رواية احفاد السيد : الثار ( بأجزائها الإثنين ) الفصل الثلاثون 30 - بقلم ​رُقَـيَّـةُ الْأَكْـبَـرُ

بسم الله الرحمٰن الرحيم
اللهم صّلِ على محمد وعلى ال بيت محمد

﴿الباقيات الصالحيات ﴾
الحمدالله
سُبحان الله
الله اكبر
لا اله الا الله
لا حول ولا قوة الا بالله
حسبي الله ونعم الوكيل

الکَـــاتـبة ﴿ رُقــيّــة الأكـــبِـــر ﴾

بقلمي روايــة ﴿ ضـحـايـا الـثـأر ﴾
➖ المعروفة بأسم ﴿ أحـفـاد السـيد : الـثـأر ﴾

🌿 لا تنسون متابعة حسابي حبايب قلبي دعمكم يهمني وكذالك تصويت للبارت لطفاً وتعليق ابين الفقرات 🌿

🌿 التَـــعـِب عليــنـا والتــفاعــل عليـــكم 🌿

_____________|| لمُتابعة حساب الكاتبة ||_____________

انستكرام || o.oll13

تيك توك || oo_ll13

قناتُنا تلكرام || oo_ii13

قناة ابطالنا تلكرام || ali_bakiir

واتباد || oo_ll13

______________________★______________________

- كَمن يركـض في الضلام ويعـثر على نچمة .
النچمة أنتِ
وانـا الضلام الذي يَركــض

______________________★______________________

""""" طَــيبـة الزهراء """""

وقت جنت كاعدة اللعب بتلفوني بالاستقبال يم أمي والعلوية
نزل علي الباقر و أردف

علي الباقر :: سلام الله عليكم يا جماعة ..

العلوية :: وعليكم السلام امي

أم رحمة :: ياهلا بَ أبا الحسن

اني ما جاوبت على سلامة واصلاً ما رفعت عيني من التلفون لأن قصدي جان خير
ماردت امي لو خالتي يشكون بعلاقتي لان ما اسيطر على روحي كدامة

وتجاهلي الة ضوجة حيل لهذا سوة اسوايتة الشهيرة
طفر الي اخذ تلفوني مني واخذ المزهرية الي على الطبلة ذب منها الورد وسواها عود مسطرة وأردف وياية بحزم

والشيء هذا خلا امي وخالتي يموتون من الضحك ..

طيبة الزهراء :: هي الحركات عود شنو يسمووهاا ؟؟؟

علي الباقر :: أشش لا تحجين ولا كلمة

- عليي جييب تلفوني !!

- والله ولا راح انطي الچ لحد ما تجاوبين على سؤالي

- شني اجت ساعة الصفرر !!؟

- ايي اجت جاوبيني يلا

- شجاوبك هوة انتَ شنوو سألت ؟؟

- اهاا ايي صددك ما سألت .. يلا سؤالي عدديلي الأئمة المعصومين الاثنا عشر

- هو هذا سؤالك ؟

- جااوبي يلا اسمائهم وبالترتيب

- امم الامام علي و الامام الحسن و الامام الحسين والامام السجاد والامـــ......

قاطع كلامي ورفع المزهرية ابوجهي وأردف وياي بصوت عالي

علي الباقر :: خطأ كتلچ الاسماء يعني تكليلي اسمة واسم الاب مو الألقاب

طيبة الزهراء :: شنووة ؟؟ عليي شو رووح عني .

- جااوبي عود هي أنتِ العلوية ما تعرفين الأئمة ؟

- ترى اعرفهم وماريد اجاوبك انطيني التلفوون ولج يمةة احجي وياه !!

أم رحمة :: مالي غرض انا جاوبي تخلصين منة

- سمعتي ! جاوبي يلا وتخلصين مني

جنت ما حافضتهم عدل واخربط بالاسماء وهو يعرف بهذا الشيء لهيچ استغل الفرصة وسالني واني جنت اريد بس اخلص روحي منة بس ماكو مهرب !

بقيت اباوع علية وبلعت ريچي وبقيت احسب على اصابيعي واني اعدد ..

طيبة الزهراء :: الامام علي أبن أبي طالب و الامام الحَسن أبن علي وهو المجتبى
الامام الحُسين أبن علي وهو الشهيد الأمام علي أبن الحُسين وهو السجاد
الامام مُحمد أبن علي وهو الباقر الإمام جعفر أبن مُحمد وهو الصادق
الإمام موسى أبن جعفر وهو الكاظم الإمام علي أبن موسى وهو الرضا
الإمام مُحمد ابن علي وهو الجواد الإمام علي أبن مُحمد وهو الهادي
الإمام الحَسن أبن علي وهو العسكري الامام مُحمد أبن الحسن وهو المهدي
( عليهم السلام أجمعين , وعجل الله فرجة وسهل الله مخرجة )

ويصير ترتيبهم بهلشكل ..

أمير المؤمنين ، الحسن المجتبى ، الحسين الشهيد ، علي السجاد ،
محمد الباقر ، جعفر الصادق ، موسى الكاظم ، علي الرضا ،
محمد الجواد ، علي الهادي ، الحسن العسكري ، محمد المهدي

من نضراتةة الي عرفت ترتيبي صحيح وهو ضاچ لان جاوبتة
ورجع ورفع المزهرية ابوجهي وأردف وياي ..

علي الباقر :: يلا هسة انطيني سبب وفاة كُل أمام

- علييي لا تزوددهاا وياي

- والله يا نحري بس هذا السؤال واتركج بكيفج تجاوبين علية واروح لو تضلين هيج واضل كاعد على كلبج

- جاا راح اضل هيج وابقى كااعد على كلبي ..

صار يباوعلي ويباوع لامي وخالتي اني صحييت على نفسيي وسويت روحي ضايجة منة ضربتة على ايدة ونترت ابوجهة

طيبة الزهراء :: عليييي والعلييي ما متأكدة من معلومااتي لا تسوي بية هيج وخر عني وانطيني تلفوني يلا كووم ..

العلوية :: جاوبي واذا اكو خطأ اني واميمتچ راح نغششج ..

- العبااس عليهاا الينطيهاا تلميحح اصغييرر هي جاهلة وانتم تعرفون خلوها تعرف !!

طيبة الزهراء :: عليييي شني الموضوع

- والله ياعيني هذاا الموضوع ..

- جييب تلفووني جيبةة

لمن تعبت وياه وما انطاني التلفون ضجتت حيل منة . عفت المكان وكمت وهتفت وياه

طيبة الزهراء :: عوف التلفون عندكك ما احتاجة اني صااعدة اشرفلي ..

كام يضحك واني عفتهم وكمتت رحت لفوك دخلت غرفتي وصرت اباوعع يربي شسويي هسة ماعندي شيء تلفوني بقى عند علي الباقر !! شلون هسة ؟؟
مالي غير هل شغلة هيي

رحت للميز مالتي فلشت الهدووم ورجعت ارتبهم من جديد
وبعد نص ساعة دخل علية علي الباقر عدلت حجابي واجى يمي شمر تلفوني على المكتبة وأردف وياي ..

علي الباقر :: علي الصادق راسلچ ردي علية لا يزعل .

دار وجة يريد يروح صحت علية ..

- علييي اوكف ..

اندار الي وهز راسة بمعنى شتردين كولي ؟
اردفت وياه

- وين راح تروح ؟

علي الباقر :: راح اخذ غديرة واطلعها من امس مطالعة من غرفتها ..

- زين تسوي ..

اشر على تلفوني وهتف ..

- ايي كلش زين يلا اني طالع وأنتِ جاوبي على صدوقي لا يضوچ

- علييي

عافني وطلع وربد الباب وراه ربد غمضتت عيوني حيل من الصوت الاجاني راد يكسرلي الباب عفت الهدوم ورحت للمكتبة اخذت التلفون

لكيتة فاتح الرسائل !! ولكيت علي الصادق دازلي رسالة يكول بيها ..

علي الصادق :: حلمت بيچ وكلت اراسلچ خايف صاير بيچ شي ..

احاااااا وقتتتت هلرسالةة هااييي ياربييي شنوو هذاا الحظظ ؟
كل الوقت حضرة جناب هذا مُحترم بس صاار التلفون بأيد علي الباقر
حلم بية وراسلني ..

خررب حضييي خررربب شيخلصني هسة من علي الباقر يا ربي !

بقيت اغم گصتي للن عرفت علي الباقر قارئ رسالة اخوة ولهذا اجاني مطنگر ويكلي ردي لا يزعل ..

استغفرالله ربيي هسة بس اريد افهمم شكوو حلماان بية شنيي دزيت رسالة الة
( لاا مابية شيء بخير اني الحمدالله لا تفكر بية وانتَ ماراح تحلم )

اخذت طفييت التلفون وشمرتة على الفراش وطلعت حتى اشوف علي الباقر وطلع كدامي علي الرضا واردفت وياه ..

طيبة الزهراء :: ثواني روضيي ..

علي الرضا ؛: عيوني

- اريد اسألك علي الباقر وينة ؟

- علولي توة طلع وي غيمة محتاچتة بشيء ضروري ؟

- يعني طللع طلعع ؟

- ايي هي ودعتهم وصاعد لغرفتي

- اهااا تمام خوة

- محتاجة شيء طيبات ؟

- لا يخوي بس اذكرت سالفة وكلت اسولفها وي علي الباقر

- اذا بس سالفة هينة أجليها من يجي سولفيها وخاف تنسيها اكتبيها يمچ بورقة الملاحضات حتى تنطبع ببالج ومن يجي تحجيها

- ههههههه لا ماراح انساها ..

- زيين ..

عفتة ورجعت لغرفتي كملت ترتيب اهدومي شلون ماجان بس اريد اخلص
لان بالي كلة راح ورة علي الباقر .. !!

ماريدة يزعل مني ياالله هذا زعلة ثكيل شنو يقنعة هسةة ؟
لازم اشوفلي چارة وياه حتى يرضى ويرجع يحجي وياي طبيعي ما يضل يطفر بالحجي مثل هسة ..

ولازم اشوف شكلي شلون أسوي كدامة هو يحبني بس يشوفني ضايجة راح يعوف ضوجتة ويلتهي بمراضاتي ههه واكلب السحر علية اني اعلمة خلي يجي هسة ...

عفت الغرفة وطلعت حتى اكعد وي أم البنين واني طالعة صارت ابوجهي لينا باوعت الها واتجاهلتها لزمتني من ايدي واردفت وياي ..

لينا :: تعاي اريد احجي وياچ

طيبة الزهراء :: ماعندي كلام وياچ وخري عني وعوفي ايدي

- طيبة لا تحجين وياي هيج والاحسن الچ تجين وياي هسة تعااي !

- لينا عوفيني بحالي طلبتي ابعد علي الباقر عنچ وهي اني ما سويت شيء القدر سوة صارت تنزل على علي مصايب من كل مكان وصار مايكدر يشوف روحة

- مااجيتچ علمود علي الباقر شبيچ طيبة

- چا شتردين منيي ؟ يمعودة ترى ما فارغة بس لحضرتچ

- باوعِ اريدچ تهكرين الي حساب

- شنييي ؟

- ادري بيچ عقلچ بهذا السوالف ساعديني هسة وهكري الي الحساب

- حساب منو ؟

- اريدچ تهكرين كُل حسابات علي السجاد ودخلين ڤايروس لتلفونة تحرگي حرگ

بقيت اباوع عليها بتعجب هي شتريد تسوي !؟
ماجنت راضية مُستحيل اسوي هيچ لأخوي هتفت وياها وتركتها ورحت

طيبة الزهراء :: تخبلتي ؟ مُستحيل اسوي هيچ تلفون اخوي ما اوصل الة !

لينا :: صدكيني بيها خيرة

- ليش ترديني احرگ تلفونة؟

- اني هوواي صايرة اغار على علي السجاد واكثر من مرة كتلة بطل تنشر صورك بطل تسوي حساباتك عامة وما يسمعني وهي البنات چي يدخلن الة من كل مكان واني محترگ كلبي ساعديني بس بهيي فدووة حطي روحچ ابمُكاني !!

- ماكدر اسوي هيچ اعذريني

عفت لينا وردت اروح بس هتفت وياي بنتر وتهديد وكالت ،

لينا :: إذا ما سويتي الأريدة اهلچ راح يعرفون بسالفة سِراب !!

عصبت حيل والتفتت الهاا وحسرة بگلبي وصيحت بيها

طيبة الزهراء :: لچ أنتِ شنوو بس تردين العالم تمشي وراچ ؟ للمرة كم لازم اكلچ سِراب اني مالي غرض بيهااا الصار وياها من ايدها اني مالي غررض ياا قوم افهموا !
وأنتِ على الصاعدة والنازلة تهدديني بيها سكتت الچ لعملتچ مال السطح مو حُباً بيچ والله لچل الاطفال النايمين بالغرفة لأن اذا علي الباقر يعرف السويتي وياي ما يخليچ هناا ولاا دقيقة لهذا خليچ بعيدة عني وموضوع سِراب اذا جبتي مرة ثانية صدگيني ماراح اعچبج ..

تركتها ونزلت واني على الدرچ مسحت ادموعي مو مشكلة نتحمل شنسوي مرة اخونا وهي هاي كُل چنة لازم تاخذ مفعول الغثة وتصعدة .

لمن نزلت لطابق الارضي سالت عن ام البنين وكالوا الي بالمطبخ رحت الها لكيتها تسويني ههه اقصد تسوي گيك حطيت تلفوني على السنگي ورحت اساعدها بالمُكونات ..

______________________★______________________

"""""" أصـفــاد الـحــق """"""

جنت واكف واني احاول اتصل على بندر بس جان ما يرد علية الحيوان !!
اخذت ورجعت اتصلت على جميلة وبعد ما جاوبتني ...

جميلة :: هلاا اصفاد .

أصفاد ألحق :: وين أنتِ ؟ ومنو يمج ؟؟

- بالبيت ومحد يمي كاعدة بالغرفة لوحدي

- جميلة محتاج مساعدتچ هسة اجى الوغت ترجعيلي الجميل السويتة الچ

أصفاد ألحق :: جميلة لا تلعبين وياي طلعتچ من سالفة سائد جدام البشير قيصر وهسة صار الوغت تردين الي هلشيء ..

