رواية احفاد السيد : الثار ( بأجزائها الإثنين ) الفصل السادس وثلاثون 36 - بقلم ​رُقَـيَّـةُ الْأَكْـبَـرُ

بسم الله الرحمٰن الرحيم
اللهم صّلِ على محمد وعلى ال بيت محمد

﴿الباقيات الصالحيات ﴾
الحمدالله
سُبحان الله
الله اكبر
لا اله الا الله
لا حول ولا قوة الا بالله
حسبي الله ونعم الوكيل

الکَـــاتـبة ﴿ رُقــَـيّــة الأكـــبـَــر ﴾

➖ بقلمي روايــة ﴿ ضـحـايـا الـثـأر ﴾

➖ المعروفة والمنشورة باأسم ﴿ احـفـاد السـيد : الـثـار ﴾

✨ التَـــعـِب عَليــنـا والتـَـفاعـِـل عَليـــكـُم ✨

✨ قبل القراءة اترك تصويت تقدير للتعب لطفاً ✨

______________________★______________________

- لمُتابعة حساب الكاتبة -

انستكرام || o.oll13

تيك توك || oo_ll13

قناتُنا تلكرام || oo_ii13

واتباد || oo_ll13

______________________★______________________

- ‌لو صابر أنت عليّ صدگني أعوضك عمر بس أنت هيجي رحت
ما فكـرت تنتـظر گتلك حياتي إلك وشيصير ما بدلك
والجرح بيـة بقى لو بيك ما عفتـه جائز أكون السبب وجائز تكون أنت ؟
بس هي رحلة عمر وكلشي إنتهى بوكته قصة وطواها الزمن
رحلة انتهت وبثمن وبين چبير الفرق وين اني وين أنت ؟

↓↓↓

- يَون كَلبي عليَچ حيَل مشَتاگلچ وابَد ما فاركَت عَيني صورچ
صبرت هَواي مليت مَن الفَـراك الكَلب مچَروح مايَتحمل موتج

↓↓↓

- راحَت والبيَت وحَشة مَن دَونهَ يلـ مگبرة اترِجاج نحتآج حفيدتنا

______________________★______________________

بعد ما كعدت لينا لكت محد بالمكان بس هي
و سائد جبران و بندر ماخذين كلشي من المكان اغراضهم و جثة بنتها وطالعين
جان ما باقي منهم بس قميص نور الزهراء المتغطي بالدم

ركضت واخذت القميص ضمته لكلبها وطلعت لبرة تركض راحت لشارع وطلبت تكسي صعدت بيها و رجعت لبيت السادة

وهي تفكر شلون بنتها ماتت كدام عيونها بنفس الطريقة الي قتلت بيها تحرير بس الفرق بنتها مااتت بطريقة أبشع

بعد ما دخلت للبيت وهي ضامة القميص جوة عباتها ركضت الها رحمة الزهراء و العلوية وجانوا يردون يفهمون وين جانت لان السادة كلهم طلعوا يدورون عليها

وليش نور الزهراء مو وياها حفيدتهم وين ؟؟

العلوية :- هي وين چنتي خرعتينا عليچ ؟

رحمة الزهراء :- تعي اكعدي هنا شبيج ليش هيج حالج وين جنتي لينا ؟

- علي السجاد وينة ؟

العلوية :- يعني وينة ابني حلگة نشف من الغروب وهو يركض من مكان لمكان يدور عليج وينج و أنتِ مو ماخذة وياج نور الزهراء وينها ؟

- أتصلوا على علي السجاد خلي يجي

:- حفيدتي نوارة وينهااا ليش مو وياج ؟

- اتصلوا على علي السجاد خلي يجي بسرعةة

رحمة الزهراء :- راح نتصل بس ريحي كلبنا أنتِ وين نور الزهراء وين جنتي ليش هيج حالج لا تخرعينا

- حصعد لغرفتي من يجي علي السجاد اسولف كلشي

:- هي شبيها لج حفيدتي وين هيييي ؟

رحمة الزهراء :- خالة أهدي اكيد مابيها الا كل الخير هسة اتصل على علي السجاد ويجينا ونفهم بس اهدي لا يصعد السكر عندج

صعدت لينا لفوك وقبل لا تروح لغرفتها مرّت على غرفة علي الباقر دخلت اخذت منها شغلة وبعدها طلعت وراحت لغرفتها وقفلت على نفسها الباب

راحت سحبت الكرسي وثبتت تلفونها بمكان وكعدت على الكرسي كدام التليفون وشغلت التسجيل فيديو

______________________★______________________

"""" شُبــيـــر """"

طلعنا كلنا وي عمي علي السجاد لان سمعنا خبر اختفاء زوجتة و بنتة وهو مخترع عليهن لأن أول مرة تسويها مرتة وتطلع من غير ما تكلة وفوك هذا ما ماخذة تليفونها وياها مايكدر لا يتصل ولا يعرف وين گاعها

اخذنا نمشي بالشوارع وانا جنت بالسيارة وي عمامي علي السجاد و علي الهادي و الفاروق الأعظم بالطريق وهم يحاولون يهدئون بي لان جان يسوق واحدة ترجف

علي الهادي :- تلكاها رايحة لشيء مكان عادي يخوي تصير سوالف النسوان ما تفض

:- ما تسويها لكم هي الكم ما تنزل مو ادور تعوف اولادها وتأخذ نور الزهراء وتطلع من البيت كلة وانا ماعندي علم مستحيل تسويها مااكو متسويها لينا

الفاروق الاعظم :- يمكن لا سامح الله نور الزهراء اتمرضت لو صار بيها شيء وانتم تكولون وقت العقد هي طلعت يعني ما حبت تكسر فرحتكم انا اكول خلينا نمر على المستشفيات ونشوفهن هناك أحسن شيء

:- شبير اتصل على الشيخ محمد شوف لينا عدهم وصلت الهم هسة اتصلت بيهم

- صار عمي هسة أدك

طلعت تليفوني واتصلت على الشيخ محمد إلي هو ابو لينا زوجة عمي
وعرفت منة ان صالة هواي ما متواصل وي لينا ولا يدري شخبارها وما أجتّ الهم من يوم الزعلت ورجعت لعمي

سديت التليفون واني مستغرب شلون لأبو هيج يهمل بنتة؟ حتى لو جانت متزوجة وهو مطمئن عليها عيالها خوش ناس هذا ما يعني لازم هيج تچافيها تبقى بنته !

حجيت وي عمي السمعتة من الشيخ وصار قرارة يسمع كلام الفاروق الأعظم ونمرّ على المستشفيات واني بهذا الوقت اتصلت على أبوي

- هاا شبيري صار شيء وياكم ؟

:- لا بوية انا اتصلت اسألكم لكيتوا شيء

- لااا مالهن اي أثر فص ملح وذاب علي الباقر وياكم ؟

:- لا بوية عمي علي الباقر مو ويانة

- چاا وينة هذا ؟؟

:- ماادري

- خلص بوية لا تعوف عماممك ابد وين ما يرحون رچلك على رجلهم وياكم الفاروق الأعظم مووو؟

:- اي بوية ويانا

- خوش خليك وياهم واذا صار شيء لا تتردد تتصل وتكلي خوش

:- ان شاءالله

- بالك لنفسك بوية

سديت الخط ونزل عمي علي السجاد و الفاروق الأعظم دخلوا لأول مستشفى ونص ساعة طلعوا منها بدون نتيجة

رحنا للثانية و الثالثة والرابعة

وكلهن ماكو بيهن هيج معلومات عن لينا و نور الزهراء بقينا نمشي وحل بينا الوقت وكفنا سيارة ونزل منها عمي علي السجاد يصرخ لان الخوف صار عندة عالي اتجاه زوجتة وبنته

:- وين يعني ياالله وين راحوا وين همّ ؟

علي الهادي :- تعال خوية خلي نرجع للبيت ونشوفهم خاف راجعين هسة ما تفيد هي وكفتنا

:- ولكم شلون ارجع وين تردوني ارجع المرة وياها بنتي ولكم نور الزهراء وياها تردوني افوت لبيت ما بي نور الزهراء ؟؟

الفاروق الأعظم :- ليش هسة أنتَ چي تنوح وكأن ما تشوفهم بعد علي السجاد أهدأ وخلينا نرجع هسة راح تلكاهم بالبيت

:- لون ما لكيتهم هناك وين اروح ؟؟ وين انطي وچهي ؟

علي الهادي :- بإذن الله تلكاهم تعال يخوي كلنا يمك وعلي ما تغمض عيوننا لما يطر الفچر اذا ما لكيناها نطلعهم من چوة الكاع ونخليهم بحضنك مثل ما نور الزهراء بنتك هي بنتي

:- ولكم نور الزهراء هي نور الزهراء هي نور عيوني وهي النورت حياتي ولكم هي صارتلي النور لقزح عيوني عگبها مااوچد

شُبير :- هي عمتي رحمة الزهراء اتصلت تكول ان عمتي لينا رچعت للبيت وتريدكم

:- صدگ تحچي ؟

علي الهادي :- شوف شكتلك هي رجعوا تعالل خلينا نرجع واحضن نور الزهراء واشبع منها .

ركض عمي وصعد بالسيارة بسرعة وبعد ما صعدنا كلنا اتوجهنا للبيت ..

لمن وصل علي السجاد وإخوانة للبيت دخلوا وكعدوا بالصالة يم امهم و رحمة الزهراء يفهمون السالفة وجان الفرق أبين چية لينا و دخلة علي السجاد للبيت
هي " ساعة " كاملة

:- لينا وين ؟

العلوية :- صعدت فوك لغرفتها

:- وين جانت وليش هيج طلعت وسوت بينا ؟

رحمة الزهراء :- ما سولفت شيء اول ما طبت كالت لمن يجي علي السجاد انا راح اسولف كلشي وجانت حالتها ما تتسولف

:- شنهي ما تتسولف بنتي بنتي نور الزهراء وينهااا ؟

العلوية :- ماهي

علي الهادي :- شني الماهي مو چانت وي امها؟!

رحمة الزهراء :- صحيح هي المفروض وي لينا بس لينا فاتت علينا أيد ورة وايد كدام

:- شني يعني نورايتي هسة برة البيت ؟

العلوية :- ولك يمة روحي رايحة على حفيدتي نزل مرتك خلي تفهمنا شني السالفة والطفلة وينهاا

الفاروق الأعظم :- شني الصوت هذا؟

علي الرضا :- حسيتة چاااي منن فووك

العلوية :- يمةةة البنات والأطفال فوووك

رحمة الزهراء :- لكك اييي الصوت من فووككك

وقت ما جانوا يسولفون اجاهم صوت طلقة طلعت من اسلاح وجان الصوت كلش قوي و واضح جايهم من فوك من وحدة من الغرف

صعد علي السجاد و السادة يركضون لفوك والدرج سّووه عبارة عن بايتين من السرعة مالتهم لمن اطمئنوا على طيبة الزهراء و ام البنين و علي التقي و علي النقي الجانوا عدهم

ركضوا لغرفة لينا راد يفتحها علي السجاد بس ما كدر لان مقفول الباب أخذ الفاروق الأعظم وكسر الباب برجلة

ولمن دخلوا لكوا لينا واكعة بالكاع والدم ترس الغرفة وضاربة رأسها طلقة وجان الطلقة طالعة من سلاح علي الباقر

راح علي السجاد ووكع يم رأس لينا وشال راسها خلّى بوسط حچرة وكعدت يحجي وياها وهو يمشي ايدة على وجها وجان يبجي من حيلة

بالوقت نفسة جان تلفون لينا مشتغل بي تسجيل فيديو انتبه آلة علي الرضا راح ليم التليفون ووكف الفيديو

:- شلون هيچي تسوين بية ؟ لا أنتِ ما تموتين ما لازم تموتين لينا !! ابوي ولج لينا فتحي عينج شلون هيج انطاج كلبج تعوفيني ليش حتى تنتحرين؟ سويت شيء اليأذيج بيج شيء بوية ليش تردين تغمضين عينج وما تفتحيهن بعد ولج ليش هيج علي التقي و علي النقي وين عفتيهم مو ما تكدرين على فراكهمم ؟؟
ولج ليانتي ولج يا كل دنيتي فكيلي عينج بس ردي علية بنتنا وينها ؟ ليانتي بس كليلي الدرة الي جبتيها لحياتنا الي جانت تشبهج وينهااا
على الأقل خلي تبقى هي وياي تذكرني بيج ولج بوية نور الزهراء وينهااا مايصير والله ما يصير انتم الإثنين وبنفس الوقت ترحون ؟
بنتي نور الزهراء وينها ولج جاوبيينييي وينهااا وينهااا

علي الرضا :- لينا مصورة فيديو قبل لا تنتحر!

علي الهادي :- شغلة خلي نفهم السالفة كووم علي السجاد كووم عنها اتصلت على الإسعاف راح تجي حتى تشيلها وخر عنها

:- لااا ما اوخر لحد ما تكلي بنتي وين ما اسمح الها تموت وبتي بس أهي تعرف مكانهااا

الفاروق الأعظم :- علي السجاد شوف هذا القميص اليم رجلين مرتك

صرف علي السجاد نضرة لمكان رجلين لينا وشاف يم رجليها قميص لطفلة وجان يعرفة قميص بنتة سبق الة وهو صور وي نور الزهراء وهي لابسة هذا القميص

بس ما جان علية دم راح واخذاه وصار يحجي وياهم ..

