رواية احفاد ال رحيم الفصل السابع والعشرون 27 - بقلم سـيـريـوس | Sirius ✨

خلصت
الوكت مشغول ؟
لو نعسان وحتى الغزل
مالك واهس تسمعه
تره مو حلوه صار هواي
ماحاجين !
وتجي دزلي رسالة
وتختفي بسرعه

,,,,,,,,,,,,,,,,, 

مقتدى. سمعت صوت وقفني راسا فتحت تسجيل

هيام. بالموبايل. ولج وسن انا جنت احب مقتدى من احنه صغار مو حبا بيه بس عمي جان طاك كلش وحبيت فلوسهم حتى بطلت من الدوام لان شاسوي بيه وراح اصير جنتهم فمن هم مسافرين مرة جاي يحجي وياه مومل ومشغل سبيكر فسمعته يكول الوحدة ها حبيبتي جايج فضجت وسالت مومل كال هاي حبيبته وروحة من الدنيا يبيع الدنيا وما يعوفها فبذاك الوكت ايست منة وحتى جانو مستحيل يرجعون لان كل املاكهم هناك فبديت اخلي براسي لازم اكون زوجة مهند لان جان عسكري وفلوسة ع كلبه الا ان عمي طلبني اله ومهند ميعارض ابوه فوافق وانا وافقت بس ندمت من رجعو مقتدى وضليت اكره اخته لان يدللها وعدها خير اكثر مني وما يكلها لا انا كرهتها لان جان حجي مقتدى بذاك الوقت الها وانا حسبالي حبيبته جانت وكرهتها اكثر من قرب مهند ومومل الها وحتى ضليت اخرب سمعتها واذب عليها تهم بس حتى مقتدى يكرها بس فشلت شاسوي كليلي

مقتدى. انصدمت صدمة عمري سديت التلفون وصعدت دخلت للحمام سبحت بملابسي من الصدمة استغفرت ربي بدلت ميستاهلون هيج انسانه من عائلتنه نزلت لاكتني يم الدرج

هيام الحمدلله ع سلامت مومل شلون صار طمني عنه

مقتدى. عيوني بالكاع الحمدلله خوية زين وان شاءالله باجر نطلعه

هيام الحمدلله مقبل مهند اروح علمود جود

مقتدى. اترخص خوية عندي شغل
رحت للمطبخ. السلام عليكم

ام سامر. وعليكم السلام يمة شلونهم اخوانك كلبي عليهم نار

مقتدى. الحمدلله خالة الله يطمن كلبج انتم شلونكم محتاجين شي

ام سامر. لا خالة ينطيك العافية

مقتدى اكول خالة مسوية شوربة سوب شي الهم

ام سامر. اي خالة سويت شوربة خضار النور بمي اللحم وشوربة المومل وجنت منتظرة احد ياخذهن

مقتدى. ينطيج العافية خالة حظريهن ع ما اخذلهم ملابس

ام سامر. الله يعافيك يمة ماتاكلك لكمة

مقتدى. لا خالة تسلمين

ام سامر منو يبقة يمهم

مقتدى. انا خالة

ام سامر. روح يمة ع ما تنزل مجهزتهن

مقتدى. شكرا خالة

واقف يم الدرج حاير منو يطلع النور

ام مقتدى. ها يمة ليش،واكف

مقتدى. همزين اجيتي اريد اطلعين النور ملابس

سيلين. انا اطلعلها ارتاحي عمة

مقتدى. لا طلعي المومل انتي تعرفين نور متحب احد يدخل غرفتها وهي مموجودة

سيلين. صح صار

راحن يطلعن الملابس حطوهن بجنطة وام سامر انطتني الاكل رحت للمستشفى دخلت غرفتهم

نور.
بعد مطلعو كلهم دخل مهند

مهند. اي شلونهم حبايبي

نور. مومل. الحمدلله

مومل. اي هنودي يكولون جنت تبجي عليه هلكد تحبني

مهند. هذا يا جذاب كلك

مومل. علينه غير سمعتك وكلي واحد ابد ميجذب

مهند. لا ادعبلهن علي هو غير انت جبناك بينك وبين الموت شعره و4 دكاترة فوكك

مومل. هنودي كول والله سرك بصندوق مابيه قفل

مهند. اي حتى باجر حتى ابو علي ابو المخضر يدري

مومل. كول مهند كول ابن عمي واخوي كول النسيب

مهند. استغفرالله لو الزم مقتدى وموتمن مخلينك ميت احسن حتى نرتاح

مومل. ينطيك كلبك انا خال ابنك

مهند. ساعة السودة

مومل. لا من صدك ع منو بجيت علي لو على نور

مهند. كمت حضنت نور وخلت راسها ع صدري اكيد ع نور انت شكو ابجي عليك

مومل. هااا هيج صار ما والله بعد زعلت وما احجي وياك

مهند. جاي ارد عليه وحسين بحرارة رفعت راس نور. نور ليش تبجين. زادت بالبجي.