جميلة :: أصفاد أنتَ ما جملت علية لا تنسى سائد أنتَ دخلتة حياتي وخليتني اتورط وياه ولو انا اعرف بس هو يكره السادة جان ما تواصلت وياه وهم وجان واجب عليك تطلعني من السالفة هي مو لسواد عيوني أنتَ طلعتني حتى ما اكللهم انتَ على تواصل وي عدوهم

- جميللةة جميلةة اسمعيني لاا وسيف الامام افجر الدنياا هسةة اسمعييني ولجج

- خيرر شنو تريد كوول ؟؟

- عندج رغم الحيوان سائد ؟

- لااا ماعنندي واصلاً هو ما يثبت على رقم كل يوم يغير

- يعني ماعندج اي شيء يخليج توصلين له ؟

- لاا ماعندي وليش حتى لازم يكون عندي أصفاد من ذاك اليوم البشير عرف انا اتواصل وياه وكالي هذا منو وشيصير الهم
واني ما متواصلة وياه وحتى علاقتي بزوجي لهسة صاير بيها حزازية !

- اذا اتواصل وياچ لا تترديين لحضة تدزين الرغم الي

- صاير شيء وياك ليش معصب ؟

- مااكوو شيء ..

سديت التلفون ابوجه جميلة وصرت افكر
رجعت واتصلت على انمار وطلبت منة اشوفة ولمن اتفغنا على مُكان

صعدت سيارتي ورحت التغيت بس نزلت حافة نهر دجلة ولكيتة منتضرني لمن وكفت جدامة هتف وياي ..

أنمار :: دولبتني أدولب شبيك ؟

الدم چان يغلي بجسمي عطت ابوجه وأردفتت

أصفاد ألحق :: الصار بأختي اريج الله واختي غدير الله منن فعل اخوك بندر ؟؟

- أصفاد لا تضل تخوط بصف الاستكان اخويي بندر شنو علاقتة ودحچتة بالنص ؟
وبعدين عوف أريج الله أنتَ تتخيل لو اخوي هو الضر مرتي اني اسكتتت؟

عصرتت كلبي ونفسي وصحت بعصبية ابوجة

أصفاد ألحق :: اييي تسكتت تسكتت مثل ما سكتت لفعايل ابوك راح تسكت لاخوك واناا شنوو اناا شنوو انماارر انااا لك كلتكم سوو الانتم تردونة بسس ما تضروون اهلي
لك انا ساعدتكم ودخلتكم ابوسط اهلي ونااسي بس كلتلكم ما تنمس شعرة منهم
شنوو صار هسة وين وعدكم ألي؟؟
اخوي تحرير وعمي الحسن المجتبى
واخواتي أريج الله و غدير الله
كل هذا وانتم منطيني وعد ماراح تسوون شيء لو ما منطيني شنو سويتو ؟
خليتوني اثغ بيكمم ..

- أصفاد بِ شنوو تريد احلفلك تحرير مالنا علاقة بي الولد ما تحمل موت اخوة وصابتة نوبة لا تنسى هو مريض قلب
وغدير مالهم دخل ولك مررتيي هي لو الهم علاقة اناا جان صرت ضدهمم !!
واريج كذالك انا اضمن الك واحلفلك اهلي مالهم علاقة ولا ينزلون لهيچ مستوى

- خووش اناا هسة راح اتحول مطي وارجع اصدك بيك مالكم غرض بموت تحرير ولا اريج الله الكم غرض بيها
غنعني خنجر اخوك شلون انغرز بداخل اختي ؟
ولا تكلي مو خنجرة ترى خنجر بندر أميزة لو تحطة وي مليون واحد لا تنسى انا وياه لمن كتلنا الرجال بالبُستان وخلينة الرسالة وجان نفس الخنجر ..

- ماعرف بي اكيد احد متقصدنا لأن هم نفسهم كالوا لغدير سلمي النا على انمار يعني هم يردون يخلون ثغرة بيني وبينها !!

- تدري شنو خلص طك كلبي من السالفة هي من الأساس ليش شاركتكم مااعرف

- أصفاد لا تتهور وتروح تسوي شيء نتدم علية كُلنا ..

- هههه شنو اسوي ؟ وين انطي وچهي ؟ لك انتم ماراح تخسرون شيء اذا اهلي عرفوا أنتَ تنجبر تطلك اختي وعلي السجاد راح يطلك اختك بسس انااا ..
لك اناا حياتي تضيع راح اخسر اخواني الي هم كلشي واذا خسرتهم يعني حكموا علية بالموت رااح اخسر كلشيي ..

- شوف أصفاد الوضع هسة بأيدنا اذا ابوي وبندر ابتعدوا خلص خلينا ندفن السالفة هناا ولا احد يعرف بيها وبالتالي لا أنتَ تخسر اخوتك ولا أنا اخسر مرتي ولا لينا تخسر بيتها واولادها ..
لا تحجي شيء أصفاد فكر بكلامي وارجع اتصرف طبيعي مثل قبل ولا تخلي احد ينتبه عليك لا تروح تفضح روحك وتفضحناا ..

عفت أنمار ودرت وچهي عنة وصعدت للشارع ركبت سيارتي ورحت بيها
واني بالطريغ اتصلت على عُمر وبعد ما جاوبني ..

عمر :: وعليكم السلام

أصفاد الحق :: شلونك عمي

- بخير ابني أنتَ شلونك ؟

- بنعمة الرحمٰن

- عساك على الدوام .. خيرك ابني اكو شيء ؟

- عمي وصلت الأمانة الانطيتها الك ؟

- اي ابني انطيتهن لخليفة

- رسالة وَهج الطف وصلت ؟

- أنا انطيت خليفة رسالة العلوية ورسالة وهج وهو سلمهن بيد بنت السيد احمد

- تعبتك وياي عمي

- لا ابني لا تعب ولا شيء ابن الغالي أنتَ تدلل .

بعد ما ودعتة سديت الخط وضليت افكر
اذا الرسالة وصلت لأيد عمتي ليش الدنيا سكتة ؟ معغولة ما حچت شيء ؟

الصبح شفت وجه عبد الحسن وكلشي مابيه اكيد عمتي ما حجت وياه !
كملت طريغي واني متحلف بس تفض سالفة اختي اريج راح احجي كلشي للسادة وعلية وعلى اعدائي

مادام انا دخلت رووحي بهي المصيبة اتحمل عاغبتها

ياالله

شلون راح اسامح نفسي اذا طلع صدك سائد ورة هي المصائب معناهااا ضحك عليةة بسالفة وهج وخلاني اساعدة جان بس يريدني ادخلة البيت حتى يتصرف براحتة ويسوي اليعجبة معنااها وهج مااكوو من هذاا كلة !!

وسيف الإمام اذا طلع كلهذا صح وسائد لعب وياي هو واولادة موتهم يصير على ايدي وهذا شيء مؤكد ..

ما جان لازم اثغ بي واخلي يوصل لنص اهلي ونااسي مايصير هيج ماجان لازم يصيرر هيج

بغيت اضرب على الستيرن واني ألوم نفسي واغلط على روحي
دخلت نفسي بسالفة مالها حل ولا رداد !!

رجعت ورحت للمنطقة الساكنة بيها هذيچ الحيوانة الثانية صديغة اريج الله
ولمن نزلت من السيارة ورحت أسأل عن بيتها

طلعت لهسة ماراجعة صاللها ثلاث اسابيع مسافرة هي واهلها !
وسالفة اختي صاللها اسبوعين شلوو يصير هيچ ؟

أريج ما تچذب مادام كالت صديغتها هي الجانت بالسيارة معناهاا صحيح هي الحيوانة ساحبة اختي بس شلون صارللها سبوع من يوم الحادث هي مسافرة

والجيران والمنطغة كلها تشهد هسة نكول البنية تتفغ وي جار جارين مو المنطغة كلها تكول من ثلاث اسابيع جمعوا اغراضهم وطلعوا بسفرة

اكو طرف ثالث بالسيرة هي ولازم اعرفة !! لازم حگ اختي يرجع ماراح افوتها للسواها
وسيف الامام الا اخلي يتندم ويتحسر على الموت

عفت الناس ورحت لسيارتي صعدت بيها ورحت للبيت وانا على الطريغ اتصل علية
المعتز باالله لمن فتحت الاتصال

أصفاد الحق :: هلااا بأخوويي

المعتز باالله :: هلا بيك يا حشاشة گلبي ..

- شنيي متصل علية ما تحملت افراگي ؟

- خااب دنججب عندي سالفة وياك

- شنهي كول وادلل

- باع اتصلت مساع على وهچ الطف وطلعلي مدري شنيي ما اكدر اتصل عليها بس اريدك أنتَ اتصل شوف يطلعلك صوت مثلي !

- صوت مثل شني ؟

- لمن اضغط على رقمها واتصل بسرعة يطلعلي هيج طووط وينغلق

- هعهعهاااي

- ومررض شبيك ما حجيت نكتة صفد مالي مزااج تفاهتك !

- تفاهة لو برتغالة هعهعهاااي

- تعرف الصوچ بية اتصلت شترچى منك ابو كفشة !

- اوكف اوكف حبيبي وهج حاضرة رغمك لهيچ يطلعلك هذا الصوت

- حاضرتة ؟؟

- اييي شوف أنتَ بِ شنو مضوجها وهي طالعة روحك ومبلعتك ابلوك امعدل

- والخلقني ممسويلها شيء !

- والخلغك تطلعلك غاثها بشيء وأنتَ ما منتبه

- زين هسة شلون ماكدر اتصل ولا اراسل على الرقم !

- نعم بس راسلها على الانستكرام .

- عدها انستكرام ؟

- ايي مسوية من زمان عندي ادزلك الرابط مالتها ؟

- دزة ..

سديت الإتصال ورحت فتحت بيانات التلفون ودخلت على الانستكرام بحثت على حسابها وطلعتة سويت نسخ الملف الشخصي ورحت للواتساب دزيتة لــ عزوز

وغلقت التلفون ووكفت السيارة ونزلت دخلت البيت وصعدت لغرفتي
ودخلت علية امي واردفت وياي ..

الام :: شني اصفاد شمالك فتت امتنح هيج ؟

أصفاد ألحق :: ماكو شيء يمة

- لا اكو شيء ما تريد تحجي لاميمتك ؟

- لا اريد احجي بس هسة اريد اسالج .

- على شنو؟

- تعااي اكعدي

سحبت امي من ايدها وكعدتها على الچرباية ورحت للدولاب فتحتة وطلعت صورة قديمة لوَهج جان عمرها 3سنوات مصورة وي امها بسمة
رحت كعدت چدام امي وحطيت الصورة چدام عيونها واردفت وياها

أصفاد ألحق :: يمة تذكرين هي المرة ؟

- وشلون ما اتذكرها هي بسمة ! السيد صفاء الحسن اتزوجها على مرتة العلوية اسراء وهي الوياها بالصورة بنتها وهچ الطف

- شلون جانت علاغتج بيها ؟

- سطحية كلش

- شعجب ؟ رغم أنتِ اتذكر چنتي حيل ترحين الهم وهواي عدهم

- صحيح جنت قوية بالزيارات الهم بس امي هي بسمة جان من طبعها مبتعدة يعني كلش ما اندمچت ويانة وحتى لمن نحاول انا والعلوية ام السيد صفاء الحسن نحجي وياها هي ترد على كد الكلمة وتسكتنا واسراء تكول لا تحجن وياها حاولت قبلكم وما تحجي

- يعني جانت ما تندمج وياكم ؟

- ولا بأي شكل من الاشكال لا حفلة ولا عرس ولا كعدة عائلة كلهن هي عازلة نفسها عننا وبس من يجي صفاء الحسن نشوف طولها ..

- زين هي اتزوجت عمي حُب لو امها جبرتها لان جانت متزوجة جدي احمد ؟

- لا يا امي اصلا همسة لمن اتزوجت السيد احمد جانت امبعدة بنتها بس على زيارات بتها الها شافت صفاء الحسن وهي انعجبت بي ومن حُبها راحت حجت وي زوج امها الي هو جدك السيد احمد وخلتة يحجي وي صفاء ويخطبها ..

- يعني تحب عمي جانت

- تموت علية تعبدة مو تحبة هيج حب عادي

- زين شنو يخليها تترك بيتها وزوجها وبنتها ؟

- ما تركت هي

- چا وين راحت ؟

- سافرت الأنبار لخوالها زيارة والوضع جان مو تمام كلش خطر انفقدت اخبارها خوالها يكولون هي طلعت مننا ورجعت الكم
بس هي صح طلعت من خوالها بس ماكدرت توصل النا وبعدها صارت بعداد المفقودين بذاك الوقت ..

- لهدرجة جان الوضع خطر ؟

- حرب بالشوارع صارت يمة شتحجي أنتَ يعني تطلع من بيتك ما تعرف أنتَ راح ترجع عدل لو تموت لو تنفقد

- زين يعني هسة هي مفغودة مو ميتة !

- أصفاد المفقودين راحوا لعداد الموتى لان اكيد انكتلوا وراحت چثثهم بغير مكان
لو جانت عايشة وينها مرت على السالفة 15 سنة
كلهذا الوقت هي موجودة وما رجعت لبنتها ما شافت زوجها شنو صار بي ما صار ؟

- يمكن ضروف ما تسمح الها

- أصفاد الحق ؟

- عيوني امي

- تعرف شيء نحن ما نعرفة ؟

- لا والله بس سالفتها ما دشت عغلي وجاي ابحوش بيها

- اهاا

- زين يمة واني جاي ادور بهي السالفة عرفت ان بسمة جان عدها خال اسمة سائد جبران شنو علاقتة بالسادة ؟

- اءءء هذا الرجال ماعرف قصتة شني بس اذكر ابوك جان حيل يكره ويسولفلي عنة

- مدام ابوي جان مرافچ عبد الحسن اكيد يكره سائد !

