احفاد السيد : الثار ( بأجزائها الإثنين ) الفصل السادس وخمسون 56 - بقلم ​رُقَيَّةُ الْأَكْبَرُ

بسم الله الرحمٰن الرحيم
اللهم صّلِ على محمد وعلى ال بيت محمد

﴿الباقيات الصالحيات ﴾
الحمدالله
سُبحان الله
الله اكبر
لا اله الا الله
لا حول ولا قوة الا بالله
حسبي الله ونعم الوكيل

الکَـــاتـبة ﴿ رُقــيّــة الأكـــبِـــر ﴾

بقلمي روايــة ﴿ ضـحـايـا الـثـأر ﴾
➖ المعروفة بأسم ﴿ أحـفـاد السـيد : الـثـأر ﴾

✨ التَـــعـِب عليــنـا والتــفاعــل عليـــكم ✨

______________________★______________________

_ لمُتابعة حساب الكاتبة _

انستكرام || o.oll13

تيك توك || oo_ll13

قناتُنا تلكرام || oo_ii13

واتباد || oo_ll13

______________________★______________________

- ‏إعلم مهما وصل بك الألم والأحباط وفقدت روعة الحياة،
لاتنكسر ستجتاز هذهِ الحياة مادمتَ لم تفقد الله،
مادمتَ مع الله فاختر الرّضا ترضى بالحياة.

______________________★______________________

"""""" رحمـــة الزهراء """"""

رحت وكعدت يم زُبير لمن جان متربع على الجرباية وكدامة فارش الأوراق وجي يدرس قضية جديدة

زحت الأوراق وكعدت هتفت وياه

زُبـيـر :: هيي ليشش هيچ سويتيي لچ لااا !

رحمة الزهراء :: ممكن تنطيني خمس دقائق من وقتك الثمين ؟

‏- زين يلا شتردين ؟

- تكدر تاخذني هسة لهلي ؟

- شعدهم

- يعني لازم تصير عدهم مصيبة حتى أروح زُبير ترى من صفر انا لا رايحة ولا مخليني اوصل خااف نااسي اذكرك ..

- لا ما نااسي بس چي تتواصلين وياهم وتتصلين

- لا تجيب التواصل للشوف شسالفتك زُبير

- رحمة الساعة 6 اذا اخذج هسة شوكت ارجعج عوفيها للصبح وتدللين

- اخذني هسة ابات هناك

- مااسمعت ؟؟

- زُبير راح ابات هناك تجي باجر العصر تأخذني

- ما ترحين

- مو بكيففك زُبير

- شنوو تأمريني ؟

- زُبير صالي بــلــ شهرين مشايفتهم ولا فاتحة حلگي وياك ولا شيء مو حقك لمن هسة اطلبك ليلة وحدة ابات عدهم ترفض

- لان حضرة جنابج ما تدرين شيصير بية اذا كضت ليلة وحدة بدونچ

- زُبير لا تردني مثل ما انا مصبرة روحي أبدون اهلي كلهذهِ المدة أنتَ اتحمل بدوني بس هي الليلة امي اتصلت تكلي اكو سالفة لازم كلنا نسمعها اليوم بليل وبنفس الوقت تريدني احجي وي عزوز لان من أمس ما طالع من غرفتة بعد ما تزوجت وَهج الطف بنت عمي

بقى يباوعلي ولمن سكتت شمر القلم من أيدة حطة على الاوراق وهتف وياي بسؤال

زُبـيـر :: هسة هي بنت عمچ شكد عمرها ؟

- هي يمكن من عمر تحريري الله يرحمة مواليد 2003

- صدك تحجين ؟

- اي والله

- ياهم اخوانها ؟

- الفاروق الأعظم و البشير قيصر

- ويعني عندهم عاادي اختهم تتزوج بهذا العمر ؟

- چا شنو بيهاا ؟

رفع حاجبة ونتر ابوجهي

- رحمة عمرها 16 سنة شني تتزوج ؟ شني تصير مسؤولة عن بيت

- هية تريد هيچ اذا اخوتها ماكدروا يفرضون رئيهم عليها نحن ندخل ؟

- شني ماكدروا صدك يحجوون ولد عمچ ؟ الزم البنت واكسر ظهرها مادام السالفة بيها مصلحتها افرض وازعلها ولا اخليها تتورط هييچ

- هسة ما فهمت واذا تزوجت بهذا العمر لا أول وحدة ولا آخر وحدة يتزوجن بعمر 16

- ادريي وين عايشين بعصر الجاهلية زوج بنتك واخلص منهاا ؟ ترى البنية بعدهيي طفلةة طفلةة هي شني الــ وإذا ؟
يعني انا من شوكت احبچ وجنت على نار منتضرچ تكبرين وصار عمرچ 22 واني اكول طفلة بعدهي وماراح تكدر تتفاهم وياي من نتزوج وهسة هي 16 سنة شلون راح تتدارك المشاكل الراح تصير الهم ؟ شلون راح تتعايش وي الاوضاع ؟ زين بلة زوجهاا شكد عمرة ؟

- امي كالتلي عمرة 20 او 21 هيچ شيء

- أستلم ياالله زرزور كفل عصفور

- زُبيررر ما علينة بيهم هي تريدة هي تتحمل الي لازم افكر بي هسةة هو بس اخوي ماكوو غيرة مهم

- وهسة عود صدك تردين اخذج وتباتين هناك ؟

- يووو زُبير بدااعتي حلفتك بداعتي

- هفف سلمت أمري لله كوومي بدلي

- صددك والله ؟

- ضلچ ساعة تنگين فوك راسي وهسة تكليلي صدك ؟

- ايي ما متوقعة ما توافق شمدريني

- تردين أرفض هسة ؟

- لااا بشرفك

- يلا كومي بسرعة غيري وخلي أوصلچ

- بعد عيوني حكووم أبدل چا

تركت زُبير ورحت أخذت ملابس ودخلت للحمام غيرت وطلعت وكفت على المراية وملابسي جانوا شوي ضيگات لان حلبس عباية

وجانت بطني بارزة خلص صرت بشهر الثالث من الحمل بدت تكبر وانا مااعرف شلون اصارح أهلي و زُبيــر بهذا الموضوع

درت وجهي لزبـيـر وأردفت وياه

- يلا شوكت تكوم تغير ملابسك خلصت انا ترى ؟

- ماعندي شيء قميص و بنطرون واطلعلج قابل مثلج احتاج ثلث ساعات

- هي خلصت انا

- ألبسي صاية فوك هذني ملابسچ ياالله تلبسين العباية فوكهن

- ليش ؟؟

- احسن اذا انطبگت عباتچ على جسمج مايبين شيء عكس هسة تفاصيل جسمج راح تبان ماريد هذا الشيء

- تمام

- هي شنو علويتيي ؟؟

- شنوو ؟

- اشوفچ سمنانة ؟

- اهااا اييي صحح انا هم حاسة على نفسي زايد وزني لان صايرة أكل ونوم كلشي ماكو قابل نفس قبل شغل وركض بالمستشفى ومسحوبة عافيتي

- اييي هيچ احسن وانا اريدج تسمنين

- ايي يلاا هسة عوفك من كرشي وكووم غير ملابسك انا كملت باقي بس حجابي البسة الكيك جاهز

- كمتت كمتت مستعجلة على أفراگي

- هي بس كم ساعة وارجعلك !

- كم قرن يصيرون على كلبي مو كم ساعة والخليفة عليي

- زُبيرر روح بدلل روحح هههه

راح زُبير يغير اهدومة وانا كملت حطيت شوي مكياج ولبست الصاية وطلع زُبير وكف وراي وانــا كاعدة على الكرسي أخذ المشط من الطبلة و مشط شعرة ومسح وجهة بأيدة واردف وياي

زُبيـــر :: سبيتي راسي كوم كوم وهي كملت وأنتِ بعدچ محتارة تخلين هذا وذاك

رحمة الزهراء :: خلصت ماعندي شيء ضل بس الحذاء

- يا حذاء تلبسين ؟

- مدريي أي وحدة بس افلات اريدهاا

اندار زُبير وطلع من الغرفة كملت كلشي انا كمت على حيلي

ودخل حبيب روحي للغرفة شايل حذائي مختار السودة خلها بالكاع ولبستها انا
دنك هو وربط القيطان

ولبست عباتي والنقاب وطلعت وكفت بالباب على ماهو راح طلع السيارة ووكف كدامي صعدت وياه بالصدر ومشينة

ونحن بالطريق سمعت تلفوني يرن .. طلعتة من الجنطة ولكيت صديقتي الدكتورة جمال تتصل علية ..

رحمة الزهراء :: الوو

جمال :: هاا رحمتي وينج ؟

- رايحة لبست اهلي حبيبتي ليش تسألين محتاجة شيء ؟

- شنو ولج طاگج زهايمر مبكر ؟

- لا ما طاگني شيء بس يمكن راح عن بالي شنو ذكريني

- ولج غير اليووم موعدناا للفحص مالتچ يمي ؟

- يووو جيجي لا تلحين بالموضوع كتلج ما يحتاج والله

- رحمة ماكو كللام بهذا الموضوع أنتِ حامل وانا دكتورتچ تجين افحصج واطمئن عليج الشغلة مو بكيفج بابةة

- زين يا دكتورة جمال انا هسة بطريقي لهلي من افرغ اتصل عليچ

- رحمة الزهراء اتعامل وياچ کـَ مريضة مو کـَ صديقتي الصبح أنتِ يمي لا تخليني اتصل على الوالدة وابلغها

- لاا خلص كتلچ من افرغ احجي وياج يلا مع السلامة هسة

سديت التلفون ورجعتة للجنطة ود علية زُبير

- اييي ياالله

زُبيــر :: منوو المتصل عليچ

- صديقتي الدكتورة جمال عمر الدين

- مو على أساس صديقتج فقط الدكتورة مريم اياد ؟

- الدكتورة مريم صديقة مستشفى بس الدكتورة جمال من المتوسطة انا وياها وقدمنة اعدادية سوة وطلعنا نفس المعدل رحنا نفس التخصص والجامعة واتعينة سوة نفس المستشفى

- اهاااا زين شلون ضبطت وياكم تتعيننون بنفس المكان ؟

- امم تكدر تكوولل واسطة ههههههه

- شلون يعني ؟

- باع مدير المستشفى الي انداوم بيها هو عمر الدين فوزي يصير أبو جمال صديقتي لهذا نحن جان عدنا ضمان التعيين لهذا درسنا وتعبنا حتى نتخرج التعيين مضمون ما خفنا من شيء

- اهااا هناا الحجيي هلكوول يمكن تضبط وياكم نفس الاعداديه ونفس الجامعة بس التعين مو ضابط

- لا عيني نحن نختلف هههههه

- شوفيي رحمتـي راح اوصلج هسة لهلج تعتبين بيتهم ما تطلعين منة إلا انا اخذج خوش ؟

- لا توصيني ما اطلع من غير علمك

- ما اوصيج كلت اذكرج خاااف برااسج سسالفة منا منا وناسية كلامي وياج

- لاتخاف ما انسى كلامك

- هم زين

- صدك زبير اسألك البارحة فكرت بهي السالفة

- أسالي

- أنتَ كلتلي أهلك بالسجن ؟

- اييي

- شوكت يطلعون ؟

- ما يطلعون

- شكد حكمهم ؟

- حبيبتي ما اوصيچ بعد اكثر بالج لنفسچ ونامي على وقت وانا باجر ورة الضهر اكسر واجبي واجي اخذج

- ليش عود غيرت الموضوع ؟

- هي راح نوصل وراح تعوفيني والله مادري شلون راح انام بدونچ يابعد روحي

- تمامم زبير لا تجاوبني راح انزل

- بالج لنفسي الماخذتها وياج

- أنتَ هم دير بالك على روحك

- أنتِ روحيي

سديت الباب السيارة وفتت للبيت ودخلت للهول واستقبلتني أم البنين

ام البنين :: هلا ومسهلا نورت الدار بشيخة العلويات والله

- هههه هلا بيچ الدار منورة بوجودج من الأصل

- تعي استريحي اجيبلج ماي

- لا يختي ماريد شيء أمي وينها خالتي وين ؟

- فوك كاعدات يمكن مايدرون بيچ راح تجين !

- شلون مايدرون غير امي اتصلت علية وطلبتني اجي

- ايي كاعدة فوك تردين يسوولج عراضة لدخوليتج هسة انده‍ الهن وينزللچ

- اهاا ايي عمييي على راحتهن الخوانم

- جاا عمة ليش طلبتج شتريد صاير شيء لو علمود موضوع عزوز ؟

- بنانة خية أنتِ العايشة وياهم بالبيت لازم انا اسألج مو أنتِ

- ههههه وحك ربچ منثبرة بغرفتي وما ادخل البيت مجي يصفى والاوضاع متوترة وانا اهم ماعلية نفسيتي ماريد اكتئب وهي الخاتون هم هي واطفالها وما تطلع من الغرفة بس وقت الاكل

- يمة وحاسدين خالتي عدها چنتين خلي يجون يشوفون الچناين

- هههههه هي مدللتنا شنسويلها نكللها لا عليچ الله خلينا نشتغل

- زين عزوز وينة شلونة ؟

- ياااا لا تسولفين بي ولچ والعباس يا أمس انچعص كلبي علية ياالله تكولين هذا موش اخوي الاعرفة ابد مو المعتز باالله عبالك عندة ميت يلطم ويبجي مثل النسوان
لج بفاتحة ابوج اذكر ما سوة هيچ ولا شفت دمعة بعينة بس فات مغندب وشال التابوت وطلع اتوكل بس أمس والصار ما يتسوللف ..

- هو هذا اليحب هيچ يصير بي تتبهذل احوالة

- چا خيتي موش هيچ زلمة اهووو

- ترى ابد مالها دخل زلمة مو زلمة هي مشاعر جنتوا تشوفون المعتز باالله القوي الما يهتز لان ماجان عندة شيء بس هسة عندة نقطة ضعف صارت أسمها وَهج الطف ولازم كلنا نوكف وياة ونساعدة حتى يتخطى !

- الله يجبر بخاطرة ويجبر كسرة عَوض جميل

- هو بغرفتة ؟

- اييي

- خوش صاعدة اشوفة علما تكولين لأمي وخالتي انا أجيت

- تمام ياحبيبي

تركت أم البنين وصعدت فوك وكفت كدام باب غرفة ألمعتز باالله وضربت على الباب وماسمعت صوت وأردفت وانا اضرب مرة ثانية

- أعزوز أفتح الباب انا رحمة !
خليني أحجي وياك كلمتين بسس أعزوز كلبي افتحلي
ياروح اخيتك جي تسمعني عززيزز !!!؟؟ بيك شيء نايمم عزووزز ؟؟ ولك معتز راح ازعل والحُسين وامشي
انا اجيت لخاطرك اريد احجي وياك صدك تحجي توكفني هيچ على الباب وانا اختك الجبيرة ؟ من يمتا تقبلها على روحك هااا اختك هيچ توكف وما يفتح الها الباب كلبك نساك أنتَ منوو وشنووو تربيتك ؟
مُعتز ؟ تماامم رايحة اناا

لمن درت وجهي وابتعدت حتى اروح سمعت صوت المفتاح مال الباب انتضر شوي وشفتة فتح الباب بس ما طلع

رحت انا دفعت الباب ودخلت لكيتة راجع وكاعد على الكاع منطي وجه للحايط ومنتجي على الجرباية ومخلي راسة ابين رجلية

كعدت يمة وربتت على كتــفة وهـتـفـت ويــاة

- ليش هيج مسوي بروحك يا روحي ؟

المعتز باالله :: كسروني كسروونيي

- ماعاش ولا انخلق الي يكسرك وأنتَ ابن الحسن المجتبى

- كسروا كلبي استضعفوني

- محد كسر كلبك ومحد استضعفك عزوز أنتَ بأيدك كسرت روحك وأنتَ بأيدك خلقت نقطة ضعف لنفسك محد جبرك على شيء ولا واحد ضغط عليك لازم تسوي هيج وهيج كلشي من اختيارك جان !

