تحميل رواية «احفاد رعد الجبالي» PDF

رواية احفاد رعد الجبالي الفصل الاول

رعد الجبالي كان قاعد على السفرة وهيبته ماليه المكان وقدامه زين وهلال ونادين اللي كانت جاية من القاهرة وكانت باينه عليها الضيقة وبعدها بصتله وقالت

نادين

أنا لازم أرجع القاهرة بالليل يا جدي هو لحد دلوقتي حضرتك ما اتكلمتش في الموضوع اللي جايبنا عشانه

رعد بص ليها وسكت شوية وبعدها قال

رعد

لا يا بتي ما هو اللي هقولهولك دلوقتي ما هيسمحش ليكي تفكري حتى إنك ترجعي القاهرة تاني ولا هتفتحي السيرة دي من أساسها

نادين

ازاي الكلام اللي حضرتك بتقوله ده ما انت عارف ان انا ما اعرفش أقعد هنا من غير بابا وماما وهم من زمان مش عايزين يرجعوا البلد هنا تاني بعد اللي حضرتك قولته ليهم زمان

رعد

اني ما بتكلمش عن أبوكي ولا أمك يا بتي أبوكي خلاص شبع فلوس وعاش حياته كيف ما هو عايز لكن انتي لو رايدة يبقى ليكي نصيب في ورثي هتفضلي إهنيه وما تفكريش في حكاية السفر دي خالص

هلال بص ليه وبعدها قال

هلال

والله يا جدي الكلام اللي بتقوليه ده اني مش فاهم منه حاجه زين يعني ايه يعني حضرتك ناوي تسيب الفلوس وتوزعها كيف ما ييجي وخلاص ولا الحكاية فيها حاجه تانيه

رعد هز راسه وبصله بنظرة قوية وقال

رعد

لا يا ولدي اللي ما عرفتش أصلحه من زمان هصلحه دلوقتي اني ما عرفتش أجمع عيالي حواليا ولا خليتهم يد واحده لكن هعرف أجمع أحفادي حواليا وهخليكم كلكم تحت عيني وفوسط داري

زين اتعدل في قعدته وقال باستغراب

زين

ايه الكلام اللي حضرتك بتقوليه ده يعني احنا اللي هناخد الفلوس وأبهاتنا وعمامنا ما يكونش ليهم حق في الحاجات دي ولا ايه بالظبط

رعد قام وقف وبعدها قال

رعد

بقولك ايه يا زين أبوك وعمك وعمتك خلاص ما بقوش رايدين مني حاجه وكفاية عليهم أكده اللي ضاع منهم ضاع لكن انتم لسه قدامكم العمر كله وانتم أكتر ناس محتاجين للفلوس دي ولو رايدينها يبقى هتسمعوا كلامي وتنفذوه بالحرف الواحد

وبعدها سكت لحظه وبص ناحية الباب وقال بصوت عالي

رعد

يا اسماعيل يا ولد ي اسماعيل

وفي ثواني دخل اسماعيل وجري وهو بيقول

اسماعيل

أمرك يا سعاده البيه خير إن شاء الله

رعد

طلعني على أوضتي فوق يا اسماعيل انا تعبان ومحتاج ارتاح شويه

نادين قامت من مكانها بعصبية وبصتلهم وقالت

نادين

هو انتوا ناويين تسكتوا على الكلام اللي بيتقال ده بجد معنى كده إن بكرة جدي هييجي يقولنا لازم تتجوزوا من بعض ولا لازم نعيش بالطريقة اللي هو عايزها وأنا مستحيل أوافق على أي حاجة تتفرض عليا بالشكل ده

زين بص ليها وهو متضايق من طريقتها وبعدها قال

زين

ما تحلميش أحلام بعيدة يا بنت عمي جدي عمره ما هيفكر في الحكاية دي وكل اللي في دماغه إنه عايز يحس إن أحفاده يد واحدة بعد ما عياله اتفرقوا وكل واحد بقى في طريق

هلال بص لزين وابتسم بسخرية وبعدها قال

هلال

لا والله اني شايف إن الحكاية مش أكده خالص ويمكن هي اللي نفسها في حكاية الجواز دي وبتلبسها في جدي من دلوقتي

نادين قامت وقفت بسرعة وبصتله بغضب وقالت

نادين

ايه الكلام الغريب اللي انت بتقوله ده هو انا شكلي واحدة فاضية علشان أفكر في الحاجات دي وبعدين انت فاكر نفسك مين أصلا علشان تتكلم عليا بالطريقة دي

زين

بس انت وهي كل واحد فيكم يروح يفكر هو عايز يعمل ايه ويرد عليا عشان أرد على جدي لما ينزل

هلال

واشمعنى انت إن شاء الله اللي هترد على جدي هو احنا ما نعرفش نتكلم عن نفسنا ولا انت من دلوقتي ناوي تعمل كبير عيلة علينا

زين بصله بنظرة جامدة من غير ما ينطق ولا كلمة وبعدها سابه وخرج برا الدار كلها

في الوقت ده كانت نادين طلعت أوضتها وهي متعصبة وقعدت على السرير وفضلت تبص من الشباك وهي بتقول لنفسها

نادين

يا ترى يا جدي انت مخبي ايه وناوي تعمل فينا ايه

أما زين فكان ماشي برا الدار لحد ما وصل للساقية القديمة ووقف يبص للمية وفجأة حس إن في حد واقف وراه فلف بسرعة وقال

زين

مين اللي واقف إهنيه وماله مستخبي أكده

الشخص فضل ساكت وما ردش علي زين قرب منه وقال بغضب

زين

رد يا جدع انت بدل ما تعرفش اني ممكن اعمل فيك ايه دلوقتي

وفجأة الشخص رفع إيده وشال الشال من على وشه وكانت بنت جميلة جدا واقفة تبصله بعيون مليانة نار

زين اتصدم وفضل يبصلها شوية وبعدها قال

زين

انتي مين ومالِك عاملة في روحك أكده وجاية إهنيه في نص الليل ليه

رحمة بصتله باحتقار وقالت

رحمة

مش قادرة أصدق إن حد من بيت رعد الجبالي يكون جبان وواطي بالقوة دي يضحك على بت غلبانة ويضيع عمرها وشرفها وبعدها يرميها كيف الكلب في الشارع

