رواية احفاد ال رحيم الفصل الستون 60 - بقلم سـيـريـوس | Sirius ✨

ولا واحِد فگدني
شگد نمت مهضوم
چني بـ بيت وادِم فُقرة حبل هدوم
بَشر مدري جرِح
كُل ساعة شو مَلچوم
أنه المتعوب بس للطايح يتچي
مِثل حايط هَلي ما صرت مصلحچي .)

,,,,,,,,,

مهيمن. مهند صح انت اخوي الجبير بس شبيك وي مقتدى

مومل. اي فهمنه اكو شي صار

مهند. ولكم جرح بكلبي جبير ماكدر

مهيمن. اي غير تفهنه شنو

مهند. سمعتوها شكالت بالتسجيل جانت رايده مقتدى وتحبه وبعدين حسبالها مرتبط جان تحول علي انا تريدني ع فلوسي يعني اكيد طول فترة تواجدهم هنا تتاملة يعني هية مرتي وبكلبها اخوي ولكم اخوي مرتي تحب اخوي وتريده وكلشي تسوي بنور حتى تنتقم منها لان هية سبب مااتزوجته واتزوجتني يعني جاي تنتقم من نور لان ماتزوجت مقتدى يعني اكيد تحبة تحب اخوي افهموني كلما اباوع بوجهة اذكر كلشي ماكدر ماكدر بسببها ادمرت خوتنه ولكم انا خسرت اخوي واختي بسبب سفالة بنت عمي والجانت مرتي وام ابني انا حتى نور ماكادر اخلي عيني بعينها

مومل. جا انا شكول الاختي سوت كل هذا بيه والله لو ما اخاف ع ابوي وامي جان دخلت موتتها وخلصنه منها بس ابوي ومرضة واكفين بعيني

مهند مسحت دمعتي. ليش شبيه عمي

مومل. قبل شوية سمعته يكول لامي طالع عنده ضفط مزمن وامس لو ما مقتدى جا مجلوط شوفو الاشياء اليقدموها النه وشوفو احنه شنسوي بيهم وفوكها هم اليعتذرون وراح يتخردلون ويتبهذلون  ويطلعون من البيت علمودنه وعلمود مصلحتنه ونرتاح

مهند. ما موتتني غير نور كل مشكلة ولا الثانية والسبب استغفر الله

مقتدي. نمرد كلبي مرد من كلامهم بس لازم اضل قوي وارجع اختي احسن من قبل سديته واتصلت ع الرجال كتله اريد بيت الثاني وكلي باجر تعال وتكاتبو التهينه نلم الغراض المهمة صار الليل اخذت نور وسيلين واتصلت بمهتدى وموتمن جابو نسوانهم وياهم وطلعنه نغير جو النور اتعشينه وتونسنة بعدها رجعنه  صار ثاني يوم رحنه الصبح انا وجدي وابوي اشترينه البيت وسجلته باسم ابوي ماقبل بالبداية بعدين قنعته خلصنه رجعنه نتغدة ورا الغدة بساعتين رحت البيت عمتي دخلت استقبلتني عمتي

مقتدى. احم محتاج مساعدتكم بشغلة وماعندي غيركم

عمتي. كول يمة وادلل

مقتدى. عمة اشتريت بيت بصفكم بيت ابو دريد واريد تساعدوني بالتاثيث لان الوالدة ملتهية وي نور

مهتدى.  الف مبروك عتبت خير ان شاءالله تدلل خوية من عيونه بس شعجب الولد مو وياك وليش راح اطلعون

مقتدى. صارت مشكلة بيني وبين مهند ونور تعبت وماتقبل تضل بالبيت

العمة. يمة الله يبعد عنكم المشاكل اكول صار كم يوم البيت مالهم خلك

مقتدى اي وهسة

العمة اي يمة شتريد كول

مقتدى. عمة انا ماعرف بسوالف البيت انتي والوالدة نفس الذوق اريدج انتي والولد وياي ولو راح اتعبكم

موتمن. ماتنجب اتعبنه شنو هية خوة لو ز،،،

مهتدى. طايح الحظ حسن ملافظك

مقتدى. مهتدى بعد اذنك اريد اخيتي رسل تجهز غرفة نور

مهتدى. اي اخذها ونجهز غرفة نور والغرف كلهن  رسل اخيتك قبل لاتصير مرتي

مقتدى. مشكور ووكفتكم ماانساها العمر كله

مهتدى. تدلل حبيبي
كامو بدلو طلعنه سيارتين انا وعمتي وموتمن بسيارتي نجهز البيت ومهتدى ورسل يجهزون الغرف