- بس ترى حق يكره الرجال جان مأذي حيل وجان نيتة مو صافية يشتغل بالفايز وكذالك اجتة مرحلة صار يبيع مخدرات وانسجن اكثر من مرة بس باحكام مختلفة وجان يطلع
وما يتوب يعني الرجال مشكوك بأمرة لهيج لمن تروح للسادة تشوفهم ما يحبونة ابد

- زين يمة على عيشتج وياهم ما تحسين ان السادة ضلمت سائد ؟

- بأيش ضلمتة يعني ؟ امي السيد احمد اتزوجت اخت سائد واختة هي الزوجت بنتها لصفاء يعني السادة مالهم غرض
هو انقلب ضدهم وصار يأذيهم حتى بالشغل ورغم هو جان شريك وياهم هو واتذكر صديق ثالث الهم أسمة عمر والي اتزوجتة العلوية كذالك صديقهم حُسين كاظم

- يعني يمة اذا صارت سائد والسادة ويا منو توكفين ؟

- هههههه سنو هذا السؤال أصفاد اكيد وي اهلك

- زين اذا انا عارضتج ووكفت وي سائد لان بنضري اشوفة مضلوم يمكن اكو اشياء ما نعرفة شنو راح تسوين ؟

- اتبرى منك أصفاد حتى لو اهلك على باطل لا تنطي بيهم جدام احد لو شنو ما صاار

- اشاغة تتخيلين اكدر انطي بأخوتيي اكيد لاا

- وبعدين منيلك هي الصورة ؟

- كتلچ بحووشت وحصلت بس هي الصورة لبسمة و وَهچ وهم من 2005 .

- ايي قديمة حيل يلا هسة عوفك من هي السالفة صار الها عقود وتعاال عاوني اريد اغير فرش الهول ..

- صاار اغير ملابسي واجيج لا تشيلين شيء لحد ما انزلج

- يلا راح اشيل الطبلات وأنتَ من تنزل هذول الزوالي والمدات على الدرچ نزلهم وياك

- ان شاءالله يمة

طلعت امي واني رحت وحطيت الصورة على الطبلة مالي وحطيت فوكها ايد البلي
ورحت طلعت حتى اساعدها بالفرش الهول

______________________★______________________

""""" جمــيلة """""

سديت الخط وي أصفاد الحق ونزلت جوة لكيت أبو توأمي البشير قيصر
مهوس الصالة كلها لان الليلة يلتحق
وجاي يحضر الچنطة رحت وشلت البدلة مالتة اخذها من ايدي وأردف وياي ..

البشير قيصر :: عوفيها اني جاي اسوي كلشي

جميلة :: اساعدك

- ماا يحتتاج جميلات اني جاي اشتغل على كيفي لا تدوهنيني وانسى شيء سالفة

- امم تمام ...

عفتة ورحت بعيد عنة بعدها ما اتحملت هذا الرجال راح يروح وهو زعلان مني ولهسة ما يحجي وياي مثل الاوادم وحتى اولادي علاقتهم بردت وياي
رحت يمة وهتفت وياه بضحكة ..

جميلة :: ءء امم اكوو بشيريي

البشير قيصر ؛؛ كولي !

- شنو رئيك اروح هسة للمطبخ واسويلك اكليچة او فطائر تاخذهن وياك ؟

- لاا ماريد

- ليشش أنتَ مو ذيچ روحتك طلبتهن مني وكلتلي اسويلك ؟

- ايي هذيچ روحتي جنت مشتهيهن هسة لاا طلعن من خاطري .

- بشير لشووكت نضل هيج نحن ؟

- أنتِ سويتيها هيچي

- بشير اني بس ردت اي امل يوصلني لهلي ليش ما تريد تفهمم قسم بالعلي ماجنت ادري هذا شنو علاقتة بيكم !!

- وانااا لشوكتت لازم اكلج يا بنت النااس اهلچ ماتووو !
لج افهميي أنتِ رحتي مناا امچ واخوج وابوچ راحوا لربهم

- بشير أنتَ خاسر اهلك وتحس بية اني ما شفت جثثهم ولا شفت شلون ماتوا اكيد راح اصدك اليكلي هم عايشين لك اريد امل صغير ..

- يعني تصدگين اليكلچ عايشين بس ما تصدگين بية !؟

- لااا موو هيچ بشير

- چا شنيي جميلات ؟

- بشيري أنتَ كلشي بدنيتي والله وهسة أنتَ اهلي وعشيرتي وبيتي والأمان الي

- دام اني كلهذا ليش جاي تسووين هيچي وياي ؟

- خلص يلا خلينا ننهي هذا الموضوع هسة واليوم اخر يوم الك فدوة لخاطر اولادنا خلي تصفى النفس بيني وبينك ترى شبر وشبير مو اصغار ويحسون وضايجين لأن جي يشوفون علاقتنا هيچ باردة !

- وانتِ ليش مديتي أيدج على شبر و شبير وصار عندچ عادي تضربيهم واني موچود ؟

- عسى لأيدي الكسر والله والله متندمة جنت مكسورة على طلعتك وهم زودوهاا وياي فقدت اعصابي عليهم

بقيت ابجي وهو سحبني من ايدي وضمني لصدرة وطبك ايدية علية بعدها بعدني عنة ورجع شعري لورة وباسني بخدي
واردف وياي وهو مقرب راسة من راسي ..

البشير قيصر :: لا تبجين اروح فدوه لعيونچ

- ماريد علاقتنا هيچ تضل

- جنت منتضرچ تجين وتراضيني بالگوة لازم نفسي عليچ ومبتعد لا على بالچ بالساهل علية ؟

ضربتة على صدرة ضحك واردفت وياه

جميلة :: چا ولك كم مرة اجيت وحجيت وياك وأنتَ صديت عني هاا ؟

- جنت اريد اشلع كلبچ شوية .

- وهسة شلعتة ارتاحيت ؟

- اييي وما ارجعة الچ بعد راح يبقى يمي

- اني اريدة يبقى يمك

اتقربت منة شوي بعد
دخلوا علينة لصالة أولادي شُبر و شُبير

شُبير :: السلام عليــــ..... اوووو اسفييين اسفييين

شُبر :: نعتذررر اجيناا بالوقت الخطأ كلشش كلشش

دفعت البشير قيصر ووخرت ايدية من خصري
ورديت على اولادي الي التفتوا وانطونا ظهرهم

جميلة :: هلاا بثمر عمريي

شُبر :: خلصتوا ؟ ندير وچهنا ؟

البشير قيصر :: جاي نسوي اغراضي بعدنا ممخلصين ..

اندار شُبير وهتف وي ابوة وهو يضحك ويتغمز لابوة

شُبير :: ايي بوية غير تاخذ احتياطك وتسوي اغراضك بالغرفة يعني الاحوط وجوب حتى لا نشوف هيچ مناضر تخدش النضر

حطيت ايدي على وچهي وضحكت من كلبي حيييل خجللت وجهي صار نار
ضحك البشير قيصر وهتف وي الاولاد

البشير قيصر :: يا مناضر ولكم هو انتم شنو شفتوا انتم اصلاً ؟

شُبر :: ما شفنة شيء !

شُبير :: احنا صاعدين لغرفتنة بلابل الحُب لحد ماا تخلصون الاغراض هااا صيحوا النا .. يلا تعاال شُبر

غمز شُبير لابوة واخذ أخو وصعد لفوك واني لزمت أيد البشير واردفت وياه

جميلة :: شنو هذا الحظظ ؟ مادخلوا الا بهذا الوقت ؟ ياالله شلوون اباوع بوچوهم بعد !!

- شمالچ ما مسوين كارثة عادي امهم وابوهم وتصير

- لاا بشير مو مال يشوفونا هيج هلكد قريبين على بعض بعدهم شني يشوفون هيچ منضر !!!

- عاادي

- بشيرر

- ايي والله لا تسويها چبيرة هيچ مواقف تصير نسيتي قبل من بالمطبخ وفاتت علينا امي ! هههههه

- دوومك مخجلنيييي

- ههههه غير احبچ وما اكدر استچن چدامج ؟

- تمام حبيبي هسة خلينا نرتب هي الهوسة

- هسة أنتِ كملي ملابسي واني صاعد انضف السلاح ما فتحتة ابد

- تمام يروحي ...

عافني البشير قيصر وصعد حتى ينضف السلاح مالتة
واتذكرت لازم اتصل على وَهچ الطف شلوون نسييت ؟؟

لكيتها متصلة علية شوف شلون بس يلا ما صار شيء هسة اخلص البيدي واروح اتصل اشوف شنو تريد ..

بقيت ارتب بالجنطة اجيب منا واحط منا واني مرتاحة لان بعد هذا الزعل رجعتت وشفت اولادي وزوجي حواليني وعين الله عليناا ..

______________________★______________________

"""""" غَــدير الله """"""

طلعت انا و علي الباقر ولمن چنا بالسيارة ماحچيت اي شيء ولا لفظت حرف واحد
من عرفت منهم الصار
لحد ما طلعت كضيتها اباوع بالشباك واني گالبة خلقتي ..

وصار علي الباقر يسولف وياي عود يهدئني ويخليني احجي شيء
كعد يوضح الي سالفة اريج الله منين ابتدت لحد ما طلعت انا

انداريت الة وهتفت وياه

غدير الله :: شلون ممكن يصير هيج شي ؟
باقر هي شلون تسوي هيچ باريج لك اختيي ماعدها بس هاي صديقتها شلون هيج تنطي بيها يعني حقد البنات والسوالف هي انا اعرفها بس ما توصل لهي المرحلة
علي الباقر البنت هي ضيعتت اريج الله
ليشش علمود شنوو بعمرها اختي ما غلطت وياها ولا زعلتها ولا سمعتها احچاية رغم هذيچ جانت بس تعصب تسمع اريج ذاك الحجي واختي تبلع وتسكت لان تحبها وماتريد تخسرها وتاالييي شنوو سووت !!!!

بقى يباوعلي علي الباقر ولمن درت وجهي للشباك هو اردف وياي

علي الباقر :: هي السالفة كلها داچة وكلشي داخل ابطن شيء ما تفهمين منو الوياچ ومنو العليچ

غدير الله :: وشني هسة راح يبقى ابوي هيج مبتعد ؟ واختي ما نعرف وين گاعهاا ؟؟

- هاچ اقري هي الرسالة قبل أيام وصلتلي من اريچ الله

اخذت التلفون وبديت اقرأ وبديت ابجي وي كل كلمة اقراها بعد تعب اسنين امي بتربيتها هيج تضيع اختي وتصير بهي الحالة من بعد خوف اخواتي علها من نسمة الهوى هيج يصير

بعد ما خلصت قرائة مسحت اعيوني واردفت وي علي الباقر

- ليش ما كالت هي بأي مكان ؟

- لان تدري راح نروح ونشوفها وهي ما تريد هذا الشيء

- زين عليي أنتَ ليش شردتها من الأساس ؟

- غديرةة شنو جان بيدي اسوي الناس على بابنة بس تريد تذبحها مو زين ضل عقل براسي وفكرت هيچ وبعدين اني انطيت الها عنوان حتى تروح علية بس هي كسرت بية وراحت لغير مكان وشوف عينچ بالرسالة تكلي هي بخير بس ماتريد تكول وين ساكنة

رجعت الكرسي للخلف و وسدت راسي علية ورخيت جسمي وباوعتلة بطرف عيني وابتسامة خفيفة خلص حسيت بالامان نزل على گلبي بعد ما قرأت رسالة وقرأت كلامها الكاتبتة

غدير الله :: مو مشكلة ما صار شيء الا والله كاتبة النا
والمهم هسة ان هي بخير ونحن هذا النريدة ولازم تضلون ورة الموضوع هذا وتطلعون راس الحية

- نحن هسة اعقولنا مو ويانة كلنا منتضرين الأربعينية تچزي حتى نعرف نشتغل عدل لان الكل ملتهي هسة ..

- نروح مشايا هي السنة ؟

- نرووح ليش حتى مانروح بسس ماراح تكون مثل باقي السنين

- صح ألسنة هي لا ابوي ولا عمي ولا تحرير ولا مؤمل ولا حتى أريج
سُبحان الله شلون انجمعن انجمعن وطاحن علينا فرد طيحة بسنة وحدةة !!

- ولرب الله نازلة تضيق لها ذرعاً وعند الله منها المخرج ضاقت فلما استحكمت حلقاتها فرجت وكنت اضنها لا تفرج

- الحمدالله على كُلشي .. زين باقري منين راح نطلع ؟

- راح نطلع انا وياج وامي وخالتي وطيبة من البصرة بس أنتِ شوفي رجلچ خاف مايقبل !

- ان شاءالله اتصل علية واخذ موافقتة ..

- اي عفية عليج بنااتي

- شوكت نطلع ان شاءالله ؟

- 1 صَفِر نطلع من البصرة

- اهاا تمام الله يقوينا

- هسة وين عاجبچ نروح ؟

- بكيفك

- نروح للمنتزة واخليج تصعدين المراجيح

- اييي بس بشررط !

- شنوو ؟

- أنتَ تصعد وياي

- لچل عيونچ التضحك الغالي يرخصلچ والثچيل يتخفف الچ

- هههه اذا هيچ يلا نمشي وهاا بعد اكو شيء

- شنو ؟

- بعد ما نخلص من الحديقة نروح لمحل الورد تشتريلي كلل الانوواع وبعدها انا هنا اصير مخوورة من الچووع نرووح للمطعم تنزلييي كلشي وتخليني اكل كلشيي

- ههههههههه من عيني هي قبل هي كم غديرة عندي

- اممم يارييييت اريجة ويانةة !!!!

دنكت وراحت الضحكة من وجهي حط ايدة على ايدي وهتف وياي ..

علي الباقر :: راح ترجع و نرجع ونسوي كلشي وياها وعد

- ان شاءالله

ونحن بالطريق فتح علي الباقر تلفونة واتصل على وَهچ الطف وفتح مكبرة الصوت وصار يحجي وياها

علي الباقر :: هاا خوة شلونچ ؟

وَهچ الطف :: بخير الحمدالله انا أنتَ شلونك ؟

- والله بالي يمچ واريدچ تعذريني لأن التهيت عنچ !

