنه مانحجي حتى الغير دكتور اله بعلمها

الجد. هاي السالفة ماتمشي عندي المفروض احنه ندري قبل المريض حتى نكون مستعدين الكلشي صح لو لا

مقتدى. صح كلامك جدو

الجد. منو يدري غيركم

مقتدى. مهند

الجد. ضاليين تتصرفون بكيفكم روحي صيح نور ومهند بسرعة

مقتدى. صار جدو. طلعت لكيتهم بعدهم ياكلون. نور مهند جدو يريدكم

مهند.  شنو يريد وليش حالتك هيج

مقتدى. مادري كومو بسرعة وياي يريدكم
كامو وياي مستغربين

نور. مقتدى شكو شبيك

مقتدى. سوالفج هاي شوفي شراح يسوي الله واعلم

دخلنه علي

الجد. جيبو هاي الكراسي وكعدو كبالي

كعدنه واحنه واحد صافت بوجه الثاني

الجد. اي يحفادي اي يعزاز كلبي شوكت جنتو لازم تكلولي

نور مهند. واحد باوع للثاني بخصوص شنو

الجد. يعني نويرة لوما محلفة جاماكلتلي ومقتدى خان مهنتة وماحجة وانتم الثلاثة خنتوني وخنتو قسمكم وما حجيتو

نور. بخصوص شنو جدو

الجد. حالتج انتي ومومل

نور. بس مهند مايعرف

مقتدى. لا يعرف

نور. شلون

مهند. جانو يتناقشون بحالتكم من تخربطتو وسمعتهم

نور. جدو جا انا مو كتلك شلون خنتك بعد

الجد. نور ملاحظة تصرفاتج اخر فترة غلط لو لا

نور. بشنو غلطت جدو

الجد. بكلشي

نور. شلون فهمني

الجد. انا افهمج من اخوج يكلج لازم تسوين عملية تكسرين كلامنه وتحبسين نفس بغرفتج ولوماحالت اخوج جان الله يعلم شصار لو سالفتج مال ماتخليهم يسوون فحوصات اله يحلفون شنو يطلع يكلولج ومايكولون الاحد ع حالتج وتتصرفين بكيفج هااا

نور. جاا مو من حقي اعرف بحالتي الصحية

الجد. وحقنه احنه مولازم هم نعرف

نور. جاا ما حاسبتهم من شهرين هم يعرفون كلشي بيه وما حجو هااا هذا مو هم حق لو لا ماحاسبتهم من جايين قبل العملية بيومين تعاي نسويلج عملية

مقتدى. نور نصي صوتج من تحجين

نور. اسفة

الجد. الكل لازم يعرف واليوم

نور. لا جدو فدوة مو هسة. ببجي

الجد. ليش

نور. جدو بس ارجع من السفر كلشي كوله ووعد ما نظم شي بعد

الجد. وانت مقتدى ومهند  وخيانتكم القسمي والي والاهلكم لازم تتحاسبون

مقتدى. التكوله جدو امر وننفذ
مهند. التامر بيه

الجد. لازم تكولون للكل بهذا الشي وهسة

نور. لا فدوة جدو كلشي ولا تكلهم انطينه مهلة بس ع مانرجع فدوة ببجي

الجد. مسحي دموعج وتعالو وراي

نور. جدو

الجد. ماسمع نفس يلا تعالو مسحي دموعج

،،،،،،،،،،،

انتظرونا