اختارينه

الصالة الاولى

الصالة الثانية

مكان التلفزيون

مطبخ

طاولة الطعام

ومهتدى ورسل اختارو

غرفة الاهل

غرفتي

غرفة نور الجوة 👇 كلش جبيرة

غرفة نور الفوك

وغرفة العلاج سويتلها اطل ع الحديقة حتى لا تكتئب
ورتبنه الحديقة وصلنه كلشي نمشي ونختار ويوصل توصيل خلصنه رحنه مطعم تعشينه وراها رحت للبيت وصلو الغراض نزلناهم وبدين نشد ونرتب واجن البنات ساعدنه ل11 خلصنه كلشي رجعت البنات وملابسي توصخن رجعت للبيت تلكتني امي

ام نور. ها يمة وين جنت شنو هاذ وضعك

مقتدى. بس خلي اشرب ماي. شربت رحت اثثت البيت ورتبته وباجر الصبح ننتقل

ام نور. سودة علي بحدك شلون كدرت

مقتدى. عمتي والولد ماخلوني اشترينه كلشي وبالترتيب اجن البنات ويانه

ام نور. الله يجزيهن خير جا ماكتلي اجي وياك

مقتدى. انتي هم ملتهية بالم ونور

ام نور. اي والله خلصتها لم وياي سيلين عود وعماتك ماقصرن

مقتدى. جدي باجر احنه ننقل ان شاءالله والبيت بيتك تريد تروح ويانه

الجد. لا بابا انا هنا بيتي وانتم هاذ بيتكم كل ساعة تلكوني يمكم

ابو نور. هلا بيك

مقتدى. جا وين نور

ام نور. صعدها مومل الغرفتها وراحت يمها سيلين

مقتدى. صاعد اشوفها واروح اسبح

الكل. اخذ راحتك

الجد. ليش عايفين اخوكم بحدة بهيج يوم تخلون الغرب توكف وانتم اخوته ماوياه

مهيمن. ما كال

ابو مهند. شلون يكلكم وانتم حجاية ماتحجون وياه بلا انت مهند هاي عود انت الجبير الفاهم ليش ماتحجي وي اخوك زعلان ع طلاك لو شنو ترا ملاحظ عليك صارلك يومين ماتحجي وي ولا واحد من ولد عمك احمد وانت مهيمن شنو زاعل ع زعل اخوك

مهند. عفتهم وطلعت

مهيمن. بوية انا ماعلي باحد لا وي هذا ولا وي هذا مهند ضايج من شغلة وهم بيناتهم يتصافون وانا مادري بمقتدى والله

ابو مهند. اي شلون تدرون الولد مو بلغنه وراحو عمك وجدك غير المفروض تحاجوه تسالوه مع الاسف

الكل كام

مقتدى. دكيت الباب

نور. تفضل

مقتدى. هلا بورداتي شلونجن

نور وسيلين. الحمدلله شنو هاي شبيك

مقتدى. ع كيفجن جنت اثث بيتنا

نور. سودة علي بحدك

مقتدى. اسم الله عليج لا الولد وياي وعمتي والبنات

نور. يا عمري الله يساعدكم ويوفقهن خلفلة عليهن

سيلين جا حجيت جان اجيت وياكم

مقتدى. شحجي انتي هم الله يساعدج اخوانج ونور وجود اطيرين

سيلين. اتريد احضرلك الحمام اكل

مقتدى. لا انا اروح الغرفتي اسبح وشكرا اكلت وماكدر اكل بوقت متاخر انتن اكلتن

نور. اي

مقتدى. صح باجر الصبح ننتقل يجون الولد ياخذون الغراض وعمتي كالت غداكم علي

نور. ان شاءالله ياعمري عمة احبها شكد حنونه
شبيك

مقتدى. جنت ضاغط ع راسي طراسي دخت من الفرة

سيلين. اسويلك عصير قهوة اذا تريد

مقتدى. اذا ماتصير زحمة اريد عصير ليمون وليكلج المن كولي النور وجيبي هنا

سيلين. تمام.رحت للمطبخ اسوي

نور. مقتدى شبيك ادري مو مال راسك

مقتدى. نور الصراحة انقهرت اروح اتنخة  بالغرب واخوتي مو وياي تدرين يسالوني كتلهم تعاركت وي مهند وانا الغلطان شكلهم والله مايوم اذيت احد