:- هذا قميص نورايتي هذا قميص نور حياتي بس هوو ما جان علية صبغ احمر ههه ليش هيج هسة متوسخ بهذا الصبغ الأحمر ؟

طرق مسامعة صوت لينا بيوم من الأيام كالت الة

لينا :- لحد هي اللحضة انا سويت العلية وخلصت كلشي بقى يمي بس اخذ كلبك واخليك تهوجس وراي وما تكدر تنام من حُبك الي واني اعتذر الك اذا بيوم من الأيام راح اكسر كلبك لو ااذيك بس انا احبك حيل وهي أطفالنا راح يصيرون زرعة حبنا انا زرعتهم بكلبك بس اذا شاء الله وما دمت الكم ماريدك تحجيلهم بالمو زين عني
وخطي الاعتذار مالتي يبقى مطبوع بكلبك وروحك وبعمرك ماراح تنسى لينا

هو هنا خلّى القميص على الجرباية والتفتت لإخوانة وهتف وياهم

:- خلونا ننزل لجوة

جانت بس هي كلماتة وي إخوانة بعدها تركهم وسبقهم لجوة لمن طلعوا لكوا طيبة الزهراء و ام البنين واكفات بالباب وكل وحدة شايلة طفل شافن منضر لينا

راح علي الهادي وسحب ام البنين ونزل بيها و علي الصادق أخذ طيبة الزهراء ونزل

لمن انجمعوا كلهم بالصالة اخذ علي الرضا وبث الفيديو بالتلفزيون وشغلة وجان الفيديو عبارة عن لينا كاعدة كدام الكاميرا

وتسولف الهم منو هي وشلون دخلت حياتهم وشلون الشيخ محمد سواها هي و انمار أولاده وقنع عبد الحسن حتى يصير الزواج وتصير هي يمهم شلون دخلت لحياتهم وشلون قتلت تحرير و بعدها شعلة الفتنة ابين علي الباقر و علي السجاد لان جانت غايتها تخرب الإخوة
وشلون زادت الجرعة بعلاج عمهم الحسن المجتبى وخلّتة يموت على البطيئ بسببها
وشلون دزت اخوها و جماعة على غدير الله اعتادوا عليها بالضرب و هم الي قتلوا طفلها و حرموها تصير أم جانت هي خلف هي الكارثة
ورجعت سولفت الهم شلون سائد جبران ضحك على عقلها وبنى فكرة خطأ براسها واخر شيء طلع هو قاتل اهلها وهم أخذ بنتها نور الزهراء وهو قتلها كدام عيونها وضربها على راسها وبعد ما كعدت لكت اخوها و سائد جبران ماخذين جثة نور الزهراء وطالعين وبس قميصها مخلينة
وآخر شيء هي برئت سائد جبران من قضية أريج الله وكالت صح هو خلاني اسوي كلشي بس هو ماله علاقة بالصار وي أريج الله
.. وهنا هي ضربت نفسها كدام الكاميرا ..

وجانت أخر كلماتها ...

لينا :- أعرف كلشي سويتة ما ينغفر ابد تركت بداخل كل واحد بيكم أثر ما ينمحي كل حياته هناك من حرمتة من اخوة واكو من يتمتهن وقتلت أبوهن وهناك من انا السبب بحرمانة من بنتة بس انا هم مالي ذنب أعترف جنت غبية لدرجة ما تعقل بس هم مالي ذنب ومابية اعيش بهذا الذنب لآخر عمري بنتي ماتت كدامي
نور الزهراء الي جانت علي السجاد يشمها شم من نحرها الي نفسه الي انا اسمي ابوي هو كطع نحرها اخر شوفة علي السجاد لبنتة لمن امس حط نور الزهراء على صدرة وحس بدكات كلبها وهي نفس كلبها الي بيد ابوي وكفت نبضاتة
نور الزهراء ضحكة بيتكم و درة كلب علي السجاد ماااتت وانا چتالتها انا بيدي اخذت بنتي للموت انا المسؤولة على كلشي صار الكم يا بيت عبد الحسن وهسة راح أنهي هي القصة كلها مابية اسمع اعتابكم لو كلامكم بعد شوفتي لبنتي وهي تموت انا مالي عيش أبد علي السجاد .. حاول تلكى سائد جبران واعرف وين ودة جثة بنتنا وسويلها قبر خليها ترتاح بقبرها وسامحني احبنك حيل الله يشهد
شوفني شكد احبك لدرجة ما اتحمل اشوفنك تعاتبني لو اشوف نضرة كره بعينك الي مااكدر اشوف هيج اهون علية لموت

هنا هي رفعت السلاح وضربت نفسها وي هي حرگتها الفاروق الأعظم شمر الكلاص البيدة على التلفزيون من حرگة كلبة وهو يسمع إخوة الصغير شلون ماات

وجان يريد يصعد ويكمل عليها بس لزمة علي الرضا و شبير

الفاروق الأعظم :- طلعت هي أخوي مات من وراها ما مات موت الله جان اكو أمل أخوي يعيش بعد والله كتب اله العمر بس هي ما انطتة مجال ولكم هي الحرمت تحرير من ان يعيش ويشوف الدنيا حرمت أخوي من الحياة

رحمة الزهراء :- عمت عيوني عليك بوية عمتتت عيني علللييك بووية اااه يمة

العلوية :- كلهذا الوقت الي مدمرتنا عايشة بيناتنا ونحن ما نعرف جانت كدام عيوننا وتشوفنا شلون نتعذب وفوك هذا كلة جانت تتلذذ بهيج مناضر

:- نور الزهراء!

الفاروق الأعظم :- تحرير

رحمة الزهراء :- أبوي

علي الرضا :- أبن غدير الله

وقت ما الكل كاعد يجمع أفكار ومنتضر يستقبل الصدمات الي انكالت بفيديو واحد عبارة عن 30دقيقة

سمعوا صوت الأسعاف بالشارع طبن النسوان لجوة وفتحوا الباب السادة ودخلوا المسعفين بعد ما گادهم شُبير شالوا لينا وطلعوا بيها

وبنفس الوقت أجت وياهم الشرطة صاروا يشوفون الغرفة وأخذوا السلاح والبصمات وأخذوا السادة كلهم وطلعوا من البيت

بقن بس النسوان أخذت رحمة الزهراء طلعت لبرة تبجي واتصلت على زُبير

:- الووو زُبيرر ويينك

- هلا علويتي خيرچ شبي صوتج ولجج؟

:- زُبير اخوواني الحگ اخوواني

- شنوو شبيهم إخوانج ؟

:- قبل شوي أجت الشرطة وأخذت
علي الرضا و علي السجاد و علي الهادي و الفاروق الأعظم و علي الصادق و شبير

- خيرر ليش أخذتهم شنو مسوين ؟

:- ولك زوجة علي السجاد لينا انتحرت وهم اجوي وأخذوا إخواني

- انتحرت!

:- اييي اييي زُبير وعلي روحيي راحت الله يخليك إخواني لا يصير الهم شيء بداعتي سوي شيء

- أهدي ماكو شيء دام البنت هي منتحرة هذا اجراء يصير عادي كم سؤال و جواب وراح يرجعون هسة اتصل واشوفهم بيا مركز راحوا هديلي نفسج

:- خايفة عليهم زُبير لا تشوف شنو صار هنا

- جنوبيتي راح ارجع وي إخوانج وعيونج راح اجيج وهم وياي انتضريني

:- انتضرك انتضرك ..

سدت التليفون وبقت تبجي الجانت تعتبرة مات موت الله طلع مقتول الي للحضة اتقبلت فكرة ان الله هو الي أخذ امانتة طلع لاا ابن ادم هو ماخذ أمانة ابوها

حطت وجها بوسط جفوفها وصارت تصرخ على يا جرح تنعى ويا جرح تعوف وتوها تسمع نور الزهراء شلون مااتت هي نفسها الطفلة الي امس تلعب بحضنها وتتمنى تصير عدها بنت وتطلع شبه نور الزهراء

طلعت طيبة الزهراء وكعدت يم رحمة الزهراء وحضنتها وصارت وحددة تواسي الثانية على مصابهم الجبير ويتذكرهن مواقفهن وي ابوهن الي انحرمن منة والسبب لينا صح جان مشلول بس مجرد يسمعن صوتة خلص الدنيا تصير اللوان بعيونهن

← فَيي الســـابـــق →

طيبة الزهراء :- اه بوووويةة بووويةةة

الحسن المجتبى :- بهدداايي على كيفج شمالج

:- بوية اعزيز وراااي

- شنو مسوية الة ولج ؟

:- بوووية والله ما سويت شيء بس كالي لا تطلعين بهي الصدرية وانا طلعت بيها وهسة هو جايني حباب لا تخلي يسويلي شيء

- وأنتِ ليش تعاندين أخوج!

:- بوية شووفف الصدرية ما بيها شيء بس هو مخلي عقلة بعقلي لا تطلعين ولا تسوين أهم شيء يمشي كلمتة

- تعي صيري وراي وما راح يگرب عليج

:- بوووية يسحلني من شعري والله

- بظهري ما يمسج بشعرة تعي تصيري وراي بسسس لمي شعرج للاحتياط

:- اهههههه ببووييةة

- ههههههههه تعي يروح ابوج وطيبة كلبة أنتِ جعدتي ياهو اليتگرب لجعدة علوياات أبوي وابوها موجود ؟

:- محد

- چا خليج بظهر ابوج وبالج وكلبج مرتاحين دام المجتبى بعدة يشم الهوى ما يصيرلج شيء ولا تنزل دمعتج

← مشهد ثــــاني →

الحسن المجتبى :- ها شيخة اشوفج متخصرة كدامي ؟

رحمة الزهراء :- الساعة 12ظهر اتغديت ؟

- اي الحمدالله

:- ألف عافية يرويحتي اعتذرلك تأخرت بالمستشفى

- أنتِ اتغديتي ؟

:- ايي يرويحتي اتغديت وي جمال

- عافيات يبوج

:- علاجك وقت علاجك هسة اتاخرت علية سودة علية أول وآخر مرة أفضل الدوام عليك ادور اكسر دوامي واجيك لأن ادري بيك تغلس على العلاج وما تاخذة

- الموت حق شكو علاج ومبهذل الروح

:- بس الله ما يقبلها تمرض روحك وتهملها هو انطاك امانة نضيفة غير تردها نضيفة تريد ترجعها متعلعلة من المرض ؟

- مااكدر للسانج

:- وانا مااكدر اشوف يمسك شر هاك يروحي اشرب علاجك

- لا تعوديني عليج هييج وتخليني ما أخذ العلاج إله من ايدج

:- ليش ؟

- لأن باجر أنتِ تتزوجين وتلتهين وي زوجج تكدرين تجيني كليوم وتنطيني علاجي؟

:- هههههه ومن كال انا افاركك ؟

- شني تبقين بدون عرس ؟

:- لاااا مو ابقى بلا عرس انا اتزوجك بسس

- بس شنو

:- اسحل العريس واعيش هنا ابقى عايشة على كلبك

- وانا عايش عليكم

:- يلا حبيبي اخذلي هذا علاجك هم شنو امي وينها ؟

- زعلت مني وركضت لبيت اختها

:- اااف وليش زعلت ؟

- لا تشوفين امج جبيرة ترى بعدهي عقلها أصغر منكم

:- ههههههه شنو شبيها

- تريدني انزل وياها علمود تتسوك واختار الها اغراض وانا ما قبلت لان تعبان زعلت وراحت لأختها

:- ههههههه يوو بوية ليش كسرت بخاطرها خطية يعني فوك ما تريدك تنزل وياها وتشاركك بكلشي

- ولج ويني وين الحيل انزل وياها لدوخة تريد تاخذج تأخذ أختها اني لا بعيد عن السالفة هي

:- لازم تحضر روحك تروح مشية وتراضيها

- هههههه ترد لوحدها ما طردتها انا

:- يعني ما ترروح ورراهاا

- لاااا

:- عززةة بووية وعلي تنفچر علينة استرنا وروح راضيها وردها للبيت

- اليطلع لوحدة يرد لوحدة

:- ههههههه ياالله على عنادك

- روحي سويلي جاي ما خلتني امج اشرب جاييّ

:- صاارر من عيوني الإثنين أحلا واطيب جاي يجيك

- بعد روح ابوج الله يديمچ الي يالحنينة

=======

مَو هَيچ تفقنِة تعَوفنة بسرِعة وعلى ذيَچ المحنِة مَيلوك الوداع
متِلوك عَلى طِولك نِومة الگاع ياگلمة هَلا بحَلوك السبَاع
صَدك طِولك يَبوية يلمَة التِراب يبَو وكفَة الحَلوة التِسوة الگتاب
على مَوتك يبَوية نِشك الثيَاب كبرنِة الحزن سِوانة شَياب

======

← في الوقت الحاضر →

سد زُبير الإتصال من رحمة الزهراء وطلع بوجه للمركز وهناك عرف ان السادة راح يبقون الليلة هي عندهم لباجر الصبح ياالله يكدرون يطلعون

هو ما جان راضي للوضع وهذا وعد رحمة الزهراء خلص مايكدر يرجع الها إلا و إخوانها وياهم بقى يحجي وي ضابط التحقيق

زُبير :- بس سيدي أفهم

- زبير انتهى الكلام الجماعة ما يطلعون الا لباجر الصبح اذا طلع مالهم أيد بالسالفة

:- سيدي المرة انتحرت الله يرحمها هم شنو ذنبهم ؟

- ترى أنتَ مو غريب علينة لا تغشم نفسك عن اجراءاتنة زُبير

:- زين سيدي شوكت يطلعون ؟

- باجر الصبح اذاا مالهم علاقة بالماتت وبعدين السلاح القتلت روحها بي متسجل بإسم علي الباقر! وهو ما موجود وياهم وينة هذا ؟

:- موجود سيدي موجود

- وليش عندة سلاح

:- أضن مرخص سيدي لأن هو محقق جنائي

- لازم يحضر

:- تمام راح يحضر بس سيدي عادي تطلع الجماعة هسة و باجر الصبح بمسؤوليتي يجون لهنا يعني مو كافي مصابهم على بتهم النتحرت تكمل وياهم ولدهم كلهم شفت واحد ينسچنون وفوك هذا كلة هم سادة يعني لخاطر بخت جدهم !