زين قرب منها باستغراب وقال

زين

اني مش فاهم منك كلمة واحدة اتكلمي عدل وقولي مين انتي وفيه ايه

رحمة كانت عيونها مليانة دموع وغضب وبعدها قالت

رحمة

اني رحمة الدهشوري أخت زينة اللي ابن عمك ضحك عليها وخلاها حامل وهي يا حبة عيني ما استحملتش كلام الناس ولا الفضيحة وربطت الحبل في رقبتها وخلصت من عمرها كله واني جايه إهنيه أصفي الحساب اللي بينا ومش ناوية أسكت غير لما آخد حقي بيدي

وفي اللحظة دي اتجمد زين مكانه وقال بصدمة

زين

مستحيل ابن عمي يعمل أكده انا عارف ان هلال مش جدع صحيح بس لا يمكن يجي علي حرمه واصل ويعمل فيها اللي بتقولي عليه ده

رحمه

انا هقولك علي كل حاجه حصلت وانا اعرف انك اكتر انسان كويس وعمرك ما تقبل بالغلط واصل

وبعدها بدأت تقول ليه علي كل اللي حصل

فلاش باك

رحمه كانت قاعده في الدار ودخلت عليها اختها وقالت ليها رحمه رحمه أول لما شافت زينه داخله ووشها باين عليه التعب والدموع نازله من عينيها قامت وقفت وحطت إيديها في وسطها وقالت

رحمه

حلوه قوي والله الحركات اللي انتي بتعمليها دي سايباني طول النهار مهدوده في الدار انضف واغسل واعجن واعمل كل حاجه وحضرتك ما اعرفش كنتي فين من الصبح لحد دلوقتي

زينه كانت عماله تعيط وبتبص في الأرض ومش قادره ترفع عينيها وبعدها قربت منها رحمه وقالت

رحمه

مالك يا زينه بس عماله تعيطي أكده ليه انطقي في حاجه حصلت ولا ايه

زينه زادت في العياط وكانت بتترعش وبعدها قالت

زينه

اني في مصيبه كبيره قوي يا رحمه ومش عارفه هخرج منها كيف

رحمه قلبها وقع من الخوف ومسكتها من إيديها

ودخلت بيها علي الأوضه جوا و بعدين قالت ليها

رحمه

اتكلمي إهنيه أحسن لأبوك يسمعك ويعرف إن في مصيبه مالك يا بتي انطقي خلصيني

زينه كانت بتعيط جامد وبعدها قالت بصوت متقطع

زينه

اني حامل

رحمه اتجمدت مكانها وعيونها وسعت جامد وبعدها قالت وهي مش مصدقه

رحمه

حامل حامل كيف يعني ايه الكلام الفارغ اللي بتقوليه ده انتي واعيه للكلمه اللي طالعه من بوقك دي ولا لا

زينه نزلت برأسها في الأرض وقالت وهي بتمسح دموعها

زينه

كنت فاكره اني بحب شخص محترم وكان واعدني إنه هيتجوزني ويدخل البيت من بابه بس اني انضحك عليا

رحمه قربت منها بسرعه وقالت بعصبيه

رحمه

مين الزفت ده انطقي وقولي اسمه

زينه كانت بتترعش وقالت

زينه

هلال حفيد رعد الجبالي كان واعدني بالجواز وكل يوم يقولي استني شويه لحد ما أظبط الدنيا بس أول ما عرف النهارده إني حامل قالي ماليش صالح بالموضوع ده وروحي شوفي حد يستر عليكي

أول ما سمعت رحمه الكلام ما حسيتش بنفسها وهي بتمد إيديها وتضرب زينه بالقلم وبعدها التاني وهي بتعيط وبتقول

رحمه

وديتي نفسك ووديتينا في ستين داهيه أبوكي عمل فيكي ايه علشان تعملي فيه أكده يا زينه قوليلي عمل فيكي ايه

زينه وقعت على الأرض وهي بتعيط وقالت

زينه

اني عارفه إني غلطانه والله العظيم عارفه ومش عارفه أتصرف كيف

رحمه كانت بتشد في شعرها من القهره وبعدها قالت

رحمه

اقعدي إهنيه وما تطلعيش بره الأوضه دي واصل لحد ما أشوف أبوكي ونشوف هنعمل ايه في المصيبه اللي نزلتيها فوق دماغنا دي

وبعدها خرجت رحمه من الأوضه وهي قلبها بيتقطع وكانت بتدور على أبوها في الدار وبعد شويه رجعت بسرعه وهي بتقول

رحمه

زينه افتحي الباب يا زينه علشان نتكلم ونشوف هنعمل ايه

لكن ما حدش رد

رحمه بدأت تخبط جامد على الباب وبعدها زقته بكل قوتها ودخلت

وفي اللحظه شافت اختها وهي كانت شنقاه نفسها وبعدها صوتت وقالت ليها

رحمه

زييييينه

وبعد شويه كان ابن عمهم اللي شغال في الطب الشرعي واقف بره الأوضه وبعدها راحتله رحمه وقالت وهي دموعها مغرقه وشها

رحمه

اني عارفه زين إنهم هيكشفوا عليها بالكامل الله يخليك اني مش رايده عمك يعرف إنها كانت حامل ولو عرف بالحوار ده هتحصل مصيبه كبيره ويمكن يروح فيها كمان

زين بص ليها بحزن وقال

زين

بس الواطي الخسيس اللي عمل فيها أكده لازم يتحاسب أكيد هي ما عملتش في روحها أكده من فراغ

رحمه مسحت دموعها وبصتله بعيون كلها نار وقالت

رحمه

اني هعرف أجيب حق أختي بيدي بس الله يخليك ما تخليش عمي يعرف حاجه واصل عن اللي حصل

وبعدها فعلاً اتدفنت زينه وأبوها ما عرفش الحقيقه

باك

رحمه كانت واقفه قدام زين ودموعها نازله وقالت

رحمه

دلوقتي بعد ما عرفت كل حاجه قوليلي يا زين هتفضل تقول إن ابن عمك ما يعملهاش برضك ولا هتساعدني أجيب حق أختي اللي ماتت مظلومه

زين

هو انتي عايزني اجيب حقها ازاي وانتي اصلا ضيعني

لو كنتي عايزه حق اختك فعلا كنتي بلغتي قبل ما تدفن

رحمه

هو انت فاكر ان عايزه حقها عن طريق المحكمه والبوليس لا انا عايزه حقها انك تشغلني في الفيلا عندكم مش رائده اكتر من أكده وانا هتصرف في الباقي

