احفاد السيد : الثار ( بأجزائها الإثنين ) الفصل الرابع وخمسون 54 - بقلم ​رُقَيَّةُ الْأَكْبَرُ

بسم الله الرحمٰن الرحيم
اللهم صّلِ على محمد وعلى ال بيت محمد

﴿الباقيات الصالحيات ﴾
الحمدالله
سُبحان الله
الله اكبر
لا اله الا الله
لا حول ولا قوة الا بالله
حسبي الله ونعم الوكيل

الکَـــاتـبة ﴿ رُقــيّــة الأكـــبِـــر ﴾

بقلمي روايــة ﴿ ضـحـايـا الـثـأر ﴾
➖ المعروفة بأسم ﴿ أحـفـاد السـيد : الـثـأر ﴾

✨ التَـــعـِب عليــنـا والتــفاعــل عليـــكم ✨

_____________|| لمُتابعة حساب الكاتبة ||_____________

انستكرام || o.oll13

تيك توك || oo_ll13

قناتُنا تلكرام || oo_ii13

واتباد || oo_ll13

______________________★______________________

- حزينون مثل طفل لم يمنحة الله سوى ساقٍ واحدة
يرى الأطفال يركضون ........

______________________★______________________

"""""" أريــج الله """""""

طلعت مِن البيت ورحت للبحيرة لمن وصلت لكيت داسِم صاعد على الفرس مالتة
أول ما شافني نزل منة واجى هو والفرس بأتجاهي وأردف وياي ..

داسِم :: على حسب الوصل إلي من معلومات عنچ أن أنتِ فارسة صَح ؟

ابتسمت واخذت بسرج الخيل ورديت علية

اريج الله :: صحيح كلش احب ركوب الخيل وجان عندي مُهرة أسمها سالي

- تحبين تاخذين جولة وي قاتــم عَوض عن سالــي ؟

- لااا ماريد

- ليش ؟

- اني ما جنت اروح على سالي بأي مكان جان الي مكان مُخصص و وقت مُخصص يكونوا اخوتي داير ما دايري وبس بمركبنا أصعد لان مُغلق ومحد يشوفني ..

هز براسة الي وانطيتة السرچ اخذة مني وراح رجع ربطة بالجذع
وحكم ربطة حتى ما يفلت ويروح .

رجع داسِم وكف كدامي صار يباوعلي عفتة ورحت دخلت على أطراف البحيرة

بعد ما اخذلة فرة أجى وكعد شوي لغاد عني
وصار يباوع للبحيرة ووجهَ مبتسم

اخذت وأردفت وياه

أريج الله :: البحيرة هي أنتَ مسويها ؟

- ايي انا

- شلون هيج باقي الماي نضيف بيها وما يخيس ؟

- لأن انا ماهاملها مستمر كل نهاية شهر اسحب الماي هذا كلة منهة واروح افرغة هناك اخلي گاع الصحراء تشربة
وانزل للمحافظة واجيب الها من 7 إلى 10 چراگل ماي واجي لهنا احط بيها

- تعب !

- اكييد تعب موت بس واجبي هذا أسوي

- اهاا زيين ..

سكتت عنة وهو ما أردف بشيء وصار يلعب بماي البحيرة
رجعت انا وأردفت وياه ..

اريج الله :: ايي اجاني جميل وگالي أنتَ تريدني لهذا انا اجيت بس لهسة شايفتك ما حجيت شيء شني المن طلبتني ؟

داسِم :: اي جبتچ هنا لان اريد اعرف منج شيء ..

- شنو تعرف ؟

- قُصتــچ

- مو علساس أنتَ عرفت كلشي عني ؟

- اريج اناا ما اعلم الغييب كدرت اعرف اليي الناس تعرفة !

- زين اذا هيچ باعتبار أنتَ عرفت قُصتــي

- بس انا عندي احساس قوي يكول أنتِ ما سويتي شي غلط والناس تحجي عليچ على عماها .. أريج انا اريد اساعدچ بكل سُبل المساعدة لا تتعاملين وياي هيچ وتسدين بابچ ابوجهي مرجعج الي وتطلبين اساعدج ترى !

- بشنو تريد تساعدني وشنو تكدر تسوي ؟

- خليني بالاول افهم السالفة منچ بالتفصيل الممل بعدها نتحاور

- اهاا المفروض مني اسولفلك هسة ؟

- اذاا ما تصير زحمة !!

بديت أسولف لـــداسِم كلشي صار وياي وهو جان داير عيونة عني ابد ما حط عينة بعيني

وانا حسيت نفسيتي ادمرت بسبب هلسالفة هي وكلشوي لازم اتذكرها واسولف بيها وانا احاول اتناسى !

حجيت كلشي بالتفصيل المملل على كولتة بدون زيادة ولا نقصان

ولمن سكتت رحت امسح ادموعي نضرني بطرف عينة وهمس وياي ..

داسِم :: تكدرين توصفين الي الرچال الجان بالسيارة ؟ وي صديقتج!

- مااعرف كتلك ما شفتة مجرد سمعت صوت وحسيت اكو احد ورة بس ردت التفتت انضربت على راسي وماكعدت الا وانا حالتي حالة !!

- يعنيي ما شفتيي منا مناا ما لمحتيي شيء منة ما سمعتي اسمة ؟

- لاا ابد والله واصلاً مااعرف اذا جان الوياها رچال لو بنت لان بسرعة انضربت

- زين أريج الي أعتدوا عليچ اكثر من واحد ؟

- لااااا بس شخص واحد

- وشلون عرفتي بس واحد !

- لمن التقيت بأخواني اخذوني للمستشفى وسويت فحص وبالتقرير حددت الاعتداء من جنس واحد بس

- اهااا ..

- اييي

- يعنييي هسةة لو نكول طلع كلامچ صح والناس هي عرفت أنتِ بريئة بسس بعديش ؟ هم ماراح تخلصين من كلامهم لان .... وهم ما تكدرين تتزوجين !!!

انفعلت حيلل وعطت بييي

- انعل ابو الزواج اناا بس اريد اثبت برائتي بعين ابوي وما همني اذا هي الناس اقتنعت لو حجت اللعنة عليهم كلهمم والله العظيم كلهم ما يهموني لا هم ولا الزواچ بكد ما يهمني ابويي ..

- انا اسف !

- على شنو تتأسف ؟

- اتأسف لان فوك الطراگيع الطايحة عليچ انجبرتي تتحملين مغثة داسِم ومغثة خالتي غيرة واهل القرية !!

- لا عادي طاقة التحمل بعدهاا مشتغلة عندي

- زين اريج الرچال ما تعرفي صديقتچ انطيني ملامحها واسمها !

ردت اكول اسمها بس استوقفتي عقلي دقيقة اريج ..
رفعت حاجبي الة وأردفت وياه

اريج الله :: شتريد من أسمها وملامحها ؟

طكها ابوجهي بدون تردد

داسِم :: اطگها الج بسحر اخليها ما تشوف دربها واريد تنطيني ملامحها حتى اسويلها سحر ثاني الا اخلي وجها من كل كتر ينزف دم وما تلكى الحل لا عند طبيب ولا عند احد
وابقى اللعب بيها لحد ما تموت حتى تعرف شلون تضلم صديقتها الواثقة بيها هيچي !

اريج الله :: أنتَ اتخبلتت لو تموت ما اخليك تسوي هيج !

- ليش خايفة عليها فوك السوتة وياج تردين ما اسوي الها شي ؟

- حَيرام مالك غرض ولا تدخل اني وصديقتي وننجاز أنتَ خليك بعيد عن هي السالفة

- أريج لو مو سواية صديقتج السودة جان هسة أنتِ بنص خوانج ! أنتِ متهجولة هيچي واخوانج متدوهنين يدورون عليج والناس تحجي عليكم صاعد نازل وأنتِ هسة تكليلي لااا صديقتي !! هي عربيدة موو صديقةة اريجج

- حتى لوو حَيرام الله راح ياخذ حقي منها
مو تجي أنتَ تسوي بيها هيچ علمودي گلي جا اني بهي الحالة بشنو فرقت عنهاا هااا هي اذتني واني اجيت وأذيتها اضعاف
حَيرام الله يخليك لا تسوي هيج وتخليني اتحول من مضلومة الى ضالمة نفسها

- أنتِ هيچ تردين ؟

- أييي

- هاي هيي براحتچ بس ماريدچ تجين بعدين وتكليلي ساعدني !

- بعمري ما طلبت مساعدة بس من الله واهل البيت
شمالني هسة اجي واطلب العون من شيطان ؟

نضرني بنص عيوني وابتسم وهز براسة بمعنى " خوش "
ودار عني وصار يمشي ويرجع للحضة خفتتت من طريقة مشيتة حسيت طلع الجني البداخلة !!!

اتراجعت لورة حيل وصرت يم الفرس لان اعرف مايكدر يطلع داسِم ويجي للفرس !

رجع باوعلي وأردف وياي ..

داسِم :: تعي لهنا لا تخافين كتلج ما اجي لهنا الا وانا حَيرام ..

اتقدمت ووكفت كدامة وأردفت وياه ..

أريج الله :: اذا ماعندك شيء بعد اريد اروح !

- ماعندي شي بس اريد اكلچ انتبهي لنفسچ من خالتي اني حجيت وياها معليها بيچ بس خاف تحب تسويلها دبچة وياج اخذيها على مايها ..

- مثل ما تحملت داسِم اتحملها ..

التفتت اريد اروح اتذكرت لمن دافعلي انداريت الة لكيتة يباوعلي هزلي براسة " هاا "
جريت نفس وهتفت وياه ..

أريج الله :: شعجب دافعتلي بالقرية كدام خالتك ؟

دنك وضحك ورد يباوعلي وهو يضحك وشفت أنيابة البارزات حيل چنة مصاص دماء !!
اردف وياي وهو يحط ايدة على صدرة ..

داسِم :: اعذري شخصية حَيرام طغت على داسِم بالقرية وطلعت ودافعت الچ

اريج الله :: على العموم شكراً وهم شكراً على الكُتب

- اذا تحتاجين شي اطلبي مني

- ماراح احتاج عن أذنك ..

عفتة ورحت رجعيت للقرية لكيت مماس واكفة على الباب اول ما شافتني هتفت وياي ..

مماس :: هي أنتِ طالعةة واني ضلي ساعة اضرب على الباببب انفزعتت عبالي صاير بيچ شي !

- لا هي كدامچ مابية الا كلخير ..

- وين جنتي جاية من اتجاه البحيرة !

- تعيي ندخل وناكلل لان خووررت چوع واحجيلج كلشي

- تمام حبيبتي يلا افتحي الباب ...

دخلنا انا ومماس وكعدنا ناكل بالغرفة وسولفت الها على الاكل كلشي صار وياي انا و داسِم
على البحيرة وضحكت واردفت وياي ..

مماس :: يعني داسِم اتقلبچ وأخيراً ؟

اريج الله :: حَيرام اتقبلني اماا داسِم لاا !

- يمعوودة اندعي لربچ ما تطلع شخصية داسِم عليچ والله يبقى هيچ ساتر علينا

- صدك مماسس انت ما كملتي كلامچ الي

- ياا كلام ؟

- قصة داسِم من سألتج ردتي تسولفيلي واجت خالتج .

- اهااا تذكرت صح

- ايي سولفيلي اخوج شنو مرضة ؟ يعني ليش عايش بهي الوحشية ؟
وهم اريد تسولفين الي سالفة ثانية ..

- شنو هي ؟

- قبل شهرين تقريباً هيج شيء
شفت بيت مهدوم نصة ولمن دخلت لكيت على الحائط منقوش اسمج واسم اختج منسة واسم حيرام وبعد وياكم اسماء ثانية شنو قصة هذا البيت ؟ ليش هيج صاير بي وليش أسماءكم علية ؟

ذبت الخاشوكة من ايدها واتغيرت ملامحها حسيت روحي ذاكرتها بشيء هي جانت تتجاهل تتذكرة!

ردت اكللها انسي بس سكتت لأن أريد اعرف السالفة شني اريد افهم قُصتهم

رجعت وأردفت وياها ....

اريج الله ؛؛ هاا شنو ماتردين تسولفيلي

مماس :: چي افكر منين ابدي القصة !

- مثل ما سولفت الج قُصتي بدون خوف و وثقت بيچ أنتِ هم سولفيلي قُصتكم وشلون القرية اتحولت هيچ وليش ؟؟

- ترى القرية هي جانت معروفة بجمالها والامان البيها وروحها التنعشك وجان عدد سكانها اضعاف العدد هسة وجانت حتى عائلات عايفة الولاية وتجي تسكن هناا

- چا شنو التغيرر هسة ليش هيچ حالكم ؟؟

- نحن چنا عايشين ابيت واحد بالولاية وي اهل ابوي واهل امي جانوا من هي القرية
چنا عايشين حياه ولا اروع ابوي جميل وامي شمسة واخواني متعب و كاتر و صفاء و وناس و شاسع و حَيرام واخواتي اناا و منسة و فنر و ودق
جانت حياتنا بالولاية محسودين عليها من جمالها وهدوء عائلتنة الجان ماليها الحب والأمان
لحد ما أجى ذاك اليوم واتمرضت بي جدتي ام امي
قررت امي ننتقل وتعيش هنا بالقرية لفترة معينة ولان جان ابوي هوواي يحب امي
رغم شغلة وحياته كلها بالولاية ماكدر يرفض طلبها ورحنا وانتقلنا لنعيش هنا
اخذ النا ابوي ذاك البيت الي شفتي
بالبداية جانت حياتنا كلش حلوة هنا لان اجواء اول مرة نعيشها وجانت خيالية بالنسبة النا

- ثواني مماس هذا الكلام قبل شكد ؟ يعني يمتى أجيتو لهنا ؟

- قبل 10 سنوات تقريب بٓــ 2010

- زين وشكد چانت اعماركم بهذي السنة النتقلتوا بيها لهنا ؟

- اخوي متعب الجبير جان عمري 29سنة
وكاتر جان 27 سنة
حَيرام " داسِم" جان 20 سنة
وناس جان 19 سنة
صفاء جان 25 سنة
شاسع جان البزر الاخير وجان عمرة سنة وحدة ..
هذول اخواني اما اناا واخواتي ب 2010 جان اعمارنا تتراوح
انا جنت 11 سنة
منسة جانت 15 سنة
ودق جانت 7 سنوات
فنر جانت 9 سنوات

- زين وشنو الصار بعد جيتكم ؟

- نحن سكنة بذاك البيت وصار ابوي ينزل للولاية يخلص شغلة ويرد يجينا وانطر يأجل مدارسنة بذيچ السنة لان ماكو مدارس هنا وبنفس الوقت ما نكدر كليوم ننزل للولاية ونجي الطريق خطر وطويل .. لهذا كلحنا البنات واخوي وناس أجلنا الدراسة
بس أخوي حَيرام جان متولع بحب القراءة والتعلم جانت حياتة عبارة عن دراسة قراءه كتب
لهذا هو رفض تأجيل الدراسة بالخصوص هو مرحلة اولا طب عام
لهذا جان بنزل للولاية كليوم يطلع منا بَ 4 الفجر ينزل للولاية حتى هم ياالله يوصل لجامعتة على الساعة 7 الصبح
وبنفس الوقت جان يخلص محاضرات ويروح للدكتور
لان هو جان مريض انفصام وجان ضروري يبقى مستمر وي الدكتور والعلاج فا جان لازم يروح كليوم ..

- يعني اخوج داسِم من زمان يعاني من هذا المرض ؟

- ايي هو من طفولتة هيج بس جان ودود لان مهتمين بي وي العلاج والمداراة وجان حتى من تجي الحالة الوحشية ابوي يحتضنة ويحتوي ..

- شنو صار بعدها ؟

- اي اجينا لهنا بقرابة الــ5شهور اتذكر چنا كاعدين بالحديقة الكدام بيتنا كُلنا وطلع النا اخوي صفاء وهو جاي النا هيچ برمشة عين سمعنة صياح اخوي كاتر يكول

كاتر :: يمةة صفاااء مدري شجااه وكع !!

رحنا ركض الة وجان واكع على وجهة لمن كلبة أبوي لكينة عيونة مفتوحة ووجهة أرزك
جانت أكو دكتورة هنا لمن أجت وشافت اخوي هتفت وي أبوي

- هذا ابنك مات !!!

هنا ابوي حسيتة صدك انكسر واخوي صفاء جان توة متخرج هندسة وفرحانين بي مهندسنا
راح ابوي واخواني للنجف ودفنوه واحلفلچ ابوي الراح مو نفسة الرجع كسرة موت اخوي بشكل مو طبيعي ..
بعد هذا الحادث بثلاث أسابيع كدرنا نستعيد نشاطنا ورجعوا اخواني ملتهين بحياتهم وانا واخواتي نهتم بأخوي الصغير وامي وي امها وابوي بالشغل

أريج الله :: بعدها شنو صار ؟

مماس :: بهذا الوقت صارت تزورنا اخت امي الوحيدة وهي خالتي غيرة جانت مامتزوجة
اخذت الها ايام تتردد النا ومن بينا كلنا اختارت اخوي حَيرام جانت هواي تتقصد تكعد يمة وهو يدرس وتلهي عن دراستة
ونحن چنا نحبها حيل يعني لان خالتنا الوحيدة بعد وجانت مدللتنا

- زين .

- بعد موت اخوي صفاء بثلاث شهور صرنا نلاحظ سلوك غريبة تطلع من اختي فنر
جنت اوصل للباب الغرفة اسمعها تحجي وي احد
ومن افوت عليها الگي محد يمها وهي هنا من تشوفني تفر راسها الي بشكل يخرع وغريب
وجان يطلع منها صووت جان مخلوط بين صوتها وصوت رجال
ماجان صوت اختي الانا متعودة علية وجانت من تشوفني تكلي ..

- شنو تردين من فنر ؟؟؟

بذاك اليوم طلعت مخترعة من الغرفة اصيح لأهلي ولمن رجعت انا واهلي ودخلنا عليها لكينة عيونها متحولة كلهن سواد وشكلة متغير حيل
امي صارت تبجي وتصيح وتكول ..

شمسة :: عززة العزواني بنتي اتلبسهة الچن !!

جان هذا الشيء الوحيد اليفسر حركاتها وتصرفات اختي من وقت ما جانت تحجي وي روحها امي جانت تكول لابوي اخاف علية لا يتلبسها چن مايريدها هيج تلعب لوحدها وتحجي وي روحها وابوي جان يرد ببرود لان ماكو شي يخوف ويكللها جي تلعب وي روحها عوفيها براحتها بس بعد ذاك المنضر الي لو اموت ما انساه وصورة اختي شلون جانت
ابوي هنا ربط ايديها لان هجمت على امي وخنكتها من رقبتها
اخذها ابوي واخوي متعب و وناس وراحوا للنجف قاصدين سيد يقرأ عليها
وصدك السيد بذاك الوقت ما قصر كلشي يطلع بأيدة سواه بس ماكو فائدة
وماضل سيد يعتب علينة الا وكضينة الا وجنا كلشي ما نستفاد كان جي نشتغل على الهوى مو على انسانة
لحد ما السيد من السادة من شاف اختي ووضعها وشلون جانت تتصرف من يقرأ عليها كال لابوي

- بنتك تحت تأثير السحر والشعوذة

جميل :: شلون يعني تحت تأثيرة ؟

- اكو شخص يسوي السحر بتجنيد الجن لإيذاء أشخاص معينين، فيسببون لهم الأمراض والمشكلات النفسية والجسدية وهذا الجي يصير مع بنتك

جميل :: بنتي مسويلها عمل ؟

- مجندي لها جن مؤذي ماراح يتركها لحد ما يخلص عليها

السيد الاخير هيچ شخص حالة اختي ان خلص هذا الجن الراكبها اكو احد مجندة الها يعني اختي تحت تاثير السحر وماراح نكدر نسوي شيء بعد ..