- وداعت عيونك زُبير راح اطلعهم بس الليلة لازم تگضي وياهم تحقيق لهذا كتلك للصبح شعدك كاتل نفسك عليهم يصيرون ألك شيء ؟

:- سيدي تثق بية لو لا

- لو ما اثق ما انطيك هلكد مجال شنو عيني

:- اني أصير نسيبهم وأخذها من شاربي وحگ الخليفة علي ما ألهم علاقة بوية هم روحهم بروح بعض مو ادور يكتلون

- انا ماكلت كتلوا يمكن اكو محرضين البنت انتحرت وانتحار واضح لهذا اريد اسمع كم سؤال وجواب منهم وباجر من الــ7 الصبح تكدر تجي وتاخذهم

:- دام هيج تمام مابية احجي شيء بعد

- بس زُبير ضروري صاحب السلاح يحضر ضروري

:- لا هي هية سيدي راح يصير يمك

- خووش

طلع زُبير من المركز و اتوجه لبيت السادة و بعد ما فات للطرامة لكى بالطارمة رحمة الزهراء و طيبة الزهراء وهتفت أول ما شافتة كدامها

رحمة الزهراء :- هااا زُبيري أشوف چاي لوحدك شكوو ؟

:- الليلة راح يبقون بالمركز لمن يخلصون تحقيق باجر الصبح يطلعون

رحمة الزهراء :- يعني اليووم إخواني ينامون بالسچن ؟صدك تحجي زُبير

:- جنوبيتي إجراء هذا مااكدر احط شيء عليه بس تجزي هي الليلة وباجر يمكم هم علي الباقر وينة ؟.

طيبة الزهراء :- العلوية تكول راح للشغل هو طالع من الصبح

:- المركز طالبينة لازم يحضر أتصلت علية طلع مغلق

طيبة الزهراء :- شنو يطلبونة شنو يردون منة ؟

:- مرتكم منتحرة بسلاح علي الباقر لهذا طالبينة هم مثل باقي السادة مجرد سؤال و جواب وتنتهي القصة

طيبة الزهراء :- شنوو هي المصيبة الحضرت علينة ياالله يااعلي أدركنا

دخلت طيبة الزهراء لجوة ولكت العلوية وأمها كاعدات يبچن تركتهن وراحت لغرفتها وصارت تحاول توصل لعلي الباقر حتى تكلة شنو صار بأاخونة

أما زُبير بقى كدام رحمة الزهراء بعد ما أخذها من أيدها وكعدها علمود ترتاح لأن جان خايف عليها زعلى ابنة الي شايتلة هي
كعد زُبير كبال رحمة الزهراء لزم يدها الي ترتجف ونظرات القلق ما تروح عن وجهه

زُبير :- شني هاي المصايب التنزّل عليكم يا جنوبيتي؟

:- آخ يا زُبير يا فاجعتنا طلعت هيَّ الـ... هي القتلت أبوي وهيَّ السبب ابوي ما مات لان عمرة خلص هي الاخذت عمرة و هيهّ الچانت تنقل الأخبار لــ سائد جبران
طلعت الچانت عدنا مثل الأخت هيَّ الحية التلدغ وتضم روحها وكل هذا چان بسبب الشيخ محمد وذاك المجرم سائد جبران نور الزهراء زُبير نور الزهراء

- شنوو شبيها نور الزهراء ؟؟

:- بنتنا نور الزهراء ماتت ماتت بطريقة بشعة لينا كالت سائد جبران هو الذبحها گدام عيونها وجابت قميصها المليان دم وضمته يم گلبها وصعدت انتحرت هاي الچانت درّة بيت السادة نور السجاد راحت يا بوية علي السجاد شراح يصير بحاله؟ راح يتخبل اخوووي

- أستغفر الله لچ هذا شني! عقل ما ظل بالراس يعني نور الزهراء انكتلَت
يا ربي چنوبيتي هسه لازم تكونون أقوياء إخوانچ محتاجينكم باچر لازم البيت ما ينهار و علي السجاد محتاج رحمة الزهراء أخته أكثر من أي واحد ما يصير يضيع

:-آآآه يا زُبير، شنسوي شـ نحچي؟ المصايب تتراكض علينا تراكض هذا بيت السادة چان عالي هسّه انگلب سودة بوجهنا يا عيني يا نور الزهراء يا روحي اللي راحت غدر علي السجاد شراح يصبره؟ أخوي راح يضيع يا زُبير، راح يتخبل والله!

هنا زُبير يضغط على إيدها بحنان وقوة يحاول يثبتها بنظراته القلقة

- أهدي جنوبيتي كولي يا الله أدري المصيبة چبيرة ومو هينة بس لازم تصحّين
نور الزهراء صارت يم ربها ادعيلها بالرحمة علي السجاد يحتاجچ هسه أكثر من أي وقت أخوچ ما يطيق يشوف دمعة بنتة وهسة هو سمع شلون ماتت لا تكسرونه زيادة إنتِم سنده وإذا السند مال البيت انكسر البيت كله يطيح

هنا رحمة الزهراء تهز راسها بيأس وتحجي بصوت يرچف

:- صعب يا زُبير صعب حيل شلون اوگف كدامه واصبره وانا روحي محترگة لك لينا طلعت چذابة و قاتلة وهيچ سوت بنور الزهراء يا عمري على بنت السجاد شافت الموت بعينها وبعدين راحت بروحها علمود لا تضل بهالدنيا المسمومة

زُبير يتنهد بعمق يباوع بعينها مباشرة ويهتف

- لينا أخذت جزاءها وانتهت سائد جبران والشيخ محمد ما يفلتون من العقاب القانون ياخذ مجراه وربچ ما يضيع حق إنتِ هسّه لازم تفكرين ببقية العائلة إخوانچ بالمركز علي الباقر مطلوب هسة البيت محتاج قوة كومي يا بت الأصول خليچ قوية علمود اهلچ الجوة و ابنچ اللي ببطنچ هم ما يصير تنهارين ويشوف أمة ضعيفة

هنا رحمة الزهراء مسحت دموعها بطرف إصبعها وستجمعت قواها شوي شوي

:- حقك زُبير حقك لازم أشد حيلي بس شراح نكول لأمي والعلوية من يرجع علي السجاد شلون راح نباوع بوجه

- بالصبر والهدوء باچر لمن يطلعون من المركز أقرب لازم يتفهمون الصار صار قضاء الله بعد خليج وياهم وإني وياكم خطوة بخطوة ما أعوفكم أبداً وهسة يلا جنوبيتي كومي ارتاحي شوية وافكر شنسوي باچر

وكف زُبير بباب الطارمة يحس بثگل الحمل على چتافه لازم يواجه الضابط مرة ثانية ولازم يلكى علي الباقر التفت على رحمة الزهراء الي بعدها گاعدة بمكانها مثل الصخرة

هتف وي نفسة بصوت محد يسمعة غيره

- يا علي بروح الحسين ساعدهم المصيبة چبيرة والسادة ما يتحملون هيچي مصيبة أخاف لا يضيعون كلهم

طلع زُبير بسيارته من بيت السادة والليل ثگيل والسالفة چبيرة چبيرة عليه وعليهم

______________________★______________________

بـــ مركز الشرطة جان علي السجاد متحطم كاعد ورأسه بين يديه بعد ما سمع الفيديو كامل انهار بشكل تام

علي السجاد :- نور الزهراء يا بوية لچ ليش ليش يذبحهها هيچ؟ چانت نفسي بيها هيَّ درتي بنتي لا ياا ربّي ما شبعت منچ بعد؟ يا يمه نور الزهراء وين ودّيتوها وين؟

علي الرضا :- علي السجاد أهدأ الله يرحمها هسه لازم نفكر بـ الباقي

علي الهادي :- المصيبة مو بس بنتك يا علي السجاد المصيبة أخونا مات مچتول مات على إيدها شتگل للعلوية و شتگل للبشير قيصر ؟

علي السجاد :- بنتي أريدها أريد أشوف جثتها أريد أدفنها بيدي الله لا يرحمج يا لينا خنتي العهد وخذيتي روحي وياچ

الفاروق الأعظم :- أخخ يا عمي ويا خوية هي الكتلت نفسها ما لحگت أرد لروحكم ثار

بهذا الوقت فتح الباب الضابط سامر وهو صديق صَيوان وبنفس الوقت صاحب حامِد المتقين دخل عليهم بهدوء وهتف وياهم

الضابط سامر :- يا جماعة إهدوا كلامكم كله متضارب ومحروگ أصلا
لازم تفكرون بعقل تعرفون علي الباقر وين هسة ؟

علي السجاد :- ما أدري ما أدري عنه!

الضابط :- لازم يتصل بينا سلاحه هو الـ.

علي السجاد :- سلاح أخوي يا سيدي! شنو سلاح أخوي سلاح أخوي هذا شني كدام هيچ مصايب جيبوا لي چثة بنتي جيبولي سائد جبران و الشيخ محمد محتتارين بسلاح هذيج الحيوانة طلعتة من غرفة اخوي لك اخوي من الصبح ماهو بالبيت مخلينة هناااا بهذا الغرفة وقافلين علينة الباب وهذولاكي الي كتلولي بنتي وسلبوا منها طفولتها كاعدين ومرتاحين برة وتكللنا كلامكم متضارب و محروگ ؟؟

الضابط :- إهدأ علي السجاد باچر الصبح نطلعكم بس لازم الهدوء وهذا الشيء وارد نسوي دام انتم جنتم موجودين بمسرح الجريمة

علي السجاد :- مسرح جريمة يا مسرح جريمة سيدي؟ هذا بيتي! هاي غرفتي انا والي كتلت بنتي يعني نحن هسة موجودين هنا و وهذاك موجود بغير مكان مرتاح تريدني أهدأ؟ شلون أهدأ وبنتي الصغيرة راحت مني؟ الله ياخذهم كلهم مشتركيين بالدم

علي الرضا :- علي السجاد خلص كافي ما راح يفيد العصبية هسه

التفت علي الرضا للضابط سامر وكمل كلامة

علي الرضا :- سيدي إحنا متعاونين بس نريد نعرف شنو علاقة أخوي علي الباقر بالسالفة لان هو بعيد كل البعد عنها

الضابط سامر :- هذا اللي دا نحاول نفهمه سلاح علي الباقر شلون وصلّ لايد المنتحرة ؟ وماريد اسمع جواب هذا السؤال منكم لازم علي الباقر يجاوب

علي الهادي :- هسة اخوي ما موجود ويمكن لحد هي اللحضة ما يدري بالصار لينا هي القتلت نفسها بسلاح اخوي ليش تذبون التهمة على أخونا الغايب؟ هو وينه حتى يدافع عن نفسه؟

الفاروق الأعظم :- يا سيدي الضابط الكلام واضح لينا انتحرت بسلاح اخوي علي الباقر الي هو اساسا مخلي بالغرفة مالتة وما يطلعة يعنييي القتلة ما هم علي السجاد ولا علي الرضا ولا علي الهادي ولا أني ولا حتى علي الباقر
كلنا نريد الحق يبين والي نريده هسه تلكون سائد جبران والشيخ محمد بسسس لأن هم القتلة هم. لا تخلينا نحس إنكم دتضيعون القضية

الضابط سامر :- القضية ما تضيع كل نقطة دم راح توصلنا للحقيقة بس لازم كلكم تبقون متعاونين

علي السجاد :- يا تعاون هذا سيدي انا حيلي راح وي بنتي ماريد شيء والله بس ححاول تلكى هذول المجرمين رجعلي جثة بنتي اريد بس جثة بنتي

الضابط سامر :- أنا مقدّر ألمك علي السجاد

علي الرضا :- خلص نسمع الكلام الصبر مفتاح الفرج المهم باچر نطلع ونعرف ونشوف الوضع خلونا نهدأ

علي السجاد :- نور الزهراء روحي راحت وياچ

ظلّ علي السجاد يصيح بصوت موجوع ومخنوگ دموعه تنزل بحرگة على لحيته
مابين الضابط سامر يحاول يسيطر على الوضع ويخفف التوتر

الضابط سامر :- علي السجاد كافي إحنا شغلنا نعرف الحق وين ونور الزهراء الله يرحمها حقها ما يضيع وجثتها هسه هي بمكان نحن راح نلگي بأسرع وقت بس لازم إنت تساعدنا بهالشيء

علي الهادي :- يا سيدي الضابط جاي نكلك لينا هي اللي انتحرت بسلاح أخونا وعندنا فيديو يوضح كلشي وحتى اعتراف لينا بي وكلامها كلش واضح ليش تردون تشغلون بالكم بعلي الباقر و تبعدون تركيزكم عن سائد والشيخ ؟

الفاروق الأعظم :- أي بالضبط، ذولي المجرمين اللي عذبوا البنية وسلبوها طفولتها هم المفروض تركزون عليهم هسة واذا على لينا فهي صارت ضحية الهم واستعملت سلاح أخوي حتى تنهي عذابها انتحرت خلص سجلوا إنتحار وانتهت قصتها

علي الرضا بصوت تعبان :- إحنا ما عدنا شي نخاف منه ولا نضمة كل اللي نعرفه كلناه بس تركيز وجود أخوي علي الباقر بالسالفة مريب تفهمون علينة من كلنا جي نكول مالة علاقة وأنتَ تعرفنة ما حاجة نكلك منو إحنا