زين

انتي شكلك اتجننتي هو انتي فاكره أن ممكن اسكت أنك تعملي حاجه في أبن عمي لو ليكي حق خدي بالقانون انما لو زي ما انتي عايزه أكده يبقي مش هتخدي حقك واصل

رحمه

هو انت فاكر ان مقدرش اعمل فيه حاجه وهو برا الدار بس انا نفسي اشوفه وهو بيموت وبيتعذب قدامي ويبكون عايز روحه تطلع ومش هنوله الفرصه بسهوله

زين

والله لو فكرتي تعملي حاجه في أبن عمي متعرفيش انا هعمل فيكي اي غوري من وشي

وبعدها سابها ومشي وفي الفيلا كانت نادين منزله الشنط بتعتها وبعدها زين قرب منها وقال

زين

رايحه على فين كده يا نادين هو انتي مش ناويه تنفذي كلام جدك ولا ايه انت لو مشيتي من هنا فعلا اعرفي ان انت مش هتاخدي اي حاجه من الفلوس

نادين

المشكله ان جدك بيتكلم في وعدنا بطريقه الفلوس زي ما ابوك وابويا بيفكروا دايما وانا لا يمكن اوافق على الطريقه دي عارف لو جدك كان بيقول ان هو عايزني جنبه حب واحتواء انا كنت قعدت انما غير كده مش هقعد

زين

بس انا عايزك تقعدي هنا في الفيلا بجد حقك ولازم تاخديه وانا خابر جدي زين الكلمه اللي بيقولوا لازم ينفذها وانتي فعلا لو مشيتي مش هيديكي حاجه

نادين

على فكره ان هو عايز يعمله ده حرام جدا المفروض الورشه ما يتوزعش علينا احنا المفروض الورث يتوزع على ابهاتنا ولا انت مش عارف كده ولا ايه

زين

انا خابر جدي زين هيدينا فلوس بس عطيه مش ورث واكيد انتي عارفه الفرق بينهم العطيه مش حرام

نادين

بس هو عايز يحرم حد من كده وده حرام ابقي عرف جدك بالكلام ده انا ماشيه

وبعدها خرجت من الفيلا وكان هلال واقف وبعدين قال ليها

هلال

رايحه علي فين كده يا بنت عمي معقول مش عايزه تخدي الفلوس خلاص

نادين

سبت الفلوس للي عايزينها انا مش محتاجاها في اي حاجه ولو سمحت انا حجزت الطياره ومش عايزه اتاخر

اكتر من كده

هلال

اهدي بس تعالي انا هوصلك بالعربيه علشان خاطر ما تتاخريش المهم عندي مصلحتك يا بت عمي

وبعدها اخدها في العربيه وفي نص الطريق وقف مره واحده

نادين

خير انت وقفت ليه بقول لك عندي ميعاد طياره ومش عايزه اتاخر عليها

هلال

عايزه اتكلم معاكي شويه يا نادين مش عايز اقول لك انا معجب بيك ازاي شخصيتك قويه اوي ومش مدي

نادين

بقول لك ايه يا هلال انا قولت الكلام ده مره وانتم غلطتوني فين انا مش هتجوز من العيله انت سامع ولا لا

هلال

ومين اللي قال جواز بس احنا هنطلع على اي فندق دلوقتي ونقضي يومين حلوين مع بعض انا وانت وبعدها سافري زي مانتي عايزه

نادين

انت شكلك كده الكلام الفارغ اللي انت بتقول عليه ده هو انت ناسي ان انا بنت عمك ولا ايه

هلال

وايه المشكله يعني بس اوعدك انك هتكوني مبسوطه معايا جدا وانا بحجز فنادق غاليه مش بسترخص يعني

نادين

انت كلب و واطي وانا مش عايزه منك حاجه انا هنزل واخد اي عربيه

بعدها نزلت من عربيته وكانت واقفه وفي الوقت ده سمعت ضرب نار رايح على عربيه هلال وجريت عليه ولقت هلال مضروب بالنار

نادين

هلال قوم يا هلال اي اللي حصل ده ياربي

وبعدها مسكت التليفون واتصلت بزين وقالت لي

نادين

الحقني ياسين هلال اتضرب بالنار وانا في مكان ما اعرفش انا فين وبجد خايفه عليه جدا

زين قام من مكانه وقال ليها

زين

اهدي بس وانا هاجي لك على طول ابعتي لي اللوكيشن حالا دلوقتي

رواية احفاد رعد الجبالي الفصل الثاني والاخير

ومسافه الطريق وهكون عندك وفعلا نادين بتعمل كده وبتبعت اللوكيشن ليه زين اللي بقى ما فيش دقايق وبتلاقيه عندها

واول لما نادين بتشوف بتطمن وبتقول

نادين

كويس ان انت جيت يا زين انا خايفه اوي واللي مخوفني اكتر ان هو من ساعت الي حصل وهو عمال ينزف جامد انا مش فاهمه مين الي عمل كده فيه

زين

مش وقت الكلام اللي انتي بتقوليه ده المهم ننقذه الاول وبعد كده يبقى نتكلم ونفهم ظين اللي عمل فيه كده

وبعدها زين بياخد هلال وبيروح بيه المستشفي

.وفي الوقت دا بيكون زين واقف قدام الاوضه ومش مصدق كل الي حصل وساعتها بيقرب من نادين وقال

زين

انا عاوز اعرف هو انتي ازاي كنت مع هلال في الوقت الي حصل في الي حصل. هو انتي مكنتيش المفروض مسافره

نادين بحزن

فعلا كنت مسافره بس هلال اصر ان هو يوصلني للمطار انا عارفه ان ده ولا وقت ولا كلامه بس اللي اسمه هلال ده مش كويس وبجد انا مصدومه ازاي ان هو ابن عمي

واول لما نادين بتقول كده زين بيبص ليها باستغراب

زين

قصدك اي بالكلام الي انتي بتقوليه دا انا مش فاهم منك حاجه

نادين

انا هقولك وبعدها نادين بتقول ليه علي كل الي قالو هلال والي كان عاوز يعملو

واول لما بيسمع كده بيتصدم

زين

انتي متاكده من الكلام اللي قولتي ده عاد وان هلال كان بيفكر فيكي اكده

نادين

ايوه وبجد انا مصدومه فيه لحد دلوقتى ازاي يفكر بالطريقه دي سيبك ان انا بنت عمو ومن لحمو ودمو