اريج الله :: وشنوو صاار من بعد هلشيء العرفة ابوج ؟

مماس :: طلعت روح ابوي أخذ اختي فنر ورجع للقرية وهنا بوقتها حبسها بالغرفة لا تطلع ولا واحد يشوفها لسوء حالتها وجانت بس امي تفوت عليها علمود تنطيها الاكل
وبعد اسابيع سمعنا صوت صياح امي بوقت ما جانت تريد تنطيها الاكل
ركضنا الها ودخلنا غرقة فنر
المنضر الثاني الما انساه نفس موت اخوي صفاء نفس الطريقة نفس اللون
هم لكينة فنر فاتحة عيونها وميتة وجسمها ووجها شنو اكول الج لونة
جان لون جسمها ووجهة أرزك غامق من كد ما صايرة زرگة اختي متحولة لسوواد

وهنا اهل القرية صاروا يحجون اختي واخوي ماتوا نفس الطريقة بالسحر والشعوذة
وصاروا يحجون ان القرية هذي مسكونة واذا هسة راح صفاء وراحت فنر منو الضحية الجاية الناس كلها صارت تخاف
وبدأ العدد يتناقص يعني بأختصار بس الي حالتة جانت كلش صعبة ومايكدر يطلع وياسس بيت بالولاية ضل هنا
وابوي طگت روحة وخاف علينة وكال لأمي لازم نرجع الولاية لأن الوضع هنا والأحداث الجاي تصير بعد ما تحتمل
المهم شب خلاف ابيناتهم وانتهى على امي رافضة تنزل الولاية وابوي يريد يرجع
لذالك أخذ قرار ابوي يرجع وامي تبقى هنا
لهذا لمن ابوي راد يروح اخذ وياه اختي ودق و اخواني وناس و كاتر وطلعوا من القرية
وبقينا هنا يم امي انا واختي مَنسة و اخواني متعب و حَيرام
لان بنضرنا جانت مايهمنا الوضع دام ملتزمين بالصلاة وامي يمنا الله يحمينا
المهم أستمرت خالتي بزياراتها المتكررة وهي المرة اخوي حَيرام حيل اتعلق بيها
وصار يسمع كلامها واغلب الوقت اذا ما تجي هي النا هو ما يتحمل ويروح الها
امي بهلوقت صارت تلاحظ اخوي حَيرام مو نفسة ابنها
صار يكره الكُتب ولمن تدخل غرفتة تشوفة يسوي بالعابية
ولمن كعدت لتسألة " ليش بعد ما ينزل الولاية لا يروح لجامعتة ولا يروح لدكتور "
صدمهاا بكلامة و كاللها " ان هو بعد مايريد يكمل جامعتة الي جان طب عام مرحلة أولى ولا يحتاج دكتور لان صار يكدر يسيطر على نفسة "
امي مكدرت تفرض علية شيء بس وصلت خبر لابوي ان حَيرام راح يبطل ويترك جامعتة
ابوي هنا مِن عرف گلب الدنيا وعدلها اجى للقرية وصار يصيح ويكول " هاي القرية مشبوهة من دخلناها اولادي منهم التغير حالهم ومنهم الماتوا وخسرتهم وماراح يبقون هنا الباقي من ذرية جميل صباح "
ابوي جان خايف علينا لهذا جان يريد ياخذني انا واختي واخواني متعب وحَيرام
بس بهذا الوقت طلعت الة خالتي وحجت وياه بتهديد وبعدين اخذتة وراحت على صفحة مدري شحجت وياه غيرت حال ابوي وعگدت السانة
عافنة وراح من القرية
وبهذا الوقت اخوي حَيرام راح وصار بظهر خالتي غيرة وهي بدورها حجت وي الناس كلهم اليريد يروح يروح واليبقى من هذا اليوم القرية تحت أمرها هي وصارت تخوف بالناس وتعترف هي شلون تكدر تسوي كلشي وحتى اذا اشتكوا عليها شلون راح يصير مصيرهم مثل مصير اخوي صفاء قتلتة وهي مو يمة
وهنا ومن كلامها عرفنا ان اخوي صفاء واختي نتيجة لسحرها وشعوذتها
والمشكلة جانت ساحرة امي واخواني ثلاثتهم سمعوا كلامها وما سوو شيء لها
ومشت وياها والنس بقت تحت حكمها لان عدهم اهم شي اكو مسكن ينامون بي وكذالك هي جانت تجيب كلشي ابلاش يعني ما خسرانين شيء لهذا الكل صار مطيع الها

- واخوج حَيرام شنو صار بيكم بعدها ؟

- ما صار شيء هي استمرت حياتنا هيچ لحد يومچ هذا صار النا تسع سنوات تحت قيد غيرة شكد حاولنا انا ومَنسة نشرد منا بس بكل مرة جنا ننصاد وتأذينة وترجعنا لهنا
واخوي داسِم جان يزاداد وحشية بكل عام هجري جديد لازم يقدم قُربان وجان هو المسؤول قدم اخوي شاسع وقدم بنت اخوي متعب شمسة ..
وست اولاد لهل القرية هو قدمهم .. ومحد يكول له على عينك حاجب الكل تشوف غيرة بعيون داسِم لهذا مابيهم يحجون ..

- قصتكم ما تدخل العقل والله شلون هيچ عايشين وبأي ذنب شني شيطان شني سحر شماخذين من الدنيا وشنو منطين حتى اني اجيب نفسي واعيش هيچ حياة قذرة نهايتها راح اكضي عمري بالاخرى بـــ سَقر احترك ومحد يدري بحالي

- هي بعد الذنب خالتنا غيرة ..

- ليش هيچ سوت وياكم ؟

- مرض على كلام امي خالتي من طفولتها تحب السلطة والتملك تريد الكل يسمع كلامها الكل يطيع أمرها جانت تفرض رئيها حتى على جدي وجدتي

- انزين مماس اهلها عايشين ؟

- لاا جدتي ماتت من زمان وجدي كذالك

- وامج ؟

- عايشة

- وينهاا ؟

- ابيت متعب عايشة بس لا تتحرك ولا تحجي بس فاتحة عيونها

- سحر من خالتج ؟

- مادري بس اكيد لان فجأة انتكست حالتها وصارت مثل الميتة

- لا اله الا الله اعوذ باالله من هيچ ناسس

- لهذا انا جنت اكلج رجعي اخوي لان شفتة على ايدج ما كدر يسوي لچ شي أنتِ أقوى منة أريج

- الله كريم

- دووخت راسچ اكيد يلا انا رايحة لبيتي وأنتِ ارتاحي ونامي زين يروحي

- اوكِ حبيبتي

- تصبحين على خير

- مماس اذا احتاجيتي شيء تعاليلي

- ولوو من عيني هي قبل هي ماعندي غيرج انا ..

- الله وياچ خية ..

عافتني مماس وطلعت وانا كعدت وي نفسي كلامها يتكرر براسي
اذا غيرة كدرت تسوي كلشي سوتة بعائلة حَيرام وهي بعيدة عنهم ما اشك تكدر تنهيني اذا طخ براسها مو صعبة عليها
يمكن كلبي صار بية خيط خوف منهاا
حطيت ايدي على صدري وحتى ارتاح وحتى يهدأ بالي واحس بالامان قرأت
"" ختمة دعاء نادي علياً الكبير ""
لان يشيل معجزاات كبيرة
1 اذا اتعرض المؤمن لمعضلات كبيرة يقرأ الدعاء 7مرات بنية خالصة يتخلص منها
2 لطلب الرزق يقرإ الدعاء 9مرات بعد صلاة الفجر
3 لأداء الدين يقرأ كل يوم 22مرة وذلك لمدة 15يوم
4 يُحمل هذا الدعاء للحفظ من الإنس والجن والحيوانات

أريج الله :: نادي علياً مظهر العجائب تجدهُ عوناً لك في النوائب
لي إلى الله حاجتي وعلية معولي كلما أمرتهُ ورميت مُنقضي في ظل الله و يضلل الله لي
أدعوك كل هم و غم سينجلي بعظمتك يا الله بنبوتك يا محمد بولايتك يا علي يا علي يا علي
أدركني بحق لطفك الخفي ، الله اكبر انا من شر اعدائك بريء
الله صمدي من عندك مددي وعليك معتمدي
بحق إياك نعبد وإياك نستعين يا ابا الغيث أغثني
يا أبا الحسنين أدركني
يا سيف الله أدركني
يا حجة الله أدركني
يا ولي الله أدركني
بحق لطفك الخفي
يا قهار تقهرت بالقهر والقهر في قهر قهرك يا قهار
يا قاهر العدو يا والي الولي
يا مظهر العجائب يا مرتضى علي
رميت من بغى علية بسهم الله وسيف الله القاتل
افوض أمري الى الله ان الله بصير بالعباد
وإلهكم إله واحد لا إله إلا هو الرحمٰن الرحيم
أدركني يا غياث المستغيثين
يا دليل المتحيرين
يا إمان الخائفين
يا معين المتوكلين
يا راحم المساكين
يا إله العالمين
برحمتك وصلى الله على سيدنا محمد واله أجمعين والحمدلله رب العالمين

سكتت ومسحت ادموعي ماعندي رجاء غير الله ومالي شيء اكدر اسوي غير الصبر على بلائي كمت اخذت كتاب من كتب حَيرام وكعدت سويت نفسي اقرأ لحد ما اتعب وانام

______________________★______________________

""""""" أصــفــاد ألــحــق """""""
بعد ما انتهى صَفِر بأسبوع اتصل علية علي الباغر وطلب مني اجيهم للبيت
طلعت من بيتنا ركبت السيارة ورحت الهم
لمن وصلت لكيت المعتز باالله و علي الباغر و الميرزا المصطفى الغاسم
واكفين چدام الباب
صفطت سيارتي شوي عنهم كدام بيت واحد من الجيران ونزلت ورحت الهم اتمشى
اول ما شافوني فتحلي ذرعانة علي الباغر وصاح

علي الباقر :: لكك هلااا بااخويي واحزاميي هلا باخووي الزوود هههه

ضحكت ورحت شبگتة بعدها شبگت ألمعتز بالله وأردفت وياه

أصفاد الحق :: شلون صار چرحك ؟

المعتز باالله :: من يا ناحية گلبي لو أيدي ؟

- الإثنين

- جرح أيدي التأم وراح بس جرح كلبي لهساع نزفة

المصطفى القاسم :: صاير ابيناتكم أسرار ؟؟

علي الباقر :: اني اسمع ومتفاجاة شني جرح كلبك شني لهساع ينزف انا جاعد جدامك 24ساعة وماعرف و صفد يعرف هي شلك بيها ؟؟

اصفاد الحق :: ترى ماكو شيء شنو هي الغيرة انا هم اخوكم موش غريب ترى !

المصطفى القاسم :: صح اخونا واعز من الروح بس ما نريد تصير أسرار ابيناتنا بدل ما بس أنتَ تعرف خلينا كُلنا نعرف

علي الباقر :: هو غير هيچي المفروضض غيرر ؟

ألمعتز باالله ؛؛ والله ماكو شيء مجرد سالفة طايح حضها ..

المصطفى القاسم :: وصلللتت السسوالف الطايح حضهاا يميي سولفلي يلاا شني هية ؟؟

أصفاد ألحق :: يمعودين بعدين تعرفون كلولي شكو طلبتوني هيچي اخترعت واچيتكم ركض

علي الباقر :: نريد تروح لمچان ونريدك ويانة

أصفاد الحق :: هلاااا بطكك الفشگ واناا چاهز ابشرروا

بهذا الوغت سمعنا صوت اصياح
التفتت لكيت صاحب البيت يريد يطلع سيارتة ومايكدر
لأن سيارتي سادة المُكان ركضت وعفت اخواني واكفين
ولمن وصلت الة نزل من السيارة وحجة وياي بطريقة مستفزةة ..

اصفاد الحق :: كلش اعتذر هسة ازيح السيارة عن طريغك

- هي سيارتك ؟

اصفاد الحق :: ايي سيارتي

- شعندك صافطها هناا شني بيت الخلفوك ؟

- وشكوو تحجي وتغلط هيج احترمتك واعتذرت منك وكتلك هسة ازيحها لا تزودهاا يلااا

اجة وكف كدامي دفعني وصاح

- غصباً عليك تحترمني زين مني ما دعمتها وطلعت بيها كبل

اصفاد الحق :: لو مسويها جان دعمت راسك المربع هذا وخر عني لا تدفع لا اكسر ايدك .

هنا ركضوا اخواتي الي وصاروا بظهري وصاح بيه ألمعتز باالله

- اكوول يلا مشي سيارتك ولا اشوفك اموكفها هنا مرة لخ ..

المعتز باالله :: احترم نفسك لا اسحل بيك الكاع واهينك

- تهين منووو يا ورع ؟

المعتز باالله :: هيي ويايي كلمةة ورعع ؟؟؟

- ههه ليش منو غيرك ورع هنا ؟؟

راد يهد علية المعتز باالله بس لزمتة من ايدة انا ورد على كلامة علي الباغر

علي الباقر :: لا تغلط وروح اصعد سيارتك واطلع مناا لا نربيك من جديد أصفاد اصعد زيح سيارتك عن هذا وخلي يولي مناا

ضحك الرجال ولمن التفت النا علي الباغر وانطاه ظهرة أردف الرجال ويانة ..

- انتم انطوا تربية لأختكم العايبة بعدين اكعدوا وانطوني تربية تخليني اتيه اخواتي تحجون على التربية وهو انتم لو بيكم خير جان شفنة حرم بيتكم مستورة ابيتكم مو دايحة من منطقة لمنطقة وانتم هيچ عاييشين لا مبالا

هنا غمض عيونة علي الباغر عرفتة عصب
وانا من فوران دمي هديت ايد المعتز باالله ودفعتة على الرجال

ركضوا ألمعتز باالله و المصطفى الغاسم للرجال
ووكعوا بي ضرب وين اليوجعة وعلي الباغر تركهم يأدبونة

المعتز باالله :: تحجي على اختي يا ابن **** لك أنتَ لو امك شريفة وحليبك طاهر ما تسولف على بنت الطير ما سامع صوتها يا ابن ****

المصطفى القاسم :: اختنا اطهر منك ومن امثالك يا كـــ**** انعل ابوك لابو الساعة الخلتك تجيب طاري اختي على السانك الزفر يا خايس يا قندرة ياا وسخ ابن الچلب

لمن حسيت الرجال راح يموت جوة ايدهم رحت انا سحلت المعتز باالله
وعلي الباغر سحل المصطفى الغاسم كام الرجال حلگة يصب دم وخشمة مكسور

والمعتز باالله جان لابس المحابس مالتة وضارب الرچال بوكس بوجهة
والمحابس منطبعات على خدة وينزف ..

دفعني علي الباغر للسيارة ركبت بيها وحركتها ورجع دفع اخواني ورجعوا لمكانهم كدام باب البيت وراح وكف كدام الرجال وأردف وياه

علي الباقر :: ننتضرك بالمركز روح للمستشفى ينطوك خوش تقرير وروح قدم شكوى على اخواني واني انتضرك هناك وهااا هذني البخدك راح يبقى أثرهن تدري ليش ؟
حتى كلما تحاول تحجي على بنت ما تعرف هيج شنو صار وياها ولا جانت بحضن منو عايشة وشلون متربية تحجي على بنت اشرف و اطهر حتى من أمك راح تشوف وچهك وتتذكر شنو نتيجة كلامك
المرة خلصت بس كم گطرة دم وكعت منك بس اذا فكرت تحجي علينة مرة ثانية راح تتواجه وياي انا جميلك والفتحة السابعة بذاك الوقت ترحب بيك

عافة علي الباغر وراح انا مشيت السيارة ورجعت وكفت يمهم وهذاك الحيوان صعد سيارتة وراح
أردف المعتز باالله بحركة وتعصب ..

المعتز باالله :: لو مخليني اگتلة واشررب دمة هذا الحيووان وعليي ماكول كاافي ولا يبرد نار كلبي لو احرگة هسة !!

المصطفى القاسم :: يعيروون بينا وهم اكثر النااس يدرون نحن شنوو بس اجلااااببب استجلبوا علينة

أصفاد الحق :: لان من البداية هم يردون الزلة علينة وهسة اجتهم للحلگ يفوتوها ويسكتون اكيد لاا وماراح يسكتون بعد

المصطفى القاسم :: حاولت اصبر نفسسي واسوي روحي ما سامع شي بس ماكدرت كلماتة ضربت صدري على بالك طلقة مو كلمة طلعت منة

علي الباقر :: شوفوا شباب مادام بعدنا نحن لهسة لا نحن الذابحين اريج الله ولا نحن الثابتين برائتها راح نسمع هواي من هذا الكلام

المعتز باالله :: وحرك خيام زينب مستعد أفرگ حلگ شكو جلب ينبح

اصفاد الحق :: خلص ريض

المصطفى القاسم :: يلا شباب لا تخلون هلحيوان يخرب مزاجكم ويشغلنا عن شغلنا أمشوا

اخذني المصطفى الغاسم من ايدي والمعتز باالله اخذاه علي الباغر ورحنا صعدنا سيارتي
صعد علي الباغر بمكان السايق وهو السساغ وكعد عزوز يمة بالصدر
وانا وابو الصوف كعدنا بالخلف ومشى بينة

ولحد هي اللحضة وانا ما اعرفنهم وين يردون مرت خمس دغائغ ونحن بالطريغ
فتح عزوز الچَكمچة وصار يلعب بالاغراض المخليهم بيها

ماجنت منتبه علية عيني جانت على الشباج والشارع
لحد ما الله سترني وهتف المعتز باالله وهو لازم الظرف وغبل لا يفتحة

المعتز باالله ؛: هاا ولك صَفد صاير بيها مراسيل وضرووف شنيي شوكت الزفة شوكت الطفل الاول ؟؟

نضرت الة لكيت مطلع الضرف من الچَكمچة طفرت ليمة وسحبت الضرف من أيدة ونترت

اصفاد الحق :: لاااااا عوفةة ... شووف اكلكم لا تچيسون أي شي بالسيارة رجاءاً

نضرني علي الباغر بالمراية الأمامية وأردف وياي

علي الباقر :: وشمالك انگرصت موش توك تكول انا اخوكم موش غريب ؟!

أصفاد ألحق :: مابية شيء بس ما احب احد يحط ايدة على شيء يخصني !

التفتت إلي المعتز باالله وأردف

المعتز باالله :: يخصكك ؟؟

اصفاد الحق :: خوة الموضوع ما يخصكم ولا يخصني لأن اغلب الغراض هنا والله موش إلي الناس مخليتهم أمانة ومن ضمنهم هذا الضرف يردوني اوصلة لمكان

باوعلي بالمراية علي الباغر ورفعلي حاجبة وسولف وياي بطريغة
(( يابة انا مو عاجبني هذا الشيء ))
وأردف وياي

علي الباقر :: وأنتَ من شوكت صاير مرسال ؟

اصفاد الحق :: موش مرسال انا

المصطفى القاسم :: چا هذا البيدك شنهي ؟

- گلت الكم انا موش مرسال لچن هذا صويحبي طلبني أوصلة وما مگدرت اردة

المعتز باالله :: وشنهي عود صاحبك هذا ماعندة ايدين رچلين ما بوصلة هو شمالة مشلول ؟

- طلبني بعد أكدر اكلة شمالك ما توصلة أنتَ زحمة يابة

علي الباقر :: لاا موش زحمة بهيچ مواضيع شنو عرفك شني محتوى هذا الضرف

- اعرف والله لچن كلت الكم مكدرت اردة

المصطفى القاسم :: مرة التچي ردة لان الشغلة موش لعب يروح يطلع بيه تهديد لون شيء وأنتَ التوكع بيها لان أنتَ الموصلة لچماعة وشافوك الك موش صاحبك تكدر تنكر بذاك الوقت ؟

المعتز باالله :: هي عود أنتَ المطگطگ كلشي چوة رچلك هيچ تفوتك هي السالفة ؟

- والله خرعتوني خايبين شمالكم وياي هي بس هلمرة وبعد ما تتكرر

علي الباقر :: غصباً عليك ما تتكرر تخلي تنعاد هي السالفة ان جانت منك لو من أي واحد غيرك ادوس على راسكم نحن ما عايزين مصايب حتى تحضرون النا مصيبة تالية !

- هاي هي التوبة والله ما تتكرر بعد وهسةة كلوليي وين رايحيين ؟؟

علي الباقر :: هسة نوصل وتعرف ..

- فضولي غاتل والله ما اتحمل

المصطفى القاسم :: رخي فضولك هذني الدقائق راح نوصل ما ضل شيء

- تمامم ننتضر ونشووف

اخذت طبگت الظرف ودخلتة بالجيب مال البنطرون ياعلييي لثواني جان كلشي راح ينهدم على راسي الله سترني والله

رجعت اباوع للشباك وبالي وتفكيري لوين راح نروح مو عوايدهم هيچ نضل نمشي ومحد يكلي وين ماشين بس ماكو خوف لان وضعهم مرتاحين ايي
اكيد مايشكوون بية بس انا جي اطووخها بالتفكير وراح تكشف نفسي بنفسي !!!

______________________★______________________

"""""" المعتز باالله """"""
وقت ما جنت وي اخواني بالسيارة سمعت صوت رسالة من تلفوني طلعتة وشغلتة لكيت
" جرح " دازتلي رسالة على الواتساب
دخلت عليها ولكيته كاتبة ...

جرح :: هي وينك معتز صدك تحجي لا تحس ولا تفكر ولا تكول اكو بني ادم راح يفكر بية راح يضل بالة اذا هيج اختفي
زين زعلان مني تعال فهمني گلي يا بنت الناس أنتِ سويتي افلان شي واني ضايج منها
حتى اعرف احجي وياك اعرف اتصرف مو هيچ گطعت بية بدون سابق انذار !!
حيل مشتاقتلك معتز واتمنى من تشوف رسالتي تجاوبني مو تغلس نفس عادتك ..

قريت الرسالة ومابية أرد لهذا كتبت الها .

المعتز باالله :: حالياً انا وي اخوتي بس أصير لوحدي راح احجي وياج

دزيت الرسالة ورحت الاعدادات حضرت اشعارات الواتساب وطلعت صرت أكلب بالمحادثات منو مراسل
اتمنيت اقرا اسم ﴿ وَهج شعوري ﴾
الاسم الجنت كاتبة على رقم وهج الطف بس للاسف مالكيتة غير حاضرني
كملت اكلب بدون ما أرد على احد هيج بس انضرهن
لكيت رقم مراسلني ما متسجل عندي رقم غريب ؟؟؟؟
فتت علية لكيتة دازلي ..

- السلام عليكم سيد ألمعتز باالله عساك بخير ؟
سيد اذا فارغ وعندك مجال اتمنى ترد علية اريد التقي بيك ضروري سيد !

