رواية احفاد السيد : الثار ( بأجزائها الإثنين ) الفصل الثامن والعشرون 28 - بقلم ​رُقَـيَّـةُ الْأَكْـبَـرُ

"" اللهم صل على محمد وال محمد وعجل فرجهم ""

الكــاتبــة ↲ رُقـــيـّــة الأكـــِـبـر ↳

بقلمـها روايــة 🌱 أحـفـاد السيد : الثأر 🌱

──────────────────────

بنــات تفاعلـكم وي القصة بالتصويت و التعليق و متابعـة لهاذا حسابي oo_ll13

🌱التعـب علينة و التفاعل و الدعم عليكم 🌱

⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒

.

#الـــضربــة_القـــاضــيـة_الأخــيرة

━━━━━━━━━━━━━━━━━━━

__ " مَاكَانَتِ الحَسْنَاءُ تَكْشِفُ سِتْرُهَا لَو أَنَّ أَرْبَابُ البِيوتِ رِجَالُ ".

━━━━━━━━━━━━━━━━━━

"" حامــِد المتقــين ""

تركــت بيت خالـي والمصيبـة الصايـرة بي واتوجهت لبيتنا حتى اغير ملابسي واطلع للمحكمة لان ما ضل شيء للمحاكمة تبــع امرين

واول ما دخلت لكيت وهج الطف يم امي الي جانت كاعدة على نار مادري ليش ما راحت الهم للبيت المهم

اول ما شافتنـي اجت لي يمي واردفت وياي

فاطـمـة الزهراء :: هااا بشرنـي حصلـتوهاا ؟؟

_ ماكو الها اي اثر لحد هسة

وهج الطف :; شلون بنت شطولها شعرضها ماكو الها اثر ولا لكيتوا شي شنو الكاع بلعتها ؟

_ يمــكن هيج لان ما ضل مكان ماضلت ديرة ما كضيناها وهي مااكو الها اثر

فاطمة الزهراء :: يااا كسرة حيلي عليج يا بنيتي يا يمة وينج هسة وشصاير وياج ؟

_ اشوف يمـة الاحسن الج تاخذين وهج الطف وتبقين هناك عدهم على الاقل تردين على اخوج اذا فقد اعصابة لان الوضع حيلل متوتر بالبيت

وهج الطف :: ليش شبي عبد الحسن ؟

_ اتصل علينا شبير ويكول خالي حيل معصب ويكول اذا لكيتها راح اكتلها واغسل عارها ومن هاذا الخرط وهم يمة عمامج صارو بالبيت روحي لهناك وانا صاعد اغير

فاطمة الزهراء :: شنوو هااييي المصيبــة ياا الله

وهج الطف :: وين تروح هسة انت ؟

_ عندي محكمة مهمة. رايح اخلصها والحك الشباب ..

وهج الطف :: انتبـه لنفسك هاا عمـة تردين نروح الهم ؟

فاطمة الزهراء :: شي اكييدد اصعدي غيري ملابسج وانا صاعدة هم

تركتهم وصعدت غيرت ملابسي و رحت للمحكمة
لكيت امـرين منتضر ابستمت بوجه وطمنتة

ولمن حضر القــاضــي ..

وبــدة يسترسل بالي عندة ونحن منتضرين يعني خلصنا كلشي بذيج الجلسة من شهود و ادلـة وجانت هاي الجلسة فقط نطق بالحكم

يا بالهدف يا بالنجف ..

ولمن ضرب على المكتب وصاح ( الــقـرار )
حسيت كلبي انخطف من جوة صدري وانداريت للأمرين لكيتـة راح يموت من الخوف

بس اتقويت ورجعت اباوع للقاضي وهتف بعد كلامة الي كلة نسيتة وي كلمة ( بريئ )

ياا الله خلص انتهت هههههه ربحــتتت هلقضــيةة وامرين طلع بريئ واخيرررراً ومن بعد ثلاث اسنين حبس ظلم وجان منتضر موعد اعدامة وهسة طلع برائــة وراح يرجع لحياتة الطبيعية واخيراً

طلعـنا انا وياة بعد ما خلصـنا كل الاجراءات الازمة
وكفنا اباب المحكــمة وصـار يباوع للأجواء

واندار الي واردف وياي ..

أمــريـن ;; نحــن بيا سنــة ؟؟

_ 2020

_ دخلـت لهنا بِ 2017 و ما ثبتت برائتي لحد 2020 هههههه شنو هاذا العراق العظيم

_ الحمدالله انسى كلشي وابدي من جديد هاي حياتك شوفها راح تنرسم كدامك

_ اخــتي وابنهاا وينهم ؟ شنو صار بيهم من بعدي زين علي الباقر وين ليش ما اجـى وياك ليش ماحضر مجان متحمس يشوفني ؟؟

_ ارتااح تعال هسة ناكل شي حتى جسمك يرتاح ولا تفكر بشيء اختك بالف خير وابنها بالف سلامة مثل متركتهم و علي الباقر ما اجى بس لأن عدنا مشكلة شوي قوية ف التهى بيها

_ زيـن اريد اشوف اختــي

_ مو وقتها هسة لان هي مو بغداد نحن اخذناها للــعمارة أمـن الها

_ يعنـي هية بخير ؟؟

_ وراس امي بالف خير لا تخاف هيج وماكو داعِ

_ تمام هسـة نحن وين ننروح ؟

_ نروح اول شي نشتري ملابس لتغير هذني و بعدها تروح للمطعم حتـى تاكل وشوي تقوي عضمك

_ تعبتكم وياي حيل

_ اكول امشي لا ابسطك اهناا مو غريب انا حتى تحجي وياي هيج

_ والله ما اعرف شلون اشكركم من جان انت لو علي الباقر الي اتمسكتوا با برائتي بوقت حتى انا شكيت بروحي

_ شلون هاذا راح يخليني ابسطة باع اذا مصعدت كدامي بالسيارة همرة انا راح انحبس

_ ليشش ؟

_ لان راح اشرع بقتلك فووت ولك

_ هههههه تمام راح اصعد

راح أمريـن وصعد بالسيارة واني صعدت وياه حتـى اجهزة واشوي ارفه عن نفـسة من بعد الي شافـة واتعرض له بالحبس ..

وانا بالطريق اتصلت على رحمة الزهراء لأسالها عن الوضع وطلع نفس ما اني تركتـة. اوووف .. شنو السالفة محد يدري ..

""" علــي الباقــر """

بقيــنا على حالـنا ندور وننتضـر من منطقـة لمنطقـة بس ماكو أي إثــر اخوتـي سبقونـي

ورجعـوا للبيت لان الخبر وصل لعموم عشيرتنا و اجوي للبيت يشوفون شني الوضع وشلون صار هيج

انا ادري بروحي ما اتحمل اذا اسمع الخريط مالتهم اكب عليهم واطردهم ف اختصرت الوقت وما رحت الهم من الاساس

وصارت الساعـة 4 العصر !! مرت 24ساعة على اختفاء اريج الله قدم زبيـر بلاغ اختفاء بحقها وعلى هاذا الاساس بدت النجدة تاخذ دورها ان تدور عليها ..

ورحــت للمستشفى لأشوف اختـي غدير الله
لان من سمعت بيها كعدت لهسة ما رحت الها

لمن وصلت باب الغرفة مالتها مسحت ادموعي و مسحت وجهي بأثنين ادية واتنفست طبيعـي

وفتحت الباب ودخلت ولكيت انمار جاي يجبرها على الاكل ..

اول ما شافتني ضحكت وصاحت :

غديـر الله ::واخيراً اتذكرت عندك اخت واجيتني ؟

رحت وحضنتها وكعدت يمها واخذت ايدها وحطيتها وسط ايدية واردف انمــار ويـاي

انمـار :: همزين اجيت تعالل احجي وياها شلعت كلبي ..