نور. سودة علي الله ياخذني كله مني انا السبب جان المفروض مافتح التسجيل

مقتدى. اسم الله عليج بعد صارت وخلصت المهم اروح اسبح واجي

نور. اخذ راحتك. اخ هو قابل بس انت شكول انا المعزتهم بمعزة روحي ولا واحد منهم اجالي

سيلين. ها بعده ما اجه ليشش تبجين

نور. ماكو شي راح يسبح هسة يجي

مقتدى. ها تحجن علي

نور. وين اكو مثلك انت

مقتدى. جنت بوحدة صرت بثنين بس الله اليستر منجن

سيلين شنو قصدك

مقتدى. قصدي جنت بحلوة وحدة صرت بثنين راح انجلط منجن

نور. ههههه

سيلين. اروح الغرفتي لا يفز جود تردون شي

مقتدى ونور. سلامتج حبيبي

سيلين. تصبحون ع خير

نور وانت بخير

مقتدى. عدلت روحي ع الجرباية وسحبت نور الحضني اخ يادوة جروحي وراحتي

نور. تدري شي

مقتدى. شنو

نور. انت اكثر بشر احبه بحياتي بعد اهلي اوعدني ماتتركني ولا تعوفني

مقتدى. اعوف روحي وما اعوفج بنيتي انتي
تدرين شنو

نور. شنو

مقتدى. نور تثقين بيه

نور. اكيد

مقتدى. راح  نبدي علاج طبيعي

نور. راح يفيدني

مقتدي. اي لان راح يحفز الاعصاب والعضلات وان شاءالله ترجعين احسن من قبل بس الفترة ماكدر احدد بس راح تتاذين هواي واتعبين هواي

نور. عادي بس لا تبلغ احد

مقتدى ليش

نور. هيج

مقتدى. تمام. بس راح يكون متعب حيل

نور. عادي كلشي استحمل بعد الشفته

مقتدى  تعاي اشوفج غرفج

نور. غرفي

مقتدى. اي سويتلج اثنين وانتي بكيفج وين ماتردين تاخذين راحتج شوفي

نور. واو جمال كلش حلوات عاشت ايدكم

مقتدى. هذا ذوق رسل ومهتدى

نور. ذوقهم واو

مقتدى. اي نامت ونمت يمها كعدنا الصبح بدلت نور ونزلتها ضليت انزل بالغراض ومهيمن طلع غراض امي وابوي وانا انزل بغراضي ومومل بغراض نور. بس مبين ع اعصابهم ومهتدى وموتمن ينقلونهن للسيارة مومل اخذ سيارة نور الجي وبي ام ياخذها ابوي بيها هو وامي ونور وجدي وسيلين راحو بيهن للبيت كملنه الغراض صعدناهن بالسيارات

ابو نور. احنه رايحين استرو ماشفتو منه وابرونه الذمة بس ترجع نور صحتها تمام نرجع وان شاءالله بذاك الوكت نسوي عرس مقتدى

ابو مهند. البيت بيتك خوية والله كريم احنه هم مانعوفكم يومية يمكم

ابو نور. هلا بيكم

ودعنه الكل ونور ماقبلت تودع احد بيهم صعدناها بالسيارة ورحنه كلنه للبيت ذبحنه خروف قبل لا ندخل بعدها دخلنه ضلينه ننقل كل كل واحد غراضة الغرفته بعدها اتجمعنه بالصالة

ام نور. عاشت ايدكم مشكورة خية ام مهتدى نردها الج بالافراح تعبناج ويانه

ام مهتدى. يا خية صدك جذب خلي نرد شوية من جمايلكم انتم مامقصرين وي احد

ام نور. هذا من طيب اصلج

جابت الغدا اتغدينهوكلمن راح البيته

رسل. مهتدى عادي ابقة يم نور

مهتدى. اي براحتج ابقي

بقت يمي هية وسيلين رتبن غراضي بالغرفة الجوة لان انا ماكدر اصعد فوك للعصر يلا كملن