بس بجد ازاي كده

زين فضل ساكت شوية وهو بيبص في الأرض وبعدها رفع عينه وقال

زين

والله العظيم يا نادين اني كنت فاكر إن هلال مستهتر وبس لكن عمري ما تخيلت إنه يوصل للتفكير ده واصل

نادين

وأنا كمان ما كنتش متخيلة إن واحد متربي معايا ومن دمي يفكر فيا بالطريقة دي وبجد انت متعرفش انا مصدومه في قد اي

زين

بقولك اي يا نادين انا هطلب منك طلب انا مش عاوز حد يعرف بلي عملو هلال

وعاوز الكلام ده يفضل بينا لحد ما هلال يفوق ونسمع منه هو كمان

نادين بضيق

وافرض بقا لو انكر ساعتها هتصدقني ولا هتصدقو

زين

اكيد انا مصدقك انت بس خلي كل حاجه في وقتها

وفي اللحظة دي خرج الدكتور من أوضة العمليات واول لما بيشوفو زين بيجري عليه وقال

زين

طمني يا دكتور بالله عليك هلال عامل دلوكتي اي

الدكتور

الحمد لله قدرنا نطلع الرصاصة لكن حالته لسه خطيرة ولازم يفضل تحت الملاحظة ادعولو

وبيروح مخلص كلامو وبيمشي

وساعتها نادين حطت إيديها على قلبها وقالت

نادين

الحمد لله انه بقا بخير انت متعرفش كان قلبي هيقف ازاي

وساعتها زين بيبص ليها باستغراب وقال

زين

معقول خايفه عليه بعد الي عملو معاكي والي قالو

نادين بحزن

علي ما قد ان مصدومه فيه ومش مصدقه ان كل دا يطلع منو بس برضو هو بن عمي وعمر الظفر ما يطلع من اللحم واكيد هخاف عليه وافرحلو لما يكون كويس اي المشكله في كده

وفي. الوقت دا بيوصل رعد الجبالي ومعاه إسماعيل

أول ما شاف زين قرب منه وقال

رعد

طمني يا ولدي كيف حال هلال معقول الي سمعتو وان هلال حد طخو بالنار اني اول لما سمعت الي حصل والحد دلوقتي مش مصدق ان في حد عاوز ياذي حفيدي

زين

هدي نفسك يا جدي الدكتور طلع الرصاصة وطمنا هيعدي شويه وقت وهندخل نشوفو

رعد

ربنا يقومه بالسلامة بقولك اي انت تقب وتغطس وتعرف مين الي عمل فيه اكده مش حفيد رعد الجبالي يحصل في اكده

زين

حاضر يا جدي من غير ما تقول حق ولد عمي انا هحيبو تعالي ريح حالك ومينفعش وجفتك دي اكده

وبيروح واخدو وساعتها بيكلم زين نفسو وجال

زين

اكيد مفيش الا الي اسمها رحمه هيه الي عملت اكده والله لو هيه اللي طلعت ليها يد في الي حصل محدش هيحميها مني

وبعد شويه بيروح زين عند رحمه واول لما بتشوفه بتقول بضيق

رحمه

خير يا ولد الجبالي اي الي حيبك اهنه مش صدقت ان ولد عمك ملاك بجناحين وكنت جاي افتري عليه

زين بحده

اني مش عاوز كلام كتير انا حاي اهنه علشان اجولك الي عملتيه في هلال ولد عمي مش هيعدي بالساهل وتارو محدش هياخدو غيري

وساعتها رحمه بتبص ليه باستغراب وقالت

رحمه

كلام اي الي انت بتتحدث عنو اني مش فاهمه حاجه واصل اني الي ليا طار عنديه وحالفه اني لا جاتله لا مجتوله وحق خيتي محدش هيخدو غيري

زين

وعلي اساس اني انا عبيط اصدق الحديث الماسخ دا واصدق ان انتي مطخطيش هلال وهو دلوقتي في المستشفي بين الحيا والموت وياك

واول لما رحمه بتسمع كده بتتصدم

رحمه

حديث اي الي بتتحدثو هلال مين الي طاخو اني معرش حاجه عن الحديث دا

زين وهو بيقرب منها وقال بحده

زين

علي اساس اني هصدق الحديث الي بتحوليه دا مفيش حد ليه مصلحه ياذي هلال الا انتي

رحمه

والله العظيم يا زين اني مليش صالح باللي حصل لهلال صحيح بيني وبينه تار كبير لكن اني لو كنت عاوزه اخد بتاري كنت هاخده قدام الناس كلها مش من وراه

زين بحده

وكيف اصدقك بعد كل اللي حصل

رحمه

لان الكدب عمره ما ينجي صاحبه واني عمري ما كنت جبانه علشان اضرب واحد من ضهره

وبعدها بتكلم رحمه بسخريه وقالت

رحمه

شكل ولد عمك حوراته واعره واعدائو كتير جووي علشان اكده هتلاقي في كل جحر تعبان عاوز يقرصو ويتخلص منيه

واول لما زين بيسمع كده بياخد بعضو وبيمشي وكلام رحمه في دماغو وقال

زين

معقول يا هلال كنا مخدوعبن فيك كل دا اني مش مصدق والله بيروح ماشي

وفي الوقت دا بيكون زياد بن عم رحمه واقف بره الدار واول لما بشوف زين خارج من الدار

وبيروح داخل بيت العم واول لما بيشوف رحمه بيروح ماسكها من شعرها جامد وقال

زياد

هيه حصلت يا فاجره عمي ميكونش اهنه وجايبه حبيب الجلب انتي متعرفيش اني هعمل فيكي اي

هدفنك مكانك

فعلا عمي معرفش يربي كل ولادو جلالات الربايه بصحيح

رحمه

وسع يدك يا زياد انت شكلك اتحننت حديث اي الي انت بتحولو اني رحمه البلد كلها تشهد باخلاقي واني مستحيل اعمل حاجه غلط ولو علي رجبتي

.زياد

وتسمي اي ان شاء الله ولد الجبالي هو خارج من الدار اهنه ولا انتي بجا لقيتي الي اختك عملتو زبن جولتي اكمل المسيره مش اكده

.رحمه .