_ خير شنو شبيها غيمــاتي وياك ؟

غدير الله :: اكل المستشفى يلعب النفس حشى نعمة الله ويريدني اجرعة واكل

انمــار :: لا جذبين هاذا مو من المستشفى طلعت جبته الها من برة لان اعرف صدك اكل المستشفى مو طيب وبعدهي معندة متريد تاكل

_ وليش غيمــة متردين تاكلين ما تردين تصيرين زينـة علـمود تطلعين منا ؟؟

غدير الله :: انا راح اصير زينـة بس مو بالاكل

انـمـار :: عجــل ؟؟

غدير الله :: لمن يلزمون الخلاني اصير بهاي الحالـة واخسر ابنـي بهاي الطريقـة

_ ان شاءالله. راح نوصل ونلكاه وعيونج بس لازم تاكلين وتهتمين بنفسج خاطر لمن تتواجهين وياه تكونين غدير الله القويـة الما يهزها ريــح

انمــار :: راح اخليـكم لوحدكم هاك سيد حاول وياها بالكي تاكل من ايدك ..

_ انــطيــني ..

اخذت الاكل من انمار ورحت كعدت بمكانه وبسرعة اتقبلت غدير الله الاكل من ايدي وصارت تاكل وبعد ما شبعت حطت ايدها على حلكها واردفـت :

غدير الله :: كافـي يروحي ماكدر بعد ..

علي الباقر :: بس لگــمة بعد وحدة وهاي هي

_ لا والله كلش انتفختت مااكدر ..

_ الف عافية يا صمام كلبـي .

اخذت الاكل وحطيتة على صفحـة ورحت لزمت ايدها وبستها وباوعت الها واردفت ..

علي الباقر :: حيل مشتاقلج يا نحــري ..

_ وانـا هم مشتاقة الكم نفر نفر

_ يبعد روحي ونحـري

_ شنو ابا الحسن شبيك ؟

_ شنوو شبيــة ؟؟

_ مادري احسك مو تمام حتـى وجهك ذبلان شنو هاي اعوفكم بس ايام اكعد الكيك هيج ؟؟

_ ما تدرين شنو صار وانتِ فاقدة وعيج ..

_ خيرر ابا الحسن خييررر شنوو صااار ؟؟؟؟ ليشش شنوو صصاايــررر ؟؟؟

_ اهدديي اهديي ماكــووو شيي لا تخافين

_ جا شنو صاير من انا مغمى علية زين ليش لهسة لا امي ولا البنات جايين لعندي بس ابوي امس شنيي متردوني ؟؟

_ لا ينحــري بس تدرين منو يقبل امي تطلع ؟ والبنات ملتهيات بِ ابيوتهم منتضريج من تطلعين منا ويطمنون عليج

_ ابا الحسن

_ نحــرة وصمــامـة الرئــوي

_ أريـج الله صاير لها شي ؟ طيبة الزهراء ؟
وهج الطف ؟ لا تضم عني وضعك هاذا مو طبيعي سولفلي ابو التكسـي الأذاني التفت لوحدة ثانيـة من العلويــات ؟؟

دنــكت راسي واردفت وي روحي لاا ميصير غدير الله هسة تعرف الدكتورة كالت يراد الها ثلاث ايام ياالله نكدر نخرجها

خليـها هنا مرتاحة لمن تطلع الله كريم واشوف شلون نصارحها بموضوع اختفاء اريج الله واني اصارحها بموضوع انها متكدر تصير ام بعد

وهم ان شاءالله. لذالك الوقت اريجـاتي تصير راجعـة ونحن لاكيها ..

وانا بدوامـة هاي الافكار ندستنـي غدير الله ورجعت واردفت وياي

غديـر الله :: هاااا متجااوب ابا الحسن صاير شي فدوة لا تضم عني

_ لا ينحــري وداعـت عيوني ماصاييـر شيي وكلشي تمام والكُل منتضر طلعتـج على نار ..

_ الحمدالله

_ يلـة يا تــاج راس السيد انـا راح اروح

_ بعدني مشايفتك وين رايح ؟

_ والله يروحي انا هم حيل مشتاقلج بس لازم اروح اليوم صاحبي طلع من السجن واريد اشوفة

_ منوو ؟

_ اخو رههف ..

_ اهااا الحمدالله على سلامتة ان شاءالله

_ الله يسلمج يبعد ارويحتـي

_ يعـني خلص قـصتـك انت ورهـف انتهت ؟

_ هـي من الأساس ماكو قصـة حتـى هسة تنتهي

_ اهاا يلا الحمدالله خرج اخوها بخير و سلامة وصار عدها من تستند علية

_ ايي والله هاذا اهم شي

_ وانتَ هسة راح تروح لة ؟؟

_ ايي ينحــري زحمة منة انا حتى محاكمتة مكدرت احضرها اريد اروح هسة ..

_ تمام يحبيبي انتبه لنفسك

_ انتِ انتبهي لنفسج يبعد كلـبي احبج حيل

_ وانا بعد احبـك

_ أستــودعــتج الله

_ إستـــودعتـك الله

تركـت غدير الله واتوجهت للبيت تبع رهـف دكيت الباب و فتحـة الي حامِد المتقين دخلت لجوة ولكيت لهيب !!!

ركض و اجـة عليـة حضني بقيت انا حاضنة ما يقارب الــ 5 دقائــق حاضنـة وابجي على كتــفة

ما جنت فاهـم روحـي كاعد ابجي لان اشتاقيت الـه و ما صدكت على الله شوكـت شفـتة

لو جنت ابجي علـى اختي الي روح علي الباقر اختفت لمن هي راحت

الجنت اعرفـة جنت محتاج حضن وابجي بي واجاني حـضن أمريــن بالوقت المناسب

بعد ما ابتعدت عنة وكعدنا خلصنـة سلامنا واطمئن عليـة وانا اطمئنيت عليه و هدئـت نفسي
اردف وياي :

لهـيب :: رهف وين هية وابنها وين و شنو صار وياهم من بعدي ؟؟

علي الباقر :: ما صار وياها شي جنت احاول ما اخليهم يحسون بغيابك وكُل لحضة التمر جانوا منتضريك

_ زيــن هسسـة همة مرتاحـين ؟؟

_ الحمدالله و الله مناقصهم بس وجودك

_ تدري ياخوية والله ثم والله لو اعيش عمر كامل اخدمك ما راح ارد هاذا الدين والفضل الانت سويتة ..

_ شسالفـة أمـرين مو بيناتنا اخوك أنــا

_ والله هاي السالفـة كافي انت حافضت على عرضي و صنتـة وحطيتـة ابين اعيونك بس هاي كلش جبيرة وتخليني غصب عني وعن عشيرتي اصير خادم جوة رجلك

انا هنا ربتت على ظهرة واردفت وانا مدنك

علـي الباقر :: خاادم ربـك يولي كافي تحجي هيجي تحسسني اني فد غريب عليك غير اخوك وزاد و ملح ابيناتنا هسسة احط وازعل منك على هاذا كلامـك

_ لاا عمي كلشي ولا زعل السيد

_ ايي عفيــة وعلي متخلص مني زعلي ثكيـل ويشـلع الكـلب يعني اذا انـا زعلت هاي هي محد يخلصـك

_ ههه تعلمني بيك علي الباقر اناا الاعرفك وحافضك بصــم ..

حامِد المتقيـن :: وهاذا الجاي صار جاهز اتفضلوا

لهيب :: تعبت ويانـة اسُتاذ حامِد

حامِد المتقيـن :: لا تكول اسُتاذ محد احسن من احد

علي الباقر :: اكول أمرين

لهيب ;; كول ححبـيـبـي

_ تريد تشوف اخيتك خاطر تتنومس برجعتـك ؟

_ اكيد والله واصلاً متحمس اشوفها بس اطلب منك طلب سيد ؟

_ عيوني الك وفوكـهن نحـري تأمر وتدلل كول ..

_ اذا شفت مكانها الي هي بي حالياً أمن و مريح الها عادي تبقى بي لحد ما اني أمن على نفسي والگـي شغل يناسبني وارجعها ؟

_ ولا يهمك ولا تفكر اصلاً ان شاءالله بس تخلص السالفـة البراسي حامِد المتقين ياخذك و يوصلك لين ما هي موجودة وانتَ شوكت متريد لفها بعباتها واخذها

_ بعد روحي والله شحجي وياكم بعد ماكو راح الحجي كلة كدامكم الله وكيلكم

حامِد المتقيـن :: لا تحجي ويانة شي هسة اشرب جايك لا يبرد وخلص هاي الدقيقتين بالجاي ريح راسك ولا تفكر بشيء ..