- هي جاي ادفع ثمن هذا الإختيار

- عزوز

- رحمة وحگ سبــي زينب مابية احجي ولا أريد أسمع شيء من احد اطمنتـي علية انا بخير خلص روحي اكعدي وياهم جوة مشتاقيلچ هواي

- لا ما اطمنت ولا راح اطمئن عزوز مو رحمة الي يطمئن كلبها من تشوف اخووهاا السيد ألمعتز باالله هيج وضعة !
راح ارتااح من أشوفك واكف كدام شكو واحد أذاك وتطفي شمعة شبابة

- هم طفوا شمعة شبابي ومو بس طفوها اخذوها من بين أدية

- عزوز موش بس وهج الطف بالكون الخلقها خلق اربعين شبيهَ الها وخلق الاحلا منها والإحسن منها مو يمها وخلص انگطع الاوكسجن ريض علينة وعلى نفسك شوي

- اسالج سؤال هسة وتجاوبني بصراحة بدون شيء

- اكيد كول شنو ؟

- لو هسة زاجل يتزوج عليج ويجيب مرة ثانية تشاركج البيت و كلشي وحتى بي راح تشاركج تقبلين ؟

- شأقبل ؟ اذبحة هوو والساحلها وياه

- ليش هم كولي الخلق زُبير خلق اربعين يشبهونة وهم خلق الأحسن منة والاحلا اذا تردين تمشين على الجمال اطلگي و عيشي حياتج ليش تذبحينة ؟

- فهمتتت قصدك . بااع معتز ادري مو سهلة عليك والله وادري كلامنا يطلع سهل لان ما حاطين نفسنا بوضعك هذا بس خلي ناخذها بالعين والعقل وهسة هذا كلبك خلي نشيلة بس هي الساعتين ونشمرة بالممر ونسد الباب ونسولف انا وياك رحمة الزهراء و المعتز باالله والعقول هااا

- خوش شنو ؟

- باع لنفترض افتراض الي عقد أمس على وَهج الطف أنتَ موش واحد غريب وعمي عبد الحسن جاان بنصص العقد فرحان الكم ويبارك تخيل حلو بس
تعرف ناتــچ هذا تصرفك شنو ؟ تعرف أنتَ بنيت حياتك على اساس منو ؟

- لا بنية احبها واخذتها شنو الناتج يعني ؟

- ناتچ تصرفك يعني أنتَ وي عبد الحسن ضد أختك اريج الله ناتچ زواجك لو صاير جان ايدك صارت بأيد الي امس بيها القامة وهناااا تفتر تدور راس العلوية !
أنتَ بهي الحالة ماتكدر توكف بوجه عبد الحسن ولا تكدر تكلة يابة على عينك حاجب لان منطيك مرة ومفضل عليك يعني بنيت اساس حياتك على حياة اختك
عادي اشوف كسرك هذاا قوة الك باجر ابجي يلا انا اكلك ابجي هسة بيك ما بيك بس خليك تبجي هنااا لا تطلع وتبجي كدامهم لا تبين لأحد ضعفك وكسرك
باع دوم ردد هي الآية مادامك لهسة تحس بالضعف بيك مابيك
كول ﴿ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِين ﴾
وتريد الصدك أنتَ هسة عندك فرصة كلش جبيرة توكف بوجه عبد الحسن

- ماريد اوكف بوجه احد ولا اريد شيء

- لااا معتز لا تضعف هيچ انسى هو عمك مثل مجاي يتصرف وي اولادة وويانة بهي القسوة أنتَ هم طلع الوحش البداخلك يااخي طلعةة كاافي نايم أنتَ الوحيد العندك الفرصة الجبيرة تكسر عبد الحسن وتغثة بكل تصرف تسوي هذول السادة الجوة كاموا لو كعدوا يبقون اولاد عبد الحسن مابيهم يرفعون عينهم بعين ابوهم ولا يكولون الة أفاً مخافة من الله مو منة
بس أنتَ لاا كسرك اكسرة هوو ماكدر عليك لهذا استغل النقطة الجانت ضاهرة بيك وضربك بيها الي هي وهج الطف وهسة وهج اتزوجت ورحت في حال سبيلها ماعندة عبد الحسن شيء يأذيك بي
بس أنتَ عندك هووواي هوواي اشياء

- مثلاً ؟

- مثلاً علي الكاظم و علي الصادق مثلاً أريج الله مثلاً شغل المعمل مثلاً ما تكلة حاضر بأي شيء مثلاً تكسر كلمتة مثلاً تطلعون من هذا البيت وتعيشون لوحدكم ببيت انتم تشتونة وعوفوا بيتة الة يتهنى بي
انطيك نقطة عن عبد الحسن حتى تعرف تتصرف وياه عبد الحسن ماشي على مبدأ يريد الكل تحت اجناحة وحكمة ولهذا هو صار قاسي اشياء هو يشوفها صحيحة بس هي النا غلط وماتكدر تكلة غلط راح يحسبك كاسر كلمتة و سابة هم وهو جي يسوي كلهذا بس علمود يبقى فارض سيطرتة علينا يريد يبقى هو الحاكم الأول والأخير مايريدنا ننكبر ويصير النا قراراتنا و حياتنا
لهذا اذا تريد تكسر عبد الحسن وتاخذ حقك منة وتشفي كلبك كص اجناحة واكسر سيطرتة راح يتخبل وراح تشوفة شلون متسودن كدامك وما يسويلك شيء واشبع ضحك علية ههههههه

- أنتِ اخر وحدة جنت متوقع أسمع منها هذا الكلام ضد عبد الحسن

- راح تسمع وتسمع اليصير ضد اختي أصير طنطل ابوجه لو جان ابوي بيك معتز اريد اطلع كلشي سواه بأريج من عيونة شلون ضلمها وشلون ما سمعها لك حتى ما انطاها فرصة تحجي ولا حرف !

- وعيونج راح يندم ويندم بس انطينـي ساعات بس

- سااعاات ؟

- اييي سااعاات الساعة هسة ب 6 المغرب الج للــ 6 الصبح وراح تشوفين شنو الراح يصير شوكت يجيچ هذا زاچل ياخذج ؟.

- أسمة زُبير هههههه يجيني بعد الضهر باجر

- تلحكين تشوفين الأكشن

- راح اجهزلة الكرززااتت من هسة

- جهززي

اخذ المعتز باالله وحضني حيل شبكتة وخليت ايدي على راسة من وره وبستة بدماغة هههههه بالمكان الي يصير أبن أذانة و حاجبة .

وابتعدت عنة خليت ايدي على خدة وانا أتأمل ضحكتة أردفت وياه

- ايي هيچ من البداية وخلينا نشوف هذني السنوون بس مسويلهم تبيض على الخالي بلاش طلع الفلوس

- هههههههههه بعد ما تشوفون بس ضحكتـي

- ايد الله وايدك جا احنا شنريد غير هذا ..

- وهذا الراح يصير .

- راح انزل لجوة بس اخاف اعوفك لوحدك لاترجع تطگگ گابة !

- هههه لا تخافين مابية شيء راح افوت اسبح و اطلع

- تمام حبيبي نشف شعرك حييلل لان الجو صاار بارد كلش لا تتمرض

- لا تخافين اهتم بنفسي كلش زين وماعندي هسة غير نفسي وانتم

- حبيبي روح اخيتك

تركت المعتز باالله ونزلت لجوة كعدت وي خالتي و أم البنين وامي و طيبة الزهراء
وعلى سوالف وضحك سوالف وضحك چزت الساعة

ونزل النا المعتز باالله بآخر اناقتـة ورجعع اخووي الاعرفة سلم علينة وطلع
ورجعنا للمسامر بعد الفصلة الصارت النا وبعد ما طلع ألمعتز باالله يمكن بِـ نص ساعة فات علي الباقر وصعد لغرفتــة گبل .

________________________★________________________

"""""" طَـيــبـة الزهراء """"""

لمن شفت علي الباقر صاعد لفوك سبحت نفسي شوي شوي من الجمعة وصعدت لفوك دخلت علية للغرفة لكيتة جي يدور على شيء ومعصب

هتفت وياه ..

طيبة الزهراء :: كُلــش اسفة ماجنت أقصد اضوجك حيل وازودها بموضوع رههف

- لحيتي بي يعني انا مسولف الج كلشي قبل ومفهمج ترجعين تحجين وياي وكأن ماتعرفين شيء تسألين أسئلة أنتِ من البداية عندج جوابهن وتسوين روحج ما تعرفي ولا انصدمتي من شفتيهاا وعشتي الجووو وصرتي تكولين انا مستغلج وانا اضحك عليج طيبة هذاا الحجي الييي انااا ؟؟؟؟

- عليي والله العظيم ماجاي اعرف شنو اليصير إلي بالموضوع اذا يخصك ايي اعترف طوختها بالسالفة بس حقي وارجع هسة بهي اللحضة اذا شفت رههف واكفة يمك راح انصدم وراح ارجع واكلك منوو هي ؟واسالك نفس الاسئلة لان انا ماريد اصدك علي احس عقلي راح يوكف من كد التفكير أنتَ اتزوجتهااا تعرف شنو يعني هيي صار اسمها بهويتك ؟

- ماصار اسمها بهويتي يابنت النااس افهمييي بس سيد ابيناتنا مو محكمة ودنياا حتى يصير اسمها بهويتي

- يعني ما انكتب اسمهاا بهويتك ؟

- من اعقد محكمة يحطون اسمها بهويتي شوفييي هي هويتي لهسة الحالة اعزب
اسم الزوجة فرااغ

ضحكت حيل من شفت هويتة ضربتة بيدي على صدرة وأردفت وياه بضحكة

- اييي من البداية وهيچ فهمنيي ان أنتَ بس عاقد عليها علمود اخوها ما انكتب اسمها بهويتك

- يعني هسة أنتِ سويتيلي هذا الفلم كلة بس لأن جنتي متخيلة أسمها بهويتي ؟

- اييي چاا شلووون عليي وحك اسمك اطك واموت كدامك لو طلع اسم رهف بگفة هويتك بس الحمدالله مادام بس سيد وهسة أنتَ طلگتها خلص يروحي
طااح الحطب

- الحطب الي احرگچ بيي كوون على الدكة الناقصة هسة خلص زعلچ ؟

- بس اذا شفتها مرة ثانية راح ارجعج واكرر عليك الاسئلة

- وزاريي عندي اناا لازم احفظ المكررات لخاطرج يا طفلتيي هااا ؟؟؟

- علييييي

- نحرة وصمام كلبة ونور حياتة وصمامة الرئويي وعيونة واعضائة والأوردة والشرايين ملاتة طولة وعمرة وقوتة وحيلة وسندة ومسندة وشمسة وقمرة وضلة وبيتة وآمنة ومأمنة يا كلة واتكائة وسكنة ومسكنة يا امانيه يا صباحة يا مسائة يا وتينة يا ضيائة يا أملة لعليي

سكتت ماعرفت شنو أرد على هذا كلامة ولان حسيت بالخجل لهذا غيرت الموضوع رفعت حاجبي وأردفت وياه

- اييي صددك على شنو كاعد تدوور ؟؟ اشوفك صعدت معصب

- لج يا معصب غير طيحتي ابو العصبية بصوت ضحكتج

- يعني مرتاح هسة ؟

- مو بأمس راحة بس طيحتي من تعبي شوية

- على شنو جنت تدور ؟

- اوراق تخص شغلي

- ادور وياك لو ميحتاج ؟

- عمت عيني اذا خليتج تدورين وتتعبين ما يحتاج بوية

- علييي

- شكلچ هسة ما ضلت كلمة ما سمعتها الج ؟

- هااا بطلت عندك شيء تكلي بي

- كوليي يلي محتلة تفكيرة لعلي

- لا علييي ماراح اتعب صدكني وهسة خليني اساعدك ادور وياك حتى تخلص بسرعة ومنها انا ماخليك تتعب بالتدوير

- الساعة هسة أبيش ؟

- بـِـ الـــ 7 إلا ربع

- هنااا الحجيي مساعدتج الي مو لله تردين تسختين !

- اسخت عن شنوو

- بعد ربع ساعة درسج اصعدي فوك وراجعي هسة اخلص تدوير اصعد وراج واسويلج أمتحان

- علييي بعد ربع ساعة كول ياالله الحگ هسة خليني اساعدك

- مامحتاج شيء روحي اقري

- بس عليي

- طيبات بوية دراستچ أهم كلشي ولا درستچ ما بقالج بس شهر وتداوميين بوية الله يرضى عليج روحي اقريي اريدج ادخلين وزاري وأنتِ مسيطرة ومعدلچ تكسرين بي الدنيا والبيها هموم الدنيا كلها مجتمعة علية بروح ابوچ فرحيني بنجاحج وخليني انسى التعب بشهادتچ

- هي هية يابعد روح طيبات

- زين يلا تاج راس السيد روحي اقري ربع ساعة انا يمچ بالغرفـة اسويلج امتحان

- تمام يراس كلبي

تركت علي الباقر وطلعت رحت لغرفتـي كعدت اقرأ واراجع أحياء
وكضت عشر دقايـق انفتح الباب رفعت راسي من الكتاب ونضرت للباب لكيت لينا فايتة علية

سديت الكتاب وبقيت اباوع الها هي دخلت وسدت الباب وراها وأردفت وياي بهدووء مخيف

ليـنا :: فارغة اكدر أحجي وياچ ؟

طيبة الزهراء :: فارغة مو فارغة أنتِ چفتي بعد تعي اكعدي سولفي شتردين

- اجيت اطلبج بشيء وهلمرة لا تردينـي

- كولــي

- باوعي هذا تلفوني اريدچ تحطين بي فايروس وتحرگينة الي وتخلي يحذف كل البيانات البـي ويروح كلشي

- ليـنا شبيچ هي الأيام ساعة تكليلي بعدي عني علي الباقر وهو عليي مو شايفچ أصلاً وساعة تكليلي هكري حسابات علي السجاد وهسة طالعتلي بسالفة تلفونچ لينا شتردين بضبط كليلي حتى ارتاح

- اريد ارتاااحح اريد انام وانا مرتاحة اريد راسسي يوكف ما يسولف طيبة أنتِ الوحيدة هنا انا جي اطلب منها المساعدة

- وشنو المطلوب مني أسويي ؟؟

- طيبة اريدج تساعديني ما اتحمل اكثر من هيج بعد والله

- اساعدچ بشنو لينا سولفيلي سالفتچ حتى اعرف شأسوي اعرف وين انطي وجهي مو هيچ چبح اجيتي الي هكري تلفوني هكري حسابات زوجي

- طيبة ماكدر اسولفلج التفاصيل بس انطيج الزبدة

- ووانا اريد الزبدة انطينياها واخلصي

- أسمعي اكو بنية هواي جي تضايقني هي وياي بالجامعة من عرفت بية ازوجت واسست بيت صارت تغار مني ليش ماعرف رغم هي ما ناقصها شيء

- زينن كمليي؟

- ايي وحطت راسها براسي وتعرفين بداية الجامعة لازم ولا بد تصير تعارف وهيچ لهذا هي جابت صوري وي زميل الي جنت مرتبطة بي وصارت تهددني بيهن انها راك تراويهن لعلي السجاد وانا لهذا ذاد اليوم كتلج هكري حساباتة وهسة اريدچ تهكرين جهازي كلة وخليني ارتاح

- ليـنا صدگيني منى عيني اساعدچ بس وروحة لابوية هي السوالف بطلتهن من زمان

- بس هلمرة ساعديني

- ليـنا والقران انا حالفة ما ارجع مااكدر أكسر حلفاني هسة

- شوفي ساعديني بهي السالفة وانا اسد سالفة سراب نهائي مستحيل بعد استضعفج بيها بس ساعديني بقضية التلفون هسة

- ليـنا افهميي ماااكدرر حلفت وقسم من بعد سالفة سراب مُستحيل احط ايدي بهيچ شيء واسوي

- الي افهمة ماراح تساعديني مو صح؟

انفتح باب غرفتي وانصرفت انضارنا للباب وفات علي الباقر كامت لينا على حيلها وهتفت وياي

ليـنا :: تمام طيبة الزهراء براحتج كلش

طيبة الزهراء :: الله ومحمد وعلي وياج

طلعت ليـنا وفات علي الباقر كعد كدامي بمكانها واخذ الكتاب من جوة ايدي واردف وياي وهو يباوع للباب ..