استغربت منو هذا ومنين يعرفني دخلت على حسابة طگيت صفنة على صورتة
وچهة موش غريب على عيوني
انا شايف هذا الزلمة وبعدها بثواني طك بعقليي واسترجعت ذاكرتيي
هذاا أدم !!
رجعت فتت على المراسلة ورديت علية

المعتز باالله :: أدمم لو متوهم ؟؟

طلعلي صحين وراها صارن زرك ودزلي ..

ادم :: ايي سيدي ادم انا

عصبت حيل لان اتذكرت علاقتة بطيبة الزهراء ورديت علية

- خيرر شني مراسلني تريدد شيي ؟؟

وعلى بالك نايم بالمراسلة اول ما دزيتلة ردي شاف الرسالة وكتب الي ..

ادم :: سيد والحُسين ضروري أشوفك حيل شغلة مُستعجلة

ردت أكلة لاا بس عقلي الكالي لا تخلي العصبية تسيطر عليك يمكن الولد واكع بورطة ومحتاج مني مساعدة ما يصير
هدئت نفسي وجاوبتة بأخلاقي

المعتز باالله :: شنو تريد يعني ؟ سالفة هلكد مهمة ؟

ادم :: وعلي سيد كلش مهمة لازم اشوفنك

- عندي شغل هسة بليل اذا فارغ اشوفك اذا ماعندك شي ؟

- لا سيد هذهو انتظر رسالتك بليل

- يصير خير ان شاء الله

- الله يخليك سيدي ..

اتفاعلت وي رسالتة وطلعت غلقت التلفون وضميتة نضرني علي الباقر وأردف ...

علي الباقر :: بيك شي نحري ؟؟

- لا ماكو شيء

درت وجهي للشباج وصرت انضر السيارات ولمن وصلنا القاعة وكف السيارة علي الباقر
ونزلنا وأردف أصفاد الحق..

اصفاد الحق :: شنسوي هناا ؟؟

المصطفى القاسم :: تعال نفوت وأنتَ تعرف

علي الباقر حط ايدة على كتفي ودخلنا انا وياه
وفات المصطفى القاسم وايدة بايد أصفاد الحق ولمن دخلنا القاعة جانت ضلمة
بعد ما خطينة خطوتين لجوة القاعة وصرنا ابوسطها اشتغلت كل الاضائة وطلعت كدامنا طبلة عليها الكيك والزينة وكل الاخوة موجودين اول ما اشتغل الضوة
كلهم صاحوا بصوت واحد ..

- العمر كلة صفصف

جان عيد ميلاد أصفاد الحق وسويناها الة سبرايز حلوو ..
راح وصار جدام الكيك جانوا الاخوة امبيضين الوجه مسوين مثل ما طلب علي الباقر
الكيك بطعم جوز الهند مثل ما يحب صفد
وطابعين عليها صورتة بتخرجة من السادس وحاطين رقم عمرة الجديد ..
صار يحضك وعيونة مغورگة دموع وهتف ...

اصفاد الحق :: شنيي هذذا كلة المن ؟؟

صيوان :: كلهذا لأخو واحد النا مو بس اخو هو سند وعزوة وأسمة أصفاد الحق

علي الرضا :: احلا واطلق من يصير عمرة 21 سنة ان شاء الله نحتفل بمولدك الــ100

- والله ما اعرف شنو أكول الساني انعگد الله شاهد !!

راح علي الباقر وشبگة وأردف وياه

علي الباقر :: من نصير غربة عود فكر شتكول النا وشلون تشكرنا هسة يلا خلينا نفرح بعمرك الجديد ..

علي الهادي :: صفد مو وقت هذا الكلام اتمنى هسة وطفي شمعتك ياالله

المعتز باالله :: هسة اصفاد صدك راح يطفيي شمعةة شبابة هههههه

عمض عيونة اصفاد الحق واتمنى وانا خبثت علية وهفيت على الشمعة قبلة باوعلي وضحك واردفت وياي..

اصفاظ الحق :: وهسة انتَ صدك سويتها وطفيت شمعة شبابي طلعت مو بس كلام هههه

المعتز باالله :: انا كد كلمتي كتلك اطفيها وطفيتها..

ضربني على متني وگص الكيك وبعد ما أكلنا وعايدناه وانطيناه الهداية
اردف المصطفى القاسم ويانة...

المصطفى القاسم :: اكول شباب مادام كُلنا هنا مجتمعين هيچ جمعة حلوة خلونا نكملها ونلعب

البشير قيصر :: باقي ساعتين لحجز القاعة ترى!!

حامِد المتقين :: هوواي ساعتين نلعب ونمل حتى

صيوان :: شنو تردون نلعب هسة ؟

علي الهادي :: شوفوا خلونا نكعد بالكاع ونسوي كعدتنا دائرة وهي بطل العصير نفرغة ونفرة بالكاع ونلعب جرئة وصراحة هاااا شرايكم؟

الفاروق الاعظم :: والله خوش فكرة حليووة عجبتني..

علي السجاد :: يلا اذا هيچ اكعدوا وخلونا نلعبها ونغير جو

كعدنا كلنا بالكاع وصرنا مثل الدائرة « انا و علي الباقر و علي السجاد و علي الرضا و علي الهادي و حامِد المتقين و المصطفى القاسم و المرتضى الامير و البشير قيصر و الفاروق الاعظم و صيوان واصفاد الحق ومكرم و شُبر و شُبير »

وأردفت وياهم؛

المعتز باالله :: منوو راح يفر البطل؟

صيوان :: اكبر واحد بينا يفر البطل والي يوكع الاختيار علية هو يختار منو يسألة

البشير قيصر :: لحد يعاين عليّ مالي غرض ما اسوي

الفاروق الاعظم :: انتَ اكبر واحد بينااا يلا بشيروو فر البطل لا تخربهاا علينةة

شبير :: يلا بوية خلينا متونسين سويهاا !

البشير قيصر :: أمري لله انطوني أفر بسم الله

فر البشير قيصر البطل واول واحد وكعت علية الراس مال البطل هو اصفاد الحق هههههه
وهتف البشير قيصر ..

اصفاد الحق :: هم حضيي هذاا ههههه..

_ الي راح يسأل صفد هووو علي السجاد انتَ اسئلة..

علي السجاد :: خووش يلا صفصف جرئة لو صراحة؟

اصفاد الحق :: لااا صراحة

_ شنو نعني الك احنة اخوانك
كُلنا..

حامِد المتقين :: اووو سؤالل حلوووو يلاا صفصفف جااوبب هههه

اصفاد الحق :: من جنت اصغير اتعلمت بالمدرسة ان الانسان يعيش على الهواء والغذاء والاوكسجين وىدونهن يموت بس لمن كبرت عرفت ان هذا كلة جذب بجذب عادي الانسان يكدر يعيش بلا ماي 24س ويكدر بدون غذاء حتى 48س ويكدر بدون اوكسجين لمدة 8دغائغ بس مايكدر على افراك اخوانة ثانية وحدة لمن كبرت عرفت الانسان يعيش على اخوتة مو على التعلمناا بالمدرسة وانا عايش عليكم انتم اغلى من روحي

شبير :: مشاعر حساسة درچة اولى

المصطفى القاسم :: الدمعة بطرف عيني

صيوان :: بددايتها صفصف يررد يبچينة !!

علي الباقر :: الله يحفضنا ان شاء الله وما يخلينا الوقت نفترق

البشير قيصر :: يلاا افرها من جديددد بس لحد يحجي.. هههههه وكعتتت عليك ياا المعتز باالله و اليسألك هوو علي السجاد

علي الهادي:: هي شني كلشوي علي السجاد علي السجاد انطونا مجال شوي ترى فوج كامل كاعد هنا موش بس علي السجاد راح يمشي علينا كلنا ويسالنا

البشير قيصر :: والله اسمة جي يطلع على الساني ياعمي يلاا انت اسال المعتز باالله

علي السجاد :: بس خلصنا من البالوعة الي انفتحت علينة..

المعتز باالله :: يلا هدهد انتَ اسئلني بس على كيفك اخووك اناا..

علي الهادي :: ههههه خوشش راح اتذكر خوتك يلا هسة جاوبني جرئة لو صراحة

_ انا جريء بس احب الصراحة أكثر

_ اوكِ سؤالي هو شنو اكبر مخاوفك ؟؟

_ اكبر مخاوفي اخسر الشخص الاحبة ..

الفاروق الاعظم :: ليشش ولك تحب؟

صيوان :: اييي عمييي وصاير عندة نقطة ضعف واخسر الاحبة

علي الباقر :: واحناا اخر من يعلمم اخوة بس بالاسم ترى ماراح نحسدك عادي كوول النا شنو بيها نفرح الك بالعكس

_ ههههههههه شمالكم جنهم چهال ترى قصدي عليكم ليش انا احب غيركم انتم منطيني مجال اشوف روحي حتى الحك احب واشوف المحبوبة..

شبر :: اي صحيح عمي صدكنا لا تحلف يلا بوية فرها..

اخذ وفر مرة ثالثة ووكع الاختيار على المصطفى القاسم واردف البشير قيصر ..

البشير قيصر :: يلاا علي الباقر انتَ اسئلة ..

علي الباقر :: وكعت بيدي ومحد يسمى عليك هههههه جرئة لو صراحة ؟

المصطفى القاسم :: صراحة حلوة..

_ ايي كلش حلوة سؤالي هو اخر محادثة ويامن جانت؟

حامِد المتقين :: جااوب ان استطعتت ههههه..

_ الصرااحة عنواننا ماخايف من احد اجاوب ليش ما اجااوب..

مكرم :: يلا جااوب شمالك اتصركعت هيچي؟

_ اخر محادثة وي تاچ بنت عمي

المرتضى الامير :: صريح وزود اخووي ههههه يلاا يمتى دووري

البشير قيصر :: ههههه عفية عليك ابو الصوف هسة نشوف على منوو يوكعع امم اهااا عليةةة ههههههههههه يلاا المرتضى الامير انتَ اسئلني..

المرتضى الامير :: جرئة لو صراحة ؟

البشير قيصر :: صراحة !!

_ كم مرة خنت جميلة؟

علي السجاد :: هي عبوووةة موش سؤالل هههههه

المعتز باالله :: لااا الامير لااا موش هيچ تسألة اولادة چاعدين لو لوحدنا بيها باب وچوااب !!!

شبير :: اصبر بوية قبل لا تحجي خليني افتح تسجيل صووت

صيوان :: أكلها البشير هههههه

المرتضى الامير :: اختتار صراحة وانا سالتة

البشير قيصر :: وانا گد سؤالك لان الواثق من نفسة ما يخاف..

شبر :: اييي جاااووببب ابوي العزيز..

_ واتراب ابوي ماخنت ولا مرة هو انا بفراگها ما خنتها اخون لمن رچعتلي شني طار عقلي...

علي الباقر :: اليحب من صدك ما يخون ولا يفكر بشخص ثاني ان اخذ اليحبة لو ما اخذاه شيء لا ارادي بي يبقى وفي لحبة الأولاني ..

البشير قيصر :: يلاا نفرر هسةة ونشووف هههه وكعت عليك ياا حامد يلا واليسألك علي الرضا ما سمعنة صوتة..

علي الرضا :: جنت منتضر دوري يجيي

حامِد المتقين :: يلا روضي اسئلني اختار الصراحة

_ احلا ذكرياتك وي منو جانت ؟

_ احلا الذكريات المطبوعة بذاكرتي وي رحمة الزهراء و اريج الله

صيوان :: اي كلنا هنا اذا عدنا ذكريات حلووة فهي وي اخواتي هذني لان الشيء الحلو يترك أثر حلو مثلة

علي الباقر :: ان شاء الله ترجع وتكمل ذكرياتها ويانة

لمن راحت الضحكة من وچه اخوتي عرفتهم اذكروا اريج الله والصار واتغيرت الملامح غيرت الموضوع وصحت بالبشير قيصر..

المعتز باالله :: يلاا بشيروو كملل فررها

البشير قيصر :: اييي نرجعع للعبة اووو وكعت عليك يا هدهد هههه واليسألك مكرم..

علي الهادي :: تمام اختار صراحة

مكرم :: شنو حلمك وشكد عدد اصدقاءك ما اجى براسي بس هيج هههه

_ حلمي اتزوج طفلة كلبي وصارت وباقي حلمين الاول هو اخلص الطبية والثاني اعيش دور الابوة

صيوان :: ان شاءالله تصير اشوف بداخلك احلا واجمل أب بهلكون كلة

_ حبيب رووحي ابو الصمود..

البشير قيصر :: يلا نرجعع والدور وكع هلمررررة هههاها علييك يا علييي الباقر وانا الي راح اسئلك

علي الباقر :: اسئل وانا مختار الصراحة ..

_ شنو رمز نقالك ؟ وشنو مخلي خلفية لان متقبل احد يشوفها..

اصفاد الحق:: عااشت اييددك بشيرر على هلسؤال المعدل هذاا يلا علوليي جااوب

علي الباقر :: نحن لصراحة عنوان ههههه

صيوان :: جاوب يلا بدون هي الشعارات

_ رمز تلفوني 2006 وهي الخلفية صورتي انا وطيبة الزهراء بعيد ميلادها بوقت هي الصورة هي دخلـت وكملت الـ 5 سنوات من عمرها ..

المعتز باالله :: رمزك مواليد طيبة لو هيج رقم عادي ؟

_ لاا مواليدها !

علي السجاد :: يلاا يولد جي تسولفون أكثر من اللعبة خولناا نلعبب كملل بشيروو

البشير قيصر :: تمام نشوف الإختيار هي المرة عليمن يووكعع هههههه شبيرر يلا وشبر أنتَ اسأل اخوك

شبر :: جرئة لو صراحة ؟

شبير :: صراحة

- أكثر شيء تكره‍ بية ؟

علي الهادي :: شبر يمثل علي الرضا بسوالفة

علي الرضا :: ترى من محبتي الك اسألك هيج اسئلة حتى الاشياء الما تحبهن بية اغيرهن لجل عينك وما تضوج منيي

شبر :: وانا مثلك عمي دائماً اسئل شبير لان يزعل مني دوم وهسة اريد اعرف شنو اليكره‍ بية !

شبير :: كلشي بيك احبة لان انت جزء ما يتزجئ من روحي بس اضوج واكره‍ صفة العناد البيك والعصبية الزائدة حيل اضوچ لان أنتَ من تعصب تنسى روحك وتفگد اعصابك على الاخر

المعتز باالله :: سمعتت ولك قلل عصبية لخاطر أخيك ..

علي الباقر :: باع منو يحجي جا ماتغير من نفسك أنتَ لخاطرنا ؟

المعتز باالله :: ماكدر اجوز من طبعيي اناااا صار مرض بيةة

شبر :: بس لجل العين تكرم مرج عيون يدلل علية ابو حسين راح اغير من روحي وما ازعلة بعد ..

صيوان :: اذا ابني مايحب اخوة صمود مثل حبكم اتبرة منة

البشير قيصر :: لو تحبل كل البطون وتشيل وتخلف محد راح تجيب مثل خلفة البشير قيصر

المعتز باالله :: لا حبيبي غلطان قبل خلفتك الفاضلة جدي احمد مخلفنة احناا

علي السجاد :: صحح بعدهاا اجيت انت وخلفتك احنا ما يصح النا مثيل

علي الباقر :: كل شخص بينة بية صفة تخلي يتميز على غيرة وما يصح مثلة شبيه

اصفاد الحق :: يلا بشيروو فر أخر مرة

- واخرر فرة وكعتت على منوو علىى على اوكفي ياالله ههههه اووو الفاروق الاعظم ولقد كان خُتامها مِسك أصفاد ألحق أنتَ اسئلة ..

أصفاد الحق :: موو تدلل لكك هلاا بطگ الفشگ هلاا ههههه
جرئةة ولااا صررراحةة يا ابوو الجرئة وراعيهااا ؟؟

الفاروق الأعظم :: مادام ختامها بية راح اختار الاثنين جرئة وصراحة

المرتضى الامير :: والعبااس زلمةة

- يلا نبلش بالصراحة اول شيء ...
شنو تسوي اذا عرفت اكو شخص كاعد يأذي اخوانك ؟

الفاروق الأعظم :: اوكف على گبرة
يمكن سهلة عندي اتعارك وياكم وسهلة عندي ما احجي وياكم لايام بس وحگ حليل الزهراء ما اتقبل اي كان يمسكم بكلمة وحك لا اله الا الله اليرش عليكم ماي أرش علية نار و تيزااب ..

حامِد المتقين :: وين أكو منك أنتَ مأصل

- حلوو جوابك نجي للجرئة هسة افتح تلفونك واخر مكالمة الك ارجع اتصل علية وافتح مكبر الصوت وتكلة انتهت علاغتنا وراح ننفصل هاي هي ..

- لااا يمعوود مو لهدرچة شسساللفةة ؟؟

البشير قيصر :: اختاريت الجرئة هي بعد تتحمل وتنفذما تشوف الكل لزگ بالصراحة

علي الباقر :: يلا سوييي عيني افتح واتصل ..

- راح تورطوني كفيلكم العباسس ..

صيوان :: ويامن أخر مكالمة ؟

الفاروق الاعظم :: هههههه وي صاحبي عباس ..

اصفاد الحق :: اتصل علية يلا وافتح مكبر .

- استغفر الله

علي الرضا :: الله لا يحطني بموقفك ههههه

فتح تلفونة الفاروق الاعظم واتصل على صاحبة وبعد ما فتح الخط وأردف ...

عباس :: هاا عظوميي

الفاروق الاعظم :: شلونك عبسگي ؟

- انا بخير حبيبي أنتَ شلونك

- اكول عبسگي انا اتصلت اريد اكلك شيء

- ابشر اخوي تأمر أنتَ

- عبااس خلص من هي اللحضة وبس أسد التلفون أنتَ امسح صوري وياك واحضر رقمي وانساني خلص انتهت علاقتنا

- شنوووو لااا فارووق شنوو تنهييي العلاقة

- عباسس اخذت قرارريي لا تضغط علية كتلك انتهتت العلاقة وانتهتت خلص انت بطريقك الله يوفقك وتلكى الاحسسن مني

- واطفالنااا فااارووق اطفالنا شنووو ما وكفوا بعينك تعوفني هيجج وتعوف اطفالنا موو حراام عليك راح تطلع حوبتي بيك صدكني ..

هنناا الفاروق الاعظم صار وجهة أحمر من الضحك واصفاد الحق ما اتحمل طكنة بضحكتة المشهورة ضحكة هيفاء وهبي ضحكنا كلنة وسد التلفون الفاروق الاعظم

حامِد المتقين :: لاا يالكااظمم يمةة بطنيييي هههههههه

علي الهادي :: چا واطفالكم فارووق ليش سديت ابوجه خطية ..

الفاروق الاعظم :: موش صوچكم صوچي اناااا هههه

اصفاد الحق :: اتركوا استحىى بس ضحكني صديغة شلون عاش الدور وزايد

علي الباقر :: هذا الصديق الكفو ههههههه

بقينا هيج كاعدين ونلعب لمن خلص حجز القاعة واطشرنا كل واحد بينا راح لديرتة وعالمة وانا دزيت رسالة لأدم وطلبت اشوفة حتى اعرف شنو يريد مني هذا شنو مرضة ؟ ...

______________________★______________________

""""""" غَـــدير الله """"""""
جنت بالغرفة ارتب الأغراض وارتب افراشي وفاتت علية طيبة الزهراء چفتت بدون لا تضرب الباب ولا حتى تستأذن
وأردفت وياي بنتر ..

طيبة الزهراء :: جنتِ تعرفين علي الباقر متزووج ؟؟

- الناس تستأذن وتسلم من تفوت موش هيچ چفتت

- اعذريني اخلاقي نزعتهن بالباب ودخلت الچ

- طيبات اطلعي برة عود من ترجعين اخلاقج عود تعاي الي

- غدير جاوبيني

- على شنوو اجااوب ؟؟

- لچ جنتي تعرفين علي الباقر متزووج ؟؟

- اييي جنت اعرف

- من اشووكت تعرفين ؟ ومن شووكت هو متزوج ؟

- طيبات انا اعرف من اليوم القرر بية يتزوج اجى واخذ وجهة نضري بالموضوع وصار له ثلاث سنوات متزوج ..

- ثلاث سنوات كلتيلي ؟

نزلت ادموع طيبة الزهراء لچمتني كلبي وأردفت وياها ..

غدير الله :: طيباات

- اش غيمة اشش طول الفترة هي أنتِ واخوچ مستغليني و مستغفليني

- لااا طيبات وراس امي علي الباقر يموت عليچ من طفولتچ ويشوفج بالدنياا طيبة

- غديرر انا موش طفلة حتى ينضحك علية اكثر من هيج اخوچ جان يوهمني بحبة ومخليني هيج وهو بالحقيقة متزوج ومأسس بيتة ومكون أسرة

- طيبات لا تحكمين على اخوي هيج اكعديي وياه واسمعي منة

عافتني طيبة وطلعت وانا اتجاهلت احجي وياها لو اصيح الها هيچ موضوع الأحسن تسمع تفاصيلة من علي الباقر ..

بعدها بنص ساعة سمعت صياح امي بأسمي طلعت من الغرفة ونزلت الها للاستقبال
وكفت كدامها وأردفت ..

غدير الله :: هاا يمة ؟

العلوية :: غيمة اجى انمار يريد يشوفچ ودخلتة لغرفة الخطار .

- ليش مو البراني ؟

- لاا حتى تاخذون راحتكم اكثر والبراني ما تعرفين ياهو من اخوانج يجي ويجفت عليكم

- خووش ..