تركـت اكلاص الجاي من ايدي و كمت على حيلي
ودعتهـم و طلعـت اتوجهت لسيارتي صعدتها

ورحت لبيتـنا اول ما دخلت صرت اسمع اصياح عموم عشيرتي بالبراني

وهمـة عود صاعدة عدهم الغيرة و الحمية على عرضهم وشلون هيج سوت وجابت الهم العار

ويتحلفون اذا حصلوها راح يكطعون راسها ويخلونها عبرة لكل وحدة تفكر تنزل راس اهلها

غمضت عيوني بعصبيــة و قبضت ايدي قبضة واحد بخاطرة يفوت عليهم هسة ويحط طلقة براس كل واحد اسم اختة انجاب على حلكة الخايس

انا تالي عمري اسم اختي يصير من حلك فلان لحلك افلان الي ما يندل القبلة وين صايرة ؟؟؟؟

زفـرت النفس و استغفرت ربي ودخلت للستقبال
لكيت رحمة الزهراء و امي و مرة عمي كاعدات والدموع بعينهن

لان جاي يسمعون كلام هذولي و اصياحهم ..

ما اردفت وياهم بشيء وكذالك هم لمن شافن حالتـي شلون معصب و مغتاض محد فتحت حلكها وهتفت وياي بشيء

تركتهم ورحت بتجاه الدرج واني صاعد خطرت براسي فكرة انداريت وردت ارجع للطارمة بس اتعوذت من الشيطان والتفت وكملت طريقي لفوك

دخلت لغرفـة طيبات ما لكيتها بيها سديت الباب ورحت لغرفتي لمن دخلت لكيت طيبات كاعدة بيها تقرأ زيارة عاشوراء

رحت وكعدت على الجربـاية وصرت انتضرها تكمل وجانت حالتي ما تسولف ابد

كمل علية اليوم كامل ما نايم و لا مغمـضة عينـي ثانيـة وحدة
وغير دوامـة الافكار السودة الجانت تاخذني لليمنى وترجعني لليسرى

اول ما خلصت غلقت الكتاب و خلتـة على المكتبة واجت كعدت يمي واردفت وياي :

طيبــة الزهراء :: ما كدرت تحصل شي عنها مو ؟؟

اتجاهلت هاذا سؤال طيبات لان حرفيا نفسيتي جانت متساعد .. رفعت عيني الها واردفت وياها

علي الباقر :: شفتي اريج الله انت قبل لا تروح ؟

_ ايي انا جنت بالمطبخ وقت هية نزلت وطلعت ..

_ لاحضتي عليها شي مو طبيعي يعني حالتها شلون جانت طلع منها سلوك غريب ؟؟

_ لا ابد جانت كلش طبيعية اريج الله الي تعرفها انت وكلنا نعرفها واصلاً فاتت الي للمطبخ وسالتني اريد شي أو محتاجة شي حتى تجيبة الي بطريق رجعتها ..

_ يعـني ماحسيتي من خلال كلامها وياج ان هي جاي تودعج لو نضراتها الج حسيتي نضرات وداع ؟

_ اهه لااا ابداً والله كتلك جانت حيل طبيعية وجانت متأكدة من نفسها راح ترجع واجت وسالتني شتجيب الي وياها من ترجع وراحت طلعت ..

انا هنا ضربت بيـدي على راسي واردفت ويا نفـسي ..

_ جاا شنووو الصاار شنوو التغيير بهاي الدقائـق ما بين طلعتها منا وما بين نزلتها من التكسي يا ربي ..

_ تسجيلات الكامرة صارو عند عمي وشفتة شلون عصب وصار يتوعد بقتلها لمن شافهم حيل خفت شنو جاان بالتسجيلات ؟؟؟

_ ......................................

_ علي الباقر احجي لا تضل ساكت احجي يعني اذا الي ما تحجي وتفتح كلبك المن تلجأ ؟؟

_ اهه احجي !! شحجي ؟؟ ما ضل اي حجي طيبات كلـشي بلحضات اتدمر كلشي ..

_ علي الباقر

_ اصلاً انا اجيت اخذ منج رقم علي الصادق كومي انطي الي اريدة ..

_ تمام حبيبي بس ترى انا ما حجيت وياه من مهد ما انت طلبت اتصل بي يعني ما يعرف ولا شي من الصاير هنا بخصوص موضوع اريج الله

_ ايي زيــن انطيني الرقـم هسة ..

كامـت طيبات وجابت تلفونها و ردت الرقم الي وانا سجلتـة بتلفوني

وكمت حتى اروح لزمت ايدي طيبات واردفت وياي

طيبـة الزهراء :: المفروض بعد ما تشوفني يطيح شوي من التعب مالتك ميصير هيج تضل وانا طيباتك !!!!

وخرت ايدي من ايدها ونضرت الها واردفت بِ هم و تعب و الصوت اصلاً جان رايح ..

علي الباقر :: تشوفين المكان و الزمان مناسبات حتى تحجين وياي هيجي ؟؟؟
طيبااات اختي مدري وين ارضها يا تعب و يا اصخام انا النوم طاير من عيني لو الجنة هسة تطلع كدامي واشوفها ما راح تغير من عندي شي
اريد بس الگــي اختي كافي جاي اسمع هذولاكي جووةة جاي يحجون علـى عرضي ؟؟؟؟
ولج كووة اشيل ايدي وادعي كوة اتنفس كوة امشي هوواي كوووة عليــة بعدني واكف على حيلي بعد سوالف احس بيهن ماريد احجي بيهن الي بني ادم بصدرة يدخل الهوة واني جان يدخل صدري صوت اريج الله و غدير الله وهن الاثنين مكدرت اسوي الهن شي ..
ولج هن حرمتـي والناس ما راعو هاي الحرمة
وحدة رادت تموت بالصحراء والثانية مادري وين موضعها ..
خلــص بعيني كلشي ما يحلا بعد اذا صار لاخواتي شيء شفايدة وجودي اذا ما وفرت الحماية الهن ..
عار عليـة اتسمى اخو اصلاً

عفت طيبـات وطلعت بعد كلامي هاذا وياها واصلاً ما انتضرت اسمع ردها لان الوضصعع جاان لا يُطــاق

البيت جان وضعة حيل مختربط و كئييب

طلعت لطارمة لكيت باب البراني مفتوح ابوي واكف بي والولد نصهم يفترون بالحديقـة وكفت لثواني القي نضرة عليهم

أجى ليمي المعتز باالله و علي السجاد
و علي الهادي و البشير قيصر

المعتز باالله :: هااا إبــا الحسن ؟؟

علي الباقر :: كلي بلـة هذول الجوة شني من اتمسلت مسلتو ؟؟

علي السجاد :: وعلي ابن ابي طالب جنت شوي وراح احط چيلــة براسهم واكطع نسلهم بس اخوانك لزموني وهاي طلعنة من يمهم ..

علي الهادي :: اسنين كضن وهم لا يسألون ولا يدرون بينا شكد صار عمرنا وشلون كبرنا وجي صارت السالفة بيها طلابة و سالفـة بيها فتنـة حطو العگـل على روسهم واجو يركضون بهااييم

البشير قيصر ;; انا انصدمت من عمي ترى ابوكم ححيل متوافق وي رئيهم ومقتنع بسالفة قتل اريج الله ..

علي الباقر ;; رغم هو ابوي بس يخسسي واحد بيهم يوصل الزلمة خلي يوصل ويمس شعرة منها بس خلي الگـيها الا اهججهم من المحافضة كلها وعلي اوصل الدم لنحورهم

المعتز باالله :: ونحن وياك لان والله حيل اغتاضيت من كلامهم لك بعمرهم ما سألوا عن اريج الله ولا يدرون شكد صار عمرها ولا شلون كبررت شلون هسة جايين ويردون يقتلوها بدم بارد ..

علي الباقر :: اهه خليهم خليهم يسولفون وعايشين اللحضة بس دواهــم يمي ..

هنا رن تلفوني رفعـت لكيتة رقم غريب
وصار متصل علية ثلاث مرات بهاي الساعــة اردفت وي نفسي

_ هم هاذاا شهل طلابــة ياالله ..

المعتز باالله :: منــوو ؟؟

_ مدري رقـم غريب صارلـة مدري شكد يتصل علية وانا انطي اغلاق لان كلش مالي خلك ..