علي الباقر :: خير شعدهاا ليــنا ؟؟

- فارغة والله

- شنو الفراغ خيرها ؟ اول مرة اشوفها هيج مكسورة وغصة بصوتها

- مادري شنو سالفتها والله العظيم كل شوي جايتني بسالفة

- منو هي سراب وليش تهدد بيچ بسسالفتها ؟

انخطف كلبي من سمعت اسم سراب على اللسان علي الباقر
دنكت بدون ما اجاوب وضليت ساكتة واني العب بأضافيري

افترك علي الباقر للمكتبة سحل اوراق بند و اقلام ورجع عدل كعدت وصار يسويلي الاسئلة ورجع هتف وياي

- ماعندچ جواب يعني هلكد سؤالي صعب ؟

لا رفعت راسي ورديت علية ولا حطيت عيني بعينة بقيت منكسة راسي واجعص باصابعي رجع أردف وياي

- تحجين لو شلون ؟؟

- شأحجيي ؟؟

- طيباات سراب منوو وليش لينا تعرف بسالفتهاا

- مرة سمعتني وانا احجي وي صديقتي وفهمت الموضوع وصارت اذا تريد مني شيء تخوفني بسالفة سراب حتى ذاك اليوم من طلبت مني اوخرك عنها هم هددتني بسراب ورجعت تريد اهگر حسابات علي السجاد وهسة ...

- شنيي سالفة سراب هي ؟؟

- علي لا تذكرني وتفتح الموضوع

- لاا اذكرج ونفتح الموضوع من بدايتة وتسولفيلي بالتفاصيل المملة مثل ما تعودت عليچ يلاا من شوكت تضمين علية ؟

- علي انا مو تدري بية عندي خبرة سوالف بالتهكير و اختراق الاجهزة وسحب المراسلات و الصور !

- اييي

- قبل سنة من جنت بالثاني متوسط جي نداوم اجتني صديقتي وطلبت مني اهكر تلفون سراب واسحب صورها لان جانت متعاركة ويانة هي وحيل غاثتنا انااا الغبية عجبتني الفكرة ونفذتهاا وطلعت صور لسراب من عرس خوالها ومن الحفلات التصير عدهم بالبيت

- زين وبعديين !

- صديقتي نرجس أخذت الصور مني و صارت تهدد سراب بيهن بحساب ولد نحن بس جنا نريد نخوفها وصارت تكللها راح تكول لابوها ان هي علساس مرتبطة بي ودازة صورها

- زين ؟

- علييي مادري شنو صاار والله العظيم اني السويتة بس سحبت الصور وانطيتهن لنرجس

- طييبااات كملليييي

- اييي تاليي طلعت نرجس حيل متمادية ودازة صورها صدك لهلها ولمن ابوها ماخذ تلفونها وابسطها وحابسها ومنع اي واحد يفوت عليها ولا ينطيها شيي لان جان مفكر بنتة مو زينة وجان يريد يأدبهاا بطريقة قاسية هي ما متحملة وانتحرت

- انتحرت انتحرت مااتتت ..؟

- ماتتـ....

ما كعدرت أكمل انهاريت ابجي وحطيت وجهي ابين ايدية وصرت ابجي بصوت عالي لان صدك ماجنت اريد هيچ يصير جانت نيتي بس اخوف سراب ما جنت اريد نرجس هيج تسوي !

انا مالي علاقة بمووتهااا ماليي علاقة هي انتحرت هيي

بقيت ابجي وهو صافن يستوعب الكلام ألي سمعة وأردف وياي

علي الباقر :: كافي تبجين أسكتــي خليني اعرف احجي وياج

طيبة الزهراء :: علي والله ماججي تفارك بالي والله ماجي اكدر انساها ولا اتخطاها محملة روحي المسؤلية بس اكول انا مااليي علاقة جانت نيتي طفولية والله العظيم انا ماجنت بهذا الحقد علي والله ماردت اوصل السالفة لأهلها لأن هيي كلش لطيفة ومؤدبــة والله ما طلع منها بس انا جنت ضايجة منهاا ولعبت بعقليي نرجس لعبت بعقليي والله اني سحبت صورها حتى بس اخوفها ما جنت اريد اوصل السالفة لاهلها ولا جبتت طاري اهلها لان السالفة بيناتنا وانا اعرف تصرفات الأهل والله ماردت هيج يصير بيوم السمعنا انتحرت ووصل خبرها للمدرسة وفاتت المديرة تبلغنا بموت زمليتنا متت وياها بذاك اليوم طلعت من المدرسة اركض مخترعة ورجعت لبيتنا من الخوف ركضت لفوك صعدت لغرفة ابوي وبقيت نايمة بحضنة وانا ارجف وخايفة غمضت عيوني بس مااا نمتتت صرت اشوف صورتها بأجفاني عليي انا مالي علاقة صحح اناا مالي دخل نرجس هي سوت كلشي

- بس طيبة أنتِ بديتي بالسالفة يعني لو أنتِ ما ساحبة الصور ومكبرة عقلچ جان ماكدر نرجس تهدد البنت ولا تكدر تدز لهلها شيء ! السالفة كلها منج طيباات شكد حذرتج كتلج التهكير سالفتة قوية مو بيج أنتِ لج هو أصفاد ألحق الي مطكطك الدنيا جوة رجلة مررات يغلط لان التهكير هيچ كلة حرررام بحرراام مادامك جي تفتح جهاز غيرك وتاخذ معلوماتة هي اسمة تجسس بس اذا جانت النية تريدين تنقذين بنت مثلاً وتهكرين التلفون حتى تمسحين صورها راح يتغير الحكم بس بموضعج هذا روح سراب وذمتهاا بركبتج و ركبة نرجس ليوم الدين
انتم مو بس خليتوها تنتحر انتم ضلمتوها وخليتوا ابوها يعذبها السويتي بسراب هي الله طلعة بأريج الله وصار نفس ما سويتي أنتِ
دوم اكللكم اليصير ويانة نتيجة افعالنا ونحن ما منتبهين
طيباات
الله يعذر بكلشي الا العرض لا تندكين وتشوهين عرض وحدة
لان عند الله العرض بالعرض
وعرض سراب الدمرتي أنتِ ناتجة عرض اختي أريج الله

زاد عذابي بكلام علي الباقر هذا وصارت ادموعي تچري نهر ولأن علي ما يتحمل يشوفني هيج حب يغير الموضوع لان كلش انهاريت انا بالكوة جي اسوي نفسي متخطية واجتني هي السالفة علية !!!

علي الباقر :: خلص طيباتي كاافي هسة الصار صار وحسابج يم الله البيج والما بيج هسة تستغفرين وتندعين الله يغفر الج ويسامحج .

- والله جي الطم بكل صلاتي

- وضلي هيج السويتي موش هين روحح هيييي رووح

- الله ياخذني الله ياخذنييي

- وياخذني وياج موش بس أنتِ

- لااا اسم الله عليك

- چا شني ترحين لوحدچ ؟ شلي بدنيتي بدونج ؟ هو انا المصبرتني على هي المصايب هذني لمعة عيونج

- عليييي

- كااافي هسةة سويتلج هي الاسئلة يلاا جاوبيني واشوفچ مضبطة الفصل لاا يلا حبيبي جاوبي على كيفچ

- اممم تماام يكلبي

اخذت الكتاب من علي وكعدت اباوع للأسئلة و احل لان كلشي دارستة وحاضرة شرحة باليوتيوب ماجانت عندي أي صعوبة بي

اثناء ما اني احل بالورقــة طلع علي الباقر باكيت الچكاير من جيبة وطلع الچداحة وحط الگطف مال الجكارة بطرف شفايفة و ورثها

اخذ نفس منها واني سحبتها من حلكة و مردتها على الطبلة طفيتها

ضحك هو وأردف وياي ..

علي الباقر :: يعني كبرتي وبعدج ما مبطلة هي العادة مالتچ

طيبة الزهراء :: يا عادة ؟

- تسوين روحچ ما تذكرين ؟

- والله ما اتذكر شنو يا عادة هي

- هي لمن جنتي صغيرة وتشوفيني كاعد ادخن تجيني تاخذين الجكارة من حلكي تطفينها وتكعدين بحضني وجنت أضل ابوس بنحرج من كد ما جنت متعلق بيج وهسة كبرتي وبعدج تاخذين الجكارة من حلكي وتطفينها بس .....

- بس ماكدر اكعد بحضنك وتبوس نحري براحتك !

- ههههه هو أنتِ من بلغتي وصرتي تلبسين حجاب كدامي انا ابتعدت عنج

- جنت هواي متفاركني بصغري موو لان البوم صوري وانا طفلة عبارة عنكك حسرة علية صورة لوحدي

- هههههه جنتي ما تفاركين حضنييي ابد لهسة اتذكر من خالتي جانت حامل بيج اخر ايامها فا عمي جان يشتغل تجارة محافضات يطلع

- اييي

- بيوم ولادتــچ يوم الاثنين 6 / 2 جان عمي بالشغل وامچ طلگتت علينا اجتني امي جنت انا كاعد اقرأ للمتحانات وكلتلي خالتك اجتها الولادة
اخذت امي واجيت الكم اجلت الامتحان بذاك الوقت

- ايييي

- رحنا للمستشفى وأنتِ جنتي مستعجلة على الطلعة اول ما نزلنة امج من السيارة اخذوها للطوارئ وبعدها طلعوها لصالة الولادة وسمعنا صوتج جي من الغرفة وأنتِ تبجين نفسة الصوت الي زرف كلبي وخلا عيني ترتفع من الكاع وتروح بأتجاه الباب وجنت منتضر الباب ينفتح واشوفج ليش مادري حسيت روحي ملهوف عليچ لمن صار الوقت نفوت دخلنا وصرت اشوفج فا امي كالتلي تريد تشيلها
ماكلت باطل كتلها أيييي شالتج امي وخلتج بين ايدية وانا جنت ادرس حوزة وي جدي احمد فا خالتي كالتلي أذن الها وبارك الها بأسمها طيبة الزهراء من اختيار جدها أذنت الج وسميتچ ومن ذاك اليوم ما فاركتيني صرت اخذج اليوم كلة وادزج بس من تردين ترضعين وارجع اخذج وهيچ كضيتي طفولتج وياي بكلشي ممفاركتني

- اوو ياريتني اتذكر كل هي السوالف مدري شبيه ذاكرتي عطلات اتخيل ما اتذكر شييء بس من الثالث الابتدائي بسس منا وجي اتذكر بالثاني وبالاول وقبل لا اسجل ولا طكة ذكرى !

- المهم انا اتذكرهن حدث حدث

- هلكد تحبني ؟

- احس الاحبج بس للزعاطيط اني من زمان مستشهد بحبج

- چاا ليش مستشهد ؟

- لان الشهيد ما يموت لهذا انا مستشهد بحبچ وراح اضل هيچ لاخر يوم بعمري

- تنطيني وعد هسة كدامي وكدام الله ؟

- شنو ؟

- ما راح تحب غيري ابد بس انا واكطع

- لاا راح احب وحدة ثانية غيرج واحبها اكثر منج

- منوووو

- أنتِ راح تصيرين امهاا

- لا اذا بنتي عادي بس غريبة لاا اذبحك

- اذبحيني احلا ذبحة على ايدچ

- علييييي

- هههههه خلص جااوبي وخلي اشوفج

- خلصت

- شبسرعة ؟

- لأن قاريتة كلة هاك صحح

- اشوف الأجوبة ..

كعد يدقق باجاباتي وحط صح وعلامة كاملة رفعلي عينة وابتسم واردف

- عفية ببناتي الشاطرة هيج اريدج ترفعين راسي يروحي

- ان شاءالله يعافيتي ..

- زين دام هسة اختبرتج وسولفنة شوي رايح اسوي عشة تمام نحريي ؟

- هي هية

- تحبيني ؟

- اكثر مما تتصور

- اروح فدوة لعيونج الحلوة

عافني ونزل شمرت الاحياء على المكتبة ونمت على ظهري على الفراش فتحت تلفوني وصرت أكلب بالفيديوهاات ..
على ما يكمل العشى إلهي نفسييي

______________________★______________________

"""""" أريـــج الله """"""

اتصلت على اخوي وبعد ما رد علية وانطيتة خبر ان انا راح اتزوج سكت هو وما ردلي خبر رجعت انا وهتفت وياه

- الوو علي الباقر تسمعني وين رحت ؟

- هااا ويااج ويااج

- سولفت وياك سمعتني خويـة ؟

- أريج أنتِ وين .

- ماكدر أكلك انا وين بس تكدر تحضر أنتَ وإخواني العقد مالتي ماكدر اسوي بدونكم وهم تجيبلي هويتي .

- عقد شني ولج اتخبلتني انسلتني شمالچ ؟؟ ششسنيي تتزوجين وتتزوجين منوو اريج لا تنسين روحج بنت السيد احمد لا تخطين هي الخطوة علمود تشردين من الواقع مالتج نحن هنا جي يطيح حضناا علمود نثبت برائتج ونرجعج معززة مكرمة وأنتِ هناا تكليلي أريد ازوج حتى يطيح حضج اكثر اريج ارجعي لعقلج

- علي أنتَ اسمعني انا ميأوس مني ما اضل بعد تحت رحمة ابوي يحن وهو نايم براسة الشيخ محمد وجدي عيسى ولا انتضر هذيج البنت يصحى ضميرها وتجي تكللكم انا غدرت ببنتكم خلص خلينا نتقبل انا هيج صارت حياتي هي قسمتي ولازم اعيشة

- اريج الله بوية اسمعيني لج انا جي اسوي كل الاكدر علية حتى احصل صديقتج لو احصل ثغرة صغيرة تخليني ارجعج لا تكسرينا بهذا القرار !

- صدكني ماراح اكسركم عليي انتم ما قصرتوا وياي وفيتوا بكل معنى الاخوة
وانا ما اعتب عليكم ولا شيء لان ما طلع منكم المو زين دللتوني ومجرد هي ثقتكم بية ووكفتكم ابوجه ابوي لأجلي هي كلش كافي تخليني اكول الحمدالله الله رزقني بهيچ أفحلة تنشد بيهم الظهور بساعة الكسرة ولا تفكرني فرحانة بهذا القرار بس لان اشوفة الاحسن النا كلنا انا راح اصير زوجة جبير الديرة وهيج حتى ابوي اذا لكاني ماراح يكدر يحجي وياي لأن انا متزووجة ومالة حق ابوي بية

- ومنين هذا وشنوو هوة أريج الله ارجع واكلچ لا تخلين هي المصائب تنسيچ أنتِ منو وحفيدة منو باباتي

- عليي انا بمحافضــة ......... بالـــ المنطقة ..........