عفت امي ورحت للغرفة فتحت الباب ولكيتة كاعد كدامي جنت حيل ضايجة وزعلانة ومن طلعت من المستشفى هي اول جية الة حتى يشوفني صالة شهرين !

قفلت الباب ورحت كعدت يمة سحبني من ايدي وخلة راسي على صدرة وأردف وياي ..

أنــمــآر :: شگد مشتاقلچ يَبة !

غدير الله :: صحيح

- ول ما تصدگين بية ؟

- لا اصدك والدليل لشتياقك انك ماا فارگتني ولا لحضة لدرجة مليت منك انا

- دحگي بعيوني ..

- مااريد

- جي اگلج دحگي بعيوني

- انماار وينك عني كل هي المدة ؟

- والله شغل يا غديرتي

- شغلل ؟؟ شغل يخليك تعوف مرتك وهي بالمستشفى شغلك يخليك تهجرني هيج ابيت اهلي وكأن ماعندي بيت ولا زوج ؟

- غديرتي انا ماكاعد بغداد جي اروح محافضات واذا جبتج يمي تبقين لوحدج لهذا اختصرت الوقت على نفسي واخليتج هنا حتى اشتغل وانا مطمئن انت ابيتج وبخير

- يعني أنتَ ما سويت هيچ حتى تتهرب مني لو بعد ما تريدني ؟

- لا تفكرين هيچ انمار شعندة غيرچ حتى يتهرب منج متكليلي ؟

- لينا خوفتني حيل

- ايش بيها ؟

- كلتلي ان أنتَ تريد اطفال وهذا حقك ولان انا بعد مابية طفل أنتَ راح تتزوج وتعوفني نشفت دمييي حيل وكملت علية بقصة اختييي ..

- لا تسمعين من احد انمار الج ما صار لغيرج واذا قبل جنت اريد اطفال بس علمود اربطج بية وما تعوفيني وهسة ماريد شيء كد مارايدج ..

- يعني ماتعوفني وتتزوج

- تعيي لحضني واتركچ من كلام لينا فقط تريد تغثج ..

نعتني من ايدي وضمنة حطيت راسي على صدرة ضمت عيوني وصرت احس بدكات كلبة شلون صارت تتسارع وقت الشبگتة
جنت حيل مشتاقة الا وحنيتة ودفو حضنة خلاني انام بدون ما أحس ..
بقى هو يلعب بشعري ويبوس بخدي
ولمن كعدت لكيتة نايم هم كمت عن حضنة مسحت وجهي وباوعت للساعة لكيتها الساعة بــ 3 الفجر !!!!

عززة نمت هناا وامي تعرف انمار موجودد يووو هسة لو ببيتنا شنو هي ياالله..

استحيت حيل بس ما كدرت اطلع هسة رجعت اتمددت يم انمار وسحلت ايدة مديتها ونمت عليها واتقربت منة حيل وصرت اباوعلة
وايدي خليتها بطرف عينة امسح الكحل الزايد من الطرف

يتخلى عني اسُتاذ انمار وما يتخلى عن الكحل ..
واني اتمعن بملامح وهو نايم واسولف وياه فتح عيونة وصار يباوعلي ضحكت وطكيت راسي على صدرة

لزم ادخدوديي وشبكني حيل بدون ميكول شيء ..
ورديت ونمتت وما كعدت الا بــ 6 الصبح صحصح انمار وغسل وانا طلعت للمطبخ حطيت القوري على النار و طلعت البيض أسوي سلك
لان انمار يحب هيج الريوك بيض سلگ ..

دخل علي الباقر للمطبخ يسوي ريوك للعائلة من شافني اردف وياي ..

علي الباقر :: صباح الجمال ينحري ..

غدير الله :: صباحك غديرة يابعد روحي

- شسوين هناا ؟

- اريد اسوي ريوگ لانمار

- هو هنا ؟

- فكرت تعرف !

- لا وين امس رجعت بوقت متأخر وصعدت نمت بدون ما اشوف احد

- اهااا اي هو انمار أجى امس بعد العشى وبقى هنا وهسة يريد يروح

- جا وينة ليش يجيج لهنا ؟

- عندة شغل وبس يخلص نرجع لوضعنا

- الله كريم . شجااي تسوين ؟

- سويت جاي وراح اسلگ البيض

- اهااا تمام

- أنتَ اشتغل براحتك لا تتقيد بوجودي

- تدرين بية مااعرف اشتغل وواحد موجود وياي خلصي واني ابلش ..

- تمام سيد قلبي

- اكلچ غيماتي

- كول حبيبي

- طيبات هم حجت وياج

- صددك ولكك على طاري هلمگرودة هييي ليش هيچ عايفها ما تفهمهاا موضووع رههف ؟؟؟

- ترى امس طلگتهاا لان خلص رجعت وي اخوها وانتهتت وياها ماكو داعي لهذا الكلام

- هذا الشيء فهمة لأمي بعد شوي تريد تحجي وياك بهذا الموضوع وهم فهم طفلتك الي امس كلة تبچي

- صدك تحجين ؟

- والله العظيم وفاتت علية أنتِ تعرفين وأنتِ واخوچ مستغليني ويووووو كلام كسرني

- طفلة وحگ عليي طفلة اني اعلمها بس خليي اشوفها واكعد وياها لوحدنه اناا صررت مستغلهااا ؟؟

- من حرگة كلبها حجت هيج تعرف هي تحبك وتغار عليك

- بس لو تحبني جان وثقت بية مو تحجي هيچ على أول مشكلة !

- دامك حبيت مراهقة اتحمل كلامهاا مهما كان لا تنسى هي طيبات جي تعاني من خربطة الهرمونات بسبب هي الفترة من عمرها واجيت أنتَ الها بالحب والاهتمام خليتها تحب فكرة تملكك وتريدك بس الها وهسة حست اكو طرف ثالث ابيناتكم كلشي يطلع منها لازم أنتَ تتقبلة وتاخذة برحابة صدر ..

- كلهذا اني اعرفة وفاهمة وراح يصير أن شاءالله من اشوفها نحجي

- ايي عفية اخويي الحبيب

- يلا ولچ كملي ريوگ رچلج بسرعة خليني اشوف دربي ..

- هي راح اخلص ..

كملت صينية انمار واخذتة ورحت للغرفة فتحتها ودخلت وكام اتلگاني اخذ الصينية مني
كعدت كدامة واني اصبلة جاي اردف وياي ...

انمار :: غديرةة ..

- نضر عينها

- اروح فدوة عينها

- كول حبيبي شنو بيك ؟

- شووكت نساافر ؟

- لهسة براسك

- ايي لهسة براسي واريد نروح اني وياج لبعيد خلينا بعيد عن الكل

- بس ماكدر اترك اهلي هيج واختي بهذا الحال

- عَچل هي كلما اكلچ بسالفة السفر تكليلي افلان شي افلان شي شني هي ؟

- انمار ماتشوف وضعنا ماچاي يستقر بكل مرة اكلك بموعد حتى اسوي التريدة تطلع النا سالفة اتفقت وياك من اولد طفلتنا وهسة راحت الطفلة طلعتلي اختي ..

- ونضل هيچ ؟

- نشوف حل لموضوع اريج الله وتدلل علية بعدها

- سمعت هي الكلمة هواي

- انماار ليش تحسسني الجي يصير اني راضية بي لو مرتاحة ؟

- لان غدير هاي هي مادام ما سافرنا من اول مرة بعد ما نسافر

- وشعندك مكطع روحك على السفر شمالك ؟

- ماكو شيء انسسي جنت اريد ارمم حياتي وياج وي طفلنا برة بعيد عن كلشي وأنتِ ما انطيتيني مجال لو سامعة كلامي من اول مرة ورايحة وياي جان لحد الان أنتِ حامل وماصار وياج هذا الحادث بس لا ضليتي تعاندين تعاندين لمن طاح الفأس براس ولحد الان أنتِ معندة وطلعين اعذار

- تمام انماار ماريد اساافر وجنت اضغط على روحي علمودك لان شايفتك شلون طاير بيها

- كولي هيچ من الاول لا تضلين كل شوي بعد هذا وبعد هذا

- هسة أنتَ تريد تتعارك لو تتريگ ؟

- انسدت نفسي طالع لشغل ..

- هي صددك تحجيي خايب شمالك ؟

- اتاخرت وراي ارجع اسبح واغير ملابسي راح اتاخر انتبهي لروحج

- منو دزلك رسالة ورايح الة هيچ ركض ؟

- ترى مو يم الرسالة بس من فتحت التلفون شفت الوقت ماجنت منتبه خلص انا رايح

- خووش الله وياك

- بالچ لنفسچ يابعد تربيــتي ..

باسني براسي وطلع واني صرت اشگ اكيد عندة وحدة غيري لان تصرفاتة مو طبيعي اييي اكيد وهي الي راسلتة هسة وهو طلع الها يركض ..
والله عرففتت من طلعتة ذاك اليوم كلتت اذا رجعلي مراح يرجعلي نفسة انماري زوجي الانا اعرفة ..

ياالله مو كلهن علية خسرت طفلتي مابية اخسر ابوها ياااربي دخيلك ..
رحت كعدت وصرت احاول اهدأ نفسي وانا اتذكر كلام عمتي مو بكلشي احسة اخذ بخاطري واسوي منة مشكلة يمكن صدك مشلوش بالشغل وماعندة وقت لروحة

ماريد اوهوسس هييج ماريد هو يحبني وابد ماراح يحب غيري انا ادري بي انمارر ..

______________________★______________________

""""""""" البـــشيــر قيــصر """""""""

رحت لبيت ابوي دكيت الباب وفتحت الباب دخلت لكيت عمة السادة كدامي اول ما شافتني أردفت وياي ..

فاطمة الزهراء :: أهلاً وسهلاً بِـ شيخ السادة

- أهلاً بيج يا عمة السادة

- زين يمة أجيت ابوقتك

- خير ان شاءالله اكوو شيي ؟؟

- ايي اكوو اريدنك تصعد هسة وتكعد وي اخيتك ولكم شنهي أنتَ واخوك
رايح من بالكم عدكم اخت هناا ؟؟ شامرينها لا تسألون عليها ولا تسيرون الها الا بالسنة حسنة هيچي عايفهاا ورايحين بالجذب ما واحد بيكم كال اشوف اخيتي شنو محتاجة شنو ما محتاجة

- ما نمر عليها لان عايفيها يمچ ومطمئن عليها ما تحتاج وجودنا

- لااا محتاجة تبقون اخوتهاا بلة شحالها وهي تشوف المعتز ما يفارك اخواتة وعلي الباقر يمشي وي ضل غدير وهي بس بلاسم عدها اخوان

- هسة هي وينهي ؟؟

- فوك بغرفتها

- خوش هي راح اصعد الها

- بشير

- هلا عمة

- ترى وَهج الطف اختك مثل باقي اخوانك ولا تنسى هي من عمر تحرير يعني دلالك لتحرير لازم نفسة دلالك الها جنت تعتبر تحرير ابنك وهسة وَهج الطف بنتك

- ان شاءالله

عفت عمتي وصعدت فوك ضربت على الباب وبعد ما سمعت كلمة " اتفضل "
فتحت الباب ودخلت لكيتها كاعدة على افراشها
وجي تلون بگراسة رسم كعدت كدامها وأردفت ....

البشير قيصر :: شنو جاي تسوين ؟

وهج الطف :: اضيع وقت هيج

- مشتاقلج تدرين من زمان ما گاعد وياچ هيچ كعدة ..

- انا 24س موچودة هنا أنتَ والفاروق الاعظم لا تچون ولا تسألون

- كل واحد عندة شغلة تدرين بية انا عشرة ايام ملتحق والعشرة الانزل بيهن اشتغل

- ايي صحيح هو كلواحد مهتم بحياتة

- تدرين وهجي كلما اشوفج اتذكر شيء

- شنوو ؟؟

- اتذكر بِــ 2003 بهي السنة جانت امي حامل بتحرير الشهر السابع وامچ حامل بيچ شهرها الثاني فَــ جنت حيل متحمس للمولود الجديد بالخصوص جنت انا الراح اربي لان عمري جان 19 سنة بذاك الوقت وجنت احسب يوم يوم حتى اسمع حس الطفل بالبيت

- أنتَ جنت متحمس لتحرير موش الي !؟

- صحح .. چنت فرحان بأبني تحرير وما فرحت بيچ بلعكس لمن عرفت ان امچ بسمة حامل كرهتها بالزايد لان جنت احسها مو بس اخذت ابوي لاا حتى فرحة الحمل اخذتها من امي وحبلت بالوقت الامي حامل بي وهم جنت اغاار هوواي من امچ لان جنت اشوف اهتمام ابوي النا هو يضاعفة لأمج والعصبني بالزايد هو لمن عرف ان بسمة حامل عاف امي وعاف الي ابطنها وصار يهتم الج ولأمج لهذا كرهتج حتى قبل لا تجين وما اجذب عليچ هوواي مرات جنت اريد اسقط امچ بس جميلة منعتني ومرة من المرات وصلت لحدها وي امج وجانت راح تزلك من الدرج بس اتلاحگتها جميلة وما خلتها تصعد لان جانت تدري بية اني شنو مسوي ..

- ولحد هسة تكرهني رغم انا وبعد السويتوا بية لكن لحد الان اسولف بيكم وكأن محد بهي الدنيا عدها اخوان مثل اخواني تدري بشير والله العظيم هسة ماريد شيء منكم ماعدا شغلة وحدة بسس اريدهاا

- شنو هي

- ماريد اصير مثل أمي لا الي اثر ولا الي كبر اذا متت اريدك تسويلي فاتحة مثل السويتها لتحرير واريدك تبجي وتنحب علية مثل ما نحبت وانكسرت على تحرير حتى لو جذب وتجامل وتنوح علية مجاملة عااددي بس سويلي فاتحة انحسد عليه
عشت غريبة بدنيتي لا تخليني اموت غريبة مثل امي
بيكم ما بيكم صيحوا ورة جنازتي لان الماوراها صياح وحشة الجنازة بسس هي الاريدة منكم يا اخوتي فدووة ما تحبوني خلص ما اجبركم ما تردوني هم ما اجبركم تتقبلوني خلوني هيچ بس لمن اموت هي وصيتي عليك

مسحت ادموعي هناا ومديت ايدي لوجهة مسحت ادموعها وأردفت وياها

البشير قيصر :: أسم الله عليچ شني تحجين هيچ وتجيبين طاري الموت ؟ وهج الطف هو بس نحن الثلاثة بقينا من نسل السيد صفاء الحسن شني تردين تغدين وينمحي أسم أبونا ؟

وهج الطف :: لاا ماريد اروح لمكان بس اني وصيتك لان ماتدري بأي ساعة نروح للرحمٰن الرحيم

- اضمج بروحي وهجي لج صح ماجنت فرحان بأمج بس الله شاهد من ماتت امي وهي تولد تحرير واني طلگت جميلة وعافتني وراحت وهي بسمة الي اهتمت بية وباخواني وهي حامل بيچ وشالتنا شيل تغيرت نضرتي الها واتندمت لأن جنت افكر بيها هيج

- لو كلامك صدك واتقبلتوا امي مثل ما تكول جان ما سجنتوني بالمخزن طفولتي كلها .

- الله وكيلچ من خوفي عليچ

- بنتـــر - بشيرر بشييرر لا تضحكون علية بهذا العذر !! بشيرر لو صدك خايفين علية جان ما خليتوني اعااني هناااك بالضلمة ولوحدي بنص الليل
لو خايفين علية جان خليتوني انام بنصكم وتحت اجناحكم ما تعوفوني هيچ واني طفلة جان ممكن يصير بية اي شي وانا هنااك وانتم ما مهتمين برد وحر ما تفكرون بية بشيررر لو صدك خايفين علية وتردون تحبسوني اوكِ احبسوني بس احبسوني بالبيت موش بالمخزن وتتربط ايدي وحلگي وكان انا مخطوفة عندكم مووش اختكم اناا الناس كلها عرفت ان صفاء الحسن عندة خمس اولاد زلم بسسس لمن اطلع واكللهم انا وهج الطف بنت صفاء الحسن يضحكون علية ويحسبوني امخبلة
كل العلويات اتربن ابدلال وعز ويين اهلهن واخوتهن الا اناااا
هذاا مو خووف بشير مو خووف انتم جنتم فقط تردون ترضون عبد الحسن ما تكسرون كلامة

انا هنا بعد ما سمعت كلامها تفطر كلبي وانا اكول شما تحجي حقهاا تحجي نحن قسينا وياها هوواي ما تستاهل كلهذا !!!!

لمن شافتني ماراح ارد عليها مسحت ادموعها وضحكت وأردفت وياي...

وَهج الطف :: شنو الصار هسة ليش اتذكرتني ؟

البشير قيصر :: عبد الحسن اتصل علية وسولفلي ديباچة ما عجبتني ولمن رفضت سطرني بحجاية اختك اموافقة واجيت اتاكد منچ صدك هذا الحجي لو عبد الحسن يحجي من يمة ويريد يفرض قرارة مرة ثانية

- قصدك على موضوع الزواج ؟

- الجماعة راح يجون اليوم لهناا خطوبة و عقد راح تصير رسمي وهج الطف شني الديباچة هي ؟؟

- ايي اعرف عمي سولفلي عن الجماعة وابنهم الولد ابن صاحبة وحيل عجبني واريد اشوف حياتي وياه

- والمعتز باالله ؟

- شني شبي المعتز باالله ؟؟

- وهج الطف أنتِ تحبين المعتز باالله وهو خطبج منييي قبل محرم وجنت منتضر يخلص محرم خاطر اسولف وياج بخصوصة

- انا ماحب المعتز باالله وماريدة ولو اريد احد جان رفضت هذا الولد بس انا حيل عجبني وهم هو مو غريب من طرف عمي ليش ارفض ؟

- عمچ ؟؟ ومن يمتااا عبد الحسن هلگد قريب منج وتسمعين كلامة ؟؟

- هي اناا مشيت وراكم شنوو حصلتت ؟؟ خلوني اشوف قسمتي يمكن هناك صدك ارتاح وياه ويطلع ابن حلال واحصل العائلة الماحصلتها واحس بأجوائها وهم يمكن اخذ الحب الماكدرت احصلة هناا

- لچ وهج الطف بعدچ وينچ وين العرس ؟؟ شنو تفكرين العرس بس هذا التشوفي بالفيديوهات بدلة وركص وهي هية ؟؟؟ ترى هذااا بس ليلة وحدةة وهم ساعاات وراهاا راح تفوتين لبرميل القنـــد"""
وراح تكضي عمرچ هذا بالمسؤلية وجيب وحط للرجال حظ حظچ يطيح !!!

- انا انطيت قراري لعمي وبليل العقد مالتي وماكدر اكسر كلمتة بعد انت كلتها اليوم بليل الزلم راح تجي ماكو انسحاب بعد وانا هم ماريد انسحب

- من عقلچ وهج الطف لا تسودنيني راح تتزوجين هسة وتفرحين واختچ ضايع أثرها ؟ تردين نفرح بيچ واريج الله متهچولة ؟؟

- هههههه لاا بالحالتين ما منتضرة فرحتكم بية تعبت وانا اانتضركم تعبت واني أجدي المحبة منكم واريج الله اختكم ماهي اختييي ماا يهمنيي انا ماعندي شي بهذا العالم كلة بس حياتي خلوني اعيشها بكل تفصيل بيها

- ابد ما تخيلت ممكن تطلعين بهي الانانية !!!

- منوو يحجي على الانانيةة ؟؟ بشيرر شوف نفسك اجيت تركض مو لأن خايف علية من مسؤلية العرس ولا لان أنتَ خايف على اختك الصغيرة لا تخطي هي الخطوة الجبيرة واتندم لااا مو خوف علية اجيتني تركض وحلگك يابس بس لأن فكرت شلون وَهچ الطف فگرت تتزوج واختكم ماهية
تردوني اوگف عداد حياتي بس لخاطرگم هااا منو الأناني هسةة ؟؟؟

بقيت صافن عليها ومصدوم لطريقة كلامها وشلون تحجي وتفكر هي مو بنت السيد صفاء الحسن صح قسينا وياها بس ماجانت هيج تفكر واردفت وياها

البشير قيصر :: انتِ شخص ثاني اشهد باالله هذا الكلام ما يطلع من اختي ما يطلع من تربية صفاء الحسن

وَهج الطف :: لا يطلع اسمعني أنتَ أخوي الجبير والليلة الملچة مال أختك مو حلوة كدام الزلم لمن يشوفون إخوان العروس ما موچودين واذا كلش ماتريد اوكِ لا تچي عاادي جدي عيسى وعمي عبد الحسن كاافي وزوود ..

كمت على حيلي وأردفت وياها بعصبية حيل ...

- عمرچ كلة وأنتِ ما معترفة بيهم هسة من دگو رچل بالارض ورچل بالسماء الا يذبحون اختچ صار عمرچ عبد الحسن و چدج عيسى ؟
والله دنيا ميشوومةة تخليچ تمشين وراهم .. ماعندي شيء بعد وياچ طلعتي بنتهم موش اختي بس خلي ببالچ راح تتندمين على كلامچ هذا وراح تتحسرين على كل لحضة حقدتي بيها علينة لان باخر الطريق راح تشوفين ان نحن اهلچ الصددك وأنتِ من غيرنا ولا شيء وعبد الحسن و عيسى يتوددون الچ هسة حتى ياخذونچ من عندنا ويكسروننا بس لان وكفنا ابوچهم وحمينة اريج الله منهم يردون يرچعون الصاع صاعين بيچ أنتِ ابقيي هيچ واكسري اخوانچ واكسري المعتز باالله فوگ كسرنا
مــــع السلامة ياا بنت عبد الحسن موش صفاء الحسن

عفتها وطلعت نزلت لجوة لكيت عمتي كاعدة على القنفة والمصطفى القاسم نايم وحاط راسة على رجليها هو يلعب بتلفونة وهي تلعب بشعره

ولمن شافتني أردفت وياي ..

