رواية احلام موجله الفصل السادس عشر 16 - بقلم الحساب مغلق

لعد شتصير منك مرت اخويه الشهيد جاوبوني بخطيه بعدها صغيره انداريت عليها اباوعها صدك خطيه الصار بيها بسببي اني وطيشي كان مفروض ماعوفها ولا اكطع اخباري عنها بدت المحاضرات وبين المحاضرات شفتها واكفه وي رفقه رحت عليها طبعا بيدي نستله وعصير شوي واجه هذا المكروه غسق

-حاسبني طفله واموت عليه من يحسبني هيج كلسا جايبلي نساتل يدري نقطه ضعفي شنو بس قطع نضراتنا حيدر اللي اجه يمنا جنت خايفه يعرف سرمد انه هو الوصلني وصار الخفت منه وكف شويه وكال حيدر -اسف البارحه اخرتها عالبيت بس والله ازدحام موتتنا تقاطع الفلكه ضلينا بي ساعه كامله غسق -قطب حاجبه متعجب سرمد -شنو ليش منو وصلها لغسق انت لو الخط الحجي وباوعت عليها خزرتها هي نصت خجلانه بسيطه غسق حيدر

_لا والله اني ورفقه  وصلناها وجان كلش ازدحام فما اجه الحجي سرمد -اي هاهي هي بعد متبقى بالجامعه الا ويايه ترجع حيدر _اشوفك هواي حريص عليها اني اختي مو حريص هلكد عليها خليها تعتمد عروحها حته تصير بميه رجال انت هسه موجود باجر عكبه تتزوج وتصير لمرتك هي مالها احد خل تعتمد عروحها سرمد -انت منو سمحلك تتدخل وشون عرفت هي ارمله تحترم نفسك لو اشوفك شي ميعجبك حيدر

-اسف تماديت من رخصتكم  باوعت لغسق كانت جدا خجلانه ومنصيه ابد مرفعت نضرها غسق -تمنيت الكع تبلعني متت خوف شحيخلصني منه حته وي حيدر راد يتعارك بارعلي بنضره قبل ليروح وكلي بهمس وعصبيه نص ساعه وانتي يم الباب مال كراج اومات موافقه وراح رفقه -تره حماج يحبج منتبهه عليه غسق -يله رفقه حرجع يروح يسويلي مشكله   رحتله وجان اعصابه نار سرمد

-اصعدي بالسياره بسع صعد وطلع بسرعه كبيره خفت عفيه سرمد اطبك تره كلبي حيوكف مجاوب ابد خابر صديقه وكله انت بالبيت وحاجاه اني جنت خايفه كلش من سياقته وصلنا لمكان طبك ونزل فتح الباب سحبني من ايدي قوي ونزلني وكلي يله كدامي طبينا لبيت صغير قريب عالجامعه ماعرف المن طبيت كتله بيتمن صاح بيه بيت صديقي فوتي خل اخاجيج لان مخازي اذا بالشارع صوتنا يطلع رح اخزيج فتت وركع الباب ورايه دفعني قوي وكلي احجيلي ويامن رجعتي البارحه احجي

كلشي صيح وعيونه نار خفت منه كلش جاوبت وي حيدر ورفقه وصل رفقه وراها وصلني الي صيح مره ثانيه بقيتو وحدكم بالسياره ووين كعدتي خاتون جاوبت من ذبينا رفقه نزلت كعدت يمه جان اكو عالطبله مثل المزعريه شالها وركعها بالكاع تفلشت وكال انتي وحده بله شرف وبس تردين تتزوجين حتموتين بله رجال مجاوبت بس عيوني جاوبت دموعي مسيطرت عليها للاسف خانتني رجع سالني شحجه وياج احجييي صاح اني بذيج اللحضه قررت اكوله كلشي شيصير خل يصير جاوبت محجه شي

سالني عليك وكتله رجع لان الجهال ببحدهم وعرف اني ارمله وهاهي تقرب مني خنكني ليش كتيله ارمله ليش عاجبج غمضت عيني ضل يخنك بيه لحد ما اغمى عليه محسيت على روحي الا واني بسرير ماعرف وين وحجابي مو عراسي وره شوي فات سرمد خليت ايدي عراسي سرمد

-هاج شربي هذا الدوه غسق -درت وجهي عنه ومجاوبت اريد ارجع للبيت مضل وكت سرمد -بعدها ب11 غسق -وديني اريد ارتاح سرمد -فد ساعه ونرجع ضلت تلح تريد ترجع واني اريد انفاهم وياها ببيتنا ماكدر اصيح امي تخترع