رواية احفاد ال رحيم الفصل الثاني وأربعون 42 - بقلم سـيـريـوس | Sirius ✨

تظل صاحب فضل وشكبر فضلاك
وحلگي ما لفضه الغيرك وفضلاك
اميزك عل خلگ كله وفضلاك
وبسمك احترز صبح ومسيه

,,,,,,,

نور. وصلنه المطار وصار وقت الوداع

مهند مومل شبكتهم اثنينهم بابا وماما امانه عدكم حطوهم بعيونكم ولا تخلونهم يحسون بفقدنه وام حمزة وجهالها لا تخلونهم يحتاجون شي واذا طولت احوللكم وانطوها مصرف

مهند. ان شاءالله بس روحي وخلصي شغلتج وتعالي بالسلامة مانريد شي

مومل. حبيبتي بوسط عيني

مقتدى. سلمت عليهم وكملنه الاجراءات ودخلنه للطيارة وقت طويل من 10 ال 15 ساعة لان راح نروح للاردن مطار الملكة علياء ومناك نطلع للندن  متنة تعب يلا وصلنه الندن بعد تقريبا 13 ساعة لكينه بيت خالي منتظريننه وورد واستقبلونه

الخال. الحمدلله ع سلامتكم حبايبي

نور ومقتدى. الله يسلمك خالو 🫂

جولي. Thank God you are safe. How are you? I miss you.

الحمدلله ع سلامتكم كيف حالكم انا مشتاقة لكم

نور. May God keep you safe. Thank God, and we miss you more.

الله يسلمك جيدة ونحن مشتاقون اكثر

الخال. يلا بابا امشو وياي للبيت

نور. لا خالو اريد نروح البيتنه اتاخر الوقت هسة ب11 ع مانوصل صايرة 12 وتعبانين

الخال. لا والله ابد تجون وياي وتباتون عندي وخالتكم مسويتلكم من ذن الاكلات التحبوها وما ادخلني للبيت اذا ماترجون وياي

مقتدى. تمام بس ما نبات انروح للبيت وغير يوم نجي نبات يمكم لان جايين بشغل ضروري ولازم نخلصة باسرع وقت نور ما ضل شي واداوم

الخال. هم ميخالف اهم شي هسة ترجعون وياي

رجعنه خالو طريق كلش تعبت

جولي شنو بيج نور وجهج تعبان

نور. اي تعبت من الطريق

الخال. هسة نوصل تغسل وتاكللها لكمه وترتاح

وصلنه للبيت استقبلتنه مرت خالي

مرت الخال. اهلا وسهلا نورتونه شلونج حبيبتي شخبارج الحمدلله ع سلامتكم

نور ومقتدى. الله يسلمكم الحمدلله

جاد. هلا بالغياب الحمدلله ع سلامتكم

الله يسلمكم

سلمنه ع الكل ودخلنه

مرت الخال. كومو ماما غسلو بين مانصب العشا كومي جولي اخذي نوارة تغسل وانتي ميليسا عمة كومي وياي نصب

جولي. صار

غسلنه وكمنه للعشا اكلت قليل

الخال. شبيج خالو نور ليش ماتاكلين

ام جاد. خالة خاف ماعجبج الاكل اسويلج غير شي

نور. لا والله خالة عاشت ايدج الاكل كلش طيب بس تعبانه وتعرفين توقيت واختلافة فتعبت كلش ومن اتعب ماكل

ام جاد. كومي ارتاحي بالغرفة اذا تردين

نور. تسلمين خالة منتظرة مقتدى يخلص ونروح للبيت

ام جاد. يا خالة يا بيت ضلو عدنا انتم هسة تعبانين

مقتذى. فتهمت وضع نور. لا خالة تسلمين بس انريد نروح للبيت لان عدنا كم شغلة ووعد نجي ونبات هم

جاد. ماما تركيهم براحتهم لا تضغطين عليهم بعدين هذا بيتهم واذا مايجون نتمشالهم

نور. كل الهلا بيكم انا استاذن اتصل بماما اكلها وصلنه

الكل اخذي راحتج

نور. اتصلت بماما وبلغته وصلنه وبلغتها تبلغ الكل ودزيت رسالة الجدو ورجعت يمهم

مقتدى يلا نور احنه نترخص. وشكرا ع كلشي

الخال تدللون حبايبي

جاد. امشي اوصلكم. اليا بيت اخذكم

نور. البيت اهلي رحنه للبيت فتح جاد الباب ومقتدى ينزل بالجنط دخلوهن وراح جاد

مقتدى. شبيج نور ماعاجبني وضعج

نور. تعب بكل جسمي وخمول

مقتدى. امشي الغرفتج وانا راح اصعد جنطتج اشربي علاجج ونامي وباجر اتصل بالدكتور ناخذ موعد