البشير قيصر ;; لاا شلون هيج تسوي ونحن بهاذا الوضع ردد و شوفة يمكن واحد من الشرطة صار شي وياه لا تنسى انت انطيتهم رقمك !!

علي السجاد :: صصحح لازم ترد شوف شيريد مراح تخسر شي ..

_ خووش ..

اخذت ايدي و ضغطت على مفتاح الـــ رد
وحطيــت السماعة على أذاني وجان بذاك الوقت الساعـة ما يقارب الــ 7 بليل ..

واردفت :

علي الباقر :: إلـــو ؟؟؟

وجان صوت هوسة حيل تجيني من السماعة بس كدرت اسمع الصوت إجانـي الرد مثل النسمة الباردة على كلبي من سمعت الصوت

أريــج الله :: الووو خويــة علي الباقر هاذا انتَ ؟؟؟

صفنــت لثوانـي استوعب واميز الصوت الي سمعتـة ورجعت كررت

علي الباقر :: إلــو منـو ويااي ؟؟؟

رجعـت وردت عليـةة اصعب موقف هاذا جان يمر على روحي

إريــج الله :: علي الباقر هاي اني اريج الله تعالي بسرعة الله يخليك ..

ايدي و جسمي صارو يرجفون وهتفت بهمس و ادموعي نزلن لخدي بلا شعور ..

علي الباقر :: إريـج الله هاي انتِ ؟؟؟؟

هنا كل اخواني الجانو يمي اتغيرت ملامحهم وصارو يلزمون ايدي ويهتفون وياي واني جنت احاول اسمع إريج الله

المعتز باالله :: اريججج ؟؟؟

علي السجاد ;; وووين هيي اسالهااا

ابتعدت عنهم ورجعت اردفت بالسماعة ..

علي الباقر :: الووو اريجـة تسمعيني ؟؟

وردت عليــة

إريج الله :: اي خـويـة وياك بس ما اكدر اتاخر الرجال محتاج تلفونة

علي الباقر ;; يا رجال هاذا وانتِ اصلاً وين ؟؟؟؟

_ لازم اسد هسة بس راح اخلي هاذا الرجال يدزلك العنوان ..

_ الوووو ارييجج الله اووكفييي ارريييججج اسمعينييي لا تسديين الخط ياا رجال الووو اريــ....

غلقــت التفلون بوجهي وهنـا ابوي اجـة واردف وياي ...

عبد الحسن :: وينهاا مكالتلك مكانها ؟؟؟

علي الهادي :: علي الباقر رد شنو كالت الك اريج الله ؟؟؟؟

غلقت التلفون وصرت امسح بوجهي وبعد دقائق هم يسألوني واني ساكت

سمعت صوت رسالـة اجاني فتحت لكيت رسالة على الواتساب من هاذا الرقم بي الموقع ..

طلعـت اركض من البيت وطلعوا الولد يركضون وياي صعدت بسرعة وصعد وياي المعتز باالله

والبشير قيصـر و علي السجاد و علي الهادي صعدوا بالسيارة وطلعو وراي ..

الكل بالبيت عرف ان اريج الله اتصـلت بيـة
وطلعـت الها حتى اجيبها

وطلع هذول ونحن رايحين هم راحو وجهزو نفسهم من السلاح والعدة خاطر بس نرجع وهي ويانة يكتلوها ..

جنـت امشي على سرعـة 200 واحس نفسي امبطئ لحد ما اردف وياي المعتز باالله

المعتز باالله :: خويــة قلل سرعتك لا تطلع عليـنة سياررة هسة رون سايد ولأن نوصل لاريج الله جثث

علي الباقر :: متشوف الموقع على بعد ثلاث ساعات كاملة اريد الحـك ..

_ بس اهدئ وصلي على النبـي والله ونحن راح نوصل الها هاي ههي اهم شي انت سمعت صوتها واطمنت عليها وان شاءالله. راح نروح ونلكاها

_ ما يطمن كلبي لمن اشوف اختي راجعـة تعيش حياتها طبيعي ..

كملت طريقيي وبعد ساعتين كاملة جانت اريج الله حييل بعيدة عننا كللش بعيدة بمكان غير متوقع .. وصلنا للموقع بحدود الساعــة 9 بليل

لكينـا منطقـة صغيرة و محصورة والموقع واكف عند محل صغغيير كلش وجان مفتوح و بي بس لايت واحد الشارع كلة اضلم شغلنا الفلاشات مال التلفون وصرنا نمشي ..

ولمن وصلـنا للمحل ودخلنا جوة لكيت رجال جبير بالعمر كاعـد على الكرسي و إريــج الله حالتها حالـه كاعدة يمـة جانت

بدون حجاب وملابسها متبهذلة لا عباية ولا شي ونص ملابسها متشككة ..

اول ما شافتــني ركضت وحضنتنـي وبدت تبجي

واول شي سواه المعتز باالله شال الغترة من متـنة وحطها على راســة و علي الهادي نزع القميص مالتة ولبسها الة ..

وانا حيل حضنتها وصرت ابوس بيها من كل مكان من راسها و وجها ولمن ابتعدت عني سحبها علي السجاد وحضنها حيل وبقـى حاضنها واني انداريت للرجال واردفت وياه ..

علي الباقر :: اختـي شلون وصلت الك وليش بهاي الحالة ؟؟

_ والله ياعمي ما اعرف اخيتك انا بس جنت مفتح على باب الله و اجت تركض للمحل مالتي وتصيح دخيلة عندك استر علية .. دخلتـها وسديت المحل وكعدت تبجي و تصرخ و شربتها ماي وصارت تكول تلفون تلفون اريد اتصل على اخواني
شلت تلفوني وانطيتة الها صارت تتصل تتصل ومتحصل ورجعت تبجي احجي وياها اكللها وين اهلج اني اخذج الهم متقبل تفتح حلكها وتحجي رجعت طلبت تلفوني انطيتة الها و اتصلت وجاوبها وهاي اجيتو النا ..

البشيــر قيصر :: زين عمي انت بيتك قريب منا ؟؟

_ ايي بويـة هاذا بيت على بعد مسافات اتفضلو ارتاحوا يمنا اني والله ردت اخذها للبيت بس هي رفضت رفض قطعي ؟

علي السجاد :: لا عمي زاد فضلك بس ممكن تروح وتجيب الها عباية من حرمكم لو شي نحطة عليها تراهي علوية منكدر ناخذها هيج !!!!

_ ولا يهمكم عمي دقائق اروح واجي الكم

البشير قيصر :: ننتضرك ..

راح الرجال و علي الهادي وخر إريـج الله من حضنـة واردف وياها

علي الهادي :: يا رجس مسوي بيج هيج بس احجي ولا تهتمين وعلي نحطة جوة رجلج !!! شهل دم العلى ملابسج ؟؟

إريـج الله :: هوو ............

علي الباقر :: هووو شنووو اريج الله نحن كلنا يمج واخوتج احجي ولا تخافين وعيونج الطير ما يطير فوك راسج بس احجي شنوو هاذا الدم العلى ملابسج ؟؟؟

المعتز باالله :: الــ M4 بالسيارة ترى انطيها الج وتفرغيها براس التردينـة ونحن نجيبة الج ..

إريج الله ;; جيبـها خليني افرغها براسي حتى ارتاح ..

البشير قيصر :: شجااي تحجين انت غير نموت نحن قبلج اريج الله شنو صاير وياج ؟؟ احجي ابوي وامي انت احجي ولا تخافين من شيء ..

_ ادمرررت حيااااتي ادمرررت يا اخووتي اختكم ادمررررت ااااخ ..

علي الباقر :: احجييي شنو صاايرر لا تجمرين اكلوبنا شنو صار وياج ومنين هاذا الدم ؟

علي السجاد :: أكـوو احد اعتدى عليــج ؟؟؟؟

هنــا إريـج الله حضنتنـي ححيل وبدت تبجي بحركـة و اقوة من قبل وكأن جاي ترد على سؤال علي السجاد وتكلـة ( أي )

وبعد ما صارت بهاي الحالـة نحن فهمنا شنو صار وياها

عصب البشيـر قيصـر حيل وراح صار يفتر وضرب راسة بالحايط وصاح ..

البشير قيصر :: يا ريييت مرني المووت يااالله ولا اشوف اختـي بهل موقــف وايدي جانت مربطة مكدرت احميها ..