فاطمة الزهراء :: ها يمة أبشير ؟

من سمع بأسمي كام المصطفى القاسم وكعد احتراماً الي
كعدت انا كدامهم وأردفت وياهم ...

البشير قيصر :: ارجع ناام لا تكوم

المصطفى القاسم :: لاا هيج انا مرتاااح خووة

فاطمة الزهراء :: شنو صار وياك فوگ ؟

اخذت اكلاص والسراحية مال الماي وشربت وسولفت الهم موضوع خطوبة وملچة وَهج الطف الليلة وشلون هي اموافقة وراح تروح وي عمي ..
أردفت وياي عمتي ....

المصطفى القاسم :: زواچ بهذا الوضع مالتنا ؟

فاطمة الزهراء :: لاا وكلام الله عي كعدت واستخفتت بس اريد اعرف هي البنت شني كلب حالها شمالها هيچ اتخبلت علينة ؟؟؟

- ماادري عمة ماادري المصيبةة اليوم بليل راح يصير كلشي المشية والعقد وكلشي وطلعت حضرة جنابها متفقة ومخلصة كلشي وي عبد الحسن

المصطفى القاسم :: شنوو الصدمة هاايي ؟؟

فاطمة الزهراء :: يعني بليل الناس راح يچون لهنا ؟

- لااا كلشي راح يصير ابيت عمي الحسن المجتبى بس يمكن راح يجي عمي عبد الحسن ياخذ وَهج الطف علمود العقد ..

المصطفى القاسم :: ليش هي السرعة شنيي وَهج الطف طربانة على العرس ودوختة ؟؟

- بعدهي ما تعرف شيء حرگت روحي والعباااس

فاطمة الزهراء :: معليك يمة اني راح اصعد واحجي وياها

- راح اطلع اشوف الفاروق الأعظم عمة دبريها وي وَهج الطف الله يخليج

فاطمة الزهراء :: لا تفكر يابعد عمتك ..

- تضل يمكم العافية ..

المصطفى القاسم :: انتضر اوصلك للباب ..

كمت وطلعت وطلع وراي المصطفى القاسم وكفت وياه بالباب وأردف وياي ..

المصطفى القاسم :: اذا ما تريد هذا الزواج كفيلك ما اخليهم يعتبون البيت واغرك المنطقة بدمهم ولا يمسون شعرة من اختك

ربتت بأيدي على كتفة وحجيت وياه بأبتسامة يأس ..

البشير قيصر :: لا خوية لا تسوي شيء خلي عمتي تحجي وياها واذا تبقى هيچي راكبة راسها اتركوهاا تروح وي عمها وتتزوج اني سولفت وياها كم احجاية وراح ترد الي وتكلي كلتها يخوي واني ما سمعت ..

- يهون عليك تعوف اختك هيج هي ما تعرف شنو تسوي ما نعرف عبد الحسن شنو مقنعها وشنو حاجي براسها تريد وَهج الطف تصير مثل غدير الله ؟؟؟

- مصطفى حجيت وياها ومابية احجي اكثر من هيچ هي محملتنا مسؤلية كلشي جي تشوفنا نحن اعداءها ونحن النكرها لهذا كلتلها ابقي امشي وي عبد الحسن وشوفي نهايتج وين ..

- يعني ؟

- اييييي انا اريدها تغلط الواحد اذا ما غلط ما يتعلم من غلطة !

- هي اختكم وانتم ادرى بيها بعد مابية احجي شيء ..

- انا رايح هسة بالكم لنفسكم وتضل يمكم العافية

- في امان الله

تركت اخوي وصعدت بالسيارة وبالي جان يم وَهج الطف!!
منو هذا الراح يشمرها علية عبد الحسن ؟

مابية اوكف ابوجه اذا البنت اموافقة !!!
يارب بجاه حبيبك المصطفى يطلع الرجال خووش ويدير بالة على اختي

ماريدها تتندم لان شعور الندم يذبح ..
بهذا الوقت رن تلفوني لكيت المتصل " أصفاد الحق "

جاوبتة وهتفت وياه ...

البشير قيصر :: الوو صفد

اصفاد الحق :: وين أنتَ ابن امي ؟

- رايح للمحل يم الفاروق الأعظم

- اهاا بشير اريد احجي وياك بموضوع مهم حيل !!

لزمت راسي حييلل صددعع ياالله ماابية بعد مواضيع تسطرني اكثر من ما انا مسطور .. لهذا أردفت وي أصفاد ألحق ...

- صفد صفد الله يخليك الله يخليك أجل هذا الموضوع هسة وعلي راسي راح ينفجر ..

- شنو صاير وياك ؟

- ماكو شيء خوة اذا الموضوع يتأجل أجلة الي واذا لا اتصل واحجي بي وي علي الباقر او اي واحد من السادة

- لا هذهو من تصير زين احجي وياك ارتاح هسة ..

- خوش الله وياك

سديت الخط من أصفاد الحق وكملت طريقي لاخوي .. وماجنت اكدر افكر بشيء بكد ما افكر بسيرة وَهج الطف !!

______________________★______________________

""" عــلــي البــاقــر """

ورة ما خلصنة ريوك اطشروا اخوتي وكعدت انا وأمي وخالتي واستجوواب بلش وياي
و طيبات جانت كاعدة مجرد مستمع وما سمعت حسها ..

العلوية :: من شوكت متزوج ؟

- كملت الثلاث سنوات !

أم رحمة :: الطفل أبنك ؟

- انا الي سميتة بس هو ابن رهف من زوجها الشهيد

العلوية :: شلون تسوي هيج شلون تتزوج أرملة ولاا عدها طفل وأنتَ بعدك ما متزوج ولا شايف شي من حياتك ؟

- ترى مو كفر زوجها استشهد دفاع لجلكم شنو يعني ينحكم عليها ما تتزوج بعده ؟

ام رحمة :: أنتَ لان تعرف السويتة غلط رحت وضميت خبر زواجك وسويت كلشي بالسر

- ترى انا اتزوجت بالسر حتى احافظ عليها اخوها اتورط بسالفة وانسجن وانجبرت اتزوجها لان هو وصاني عليها ولان اريد احلل الفوتة والطلعة الها لهذا اتزوجتها بالاسم والله شاهد بس هيج ضليت وياها علمود اخوهاا وهسة من كدرت اطلع اخوها وصلنا لنهاية واطلگنا وهي راحت وي اخوها وانا كاعد كدامكم ما نگص مني شي لا گصر عمري ولا اخذت ايدي او رچلي !!

العلوية :: يعني أنتَ طلگتها هسة ؟

- اييي واتوگلت وي اخوها حتى بيت صيوان تركتة وما يربطني شيء بيها حالياً

صارت امي تباوع لخالتي ولاحظت طيبة الزهراء حيل زعلت وجانت هواي شايلة بخاطرها عافت الگعدة وراحت صعدت لفوك
هنا خالتي باوعت الي وهتفت وياي ....

أم رحمة :: ابني لا تضوج لان هيچ نتعامل وياك بس حقنا يمة منتضرين على نار نفرح بيككم تالي تجينا أنتَ تطلع متزوچ طيرت العقل من رؤوسنا

- انا لو اريد اتزوج صدك وابني بيت ترى انتم على ايدكم تخطبون محبوبة گلبي وتزفوني على ايدك مو هيچ سكتة اگلب الدنيا بفرحتي ..

العلوية :: اهوس بعرسك واخلي الدنيا كلها تحجي بعرسك وبحضور اختك أريج الله وابوك بيدة يزفك لعروستك

- ان شاءالله يمة انا هسة صاعد لغرفتي شوي ..

عفت امي وخالتي وصعدت دخلت على غرفة طيبة الزهراء
لكيتها جي تبجي وكفت جاامد وأردفت وياي لمن رفعت راسها وشافتني ...

طيبة الزهراء :: كلشي جنت تسولفة الي وتريد تسوي وياي أنتَ جنت مسوي سابقاً وي هي زوجتك رههف !!؟
انا جنت احلم شوكت نتزووج شوكت تصير الي وهيي جانت عايشة هذا الحلم من ثلاث سنوات جانت عايشة بحضنك ومرتك

علي الباقر :: لا تحجين وتسوين روحج ما تعرفينيي !! طيبة انا وضحت وحجيت كلشي جوة وكدامج وسمعتي كلشي
زواجيي منهاا ماصارر بس لعيون صاحبي واذا رجع بية الوقت راح اتزوجها مرة ثانية وراح اسويلها كلشي سويتة واطلع صاحبي من السجن
ما متندم على شيء ومستعد ارجع واعيد كلشي من البداية اذا رجع الوقت ..

- چااا دير بالك علييي تطلع بعد وتكول انا احب طيباات وانا عاشگ الها وأنتَ اتخليت عني واتزوجت هذيچ الأرملة

فقدت اعصابي حيل
نعتت طيبة الزهراء من ايدها وشمرتها كعدتها على الفراش

انا نترت ابوجهاا

علي الباقر :: موش أنتِ التقررين انا صدگ احبچ لو لا لچ جيبي واحدد بس عاشگ الچ مثلي انااا وبعدها احجي هيچ ..

كامت ودفعتني بحركة وضربتني على صدري ونترت ابوجهي ..

طيبة الزهراء :: ايي عنديي اليحبني وهم يحبني اكثر منك واكثر من هذا حبك الوهمي الچي تضحك بي علية وعلى نفسك

- حبي انا وهمي ؟

- ايييي وچاي تضحك علية بي اما هذاك هو لا جذب علية ولا شيء ورغم صديت عنة بقى يحبني وبقى يركض وراي على العكس منك أنتَ انا انطيتك وجه وحبيتك وانطيتك كلشي بية وبالتااليي هيچ تجازيني وهيچ تكسرني

- منوو چاي تقصدين بكلامچ ؟؟ منووو هذااا الچاي تقارنين بيني وبينةة ؟؟

- مالك غرض مامجبورة ارد عليك اطلع من غرفتي يلااا رووحح لست الحسن

- طيبة لااا تخلييننيي اتسودن هسةة وابتلي بيچ

- عليي اطلع من غرفتي لا اصيح صوت للعلوية هساااع واخليها تچيك اطللعع منااا

- راح ابلع هذا كلامچ واسكت بس لان أنتِ معصبة بعدين يصير كلامي وياج موش هسة ..

- اطلعع مناااا اطلععع ماريد اشوفك ولا احجي وياك اطللعع

عفتها وطلعت ربدت الباب وراي
وانا بالممر طلعت ابوجهي لينا وهي شايلة نور الزهراء

وجانت طفلتي تبچي أردفت وي لينا وانا اخلي ايدي على راس الأميرة

علي الباقر :: شنو شبيها نور حياتنا ؟

لينا :: تريد ابوها ما تسكت الا بحضنة واني هسة طالعة اشوف وينة

- علي السجاد كاعد بالديوانية انطيني نوراية اني اوديها الة

- اكو احد كاعد يمة ؟

- ايي الشباب كلهم هناك كاعدين ..

- اذا هيچ هاك وديها الة وهي الحليبة مالتها وهي اللهاية

اخذت نور الزهراء منها وشلتها على كلبي وطلعت بيها نزلت الدرج
ولمن وصلت الهم فتحت باب الديوانية لكيت علي السجاد وصيوان و حامِد المتقين
كاعدين ..

اول ما التفتت سديت الباب ورايي أردف صيوان ..

صيوان :: هلاا والله نورت الديوانية طيرة قصر السادة

حامِد المتقين :: انطينااهااا خليي اكلهاا واكل هذا الكيكك البخدهاا

علي السجاد :: بويةة بنيتي طيرة كلبي اذا اكلتوها وين انطي وجهيي هااا ولج بابااتيي قززح عيونيي اغوو حبيبة روح ابوجج اذا سووها واخذوج مني منينن اجيب بعد نوور لقزح عيوني هااا منينن تعي لابوج يروح كلبي وطيرتة ..

كام علي السجاد واخذ نور الزهراء من ايدي
وكأن هي تعرف ابوها مجرد شمت عطرة وصارت بين ايدين سكتت وبدت تضحك
من بعد ما جانت تجعر بحضني وعجزت طول الطريق اسكتها وما تسكت

كعد علي السجاد وخلا نور الزهراء على رجلة بدت تلعب بالكلادة مالتة الجانت ما الامام علي وهو يسحلها من ايدها خوف لا تحطها بحلكها وتتأذة لان حتى اسنان بعد ما طالع الها مجرد لثة بحلكها

وانا كعدت يمة ونضرت لصيوان وابو كرم وأردفت وياهم ...

علي الباقر :: حصلتوا شيء يمعودين ؟

حامِد المتقين :: كفيلك يا خوة دورت وكلبت الدنيا وحاولت وردت بس مامش خبر من اهل صاحبتها وحتى الجيران يكولون موضوع سفرهم طلع مفاجأة
ومن يوم سفرتهم لهذا اليوم محد رجع ولا واحد فتح تلفونة واحتمال 70٪ غيروا السكن وحتى الارقام مالتهم ..

صيوان :: وانا عجزت وانا احاول اوصل للرجال الاجر السيارة بس ماكو أثر وباقي افتر على امل احصل شيء !!

- اختي صار الها 60 يوم طالعة من البيت ولا ندري وين گاعها ولا شنو صاير وياها وكلبنة العراق كلة لا جي نوصل لصاحبتها ولا نوصل للرجال شنوو يعني الخلل ويين ؟؟

علي السجاد :: لو ما اكو غلط بالموضوع جان صاحبتها ما شردت جان بقت شنو اليخليها تنذكر على اللسان اخُتنا وفجأة هي وعائلتها يشردون ويغيرون ارقامهم ولا واحد يدري هم وين يعني اكوو لعبة واختي ضحيتها ..

صيوان :: زين انتم مخلين احد براسكم ممكن يسوي هيچ
لو هسة انتم اخوان هيچي چي تمشون بالسالفة على الله واهل البيت ؟

علي السجاد :: جي نمشي على الله واهل البيت

- اذا نريد نشك لو نكول اكو واحد ورة السالفة هي راح يطلع العراق كلة براسنا لان مامش واحد ما حاقد على ابوي مامش واحد ماعندة ثار ويانة مامش واحد ما ابوي ضالمة !!

صيوان :: هو خالي الله يخلي ما ضال واحد يعتب علية ما مسويلة طراگيع !!

حامِد المتقين :: هسة شنو الحل ؟؟

- راسلت أريج الله انا ولهسة منتضرها تفتح وتراسل ترد علية

علي السجاد :: يمتا راسلت أخر مرة ؟

- اول شيء دزتلي هي بخير ورجعت بعدها بفترة هم كتبتلي هي بخير واخر رسالة الها كتبتلي " الوضع كلش زين دا يمشي وياي ومن يصح الي مجال احجي وياك واذا كلش وكعد الحظ يمكن اغير مكاني واروح لبيت خالي جابر بواسط انتضر مني رسسالة ماكدر افتح التلفون دوم لان هسة الشحن صار 53 وماكو شاحنة اذا صار أي شيء وياي راح اراسلك على طول احبنكم هوواي بالكم لنفسكم ولا تفكرون بية عايشة انا بس انتم اتعايشوا وي ابوي ولا تسوون مشاكل وياه زايد بسسببي انتهبوا لنفسكم واستودعتگم الله يانضر عيوني "

صيوان :: الرسالة الأخيرة قبل شكد دزتهاا ؟؟

- تقريباً صار الها أسبوعين هي ماتكدر تفتح هوايي حسب ما فهمتني ان هي فهمت الديرة الي لجأت الها انو هي فاقدة الذاكرة حتى تعيش عدهم بخير ومحد يحجي وياها لو يسالها منو اهلها لهذا ما تكدر تتواصل وياي دائماً بالغفلات تفتح التلفون العدها ..

حامِد المتقين :: حالياً مطمئن كلبك عليها هي بخير ؟؟

- كلبي ما يطمئن لحد ما اشوفة چدام عيني !

علي السجاد :: ما نكدر نشوفها لمن صدك تسوي الكالت علية وتكدر تطلع وتروح لبيت خالي جابر

صيوان :: انا من زمان سولفت كلشي لعمي جابر وهو منتضرها جنت اريد اخذها الا من يوم الحادث لان عمي جابر عازل نفسة ومحد يتذكرة بس اجيت ولكيت كلشي صاير والاخت مهزومة !

حامِد المتقين :: هي بذيچ الليلة مو زين بقى عقل نفكر بييي ماتدري منين تتلكاها الي طلبناه عون وكف برة شايل علينة القامة وطلع فرعون ويصيح اكتلوها الزانية !

علي السجاد :: لحد الان مصدوم شلون ابوي كدر يلفظ الكلام هذا واريج الله عاشت بروحة 26 سنة معقولة كلهذا العمر مايعرف بنتة ؟

- لا يخوي يعرفها ويعرفها اكثر مننا أصلاً بس اذا البشر حاوطتة الشياطين وصارت تزن براسة من كل صوب مايكدر يوكفهم وينصاع للوسوسة
بس وين يروحون مني وحك علي لادفعهم ثمن كل كلمة انشمرت على اختي وعلى اخواني وكلمة " ديوث " الي انكالت الييي وحك علي الا اطلعها من عيونهم مااي وناار بس خليي احصل اختي اول هسة وأمن كلشي ما يصيبها واثبت للكل هم ضلموها بعدهم تبدي محكمتي وياهم واحد واحد ...

علي السجاد :: كلحنا هيچ موش بس أنتَ منتضرين نثبت اختنا مضلومة حتى نكدر نحجي ونحط ايدينة بعين كلواحد حجة وفك حلكة

حامِد المتقين :: الا اترس حلگهم نار ورصاصص وانعلهم شلون يحجون على علوية ضلها ما ماس الكااع !!

صيوان :: والله وسفة علويتنا تكعد هيچ بالديرات متهجولة وهي الي خير جدها بكل محافضة !!!

بس يجيبون طاري اريج الله اضل اهوجس واتعب نفسياً لهذا تركتهم وكمت بعد ما بست نور الزهراء براسها اردف وياي صيوان ..

صيوان :: وين رايح ؟

علي الباقر :: اكو ملف جريمة وصل لشعبة امس بليل ولازم اروح للموقع اتحقق واطلع الأدلة واشرف على التشريح !..

- اهاا انتبه لنفسك

- لا توصي حبيبي ..

عفتهم كاعدين وطلعت وصادفت المعتز باالله بالباب اول ما طلع كدامي اخذتة لحضني وشبگتة

وابتعد عني واردف وياي وهو يحط ايدة على متني ..

علي الباقر :: هلا بصمااميي الرئوييي هلا بأخويييي وعززيزز گلب السيد يابعد روحيي مشتاقلك وين طالع من الغبشة ؟

المعتز باالله :: اختنكت حيل وكلت اطلع اسوي رياضة من الصبح واتريكت برة واجيت ..

- اهاا انت بخير موو ؟

- داام شفتك اكيد بخير أصلاً انرسمت الضحكة على باب كلبي بشوفة عيونك الجنهن طحالب ههههه

- هاا التفتت للون عيوني ؟

- ههههههه لا والله بس كلما اباوع لعيونك اتذكر الطحالب الاثنين نفس اللون

- احلا من عيونك النيلي وين اكوو عيون لونهن نيلي ؟

- جاا وينن اكوو عيوون لونهن طحااللب لا تعييب وانت عيبة

- هسة عيوني لونهن هيج صارن عيبة ؟

- اتشاقة وياك عزيز روح عزوز

- راح تفوت الهم ؟

- ايي جا أنتَ وين رايح يا شمعة شبابي .

- اني عندي واجب وي الشعبة اخلصة وارجع

- اشوفك بليل ؟

- اييي يا نحري موجود واشوفك

- خوش يروح عزوزز ..

عفت عزوز وطلعت صعدت السيارة ودزيت رسالة لطيبة الزهراء كتبت بيها

- ﴿ رايح اني يابعد روح علي وعلي اموت ولا ازعلچ يننحري
بس ارجع احجي واراضيج
ابطن عيني يابعد صمامي الرئوي انتضريني وعلي الا اطلع هي العرگة من عينچ
انا هسة راح لدوام اذا احتاجيتي شيء من برة راسليني اجيب الج على طريقي ﴾

شافتها وما جاوبتني شغلت السيارة ومشيت بيها لدوام الاشوف شني الجريمة الاجت علينة شلون لازم ابدي شغل بيها !!

______________________★______________________

""""""""" فاطمة الزهراء """"""""

بعد ما طلع البشير قيصر تركت ابني وصعدت لفوك فتت للغرفة لوَهج الطف
لكيتها فاتحة ميزها وجي تكلب بالملابس مالتها واردفت وياي لمن شافتني واكفة نضرتني بطرف عينها وكالت ؛

وَهچ الطف :: عود راح تحضرين وياي اليوم ؟ لو راح تخليني اروح لوحدي ؟

فاطمة الزهراء :: راح اسئلج سؤال واحد يا يمة بس واحد وجاوبيني علية وشتردين اسويلج ادللي على عمتج ..