- ثواني بس قبل شهرين نحن وصلنا لهناا ودورنا عليچ بكل الارضي زما حصلنا منچ خبر ولا أثر ؟

- صحيح لان جنت فايتة الهم على أساس فاقدة الذاكرة لهذا يمكن مريت قريب مني وما عرفتني

- شوكت العقد مالتچ ؟

- بعد يومين واريدك تجي أنتَ وإخواني وجيب وياك هويتي فدوة لطولك

- ان شاءالله هويتچ بغرفتج مو ؟

- ايي اذا ملكيتها بغرفتي شوفهاا عند امي

- يصير خير

- راح ينتهي الشحن راح اروح خوية

- خووش باباتي بالچ لنفسچ خووش ينحري ؟

- وأنتَ هم دير بالك لنففسك ولامي وللكل مشتاقة الكم حيل بس لازم اروح هسة

- كلبي وروحي وياج يابعد اخوج الله حارسج والامام حاميج

سديت التلفون مِـن اتصال اخوي ورجعت ضميت التلفون ولبست وطلعت اتمشى بالقرية وصارت ابوجهي غــيرة حاولت اتجاهلها واروح كبل لمماس بس ماكدرت صاحتلي وكفت الها

غــيرة :: اوكفي

أريج الله :: نعم خير ؟

- شعندج تفرفرين منا ومنا

- جاي ادور على مماس

- مماس مندفسة بحجرتها روحي لها لا تضلين تمشين منا ومناا يلا

- ليش مضايقتچ وانا مادري ؟

- اييي مضايقتني اقمار اطلعي من راسي اشرف الج لا تخليني اخليج ببالي وادمرج ونفسي ما اخليچ صاحية

- يطلع بيدج تسوين هيج ؟

- تحبين نجرب ؟

- هههههههه هذيج حمامات وجربي بيهن لا تجربين يمي

ضحكت ابوجها وانداريت حتى اروح صاحتلي بصوت معصب حيل

غيرة :: أقماااار

أريج الله :: هلاا ؟

- هي احجايتين احطهن باذانج هسة واروح واذا ما مشيتي بيهن ونفسي راح ائذيچ وهواي هم فهمتيي

- وشنو بلة هذني الحجايتين ؟

- أشردي بنفسج

كالتلي الكلمتين ودارت وجها عني وراحت على بالها راح اخاف لو اهتز ؟
ههه هذاك الزمن خللص ولة وراح مال الخوف وماكدر هسة صرنا نشك الكاع ونطلع

وخليج وياي هيج ونشوف التالي منو يبقى هناا انا لو أنتِ يا غيرة يا أم السحورة والطبورة

رحت لبيت مماس دكيت الباب ودخلت الها سلمت عليها و كعت وجانت ملامح الفرحة مرسومة على وجها على الرغم أن هي ماتعرف انا وحَيرام نتواصل ولا تعرف راح نتزوج

لهذا استغربت الفرحة البيها هي من تباوعلي المهم ما انتضرتها هي تحجي كمت وانا بادرتها بالسؤال

أريج الله :: أمبين فرحانة ومرتاحة ؟

مماس :: كلشش كلششش والله حييل فرحانة والراحة مفولة عنديي

- ياالله فرحيني وياج شنوو بس لا حامل ؟؟

- يووو لا ولج ويني وين حااملل وبعدين بس هي السالفة تفرح ؟؟

- بوضعكم هذاا وعيشتكم هي اكيد ما يفرحكم شيء بس الزواج والحمل لو اكو شيء ثالث

- حتى لو بيها باب وجواب فا مستحيل اصير خبلة ومخبلة احبل واجيب وانا هناا بس اذا ماريد ابني

- چا اذا مو حامل شنو السالفة ؟

- ولج انا فرحانة لأن اليوم الصبح مر علية اخوي داسِم لأول مرة هيج يحجي وياي بهدوء وكعد وياي صار يسألني عنج شنو التسولفي الي وشنو الا وشنو تحبين وما تحبين وهيج اسوالف

- وهسة هي الفرحة كلها والراحة بس لان كعد وسالج عني ؟

- ولجج اقماااار اكلج اول مرة اخوي يكعد وياي هيج انا من عيونة عرفتة حَيرام حجة وياي اليوومم ولجج حَيررااام اخوووي ضحكككليي والله ضحكلي وحجة وياي

- وبعد وبعد راح ترجعون حتى وي مَنسة يسولف ويضحك وتعيشون

- والله مامنطية فرحتي لاحد

- ولا تنطيهاا أصلاً مماس أنتِ طلبتيني وما اتربيت ارد الي يطلبني واعدچ راح ارجعلج اخوج وانا كد وعدي

- تعييي ولج احضننججج هههههه

سحبتني حيل وشبكتني وصارت تبوس بية من فرحتها خطية بس اختاريت ما اكللها عن سالفة زواجي من اخوها مو وقتة هسة تعرف من يصير الوقت مناسب

ولمن ابتعدت عنها وصرت اضحك ابوجها سمعنا صوت زوجها ساتر جي من برة انا لفيت شالي وطلعت عيب مزاحمة الرجال ابيتة

مماس :: وين راح تروحين ؟

- مادري افتر شوي اشتم هوى وارجع للبيت

- تمام من افرغ امرلج

- على راحتج كلبي

- بالج على نفسج قمورة

- لا توصين

عفتها وطلعت وصرت امشي واني لازمة صايتي وانفض بيها من ورة التراب الي صار بذيالها على بالك جاية من الحبشة
وانا امشي استوقفني صوت من خلفي يكلي

- ممكن ثواني من وقتـچ ؟

انداريت بأتجاه الصوت ولكيت كدامي رجال طويل وامبين جبير جانت عندة لحية وشوارب نضرت بعيونة لثواني محدودة ونزلت راسي أردفت وياة

أريج الله :: اتفضل خوية محتاج شيء ؟

- امي تريد تشوفج

- تشوفني اناا ؟

- مو أنتِ اقمار دخيلة اخوي داسِم لو انا متوهم ؟

- اخوك ؟

- اقدملج نفسي انا متعب ال جميل اخو داسِم الكبير

- تشرفت بيك خوية وايي انا اقمار ما متوهم أنتَ

- زين اختي اقمار اتفضلي وياي لأمي

- داسِم موجود ؟

- لا ما موجود

- چا خلها لمن يجي داسِم واني اطلب منة يأخذني لأمك واجيكم

- ليش هسة تعي وياي أمي صرعت راسي تريد تشوفج ضلي ساعة ادور عليج

- اءء حتى لو انا ماراح اطير يجي داسِم واجيكم

- خايفة مننا ؟

- مو خوف بس خلي لمن يجي داسِم

- هي هية براحتچ راح اكول لأمي بليل يجوننا هي و داسِم

- اي هيج تمام ..

تركتة ورحت أمشي ودخلت لداخل القرية وطلع ابوجهي بيت اهل داسِم القديم رحت وفتت علية ولكيت واحد كاعد بي ومنطيني ضهرة خفتت حيل من المنضر وحسيت رجلية صارن خيوط

على بالي چنيي لوو شيء لحد ما انتبهت ان هذا ظهر داسِم اييي هذا شعرة من ورة
رحت يمة وكعدت شوي عنة واردف وياي بصدمة من شافني

داسِم :: شسوين هناا ؟؟

- مادري جنت أمشي ولكيت روحي هنا

- خاف اشتاقيتيلي وجنتي تدورين علية ؟

- ههههه شوية من ثقتك

- تدرين همزين اجيتي حيل محتاج احجي وياج

- شبيك ؟

- ماعرف ضايج حيل واحس روحي مخنوك

- اسم الله عليك اقرأ عليك قرآن يمكن ترتاح نفسيتك ؟

- لاا ماريد هسة شوي واصير زين

- اكو سبب خلاك تضوج وتختنك هيج ؟

- لاا كلشي مابية مساع هيج فجاة اختنكت حيل

- وهسة شلون ترتاح ؟

- باوعي بعيوني

- هاا هي راحتك ؟

- هههه باوعي هسة أنتِ

- بسسس سد حلكك لا تضحك وتطلعلي أسسنانك يلا اهاا شنووو

- مساع مو حجة وياج متعب حتى تروحين لأمي ليش رفضتي ؟

- منو كالك ؟

- ليش رفضتي ؟

- لأن خفت وأنتَ ماموجود وخالتك موجودة كلتلة من يجي داسِم اجي انا وياه الها

- بس يم اخوي متعب ماكو خوف

- انا يمك وخايفة صددك تحجي أنتَ ؟؟

- يعني ما تحسين بالامان يمي؟

- يا أمان هذا وانا مادري يا ساعة يطلع علية داسِم لحد الان الله ساترني بِ حَيرام

- ماراح يطلع عليج داسِم وحتى اذا طلع فاأنتِ أقوى منة بهوواي

- بنضرك هلشيء

- انا المتعايش وي داسِم ومادام كتلج أنتِ تكدرين علية معناها صحيح أنتِ تكدرين علية

- الله كريم اذا تزوجنا و طلع علية داسِم والله اسحلك بالكاع واشبعك دفررات بس هااا لا تزعل انا راح ادفر داسِم بس راح احاول اتعايش وي حَيرام

- التردينة تشبعين داسِم دفرات تحطيلة سم فأر وتسممي براحتج أنتِ وكلبج وشنو ينطيچ سوي

- اذا خليتها يم كلبي جا كلشي ماراح تشوف انا اشبع دفرات من داسِم

- بيدي يموت اذا مس شعرة منج

- زين دام لكيتك انا خلينا نروح هسة لأمك نشوف شنو محتاجة

- امشي يلا ...

راح كدامي داسِم وانا طلعت وراه مشيت بظهرة ولمن وصلنا للبيت فتح الباب ودخلنا انا وياه واستقبلنا اخوة متعب

ورحت دخلنا للغرفة لكيت امة نايمة متكدر تتحرك بس هي صاحية تكدر تشوف وتحجي شوي

لمن شافتني صارت تسوي حركات ابوجها كالي داسِم

- روحيي يمهاا اكعدي تريدج قريبة منها

- بس داسِم

- أميي هي روحيي

رحت وكعدت يمها بقت تباوع علية وخلت ايدها على رجلي لان متكدر ترفع ايدها وجرت نفس قوية ياالله كدرت تلفظ كلمة وحدة اسرفت منها طاقة كلش هواي

شمسة :: ششــ.. شـ... أأأ ...

اريج الله :: مجاي افهم شنو تريد تكول ؟

متعب :: تريد تكلچ شلونچ بس تحتاج وقت ياالله تجمع الاحرف بسبب السانها

نضرت الها وعيوني مغوركة ادموع حطيت ايدي فوك ايدها واردفت وياها

اريج الله :: انا بخير يمة أنتِ شلونج

شمسة :: بــ... بـنـــ... بــنـتــ..

داسِم :: خليها تحجي وياج لا تقاطعينهاا هيج شوي وتصير تحجي شوي طبيعي

اريج الله :: مجاي افهم شي والله

شمسة :: بــنــتــ..ي

متعب :: اني اكلج شنو تريد تكلج ثواني خوية صيري شوي هيچ ..

انزحت شوي عن مكاني وكعد يمها وصار يحجي وياها واني لازمة ايدها ورغم اتاخر وياها لان كلش تحجي حرف حرف بس انتضرتة وانا ادموعي مدري شمالهن تجريي

ورفع راسة من بعد ما فهم عليها وكالي ..

متعب ؛؛ تريد تكلج بنتي ابني حَيرام يريد يخطبج وطلب مني اخذ رئيج توافقين تصيرين حرمتة لو لا ؟

انداريت اعاين لــداسِم لكيتة مدنك راسة يضحك رجعت باوعت الها لكيتها تباوعلي وكأن منتضرة تسمع جوابي

سكتت شوية لان عيب اجااوب بسرعة داورت الفكرة براسي عود ما مداورتها انا هههه
رفعت عيوني واردفت وياها

أريج الله :: أنتِ ترديني ؟ زين أنتِ توافقين انا اصير چنتچ ؟ هااا

دنك الها متعب وصار يسمع منها وبعد الانتضار رجع يباوعلي واردف وياي

متعب :: تكول ياريت توافقين لان ابني يريدج

اريج الله :: ما يهمني ابنج يمة اليهمني أنتِ ترديني لو لا ؟

دنك الها متعب بعد ما سمعت كلامي والتفتت لــداسِم لكيتة يخزر بية وهو رافع حاجبة رجعت باوعت لمتعب الي رفع راسة واردف وياي

متعب :: تكول انا اريدج اذا ابني يريدج

أريج الله :: هي هية يمة التردينة يصير راح اخذ ابنج لخاطر عيونج الحلوة هذني ولا هذا ابنج منو يعيش وياه ؟

هنا امة شمسة ضحكت وشفت الصدمة شلون انرسمت على وجه متعب وفرحة داسِم من شاف ضحكت امة طفر يمها وباسها براسها ومتعب صار يبوس بايديها

متعب :: اخخ اروح فدوة لهل ضحكة يا جنتي

داسِم :: بعد روحيي يمة جعل محد غيرج يضحك ياروحي

كمت عنهم وبقوا يسولفون وياها وهي تباوع علية رفع راسة داسِم ونضرني واردف وياي ..

داسِم :: منو اليسوي سحر انا لو أنتِ ؟

أريج الله :: أنتَ وخالتك الميمونةة

- بس جي اشوف عكس هيچ امي الي ما تسوي اي رد فعل ابوجها هسة ضحكت من وراج

- ماسويت شيء بس انتم ما جنتم توصلون لكلبها يمكن اني طالعة لبرة هسة

- جاي وياج متعب عينك على امي فدوة

متعب :: لا توصي بروحي هي شمسة الجميل

طلعنا انا و داسِم من البيت وصرت امشي واني لازمة ايدي وأردف وياي وهو ينضرني بطرف عينة

داسِم :: ما يهمج ابنها موو ؟ منو تعيش وياي موو ؟

أريج الله :: ماكلت شيء غلط هي الحقيقة بس صدك اليكول الحقيقية تزعل كلش

- اراويج الحقيقة هسة على أصولها ؟

- لا تشد روحك كلش لان ماراح تكدر علية

ضحكت وغمزت الة يعني ذكرتة بكلامة الي قبل شوي كالة الي ماراح يكدر علية ضحك هو وكالي ..

داسِم :: خوش شدي روحج بعد شديها نتزوج واعلمج ههههه

تركني وراح طلع من القرية بقيت واكفــة بمكانـي اباوعلة لمن اختفى من انضاري ياالله غمضت ورجعت لواقعي

ورحت باتجاه غرفتي وفتحت الباب اريد افوت ولمن دخلت لجوة لكيت ريحة خايسة بالغرفة ! رغم انا متاكدة غرفتي نضيفة طلعت وهي ريحتها تفتح النفس

صرت اشوف مصدر هي الريحة منين اختنكت حيل الريحة جانت حيل قووية لفيت الشال على وجهي مثل الكمامة

وفتحت الباب على كبرة ورحت فتحت الشباچ وصرت ادور منين جاية هي الريحة وانا ادور دنكت لجوة الجرباية وشفـت فأرة جبيرة حييلل جانت يمكن اجريذي مدري بس هو جان شكلة بالضبط نفس الفأرة بس حيل جبير

جان ميت ( فاطس ) والريحة منةة ما اتحملت ابد حسيت راح استفرغ روحي من الريحة والمنضر رحت ركض لمماس طلعت من بيتها واجتني

بقيت واكفة برة وهي خطية طلعتة وغسلت الكاع مال الغرفة ورشت الي معطر ورطلعتلي الجنت كاعدة على عتبة الباب الكدامي وحاطة ايدي على راسي

حطت ايدها على كتفي واردفت وياي ..

مماس :: كومي فووتي رجعتها الج مثل قبل واحسن وعاادي تصير شوفي منين فايت وميت جوة الجرباية عاادي

أريج الله :: بشنو احلفلج مماسس قبل ساعات طلعت غرفتي ريحتها تفتح النفس اوكِ وياج فات لغرفتي بس شبسرعة مااات ؟ واذا ماات هسة شبسرعة هيج صارت الغرفة فطيسة لج الميت اقل شي يوم كامل ياالله تطلع ريحتة

- اقماريي لا تفكرين هو حيوان وميت شبيج خلص نضفت الغرفة وهي هية

- مماس الله يخليج انام عندج اليوم ؟

- لهدرجة خايفة اقمار ماكو شيء !

- لا اكو اكوو خالتج ماراح تعوفني وهذا منضر الحيوان الجوة هي متقصدة تخليني اشوفة الله يخليج ابقى يمج بالبيت

- صاار تدللين راح اخلي ساتر ينام عند متعب وأنتِ ابقي يمي يروحي

- اييي اييي ما انام هنا اليوم ..

- وحتى هسة ما تبقين انطيني المفاتيح وتعاي اقفل الباب وتجين وياي

- هاج ..