نور. تمام. دخلت بدلت واخذت علاجي ونمت ماحسيت غير ب1 مقتدى يكعدني

مقتدى. نور نور

نور. صباح الخير

مقتدى. هههه صباح الظهر

نور. ليش بيش الساعة

مقتدى. ب1

نور. اوف شكد نمت ليش ماكعدتني

مقتدى. ردتج ترتاحين كومي تردين غدا لو ريوك

نور. لا اريد غدا بس مو تمن ومرك اريد فطائر  حتى ماتتحسس معدتي وعصير

مقتدى. تمام بين ما تسبحين وتبدلين واصل

نور. منو جوة اكو صوت

مقتدى. اتصلت ع المساعدة ماري واجت ترتب البيت

نور. اي احسن بابا اتصل

مقتدى. اي بابا وجدو هم والشباب ورادوج كتلهم نايمة من تكعد تتصل يلا كومي

نور. تمام كمت رتبت جنطتي واخذت ملابس سبحت ورتبت الغرفة ونزلت

ماري. Welcome, you light up the place

نور. thanks

مقتدى. تعالي اكلي

نور. تمام اتصلت بالدكتور

مقتدى اي باجر الصبح الموعد وراح يعيد كلشي

نور. تمام

مقتدى. نور ماريدج لا تخافين ولا تتوترين تمام

نور. ههه من شنو اخاف بعد الحمدلله ع كل حال

مقتدى. عفية بطلتي شنو رائيج نطلع العصر

نور. اريد امر للبيت والعمارة اتفقدهم

مقتدى. تمام ومناك نطلع نتعشة برا

نور. اوك

مقتدى. خلصي وتعاي نباوع فلم يخبل نازل والعصر قبل لا نطلع نتصل ع بيت جدو كام نطمنهم

نور. تمام

خلصنه والبيت منظفته كله ماري والعصر تطلع وترجع الصبح كلش تجي رحنه نباوع ومحظرتلنه حبشكلات الفلم خلص صارت ب4

مقتدى. كومي نور بدلي من تخلصين نتصل بيهم

نور. تمام طلعت تشيرت وسترة وبنطرون وحجابي وجنطة وخلت مرطب الوجهي وشفايفي ومسكارة ونزلت

مقندى. صوفرت ماهذا الجمال يا عزيزتي

نور. شكرا لك انت الاجمل

مقتدي تعاي نتصل اتصلي بجدو

نور. تمام اتصلت كام. هلاو جدو

الجد. هلا بابا الحمدلله ع سلامتج شلونج

نور. الحمدلله جدو الله يسلمك انت شلونك شخبارك

الجد. الحمدلله بابا مفتقدج مكانكم خالي

نور. ان شاءالله مانطول جدو ماما وبابا وين

الجد هاج هاذ ابوج

سلمت ع بابا وماما والكل وهسة وي مهند

نور. هنودي وين مومل

الجد. جدو حبيبتي هذا مومل بس عاقبته ما يتصل عليج ولا يحاجيج منا ع ماتجين

نور. ليش جدو

الجد. دخلت عليه للغرفة علمود الشغلة ولكيته يدخن

نور. اذا هيج حيل وياه

الجد. بابا وين رايحة شو مبدلة

نور. جدو رايحة اشوف العمارة والبيت ومناك مقتدى عازمني

الجد. ها براحتج بابا وشغلتكم

نور. باجر ان شاءالله ادعيلي كلشي تمام

الجد. ان شاءالله كل الخير يلا بابا اخذي راحتج واتصلي بيه حتى اطمان

نور. ان شاءالله جدو. سديته وطلعنة لليل رجعنه نمنه لان الصبح موعد الدكتور

صباحا. كعدت ع المنبه لبست قميص وبنطرون وفوكه جاكيت خفيف لان نهاية شهر ال8 وبرودة اكو بس خفيفة واخذت كل فحوصاتي ونزلت