- شنو تردين ؟

- شنو غير حالچ هيچ ؟ يمة أنتِ موش وهچ الطف بنت اخوي وبنتي موش هية بس كليلي شنو بيچ موش انا عمتج وجنت تصيحيلي يمة !؟

- ههههه جنتتت جنت اصيحلج يمة بس تبقين عمتي ! امي وحده بس وهي بسمة بسس هي امي أما أنتِ كلمرة كلت بيها الچ أمي جانت بالغلط وما تستحقيها

- انا كلامچ هذا ما استحقة والله

- هسة تجين وياي لو لاا ؟ مو مهم تفكرين بكلامي هي بس هاي الايام واروح اتوكل لرچلي ..

- جانت امچ تحلم هي تحضر هذا اليوم بس مادام هي ما موجودة انا هنا ما اكسر بخاطرج اذا أنتِ تردين هذا العرس خلص يصير التردينة

التفتت الي والدموع بعينها حضنتني واردفت وياي ..

وَهج الطف :: راح تحضرين بصفتج عمة ماتكدري تاخذي مكان امي

فاطمة الزهراء :: والله يا وهج شيصير محد راح يسد مكان امج فقط امج
" النچمة ألي بالسماء تلالي تعتذر منچ وتكلچ لا تزعلين لأن ما اخذتچ بالسفر ويانة بس الطريق جان طويل وچنت مفكرة روحي راح ارجعلچ بس طلع الدرب كثرانة بية الذيابة النچمة تسلم عليچ وتريدچ تبقين الوهج الها لان هي بدونچ ما الها معنى بالسماء "

رفعت راسها من حضني وأردفت وياي وكالتلي ..

وَهج الطف :: شعرفچ بهذا الكلام ؟

فاطمة الزهراء :: تعرفي ؟

- هذا كلام امي اليييي كتبتة اخر شيء قبل لا تروح منا وتركتة ذكرى الي

- ومنين تعرفي ؟

- هوو

- وهججج احجييي !!

- قبل تسع اشهور واحد طلب يشوفني ما اعرفة منو بس من كالي عندة شيء يخص امي انا هنا طار عقلي ورحت الا لوحدي ولمن شفتة جان هو متلثم انطاني هي الرسائل مالتها وهي صورها وراح اختفى ولهذا اليوم ما شفته

راحت وطلعتلي ضرف من مخدتها بي صور ورسايل كلبت بيهن واني افكر معقولة عمر مثل ما دزلي الرسالة هو داز هي الرسائل لوَهج الطف حتى يبرد كلبها على امها

طبكت الرسائل والصور ورجعت الها وأردفت وياها

فاطمة الزهراء :: شنو تعرفين بعد عن امج ؟

وَهج الطف :: بس هذني وصل منهاا وباقي الاثر بكلبي

- امج عايشة ؟

- شنوووو منينن تعرفيينن شلونن عرفتي هي عايشة الله يخليج وين هيةة ؟؟

اتراجعتت وكلت لاااا اكيدد ماراح اكول الها بهي الطريقة
رجعت خطوة لورة وسحبت كلامي وكلبت المعنى
وأردفت وي وهج الطف

- جي اسئلج اناا وهج امج عايششة ؟

- هااااا مادري مااعرف كتلچ ما وصل الي شيء منها بس هذني المكاتيب والصور

- زين أنتِ مستعدة تخطين هي الخطوة ؟

- مستعدة اسوي كلشي لغايتي علىى العموووم عمة يلاا هذا الفستان حلوو لو هذاا ؟؟

بقيت اباوع عليها وهي التفتت للمراية تشوف الفساتين عليها غمضت عيوني ومسحت ادموعي

ماكدر اكللها ان امها عايشة وتكدر تروح وتحضنها
من قبل لا عبد الحسن يحل المصيبة المسويهااا

مابية بعد مصيبة اريج الله والسادة ماخذين موقف منة تجي هسة مصيبة ام وهج الطف يعرفوها علمود صددك يصيرون ضدة ..
وانا لازم اثبت موقفي على الاقل وي اخوي الوحيد بلكي الله يهدي ويرجع لعقلة ..

رحت يم وَهج الطف اخذت البدلة من ايدها وأردفت وياها ..

فاطمة الزهراء :: وَهج الطف للمرة الأخيرة راح اسئلچ أنتِ مستعدة لهي المسؤلية وهذا القرار المصيري حياة هي مو لعبة يوم لو يومين راح تعيشين وياه عمر يا وهج يا بنتي !!

- كتلج مستعدة اسوي كلشي علمود اصلح حياتي واعيش عدل

- شبيها حياتج هسة حتى تردين تصلحيها وتعيشي عدل ؟
لج انتِ تعرفين ان 90٪ من بنات العراق يتمنون يصيرون ابمكانچ ويعيشن الحياة الأنتِ عايشتهااا ....

ضحكت وابتعدت عني وأردفت وياي بأستهزاء ..

وَهج الطف :: ياهيي التتمنى تصير مثلي ؟
ياهي تريد تنسجن كل طفولتها ؟ ياهي تريد ابوها يموت وامها تروح وهي ما عايشه وياهم ولا تتذكر شي عنهم راسها فااارغ من ذكرياتهم !!
ياهيي تريد تعيش ابيت حتى اخوتهااا بي ما يردوهااا ؟
ياهيي تريد تعيش حياتها وهي تنشمر من واحد لواحد ياهي تريد هيچ عيشة ؟
دليني بيهااا التريد هيج خليني انطيها هي حياتي التتمناه واني اخذ حياتها حتى لو اشتغل خدامة جوة رجلين ابوي عاااديييي انام وانا مرتاحة المهم اهلي يمي ويحبوني خلها تجيينييي ..
أنتِ كلعمرچ متربية بحضن جدي احمد وتحت اجناح امچ واخوانچ
ولمن طلعتي من حمايتهم رحتي لحضن زوجج وانرزقتي بأولادچ الي انطوچ كل الاحتواء وما يحسسونچ أن أنتِ أمهم ماا راح تحسين بية شماا احجي لان ماعشتي العشت بي بمقدار ذرة !
يوم واحد عيشي بالمخزن بسسس يوم واحد وشوفي شنو يصير بيج فما بالج واني عشت هنااك من عمري 7 سنوات ؟
10 سنين من عمري ضاااعتت بمخزن متقيدة ايدي ومربوط حلكي الحشرات تنام وياي وحتى الحمامة الجانت يمي صرت اعرف احجي وياها اتخييليييي
هن هذني بنات العراق ؟ يردن هيچ حياة ؟

كعدت على افراشها تشهك بالبجي وتمسح بأدموعها

ياالله شحجي وي هي البنية ؟
مابية اكول اكول الها شيء وهي كل كلامها صحيح زرفت كلبي زرف

رحت ركعت كدامها كسرت رجلية وكعدت على الرگبة ﴿ الرضفة ﴾
ولزم ايديها بستهن وبست راسها وأردفت وياها تغيرر للمووضووع ..

فاطمة الزهراء :: زين منهو العريس ؟ تعرفينة لو هيچ راح تتزوجين تشمرين روحچ فرد شمرة ؟

وَهج الطف :: ماعرفة بس عبد الحسن سولفلي عنة كالي هو ابن صديقة من الانبار أسمة العريس خليفة عمر شاهين

- خليفة ؟؟؟

- تعرفينة ؟

- شلون ما اعرفة ابن عمر شاهين صديق ابوي الله يرحمة وهم صديق زوجي حسين كاظم الله يرحمة

- زين عمة الرجال شلونة ؟

- تعرفين ارتاح كلبي والله العظيم ..

- ليش؟

- دامچ تردين ودام عبد الحسن يريد وعرفت العريس كوومي نختتار البدلة يلا يروحي مستحيل اكسر فرحتج وهذا عريسج ..

- يعني عمة الرجال زين ؟

- صدك تحجين يمة ؟ ولج عمر شاهين ابو الزين كلة وراح تاخذين ابنة هي امچ صبح ومسة تندعيلج يابعد حيلي .

- زين هسة اطمنت اكثر من ما انا مطمئنة وعرفت جي امشي بالطريق الصح

- ماكو طريق صح ورة خطوات عبد الحسن بس الله يقدملج البي الخير

- راح تحضرين ؟

- اكدر اكول لا رايحة اشوف شألبس لفرحتچ

- شكراً هوااييية

ابتسمت الها وعفت وهج الطف وطلعت من الغرفة نزلت وانا مرتاحة بمقدار ذرة لأن على الأقل وهچتي رايحة لواحد يستاهل موش نفس أنمار ما نعرف خيرة من شرة

بس شنو قصدة عبد الحسن من سالفة زواج وهج الطف من خليفة وبهذا الوقت بالتحديد ؟

معقول زوجها لأن يريد يصلح خطأه وهو خايف لا أفسد علية يم السادة ؟
لهذا راح يزوج وهج الطف ويجمعها بأمها ؟

لوو هو يريد يزوج وهج الطف على مزاجة على عين السادة حتى يكسرهم ويوصل الهم فكرة ان هو المسيطر ماكو غيرة ؟

لوو مجرد صدفة خطب خليفة وبعد الصار لأريج الله خاف محد ياخذ بناتنا لهذا عبد الحسن وافق علية واستعجل بالزواج هيچي ؟

بس لو الاحتمال الاخير صحيح جان عبد الحسن زوچ وهج الطف من المعتز بااالله كلنا نعرف هو يحبها ويريدها ليش عبد الحسن هيچ شمرها على خليفة عمر ابدل المعتز باالله ؟

اوووف محد يكدر يحزر شنو براس عبد الحسن ابدد

عفت افكاري على جهة اليوم ملچة وهج الطف يعني بمثابة عرسها والمفروض من العادات عندنا بمثل هيچ يوم ام العروس جاهزة وياها وتجهز بنتها

ما يصير وهج الطف حتى بهذا اليوم وفرحتها أميمتها مو وياها !!
ماااراح اخلي هذا الشيء يصير لو على كطع رگبتي مستحيل احرم وهج الطف وبسمة من هي الفرحة

صعدت لغرفتي واخذت تلفوني لازم أخذ موقف هسة واقرر ماعندي بهي الدنيا بس اولادي واولاد اخواني اليي هم امانة عندي امنهم ابوي

راح اسوي اي شي يفرحهم حتى لو الثمن اخسر اخوي الوحيد واني اصير بالوجه وياه
فتحت تلفوني وكتبت رسالة ...

فاطمة الزهراء :: السلام عليكم .. حبيت ابلغج اليوم بليل ملچة وَهچ الطف كدامچ 11 ساعة بسس لازم تلحكين تجين لهنا لبغداد وتحضرين الملچة لاززم تجين اذا مو لخاطر أحد لخاطر هي المسكينة وهچ الطف مرة وحدة خلي تكمل فرحتها اكسري حاجز الخوف هذا وتعااي مثل ما اناا كسرتة هسة وراسلتچ اطلب جيتچ لا ترديني
عبد الحسن انكسرت شوگتة وما يخوف بعد واحفاد ابوي كبروا وراح يصدونة ويوكفون بوچهة لا تخافيين بس تعااي واحضري فرحة الشخص الوحيد البقى من عطر صفاء الحسن بالنسبة الچ
تعااي لبيت الحسن المجتبى اليوم على الساعة 8 المساء انتضرچ .. وماراح اكول لوهچ الطف خلها تتفاجأ..

دزيت الرسالة واخذت اتصلت على شيخة العلويات لأن مشتاقة لصوتها من زمان ما متواصلة وياي
بعد ما ردت علية سمعت صوتها يكول ؛ .

رحمة الزهراء :: يا هلا بأامي ومية هلا بعمة العلويات

فاطمة الزهراء :: شلونچ شيختي ؟

- والله عايشة بهذا البيت عين على نفسي وعين على زوجي وبيتي وملتهية وماشية وياي

- مرتاحة ؟

- لاا الف الحمدالله والشكر كلش مرتاحة

- اهم شيء هذا هسة دامچ مرتاحة

- اييي اعميمة شنوو الأوضاع ؟؟

- والله الأوضاع هدوء بس اليوم بليل ملچة وهج الطف

- شنووو ؟ ويين ؟ من منوو ؟ يمتىى ؟؟ شووكتت ؟؟

- على كيفچ انا هم حالي حالچ انصدمت واكثر بس ماكو بالأيد حيلة ..

- شنوو المواال هذاا عمة فهميني لان عقلي فررمتت ..

- عبد الحسن مسولف لوهج الطف على أبن صديقة والأخت باالله علساس انعجبت بي وهو خطبها وافقت علية ومخلصة كلشي وي عمهاا وهسة انا واخوانها مثل الغرب اجت تكول النا اليوم ملچتي اليريد يچي والمايريد ما اجبرة

- هيي وهج الطف صاحيةة للتسويي لو عقلها طاير ونعذرهاا ؟؟

- لاا صاحية وبكامل قواها العقلية نترت ابوجه البشير قيصر وردت ابوجهي وفرضت رئيها علينة

- يااعليي ادركناا هي شنو جاي يصير بعائلتنا وصلنا مرحلة نتعامل مثل الغرب هيجي ؟؟

- محترك كلبي والله
بس من شفتها فرحانة هيچي ماردت اكسر خاطرها اخوانها ماراح يحضرون كللت
اني افرح اكليبها واخليها تشوفني واكفة وياها

- عمةة عمةة اسمعينيي ليش محسستني ان الكل مغرب وهج الطف وما يريدها ؟ ترى هي بنتكم حالها من حالنا ومثل ما فرحتوا بية و بغيمة وبنانة راح تفرحون بيها وزوود بهيچ يوم مو بمزاجنة الموضوع واجب علينة نوكف وياها بسسس عمة بشرفچ تشوفين الوقت هسةة مناسب ؟

- لاا ابد مو مناسب بس كلتلج هي تريدة وطايرة بي مااكدر ارفضها لان ما تسمع وافقنا رفضنا اليوم هي رايحة وي عمها تعقد ! لان كلش راكبة راسها بهذا الموضوع وتحجين وياها تكلج تعذبت تعذبت اريد اصلح حياتي ..

- مصدومة بيها وحتى اللساني انربط الكلمةة ماجاي تطلع منيي شنوو هيي ؟؟؟

- مانكدر نسوي شيء غير نكول الله يهدي نفسها ونفس عبد الحسن ويطلع هذا العرس بيه الخير الها وما تتندم ..

- والله ياعمة أنتِ تسولفين وانا راسي سافر للمعتز باالله المسودن هذا شنو راح يسوي اذا عرف ؟ وروح ابوي يهدم الملچة على روسهم !

- وانا هم فكرت بي بس اضن البشير قيصر والسادة ماراح يخلونة لان بالتالي راح يضر نفسة ويضر وهج الطف وياه

- عمة تسولفين وكأن المعتز باالله غريب عليچ ؟ عمة أعزوز ماراح يهمة نفسة اخوي وتربيتي اناا الاعرفة اكثر من نفسي اذا وهج الطف راحت منة
راح يشوف ماكو شيء يخاف يخسرة بعد وحك هو العباس اذا عرف الليلة هي راح ياخذون وهج الطف منة فاا ياعمة اخذيهاا منيي وكولي كالتها رحمة الزهراء صدگيني رااح يجيكم و يهد البيت على اليملچون ..

- اكلچ لا تخرعيني وتخليني استفرغ العافية اكثر من هيچ اندعيي محد يجيب طاري للمعتز باالله ويسترون علينا

- هو منو يعرف بالموضوع ؟

- عمچ و العروس وانا واخوتها الفاروق الاعظم و البشير قيصر وهسة أنتِ

- چا ان شاءالله الولد ما يحجون كدام اخويي شي

- ان شاءالله

- اييي عمةة بعد شكو ماكو اصدميني بعد ؟

- والله ولا شيء كلشي على حطة أيدج بس سالفة وهج الطف طلعت صفح

- زين اختي اريج الله شوضعهاا ؟

- العلم عند الله انا مادري بشيء حتى اخوانج ما يسولفون اذا عرفوا شيء او هيچ يخافون من عمج

- زين هم ما حصلوا صاحبتها الچلبة ؟ عميي ما حن كلبة ؟؟

- الحجر والحديد يلين وگلب عمج ما يهتز وهم بعدهي صاحبتها مسافرة عسنهاا سفرة لعزرائيل كبل ..

- راح تطلع اليوم لو باجر تطلع لشوكت تضل مسافرة !

- وروح ابووي اذا الزمها الا اگطعها بحلگي واشلع لحمها جزء جزء بأسناني واحط دمهاا بأكلاص وأشربة ابدال المماايي بسس توگع بيدي الماعندها أصل اجت وتتبلى على الاصل كلة التافهة الساقـــ****

- خلصص خلصص عمة فتحتچ ما عرفت اسدچ شمالج ؟

- طلعتت روحيي منهااا ياا بويةة لو يحطوهاا بيدي الا اعلمهاا النبي عربي بنت الجـــ***

- عمةة شبيج اذكري الله بعد عيني عينج ..

- عيفينا من هي الحيــووانة وكليليي رچلج هنااا ؟

- هذياا كاعد يمي

- ياياا دهرر بس لا يسمع صوتي ؟

- لاا بس تردين تسلمين علية ؟؟

- لاا شيختي بس وصلي سلامي الة واعتذريلي منة اخذتج منة

- ههههه شسالفة ياعمة وكتي كلة الچ

-بالچ لنفسچ ولبيتچ وعينچ على ارجيلج اميمتي

- لا توصين ينضر عيني تربيتج واعجبج بالاهتمام

- يابعد روح عمتج يلا يمة تضل يمچ العافية وصلي سلامي للمحروس

- واصل وأنتِ هم سلمي على وهچ الطف نيابة عني وباركي الها وبالچ لنفسچ والها

- ان شاءالله واصل

- احبنچ عمة !

- ياا نفسس رووح اخويي اموت عليچ اناا غير ربحي بالدنيا انتم

- استودعتچ الله عمة

- استودعتج كلبي وربي يا شيخة علويات ابوي واول فرحتة ..

سديت التلفون من اتصال رحمة الزهراء ورحت للميز اشوف شنو ألبس بفرحة بناتي

وانا جي اكلب ارتب الهدوم فات علية ابني المرتضى الامير
وبدون ما يضرب الباب ويدرون بية اتنرفز من هذا التصرف

عطت بية ورزلتة ...

المرتضى الامير :: يمماااااهه

فاطمة الزهراء :: وغمااااه وكبراااهه

- هيي شمالچ وياااييي

- وكطع لهذا الحس مااكو ادب كلشش معدومة الاخلاق من قاموس حياتك ؟

- وشنيي سويت اناا ؟

شمرت الثوب الجان بيدي علية ونترت ابوجهة ..

- الي متربيي ومتعلم يدك الباب ويفووت يا ابو المدارس الخاصة هيچ معلمتك لو ادري مخليتك بمدرسة حكومية واخليهم يعلمونك التياهة والسفول احسن الييي
شلوون تفووت علية هيچي يمكن كاعدة ابدل هنااا شلون بلة ؟؟

- هذااك الحمام وغيري بية شمالچ خرفتي لو طگج زهايمر مُبكر حتى تبدلين هناا وتنسين وين مكان التبديل ؟

رجعت وشمرت علية ثوب ثاني ونترت ابوجهة ..

- غرفتيي وبكيفي لو ابدل جوة الجرباية مالكم غرض بية ومرة التجي دك الباب لا تنكسر ايدك ووياها اكسر رجلك حتى ما تفوت بعد بدون استأذان

- عود المرة الجاية اضرب الباب هسة اجيت اكلج !

مديت ايدي الة وأردفت وياه هو دنك شال الهدوم الشمرتهن علية من الارض وكام انطاهن اليي ..

- قبل كلشي انطيني الهدوم

- هااج هم شمرتيهن علية هم لازم انا اجيبهن الج حلوة هي !!

- انطيني وأنتَ متلايم وهسة يلا كمل كلامك شنو تريد ؟

- حتى الكلام طاار من راسي

- بعد أحسن اطلع وسد الباب وراك مو فارغة الك ابن حسين كاظم

- مرة ابوووييي مو اميي

- مُرتضااا احجي العندك وانطيني عرض اجتافك واذا طلعت سالفة تافهة وسويت الية كل هي الهوسة وسطرت راسي أنتَ تعرف شنو راح أسوي ! ؟

- اسلاحچ السري يتگطع على ظهري

- عفيية اوليد حسين كاظم حافظ الدرس عدل زين هسة سولفلي شنو عندك ؟

- اجيت اسالج قميصي الاسود وينة ؟

- ياا قميص كل مالاتك نفس الشيء ؟

- لا يمةة القميص الاسود مالتي ابو التگع البيض التكليلي عنة چنة وسخ

- اتذكرتة تلكاه بالميز مالتك بالخانة مال الاقمصة

- مااهو چا المن اجيتج شفتة ومااهو

- مُرتضاا الصبح فوتة بيدي من الحبل وطبگتة وخليتة بخانة الاقمصة وي قمصانك البقية

- هسة انا اعمى لوو اثولل شنيي ماا اشوف اكلچ ما لكيتة !؟

- وااذاا رحتت هسة وطلعتة الك شنو يصير بيك ؟

- يمة وحك هو الحسين گلبت الغرفة كلب مااهو

- مُرتضااا لا تسبي راسي يمة هو طرگ قميص مايريد منك تگلب الكون علمودة يريدك تصلي على النبي وتدور علية هدم هدم وراح يطلعلك ويسلم عليك هي اذا ما طلع هو من الاساس چدامك وأنتَ لان مشلوش ما تنضرة

التفتت اكمل تعديل بالهدوم وهو ضل واكف رجعت خزرتة واردفت وياه بنتر

- واكفف مثل المسطووور شنييي شمالك ؟؟

- يما القميص مايريد من عندنا نكلب الدنيا علية لان اكو بديل الة هوواي بالتالي راح البس أي قميص ثاني اذا أيست من هذا
بس ساكن الكلب هو يكلي حارب واكلب الدنيا علمودي لان البكلب يمة موو قميص نبدلة كليوم لو نحطلة بديل البكلب بشر ثجيل ما يطلع مهما حاولنا وياه اذا كعد يبقى كاعد لمماتنا ويدخل ويانة الگبر وحتى لمن نسلم كل اعضائنا بيد الواحد الاحد راح يشوف الگلب هذا بعدة ساكنة الإنسان هذا
اكو الإنسان گلبة دخل بية شخص ثاني مستعد يحرگ الدنيا على البشرية ولا ينمس ساكن كلبة وينوخذ منة موش قميص وتكلة روح شوف غيرة ..