انطيت المفاتيح لمماس اخذتهم من ايدي قفلت الباب واخذتني من ايدي رحنا للبيت كعدت وياها بالبيت جوة بعد ما ساتر عافنة وطلع

سوتلي جاي وكعدنا نشربب وانا جان بالي كلة يم المنضر الشفتة والريحة الشميتها حسيتها فرمتت عقلييي

ولان مماس تسولف وياي وانا مو يم سوالفها ابد طكت الي اصابعها وهي تكلي

مماس :: ياهوووو الووو وين سرحتييي ياعالم وصلتي ؟

أريج الله :: ويااج

- اكبر جذبة يسمعها التاريخ وين وياي وأنتِ عبرتي القارات السبعة

- جي افكر بالشفتة

- يوو اقمار شكد تشيلين هم بابة انسيي كأن ما شفتي شبيج هي فار فاطس ليش انطي اهمية واضل افكر بي

- ليش بعدج ساكنة هنا ؟ ليش ما تاخذين رجلج وتلحكين اختج منسة ؟

- ماكدر اعوف امي لوحدها ابيناتهم اذا انا باقية هنا لجل عيون امي

- اخذيها وروحييي أنتِ وياهم مماس تعرفين اخونج وين همة ؟ ابوج وين

- مانعرف عنهم شيء وحاولت اخذ امي مو ما حاولت بس متعب ما يقبل مخليها كدام عيونة ومايريد يطلع منا وانا بالعة السم ومتحملة

- مو عيشة هي ترى

- شنسوي هي الدنيا مالتنا وهذا المكتوب النا

- استغفر الله رب العالمين

- احمدي ربج شفتي بس فار ميت احمدييي

- مماس كلما اكول عاادي ماكو مشكلة اضل هناا وشنو يعني هم هيج ماكدرر لازم يصير شيء يرجع يخوفني منهم ويرجع يخليني اريد بس اطلع منا واخلص وما عسني ابوي يلزمني ويذبحني المهم اطلع واخلص روحييي

- اقمار أنتِ ثلاث اشهور وهيچ ما تحملتي جا متكولين علينة 10سنوات بهذا الروتين

- عمي انتم بطرانين وعلي احط واهچ من ثاني يوم غير

- اااخخخ الله لا يسامحهاا ولا يوفقهاا أن شاء الله

- لا تدعين ولا تتعبين روحج بدون دعائج الله ماراح يوفقها وهسة تشوفون بيها يوم

- الله يسمع منج بأسرع وقت كون

بقينا نسولف انا وياها ولاحضتها شلون خطية كعدت تسولف وياي وتلهيني حتى ما اتذكر ولا افكر بالحيوان الميت ..

واني اخذتها على مايها صدك بقيت اسولف واضحك وراح من بالي أصلاً

______________________★______________________

"""""" غـَـدير الله """"""

حل سواد الليل بعد الغروب وبعد ما خلصت صلاتي بغرفة المصلى رحت صعدت لغرفتي جبت التلفون

واتصلت على انمار وما جاوبني رجعت اتصلت علية هم ما جاوبني من اتصلت مرة ثالثة طلعلي مغلق !! غلق تلفونة

دخلت على رسائل الواتس أب ولكيت رسائلي مستلمهن هو بس ما داخل ولا شايفهن انضغطت حيل وانقهرت حيل

ماجان لازم يسحب نفسة علية هيچ انا هم متأذية من الصار موش بس هو
ليش انمار ليش

شأسوي هسة ؟ هي هية انتهت قصتي وياه مايرجعلي بعد ؟ ياالله شنو هذا العذاب شنو منين اتلكاها منين لا من أهل عايشين مرتاحين ولا من زواج مرتاحة

بيأ ذنب جي نتحاسب هيچ بيا ذنب ؟

شمرت التلفون على الفراش ومسحت ادموعي ونزلت للطابق الارضي رحت للطبخ فتت لكيت علي الباقر واكف على الطباخ يسوي العشة

وعلي السجاد و علي الهادي كاعدين على الطبلة واحد يسوي زلاطة والثاني يحضر اللبن لان نحن عشا بدون لبن مو عشة

سحبت كرسي ورحت كعدت يمهم وصرت اباوع عليهم شلون يشتغلون اردف وياي علي الهادي ..

علي الهادي :: ابدال هي كعدتج هيج فراغ بفراغ كومي حضري المواعين حتى علي الباقر بس يصب ونتعشى

علي الباقر :: لاااا اكعدي لا تكومين لا تتعبين روحج شغلي هذا هسة اخلصة كلة

غدير الله :: أساعدكم

علي السجاد :: بس استچني بمكانج وأنتِ تساعدينا

- بكيفكم ..

علي الباقر :: شبيج ضايجة ؟

- مابية شي بس جوعانة حيل لهذا مشاعري متخربطة ومعدتي صارت بمكان كلبي

علي السجاد :: يمة سودة ابوجهي هسة هسة نخلص

علي الهادي :: أنتِ همچ بس بطنج تتيهين الدنيا كلها اذا چعتي

- چا اهم شيء بطني اكوو أهم منهاا اذا اكو كلوليي ؟؟

علي الباقر :: لا عمييي الياكل بضرسة ينفع نفسة

- عليك نوور اهم شيء الكرش

علي السجاد :: چا اطلعي انتضري بالصالة لحد ما نكمل و تجين تاكلين

- مايصير تصبولي هسة شوي ؟

علي الباقر :: لا تكسرين جوعتج خليج لمن نكعد كلنا ناكل نحري أنتِ

بهي الاثناء سمعنا صوت نور الزهراء تصرخ حيل فز علي السجاد من مكانة وكال ..

علي السجاد :: هذا مو صوت نوارتي ؟

علي الهادي :: اي شبيها تصرخ هيج امها وين ؟

- رايحة اشوفها

علي السجاد :: لاا خليج سوي الزلاطة انا كايم لبناتييي

ترك السجينة علي السجاد وطلع يركض راح يشوف بنتة واني كعدت بمكانة وصرت اسوي الزلاطة ..
وبعدة بثواني اردف علي الهادي ..

علي الهادي :: انا كملت اللبن خوية هذايا

علي الباقر :: خلص عوفة بمكانة وروح افرش السفرة اتاخرنا هواي عليهم

- صار خووة

طلع علي الهادي واخذ السفرة وياه بقيت انا اقلم بالطمامة

واجى علية علي الباقر وسحب التختة ماخذ السجينة من ايدي وصار هو يقلم الزلاطة !

انداريت لكيتة مطفي الطباخ اردفت وياه .

غدير الله :: خلصت؟

علي الباقر :: ايي خلصت جا شعندي انا باقي بس أصب

- اسوي المواعين الك

- عوفيهن انا اسويهن كتلچ

- تمام براحتك

- شبيچ احس اكو غصة بصوتج

- عليي جي تتواصل وي انمار ؟

- ما اتواصل وياه انا بس قبل يومين اتصل علية

- شنو جان يريد؟

- سألني عن احوالج اذا جي تاخذين علاچچ لو لا

- چا شمالة وياي

- شبي مزعلچ؟

- اتصل علية ما يرد واراسلة ما يشوف المراسلة رغم الواتساب ينطيني على الرسالة صحين يعني وصلت الة واستلمهااا بس ما يكلف نفسة يفوت يشوفها

- على هذا الحچي هو متقصد يبتعد عنچ ولاليش انتِ تحاولين توصلين الة وهو يتصل علية يطمئن عليج.!

- والله ياخوية هذا الرجال ما تفهم خيرة من شرة

- من اول يوم ما مرتاحلة

- بس تدريي علييي والله احس روحي محتاجة شيي

- شنو محتاجة اعيوني اشلعهن الچ !

- بعد عيوني عيونك الطحالب ههه لا بس انا محتاجة صفاء روحيي هيج يعني

- شنهي صفاء روحيي بعد عليةة منهوو صفااء لجج و من شوكت صاير روحج؟؟

- هههههههه يااا بااقر صفاء روحيي مو رجال اسمة صفاء واكلة روحيي اقصد نفسي تصفى تصير نضيفة احس بأنتعاش هيچ قصدي

- صفاءء روحججج هيچي القصد اهااا هسة افتهمتت

- اييي استيعابك صاير بطيئ حيلل

- وعيني اشبيها روحچ يا ام روحي مو صافية هسة ؟

- مشتاقة لانمار حيل وبنفس الوقت اريد اشوف اختي وتكلي شبيها روحچ

- اريجاتي ترجع ان شاءالله وتشوفينها وانمار موجود وين طاير بس يمكن يريد يرتاح

- يرتااح من شنوو ؟ انا هم محتاجة ارتاح وما سويت هيج عليي ترى هو هاجرني !

- ادريي والله ادري ومنتبه لتصرفاتة من صارت الحادث لهذا اليوم انا منتبه لكلشي مو غشيم على الجاي يصير وماراح امشيها سلامات الة اذا راد يرجعج الا اطلع عيونة مو هيتة السالفة يجي يشمرج هنا بساعة اليريد ويجي ياخذج بوقت اليعجبة

- وانا هم ماراح اتقبلها على نفسي مو لعبة عندة انا

- لا تفكرين بي هسة خلي يولي

- عيعع منو التفكر كتلك جوعاانة اناا اذا جوعانةة ابوي ما افكر بي

- هههههه عفية عليج هيج اريدج يلا كومي روحي للهول علما اجي خلصت بس اصب

- مو تتاخر بوية ميتة چووع

- لا يروحي ثواني المواعين على السفرة

- تمام

كمت وطلعت من المطبخ ورحت للهول لكيت علي السجاد شايل نور الزهراء
ويفتر بيها يلاعبها ويحجي وياها رحت لي يمة واردفت وياه ..

علي السجاد :: تبجين وابوج موجود ؟ نورايتي عزيزة روحة لسيد علي السجاد قزح عيونة وحياتة بعد روح ابوج

غدير الله :: انطينااها اشيلهاا ولا مرة لازمتهاا

- ما تتقبل تضل تبجي هسة

- انطيني اشوفها عمتها شنو تبجي بحضني

اخذتها من بين ايدين علي السجاد وخليتها بحضني وهي بس حستت ابوها راح عنها الوجه انعقج والحلگ انفتح وصرخت ذيج الصرخة الي تزرف طبلة الأذن شمرتها على ابوها وبس صارت ابين ايدية سكتت ورجعت تضحك ..

غدير الله :: يمة اسم الله الزهرة الرحمٰن هااك سيد هااك

علي السجاد :: باباتيي هياتني يمج يروحي أنتِ مارحت عنج نورايتي

- ليش ممعلمها علينة ؟

- امهااا اني شلي غرض لان مخليتها بس يمي ويمها صارت البنية تبجي بيد الغريب

- ايييي عكس علي النقي و علي التقي حتى نوم ينامون بحضني هي بنتك مگروصة

- ولججج لا تحجين على نوراييتيي

- يمةة اجت الاعز منييي ترى انا هم بنتك !

- خلص دلالج اتحول لنور حياتي

- والله اذا كبرت و اخذتك مني وصارت تغار عليك الا اكتلها الك

- هههههه هي خلي تكبر الا اعيشها احلا عيشة والا ادللها دلال ما صاير
غير اول فرحة بحياتي واو نور الي بزواجي

مشيت ايدي على راسها وبستة وهتفت وياه

غدير الله :: ههههههه الله يحرسها ويرعاها الك ان شاءالله وتگر عينك بيها وهي جبيرة تعال اكعد يلا خلي نتعشى

- ايي هسة اجي بس اطلع للحديقة ثواني اغير جوها واجيكم اتعشوا لا تنتضروني

- تمام ..

طلع علي السجاد ونحن نصنا كعدنا على السفرة وعلما اجتمعوا كلهم وصار وقت العشى رجع فات علي السجاد انطى نور الزهراء لأمها وكعدنا نتعشى

______________________★______________________

"""""" أصفــاد ألحــق """"""

مريت على بيت عمي صفاء الحسن وانفتح الباب الي ودخلت لطرمة ووكفت كدامي الست بسمة أم وهج الطف

لكيتها مغيرة ملابسها ومجهزة روحها كأن تريد تروح لمكان مُعين اخذت وأردفت وياها

أصفاد ألحق :: وين رايحة ؟

بسمة :: بعد شوي طالعين لبيت عبد الحسن

- راح تشوفينهم ؟

- اييي وراح اشوف عبد الحسن هم واسويلة احلا مفاجأة

- بس ما اظن راح تشوفين عبد الحسن

- ليش نحن راح نجتمع ابيتة

- اييي بس هو على خلاف وي اهلة و ساكن ابيت عمي الحسن المجتبى صار آلة اشهر

- صدك تحجي ؟

- والله العظيم

- لييشش شنو الصاير ؟

- اذا هيج راح تفهمين كلشي من تكعدين يمهم .. بس اريد اكلج على شيء اجيت لهنا علمودة

- ايي امي كول

- إذا سألوج شلون رجعتي ومنو وصل الچ لا تجيبين الطاري مالتي لأن ماريدهم يعرفون انا اعرفنج

- بس يمة أنتَ سويت وياي شيء زين ليش متريد اكللهم

- لأن ماريدهم يعرفون انا جنت ادري بيچ عايشة وبنفس الوغت ماريد وهج الطف تعرف انا جنت ورة الرسائل والصور الجانت توصل الها

- هسة ارجع وأسألك ليش متريد يعرفون بس على طاري الرسائل و الصور العند بنتي الشفتهم انا هذولة ماموجودات فقط عند خالي سائد جبران
انا من طلعت منة تركت دفتر مذكراتي البيهن الرسائل و ألبوم الصور شنو وصلهن الك وشلون وصلتهن لوهج الطف ؟ ومن الأساس شلون عرفت بية عايشة

- تردين تعرفين هذني كلهن ؟

- اييي وهسةة هم اريد اعرف

- لا خالة هسة مالي خلك وبنفس الوغت ماريد وهج الطف لو عمتي فاطمة يشوفوني هناا من يصير عندج مجال اتصلي بية أجي اخذج ونسولف بالتردينة

- يعني الافهمة ما تريد أجيب طاريك ؟

- أصلاً أنتِ ما تعرفيني وما شايفتني خووش حالي حال بقية السادة

- أها تمام ..

- لازم اروح هسة ابغى على تواصل وياج

- تمام ابني الله وياك

تركت بسمة وطلعت صعدت سيارتي وشغلت تلفوني لكيت بندر سائد مجاوب على رسائلي بخصوص اختي أريج الله وجان جوابة

بندر :: يَبة الله العظيم ماموچود ببغداد أنا مع أختي أجوان في سوريا حالياً وصاللنا أكثر من أربع شهور منو هي أريج الله بعد علي؟؟

شفت الرسالة وماجاوبت ولكيت علي الهادي هم مراسلني فتت على المحادثة وقرأت

علي الهادي :: صفدفد السيد علي الباقر يريدنا بسالفة اليوم على الساعة 1 الصبح
يكول بيها نار وفشگ ويريدك موچود

ضحكت من قرأت الرسالة سجلت صوتية وصحتلة بيها بصوت عالي فرحان

أصفاد ألحق :: هلاا ومية هللا بطك الفشك والنار صار وتدلل من الــ 10 تلگوني يمكم إعزاز كلبي

وصلت الرسالة غلقت التلفون وشمرتة على كشن الكرسي اليمي وحركت بالطريغ رحت للفدغ ومن وصلت لكيت خليفة منتضرني

طلعت أيدي من الشباچ واشرت الة وانتبه علية اجى وصعد يمي بغيت اباوعلة وأردف وياي

خليفة :: راح تضل ساكت ! ليش اتصلت بية ؟

- اسألك سؤال واحد بس وبعدها طلب

- كول اشنو تريد

- شوكت تتزوج وهج الطف ؟

- هسة نحن الصبح راح نطلع الأنبار نكمل كلشي ناقصنا يمكن شيء اربع شهور بعد ياالله نتزوج

- خير ان شاءالله

- جاوبت على سؤالك اشنو طلبك ؟

- يمكن أنتَ ماتعرف وهج الطف بعدك بس تعرفها هي اخت السادة لهذا أنتَ مرتاح من الزواج بس الما تعرفة خليفة وهج الطف ماعاشت مثل باغي البنات الي بعمرها ومن صار عمرها 5 سنوات امها اختفت ومن صار عمرها 7 سنوات ابوها مات وطفولتها مو طفولة بأاختصار اكلك الشافتة وهج ألطف بعمرها الراح كلش كافي طلبي هو اختي اختارتك اريدك تصير
" بلسم فوك أجروحها مو جرح فوك الجروح البيها "
بسسس هيچ اريد منك وهذا طلبي

- كلامك هذا ترچية وعلگتة بأذني ان شاء الله الله يقدرني واحافظ عليها وأفرح كلبها

- أنتَ كدهاا .. الله يرزقكم الثمرة الصالحة بأذن الله

- الله يسمع منك محتاج شيء ثاني ؟

- سلامتك خليفة

- يلا خوية في أمان الله

- الله ومحمد وعلي وياك

نزل خليفة وراح فات للفندغ وإني طلعت ابوجهي للبيتنا اول ما دخلت لكيت امي ترتب بالاستغبال رحت بست راسها وسلمت عليها ..

أصفاد ألحق :: السلام عليكم يمة

- وعليكم السلام تبوس الكعبة يابعد امك

- حبيبة روحي

- انزين اجيت صفدي

- شنو ؟

- السيد ألمعتز باالله بغرفتك فوك

- شوكت أجى ؟

- قبل شوي اجة وكلتلة أصفاد ألحق ماموجود كالي راح انتضرة بغرفتة لحد ما يجي

- خووش صاعدلة .