مومل. وانا اكوم نوارتي شبيج

مهند. لا تكوم ارجع. نوري شبيج يوجعج شي
دخل مقتدى

مقتدى. خير شكو انت وين كايم ارجع لا اطيح حظك مهند شبيها نور

مهند. والله جاي نحجي ونشاقة كمت شبكتها اغور مومل بجت

مقتدى. رحت يمها كعدت نور لتخوفيني عليج فدوة والله تعبان انا كولي شبيج

نور. اهه اهه انا انا ما استاهل اكون اهه اهه اختكم اهه انا اجيبلكم بس اهه اهه المشاكل وشالعة كلبكم اهه اهه يومية مريضة يومية عملية

مقتدى. فركت وجهي. استغفر الله

مهند. لتكولين هيج هذا امر الله. والله يحبج جا يختبر صبرج

مومل. نوارة شنو حجينة مو كلنة الراح راح وكل تركيزنة بالجاي

مقتدى. نور حبيبتي لا انت الج دخل ولا انا ولا اي احد كل اليصير قدر ومكتوب هسة لو انا لو واحد مننة هنا جان حجينه هيج لااا بعد ليش تحملين نفسج مسوولية

مهند. هدي شبيك معصب هلايام انت

مقتدى. علي شغل وتجديد اقامة لازم اسافر

مهند. شوكت.

مقتدى. ما محددين كوم ارجع للبيت انت هم تعبان

مهند. خليني ما اعوفهم وكلبي ماينطيني اعوفهم بالاخص نور

مومل. هية حظوض صار ساعة اكلك تبجي علي تكلي لا حتى ماجاملتني وبالجذب كلي دمعة طاحت ومسحتها ونور محاظن وهدايا

مهند. كمت شبكته افا ولك انت اخوي وحزام ضهري بس غير نغيرلكم جو

مومل. لا ابد والله وداعت عيون امي مزاعلك وخر مني

مهند. نور هم تغارين اذا اشبكة

نور. لا لان انا ومومل توام واحد فعادي

مهند. جيرة للاثول شوف بنية واحسن منك

مقتدى. روح خوية روح ارتاح وراك باجر شغل واتاخر الوقت

مهندد. ان شاءالله محتاجين شي

الكل. سلامتك

طلع مهند وفتحت العلاكة وضحكت ام سامر مخلية فواكه وعصائر واكل الهم والي وزيادة
طلعت اكلهم واكلو شربو عصير دخل موتمن

موتمن. هاا شلونهم التوام

مومل ونور. الحمدلله

موتمن. مقتدى اكلو لا

مقتدى اي هسة خلصو وشربو عصير

موتمن. تمام نص ساعة وياخذون علاجهم راح اطلب اكل ماتجي اطلبلك وياي

مقتدى. وليش تطلب تعال اكعد هاذ خير من الله

موتمن. تريد توكلني اكل ناس مرضة

مقتدى. دنجب واكعد يا مرضة ام سامر مخلية فطائر ولفات كباب 2 وشاورما دجاج 2 وصحن مقبلات وفواكه وعصاير

موتمن. والله خوش خالة جا ما تقدملي اكل

كعدنا اكلنه خلصنه غسلنه لمينه الاكل والزايد اخذته للثلاجة بغرفتي ورجعت

موتمن. مقتدى خلي نمشيهم شوية بعدين العلاج

مشيت انا نور وموتمن مشة مومل 10 دقائق

نور. مقتدى تعبت

موتمن. تمام امشو نرجع

رجعنا انطيتهم العلاج ونامو نمت يمهم صار الصبح كعدت رحت غرفتي بدلت ولبست زيي الشغل وطلعت رحت كعدتهم وواجه موتمن اخذناهم للفحوصات وكملنه رجعتهم ساعتين ويطلعن النتائج اجو الاهل

الكل صباح الخير

مومل ونور. صباح النور

الجد شلونكم اليوم

مومل ونور. الحمدلله

ابو مقتدى. جا وين اخوكم

مومل. عمو سوالنه فحوصات وطلع كال عندي كم م يض اخلصهم واجي

ام مقتدى. اكلتو يمة

مومل. لا عمة صار خمس دقائق من خلصنه ربع ساعة يلا ناكل

ام مقتدى. سودة علي جوعانين ماما

مومل. اي عمة

ابو مومل. خو انت لو تاكل وتاكل لو تكطع الاكل

ام مومل. يخسي الجوع عوفة يرجال خليه ياكل اي امي جبنالكم حليب و بسكت
فتحت الاكل وانطيته

ام مقتدى. هاج ماماتي اكلي ادري تحبيه بالكاكاو

نور. شكرا ماماتي

الجد. ماكلكم شوكت يطلعن نتائج

نور. بعد ساعتين

خلصن الساعتين دخل مقتدى

مقتدى وموتمن. السلام عليكم

الكل وعليكم السلام

الجد. ها بابا بشرنة طلعن النتائج

مقتدى. اي طلعن

ابو مقتدى. كول بابا مو موتتنه

موتمن. هدي عمي ان شاءالله كل الخير

مقتدى. ،،،،،

،،،،،،،،،،،،،

انتظرونا