- لا كلش عادي

- تردين احجز موعد لباچر لو البعدة ؟

- لا خوية علي الباقر ما يحتاچ

- رچعناا وهچهج ؟؟؟

- لا والله مارچعنا بس انا صرت اراجع دكتور لوحدي وحالتي صارت أحسن أنتَ خليك مشغول بأمورك لا تفكر بية ؟

- شبيج مخنوگة ؟ زعلانة من شيء ؟

- لا ما زعلانة بس صوتي هيچ طبيعي

انا هنا قاطعت كلام علي الباقر واني رديت عليها وهتفت وياها

غدير الله :: لا صوتچ ابد مو طبيعي

وَهچ الطف :: غيمة !!!

- اييي غيمة يا بذااتة حقچ تنصدمين ما انتَ كاعدة و لا تسألين ولا تسلمين ولا تكولين اشوف اختي وين صفى بيها الدهر

- والحسن مادري بيچ طلعتييي على بالي بعدچ بالمستشفى يااعمرريي

- شلونج ولج ؟؟

- هههه والله انا بنص الخير بس أنتِ طمنيني عنچ ؟

- والله انا امس طلعت من المستشفى ورحت لبيتنا واليوم مسرسحة وي علي الباقر

- اوويليي يا ملعونة مين قدكك هههههه اتونسي يروحي عني وعنچ

- عادي نمر عليكم ناخذچ ؟

- لا دخليچ غيمة والحسن ولا بية نفس طلعة

- خلينا نفرح شوية وَهجهج شساالفتچ ؟؟

- غيمة والله عندي هواي سوالف مسوية الهن جدول واحتاج الوقت ماريد اخرب على نفسي ..

ردت ارد على وهج الطف قاطع كلامي علي الباقر ورد هو عليها ..

علي الباقر :: هي هية خوة اهم شيء اوضاعچ بخير واستمري على روتينچ اذا بي شيء مفيد الچ

وهج ألطف :: اي والله بس حفظ سور من القران واقوال

- چا دامة هيچ اشد على ايدچ نعتذر على الازعاج وضيعنا وقتچ الثمين

- لا عادي

- اذا احتاجيتي شي اوو صار شي اتصلي عليةة

- ان شاءالله دمتم في حفظ الرحمٰن

سد الخط وبقيت خازرتة ضحك وهتف وياي

علي الباقر ؛؛ شمالچ تعاينين بهذي الطريقة ؟

- ليشش ما ضغطت عليها حتى تجي ويانة ؟

- ماا سمعتي البنت تكلچ عدهاا روتين ودروس حفظ ليش تردين تلهينها وتضيعين وقتها المسكينة ؟

- مشتاقة الهاا شنييي اريد اضيع وقت وياها ونطلع سوة

- مشتاقة الها تجيج للبيت واشبعي منها ماراح تطير

- اي صحح

- هههههه اتحمستي زايد بمشاعرج

- هااي عود كلت ما احجي وياكم طلعت انا بس حجي ماكدر كدامكم

- ههههههههه لج اغديييي الج فدوةة ومحمد

كملنا طريقنا وصفط علي الباقر كدام المتنزه العائلي ونزلنا نتمشى بي وحسيت الطلعة هي شرحت صدر علي الباقر وريحتة اكثر مني
اول مرة اشوفة هيچ يضحك ومتنومس لاخر درجة

وهلشي خلا الابتسامة ما تفارق وجهي هو اني كلشي اريدة بهي الدنيا اخوتي يضلون بخير وانمار هم ما يمسة شر ..

مشتاقة ارجع لبيتي ولأيامنة . ماجاي افهم سبب بعدة عني ليش ابتعد هلكد ؟ معقولة مابي شي على كولة عمتي بس انا جي اتحسس !!

چا ليش مارجع اتصل علية ؟ يدري انا سديتة ابوجه لان زعلت منة ليش ما اتصل يراضي بية ! من يمتى هين علية ازعل ويبقى هيچ ؟

بس يمكن حقة هو جان روحة بالطفل وحتى اذا قبل چان بية أمل يصير عندي هسة صفر ٪ يصير
اكيد يبتعد شنو يريد يسوي بوحدة ابسط شيء الموجود بكل عائلة ماتكدر توفرة الة

هو لو بس طفل واحد على الأقل اجيبة يشيل أسمة واسمي كلش كاافي لو بسس واحدد حتى مايضل هيچ خاطري مكسور !

كطعت افكاري لمن نزلني علي الباقر من المرجوحة وعدلت عباتي وطلعنا حتى نروح لمحل الورد حتى نشتري الي كم وردة ، اقصد المحل كلة ،

والله توني طالعة من المستشفى ويحق الي ادلل واخوي مايكلي لا طلعت عينييي ههههه

______________________★______________________

"""""" رحـــمة الزهراء """"""

طلع زُبير لدوامة رحت ورتبت الغرفة
ونزلت راتبت الصالة وغسلت المواعين و رحت غسل الملابس كلهن
واني اكول شلون اصارح زُبير واهلي بسالفة حمليي واذا هي وقتهاا هسة لو لا !

كملت كلشي صعدت لفوك ردت افوت للغرفة الي مسويها زُبير لصوري بس لكيتها مقفولة
حاولتت وياها هوواي بس ما تفتح !

دورت على المفتاح بكل مكان بسس مالكيتة استغربت ليش قافلها ؟ ما سواها من قبل
والمشكلة ماخذ تلفوني وياه ياالله وين اروح هسة!

نزلت للصالة وشغلت التلفزيون وكعدت اشوف مسلسلي التركي " ما وراء الشمس "
ولمن وصلت لنص الحلقة سمعت الباب يندك

رحت لبست عباتي وطلعت صحت " منو ؟ "
ورد علية وجان صوت بنت جيرانة فتحت الباب وأردفت وياي

صالحة :: السلام عليكم خية

رحمة الزهراء :: وعليكم السلام

- شلونج يداادةة ؟؟

- ياهلاً وسهلاً بالست صالحة

- هلا بيج كبديي

- تعي اتفضلي محد بالبيت

- يا داادةة اعررف هو اني لمحت حليلج طلع نزلت ركض كملت الشغل على السريع حتى أجيج و اكعد وياج شوية

- شوكت تملين من گعدة السطح ؟

- يا داادة صدك چذب ! شعندي غيرها هي هاي مونستني من تخرچت صار ماكو عندي بس السطح وگعدتة

- ايي وتطقسين على اخبار هذا وذاك

- هههههه خلينا خية ما يفوتنا خبر فارغةة رچل بيت كلشي ماعندي متونسين فوك

- تعيي ولج هههههه

سحبتها من ايدها ودخلت كعدت جوة انطيت الها ماي ورحت سويت الها عصير
واجيت كعدت يمها صارت تباوع لوچهي وأردفت وياي ..

صالحة :: شبيچ رحمة ؟

- شبية ؟

- مادري انا ساالج مريضة أشو لون ماكو بوچهج !

- لا ماكو شيء بس متخربطة نومتي لهذا تحسيني تعبانة

- ياا داادةة اعتني برويحتچ لا يروح ابو نسر يشوف الاحلا ومااتشوفي الا متزوج عليچ وهيچ أنتِ اكعدي وحطي ايدچ على خدچ !

- ههههه لا وين زُبير ما يشوف غيري

- لعد دامچ تعرفي هذا المگرود هلگد يحبچ غير تعتنين بي ؟ حلووة هسة هيچ يشوف وجهج اصفر بدون الووان ؟

- چا شتردين أسويلة ؟

- لچ داادةة حطيلة احميررة اكحيلةة البسيلة شنوو ضالة هيچ راح تهچچين الرچال هسة انيي الما مزوجة اكعد و اعلمچ شتسوين لرچلج صدك بلة ؟؟

- صالحة وعلي راسي مسطوور مالي خلك لأي شيء

- هذهو أنتِ مالچ خلگ بس اني خلگي كلة الج

- شتردين تسووين ؟

- الحليل شوكت يجي ؟

- هو دوامة ينتهي بــ 6 المغرب بس اليوم راح يجي على الغدة

- حلووو الساعة هسة 9 كومي نطبخ الغدة

- صالحة بــ 9 ياا غدة هذا ؟

- علمود بس يجي أنتِ بس تحمينة بسس ثووانييي لا تكليلي هوو من يجي كلمرة يلكااچ بالمطبخ ؟؟

- ايي چا غير مرات يجي على وقت واني چي اطبخ

حطت ايدها على راسها واردفت وياي

صالحة :: والله لو مو علوية جاان غلطت عليج ولجج رچال جاي تعبان تطلعيلة بريحة البصل والثووم !! ليشش رحمة شنو سببها بشنو مأذيچ هلمسكين هذا ؟

- جاا شسوويي غير اطبخ ياااا

- ولجج اسمعينيي تعاي نطبخ هسة وكلشي علية اليوم الا اطلعچ كان اليوم عرسج
اني لو ادري هيج الحجي جان كليوم اجي واسويلچ يمةة دهر

- المن هذا كلة ؟؟

- شنوو المن ولچ ترى أنتِ متزوجة زلمة يريد يهوى موو ديچ بدون مشاعر ترى خطية عليچ هاااا يلا تعاي وياي

رحنا انا وصالحة للمطبخ وبدينا نسوي الغدة ولمن كملنا كلشي هدرت النار والتفتت الي وحجت وياي وهي تدفعني لبرة المطبخ

صالحة :: اصعدي هسة لفوك اسبحي والبسي احلا ماعندج

- صالحة والقران مالي خلك شبيج وياي منوو دازج علية ؟

- شوفي رحمة والخلقني هسة انسى أنتِ علوية و انكلب عليچ طالحة واخليج تترحمين لصديقتچ المرحومة صالحة

- هههههههه صاااعدة بس فگيني منج

عفتها وصعدت لفوك طلعت ملابسي ودخلت الحمام سبحت وكملت طلعت الها حطيت المنشفة على شعري ونزلت
لكيتها كاعدة بالصالة اول ما شافتني كتمت التلفزيون واجت يمي ..

رحمة الزهراء :: هسة ارتاحيتي ؟

صالحة :: لا بعدني شوو انداري اشوف لبسج

- اهاا

- اممم يلاا حلوو جاي وي جسمج ماشي حالة تعاي وياي هسة

- وين تردين ؟

- صعدينة غرفتج يا حلوة احطلج مكياج لان امبين من وجهج المكياج ما مر علية دووم

- ماحب اخلي

- هي السالفة من جنتي ابيت اهلج هسة أنتِ عندج بيت ورجل تحطين ورجلج فووك راسج تعااي وياي

سحبتني من ايدي اخذتها للغرفة اول ما دخلنا غرفتي انا و زُبير كعدتني على الكرسي وفرتة عن المراية خلتني انطي ضهري الها حتى تحط على راحتها ومن اخلص اشوفة

مشيتها الها وكعدت هي تلبخ ابوجهي تجيب منا وتخلي منا لحد ما كلش خلصت وخرت عني واني فتحت عيوني لكيتها صافنة علية اردفت وياها

رحمة الزهراء ؛؛ هببتي بيييي مووو ؟؟

صالحة :: لاا ناقصة شيء بس ماعرف شنو

- خليينيي اشووف

- اووكفي . هااا تذكررتت ما كبست ارموشج خل اكوول شنو الناقص

- لا لتكبسيهن حطي مسكارة

- الكبس احلا

- لاا يطيح الرموش حطيلي مسكارة واسكتي

- بكيفچ

اخذت المسكارة ورفعت عيوني وهي حطتهن وبعدها فرت الكرسي للمراية وشفت روحي ضحكت وباوعت لـــ صالحة وأردفت وياها

رحمة الزهراء :: هاي منو ؟

- هههههه حقچ ما تعرفين نفسج داادةة ضالمة روحج بدون شي باوعي لجمالج والله اضن رجلج اخر مرة شافج بهيج منضر بليلة العرس موو ؟

- بالضبط ما احط مكياج اني ..

- خررب حضيي اي والله چا ادور كليوم اجيج اسويلج جلسة هيچ لا يروح ابو نسر ياخذله وحدة وتجيني تبجين مالي خلك نوح انييي

- على كيفج عيني تتحمليني وغصباً عليچ مو صرتي تتعززين علية

- شوفي هو اني مستعدة اجيج كليوم واسويلج هي الرطينة كلهاا على حساب ماا اتحمل نووحج يمي لان نفسيتي من غير شي زفتت

- ههههههه لتخاافين اذا اتزوج ما ابجي يمج اروح لهلي

- خير ما تسوين يلا داادة راح اروح اني الساعة صارت بــ 12 لا يجي الرجال

- تمام حبيبتي تعبتج وياي

- لا ولو تعبچ راحة واصلاً تونست وياج يبعد حيلي

- كل الهلا بيچ باي وقت

- اسمعيني كلشي جاهز بالمطبخ من يجي ابو نسر انت بس شغلي النار شوي وطفي

- ان شاءالله

- يلا اشوفج بخير خية

- الله وياج .

عافتني صالحة وطلعت رحت وغلقت الباب وراها ورجعت كعدت جوة ما اتاخر بعد طلعتها بــ ربع ساعة واني جاي اشيل الكلاصات سمعت الباب انفتح وانسد

طلعت من المطبخ شفت زُبيــر داخل الصالة سولف وياي وهو مدنگ ينزع حذائة
ولمن رفع راسة وشافني قاطع كلامة وبقى صافن علية ..

زُبيــر :: رحمتي اجيتت علويتييي وينـــــ ......

ضحكت على صفنتة وشلون انصدم واتقربت واردفت وياه ..

رحمة الزهراء :: هاا شبيك بلعت الكلمة طلعها !!

- شطلع ؟

- كمل كلامك ههههههه

- شنييي ضل كلام بعد الشفتة !

- اممم وشنو شفتت

اتقرب مني حيل وأردف وياي ..

زُبير :: هي شمسوية بروحچ ؟

- موو حلو موو ؟ ادري والله حتى انا مامرتاحة بي ..

لزم ايدية ورد باسهن واردف ..

زُبير :: مو حلوة شنيي ولج ؟ غير الجمال راح يخجل من جمالج ؟؟

- يعني ما تحسة أوڤر ؟

- لا يرويحتي ونور كلبي لاا

اخذني لحضنة وضمني حيل حسيتة هيچ طلع التعب كلة
ابتعدت عنة وأردفت وياه

رحمة الزهراء :: اصعد غير ملابسك وانزل تلكاني مكملة السفرة

- لا ما ابدل لان راح ارجع عندي واجب ب 3 العصر

- اهاا چا تعال ساعدني نصب سوة

- موو تدلليين لكك مو تدلل ..

