رواية احفاد ال رحيم الفصل الخامس عشر 15 - بقلم سـيـريـوس | Sirius ✨

المطر شم الورد من دنگ اعلى الگاع
وراح يبُوسه من دنگ
صبح كلك صبح
وارموشك مرَايات
وانگوط وربيع بطولك معلگ
للمك والتم انه وياك
والتف بيك واطبگ
واشوفك شوفة القداح
لمن من يريد ايطيح
والتف لف جگارة عليك واشبگ

________________________________

مومل دخلت لكيت مهيمن يون ويهلوس تقدمت منه لكيته نار مصخن رحت المقتدى قبل لينام

مقتدى. قيس حرارته وسويله كمادات لان ما نكدر اليوم ننطيه علاج هواي شرب وجسمه بعده مامتعود ع الوضع نص ساعة اذا مانزلت حتى لو نص درجة تعال

مومل. تمام
رحت سويتله كمادات ورا ساعة نزل نص درجة بس بعده مصخن ضليت اسويله وامسح ع راسه اخ يخواني يقطعة مني اثنينكم ممدودين بالفراش ماعندي بعد حيل اتحمل
وزلت دمعة مني بسرعة مسحتها غيرت الكمادة دخل مقتدى
مقتدى. ها شلونه

مومل. نزل شوي بس بعده

مقتدى. هو شبيه صاير وياه شي من رجعنه زين

مومل. ما ادري بس هو عنده حالة من زمان من يضوج يصخن

مقتدى. الله كريم الصبح نشوف وضعهم

مومل. نور شلونها

مقتدى. نامت زينه نور حساسة كلش ورقيقة بس تكابر وتبين قوتها من هيج الناس حسبالهم ماتهتم للكلام

مومل. انا الاعرفها تعلمني بيها روح خوية نام انت تعبان

مقتدى. وانت راح تضل كاعد

مومل. اي راح اضل يم مهيمن وكل شوي اروح اطمن ع نور نام انت ارتاح حتى تستلمهم الصبح

مقتدى. ماشي هههه
رحت دخلت نمت

مومل.
اباوع ع مهيمن ادري يخوي بالبكلبك وادري ضجت حسبالك انا ونور بينه شي وادري ضجت اكثر وزعلت من عرفت الحقيقة وهيج صار بيك اتنهدت وضليت اسويله كمادات وكل ساعة اروح اطمن ع نور الا ان اذن الفجر كمت صليت وطلعن عماتي ام مقتدى وام مهند صلن واجن يطمانن عليهم كتلهم زين وكتلهم بحالت مهيمن عمتي كالت نام وانا يمه كتلها لا هسة زين بس اغيرله ملابسه وانام راحن لبسته ملابس وخليت غير كمادات جنت كاعد ع الكرسي يم جربايته ونمت بلا ما ادري

مهيمن. كعدت الصبح احس جسمي متكسر اكثر من ماهو متكسر شفت ملابسي متغيرات وكمادات ع راسي شفت بالجهة الثانية مومل نايم وهو كاعد ع الكرسي اخ يخوي ضنيت بيك سوء وجنت انا الازم الوحيد الماصدك حتى لو شفت بعيني بس الحب عماني كلش وطيح حضي وشوف انت شلون جازيتني نفتح الباب دخل مهند
مهند. صباح الخير ها كعدت

مهيمن. صباح النور اي هسة

مهند. ليش نايم هيج مومل

مهيمن. يمكن صخنت بالليل وهو ضال كاعد

مهند. يا خطية هل ولد عليه حنية وطيبة تغرك العالم

مهيمن. صح

ام مهند. صباح الخير

الشباب. صباح الخيرات ست الحبايب

ام مهند. ها يمة شلون صرت خفت حرارتك

مهيمن. اي ماما الحمدلله بس انتي شلون عرفتي

ام مهند. يا خطية شوف شلون نايم صعدت انا وعمتك اطمنه ع نور لكينه مقتدى نايم يمها بالغرفة اجينه هنا لكينه مومل. ستوة مخلص صلاة وسهران وياك كناله نام كال لا ابدله واضل يمه روحن نامن وراجن تعب الصبح