اخرس بجااا وبكل حديثك دا وخيتي دلوقتي في دار الحق وميحوزش عليها الا الرحمه اني عارفه ان هيه غلطت لما عملت الي عملتو بس الغلط من الزفت هلال هو الي عشمها وبعد اكده خلي بيها واني مش هسيب حقها يروح هدر ومش هرتاح الا لما اغسل عارها بيدي وحقها يرجع

زياد

وطالما انتي بتقولي اكده الي اسمو زين كان اهنه بيهبب اي

رحمه

هلال انطخ اليوم وكان مفكر اني اني الي عملت اكده علشان كده كان جاي يتأكد وساعتها بتبص لزياد بقلق

رحمه

اوعي تكون ليك يد في الي حصل وان انت عملت اكده في ولد الجبالي علشان تجيب حق خيتي

زياد

كلام اي الي بتجوليه انتي شكلك اتجننتي هو انتي مفكره ولي اللي انا قتله قلت لها وانت ناسيه اللي انا دكتور قد الدنيا ومستحيل الطخ يدي بدم حد واختك هي اللي جابته لنفسها ما حدش قال لها تعمل اللي عملته ده

رحمه بضيق

لو سمحت يا زياد امشي من هنا عشان لو فضلت اكتر من كده تحصل مشكله ويا ريت بعد كده لما تتكلم علي خيتي تتكلم عليها بطريقه احسن من اكده. مش ذنبها ان هيه عشقت واحد خسيس

زياد

هو انت لسه بتدافع عنها بعد اللي هي عملته على العموم اعملي اللي تعمليه بس ما ترجعيش تعيطي علشان انت مش قد عيله الجبالي ولا قد وقفتك قدامهم واديني حظرتك

وبيروح مخلص كلامو وبيروح سايبها وبيمشي ورحمه بتقعد مكانها ودموعها بتنزل وبتقول

رحمه

انا قدهم وجدود واني مش هرتاح الا لما حق خيتي يرجع ومحدش هيرجعو الا اني والي يحصل يحصل

وفي الوقت ده في المستشفى بتكون قاعده نادين واول لما بتشوف زين بتروح مقربه منه بسرعه وبتقول

نادين

اختفيت فجاه ورحت فين انا من ساعه اللي حصل وانا مش عارفه اتلم على اعصابي بالله عليك حاول تشوفني اي توصيله تخليني ارجع القاهره انا مش قادره اقعد هنا اكتر من كده من بعد الي حصل

زين بضيق

هو انت شايفاني ده وقت تقول الكلام ده بقول لك ايه يا نادين انسي خالص موضوع رجوعك القاهره دلوقتي انا مش عاوزين المواضيع تتعقد اكتر من كده ولا جدي يتعب هو كمان خلينا في مركب واحده

نادين

كلام اي الي بتقولو انا مليش دعوه بالكلام دا انا اصلا كنت زماني في القاهره دلوقتي الغلط مني من الاول ان مشيت مع هلال

.زين

مش وقتو الكلام دا خالص انتي مش شايفه حاله جدنا عامله ازاي وعلي ما اظن اقل واجب مننا ان احنا احفادو نقف جنبو في وقت زي دا مش هنكون احنا وولادو عليه علي اخر الزمن

واول لما نادين بتسمع كده بتسكت وزين بيقرب من الجد وقال

زين

خلاص بقى يا جدو ما ينفعش قعدتك لحد كده تعالى لما اوصلك واول لما يبقى في اخبار هقول لك واجيبك هنا لهلال ما لهوش لزوم قعادك هنا

رعد هز راسه بتعب وقال

رعد

ماشي يا ولدي اني هروح بس اوعاك تغيب عني خبر واحد يخص هلال اني مش فاهم ابني فين ازاي يعرف بلي حصل لولدو لسه لحد دلوقتي مجاش

زين

هدي حالك يا جدي مش وقت حديثك دا والغايب حجتو وياه ولو علي هلال احنا وياه متخافش عليه اول ما يحصل اي جديد هبلغك على طول يلا يا اسماعيل تعالي ساعدتي ناخد الجد نروحو

وبعدها زين اخد رعد واسماعيل وركبهم العربيه وبعد ما اطمن انهم مشيوا رجع تاني المستشفى

اول ما دخل لقى نادين قاعدة لوحدها وعينيها كلها دموع زين قرب منها وقال بهدوء

زين

مالك يا نادين بتعيطي ليه دلوقتي مينفعش الي بتعمليه دا

نادين

حاسه ان كل اللي حصل بسببي لو مكنتش هلال وصلني كان زمانه دلوقتي في بيته ومحصلهوش حاجه

زين

بلاش تلومي نفسك محدش يعرف المكتوب وربنا وحده العالم مين اللي عمل فيه كده واني حاسس هلال لما يفوق هيجول الي عمل فيه أكده

نادين

بس قلبي مش مطمن يا زين حاسه ان في حاجه مستخبيه واحنا لسه منعرفهاش

زين

وانا كمان عندي نفس الاحساس وبالذات ان هلال طلع حوراتو واعره وكل حكايه اكبر من الي جبليها

واول لما نادين بتسمع كده بتستغرب كلام زين وقالت

نادين

قصدك اي بالكلام دا انا مش فاهمه حاجه مالو هلال وعمل اي تاتي

زين

انا هقولك علي الي عرفتو علشان تكوني في الصوره وتفكري وياي بس بالله عليكي اني مش عاوز حد يعرف بلي هجولو ليكي

نادين

ما تتكلم يا زين علي طول انت كده قلقتني بجد

وساعتها زين بيقول ليها علي الي عملو هلال في زينه وانها انتحرت بعدها

واول لما زينه بتسمع كده بتروح قايمه واقفه بسرعه وقالت بقرف

نادين

معقول الكلام اللي انت بتقوله ده بس انا مش مستغربه اذا كان هو عاوز يعمل معايا كده هيعمل ايه مع الغريبه بس اللي انا واجع قلبي عليه البنت الي راحت هيه والي في بطنها بسبب انها وثقت في واحد اعتبرتو راجل

زين

تعرفي انا من ساعه اللي حصل وانا مصدوم ومش مصدق ان الهلال عمله لحد دلوقتي وبجد متعرفيش انا كنت مخدوع فيه ازاي