دخلنا المطبخ وكملت صب وهو شال المواعين و خلاهن على السفرة
وبين ما نحن على السفرة جاي نتغدة
اردفت وياه :

رحمة الزهراء :: زُبيــر

- روحة وعمرة

- ليش قافل الغرفة الفوك ؟

- يا غرفة ؟

- تعرفها كلش زين يا غرفة لا تسويها وياي ما اعرف ما افهم

صفن علية ورد دنك ياكل وما جاوبني عصبت حيل
تصرفاتة هذن بدوون مبرر !!!

رحمة الزهراء :: حلم عمريي من احجي وياك واكلك ليششش تنطيني سبب اني هذا المحصلتة منك بس تضل ساكت والمطلوب مني اسكت اني هم

- الغرفة تخصني وانا اريد اقفلهاا مابية زعل ترى !

- تخصككك ؟؟؟؟؟

- ايي ماعندچ شيء بيها وكلهن اغراضي فا شنوو اكيد تخصني واني ماعاجبني ابقيها مفتوحة

- الله عليك لو اني كايلة هذا الكلام الك وكتلك تخصني ومدري شني ماجان كمت وفلشت السفرة علية ؟ هيج زُبير ماخذ كلشي حلال الك حرام الي

- رحمة شنو تريد هسة ؟ عاجبج تصير مشكلة ابيناتنا من لا شيء ؟

- انيي اسوي مشكلة ؟

- دام ما تردين يصير مشكلة لا تحجين بعد بهذا الموضوع ..

سكتت وكملت أكل وبعد ما خلصنا خليتة يشيل السفرة واني رحت سويتلة جاي صبيتلة اخذت التلفون منة وصعدت لفوك كعدت بغرفتي وفتحت التلفون وراسلت امي

بعد شوي هو دخل علية كعد يمي سحب التلفون شمرة لغاد عني وأردف وياي

زُبير :: ترى انا غلقت الغرفة لا حسيت بيچ كلما تدخلين الها وتشوفين الاغراض الجوة تتوترين وحتى اسلوبج يتغير وياي

- بالعكس زُبير اني ماافوت الها لا وانا ضايچة لان تريحني من اكعد اقرا التواريخ وكلامك على الصور احس روحي عايشة بنص ذكرياتي وبنفس الوقت احس اكو جان انسان عايش علية غير الناي الجانت تعيش بأرادة الله وعلاجي الها

- يعني تشوفيني عايش عليج ؟

- حسب تصرفاتك هسة واسلوبك وياي اشوف ايي أنتَ ماجاي تشوف بس رحمة الزهراء مؤنث بهذا العالم كلة

- وهو هذا الصح انا هيج

- زين يلا انطيني المفاتييح

- بعدين مو هسة

- خوش ماراح اضغط عليك اكثر من هيج

- رحمةة

- عيوني

- هم أجانى احد وانا ما موجود ؟

زفرت النفس وأردفت وياه بأبتسامة

- لاا محد أجى ابدد

- اهااا خوش

- ليش تسأل ؟

- هيج سؤال عادي حبيت اعرف منو أجى على اغيابي

- محد اجى اطمئن

- خيرر ..

حسيت نفسي عايشة بسجن بس أمري لله
مابيدي غير اتحمل وادعي الله يهدي ويتغير بس على كولة المثل
ابو طبع ما يجوز من طبعة

اخذ ايدة وحطها على راسي وصار يمشيها وي شعري ويباوع
بعيوني ضحك وكال ..

- ليش عيونچ بيهن خوف ؟

- زُبير اذا اكو خوف بعيوني لو بكلبي بس أنتَ راح تكون سببهن

- المفروض اكون سبب الأمان أصير سبب خوفج ؟

- اكدر احجي براحتي ؟

- احجيي

- زُبير طبعك هواي صعب وتعبت واني احاول اكلك وافهمك ان انا مامتعودة على هيج اسلوب ولا هيج معاملة اني وين جنت عايشة ابيت اهلي وشلون جنت عايشة وباع حالي هسة شلون عايشة للحضة احس نفسي راح اتخبل بس الحيطان وياي وتسمعنييي
زُبير الشك هذا والغيرة مالتك جاي تطلع عن حدها وبدال ما افرح ان عندي اليحبني هيج لك انا بديت اتعقددد وحتـــــ......

واني جاي احجي هو عافني وكام صار يباوع بالمراية عدل شعرة ورتب بدلتة

وراح يم الباب لزم المقبض والتفت الي
واني بقيت اباوعلة اشوفنة شنو يرييد يسوي ؟

أردف وياي ..

- اتاخرت على الواجب راح اروح بالچ لنفسچ ولا تفتحين الباب لاحد في امان الله

حجة وياي هيچ ورااح طلع وسد الباب حتى ما انتضرني احجي شيء ولا اخلص كلامي وياه
اني وين وهذا وين !؟

اصلاً انا ليش متفاجأة هو هذا زُبير نفس اسلوبة ونفس طبعة لو اموت كدامة ما يتغير ولا راح يجووز دووم

شلون راح اخلصها وياه ياربي اذا اليوم بس اني باجر ويانة طفل !

رحت اخذت تلفوني واتصلت على امي وكعدت افرغ البكلبي يمها بس ما كلتلها نتعارك او شيء ما اسوللف الها ابد بس اكللها ضايجة لو مشتاقة الكم وهيج
ومنها اطمئن عليهم ..

______________________★______________________

""""""" المعتز باالله """""""

بعد كلامي وي أصفاد الحق طفيت التلفون وطلعت اتوجهت لبيت عمتي دكيت الباب وسمعت صوت وهج الطف يكول .. " منوو ؟ "
رديت عليها وقوييت ضربتي على الباب ..

ألمعتز باالله :: عزرائييل افتحيي البابب ..

فتحت الباب دفعتة ودخلت جوة وكفت وياها بالطارمة وهتفت ..

وهج ألطف :: تكدر تفوت لجوة وتنتضر الولد علما يجون محد هناا

ألمعتز باالله :: اريد اتصل عليچ ليش مايصير ؟

ضكت وجاوبتني ببرود اعصاب

وهج ألطف :: ابساطة لان حضرت رقمك

- ابساطة راح اشتريلچ مترين بوادي السلام شرأيج؟؟

- معتز عندك شيء مهم كول واذا لاا الله ومحمد وعلي وياك

- وحگ هوة علي شايفة اذا حلگج الاعوج هذا ما عدلتي وياي واسلوبج الچايف ما غيرتي كفيلچ اخو زينب اطفي شمعة شبابچ ..

- شنو تطفي شمعة شبابي تايهتلك انيي
لو شايف ماعنديي ظهرر ومحد يدافع عني اكوول هيي احجي عدلل ويايي احسلك

- ههه هي شنوو صايرة تحجين ومطولة السانج !!

- اسمع معتز وهذا الكلام الاخير وياك انااا ماعندي شي اتجاهك وأنتَ ابن عمي على عيني وراسي خلينا هيج من نلتقي بجمعة لو لمة اسلم علية وارد السلام وهاي هي غير هيچ مااكو داعي للإتصالات و المحادثات

- ليش غلطت وياج بشيء ؟ أذيتج لا سامح الله ؟ وهچ انا كلبي ما اشتغل بس وياج لا تسوين هيج

- اسفة معتز بس كلبك اشتغل يم المو من نصيبة

- شنو التغير مو أنتِ تحبيني وانا احبج شنوو هسة ولج اني حتى وي عمي حجيت بموضوعنا وهو كالي اييي شمالچ ؟

- وانا غيرت رئي ما تجبرني عليك لكيت نفسي ما احبك واصلاً هيج جنت اسولف وياك لان اول مرة اجرب هذا الشعور كلت خلي اعيشة

- جنت انا محط تجربة بالنسبة الج ؟

- مادامك اول حب اكيد محط تجربة
خلصصص معتزز لا تسوي بيها المكسور الضايع ترى محد مات بفراك احد
وانا هسة هم اطلع تجربة بالنسبة الك وراح تنساني لا تكبر الموضوع عزيزي

بقيت اباوع الها و ماكدرت الزمت روحي نزلت دمعتي كدامها
وبعد كلامها هذا صرت اضرب على صدري وصحت بيهاا ..

المعتز باالله :: لچ والله لو جان شيء ثاني سبب الي هذا الضعف والوجع جنت كسرتة ومحيتة من الوجود بس لچ هذاا كلبي هذاا كللبي . ماقصرتي وياه

ما اهتزت ولا اتغيرت ملامحها حتى جانت صامدة
اخذت نفس وتهفهفت وأردفت وياي بهدوء

وهج الطف :: راح تنجرح اليوم وباجر ويمكن هذني الليلتين ماتكدر تنام من الخنگة بس بعدهن راح تتعايش ويصير عندك كلش عادي موجودة وهج الطف لو ما موجودة
خلينا اولاد عم واخوة ولا تنكسر الرابطة هي ابيناتنا
ومعتز أنتَ كلش خوش انسان وهواي اليطلبن رجال يشبهك ومثلك ..

المعتز باالله :: اريدج بس انتِ ماريد الهوواي ! ليش ما صرتي وحدة منهن شنو فرقچ عنهن يعني ؟
شنو اليخليج هيچ تتغيرين علية بيوم ولليلة ؟ انتِ مو تحبيني ؟

ضحكت وعيونها دمعت وأردفت وياي بحركة ..

وَهج ألطف :: لاا متوهم وغلطان ماا احبك واصلاً اني وحدة ما تعرف تحب لا تلومني وتعاتب اذا كسرت گلبك هسة
معتز اناا ابدال ما اعيش ابين امي وابوي واخوتي حتى اتعلم الحب منهم واتعلم شلون احب الناس اني انحجززت ابمخزن طول طفولتي و مراهقتي
لا تحاجيني عن الحُب لان أييي ماعرفة ماا اعرف احب ماعرف اراعي مشاعر غيري
لان انتم ما حبيتوني ولا راعيتوا مشاعري لا تطلبون مني شيء انتم ما قدمتوا الي
واني ما صار الي بس سنة وياكم مثل ما حبيتني بهي السرعة تكدر تنساني بسرعة
وهم ما ينخاف عليك أنتَ نچر هسة تلكى التنسيك وهچ الطف والخلف وهج الطف

رادت تروح وكفت والتفت الي وابتسمت وأردفت ..

- انتم بالحالتين ناسين الخلفت وهج الطف ويمكن حتى اسمها ما تتذكرونة ماعرفتوا تحبون امي تردون مني احبكم لو اني اترجى منكم تحبوني ؟ لو بيكم خير جا طلع بأمي هسة الوقت التاخر ..

عافتني ودخلت واني ما مقتنع
انتهت قُصتي وي بنت كلبي ؟

طلعت من البيت صعدت السيارة والدموع سيل على خدي
حطيت راسي على السگان وبقيت ابجييي

لاول مرة بعمري على اجنازة ابوي ما نزلت ادموعي مثل ما نزلت هسة عليچ
اخخخ تاليتي ابجي هسة على بنت ماعرفت تحبني !
تحملني مسؤلية سالفة صارت واني بعدني حتى حجي ماعرف احجي .

ياالله هو هذاا الحب الازم الكُل يعيشة ويثق بي هوو هذااا !!!!؟؟

رفعت راسي من السگان وشغلت السيارة وحرگتة
مسحت وجهي ومشييت

وكفت كدام بيت ابن عم ابوي " سعيد "
نزلت ودكيت الباب وبعد لحضات فتح الباب الي أصفاد الحق

أصفاد ألحق :: المعتز باالله ؟ اهلاً باخوووييي ههه تعاال فووت

ما حجيت شيء حضني وابتعدت عنة فتت وياه وصعدت لفوك
وكعدنا بغرفتة ونزل يجيب شيء اشربة .

واني كعدت احوس بالغرفة ورحت شمرت روحي على الفراش ونمت على وجهي
وسمعت بي من فات للغرفة وكالي ..

أصفاد الحق :: تريد جاي ؟ معتز .. اخوييي شني ولك شمالك ؟؟

رفعت راسي و گلبت روحي كعدت عدل وهو كعد يمي وأردف وياي

اصفاد الحق :: وجهك ما يبشر بخير صاير شيء ؟

- اختنگت وماجنت اعرف وين اروح ولكيت نفسي هناا

- تعال بأي وغت اخوك اناا تريد نسوي شيء معين حتى تروح الضوجة منك ؟

- ماعرف

- شبيك عزوز ؟

- مخنوگ ، مكسور ، متوذر ، متفطرر كلبي ، احس النفس ماجاي يوصل الرئة ، احس دمي ما يجي يوصل كلبي ، احس كلشي بجسمي عطلان ماكو شيء طبيعي ولا واحد من اعضائي جي يسوي شغلة عدل اريد افصل كم يوم عن العالم كلة لا احس ولا اشوف ولا اي شي اريد اصير فاارغ بدون احساس بدون شعور بدون كلب بدوون اي شييي اريد اعيش بدون شي مجرد جسم وروح هيجج فراااغغ

بقى يباوعلي وهو ساكت يريدني احجي لمن سكتت ومسحت ادموعي حضني وأردف ووياي

أصفاد ألحق :: منوو مسوي بيك هيچي عزوز تبجي ؟ علمود منوو ولك ؟ أنتَ بس گلي منو عايل بيك وعلي اروح واكسرة الك تكسر هيج اكطمة جوة رجلج

المعتز باالله :: اني علت بگلبي اني خليتة يحب المو الة

- أنتَ المسودن المعتز باالله الي ما تهاب احد تاليتك هيچ يصير بيك علمود حُب ؟

- كسرتني كسرتني اصفاااادد كسرت كل شعور بية ضيعتنييي شلون راح اتخطاهاا شلون راح اباوع بعيونها بعد واحاول اسوي نفسي ممهتم شلون رااحح اكمل بدونها شلوون ؟؟؟

- عزوزز غوويي نفسك شمالك منو هي الكسرتك هيج ؟ نهد عليها شني ماعندهاا اخووان ما تخاف على اخوانهاا جاعدة وتلعب بمشاعر اولاد الناسسس ؟

- اتغيرت علية فجأة اصفاد والله جانت تحبني والله جانت كلشي بالنسبة الي واني احبها وحجيت وي عمي حتى يخطبها الي اني فرحت لان عمي قبل تاليتة هي ترفض !