مقتدى. صباحو يحلو

نور. صباح الخير يلا

مقتدى. يلا بس لازم نمر ع خالو ونبلغة بكلشي لان اول وتالي راح يعرف

نور. تمام امشي رحنه للمستشفى وصلنه رحنه راسا الغرفة خالو دكينه الباب ودخلنه صباح الخير دكتور

الخال. صباح الورد هلا بيكم خير ان شاءالله

مقتدى. وبيك اكثر خالو نريد نحجيلك شي بس لازم توعدنه محد يدري

الخال. وعد خالو احجو مو خوفتوني

مقتدي. خالو نور،،،،،،،،،، وهذا كلش وهذا سبب جيتنه وحاجزين يم دكتور جوزيف

الخال. اي صح احسن دكتور بالقلب باوربا هو الحمدلله ع سلامتج خالو وان شاءالله ماتحتاجين شي بس ليش،ماتردون احد يعرف

مقتدى. نخاف ع ماما وبابا لا يصير بيهم شي ومومل هم وضعه مو تمام كل اليعرف مهند وجدو وهسة انت

الخال. تمام خالو امشو نشوف جوزيف هم يالله تكملون

رحنه وي خالو للدكتور جان هسة واصل رحب بينه وحاجاه خالو ومقتدى وشرحوله حالتي

دكتور جوزيف. مرحبا انسه نور

نور. مراحب دكتور

جوزيف. كلميني عن حياتك مختصر

نور. انا نور عمري 21 سنه مرحلة رابعة هندسة مدني ولدت بلندن وانتقلت الى العراق تحديدا البصرة قبل تقريبا 3 سنوات

جوزيف. متى بدات الاعراض معك

نور. تقريبا في نهاية شهر 5 تعرضت الى وعكة صحية ع اثرها انتقلت الى المستشفى ولاحظو ان لدي زيادة في دقات القلب فقط وفي شهر 6 تعرضت الى حادث وخضعت ع اثره الى عمليتين احدهما زراعة الكلى ولاحظو ضعف في القلب وكنت كل فترة اعمل فحوصات وقبل 3 اسابيع خضعت الى القسطرة وبعدها لاحظو وجود تضخم في القلب

جوزيف. ومن الدكتور الذي كان ع اشرافك

نور. كجراحة دكتور مقتدى اخي والقلب دكتور ابراهيم وموتمن

د جوزيف. اوك انا رايت كل الفحوصات والان سوف نعمل لكي كل الفحوصات المطلوبة لنرى ماهو الاجراء المطلوب. والان دكتور مقتدى اخذ اختك واعمل لي كل هذه الفحوصات

مقتدى ok شكرا لك

رحنه سوولي تحاليل وتخطيط وايكو واكو كم جهاز يشخص هم من 9 ل2 يلا كملنه

مقتدى. امشي نشوف الدكتور ونطلع نتغدة لان ادري كلش تعبتي

نور تمام

مقتدى. دكتور لقد قالو انهم ارسلو لك كل النتائج

د جوزيف. صح لقد كل ما قاله الدكتور هناك صحيح لديك صمامات في القلب بها مشكله وكذلك يوجد مشكلهفي الشرايين التاجية  ولكن سوف نقوم باجراء جراحي لكي نعالج هذا

جراحة صمامات القلب: إذا كان تضخم القلب ناتجًا عن مشكلة في صمامات القلب، فقد يحتاج المريض إلى إصلاح أو استبدال الصمام المتضرر.
* جراحة المجازة التاجية (Coronary Artery Bypass Grafting - CABG): إذا كان التضخم بسبب انسداد الشرايين التاجية، يمكن إجراء جراحة لإعادة توجيه تدفق الدم حول الشرايين المسدودة

مقتدى. وما هو السبب

د جوزيف تعدد الاسباب قلت لديها نقص فيتامينات ومشكلة الكلى والعصبية والتوتر كذلك

نور. متى سوف نقوم باجراء التدخل الجراحي

د جوزيف. بعد الغد ويجب ان تتركي كل العلاجات قبل 12 ساعة من العملية وجميع الاكل

نور. د. كم تستغرق فترة الراحة بعد العملية

د. حسب نوع الجراحة تريدون جراحة مفتوحة او بالمنظار

مقتدي ما هي الاحسن

د جوزيف. من ناحية الامن المنظار ولكن مدتها اطول  وتكلفتها عالية جدا وكذلك الم اخف وااثر اقل

نور. اوك نختارها

مقتدى. شكرا لك دكتور

د جوزيف يجب ان تكوني غدا الساعة 6 مساء هنا لكي ينتبهو انكي تلتزمي بتعاليم العملية

نور. نعم سوف اتي الى هنا

طلعنا.