الضابط سامر :- اعرفكم انا واكثر من نفسي بس هذا كلام النقيب انا مجرد ملازم أنفذ الأوامر على العموم ارتاحوا المحقق طلع هسة مجرد يجي راح يسالكم كم سؤال والله ومحمد وعلي وياكم تطلعون منا

علي السجاد يرفع راسه عيونه حمر من البچي ويهتف وي الضابط

:- وبنتي سيدي بنتي شلون تريد نطلع منا وارد للبيت وبنتي ماهي بي ؟ لو ما واصلني شيء عنها شلون تريد ارتاح و طيرة كلبي مامش بحضاني

هدوء ثگيل ساد الغرفة الكل يفكر بالمصيبة اللي صارت وبكسرة علي السجاد

علي الهادي :- علي السجاد خوية حقك وأكثر بس لازم نفكر بعقل إحنا لازم نطلع من هذا المكان حتى نلحك على اللي باقي المصيبة صارت مصيبتين نور الزهراء و حرمتك خلينا نصبر نفسنا يا أخوي لا نضعف هيچي

علي السجاد :- چنت أتمنى أنا أخذ روحها بدالها آخ يا نور الزهراء يا بوية آخخ

علي الصادق :- زين سيدي هسة شنو السالفة شنو راح يصير

الضابط سامر :- لحد ما تتوضح الأمور ما نكدر نگول أي شي باچر الصبح تطلعون والتحقيق مستمر ونشوف الأدلة وين توصلنا كل اللي أريده منكم هسه هو الهدوء والتعاون الكامل بالكم لنفسكم لا تنسون
﴿ وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ ﴾

طلع الضابط سامر من الغرفة وعاف الأخوان لوحدهم بوسط حزنهم وألمهم
علي السجاد رجع حط راسه بين إيديه ما كدر يسيطر على دموعه

و الفاروق الأعظم يتقرب من علي السجاد ويحط إيده على چتفه ويهتف وياه

:- عمي الله يصبرك ثق باالله دم نور الزهراء ما يروح بلاش بس خليك قوي علمود أهلك لينا هي اللي راحت حقيرة راحت هسة وولت چزاتها يم رب العباد ونحن رلح نأخذ حق كل دم وكع عندنا من عيون الشيخ محمد و سائد

علي السجاد :- ما أريد لا حق ولا باطل أريد بنيتي بسس أريد ريحتها

الليل نزل عليهم ثگيل وموجع كل واحد بيهم غرگ بتفكيره

الطريقة الماتت بيها حفيدتهم مزگت گلوبهم أكثر
جانت اكو لعبة قذرة تنلعب ببيتهم واللي دفع الثمن غالي هي روح نور الزهراء البريئة

ظل الصمت يلف الغرفة والهموم تثگل على أرواحهم وبانتظار
خيط أمل يطلع عليهم وي شمس الصباح

______________________★______________________

"""" طيبة الزهراء """"

صعدت لغرفتي وأخذت تلفوني اتصلت على علي الباقر وصدك طلعلي مغلق!
حولت على خطة الثاني الي محد يعرفة هو خط يخص شغلة وما يطفئ ابد وبس انا بالعائلة اعرفة

اتصلت علية وطلعلي يرن انتضرت انتضرت جاوب بعد ما سمعت صوتة

:- ها طيبات ؟

- لك هي وين أنتَ

:- شكو شنو صاير ؟

- شنو الما صاير اخوتك بالسجن ولينا انتحرت و نور الزهراء انكتلت وانا اتزوجت وتكوول شنوو صاير ؟.

:- هب هب هب علي وياااج ترى صالي تسع ساعات بس من عايفكم

- هذا الصار تعال الحك النا البيت گايم ما گاعد فدووة

:- طيبات من عقلچ تحجين شنيي نور الزهراء انچتلت ؟ شني لينا انتحرت وإخوتي بالسچن شتحجين أنتِ ؟؟؟

- والله العظيم اللي دا أگولهُ صحيح

:- شبيچ طيبات، هذا فلم لو شنو؟ منو دخلهم السجن؟ وشنو لينا! بنية عمي؟
لا طيبات قسماً بالله إذا دا تشاقين وياي هل شقة السخيف ما راح أسامحچ

- يا شقة يا بطيخ چي اكلك نور الزهراء إنگتلت يا علي

علي الباقر ظل ساكت لثوانٍ السكوت اللي يسبق العاصفة أو الصدمة اللي تجمد الكلام بالحلگ

:- شتگولين؟ لا ما يصير هيچ و أبو فاضل ماكو هيچ شي يصير بـ 9 ساعات
وين أمي؟ عبد الحسن وين ؟ وينهم؟

- عبد الحسن لهسة ما يدري والبقية كلهم بالصالة الجوة مايدرون شيسوون
بس الفاروق الاعظم صار عصبي مو طبيعي وأمك منهارة من البچي من ورا لينا
علي فدوة الكلبك بس تعال وتشوف بعينك البيت صار مثل المقبرة.

:- طيبات اسمعيني زين أنا بالطريق چايكم لا تبينين لأحد انا جاي او حصلتي تواصل وياي خووش واريد منج هسة تسولفين بهدوء وأفتهم الصاير بالحرف

- ماشي علي اسمع

بديت اسولف وياه كلشي سمعتة بالفيديو وكلشي كالتة لينا وهو جان مجرد مستمع مجرد سكتت انا هو غلق الإتصال

كمت وخليت التليفون على الشاحن وباوعت لروحي بالمرأية جانت عيوني حمر ووجههي شاحب

رفعت أيدي تحسست خدودي الي جنت من احضن نور الزهراء بسرعة أيدها تمشي على وجهي و تضحك

دموعي نزلت بصمت نزلت من الغرفة وانا تحاول أخفي وجههي المنكسر

أحسّ البيت كله صار ثگيل ومو مال گعدة رحت للصالة الجوة لگيتهم كلهم مگابلين بعض

الوجوه كلها تعبانة ومصفرة كأنهم صارلهم أيام ما نايمين

أمي جانت گاعدة بصف خالتي حاضنتها وتهدأ بيها بس صوت البچي مال العلوية ما ينگطع

رحمة الزهراء گاعدة بعيد عنهن وجهه أحمر وعيونه بيها نار ما تنوصف بس ساكته ساكته سكوت يخوّف أكثر من الصياح

باوعت على الأماكن الجان علي السجاد يلاعب نور الزهراء بيهن حسيت بغصة بگلبي

لزمت إيدي على حلكي حتى لا يطلع صوت رحت گعدت بهدوء بصف أم البنين اللي جانت تقرا قرآن بصوت ناصي بس مسموع جنت أدور يمها عن أي أمان بهالهوسة والرعب البداخلي

حسّيت بحرارة إيد أم البنين من لزمت إيدي رفعت راسي شفتها ابتسمت ابتسامة خفيفة ابتسامة بيها تعب بس بيها طُمأنينة

نزلت عيني ع القرآن اللي چان مفتوح گدامها چانت تقرا سورة "يوسف" بالتحديد آيات الصبر والفرج تمنيت هالآيات تنزل برودة وسلام على گلبنا المحروگ

بهاي اللحظة رفعت العلوية راسها وباوعت علينا عيونها غرگَانة بالدمع حچت بصوت مبحوح

:- يا الله ترجعلي اوليداتي ياارب يا كريم

بگلبي بچت وياها ما گدرت أظل گاعدة البيت چان خانگني والسكوت والصوت الناصي مال البچي چانوا مثل الموسيقى الحزينة اللي تزيد الوجع

گمت بهدوء عيوني لاگت عين رحمة الزهراء نظرتها چانت نظرة مُهددة نظرة كلشي ما بيها يتفسر

ما گدرت أواجهها نزلت عيني وطلعت بسرعة من الصالة

رحت للمطبخ فتحت الثلاجة وسديتها بدون ما أشرب گطرة مي چنت أحس جسمي كله يرجف مو من البرد ولا من الخوف ولا من القهر هيج لوحدة جسمي جان يرجف

المطبخ چان هادئ بس هدوءه چان مؤلم لأن چانت بي ريحة آخر چاي سويناه سوية والدنيا يمنا بخير جانت ريحة الحياة اللي طارت وي لينا

وگفت يم الشباك وبقيت اباوع واتخيل شنو راح يصير ويانة بعد هي الليلة ؟

______________________★______________________

رجع زُبير إلى المركز جان خايف و متوتر حيل على السادة رجع وواجه المحقق مرة ثانية وهتف وياه

:- سيدي ما جي اكدر أوصل لعلي الباقر وانا متأكد هو لهسة ماعنده علم بالصار وي اهله

الضابط :- عدم وجوده يخلي الشبهات تدور حوله. هو المحقق الجنائي يعرف الأمور هي ليش يغيب بهيج وقت؟

:- سيدي البنية انتحرت گدام الكاميرا شنو الدور الإجرامي اللي ممكن يسويه علي الباقر وهي ضاربة نفسها؟ هو ما يدري بالصار أصلا

الضابط :- كلامك مضبوط الفيديو واضح لكن لازم نبقى حذرين الجماعة وضعهم صعب علي السجاد حالته ما تتوصف خايفين لا يسوي بنفسه شيء

:- يا سيدي هم مصابهم چبير لا تكملها عليهم بالبقاء ليلة بالسجن تطلعهم هسة على مسؤوليتي الكاملة باچر الصبح نجيب علي الباقر ويجي الكل ما راح يصير شيء. أقسم بالله ما يضيعون عليك

بعد جدال طويل و ادخلوا نص من المعارف اضطر الضابط للرضوخ لطلب زُبير

خاصة بعد أن وضح الفيديو براءة السادة من عملية الانتحار وأن القضية صارت قضية انتحار

الضابط :- خلص زُبير راح أوقع على الإفراج عنهم بس أريدك تجيب علي الباقر باچر قبل الساعة 10 الصبح إذا ما أجى راح تصير مشكلة چبيرة

زُبير: شاربي مو بوجه زلمة اذا باچر علي الباقر ما موجود يمك أفرجو عنهم هسة

بعد ما كمل الضابط توقيع الأوراق وزُبير چان واگف على صفحة عينّه على الباب ينتظر هاللحظة شاف الضابط ختم الأوراق وطيّرهن على العسكري اللي جان يصفّط بالملفات

الضابط :- خوش يابه زُبير على مسؤوليتك الكاملة إفراج روح خلّي يطلعون هسة بس تذكّر باچر قبل الـ 10 الصبح علي الباقر يكون هنا إذا ما إجه أنت تعرف شراح يصير

زُبير هز راسه بقوة وعيونه تلمع

:- أفّه عليك سيدي ثقة

طلع زُبير ودخل على السادة بخطوات سريعة
شاف علي السجاد گاعد بالكاع وخال إيده على رأسه چنّه يتأمل بمصيبة ما يگدر يستوعبها و علي الهادي يمه يدعي بصوت خفيف

زُبير :- يابه السادة كوموا الإفراج صار گوم علي السجاد أنتم اخواني يلا كوموا

علي السجاد رفع راسه بهدوء عيونه حمر من البچي والتعب باوع على زُبير وما صدّگ

علي السجاد :- صدگ زُبير؟ طلعتنا؟

:- أي والله صدگ يله گوموا الضابط فرج عنكم بس لازم نتوجه للبيت راساً باچر عدنا شغل چبير

علي الهادي و البقية گاموا بسرعة و الفاروق الأعظم باس راس زُبير وهتف وياه

:- ما قصرت زُبير ما قصرت وكفت ويانه وكفة أخو ما تنسي

طلعوا السادة من المركز الدنيا ليل والهدوء يلف الشوارع زُبير جاب سيارته ووصلهم للبيت

البيت چان هدوء مو طبيعي بس هدوء يوجع الگلب هدوء الصدمة

زُبير :- علي السجاد لا تضغط على نفسك ادري المصاب چبير بس لازم تكون قوي علمود والدتك وعلمود اخونك وأولادك واترحم لبنيتك
وانتم البقية فوتوا هسة و ارتاحوا واني هسة اروح أدور على علي الباقر

علي السجاد :- الله يرحمها برحمته الواسعة روح زُبير بس دير بالك على روحك
و علي الباقر خابره دزله رسالة سوي أي شي المهم توصل إله

راح زُبير وطريق البيت چان طويل عليه بس مو طول الطريق ثگل الهمّ اللي شايله هو لازم يلگى علي الباقر بأي ثمن قبل الـ 10 الصبح

همس زُبير لروحه وهو يسوق

:- يربي وين صرت يا علي الباقر لازم ألكاك لازم السادة ما يستاهلون بعد

بلّش زُبير يتصل على أرقام قديمة وجديدة تخص علي الباقر على أصدقائه على معارفه البعيدين والقريبين

بس محد يعرف وين مكانه بالضبط علي چان من النوع اللي يختفي لمن يتضايگ ويقفل كل اتصالاته وهذا الشيء هو الصعب الأمر على زُبير

بس ما وكف وبقى عندة أمل يوصل لعلي الباقر ...

______________________★______________________

دخلوا السادة للبيت بس هم ما رجعوا مثل ما راحوا الوجوه جانت شاحبة خطت عليها سنين من الألم بهي الساعات القليلة

لمن دخلوا أستقبلتهم صرخات النسوة العلوية بالرغم من صدمتها الكبرى چانت تحاول أن تتماسك كـعمود البيت

العلوية تتقدم بخطوات ثگيلة بأاتجاه أولادها وعيونها مليئة بالدموع والحزن

:- آه يا يمة رجعتوا بس يا رجعة هاي لچ يا لينا الله لا يوفقچ خذيتي نور عين السجاد وخذيتي نوارة گلبنا وين أودي وجهي يا ربي

رحمة الزهراء :- الحمد لله على سلامتكم ما شفتوا شنو صار بينا هم زين رديتوا

العلوية :- يا يمه علي السجاد تعال بحضني تعال يمه اروح فدوة لتراب رجلين بنيتك يا يمه!