مهيمن. مهند كعده ع كيفك خليه ينام ع مكانه وساعدني اريد اروح للحمام

مهند. من عيوني
مومل امولي
مومل. اممم

مهند. كوم حبيبي نام بمكانك

مومل. صباح الخير بنعس

الكل صباح النور

مومل. مهيمن شلون صرت الحمدلله خفت حرارتك

مهيمن. اي الحمدلله مابيه شي
مومل. تريد اساعدك تروح المكان

مهيمن. لا نام بمكانك كوم
مهند. انا راح اوديه للحمام ويصعدوله الريوك يتريك

مومل. تمام كمت الفراشي نمت

مهيمن اخذني مهند للحمام ومن طلعت امي كالت تعال بغرفة نور مقتدى يكول وخلو مومل نايم

نور. نايمة واجت ماما كعدتني
ام مقتدى. نور نوارتي كعدي ماما وراج علاج
نور. صباح الخير مامي

ام مقتدى. صباح الخيرات يلا ماما كعدي غسلي بدلي حتى تتريكين
نور اي ماما كعدت

ام مقتدى. مقتدى مقتدى اكعد ماما ساعة 9

مقتدى. صباحو الاحلى ام بالدنيا

ام مقتدى. صباح النور حبيبي يلا اكعد

مقتدى. غمزت النور واشرتلها. وحجينه سوه اخ لو هيج الصباح لو بلا احلى صباح من امك تكعدك

ام مقتدى. هههه ربي يحفظكم الي يلا كومو نص ساعة واجيب ريوك نور وانت مقتدى تريد يمها لو جوة
مقتدى. اذا منتعم هاي الايدين هنا

الام. تدللون

نور. ماما سيلين كاعدة

الام. اي ماما ترديها

نور. اي والله ياريت تصيحيها بطريق
الام. ان شاءالله

مقتدى. تحتاجين شي انا موجود

نور. احم بس تعال ساعدني ادخل للحمام والباقي سيلين

مقتدى. تمام وانا هم اروح اغير ملابسي
كمت وديتها للحمام حمامها بيه كرسي كعدتها عليه وطلعت من اجتها سيلين سديت الباب ورحت الغرفتي

سيلين. صباح الخير نونو

نور. صباح الخير احم سيلين خومزعلانه لان ما بلغتج بالحقيقة

سيلين لا لان انا جنت ما افهم عليكم من تكلولي خيتي

نور. والله مجانت نيتي ما اكلج بس خفت اتاذيج هيام لان جانت اي تحد يتقرب من مومل تسوي مشكلة وتذب براسه

سيلين. يعمري اصلا مزعلانه والله وحتى فرحت اكثر من هسة هرفت خوفج علينه اصلا انتي اكثر وحدة اتاذت بسبب هلسر وتحملتي الشي الماجنت انا راح اتحملة اصلا انتي جنتي تعامليني معاملة اخت متعاملها الاختها لو عندي اخت مجانت عاملتني معاملتج
نور. يعني مزعلانه مني

سيلين. ازعل من الدنيا ومازعل من خواني

نور. شبكتني. يروحي عسى الله لا يحرمني منج ولا يفرقنه

سيلين امين

نور. وهسة اختج تريد مساعدتج ولو راح اتعبج

سيلين. عيوني الج تردين اساعدج تغسلين وتبدلين

نور. تسلم عيوني. بخجل. اي

سيلين تدلل نوني جم نور عدنا

نور. فديتج سوسي
ساعدتني اغسل وبدلت وساعدتني اطلع طبعا حركتي كلش بطيئة منا عمليات ومنا الكسر الا ان وصلت للجرباية كعدت دك مقتدى البابا سمحتله يدخل وعدلت سيلين الجرابي