- منوو هيي ؟؟

- وهجج الطفف

- جنت مرتبط بِ وهج الطف ؟

- أنتَ كلتها جنت !

تركت أصفاد الحق وجعت كلبت روحي ونمت على وجهي
وأردف وياي ..

أصفاد الحق :: كوم احجي وياك

- ماريد صفد بس طفي الضوة خليني شوي انام واكعد زين مابية شيء بس هيج كبرت الموضوع عادي تروح وهج تجي الف غيرها طفي الضوة بداعت اخووك ..

- خوشش اذا ترتاح هيج راح اطفي ..

حسيت بَ أصفاد الحق راح طفة الضوة وطلع من الغرفة
واني بقيت مسوي روحي نايم واني ابجي ومخلي المخدة على راسي

منتضر شوكت صدك تطلع نزوة واطلع ماحبها صدك شوكت !!!

______________________★______________________

"""""""" ٱريـــج الله """"""""

كمت على حيلي وانداريت بأتجاه الصوت وشفت كدامي رجال أردف وياي واتقدم بأتجاهي

- العلوية أريج الله بنت السيد عبد الحسن ؟

بقيت اعاين الة واني مختلسة لان جنت ما اشوفة المكان كلة اضلم لمن اتقرب مني وصار وياي وجه بوجه شفت هذاا الرجال داســِم !
اخذت نفس وأردفت وياه ..

أريج الله :: منو هي العلوية اريج الله ؟

صفن ابوجهي وبعدها ضحك بكل حيلة وصفك ايدية ورجع ينضر الي واردف

داسِــم :: حيل حبيت تمثيلج صح منو هي اريج الله؟ انا هم مستغرب من اسمها اول مرة أسمع بي

اريج الله :: ترى اني هسة ما فاهمة شي منك !

- حقچ علية اكيد ماراح تفهمين تعي انا اسولفلج السالفة من البداية
هي قبل فترة طويلة اجوي لهنا ثلاث شُبان يسألون عن اخُت الهم ضايعة وخطرتي براسي أنتِ لان المواصفات مال اختهم كلها انطبقت عليچ
لمن راحوا انا مارتاحيت الهم تبعت خطاهم وعرفت ان هم من بغداد واسماءهم هي
السيد علي الباقر عبد الحسن
السيد المعتز باالله الحسن المُجتبى
السيد أصفاد ألحق سعيد
وعرفت عدهم بنت منهزمة أسمها
العلوية أريج الله
واني هسة جاي اسألج أنتِ أريج الله لان اتخيل شنو هي الصدفة التخليج تجين قرية رماد وايام بعدچ يجون هذول يسألون !

- مااعررف

- اوووو اييي اكييد حقجج ماتعرفينن ما أنتِ فاقدة الذاكرى نسسسيت
حتى لو هذول اهلچ أنتِ ماراح تتذكريهم ولا راح تعرفيهم ويمكن يطلعون مو اهلچ لان شكلج ما يوحي ان أنتِ علوية هههههه بس لا تخافين اكيد أنتِ عندج اهل محد ينولد من فطر الحايط واكيد هم هسة جي يدورون عليج فاا هسة لازم ترجع ذاكرتج بسرعة حتى ارجعج لأهلج ..

استغربت لكلامة
الكدامي هذا مو داسِــم الي انا اعرفة !

معقولة هذا نفسة الي اشوفة بالقرية ؟
خفت لا اطلع اتخيل مرة ثانية مسحت اعيوني بأدية الاثنين

فتحت وشفتة كدامي لاا هذا حقيقي مو خيال جا شبي مصخن ؟ !
اردفت وياه ؛

اريج الله :: أنتَ منوو الجي تحجي وياي هي التصرفات وطريقة الكلام مو لـــداسِـم ؟

ابتسمت وهمس وياي بكلماات

داسِــم :: داسِم بــ قرية رماد هناك موجود الكدامچ هسة انـــا " حَيرام ال جميل "

بقيت اباوع علية شلون هو صدك حَيرام مو داسِم
اليعيش وي هذا الرجال راح يشوف نفسة عايش مع توأم واحد بأسم حَيرام والثاني مختلف تماماً عن الأول واسمة داسِم

يعني مادري شلون هيج اتغير صوتة ونضراتة وحركاتة وطريقة كلامة وحتى حركات جسمة وضحكتة موو طبيعيي هذا المخلوق عايش بشخصيتين مو يم بعض

هيجي شخصية نار وشخصية ثلج شلون جمعهم انسان واحد وجسم واحد ماادريي ؟

بقيت ساكتة اني بعد كلامة رجع واردف وياي ..

داسِم :: اشو سكتـي ؟ خايفة مني مو !؟

هو بالحقيقة ماجنت خايفة من حَيرام ماجانت بية ذيج الرهبة
والرجفة التصيبني من اوكف كدام داسـِم

جنت مرتاحة حيل وحاسة كان ماكو شيء الوضع امان مو طبيعي
لهذا ابتسمت بشكل كلش خفييف
وعيوني مغوركة بالدموع ..

أريج الله :: شوف الله يخليك اتوسل بيك اناا خليك بعيد عني والله كلشي ماريد منكم ولا اريد شي ولا راح اسويلكم شيء الله شاهد علية بس خليك بعيد عني عوفني بحالي خليني اعرف اخلص يوميي واعرف شلون اعيش الله يخليك
خليك رچال وياي مرة وحدة بسس وسويلي هذا المعروف احسبني دخيلة عندك هيج تعاملون الدخيلة ؟

انهاريت بالبجي وهو ما طلع أي رد فعل منة بقى يباوعلي بنفس الطريقة وماكو تعبير ابوجة
بعدها التفت ودار وجهَ عني واني بعز انكساري ابجي

مادري منين اتلكاهاا لو منين اجيبها هوة أردف وياي ومنطيني ظهرة ..

داسِم :: امسحي ادموعچ ما قصدي ائذيج امسحي ادموعچ يلا وتكدرين تسوين نفسچ ما سمعتي شيء مني لان صدك ماريد اضرج
انا ما ضريتچ وقت ماعرفت أنتِ تعبدين الله وسويت بيچ مثل ما سويت وي مَنسة
ماكو فرق هسة اذا عرفت أنتِ علوية خلص اهدئي وشدي حيلچ وعدلي خمارچ
شعرج طالع شوي
الاعرفة ان ما يصير احد يشوف شعرچ !

سكت واني رفعت ادية وعدلت حجابي لكيت شعري طالع شوي من مُكان الزلف
وعرفت هو دار وجهة حتى ما يشوف شعري لان عرف انا محجبة وما يصير يشوفة

طلع عندة شرف شوية مسحت ادموعي وحاولت اتماسك نفسي صرت
اتنفس حيل واشهك حتى ابطل ابجي؟

هو هنا التفتت الي باوعلي واردف وياي ..

داسِم :: أريج اسمعيني راح تبقين نفسچ أنتِ أنتِ اقمار الي دخلتي ديرتي صديقة مماس
ماراح اضرچ ولا اوصل يمج ولا اخليج اصلاً تلمحيني بس طلب منج ..

مسحت ادموعي واردفت :

اريج الله :: بس تهدأ الاوضاع عندنا راح اعوف القرية واطلع منا صدكنييي

- اريجج اريجج اطلب منج طلبب !!

- كوول شنوو ؟

- خالتي غيرة

- شبيها ؟

- ما توصلين الهااا واذا طلبتچ ما ترحين لو شيصير فهمتيي بالقرية كلها لا تحجينن بس وي مماس

- ان شاءالله

- تعاي نرجع هسة للقرية

وكفت هو راح للفرس مالتة اطمئن علية
واجى يمي أشرلي مشيت وصار يمشي وياي بنفس المستوى بس ابيناتنا مخلي متر
ونحن على الطريق اردفت ...

- يعني أنتَ ماعندك اشكال اكون على طبيعتي ؟

داسِم :: شلون يعني ؟

- يعني هسة يعرفون الناس الهنا ان اني علوية وهيج

- لااا ما انصحچ خليج بهذا الاساس فاقدة الذاكرة وهاي هي كملييي هيچ

- زين أنتَ شلون اتقبلت على كلام مماس عنك ما تقبل !

- واني ما قابل لهذا كتلج راح اضل بعيد عنچ وما راح اخليچ تشوفيني بالقرية حتى لا أذيج لان ما اضمن داسِم اناا

- تمام .

سكتت واول ما دخلنا القرية هَو راح باتجاه واني رحت لصوب بيتي فتت وقفلت الباب
نزعت الحجاب والصاية وفلتت الخيط مال الحرز من عضدي وحطيتة على المراية

وشمرت نفسي ونمت لان جنت ميتة تعب وحسيت هيج حمل وانزاح عن صدري من داسِم اتقبلني لان جنت شايلتلة هم فوك هم ابوي

هسة خلصنا من داسِم عرف ما عرف طلع ماراح يسويلي شيء
خليناا بالمهمم وابوي شووكت يعرف الحقيقة ويخلصني من هذا كلة !!

حتى مابية حيل افكر عيوني ورمت حيل من البجي شسالفة ما شايفة ادموع طحت عليهن فرد طيحة ..

اتغطيت بالبطانية وغمضت عيوني .........

______________________★______________________

{ بَـــعد مُــرور ثَــ³ـلاث أســـابيــع }

""" رُقــَيّــة الأكبــر """

مر يوم بعد يوم والحياة يمكن مو مثل ما هي

عبد الحسن بقى هاجر بيتة وما رجع ولا شاف اهلة من يوم الحادث

انمار كذالك هجر غدير الله بدون سبب وطلب منها تبقى ابيت اهلها

علي الكاظم و علي الصادق بقوا يحاولون يطلعون شيء عن اختهم بس بدون فائدة

اصفاد ألحق بقى يحاول يتواصل وي بنــدر بس ماكدر يوصلة لهذا اعتمد على كلام انمار وسوة نفسة مايدري شيء حتى لا يخسر اخونة

وهج الطف تركت المعتز باالله وقطعت كل سبل الوصول الها والتواصل حتى ينساها
استمرت بالروتين مالتها بعيدة عن السادة عازلة نفسها وهمها بروحة
صارت تراجع الدكتور لجل تتخلص من ادمان العلاج وبنفس الوقت منتضرة الاربعينية تخلص حتى تسوي اتفقاها وي الرجال

ليــنا الصارت تتجاهل كثرة رسائل ابوها الها ( سائد جبران )
وكلما يحاول يتواصل وياها حتى ترجع وياه هي تصد عنة وترفض وهلشيء زعج سائد هواي
وسائد ما يفرق بشيء عن عبد الحسن بعزة النفس ..

اريج الله حاولت تتعايش وي القرووين رغم اختلافهم الجذري عنها بس اتعايشت وياهم على كولتها " الهم عاداتهم والي عاداتي "
وداسِم جاب الها مصلاية وتربة خاصة الها وبالسر حتى تصلي براحتها
وبنفس الوقت خالتة غيرة جانت تطلب منها تجي الها لاماكن بس اريج الله جانت تخاف ومشت على وصية داسِم لمن كاللها ابتعدي عن غيرة
ولمن حاولت غيرة تعلمها السحر نفرت منها اريج الله ورفضت هلشيء

علي الباقر جان بصراعات مو صراع واحد من خدمة الموكب للبيت قبل يراضي طيبة الزهراء بشرط ما تتواصل بعد لا وي ادم ولا وي علي الصادق وهي وافقت ورجعوا النا العشاق قلب على قلب بس هو جان بعالم ثاني عالم اسمة اريج الله ويوم العاشر من محرم ..

ويـــوم الخميس 7 / 9 / 1442 ه‍
المصــادف يــوم 19 صَفِر الخير
______________________★______________________

""""""" طيبة الزهراء """""""

طلعنا مشاية من البصرة ولأن عددنا هواي صرنا مجاميع نمشي بالطريق النريدة بس بوقت نزلة المعزب ننزل كلنا سوة ..

والمجاميع هي ..

المجموعة الأولى : العلوية و امي و عمتي و أم اصفاد و ام البنين
و المعتز باالله و الفاروق الاعظم و اصفاد الحق

المجموعة الثانية : صيوان و حامِد المتقين و أم دهام
و عزيزة و رويدة

المجموعة الثالثة : السستت رهف وابنها و علي الباقر و غدير الله
و انا و علي الرضا و علي الهادي

المجموعة الرابعة : المصطفى القاسم و المرتضى الأمير
و دغار و مكرم و حبيبة وام دغار

المجموعة الخامسة : علي السجاد و لينا و علي التقي
و علي النقي و نور الزهراء

المجموعة السادسة : البشير قيصر و جميلة
و وهج الطف و شبر وشبير

والعلوية وانا والكل بهي اللحضة عرفنا بموضوع زواج علي الباقر والستت رهــف
بس العلوية طلبت محد يحجي بهذا الموضوع لحد ما نرجع من الزيارة

وعلى طول المشي اشوفها شلون تتملزك بعلي الباقر بحجة اهه ابني مجد الحُسين تعبت منة تعال اخذة الللههه يااخذجج

جنت احاول ابلعهاا وابلع السااني وماا حجيت شيء بس كلما اشوفها
تتقرب لعلي الباقر ادفع غديرة عليها

لان جنت اضوج منهاا وهي ويانة تمشي حاولت ما اباوع الها لهذا جان على طول الطريق تلفوني بأيدي واصور بالمشاية

وبنفس الوقت امشي على كتر علي الرضا و علي الهادي الجانوا واحد لازك بالثاني ويمشون سوة ..

نحن اول ما طلعنا مشاية صورت فيديو لعلي الرضا من ظهرة وهو يلبس الچرواية
وبعدها بيومين تقريباً جنا نمشي ولاحضت علي الهادي يعدل بالشماغ مالتة ويريد يلبسة شغلت تلفوني وصورتة

ولمن كعدت بالموكب كعدت اكلب بالصور والفيديوهات استغربت ليش الفيديو متكرر عندي بس لمن فتحتة وصرت اقارن هههه طلع فيديوهات علي الرضا وعلي الهادي مال الجراوية بس سُبحان الله نفسس الحركة بالبس

ضحكت لا شعوري واني اشوفهم بالطريق شلون كانهم جسد واحد وعلي الهادي عاف مرتة ام البنين وراح وي علي الرضا لان متعودين كلسنة يمشون سوة الطريق كلة محد يفارك الثاني ولا ثانية ..