نادين

وانت بقى ناوي تعمل ايه لما عرفت باللي حصل

زين

عاوزاني عمليه نادين هو برده ابن عمي وما ينفعش اذيه ولا اجي عليه

وبالذات اختها ضيعت حقها لما دارت كل حاجة

والله ما نادين بتسمع كده وبتقول بحده

نادين

قول اللي انت بتهزر صح يعني انت عارف ان الحق موجود وهتسكت عليه بقول لك ايه لازم هلال ده يقف عند حده الله اعلم ممكن ينذل كان بنت تانيه طالما ما حدش بيقول له الصح والغلط فين وحق البنت الي عمل فيها كده لازم يرجع

زين

هدي حالك بس ومش وقت الكلام اللي انت بتقوليه ده يفوق هلال وبعدها يحلها 1000 حلال

نادين

بقول لك ايه انت لو مش وقفت وجبت حق البنت انا اللي هقف واشوف البنت دي فين ومش هسكت لما احققها يرجع اديني قلت لك اهو

وبيقاطع كلامهم خروج الممرضه وهي بتقول

الممرضه

مين من اهل المريض هلال موحود

زين جري عليها وقال

زين

اني ابن عمه خير في اي

الممرضه

المريض فاق شويه لكنه تعبان جدا والدكتور قال شخص واحد بس يدخل يشوفه يطمن عليه ويخرج بسرعه

زين

اني هدخل

ودخل الاوضه ولما شاف هلال على السرير والاجهزه حواليه اتنهد بحزن

زين

حمد لله على السلامه يا ولد عمي انت متعرفش اني كنت جلجان عليك اد اي

هلال فتح عينيه بالعافيه وقال بصوت ضعيف

هلال

اني فين واي الي حصل اني مش فاكر حاجة اخر حاجه فاكرها اني كنت بوصل نادين

زين

مش وقت حديثك دا ارتاح دلوجتي وبعد اكده هنتحدث سوااا علشان ما تتعبش وكويس اني اطمنت عليك

وبيروح سايبو وبيخرج

وفي الوقت دا عند الجد كان بيكلم ابو هلال في التلفون وقال بحده

رعد

حديث اي الي بتجولو يعني اي مش جادر تسيب الي في يدك وتيحي تتطمن علي ولدك بجولك انو انطخ بالرصاص وانت بتتحدث للحديث دا

منصور

بقولك اي يا بوي هو انت مش ويااااه كفايه بقي وعلي ما اظن ان ا سامع ان انت هتدي كل حاجه ل حفادك يبقى انت اولى بيهم وشيلهم انت بقى ما ليش صالح بيه انا هقفل دلوقتي علشان ورايا اجتماع ومش فاضي ومتنساش ابقي طمني عليه

وبيروح قافل معاه وساعتها رعد بيتنهد تنهيده قويه وقال

رعد

عمرك ما هتتغير يا منصور انت ولا مرتك وكل الي بتفكرو فيها كيف تزودو الفلوس اما ولدك مبتفكروش فيه ربنا يهديكم وتفوقو وتعرفو زين ان الفلوس مش كل حاجه زي ما انتم مفكرين

وفي الوقت دا عند نادين اول لما بتشوف زين بتقول

نادين

طمني يا زين بالله عليك الدنيا عامله ايه وان هلال بقى كويس

زين

الحمد لله تعالى بقى نروح نطمن جدي عليه وبالذات ان هو ما لوش لزوم ان انتي تفضلي اهنه اكتر من اكده

وبعدها بيروح واخدها وبيمشو واول لما بيمشي بيظهر واحد لافف نفسو بالعمه ومش مبين من وشو حاجه وبيمشي بخطوات تقيله الي يشوفها تحس ان الروح هتتنقبض وبيروح مقرب من اوضه هلال

وفي الوقت دا هلال بيكون مغمض عيونه واول لما بيحس بحركه في الاوضه بيفتح عينو براحه وساعتها بيتصدم وبيبلع ريقو بخوف وقال

هلال

انت مين يا جدع انت وكيف تدخل الاوضه علي اكده عاوز مني اي

واول لما هلال بيقول كده الشخص بيشل العمه من علي وشو واول لما بيشوفو هلال بيتصدم

هلال

سيد انت اهنه بتعمل اي وعاوز مني اي وياك واي اللي اعرفك اللي انا هنا

.سيد

وطي صوتك وانت بتتحدث وياي انا جاي اهنه مخصوص علشان اجولك ان الي حصل فيك دا بسببي

واول لما هلال بيسمع كده بيتصدم

هلال

انت اتجننت وياك ولا شكلك شارب حاجه حديث اي الي بجولو انا عملتلك اي علشان تعمل الكلام الي بتجولو دا

سيد

هو انت مفكر لما تروح ل عتريس وتتفق معاه اول لما جدك يسلمك الارض هتبيعهالو واني مش هعرف تبقي عبيط هو انت مفكر علي اخر الزمن واحد زيك عاوزني ابقي مضحكه في البلد تبقي عبيط

واول لما هلال بيسمع كده بيتوتر وقال

هلال

انت فاهم الموضوع غلط اكيد الي وصلك الكلام دا عاوز يوقع بيناتنا

سيد

وعلي اساس ان اصدق حديثك دا اني شوفتك اكتر من مره واقف مع الي اسمو عتريس وتتحدث وياه

واعتبر دي قرصه ودن علشان متلعبش من ورا ضهري تاني سمعت علشان المره الجايه بموتك

وبيروح سايبو وبيمشي وهلال بيحط ايدو علي راسو وبيجول

هلال

يا وقعتك المربربه يا هلال هتتصرف في المصيبه دي ازاي ربنا يسترها علي الي جاي

وتاني يوم بيصحي زين وبيلاقي نادين قاعده مستنياه ولابسه واول لما بيشوفها بيقول باستغراب

زين

غريبه يعني صاحيه بدري ولابسه لو هتمشي اصبري شويه لما الدنيا تهدي وهلال يقوم بالسلامه وبعد كده امشي

نادين

انا خلاص غيرت رايي ومش هروح لاي مكان دلوقتي انا كل الي انا عاوزاه توديني علي بيت زينه عاوزه اتكلم مع اختها شويه

زين

هو انتي ناويه علي اي اتحدثي علي طول

نادين

بصراحه كده من ساعت ما عرفت بلي حصل وانا عنيا مشفتش النوم وانا مش هرتاح الا لما حق البنت الي راحت يجي

وساعتها بيبص ليها زين بذهول وقال

زين

معقول الحديث الي بتقولي معقول عاوزه توقفي مع الغريب قصاد ابن عمك انتي اكيد بتهزري صح