مقتدى. شهل حلاوة هاي هسة يلا نورت حياتي بكعدتج

نور. حياتي انت ربي يخليك الي وبس

مقتدى. هههه ليش بس الج

نور. ما اريد تجي حية وتاخذك مني

مقتدى. ههه ماكو احد يجي ياخذ مكان نورقلبي مني وعد

دخلت امي بالريوك

مقتدى. ماما مهيمن كعد

الام. اي ماما كعدتهم عمتك وجاي يغسل وياه مهند وراح تصعدله الريوك

مقتدى. بلا زحمة عليج سيلين ممكن تكليله يجي هنا ويخلون مومل نايم و صعديله ريوكه هنا
سيلين. تمام. رحت صحت المهند ومهيمن وجبتلهم ريوكهم يم نور ونزلت

مهند ومهيمن. صباح الخير

مقتدى ونور. صباح النور

مهند. كعدت مهيمن ع الجرباية الثانية ورحت النور شلونها حبيبت ونور حيات اخوها

نور. الحمدلله انا زينه بوجودكم بحياتي

مهند. يلا عمري اكلي زين حتى تكومين تسوينه حركة بالبيت البيت صاير فاهمي بدونكم

نور. ان شاءالله حياتو
احم جا وين امولي

الكل هههه

مهند. اي بعد الكل عرف هسة تلعب لعب باسم مومل
مقتدى. اي راح كل ثانية ينكلب شكل

نور. ها هيج صارت خلشوف بعد منو يحجي وياكم لو يدلعكم

مهند. نشاقة نونو شبيج
مقتدى. نورايتي لتزعلين

نور ماكو ما رديت عليهم

مقتدى. خلص مهند خلي ياكلون وراهم علاج وانا اعرف شلون نراضيها

مهند. تمام بالنسبة المومل نايم لان جان سهران وي مهيمن مصخن الليل كله خطية كاعد وقبل ساعتين نام

خلصت اكل انطاني مقتدى علاجي ولا فتحت حلكي بحرف وياهم ونزلو بقينه انا ومهيمن بالغرفة صعدت يمنه سيلين ضلت تحجي ويانه وتشاقينه

مومل كعدت ساعة 11 كمت دايخ كلش لان نمت الصبح كمت سبحت وبدلت شفت الغرفة ماكو احد رحت الغرفة نور لكيت مهيمن ونور وسيلين كاعدات يسولفن
مومل. صباح الخير

الكل صباح النور

مومل. شلون صرت مهيمن هم اكو حرارة لو لا

مهيمن. لا احسن خفيفة عادية

مومل. بضحكة لك هلا بخياتي هلا برويحاتي هلا بفلذة كبدي هلا بوردات بيتنه

البنات. هلا بخونه المصكصك هلا بخونه وسندنه

الكل. ههههه

مومل. شلونهن خياتي

البنات من شفناك صرنه بخير

مهيمن. اه سيلين وانا صار من الصبح يمج يعني مو بخير بس مومل من شفتي صرتي بخير شنو ولد لو علاج

سيلين. لا موهيج بس مومل عنده طاقة حلوة تغير مودنه انا شعندي غيركم انا من اشوفكم اكون بخير وومن اشوف واحد منكم متاذي اموت الف موته

مهيمن. اسم الله عليج يروح اخوج اشاقة

مومل. شلونها المنورة دنيتي شلون صارت اليوم ورحت يمها

نور. انا من صدك من شفتك صرت زينه

مومل. افاا ليش وين البقية عنج

نور. بزعل تقبلها مهند ومقتدى يضوجون ويحجون علي

مومل. افا مبين مثكلين وياج كلش من
ذكرتيهم باسمائهم اكيد ما اقبل يضوجوج بس بشنو ضوجوج

نور. انا مو احبكم واحب ادلعكم فسالتهم عنك وكتلهم ويم امولي بيها شي

مومل. لا ما بيها شي

نور. شوف بس هم ضلو يحجون ويضحكون علي يكلولي راح تبدي تشويه الاسماء انا الهم اله بعد ما احجي وياهم وزعلت عليهم.