عفت امي وصعدت لفوك دفعت الباب غرفتي ودخلت لكيت ألمعتز باالله كاعد على افراشي وبيدة صورة

من رحت وكعدت يمة لكيتها صورة وهج الطف وامها الي انااا الغبي ناسيها على الطبلة إردف وياي وهو يكسر الصورة بأتجاهي

ألمعتز باالله :: منهو هذول البصورة .؟

هنا أدركت أن ألمعتز باالله ما سبق ألة وشاف وجه بسمة ولا تعرف على وهج الطف واهي صغيرة بس ما كدرت أجذب علية أخذت الصورة من أيدة وهتفت وياه

أصفاد ألحق :: يعني ما عرفتهم ؟

ألمعتز باالله :: لا والله ماعرفتهم منهوو ؟

- هي الطفلة الصغيرة وهج الطف وهي امهاا بسمة

رجع سحب الصورة من أيدي وهلمرة نضر الها بتركيز أكثر ورجع يباوعلي وأردف

ألمعتز باالله :: منين جبت هي الصورة ؟؟

- بحوشت بماضي عمي صفاء الحسن وما طلعت بس بصورة هي جانت لبنتة وهج الطف ومرتة الثانية

- زين انا ما فاهم قصتها هي عدلة ميتة هسة ؟ أشوو نااس تصيح عدلة وناس تصيح ميتة

- مادري علمي علمك كتلك زين وحصلت هي الصورة بعدني ممدور حيل

- دامك حصلت هي الصورة يعني بيها مجال تعرف مصيرها دور أكثر يمكن تطلع عايشة !

- يمكن أسوي اليطلع بيدي . هسة أنتَ شلونك ؟

- بس خرب بيتهاا هل وهج الطف جمالها حتى واهيي فرخةة

- عوفف الصورة كاافي . و جاوبني شلونك ؟

- بدون لون

- أعزيز

- والحُسين جان لون وچهي الفرخة هي البصورة وتالي الوقت سلبوا مني لوني

- بس تبغى مو نهاية الدنيا واذا ما تزوجت وهج الطف تكبر وتنسى وتتزوج غيرها عاادييي ترى واذاا

- واذا تنچب وتسكتتت مووو احسن ؟؟

- طبك مرض صوچ اليريد مصلحتك ومايريدك هيچي أدمر نفسك

- عايش طبيعي أكل و أشرب و أتنفس وين التدمير بالموضوع ؟

- صحيح صحيح كلامك يعني ما اجيت حتى تطردني من غرفتي وتكعد تتبچبچ لوحدك هنية بعيد عن الكُل

- كووم اطلع برة يلااا وعوفني لوحدي

- هههه والكاافل اعرفنك يلا نام على وجهك على الفراش وانعى لكلبك المكسور

- صفد اذا ما طلعت وأنتَ ساكت اكوم احط الشسمة على الشسمة واطفيلك شمعة شبابك

- هههه لا والله الغرفة غرفتي وابغى بيها شكد ما اريد بس أنتَ ابجي لا تخاف ماراح اگاطعنك

كمت عن ألمعتز باالله وكعدت على الغنفة وفتحت تلفوني العب بي وهو نام على وجهة بالفراش

حبيت اباغتة شوي ماريدة يصير هيچ حالة خليت تلفوني على رجلي وبديت اعلي صوتي و اغرأ ..

أصفاد ألحق :: يوم كنا أصغار في ربوع الدار
نرسم الاذكار في ورد و ياسمين
عازف الاوتار لا تزيد الناار
في الگلوب اسرار واشواگ وحنين
يوم كنا أصغار في ربوع الـــ,,,,

كام ألمعتز باالله وشمرني بالمخدة الصغيرة وگاطع صوتي وانا اغرا
ضحكت ورديت شمرت المخدة علية وهتف وياي

ألمعتز باالله :: وحرگ خيام زينب يا صفد اذا ما سكتت هسة اكوملك واخلي القندرة تهلهل بأسمك

- شمالك وگرص اغنية خطرت براسسي وحبيت اغراهاا شمالك منهوو اليمك أنتَ انخمد يلا

- أصفاد ألحق عدة الشقة خوة بس صددك كاافي

- شمالك أعزيز ماريد اشوفنك بهي الحالة تاليتك أنتَ السيد المعتز باالله الي الناس تخاف منك تاليتك مرة هيچ تلعب بحالك ؟

- ياريتهاا مرة ياريتهاا على الاقل بيها باب وجواب بس فرخة ولك فرخة بعدهي هيچي بهذلت احوالي

- ههههه كووم كووم خلينا نلعب بلي واكسرنك اتكسر

- مالي خلك

- أعزيز ما اشهدنك هيچي ضعيف !

- مو ضعيف بس الخصم جان گلبي

- اعزيز هي السوالف ما نريدها شخصيتك الضعيفة عوفها مخفية طلع النا عزيز الي ما يهتم ويلا كوم فدوة لطولك نلعب ونتونس كوم

- حضرهن وانا نازلك

- اعزيز راح أشغل وادخل على اللعبة لا تتاخر علية

- وراك ما اتعطل .

عفت اعزيز بالغرفة ونزلت لجوة دخلت البراني وشغلت التلفزيون وسويت الربط وكلشي اختاريت اللعبة ودخل وراي أعزيزات

ماجنت اريد اشوفنة بحالتة هي عبد الحسن ما كفاه كسرني بأبوي رد وكسرلي اخوي ألمعتز باالله بـِ وهج الطف

يا جهنم راح تلفيك يا عبد الحسن ؟ ياموت راح يخلصك ؟

اليوم بليل راح ينتهي كلشي بالنسبة الك يا عبد الحسن ورقتك راح تحترك وللابد

هذول الأحفاد الي كضيت عمرك تربيهم وتريدهم بظهرك ويلبون كلامك اليوم وبس كلهم راح يصيرون ضدك وراح تشوف شلون راح يكسرون ظهرك إبدال ما يسندونك

لو نحن يا عبد الحسن لو ضلمك وجورك

______________________★______________________

"""""" أم البــنـيـن """"""

صارت الساعة بـِ 8 بليل وطلعت من غرفتي ولبست حجابي ونزلت للصالة الجبيرة لكيت الكل كاعد

« علي السجاد ، علي الباقر ، علي الهادي ، علي الرضا ، ألمعتز باالله ، البشير قيصر ، الفاروق الأعظم ، المصطفى القاسم ، المرتضى الأمير ، حامِد المتقين ، شبر ، شبير »

« أمي ، العلوية ، أم رحمة ، رحمة الزهراء ، طيبة الزهراء ، وهج الطف ، غدير الله ، جميلة ، ليـنا »

وجانت متوسطتهم مرة صغيرة بالعمر انا شخصياً ما اعرفنها بس لاحضت السادة يعرفونها لان علي الباقر و علي السجاد وحتى خالتي و العلوية و رحمة الزهراء جانوا ينضروها بطريقة مصدومين من وجودها

كعدت انا يم لينا واخذت علي التقي من أيدها وأردفت المرة ويانة

بسمة :: راح تضلون تنضروني هيج ؟

العلوية :: شتردين نكلچ ؟ بلعنا ألسنتنا بشوفتج كدامنا

- ما تفيد بلعة اللسان ولا الصدمة تردون شيء اسألوا علية أسألوني التردون تعرفونة

علي الباقر :: وينچ كلهذا العمر ؟ وين چنتي عايشة

العلوية :: شلون وصل النا خبر موتچ وأنتِ حَية تـُرزقين ؟

رحمة الزهراء :: ليش ما رچعتي لبيتج و بنتج ليش بقيتي هيچ ؟وانتِ مابيج شيء جنتي تكدرين ترجعين

علي السجاد :: ليش هسة الا طلعتي شنو الختلف عندج ليش ما ضليتي على حالج ومخليتنا مفكرينج ميتة

هنا وهج الطف صاحت بالسادة بصوت عالي

وهج الطف :: ليش هلكد متفاجئين ؟ ما تردون امي ترجع لو تردون يبقى صيتها ميت وانتم تاخذون راحتكم بالتصرف وياي تعيشوني على مزاجكم ؟؟

بسمة :: وهج الطف ديري بالج تصيحين ابوجه اخوانج هيجي

البشير قيصر :: حسچ لا يعلى يا بنت ما اسمع صوتج بعد

العلوية :: بسمة فهمينة الوضع شنهي ؟

بسمة :: احجيلكم القصة من البداية

علي الباقر :: ونحن نريد نفهمها على هذا الأساس سولفي

- السالفة وما بيها بذاك اليوم انا رحت وي خالتي وزوجها لخالي بالانبار بقينا عندة اسبوعين وبيوم الردنا نرجع بالطريق اتعرضت النا ناس بشوارع من قرت بالهوية خالتي و زوجها وحتى انا الولادة انبار ما حسينة عليهم الا مطلعين السلاح ورامين علينة خالتي جانت كاعدة بالصدر و زوجها اليسوق وانا بالخلف
لهذا صار الرمي قوي عليهم ولمن كسر ايدة وصوبني طلقتين أجت بمكان مو خطر علية هم هنا عافونة و وشردوا وجانت الدنيا هوسة
وبالف يا علي كدرت اخذ تلفون خالتي واتصلت على خالي ولان نحن ما مبتعدين هواي انطيتة نحن وين واغمى علية مادري شنو صار وراها
ولمن كعدت لكيت خالتي وزوجها ميتين وانا استنجدني خالي سائد بقيت يمة شهرين وكلما اريد اتواصل وي صفاء الحسن خالي جان يمنعني ويكلي لمن تصيرين زينة اخذج الهم وسكتت وتحملت
والشهرين سحبت أربعة وسحبت خمسة ومرت سنة كاملة وخالي حابسني بالبيت ما يقبل لا اطلع ولا يخلي احد يشوفني

لــيــنا :: شنو اليخلي خالچ يجبرج تبقين وأنتِ ما تردين ليش ما خلاچ ترجعين لبيتچ واهلچ ؟

- خالي جان عندة مشاكل لا تعد ولا تحصى وي اهل زوجي وحتى زواجي من صفاء الحسن هو جان ماراضي علية وانا سمعت كلامة خوفاً على صفاء الحسن وأولادي لأن أعرف خالي شكد مشراني لهذا اتحملت وكلت أصبر شنو السنة و السنتين كدام سلامة اهل بيتي

علي السجاد :: بهي الفترة كلها أنتِ ما متواصلة وي عمي ؟

- ابدد كتلكم سبه سجني ما قبل لا اطلع ولا احجي وي احد ومحد من الجان يجون علينا جانوا يعرفون انا بالبيت

ألمعتز باالله :: بعدها شنو الصار شنو التغيير ؟؟

- بقيت على هذا الحال ماعندي حيلة ولا وسيلة طلبت اشوف بنتي منة وهو كالي راح اجيبها هي من عطرنا ما اخليها يمهم بسس جان مجرد كلام بعدها عرفت ان خالي سائد جبران قتل صديقة هو ومرتة واستغل سالفة الاوضاع المتخربطة حتى يضيع خبر قتلهم وجان عندهم طفلة صغيرة ما يعبر عمرها الــ سنة جابها واجة للبيت وجان أسمها " أليان " وجان يريد يربيها
انا هنا ما تحملت بلغت علية و أجت الشرطة اخذتة وانحكم علية سنوات معدودة وطلع من السجن بـِ 2018

لــينـا :: بعد السچن الطفلة أليان وين راحت ؟

- اييي المهم بعد ما انسچن خالي انا تركت الطفلة أليان عند راشد و سوزان اولاد خالي سائد و هم الي يديرون بالهم عليها وانا تركت البيت وطلعت لبغداد
ولمن وصلت للبيت حضرت بفاتحة صفاء الحسن بالسابع مالتة لمن وكفت بالباب وردت ادخل اشوف شني چمعة النسوان هي ابيتي وصوت صياح حسيت بأيد تسحبني و تبعدني عن بيتي لمن باوعت بوجه السحبني لكيتة الواكف كدامي عبد الحــَـسن
جنت ابجي جنت مكسورة عرفت ان السيد أحمد ماات وابني مُحمد الصدر مات وياه وصفاء الحسن لحكهم بأشهر تعبت حيل

غدير الله :: شنو جان يريد منج ابوي ليش سحبچ وماخلاچ تفوتين ؟

- ما اهتم الي ولا وكف بعين عبد الحسن انكساري وادموعي وحرگات كلبي على امصابي بأعز ثلاثة من بعد أمي حاولت افهم من عبد الحسن ليش منعني افوت واحضر فاتحة رچلي و سمعت منة هي الكلماات وصرت احجي وياه
ما نسيت ولا حرف منهم معروزاات بكلبييي كل كلمة من الحوار الدار بيني وبينة بذاك اليوم .

« فـــي المـــاضـي عــام 2009 »

عبد الحسن :: شنو الي رچعج منين طلعتي ؟

بسمة :: اريد افووت اولادي لوحدهم هسة خليني اصير يمهم سيد الله يخليك لا تمنعني بس اشوف اولادي شنو صاير بيهم بخلاف ابوهم الله يخليك

- الله راح يخليني الهم الأولاد مو لوحدهم انا موجود روحي منا وديري بالچ واحد يشوفچ ارجعي للمكان الأجيتي منة صالج سنتين وينج وين جنتي ؟

- لاا لاا والله يا عبد الحسن ما مرتاحة اناا بهي السنين منتضرة اشوفهم على نار والله العظيم ابوس أيدك خليني اكعد وياهم اولادي هذول

- بسمة مالچ مكان هنا لا أنتِ ولا امچ ارجعي من الدهيسة الأجيتي منها واحذرج احد يشوفچ الكل يعرفچ ميتة وخليهم هيچ شوفي صاللهم سنتين عايشين بدونچ ما محتاجين جيتچ هساع روحيي

- لااا مو من حقك تطردني ولا من حقك تمنعني شوفة اولادي البيت بيت زوجيي والجووة اولادي مالهم غيري مثل ما اناا مالي غيرهم حرام عليك تموتني بحياتهم وانا بحياة عيني عوف كرهك الي على صفحة وخليني أروح اشوفهم واحضنهم واعوضهم

- اذا رحتي هسة ورجعتي لحياتنا صدكيني راح ادمر حياتهم واحد واحد چدام عينچ وذنبهم راح يصير أنهم اتبقلوچ وأنا ما اريدنچ بحياتنا

- توصل مرحلة تأذي اولاد اخوك ؟

- عادي المهم عندي كلشي يبقى تحت سيطرتي والشخص اليعجبني اخلي بحياتنا والي ماريدة امحي ذكراه من حياتنا ومن داخل احفاد ابوي
اسمعيني بسمة السيد احمد رااح و السيد صفاء الحسن هم رااح و السيد الحسن المجتبى شبه ميت صار بسبب الشلل الصابة من ورة الحادث
والباقي هسة بالوجه من نسل السيد احمد فقط اناا وكلشي بكلمة مني يمشي
وأنتِ تعرفين روحج بنت منوو وخالچ منوو لهذا أستري على نفسچ واتوكلي منا حتى أنتِ تعيشين حياة هنية واولاد اخوي اربيهم واعيشهم حياة هنية ومالنا بحاجة الچ

- عبد الحسن ماكدر والله مااكدر ماراح اصبر كلبي اشوفنهم موجودين ويكبرون وانا مو يمهم مو بعيني اشوفنهم يعيشون وتذبحهم نار الفرگة ويحسبوني ميتة وانا عايشة مو بعيني كلهذا

- بنتـر - لااا بعينچ بعينچ بسمة واترراب ابوي وروح اخوي اذا رجعتي لو سمعت بيج متواصلة وي واحد بيهم وحگ داحي الباب لاخليج تعيشين وياهم كل يوم أسوء من القبلة

- بس أنتَ هيچ جي تحكم عليهم بالعذااب عبد الحسن !