نور. كلش شكرا تعبتجن وياي

رسل. تدللين بعدين ازعل عليج لو كلتي تعبتجن انتي لو شنو ما نسوي مانكافيج

سيلين. انا ابيض صفحتي كدامج حتى من نزوج ماتشغلين علي دور الحماية التس 🐍

نور. لا تكولين هيج رسولة ماسويت شي انا تعاي انتي انا الج اذا ماصدك اسويها وافعل الدور

سيلين. لا اجذب عليج انتي اخيتي الحنينة الحبابة

البنات ههههه
كلمن رجع البيته واستمرت حياتنه وما اجه لا مومل ولا مهند بس مهيمن مرات يجي وجدو وعمامي بعد اسبوع اليوم خميس وبابا مسوي ثواب ع روح بيبي بيتنه وجان اليوم ثاني يوم بالعلاج الي خلصنه الثواب ومقتدى جاب عاملات للبيت حتى يساعدن ماما لان وحدها كاعدين كلنه وانا يم جدو واليوم اجو بيت جدي كلهم حتى الولد بس هيام بعدها محبوسة بالغرفة

الجد. اكول بابا مقتدى ليش ماتبدون ترميم الطابق الثالث علي ماتخلصون بلكي نور متحسنه وانت وراك زواج

مقتدى. اي جدو هو كلت فد اسبوع واجي احاجيك بخصوصة لان انا هذا الاسبوع عندى شغل وهواي سوالف

الجد. اي وليدي براحتك حتى نفرح بيك

نور. كاعدة يم جدو جان جود ينزل من حضن ابوه ويجي الي توة متعلم كلمه عمة

جود. امة نون

نور. 😢 ياروح عمة انت ماكدرت اشيله بايد وحدة كلش ضجت ونقهرت من ناحية حالتي ومن ناحية اخواني. اجه مقتدى شاله خلاه بحضني بسته جان يمسح دموعي بايده الناعمة.

مقتدى. بهمس شبيج

نور. فدوة شيلة اريد اروح الغرفتي

ام نور. يمة شبيج

نور. يمة تعبت اريد ارتاح مرخصتكم

مقتدى. اخذته انطيته الامي واخذت نور للغرفة شبيج نور ليش تبجين

نور. عوفني مقتدى مخنوكة كلش

مقتدى. شلون اعوفج اخ بس كليلي شاسوي مو اديه مربطة عوفي كلشي هسة واهتمي الصحتج وللشي الجاي نسوية يعني شلون اذا حتى وياي مايحجون شسوي اكتلهم واجيبهم الج اهم شي صحتج هسة

نور. لا بداعتي لا تسوي شي هاي مسحت دموعي

مقتدى. هاج شربي ماي عساها بحض السوتها

نور. شربت ماي مقتدى اريد ارتاح العصر عندي علاج

مقتدى. اي وهاج هذا علاجج حولتها ع الجرباية

نور. روح يمهم عيب من جدو وعمامي

مقتدى. ان شاءالله

الجد. اشوف نور شلون تباوعلهم بقهر هي ومقتدى وذولاك منزلين راسهم والقهرني من اجاها جود ولا كدرت تشيلة ولاتتحمل اخوانها يزعلون منها عصبوني. انتم الزوج شو باوعولي
شبيكم اريد اعرف وهسة

مومل. ماكو شي

الجد. لا اكو لاعبالكم ساكت صاير اسبوع ع الوضع بس الخاطر ولدي والا جان طيحت حظكم

مهند. كمت ردت اطلع

الجد اوكف وين مولي اكعد من شوكت من احجي تعوفوني وترحون لا تشوفون شي ما شايفيه اكعدو والله وطغيتو يا ولد ولدي وكمتو ماتردون علي وتكسرون كلمتي وتمشون

ابو مهند. شحدة اليكسر كلمتك بوية افرك الن،،،بحلكة

ابو مومل. كلمتك تاج فوك راسنه كلنه من جبيرنه الصغيرنة

مهند. العفو جدي مو هيج

الجد. جاااا شلون فهموني ولكم وسفة عليكم وع شواربكم وانتم مرة تخربكم ولكم وانا الاحلف براسكم واحلف بخوتكم وشلون انتم ايد وحدة مع الاسف طلعت غلطان