علي السجاد ماكدر يحجي شيء بس دفن رأسه في حضن أمه يطلع أنينه المكتوم الذي اهتز له أركان الصالة ما جان صوت دموع بس هو جان نزف الروح

أم البنين :- لينا الخاينه چانت گبال عيننا شلون هيچ سوت شلوون ؟

علي الهادي :- أم البنين كافي هي جانت حية ما نعرف بيها

أما طيبة الزهراء جانت ساكتة جانت تنضر الهم بذهول هي خسرت ابوها

واليوم كشفت مرة اخوها هي جانت القاتلة وبنفس الوقت اتخلى عنها الجانت واثقة بي

حست ان كلشي حولها چذبة كبير

رحمة الزهراء :- طيبة تعالي يمي بناتي تعي

طيبة الزهراء :- هي چانت تبوس نور الزهراء ولمن مات ابوي هي جانت تبجي عليه أجت تواسيني بخسارة ابوي چانت تحچي وي أم البنين چانت تضحك ويانة
كلها چانت جذبة يا رحمة؟ كلهاا

طيبة الزهراء رفعت عيونها الغرگانة بالدموع وباوعت لرحمة الزهراء وعيونها مليانة صدمة ومرارة وكملت كلامها

طيبة الزهراء :- رحمة يعني كل هذا چذب؟ زين ليش؟ شسوينا الها؟

رحمة الزهراء ضمت طيبة لحضنها بقوة تحاول تهديها بلمستها الدافية

رحمة الزهراء :- اهدي يمة اهدي الله ياخذ حقكم هي هاي الدنيا بيها الزين وبيها الشين بس لا تكسرين گلبچ علمود وحدة ما تخاف الله

العلوية رفعت راس علي السجاد من حضنها وباوعت بعيونه التعبانة والحزينة

العلوية :- يمة السجاد احچيلي شصار؟

علي السجاد مسح دموعه بكم دشداشته وحاول يتكلم بصوت يرجف من القهر

علي السجاد :- يمة هي اعترفت بالفيديو كل شي ونحن ما علينة شيء
يمّة هي چانت تشوفكم فرحانين وهذا الشي يچوي گلبها ما ارتاحت الا لمن حطت سمها بگلب كل واحد بينا هسة هي مرتاحة

صوت شهگة عالية طلعت من صدر أم البنين

أم البنين :- يا الله چانت مثل الحية بحضننا شلون ما عرفنا شلون ما حسينة بيها

علي الهادي تقدم بهدوء وگعد يم أمه.

علي الهادي :- يمة هسة مو وكت عتاب ولا وكت لوم اللي صار صار المهم إنّه إنكشفت الحقيقة ونحن رجعنا إلكم سالمين لازم نفكر بالگدام شلون نتصرف؟ القانون لازم ياخذ مجراه

العلوية تنهدت بقهر ودموعها ما وگفت

العلوية :- قانون يا قانون يرجعلي اولادي يا علي الهادي؟ تحرير راح راح يمة! شلون أگدر أواجه الناس؟ شلون أگول ليهم مرت وليدي هي اللي قتلته؟ و نور الزهراء شنوو اذا سألوني وين حفيدتچ ؟

طيبه الزهراء وگفت فجأة وباوعت لعلي السجاد بعيون ما بيها أي لمعة

طيبة الزهراء :- وين چانت؟ وين راحت؟ اريد بس اشوفها هسة أريد أسألها وعيني بعينها ليش سوت هيچ بـأبوي؟ وبـأخوي؟ وبـ بينا كلنا؟ ليش شنو المو زين الطلع مننا الها ليشش تسوي هيج ؟

علي الرضا :- طلع كلام علي الباقر صحيح هو الوحيد الجان ما مرتاح الها لا هو ولا غدير الله نحن لو منطين لكلام هذول الاثنين أهمية ولو بمقدار ذرة چاان عرفناهم وكشفنا كلشي

علي الصادق :- انتحرت هسة وكل سؤال براسكم جوابة عند سائد و محمد الي لازم الشرطة يلقون القبض عليهم بعدها حق كل شخص راح راح يرجع

بعد فترة انسحب علي السجاد من صالة الحزن وصعد إلى غرفتـة الي صارت مسرح للجريمة والانتحار

لگى قميص نور الزهراء المتروس بالدم على الچرباية حضنه بقوة
ورجع ارتفعت صوت صرخته مرة ثانية ؟

علي السجاد :- نفسـي وروحي راحت وياچ يا نورايتــي يا بوية يا بنتي
شأگول لـ گَلبي؟ شأگول لـ روحي اللي راحت وياچ؟ يا بنيتي يا قطعة السماء اللي نزلت يَمّي ثمن أشهر بس چنتِي ضحكتنا چنتِي فرحة هالعُمر التعبان چنت أگول هاي بتي نور عيني تكبر وتصير أميرتي وها چان حلم هسّة صار كابوس أسود ما يخليني أغفى الثأر الغشيم الثأر الأعمى إجَه أخذ الزغيرة أخذ روحي
الظلمة مو بـ الليل يا بويَة الظلمة بـ هَالبيت الخالي من صوتچ المهد بعده دافي بـ ريحتچ واللعبة بعدهي بـ مكانها بَس إنتِ وين؟ وين مكانچ ؟ هذا القهر كلة بصفحة ومكانچ الما أدري وين صاير صفحة ثانية شلون يرتاح گلب الأب وطفلته مُغتربة بـ گبر ما يعرفه؟ أدور عليچ بـ كُل شارع بـ كُل مكان أصيح يا ناس وين روحي؟ أريد بس أشم ريحة تراب گبرَها وأرجع
كسرتوا ظهري كسر ما يتجبّر الثأر بيناتكم وبين الزلم ليش الزغيرة تنطي ثمن؟ يا حوبة اللي حتطلع عليكم حوبة بت عمرها گد الهلال ما كملت سنة بـ دنيتكم ربي إنتَ شاهد هذا الظلم بعينه
هسة انتم أخذوا اللي تريدوه بس انطوني مكان گبر بنيتي بَس گبر حتى أجي يمّه وأگولها نامي يـ روحي بَعدچ أبوج ما نام بَس گلبَه يمّچ
خلصّت العمر أدفع ثمن ذنب مو ذنبي وآخرته ضاعت بنيتي بـ أرض غريبة الله ياخذ حقي وحقچ من كل واحد رضى بـ هالظلم ااخخخ يا نورر كلبي وطيرتة اخخخ يابعد روحح ابوج اخخخخ
گلب أبوج نكسر ظهري اِنطوى وبعد ماكو عزوة تسندني بـ غيابچ وغياب گبرچ راح اعيش العمر مكسور الخاطر وهسّه متت من القهر ما أريد لا ثأر ولا أريد دَم بـ دم أريد بس أدفنچ بـ عيني حتى أطمئن أريد أگول نامت بـ حضني مو بـ أرض غريبة

كام علي السجاد وطلع صورة نور الزهراء و أخذ لعبتها ورجع كعد بالكاع وانتچى على الجرباية وصار يحجي وي الصورة و اللعبة

علي السجاد :- يا روحي يالـ گطعة من گَلبي بنيتي بنت الـ ثمن أشهر ذنبها على رگبة كلمن حرّك هالثارات چانت روحي بيها ضحكة البيت كله هسه البيت ظلمة والمهد خالي شيسكتني؟
تاليها الثار ياخذ الزغيرة ياخذ برعمنا ويذبه بـ مكان ما نعرفه يا بويه... شلون أنام؟ شلون يعيش الأب وطفلته مدفونة بـ أرض ما يدري وين صايرة؟ أدور عليها بـ كل شبر أصيح بـ عز الليل بنيتي گلب أبوج نكسر
حسبي الله ونعم الوكيل شحچي خلوّا كسرة بـ گَلبي ما تتجبّر
يا ربي أريد بس أشوف گبر بنيتي أشم ترابها شكثر صارت غريبة هسة ما متعودة تنام بدوني ياالله بنتي اول لليلة الها بلياي يا علي ادركني يا ام الحسن اغيثيني

حضن علي السجاد الملابس و الصور ونام بالگاع وغمض عيونة على ريحة بنتة من لعبتها وريحة دمها من ثوبها ...

______________________★______________________

عرفَت الضلمَة مَن بنتي غمَضت العيَن وعرفَت الخوَف مَن ما كَامت تتِنفس
مسؤوليَة هَجرچ وانِي تِوني صغَير دمعتِي بعيَني حايَر واللسِان اخَرس
الهَوئ الفارِك ريتچ انيَ فَارگني وياج ، الموَت الماخَذچ ياريتِة مَاخذني

يأام ملكةٌ الحلو ردَت اكعَد وَياچ احَن لُسوالفچ ومناغاج ذايچ
يهيُبة بيتنةٌ ويانةٌ ردنِاچ بعَدني اشَتاكلچ بويةٌ لذاكُ ملگاچ
اخُذي شتِريدي مَني بالعَجل هُاچ بس تعَالي بداعَتي مو كُلبي يُهواچ

حيَل تِوجع دمعَة الفُاكد نِظر وحيَل تِوجع ضحَكة اخُرس لو عَثر
وحَيل تِوجع صفُنة المَيت قهُر بَس مَو مثلُ الفُاكد عزيز
وعَاش مكَسور الضَهر
______________________★______________________

رجع زُبير وي وجه الفجر للمركز بالسر والتقى بالضابط سامر وصار يتحاور وياه وهو مخلين الفيديو مال انتحار لينا كدامهم و بعد ما صار سامر يعرف كلشي جرى على السادة من موت اخوانهم وموت عمهم وحفيدتهم واتهام بنتهم بشرفها و اختطاف بنتهم الثانية و قتل ابنها البطنها

زّبير :- شوف لينا هنا برأت سائد جبران من قضية أريج الله

:- بس بنفس الوقت يا زبير هي اعترفت ان هو ورة كلشي صار وي السادة

- صحيح وعلى هذا الأساس لازم نبني قضية لينا هي قضية إنتحار اتركها على صفحة نجي لقضية تحرير هذا تقريرة الطبي و هذا تقرير الحسن المجتبى الطبي الاثنين التقارير تثبت كلام لينا
لينا هنا تكول انا قتلتهم والتقرير يكول اكو شيء مريب جان سبب بموتهم يعني لا تحرير أجت التوبة الة عن عبث ولا الحسن المجتبى من الله زادت جرعتة ومات وبنتة دكتورة اكتلها وما تغلط بعلاج أبوها ونجي لطفلة علي السجاد وين هي هسة ؟ محد يعرف جثتها وكلشي عند سائد جبران و الشيخ محمد

- زُبير أسمعني زين راح نطلع مذكرة قبض فورية بحق سائد جبران بتهمة القتل والتمثيل بالجثة على حسب أقوال لينا بالفيديو وهذا شغلنا هسة بس أريدك تكون عيونك على علي السجاد وإخوانة خوفنا لا يتصرفون خارج القانون وينطون فرصة لأعدائهم علي السجاد مكسور وما نعرف شنو ممكن يسوي

:- راح أحاول أهدّي الوضع بس سامر ترى سائد جبران ما راح يبقى بالعراق عندة مليون هوية ومليون اسم يعني يطلع من المطار وعلى عينك يا تاچر وما يخاف من شيء انا الاعرف سائد لهذا لازم نتحرك بسرعة

- لا باجر الصبح راح نباشر نبحث عنة ما راح يطلع من تحت ايدنة لا تخااف والله الاطلع من عينة كلشي سواه وي الطفلة اذا طلع ادعاء لينا صحيح وهو كتل الطفلة نور الزهراء

:- انا هسة رايح وعلى سالفة علي الباقر ماكدرت أوصل اله

- علي الباقر راح يجي بس يعرف السالفة يجي عوفه هسة باجر الصبح راح الگي يمي

:- بس شلون ؟

- بااختصار علي الباقر واعي و مثقف عكس إخوانة المتهورين هو بس يعرف الصار وي اهلة برجلة راح يجيني ويقدم شكوى على الشيخ محمد وسائد جبران لهذا ماريدك تكلة ان نحن أخذنا الإجراءات بخصوصهم علمود يجيني

:- هي هية براحتك اني رايح للبيت محتاج شيء ؟

- لينا اجة وياها أخوها كتلي ؟

:- أيي

- وينة هذا ؟

:- أضن موجود ببيتة ما يطلع ولا يختلط أسمة انمار

- هو ابن سائد جبران الي محمد سواه ابنة مو

:- ايي هو

- اكتبلي عنوان بيتة هنا

:- تمام

بعد ما كتب زُبير عنوان بيت انمار وغدير الله للضابط انطى الورقة وفلت القلم من أيده وهتف وي الضابط

:- راح اروح محتاج شيء

- راحتك

:- مع السلامة

- في أمان الله

طلع زُبير ورجع لبيتة و شمر نفسة على الفراش وغفى وهو بملابسة وبدون لا يغير شيء من التعب الچان بي

هسة صار التركيز على البحث السريع عن سائد جبران و بندر و الشيخ محمد

ويلگون مكان جثة نور الزهراء قبل أن ينهار علي السجاد ويقرر الانتقام بطريقته

وبنفس الوقت راح تركيز الضابط لبيت أنمار وأمر مجموعة من المنتسبين الوياه يطلعون بسرعة حتى يتوجهون لهناك

______________________★______________________

بعد خروج سائد جبران وبندر من المستودع الجانوا موجودين بي وعافوا لينا خلفهم واكعة على الأرض مغمى عليها جان بندر شايل نور الزهراء الميتة منحورة أبين ايديه

دز رسالة سائد جبران للشيخ محمد وكتب بيها

:- خلص انكشف كلشي اذا تريد حياتك اختفي ولا تخلي السادة يلمحونك لازم راح يشربون دمك ححاول تختفي بااسرع وقت واذا طلعت من بغداد بعد أحسن اني حذرتك وبعد أنتَ وشجاعتك لمواجهة السادة

هنا بندر و سائد جبران صعدوا سيارتهم ورجعوا الأنبار وهو بالطريق هم دز رسالة لابنة أنمار لان جان ححيل خايف عليه لا يوكع بيد السادة

طلب منة يجي للانبار بسرعة حتى منه ويطلعون على سوريا وبعدها يرحون لغير دولة ويأمنون على نفسهم

وهم بالطريق مرّوا على صحراء الرمادي هناك نزل سائد جبران ودفن نور الزهراء وبدون ما يخلي لا حجر ولا دليل على المكان هيج بالهوى دفن وصعد سيارتة وراح

______________________★______________________

وصلت رسالة سائد إلى أنمار تقريب الساعة 9بليل لمن قرأ وعرف ان نور الزهراء ماتت و لينا تركوها واكعة بالمستودع خلص كلشي انتهى

جانت غدير الله كاعدة كدامة غلق تلفونة وهتف وياها

:- اكول غديرتي

- كول حبيبي

:- كوميلي غيري ملابسج خلي نطلع!