نادين

انا اتعودت ان اقف قدام الحق وابن عمي لو فضل كده ومعرفش الصح من الغلط الله واعلم هياذي كام بنت تانيه ولا انت ناسي الكلام الي هو قالو ليا

والي بيسكت عن الحق يعتبرك شريك معاه

واول لما زين بيسمع كده بيسكت شويه وبعدها قال

زين

عندك حق وبالذات مفيش طريقه هلال يرجع عن الي بيعملو الا اكده

وبعدها بيروح واخدها وبيروحو علي بيت رحمه

الي تفاجأ من الي حصل وبعدها قالت

.رحمه

بس اني مش عاوزه خيتي حد يجيب سيرتها بعدما راحت

نادين

انا عارفه ومقدره ان احنا في الصعيد والكلام دا بس حق اختك مستحيل يرجع بالطريقه الي انتي عاوزه تعمليها ويكون في دم بالعكس هتخسري حياتك ومش هتستفادي حاجه لازم تسمعي الكلام الي قولتلك عليه وتروحي تبلغي في القسم .

رحمه

ولو فعلا سمعت كلامكم وعملت اكده اي الي هيخلي هلال يقول علي نفسو ان عمل اكده في خيتي

زين

متقلقيش يا رحمه احنا وياكي ونساعدك في الحوار دا بس اهم حاجه يبقي جواكي مقتنعه بلي عاوزينو

رحمه

تمام اني موافقه بس القانون ياخد مجراه دا الي عاوزاع

وفعلا بعدها بتروح رحمه وبتبلغ علي هلال ان استغل قاصر وعمل الي عملو

وعند هلال بيلاقي الباب بيتفتح وبتدخل عندو رحمه واول لما بيشوفها بيتعدل وقال

هلال

واه واه ايه جمال معجول عرفتي بلي حصلي وجولتي تيحي تطمني علي تعالي اجعدي جاري هبسطك

وساعتها رحمه بتبص ليه بقرف وقالت

رحمه

حتي وانت اكده لسه متعظتش هو انت بجد عايش كيف اكده

هلال بحده

انتي اتجننتي يا بت انتي انتي مش عارفه زين بتتحدثي ويا مين انا هلال الجبلاوي الي الف واحده زيك نفسها تتحدث وياي بس

رحمه

واني مش جايه علشان اكده انا حايه علشان اخد حق خيتي منك ومن الي كان في بطنها

واول لما هلال بيسمع كده بيقول بسخربه

هلال

ويا تري اختك انهي واحده فيهم اصل من كتر البنات الي اعرفهم مبقتش متذكر

رحمه

حق زينه الي اتضحكت عليها وعشمتها بالجواز واول لما عرفت انها حبلي جولتها انك ملكش صالح بيها

واول لما بتقول كده هلال بيضحك ضحكه جامده وقال

هلال

انتي بجا اخت زبنه وانا برضو بحول الحلاوه دي شوفتها فين اختك الي عبيطه وصدقت كلمتين خايبين جولتهم ليها انا مالي وسيبك من كل دا الحي ابقي من الميت جربي أكده وتعالي وهقولك حديث يبسطك زي ما كنت بعمل مع خايتك

واول لما رحمه بتسمع كده مبتحسش بنفسها الا لما قربت من هلال وضربتو بالقلم

رحمه

حق خيتي هاخدو منيك وكل بنت اذيتها هياخدو حقهم منك

اتفضل يا حضره الظابط علي ما اظن سمعت وهو معترف علي نفسو ان عمل اكده في خيتي ودفعها للانتحار

واول لما هلال بيسمع كده بيتصدم وقال

هلال

مش هلال الي يتحبس لااا مش هقع الوقعه دي

وساعتها محدش بيرد عليه وبيىوجه واخدينو

وفي الوقت دا عند رعد الحبالي اول لما بيعرف بلي حصل بيتصدم وقال

رعد

يعني اي انتم السبب ان ولد ولدي يتحبس انتم شكلكم اتجننتو

زين

تصرفاته الي غلط واني متوعدش نشوف الظلم ونسكت عليه وبالذات مفرقش بين غريب ولا بعيد

تصور انو كان عاوز يعمل اكدخ مع ناديه

واول لما الجد بيسمع اكده بيتصدم وقال

رعد

الكلام دا صحيح يا نادين

نادين

ايوه يا جدي وانا لحد دلوقتي مش مصدقه ان هلال بالقذاره دي

زين

اني عارف ان انت زعلان بس مفيش الا الطريقه دي الي كانت تربي بيه هلال يا ريت تفهم ان احنا معملناش الا اكده الا علشان مصلحتو

رعد

سيبوني لوحدي دلوقتي يا ولاد عاوز اقعد لحالي

وفي الوقت ده بيدخل منصور

منصور

عملتها يا زين حبست ابني انا اكيد مش هسكت على اللي حصل ده كل ده علشان خاطر الفلوس وبس

رعد

اخرس قطع لسانك انا عارف ان زين لا يمكن يعمل الكلام الفارغ اللي انت بتقول عليه ده هو انت فاكره زيك كل اللي يهمه الفلوس وبس

منصور

لا والله احنا اللي كل اللي بيهمنا الفلوس وبس وانت كان زمان لما حرمتنا من كل حاجه وخلتنا نمشي من البلد من هنا ما كنتش بتفكر في الفلوس وبس

رعد

كنت عايزك تطلع راجل يعتمد عليه بدل ما انت كنت معتمد على فلوس ابوك وللاسف ما قدرتش اعمل الموضوع ده برده فضلت طماعه وطلعت ابنك طماع

وانت فاكر ان انا مصدق يوم ما ابنك وقال لي انه مش عايز يعيش معاك وعايز يعيش معايا انا انا كنت عارف انها لعبه منك

منصور

طب ارجوك رجع لي ابني وانا هاخده وامشي من هنا وبجد مش هرجع الصعيد تاني ولا عايز فلوس ولا عايز اي حاجه

رعد

ابنك غلط ولازم يتربى ل وانا لا يمكن اسكت على غلط ابدا اطلع بره يا منصور انا مش عايز اشوف وشك هنا وانا هديك فلوسك انا مش عايز فلوس ولا عايز اي حاجه

وبعدها منصور مشي بدا يفتكر اللي حصل زمان

فلاش باك

منصور كان واقف معاه هلال

هلال

ازاي ابويا عايزني اعمل الكلام اللي انت بتقول عليه ده بقى معقوله سيبك انت هنا في القاهره واسافر الصعيد عند جدي اللي حرمك من كل حاجه