وجان نعبر السماوة ونعبر الديوانية وبابل

ودخلنا كربلاء .....

اعاين لضريحين واتمنيت يصيرون ثلاثة نزور حُسين وعدنا مضلوم بالبقيع مَن يزورة ؟
من يعزي باستشهاد اخية ؟

ازور العباس وعندنا في الشام اميرة مسبية غريبة !
منو يوصل الها ويعزيها برحيل اخوتها ؟

هاچت روحي بس شفت بين الحرمين وشميت عطر الحُسين يفوح من الشباچ

اتفرقنا وصرنا النسوان بكتر والزلم ابكتر واتفقنا بمكان محدد نلتقي بي لمن نخلص زيارة

ودخلنا ضريح ابو فاضل !!

زرت واني ادموعي ادوفهن على خدي
بچيت من كلبي هناك على كد حركتي وكسرتي من علي الباقر وموضوع زواجة طلع يضحك علية كلهذا الوقت !!

طلعت كلشي يم ابو فاضل وحسيت مثل الأيد النمدت من ورة الشباچ ومسحت على رؤوسنا وكأن يكول ؛

انا كافل كل ضائع
انا مداوي كل مكسور
انا العلاج لكل مجروح

ماكو عجب هو ابو الفضل العباس كافل اختة مايكدر يكفل مصائبنا ؟

اندعيت من كلبي ولان اريدة تصير وحيل متأذية
حلفتة بغيرتة على اخيتة
وحلفتة بأمة ام البنين

ادري العباس من غير هذني السوالف هو ما يقصر بس جنت حيل مستعصية حاجتي لهذا نهاريت بالبجي وصرت اتخاه واحلفة

لحد ما سجدت ولمن رفعت راسي كل حزني وكع مني واني ساجدة وكمت وطلعت انسانة ثانية واتوجهنا للامام الحُسين لنزور ..

______________________★______________________

""""""" علي الباقر """""""

دخلنا كربلاء ما جنت مركز على شيء بالطريق المشي بكد ما جنت اكرر قرائة ؛
زيارة المختار ابن عبيد الله الثقفي
زيارة وارث
زيارة عاشوراء
زيارة يٰس

ولمن صرنا انا واهلي ابين الحرمين ما طرى على راسي بس هي الكلمات
من بحوث الشيخ محمود نعمة

- كربلاء بمعناها الإلهي الواسع والعميق هي حرم الله وساحة قدسة
هي عالم النور والكمال الذي جّسده الحُسين ( علية السلام ) في عالم الشهادة
وحدهم الذين دخلوا في حرم كربلاء يستطيعون أن يحدّثونا عن كربلاء حقّ حديثها
هؤلاء هم الذي عرجت أرواحهم ورفرفت في سماوات كربلاء وارتوت قلوبهم من ماءها المقدّس
وطافت حول رمزها الأقداس الحسين ( علية السلام )

عندما نريد الحديث عن الصبر في طاعة الله فلا بدّ ان نستمع لحديث جبل الصبر عقيلة الطالبين زينب ( عليها السلام )

وعندما نريد الحديث عن الأخوّة والفناء في طاعة المعصوم لا بدّ ان نستمع لرمز الأخوّة الأكبر العباس أبن علي ( علية السلام )

وعندما نريد الحديث عن فناء الشباب في طاعة الله لا بدّ ان نستمع إلى رمز التضحية الشاب علي الأكبر !

وإذا أردنا الحديث عن الفداء والتضحية في سبيل الله لا بدّ أن نستمع لحديث عبد الله الرضيع وهو مذبوح بين يدي والده الحسين ( عليه السلام)!

هؤلاء وغيرهم من باقي الاصحاب هم الذين جسّدوا الفناء الإلهي في حرم الحسين
وهم الذين رسموا لوحة التوحيد الحقيقي وكتبوا قصيدة الحب الإلهي التي اكتوت بنار وجدها بواطن القلوب وهزّت قوفيها مكنونات النفوس

كربلاء اختصرت كل المسافة بين عالمي الملك والملكوت والغيب والشهادة
كربلاء شحنة هائلة من النور والحياة انفجرت في الكون لتضيء ثنايا الوجود وتخرج الإنسانية من موت الغفلة والشهوات والأهواء والظلمات إلى حيث الحياة والنور الإلهيين .
حتى الملائكة وسكّان الملأ الأعلى يتشرفون بالانتماء إلى كربلاء وزيارتها
بالرغم من أنهم بنتمون إلى عالم نوراني أعلى من عالمنا .

لأنهم يدركون تمثّل كربلاء بالنسبة لهم
ويعلمون أن تكاملهم يمرّ من خلال حرم كربلاء
فالكون كلّة بسماواتة وأرضة وما فيهما وما بينهما انحنى تعظيماً لكربلاء
لان مستوى الطاعة والفناء الذي تجلّى في كربلاء أذهل من في السماوات والارض وابهر جميع الخلائق ..
ومن هنا ورد في الزيارة ..
وَجَلَّتْ وَعَظُمَتْ مُصيبَتُكَ فِي السَّماواتِ عَلَى جَميعِ اَهْلِ السَّماواتِ

إننا مدعوون جميعاً إلى أن نهاجر نحو كربلاء ونعيش في مدينتها الفاضلة التي بناها الإمام الحسين وجسّدها بتضحيتة الكبرى وفدائة العظيم
وليس هي المدينة الفاضلة المرسومة في أذهان الفلاسفة والمسطورة في كتبهم!

عندما يكون الإنسان أميناً في معاملتة فهو في كربلاء
عندما يكون عادلاً فهو في كربلاء
عندما يكون صادقاً فهو في كربلاء
عندما يكون مضحّياً من أجل الحق فهو في كربلاء
عندما يكون ناصراً المظلومين فهو في كربلاء
عندما يخطو كل خطوة في أعمال الخبر والصلاح وتكامل المجتمع فهو في كربلاء
عندما يستجيب للنداء الإلهي في التقوى والتوبة وإقامة القسط و محاربة الظلم والفساد فهو في كربلاء

فكم من مدعٍ أنه في كربلاء وهو بعيد عنها
وكم من بعيد عن كربلاء ظاهراً وهو فيها واقعاً؟!
كربلاء مدينة القلوب السليمة وحرم النفوس المطمئنة
فسلام على كربلاء الحسين
وسلام على اهلها الحقيقيين
وياليتنا كُنا معكم فنفوز فوزاً عظيماً!

عندما نزور الحسين لابد ان نعلم ان هناك مسيرتين تتجهان نحو كربلاء
الأولى: مسيرة الابدان المتجهة نحو ضريح الامام الحسين في أرض كربلاء
الثانية: مسيرة الأرواح التي نراها الٱن في مناسبة الأربعين المباركة إنما هي تجلي لتلك المسيرة الروحانية
انها مسيرة تلك النفوس والأرواح التي تبحث عن كمالها وسعادتها الحقيقية ونورها وطهارتها ولا بد ان نركز على الوصول الحقيقي إلى الحسين وحرمة في مسيرة الروح التكاملية لكي نتطهر بالطهارة العظمى ونتنور بنورة الأقدس

وما دمنا نتكلم عن الحسين بعنوان انه ذكر الله فيكون لسان حالنا ونحن على ضفاف كربلاء هو ما ورد في مناجاه الذاكرين :
"" الهي لولا الواجب من قبول امرك لنزهتك من ذكري اياك على ذكري لك بقدري لا بقدرك وما عسى ان يبلغ مقداري حتى اجعل محلا لتقديسك ومن اعظم النعم علينا جريان ذكرك على السنتنا "" ..

دخلنا الحرمين واتوجهنا بالبداية ودخلنا حرم الامام العباس ماكدرنا نوصل الشياج من الازدحام والناس المحتشدة

وكفت بالباب وحجيت البكلبي كلة كلشي عاصر كلبي ومتعبني سولفت بي واندعيت يتكفل بأختي وما ارجع لبغداد الا ونحن نثبت للكل اختي ماكو بطهارتها !

بچيتت بچيتت ..

رحت صليت ركعتين وقرأت زيارة الإمام العباس وزيارة ام البنين

وقبل لا اطلع القيت تحية السلام علية وهتفت وايدي على كلبي ..

- اجيتك حيل مهضووم يا ابو فاضل
كلش ضااكت بية الدنيياا ومالي غيرك ضلت يمك يااعباااس ضلت يمك
اكضيها الي يا ابو الفضل اكضيهاا ..

طلعنا انا واخوتي ورحنا لضريح الامام الحسين ..
كلشي اريدة وكلشي اتمناه طلبتة بضريح الامام العباس فرغت روحي من مصائب دنيتي

ولمن وصلت مولاي الحسين جنت مفرغ روحي بس لمصيبتة ركعت كدام الباب ضليت ابجي وانوح علية واني اذكر الصار بأرض الطف ..

مولاي المايرد طالب يتعنالة نفسة الجان يطلب ناصر ومحد يرد علية !
نفسة الطلب ماي لرضيعة وجان ردهم سهم نحري مايكدر يتحملة !

مولاي الي رحمتة وحنيتة علينا بكل مكان نروح بي هو نفسة الي داسوا صدرة بالخيل وما رحموه !

بقيت انعى وانعى واني مفجووع واضرب صدري على مصيبة مولاي شلون كلسنة صاحب العصر والزمان يشوف جدة وهو ينسحك تحت الخيل ؟؟

اللهم عجل لوليك الفرج اللهم ..

بعد ما كملوا اخواني الزيارة وكلشي رحت وصليت وقريت زيارة الامام الحسين وزيارة عاشوراء وزيارة وارث

وقرأت دعاء فاطمة الزهراء لقضاء الحوائج

ورجعت صليت ركعتين بالنيابة عن مولاتي ام البنين وقرأت زيارتها

وحنا انا واخوتي وكعدنا كلنا بمكان الصلاة انجمعنا واحد يم واحد

وعلي الرضا كعد كدامنا و علي الهادي نام وحط راسة على رجلين رضاوي
وهذا ما صدك كعد يلعب بشعرة ويسولف وياه ومرتاحين على بالك كاعدين ابيتنا ..

علي الهادي :: العب بشعري مناا ..

علي الرضا :: تدلل تعبان هدهدي ؟

- اي والله رجلية احسهن ورمن

- بية ولا بيك

المعتز باالله :: ترى أنتَ نفس حالة هم مشيت الي هو مشاه المن بعد بية ولا بيه ؟

علي الرضا :: حتى لو بية تعب اتحمل بعد لجل هو ما يشيل شي اتحمل تعبي وتعبة

اصفاد الحق :: ولكم اني كضيت عمري اتمنى عندي اخوان توأم بس علمود هي السوالف هههه

علي الهادي :: يصيرون توأم وهواي هم بسس ابد ماراح يصيرون
مثل علي الرضا و علي الهادي

الفاروق الاعظم :: وانا اشهد ..

ضحك علي الهادي ورجع خلا راسة على رجلين علي الرضا وصارو جنهم بلابل الحب
اني التهيت اباوع للضريح واتأمل جمالة واتذكر الي كال اني حسين وانت حسين
هههههه واشوف مصيرة ويينةة ؟؟

سمعنا رادود فات للضريح وطلع فات موكب السيد فاقد الموسوي موكب شهيد الجمعة
وفات وراه موكب مسلم الوائلي

تركونا علي الهادي و علي الرضا وراحو يمشون وي موكب شهيد الجمعة ويلطمون

واني نمت على المدة وحطيت ايدي جوة راسي واخواني تطشرو كلواحد راح بمكان واني بقيت نايم بمكاني لان تعبان ولا بية اخطي خطوة ..

______________________★______________________

""""""" آريـــج الله """""""

وقت جنا نمشي اني ومماس بالقرية ونسولف ونضحك ..

مماس :: ها ولج مو كلتلج بس أنتِ تكدرين توكفين بوجه داسِم

اريج الله :: يمعوودة غير اني جاي اختم القرران ابوجه من اوكف يمة يا اكدر علية

- ههههه اهم شي عرف كلشي وما سوالج شييء ولج هي البدايةة والله لو طايح بيچ اخوي لو رجعتي حيرام شوي

- هو شنو صاير لأخوج ليش هيج ؟ وليش تكليلي رجعي لطبيعتة ؟

- موو هـــووة .........

اتقاطع كلام مماس ونحن نسمع صيحة من خلفناا وكفنا نحن الاثنين بنفس الوقت واندارينة لكيناها غيرة !! اجت وكفت كدامناا واردفت ..

مماس :: هذا صوت خالتي !

أريج الله :: ولج اخاف منها اكثر من داسِم

غيرة :: هااا جاي تمشوون ومتونسين ؟

مماس :: خير خالة شنو ؟

- أنتِ لا تحجين !

سكتت مماس واني بقيت أباوع لغيرة شلون أجت يمنا وشرار الحقد تطير من عيونها وعلى صوتها وصياحها انجمعوا حوالينة كل الناس الي بقرية رماد وأدفت وياها واني مطلعة شخصية غدير الله البداخلي ..

اريج الله :: شبيچ تلعلعين عبالچ بس أنتِ عندچ صوت ؟؟ وجمعتي النااس شكووو!

غيرة :: انا اريد اجمع الناس لان الناسس كلها تعرف غيرة منو وشنو تكدر تسوي !

- هه والمطلوب هسة شنو ؟ شعندچ جي تصيحين هيچ ؟

غيرة :: اناا مخلية قانون هناا اليعيش ويانة غصب علية يتلبس بعاداتنا ويصير مننا

- زين ؟

غيرة :: مو كتلچ هذا الخمار ماريد اشوفة على راسچ ؟؟ ولا اشوف هي العباية على جسمچ؟

انا سكتت هنا ومماس ما لفظت شيء وي خالتها ورجعت غيرة وصاحتت ..