إجـى الرجـال و اخذ علي الهادي العباية منة شال القميص من على إريـج الله ولبسها العباية وطلعنا من المحل بعد ما سلمت على الرجال و اتشكرت منة ..

صعدت بالسيارة و صعدت اريج الله وياي بالسدر وطلبت من المعتز باالله يروح وي علي السجاد والباقيين

جنت اريد ابقى وي اختي لوحدنا بهاذا الوقت الطويل ..

و أول ما حركـت السيارة جانت حيل ترجف و دمعها ما نشف لحضة وحدة اردفت وياها ..

علي الباقر ;; اخذج للمستشفى ؟

إريـج الله :: ههه ليش حتـى اتأكد ان مستقبلي راح ؟

_ منـو سوة هيج ؟ سولفيلي كلشي من البداية ولا تخافين ولا تضمين عني شي حتى لو انت خطأ راح اوكف وياج وعيونج بس احجي

اخذت الها صفنـة وبعدها لزمت ايدي ومسحت ادموعها واردفت وياي :

إريـج الله :: انا ما ردت اروح لو اطلع من البيت بس اتصلت عليـة صديقتي وكالتلي ان الي بالمعمل خلصن طلبية الرايات ولازم اجي حتـى أستلمها لان بس انا استلم الطلبيات ف استغربت شلون طلبية جبيرة هيج لرايات للمشاية و جانن الطلبية لازم الرايات بحجم جبير و عليهن رسم و كتابتات ف كالت خلصناهن كتلها متأكدة كالت اي
وهي حيل صديقتي وحيل اثق بيها رحت لبست وردت اطلع ف من كالتلي امي تتاخرين كتلها لا سالفة ساعة لان صدك جانت مجرد ساعة اروح للمعمل اخذ الطلب منهن اختمـة وبطريق الرجعـة اودي للمندوب حتى يوصلة ..

_ زيــن بعد ما طلعتـي من البيت شنو صار ؟

_ اخذت تكسـي ومشيت مسافة بي رجعت واتصلت عليـة كالتلي وين انتِ كتلها انا بالتكسي وحالياً وصلت للمكان الفلاني
كالتلي اني هم طلعت من المعمل لان احتاجيت شي من المحل واني قريبة على هاذا المكان انزلي وهسة اجي اخذج انا ..
فَ كلتلها منين الج سيارة ؟ اني ادري بيها تعرف تسوق بس الاعرفها ماعدها سيارة
كالت اخوي مخلي سيارتة عندي وجاي اللعب بيها
ضحكت كتلها تمام راح انزل من التكسي وادزلج الموقع حتى ما تتيهين
كالتلي تمام جايتج ..
نزلت من التكسي وعبرت الشارع وكفت على رصيف الشارع الثانــي وصرت انتضرها صح حيل اتأخرت عليـة .. ضليت انتضرها حيل بس وكفت كدامي بسيارة سودة نزلت الي الجامة اول ما شفتها ضحكت
فتحت باب السدر وصعدت يمها ..
سلمت عليها و سلمت علية بعدها بدقائق بعد صعدتي بيها حسيـت بحركـة بالخلف لمن ردت اندار اشوف شنو هي لزمت ايدي ومنعتني
اتوترت حيل وجنت اريد اكللها خلينا ننزل هنا بس محلكت هية رشت مدري شنو على وجهي وواحد من وره ضربنـي على راسي ..

_ و بعــدها ؟؟؟

_ مادري شنو صاار جنت فاقدة الوعي وما كعدت الا اليوم الصبح لكيت نفسي ابيت خربان و بس اني محد وياي ولا حجابي ولا شي عليـة لبست الجان موجود هناك ونجبرت اطلع اركض خاطر الكي مكان أمن استر روحي بي وطلـع بوجهـي هاذا المحل ورحت كعدت بي

شلت نضـري من أريج الله وصرت اباوع لكدامي
ما تكـضي هاي السالفـة على خير
يا حيرة الموت اهون عليـة ولا يصير بأخــتي هيج !

نزل ادموعي ومادري ابجي علـى يا حال جان بذاك اليوم

هنا اريـج الله اردفـت وياي ..

أريج الله :: اذا اخذتنـي للبيت هسـة وشافوني بهاي الحالـة راح يكتلني ابوي ميخليني عايشة دقيقـة وحدة ..

بقيـت ساكت راح حيل علي الباقر ...
اقسـى شي مر على العائلـة

يا زين كلبـي شوكت يرتاح ؟؟ ليلي كاضيـة وي السهر .. ما تخلص الدنيا تعبت والله حيلي بعد راح هاي ههي ..

اذا خسرت اخواتي اتيتم والله ..

ضليت لازم ايد أريج الله وابوس بيها ورحت وكفت كدام المستشفى ونزلنا انا وياها ودخلـنا

والشباب ضلوا منتضرينا بالسيارة ..

اخذتها لدكتورة مريم صديقـة رحمـة الزهراء ..
فحصت أريج الله وعرفت انها اتعرضت للاعتداء

جنت منتضر برة وطلعت بعد ساعة تقريبا رحت يمها واردفت وياها ..

علي الباقر :: هاا دكتــورة ؟؟؟

مريـم :: أريج متعرضـة لضربـة براسها بس مو كلش خطرة يعني متخوف عقمتها الها وضمدتها

_ زيــن !!!!

_ وهم الحمدالله ماصار عدها حالت حمل من حالـة الاعتداء ..

_ يعنـي صدك معتدين عليـها ؟

_ اييي بالفحص طلعلي هيج بس ماكو حمل الحمدالله ..

_ اووووففف يا اللهه

_ تمام دكتورة شكراً الج بس ممكن غدير الله متعرف شي لان هي متدري بأي شي

_ لا توصي اكيد ماراح اكول لمريضتي اهلج هيج صارو وياها اني دا احاول احافض عليها صحتها

_ شكراً الج اكدر اخذ اريج هسة ؟

_ ايي تكدر فوت ..

دخلـت على اريج الله واردفت وياي ..

أريـج الله :: شنـو صار ؟

ما حجيـت شي بهاي اللحضات رحت وضميتها لصدري وبستها براسها واني اضغط بحضني وحسيتها راح تدخل جوة القفص الصدري

واردفــت وياها ...

علي الباقــر :: وعزة الجبار وخلقني و سواني من العدم يا اريج الله يا بنت امي وابوي يا اختي و نحري شوفي اليدنى يمج والله صاحي ما يضل اكص راسة واعدمـة حياتـة ..
وقسماً بولايـة علي لأخليـج تكملـين حياتـج احسن من قبل والبي خير و زلمـة وطالـع من ظهـر رجال خلـي يفـك حلـگـة ويحجي حرف واحد اللسانـة ينكص ويتعلك بركبتة

أريـج الله :: يعنـي صدك طلعـت انا متعرضة للاعتداء ؟؟؟

_ اشششش اشششش لا تحجين شي اتذكري قول جدنا الامام علي لمن كال ( ياكُربـة اشتدي لتفرجي ) اششش ماريد اسمع منج ولا شي وهسة راح نرجع للبيت راح تحطين راسج وتنامين وما تفكرين بشيء

_ وابـــوييي ؟؟؟ يذبحنـي اذا شافني والله

_ اقداركم على افواهكم يمعوودة اسكتي ومعليج بأبوج كلنا هنا اخوتج ويمج وسندج وانتِ اصلاً لا راح تحجين وياهم ولا شي ما مجبورة تحجين ولا شي تمام يروح اخوج امشي ولا تخافيـن انا كافلج انت بحمايـة علي الباقر ..

اخذت اريج الله وطلعـت بيها وركبنا السيارة ولمن صعدت وردت اصعد اجاني المعتز باالله واردف وياي

المعتز باالله :: دقيقـة ابا الحسن !!

_ خير عزوز ؟

_ توة اتصل بية علي الرضا ويكول الزلم كلها صارت يم بابنـة ومنتضرتنا نوصل حتـى تشوف أريج الله انا حيل خايف

_ من شنو خايف من يمتى تخاف انت ؟

_ ما خايف على روحي بس خايف على اختي الكاعدة جوة علي الباقر اذا انجاس اضفر إريج الله من هذول وعلي الــ M4 تتفرغ بروسهم وتصير مجزرة ترى ما اضمن الك الزم روحي ..