منصور

اسمع الكلام اللي انا هقول لك عليه زين عايش معاهم وفهمه ان هو الانسان الوحيد المطيع دي وانا مش عاجبني الموضوع ده وعايزك انت تكون هناك وتاخد فلوسك زي ما هو

هلال

بتفتكر جدي يعني هيصدق الكلام اللي انا هعمله ده هو عارف ان انا ما بحبش الصعيد ولا عايز اعيش فيها وكل اللي يهمني الفلوس وبس

منصور

علشان الفلوس تكون موجوده وترجع لينا تاني لازم تكون موجود هناك

هلال

ماشي يا ابوي هروح ولما نشوف اخرتها هكون ايه

وبعدها راح وقال للجد

هلال

انا جيت يا جدي علشان اعيش وياك اهنه ومش ناوي ارجع القاهره واصل انا مش عايز اعيش معاه ابوي

رعد

والله يا ولادي لو ده كلامك بصحيح ياريت تعمل أكده انا هكون فرحان خالص

وبعدها دخل زين وهلال طلع علي اوضه

زين

هو انت مصدق يا جدي الكلام اللي هو بيقول عليه ده انا واثق ومتاكد كويس قوي ان دي لعبه من عمي

زين

والله يا ابني انا هعمل حاجه كده وبعدها هشوف ان كانت فعلا لعبه ولا حقيقه

وبعدها صبر كام شهر وبعدين بعد ل نادين وقال علي موضوع الورث

باك

وبعدها كان زين واقف معاه نادين وهي قالت ليه

نادين

متزعلش من جدك اني متاكده لما يقعد مع نفسه هيعرف ان احنا عملنا الصح

.

زين

سيبك من الحديث دا ناويه تعملي اي هتفضلي في الصعيد ولا اي للدنيا

نادين

لسه مش عارفه بس الي عاوزه اعملو دلوقتي ان انت تروح وتتكلم مع رحمه وتقول كل الي في قلبك ناحيتها

واول لما زين بيسمع كده بيتوتر وقال

زين

حديث اي الي تجوليه دا اني مش فاهم حاجه

نادين

لا فاهم كويس وبالذات عينك فضحاك وانا متاكده كويس ان في حاجه جواك ناحيتها

كفايه ان انت كنت هتتحن لما دخلت عند هلال ومكناش عاوزها تدهل الا وانت معاها

واول لما زين بيسمع كده بيسكت وبعدعا بتكمل زينه كلامها وقالت

زينه .

انا عارفه ان الموضوع مش سهل بعد الي هلال عملو

بس خليك فتكر ان انت ملكش ذنب في الي حصل وبالذات ان انت ساعدتعا ان هيه تجيب حق اختها

زين

انتي شايفه اكده

نادين

ايوه ومس شايفه الا اكده ويلا بدل ما حد يروح يتقدملها وتلاقيها اتجوزت وانت لسه قاعد تقكر

وفعلا بعدها زين بيروح علي هناك

وبعدها زين راح ل رحمه وقال ليها

زين

اني اول مره اخاف من حديث كيف اكده بس اني حبيتك من غير ما احس ولو توافقي اوعدك عمرك ما هتشوفي مني غير الخير

رحمه بصتله وابتسمت وسط دموعها وقالت

رحمه

واني من يوم ما وقفت وياي في الحق عرفت ان انت راجل وسيد الرجال واني مش اامن علي حالي الا وياك

زين

يعني لو اتقدمت ليكي توافقي عليا

رحمه

اكيد واحد زيك وقف معاه الحق علي حساب العيله انا أمن نفسي عليه

زين

ربنا يعلم انا حبيتك قد اي وقلبي اتعلق بيكي قوي قوي

رحمه

بس انت خابر جدك هيعمل ايه لما يعرف بالكلام ده واكيد مش هيوافق ان احنا نتجوز

زين

جدي بيحبني وانا عارف الكلام ده واكيد مش هيقف قدام مصلحتي سيبيني انا اتكلم وياه وبعدين نشوف هنعمل اي

وبعدها فعلا راح للجد وقال ليه

زين

انا عارف ان انت بتحبني واكيد هتكون مرتاح طول ما شايفني مبسوط مش كده

الجد

ربنا يعلم يا ولدي انا بحبه كلكم ازاي وكمان كنت بحب هلال واكيد زعلت علي اللي هو فيه

زين

بس هو اللي جابه ل روحه يا جدي ما حدش قال له يعمل ان هو عمله ده

الجد

سيبك من الكلام ده دلوقتي وقول لي انت عايز ايه

زين

انا بحب رحمه صحيح يا بنت فقيره بس قلبها كبير وطيب اتمنى ان انت توافق على موضوع الجواز ده

الجد

وانا ما عنديش مانع ولا دي طول ما انا شايفك مبسوط

زين

كمان عايز اتكلم معاكي حوار موضوع الورثه اللي انت عايز تقسمه ده حرام مش هيكون بشرع الله وشايف ان انت بلاش تعمل كده

رعد

وانت خابر ان جدك ظالم ولا ممكن يعمل اي حاجه حرام انا عمري ما كنت هنفذ الكلام ده بس انا كنت بقول كده عشان خاطر اخلي احفادي عندي

زين

احنا هنفضل معاك حب مش خوف يا جدي

على الميراث

الجد

اتكلم عن روحك يا ولدي لو انت كده انا عارف عمتك وعمك عمرهم ما يفكروا في الكلام ده

نادين دخلت وقالت

نادين

بس انا بعد ما شفت صوتك قلبك يا جدي وشفت حكمك في الدنيا انا هفضل على طول اسال عليك انا فعلا مش هقدر اعيش هنا علشان شغلي وحياتي كلها هناك بس هاجي لك من الوقت للتاني اطمن عليك ومش هسيبك ابدا لانك اعظم جد في الدنيا

زين

بس اكيد لو هتمشي مش هتمشي دلوقتي هتحضري فرح ابن عمك اللي هو زي اخوك مش كده ولا ايه

نادين

طبعا وهي دي محتاجه سؤال

وفعلا بعدها بيتجوزو وبيعيشو في سعاده ونادين بترجع القاهره وطول فتره والتانيه بتيجي تزور الجد الي خلا كل حاجه زي ما هيه وهلال بيفضل محبوس بسبب الي عملو