- بهذا الوقت ؟

:- وشبي بعدة أول الليل خلينة نفتر شوي ونرجع

- شجاب هذا الطاري على رأسك ؟

:- أجى بخاطري كوميلنا يلا يروحي

- تمام ححبيبي ثواني اصعد أغير والبس عباتي واجيك

:- خوش يروحي منتضرج

- تمام

صعدت غدير الله لفوك وكام أنمار صعد وراها بدقائق أخذ اليحتاجة الخفيف من الغرفة بدون ما تلاحظ وطلع سلاحة خلى جوة قميصة وباسها براسها وهتف وياها

:- نازل انتضرج بالسيارة بعد تربيتي

- اوكِ يروحي

نزل أنمار وكملت غدير الله تجهيزها وهنا وصلت إلها رسالة من علي الباقر مكتوب بيها

:- غيمتي نحري اذا أنتِ هسة وي أنمار بسرعة سوي نفسج متخربطة شيء واطلعي من البيت خلي ياخذج دكتور لو كليلة تردين لاهلي ايي شيء طلعيلج عذر لأن أنمار طلع أبن سائد جبران وهو ورا الحادث مالتچ وكل المصائب الوكعت على رؤوسنا هو وأختة لينا وراها سوي الكتلچ علية غداااير وخليچ نبهة فدووة لعمرج لا ترحين وياه واطلعي من البيت بسرعةة

قرأت الرسالة وصارت مصدومة لوضعها

أنمار الينتضرها جوة شلون راح تبتعد عنة ؟ شلون تروح شنو تكلة شلون ما تحسسة ؟ للحضة حست غدير الله انها خلص وكعت بالحفرة

لبست عبايتها ولأن ماكو مهرب أنمار ماراح يتركها مادام بهذا الوقت طلب منها يطلعون

سوت خطتها الشهيرة فتحت الموقع مال تليفونها ودزت رسالة لعلي الباقر

:- راح أطلع وياه هسة لأن هو طلب مني خوية حيل خايفة مااكدر اسوي شيء رجلية بعد ما يشيلني من هذا القريتة فتحت موقع تلفوني اتلاحگ علية بعد اختك

وضمت التلفون بالجنطة ونزلت لجوة طلعت لكت أنمار صاعد بالسيارة منتضرها

صعدت بالصدر وياه ومشى السيارة علگ اغنية هادئة بالسيارة من التوتر طفتها غدير الله نضر الها بطرف عينة ابتسم ابتسامة باردة ححيل وهتف وياهَ بجمود

:- أشنو بيچ ؟

- ماكو شيء بس تعرفني اتضايگ من الأغاني

:- افى اغنية هادئة

- ماريد

:- بس انا اريد

- أنمار

:- اششش خليني أسمع

شغل أنمار الاغنية وجان مقطع منها عصر بكلبي يكول :-

- كُل الي معاك فالصورة غاب ، وطنك والأهل والصحاب
كم واحد ودع وساب ؟ ، من غير أسباب
شايف بعنيك نضرة حنين!، بتحن لمين ولا لمين ؟
طول عمرها ماشية السنين ، والناس رگاب

جان كلبي يدك حيل وجنت تعبانة وبنفس الوقت مرعوبة مادري اذا راح يلحگ علية علي الباقر ضليت اباوع بالشباج للطريق

و براسي يدك الكلام القريتة بالرسالة

وين ما خذني هسة ؟
شنو راح يسوي بية ؟
معقولة يأذيني ؟

لا لا أنمار ما يسويها وانا أكول ليش بعد نفسة عني ثاريه طلع هو غريمنا وچتال أبني

لمن جنت مخلية ايدي على رجلي هو مد أيده و لزمها ورفع أيدي وباسها وبقى مخليه على رجله گرب بطنة

دخلنا مكان نفس البساتين!مادري وين جان بس صارت ضلمة لأن ماكو لا ضوا ولا شيء بالشارع بس لايت السيارة

وكف بهذا المكان وطفى السيارة وهتف وياي

- ننزل بعد تربيتي ؟

:- جايبني لهذا المكان شنو تريد ؟

- جان عاچبني نچيلة من زمان وهسة ياالله صار وقتة

:- على حورة عاجبك وضال بنفسك

- أشنو ما عچبج ؟

:- لاا ابد خلينة نرجع للولاية حيل اختنكت

- من شنو اختنكتي يابعد ريتي وهوها

:- إنمار

- عيونة لأنمار وتربيتة

:- ليش دمرت أهلي؟ بشنو مأذيتك انا ليش تچازي حبي هيچ شنو مقصرة وياك حتى ترد علية بهي الطريقة الشنيعة كللشش

- يعني وصل الچ الخبر

:- بهذا البروود تكلي وصل الچ الخبر ليشش يعني حضرتك ضايج لأن عرفت انا أنتَ ما جنت تريدني اعرف مووو تريدني أضل ابقى على عماي واركض وراك

- غديرتي

:- لا تكلي غديرتي لا تكليي هيج كاافي انا كارهَ روححي شلون اتزوجتك و شلون نمت وياك بنفس المكان وشلون للحضة انا شلت شيء يخصك بداخلي وردت اجيبة للدنيا .

- يعني متندمة .

:- هههه متندمةة هذا الله كدرك علية ؟؟ كوول انا ما متحملة اباوعلك كول انا چي احس بلعبان النفس كوول انا ارريد اشوفك ميت جدامي خاطر شوي يبرد نار كلبي بس شوي

- شتحجين ما اكول الج شيء احجي كلشي انا استاهل بس غدير الله سولفي كلشي وعاتبيني بكلشي بس لا توصلين لحُبي الچ انا أعترف جذبت عليج بهواي أشياء وبسبب ابوي انتم انجبرتوا تعيشون ايام سودة بس والله العظيم ما جذبت بحبي الج انا حبيتج من كلبي انا عاشك الج غدير الله والله عاشك الچ

:- عاشگ؟ يا عِشگ هذا انمار؟ يا حُب يخلي البنت تگعد وتلگه حياتها مگلوبة على راسها بسبب حُبَك؟ حُبك جان سُم دمرني دمر أهلي دمر كلشي حلو بحياتي أنتَ خليتني أكره نفسي وأنتَ خليتني أفقد طفلي الوحيد شنو تريد مني هسه؟ جاي تاخذني للمكان هذا حتى تخلص مني

- لا لا يا روحي قسم باالله مو هذا القصد انا جاي أگلچ حبيتچ حبيتچ وصرتِ كل دنيتي تمنيتج تبقين يمي تمنيت هذا الليلة نرجع كلشي مثل قبل لمن ما چنتي تعرفين شي

:- ترجع شنو أنمار ماكو شي يرجع! شنو چنت ناوي تسوي؟ بشنو چنت ناوي تجازيني على طيبتي وياك؟

عيونة تلمع بالظلمة مد أيدة ولزم وجهها وگرب عليها حيل

- چنت ناوي أگلچ على كلشي بس مو هسه مو بهاي الطريقة چنت أريد أطلب منج السماح

:- سماح؟ تريد السماح على دمار عائلة كاملة؟

صاحت بي بصوت عالي وهي توخر أيدة عن وجهها

:- أنتَ شنو شايف نفسك؟ حتى انا اسامحك وعلى شنو تريد اسامحك على شنو اعذرك ؟

سحب أيدة رجع لي وره وغمض عينة بقوة التعب واليأس مبين عليه

- سائد جبران أنا أبن سائد جبران بس أنا مو أبوي أنا أنمار الي عاشگ غدير الله

لمن حست بالخطر وقررت تستغل لحظة ضعفة

:- ولينا؟ شنو ليش ورطتها وياك بالبداية ليش اجيتوا علينة تعرف ان نور الزهراء ماتت شنو ذنبها ؟

- لينا أختي أداة بيد أبوي استغل ضعفها وجنونها بالانتقام لهلها ما چانت تدري بنتائج هي اللعبى بس چانت تحب تسوي الشيء اليكسركم

وهنا دخل ضوء قوي ضرب السيارة من بعيد جان ضوء سيارة علي الباقر
كمل كلامة أنمار

- چنت أريد أگلچ شغلة

:- شنو؟

- ما أعرف كلشي راح بس هذا المكان الي حتكون بيه نهايتنا اثنيناتنا ما چنت ناوي أقتلچ چنت ناوي أقتل نفسي گدامچ حتى تعرفين حُبي شگد چبير

:- لاااااا أنمار دير بالك تسويها

الباب مال السيارة انفتح بقوة وكف علي الباقر بجمودة الكامل صار وجه بوجه وي أنمار

علي الباقر :- غدير الله طلعي من السيارة بسرررعة
اعرف كلشي يابن جبران وراح نطلع كلشي من عيونكم والزهراء ام الحسن غدير انزللي

طلعت غدير الله من السيارة وهي تركض لحضن أخوها

:- علي الباقر فدوة لگلبك

علي الباقر :- أهدي يابعد عمري هسة كلشي يخلص

ضحك أنمار ضحكة قوية ورفع سلاحة وطلقة وحدة وجهها لعلي الباقر
صاحت غدير الله بصوت يخلي الغيم يبچي

:- لاااااااااااااااااااا

علي الباقر ما تحرك ولا خطوة الطلقة ما أجت بي الدنيا جانت ضلمة ومايدري أنمار الطلقة وين راحت أصلا

ابتعدت غدير الله عن أخوها صارت هي بالنص واكفة مابين علي الباقر و أنمار

وهنا هتف علي الباقر

علي الباقر :- راح تندم أنمار وعيونك راح تندم

غمض عيونة ورد على السيد بهدوءء و برود

- أتندمت من يوم حبيت غدير الله

:- اه أنمار

هنا انمار سحب غدير الله من ايدها وطبگ ظهرها على صدرة وحط اسلاحة براسها وصار يهدد علي الباقر حتى يبتعد عنة لان حس بالخطر وخلص راح يسلمه للشرطة

غدير الله ما تجاوب بس دموعها تنزل على خدها وهي تشوف أنمار شلون وصل بيه الحال يهدد بحياتها

وهتف وياهم أنمار بصوت حاد ونفسه متقطع

أنمار :- إبتعد علي الباقر خطوات زيادة وأقسم بذات الله لتشوف دمها كدام عينك

علي الباقر جان واكف بجمود وعيونه مثبتة على أنمار وهتف وياه

- ما راح تنجح أنمار انتهى كلشي بالنسبة إلك نزل سلاحك وخليها تروح

أنمار :- أنتَ اللي انتهيت أنتَ وأهلك هي هاي نهايتكم!

هو هنا صيح بغدير الله اللي بين إيديه وهتف وياها

:- صيحي بأخوج خليه يبتعد كوليله يروح

غدير الله صاحت بصوت عالي و يرجف وهي تتوسل

- علي الباقر فدوة اتركنا! روح الله يخليك .. روح

علي الباقر يهز راسه بقوة رافض فكرة ان يعوفها ويروح ويخليها أبين ايدين هذا المختل

:- ما أعوفج والكافل ما اعوفج لو على جثتي أنمار أنتَ مو قاتل لا تسويها نزّل سلاحك وخل نرجع نحجي!

أنمار :- نحچي على شنو نحچي؟ على الحقد الشعلتوه بكلب ابوي وخليتونا نصير مذنبين من وراه لو على حبي اللي چان أكبر چذبة بحياتكم ونضركم ماكو حچي بعد!

بهي اللحظة سمعوا صوت سيارات جاية من بعيد وضوه ثاني ظهر من ورا البساتين علي الباقر ابتسم بخفة عرف إن النجدة اللي دز عليها وصلت

علي الباقر :- صوت الشرطة تسمعه زين مو كل اللي سويته انكشف أختك لينا وسائد جبران ملفاتهم راحت واحتركت يا أنمار سلم نفسك.