_ چا اسحب اقسامك من هسة روح اصعد بالسيارة رايحين للبيت واتصل علـى علي الرضا خلي يطلع الاسلحـة كلها .. والي يكول انا و انا خلي من يشوفنا عيونـة تحجي ويانة شي مو السانة اتحداهم ..

_ تمام خويــة ..

راح المعتز باالله واني صعدت حطت اريج الله ايدها على ايدي واردفت وياي

إريج الله ;; شبية عزوز شنو صاير ؟

علي الباقر :: هيج لا يضل ابالج ..

هي بقـت تباوع الي وسكتت واني شغلت سيارتي و همست وي نفسي ( حجيت بكلبي )
وكلــت بكلب متفطر و متكسر ..

【 يارب العالمين يامن كلت ادعوني استجيب الكم داعيك بكلب مضلوم ومهضوم واحلفك بمصاب الحسين واليوم الدفنـة مالتة يا رب اقسم عليك بمصاب الحسين تحفضلي اختي اريج الله وتحفضلي شبابها يا رب محد غيرك شاف وعرف الصار وياها وانت تعرف اذا هي مضلومة لو لا احفضها يارب اريج الله عيوني واذا راحت هاي هي راحت عيون علي الباقر 】

كمـلت طريـقي ووصلـنا للبيت اخرت سيارتي شوي خليت سيارة علي السجاد تتقدم علية وانا صرت وراها ودخلــنا لشارعنـا لكيناه متروس زلم متعگلـة ومتحزمة

هاذا الازم اسلاح وذاك قامة وهاذا ساطور

ومتحضرين واول ما شافو سيارتنا الكُل صار يباوع النا انجبرت ادور السيارة واطلع من شارعنـا واتوجه لشارع الثانـي

وانا لمن خليت سيارة علي السجاد تتقدم علية جان بيها مقصد مني لان سيارة علي السجاد مضللة و خليتهم يفكرون ان اريج الله بيها ف التفو عليها والتهو بيها لحين ما نحن لفينا

وانا رحت لطريق الثانـي ودخلنا انا واريج الله من باب المطبخ الأرضي ( الباب الخلفي )
وطلعنـا للأستقبال الي جان موجودات بي كل البنات ويباوعن للباب الرئيسي عبالهم راح تدخل عليهن من عندة

وكفنـا بالباب وصاحت أريج الله ( يــمةة )

الكل التفت النا وشاف أريج الله كدامـة امي ركضت الها وحضنتها و البنات هم

متتت بهاذا الموقف اشلون امي تحضنها ووكعت بالكاع تبجي وياها

العلويـة :: يممةة اريجج يااتعب السنين عليج يا يمةة يابعد ارويحتي ياا يمةة انمردد كلبي صرتي على جروحي اجروحح ياا بنتـييي مصدكت اشوفج يابعد صورة وجهي انا يبعد امج شمسوين بيج يابعد روحي تعااي اشم عطرج اوووفف شكد اشتاقيتلة ولج عزيزة وغالية انت بنتي وحتى اعز من روحييي ولا اكدر على غيابج شوفيـنـي شوفي شلون بدونج وعلي النوم ما ضاكة عيوني ..

علي الباقر :: يمـة مو وقت هلكلام كافي كومي عنها هاي هي كدامج ما بيها شي

لينا :: شنو هاي الهوسة برة ؟

علي الباقر :: طالع اشوفها بس الي اريدة منكم كلجن بنات تاخذن اريج وتصعدن بيها للغرفة وتقفلن الباب عليجن ام البنين وهج الطف رحمة الزهراء طيبة الزهراء جميلـة سمعتني اخذن اريج الله واصعدن اقفلن الباب عليكم

ماريد اشوف واحد بالاستقبال بس امي و عمتي و مرة عمي بس هذني وانت لينا هم اخذي اولادج واروحي وياهن او اابقي بغرفتج يم اولادج احسن شي يلااا بسرعة افوت ماريد اشوفكم ..

عفتهم وطلعـت لبـرة لكيت اخواني كلهم جاي يمنعون الزلم تفوت لبيتنا و ابوي واكف بمقدمتهم
لحين ما واحد شال اسلاحـة و رمـى وصارت بالكاع وصار يصيح ..

__ وويينن ضميتوهاا طلعوهاا لهاي الزانيــة هيج جبتوها ودخلتوها للبيت كأن مصاير شيي اغسلو عاركم يا اشباه الرجال

هنا المعتز باالله اخذ يرمي بالهوى حتـى يسكتهم بس مجان واحد بيهم يسكت ..

دفعت اخواني خليتهم بظهري
ورحت وكفت كدامهم و بنصهم واردفت وياهم

علي الباقر :: الي يكول انا زلـمة وكد روحي خلي بس يصعد درجة وحدة من درجات الباب بسس هاي خلي يصعدها

__ احنا ممسوين شي غلط بت عمنا غلطت وجايين نغسل عارنا بس العار عليكم راضين بالعيبة وجاي تحامون الها

البشير قيصر :: تخسسيي بنت عمك تصير لا تعرفك ولا تكربك نحن ما عدنا هيج دم نكس وخايس بسرعة ينكر العشرة ويكطع صلة الرحم
وحتـى لو اختي غالطة ومسوية شي غلط راح اضمها بروحي واذا تردون تفوتون وتغسلون عاركم
هاي نحن كدامكم 11 اخو الهاا كدامكم تذبحونا وتسبحون بدمنا ياالله تفوتون الها وتكدرون توصلون ..

" هنا ابوي اتقدم وراد يدخل وانا منعتـة واردف وياي ..

عبد الحسن :: علي الباقر وخر عن طريقي اريد افوت اشوف اريج ..

علي الباقر :: من عقلك سيد اخليك تدخل على اختي بهاي القامـة مالتك ؟؟؟؟

_ وهي ليش ما فكرت بهاي النتيجة قبل ما تسوي الي سوتة ..

_ وهية شنووو سوووت لا تخبلوني اختي ما سوووت شيي هي جانت مخطوفـةة ..

هنا واحد يصير ابن عم ابوي اردف وهو رافع اسلاحة بوجهي ..

__ اختك سوت كلشي ونحن شفنا بعيوننا محد حجة ويانة كلشي شفناة بالكامرة شلون تصعد وي الرجال موو من اخذ منها اليريدة وذباها سويتوها مخطوفة حتى نكول يا خطية يلا احضنوها
اصلاً حتـى لو مخطوفـة راح تنقتل وين عدنا بنت تروح امخطوفة وما ندري شسوو ما سوو بيها ...

المعتز باالله :: بسس تعال يمي خليني اعمي اعيونك الي بيهن شفت اختي تغلط تعااال هوو انت شباقيي من عمرك رجلك والكبر ابدال ما تولي تگـضي الباقي من عمرك ساجد جاي لهنا تسوي فتنـة وتذبح نفس هي اطهر منك ومن اجدادكك ..

__ ديييــوووثث الي يقــبل اختـة تسويها بالحرام و يرجعها بالاحضااان هاذا ديوث ماكو غيرها وكليكم ديووث ..

بعد هاذا الصاح بهذن الكلمات !! نحن احفاد السيد هاذا ينعتنا بالــ هاي اللفظ ؟؟؟ ما حسيت المعتز باالله الا دافعني ونازل علية داخل بنصهم ساحل هاذا للكاع رافسة ابطنـة و منزلـة للكاع وكعد على صدرة ..

ولان صارت ححيل هوسـة واخواني كلهم نزلو لجوة كل واحد اخذلة واحد وكعد يبسط تركنا الباب مفتوح محد بي

كأن واحد كالي ارفع عينك وشوف رفعت راسي شفت اثنين يدفعون بأبوي ويدخلونة لجوة ..

ودخلـو وراه ..

صحت بصوت لأخواني ..

علي الباقــر :: ولكــم شبابب الحگووو ابوووييي

ردنـا نروح بس هذول صارو يعطلونـا ولمن بالگوة دفعناهم لكينـة اثنين واكفين بالطارمة هم الدفعو بابوي ليفوت جوة اول ما صارت الهوسة واستغلو الموقف

جنا انا والبشير قيصر و علي السجاد و علي الهادي و علي الرضا و المعتز باالله دخلنـا جوة

وباقي أخواني ضلو بالباب يمنعون هذول من الفوتة لهنا ..