مومل. لازم يدفعون ثمن زعلج انا وياج وبضهرج معليج بيهم هسة هم وين

نور. ما ادري نزلو بعد محد اجه منهم

مومل. من يجون انا الهم ولازم راسي

نور. شبيك راسك يوجعك

مومل. اي مصدع ماعندج بندول

نور. كوم افتح الثلاجة اشرب حليب واكل وياها كرواسون او كيك وراها روح المكينه اشرب كهوة احسن من العلاج

مومل. لا ماريد بس كهوة

نور. مومل ماكدر احجي هواي لتعاند يلا حبيبي

مومل. تمام
اكلت وشربت كهوة شوي ارتاحيت كعدت يم نور نتذكر سوالفنه قبل لان كالو دكاترتها اهم شي راحته النفسية بالعلاج دخلو مقتدى ومهند

مقتدى ومهند. سلام شباب صحة النوم مومل

الكل ما عدا نور وعليكم السلام

مومل. بثكل وجدية صح بدنكم

مهند. هاا شبيك
مومل. مابيه شي ليش قابل شبيه

مقتدى. شلونها نوارة قلبي

نور. بلا رد
باوع مقتدى ع مهند
مهند. شلونها نوارة روحي
نور بلا رد

مهند. هاي شنو من صدك زعلتي علينه
مقتدى. هاا مو كتلك جيب اليخليها ترضة بعد

مومل. اكول نوارت عمري
نور. كول يروحها

مومل. اريد اليوم ورا العشة نباوع فلم
نور. اي صار هواي ممباوعين سوة من ايام لندن بس هاا نلبس بجايم النوم الشتريناهن

مومل. بعدهن عندج

نور. اي اول قطع خليتهن بالجنطة من نقلنه وبعد جبت غيرهن

مقتدى. يلا كومو بدلو جدي يكول خلي ينزلون

مومل. نوارتي حبيبي تبدلين لو تنزلين
مقتدى. انا انزلها انتو نزلو

نور. انتظرني امولي بس اشيل شعري وارتب نفسي
اباوع ع مقتدى مصدوم ما مصدك

نور. عدلت شعري وملابسي وسندوني سيلين ومومل مشيت وصلت الدرج شالني مومل وبس خلصنه الدرج نزلني ومقتدى ورانه يمشي دخلنه الاستقبال سلمنه وتحمدولي السلامة جانت العزيمه الاخوان جدي وموتمن ومهتدى
صلو واتغدينا ورا ساعة كلها راحت بقو بس موتمن ومهتدى

موتمن. انتم ملاحضين من نزلو الهسة نور ومقتدى محجو وي بعض ولا يباوعون بوجه بعض

الجد. اي والله صح صاير شي

مومل. اي جد تقبلها احفادك ذول الكبار يزعلون اختي حبيبتي شلون اخوان اكو اخوان يزعلون اختهم

موتمن. وشدخل نور باختك

الجد. مو مومل ونور وسيلين اخوان ومهند هم اخوهم لان عمتك ام مقتدى رضعت مهند وي مقتدى ومومل وسيلين وي نور

موتمن. اهاا الله يحفظهم ويخليهم

الجد. لا طبعا ما اقبل احد يزعل نورايتنه بس ليش مزعلينها

مقتدى ومهند. ضاجو ونزلو روسهم

نور. ودمعت جدو انا ليش اخواني ميحبوني والله انا احبهم واحترمهم واخاف ع خوفهم وابجي ع وجعهم وافرح الفرحهم

مومل. افا اخيتي وانا وين صرت مسحت دمعتها وحضنتها دموعج تيزاب ويصب بنص كلبي

الجد. والله اطيح حظه اليطيح دمعة من حفيداتي ولكم شمسوين الاختكم وهيج بجيتوها

مهند. والله جدي جنه نتشاقة وياها وسالتنه عن مومل كالت وين امولي ضحكنه وحجينه كلنه راح يتشوه اسم مومل مثل مشوهت اسامينه احنه هم منحب تنزل دمعت اختنه

الجد. واذا دلعتكم هي لان تحبكم هيج تحجي وياكم وادلعكم تريد تخلي معزتها بكلبكم

مقتدىومهند. نزلو راسهم

الجد. يلا كدامي كومو اعذرو من اختكم وبوسو راسها وهاا اليوم ماكو واحد بيكم ينام اذا ميدفع ثمن زعلها ويراضيها بشي تحبه

كامو مهند ومقتدى. احنه اسفين حبيبتي بعد منعيدها

نور. تمام. مومل اريد اروح الغرفتي تعبت

مومل. يعيونه. يلا حبيبتي كمت صعدتها الغرفتها واجت ويانه سيلين كعدتها ع الجرباية انا شحجيت مو كلت ماريد دموع ليش البجي يروحي.