- شنيي ولك ؟؟

- ديروا بالكم من طگة فيوز المعتزباالله هذهِ الليلة لان اليخسر شيء ويتأكد من خسارتــة مايهتم لأي رد فعل ولأي نتيچة ويتصرف من كلبة وعقلة وحتى اذا جان ناتج التصرف هذا موتة .

تركني المرتضى الامير وراح
طلعت موش بس انا الكل خايف من رد فعل المعتزباالله اذا عرف عرس وهج الطف اليوم

بس الله يسترنا هي الليلة من عندة ويمر اليوم على خير وسلامة

______________________★______________________

"""""""" وَهــــج الطـــف """"""""

صار المغرب كعدت بعد الصلاه وغيرت ملابسي لبست فستان العقد وكعدت كدام المراية انا جهزت روحي بروحي !

شلت شعري هو قصير احتاريت شأسوي اخر شيء اعتمدت على الذيل أحصان واطلع البگلة مالتي وازلوف هي التسريحة اسميها المنقذ انا دائماً تُنقذنا نلوگ لكل المناسبات وتطلع الانسان يخبل

سويت مكياچ خفيف وخليت حمرة هي طبگت حمرتين سويتهن وحدة وهي وحدة لون بينك والثانية لون بيچ
وحددت شفايفي بقلم تحديد من فوك وجوة

وجريت كُحل وسويت آيلاينر
وما رسمت حواجبي فقط مشطتهن

واستعملت البلاشر لون بينك فاتح حيل لان ماريد اطوخ بالمكياج واحس مسوية مسرحية ابوجهي ..

ولمن خلصت كُلشي شلت تلفوني وطفيت الفيديو جنت فايتة على اليوتيوب ومطلعة فيديو مكياج واشتغل وياها ههه

وكفت على طولي وصرت اشوف الأستايل النهائيي بهذا المنضر راح يشوفني خليفة وهو زوجي

ساعات بس تنفصلني على ان اصير زوجة رجال اول مرة راح اكعد وياه

ساعات بس واصير حررام علية افكر ولو تفكير بعزوز ..

ساعات بس واصير مرة متزوجة وحياة العذرية والطفولة والبرائة راح تروح لازم اشيل مسؤولية بيت رجال وبعد سنين اولاد

وهج الطف جاهزة لكل هذاا ؟
مستعدة تتحملين كلهذا ؟

تكدرين تتخطين حبچ للمعتز باالله وهسة تخطين خطوة جريئة وتصيرين لغيرة ؟

خنگتني العبرة والدمعة بطرف عيني اتذكررت المكياج كمتت اطفر حتى اغير جويي واحسس روحي ما مهتمةة

واذاا ماصرت للمعتز باالله ؟
واذا هو نساني هسة واتزوج مثل ما اني راح اتزوج؟
أصلاً كُلش عااديي هوا مجرد تجربة وانتهت بالنسبة اليي

ليش جي اضحك على روحيي بهذا الكلام ؟ مستحيل المعتز باالله تجربة لك هو حُب عمري
وجي اجبر نفسي هسة اصدك ان انا مقتنعة بهذا الزواج !!

مو طبعي هيج اقسى على اهلي ولا طبعي احجي وياهم بهي الطريقة بس مجبورة

مجبورة اعاملكم هيچي
مجبورة اكسر كلبك يا عزوز روحي واعوفك
مجبورة اجبر نفسي واتزوج اليوم مجبورة على هذا كلة !!

اذا ما سويت هذا ما اكدر اوصل لأمي ولا اعرف خبرهاا..

وهنا وبس رن تلفوني رحت اشوف المتصل وكلبي يرهف ضنيت المعتز باالله من تلفون ثاني يتصل بسس

طلع عبد الحسن .. جريت النفس وضغطت على زر الرد ..

وهچ الطف :: شنو متصل تتطمن راح اجي لو لا ؟

عبد الحسن :: متأكد راح تچين لچن اتصلت اكلچ باقي ساعتين ويچي الشيخ لا تتاخرين تعي هسة

_ تكمل عمتي تجهيز ونچي ..

_ فاطمة الزهراء تعرف بالاتفاق الي ابيناتنا ؟؟

_ محد يعرف بشيء اني وهمت الكل ان القرار هذا من راسي كتلك رااح اسوي التريدة وبأكمل وچه بالمُقابل خليك كد كلمتك وياي

_ بس اذا حسيت چاي تلعبين من وراي يا وهچ يصير عكس تخيلج صدكيني

_ شلعب من وراك ؟ جي تحجي وي انسانة خسرت كلشي وباقي أمل وحيد عندي ومفتاحة بيدك اذا جانت غايتك تبعدني عن المعتز باالله وتكسر اولادك بية وبهذا الزواج مُقابل تسويلي الاريدة مستعدة اسوي كلشي بسسس على اتفاقنة
اخلص العقد مُباشرتاً تكول الي وين مكان امي ..

_ تعي انتِ وخليني اشوف بعيني صرتي زوجة خليفة بذاك الوقت عنوان امچ بين أيديچ

بهذا الاثناء فاتت عمتي للغرفة واردفت بصووت عالي ولمن عمي سمعها سولف بأذني...

فاطمة الزهراء :: هاا يمة كملتي ؟

_ لا تحسسينها جي تحجين وياييي سدي الخط بسرعة واحذرج للمرة الاخيرة ديري بالج تكولين لأحد لو تلعبين بذيلچ

سديت التلفون ابوجهة وانداريت لعمتي وابتسمت الها وأردفت وياها..

وهج الطف :: ايي عمة كملت شوفي اخر شيء شلون طالعة ؟

_ اقرأ عليچ قل اعوذ برب النااس واحاوطتچ ببركة اية الكُرسي تحفضج من كل عين وتزيح عنچ شر ابنادم

- مضبطة المكياچ لو تحسي أوڤر ؟

- لا يروحي جمالج طاغي علية خلص كملتيي كلشي ؟

- ايي وجنت منتضرتج حتى نروح

- يلا نكدر نطلع هسة ؟

- بس اللبس صايتي وحجابي واجيج

- انتضرچ جوة ينضر عيني ..

طلعت عمتي وانا رحت لبست الحجاب وطلعت نقاب من الجرار لبستة لان حاطة مكياج وحرام شخص يشوفني هيچ بهي الزينة

لمن لبست كلشي نزلت لكيت عمتي و الميرزا المرتضى الأمير منتضريني
لزمت ايدي العمة وطلعنة صعدنا السيارة وعيوني جانت على الطريق ماراح تتلحگني يا عزوز ؟

دخلت السيارة وسديت الباب ومشى بينة وبعد ما وكفنة كدام بيت عمي الحسن المجتبى نزلنا وراح المرتضى الأمير صرت اعاين لباب البيت واني افكر

يا كسرة اكبر من هي الكسرة تتعرض الها يا معتز !!
خليتك تحبني وتتعلق بية وجرحتك وعفتك وما كفاني هذا كلة السويتة بيك
هي راح اتزوج وابيتك همم

نااوي عليك عبد الحسن !

دكت عمتي الباب وفتح النا الباب وطلع مؤيد اخذانة للباب الخلفي ودخلنا البيت ورحنا للغرفة لان الصالة بيها زلم

كعدنا بالغرفة ودخل علينة عبد الحسن و عيسى بعد ما شافونة هتفوا ..

عيسى :: جدي جاهززة ؟؟

وهج الطف :: اييي

عبد الحسن :: وصل الشيخ والعريس هم هو واهلة وصلوا ..

- تمام عمي ..

فاطمة الزهراء :: شكد الحاضر والمأخر ؟

عيسى :: مليونين وقرآن كريم الحاضر والغايب عشرة

- وليشش مليونين ؟ شنيي بنتنا لكيناها بالشاررع ؟ لوو لكيناها جاهزة مزروعة على شجرة حتى نشمرها هيچ ؟؟

وهج الطف :: انا خليت المهر هذا ..

- بنتــر - انتِ شنو صاير لعقلچ شنوو مرضج كليلي ؟؟ كلشي متصرفة بي من راسج

عيسى :: لااا تصيحين عليهاا كصري حسج !!

- انتَ بالخصوص مالك غرض لا تتدخل مو عيني اجيت النا من البرية وتريد تأخذ الاولية بنت اخوي وانا اعرف شلون احجي وياها وشأحجي احسن الك لا تدخل ..

عيسى :: ربي اختك عبد ربيهااا

- وشنيي كدامك انااا حتى تكول ربيهاا لو كلام الحق صاار بنضركم بس الما متربية تكولة ؟؟.

عبد الحسن :: صوووتج مناا العالم لا تخليني امدد ايدي عليچ انلصميي واسكتي سنچلي حلگچ ولا ينفتح ..

وهج الطف :: عمةة شساللفة ما ينراد الها هي العصبية
البناات يطلبن مهر عالي يردن يجهزن روحهن مكياج ملابس ذهب وانا مامحتاجة شيي جاهزة من كلشي لهذا حطيت هيج مهر

عيسى :: احجن ابهدوء مانريد بعد نسمع حس طالع راح نطلع للزلم ..

عبد الحسن :: اشوفچ بعد ما تصيري حليلة خليفة عمر ..

مشة ايدة على راسي وطلع هو وعيسى
كعدت عمتي كدامي وهي ماراضية لكلشي جي يصير وملامحها جانت تسولف كلشي

بهي الاثناء انفتح الباب وفاتن علينة ثلاث نساوين كامت الهن عمتي وسلمت عليهن وانا هم لمن اجن بأتجاهي سلمت عليهن سلام مجاملة جان كلش مالي خلك

ولمن كعدن وارتاحن اردفت وياهن عمتي ..

فاطمة الزهراء :: أنتِ عائشة زوجة عمر لو ذاكرتي خاينتني ؟

عائشة :: لا صحيح انا زوجتة وهي بنتي آمنة وهي چنتي سارة بنت اخوي وبنفس الوقت زوجة ابني الجبير شاهن

- انا اخر مرة شفتج بيها جنتِ حامل !؟

- ايي صحيح اخر مرة شفتيني جانت بفاتحة بنتج مسرة الله يرحمها وجنت انا حامل ببنتي هي أمنة ..

- اكول اناا لان اخر صورة بذاكرتي الچ بطنج لحلكج

- هي الله ما رزقني فقط شاهين و خليفة وهي البنية وبعدها ربطت ..

- الله يرزق من يشااء الله يحفضلچ اوليداتج ويقر عينچ ويفرحج ببنيتج

- وانتِ شنو صار الج بعد موت مسرة ؟ عفتج عندج فقط ثلاث شبان ؟

- لا بعد ماراحت بنتي مسرة بثلاث سنوات الله رزقني بنت تعويض عنها سميتها ام البنين وحالياً هي متزوجة ابن خالها

- مَ شاء الله الله يوفقها ويحرسها الج ان شاءالله

- أمين

بقن يسولفن ويرجعن ذاكرتهن لحد ما سمعنة صوت من خلف الباب جان صوت عمي يكول ..

عبد الحسن :: يلا جيبوا العروس وخلوها قريبة من الباب هذا الشيخ والعريس واكفين هناا يردون يسمعون جوابها

اخذتني ام خليفة من ايدي وكعدتني على الكرسي قريب من الباب حطيت رجلية بماي
وعمتي حطتلي القران بحضني وفتحتة على سورة النور حطيت اجفوفي علية وبدت تحطلي الهيل ابين اصابعي
وقرأت على راسي الاياتت الحافضة ودعاء الميامين ..

وانتبهت على عيونها جانت تدور على احد هتفت وياها بصوت واطي

وهج الطف :: عمة منتضرة احد يجي ؟

ابتسمت هي وغيرت الموضوع بس ردت علية بجملة ..

فاطمة الزهراء :: منتضرة الكل يا امي كضيت عمري وانا انتضر الكل ..

بديت اباوع الها ما فهمت شيء من جوابها هي مسحت ادموعها وباستني براسي وراحت شوي عني

وسمعت الشيخ من خلف الباب يقرأ دعاء ..

الشيخ :: إنّ الحمدَ لله، نحمدُهُ ونستعينُهُ ونستغفِرُهُ، ونعوذُ باللهِ مِن شُرورِ أنفُسِنا ومِن سَيّئاتِ أعمالِنا، مَن يهدِهِ اللهُ فلا مُضِلَّ لهُ، ومَن يُضلِلْ فلا هاديَ لهُ. وأشهدُ أن لا إلهَ إلا اللهُ وحدهُ لا شريكَ لهُ، وأشهدُ أنَّ محمَّدًا عبدُهُ ورسولُهُ

وبعد ما خلص هتف بأسمي وكال ..

الشيـــخ :: بنتي وهج الطف بنت صفاء الحسن تسمعيني ؟

- نعم شيخنا أسمعك !

الشيــخ :: بنتي كم الحاضر والغايب المتفق علية ؟

- مليونين وقرأن كريم الحاضر اما الغايب عشرة ..

الشيــخ :: تقبلين اصير الموكل عنج واتمم زوجك من خليفة عمر شاهين على حاضر مقبوض مليونين و قرآن كريم و غايب ماخر عشرة ملايين ؟

رفعت عيني باوعت لعمتي لكيتها تأشر الي ان ما اجاوب هسة
بقيت ساكتة ورجع هو وسالني وهم نضرت لعمتي لكيتها تأشر الي شووي بعد اسكتي
ورد وسألني للمرة الثالثة وما جاوبت والمرة الرابعة جاوبتة فقط بكلمة " شيخنا " حتى احسسة انا دا اسمع
ورجع سألني للمرة الخامسة وما طلع حسي
بالمرة السادسة نضرت لعمتي ضحكت وأشرت الي يلاا هسة جاوبي

ولهذا جاوبتة وأردفت ..

- نعم أقبل

رجع وسألني وسمعتة القبول والموافقة وسأل خليفة الجان يمة وأردف وياه

الشيخ :: ردد وراي الراح اكولة الك ..

خليفة :: تمام ..

- إني أنكحت موكلتـي وهچ الطف بنت صفاء الحسن لنفسي على كتاب الله وسنة رسوله وعلى الصداق المسمى بيننا، عاجله وأجله

بــدأ خليفة يردد هذا الكلام السمعة من الشيخ وعادة ثلاث مرات واخر شي سمعت من الشيخ يكول

الشيخ :: وانا قبلت زواج موكلتي منك .. اللهم صل على محمد وال بيت محمد
قرائة سورة الفاتحة بنية التوفيق

بعد ما قرأنة السورة بارك النا وبارك لخليفة وتمنى النا حياة زوجية هادئة
وسمعنا الهوسة برة وبدت الزلم تبارك واجتني عمتي تبجي وحضنتني واردفت وياي

فاطمة الزهراء :: وكبرتي ياروح عمتج كبرتي يا سر فرحة اخوي الف مبارك وزواج الدهر ان شاءالله يطلع وجه خير عليچ ويريح كلبچ وروحچ

- حبيبة روحي عمتي الله يبارك بيچ

عائشة :: الف مبارك ياامي منة المال ومنچ الراحة والعيال اشوف احفادي وتقر عيوني بيهم

- امين والله يبارك بيچ ويسر كلبچ بآامنة

آمنة :: مبارك مبارك والله يعينچ على اخوي

- ههههههه الله يبارك بيج والله اندعي الله يعينة علية ..

بعد ما الكل حُضني وبارك الي صار هدوء برة طلعوا الزلم كلهم من البيت والنسوان اليمي لبسن وطلعن للصالة وبقيت بس انا بالغرفة ..

جنت منطية ظهري للباب وسمعت صوت الباب انفتح ورد انسد فكرت عبد الحسن هو الدخل لنخلص كلشي من اتفاقية
التفتت بسرعة وانا أردف ..

وهج الطف :: جنت منتـــ.......

قاطعت كلامي وانا اشوف الواكف كدامي رجال غريب خزرتة وهذا شكلة صغير معقولة هوهذا خليفة ؟؟

اكيد هو لولا ماجان خلوا يدخل علية للغرفة سحبت الشال وخليتة على راسي وهو جان بس واكف كدامي مخلي ايدية بجيوب القاط مالتة

لمن لبست شال ايدة ولزم ايدي ونزلها من الشال وايدة الثانية شال الشال من راسي وطلع شعري وهتف وياي وهو قريب مني ..

خليفة :: ما يحتاج الحجاب صرت حليلج انا ..

وهج الطف :: هو أنتَ خليفة ؟

ضحك وأردف وياي بعد ما باسني على راسي بشعري

خليفة :: ايي انا خليفة يا تاج راسة ومرتة

- مبارك الك

- الف مبارك النا من الساعة هي اسمج مو وهج الطف لج صرتي وهج خليفة
ان شاءالله ما اخليج معتازة شيء ولا تلجئين لأي احد غيري واخليج مرتاحة وفرحانة والناتج انتِ هم تريحيني وتربين اولادي احسن تربية راح ابني وياج حياة الاحلام والله

بقيت اباوع لعيونة واللمعة الي بيهن و اختصرت كلشي وياه بأبتسامة وكلمة " أن شاءالله " عافني وراح خليفة طلع لأن يريد يروح وي اهلة مايكدر يتأخر

وبعدة بدقائق دخل علية عبد الحسن وهتفت ويااه على السرريع ..

وهج الطف :: صارر التريدة واتزوجتت انا وماكو شيء بيد المعتز باالله هسة يكدر يسوي صار دورك يلا كولي وينها امي ؟؟

عبد الحسن :: انا ما اندل مكانها بالضبط بس اعرفنها عايشة بس لا تخافين صارلي يومين الحك أثرها وراح الكيها الچ ..

- بس نحن متفقين على غير شيء أنتَ فهمتني انك تعرف مكان امي ومقابل زواجي انت راح تنطيني عنوانهاا ليش اتغير الكلام هسة ؟

- جنت شايف راح اكدر الكي امج بهي المدة بس ماكدرت وبعدني جي ادور عليها

- عبد الحسن لا تخبلنيييي كلتلي اخواني هم ورة اختفاء امي وخليتني اكلب عليهم وما اجيب الهم طاري ووثقت بيك لا تخليني اتندم هسةة

- تتندمين على شنو ؟ كتلج راح اجيب امج الج اذا ما اجتج بالملجة عادي تجيج بالعرس انا كد كلمتي وياج لا تسولفين هيج وتخلينة نخرب وهو هذا يردونة احفاد احمد يرودج تصيرين وياهم باباتيي بالماضي ضلموا امج وعيشوها بالضيم وانا اثبت الج اذا واجهتي البشير راح يعترف هو جان يكرها واكثر من مرة حاول يأذيها ..

انا هنا اتذكرت كلام البشير قيصر الي صددك كلام عمي اخوي حاول حتى يكتلني واني ابطن امي فقط بس لان ماجان يحب امي هوو ما يريدني اكيد عمي ما جي يلعب بية حتى اكره اخواني وكلامة كلة صحيح ..
بديت ابجي لزم اخدودي واردف وياي ..

عبد الحسن :: لا تخافين راح ترجعلج امج هي اسبوع وانا راح اسويلج كلشي وتشوفيها وعلى عناد كل واحد حاول يحرمج منها ..

شبگت عمي وابتعدت عنة مسحت ادموعي واردف وياي
صار لازم ارجع وي عمتي للبيت وارتاح وانطاني رقم خليفة اذا عاجبني احجي وياه لان خلص اتزوجنا وبعدها هو طلع واني اخذت اسوي اغراضي ودخلت عمتي تعدل بعبايتها واتصلت على المرتضى الأمير حتى يجي ياخذنة ...

______________________★______________________

"""""" علي الباقر """"""""

بالوقت الي نحن بالبراني اني والمعتز باالله جنت نايم على ظهري
وهو نايم يمي وحاط راسة على ايدي
أردف وياي

المعتز باالله ؛؛ علولي!

علي الباقر :: نحرة يابعد صمامي

- تعبت من هذا الاحساس !

- ياا احساس ؟

- علولي انا محتاج دكتوور نفسيي موو ؟؟

- لاا يبوية وشمالك أنتَ حتى تحتاج دكتور نفسي

- علولي انا هي الايام هواي جي تجيني رغبة وحشية وتفكير خايس يريدني اقتل !

كمت وسحبت ايدي من جوة راسة واني مخترع اول مرة عزوز يحجي وياي بهي الجدية واردفت وياه

علي الباقر :: عززوزز بويةة شمالك لا تخرعنييي عليك ؟؟

ضحك المعتز باالله وشبكني وهو ميت من الضحك وكال ..