مقتدى. نور اكو شغلة وحدة عائق بطريقنه

نور. وهي

مقتدى. ورا العملية لازم يومين بالانعاش شلون واذا اتصلو عليج

نور. نكلهم عدنا شغل هل 3 ايام مانكدر نتصل وخالو يطمن ماما مو خالو

الخال. اي بنيتي

نور. طلعنه اكلنه ورجعنه للبيت صعدت نمت

ثاني يوم العصر تحديدا لميت غراضي رحت المقتدى

مقتدى. هلا نوارة تعاي

نور. مقتدى عادي انطيك امانه بس ماتشوفها ابد اذا طلعت زينه وكلشي مابيه ترجعها الي واذا ما طلعت ومتت تنطيها الجدو

مقتدى. اسمالله عليج حبيبتي لا تكولين هيج واي ووعد انطيته الامانه ضمها

نور. مقتدى خلي نخابرهم

مقتدى. تعالي يمي هنا ع الجرباية خلي نتصل بالابتوب

نور. اتصلنه سلمنه ع الكل

ام مقتدى. ماما شبيج مو ع بعضج

مقتدى. مو ماما نور عدها كم شغلة ال3 ايام الجاية وما تكدر تتصللكم

الام شنو الشغلة التمنعها منه

نور. ماما مفاجاة بس ادعيلي تنجح

الكل. ان شاءالله تنجح

نور. جدو عادي نحجي شوي لوحدنه

الجد صار بنيتي خل اطلع تعال بوية مهند وياي

مهند. صار جدو

نور. جدو باجر الصبح عمليتي وووووو. فهمته كلشي

الجد. بالسلامة بنيتي انا مااعوفج راح اضل ع تواصل وي اخوج ومعليج ماخلي احد يتصلج

مهند. صيري قوية خوية ولا تخافين ادري انتي كدها وراح تعديها وترجعيلنه بخير

نور. مهند هلا هلا بالامانه جدو اكو امانه عد مقتدى اذا لاسامح الله ومانكتبلي عمري

الجد. اششش ماريد اسمع هلحجي انا بنتي قوية ومثل ماتدخل راح تطلع

نور. ان شاءالله جدو عادي احجي وي مومل

الجد. لا لان راح يعرف ادري بيه اصلا هو حاس بس احنه مانخليه بحدة

نور. زين بس اشوفه فدوة

مهند. هسة ورا الاتصال اكعد نشاقيه واصوره الج

نور تمام انا اروح لازم اتجهز

الكل. الله وياج

مقتدى. نور خلي نكول البيت خالي لان خاف نحتاج مرا الج

نور. خاف يزلون الماما

مقتدى لا نحلفهم

نور. مادري

مقتدى تجهزي وحتى نروحلهم قبل المستشفى

نور. تمام لبست وطلعنه

الخال. هلا بابا تفضلو

نور ومقتدى. زاد فضلك خالو

قدمو ضيافة ما اكلت

مرت الخال ليش متاكلين ماما

الخال موزين عليها

مرت الخال ليش

مقتدى. خالة مدام الكل كاعد راح نحجي شي واريد تحلفون ما تحجون الاي كائن حتى امي وبيت جدي

حلفو ما يحجون سولفو خالي ومقتدى كلشي

جاد. يعني عمليتج الصبح

نور. اي

جولي. انا اجي وياج

مقتدى. هية هسة راح اخذها لان هيج راد الدكتور

الخال. انا الصبح اجيبهم

مقتدى. براحتك احنه رايحين ودعناهم وطلعنه
نور تحبين ترحين المكان

نور. لا

مقتدى. لا تضوجين ولا تخافين

نور. تؤ

وصلنه احنه حاجزين غرفة ااصلا خلينه الغراض ولبست لبس المستشفى ودزالي مهند فديوات بغيابنه من لكفو مومل ومن عاقبة جدو ومن يتصلون علي