- لا غيابج راح يعيشهم بأحلا ايام حياتهم ابتعادچ عن حياتهم راح يصير سبب لراحتهم

- جاي تساومني ؟

- اييي واذا ما فاد اجبرج هم بسمة مستعد ارتكب بيج جريمة بس على أمل ما تضلين هنا

- واذا رحت وسمعت بيهم ما مرتاحين ؟

- ماراح يوصل الچ خبرهم

- ما ينطيني كلبي اعوفنهم واروح سيد عبد الحسن

- بسمة فضيني واغدي منا يلا وكتلچ حسج عينج اشوفج هناا منا وغادي
" ابتعادچ راحتهم وگربچ عذابهم "

- مستعدة أسوي كلشي لإجلهم وأنتَ ما اكلك شيء بس على حركة كلبي هي وامتناعك احضر عزاء زوجي واحضن اولادي من حقدك وبغضك وامراضك النفسية اتذكر ان الله ما يضرب بعـصى روح وعسى ربي يعثرك بأولادك وتشوفهم يتعذبون كدامك مثل عذاب كلبي هذا وزود

- ههههه ادعي بيچ ما بيچ ادعي لان الدعاء من امثالچ لراسچ ما يوصل .. انا سولفت العندي ماريد المحچ كل عمري

- روح يا عبد الحسن الله يعثرك بأولادك الله يكسر خاطرك مثل ما كسرت خاطري الله يحرمك من عزيز كلبك مثل ما حرمتني هسة من اعزاز كلبي

« الحـــاضــِـر عام 2020 »

وراح عبد الحسن وبقيت ابجي واصرخ وانجبرت اروح لبعيد عنهم اذا خالي مشراني مرة وحدة عبد الحسن مشراني الف مرة
ما خلصت من سائد جبران الا وطلعلي عبد الحسن نفس الطينة ونفس الصنف

العلوية :: بقيتي تدعين على اولادي

- ماجنت بوعي والله العظيم كسرني حيل عبد الحسن وحرگ كلبي بقيت ادعي بلا شعور ونسيت اولادج نفسهم اولادي بالتالي

وهج الطف :: عبد الحسن هو الجبرچ ما توصلين النا وتبقين مختفية ؟

- ايي هددني هواي وبعد ما رجعت للأنبار سكنت لوحدي حتى اولاد خالي سائد ماجانوا يعرفوني انا رجعت للمحافضة لان خفت يطلع خالي ويسويلي مصيبة لان انا البلغت علية اختاريت منطقة مگطوعة ماكو عليها مواصلات واشتريت بيت وبقيت بي بعيدة عن الكُل وجانت بين فترة و الثانية توصلني مكاتيب من عبد الحسن يهددني بيهن خاف عندي نية ارجع لو يحن كلبي وانسى كلامة وهو الشخص الوحيد الجان يعرف مكاني وين

علي السجاد :: ابوي مسووي كلهذاا ؟

وهج الطف :: جاااان يعرف مكانج كل السنين هي وما حجة ولا كال ؟ هذا شلون طاوعة كلبة هيچ يسوي شلون عينة تغمض وتناااام ؟

غدير الله :: كملييي عمة شنو الصار بعدها ؟

- بقيت على ذكرياتكم القليلة براسي وكل سنة احتفل بعيد ميلاد كلواحد بيكم وجانت الأمنية التقي بيكم وجنت اطفي الشمعة بالنيابة عن كل واحد وكضت السنين لحد قبل شهر ذبح صدري الهچران دزيت رسالة بيد عمر شاهين ابو خليفة الى فاطمة الزهراء كلتلها انا عايشة وانطيتها رقم تلفوني و سولفت كلشي الها وهي تواصلت وياي بس ما كالتلي على المصائب الجرت عليكم بس جانت تقنعني ان ارجع وما اخاف من شيء بس جنت خايفة حيل

وهج الطف :: دقيقة عمتي فاطمة أنتِ هم جنتي تعرفين أمي عايشة وعندج تواصل وياها وما اجيتي وكلتيلي ؟

- انا طلبت منهاا ما تكول لأحد وحلفتها

وهج الطف - بصوت عالي -
حلفتيهااا شنوو لك انتم تدرون انا شنو جنت اعيش شنو جنت أحس ؟ واحدكم مافكر بية ولا كال هي خطية الطفلة خلي نكللها ولا واحد بيكم أنتِ عايشة وماكدرتي ولا ثانية تشجعين وتحاربين خالج و عبد الحسن وتجين النا
عفتيني اناا وعفتي اخواني بعذاب ايامنا ضحك عليج عبد الحسن من كالج احلا ايامهم هيي شنوووفيي وينها احلا الايامم اخوي بشير هي بعز شبابة وشوفي شعرة الصاير ابيض من الشيب لوو شووفي عيون اخوي الفاروق لو شووفي حالي هي الحيااة الماكو منهاا الراح نعيشهاا بس ترحين ؟
وانتِ عمة أنتِ اكثر وحدة شفتيني شلون متعلعلة وابجي الليل لخاطر اسمع شيء عن أمي وبالجذب ما ذبيتي مااي بارد على كلبي وكتيلي امچ عايشة هاج اسمعي صوتها
وهذااك الاسمة عمييي الكعد يضحك علية وعلى عقلي وفر السالفة وقنعني ان اخواني هم الطردوج وهددوج اذا رجعتي وخلااني اصير ضدهمم وقنعني اذا اتزوجت هو راح يدور عليچ ويلكاج وخلاني اكسر المعتز بااالله واتزوج بس علمودج ولمن رجعتي هسة فرحت عبالي صدك كدر يلكاج وجان كد كلمتة وياي تاليي يطلع هوو ورة هذا كلة ؟؟؟

ام البنين :: شنو جان يريد من السواه هذا كلة شنو جان متوقع ؟ ليش هيچ دمر كل واحد بيكم

البشير قيصر ؛: جان احب على گلبة يشوفني واني متحمل مسؤولية 5 اطفال ومتبهذل بيهم وشايل حمل فوك عمري وزود ولا ان ينزل من نفسة ويخليج ترجعين النا وتساعديني بيهم وتاخذين حملهم مني ونحس عندنا أم

وهج الطف :: ولا انا شلون انغشيت بية شلون صدگت كلامة وفكرت ممكن انتم تاذوني !

الفاروق الأعظم :: وتراب مؤمل ماجان القصد نأذيج بس عمي حط فكرة براسنا ان راح ياخذوچ من عندنا ومن خوفنا عليچ ردنا نخليج يمنا بالبيت بس هو رفض لان بيتنا علية رچل وهم نجلاء تفوت وتطلع وخاف لا يطلع خبرج قسم ما جنا نريد نحرمچ هيج أو نعاملج بهي المعاملة ولج أنتِ الوردة الوحيدة النزرعت ابيت السيد صفاء الحسن شلون ننطي بيچ ؟؟

رحمة الزهراء :: وهج الطف انتِ عبد الحسن طلب منج تتزوجين خليفة ؟

وهج الطف :: أييي هو فهمني اخواني مو زينين وخلاني أسمع كلامة وما اهتم لكلام اهلي شما حجوا وياي وجان زواجي من خليفة مقابل يشوف امي وينها ويرجعها الي لهذا كتلج يا عمة لو أنتِ كايلتلي بموضوع الرسالة جان ما نجبرت اتزوج ولا يصير كلهذا وينكسر ألمعتز باالله .

ألمعتز باالله :: امچ رجعتلج وهو طلع ورة كلهذا الصار بيج ما مجبورة بعد تسمعين كلامة ولا تستمرين بهي اللعبة تكدرين تطلگين من خليفة مادام بعدكم بس عقد بعد اكو مجال هواي

غدير الله :: مُستحيل اتخيل ابوي يطلع هيچ !

العلوية :: هذا شيء قليل من جسارة كلب ابوكم ما جنت اريدكم تعرفون الاشياء الجان يسويهن قبل لا توعون على دنياكم

علي السجاد :: ليششش ما جنتي تردينة نعرف خاطر ما يوگع من عيوننا صح ؟

بسمة :: المضى مضى وماراح نكدر نغير شيء بعد بس نكدر نرسم أيامنا الجاية على كيفنا ومزاجنا بدون تدخل من أحد ونسوي الي نحبة ونريدة

علي الباقر :: عمة انا أعتذر بالنيابة عن ابوي ولو للإعتذار ما يفيد بس لا تخافين بعد ولا تهتزين راح ترجعين وتعيشين ابيتج واذا بي خير عبد الحسن يوصل الج امس ماكو بظهرج احد بس هسة بظهرج 7 افحلة من السادة و 3 افحلة من الميرزا

بسمة :: ما راح اخاف حتـى الموت وانتم أولادي

الفاروق الأعظم :: راح نعوضچ عن كلشي يماه وراح تعيشين يمناا وما افارك عيونج بعد وأنتِ ما تعوفيني وحديي ولا تعوفين وهجتج

كام الفاروق الأعظم وكعد بالكاع وحط راسة على رجلين بسمة و وهج الطف حضنتها وكلنا الدمعة جانت بعيوننا

تركتنا لينا وصعدت لفوك ونحن ضلينا نسولف بالايام الكضت على خالتي بسمة وشلون عاشتهن والمعتز باالله جان منتضر يشوف نصيبة وين وهج الطف راح تترك خليفة لو لا !

وبعدها بنص ساعة علي السجاد لحگ مرتة واني كمت وكعدت يم هدهدي
" علي الهادي "

______________________★______________________

"""""" لـــيــنـا """"""

بعد ما سمعت كلام بسمة بقيت افكر انا نفسي الطفلة أليان الي اهلها ماتوا وأخذها سائد جبران رباها

انا نفسهاا الطفلة الي من صغرها فكرت الشيعة هم القتلوا اهلها شنو الطلع هسة ؟

ابوي سائد هوو القتل امي وابوي وحرمني منهم وخلاني اقتل تحرير و الحسن المجتبى هو سواني الوسيلة حتى يدرك ثأرة من السادة

انا جنت اسلاحة هناا الي دمرتهم وساعدت الرجال الي دمر طفولتي

لا لا لا لا لا لا لا مُستحيل يصير هيج لااا لاا مُستحيل هيج يسوي بية ابوي سائد مُستحيل يسوي بية هيج انا بنتة اناا لينا انا بنتة ليناا ما يسويي هيج بية

فتت لغرفتي واني مخلية ايدي على صدري والطمة ربدت الباب وراي والنفس ما يدخل لريتي اختنكت حيل كعدت على الجرباية واني احجي وي روحيي

ما معقولة انا الاطلع خطأ والسادة صح وسائد اكل بعقلي حلاوة وخلاني ضدهم

انااا شسوويت بروحيي ياالله ليش جنت بهي اللعبة ليش دخلت روحي ليش خليت ايدية تتلطخ بدم تحرير و الحسن وحتى طفلة غدير هي بذمتيي ليش هيچ يا الله

شأسسوي هسةة وين انطي وجهي من سودة بوجهيي كلشي جي يوصل لنهايتة ياالله كلشي صار بحافة النهاية وين اروح اذا عرفوا انا ورة موت اخوتهم ؟

شلون اخلص روحي من ايد البشير قيصر لو اخلص روحي من أيد غدير الله لو من ايد ألمعتز باالله لوو اخلصص روحييي من علي السجاد بكبرة !

زين اولاددييي علي التقي و علي النقي و نور الزهراء يمةة بياا عين يشوفوونيي اذا عرفوا حقيقية امهم ؟ شلون راح يضلون يحبوني مثل حب شبر و شبير لامهم شلووون ؟؟

ليش هييج سوويتت بروحيي لكك ليششش ليشش ليشششش

بديت أصرخ وافلش باغراض الغرفة وانا انكش بشعري والطم وجهي وفات علية علي السجاد ولزمني وهو يصيح علية

علي السجاد :: ليانتيي هي شبيج بوية هيي بهدايي اوكفييي

لينا :: ليش هيج يصير وياي ليششش وخر عني علي السجاد وخرر

- شأوخر ليانة اووكفيي ليش جي تسوين هيج ولج بوية الاطفال نايمين لا تخرعينهم بصوتچ اروحلج فدوة هي انا علي السجاد يمج حبيبج وزوجج شبيج يا امي وابوي انتِ

لزم ايدية حيلل ونزلهن وطبكني على صدرة وصار يمسح بعيوني ويعدل بشعري وهو يحجي وياي

علي السجاد :: شنو جي يصير وياج سولفيلي شبيج ليش هي الاضطرابات جي تطلع عليج راح تخوفيني اخذج لدكتور يروحي ؟ محتاجة علاج ؟ تردين انطيج عيوني كلبي روحييي شتردين انطيچ خاطر تصيريلي زينة ؟

لينا :: بس اريدك يمي

- وانا يمج وبروحج تعي ياروح علي السجاد وقزح عينة

حضنتة حيل وغمضت عيوني ووكفت عقلي لدقائق ولمن بعدني عن صدرة سحبني من ايدي ونام وخلاني انام على ايدة واخلي راسي صدرة وبدة يمسح على شعري ويسولف

وانا احس بالكلمات التطلع من حلكة وي النفس مالتة وصدرة يصعد وينزل

علي السجاد :: بعمري ماريد اشوفچ هيچي اذا ما تعرفين معزتچ بكلبي هسة اعرفيها ليانتي أنتِ كلشي بحياتي موش بس مرتي وام اولادي ابد لا تضعفين ولا تنكسرين وانا يمج تعالي الي واشمري روحچ بحضني وسولفي شكد ما تردين لا راح أمل ولا راح اكلچ كافي بلعكس راح ابقيچ أنتِ تسولفين وانا أبوس بخدودج وايدج واحلا ماعندي اسسمع صوتج وأنتِ تسولفين وياي

- سجاد لا تخاف علية انا جي يصير وياي هيج بسبب المنوم الجنت اخذة حيل قوي هو ولان هسة تركتة صار يلعب بهرموناتيي ساعة اضحك ساعة ابجي ساعة هيج ينتابني انهيار عصبي بلا شعور ولا احساس ماكو شيء تخاف علية لو يضل بالك يمة

- اخذج لدكتورة شلون ما اخاف ويضل بالي ليش مقللة من قيمة نفسج وقدرچ عندي لينا انا بدونچ وبدون اولادي ماعندي حياة والله أنتِ روحي وهم النفس مالتي

- وانا هم والله سجادي بدونكم ما اعيش واذا واحد بيكم اتاذة من ورايي والله اهون علية اكتل نفسي ولا اضل متحملة ذنبة كل عمري ماريد اشوفكم بس مرتاحين

- اشششش لا تجيبين طاري الموتت مستعجلة على افراگيي هااا

- هههه هو انا اكدر افارگك حتى استعجل

- ولا تكدرين نامي يلا ماريدج تضلين كاعدة وأنتِ هيج تعبتي وعيونج راحت على الخالي بلاش يابة والله هرمونات خــ،، على الهرمونات التسوي هيچ بمريتي

- باجر الصبح تلكاني كلشي مابية

- موش بس باجر كل ايامنا اريدج مابيج شيء ليانتي انا ما الزم روحي يمج وما اعصب ولا اصيح عليج خاطر ما تزعلين ولا تبجين تجيني هي الهرمونات المدري منين تنزلي دمعتج انعلچ ابوهن

- هههههه اروحلك فدووة سجادي والله انا بوجودك اصير بخير وحتى الهرمونات ما توصلي

- چا ماراح ابتعد عندج راح اعشعش وياج هناا

- ما اكلك لاا

- يلا نامي ليانتي نامي يابعد روحيي نامي يا كل وجودي

حطيت ايدي على صدرة وغمضت عيوني وصرت احلم بحياة أفضل أنا واولادي وزوجي عايشين ابيتنا ومرتاحين ما اخاف من باجر

ماعندي شيء اخاف منة واخاف ينكشف
حياة ماكو انضف منها اني عايشتها وي اهلي بس هذا حلم

بس افتح عيني راح اشوف تحرير بعيون البشير قيصر وراح اشوف الحسن المجتبى بعيون المعتز باالله وراح اشوف الامومة الراحت بعيون غدير الله

وراح اشوف بيتي الي حيطانة جي تنهار احجارة احجارة وأولادي مو إلي حتى اذا ردت اروح راح ياخذونهم منيي هي اذا خلوني عايشة

اذا ما جان مصيري " سجن النساء يرحب بكم "

غمضت عيوني ونمت ليوم يلمئة الخوف والقلق ولغد مجهول مادري شنو المصير الراح يصيبني بي وشنو الراح ينكشف بعد ؟

مصيري الأرمد الى أين ؟؟

______________________★______________________

"""""" عَــلي الباقــِر """"""

طلعت انا و علي الهادي و ألمعتز باالله من البيت ونحن ماا مدركين الصارر كلهذا من اخلاف أيد ابوي ؟

النار زادت بية وشلت شخصية السيد علي الباقر تربية احمد الصادق وخليتها بالبيت
وطلعت للشارع بشخصية عليي الباقر العطوانيي الشاگ الكاع وطالع

صعدنا بالسيارة انا واخواني ورحنا لمحل بعيد عننا ما يعرف نحن منو نزلنا اشتريت منة كم بطل نبيذ وكحول

وطلعت صعدت بالسيارة وانطيت الابطالة الى ألمعتز باالله ورحنا للبانزين خانة
نزلت واشتريت منهم كم بطل بانزين وخليتة بالجنطة مال السيارة

وهم جنت سابقاً متفق وي صاحب محل مخليلي عندة ابطالة كزاز فارغة مريت علية واخذتهن منة وطلعت للمكان الي متفقين انا و أصفاد ألحق الكاه موجود هناك

وأردف وياي ألمعتز باالله ..