المعتز بااالله :: يااعلي شووف وچهك صارت تتوارد وي الذهب ههههههه شمالك أنتَ انا مابية شي جي اسولفلك عادي وفتحت كلبي الك بس أنتَ مو شوكتت خواف هيج بس سولف وياك كلمة كمت انخطف لونك ؟

- عزوز تدري بية اضعف كدام شيء يخصك مو ادور تكلي بية رغبة اريد اكتل

- ترى صدك ايدي تحگني من الصبح اريد اضرب وافشخ بس مابية ..

- بيك شيء تريد تحجي الي ؟

- شيء مثل شنو ؟

- ماعرف انا جي اسالك بخاطرك شيء بكلبك شيء تحس تريد تطلعة لان تعبت وأنتَ كاتمة ؟

- يمكن اكو شيء واحد بس

- شنو كوول .؟

بهذا الوقت سمعنا صوت بالحوش طلعنا لكينة الفاروق الاعظم والبشير قيصر توهم فايتين للبيت والوجه جان ما يتفسر وكفوا عدل كدامنا واردف وياهم ألمعتز باالله

المعتز باالله :: خير شمالكم ؟

علي الباقر :: صار وياكم شيء ؟؟

الفاروق الأعظم :: قبل شوي ملچة وهج الطف

علي الباقر :: شنهيييي ؟؟

گام المعتز باالله ونتر بهستيرياا على الفاروق الاعظم ..

- شنييي الييوم ملچتهاا ؟؟

البشير قيصر :: اتصل عمي حتى يكلي اجي واحضر رفضت الزواج كلة كام وكالي وهج الطف هي تتريد تتزوج هذا وقبل ساعتين اتصلت عمتي علية كالتلي راح تروح هي وي وهج الطف راح تملچ ابيت عمي الحسن المجتبى

- هممم اخذ وهج الطف منييي وهم يريد يزوجهاا ابيتي ؟؟ وحگ زينب وسبيها للشام لسويلهم عراضة ماصارت بعرس من قبل مو يتدللون علية

عافنة المعتز باالله وركض لجوة البيت بقينا نحن واكفين ونتتضرة شنو راح يسوي ؟
بهذا الوقت اردفت وي البشير قيصر ..

علي الباقر :: شلون وهچ الطف تسوي هيج ؟

الفاروق الاعظم :: حجة وياها البشير قيصر بس ابوك لاعب براسه خووش لعبة

البشير قيصر :: خلص انتهى كلشي بس بعدني اريد اعرف العريس منو بس هذاا الاريد اعرفة لان ماريد اشمر وهج الطف هيج شمرة ..

- ابوي ما گالك منو الخاطب ؟

البشير قيصر :: لاا بس گالي تعال لان بليل الزلم جماعتي راح يجون مشية يمنا بالبيت عمك لاختك ..

لهذا الوقت طلع المعتز باالله وهو شايل اسسلاحة الــM4
وراد يطلع لشارع ركض لزمناه اني والبشير قيصر
بالحوش وصرنا نصيح علية وهو يصيح علينة ..

علي الباقر :: عززوزز صلييي على النبي ولا تتهور

المعتز باالله :: راح ياخذوهاا رااح ياخذوون وهج الطف منييي رااح يااخذووها والله لأسوي الليل يمهم نهاار

البشير قيصر :: معتز لا تتسودن هسة علينة هيد كاافي اخباال

- وخرووا عنييي وحگ سبي زينب ماراح اعدي هي الليلة على خير وحگ كافل اختة الا اندمهم بساعة الي السانهم لفظ اسم وهج الطف وخطبوهااا ورادو ياخذوها منيي وحك علي الا اخلي بدلتها البيضة تتحول لونهاا احمر من لون دم الحيوان اليريد ياخذها

هنا الفاروق الاعظم دفع المعتز باالله وطيحة بالكااع وصاح بية ..

الفاروق الاعظم :: لا تنسى روحكك معتز أنتَ جي تحجي على اختي اعصابك هذن طلعهن على اهل بيتك موش على اختيي ..

كام المعتز باالله وضرب الفاروق الاعظم وصاح بية ..

المعتز باالله :: وحك علي مستعد اخلي عزرائيل اليوم يقبض ثلاث اروح ولا اخلييها تصير لغيري انااا چتال اختك اذا فكرت تروح لغيري

رجع الفاروق الاعظم وضربة هنا البشير قيصر التفت ولزم الفاروق الاعظم وانا دفعت المعتز باالله وعطت بيهم ..

علي الباقر :: هي شمالكم راح تسوون هنا حرب اهلية ؟ شجاكم جي تنطون لابوي اليريدة هو يريدنا هيچي نذابح ابيناتنا خلصص هيدوا ..

الفاروق الاعظم :: معتز اذا انمست شعرة وحدة من اختي انسى انت اخوي واني اذبحك بيدي اختييي هييي معتزز عينك على اخواتك وعووف اختييي

جان المفروض مني ألزم المعتز باالله بس للحضة حطيت روحي بمكانة والراح تتزوج هسة طيبة الزهراء لاا مستحيل ما اتحمل

ما لزمتة هو كام من الارض شال الــ M 4 وطلع يركض بيها

طلعنا وراه جان هو راكب سيارتة بس طلعنا هو حرك ومشى
ركضت صعدت وي البشير قيصر والفاروق الاعظم وطلعنا وراه وجان واضح من سيارقتة وشلون يروح بالسيارة يمين وشمال هو جان معصب ومو بوعية

لمن وصلنا البيت نزل المعتز باالله مثل الطلقة كسر باب السيارة من القوة الفتحة بيها ورجع دفرة وسداه

وسحب اقسام وصار يرمي فوك البيت ورچ المنطقة رچ بصوت الــ 4M
مالتة وصدك خلا السماء مالتهم تصير نهار من كد الرمي يكلك جي يحرر الموصل

طلعوا الناس يسألون شنو يصير ومنين هذا الصوت والرمي

رحنا انا لزمت ألمعتز باالله وثبتة والبشير قيصر سحب السلاح من ايدة وهتف وي الناس

البشير قيصر :: نعتذر كلش هواي بس اختنا اليوم العقد مالتها وخطر النا نسوي الها عراضة نعتذر هوي لترويعكم ماجان القصد هيچ

بهذا الوقت واحد من الجيران عاط بالبشير قيصر :

- شوكت تنقرضون انتم وامثالكم عرس سويتوا عراضة فاتحة سويتوا عراضة والرصاص ما تفكرون بي يبقى معلك فوك الغيوم على بالكم ماتدرون يوكع على راس الفقرة ..

فلت روحة المعتز باالله مني واندار لليحجي وصاح بية

المعتز باالله :: اذا ما فتت هسةة واندفسست ابيتك انت وشكوو واحد هسة طلع اسويلكم هسة عراضة واطير بيها نص شمعة شيابكم الباقيية

لان الجيران يعرفون المعتز باالله لان جيرانهم من اسننين ويعرفون اخبالة واذا حجة هيج شنو يكدر يسوي هز ايدة الرجال وفات الكل بقينا بس نحن الاربعة وهنا طلع ابوي من البيت هو وجدي عيسى وهتف ويانة !

عبد الحسن :: ما ردنة تسوون عراضة بس نشكركم لفرحتكم تكدرون ترحون هسة .

هنا المعتز باالله فقد اعصابة فوك ما هو فاقدهن ركض بأتجاهم ودفع عمي طبكة على جدي ودخل لجوة يركض ركضت انا وراه والفاروق الاعظم راح كوم ابوي من الارض وانا والبشير قيصر دخلنا ورة المعتز باالله ..

ولكيناه واكف بالهول وكدامة واكفة عمتي و وهج الطف وهي لازمة بيدها النقاب ولابسة الحلقة بيها ..ومحد بالبيت عرفت ان خلص كلشي وهج صارت زوجة الرجال ..

راح المعتز باالله الهاا ولزم ايدها وراد ينزعها الحلقة وهو يكللها ...

المعتز باالله :: لاااا لاا وهج منو ضحك عليج وكالج هي حلوة عليج لااا محلوة شوفي شلون ضالمة ايدج انزعيهاا وهج انزعيهاا لا اكطع اصبعج انزعيهاااا ما تتزوجين محد يلبسج شيء هناا اذا ما جان منيي انزعييي

سحبت ايدها ودفعتة لزمتها عمتي وصاحت ابوجه ..

وهج الطف :: خلص معتز اتقبل الفكرة انا مو الك كتلك بيها سابقاً وارجع اكلك انا هسة متزوجة حرام تسوي هيج روحح ..

المعتز باالله :: لاااا وهج لاا انا جان عندي سهل اشوفج تبتعدين بس صعبة علية اشوفج لغيري لا تصيري الي بسسس لا تاخذين احد انا شنو سويت الج ليش تكسريني هيج بس كليلي ليشش ؟؟

- لان ما احبك انا احب زوجي هسة واخذتة لو جنت احبك جان اتزوجتك الك معتز لا تسويلي مشاكل اذا تحبني صدك رووح منا واتمنى اعيش حياتي مرتاحة

- وهج الطف

- معتز مو اول مرة ولا اخر مرة راح تخسر هيج ناس علم نفسك علمها خلص روح

- اخسر الكل ولج خليني اخسر كلشي خليني اخسر نسبي وخليني اخسر بيتي واهلي وافلوسي وكلشييييي خليني اخسر العندي والماعندي بس أنتِ لااا ماريد اخسرج اخسر الدنيا كلها بس أنتِ تعوضيني عنهاا اذا خسرتج منو يعوضني ؟ وهج ما حبيت بس أنتِ شعوري ما اشتغل بس وياج ! أنتِ طلعتي الانسان الجان نايم جوة الوحش البية الله يخليج لا تخليني هيج لا تروحين اذا اذيتج بشيء خلص انا اسف واعتذر وعاقبيني أي عقااب بس مو هيج الا افراكج الله يخليج

جانت أول مرة الي اشوف المعتز باالله هيج بكل عمرة !!
رحت وكومتة من الأرض واني احجي وياه وامسح بأدموعة ..

علي الباقر :: كاافي عزوز الما يقدرك لا تقدرة كووم لا تبجي يابعد اخوك ما تسوة والله ما تسووة امسح ادموعك زلمة أنتَ ..

هنا طب ابوي عبد الحسن علينة وطب وياه جدي عيسى ..وأردف وي المعتز باالله

عبد الحسن :: كل عمرك متعود تاخذ كلشي الك ما تعودت احد يكلك لا بس هسة اسمعها واقبلها خلص وهج الطف هسة اتزوجت وراحت أنتَ سيد وتعرف شني حكم المرة المتزوجة حرام تسوي هيج روح يلا وارجع لبيتك روح وأنتِ فاطمة اخذي وهج الطف واطلعي يلا ارجعن وصل المرتضى الأمير ..

اخذت عمي وهج الطف وطلعت وقبل لا تطلع الفاروق الاعظم حضن وهج وودعها
وكام عزوز ووكف كدام ابوي وهتف وياه ..

المعتز باالله :: سويتها وشفتني شلون مكسور جدامك بس اتذكر يا عبد الحسن أنتَ البلشت بيها وراح ارجعلك هذا الكسر كسرين وبأاقرب الناس الك واتذكرني زين وخليني على بالك انا من هي اللحضة مو المعتز باالله ابن الحسن المجتبى اناا اسد جريح اخذوا لبؤتة كدامة وخاف من الاسد مرةةةة ومن المجروح الف مرة ..

دفع ابوي وطلع ونحن طلعنا وياه ومجنت متخيل ابوي يوصل لهي الدرجة من دنائة النفس ضيع بنت اخوة حتى يكسر المعتز باالله ؟ لان يعرف هو اغلى واحد عندنا وكسرة يعني كسرنا

صعدت سيارتة المعتز باالله ومشى رجعنا للبيت وبقينا ننتضر بالباب لان ما شفنا سيارة المعتز باالله موجودة وضلينة ننتضرة ونحاول نتصل بي وماجان يرد

وبعد ساعة كاملة وكف ونزل منها وايدة جانت تجري دم مادري وين جان و شنو جان يسوي صرنا نسولف وياه وهو كأن ما يسمع احد دفع الباب ودخل وفتنا وراه

دخل وكعد بالهول واردف وياه البشير قيصر .

البشير قيصر :: حرام عليك تأذي نفسك هيچي وحرام بعد عليك تضل تفكر بأختي انا وياك السوتة غلط بس مابيدنا شيء هي مغسول عقلها من ورة عبد الحسن صبر روحك وصير اقوة من هيج ..

المعتز باالله :: شفت ابوي اجناززة كداامي شلتة ودفنت بيدي وما طاحت دمعة وحدة علية وما انكسرت لان انتم جنتم وياي بس
انا الي لزمت الدنيا وكلبتها وما اهتزيت بولا مرة ولا انكسرت من شيء
اخر شيء تجيني بنت الــ16 تنزل دمعتي وتكسرني .. انااااا المعتز باالله تكسرنييي خلك بنيةة ..

صار يلطم وجه ابعصبية واتجاهل واحد بينا يتدنى يمة لان نعرفة وحافضينة لهذا بقينة بمسافة بعيدة عنة وهتفت وياه ..

علي الباقر :: خلص انسى معتز الخلقها ما خلق غيرها ؟؟

كام من مكانة ونتر ابوجهي لاول مرة بحياتة ..

المعتز باالله :: ايييييي الخلقها ما خلق غيرها مااكو بحياتي بس هييي مااعندييي غيرها بس هية بهذا الدنياا كلها بالنسبة الي الخلقها ما خلق غيرهاا جنت اريدهاا اليي جنت رايدهاا والله اول ابنية اريدهاا واحبهاا وتالي شنوو صارر ولكم جف واحد غريب لاح التراجي مالتها من عمتت عينيييي من عمتتت عيينيي يااابويةةة اخذووهاا منييي يا بوويةة اخذوا عافية اوليدك وحيدك اخذوهاا ولك بويةة تعاال اخذتي وياك تعالل يا بوية تعال

بهذا الوقت نزلت العلوية وخالتي و الولد على صوت اصياح المعتز باالله

ام رحمة :: اصخاام الصخمنييي شمالة ابني ليش هيچي حالة ؟ ولك يمة معتز شجاك يابعد امك شبيك ؟

عافها المعتز باالله وانتجى على الحايط ووكع بالكاع يبجي ومخلي راسة ابين رجلية والبشير قيصر سولف الهم كلشي ..
بقت خالتي تباوع علية وراحت يمة حطت ايدها على راسة وهو مدنك يبجي واردفت وياه ...

ام رحمة :: والله لو جنت ادري بيك هيج ترديها ما جنت اترددت لحضة وحدة اروح واطلبها الك وازوجك اياها من جانت عندنا بس والله يا يمة ماجان قصدي ارفض بس جنت خايفة عليها اناا خايفة عليها منك ..

رفع راسة المعتز باالله ضحك وهو عيونة مغوركة بالدموع واردف وياها ..

المعتز باالله :: جان المفروض تخافين على ابنج منها يمة انااا ابنج اناا المفروض تفكرين بية بكد ما تفكرين بغيرييي ..

- خلص يمة والله الا اجيب الك بنت اكبرها واسمنها بس لا تضل هيج مسوي بروحك علمود ابنية يمة مايصير هي وأنتَ المعتز باالله ..

كام المعتز باالله وفلت ايد امة منة وباوع علينة وهتف ويانة وهو يضحك ..

المعتز باالله :: هذاا عبد الحسن شغلتة يكسر الي يكسر كلامة بلشها وي اختة هي اختة ما سلمت منةة وكسرها وجبرها تردون انا اسلم منة ؟ واجة لولدة كسرهم وهجولهم بالشوارع لان ما سوو اليريدة ونزل لعلي السجاد جبرة يتزوج وسحل اختي الفقيرة وياه اختكم الطفلة النايمة فوك الي ماتعرف روحها هسة مزوجة مطلكه الافندي هاجرها صالة شهرين وهي عمرها 19 من ورةة عبد الحسن
واجة لاريج وهسة هي وينهااا ؟؟ وهسة علية التفتت ولا على بالكم هي هية بعد ما يسوي شيء وعيونكم هسة يلتفتت لواحد بيكم لان بس فكرة وكفنا ابوجه ودافعنا لأريج الله راح تخلي يحطنا ويحركنا بلشها بية وانتضروا وشوفوا الحبل على الجرار ..

تركنا وصعد والبشير قيصر اخذ اخو وراحوا من البيت وانا كعدت وكعدت يمي امي وخالتي كدامي وهتفت ..

العلوية :: وهج الطف موافقة ؟

- هي هناا الطامة الكبرى وهج الطف ضدنا وي رجلج ..

ام رحمة :: خلص سدوا هذا الموضوع وسالفة وهج الطف ماريدها تنفتح كدام ابني اول مرة بحياتي اشوف ابني بهي الحالة ..

- انكسر كلبة بعدج ما شايفة شي .. الله يستر من الجاي راح اصعد لغرفتي انا ..

عفتهن كاعدات وصعدت دخلت للغرفة وصارت ابوجهي صورتي انا وطيبة الزهراء
واتذكرت كسرة المعتز باالله على وهج الطف وهو صالة بس سنة وياها جا شنو المفروض مني اسوي اذا اخذوج مني ؟ وانا الصالي انتضرج دهر ..

شمرت روحي على الفراش وادموع المعتز باالله وصوت صرخاتة جانت ترن براسي وهج الطف شلون راح تنام هي الليلة ؟

بيا كلب راح تخلي راسها وتنام انا اخوة ماجي اكدر اتخطى كسرتة وانكسرت وياه شلون هي ما نكسرت هيج ؟؟

الله يساعد كلبك يا معتز ويعوضك بالاحسن اعرف الجرح ما ينسي بس ادعيلك بلكي الله تنساه ...

______________________★______________________

""""""" أريـــج الله """""""

طلبني حَيرام اروح وأشوفة على البحيرة من بعد خالتة اتهجمت علية بغرفتي ورادت تذبحني لوو ما الله سترني وهو لحك علية سحبها بعيد عني ..

جنت احسب ايامي الاخيرة هناا لازم اشرد مابية ابقى بهي القرية اكثر من هيج الاوضاع وياي بدت تسوء بوجود غيرة

لمن وصلت البحيرة لكيت حَيرام " داسِم " واكف منطي وجه للبحيرة وكفت بظهرة وهتفت وياه ..

اريج الله :: شنو تريد طلبتني ؟ عاجبك تكمل الما كملتة خالتك ؟

التفتت الي ونضرني وضحك وطلعلي انيابة الي يخرعني بكل مرة ما يكعد راحة مصاص الدماء طلع ايدة من جيبة وهتف وياي ..

داسِم :: مدي الي ايدج وافتحيها ..

- ليش ؟

- سوويي الكتلج علية يلاا مدي ايدج وافتحيها الي

سويت اليريدة مديت ايدي لكدام وفتحت جفي هو خلا ايدة فوك ايدي بس بعيد عني يعني ما خلاها تتلامس وي ايدي وفتح ايدة وطيح من ايدة حلقة لأيدي

وخر ايدة واني غلقت جفي ورجعت فتحتة شفت الحلقة وهتفت وياه ..

اريج الله :: شنوو هذاا ؟

- هذاا هوو الحل لكل مصايبج

- محبسس الحل لكل مصايبي ؟

- اريج لا تتغابين وياي شغلي عقلج شوي ..

- شنيي ؟

- نتزوج وتصيرين تحت حمايتي بالكامل لان زوجتي واكدر اتحرك وياج براحة نروح للمكان الأنتِ تردينة وحتى اذا تردين نرجع لمحافضتج ومحد يحجي وياج

- هههههههههه أنتَ صدددك طلع راكبك جني ما تروح عني ؟

- ليش ؟

- أنتَ وووينن انا ووينن حتى نتزوج صدك تحجي لو جي تفرها على عقلي ؟

- ترى صدك جي احجي اريج الله انت ما تكدرين تعيشين وي خالتي هنا اذا ما جنتي مرتي ماتكدر توصل الج ..

- لك بابااا انا ماراح ابقى هنا اصلاً طالعة طركاعة توكع عليكم من قرية

- اريج اسمعي ماعندج مكان ترحين الة انا الحل الوحيد كدامج وراح احل كل هي سالفتج ثقي بية ..

ردت اروح بس اتذكرت كلام مماس اذا بيدي الحل لعلاج داسِم ليش امنعة ليش ما اخلي يرجع لوضعة ليش اخلي هي غيرة هيج متسلطة قتلت وسحرت التريدة وضلمتهم ما ترهم ..

مماس هواي ساعدتني وانطتني الحماية والامان والحب الجان المفروض اخذة من اقرب صديقة الي بس غدرتني ماراح اغدر بيها واصير مثل ذيج

ماراح اخلي ادموع مماس الوكعن وهي تحجيلي عن حياتهم قبل هيج يروحن راح ارجع كلشي الهم ..

رجعت انضر لــداسِم وهتفت وياه واني ألبس الحلقة

اريج الله :: اصير مرتك ونرجع حَيرام ونرجع منسة ونذبح كل ذكر لداسِم ومانرحم اي شخص ضلمنا ..

داسِم :: زين ؟

- بس بشرررطط ..

- الي هوو ؟

- ..............

______________________★______________________

- ‏يا لها من حياة ، هذه التي لا ينتمي المرء فيها لأيّ شيء .
َ

يــــتبــــع ......