عرضو بطريقنا هذول الاثنين واحد لزمة علي الرضا و وياه البشير قيصر وخنكوه لحد ما اخذوه لصفحـة عننا والثاني اتكفل بي علي الهادي وكدر لوحدة يصيطر علية

دخلـنا للاستقبال نركض انا و علي السجاد و المعتز باالله .. لكيت امي واكعة بالكاع ويمـة مرة عمي ( إم المعتز باالله ) ومبين ان امي عارضة على الدرج و اكو احد دافعها ..

وسمعنـا صوت اصياح عمتـي فاطمة الزهراء من فوك وهي تكول ..

( وحـك عباتي ماا تفوتت قبل ما تكتلني اني قبلهااا امحلفتـك بدلالي لا تسوي شي قبل ما تفهم منهااا بنتك وتربيتك هاايي )

صعدنا انا والمعتز باالله ونحن جان ملابسنا كلها دم وما نعرف منين .. منو بينا مضروب ومنو بينا متصوب محد فاهم الوضعية !!!!

اخذنا الدرج نصعدة درجتين درجيتين لمن وصلنا لغرفة اريج الله لكيت عمتـي مدفوعـة وتحاول تشد حيلها وتكوم والباب مخلوع ...

المعتز باالله ركض يشيل عمتـي واني ركضت فتت لغرفـة لكيت رحمـة الزهراء و ام البنين و جميلـة حاطات إريج الله خلف ظهرهن و وهج الطف و طيبات عارضات لابوي

اتواجهت وي ابوي وجه لوجه وحاولت ادفعة خاطر يطلع برة الغرفـة ..
وبقـى ينتـر بوجهي . :

عبد الحسن :: علي الباقر لا تخليني أذيك وخر عن وجهي وخليني اغسل عاري وخرر

علي الباقر :: يا عار هاذا التحجي عنـة بويــة يا عار التحجي عنة اريج الله هاي اختي وبنتك تربية احمد الصادق

_ بس جابت الي العااار !!!!

إريـج الله :: مجبت العاار لواحد الله يشهد علية ..

_ شففت شلون بدفاعكم عنها انطيتوها عين تحجي

علي الباقر :: انت الانطيت عين لهذول الما يتسمون جوة يحجون عن تربيتك يا عبد الحسن

_ علي الباقر وخر عن طريقي ..

_ ما اوخررر واذا تريد تكتلهاا ف اكتلنا نحن قبلها ..

طيبـة الزهراء :: اذا لثانــيـة وحدة تشك بطهارة بنتك وشرفها لازم تشك بينا نحن هم وتغسل عارك بينا نحن هم هااي نحرييي كدامك يا عمي اغسل عارك بية انا اول وحدة ..

أم البنين :: واناا ثانـي وحدة اغسل عارك بية خالي مو جنت مرتبطة بابنك وهاذا عاار معناها اني هم استاهل الموت اذبحني انا ياالله تجي لـ اريج الله

جميـلة :: وانـا بعد ام البنين اذبحنـي يالله تكدر توصل لأريج الله مستحيل تمس شعرة منها و نحن موجودين

هنـا دخلو اخوتي المعتز باالله و عمتي و البشير قيصـر و علي الهادي و علي السجاد و علي الرضا

وابوي حيل جان معصب والي جان يثير عصبيتة اكثر شي هم هذول الصوتهم ما هدئ وهم يصيحون.
( لا تنزل قبل ما انت شايل راسها بيدك) ..

سحب البشير قيصر ابوي وسحبـة وياه علي الرضا وطلعوه برة الغرفة

طاحت إريـج الله بالكاع تبجـي ..

ودخـل شبير علينـة وهو شايل اسلاحين انطاني اسلاح و علي السجاد اخذ اسلاح و شبر جان شايل اسلاحين هم انطا للمعتز باالله اسلاح و بقى اسلاح عند

هنا جميلـة اردفت : وي ما رحـمة تحاول تكوم بِ إريج الله وتحاول وياها وتخليها تقاوم ..

جميـلـة ;; شنو راح يصير ليش هاي الاسلحـة ؟؟؟

علي الباقر :: اشش ماريد اسمع كلمـة وحدة

التفت لعمتـي واردفت وياها ..

علي الباقر :: يـمة اخذي هذن البنات وخليهن بغرفتـي جميلة روحي وياهن ..

طيبـة الزهراء :: بس علي الباقر شنو هاي الاسحلة شنو تردون يصير ؟؟؟

المعتز باالله :: بدووون سؤؤال روحييي وياهن وانت ساكتة مو وقت اسئلتكم هسة خلص امشن ..

طلعت عمتـي وراحت وياها أم البنين و جميلـة و طيبة الزهراء و وهج الطف

ولمـن وكفت كدامنـا رحمـة الزهراء و هي لازمـة أريج الله وهذول الحيوانات صارو يرمون بالهوى

وصرت اسمعهم يصيحون بعد ما ابوي نزل الهم

( هي 10 دقايق اذا ما نزلت البت ميتة النا راح نفوت ونكتل شكوو واحد رضى بالعايبة وستر عليها )

هنا إريج الله بدت تبجي ححيل واردفت ويانة

أريج الله :: هم يردوني خلوني ارووح والله قابلـة خلوهم يكتلوني بس انتم لا يصير بيكم شي الله يخليكم خلونييي ارووح واذا على حقي ف اخذة فوك يم رب لا يضلم ولا شي بس هسة خلينا نهدي النفس وهاي مراح تهدى الا بموتي ..

انا هنـا لبست السلاح وحطيت ايدية على خدودها واردفت وياها واني ابوسها براسها ..

علي الباقر :; والخلقــج وخلقـني يا بنت امي وابوي اكسرلج زلـم واحطلـج فوك الزلم نسوان اذا فكـر واحد يمس شعرة منـج وعلي ما خلقتـة امة ولا جابتة ولهسة ما حبلت بي اليفكر ينزل دمعتج لو يمس شعرة منج و علي الباقر عايش ويشم الهوى ..

المعتز باالله :: اروحنا تطيح تحت اجدامج والكافل خدر اختـة اذا صح الامر نموت كلنا ياالله نخليهم يتگربون منج ..

علي السجاد :: لا تبجين وانت عندج اخوان يكسررون الجبل اذا صارت صدك إريج الله ولج انتِ امنا وابونا مو بس اخت النا وعلي نحرك لجل عينج الديرة واهلها ..

بعد كلام الولد حضنتها وراحت وي رحمـة الزهراء
ونحن نزلنا جوة كل واحد هو وسلاحة ومنها عرفنـا ان اني قامة داخلـة ابطني وطالعـة !!! لهاذا جنت انزف ..
والمعتز باالله جان ماخذ طلقة بيدة

من الهوسة والتشويش ما حسينة بِ ولا شي انا بالي جان يم اختي بحيث حتى الطامة من دخلت بية وطلعت الله شاهد ما حسيت بيها ولا ادري شوكت ويمتا

والمعتز باالله جان ميحس لان جان صواب حر
بس اول ما حس بالوجع انتبه لروحة وانتبه لطلقة وهم ما اهتم اخذ اشماغ ولف ايدة بي وطلعنـا للطارمـة وصحت بيهم ..

ولمن وكفــو حتـى يسمعوني اجى النقيب زبير وي مجموعـة من الشرطة وصار يبعدهم بس هم ولا جنهم لا اهتمو لشرطة ولا لشي

واردفت وياهم بخصوص موضوع صديقـة اريج الله واهي اكيد ورة القصة كلها لان اريج لمن صعدت السيارة جانت صديقتها هي التسوق مو ولد مثل ماهم مفكرين

ولمن طلبو يتأكدون اخذو منـي اسم البنية (صديقة إريج الله ) وعنوان بيتهم ودزو ولد من عدهم ما قبلوا واحد من عدنا يروح لان حسب ما هم يفكرون ان نحن راح نتستر عليها وما راح نكول الصدك ..

بس زبير ما قبل لهاذا راح البشير قيصر و وياه اثنين من الولد من جماعتهم حتـى يسألون عن البنية ويجيبوها هي وابوها ..