مقتدى. حشاك من الغلط جدي ماعاش اليغلطك

العمة. احنه نترخص وانتم اخذو راحتكم

الجد. لا وين ابنيتي  احنه اهل مابينه هذا الشي اكعدو لا ازعلوني منكم

العمة. والنعم منكم صار يابة

مقتدى. سيلين روحن انتي ورسل يم نور ودربالجن عليها

سيلين. صار امشي حبيبتي

الجد. مقتدى بابا ع شنو ماتتحاجون انت وولد عمك لا انت ولا اختك خاف ع السوته هيام باختك وهية سبب طيحتها

مقتدى. لا جدو مو على الطيحة لان انا ادري بالسالفة من اول يوم سمعتها باذني وسكتت الخاطركم وهية صح بنت عمي واي احد بمكاني يسوي اشكال ويجي يحجي كدامكم بس اتضل هية مرت اخوي واخت اخوي وخليت خاطر للخوة والعمي ومريت وكلشي عادي بس بعد ما صارت المشكلة ونكشف كلشي لا زعلت ع احد ولا تصرفت تصرف ولا حجيت  رحت يمهم بالحديقة جانو الولد موجودين بس مومل ماموجود رحت يم مهند ومهيمن جان يزمخ بيه مهند ويدخل واسال مهيمن جان موجود وثاني يوم كعدت الصبح قبل الكل لان جان عندي شغل مهم جنت جاي اتريك اجه مهند نزل شافني كاعد غير طريقة وراح طلع منها وما حجيت بعد كلت خلي يهدا احسن يلا احاجيه واعتذر ع السويناه انا ونور وانا انشغلت بالبيت اما مومل هو انسحب ماعرف السبب والله العظيم هذا كلشي من ناحيتي هم زعلانين حتى انا اريد اعرف بشنو غلطت لو من شنو زعلانين

الجد. شنو السالفة فهموني مهند مومل

الكل ساكت

الجد. ولكم احجوووو انا ويامن احجي هاااا وضربت بالعصة مالتي الكاع حيل

مهند. جدي افهمني انا ماكدر ماكدر

الجد. شنو الماتكدر فهمني

مهند. استغفرالله جدي مقتدى ماعليه عيب والنعم منه شاف العيبة وستر عليها بس انا ماجاي اتقبل ان انو مرتي تحب اخوي

الجد. احجي عدل وفهمني

مهند. جدو بس اسمعوني وفهموني شلون اتقبلها شلون مرتي وام ابني جانت تحب ابن عمي واخوي وبسبب سوء فهم صار حولت علي مو لان تحبني لا لان انا بالشرطة وراتبي عالي يعني جانت مخليتني احتياط يعني ماخذتني مصلحة يعني بحضني وعينها ع اخوي يعني تشوفني وتتخيلني اخوي انا الفهموني اناا يعني براسها اشكال يجي اكيد جانت تقارن بينه

الجد. بس البنية زوجتك وحرام عليها تفكر بغير رجلها شدراك ورا مازوجتك ضلت تحبه

مهند. هههه جدو ما سمعتها اعيدلك كلامها لان انطبع كلش زين براسي وصار مثل الكابوس بالنسبة الي كالت بالسانها كلشي تسويه النور لان جانت نور وياه وبسببها فهمته خطا وجاي تنتقم من نور لان هية الهسة تحبه وتتنماه شتردوني اسوي هااا شنوو المفروض اسوي  انا هم افهموني هذا اخوي اخوي احنه روح وحدة بجسدين واليوم ماكدر اباوع بوجه اخوي بسبب ام ابني وتصرفاتها

الجد وانت مومل.

مومل. جدو انا مثل الضحية صاير شايف هذا اليشوف الجريمة ويسكت وبالاخير يتعاقب عليها هذا انا انا جريمتي اختي س،،،، وسافلة جريمتي اختي دمرت 3 عوائل جريمتي اختي سبب كلشي يصير باختي الثاني. جريمتي بنت امي وابوي دمرت حيات اختي الصحية والعائلية والزوجة والمهنية خسرتها صحتها وروحها ورجلها وحلمها الجانت تتمناه يصير وتعبت عليه  وطعنت بشرفها بسببها طشرت عائلتنه بسببها اخوة خلتهم مايباوعون بوجه بعض خلت راسي بين الرجلين خلتني لا اكدر اباوع بوجه اخواني ولا وجه اختي خلتني اكره شي اسمه اخت كرهتني بكلشي بكلشي شلون اباوع بوجهم وانا اختي دمرتهم شلون تريدني اعيش حياتي مثل قبل وبنت امي وابوي دمرتنه ماخايف بس من شغلة وحدة ماخايف بس ع اهلي والا جان ذبحتها وخلصتكم من شرها