أنمار تلفت بسرعة على جهة الصوت الخوف بان بعيونه
غدير الله استغلت لحظة تشتت أنمار اللي تلفت على صوت السيارات اللي گربت كلش ودخل ضوها القوي بالمكان

دفعت نفسها بقوة عن صدره وطلعت من قبضته بلمح البصر ركضت بسرعة باتجاه حضن أخوها اللي فتح إيديه إله

غدير الله :- علي الباقر

احتضنها علي الباقر حيل وهو يشد عليها متأكد إنها صارت بأمان

- أمان يابعد نحري خلص كلشي

أنمار، اللي شافها تفلتت منه وصارت بأحضان أخوها حس الدنيا وكعت على راسه لمحة ضعف وحدة ضيعت منه كلشي

باوع على الضوه اللي صار أقرب وعرف إن هاي مو بس سيارة وحدة هاي شرطة ماكو مجال للمواجهة أو تنفيذ أي خطة جنونية

أنمار صيح بحدة ويأس على علي الباقر

:- ما خلص علي الباقر ما خلص

ذب السلاح على التراب بقوة وركض باتجاه سيارته بخطوات سريعة مثل البرق
فتح الباب صعد بسرعة وشغل السيارة بقوة خلت التايرات تصيح وهي تفتر بالتراب

علي الباقر صيح وهو يعوف غدير الله وركض باتجاه أنمار قبل لا يصعد بالسيارة وهتف وياه :- أووگف أوووگف أنماااار!

بس أنمار ما سمع ولا التفت وكأنه كل اللي يريده هسة هو يبتعد عن هذا المكان وعن عيون غدير الله اللي جانت تباوعله بحقد وكسرة بنفس الوقت

ضغط على البنزين بكل قوته والسيارة اندفعت بين البساتين بسرعة جنونية مختفية بالظلمة مرة ثانية

وصلت سيارة علي الباقر وسيارات ثانية وراها نزلت منها مجموعة أشخاص كلهم ضباط بزي مدني

أحد الضباط :- السيد علي الباقر؟ شصار؟ وين راح؟

علي الباقر يتنفس بصعوبة وهو يأشر على الطريق وهتف

- شرد! هذا هو ابن سائد جبران روحوا وراه لحگوا لا يفلت!

راحوا الشرطة صعدت سياراتهم وراحوا باتجاه الطريق الاشر علية علي الباقر

و التفت علي الباقر لـ غدير الله اللي جانت شبه منهارة وواكفة تتچتف بنفسها
ركض إلها وغطّاها بسترته

علي الباقر :- اهدي غدير الله خلصنا من شره و راح يرجعونه ان جان هو لو اهلة راح يرجعونهم ويتحاسبون

:- كسر كلبي علي كسر كلبي

- ماعاش بعدة ولا چابتة امة اليكسر كلبج يا بعد صمام كلب اخوج تعي خلينة نرجع للبيت هسة ونشوف حال علي السجاد وحال اهلنة تعي يروح أنتِ

:- اتصل بابوي خلي يجي حباب

- غديرتي انا موجود والولد كلهم موجودين المن عبد الحسن؟

:- أريد ابوي علي الباقر اريد ابوي حباب اريد اشمر روحي بحضنة اريد ابجي بحضنة حبااب خليني اشوفة خلي يجي للبيت يرجع يعيش ويانة من راح والمصائب ما تفاركنة خلي يجي حببباابب اتصل عليّ

- خوش راح اتصل يروحي تعي هسة وياي

راحت غدير الله وصعدت وي علي الباقر بالسيارة واتوجوه للبيت أول ما دخلت جانت مهضومة ححيل راحت بوجها لغرفتها بدون ما تحجي وي أحد ولا تشوف أحد

أما علي الباقر راح للبراني دخل ولكى علي الصادق و أخوانــة كلهم كاعدين هناك كعد يمهم وهتف

علي الباقر ؛- شنو هذا السمعتة ؟.

الفاروق الأعظم :- هي الحقيقة السمعتة هي الحقيقة

- البشير قيصر عرف ؟.

علي الهادي :- لاا بعده لو يدري چان شفتة يلطم هنا على تحرير

- لا إله إلا الله غدير الله طلبت أبوي يحضر لهنا

علي الرضا :- راح تخلي يجي ؟

- غدير الله تريدة

علي الهادي :- بس نحن ما نريدة

- غدير الله تريدة

ألمعتز باالله :- الرجال هذا اذا فات للبيت مالي محط رچل بي

شُبير :- كولوا ياالله والله ماكو مجال لهذا كلامكم بهذا الموقف عمامي اذا ما تردون چدي عبد الحسن مو مشكلة خلي يجي ويانة وأخذ عمتي غدير ويبقون عندنا وأنتم هادئين هنية

- لا يبعد عمامك أنتَ ابوي راح يجي لهنا وكلام شبير صحيح هذا الكلام مآله مجال هسة حاولوا تأجلونة بعد ما نخلص من المصيبة هي هو راح يطلع هي اذا قبل يجي هسة

علي الهادي :- من عقلك راح تتصل بي و تحجي وياه وتطلب منة يجيي ؟

- لخاطر غديرة اسوي المستحيل ودامها تريدة عادي اتنازل واتصل وحتى اتوسل بي اذا ألزم الأمر

الفاروق الأعظم :- والله ماعندكم سالفة .....

ألمعتز باالله :- اني رايح

طلعوا ألمعتز باالله و الفاروق الأعظم من البيت وراح وياه شُبير
وكام علي الباقر صعد حتى يشوف أخوه علي السجاد ويشوف حاله و علي الهادي ترك الولد وراح لفوك يم مرته

و علي الصادق دز رسالة لطيبة الزهراء حتى تنزل إله ...

جان الليل بعده طويل وبداية النـهاية لـ أنمار اللي كدر يشرد من أيد الشرطة ويضيعهم ويلحگ ابوه بس بـ گلب غدير الله خلص كلشي وياه.

خِذني يمك گبل لا يم الصفر
ينحط صفر .

______________________★______________________

""" أريــــج الله """

دفعتني غيرة للكاع واني صيحت بيها وهتفت

:- لج اناا علوية حفيدة السيد احمد الصادق

بقت صافنة علية كمت من الكاع عاينتلها بعيوني اللي تچدح نار وحجيت وياها بصوت بي عزة وثقة

:- شبيچ صافنة؟ لو عبالچ من طحت يعني خلص؟ أنا من طيحة للگومَة ما يهزني شي أنا بنت بيوت معروفة نسبها وبنت أصل ما تنحني لغير الله!

دنّگت راسها وجرت حسرة مدري ندم مدري خوف ورجعت كالت بتلعثم

- عفواً علوية ؟

تقدمت عليها خطوة عدلت شيلتي وحجيت وياها بصرامة بس بيها هدوء الواثق

:- اي علوية وما تعرفين شراح يصير بيچ من تتجاوزين حدودچ المرة الجاية فكري زين قبل لا تمدين إيدچ احترمي نفسچ حتى الناس تحترمج

تركتها صافنة بمكانها ومشيت بخطوات ثابتة ومستقيمة واني أحس بـ هيبة النسب تدفعني وعزة الهاشمية مزروعة بدمي

بس بنفس الوقت جنت شوي خايفة ومنتضرة حَيرام يجي حتى أكلة ان خالتة غيرة عرفت انا منو أكون

حسّيت بخطواتي تقويني واني أبتعد عنها بس بنفس الوكت چان اكو رجفة خفيفة بگلبي مو خوف منها بگد ما هو خوف من ردة فعل حَيرام

- ياربي كون ما يلومني على السويتة هو گال ما يريد مشاكل

لزمت شال بأيدي وحاولت أگدر ألملم كسر الخاطر اللي حسّيت بيه من ورا طيحتي
صح صوتي چان عالي وكلامي بي عزة بس طيحة العلويّة ما تهون

نضرت للباب وإذا بي حَيرام واگف على عتبة الباب عيونه تدور وبوجهه قلق
شافني وركض باتجاهي بخطوات سريعة وهتف

:- أريج شصاير صوتچ ليش صحتِ شبيچ؟

صوتي طلع بي تعب ورجفة مو من برود الواثـق اللي چان يحچي قبل شوية هتفت وياه بصوت يرجف

- حَيرام خالتك غيرة هي اللي

ما گدرت أكمل الدمعة صارت بطرف عيني
حَيرام لزم إيدي بقوة بس بنعومة وعيونه تباوع على وجهي بتفحص

:- شبيها غيرة شسوت؟ أحچي عدل أريج لا تخافين

- دفعتني حيل دفعتني وطحت بالگاع

حَيرام وجهه إنگلب العصبية لمعت بعيونه بس حاكم نفسه وهتف

:- شنو هي مدت ايدها عليچ ؟

عيونه صارت تباوع وراي باتجاه المكان اللي چانت واگفة بيه غيرة

- ايي هي دفعتني وكعت واني صحت عليها وگللتلها أنا علوية حفيدة السيد أحمد الصادق

صار صمت ثگيل بيناتنا حَيرام هزّ راسه بتفهم وغضب بنفس الوقت ترك إيدي وتقدّم خطوة باتجاه الباب بس وگف فجأة والتفتلي عيونه صارت أهدأ بس بيها عتب

:- وأنتِ ليش تجاوبينها بصياح؟ ليش تگوليلها نسبچ بهالطريقة؟ أنتي هيبتچ بالسكوت والثگل مو بالصوت العالي ليش تحطين نفسچ بموقف وياها

قاطعت كلامة بسرعة وبحرگة حيل وهتفت

- وشتريدني أسوي أخليها تدوسني وتطلعني ولا شي؟ وأني بنت الأصول كلها يا حَيرام أنا ما أتحمل أحد يتچاوز حدود الأدب وياي

:- تمام تمام بس بعد لا تعلين صوتچ بالبيت هيبتچ أكبر من أن يطّلع صوتچ لأي وحدة أني أتصرف ويا غيرة بطريقتي

- موافقة انا بس أريدها تعرف حدودها وياي أريدها تعرف إنّو أريج مو لگمة سهلة

:- رايح اشوفها لا تخافين ارتاحي أنتِ

بقيت انتضر وأنا صافنة أشوف شلون هيبة حَيرام راح تنصفني وتأخذ حقي

رجعت أريج الله وكعدت على الفراش وهي تحس بكسر الخاطر لسة ما راح گعدت تنتظر حَيرام دگات گلبها چانت مثل الطبل تتخيل شراح يصير لمن سمعت خطواته توصل للباب وگفت بسرعة

دخل حَيرام وشافها واگفة إبتسم إبتسامة تعب وهتف وياها

:- ارتاحي أريج كلشي إنتهى حچيت وياها بالكلام اللي يفهمها بعد ما تتجرأ تمد إيدها عليچ

إحساس بالراحة غمر أريج بس العتب لسة چان مبين بعيونها

- بس أنتَ لمتني گلتلي ليش عليتي صوتچ وليش گلتيلها نسبچ

تقدّم حَيرام ولزم إيدها مرة ثانية بس هالمرة بحنية عميقة

:- إي لمتچ بس مو لأنچ غلطانة لمتچ لأن أريدچ تكونين أعلى وأثگل من إنو تنزلين لمستواها ما أريد وحدة مثل غيرة تهزّ ثقتچ بنفسچ أنتِ أريج الله بنت السيد أحمد الصادق هيبتچ بالسكوت مو بالصوت العالي أنا وياچ وحقچ يرجع غصبن عليها
عيوني أريج بعد ما أريد أشوف دمعة بطرف عينچ بسبّب أحد خلي ببالچ إنتِ هنا مالچ غيري وأني ما أسمح لأحد يأذيج

مسحت أريج دمعتها اللي نزلت بدون ما تحس وهتفت بصوت بيه إمتنان وحُب

- ربي يحفظك إلي يا حَيرام

حَيرام باس راسها بحنان وهتف

:- ويحفظچ إليه يا هدوتي يلا هسه مسحي هالدموع وخلي گومتچ تكون أكبر من طيحتچ

حَيرام باس راس أريج بحنان عميق وحط إيده على خدها يمسح باقي دموعها بأطراف أصابعه عيونه تلاگت بعيونها اللي رجعلها الأمان شوي شوي

و حَيرام همس بصوت دافي

:- يا روحي أنتِ بعد ما أريد هالعيون الحلوة تدمع أنتِ تعرفين شگد أنتِ غالية على گلبي؟ أنتِ مو بس مرتي أنتِ أماني وسكني ومُنقذتي و هدوتي

أريج دنّگت راسها بخجل بس صوتها طلع مليان حُب صادق:

- وأنتَ ملاذي حَيرام حسّيت بروحي رجعت لمن شفتك وإنتَ دافعت عني والكسر اللي بگلبي جَبَرته بلمسة من إيدك

حَيرام رفع چف إيدها وباسه برقة وضحك بهدوء:

:- أوف يا گمر بيتي لو تدرين شگد أضوج لمن أشوفچ متأذية أريج أنتِ عطر حياتي لا تخلين أي شي يشوه هالعطر

- خفت لا تلومني هوايه على صيحاتي بس طلع خوفك عليه وعلى هيبتي أنتَ تفهم روحي يا حَيرام وتعرف شگد عزيزة نفسي

حَيرام قرّبها عليه حيل حضنها بقوة حضن ينسيها التعب وكلشي مرّ عليها:

:- انا الومج لومة حبيب مو لومة عدو أنا أريدچ تظلين تاج على راسي ورأس اهل القرية هي كلها وما أريد صوتچ يوصل لغيري أنتِ درتي المصون وبنت الأصول ما تهزها مواقف سخيفة

- دائماً توگف وياي حَيرام أحس بروحي ملكة مادام أنتَ يمي شگد حلو لمن يكون للبنيه سند مثل گلبك

حَيرام هزّ راسه وهو يبعدها عنه شوي بس عيونه لسة بعيونها:

:- وكل يوم راح أثبتلچ هالشي يا هدوتي ومنقذتي وتاج راسي يلا هسه خلي نرتاح وننسى كلشي صار الليلة أريد بس حُبنا اللي يملي علينا المكان

ابتسمت أريج ابتسامة صافية محتها كل أثر للتعب والزعل لزمت إيد حَيرام بقوة وگالت:

- يلا حبيبي الروح مرتاحة ما دام أنتَ يمي

سحبها حَيرام بكل حنان للجهة الثانية و گعَدوا ثنينهم على فراش وهو ما ترك إيدها ولا لحظة
ظل يمسح على شعرها بحب يحاول يمسح أي أثر لتعب أو انكسار

:- وياي كلشي ينسي أريج حتّى اللحظات الصعبة غمضي عيونچ وشوفي بس الأمان اللي بين إيديچ

أريج أغمضت عيونها واتنهدت تنهيدة عميقة حسّت بيها كل ثگل الهموم تطلع من صدرها

- تدري صرت ما أحس بالراحة والأمان إلا بحضنك حَيرام من بعد ذاك الخوف الجنت أحس بي كدامك

:- يا عمري وروح روحي أنتِ أدري وكلش زين ولهذا السبب ما أسمح لأي أحد يقلل من قيمتچ أو يكسر خاطرچ أنتِ جوهرة العلويات وغالية حيل

باوعتله بعيون تلمع بحب وامتنان.