غيرة :: شكو سكتي ؟ كتلج لا تلبسينة لوو لاا ؟؟؟

- ايي كلتيلي

غيرة ؛؛ وليش بعدة على راسج ؟ تحبين اتوسل بيج حتى تسوين الحاجة لو اعيد كلامي ؟

- لا تتوسلين ولا تتعبين روحج حجابي ماراح اذبة لو اعرف اذب روحي

مماس :: خالة شلون تطلبين منها هيچ هي ماتكدر تطلع شعرها مثلنا !

غيرة :: هي مو فاقدة الذاكرة شلون تتذكر لازم تلبس خماار ومايصير تنزعة ؟ فهموني هي النقطة بلة ؟

انا هناا حيل اتنرفزت منهاا ومن كلامها اخلص من داسِم تطلعلي غيرة الماعدها غيرة نترت ابوجهة بصوت عالي ..

اريج الله:: ديني وعقيدتي مو بذاكرتي وكتلج وارجع اعيد الحجاب ما اذبة ولا اطلع ولاااشي
شتردين اعرض بنفسي هناا لليسوة والما يسوة هي بس أنتِ تسوينهاا ..

عصبت حيل من كلامي ومن ردي عليها سحبتني من ايدي وعاطت بصوت عالي
الي حتى أبطن امة سمع حسها !

غيرة :: مو بمزاجج نمشي نحن فهمتيييي كلمتي هي التمشي هناا كلتلج تنزعي يعني تنزعي واذا لاا ما يبقى الج أثر هناا امحيج ونفسيي
صيري مطيعة حتى تحافضين على نفسچ ..

اريج الله:: لااا لااا هيج راح تزعليني ماا احب مطيعة تصدكين بس اني امووت على شريفة خلينا على شريفة او افتكار بس مو مطيعة ماريدها

وهي بقمة عصبيتها ردت اخفف شوي عنها بس شوو هااي ما تتحمل شقى !
عصبت اكثر ورفعت ايدها جانت تريد تسحب الحجاب من راسي

حسيت بقطعة اقماش انحطت على عضدي من ورة ونسحلت رجعت لورة واتقدمني داسِم

سحل الشال الجانت مماس مخليتة على رقبتها وحطى على ايدي حتى يكدر يحط ايدة علية ويسحبني

وكف كدام خالتة واني صرت بظهرة وأردف وياها :

داسِم :: شنوو صاير هناا ليش مجتمعين هيج وانتِ غيرة ليش صوتج واصل حد البحيرة ؟

غيرة :: زين اجيت تعال وشوف حل لهي المدري منو دزها علينا

- شنو صاير ؟

غيرة :: أكثر من مرة كلتلها تذب الخمار وهي ماجاي تسمع ولا تنسى اول قانون هنا هو اليريد يعيش هناا يعييش مثلناا واذا ماتريد خلها ترجع منين ما اجتت

- صحيح كلامچ غيرة والحق وياج

التفتت داسِم وصار يباوعلي بأطراف اعيونة قريت ابوجه سورة الفيل وبقيت ارددها بكلبي رجع باوع لخالتة ورد عليها .. " كمل كلامة "

داسِم :: كلامج صحيح اذا جان الجاي لهنا يريد يصير مننا وبينا مو دخيلة عندي

غيرة :: شنو تحجي أنتَ ؟

رد على خالتة ورجع التفتت لناس وصار يباوعلهم ويحجي بصوت عالي

داسِم :: هذا الحجي غيرة ..
اسمعونييي كلكمم اسمعوني كلشش زين وخلوني على بالكم البنت هي الواكفة بظهري اقماار اسمها وهسة هي دخيلتي وبأمانتي اليمسها بكلمة يعني مسني
واليغلط وياها غلط وي داسِم شخصياً
والواحد بيكم يعرف كلشش زين شنو مصير اليغلط وي داسِم

هنا عاطت بي خالتة قاطعت كلامة وصاحتت ..

غيرة :: شنوو جاايي تهبب أنتَ جي تسمع الكلام الجاي تحجي مستووعبة ؟؟ داسِم!

- اييي غيرة انا مستوعب كل حرف طلع على الساني البنية هي لا تريدنا ولا مشترية العيشة ويانة هناا هي بس فاقدة الذاكرة ولا من حقج او حق أي كائن هنا يفرض شيء عليها اهي ما تريدة تسوي اليعجبها والترتاح بي ومناا لحد ما ترجع ذاكرتها اذا تريد تصير من عدنا وتبقى هنا أهلاً وسهلاً بيها واذا لاا ما تريد انا بيدي ارجعها لأهلها ونورت دارنا
ومناااا لذااك الوقتت ما اشوف احد حااط عليها كلمةة ولا مضوجها بشيء
اذا بالنسبة الكم جانت مجرد اقمار صديقة مماس
هسة هي اقماار دخيلة داسِم

بعد هذا كلامة ولمن خلص اشر للناس الواكفة تروح
وبسرعة اطشرت الوادم من كد ما خايفين منة لان عصب وهو يحجي

بقينا بس انا ومماس و غيرة وهوة
التفت نضر لمماس وهتف وياها

داسِم :: مماس !

مماس :: ننعم ؟

- اخذي اقمار وروحي مناا

- صاار امشي قمورة

اخذت بأدي ورحت وياها بقى داسِم وي خالتة
وصلت لبيتي أردفت وياي مماس ..

مماس :: رايحة اشوف ساتر تردين ارجعلج ؟

- لاا يروحي انا تعبت اريد ارتاح شوي

- اهاا جا أنتِ ارتاحي واني اكمل شغلي واسويلچ شوربة خضروات تاكلين اصابعچ وراها

- مماسس بشرفج لا تحطين شيء مشكوك بأمرة ما عايزة فوك المصائب هي اكعد اكل شيء حرام !

- لاا كلشي اسوي راح يكون على طريقتج كم مرة طبختي كدامي

- فدوة لأيدج

- يلا ارتاحي حبيبتي

عافتني مماس وراحت وانا فتت وقفلت الباب وكعدت على الفراش وانتبهت اكو كُتب على الكرسي !

استغربت انا ما عندي كُتب كمت وشلتهن لكيت عليهن ورقة اصغيرة مكتوب بيها ..

"" انتبهت اغلب وقتچ بالغرفة ما تطلعين اختاريت الج هذني الكم كتاب تضيعين وقت بيهن لان ادري ماعندج شيء يضيع وقتج بالغرفة وملل يصير
هسة ضيعي وقتج بالقرائة احسن من ما تبقين تسولفين وي نفسج وتتخبلين
اتمنى يعجبوج , حَيرام , ""

من قريت كلامة واسمة ابتسمت زين هاي ثالث حاجة زينة يسويها الي
طلع منة الخير هلداسِم هذا !!

بس ثواني هسة طخت عنديي هذا شلون فات لهنا وخلا الكُتب ؟
الباب اني قافلتة وتوني بيدي فتحتة !

ياالله كلما اكول طلع خوش رچال وأمن بي لازم يسويلة مكسورة
يرجع يخرعني بيها منه !!

حطيت الكتب على الكرسي واخذت كتاب واحد منهن رحت للفراش نمت على ظهري وبديت اقرأ واشوف شنو مضمونة ؟

مادري ليش وانا أقرأ طرت على بالي السجادة الجابها الي داسِم كمت من مكاني شمرت الكتاب على المخدة ورحت للميز طلعتها وطلعت التربة

فرشتها بالكاع واخذت سراحية الماي اتوضيت وغسلت ورحت صليت
اليوم هو 19 صَفِر يعني ليلة الاربعين اليوم !

كعدت اسوي اعمال ليلة الاربعين ولمن خلصت طلعت الحصن الحصين وبديت اقرأ منة
ورجعت صليت رُكعتين وهديت ثواب صلاتي هي
وقرات الادعية المتعودة عليهن

كمت ولفيت السجادة وطاحت التربة مني !! وبهي اللحضة سررح باليي واخذاني للبعيد من الذكريات ...

{ قبل سنة في الشهر الثاني من عام 2019 }

لمن خلصت صلاتي كمت لفيت السجادة واني كايمة طاحت مني التربة راحت غدير الله واخذتها وبسرعة كرطتها واخذت نص منهاا
انا هنا عطت بيهاا ...

اريج الله :: لجج حرااامم ما يصيررر لا تاكلين التربة المتصلي عليها

غدير الله :: ليشش ترى طيبة احبهاا

- هسة غير نكول الها حرام و مايصيرر تفهم !!

- اييي احبها شأسوي يعني ما اقاومها

- طبچ مرض شسويلچ العلية نبهتج حراام وفرغت ذمتي .

بهذا الوقت دك الباب الغرفة وسمعنا صوت ابن عمي مؤمل الصدر جاي من خلف الباب يكول "" عادي افوت ""

لبست غدير الله حجابها واني ما لبست شي لان أصلاً جنت بعدني بگبع الصلاة
ضليت بي ورديت علية "" اييي يبعد اختگ تعاال فوت ""

دفع الباب وفات علينة يضحك وسلم ...

مؤمل الصدر :: السلام عليكم اخواتي الكريماات !

غدير الله :: هلاا والله نورت الغرفة نومي

أريج الله :: هلا خوية وعليكم السلام

- اجيتكم بحاجة ملحة ومهمة كلش لو حياة لو مووت

أريج الله :: خير شنو ؟

- رحمة للكائنات اريد شاحنة لتلفوني راح يطفي من الشحن!

اريج الله :: شنو شاحنتة شنو نوع تلفونك ؟

- أيفون

غدير الله :: نوومييي ماا عندنا شاحنة بهي المواصفات الله يرزقك بوحدة مثلها بالضبط ويجمعك بيها بأسرع وقت ههههه

- يعني أنتِ مود التفاهة دوم مفعلتة ما تطفي ؟

غدير الله :: تفاهة لو عنب هاهاهاها

- ياا بوية متت من الضحك خايبة ريحانة سكتيي اختج الغرفة انترستت اترااب راح تموتنا !

اريج الله :: هههههه هو انا اكدر الها ام السانين هي

- يعني هسة ماكو شاحنة ؟

اريج الله :: لا والله ماعندنا شاحنة ايفون

- شساالفة البيت شكبرة مابي ايفون !

غدير الله :: جان عندي وعطل بعد ما نشتري لان نحيسس بالشغل ويحمى بسرعة يصير نار لعبان نفسس شلون متحملة أنتَ

- جاان عندج !

غدير الله :: ايي قبل اربع اشهور جبت جديد ..

- جا وين شاحنتة ؟

غدير الله :: هي شامرتها بالجرار

- كوومي طلعيهاا شمالچ

كامت غدير الله وطلعت الشاحنة من الجرار من شافة مؤمل الصدر طلعت نفس شاحنتة اخذاها

- من البداية وهيج ..

غدير الله :: مدري جنت ناسيتة توني اذكرتة ..

- هو أنتِ زين ماتنسين اسمچ .. يلا شكراً للشاحنة ونعتذر على الازعاج

اريج الله :: كل الهلا بيك خويةة

لمن راد يطلع صاحت بي غدير الله ..

غدير الله :: اكلك نووميي

مؤمل الصدر :: عيوني الاثنين خية .

- سلملي على زنوبة

ضحك وصار يباوع الها وأردف وياها ..

مؤمل الصدر :: تدرين غيمة صارلي يومين متعارك وياها وماعندي سبب يخليني اراسها وتعرفين اخوج ما يعرف يراضي بس هسة انطيتيني عذرر اراسلهاا بحجة سلامج ..

غدير الله:: جاا هاي هييي جمعت بينكمم وراح اصير سبب الصلح انيي ههه

مؤمل الصدر :: وين اكو منچ أنتِ اروحلج فدوة .. يلا رايح النا راح اخلي تلفوني يشحن بالصالة مو تنسنة بس يكمل افصلو من الشحن ..

اريج الله :: صاار انتبة لنفسك

- ان شاءالله

غدير الله :: راح ترجع النا مو ؟

- اكييد اكدر على فراگكم اناا ارجع وي العشة ..

اريج الله :: جا ما نتعشى ننتضرك

- ايي ما اتاخر اني انتضروني ..

غدير الله :: استودعتك الله يخوي ..

عافنة وطلع واني نزعت الگبع وغدير ذبت الحجاب ...

""" الحاضر """"

واناا هم طلعت من افكاري ورجعت لواقعي البائس ..
حطيت السجادة والتربة ورجعت اريد اقرأ سمعت الباب اندك لبست وفتحتة
طلع ابوجهي جميل متعب ..

اردفت وياه ...

أريج الله :: هاا خالة جمولة ؟

جميل :: خالة عمو داسِم وداني الچ يريدج تجين للبحيرة ..

- داسِم ؟

- ايي كالي اجي اكلج يريدج هسة ترحيلة للبحيرة .

- اهاا تمام رايحة

- تمامم خالة بااايي

راح جميل واني سديت الباب رحت للمراية طبقت الصاية عدل واخذت الحجاب البسة
واني افكر شنو يريد مني ؟ وبعدين ليش ساعدني هلكد الشغلة ما سواها لسواد عيوني لو لله اكيد وراه شي !!!!

______________________★______________________

- لم يكن بيتنا يكفي كان جدي يجمعنا
الأخ فوق الأخ
الأخت فوق الأخت
ليصنع منا شجرة كبيرة يستظل بها الضيوف
عندما زار دارنا الثأر
اخذنا نتساقط واحداً واحداً
من الثوب الاسود الطويل الذي كان يركض خلف العلوية
ولم يتوقف ...

______________________★______________________

- يَـــــتــــبِـــــع 🫶🏻🫶🏻🎀

¹¹,⁹⁰¹ كلـــمة

وصلنا لنهاية البارت اتمنى ينال اعجابكم
نعتذر اذا كان بي أخطأ بسبب السرعة في الكتابة
حتى ينزل بالوقت ..

السويتة الكم نزلت البارت العليكم تصوتون وتعلقون وتتابعون حسابي تقدير للتعب 🌿🌿🌿

اشوفكم بالبارت الجاي
والى ذاك الحين إلى اللقاء

استــودعــتكم الله الذي لا تضــيع عندة الودائــع 🫶🏻❤️‍🩹

- الكــاتبــة رُقــَـيّــة الأكـــبَــر 🌿🌿✨