نور. دخلن علي البنات جنت ابجي مسحت دموعي اجن يمي

سيلين. يانورة شبيج تبجين

نور. مابيه شي

رسل تردن اطلع وتحجن براحتجن

سيلين لا اكعدي شكال مقتدى. شبيج تبجين

نور. سيلين فهميني ولج فهميني مشتاقة المتنه وكعدتنه وضحكنه والله ما انقهرت ع حالتي وصحتي وكلشي يخصني بكد مامنقهرة ع حالتنه هسة شوفي شصاير بينه تفككنه بعد ماجانت كلها تحلف بينه وحدة مثل هيام دمرتنة ولج مشتاقة المهند ومومل وهمة يتعاركون علينه وواحد يقهر بالثاني بينه تدرين نتائجنه بعد كم يوم مشتاقتلهم من يتلكونه ويسالونه ع نتيجتنه واحنه نتعارك منو تحجي اول 😭  مشتاقة الغيرتهم علينه ومن واحد يغور الثاني مشتاقة من يتعاركون ع الاماكن يمنه

سيلين. ان شاءالله ينحل كلشي جدو جاي يحجي وياهم اصلا هم متغيرين من يوم السالفة

نور. شنو هذا الصوت الصار

سيلين. هذا صوتهم يمة بس لا اتعاركو الله لا ينطيج هيام ولا يخليج خليتيهم يذابحون

نور. بنات فدوة ساعدني اكعد ع الكرسي

سيلين. ولج وين مقتدى مايقبل

نور. معليج تعالن لا والله اسوي شي  بنفسي

رسل. تعاي نساعدها

ساعدني كعدني ع الكرسي وعدلني طلعنه واسمع سوالفهم الحد ما اخر شي كمل مومل محد انتبه علينه

نور كافي كافي كافي مشاكل وعرك كافي عساني لا اجيت وخربت حياتكم عساني متت ولا شفت هذا اليوم

مقتدى. شجابج امشي ارجعي ماجاي نتعارك حبيبتي انتي جاي نتناقش

نور. وخر مني مقتدى خررر انتم شبيك هااا ماتحسون مع الاسف عليكم ابجي واحجي ولكم مرة تخربكم ولكم انتم مو احفاد ال رحيم المضروب بيكم المثل وبخوتكم ومحبتكم. عصبيتي فول ومنفعلة وابجي واحجي ليش هااا ليش هيج تسون عساني ميته ولا شايفة هذا اليوم البيه الاخ مايباوع بوجه اخوه وعساني متت ولااا شغلت التسجيل وتهسترت ضليت اضرب على وجهي وشكو كدامي حتى جان من جهتي ميز عليه مزهرية راحت اطشرت كله بسببي انا السبب الفرقتكم وخليت الاخو مايريد اخوه انا ومستمرة اضرب بنفسي اخر شي طحت من الكرسي ع راسي وبعد مادري شصار

مقتدى. اجت نور وتهسترت كلش اريد اسيطر عليها ماكو اخر شي طاحت ع راسها شلتها ركضت بيها وركضو قبلي مهتدى وموتمن واحد شغل السيارة واحد فتح الباب وساق بكل سرعته للمستشفى. نور نور فتحي عيونج فدوة

موتمن. مقتدى اتفحصها اكو دم

مقتدى. ماكو ماكو بس لا صار عدها نزيف داخلي سوق بسرعة مهتدى

مهتدى. هاي جاي اسوق بس ع كيفك. والتلفونات ماسكتت

مقتدى. هاك موتمن رد لا اكسره

موتمن. هلا عمي لا بعدنه ماواصلين

وصلنه دخلناها نركض راسا سوينالها اشعة ورنين مغناطيسي وتصوير مقطعي بعدها حولناها لغرفة خلينالها علاجات طلع عدها فطر بالجمجمة هو جان صغير بسبب طيحت الدرج وهسة كبر سبب عدها تورم بالدماغ بسبب الصدمة القوية وهذا الشي اما يفقدها الذاكرة او الغيبوبة