- بس حَيرام غيرة ما راح تسكت أحسها راح تحاول مرة ثانية.

حَيرام هزّ راسه بهدوء وثقة ضغط على إيدها بقوة مطمئنة.

:- خليها تسوي اللي تريده الأسد يزأر مرة وحدة ويسكت وكلمتي وصلت الها هالمرة ما راح تتجرأ لأن عرفت إنو خلف هاي العلوية اكو سند ما ينكسر ولو فكرت تعيدها راح يكون تصرفي وياها مو بالكلام الهادئ

أريج ابتسمت حسّت بضلعها يتقوى

- أدري بيك ما تقبل علية

:- وشلون أقبل؟ وأنتِ اللي نور عيني يا ريحة الجنة الطاهرة يا أريج الله اللي يمسچ يمس هيبتي وكرامتي

ميل عليها حَيرام وباسها بجبينها بشغف عميق

:- يلا حبيبتي أريد ننسى غيرة وننسى المشكلة ونفكر بس بينا أريد اسمع منچ سسشوالف هيچ سولفي باذني صوتج يخليني أنسى كل تعب الدنيا

أريج اتدفأت بكلامه ونظراته حطت إيدها على خده بنزاكة وحنية وبدت تحچي بصوت هامس مليان دلال

- شسولفلك يا نور العين امممم احجيلك عن نفسي لما جنت صغيرة ؟وشلون جنت عايشة وايامي وي جدي؟

:- اي سولفيلي صوتچ بذني هو أحلى لحن بالكون أريد أعرف كل تفصيلة صغيرة بحياة بنت السيد أحمد الصادق شلون چانت طفولة أريج؟

أريج لزمت إيده وحطتها على گلبها

- چانت طفولة هادئة وحلوة جدي (السيد أحمد الصادق) رباني على العزّة والقناعة چان يكول دائماً أريج الله ريحانة العلويات چان حريص بشكل مو طبيعي على دراستي وچان يگول "العلم نور يطفي نار الجهل" واني چنت اقرأ كل الكتب اللي يجيبها الي خاصة كتب الأئمة والسيرة

:- يا روحي أنتِ حتّى طفولتچ بيها هيبة يعني جدج چان عنده نظرة بعيدة بس ما چانت اكو لحظات لعب وشقاوة مثل كل الأطفال؟

- بلى اكو بس بحدود چنت أحب اللعب بالحديقة مال البيت اللي چانت جبيرة كلش وأكثر شي أحبه هو الورود چنت أگعد يم الورد وأسولف وياه أتخيل إنو كل وردة هي شخص عزيز عليّ چنت أحس بالراحة بين ريحة الياس والرازقي ومرات چنت أروح ويه جدي للمكتبة مالتنا وأشم ريحة الكتب القديمة هاي الريحة چانت تسحرني چنت أحسها ريحة علم ونسب عالي

:- الله يا ريحة الورد والأصالة يعني أنتِ مو بس أريج أنتِ فعلاً أريج الله عطر نقي وصادق واليوم حسّيت بهالعزّة من وگفتي كدام غيرة

- انا حسيت إنو لو ما رديت عليها بقوة جانت راح تعتبرني ضعيفة وتتمادى الطيحة چانت قوية يا حَيرام مو بس على جسمي على روحي
لذلك صحت بـ نسب جدي اللي هو سلاحي الوحيد كدام هيچ مواقف

حَيرام باس جف إيدها مرة ثانية برقة عيونه مليانة حنان صافي

:- واني فهمت هذا الشي لهذا السبب رحت وحچيت وياها تدرين شگلتلها؟ گلتلها غيرة هاي العلوية أمانة عندي وأمانة الله ورسوله اللي يمد إيده أو لسانه عليها كأنه مدّها على شرفي وكرامتي خليها بأحسن مكان ببالچ أريج خط أحمر ما ينعبر

أريج رفعت عيونها اللي لمعت بالدموع الفرحة مو الحزن

- ييييااا حَيرام شنو هالحچي الحلو؟ أنتَ الضلع القوي اللي ما ينكسر بوجودك أنسى الخوف

:- واني شفت بعيونچ اليوم خوف ما حبيته ما أريد بعد أبد أشوفه أريد عيونچ تظل تلمع بالقوة أريدچ تستمدين قوتچ مني مو بس من نسبچ أني موجود حتى أكون جدار حماية يحيط بـ كلشي يخصچ

مسح حَيرام على شعرها بلطف وبدأ يحچي بصوت هامس جداً قرب أذنها

:- تتذكرين اليوم اللي شفتچ بيه أول مرة؟ چنتي مثل نجمة بعيدة الكل يحاول يوصللها بس هي بقمة الهدوء حسّيت بروحي غريب بهالدنيا و إنتِ چنتي هديتي من رب العالمين صدگيني لا غيرة ولا أي أحد غيرها ما يگدر يهزّنا قوتنا بحُبنا وتفاهمنا

أريج تقربت منه وحضنته حيل دافن وجهه برقبته

- هف يا حَيرام يا ملاذي الآمن يا سبب هدوئي ما أريد غير عطر حُضنك يلا هسه صدگ خل ننسى كلشي ونعيش بس بلحظتنا الحلوة هاي

ابتسم حَيرام بهدوء طفى ضوء الأباچور الخفيف اللي چان مشتغل وبقى بس ضوء القمر الخفيف يطب من الشباچ

:- يلا يا أريج الروح ماكو غير الأمان والراحة الليلة سولفيلي بعد عن جدج واهلج
أريد أعيش وياچ كل ذكرى حلوة عشتيها

- صار تدلل

وظلوا يسولفون بهدوء أصواتهم تذوب بالهواء مثل همس كل كلمة حب تداوي جرح وكل لمسة ترجع الأمان لـ أريج اللي لَگت بـ حَيرام مو بس زوج بل حائط الأمان والسكينة اللي چانت محتاجته بكل قوتها

______________________★______________________

"""" أم البــنـيــن """"

بعد الصدمة الاكلناها من لينا أخذت علي النقي و علي التقي ونقلت المهد مالتهم لغرفتي وبعد ماكعدت انومهم فات عليه رويحتي علي الهادي وشمر روحه على الفراش انداريت إله وهتفت وياه

- مريت على أخيك شفتة ؟

:- علي السجاد

- أكو غيرة صاحب المصيبة ؟

:- لا والله أجى علي الباقر وجاب وياه غدير الله

- غديرة هناا ؟

:- ايي قبل شوي اجت لأن الحيوان أنمار شرد

- الله يأخذ هي العائلة نفر نفر بجاه محمد وآل محمد

:- أنتِ هسة عوفچ من هذا كلة كوم و سالفة علي الباقر كوم ثانية

- شنو شبي

:- حضرتة المُحترم يريد يتصل على ابوي ويطلب منة يرجع لهنا لان غدير الله تريدة

- وشنو بيها ؟ احسن قرار تاخذونة بحياتكم كاافي ترى خبال اعقلوا

:- بنانة لا تخبليني شنييي الــ أحسن قرار صدك عوود ؟؟؟

- اي والله هدهد يمكن الله يهدي من يجي لهنا ويشوف تفكيرة خطأ لأن هو الدخل أنمار و لينا على حياتكم .

:- وعزة الله ما جاي نعاني كلهذا بس من وراه عبد الحسن ما الومك يا جدي يوم الغضبت على عبد الحسن

- عللييي الهاديي

:- لج نور الزهراء ماتت تحرير مات عمي ومات كلهم هذول بذمة عبد الحسن لا تكليلي علي الهادي ولا هم يحزنون

- مبين عليك تعبان روح نام يا روحي

:- ما جايني نوم النوم طاير من عيوني بس كليلي طيورنا ناموا ؟

- اي أمبين ححيل متعلمين على أمهم ولا قبلوا ينامون شلعوا كلبي

:- حقهم هي ما جانت تفاركهم

- الله يرحمها ان شاءالله

:- هههههه قاتلة و منتحرة شني نوع الرحمة التنزل عليها ؟ هي الكيها كبل الله يشمرها وي الشمر و حرملة

- والله مااعرف شأكول عليها يمتا راح تشيعون جثمانها ؟

:- مدري حالياً هي بالطب العدلي

- لازم باجر تمشون بجنازتها

:- وعسانة ما سوينة الها جنازة بنت الكــ،،،

- علي الهاااددييي شسالفتك اللسانك مو الك اليووم ؟؟؟

:- لا تجيبين طاريها بعد راايح اشوف اخوي سجادي وارجعلج لا تنامين

- ليش ؟

:- اريدج بشغلة لا تنامين

- خوش انتضرك لا تتاخر

:- نص ساعة انا يمج ..

كام علي الهادي وطلع من غرفتة اتوجه لغرفة أخوه علي السجاد دفع الباب بدون ما يضرب علية لكاه مفتوح

دخل لجوة لكى علي الباقر كاعد بالگاع ومنتجي على الجرباية وعلي السجاد حاضن قميص نور الزهراء ومتمدد بالأرض ومخلي راسة بحجر علي الباقر

ويهمس وي القميص بكلمات دافية حزينة

علي السجاد :- يمة نورايتي يمة يا ثمرة گلبي أحجي وياك يا قميصها لأن أدري بيك أنتَ البقيت الي أنتَ شاهد الدنيا وشاهد الآخر. شلون صرت هيچ يا قميص؟ چنت حرز بصدري وهسه صرت چفنها وجفنتها

يگلب القميص على كيفة و يتلمس بقع الدم الصايرة علية ويكمل كلامة وي القميص

علي السجاد :- هذا دمها لو دم گلبي؟ يمكن دمنا انخلط سوية هنا ريحتها بعدها بيك أشمها وأتذكر ذاك اليوم من چانت نايمة بحضني ولابسة هذا القميص يا ريتني ما نزلتها من حضني ذاك اليوم يا ريتني متت قبل ما تنذبح
ليش صار بيچ هيچ يا طيرة كلبي ثمن أشهر بس! ما لحگت اشوفج تكبرين ما لحگت أسمعچ تگولين 'بابا' بشكل واضح كل أحلامي صارت هنا بهذا القميص الصغير
وين دفنوچ يردون يضيّعون أثرچ حتى لا أوصلچ بس ما يدرون أثرج هوَّ هنا بصدري هذا القميص بي دم وبي ريحة التراب اللي لطختوه بيها قبل ما تدفنوها راح تبقى كل ريحة بيك يا قميص تذكرني بالي سووه

يتنهد تنهيدة توجع يهمس بضعف

علي السجاد :- شلون اضل بالبيت وأشوف فراشج فارغ؟ شلون أتحمل أعيش بدون صوتچ؟ أنتَ البچيت الي أنتَ صارت روحي بيج خليج هنا بحضني خليج لا تروح مني أنتَ هم اخخ يا قميصها من أحضنك أحس روحي حاضنچ يا بنيتي طيرة كلبي نور قزح عيوني

يسكت لوقت طويل و يدفن وجهه بالقميص كأن يبجي بصمت مخنوك
وهنا رن تلفون علي الباقر لمن شالة وفتحة وجانت الساعة ما تقارب الــ 5الفجر

فتح الخط والمتصل جان أصفاد ألحق واول ما رد عليه علي الباقر سمع ..

علي الباقر :- ها صفصف

أصفاد ألحق :- الشيخ محمد توها لكت جثتة الشرطة مقتول بكاعكم ...........

______________________★______________________

- خشَب بَس تعَبت لمّن چنت محمَل رحت للمَي گلت دور البَلَم أسهَل
وبيدَك مَشعل وشارد بذاك الليل وگلت عبرني شَط وگتلَك ادلل
چا يَم الجرف هيچ المجازَة يصير نزلت مني وشمَرت بداخلي المشعل!َ
مشهَد مُختَصر للينغلب رَديت أمشي على النَهر محروگ ومبَلل
ولَك رد احرگ النص البقى بِالماي خافَن باچر تگله آسف ويقبَل .

يـــــتبــــع ←←

______________________★______________________

لهنا نكون خلصنا البارت هذا
تحسون بدت النهاية تتضح الكم

اتركولي تعليق إيجابي مثلكم وتصويت حلو

وحساباتي اذا عاجبكم تتابعون أحداث الرواية وهيج لأن مانكدر ننشر هنا كُلشي تكدرون تتابعوني

الانستكرام :-

قناتي التلكرام اتواصل بيها وياكم والأبطال هم متواجدين :-

حسابي التيك توك أسوي اعادة نشر لـــ تصاميمكم :-

وبس والله البارت هذا 11,892 كلــــمة 🤏🏻🤏🏻