ولاحضت زبيـر اخذ علي السجاد لصفـحة وصار يحجي وياه

"" أريــج الله ""

مادري شنو صار وشلون صار هيج فجأة وبلمح البصر اخترب كلـشي وانهدم كلـشي بيا وقت

اشوف ابوي رافع القامـة بوجهي
وجاي يكتلنـي واني تعب اسنينة ؟؟؟
شلون هيج صار ما اعرف ..

جنت امشي اني و رحمة الزهراء لنروح لغرفـة امي لكيت شبير بالممر جان يباوع الي وعيونـة مغوركـة ادموع

فتحت ايدية الـة واجـى وحضني حيل بثنين ايدية ضميتـة لصدري واني التعب مصبوب على راسي

ولمن ابتعد عنـي اردف وياي

شبيـر :: عمـة لا تفكرين ولا تبجين والله ما راح يحلمون هيج بالحلم ما راح اخليهم يوصلون الج لا تخلين هذول اشباه الرجال ببالج وتخافين منهم وانت عندج اولاد اخو مثلي انا و شبر وعلي اذا وصلو وحطو السلاح براسج فَ راح تشوفينا متوذرين كدامج غير هاي ما راح نخليهم يوصلون ..

" رحت وبستـة على راسـة على هاي الشجاعـة الجان شايلهـا ..

ونزل كدامي و لمن دخلنـا للغرفة داخت رحمة الزهراء لزمتها من ايدها و كعدتها على الجرباية

وانطيتها ماي تشربة ورحت فتحت البردة وكعدت اشوفهم شلون متجمهرين وكل واحد اسلاح شكل بيدة وعرفت هاي السالفة ما راح تكضي على خير

وأن راح تصير كارثـة والسبب انا ..

اتذكرت سيارة علي الباقر ضلت بالباب الخلفي واكفة والمفتاح بيها ما اتذكر علي الباقر شلع المفتاح ..

انداريت ولكيت رحمة الزهراء حاطة ايدها على راسها لان حيل داخت ..

رحت ليمها وحطيت ايدي على كتفها واردفـت ..

أريـج الله ;; راح انزل واصيح لامي تبقى ويانـة حيل محتاجة حضنها انا هسة بهل وقت ..

رحمـة الزهراء :: لاا لتنزلين اناا هسة اروح اصيح الها

_ لاا رحمة انت شوفي حالتج ابقي هنا وهم راح بطريقي اجيب الج عصير من المطبخ تشربينة

_ إريج لااا كتلج متنزلين لا تلكين واحد جوة وتصير النا مشكلة نحن مصدكنة على الله نبعد. عمي عنج

_ رحمة تعاي شوفي بالشباك الكل بالشارع حتى زوجج اجى واخواني واكفين على الباب الله يخليج 5 دقائـق خليني امشي شوي ..

_ اريج خمس دقايق صيحي للعلوية وتعااي

_ صاار ما اتاخر

بست رحمة الزهراء براسها وحضنتها وفتحت الباب ونزلت اخذت اخطف بخطواتي

لمن نزلت الدرج لكيت امي و عمتي كاعدات على الكنب بس منطياتنـي ظهرهن

مششيت بهدوء تتام بحيث ما حسن علية وفتت للمطبخ فتحت الباب الخارجي بهدوء وطلعت لشارع

لكيت السيارة بنفس مكانها عرفت ان علي الباقر ما لحك يوخرها ولا يشيل المفتاح لان من دخلت انا وياه هو التهى ..

فتحت باب السائـق وصعدت وشغلت السيارة وطلعت بيها اني اعرف اسوق
( انا و رحمة الزهراء اتعلمنا السياقة سوة من البشير قيصر بس رحمة الزهراء لان جانت مستشفى تروح وترجع اشترت سيارة خاصة بيها وصارت هي تروح وترجع وانا لاا محتاجيت السيارة لان اخواني جانو متكفلين بية بروحتي ورجعتي ف بس اتعلمت ما اشتريت سيارة )

وطلعت بيها وصرت اخطف الطرق الامشي بيهم
جان هاذا التصرف بالنسبـة الي حتى اخواني يضلون بخـير لان لمن شفت هلحوانات بالشباك

ما شفت ناس بشر طبيعيين مثلـنا انا شفت وحوش و حيوانات ..

ولان ماريد احد يموت لو يتأذة بسببـي انا تركت البيت ورحت للــ ما اعرف وين

بس لان ببالي جانت هاي الطريقة الوحيدة الناس راح تعرف اني هربت وراح تعوف اخوتي بحالهم ..

مشيت واني الدمع ما نشف من عيني ..

مشيت واني احجي وي نفسي وجنت اتمنى هلكلام تسمعـة امي ..

__ يا يمّه ناديتچ بدمعة وگلب
ذاب بية الأمل وانطحن بيّه الحَطب

چم حلم عندي تلاشى واندفن
وچم ضحكة انطفت بصوت العتب

أبويه يريد يسلّ سيفه علَيّه
يگول: "غسل العار.. هاي الوصيّه"

بس يا حسافة، ما يعرف شنو الصار
أنا العفيفه.. وأنا الطاهره بالنيّه

ما خانت روحي، ولا چان بيّه
غير نظرات خوف.. وسكوت النيّه

يحكم عليّه وما سمع گلبه
ولا گال يمكن مظلومه هيّه

اخخ يا اخووتـي ما انسى اخوتكم لو مهما دار الزمن عليـة غير تتمنى عدها واحد منكم واني جان عندي 13

إن شاء الله تكدرون تكملون حياتكم من بعدي وما اكون انا سبب دمار أو اي شـيء ..

بقيـت امشي بالسيارة وامشي وامشي واني اسرع لان ماريد انطيهم فرصة يكدرون يلحكوني ..

""" علــي السجــاد ""

ونحن منتضرين يوصل البشير قيصر و الولد علمود خلص نثبت اخُتنا ممسوية شي غلط واكو من جاي يلعب علينة ..

دخلـت لجوة وصعدت لغرفتي فتت لكيت ليــنا جاي تنوم بالاطفال رحت ووكفت كدام الشباك و شلت البردة و صرت اباوع للشارع واشوفهم
شلون واكفين ومتهيئين ..

وكفت ليــنا وراي واردفت :

ليــنـا :: شنو صاار راح يبقون هيج هذول ؟؟؟

علي السجاد :: ما راح يرتاحون لحد ما يذبحون اريج الله ..

_ وهيج تكولها عاااديي يردون يذبحون اختي

_ وشترديني اسوي اهوس واكللهم لا تذبحوهاا ؟؟ هي غلطت وخلص خلها تتحمل مسؤلية غلطها

_ علي السجاد اختك هاي محد يعرفها غيرك انت الكبرت وياها اذا انت تكوول هيج شنو تترجى من الغريب لاا بعد كلامك ما راح انصدم من هلنماذج الواكفين برة ..

" اتقصـدت احجي بهاذا البرود وعدم الا مُبالا لان جنت اريد اتأكد من شي بِ لـيــنا ..

علي السجاد :: ما بيدي شي اذا يردون يذبوحها هاي بالغرفة هي خلها يفوتون ويذبحوها واصلاً الموت راحة الها لان اذا ما ذبحوها هذول راح يذبحها كلام الناس عمرها كلة

_ صدككك تحجي انتَ ؟؟؟؟ علي السجاادد اريج الله هااييي والله العظيم اذا ضليت هنا راح يفوتون صددك ويكتلوهااا ؟؟؟

_ زين عادي اسألج سؤال ؟

_ شنووو ؟؟؟

_ إبـووج سائد جبران راح يفوت وياهـم ويكتلها مثل ما خلاج تكتلين تحرير و عمي ؟؟؟؟

_ ..............................

━━━━━━━━━━━━━━━━━━━━━━━

__ ‏ولا تُنكِرَنْ عَتْبي عليك فإنّــه
جميلٌ وشرّ الناس من لا تُعاتِبُـهْ
أُعاتِبُ من أَهْوى على قدْرِ وُدّهِ
ولا وُدَّ عندِي للذي لا أعاتِبُـهْ

يَــتــــبِــــع ☜✱☞

━━━━━━━━━━━━━━━━━━━━

_ جـان بخاطر إريج الله تكول لسيد علي الباقر قبل ما تروح عنــة ..

【 أحــضنــي لحد ما ينطبــع
كون علـى جسمــي اذراعــك
يالــــمــا يهـــزك كُل جمــــع
يـــابـــويــة هزني اوداعك 】