بيت الجد

مهيمن مومل شبيك ضايج

مومل. اليت خنكة بدونها مليت

مهيمن تعدي كم يوم وتجي شبيك

مومل احس اكو شي غلط صاير او جاي يصير

معيمن.  لا يتهيالك هاي من التفكير الزايد

مومل. عادي تطلع وتعوفني

مهيمن ليش

مومل. اريد انا ضايج

مهيمن براحتك وصلت للباب توني قفلت الباب وسمعت صوت جداحة وكحة شخص

ولك هاي شجاي تسوي مومل

مومل. معليك

مهيمن. شنو معليك انت من شوكت جاي تشرب جكاير

مومل اليوم بس ولا تدخل فاهم يلا اطلع

مهيمن ولك مومل انت مصار اسبوعين من سويت عملية موزين

مومل. مادخلك اطلع يلاااا

مهيمن تمام انا جنت فاتح تصوير بالغرفة ردت اسوي بيه مقلب عفته

نزلت جوة لكيت جدو كاعد كعدت يمه معصب

الجد. شبيك

مهيمن تعاركت انا ومومل وطردني

الجد ليش

مهيمن لكيته يش وسكتت

الجد دربالك لا تجذب

مهيمن. جدو لكيته يدخن

الجد شنووو. كمت صعدت للغرفة فتحت الباب

مومل. جدو فتح الباب راسا ذبيت الجكارة بالكاع دست عليها واختنكت بالدخان

الجد. طلعه للدخان لا تموت

مومل. اسف جدو

الجد رحت يمه ضربته 🖐️ هاي جرة اذن الك ولك مو قبل كم يوم طلعت من الموت ليش هيج اتعبوني ليش هيج تسوون موتوني ولد محمود

مومل. بست ايد جدو. والله اسف جدو والله مااعيدها بعد بس لا تزعل وعلى الصوت دهلو الكل وضلو واكفين لان فهمو من حجيهم شصار

الجد تريدني اسامحك

مومل. والله كلشي اسوي

الجد. تمام تنفذ العقاب

مومل. والله انفذه

الجد. ماتحاجي نور ولا تتصل ولا تراسل منا لمن ترجع

مومل كعدت ع حيلي مصدوم

الجد ها شكلت

مومل. 😢 لا جدو الا هلعقاب فدوة لاتسويها

الجد اخر كلامك

مومل. خلاص جدو مثل ماردت

طلعو الكل وبقة مهيمن

مومل. حقير ج،،، صا،،،، كله من وراك ليش رحت كتله هي هاي الخوة خ،،، ع هيج خوة

مهيمن. لا تحجي وياي تعرف جدو من يحقق ويانه

مومل. اطلع منا ماريد اشوف خلقتك

مههيمن. هو جاي اخذ ملابس وانقلهم الغرفتي لان خلصت

مومل عرفت الغرفة وطلعت بالحديقة

نور. شفته وضجت وحقدت ع مهيمن

فديو ثاني

من اتصلت ع جدو ومن وصلنه

الجد. هلا نوارتي وووووو

وهو طول ما انا احجي عينه ع التلفون يريد يحجي وساكت خايف من جدو ويضحكون عليه وهو معصب منهم

فديو ثالث مسوين مقلب بمهيمن داخل للغرفة ومخلي صبغ طعام بشامبو مهيمن وطالع ومسوي روحة نايم ومصورهم مهند ومن سابح وطالع مهيمن مكلوب اصفر وطالع يركض المومل ومهند كايلة نايم اليوم كله مريض ونايم ومن كاعدين العصر ضالين يصنفون عليه

هههههههه

مقتدى. ها ارتاح كلبج

نور. من اشوفكم بخير يرتاح صار ثاني يوم تجهزت للعملية

د جوزيف. جاهزة

نور. نعم ودعت بي خالي ولزمت ايد مقتدى. مقتدى شنو يصيرلي كوللهم انا احبكم ودربالك ع ماما وبابا ولا تعوفهم دوم ونفذ اليكلك علي جدو بالحرف من تنطيه الامانه

مقتدى. اشش لا تفكرين اقري اية الكرسي والفاتحة الام البنين ودخلي وان شاءالله ماكو شي 😭🫂 دخلت للعملية قريت وياهم دعاء

مقتدى. كلبي نار عليها حيل طولت دخلت ب8 وهسة ب3وجدو ومهند كلساع يتصلون الا ان صارت ي6 طلع الدكتور

مقتدى. دكتور طمني عن اختي كيف حالها والعملية

د جوزيف، ،،،،،

،،،،،،،،،،،،

انتظرونا بالبارت القادم

الكاتبة. NOORAT2002

البارت القادم راح يكون اكثره كلام انكليزي لذلك راح اكتب الحجي الانكليزي بالفصحى ارتب