ألمعتز باالله :: اكلك انا لحد هسة ماعرف شنو تريد تسوي شنهي هذا العرگ شنهي البانزين شكوو شراح تسوون ؟ لااا ما ترجيتها منكم ولكم انا المكسور انا الازم افكر بهذا الشيء موش انتم

علي الهادي :: شجاي تمسلت ؟

- شنهي ولكمم امسلتت بس لا تردون تسسكروون وبعدها تحركون رووحكم يعني هم راح تنتحرون وهم راح تروحون لربكم سگارة ؟ حتى الله ما يرضاها

علي الباقر :: ايييي حتى اذا جان اكو امل الله يغفر النا خطيئة الانتحار بس يشوفنا سكارة رئيساً لجهنم لا عقاب ولا حساب

- اذكروا الله اخواني الدنيا ما تسوى والله العظيم لا تخسرون دنيتكم هيچيي كاافي خلونا نذبهن شنهييي مخلين العرگ بحضني هسة يبااوعلي جديي ومتحلف بية وبس نموتت يطلعهن بينا وحدة وحدة

علي الهادي :: اشووو لااا الا يشوفك جدنا وأنتَ مخلي العرگ بحضنك علمود يعرف ناتج دلالة شنهي

- راح اشمرهن من الشباچ وسبـي زينب

علي الباقر :: اكضب الكااع ولك وهيد

- فهمونيي وين تردون طلعت وياكم قبل لا افهم السالفة

علي الهادي :: نوصل وتفهم حتى انا مادري شنهي براس علي الباقر

- والله انا من شفت علي الباقر طالع بسيارتة هي السودة غسلت ايدي كلت مصيبة وطركاعة راح تصير

علي الباقر :: وداعت عيوني ماكو شيء يخوف

- ههههييي حلف بدااعتت عيونة هادييي انزل انزلل ولك لا تنفجر السيارة بينا انا رجال بعدنيي حتى ما مكمل الــ20 من عمرري اريد اعيشش حياتي ما بايعهاا مثلك

علي الهادي :: واناا هم بعدني لا متخرج ولا فرحان بشهادتي ولا شايف اولادي بعدني صغير على الموت

علي الباقر :: اتبريتوا منييي هااا صارت اعماركم أهم مني ؟

- يخسي عمري ياخوة وحك حرگ اخيام زينب شمعة شبابي تنطفي تحت شسعك

علي الهادي :: وانـا هم اسنيني تروحلكم فدوة

علي الباقر :: لا تخافون ماراح اخسركم عمركم بلعكس راح اونسكم

- يا الله يا الله راح اتحمس واطكلي بطل اشربة ههههه

علي الهادي :: لا هي هيةة نرجعك للعلوية طاافي

علي الباقر :: علمود هي تطفي شمعة شبابة الــ 20 ههههه

- چاا ولكم اسكتوا ولا تحجون وياي مو مخلين البطالة بحضني وتحمسون بية

كملنا طريقنا ولكينا أصفاد ألحق منتضرنا ونازل من سيارتة وواكف يمها وكفت يمة ونزلنا ثلاثتنا ونزلت ابطالة البانزين و العرگ والابطالة الفارغة و الاقمشة

ونزلنا لحافة نهر دجلة بعيدين عن العيون حتى نكعد على راحتنا ونشتغل براحة وحطيت الغراض كدامهم وأردفت وياهم

أصفاد ألحق :: شنو نسوي هسة ؟

علي الباقر :: اسمعوني كلش زين علي الهادي أنتَ وصفدفد اكعدولي هنا وهاكم هي ابطال البانزين وهي الابطال الفارغة الاريدة منكم شوية شوية تفرغون من الابطالة هذني وتحطولي بالابطال الفارغة واريدكم تضغطونها حيل بالسدادة بحيث لمن اشيلها واشمرة اريدة يوكع و ينكسر وينثرلي البانزين لأبعد نقطة ممكنة ابسط صورة اريدة شبه ينفجر تمام

أصفاد ألحق :: سهلة تدلل

علي الهادي :: دقايق تلكاهن جاهزات

- زين تسوون تعال المعتز باالله وياي اكعد هنا شنو اريدة نفتح هذني ابطال العرگ وهاك هي الاقمشة اريدك تلفهن الي بشكل عمودي وتدخلة داخل البطل وتخلي شوي من القماش ضاهر شنو اريد اسوي لمن اشيل البطل مال البانزين واشمرة راح ينفجر وراح ينثرلي البانزين وبنفس الوقت راح نشعل هي الاقمشة المتبللة بالكحول ونشمرها بنفس القوة وتوكع بالمكان الوكع علية بالنزين وهي مشتعلة نار
وهيج اريدة يوج وجج المكان بالناار

أصفاد الحق :: هلاااا بطككك الناار والكززاازز ههههااهااييي

ألمعتز باالله :: راح تثبت مقولة نسوي ليلهم نهار

- والله لاحركم حرك لاخليهم صدك مايكدرون يرجعون خلي نكمل بسرعة يلا

كعدنا نشتغل ولمن كملنا انطيتهم العنوان الاول النريد نروحلة راح أصفاد ألحق و علي الهادي كدامنا وهم عدهم ابطال البنزين

وطلعنا انا و ألمعتز باالله بالسيارة وعندنا اقمشة الكحول

ولمن وصلنا للمنطقة دخلنا واتأكدنا محد طالع وماكو كامرات على السريع وكفنا كدام بيت صديقة أريج الله و أصفاد الحق و علي الهادي طلعوا عشرة من أبطال البانزين وشمروهن بكل مكان بالبيت من كل اتجاه مفتوح

والمعتز باالله جان لازم الجداحة واني انتضرت لحد ما كملوا أصفاد ألحق و علي الهادي اجوني اخذوا كل واحد بطل عرگ بي اقماشة وشغلهن النا ألمعتز باالله

وشمرناهن بالبيت وصار النارر لسكف بي حرگنا البيت حرگ عدلنا الثام اوجوهنا ولمن حسينة الجيران راح يطلعون ونحن مشعلين البيت من كل كتر ركضنا لسيارات وصعدنا وحركنا بسرعة

ورحنا للموقع الثاني وجان المعمل وكفنا كدامة ومثل ما سوينة بالبيت سوينا بالمعمل شمرنا ابطال البانزين ووراها شعلناه بس لان جان اكو كامرات زادت شغلتنا ان كعدنا نكسر الكامرات

ولمن اتاكدنا ان ماكو أثر ورانة حطينة وخطفنا رجلنا ونحن بالطريق طگ براسي اعلم عبد الحسن شوي واحرگ كلبة بجمرة وحدة

من الجمرات الي تركهن بكلب وهج الطف وعمتي بسمة كسرت طريقي ورحنا للمحل الجبير مالتنا الي هو رأس مالنا الأساسي

ولان أصفاد ألحق جان يمشي وراي من رحت بغير طريق راح وراي ولمن وكفت كدام محلنا الجبير ونزلت نزل المعتز باالله و نزلوا الي أصفاد ألحق و علي الهادي و بقيت اباوع للمحل واردفت وياهم

علي الباقر :: كم بطل بانزين باقي عندنا وكم بطل كحول ؟؟

ألمعتز باالله :: باقر هذاا مالكم وحلالكم

- انعل ابوه الحلال اليخلي صاحبة يشوف نفسة على الناس ويضلم وما يهتم

علي الهادي :: علي الباقر لا تتهور تونا شعلنا بالمعمل وهي خسارة جبيرة النا لا تورطنا اكثر لك نحن عايشين على هذا المحل لااا تنسى كل محلاتنا جي تصرف من هذا الأساس

- هاادي لو اعرف ناكل تراب بس وعيون أريج ما اخلييي لعبد الحسن

أصفاد ألحق :: اصبر علي الباقر أنتَ هسة صيطرت عليك عصبيتك خلينا نرجع للبيت اكيد هسة الاطفاء والشرطة اجت لموقع البيت و المعمل لا يلكفوننا ومابينا ننكر شم ريحتنا كلنا ريحة بانزين و عرگ .

- روحوا انتم وخلوني وحدي انا الي اشعل بي وامحي اسم عبد الحسن

علي الهادي :: كاافي علي الباقر لا تتخبل خيولي ابوك فكر بينااا هذاا حلالنا موش حلال ابوك وبس !

- وانا حلفت بعيون أريج الله ما يبقى هذا المحل عامر للصبح

المعتز باالله :: وانا وياك كسرة جبيرة لعبد الحسن لمن يشوف رأس مالة وجاهة ينهار واذا على الفلوس لاتنسون موش بس هذا الكم محلات ابوي ومحلات عمي كلهن تحت امركم

أصفاد ألحق :: ومحلات ابوي هم حلالكم وورثكم موش بس ورثي مثل ما سعيد ابوي هو ابوكم خلي علي الباقر يريح كلبة ويحرك هذا خلك محل بإسم عبد الحسن اما انتم يا علي الهادي ورثكم الدنيا والبيهاا

ابتعد عنيي علي الهادي وترك ايدي طلع أصفاد ألحق ابطال البانزين الجانن باقييات بس خمسة كسرنا قفل المحل وفتحناه و شمرهن داخل المحل
ورجعت انا والمعتز بااالله شعلنا الاقمشة وشمرناهن واتاكدت ان الخزنة اول شيء احتركت

حركت الدنيا عليهم شكو واحد فكر ياذي اختي

خلي جي عبد الحسن ويشوف افلوسة شلون النار اكلتهن الناار وحلالة كلة راح
كدام المحل ودعنا أصفاد ألحق وراح لوحدة بسيارتة

وصعدت ألمعتز باالله و علي الهادي ونضفنا السيارة كلها ورجعنا للبيت دخلت السيارة للكراج ورجعت غطيتها ولمن دخلت للبيت لكيتهم واكفين بالحوش

أردفت وياهم

علي الباقر :: هاا ما تردون تفوتون برد الجو !

المعتز باالله :: اشترريي بفلوس ساعات اشوف رد فعل ابوك من يدري المعمل ورأس المال راح من ايدية

- هههههه لا تخاف راح تكعد علية

علي الهادي :: اي والله خلينا نسبح وننام كم ساعة على الأقل لان باجر الصبح راح تقيم القيامة بالهول استودعكم الله انا

- القيامة بس بيد رب العالمين واليصير باجر كلش شيء عادي كرزات من الصبح يلا اعزيز انت هم روح اسبح ونام

ألمعتز باالله :: تصبح على خير

- وأنتَ اهل الخير كلة بعد اخوك

دخل ألمعتز باالله لجوة واني رحت للحديقة كعدت على المرجوحة وطلعت الجگاير وصرت ادخن وطلعت تلفوني لكيت طيبة الزهراء اولاين على الواتساب !!!!!!

الساعةة بــِ 3 الفجر وهي فاتحتلي نت اتصلت علية على النت لكيتة مشغولل؟؟

هه فووكاهااا هم الوقت متأخر وهم مشغول ست الحسن هلا هلا

دخلت للبيت بسرعة ووفتت عليها لكيتها نايمة وتحجي بالتليفون اول ما فتت درت وجهي عنها لبست حجابها ورجعت باوعتلها وخمشت التليفون من ايدها ولكيتها تحجي وي صديقتها " ليلة "

رجعت التليفون الها وهي ودعت صديقتها وعاطت بية

طيبة الزهراء :: ليلة احجي وياج بعدين حبيبي حيل تعبت وراح انام .. تصبحين على خير يروحي الله وياج
هي شبيكك شلون هيج تطب علية بهذا الوقت ؟؟

علي الباقر :: مادري فتحت تلفوني وشفتج متصلة وفوك هذا اتصل ويطلعلي مغلق عقللييي طاارر

- عبالك احجي وي آدم لو علي الصادق مووو ؟

- ماادررييي ماادرييي

- علي الباقر اذا ما واثق من حبي الك روح والله وياك انا اكتلي ولا واحد يشك بية

- طيبة الزهراء

- علييي علييي لا تضحك على عقلي وتكلي لا انا واثق بيج بس ما واثق من مراهقتج حفظتت هي القوانة مالتك غيرهاا مو بكل مرة نفس العذر

- وهذا الصدك ولحد الآن خايف وحتى أذا الله وفقنا وتزوجنا راح ابقى خايف منج ومادري بأي لحضة تكليلي طلگنــي

- عليي انا خليني احصلك لو تعيشـنـي بجهنم ماكلك على عينك حاجب

- ناامي هسة أتأخر الوقت وهي اخر مرة طيباات تبقين هيچ تحجين وي صديقتج حدچ للــ12 النت ينغلق وما ينفتح بعد

- صاار أنتَ من وين جاي شنو هي الريحة مالتك و عيونك متعوبات شبيك ؟

- مااكو بس عطلت السيارة وغيرت الدهن مالتها وحطيت بيها بانزين اتبهذلت احوالي هيج راح اسبح واصلي صلاة الليل وانام وأنتِ هم لو تنامين اذا ما جايج نوم ابدل هي كعدتج لا فايدة ولا زايدة اقريلج دعاء الفرج صلي ركــُـعـتين لتعجيل فرج صاحب العصر والزمان ونامي حتى تكعدين لصلاة الفجر يلا

- تمام يروحي

- سوي تنبه لتلفونج للاذان

- هم ان شاءالله

- تصبحين على ولاية المهدي ياصمام كلبي

- وأنتَ هم يروحها لطيبة

عفت طيبة الزهراء وطلعت برة رحت لغرفتي سبحت و غيرت ملابســي
وكعدت صليت وبقيت اقرأ قرآن لحد ما سمعت الاذان

كمت صليت الفجر ودعاء العهد قريتة وزيارة عاشوراء ولفيت السجادة

وشمرت روحي على الفراش ونمت بسبات والنار مخليها مشتعلة بيهم

وطلع الفجر والصبح وسمعت اصياح من جوة فزيت من مكاني طلعت من غرفتي لكيت علي السجاد و علي الهادي و المعتز باالله هم طالعين يردون يعرفون

الصياح صيااح امي وكفنا على الدرچ ولكيــنا امي بالصالة واكعة بالكاع وابوي هاد علينة مشتعل نار ومطلع حركتة بأمي ضاربها

وجان وجها يچري دم وهو واكف كدامهاا ولا مهتم ........................

علي الباقر :: يمةةةة لك عبد الحسن وعلي الا اضوگك نفس الضوكتهاا

علي السجاد :: عليييي الباااقررر اووكف

______________________★______________________

- شِجاب الضَرب لضلوعچ يَبعد الرَوح
أنا الـ بالروح كُلها تَلچمِت مَكانِچ
هذا الحَچي جِمرة و حرَگ دِلّالي
يَيمة بدموعچ تِطفى نار روحي

______________________★______________________

يَـــتـــبـــع 👈🏻👉🏻

13,854 کـــلمة

______________________★______________________

وَزاتــي 🎀🌿
لهنا وانتهى البارت 53 على موعدنا كُــل سبت بارت لان عندكم دراسة وانا عندي درسة وبنفس الوقت الــبارت 60 هو محطة النهاية و مُسك الختام

توقعاتكم وَزاتي تهمني وتفاعلكم بالتصويت والتعليق يشجعني
التعب علية والتفاعل عليكم

هذا حسابي الانستكرام للحب يضيفنـي

وهذهِ قناتي على التلكرام يوزرها « oo_ii13 »