نور. مادري

مومل. كافي يروحي هسة سيلين تساعدج تبدلين وانا واكف برا من تخلصن صيحيلي اريدج بشغلة

نور. تمام. بدلت ورجعت المكاني دخل مومل

مومل. اي هسة شلونها روح اخوها

نور. مدام انتو بحياتي انا بخير

مومل. يلا حبي علاجج شربتها العلاج اكول نوارتي

نور. كول يروحها

مومل. اخ فديتج روح روحي اكلج صدك تردين تصيرين دكتورة جراحة عامة

نور. نصي صوتك اي هذا حلمي المايعرف بيه بس مقتدى

مومل. افا وانا ليش مادري

نور. انا هم مكايلتله هو عرف مرة جنت ابحث عن القسم ونمت والموبايل ضال مشتغل ومن سالني معرفت اجذب

مومل. احلى دكتور ومهندسة انا اول الداعمين الج

نور. وهو انا مفكرة اول ماخلص ادرس بس مو هنا اسويلي سفرة الندن وما اريد احد يعرف بس انت ومقتدى ومن اخلص يلا اكول

مومل وانا بضهرج واول الداعمين الج

نور. امولي عادي تنومني انت

مومل. افا عليج كلي الج تعالي عدلت روحي ونومتها ع صدري وضليت العب بشعرها الا ان نامت ونمت بدون ما احس

الجد. بوية ع كيفكم وياها بالشقة مو كله شقة هية نفسيتها تعبانه من الصار وياها وتتحسس من كلشي

موتمن. صح كلامك جدو وانا بلغت مقتدى كتله تعبانه لاتخلوها تضوج لو تزعل لو تبجي

مهند ومقتدى. نعتذر بعد متنعاد واحنه نعرف نراضيها بطريقتنه

مهند. بهمس شلون نراضيها نور لا ترضة بذهب ولا هاي السوالف التعبانه

مقتدى. من يطلعون الولد نطلع وراهم وانا اكلك شنسوي
ضلينن نحجي وسوالف طلعو الولد

مقتدى. احم جدي احنة نطلع ساعة ساعتين ونرجع منتاخر

الجد. الله وياكم

مهند. بس دربالكم ع مهيمن ونور

الكل. ان شاءالله

مهند. طلعنه بالسيارة اي وهسة شنجيب

مقتدى. نور تحب سوالف الرسم وهاي السوالف واحد منه يجيبلها ملابس رسامين واحد يجيب العدة

مهند. انا اجيبلها ملابس

رحنه اشترينه اكثر من لبسة مال رسم وقبعة وجنطة تصير مال رسامين ومقتدى جاب الستان ولوحات والوان جميع الاشكال اقلام خشب وماجك وعصارات ومائية وعبرنه من يم محل ورود جبتها باقة ورد بيها ورد من كل نوع شكلتلها بلونين وردي وابيض ومقتدى جاب نفاخ ع شكل قلوب وحطينه الملابس بوكس وردي وغلفناه وخليت الورد فوكاه وكتبتلها رسالة اعتذار ومقتدى هم خلة اللعدة مالت الرسم بوكس احمر وشدينه النفاخ احمر وابيض بالبوكس ورحنه للبيت جانت الدنيا توها تصير مغرب

الجد. هلا بوية هاي شنو البوكسات الكبار

مقتدى ومهند. هاي هديتنه النور حتى تسامحنه

الجد. بوية شجايبيلها حتى هيج كبار

مهند. اليريد يعرف يصعد
صعدنا فوك دكينه الباب محد رد دخلت بس سيلين ونباوع من وراها ونشوف .....

____________________

انتظرونا بالبارت القادم