كعدت كعدة وطاحت ادموعي

موتمن. اهدا خوية اذكر الله مايصير هيج

مقتدى. ولك لو تنسانه لو تعوفنه تدري الغيبوبة ممكن يوم او اسبوع او شهر لو سنه لو سنين شلون فهمني شكلهم هاا شكلهم من اطلع

مهتدى. انا طالع اكلهم. طلعت كلها اجتلي

ابو نور. ها عمو احجي نور بيها شي

الجد. ها بابا احجي شبيها نور ليش بس انته طلعت

مهتدى. اهدو بعدها عايشة وعدها تورم بالدماغ والفطر زاد حجمة البجمجمة بس

ابو نور. بس شنو

مهتدى. منا ال24 ساعة لو تكعد وهذا الشي ماثر ع ذاكرتها لو تدخل غيبوبة

ام نور. شنو يمة بنيتي راحت ولكم بنتي فدوة اروحلك عمة جيبلي بنتي جا اخوها مو دكتورها وهذا اختصاصه مايسويلها شي ويكعدها ابوس ايدك يمة

مهتدى. اذكري الله عمة بعدنه كنالكم احتمال 24 ساعة ادعولها يخف الورم وتكعد كلشي ما بيها عفتهم ودخلت

موتمن. هاا

مهتدى. شهاا كالبينها مناحة

مقتدى. شوفولي حل اريد اطلع ماكدر بعد وماريد اهلي يشوفوني هيج

مهتدى. راح اخذهم الغرفة من الغرف اكلهم هنا انتظروها راح ننقلها وانتم طلعو

موتمن. خوش

مهتدى. طلعت تردون تشوفونها

الجد. اي بوية

مهتدى. تعالو وياي الهاي الغرفة

ابو نور. ليش

مهتدى. عمي راح يجيبونها هنا لان اذا ضليتو هنا مايخلونكم ادخلون

الجد. امشو بوية امشو ندخل للغرفة

مهتدى. اخذتهم وسدينه الباب

موتمن. امشي بسرعة طلعنه بسرعة رحنه الغرفة مقتدى بس دخلنه كعد ع حيلة بالكاع وايديه ع وجهه. مقتدى. شبيك وخر ايديك

مقتدى. راسي صدع حيل ما تحملت حالتها والشي الجاي يصير بجيت مسحت دموعي وخرت ايدي ورجعت راسي ع الحايط شوية وحسيت شي حار نزل ع وجهي

موتمن. خرب خشمك ينزف بس لا ضغطك
رحت جبت الجهاز قستله ولك صاعد 5 درجات لاتنجلط ضغطك 180

مهتدى. دكيت ع موتمن سويت روحي احجي. ها خليتوها بنفس الغرفة ممنوع تمام

الجد. ها

مهتدى. خلوها نفس غرفتها لان مايصير يوخرون الاجهزة تعالو تكدرون تشوفونها من برا بس مايصير ادخلون انا رايح عفتهم ومشي شوية عنهم اجو مهند ومومل ومهيمن

مهند. شبيه مقتدى

مهتدي. مابيه شي

مومل. انا شفته موتمن اخذه مادري وين

مهتدى. ماكو شي انا رايح. عفتهم ودخلت الغرفة مقتدى لكيت موتمن حاير بيه. شبيه

موتمن. ولك ضغطة معلك 180تعال ساعدني نشيله نخليه ع السرير خلي اعلكله مغذي لا ينجلط همزين نزف خشمه

مهتدى. اي شلناه وشكلتله مغذي وضربته ابرة جان يدخلون مهند واخوانه

مهند  شبيه مقتدى

موتمن. صعد ضغطة هو صارله يومين يصعد درجة اليوم 180 صار الله يساعده

مومل. ليش منومة انطيته منوم

موتمن. لا كاعد بس دايخ كلش

مهند. كلها مني كلها مني انا السبب بالبيهم

مقتدى. مابيه شي لا تخافون

موتمن. اذكرو الله شبيكم جنة بواحد صرنه ب2 لا انت تجملها هم

مهند. انا اعرف شسوي طلعت اركض

مهتدى. مهند ولك مهند تعال مهيمن روح ورا اخوك

مقتدى. وخرو مني لا تخلونة يروح

موتمن. دكعد وين رايح روح مهيمن وراه

،،،،،،،،

انتظرونا